Saken hadden de bescheiden de h(er)n vor ore borchgreue(n) dinge vnd(e) / forderden dar von om(e) recht dar ouer in felen saken in der schepen/buͦck in der tijd frede ouer geteikent is /

Jt(em) Jndem(e) Jar nach (cristi) gebort der my(n)re tal xlv vorhuff sik vn/wille twuschen eyme gn(an)t(en) hans bokener adder gn(an)t(en) hans / jesznitz vnd(e) was eynes lyneweuers sone geboren to Jhesznitz vnd(e) / eyme vnser borger(e) de ¹ gn(an)t(en) Andrewus Bernstorpp de sulue hans / Jhesznitz was to der tijd vnses h(er)n graue(n) Jurge(n) kentzeler vnd(e) / hogeste rad vnd(e) was by dem(e) gn(an)t(en) vns(e)m(e) h(er)n graue(n) Jurge(n) gantz / mechtich bouen alle sine mann(en) de sulue Johan Jhesnitz vor/hilt med recht vorsate tuschen kothen vnd(e) halle Jnvnses h(er)n / graue(n) Segemu(n)des gerichte vnd(e) vpp siner straten by pyten dem(e) / dorppe dem(e) gn(an)t(en) Andrewes Bernstorppe vnd(e) wolde den fangen vnd(e) / sluch oͤn med sime swerde eyne wunde in sinen kop dar thu / halp om eyn(e) gn(an)t(e) poel de waz to der tijd vnses h(er)n graue(n) Jur=/gen knecht vnd(e) sad vpp vnses h(er)n graue(n) Jurgen perd doch wen(n) / dar jvppe de tijd jtzwelke vnse borger jn dem(e) velde vppe de tijd by / de dem(e) gn(an)t(en) Johan Jhesznitze des nicht scaden wolden vnd(e) der gn(an)t(e) / Bernstorp muͤste dem(e) gn(an)t(en) Jesznitze vnd(e) sinen hulpere(n) med macht / entryden wedder na halle /

Jtem nach der schicht clagede Bernstorp sodan(n)e gewalt dem(e) rade / thu Czerwist de thu der tijd weren de sulue rad fugede sik bẏ / vnsz(e)n h(er)n graue(n) Jurge(n) sodan(n)e saken om(e) thu clagen sodanne / clage vns(en) gn(an)t(en) here(n) nicht sere a(n)name adder to herten toch / Sunder dem(e) gn(an)t(en) Jhesnitze gar sere by lach vnd(e) wes die rad / von breuen schrefft an vnsz(e)n h(er)n graue(n) Jurge(n) de briue openbar=/de vns(er) he(r) graue Jurge al dem(e) gn(an)t(en) Jhesznitze vnd(e) wes de mer / gn(an)t(e) Jesznitz deme rade vorantwerd schreff sodan(n)e sine antwerd / slot vns(er) he(r) graue Jurge(n) jnsine eygen(e) briue vnd(e) sante de dem(e) / rade So dat alles in den briuen i(n) sodanen saken ouer gesand so / de hir nach in den afeschrifften wol thu vorneme(n) is De briue so / luden vor Dat irste so de hir nach folgen