Den Erwerdigen vnd werdigen heren Ern Arnd(e) Treskow domprobst Ern Gerard(e) kuneken / Deken und Cappittel der kerken magdeborch vnd(e) den Ersame(n) wisen Radman(n)en Jnnigesmeist(er)n / vnd(e) Schepen der alden Stad magdeborch Entbide(n) wy Radman(n)e der Stad Czerwist vnsze bereide / willige vnd(e) fru(n)tlike dinste Erw(er)digen w(er)digen liuen h(er)n vnd(e) Ersamen wiszen besu(n)de(re)n gude(n) / fru(n)de wy schriben an juwe w(er)dicheit . vnd(e) Ersame liue dusse iege(n)wardigen etlike unszes Rades / ledemate vnd(e) medegeswere(n) Juwer w(er)dicheit vnd(e) Ersame liue Saken vnd(e) gewerff mu(n)tliken / va(n) vns(e)r wegen vor to geue(n) vnd(e) sodan met Juw Jn v(or)handelinge to neme(n) daran vns macht / gelegen is vnd bidde(n) Juwe gu(n)stige w(er)dicheit vnd(e) Ersame liue Jngangen besu(n)de(r)n flite By / willen dy gna(n)ten v(n)ses Rades medegeswore(n) wes sẏ an juw werffen vnd(e) mu(n)tliken vnserhalue(n) / vorbringen w(er)den Gutliken hore(n) , vnd(e) oͤn des genczlik(e)n vnd(e) getruwelik(e)n geloue(n) Glikerwisz offt / wẏ suluest personliken met Juw(er) w(er)dicheit vnd(e) Ersame liue To worde we(re)n Daran don [gy] / vns su(n)derlik(e)n wol to da(n)cke vnd(e) v(or)dine(n) dar vm(m)e Juwe gu(n)stige werdicheit vnd(e) Ersame liue to / aller tide willichliken g(er)ne Geg(euen) to Czerwist am(me) Dinsdage Na dem(e) Sondage letar(e)n vnd [med] / vnsen Secret(en) v(or)segilt Na godes gebort virtey(n)hu(n)dert Jar Dar Na Jm drẏvndvefftigesten