Wie Borgermeistere Radtman(n)e vnnd Borgergemeyne der stadt Zcerwst Bekennen Jn diesszem vnszern apin / brieue vor vns alle vnsze nachkom(m)en vnnd ydermen(n)igliken die diesszen vnsz(e)rn brieff sehen horen add(er) leszen / dat wy mith eyndrechtliken Ripen Rade vnnd(e) vnsz(e)r aller weten vnd fulbort der dogentsam(m)en fruwen Metten / hanszen vm(m)endo(r)p(e)s szeliger nagelaten weddewen vnnd(e) nach orem(e) dode oren r(e)chten eruen add(er) wie diesszenn / brieff mith orem vnnd(e) orer eruen weten vnnd willen Jnne hefft viff rynsche guld(en) Jerlik(e)r rente vp / nati(vitatis) ma(r)ie nach dato diesszes brieff(es) Jerliken to geuene von vnsz(e)rn Radthusze vth vnsz(e)rn reydisten renten / schoten tynszen tofallen vnd vpboring(e)n vp eynen r(e)chten wedderkop vor hund(er)t rynsche gulden houetsum(m)a / v(or)kofft vnnd die alszo fort Jn vnsz(e)r stadt nüth vnnd(e) fromen wur vns des noth vnd behuff gewest is ge/kereth vnnd gewant vnnd(e) von ohn Jn eyner sum(m)en wol tor gnuge vnd(e) to willen entphang(e)n hebben / welke viff [rynsche] ¹ gulden² tynsze Wy obgnant(e)n Borg(er)meister Radtman(n)e vnnd(e) Borg(e)rgemeyne Reden vnnd glouen / der gnant(e)n fruwen vnnd nach orem dode oren r(e)chten Effte Jnnehebb(e)r desszes brieff(es) alle Jar up Na(ti)(vitatis) / ma(r)ie Jerliken nach giffte diesszes brieff(es) Jn der olden stadt Magdeborch unu(or)baden vnd vmbekum(m)erth all(e)r / gerichte gutlik(e)n to geuen vnd(e) to betalen Doch Beholden Wy gnant(e)n v(or)kopere Jn vnd mith crafft dusszes / brieff(es) die macht dat wy add(er) vnsze nachkom(m)en szodan viff rynsche guld(en) Jerlike tynsze mith hundert / rynsche guld(en) welk(es) Jares wy mogen add(er) willen wedd(er) aüekopen vnd fryen mogen Doch mith dem(e) / Bescheyde dat wy add(er) vnsze Nafolger der mehrgedacht(en) fruw(e)n Metten vnnd(e) Nach orem dode / oren r(e)chten erüen add(er) Jnhebb(e)r diesszes brieff(es) den wedd(er)kopeynn ferndel Jares vor Nati(vitatis) ¹ ma(r)ie / v(or)kundigen vnnd(e) dann(e) sodan viff rynsche guld(en) tynsze mith sampt den hundert rynsche guld(en) houetsu(mm)a / Ok v(or)seten tynsze Effte der welke hind(er)stellig gebleuen weren Entricht(en) vnnd(e) betalen sollen vnnd(e) / willen vnnd wanner solke entrichtung vnnd v(or)gnugung full vnnd(e) all geschyen is alszdenn(e) szo / sall diessz(e)r brieff machtlosz vnnd crafftlos syn vnnd blyuen To Orkunde vnnd Bekentnis hebben / wy mergnant(e)n Borg(er)meistere vnnd(e) Radtman(n)e der stadt Zcerwst vor vns vnnd(e) alle unsze / nachkom(m)en vnsz(e)r stadt Jngesigil an diesszen brieff laten hengen Vnnd Gegeuen Nach der / geborth vnsz(e)rs h(e)rrn Cristi vierteynhund(er)t Dar Nach Jn dem(e) Eynvnde Negentigist(en) Jar Am(me) / auende Nati(vitatis) ¹ ma(r)ie v(ir)g(inis) glo(rificatione)