Wy Radman(ne) Schepen Inni(n)gesmeiste(re) vnde borgere gemeẏne der stad tu Cerwest Bekenne(n) in dissen open(e) brife / vor allen den dy on syn horen adir lesen dat Busze molre vns syne molne recht vnde redeliken het vorkoft / vm(m)e virtich mark vnde vm(m)e hundirt mark Cerwester weringhe mit eyne(n) perde vnde eyne(n) wagen vnd mit / sodan(ne) werde(n) vnde krechten 1 als sy an em gebracht js vnde busze schal dy molne vorw[e]sen buwe(n) vnde beter(e)n / war sy des behuͦvet als(e) he vor gedan het daruor schal he all(e) Jar der stad eyne mark geue(n) up wynachte(n) vnde dy / wyle dat Busze sin dink redeliken halt dẏ wẏle schal sin nymand vtmyden Wert nuͦ dat Busze sin dingk / vnredeliken hilde vnde dat wy uns adir vns(e) nakomeli(n)ghe dy molne weddir tuͦ vns neme(n) wolde(n) so schole wy em dat / eyn halff Jar tuuorn vor sente walpurge(n) dage vorkundige(n) Wert ok dat Busze dy molne nicht leng(er) vorwesen / wolde so schal he vns dat ok eyn halff Jar vor sente walpurge(n) dage tuuorn vorkundige(n) vnde schal vns den(n)e / dy molne mit sodan(ne) kreften vnde werde(n) antw(or)den als(e) sy an em gebracht Js deme so schole wy em drittich / mark betalen eer vd der molne tyet vnde dy ander teyn mark vnde hundirt schole wy vnde wille(n) em / betale(n) bynne(n) Jar vnde bynne(n) daghe als(e) dat gewonliken Js Wert ok dat wy dy molne weddir vorkopen / wolden so schole wy vnde willen sy buͦszen gunne(n) vor ymandes vm(m)e sodane pen(ni)ghe alse vorbenuͦmet Js / Dat wy disze stucke vnde artikel(e) stede vnde gantz halde(n) wille(n) des tuͦ eyn(er) openbare(n) bekentnisse hebbe wy / Busze(n) dissen Briff gegeue(n) Besegilt mit vns(er) stad angehangede(n) Jngesegil nach cristi gebort virteyn/hundirt Jar andem middeweke(n) vor g(re)gorij