Wie Borgermeister Rathmanne vnde Borgere Gemeyne Der Stadt Czerüest Bekennen Jnn vnde medt diessze(n) / vnnszem Opennen briue Bethugende vor alszwem Allen die diesszen vnnszen Brieff Sih(e)n edder hor(e)n leszenn / vor vns vnde alle vnnsze Nakomelinge Dat wie met Eyndrechtlikem Riepen Rade wetten willen vnde fulbordt / vnnszer aller vdt vnde van vnnszer Stadt bereidisten Renthen tinszen Schote vnde uppboringen wu die Namen / hebben mogen nichtes vdtgeslaten Den Erhafftigen vnd(e) Erszamen Mauricio vnd(e) michael gebruderen gna(n)t die / Alman(n)e hanszen Almans to disszer tiedt Schepphen der alden Stadt magdeborch Szouͮen , To orer twier liefen / Die wilhe sie beyde edder orer eyn leuͮen to eynem Rechten lieffkope Jerlicker lieffrente virtich Rinissche gulden / edder so vehl werdiger mu(n)the vor vierhundert rinissche gulden hofftsum(m)a v(or)kofft Die wie van gemelten Alman(n)e(n) / wol to dancke entfangen vnde Jn vnnszer Stadt merglicken nütt vnd(e) frame(n) wu des noit was wittlicken gekeret / vnde gewanth hebben Vorkopen on die Jn vnd(e) met krafft diesszes brieves . Welke viertich Rinische guͮldenn / Edder so velh werdiger mu(n)the reden vnde louͮen wie ergemelte(n) Borgermeister(e) Rathman(n)e vnd(e) Borgere Gemene / Den gemelten Mauritio vnde Michaelh alman(n)en Alle jar Jerlicken vpp Sunthe thomas des hilgen appost/tels dach Jn der alden Stadt Magdeborch vnuortochlicken wol todancke to Reiken to geuen vnde thobetalenne / Aller gerichte vmbekum(m)ert ok aller hern gebott vnuorbaden ane behelpp list vnde gericht(e) . Wenn(e) ok gna(n)tenn / Mauritz vnd(e) michaelh beyde Jngot von disszer werlde dodiszhaluen aüegegan vnde vorstorue(n) Dat goth / to Szalien stuͮnden friste Dann(e) vnd(e) nicht ehr Scholen vns vnde vnnszen Nakomlingen(n) sulke viertich / Rinissche guldin lieffrente vnd(e) virhundert gulden hofftsum(m)a Gantz qwit leddich losz vnd(e) enheym ge-/storue(n) syn vnd(e) dissze vnnsze vorschriui(n)ge vnd(e) brieff machtlosz bliuen(n) Des To Orkunde Steder vnde / vahster halduͮnge hebben wie obgena(n)ten Borgermeister(e) Rathman(n)e vnde Borgere Gemeine vnnszer Stadt / Grote Jngeszegell vor vns vnd(e) alle vnnsze Nakomelinge vndenan diesszen vnnszen brieff wittlicken henge(n) / lathe(n) Den Gegeue(n) vnd(e) Geschreue(n) Na Godd(es) gebort virteinhundert [jar] Dar Na Jn deme Seuͮenvnd(e)negentigste(n) / Jare Am Donnerdaage na lucie der hilgenn Juͮnckfruͮwenn