Minen dinst met vormogende Alles guden thouorn eresam liuen h(e)rn Jk duͮ ¹ Jw thu weten vmme dÿ / schult dÿ mÿ Lucas Benedictij schuldich is det dar herkum(m)et van eime halffen Rinnde det ak² / det Jk om gedan hebbe wol ouͮer vyff Jar des gewan Jk om det gelt Aff met Rechte Alhir / vorder gehegeden Bank vnd Brochte dy schuͮlt inder Schepphen Buͮuͮck duͮnne ffent sick det / met mÿ Armme knecht Alzo det Jk vorder stad moͮsste duͮnne bleiff suͮlke gewunnen schuͮuͮlt / Anstan det Jk or met Rechte vordan nicht enne fforderde (et cetera) des hebbe Jk dy schult mÿnem / vadere gegeuͮen dy het den vorg(enan)ten Lucasse geladen thu syeser vor Recht dar vor Jwe liue / gescr[e]uͮen het Jndem gerichte des het mÿn vader Juͮwen lyuen Briff wol vornomen vnd(e) straffet / Juwes liuen Briffes nicht suͮnder Lucas Benedictij het Juͮwe ersamycheit dar deger vuͮnrecht / an vnderrichtet . wente mynen vader noch mÿ sint sulke pennighe noch nyͤ³ vornuͮget H[i]re vm(m)e / Bidde Jk Jw ersam liuen h[e]rn det gy voͤrder updÿ sake nicht en scriuͮen sunder derffart Jw / des An Juwer schephen Buck wat det wt wyset dar vp underwyset gÿ noch Lucas / Benedicte(n)se det hy myn vader noch duͮ wes hy om plichtich is van mynes wegen Alzo / vor Beruͮrt is so sal myn vader sodan laduͮnghe vm(m)e Juwer lyue wylle Affduͮn wat Jw / liuen h[e]rn dar Anne thusinne is³ scriuet mÿ wedder Gescreuͮen vnder my(nem) Sig(ele) thu tuͮge met / myner eigen hant des myddeweken vor valentini des heÿligen mertellers Anno d(o)m(ini) (et cetera) xluouº /

Hans wesenborch