Wier Borgermeister(e) Rathmann(e) vnd(e) burg(er) Gemeyne der Stadt / Czerwisth Bekennen Jndiessze(m) vnnszen apenne(n) briue vor vnsz vnd(e) alle(n) / vnnszenn(e) nachkomlinge(n) vor allen den die diesszenn vnnszen briff / Sehen adder horenn leszenn Dat wie mit eyn(n)drechtlickenn Riepe(n) / Rade wille vnd(e) fulborth vnnszer aller vdt vnde vann vnnszer / bereidistenn Renten tinszen Sc[h]oten vnde vppboringe vnd(e) to felle(n) / dem(e) Erszamen Czander brune Anen seyn(er) Elicke(n) hvsfrowenn / vnde noch erer twier dode Jacob Czander syeme sone Die wielle / orer eyn(er) adder sie beyde adder al drey leue(n) xiij Rinissche guld(en) / adder so velh werdiger mu(n)the to Eyne(m) rechten lieffkope vorkofft / hebbenn vnde vorkopenn Jn vnde met Crafft diesszes brieues / vor ande(r)halffhundert Rinissche guld(en) hofft sum(m)a die vnsz die gna(n)te / Czander bruhen Jn Eyner Sum(m)a wol to danke vornüget vnd(e) / bethalet vnd(e) wie die forder Jn vnszer Stadt nüth Ere vnd(e) beste / wu des noyt was wittlickenn gekeret vnde gewent hebbenn / welke xiij R(inissche) guld(en) Jeͤrlicken(n) liffrente Reden vnd(e) laue(n) wie vor/gna(n)te(n) Borgermester R(athmanne) vnd(e) borger Gemeyne all Jar(e) Jeͤrlickenn / vpp michahelis dem gnan(n)te(n) Czander brune Anen(n) seyn(er) Elicke(n) / huszfr(uwen) vnd(e) na erer twier dode Jacob syn Szone Jn vnnszer Stadt / Czerwist guttlicken wol to danke to Reykenn to geue(n) vnd(e) to / betalenn aller gerichte vmbe kum(m)ert ock aller herenn gebott / vnuorbadenn(e) vnd(e) wannehr diessze gnanten Czander brune / Ane syne Elicke husfrowen noch oren twier dode Jacob Czander / alle drie Jngot vorstorue(n) vnd(e) vorscheid(en) seyn dat got thüm beste(n) / wende vnde kere Dann(e) vnd(e) nicht ehr Scollenn sodann(e) xiij / R(inissche) guld(en) liffrente vnde ijc r(inische) gulde(n) hofftsum(m)a vnsz vnd(e) vnsenn / nakomlinge(n) gantz Endich queyt leddich vnd(e) losz vnd(e) dissze brieff / machtlosz seyn vnd(e) bliue(n) Des to Orkunde hebbenn wie vor/gedachtenn Borgermeister R(athmanne) vnd(e) burger Gemeyne vnszer Stadt / grote Jngesegell vor vnsz vnde all vnnsze nakomlinge vnden(n) / an disszenn vnnszenn brieff wittlicke(n) hange(n) latenn Den Geg(euen) / vnd(e) Nha (cristi) vnnszes heren gebort virteinhundert Dar nha / Jm sesz vnd(e) negentigistenn Jhar mondag(es) nha Gallj