Wie Borgermeister Rathmanne vnde borgere Gemeine Der Stadt Czerwist Bekennenn Jn diesszem vnnszem briue vor vns / vnd(e) alle vnnsze nakomlinge vor allen den die diesszen vnnszen briff sihen hor(e)n adder leszen dat wie eyndrechtlicken met Rade / wille vnd(e) fulbort vnnszer aller vdt vnnszer Stadt bereidigsten Renthen tinszen Schoten vnd(e) uppboringe(n) deme Erszamen / hansze lichtenberge Jlszen syn Eelicken huszfrüwe To orer twier liüe to eyne(n) rechten liffkope vorkofft hebben vnd(e) vor/kopen Jn vnde met krafft diesszes briües Teyn Rinissche gulden Jarlicker lieffrente vorhundert Rinissche gulden hofft=/sum(m)a die sie vns an bereidem golde gantz vornuͮget vnd(e) bethalet hebben Die wie denn(e) forder Jn vnnszer stadt Nütt / vnd(e) frame(n) wur vns des noit vnd(e) behuff dede wittlicken gekert vnd(e) gewent hebben Die sulue(n) teyn Rinissche guld(en) / lieffrente Reden vnd(e) gelaüe(n) wie ergna(n)te(n) Borgermeister Rathman(n)e vnd(e) borger Gemeyne dem gna(n)ten hanszen lichte(n)=/berge Jlszen syn(er) Eelicken huszfruwe(n) alle Jar na giffte diesszes briuͮes vpp Sünthe vites dach Jn der alde(n) stadt Magdeborch / gutlicken vnd(e) to dancke ane alle vorhynderu(n)ge geystlicker Edder wertlicker gerichte Ok aller hern gebott vnuorbade(n) / Ane Jnszage vnd(e) geüerde to Reykenne vnd(e) to betalenn Vnd(e) wannehr diessze vorgna(n)te(n) twey perszone(n) van dodisz weg(en) / Dat got thom besten wende aüegegan vnd(e) vorstorue(n) syn Szo scholen wie der teyn gulden fort mehr to geüenne / vnuorplichtet syn B[e]sunder orer beyder kinder hannsz ore Szone vnd(e) marga(r)eten ore Dochter die nuͮ to der tydt am / leuende syn vorthen mehr schal man oͤn Szouen gulde(n) Reycken vnd(e) geuen(e) Die wielhe sie vnüorstorüe(n) edder eyn an / deme leuende sie Szo lange sal sulke lieffkopp vnd(e) vorschriuen(e) Jnkrefften stan vnd(e) weszen ane geverde wenn(e) denn(e) / die merbenomden vier p(er)sonen wu vorgeschreue(n) isz vorstorue(n) vnd(e) von dodeszhalue(n) vorfallen syn die got na syne(n) / willen friste Dann(e) forder so schall die lyeffkopph vnd(e) vorschriuu(n)ge Crafftlossz vnd(e) vornichtiget bliue(n) gentzlickenn / Ane alle geüehrde vnd(e) dat wie Borgermeister Rathman(n)e vnd(e) borger Gemeyne vnd(e) vnnsze Nachkomen(e) scholle(n) / solke teyn Rinissche gulden lieffrente vnd(e) hundert Rinissche gulde(n) hofftsum(m)a gantzs qüyet ledich vnd(e) losz sein vnd(e) / bliuen Des To Groter orkuͮnde hebben wie Borgermeister Rathman(n)e vnd(e) Borger gemeyne vnnszer Stadt / Grote Jngesegeil vnden an diesszen vnnszen brieff wittlicken hengen(n) lathen Den gegeue(n) Nach Cristi vnnszers / hernn godd(es) gebort Duszent virhundert vnd(e) Jn deme Szouenvndenegentigsten Jare am dage Szunth vites / des hilgenn Merterrers