Wie Borg(er)meister(e) Radtmann(e) vnde borger(e) Gemeyn(e) der Stadt Czervist Bekenne(n) Jnduss(en) / vnsen opennbriue vor alszwem Allen dy dussen vnsen brieff Sehn hornn / Edder lesen Dat wey eyndrechtlikin midt rade willen vnd vulbort vnser aller / vdt vnnd von vnser Stadt bereydistin renthen tinszen schoten vppberingen / vnd to fellen to eynem rechtin wedde kope vorkofft hebben vnd vorkopen / Jnn vnd midt crafft dusses brieues den Ersamen mathewese koke vnd / hansen krakowen vorstender vnd ald(er)luden der parkerken to sunthe / cristoffelli to egellen vnd otten Toyne otten vnd fricken lutken Janhe vor=/stender desz hilige(n) lichnams brud(er)schop Der suluen par(ker)ken vnd allen ornn / nahkomen viff rinsze guldin Jerliker renthe vor hundert guldin / houetsum(m)e Die sey vns vor nogeth vnd wey Die Jnn vnser Stadt beste / gekeret vnd gewanth hebbin welke viff gulden ierlike tinsz reden / vnd loue(n) wy gemelte borg(er)meist(er) radtmann vnd borger gemeyne Denn / Jcht gedachten vorstendern vnd or(e)n nakomellinge vpp behuff der sulue(n) / kerken vnd broderschapp alle iar na gifft dusses breues vpp phinxsten / Jn der alden stadt magd(eborch) unuortochlik an alle oren schaden to reyken to geue(n) / vnd to bethalen aller gerichte v(m)bekum(m)ert ock aller hern geboth / vnuorbodin ane list und geuerde Doch beholdin we gna(n)t(e) vorkoper / De macht indussem briue Dat we edd(er) vnse nakomellinge soden viff / guldin tinsze vnndt hunde(r)t rinsche guldin hofft sum(m)en welks iars we / konnen mogen wedd(er) auͮe kopen Doch midt solkem bescheide Dat / we edd(er) vnsze nakomllinge sodenn(e) viff guldin tinsze midt hunde(r)t / rinschin guldin houetsum(m)e ¹ Den gna(n)t(en) vorstende(r)n alterluden den / wedd(er) kop Eyn ferndel iars vor der tynsz tydt vorkundigen vnde / witliken [d]ohn vnnd na der vorkundunge Soden hunder(t) rinszche / gulden to sampt den tynsen vnd offt ock welke to geue(n) hinderstellich / vor bleue(n) weren gutliken wol to dancke tho uornoghin vnd tho be=/talenn vnnd wan denne sodenne bethalinge vorgerurtt also vul=/stendich gescheyn ist Dann vnd nicht eher Schal dussz(e) vnse / vor schrivinge vnd koͤpp brieff gantz machtelosz vnd vnnkrefftich / syenn vnd bliue(n) Alle puncta vnde artykelle dusses vnses brieues / Reden vnd loue(n) wy vell gemelten Borg(er)meister Radtmanne vnd / Borger Gemeyne vor vnsz vnd vnser nakomellinge Stede veste / vnnd vnuorruckt to holden Desz to orkunde vnd Steder bevestunge / hebben wy vorgna(n)t(e) vnser Stadt Grothe Jnges(egil) vor vns vnde vnser nakomlinge / vndin Andussen brieff midt guder witthschapph hangen / lathen Den Gegeue(n) Nach goddes gebordt Dusent veir hunde(r)t Dar / Na Jnn dem sesz vndnegentigestin Jhare am donn(er)stage Na dem sondag(e) / Exaudj