Wy Borgermeistere vnd radtman(n)e der Stadt Zcerwst Bekennen Jn diesszem vnsz(e)rn / apin brieuͮe vor vns vnszere nachkomelinge vnnd ydermen(n)igliken , die ohnn / Sehen horen add(er) leszen dath wy eyndrechtliken mith rypen rade weten vnnd / fulbort der wittzigisten by vns von vnsz(e)r stadt vnd gemeyn(n)e wegin vth vnd von / vnszer stadt Bereydisten renten tynszen Schoten vnd vpboring(e)n , wu die vp vnsz(e)rn / rathusze gefallen Dem(e) v(or)sichtigen Guͮnter Kruszen to magdeborch borg(e)r vnde / Eliszabeten syn(er) eliken husfr(uwen) to orer twyer lyuͮe die wyle sy beyde add(er) orer eyn(er) / leuͮen theyn rynsche guld(en) add(er) szo vele w(er)dig(e)r vnd gengehafftig(er) muͮnte vnd / nha orer twyer dode Marga(r)eten guͮnters syns bruder(s) dochter Negen rynsche / guld(en) add(er) szo vele w(er)dig(er) vnd gengehafftig(er) muͮ(n)te to orem eynig(e)n lyue , Jerlik(e)r / lyffrente , vp vnd to eynem rechten lyffkope Jn vnd mith crafft diesszes brieff(es) / vor huͮnderth rynsche guld(en) houͮetsu(mm)a v(or)koffth hebben , Die sy vns gantz tor / gnuͮge ful vnd all wol betalet vnd ouer gegeue(n) vnd wy die ford(er) Jn unsz(e)r / Stadt nuͮth vnd framen war vns des noth vnd behuͮff dede witliken gekart / vnd gewandt hebben , Die suluig(e)n theyn rynsche add(er) szo vele w(er)dig(er) vnd gen/gehafftig(e)r muͮnte gnant(e)n Guͮnter Kruͮszen vnd Eliszabeth syn(er) eliken husfr(uwen) / die wyle sy beyde add(er) orer eyn(er) leuͮen , vnd nha orer twyer dode marga(r)eten / gunters obgemelt Negen rynsche guld(en) guld(en) add(er) szo vele w(er)dig(er) vnd gengehafftig(e)r / mü(n)te Jerliker lyfftynsze , Reden vnd glouͮen wy gna(n)t(e)n Borg(er)meister vnd radtman(n)e / vnd(e) vnsz(e)r nachkomeling(e)n alle jar Nach giffte diesszes brieff(es) vp die hilligenn / pingesten Jn der old(en) stadt magdebo(r)ch gutlik(e)n vnd wol to dangke ane all(e)r geistlik(e)r / effte w(er)tliker gerichte v(or)hinderung(e) ok sund(er) Jnsage vnd geuͮerde to geuͮene / vnd tou(or)richtende , vnd wanner gedacht(e)r Gunter Kruͮsze , Eliszabet syne elike husfr(uwe) / vnnd(e) Marga(r)eta syns bruder(s) docht(er) alle von dodes weg(e)n dat goth tom(me) besten wende / auͮeghan vnd v(or)fallen syn , dan vnd nicht ehr szo sall diessze lyffkop vnnd v(or)schriuu(n)g / gantz von vncrefften syn vnd blyue(n) , vnd wÿ gemelten borg(er)meister vnd radt=/man(n)e vnd vnszer(e) nachkomelinge sollen solke berurden lyͤffrente vnd houetsum(m)a / gantz qwydt vnd leddich syn Des to Orkunde hebb(en) wy vnszer stadt grote Jn/gesigei an diessz(e)n vnsz(e)rn brieff laten heng(e)n vnd Gegeue(n) Nach Cristi vnsers / h(e)rn gebort vierteynhund(er)t vnd dar Nach Jm(me) viervndenegentigist(e)n Jar am(me) / middewek(e)n Nach vitij