Wye borghermeister rathmanne vnde borger gemeyne der Stad Czerwist / bekenne Jn düssem vnszem breiüe(n) vor vns vnde alle vnsze nakomlinge / vor allen den die disszen vnszen brieff Sihen horen edder leszen dat wie / Eyndrechtlicken met rade vnde willen vnde fulbort vnser aller vdt vnszer / Stadt bereÿdisten renten tÿnsen Schoten vnde vp boringhe(n) Dem Ersame(n) / Hans lichte(n)barch Jlszen syner Elicken hüszfroüwen To orrer twier liüe / To eyn(n)e(m) rechten lieffkope vor kofft hebben vnde vor kopen Jn vnd(e) met / Crafft düsses breües teyn rinissche gülden Jarliker lÿffrente vor hündert / rinissche gülden hofft sum(m)a die se vns an bereidem golde gantz vornüget / vnde wol betalet hebben Die wir denne forder Jn vnnszer Stadt nüt / vnde frome(n) war vns des noit vnde be hüff dede witliken gekeret vnde / ghe went hebben Die sulüigen teÿn rinissche gulden lieffrente reden / vnde gelaüe(n) wie Ergna(n)te(n) borgher Meÿster rathman(n)e vnde borgher / Gemeyne dem Hans lichte(n)barch Jlszen sÿner Eliken huszfrouwe(n) Alle / Jare na Giffte düsszes breües vp Sünte vites Dach Jn der Alden Stadt / Magdeborch gütlicken vnde to dancke ane alle vorhinderinghe geistlicker / edder wertlicken gerichte Ok aller heren gebot vnneverboden ane Jnsaghe / vnde geuerde to reickene vnde to betalenne Vnde wanner dissze vorghe=/na(n)ten tweÿ p(er)sone(n) van dodes weghen Dat got thom besten wende aüe=/gegan vnde vor storüe(n) syn So schulle wÿ der teyn gulden vortmer to ghe=/üe(n)de unvorplichtet syn Jt(em) besü(n)deren orrer beÿder ky(n)der hans or / sone vn(de) marghareta or dochter De nü to der tyd an dem leüe(n)de syn vort / hen mer schalme oͤn saüen rinssche gulden reÿken vn(de) gheüen De wile se / vn vor storüe(n) edder ey(ner) an dem leüe(n)de sÿ So langhe schal sulken liff/kop vn(de) vor scriüe(n)t in krefte(n) stan vn(de) wesen an ghe verde wa(n) den(n)e de / vor benomeden veer p(er)sone(n) wü vor ghe screue(n) ys vor storüe(n) vn(de) dodes / halüen vor vallen sÿn De god na syne(m) willen friste Den(n)e vorder so schal / Düsse liff kop vn(de) vor scriüi(n)ghe craft losz vn(de) macht losz vn(de) vor nichttighet / bliüen genczliken ane alles ghe verde Vnde dat wie borghermeÿster / rathman(n)e vnde borgeren Gemeÿne vnde vnse Nach komen schüllen / sulke tey(n) rinissche güld(en) liffrente vnde hündert rinissche gulden hofftsum(m)a / Gansz quidt leddich vnde losz syn vnde bliüen Des To Groter Orkünde / hebben wie borghemeÿster rathman(n)e vnde borgher ghe meÿne Vnnszer / stad Grote Jngeszegel vnden an düsszen breiff witlicken henghen lathen / Den Ge geüen nach Cristi vnnszers heren Godes Düsent / virhündert vnde Jn deme Seüen vnde negentigisten Jare Am daghe sünte vites /

In Dusszer forme syn Johannszen plotzke baltzar plotzke vnd(e) bartho/lomew(es) plotzke ix guld(en) to orer drier liue upp phingsten thogeuen(ne) / vorschreve(n) Anno iiii xcviijt(en) ¹