Wy Borgermeistere vnd Radtman(n)e Der Stadt Zcerwst Bekennen Jn diesszem vnszen / apin brieue vor vns alle vnszer nachkomelinge vnnd vor alzwem(m)e die diesszen vnszen / brieff sehin horen adder leszen , Dat wy mith eyndrechtliken Ripen rade gantz(e)n weten / vnd fulborth der wittigisten by vns von vnsz(e)r Stadt vnnd gemeyn(n)e wegen , vor huͮndert / rynssche gulden die vns tor gnuͮge gantz betalet vnnd forth Jn vnsz(e)r Stadt witliken / nuͮth vnnd from(m)en gekamen syn , rechtis vnd redelikes kopes vp lyffkop v(or)kofft hebben / vnnd v(or)kopen Jn vnd mith crafft diesszes brieff(es) Deme w(er)digen hern , Ern Niclauszen / ryman(n)e Domhern der hogen kerken magdeborch ffruwen metten hanszen gorren / eliken husfruw(e)n vnnd(e) Junchfruw(e)n leneken orer docht(e)r to orer dryer / lyuͮe die wyle sy alle drÿ addir orer eynn leuͮen achte rynsche gulden add(i)r / szo vele w(er)diger vnnd gengehaftig(e)r muͮnte Jerliker lyffrente Die wẏ dem(e) / mergnant(e)n Ern Niclauͮszen ryman(n)e ffruͮwen ¹ metten hannszen gorren eliken / husfruw(e)n syn Suͦster vnnd(e) Junchfruw(e)n leneken orer docht(e)r Die wyle sy / alle dryͤ adder orer eynn leuͮen von unsz(e)r Stadt Bereydisten Schoten renten / tynszen to sellen² vnnd vpboring(e)n wuͮ vpp vnsz(e)rm Radthusze die gefallenn / vnd war an die syn alle Jar na giffte diesszes brieff(es) vp Sonte walborgen(n) / dage Jn der olden Stadt magdeborch gutliken vnnd(e) wol to dangke ane / aller gerichte geystlik(e)r Effte wertlik(e)r v(or)hinderung Ok vnu(or)baden vonn(e) / mennigliken vnnd Sond(e)r eynige Jnsage vnnd alles geuͮerde Reykenn / vnnd(e) betalen sollen vnnd willen , Vnnd wanner diessze velbestymbde herr(e) / Er Niclaus ryman(n) fruͮwe mette syn sister vnnd(e) Juͮnchfr(uwe) leneke or(e) / dochter, alle von dodes wegen Dath goth tom besten wende , auͮegegan / syn , Dan vnnd nicht ehr , Szo sall diessze lyffkop vnnd v(or)schriuu(n)ge gantz / von vncrefften vnndmachtlosz syn vnnd blyven vnnd(e) Wy merbenomed(e) / Borg(e)rmeister vnnd Radtman(n)e vnnd vnsze nachkomelinge sollen solk(e)r / Achte rynsche guld(e)n add(er) Szo vele w(er)diger vnnd gengehafftig(e)r muͮnte / Jerliker lyffrente vnnd(e) hund(er)t rynsche guld(en) houetsum(m)a gantz qwydt / vnnd(e) leddich syn Des to grot(e)r o(r)kunde warer

bekentnis vnnd aller / stugke pungkte vnnd(e) artikel to vehster holduͮng hebben wy gedacht(e)n / Borgermeister vnnd(e) Radtman(n)e vnsz(e)r Stadt Jngesigil an diesszen / brieff laten hengen vnnd Gegeuͮen Nach Cristi vnsz(e)rs hernn geborth vierteynhuͮnd(er)t dar nach Jm(me) dryvndenegentigisten Jar am(me) / Dinszendage Nach Sonte marcuͮszes fyer des hillig(e)n Ewangelisten