Wy Orban werbeck Servaciüs reppyn Merten rademeker vnd Borg(er) / paszewalk Schuttmeistere der loüeliken bruderschop sancti Sebastiani / jn der stadt Zcerwst Bekennen jn diesszem vnszern brieue vor vns / vnsze Nakomelinge vnd vor alszwem(m)e die ohn syhen horen add(e)r leszen / Dath die Dogentszam(m)e früwe Anna Jacob grufen szelig(e)r nagelaten / weddewen By vns vnnd vnszer bruderschop mith hünderth olde / schogken gekoffth heth vnnd(e) wy vorkopen jn vnd mit craffth / diesszes brieff(es) dar vor to bestellenn(e) ¹ By den Erhafftigen herrn / Besitter(e) des hus sancti Sebastiani jn der kerken sancti Nicolai hir(e) / suluest alle Jar Jerliken der wekenn(e) des middewekens eyne ghe/dechtnissze vnd memorien mith dem ambachte der hilligen / Mysszenn allen den lieuen sielen . die vth der gemelten fruwe(n) / geslechte syn vnd(e) werden vorscheyden , Vnnd szo auer dy myssze / alszo wu boüen berürt dorch vorhinderünge vnd ander be/swerünge vor gemelten heren nicht erfolget vnd geholdenn(e) / werde Szo Beholden wy vor vns vnd(e) vnsze nakomelinge die macht / die memorien By eynem(e) and(e)rn prister aüer den suluigen / altar sancti Sebastiani der vns dar to bequem(m)e is tobestellende vnd(e) / holden to laten vp dat der gedachten fruwen gudewille vnnd / v(or)dracht wü obgemelt nicht neddergeslagen Sund(e)r ane alle / hinderünge vnnd geüerde stede vnd fheste solle geholden vnd(e) / vollenbracht werdenn , Des to orkünde vnd Bekentnis hebbenn / Wy obgna(n)ten Schüttemeister vnsz(e)r Brüderschop Jngesigil an diesszen vnsz(e)rn brieff dhon hengen(n) Vnd Gegeüen Nach / Cristi vnszers h(e)rn gebort vierteynhünd(er)t dar nach Jm(me) Negenti/gisten Jar am(me) Mondag(he) Nach Joh(ann)is baptiste