Wy Borgermeistere vnnd Radman(n)e der Stadt Zcerwst Bekennen jn diesszem vnszen apin brieuͮe / vor vns alle vnsze nakomelinge vnnd vor alszwem(m)e die diesszen vnszen brieff sehen horen add(er) / leszenn Dath wy mith eyndrechtliken Ripen rade vnd gantzen wethen vnnd fulbort der / wittigisten by vns von vnsz(e)r stadt vnd gemeyn(de) wegen vor huͮndert rynsche gulden die vns / tor gantz(e)r gnuͮge betalet vnnd(e) forth Jn vnsz(e)r stadt witliken nuͮth gekamen synn rechtis / vnd redeliks kopes v(or)kofft hebben vnnd v(or)kopen Jn crafft diesszes brieff(es) dem(e) Erhafftig(e)n Ern / Bartoldussen radeke altariste der kerken vnsz(e)r lieuͮen fruw(e)n to halle vnd(e) deme adder / den diesszen brieff mith synen weten vnnd(e) willen Jnne hebben vier rynsche gulden add(e)r / szo vele w(er)diger vnnd(e) gengehafftig(e)r muͮnthe Jerliker rente die wy ohn von vnsz(e)r stadt ¹ schoten / Renten tynszen tofellen vnnd vpboring(e)n Wuͤr an die synn alle Jar vp sente Johanneszen / baptisten dach Jn der olden Stadt magdeborch vngehind(er)t vmbekum(m)ert vnd(e) vnuorbaden / von alszweme gutliken vnnd(e) ane geuͮerde gelden vnnd(e) betalen sollen vnnd(e) willen Doch / wenn(e) vns vnnd vnszen nhakomeling(e)n dat beqweme is Szo mogen wy die gedachten / vier rynsche guͮlden add(er) Szo vele w(er)dig(e)r muͮnthe (et cetera) Jerliker tynsze mith hunderth / rynsche guͮlden houetsum(m)a wedd(e)r kopen , Des wy dath dem(e) gemelten Ern Bartoldusze / radeke add(e)r dem(e) add(e)r den die diesszen brieff mith synen willen wu obgnant / Jnne hebben eynn(e) ferndel Jars vor(e) Szonte Johannes baptisten dach thouorn(e) vorkundi/gen vnnd(e) to wethen dhon , vnnd(e) ohn denn vp den suͮlven sonte Johannes dach dar / nehist folgende Jn der gnant(e)n olden Stadt magdeborch die hund(er)t rynsche gulden houet/geldes mith den plichtig(e)n Renten Jn eyn(er) suͮm(m)en fry vnnd von ydermen(n)igliken vnge=/hindert vnnd(e)vmbekum(m)ert wedd(e)r geuen vn(n)d betalen ahne alles geuerde vnd des / to glouffw(er)dig(e)r Bekentnis hebben Wy Erbenombden Borg(er)meistere vnnd Radtman(n)e / vor vns vnd vnsze Nhakomeling(e)n ohn diesszen brieff mith unsz(e)r Stadt Jngesigil / hir angehangen v(or)sigilt vnnd(e) Gegeuen vnnd geschr(euen) Nach Cristi geborth vnszers / h(e)rrn vierteynhuͮndert Dar nach Jm(me) dryͤvndenegentigesten Jar(e) am(me) dage viti