Med dissen we(re)n het dy stad thu C(er)wist di we van olde(n) ghehat . vn(de) mede beeruet sint . vnde vnse / hochgeborne he(rre)n . graue Segemu(n)de graue Albrecht hebben vns geredet . vnde gelouet . by aller / wonheit vryheit vn(de) rechticheit lathen . vnde thu bliuen . Icht wy der olden we(re) vnde vnse / wonheit vriheit vn(de) rechticheit icht neger sint thu beholdene . den [...] ¹ mant mit rechthe / ane thu sprekene . des blyue wy by deme rechte . dar wy thu [...]schop¹ mede beeruet / sint gerne irscheden .

vort hed vnse ghenedighe h(er)re ghescreuen . dat wy [...] ¹ med [...] ¹ disser vor ghescreue(n) / stucken . vnde artikeln hed vnse genedighe h(er)re [...] ¹ is / vns vnwitlik . vnde hed vns der bryue . vnde bewysynge [...] ¹ male . / dat hy vns dy bewisunghe . ny noch ny bewiset hed . vn(de) geopenbart icht wy icht negher / sint by den we(re)n thubliue(n)de . dy wy van oldere gehat hebben . vn(de) vnse he(rre)n . bit an disser / tid hebben by gelathen . vnde hebben . vns gheredet . vn(de) gelouet . dar by thu behaldene / vnde noch vns(en) genedighen wol thu gelouen . dat hy vns . by aller wonheit vriheit vn(de) rech/ticheit wil laten bliuen . vnde willen vns . mit den rechte dar in beeruet sint gerne la=/then irscheyden .