Tho weten Dat vp hüde Sonnauͮende nach valentini Nach Cristi vnszers hernn gebort / Vierteynhundert dar nach Jm(me) dryͤvndenegentigisten Jar Wy Borgermeister vnnde / Radtmanne der Stadt Zcerwist vnsze mollen vor dem ankuͮnschen dore gelegen die wy / wanres von den v(or)muͮnden Grochwitzes nagelaten kynd(e)rn gekofft Dem(e) vorsichtigen / Clauszen seger synen eruͮen vnnd(e) erffneme(re)n vnszerm medeborg(e)r Mith aller vnnd Jeh=/liker tobehorung(e) Ok wes erdt vnnd(e) nagelfeste is , sichtkisten mathkisten mathschepel / vnnd(e) mathe vnnd(e) sund(er)liken dar to den garden dar jegen gelegen die des Radts / eygen v(or)mals gewest is , alszo dath die von der mollen nicht gesundt noch v(or)kofft szal / werden , Recht vnnd redeliken vor vierhund(er)t vnnd(e) achtentich rynsche gulden vor/kofft hebben vnnd(e) alszo die mollen vp solke pechte alsze wy dem(e) Junchfruwen(n) / clostre vnsz(e)r lieuen fruwen(n) alhir Jerliken dar von gegeuͮen Nemeliken achtehaluen / wispel roggen(n) vnd ford(e)r vp swyne mesten eyne gnante tall , vnd tydt , Wuͮ die an / vns gebracht vnnd von vns geschyenn is , Vp der Souͮensleper dage to betyhende / vnnd wy ohn die to ruͮmende vnnd der vierhund(er)t vnnd achtentich rynsche gulden / obinberurt Szollen Jn der betalung alszo geschyen Dath itztgedachte Claus sege(r) an / huͮndert rynsche guld(en) houͮetstuͦls alsze Dath w(er)dige Capittel der kerken sancti nicolai / vp dem(e) nyemargkte to magdeborch an der gedachten mollen hebben to betalende add(e)r / Sesz rynsche guld(en) tynsze dar von vp nati(vitatis) (cristi) to geuͮende schall geweszen syn / fford(e)r an huͮnd(er)t vnnd(e) viertich rynsche guld(en) alsze itztgna(n)te kerken vicarien dar von(n) / Souͮen rynsche guld(en) tou(or)tynszen , an vith mollers mollen Buten ankuͮn gelegen , / v(or)schreuͮen hebben , vnnd(e) dorch vit moll(e)r vp gnante vnsze mollen gebracht , gnant(e)n / herrn vicarien von Symo(n)is vnnd(e) Jude Jm(me) twey vndenegentigist(en) Jar(e) an , Bynnen / dren Jaren to betalend vnnd(e) vit moll(e)r der von syn(er) mollen to benemende Ok an huͮnd(er)t / old(en) sc(hilling) ¹ alsze andrew(es) walsto(r)p vp mergna(n)te mollen het dar von men sesz sc(hilling)¹ Jerlike tynsze / gifft vp walburg(en) vnd an veffteyn rynsche guld(en) alsze dat w(er)dige cappittel to sonte bartolo(mese) / alhir dar an heth mith ij sc(hilling) Jerliken vp walburg(en) tou(or)tynszen , Dar to hy vns reyde / auͮer hund(er)t r(ynsche) guld(en) gegeuen vnnd v(or)gnuget Dath alszo Jn der Sum(m)en vierhund(er)t vnd(e) viffe/vndedrittich guld(en) betalet , vnd wanner hy dan nhuͮ vp der Souͮensleperdage nehistkomende / Die mollen betyhet , wes an den vier hünd(er)t vnnd achtentich gulden houetgeld(es) hind(er)stellich / nemeliken viffvndeachtentich r(ynsche) guld(en) blyuͮet Schal von gna(n)t(e)n Clauͮsze sege(r) vnd(e) / synen eruͮen vns ane v(or)toch v(or)gnuget vnd(e) gegeuͮen werden , Ok wes an den obgna(n)t(e)n / Sum(m)en vp der mollen v(or)schreuen Weynig(e)r b[e]funden worde , Sal dat auͮerleÿe Na an=/tall der sum(m)en dar vor wy ohm die mollen v(or)kofft vns tofallen vnd(e) nicht schedeliken syn / Ok sall vnnd(e) Szal vnnd will mergnante Claus seger add(e)r syne eruen keyne nyeringe add(e)r vpsate an matten add(e)r mathe noch an mollen gelde hinder(n) / wethen vnd fulbort vnszers add(e)r vnsz(e)r nachkomen v(or)nemen noch gebruͮken add(e)r to tyhen / vnnd weret sake Dat Claus seg(e)r add(e)r syne eruͮen Die gnante mollen mith deme / garden alsze die dar von nicht gesandt noch getagen w(er)d(en) solle wedd(er) v(or)kopen word(en) Szo / sollen vnd willen sy mergna(n)te ore mollen vnd gard(en) wu sy die von vns mith der tobehoru(n)g / entphang(e)n , vns add(er) vnsz(e)rn nachkomen ane eyns yd(er)man weygerung vnd(e) behelp / aff wy add(er) vnsze nachkom(m)en die wedd(er) an vns begerend vnd hebben wolden , tho / kope angheuͮen vnnd(e) bieden vnd offte denne die mollen mith dem gard(en) v(or)gna(n)t von vns add(e)r vnsz(e)rn Nakom(m)en von ohn nicht angenhomen add(er) gekofft worde alszdan vnd(e) / nicht ehr mach Claus seger add(e)r syne eruͮen die eynen and(e)rn weme sy wille(n) / wol v(or)kopen vnnd v(or)laten , Dat alle stugke pungkte vnd artikel obinbemeldet keyns / vthgeslaten vndruglich ane aller Jnsage vnd geuͮerde sollen gehold(en) w(er)den hebben / wy Jn Byweszen Der Erszamen hanszen kleynsmede vnnd(e) Jorgen lyszen von weg(e)n / Claus segers die hy nefen sick gebeden diesszen recessz getwiffacht vnnd mith vnsz(e)rn / anhangende Secrete v(or)sigilt vnd eynen Clausze seg(e)r gegeuen vnnd den and(e)rn / vor vns vnd vnsz(e)rn nachkom(m)en behold(en) Gegeuen vnd geschreuͮen am(me) Jar / vnnd(e) dage obenbestympt