Wy Broder thiderik sperysern provincial der provincien tho sassen vn(de) dorynghen Broder thiderik van oschersleue / p(ri)or tho magdeborch Broder Johan vn(de) Broder Johan lesemeste(re) vn(de) broder Johan steynvorde supp(ri)or vn(de) broder mathes van / Cerwist vn(de) ghemeynliken de anderen co(n)ventes brodere i(n) der stat tho magdeborch der brode(re) der eynsedeler des orden sente / augustines . Bekennen ope(n)bar vor allen luden dy dyssen bref syͤn . horen oder lesen vm(m)e dy stede med deme ghebuwe / dy vns de vorsichtigen wisen lude dy ratman tu Cerwist . van der stad weghen cerwist . willen gheuen vn(de) antwerden . / met alzodanigher rechticheit vn(de) mechte alze sy dar an hebben . to eyme closte(re) to buwen unses ordens . oft wy des nicht / vort bringhen vn(de) overwinnen . bynnen dyssen neghesten tokome(n)den vyr Jaren na der tid alze dysse bryf is ghegheuen dat / wy dat closter buwen moghen . Jeghen allerman(n)ichliken dy vns dar an hinde(re)n oder hinde(re)n moghen met ghewalt oder met / rechte . so scal dy selue stede met deme ghebuwe der stad wedder behoren vn(de) ore wesen met aller vryheyt vn(de) gherechti=/cheit . vor vns vn(de) vnsen orden vnbehindert likerwys oft sy vns der ny tu ghelech noch ghegheuen oder vor heten hedden / Datum Anno d(o)m(ini) Millesimo tret(t)esimo nonogesimo . decima die me(n)sis maij Provincialis p(ri)oris (et) [...] sigil/lis ...