Vor allen vnnde einen yderman die dussen vnnseren offin bryv zehen adder horen leszen beszunderen richteren geistlich(en) / adder wertlich(en) gericht Bekennen wir burgermeist(er) vnnde rathmanne der stadt Zcerwest , Das vf heüte Dat(um) dusses / briues wir genanten burg(er)meist(er) vnde Rathmannen haben Jn der besten weysen vnnde formen szo zcü Rechte / genuck sein suͤlh / fulmechtick vnnde anwaldick gemacht Den v(er)digen heren , ern(e) Gregoriu(s) werbeck official der Doͤmpen / westige magdeburgk Jn der sachgen dar vm(m)b wir van Jacob querstedin gerüwet szeint , vns rechtlich tzu vorantw(or)de(n) / och was der official der wegen varnhemen , Dhun adder laszen wirt , wollen wir das also halden vnde zcufriden / sein . Das zcu einer bekentnisse habin wir gemelten burgermeister vnnde Rathsmanne vnsir stadt secret bene/den der schrift gedruckt , vorsigelt Gegeben anno D(o)m(ini) mo cccc Jm xcviest(en) Iare des Dag(es) francisci