Minen früntliken dinst touorn Ersamen gude fründe , Als ik Juw v(or)mals geschreuen hebbe / heth mẏ Nicolaus Jodeke dẏ tijt Juwe Statschriuer weder geschreuen gẏ willen / dẏ twelff schog to twen liuen Jerlikes tẏnses , vor hünd(er)t vnd teẏn schog , aller irst / vp sen(n)th michils dach , annemen vnd v(or)schriuen , Ersamen fründe , alse hebbe ik / Juw sodan(ne) gelt , van sen(n)th walborgen dage¹ wentoher g(er)ne na ge/holden vnd dü Juw witlik , dat vns die tijt wente vp michael(is) to erbeiden / nicht beqüeme is , dat ok vp sodan(ne) tẏt nicht willen v(or)schreuen nemen , sünde(r)n / dẏ helffte vp winachten nehst komende , vnd dÿ and(er)n helfte vp sen(n)th Iohan(n)is / Baptiste dach nehst komende vort ouer eẏ(n) Jar , Js Juw dat also to frẏue zo wil / ik Juw dat gna(n)te gelt vp sen(n)th Johan(n)is baptiste dach ouersenden , vnd / dar enbouen zo vele , dat gẏ vns na antal , vefteẏn ader Sestein schog v(or)schriue(n) / Js auer des nicht , zo wil ik sodan(ne) gelt vp dẏ gna(n)te tẏt wenden an steden dar / vns dat ok bequeme sẏn düncket , vnd begher(en) des Juwe endige antw(or)t , bẏ / dissem iegenwerdigen schriftlich , ader mu(n)tlich , Geschr(euen) am dornsdage na / Bonifacij vnder myne(n) Jnges(egil) Anno d(o)m(ini) (et cetera) xlviijº /

Jacobus werbick