Wy Burgirmeist(e)r vnnd(e) Rathman(n) der Stad Czerwst bekennen / Jn desszem vnszem(e) breue vor vns alle vnsze nakomelinge vnnd(e) / vor alswem(e) de desszen vnsz(e)n breff Seh(e)n hor(e)n Edd(e)r lesz(e)n dat wy / myt eyndrechtlikem Ripen Rade , gantzen wet(e)n vnd(e) fulbord de(r) wittigist(e)n / by vnns von vnsz(e)r Stadt vnnd(e) gemeyn(e)n weg(e)n , vor hundert R(inische) / gulden de vns thor noge gantz betalt vnd(e) forth Jn vnsz(e)r Stadt / witlik(e)n nuͮth vnnd(e) fromen gekomen syn , r(e)cht vnd(e) r(e)delik(en) kopes / v(or)kofft hebb(e)n vnnd(e) v(or)kop(e)n Jn vnd(e) myt crafft desszes briff(es) den Dogentszam(en) / frouw(e)n Mett(e)n Berk(e)n ger(e)desz ¹ gererd(en)² ehelik(e)n huszfr(ouwen) Jn tyden hannsz / gorr(e)nhag(e)n nagelat(e)n wedewe Vnnd(e) Jungfrouw(e)n Annan ore(r) doch(te)r / von or vnnd(e) luder schriuer Jn vortyden getuͮget , tho ore(r) twyer / liuͮe de wyle sze beyde edd(e)r ore(r) eyn leuen Theyn R(inische) guld(en) Edd(e)r szo / vele w(er)diger vnnd(e) ghengehafftig(er) mu(n)the Jerliker liffrenthe De / wy den mehr(e)gedacht(e)n frouw(e)n mett(e)n vnnd(e) Annan ore(r) / Doch(te)r De wyle sze beyde edd(e)r ore(r) eyn leuͮen , von vnsz(e)r Stadt / bereydest(e)n Schot(e)n Renth(e)n Tinsz(e)n thofellen vnnd(e) vppboring(e)n wu / vpp vnszem(e) Rathusze de gefall(e)n vnnd(e) wuͮe ann(e) de syn alle Jar(e) / vpp sunthe Batholomey dage Jn de(r) olden Stad magd(eborch) guͮtlik(e)n vnd(e) / wol tho dangke ane alhe gerichte geistleker edd(e)r w(er)tlike(r) v(or)hinderi(n)ge / vnd(e) sunde(r) en(n)ige Jnsage vnd(e) alles geuerde reyk(e)n vnd(e) betal(e)n / schull(e)n vnd(e) will(e)n vnd(e) wanner dessze v(or)bestimpten frouwe mette / Vnd(e) Anna or(e) doch(te)r von dodesz weg(e)n Dat god thom(e) best(e)n wende / auegegan sin Dann(e) vnd(e) nicht ehr , Szo schall dessze liffrenthe³ / liffkopp vnnd(e) v(or)schriuu(n)ge gantz von vncrefft(e)n vnd(e) machtlosz / syn vnd(e) bliuen vnd(e) wy mehr(e)benomeden Burg(er)meist(e)r vnd(e) / Rathman(ne) der Stadt Czerwst vnnd(e) vnsze nakomelinge schull(e)n / sulke(r) teyn R(inischer) guld(en) liffrenthe vnnde hundert R(inischer) guld(en) houet-/sum(m)e gantz qwyth leddich vnd(e) losz sin Desz tho gro(te)r orkunde / vnnd(e) allir obgnant(e)n Stucke puncte vnd(e) artikel tho vehste(r) holdu(n)ge / hebb(e)n we gedacht(e)n Burg(ermeister) vnd(e) Rathman(ne) vnsz(e)r Stad Jngesegil / andess(e)n vnsz(e)n briff lat(e)n heng(e)n vnd(e) geg(euen) nach (cristi) vnszes h(e)rn / geborth verteynhuͮndert dar nach Jm(me) achtvnd(e) Negentigist(e)n / Jar(e) am(me) mandage nach mauritij desz hillig(e)n mertelers