Wie Borgermeister Rathmann vnde Borger Gemeyne Der Stadt Czerwist Bekennenn Jn diesszem unnszem Apennen briuͮe vor / vns vnde alle vnnsze Nakomlinge vnd(e) vor allen Den Die diesszen vnnszen brieff Sihen adder horn leszen Dat wie Eyndrechtlickenn / met Rade willen vnd(e) fulbort vnnszer aller vdt vnnszer Stadt bereidisten Renthen tinszen Schoͤte to fellen vnd(e) uppboͤringen van / vnnszem Rathusze Alle Jar Jerlicken negen Rinssche guͮlden tinsze to Eynem Rechten wedderkopphe Deme Erszamen Cuͮnen Emden / Borger der Aldenstadt magdeborch synen Rechten Eruen vnd(e) Erffneme(re)n vor anderhalffhuͮndert Rinissche gulden hofftsum(m)a Recht / vnd(e) Reddellicken vorkofft hebben vnd(e) vorkopen oͤn die Jn vnd(e) met krafft disszes briuͮes welke anderhalffhuͮndert Rinissche gulden / wie van oͤm gantz tor nuͮge wol todancke Jn eyner sum(m)a entfangen vnd(e) Jn vnszer Stadt Nuͮtt Ere vnde beste wue des noit dede / wittlicken gekeret vnd(e) gewanth hebben Die suluigen Negen Rinissche gulden Jerlicker Renthe Reden vnd(e) lauen wie Ergna(n)ten / Borgermeister Rathman(n)e vnd(e) Borger Gemeyne Der Stadt Zcerwist Deme gedachte(n) Cüne(n) Emden syne(n) Rechten erue(n) adder erffneme(ren) / Alle Jar ierlicken vpp den Szondach Inuͮocauit Jn der Alden Stadt Magdeborch ane allen ore(n) schadin gutlicken woltodancke to Reicken / to geuen vnd(e) to bethalen Aller gerichte vmbekum(m)ert vnd(e) unüorbadin vor alszwem(e) Doch behalden wie gna(n)ten vorkophere Die macht / Jn diesszem briüe Dat wie sodann(e) negen guͮlden tinsz met anderhalffhuͮnd(e)rt Rinissche gulden hofftsum(m)a welkes Jares wie konnen / willen adder mogen welker aüekophen Doch alsze Dat wie dem(e) gnanten wedderkoph oͤnn Eyn ferndel Jares vor der tinsztied / vorkundigen vnd(e) wittlicken dhoͤn vnd(e) denn(e) Na Der vorkuͮnduͮnge Sodann Anderhalffhuͮndert rinissche guldenn to / sampt Den tinszenn vnde effte der ok welke hinderstellich vmbetaleth vnd(e) to geuen vorbleuen wern guͮtlicken wol / to dancke to Reiken(n) to geüenne vnnde thobethalenne vnnde wanner Sodanne bethalinge Der hofftsum(m)a vnd(e) ok der tinsze / Alszo geschien isz Dann(e) vnd(e) nicht ehr Sall dissze vnnsze vorschriuu(n)ge vnd(e) kopph vns vnd(e) vnnszenn Nakomlingenn / gantz machtlosz vornichtiget vnnde vnkrefftich syenn vnd(e) bliuen Alle puncta stucke vnd(e) artikelle Diesszes briües Reden / vnde laüenn wie velgna(n)tenn Borgermeister Rathmann vnd(e) Borger Gemeyne Der Stadt Czerwist vor vns vnde / Alle vnnsze Nakomelinge Stede vahste vnd(e) vnuͮorruͮckt tohaldenn Des To Groter Orkuͮnde Sekerheit Stede vnd(e) rechter / halduͮnge hebben Wie offtgemelten Borgermeister Rathmann vnd(e) borger Gemeyne vor vns vnnd(e) vnnsze Nakomlinge / vnnszer Stadt Grothe Jngeszegelle met vnnszem guͮden wetten willen vnd(e) fulbort vnden an diesszen vnnszen brieff hengenn / Den Gegeuenn vnd(e) Geschreuen nach Goddis Geborth duͮsent virhuͮndert Darna Jndeme Seszvnde negentigistenn Jhar / Dinstages Na vnnszer liuen fruwen Dach lichtmisszenn