IN godes namen amen Nach deme de dingh de byn(n)en tÿden by / menschen gedencken geschen den jennen de darna komen in / vornemeliker kuͤnde nicht kome(n) moͤgen , de ding werden denn(e) / med schrifften nach orer vorlopinge beweret vp dat nuͤ ey(n) jowelk / de hir na jnthokome(n)den tijden tho des Rades stoͤel der werdigen / Stad Czerwest tho besitten erwelet werdt sodan(n)e jtzwelke geschich=/te de sick by menschen gedencken vnd(e) ok lenger byn(n)en vnd(e) ok / buten der stad Czerwest vns(e)n erffher(e)n vnd(e) ok burger(e)n vnd(e) dem(e) / rade tho Czerwest anlangeden vnd(e) ok ander mehr saken ander(e)n / luden anlangende dar ey(n) jowelk mach ey(n) exempel vnd(e) by teyken / an merken jnvornemliker kunde kome(n) mach vnd(e) erkennen / wes der gn(an)ten stad Czerwest vnd(e) jnwoͤneren dar van tho frome(n) vnd(e) / tho schaden komen sye vnd(e) efft sik sodan(n)e saken adder der glik / forder meher erhufen byn(n)en ader buten der Stad dat ey(n) jowelk dem(e) / des thu der tijd tho thunde wer(e) sik dar nach moge halden vnde / richten dar vmb(e) hebbe wy Radmann(e) tho Czerwest de thu der / tijd so man schreff Nach godes gebort mº cccc lj jar(e) by namen / hans bone . kem(m)erer(e) , jacob mesebergh , hans juterchow , hans / sluͤter , diderik duͤben , vnd(e) salmon herfard med hulpe vnd(e) ar/wisunge ander vnser medeborger(e) jtzwelke geschichte de by jtzwelker / vnszer erffh(ere)n hir nach geschreuen getijden vnd(e) mehir geschicht(en) / de van ander(e)n her(e)n vnd(e) vns(e)n guden ffrunden byn(n)en vnd(e) buten / der Stad Czerwest geschin sin laten jndissem(e) buke schriuen vnde / teyken so de hir nach folgen /

Vor dat jrste schal ey(n) jowelk weten vnd(e) in guder Andacht / hebb(e)n dat jnder tijd so man schreff Nach godes gebort (christi) mº ccº / lix jar(e) jndem(e) mane februare de wolgeborn Er Richard van / Czerwest thu der tijd ey(n) her(r)e dusser stad czerwest Dusse ewerdige / Stad Czerwest vnd(e) de jnwoner hefft gefryet va(n) allen tollen / van dem(e) mynsten wen vp dat groteste vnd(e) dar hefft der gn(an)te / her(r)e Er Richard va(n) Czerwest eynen gemeynen breff ouer / geuen de so ludet [Dominus ... lateinischer Text ... et cetera]