Advitam Jn magdeborch Claus fincken /
Wie Borgermeyster Rathmann(e) vnde borger(e) Gemeyne der Stadt Czer/wist Beken(n)enn Jndisszenn vnnszem(e) briue vor vns vnd(e) alle vnnsze / nakomlinge vnde vor allen die disszenn vnszen(n) bryff Sihen ad=/der hornn leszenn Dat wye Eyndrechtlichenn meth Rade wille / vnd(e) fulbort vnnszer aller vdt vnnszer Stadt bereydistenn Renthe(n) / tinszen(n) Schoten(n) vnde vpboringen Dem erszame(n) Claus pfincken / borg(er) der Aldenstadt magdeborch lutten syner Eliken(n) huszfr[o]wenn / to orer twier liue die wille sie beyde leuen to eyne(n) Rechtem / lieff kophe vorkofft hebbenn vnde vorkopen Jn vnde met krafft / disses briues thwintich Rinissche gulde(n) Jerliker lieffrente na orer / twier dode valtin fincken virtein s(chilling) synenn liue vor tweyhundert / Rinissche gulden(n) hofft sum(m)a Die sie vns an bereydenn golde gancz / tor nüge fulh vnde alh wol betalet vnde auergeantwerdet die / wie dan(n)e forder Jn vnnszer Stadt nüth vnd(e) framen(n) gekerth / vnde gewenth hebbenn Die suluigenn xx Rinissche guldenn / lieffrenthe na orer twier dode valtin finckenn xiiii gulde(n) Rede(n) / vnde laüenn wie Ergna(n)t(en) Borg(e)rmeyster Rathman(n)e vnd(e) borger / Gemeyne dem gna(n)ten Claus fincken lutten syner Eliken(n) husz/frowenn vnde alle Jar na Giffte disszes briues vp lithmisszenn / gutlicken(n) vnde wol todancke ane alle gerichte Geistlicker edder / wertlicker vorhinderunge Ok aller hern(n) geboth vnuorbaden(n) Synnder / en(n)in(n)ghe Jnsage vnde geuer to betalenne vnde to Reykenne vnde / wanner disse vor gemeltin Claus fincke luÍ®tte vnde na orer / twier syns bruder son van dodesz wegenn dat got tom bestenn / wende auegegan syn(n) denn(e) vnde nicht ehr Salh disse lieff/kopp vnde vorschriuu(n)ge vnkrefftich machtlosz syn vnde bliuen(n) / vns vnd(e) vnszenn(e) na komlingenn(e) solke xx gulde(n) Renthe vnd(e) / ijc güldenn hofft sum(m)e gantz [q]wÿt leddich vnde losz gestoruenn(e) / syn(n) Des tho groter orkunde hebben(n) wy B(orgermeyster) Rathman(n)e vnde / b(orgere) Gemeyne vnnszer Stadt Grothe Jngesegel an disszenn briff hen/gen(n) lathen(n) Gegeuen(n) na Cristi Geborth vnnses her(r)nn virten/hunderth dar nach Jn Szesz vnde newgensten Jar Am mon/dage nha Anthony confessor(e)