Ik Jordan van Neyndorp vnd myne Rechte erue(n) bekenne jndess(en) / opene brieue vor allen luden , dad yk afticht du vnd gedan hebbe / vnd verthye gentzliken , der ses hund(er)t m(a)rk dy my dy Radmann(e) / tu Czerwist wol betalt hebben , dy ses hundert m(a)rk hebbe yk af/geslag(e)n van den Seue(n)te vnde half hund(er)t m(a)rken dy yk hadde / andeme huse tu Lindow , Dad yk adder myne erue(n) vm dy ses hund(er)t / m(a)rk neyne ansprake mer vmme hebben willen ane allerleie inval / vnd argelist Tugetuͦchnisse hebbe yk dess(en) brif besegelt mit myme / Jngesegele , Gegeue(n) nach goddes gebort dritteinhund(er)t iar Jn / deme sesse vnd Achtichsten ia(r)e Jn Sente Lucas daghe des hei=/lig(e)n Ew(a)ngelisten