Wie Borgermeister Rathmann vnde Borger Gemeyne Der Stadt Zcerwist Bekennen Jn diesszem vnnszem Briue vor vns vnde / Alle vnnsze Nakoͤmlinge vnde vor allen Die dieszenn vnnszenn Brieff Sihenn Edder hor(e)n leszen Dat wie Eyndrechtlicken met Rade willen / vnnde fulbort vnnszer aller vdt vnnszer stadt Bereidisten Renthen Tinszen Schote vnde vpboringen Deme Erszamen(n) Clausz fincken / Borger der Aldenstadt magdeborch lütken syner Eelicken huszfruwen to orer tweyer ¹ liue Die wielhe sie beyde leüen to Eyne(n) Rechten lieffkope / vorkofft hebbenn vnde vorkophen(n) Jn vnde met krafft Diesszes briües twintich Rinissche guͮlden Jerlicker lieffrenthe vnde Na orer twier / Dode valentino fincken syns bruders Szon vierteyn gulden to synem liüe vor tweyhuͮndert Rinissche guͮlden hofftsum(m)a Die sie / vns an bereidem golde gantz tornuͮge fulh vnd(e) wolh Betalet vnd(e) aüergeantwerdt Die wie dann(e) forder Jn vnnszer Stadt Nuͮtt vnde / framen gekerth vnd(e) gewendt hebenn Die suluigenn twintich gulden lieffrenthe Reden vnd(e) laüen wie Ergna(n)ten Borgermeister Rathman(n) / vnnde borger Gemeyne deme gna(n)ten Claus finckenn lütken syner Eelicken huszfruwen na orer twier dode valentino fincken syns bruders / Szone vierteyn Rinissche gulden alle Jar(e) na giffte diesszes briües upp Der hilge(n) dry koni(n)ge dach guͮtlickenn vnd(e) wol todancke ane aller gerichte / geistlicker adder wertlicker vorhinderünge Ok aller hern gebott unüorbadenn Szunder En(n)ige Jnszage vnde geüerde Jn der Aldenstadt / Magdeborch to Reickenne vnd(e) to bethalenne vnnde wannehr Diessze vorgemelten Claus fincke lutke syne Eelicke huszfraüwe vnd(e) / na orer twier dode valentino fincke synns bruders szonn van dodesz wegenn Dat got thom bessten wende vor(e)storue(n) vnd(e) auegegann / syn Dann(e) vnd(e) nicht ehr Salh diessze lieffkoph vnnde vorschriuü(n)ge gantz vnkrefftich vnd(e) machtlosz syn vnd(e) bliuen vns vnd(e) / vnnszenn Nakomlingen sulke twintich Rinisschegülden vnde na orer twier dode van valentinsz dode virteyn Rinissche gulden / Renthe vnd(e) tinsze vnd(e) tweyhundert Rinissche gulden hofftsum(m)a Gantz quyet leddich vnd(e) losz gestorue(n) syn vnd(e) bliuen Des / To groter Orkunde Steder vnd(e) vahister haldinge hebbenn wie Ergemelten Borgermeister Rathmann vnd(e)

w von gleicher Hand über der Zeile eingefügt

Borger Gemeyne / vnnszer stadt Grote Jngeszegell vor vns vnd(e) vnnsze Nakomlinge vnden an diesszen vnnszenn brieff witlicken hengenn / lathen Der Gegeuenn Na (cristi) vnnszers hernn Goddis Gebort Duszent virhundert darna Jm sesz vnd(e) negentigistenn / Jar am dinstage Na valentini Des hilgenn Merterers