Vor Jdermenniglichenn diessz(e)s vnses Brief(e)s Ansichtigen / Bekennen Wir Richter vnd Schepenn der Stadt Czer=/wist , hirmit apintlichenn , Dath diessze hirnhagschreuͦen / frede , Isz vor vns , Im gerichte awergeropen , thoge=/lathen , vnd bfredet , vnd staht In vnsem gerichts frede=/boke , wuͦ nafolgende , vorteikent , Dinsdags na Exauͦdi / Anno d(o)m(ini) xv , Mariuͦs schyle het gegeuͦen , syner / Elikenn huͦsfr[u]wen , Annen , alle syne guͦder(e) bwechlich / vnd vnbewechlich , huͦsz vnd hoff vthgnhamen twe / huͦndert olde sch(illinghe) , wie hie mechtich syn , thokern vnd / thowenden Jn godds erhe , effte war hie wil , vnd / bliuͦet , der gauͦe , ein herr , diwyle hie leuͦeth , domit / sal die vorige gifft , gdempt , vnd vornichtiget sÿn / die hie , der suͦlfftigenn syner fr[u]w[e]n , vormals gdahn / het , In Orkunde , mit vnsem Scheppen Ingsegell / hir unden beuͦest ,