Wy her diderik prouincial her diderik prior vnd(e) dẏ gantze kouent des closters sancti Augustini eyn orde(n) / der Eremiten tu cerwest Bekennen indisme ope(n) briue . vor al den dy en syen ader hore(n) lesen dat / vns dẏ ersame(n) wisen Rathere(n) tu cerwest hebben eẏne cleẏne clocke geleghen vnd(e) dẏ sylue wart / mit eyner groter van nedelitz gehalet , wen dẏ vorg(ena)nten Rathere(n) dẏ clocke van vns wedder willen / hebben so scholen sẏ vns dat vẏrteynacht to vorne wethe(n) lathen So schole wi vnd(e) willen den rat=/heren dy clocke unuortegert vnd(e) su(n)der allerleige argelist wedder antw(er)den , Wẏret dat wẏ vorg(ena)nte / pr(oui)ncial p(ri)or vnd(e) gantze couent den vakeg(ena)nten Rathere(n) dy clocke byn(n)en den vyrteynachte(n) nicht / enantw(er)den alzo vor gescreue(n) steẏt so schole(n) vnd(e) moge(n) dẏ rathere(n) dẏ macht hebbe(n) sylue(n) dy c[l]ocke / weder tu halen ane vnser aller weder rede vnd(e) geuerde , dysse vorgescreue(n) stucke vn(de) articlen loue / wy her thiderik prou(i)ncial her thiderik prior vnd(e) gantze koue(n)t des closters s(anc)ti Augustini tu Cerwst / gantz stede vnd(e) vast tu halde(n) ane argelist tu orku(n)de so hebbe wẏ en dẏssen ope(n) bryff gegeue(n) mit / des proui(n)cialis vnd(e) des koue(n)tes Jngesegele besegelt dẏ gegeue(n) is na (cristi) gebort dritteynhu(n)dert iar / dar na indeme sees vnd(e) negentigeste(n) Jare an sinte Jacobes aue(n)de des hylgen Apostels