Aqui comiença el libro delas formas ⁊ delas ymagenes que son en los cielos ⁊ delas uertudes ⁊ de las obras que salen dellas en los cuerpos que son dyuso del cielo dela luna que mando componer delos libros delos filosofos antiguos el mucho alto ⁊ onrrado don ALFONSO; amador de sciencias ⁊ de saberes. Por la gracia de dios REY; de Castiella. de Toledo. de Leon. de Gallizia. de Seuillia. de Cordoua. de Murçia de Jahen. ⁊ del Algarbe. Et fijo del mucho onrrado REY don FERRANDO. Et de la REYNA donna BEATRIZ. Et fue començado este libro en el anno xxvo. de su regno. Et la era de Çesar; en mill ⁊ trezientos ⁊ catorze annos. Et la del nuestro sennor ihesu xpisto; en mill ⁊ dozientos ⁊ setaenta ⁊ seys annos. Et acaba se; en el .xxvijo. anno de su regno. Et la Era de Çesar; en mill. ⁊ trezientos ⁊ .xvij. annos. Et la del nuestro sennor ihesu xpisto; en mill ⁊ dozientos ⁊ setaenta ⁊ .ix. annos. Por que este nuestro libro sea mas paladino ⁊ se pueda meior entender. et sepan los que leyeren mas ayna las obras que en el son pora ayudar se dellas quando las ouieren mester ⁊ lo touieren guisado. pusiemos aqui enel comienço deste libro sus partes. ⁊ las obras de cada parte sennalada mente cadauna por si; segund que dixieron ⁊ prouaron los sabios antigos. Et dezimos primeramente delas partes deste libro; que son onze partes. La primera part es de abolays que fabla delas ymagenes ⁊ de sus obras que se fazen enlas piedras por los grados delos doze signos. ⁊ a en ella trezientos ⁊ sessaenta capitolos. Et la segunda es de timtim que fabla de otra manera de ymagenes que se fazen por los grados delos signos enlas piedras ⁊ con los metales bueltos enuno. Et a en ella; trezientos ⁊ sessaenta capitolos. Et la terçera es de pitagoras que fabla de otras maneras de figuras que suben en estos mismos grados que obra an en las nacencias delos omnes. Et a en ella trezientos ⁊ sessaenta capitolos. Et la quarta es de yluz que fabla delas ymagenes que se fazen en las piedras. segund las fazes delos signos. Et a en ella treynta ⁊ seys capitolos. La quinta es de belyenus. ⁊ de yluz que fabla de muchas maneras de ymagenes que se fazen en las piedras por las planetas quando son en sus dignidades ⁊ en sus horas. Et a en ella capitolos. Et la sesta es de plinio. ⁊ de belyenus. ⁊ de otros sabios. ⁊ fabla de ymagenes que se fazen en las piedras faziendo dellas sortijas. Et a en ella capitolos. La .vija. es de utarit. ⁊ fabla de siete ymagenes que se fazen por las siete planetas; en siete piedras sennaladas. ⁊ fazen se dellas sortijas. Et a en ella siete capitolos. Et la octaua es de ragiel que fabla de .xxiiij. ymagenes que se deuen fazer en piedras sennaladas. Et a en ella .xxiiij. capitolos. La .ixa. es de yacoth que fabla delas aguas ⁊ delos lodos que son mester en esta obra delas piedras. Et a en ella siete capitolos. Et la .xa. es de aly que fabla de cuemo se deuen figurar las piedras. ⁊ de otras reglas que son mester en esta sciencia. Et a en ella capitolos. Et la .xia. es delas ymagenes que se fallan fechas en las piedras Aqui comiençan los capitolos dela primera parte deste libro que fabla delas uertudes. ⁊ delas obras que an las figuras que se fazen enlas piedras por los trezientos ⁊ sessaenta grados dela octaua espera. Et fazen se otrossi delos metales bueltos en uno segund que dize Abolays. Et a en ella; trezientos ⁊ sessaenta capitolos. Del signo de aries. El primero es pora ueuir mucho ⁊ no morir si non en ueiez. Et por sanar de ferida entossicada. El .ij. es pora cresçer los arboles ayna; ⁊ leuar mucho fructo El .iij. es pora tomar los çieruos; ⁊ fazer foyr las culuebras El .iiij. pora dannar los arboles que dizen pistaquia; que nunqua lieuen fructo ninguno. El .v. es pora sanar el quartanario. ⁊ por que la mugier se emprenne de masclo. El .vi. es pora ganar amor delas mugieres. Et por fazer perder la prennadumbre alas fembras prennadas del ganado. El .vij. es pora seer omne bien auenturado en todas sus faziendas. El .viij. es pora seer auenturado en todas merchandias; Et ganar en todo mester El .ix. es pora fazer uenir las abeias aqual logar quisieres El .x. es pora seccar la leche del ganado; ⁊ delas mugieres. El .xi. es pora seer las mugieres amadas ⁊ bien quistas delos omnes. El .xij. es pora non seer el cauallero nin hueste uencida de sus enemigos. El .xiij. es pora fazer que non lieue fructo; qual campo o qual arbol quisieres. El .xiiij. es pora seer qual uilla quisieres; segura ⁊ guardada de todos sus enemigos El .xv. es pora auer esfuerço ⁊ atreuimiento. El .xvi. pora auer poder de correr mucho. El .xvij. pora uençer aqui quisieres; ⁊ non seer uençudo. El .xviij. por fazer quebrar o perder qual nauio quisieres El .xviiij. por quemar qual logar poblado quisieres. El .xx. pora sanar de ferida de serpient; o de qual quier animal ueninoso. El .xxi. pora seer bien reçebido ⁊ bien quisto delos reyes. ⁊ de principes. ⁊ por recabdar con ellos lo que quisiere. El .xxij. por complir las demandas en qual cosa quisiere. El .xxiij. por sanar dela fiebre. El .xxiiij. por fazer que non uenga niguno a comprar; aqual tienda quisieres El .xxv. por que non ladre perro aqui quisieres El .xxvi. por fazer foyr las palomas de qual logar quisieres. El .xxvij. por uençer a su contendedor en pleytos ⁊ en iuyzios. Et seer amado de los alcaldes El .xxviij. por fazer uenir los omnes aqual banno quisieres. El .xxix. por seccar las uides delas uinnas El .xxx. por ermar qual casa quisieres. ⁊ por fazer derramar los moradores della. Del signo de tauro. El primero capitolo es pora que non passen los enemigos por qual logar quisieres. El .ij. es por auer qual uiento quisieres ala naf. El .iij. es pora que la mugier aborresca la companna delos uarones El .iiij. por que omne non se pueda leuantar; del logar o souiere. El .v. por auer guiamiento la naf a andar de noche que non se pueda perder. El .vi. por auer uiento la naf de qual parte quisieres El .vij. por auer los ossos a su mandamiento. El octauo por seer durable qual obra quisieres. ⁊ por seer bienandantes los moradores en ella. El .ix. es por que non caya pedrisco en qual logar quisieres. El .x. es por non uenir mortandades nin enfermedades en qual logar quisieres que acaescen por camiamiento de ayre. El .xi. pora que non lloren los moços; nin ayan miedo. El .xij. es pora que non aya miedo qual naue; o qual baxel quisieres. El .xiij. pora oyr en suennos que quier que demande. El .xiiij. por guardar los aruoles de quemazon. El .xv. por auer grand fuerça enel estomago. El .xvi. pora que los aruoles non lieuen fructo. El .xvij. pora seer bienandant en lauor de tierra. El .xviij. pora que la mugier que yoguiere con baron sin casamiento; sea paralitica. El .xix. pora seccar qual agua quisieres; que non corra. El .xx. pora destruir qual omne quisieres. El .xxi. pora que non entre culuebra nin serpiente en qual logar quisieres El .xxij. pora fazer uenir el uaron o la mugier; a qual logar quisieres. El .xxiij. pora boluer el seso de qui quisieres. El .xxiiij. pora guardar el cauallo de toda occasion. ⁊ seer bienandant; el qui enel caualgare. El .xxv. pora non auer dolor de dientes. El .xxvi. pora que non obre el fisico de su arte. El .xxvij. pora fazer uenir dolor en aquel miembro o se quaia la piedra El .xxviij. pora que non passe bestia cauallar nin mular; por qual logar quisieres. El .xxix. pora uengar se de qual omne quisiere. El .xxx. pora seer inuisible. Del signo de gemini. El primero es pora guardar de mal qual uergel quisieres. El .ij. pora que la mugier se case ayna. El .iij. pora fazer uenir los ossos ⁊ los bestiglos otros; aqual uilla. quisieres. El .iiij. pora fazer a qual omne quisieres que semeie que trae culuebras ⁊ sirpientes colgadas de su cuerpo. El .v. pora seer bienandant qual quier orebz. El .vi. pora que semeie qual casa quisieres llena de mancebos con candelas ardientes. El .vij. pora entrar qual quier. El .viij. pora fazer dormir aqui quisieres tres dias ⁊ tres noches ⁊ que adeuine lo que diga. El .viiij. pora fazer obedeçer a rey o a qui quisieres los cauallares ⁊ los omnes de lid. El .x. pora fazer boluer el seso aqui quisieres. El .xi. pora que algun palacio semeie que esta lleno de tromperos; ⁊ de ioglares. El .xij. pora que non se abra; qual puerta quisieres. El .xiij. pora que semeie qual campo quier lleno de aruoles de muchas maneras. El .xiiij. pora que mueran quantos nascieren en qual casa o en qual uilla quisieres. El .xv. pora fazer que semeie qual campo quier lleno de omnes armados. El .xvi. pora ganar algun officio ⁊ que nol pierda. El .xvij. pora fazer uenir al omne de luenga tierra; ⁊ por fazer tornar al omne que fuye. El .xviij. pora camiar se en forma de qual omne o de qual mugier quier. El .xix. pora non ueer ninguna cosa denoch en qual casa quisieres por candela nin por otra lumbre. El .xx. pora uencer aqui quier de iuego de acedrex o de dados. El .xxi. pora fazer aqui quisieres que semeie perro. ⁊ que andan aderredor mucho perros. El .xxij. pora auer nombradia de sabio. ⁊ non le sea grieue ningun saber. El .xxiij. pora seer bienandant en toda caça de tierra. El .xxiiij. pora auer semeiança de mugier. ⁊ la mugier semeiança de uaron. El .xxv. pora seer gaffo aquel que quisieres que nunqua sane. El .xxvi. pora que non entre ladron en qual casa quisieres. El .xxvij. pora fazer que semeie qual casa quisieres llena de ioglares. El xxviij. pora fazer fablar al ninno acabo de tres dias que nasca. ⁊ que adeuine lo que a de uenir. El .xxix. pora fazer que semeien perros unos a otros los que estudieren en alguna casa. Del signo de cancro. El primero es pora cresçer la semiente tan bien con agua commo sin agua. El .ij. pora fazer salir el preso dela prision. El .iij. pora fazer quebrar qual quier estrument. El .iiij. pora amansar los puertos ⁊ ganar en ellos. El .v. pora fazer que non more ninguno en qual casa quisieres. El .vi. pora casar se el uaron con la mugier sennalada. El .vii. pora dannar los fructos de qual uilla quier. El .viij. pora dannar el pan de qual uilla quier que non se pueda tener. El .ix. pora ueer las estrellas. tan bien de dia commo de noche. El .x. pora fazer uenir las aues aqual logar quisieres; trayendo vuas en sus picos. El .xi. pora ligar la mugier. ⁊ fazer tomar dolor ala uerga del omne; que quisiere llegar a ella. El .xij. pora fazer uenir las aguas ⁊ los nublados. en qual dia ⁊ en qual hora quisieres. El .xiij. pora fazer uenir las ezebras aqual logar quiere. El .xiiij. pora fazer el aruol leuar fructo; en qual tiempo quisiere. El .xv. pora fazer enfermar el omne. El .xvi. pora fazer uenir las palomas; aqual arbol quisiere. El .xvij. pora sanar la mugier; depues del parto. El .xviii. pora que uengan las aues con espigas al logar o tu quisieres en tiempo del segar. El .xviiij. pora tomar las aues a mano. El .xx. pora fazer traer olyuas alas aues aqual logar quisieres. El .xxi. pora andar sobrel agua a pie. El .xxij. pora dannar qual fructo quier. El .xxiij. pora hermar la uilla. El .xxiiij. pora que cayan los cabellos de los omnes que se lauen las cabeças enel banno El .xxv. pora ermar el rio de pescado. El .xxvi. pora dannar las uinnas; que non lieuen uino. El .xxvii. pora dannar quanto labrare el orebz. El .xxiij. pora que los omnes uengan mercar; ala tienda del mercadero que quisieres. El .xxix. pora fazer caer pedrisco en qual logar quisieres. El .xxx. pora que los omnes se fagan sandios ⁊ locos. Del signo de leon. Enel primero capitolo es pora guardar el ganado delas malas bestias. El .ij. es pora derribar los arboles ⁊ las torres. El .iij. pora guardar el omne quel non fiera saeta. El .iiii. pora seer el rey temido ⁊ obedecido de todos los otros reyes; ⁊ de todos los omnes. El .v. pora guardar los moços chicos; de toda occasion. El .vi. pora fazer morir los cauallos. El .vij. pora non entrar las moscas enla casa. El .viij. pora seer el alcalde bienandant en sus iuyzios. ⁊ nunqua seer despuesto daquel grado. El .ix. pora que nol faga mal el agua ⁊ andar so ella quanto quisiere El .x. pora meter uozes que nunqua callen. El .xi. pora fazer el estrument fremoso son por si. El .xij. pora auer respuesta del ydolo del sol delo que quisier saber. El .xiij. pora fazer uino claro a so hora. El .xiiij. pora non sonnar mientre durmiere. El .xv. pora seer inuisible. El .xvi. pora fazer sobir el hombre en el ayre. El .xvii. pora fazer sanar dela fiebre. ⁊ el sano enfermar della. El .xviij. pora abortar el ganado. El .xix. pora sanar de postema. El .xx. pora el milgrano que maguera sea de natura agra; lieue granadas dulces. El .xxi. pora que non llegue al omne ninguna ferida dazot. El .xxij. pora auer omne lo que pide. El .xxiij. pora fazer semeiança de cueruo. El .xxiiij. pora fazer abortar toda fembra. El .xxv. fazer morir los cauallos. El .xxvi. pora semeiar que el arbol se alça ⁊ se baxa. El .xxvij. pora fazer quebrar los basos de tierra. El .xxviij. pora escalentar el forno del banno con poco fuego. El .xxix. pora sanar el omne çiego. El .xxx. pora saluar las aues de toda occasion. Del signo de uirgo. El primero capitolo es pora guardar el pan que se non danne. El .ij. pora fazer semeiança que sube el omne por el ayre ⁊ descende. El .iij. pora fazer qual omne quier que semeia culuebra a quantos le uieren. El .iiii. pora fazer semeiança entre omnes que tienen sus cabellos de sus barbas en sus manos. El .v. pora que non puedan encender fuego; en qual uilla quisieres. El .vi. pora entrar omne enel fuego; ⁊ non se quemar. El .vii. pora correr sangre delas mugieres. El .viij. pora ençerrar se la natura delas mugieres; que non puedan echar por ella nada. El .viiij. pora dannar el fructo de qual campo quier. El .x. pora acrescentar el fructo ⁊ yr pora bien. El .xi. pora auer fuerça enlos braços ⁊ grand ualentia. El .xij. pora seer bienandant. ⁊ cumplir sele. la demanda o la oracion que fiziere. El .xiij. pora fazer florecer ⁊ fazer fructo qual madero quier a so hora sin plantar le. El .xiiij. pora fazer semeiança de toro aquiquier. El .xv. poral omne desnudo que semeie uestido. El .xvi. pora seer bien sabidor de agueros de aues. El .xvij. pora que uengan los cueruos aqual casa quiere. ⁊ que se yerme por esta razon. El .xviij. pora fazer salir agua corriente de la penna. El .xix. pora fazer semeiança entre compannas de omnes; que aquel logar es lleno de mienbros de omnes. El .xx. pora que non uenga su flor ala moça. El .xxi. pora fazer semeiança que esta antel el omne de otra tierra que querries ueer. El .xxij. pora aquedar los mouimientos delos miembros que no se puedan mouer. El .xxiij. pora fazer dezir aqual quier omne todo lo que sopiere durmiendo. El .xxiiij. pora fazer salir sangre delas narizes. El .xxv. pora non poder uiuir en qual uilla quier; bestia que coma carne. El .xxvi. pora oyr respuesta del omne muerto de todas las cosas quel preguntare. El .xxvij. pora saltar de alto que non se faga mal ninguno. El .xxviij. pora semeiar que el omne iaze en un gran rio fondo. El .xxix. pora guardar el ganado de toda occasion El .xxx. pora semeiar qual logar quiere monte muy alto. Del signo de libra. El primero capitolo es pora ancançar a fondon del pozo o del pielago que quisiere. El .ij. es pora seer bienandant ⁊ alabado el maestro. ⁊ aprender bien los disciplos. El .iij. pora guardar el pan o qual quier cosa delas que se pesan o se miden de danno. El .iiii. pora seer sabidor en la arte de musica; ⁊ seer bienandant en ella. El .v. pora fazer que non uea omne el albuhera o la pesquera. ⁊ que semeie carrera llana. El .vi. pora fazer uender el pan de qual precio quisiere. El .vij. pora seer a so hora delante qual omne quisiere. ⁊ por librar sus cosas con el. El .viij. pora nunqua falleçer qual licor quier que este enel uaso maguer que bazien dello. El .ix. pora saber bien el arte de nigromancia. ⁊ seer auenturado en ella. El .x. pora fazer ymagen que eche uozes quando uiere omne que non sea daquel logar o el estudiere. El .xi. pora seer el texedor sabidor ⁊ bienandant en su mester. El .xij. pora andar el omne denoche aqual logar quisiere. El .xiij. pora fazer alguna senna que relumbre mucho. ⁊ maguer sea de noche que semeie de dia aquantos la uieren. El .xiiij. pora seer bienandant el fisico. ⁊ quantos del tomaren melezinas. El .xv. pora entrar en mar o en rio ⁊ redrar se el agua del; a diestro ⁊ a siniestro. El .xvi. pora hermar qual uilla quisieres cayendo mortandades en los omnes ⁊ en las bestias della. El .xvij. pora fazer que sea mudo qual omne quisieres. El .xviij. pora dannar la obra que texen. El .xix. pora seer bienauenturado en bestias. ⁊ seer ellas guardadas de toda occasion. El .xx. pora çegar aqui quisieres. El .xxi. pora fazer el agua dulce maguer sea salada ⁊ de mala sabor. ⁊ pora que non aya mengua de agua; sobre mar. El .xxij. pora fazer aqui quier que se incha su cuerpo de llagas grandes ⁊ dampollas que semeian quemaduras. El .xxiij. pora sanar el omne gafo dantiguedat. El .xxiiij. pora uiuir sin comer quanto quisiere. El .xxv. pora sobrar siempre los comeres en la mesa maguer que sean muchos comedores. El .xxvi. pora uenir qual omne quier obedient a el don quier que sea. El .xxvij. pora descobrir se el thesoro soterrado. El .xxviij. pora sanar el omne que a morfea o que es gafo. El .xxix. pora auer bienandança en escriuir. ⁊ en fazer buena letra. El .xxx. pora encender fuego do quier que fuere enqual hora quisiere. Del signo de escorpion. El primero capitolo es pora sofrir la bestia qual quier trabaio ⁊ nunqua canse. El .ij. es pora semeiar el omne negro a quantos le uieren. El .iij. pora soltar bien suennos que nunqua yerre en ello. El .iiij. pora tornar el omne en figura de bestia montesa que uiua de yerbas enel mont. El .v. pora adeuinar ⁊ seer uerdadero ⁊ bienandant en ello. El .vi. pora leuantar qual peso quier ⁊ leuar lo do quisiere que nolo sienta. El .vij. pora fazer que semeie grand foguera en qual logar quier. El .viij. pora que semeie estando ala mesa que come quantos maniares le dan maguer que non coma mas delo que aya mester. El .ix. pora semeiar a quantos le uieren estando assentado entrellos que tiene ante si buenos comeres. El .x. pora sanar el omne que non puede andar. ⁊ fazer el ninno andar de ligero. El .xi. pora fablar el omne mudo. ⁊ el ninno ante que deua. El .xij. pora fazer sotar quantos estudieren en la casa. El .xiij. pora semeiar que a muchos alacranes en la casa o enla uilla. El .xiiij. pora fazer semeiar qual cuerpo quier ala moneda que anda por la tierra. El .xv. pora non auer celos de mugier. El .xvi. pora sanar de qual quier enfermedat. El .xvij. pora fazer enfermar aqual omne quier de qual quier enfermedat. El .xviij. pora fazer uenir los omnes obedientes aqual logar quisieres. El .xix. pora ueer si a tossico enel comer o en el beuer. El .xx. pora semeiar la casa descubierta a quantos estudieren en ella. El .xxi. pora seer bienandant en predicar. El .xxij. pora quemar qual quier casa en qual logar quier que sea. El .xxiij. pora nasçer los ninnos sin coiones; en qual casa quisieres. ⁊ esto mismo en los de la uilla. El .xxiiij. pora semeiar qual logar quier lleno de ganados. ⁊ puede los uender si quisiere. El .xxv. pora abrir qual çerradura quisieres El .xxvi. pora cresçer ⁊ meiorar las palomas de qual palomar quier ⁊ guardar las de occasyon. El .xxvij. pora guardar el pan sembrado de lagosta. El .xxviij. pora fazer la casa o el logar que quiere tenebroso que non paresca y lumbre. El .xxix. pora sanar el omne ferido de arma de fierro. El .xxx. pora semeiar qual logar quier lleno de mancebas assentadas. Del signo de sagitario. El primero capitolo es pora semeiar unos a otros entre companna que andan cabeça ayuso sobre sus manos. El .ij. pora fazer perder lo que ouieren alos que moran en qual casa quier. El .iij. pora andar en camino que non aya miedo de ladron nin de otro omne que mal le faga. El .iiij. pora fazer rauiar qual quier animal El .v. pora fazer quebrar los uasos de uidrio de qual logar quisieres. El .vi. pora dannar las colmenas. ⁊ fuir ende las abeias. El .vij. pora tener bien uoz que non le uenzca ninguno; El .viij. pora dannar qual molino quier. El .ix. pora sanar de ferida de animal toxicoso. El .x. pora fazer baraiar los omnes de qual casa quisieres. El .xi. pora fazer que uaya abien su fazienda del omne casado que mora en qual casa quier. El .xij. pora fazer la mugier parir de ligero El .xiij. pora salir el omne dela prision. El .xiiij. pora fazer moler las muelas del molino en qual logar quier sin agua. El .xv. pora que al rey o al princep le quiera bien su pueblo; ⁊ quel amen. El .xvi. pora que non pueda omne salir de la prisyon. El .xvij. pora guardar omne de mal depues que tomare la melezina. El .xviij. pora fazer foyr los mures de qual casa quier. El .xix. pora fazer el omne baraiar con su mugier. El .xx. pora seer bienandant en obra dalquimia. El .xxi. pora seer bienandant en mandaderia. El .xxij. pora dannar qual quier lauor. El .xxiij. pora seer bienandant en mar. El .xxiiij. pora auer abenencia entre marido ⁊ mugier. El .xxv. pora semeiar entre companna de omnes unos a otros que an cuernos en las cabeças. El .xxvi. pora despoiar se omne de sus pannos ⁊ andar desnudo. El .xxvij. pora seer bienandant en criar aues de caça. El .xxviij. pora fazer andar animal muerto que semeie biuo. El .xxix. pora fazer que non llueua en qual uilla quier. El .xxx. pora que non mueran los omnes de qual uilla quier de fierro nin de otra muerte si non natural. Del signo de capricornio. El primero capitolo es pora aprender el moço ayna ⁊ bien; qual quier obra de manos. El .ij. pora fazer omne foyr. El .iij. pora amansar la bestia braua. El .iiij. pora semeiar qual casa quier llena de pioios ⁊ non querra y ninguno morar. El .v. pora auer entendimiento de connosçer en qual logar es el agua çerca dela uilla. El .vi. pora semeiar el logar que quisiere lleno de uaccas ⁊ poder las a uender. El .vij. pora non salir el preso dela prision. El .viij. pora seer el auer bien guardado que non se pierda. El .ix. pora seer el carpentero bienandant en su mester. El .x. pora seer los gusanos dela seda guardados que uayan pora bien. El .xi. pora entender quantos lenguages oyere; ⁊ leera toda letra que uiere. El .xij. pora entender el omne quel quieren preguntar. El .xiij. pora non auer miedo de ladrones. El .xiiij. pora que mueran los gusanos que crian la seda. El .xv. pora saccar los pollos sin la aue; delos veuos. El .xvi. pora mostrar a alguna companna que cayen grandes aguas ⁊ truenos ⁊ relampagos. El .xvij. pora fazer uenir aqui quisiere algun mal acaescimiento ⁊ toller gelo otrossi. El .xviij. pora seer bienandant en andar caminos por tierra. El .xix. pora dannar qual agua quier que se non puedan ayudar della. El .xx. pora semeiar omne cabron. El .xxi. pora ueer el omne tan bien de noche commo de dia. El .xxij. pora fazer al ninno que nunqua fable. El .xxiij. pora fazer fuego en qual logar quisieres que nolo uea ninguno. El .xxiiij. pora dannar se la tienda del tintor. El .xxv. pora matar de un sollo qual fuego quier; quier grand quier pequenno. El .xxvi. pora fazer foyr las chinches ⁊ las pulgas. El .xxvij. pora fazer alçar la yente de qual uilla quier contra su sennor. El .xxviij. pora oyr muy de luenne. El .xxix. pora fazer ymagen que saque peces metiendo la en agua dolos aya. El .xxx. pora emprennar se la mugier de omne spiritual que sera commo propheta. Del signo de Aquario. El primero capitolo es pora que nunqua llueua sobrel omne maguer que ande con lluuia. El .ij. pora fazer del agua uino. El .iii. pora entender lo que dixieren si es uerdat o non. El .iiij. pora nunqua fallar fondon al pozo o a alguna cosa fonda. El .v. pora semeiar la casa toda llena de pannos de seda. El .vi. pora que non corra uiento en qual uilla quier. El .vij. pora parescer la cara dalguno tan luzient que ninguno nol podra tener oio. El .viij. pora que non pueda fazer le mal toxico de ninguna manera. El .ix. pora sanar dela yteriçia ⁊ de todo mal de figado. El .x. pora fazer al cauallo quel non alcançe ninguna bestia nin sele uaya otra. El .xi. pora uersificar bien. El .xij. pora obrar bien de magica ⁊ seer bienandant en ella. El .xiij. pora arder siempre qual crusuelo quier sil no mataren assabiendas. El .xiiij. pora que el cauallo dure quanto quier sin comer. El .xv. pora fazer morir las bestias monteses. El .xvi. pora semeiar qual logar quier lleno de gallinas; ⁊ de aues de comer. El .xvij. pora que aborrescan los omnes aqual omne quisieres. El .xviij. pora echar agua enel uaso ⁊ fazer semeiança que nunqua se incha. El .xix. pora auer grand seso ⁊ grand entendimiento. El .xx. pora saber uerdaderamente si es el omne acusado a derecho. El .xxi. pora guardar pannos o ropa que non puedan ende furtar nada. El .xxij. pora fazer semeiar algun logar lleno de cauallos ⁊ de otras bestias. El .xxiij. pora que non pueda cresçer cabello nin uerna enel cuerpo del omne mas delo que tiene. El .xxiiij. pora fazer obrar del fierro lo que quisiere tan bien commo si fuesse cera. El .xxv. pora la yegua que para potro que sea muy buen cauallo. El .xxvi. pora semeiar entre companna que esten sin cabeças. El .xxvij. pora fazer que aya muchos mures en qual casa quier. El .xxviij. pora semeiar el omne todo llagado ⁊ que corre sangre. El .xxix. pora uiuir omne sano en toda su uida. El .xxx. pora fazer semeiar serpient aqual cosa quisiere. Del signo de Piscis. El primero capitolo es pora nunqua se dannar nin minguar el agua del algib. El .ij. pora non poder sacar la licor que fue enel baxel. El .iij. pora perder el alcalde su dignidat. El .iiij. pora semeiar que qual quier animal que tenga en la mano quel despieça todo. ⁊ seer bienandant en hobra de nigromancia. El .v. pora nunqua se dannar pannos de lino o de lana que esten en alguna casa. El .vi. pora nunqua caer fuego en qual casa quier. El .vij. pora fazer complir la demanda que demandare. El .viij. pora fazer parescer ante si maneras de piedras preciosas ⁊ de sartales. El .ix. pora fazer semeiar qual moneda quier que sean serpientes. El .x. pora trasechar ⁊ camiar las cosas unas por otras. El .xi. pora non poder el baxel o la naue meter enel agua. El .xij. pora oyr en uision commo enderece; su fazienda. El .xiij. pora semeiar a quantos le uieren que arde su cuerpo. El .xiiij. pora guardar el nauio que non se danne. El .xv. pora fazer en qual logar quier del rio que non uenga aguaducho. El .xvi. pora fazer semeiar a qual omne quisieres que sea mugier. El .xvij. pora seer omne creydo ⁊ tenido por uerdadero. El .xviij. pora fazer sonar annafil non le tanniendo ninguno. El .xix. pora sanar dela tinna ⁊ quel nascan sus cabellos. El .xx. pora fazer semeiança de serpient. El .xxi. pora sanar el ydropico. El .xxij. pora guaresçer dela sarna. El .xxiij. pora fazer perder dignidat a otri; ⁊ ganar la pora si. El .xxiiij. pora non roncar mientre durmiere El .xxv. pora sanar de torcimiento de oio o de minguamiento de uiso. El .xxvi. pora auer el buey muy grand fuerça en toda obra. El .xxvij. pora encender fuego que nunqua mingue nin se amate por si. El .xxviij. pora uenir los çieruos aqui quier ⁊ fazer dellos lo que quisiere. El .xxix. pora fazer que se abra la paret maguer este muy firme. El .xxx. pora complir sele lo que demandare de bien. Aqui comiençan los capitolos dela segunda parte que fabla de otra manera de ymagenes que se fazen en las piedras. E fazen se otrosi; delos metales bueltos enuno. Et fabla de sus obras ⁊ de sus propriedades; segund que diz timtim. Et son trezientos ⁊ sessaenta capitolos. Et primeramente del signo de aries. El primero capitolo es pora matar tos enemigos. El segundo capitolo es pora auer complimiento de uino de anno a anno. El .iij. pora arredrar tos enemigos de ti; ⁊ mayor mente; los bestiglos. El .iiii. pora redrar las grandes occasiones assi cuemo la muerte. El .v. pora arredrar el mal delos omnes de ti. El .vi. pora matar tus enemigos. El .vij. pora dannar la fazienda delos reyes. El .viij. pora fazer caer rayo sobre tos enemigos. El .ix. pora meter paz entre dos malquerientes. El .x. pora uenir bienquerencia de rey sobre qui quisieres. El .xi. pora fazer ueer forma fremosa. El .xij. pora arredrar los ladrones. El .xiij. pora saber las cosas dubdosas. El .xiiij. pora auer mandamiento sobre qui quisieres. El .xv. pora auer poder sobre qual caualleria quisieres. El .xvi. pora mandar aqui quisieres. ⁊ pora auer mugier aqui quisieres. El .xvij. pora çegar aqui quisieres que non uea. El .xviij. pora fazer casar aqui quisieres. El .xix. pora sofrir el agua que non se safonde. El .xx. pora saber las nueuas ⁊ las poridades de los reyes. El .xxi. pora descobrir los inuidiosos ⁊ los mintrosos. El .xxij. pora yr las culuebras ⁊ los alacranes sobre qui quisieres. El .xxiij. pora matar a qui quisieres con calentura. El .xxiiij. pora arredrar el mal delas ymagenes ⁊ delos fechizos sobre ti. El .xxv. pora mostrar los thesoros dela tierra. El .xxvi. pora arredrar bestias mulares de qui quisieres. El .xxvij. pora meter cudados ⁊ tristezas sobre qual uilla quisieres. El .xxviij. pora çegar aqui quisieres. El .xxix. pora fazer uenir buenos uientos sobre mar. El .xxx. pora destruir qual uilla quisieres por somir o por pedrisco. Del signo de tauro. El primero capitolo es pora dar muchas mugieres a tu prouecho. El .ij. pora mostrar derecho ⁊ iusticia ⁊ pagamiento. ⁊ enderesça la fisica. El .iij. pora omillar se los omnes poderosos a ti o a otre. El .iiij. capitolo es pora cresçer las semientes ⁊ los aruoles. El .v. pora ayudar a arar la tierra. El .vi. pora fazer foyr aqui quisieres de su tierra a otra. El .vij. pora fazer salir los omnes de su logar; ⁊ fincar las mugieres. El .viij. pora traer te sobre su espinazo; ⁊ leuar ta por las tierras. El .ix. pora multiplicar los aruoles en qual tierra quisieres. El .x. pora enuiar los bueytres ⁊ los bestiglos sobre qual logar quisieres. El .xi. pora fazer guerras ⁊ matanças en qual logar quisieres. El .xij. pora fazer alegrias ⁊ gozos. El .xiij. pora auer buena fama ⁊ buena nombradia. El .xiiij. pora meter amor ⁊ amiztad. El .xv. pora toller lazeria ⁊ cansedat. El .xvi. pora dannar la labrança dela tierra en qual uilla quisieres. El .xvij. pora poblar qual uilla quisieres. El .xviij. pora fazer enfermar ⁊ adolesçer aqui quisieres. El .xix. pora multiplicar las alegrias; ⁊ los gozos. El .xx. pora acresçer lazerias por malas ganancias. El .xxi. pora omillar ⁊ temer aquiquisieres. El .xxij. pora fazer fremosa forma; ⁊ limpia creatura. El .xxiij. pora auer pobreza ⁊ mezquindat. El .xxiiij. pora freyres ⁊ omnes que dexan el mundo. El .xxv. pora loçania ⁊ gongleria. El .xxvi. pora saber quanto a enel mundo. ⁊ muestra las sciencias. El .xvij. pora sembrar ⁊ plantar. El .xxviij. pora amar los moços ⁊ dexar las mugieres. El .xxix. pora acresçer las aguas enlos pozos. El .xxx. pora fazer putas las mugieres de qual uilla quisieres. Del signo de gemini. El primero capitolo es pora fazer amar ⁊ iazer las mugieres unas con otras. El .ij. pora guardar los ninnos El .iij. pora auer fuerça ⁊ atreuimiento ⁊ sanna. El .iiij. pora fazer enfermar aqui quisieres. El .v. pora quemar qual logar quisieres. El .vi. pora uedar alos arboles que non fagan fructo. El .vij. pora matar aqui quisieres ⁊ empobrece los uarones ⁊ las mugieres. El .viij. pora uencer aqual hueste o caualleria quier. El .ix. pora meter paralisi en qual cuerpo quisieres. El .x. pora camiar los tiempos en qual manera quisieres. El .xi. pora fazer fremosas las formas de las mugieres ⁊ feas las de los uarones. El .xij. pora guardar las miesses enel tiempo que las siegan. El .xiij. pora fazer bondat enlas mugieres ⁊ limpiedat ⁊ castidat. El .xiiij. pora fazer ensannar qual rey quisieres sobre qual omne quisieres. El .xv. pora fazer correr las aguas ⁊ cresçer las en qual logar quisieres El .xvi. pora minguar la leche delas mugieres. El .xvij. pora meter miedo alos enemigos de qual uilla quisieres; que non osara ninguno llegar a ella. El .xviij. pora poner enemiztat ⁊ partir aqui quisieres. El .xix. pora corromper el ayre ⁊ fazer enfermar la yente de qual logar quisieres. El .xx. pora redrar epidimia de qual logar quisieres. El .xxi. pora traer nueuas. El .xxij. pora destoruar ⁊ tornar de carrera. El .xxiij. pora amar la lid. El .xxiiij. pora dannar los ninnos ⁊ fazer tristes las madres. El .xxv. pora uedar los enemigos de fazer danno. El .xxvi. pora fazer amar los omnes ⁊ iazer unos con otros. El .xxvij. pora uedar los caminos. El .xxviij. pora dar malandança aqui quisieres El .xxix. pora fazer salir de su tierra ⁊ de su logar ⁊ fuyr aqui quisieres. El .xxx. pora fazer cresçer ⁊ multiplicar los arboles. Del signo de cancro. El primero capitolo es pora meter malos dichos ⁊ malas sannas sobre qui quisieres. El .ij. pora fazer complir la oracion. El .iij. pora fazer retener memoria ⁊ sciencia. El .iiij. pora fazer enfermar aqui quisieres. El .v. pora multiplicar las aues en qual logar quisieres. El .vi. pora minguar la uida a qui quisieres. El .vij. pora fazer enfermar aqui quisieres. El .viij. pora multiplicar las uinnas ⁊ los uinos donde quisieres. El .ix. pora dar cueta ⁊ mal aqui quisieres. El .x. pora seccar ⁊ dannar los aruoles. El .xi. pora uedar las naues salir del puerto. El .xij. pora redrar de ti quantos mal te quieren fazer. El .xiij. pora defender la hueste ⁊ la caualleria que les non faga mal ninguno. El .xiiij. pora llegar los peces en qual rio quisieres; pora tomar los ayna. El .xv. pora multiplicar las tus ganancias ⁊ las de qui quisieres. El .xvi. pora dannar las aues ⁊ fazer las foyr. El .xvij. pora fazer la mugier loçana ⁊ preciar se mas que su marido. El .xviij. pora enderesçar los mulos ⁊ las bestias ⁊ esforçar las. El .xix. pora enderesçar los estrumentes de tanner ⁊ de cantar. El .xx. pora leuar omne aqual logar quiere de tierra. El .xxi. pora guardar el telar ⁊ las obras del texer. El .xxij. pora dannar ⁊ quebrar la presa ⁊ la açequia que quisieres. El .xxiij. pora enderesçar los cauallos ⁊ meiorar los. El .xxiiij. pora fazer omne inuisible. El .xxv. pora enuiar las aues que fagan danno en qual logar quisieres. El .xxvi. pora dannar el ganado a qui quisieres. El .xxvi. pora dannar el ganado que quisieres El .xxvij. pora dar atreuimiento ⁊ fuerça. ⁊ mayor miente en luchar. El .xxviij. pora guardar qual edificio ⁊ qual lauor quisieres. El .xxix. pora fazer ala mugier casar con qual omne ella quisiere. El .xxx. pora que non te faga mal la calentura nin te queme fuego. Del signo de leon El primero capitolo es pora seer omne temudo ⁊ cruo a qui quisieres. El .ij. capitolo pora redrar ⁊ guardar de todo mal. El .iij. pora sacar los presos ⁊ los encarcerados. El .iiij. pora redrar pedrisco de qual logar quisieres. El .v. pora dar amor ⁊ fazer se preciar por fremosura. El .vi. pora uenir culuebras sobre qui quisieres. El .vij. pora fazer al omne paralitico. El .viij. pora sanar de gafedat. El .ix. pora fazer sequedat ⁊ desauenencia en qual uilla quisieres. El .x. pora encobrir los uisos ⁊ los oios de catar a tu faz. El .xi. pora ligar omne que non pueda iazer con mugier. El .xij. pora fazer morir aqui quisieres. El .xiij. pora fazer matar aqual quisieres de los omnes. El .xiiij. pora fazer buen ayre ⁊ temprado en qual logar quisieres. El .xv. pora fazer gozos ⁊ alegrias. El .xvi. pora toller sus miembros aqual de tos enemigos quisieres. El .xvij. pora fazer razoneros ⁊ seer nombrados por ello. El .xviij. pora fazer epidimia ⁊ sequedat en qual logar quisieres. El .xix. pora yr omne aqual logar quisiere a so hora. El .xx. pora enuiar arenas ⁊ piedras sobre qual logar quisieres. El .xxi. pora fazer las maestrias graues ⁊ pesadas de laurar. El .xxij. pora seer bien quisto en caminos por tierra ⁊ por mar. El .xxiij. pora fazer correr qual moneda quisieres en qual uilla quisieres El .xxiiij. pora uedar que non engendre qual omne o qual mugier quisieres. El .xxv. pora dar riqueza ⁊ cresçer aueres. ⁊ abrir qual puerta o qual cerradura quisieres El .xxvi. pora dar enfermedat aqual omne o a qual mugier quisieres. El .xxvij. pora fazer mesturar los omnes los unos alos otros ⁊ dezir mal. El .xxviij. pora toller ⁊ lauar los peccados de qui quisieres. El .xxix. pora destruir el auer ⁊ el linnage. El .xxx. pora multiplicar el auer ⁊ las ganancias. ⁊ las cosas que salen dela tierra. ⁊ delas que senbran. Del signo de uirgo. El primero capitolo es pora amar te qual mugier quisieres. El .ij. pora amar los ninnos El .iij. pora amar la ley ⁊ las derechuras. El .iiij. pora amar poblar ⁊ senbrar El .v. pora saber nueuas de qui quisieres; en qual tierra quier que sea. El .vi. pora amar te quantas mugieres quisieres. El .vij. pora meter bendicion enlas sembraduras ⁊ en los fijos. El .viij. pora fazer que se non emprennen las mugieres. El .ix. pora amar ⁊ obedeçer el omne a su mugier. El .x. pora departir los que se bien quieren; ⁊ prender aqui quisieres. El .xi. pora embiar miedo ⁊ enfermedat sobre qui quisieres. El .xij. pora embiar nuues o uientos al logar que quisieres. El .xiij. pora embiar aues aqual logar quisieres que fagan danno. El .xiiij. pora fazer amar un omne a otro por sodomitico. El .xv. pora meter amor ⁊ bien querencia entre quales omnes quisieres. El .xvi. pora casar con qual mugier rica quisieres. El .xvij. pora meter desauenencia entre las creaturas. El .xviij. pora fazer fremosas formas ⁊ colores. El .xix. pora camiar el regno de qui quisieres. ⁊ dar lo aqui quisieres. El .xx. pora encobrir las nemigas ⁊ los malos fechos delos omnes. El .xxi. pora fazer buen maestro ⁊ demostrador de sciencias. El .xxij. pora emblandesçer ⁊ amollesçer qual cosa quisieres. El .xxiij. pora multiplicar los aueres ⁊ las riquezas en los omnes uiles. El .xxiiij. pora traer ganancias ⁊ prouechos muchos delas mineras delas piedras. El .xxv. pora fazer foyr los ladrones ⁊ yr a malos logares. El .xxvi. pora retener qual naue quisieres en la mar. El .xxvij. pora derramar ⁊ esparzer qual caualleria o qual companna quisieres. El .xxviij. pora fazer buena fama ⁊ buena nombradia. ⁊ obedeçer las mugieres aqui quisieres. El .xxix. pora fazer carreras luengas ⁊ andar las ⁊ a qual uilla quisieres. El .xxx. pora fazer endiablar a qui quisieres. Del signo de libra. El primero capitolo es pora embiar esquinancia mortal a qui quisieres. El .ij. pora meter tos enemigos catiuos en tu mano. El .iij. pora dar onrra ⁊ precio aqui quisieres. El .iiij. pora mostrar los thesoros en los pozos. El .v. pora amansar las aues ⁊ por fazer las maneras. El .vi. pora affirmar to auer ati a tos fijos ⁊ a tu linnage. El .vij. pora fazer aqui quisieres que acuse assi mismo ⁊ que manifieste sus malos fechos. El .viij. pora fazer alas mugieres que amen a sos maridos. El .ix. pora dannar el estado de qui quisieres. El .x. pora fazer amar derecho ⁊ iusticia. El .xi. pora fazer auenturado aqui quisieres en su fin. El .xij. pora fazer al omne mintroso ⁊ falso. El .xiij. pora fazer las mugieres putas El .xiiij. pora fazer buena ⁊ de buen parescer aqui quisieres. El .xv. pora fazer las mugieres mas onrradas que sus maridos. El .xvi. pora fazer ueer dela cosa fea fermosa. El .xvij. pora embiar uozes mortales sobre qui quisieres. El .xviij. pora embiar muerte subitanna aqui quisieres. El .xix. pora fazer regnar sobre muchos omnes. El .xx. pora enuiar dolor del figado ⁊ del baço aqui quisieres. El .xxi. pora guardar de occasiones aqui quisieres. El .xxij. pora toller el mal de qui quisieres. El .xxiij. pora fazer buen uiento ⁊ sabroso en uerano ⁊ en yuierno. El .xxiiij. pora dar sanidat ⁊ fuerça de miembros aqui quisieres. El .xxv. pora dar atreuencia ⁊ fuerça ⁊ uençer los enemigos. El .xxvj. pora enuiar miedo aqui quisieres ⁊ uer matar los reyes. El .xvij. pora enuiar mansedat ⁊ cordura a qui quisieres. El .xviij. pora arredrar las matanças ⁊ las sangres delos omnes. El .xxix. pora fazer auer miedo aqui quisieres. El .xxx. pora fazer poblar qual logar ⁊ qual uilla quisieres. Del signo de escorpion. El primero capitolo es pora multiplicar ladrones ⁊ miedo. El .ij. pora meter uaraias entre qui quisieres. El .iij. pora fazer matar se con su mano aqui quisieres. El .iiij. pora dar uentura a qui quisieres ⁊ mostrar las carreras de ganancia. El .v. pora fazer que las palabras ⁊ los dichos que tu quisieres sean creydos ante los reyes. El .vi. pora matar tos enemigos ⁊ quemar aqui quisieres. El .vij. pora matar aqui quisieres por sed ⁊ por sequedat. El .viij. pora multiplicar las aguas ⁊ los aueres ⁊ minguar las semientes ⁊ los fijos. El .ix. pora fazer fablar de sciencias ⁊ de poridades de saber ⁊ cresçer los dichos uerdaderos. El .x. pora descobrir ⁊ mostrar las figuras de las estrellas. El .xi. pora fazer cresçer las miesses. El .xij. pora fazer nobleza ⁊ alteza. ⁊ pora fazer regnar por seso ⁊ por buenas maneras sobre otros El .xiij. pora mostrar las fuessas delos reyes ⁊ sus thesoros. El .xiiij. pora dannar el seso ⁊ el entendimiento El .xv. pora enuiar amor ⁊ amiztad entre qui quisieres. El .xvi. pora fazer promessas mintrosas ⁊ mentiras aqui quisieres. El .xvij. pora tornar el coraçon del rey ati ⁊ fazer le amar aqui quisieres. El .xviij. pora dannar qual miembro quisieres de qual bestia quisieres El .xix. pora fazer beuer toxico aqui quisieres. El .xx. pora multiplicar ⁊ cresçer los aruoles ⁊ los huertos. El .xxi. pora fazer seer puta qual mugier quisieres El .xxij. pora fazer las mugieres castas ⁊ buenas ⁊ de buen seso. El .xxiij. pora fazer el omne nescio ⁊ auol uil. El .xxiiij. pora mouer guerra sobre qui quisieres. El .xxv. pora dar nobleza ⁊ alteza aqui quisieres. El .xxvi. pora departir ⁊ derramar la companna que quisieres. El .xxvij. pora multiplicar to auer ⁊ meter en el bendicion. El .xxviij. pora demostrar saberes ⁊ maestrias. El .xxviiij. pora dar salut ⁊ bien ⁊ paz. El .xxx. pora fazer saber las piensas delos omnes. Del signo de sagitario. El primero capitolo es pora departir ⁊ esparzer qual companna quisieres. El .ij. pora destruir aqui quisieres. ⁊ dannar qual logar quisieres por armas ⁊ por uiento. El .iij. pora fazer guerras ⁊ lides. ⁊ alçar los sieruos sobre los uassallos. El .iiij. pora fazer baraias ⁊ contiendas en disputaciones. El .v. pora dar fuerça ⁊ poder de sofrir que quiere. El .vi. pora departir ⁊ meter malquerencia entre quales quisieres. El .vij. pora fazer terre motus en qual uilla quisieres. El .viij. pora esflaqueçer miembros ⁊ fechos de qui quisieres ⁊ dannar su forma. El .ix. pora fazer ganar piedras preciosas. El .x. pora multiplicar los uiles ⁊ los malos omnes en qual uilla quisieres. El .xi. pora guardar tus aueres ⁊ tus thesoros ⁊ fazer que fiquen en tu linnage. El .xij. pora fazer tener por uerdadero maguer que diga mentiras. El .xiij. pora fazer ueer suennos uerdaderos en lo que quiere omne. El .xiiij. pora fazer furtos ⁊ ladronicios ⁊ seer bien apresos por ellos El .xv. pora departir ⁊ andar carreras luengas ⁊ destoruar la lid de qui quisieres. El .xvi. pora fazer piedat ⁊ sofrimiento ⁊ toller sanna. El .xvij. pora çegar aqui quisieres. El .xviij. pora seer uisto ⁊ de buena uida. El .xix. pora fazer tornar el amor ⁊ el amiztad a qui quisieres. El .xx. pora fazer cresçer los aruoles ⁊ huertos; ⁊ uergeles. El .xxi. pora fazer camiar las leyes ⁊ las yentes. El .xxij. pora matar tu enemigo sin piedat. El .xxiij. pora enuiar cauallerias a tos enemigos El .xxiiij. pora meter amor ⁊ fazer amar los omnes a sus mugieres en qual uilla quisieres. El .xxv. pora arredrar enganno ⁊ traycion de qui quisieres. El .xxvi. pora fazer amar los omnes uiles ⁊ malos ⁊ fazer los alçar sobre qui quisieres. El .xxvij. pora matar los reyes ⁊ fazer los ensannar sobre qui quisieres. El .xxviij. pora ayudar en carreras ⁊ fazer saluo andar por ellas. El .xxix. pora dar lazeria ⁊ mala uida aqui quisieres. El .xxx. pora fazer amor uerdadero ⁊ bien querencia. Del signo de capricornio. El primero capitolo es pora amor ⁊ amiztad ⁊ por llegar se a mugieres. El .ij. capitolo es pora fazer remembrar. ⁊ por retener las obras de magica ⁊ redrar los ladrones de ti. El .iij. pora guardar los heredamientos que fiquen ati ⁊ el fructo que non se danne. El .iiij. pora enuiar sequedat ⁊ mingua de lluujas aqual logar quisieres. El .v. pora destruir ⁊ meter miedo aqui quisieres. El .vi. pora dar ligereza en buenos fechos et en amar uerdat. El .vij. pora fazer amar las mugieres unas a otras ⁊ que aborrescan los omnes. El .viij. pora fazer amar los omnes alos moços ⁊ que aborrescan las mugieres. El .ix. pora fazer buena fama ⁊ nombradia buena ⁊ riqueza. El .x. pora fazer alegrias ⁊ gozos ⁊ fazer llegar en uegez aqual grado o aqual estado quisieres. El .xi. pora dar sanidat ⁊ salut delos .v. sesos. El .xij. pora fazer alegrias ⁊ ionglerias. El .xiij. pora fazer alos omnes seer francos. ⁊ ganar ganancias de buena part. El .xiiij. pora seer leal ⁊ uerdadero ⁊ fiel pora otro omne. El .xv. pora dar atreuimiento ⁊ fuerça ⁊ crueleza aqui quisieres. El .xvi. pora dar alteza ⁊ buena nombradia. El. xvij. pora dar seso ⁊ entendimiento ⁊ atreuencia El .xviij. pora fazer desauenencia ⁊ desacordança en qual regno quisieres. El .xix. pora dar exalçamiento alos omnes de buen linnage. El .xx. pora fazer alos reyes que amen matanças El .xxi. pora fazer aborreçer los malos ⁊ amar los iustos El .xxij. pora meter amor de qual rey quisieres en uoluntad de qui tu quisieres. El .xxiij. pora fazer alos reyes saber las nueuas delos otros reyes. ⁊ lo que tienen en uoluntad de fazer. El .xxiiij. pora meter miedo en la yente de qual uilla quisieres El .xxv. pora guardar aqui quisieres delas occasiones celestiales. El .xxvi. pora fazer bienandant aqui quisieres en qual cosa quisieres. El .xxvij. pora fazer camiar dignidat de qui quisieres pora qui quisieres. El .xxviij. pora fazer poblar qual uilla quisieres. El .xxix. pora affirmar ⁊ assegurar regnado. ⁊ auer de qual quier rey. El .xxx. pora uedar los dragones ⁊ las serpientes Del signo de aquario El primero capitolo es pora meter amor et amiztad entre los iustos. El .ij. pora fazer besar aqui quisieres ⁊ aura ende sabor. El .iij. pora alçar los uiles omnes sobre los nobles. El .iiij. pora fazer mal ⁊ traicion en las madres ⁊ en las hermanas. El .v. pora fazer iuras falsas ⁊ cobdicias. El .vi. pora fazer amar ⁊ iazer con mugieres ⁊ pereza ⁊ flaqueza. El .vij. pora meter miedo aqui quisieres. El .viij. pora fazer guerras ⁊ corrimiento de sangres. El .ix. pora fazer los omnes de qual uilla quisieres seer mal iudgados de su sennor. El .x. pora fazer que te obedesca qui quisieres. El .xi. pora fazer las obras ⁊ los lazerios ligeros aqui quisieres. El .xij. pora toller regnado ⁊ poderio aqui quisieres. El .xiij. pora fazer complir que quier que demandes. El .xiiij. pora fazer acusamientos El .xv. pora fazer seer mintroso ⁊ traydor ⁊ artero aqui quisieres. El .xvi. pora meter amor ⁊ cobrar amiztad. El .xvij. pora fazer seer cobdicioso aqui quisieres. El .xviijo. pora dar folgura ⁊ complimiento de uicios con muchas uiandas. El .xixo. pora fazer morir los ninnos ante que los uieios. El .xx. pora retener la lluuia que non llueua en qual logar quisieres El .xxi. pora adozir los bestiglos malos ⁊ dannadores aqual uilla quisieres. El .xxij. pora fazer somir las naues ⁊ quebrar. Et derraygar los arboles. El .xxiij. pora fazer engannos. Et minguar la uida aqui quisieres El .xxiiij. pora fazer mesquino ⁊ pobre; aqui quisieres El .xxv. pora demostrar miraglos ⁊ marauillas El .xxvi. pora redrar dolores ⁊ enfermedades. El .xxvij. pora dar fuerça ⁊ poderio aqui quisieres. El .xxviij. pora fazer uenir apriessa ⁊ con amor aqui quisieres. El .xxix. pora fazer aprender ⁊ entender ⁊ retener las sciencias. El .xxx. pora matar todos tus enemigos. Del signo de Pisces. El primero capitolo es pora departir baraias ⁊ miedos. El .ij. pora dar pobreza aqui quisieres. El .iij. pora fazer amar soberuias ⁊ tuertos. El .iiij. pora fazer seer uil ⁊ despreciado aqui quisieres. El .v. pora dar sanidat de qui quisieres a otro. El .vi. pora fazer enfermar ⁊ adolesçer aqui quisieres. El .vij. pora amor ⁊ cobramiento de amiztad. El .viij. pora mostrar thesoros. Et ensennar sciencias ⁊ saberes. Et saber las fines delas cosas. El .ix. pora dannar la uoluntad de qui quisieres ⁊ meter miedo. El .x. pora quebrantar los huessos de qui quisieres. El .xi. pora meter miedo alos ninnos ⁊ matarlos. El .xij. pora hermar ⁊ baziar las casas ⁊ minguar las ganancias. El .xiij. pora fazer aborreçer las maestrias de manos El .xiiij. pora embiar lazerias ⁊ penas aqui quisieres. El .xv. pora fazer morir aqui quisieres. El .xvi. pora fazer buena uoluntad que non se assanne por ninguna cosa. El .xvij. pora fazer corrompimiento de ayre en los omnes ⁊ crescer sembradura ⁊ poblacion de tierra. El .xviij. pora amar estar sennero ⁊ aborreçer; companna delos omnes. El .xix. pora fazer truenos ⁊ fuertes uientos El .xx. pora andar fuera de su logar; ⁊ veuir fuera de su logar. El .xxi. pora guardar las mugieres prennadas ⁊ fazer las parir de ligero. El .xxij. pora toller la uida aqui quisieres; por fiebre o por ydropisya. El .xxiij. pora fazer amar las mugieres alos moços que yagan con ellas. El .xxiiij. pora fazer la mugier pagada de su marido. El .xxv. pora amar buenos fechos ⁊ uerdat. ⁊ aborrecer los malos. El .xxvi. pora matar los malos omnes ⁊ dar fuerça en lid. El .xxvij. pora dar uentura ⁊ ganancias en sus fechos aqui quisieres. El .xxviij. pora dar sanidat ⁊ fuerça; ⁊ redrar flaqueza ⁊ cansedat. El .xxix. pora onrrar el omne a su mugier. El .xxx. pora dar fuerça ⁊ sanidat alos ninnos. ⁊ pora criar se bien. Dela terçera parte deste libro que fabla segund el dicho de pitagoras delas figuras que suben en los grados delos doze signos. ⁊ delas obras dellas en las nascencias. Et a en ella trezientos ⁊ sessaenta capitolos. El primero capitolo es pora auer uida abondada. ⁊ de poca tristeza ⁊ de poco cudado. El .ij. pora seer mentidor. Et de grand companna. Et de buen regimiento. El .iij. pora seer atreuudo ⁊ muy fuerte. Et muy engennoso. El .iiij. pora seer de muchas dignidades. Et de grand mandamiento ⁊ defendimiento ⁊ mucho obedecido. El .v. pora seer de uida abondada. ⁊ sin trauaio. ⁊ sin cudado. El .vi. pora seer mucho acucioso; ⁊ non quedar de buscar su pro. El .vij. pora seer de mala uida. ⁊ muy falso. ⁊ de duro entendimiento. Et pora non pensar en lo que faze El .viij. pora seer malo ⁊ grand dezidor de mal delos omnes. ⁊ pora non tener poridat ninguna cosa. El .ix. pora seer auenedizo. ⁊ pobre ⁊ de poco conseio. El .x. El .xi. pora fazer las yentes reyr ⁊ seer feminino. El .xij. pora seer ladron que non pueda quedar en ningun logar El .xiij. pora pagar se mucho de su conseio. ⁊ seer de poco prouecho. El .xiiij. pora seer omne mouedizo que non quede en ningun logar. El .xv. pora seer de muchos duelos; ⁊ mucho atreuudo El .xvi. pora seer fuerte ⁊ de grand poder. Et de mandar ⁊ de uedar. El .xvij. pora seer rey de grand poder. ⁊ de mucho fermoso ornamiento. El .xviij. pora seer feminino ⁊ de poco regimiento ⁊ grand gastador. El .xix. pora seer omne muy rico ⁊ fremoso ⁊ amador de todas las cosas. El .xx. pora seer omne de buena riqueza ⁊ de grand gozo ⁊ alegria. El .xxi. pora non fablar nin dezir ninguna cosa El .xxij. pora seer ladron ⁊ temeroso. ⁊ de grand trauaio. ⁊ feminino. El .xxiij. pora seer arroquero ⁊ mouedizo que non quede en ningun logar. El .xxiiij. pora seer feminino fermoso ⁊ much apuesto. El .xxv. pora seer grand gastador ⁊ luxurioso. ⁊ sin uerguença. El .xxvi. pora El .xxvij. pora seer fermoso ⁊ muy apuesto et mucho amado. El .xxviij. pora seer lazrado. ⁊ trabador. ⁊ sufridor de muchos lazerios. ⁊ pora tener en coraçon el mal quel fizieren. El .xxviiij. pora seer sotil menestral. ⁊ pora fazer fremosas obras. El .xxx. pora seer engennoso en passar su tiempo lo meior que pudiere. Del signo de tauro. El primero capitolo es pora seer lazrado ⁊ trabaiador. ⁊ amar mucho el mundo. El .ij. pora seer amador de solaz. ⁊ de estrumentos. ⁊ de todas cosas que pertenecen a alegria. El .iij. pora seer pobre ⁊ lazrado ⁊ desnudo. El .iiij. pora seer assacador ⁊ de nueuas ⁊ de muchas palauras. El .v. pora seer abondado de todo bien. ⁊ engennoso. El .vi. pora ganar mucho ⁊ seer bien abondado. El .vij. pora seer feminino. ⁊ mucho amado. ⁊ grand amador. El .viij. pora seer enfermizo que nunqua sanara. El .ix. pora seer de muchas desauenturas ⁊ de muchas perdidas. El .x. pora seer engannador ⁊ falso. ⁊ mucho atreuudo. El .xi. pora seer cauallero muy lazrado ⁊ non quedar en ningun logar. El .xij. pora seer engannador. ⁊ muy falso ⁊ desuergonçado. El .xiij. pora seer cauallero mucho esforçado ⁊ mucho atreuudo. El .xiiij. pora seer sofridor. ⁊ perdonador; ⁊ de buen regimiento. El .xv. pora seer de muchas palabras. ⁊ demoniado ⁊ antoiadizo. El .xvi. pora seer cabdiello ⁊ perdonador ⁊ fazedor de bien alas yentes. El .xvij. pora seer enfermo. o auer algunas sennales en la cara. El .xviij. pora seer entendudo ⁊ acordado ⁊ mucho ensennado. El .xix. pora seer feminino. ⁊ mucho abondado de todo bien. El .xx. pora seer buen sofridor ⁊ prouador de muchas cosas. El .xxi. pora seer temeroso ⁊ muy flaco. El .xxij. pora seer creydo de sus palabras. ⁊ sesudo ⁊ entendudo. El .xxiij. seer de flaco coraçon ⁊ de poco prouecho El .xxiiij. pora seer de gruessa cara ⁊ de poca uerguença El .xxv. pora seer de buenas costumbres; ⁊ de buena uoluntad. El .xxvi. pora seer grand ladron ⁊ mucho mintroso; ⁊ mezclador que non terna ninguna poridat. El .xxvij. pora seer de grand ganancia ⁊ de mucho bien. El .xxviij. pora seer de grand gozo ⁊ de grand alegria ⁊ grand iogador El .xxix. pora seer gran prestador ⁊ metedor de paz entre las gentes. El .xxx. pora mercadero abondado en su uida. El primero capitolo es pora seer sennor de grand auer ⁊ de mucha companna ⁊ de buen donayre. El .ij. pora seer omne de comunal estado en su uida. El .iij. pora seer ganador del regno; ⁊ bien ensennado El .iiij. pora seer feminino ⁊ muy malo ⁊ sabidor de nigromancia El .v. pora seer escriuano bien sabio ⁊ sabra muy bien de cuenta. El .vi. pora seer muy bueno ⁊ bien entendudo ⁊ amador delas gentes. El .vij. pora seer muy malo ⁊ muy falso ⁊ luxurioso. El .viij. pora seer omne dubdoso de poca creencia ⁊ pora fiar poco enlos otros omnes El .ix. pora seer de poca pro ⁊ de poco recabdo. El .x pora seer onrrado ⁊ grand sofridor ⁊ limpio ⁊ ensennado El .xi. pora non seer estable en sus conseios; ni firme en sus fechos. El .xij. pora seer omne suzio ⁊ de forma muy fea. El .xiij. pora seer omne triste ⁊ muy cudadoso que llorara todos sus dias. El .xiiij pora seer muy bien enderaçado en todas sus cosas ⁊ pora auer mucho bien El .xv. pora seer mintroso ⁊ engennoso ⁊ mouedezo dun logar a otro ⁊ mesturero El .xvi. pora seer largo ⁊ franco ⁊ abondado de todo bien. El .xvij. pora seer minguado ⁊ de pocos dias El .xviij. pora seer engennoso ⁊ falso ⁊ engannador ⁊ de poca fe ⁊ de poca creencia El .xix. pora seer falso ⁊ de muy fea figura ⁊ dannada ⁊ desauenturada El .xx. pora seer luxurioso ⁊ maldicho. El .xxi. pora seer onrrado ⁊ enderesçado contra todo bien. El .xxij. pora seer lazrado ⁊ mucho trabaiador. El .xxiij. pora seer ladron ⁊ baraiador ⁊ mucho atreuudo ⁊ ardit. El .xxiiij. pora seer enamorado ⁊ grand amador. El .xxv. pora seer fuerte ⁊ atreuudo ⁊ de buena complexion. El .xxvi. pora seer grand baraiador ⁊ pora tener en el coraçon el mal quel fizieren. El .xxvij. pora seer religioso ⁊ de muchas oraciones ⁊ lazrara en fazer plazer a dios. El .xxviij. pora seer alfaiem o estercolero. El .xxix. pora seer alcauuet ⁊ de muy mala uoluntad. El .xxx. pora seer mintroso ⁊ muy malo ⁊ infortunado ⁊ feminino. El primero capitolo es pora amar mugieres ⁊ non se quitar dellas El .ij. pora seer leal ⁊ amador de sus amigos. El .iij. pora seer gastador ⁊ malo ⁊ maldito. El .iiij. pora seer de fea figura ⁊ pobre ⁊ infortunado. El .v. pora seer feminino ⁊ de apuesta figura. El .vi. pora seer engennoso ⁊ muy mintroso ⁊ falso. El .vij. pora seer abondado en su uida. El .viij. pora seer de muchas perdidas en su auer ⁊ de muchas occasyones. El .ix. pora seer de caliente complexion ⁊ infortunado ⁊ de poco conseio. El .x. pora seer de buena uida ⁊ de mucha penitencia ⁊ de muchas oraciones El .xi. pora seer largo ⁊ franco de coraçon ⁊ de buena creencia. El .xij. pora seer iniurioso ⁊ fazedor de muchos tuertos ⁊ engennoso. El .xiij. pora seer uerdadero ⁊ sabio ⁊ entendudo ⁊ grand perdonador ⁊ largo. El .xiiij. pora seer malo luxurioso ⁊ sabidor de muchos mesteres. El .xv. pora auer mucho ganado ⁊ ser auenturado en ello. El .xvi pora seer mucho osado ⁊ triste ⁊ de muchos cudados siempre en su fazienda. El .xvij. pora seer tafur ⁊ escarnidor ⁊ furtador delas fuessas de noche. El .xviij. pora seer muy rico ⁊ abondado ⁊ aura mucho auer. El .xix. pora seer pobre ⁊ de muchos mesteres. El .xx. pora seer de poca tristeza ⁊ rico de coraçon. El .xxi. pora seer muy caminero que yra de una tierra en otra. El .xxij. pora guaresçer por palabra. El .xxiij. pora seer suzio ⁊ nescio ⁊ torpe. El .xxiiij. pora seer prouechoso ⁊ abondado de mucho bien. El .xxv. pora seer exalçado ⁊ nombrado. El .xxvi. pora seer onrrado entre sus parientes ⁊ amado entre sus gentes. El .xxvij. pora seer muy connosçudo ⁊ nombrado. El .xxviij. pora seer gran chufador ⁊ ladron. ⁊ descreydo ⁊ engennoso. El .xxix. pora seer muy temudo ⁊ cauallero muy nombrado ⁊ ardido. El .xxx. pora seer de poco seso ⁊ de flaco conseio. El primero capitolo es pora seer rey fermoso piadoso onrrado ⁊ fazedor de bien. El .ij. pora seer enuidioso ⁊ atreuudo ⁊ hardido. El .iij. pora seer mucho acucioso en ganar su uida ⁊ infortunado. El .iiij. pora seer auenturado ⁊ largo ⁊ de buena uoluntad. El .v. pora seer mucho ardido ⁊ delibre ⁊ de fuerte coraçon. El .vi. pora seer cabdiello de muchas palauras. El .vij. pora seer cabdiello de grand tierra ⁊ amigo ⁊ conseiador delos reyes. El .viij. pora seer cauallero mucho esforçado ⁊ meter se en muchas auenturas. El .ix. pora seer rico ⁊ abondado. El .x. pora seer de muchos mesteres ⁊ de poco conseio. El .xi. pora seer religioso ⁊ de buena uida; ⁊ de muchas oraciones. El .xij. pora seer rico ⁊ abondado ⁊ folgado. El xiij. pora seer ioglar ⁊ grand iogador. El .xiiij. pora seer de poco conseio ⁊ dubdoso en sus fechos. El .xv. pora seer mal enfamado entre sus parientes El .xvi. pora auer muchos enemigos de sus parientes ⁊ de su linnage. El .xvij. pora seer temeroso ⁊ orgulloso entre sus parientes. El .xviij. pora seer artero ⁊ escarnidor ⁊ engannador El .xix. pora seer persona de gruessa natura. El .xx. pora tener en coraçon el mal quel fizieren. El .xxi. pora seer buen menestral que labre bien con sus manos. El .xxij. pora seer escriuano muy ensennado; ⁊ pora saber muy bien de cuenta. El .xxiij. pora El .xxiiij. pora seer pregonero que non quede en ningun logar. El .xxv. pora seer mezclador entre las gentes ⁊ grand iogador. El .xxvi. pora seer grand sabidor de sciencias El .xxvij. pora seer de muchas occasiones ⁊ muy desauenturado. El .xxviij. pora seer nombrado ⁊ esforçado; ⁊ mucho enamorado. El .xxix. pora seer matador ⁊ uertedor de sangre ⁊ enoioso. El .xxx. pora seer poderoso en sus dias. ⁊ fuerte de su cuerpo ⁊ engannador. El primero capitolo es pora seer sotil franco enamorado ⁊ bien fablado. El .ij. pora seer sabio entendudo ⁊ de buena uida ⁊ ensennador de moços. El .iij. pora seer omne religioso. El .iiij. pora seer arador ⁊ labrador de tierra El .v. pora seer ladron robador de camino ⁊ maldito. El .vi. pora seer largo ⁊ franco ⁊ aura grand amor. El .vij. pora seer corredor de muchas palauras. El .viij. pora seer ioglar que fara los omnes reyr ⁊ entendudo. El .ix. pora seer leuador de nueuas de una uilla a otra. El .x. pora seer triste ⁊ pora llorar mucho. El .xi. pora seer de poco ⁊ flaco conseio. El .xij. pora seer abondado ensennado ⁊ limpio. El .xiij. pora seer alegre gozoso ⁊ amara affeytamiento. El .xiiij. pora seer ladron falso descreido ⁊ maldicho El .xv. pora seer bannador ⁊ aura mucho bien. El .xvi. pora seer de poco seso ⁊ de poco conseio ⁊ de poco entendimiento. El .xvij. pora seer rey onrrado ⁊ mucho largo. El .xviij. pora seer argudo largo ⁊ entendudo. El .xix. pora seer largo ⁊ soberuio. El .xx. pora seer esforçado ⁊ de fuerte coraçon. El .xxi. pora seer periuro falso ⁊ desauenturado El .xxij. pora seer rebatoso engennoso ⁊ artero. El .xxiij. pora seer artero baraiador ⁊ engannador. El .xxiiij. pora seer limpio ⁊ de buena fama. El .xxv. pora seer rey poderoso ⁊ de mucha merçet. El .xxvi. pora seer desfigurado ⁊ desauenturado El .xxvij. pora seer muy malo ⁊ grand baraiador. El .xxviij. pora seer estranno senneriego ⁊ malo. El .xxix. pora seer baraiador ⁊ enuidioso ⁊ tuerto. El .xxx. pora seer dannado en su persona ⁊ en su seso. El primero capitolo es pora seer atreuudo ardido ⁊ mucho delibre. El .ij. pora seer bueno ensennado ⁊ limpio El .iij. pora seer ensennado ⁊ sabio. El .iiij. pora seer engannador caçador ⁊ engennoso El .v. pora seer pregonero ⁊ sennor de naues El .vi. pora seer enderesçado en sus estados ⁊ bien abondado. El .vij. pora seer omne de dios ⁊ religioso ⁊ muy temeroso. El .viij. pora seer onrrado noble ⁊ bien abondado. El .ix. pora seer lazrado ⁊ caçador de aues. El .x. pora seer alegre ⁊ gozoso. El .xi. pora seer abondado ⁊ fazedor de bien. El .xij. pora El .xiij. pora seer abondado onrrado ⁊ bendicho. El .xiiij. pora seer muy feo luxurioso ⁊ nombrado. El .xv. pora seer rey que ordenara muy bien sus huestes ⁊ uençra los reyes. El .xvi. pora seer guiador de huestes ⁊ aura alguna sennal en la cara o enel cuerpo. El .xvij. pora seer desfigurado boto de aprender. ⁊ grand dannador. El .xviij. pora seer sabio ensennado ⁊ limpio. El .xix. pora seer gozoso ⁊ ensennado. El .xx. pora seer fremoso sabio ⁊ amador de alegria. El .xxi. pora seer rey de grand poder El .xxij. pora seer ypocrita ⁊ mintroso. El .xxiij. pora seer de poca fe. El .xxiiij. pora seer fremoso ⁊ sospechoso. El .xxv. pora seer de apuesta cara ⁊ de buen regimiento. El .xxvi. pora seer pobre lazrado trauador ⁊ sofridor. El .xxvij. pora seer minguado de seso ⁊ de conseio ⁊ de poca auentura. El .xxviij. pora seer de poca auentura en començamiento de su uida ⁊ en medio della. ⁊ en su fin sera bien auenturado. El .xxix. pora fazer poco bien assi mismo. El .xxx. pora ueer assi mismo en mal estado. El primero capitolo es pora hardit seer ⁊ atreuudo. El .ij. pora seer rey de grand poder. El .iij. pora seer lazrado ⁊ de muchos trabaios. El .iiij. pora seer lazrado ⁊ mintroso. El .v. pora seer manso ⁊ grand sofridor. El .vi. pora seer caminero que non quedara en ningun logar. El .vij. pora siempre uencer sus enemigos. El .viij. pora seer loco ⁊ de duro entendimiento. El .ix. pora seer soberuioso ⁊ de duro entendimiento El .x. pora seer sin recabdo en su conseio; ⁊ de muchas palabras. El .xi. pora seer atreuudo ⁊ mucho ardido. El .xij. pora El .xiij. pora seer mintroso ⁊ grand dezidor de mal delas yentes. El .xiiij. pora seer omne que fara poco bien ⁊ poco prouecho assi mismo. El .xv. pora seer franco largo ⁊ de grand auer. El .xvi. pora seer compannero uerdadero ⁊ de apuesta uida. El .xvij. pora seer compannero delos reyes. El .xviij. pora. El .xix. pora seer soberuio desauenturado ⁊ loco. El .xx. pora seer rey endereçado en sus conseios. ⁊ de noble coraçon ⁊ bien reçebido. El .xxi. pora seer malo ⁊ grand contendedor. El .xxij. pora seer pastor lazrado. El .xxiij. pora seer de mucho bien ⁊ de grand auer. El .xxiiij. pora seer abondado ⁊ amador de todi bien. El .xxv. pora seer omne pagado de su conseio ⁊ non lo querra reçebir de otro. El .xxvi. pora seer loco feminino ⁊ desuergonçado. El .xxvij. pora alcançar todas las cosas que quisiere; El .xxviij. pora seer fazedor de todo mal ⁊ non pensar en lo que fiziere. El .xxix. pora seer triste ⁊ de mucho cudado. El .xxx. pora seer caminero ⁊ lazrado ⁊ aura muchos mesteres. El primero capitolo es pora seer perezoso minguado ⁊ dannador. El .ij. pora seer fuerte ⁊ retenedor. El .iij. pora seer connosçudo por pobre. El .iiij. pora seer atreuudo osado cauallero mucho hardido. El .v. pora seer de muchos mouimientos de un logar a otro. El .vi. pora seer fuerte de cuerpo ⁊ de coraçon. El .vij. pora seer disputador en su ley; ⁊ mucho esforçado. El .viij. pora seer bozero ⁊ grand contendedor. El .ix. pora seer rey de grand caualleria. El .x. pora seer enoioso. El .xi. pora seer de poca fe ⁊ de poco entendimiento. El .xij. pora seer rico ⁊ de grand folgamiento. El .xiij. pora seer estranno delas gentes. El .xiiij. pora seer uerdadero ⁊ auer mucho bien. El .xv. pora seer mucho atreuudo ⁊ much endereçado. El .xvi. pora seer mintroso triste ⁊ de mucho cudado. El .xvij. pora seer ayudado ⁊ de buena fe ⁊ de buena uoluntad. El .xviij. pora seer de poco seso ⁊ much rebatoso. El .xix. pora seer hermitanno religioso ⁊ de buena uida. El .xx. pora seer abondado ⁊ ensennado. El .xxi. pora seer rey de grand regno ⁊ de grand poder. El .xxij. pora seer descreydo ⁊ artero. El .xxiij. pora seer descreydo ⁊ muy luxurioso. El .xxiiij. pora seer lazrado flaco ⁊ mesquino. El .xxv. pora El .xxvi. pora seer dannador ⁊ artero. El .xxvij. pora seer bien uestido ⁊ bien reçebido. ⁊ aura mucho bien. El .xxviij. pora seer omne de dios ⁊ fuerte ⁊ fremoso. El .xxix. pora seer aguardado ⁊ defendido de todas desauenturas. El .xxx. pora seer maldicho descreydo ⁊ artero. El primero capitolo es pora seer alçado sabio ⁊ entendudo ⁊ ensennado. El .ij. pora seer malo mintroso ⁊ artero. El .iii. pora seer enfermo de muchas enfermedades ⁊ aura muchos mesteres. El .iiij. pora seer grand escarnidor ⁊ bien auenturado. El .v. pora seer bozero ⁊ grand contendedor de palabras. El .vi. pora seer inuidioso dannador ⁊ antoiadizo. El .vij. pora seer connosçudo por mucho enamorado. El .viij. pora seer mintroso ⁊ pidra por amor de dios. El .ix. pora seer muy feo ⁊ desfigurado. El .x. pora seer caminero ⁊ auer mucho bien. El .xi. pora fazer alos omnes reyr ⁊ fazedor de bien. El .xij. pora seer caminero ioglar ⁊ fazer alos omnes reyr. El .xiij. pora seer rey entendudo ⁊ de grand poder. El .xiiij. pora seer manso ⁊ de grand sufrencia. El .xv. pora seer de muchos mandamientos ⁊ de muchos defendimientos ⁊ non seer firme en ellos. El .xvi. pora seer fuerte. abondado ⁊ leal ⁊ bien obedient. El .xvij. pora seer de flaco coraçon. El .xviij. pora seer rey artero ⁊ minguado. El .xix. pora seer grand sabio ⁊ usado de pratica. El .xx. pora seer artero minguado ⁊ de poco seso. El .xxi. pora seer bendicho ⁊ de buena fe. El .xxij. pora seer rey entendudo. El .xxiij. pora auer mucho bien ⁊ grand auer. El .xxiiij. pora seer lazrado ⁊ de grand trauaio. El .xxv. pora seer grand fablador ⁊ rebatoso. El .xxvi. pora seer sofridor de duelos ⁊ aura grand tristeza ⁊ muchos cuydados. El .xvij. pora fazer muchos fechos ⁊ non durara en ellos. El .xxviij. pora seer rebatoso ⁊ non terna pro lo que dixiere. El .xxix. pora seer muy prouechoso alas gentes. El .xxx. pora seer alegre de fazer oraciones; ⁊ desauenturado. El. primero capitolo es pora seer bien abondado pora toda su uida. El .ij. pora seer omne que fara muchas posturas ⁊ muchas cartas. El .iii. pora seer furtador delas mortaias delas fuessas. El .iiij. pora seer menestral rico. El .v. pora auer muchos fijos. El .vi. pora seer enoioso desuergonçado ⁊ pobre de uoluntad. El .vij. pora seer atreuudo ⁊ cauallero mucho esforçado El .viij seer rico ⁊ ensennador de moços. El .ix. pora seer engannador ⁊ mucho engennoso. El .x. pora seer minguado en su figura. El .xi. pora seer de flaco coraçon. El .xij. pora seer omne de baxa uoluntat. El .xiij. pora seer grand encendedor de fuego El .xiiij. pora seer mesturador ⁊ grand dezidor de mal de çaga. El .xv. pora seer peon de aguazil o de merino. o delos que tienen tal officio. El .xvi. pora seer mucho enamorado. El .xvij. pora seer rey mucho alegre. El .xviij. pora auer muchos asnos ⁊ muchas uaccas. El .xix. pora seer engannador ⁊ mucho artero. El .xx pora seer de luenga uilla. El .xxi. pora seer loco ⁊ grand beuedor. El .xxij. pora auer mucho bien. El .xxiij. pora seer rebatoso ⁊ mucho abondado. El .xxiiij. pora seer llorador triste ⁊ maldicho. El .xxv. pora aiobador ⁊ de buen estado. El xxvi. pora seer onrador ⁊ fazedor de bien. El .xxvij. pora seer largo de buen seso. ⁊ de buen conseio ⁊ de grand auer. El .xxviij. pora seer de poco seso ⁊ de poco conseio. El .xxix. pora seer mesturador ⁊ entremetudo de nueuas agenas. El .xxx. pora auer poco amor delas mugieres. El primero capitolo es pora seer morador dentro en rio El .ij. pora seer caminero que nunqua quedara en ningun logar. El .iij. pora seer rico ⁊ fambriento. El .iiij. pora seer falso ⁊ luxurioso. El .v. pora seer enfermizo todauia. El .vi. pora seer onrrado entendudo. ⁊ obrador de sus manos. El .vij. pora seer limpio ⁊ muy marauilloso. El .viij. pora seer malo ⁊ mucho escasso. El .ix. pora seer dannado ⁊ desfigurado ⁊ decaydo. El .x. pora seer abondado de todo bien. El .xi. pora auer grand familia ⁊ buena companna. El .xij. pora seer ayuntador de sus amigos ⁊ de sus parientes. El .xiij. pora seer muy curioso de cosas agenas ⁊ trabaiador delo que non deue. El .xiiij. pora seer carpentero ⁊ taiador de arboles. El .xv. pora auer uillas por fuerça ⁊ posseer las a El .xvi. pora seer de poco poder ⁊ de poco recabdo. El .xvij. pora seer abondado en su uida; ⁊ auer mucho bien. El .xviij. pora seer enemigo delas gentes. El .xix. pora seer largo ⁊ desuenturado en sus fechos. El .xx. pora seer rey onrrado ⁊ mucho entendudo. El .xxi. pora seer cortidor de cueros o ferrero. El .xxij. pora seer peleador ⁊ auer pocos amigos ⁊ poco bien. El .xxiij. pora seer descreido malo ⁊ amar la riqueza. El .xxiiij. pora fazer muchos uiages ⁊ muchos caminos; por mar ⁊ por tierra. El .xxv. pora seer pregonero ⁊ leal El .xxvi. seer dezidor de mal delos omnes ⁊ auer mucho bien. El .xxvij. pora seer desuergonçado ⁊ non saber traer ningun fecho a acabamiento. El .xxviij. pora seer malo alas yentes. El .xxix. pora seer de malos fechos. El .xxx. pora seer enfermizo de enfermedades que tarde o nunqua guarecen. Aqui comiençan los capitolos dela .iiija. parte deste libro que fabla delas uertudes ⁊ de las obras que an las figuras que se fazen en las piedras por las fazes delos signos segund que dize yluz. ⁊ a en ella .xxxvi capitolos. El primero capitolo es pora seer uencedor en lides El .ij. es pora seer amado delos reyes. El .iij. pora seer bien reçebido de los alcaldes ⁊ seer bien andant en meter pazes. El .iiij. pora seer amado delas mugieres ⁊ poner paz entrellas ⁊ los maridos. ⁊ por auer buen entendimiento en geometria. El .v. pora auer sabor de iazer con mugier ⁊ por meter baraia entre baron ⁊ mugier. El .vi pora hermar logar poblado. El .vij. pora dannar la memoria ⁊ el seso de qui quisieres. El .viij. pora seer bien andant en caminos. El .viiij. pora seer bienandant en caça El .x. pora seer bienandant sobre mar ⁊ por fazer que llueua. El .xi. pora toller danno de lluujas ⁊ de nieues ⁊ de culuebras ⁊ de bestiglos malos. El .xij. pora non pereçer en la mar ⁊ seer bien andant en caça de uenado de quatro pies. El .xiij. pora seer ad ⁊ bien quisto delos reyes. El .xiiij. pora non auer danno de orsos nin de bestias fieras ⁊ por seer poderosos sobre necios ⁊ malos omnes. El .xv. pora fazer ayuntar los orsos ⁊ los lobos aqual uilla quisieres por fazer y danno. El .xvi. pora seer bienandant en escriuir ⁊ en contar ⁊ en labrar por pan. El .xvij. pora fazer perder officio ⁊ renta de rey aqui quisieres ⁊ por seer escasso ⁊ de mala barata. El .xviij. pora seer bien auenturado con su mugier. El .xix. pora seer amado delas mugieres. El .xx. por seer mal quisto delas mugieres. El .xxi. por fazer fornicios suzios ⁊ cantar ⁊ alegrar. El .xxij. pora fazer ayuntar alacranes ⁊ culuebras aqual logar quisieres. El .xxiij. pora fazer foyr alacranes ⁊ culuebras ⁊ bestiglos malos de qual logar quisieres. El .xxiiij. por uedar danno de nieue. ⁊ auer mugieres por fuerça ⁊ non auer mal en mar. El .xxv. por seer amado delos omnes El .xxvi. por fazer parar mal la fazienda de qui quisieres; ⁊ que los omnes le quieran mal. El .xxvij. por seer el alcalde amado del rey ⁊ de los omnes. El .xxviij. por seer bienandant en caçar por tierra ⁊ en lauor de tierra. El .xxix. por fazer creçer en bien el ganado; ⁊ las abeias. El .xxx. pora seer bien quisto delos adelantados delas uillas ⁊ delos escriuanos. El .xxxi. por fazer perder al mercadero en su merchandia. El .xxxij. por seer amado delos reyes. El .xxxiij. por que la mugier sea amada de las otras mugieres. El .xxxiiij. por seer el marinero bienandant enla mar ⁊ que el pescador tome muchos pescados. El .xxxv. por seer orgulloso ⁊ por fazer llouer. El .xxxvi. por seer bienandant en caça de aues. Aqui comiençan los capitolos dela quinta parte deste libro que fabla delas uertudes ⁊ delas obras que an las figuras que se fazen las piedras por las planetas quando son en sus dignidades ⁊ en sus horas segund que dize yluz ⁊ belienus ⁊ otros sabios. ⁊ a enel capitolos. Et primeramiente de saturno. El primero capitolo es pora meter desamor entre dos omnes que bien se quieran. El .ij. pora ueuir mucho ⁊ pora seer sano ⁊ guardado de todas occasiones. El .iij. pora sanar dela piedra ⁊ dela quemazon del goteamiento dela orina. El .iiij. pora meter desauenencia entre dos que se quieran bien. El .v. pora fazer baraia entre los omnes. De iupiter. El .vi. pora seer preciado delos omnes ⁊ pora cresçer el auer ⁊ auer buena uida; ⁊ pora salir todos sus fechos a bien. El .vij. pora seer amado ⁊ onrrado delos alcaldes ⁊ delos omnes que iudgan enlas uillas. El .viij. pora seer amado ⁊ bien reçebido de los omnes ⁊ pora ayuntar las aues aqual logar quisieres. El .ix. pora seer temudo delos omnes ⁊ de los diablos. El .x. pora ueer los espiritos; ⁊ auer los a su mandado. El .xi. pora non llouer que mal faga. El .xij. pora fazer se seguir aqual mugier quisiere. El .xiij. pora seer amado ⁊ preciado de quantos lo uieren. De mars. El .xiiij. pora seer poderoso en fazer todos fechos de bien ⁊ de mal ⁊ pora non seer uencido nin forçado. El .xv. pora seer temudo de quantos lo uieren. ⁊ pora fazer estancar la sangre. El .xvi. pora seer ualiente ⁊ atreuudo. El .xvij. pora fazer correr sangre delas narizes. El .xviij. pora fazer tomar fiebres Del sol. El .xix. pora rey que uenzca alos otros reyes. ⁊ el nunqua seer uencido. El .xx. pora non seer uençido ⁊ pora recabdar sus cosas ligero. ⁊ pora non sonnar malos suennos. El .xxi. pora seer temudo de quantos le uieren. El .xxij. pora sanar los epilenticos. El .xxiij. pora auer los reyes uictorya. poder. exaltamiento. ⁊ atreuimiento ⁊ tuelle la tristeza del coraçon. El .xxiiij. pora recabdar con los reyes lo que quisieres. ⁊ pora non auer miedo de ladron. ⁊ pora sanar de enfermedat. El .xxv. pora los reyes ⁊ pora los cabdiellos que recabden todo lo que quisieren. El .xxvi. pora seer amado ⁊ temido delos reyes ⁊ delos omnes ⁊ delas bestias. El .xxvij. pora seer guardado de todo nozimiento. ⁊ pora seer temido delos reyes; ⁊ poderoso sobrellos. El .xxviij. pora non auer malos pensamientos. ⁊ pora sanar dela dolor del figado ⁊ del estomago. El .xxix. pora seer inuisible. El .xxx. pora seer bien reçebido de cada omne poderoso de qui ouieres miedo. De uenus. El .xxxj. pora seer amado ⁊ bien quisto delos omnes. El .xxxij. pora seer alegre ⁊ bien quisto delas mugieres. El .xxxiij. pora seer seruido delos omnes. El .xxxiiij. pora escapar de ferida de alacran ⁊ de culuebra. El .xxxv. pora seer bien quisto delos moços. El .xxxvi. pora seer bienandant en caminos. El .xxxvij. pora seer auenturado en merchandia. El .xxxviij. pora fazer foyr los mures. El .xxxix. pora fazer foyr las moscas. El .xl. pora fazer foyr las sangusuelas. El .xli. pora seer amado delas mugieres. El .xlij. pora escapar los moços dela maqueda. El .xliij. pora sanar dela dolor del estomago El .xliiij. pora fazer uenir qual quier mugier. El .xlv. pora recabdar todo lo que quisiere. El .xlvi. pora fazer uenir qual persona quisieres. El .xlvij. pora quel obedezcan todos los uarones ⁊ las mugieres. ⁊ todas las otras cosas. El .xlviij. pora seer la mugier onrrada ⁊ amada delos omnes ⁊ pora seer el omne bien auenturado ⁊ onrrado ⁊ preciado delas mugieres. El .xlviiij. pora tirar los coraçones delas mugieres contra si; ⁊ pora obedecer le las animalias que son de uenus. ⁊ pora seer la mugier; mucho amada de los uarones. El .l. pora fazer mouer la cosa que non es mouible ⁊ que te responda alo que quisieres. El .Li. pora seer guardado delos mosquitos. ⁊ de todas las aues nuzientes ⁊ fazer las foyr. El .Lij. pora recabdar todo lo que quisiere. El .Liij. pora seer el uaron amado delas mugieres; ⁊ el uaron delas mugieres. El .Liiij. pora seer la mugier aguardada delos que la siguen ⁊ pora seer temido delos reyes ⁊ delas gentes. El .Lv. pora que el uaron non pueda iazer con mugier; nin la mugier con el uaron. El .Lvi. pora seer el omne muy querido ⁊ demandado delas mugieres. ⁊ la mugier delos uarones. El .Lvij. pora seer el omne amado ⁊ demandado delas mugieres ⁊ la mugier delos uarones. El .Lviij. pora auer entre suennos respuesta de lo que demandares. ⁊ pora oluidar el amor. ⁊ pora sanar dela fiebre. El .Lix. pora sanar la mugier dela dolor de la natura. ⁊ pora seer omne alegre ⁊ de buen talant. ⁊ pora sanar dela enfermedat dela malenconia. ⁊ pora auer poder de iazer muchas uezes con mugier. ⁊ pora cresçer este sabor tan bien en la mugier commo enel uaron. El .Lx. pora seer amado ⁊ bien reçebido ⁊ pora fazer te seguir qual quier mugier. El .Lxi. pora seer amado de quantos te uieren; ⁊ mas delas mugieres. El .Lxij. pora seer amado de quantas mugieres le uieren. El .Lxiij. pora seer amado ⁊ reçebido de qual quier mugier quel uiere ⁊ seguir la. El .Lxiiij. pora seguir le qual quier mugier El .Lxv. pora sacar los presos. De mercurio. El .Lxvi. pora seer onrrado ⁊ seruido delos escriuanos ⁊ pora recabdar todo lo que quisiere. El .Lxvij. pora oyr lo quel plega ⁊ non ninguna cosa quel pese. El .Lxviij. pora seer temido delos omnes ⁊ seer guardado de oio malo. El .Lxix. pora parir de ligero ⁊ non auer ninguna occasyon a parir. El .Lxx. pora sanar dela fiebre El .Lxxi. pora sanar de todas naturas de fiebres. El. Lxxij. pora seer de buen entendimiento ⁊ de buena memoria ⁊ seer onrrado delos omnes. El .Lxxiij. pora seer temido ⁊ onrrado de quantos lo uieren. El .Lxxiiij. pora sanar de malenconia. El .Lxxv. pora desligar. El .Lxxvi. pora guareçer al epilentico o al loco o al enfechizado; sanara. Dela luna. El .Lxxvij. pora seer amado delos omnes. ⁊ meter amor entre dos que se quieran mal. El .Lxxviij. pora non cansar maguer que ande grandes iornadas. El .Lxxix. pora aquantos le quisieren contrallar. El .Lxxx. pora fazer uenir todas las palomas todas a qual quier logar. El .Lxxxi. pora seer el ninno guardado de maseda; ⁊ que nol faga mal el llorar. El .Lxxxij. pora que non pueda llegar culuebra nin biuora al logar. El .Lxxxiij. pora seer amado ⁊ bien quisto delas mugieres ⁊ recabdar todo lo que quisiere con ellas. El .Lxxxiiij. pora entender bien las cosas. ⁊ que non sele oluide nada. El .Lxxxv. pora crescer las miesses ⁊ los arboles ⁊ las otras cosas de sobre tierra. El .Lxxxvi. pora sanar dela ferida del escorpion. El .Lxxxvij. pora Aqui comiençan los capitolos dela sesta parte deste libro que fabla delas uertudes ⁊ delas obras que an las ymagenes que se fazen en las piedras por las planetas poniendo las en sortijas segund que dize plinio ⁊ hermuz ⁊ otros sabios Et a en ella .xxiij. capitolos. De saturno. El primero capitolo es pora quel obedezcan todos los espiritos. ⁊ saber los thesoros. ⁊ someter la toda cosa que ande sobre tierra ⁊ todas obras santas. El .ij. pora recabdar que quier delos reyes ⁊ pora sanar de todas enfermedades. El .iij. pora non auer cudado delas mugieres. ⁊ que la mugier non la pueda auer uaron El .iiij. pora auer todas las cosas que cobdiciare El .v. pora quel obedezcan las aguilas ⁊ los leones ⁊ toda aue. De iupiter. El .vi. pora recabdar todas las cosas que demandare ⁊ reterna quanto oyere. De mars. El .vij. pora seer matador de bueytres. ⁊ de lopardos ⁊ aura todas obras de mar. El .viij. pora entrar en quantas batallas quisiere ⁊ non auer mal ninguno. ⁊ pora ganar onrra delos reyes. ⁊ librar sus cosas con ellos. ⁊ pora auer perdon del mal que fiziere. El .ix. pora que non se llegue a el ladron nin bestia fiera. ⁊ temer lo an las gentes. ⁊ que el can non pueda ladrar. ⁊ pora recabdar las cosas que pertenecen a mars. El .x. pora seer ledo ⁊ gozoso ⁊ sano ⁊ emprennar sa la mugier de su marido. Del sol. El .xi. pora recabdar bien sus mandados ⁊ nol podra ningun omne malo empeçer. El .xij. pora seer bien quisto delas mugieres El .xiij. pora fazer muchas uertudes marauillosas. El .xiiij. pora se allongar su uida ⁊ seer sabidor de magica ⁊ de nigromancia. ⁊ pora sanar dolor delos oios de laganna o de reuma. ⁊ a otras muchas uertudes. El .xv. pora seer bienandant ⁊ multiplicar sus riquezas ⁊ sus fijos ⁊ bien quisto delos omnes. El .xvi. pora seer amado delos omnes ⁊ recabdar todas las cosas que quisiere. El .xvij. pora entrar alos reyes ⁊ llegar ⁊ andar entrellos. ⁊ pora recabdar todas cosas. El .xviij. pora seer amado delos reyes ⁊ temudo de los principes ⁊ guardado delas gentes. De uenus. El .xix. pora nunqua seer uencido. ⁊ seer muy onrrado delos reyes. ⁊ amado delas mugieres. ⁊ pora toller todos los trabaios ⁊ los nozimientos. El .xx. pora auer onrra ⁊ perdon delos yerros ⁊ delos malos fechos. ⁊ pora ganar amor delas gentes. De mercurio. El .xxi. pora razonar ⁊ pora disputar. ⁊ pora uençer pleyto ⁊ que uaya mas adelante la su razon que las otras. El .xxij. pora ganar la sabiduria ⁊ quanto fiziere o desseare; auer lo a. Dela luna. El .xxiij. pora seer poderoso de todas cosas ⁊ guardado de toda occasion. ⁊ sabra todas las cosas. ⁊ recabdara todo quanto demandare. Aqui comiençan los capitolos dela setena parte deste libro. Et fabla delas uertudes ⁊ delas obras que an las ymagenes que se fazen en las piedras por las planetas segund que dize vtarit. Et a en ella siete capitolos. El primero es pora seruir se delos espiritos que son en las tiniebras. El .ij. pora seer onrrado de todos los omnes comunal mente. El .iij. pora seer temudo ⁊ esforçado ⁊ uençedor. en las batallas ⁊ en las lides. El .iiij. pora seer onrrado delos reyes. ⁊ por ganar regno ⁊ sennorio. El .v. pora ganar amor delos omnes ⁊ por seer guardado delos espiritos malos. El .vi. pora ganar amor delos omnes ⁊ por ganar grand saber ⁊ noble. El .vij. pora seer onrrado delos omnes ⁊ seruido delos espiritos. Aqui comiençan los capitolos dela .viija. parte que fabla delas uertudes ⁊ delas propriedades que an las ymagenes que se fazen en las piedras segund que dize ragiel. Et a en ella .xxiiij. capitolos El primero es por creçer omne en onrra. El .ij. es por seer casto ⁊ auer bien querencia delos altos omnes El .iij. por creçer en riquezas ⁊ por saber lo que es de uenir. El .iiij. por auer salut ⁊ onrra ⁊ guarda el omne en carreras. El .v. por prophetizar las cosas que an de uenir. El .vi. por salir de prision ⁊ de cuyta. El .vij. por poner amistança en los omnes. El .viij. por auer poder sobre los demonios. El .ix. por auer buena color ⁊ auer onrra El .x. por seer guardado de malos espiritos. El .xi. por seer inuisible. El .xij. por cresçer la leche alas mugieres. El .xiij. por auer onrra. El .xiiij. por seer saluo de uenino ⁊ de fiebre El .xv. por auer salut. El .xvi. por guardar el logar de tempestad ⁊ de pestilencia ⁊ por seer guardado de malos fechizos. El .xvij. por seer guardado de fechizos. ⁊ por auer gracia en su menester. El .xviij. por fazer uenir assi qual muerto quisiere. El .xix. por poner paz. El .xx. por seer sano en tierra agena. El .xxi. por seer defendido delos enemigos. El .xxij. por seer guardado de embargamiento de uino. El .xxiij. por fazer encantamientos. El .xxiiij. por seer guardados los miembros de los omnes sanos. Aqui comiençan los capitolos dela .ix. parte que fabla delas aguas ⁊ delos lodos que entran enel magist desta sciencia segund yacot. Et a en ella ocho capitolos. El primero es del prologo desta parte. El .ij. de commo se deue fazer el agua que caua la ymagen en la piedra. El .iij. de otra manera desta misma agua. El .iiij. de otra agua pora esta misma obra. El .v. es regla de commo se deue obrar destas aguas. El .vi. es de fazer lodo que es mester en esta obra delas ymagenes. El .vij. es de otra manera de lodo. El .viij. de otro lodo ⁊ de reglas que son mester en esta sciencia. Aqui comiençan los capitolos dela dezena parte que fabla de commo se deuen labrar ⁊ entallar las piedras. ⁊ de otras reglas que a mester en esta sciencia segund que dize aly. ⁊ a en ella .xxvij. capitolos El primero es del prologo del libro. El .ij. dela manera de labrar las piedras preciosas. El .iij. delas piedras que non les faze mengua atempramiento. El .iiij. de que manera deue fazer el que quiere entallar. El .v. es la manera dela obra del entallador. El .vi. del castigamiento de aly al entallador. El .vij. dela oracion que deue rezar el entallador El .viij. delas horas quando deues labrar; en cada partida dela ymagen. El .ix. delos doze departimientos del entallamiento. El .x. dela significacion delos signos enlos miembros; ⁊ enlas partidas del cuerpo. El .xi. de noticia que deue saber delas .xij. casas. El .xij. de las .xxviij. mansyones dela luna. El .xiij. del uso dela natura en tierra ⁊ delos sos fechos sobre las piedras. El .xiiij. dela uertud delas piedras segund sus entallamientos. El .xv. del departimiento delas partes. ⁊ dela masculinidat ⁊ dela feminidat delas ymagenes ⁊ de las partes delos signos. ⁊ delas horas. ⁊ dela forma ⁊ del abito delas ymagenes. El .xvi. dela concordia de los sabios en las sazones delos tiempos. ⁊ qual planeta a poderio en cadaun miembro delos sentidos que son en la cabesça. El .xvij. delos dichos de hermes sobrel poder delas planetas enlas ymagenes. El .xviij. delas planetas qual es maslo o qual fembra. ⁊ cuemo te deues appareiar al hora del fondir. ⁊ quando as de començar; ⁊ la oracion que as a dezir. El .xix. es el el aly escoio delos libros de hermes sobre la diuisyon delas quatro naturas desuso ⁊ dyuso. ⁊ de su acordamiento. El .xx. del departimiento delas naturas ⁊ delas quarenta ⁊ ocho formas de suso. ⁊ del tornamiento delas estrellas fixas al logar dond fueron. ⁊ delos otros mouimientos del cielo. ⁊ de las coniunciones delas planetas. El .xxi. delas naturas delas formas septentrionales. El .xxij. delas naturas delos signos. El .xxiij. delas naturas delas formas meridionales El .xxiiij. delos tres mouimientos de suso que significan tres camiamientos dyuso en tierra. El .xxv. de commo deues entender en la ymagen las quatro naturas; segund en el omne. El .xxvi. del explanamiento que dixo en su prologo delas cosas. ⁊ dela quantia delas ymagenes. ⁊ de otras cosas. El .xxvij. del castigamiento de aly en la fin del libro. Aqui comiençan los capitolos dela .xia. parte que fabla delas uertudes ⁊ delas obras que an las ymagenes que se fallan en las piedras. Et a en ella .Lxxxiij. capitolos. ⁊ primeramente delas ymagenes que son dela octaua espera. El primero es por auer ardimiento ⁊ ligereza ⁊ por seer los cauallos guardados de aguamiento ⁊ de todas enfermedades. El segundo pora seer seguro de rios. ⁊ de tempestades. ⁊ de enuidia ⁊ delos cursos delos demonios. El .iij. pora seer uencedor enlas lides. El .iiij. pora seer guardado de ydropisya ⁊ de occasyones. ⁊ de pestilencias ⁊ de epidimias. El .iiiij. pora que non pueda empeeçer demonio. El .vi. pora seer uençedor ⁊ meior en todas cosas. El .vij. pora seer siempre sano. El .viij. pora ganar los honores nueuos ⁊ guardar los uieios. El .ix. pora seer agradable a todos. ⁊ seer bien quisto ⁊ amado de todo el pueblo ⁊ obedeçer le todas las bestias. El .x. pora seer agradable ⁊ bien quisto de todos los omnes. ⁊ pora obedeçer le todas las bestias. ⁊ pora prender muchos peces. ⁊ pora nadar enla mar entre los pescados que nol fagan mal. El .xi. pora comprar ⁊ uender todas cosas. El .xij. pora cobrar ⁊ poner amor ⁊ dileccion entre uaron ⁊ mugier. ⁊ otrossi; entre garçones ⁊ drudos. El .xiij. pora librar de paralisyo ⁊ de quartana El .xiiij. pora seer bienauenturado en tierra ⁊ en mar. ⁊ pora seer bueno ⁊ bienquisto. ⁊ cobrar lo que perdio. Delas figuras delos signos. El .xv. pora guareçer de fiebres cotidianas. et guardar delas ⁊ de su trabaio. ⁊ pora auer gracia ⁊ uertud pora seer bien razonado. ⁊ sotil. ⁊ engennoso en todas cosas. El .xvi. pora los que an fiebre con calentura. o calentura atal desta natura. El .xvij. pora delibrar ⁊ guardar ⁊ guareçer de fiebres quartanas ⁊ toller las muy ligera mente. El .xviij. pora guardar ⁊ defender de fiebre terciana. El .xix. pora ganar en todas cosas que comprare o que uendiere. ⁊ todas merchandias correran a su casa. ⁊ todos se ayuntaran a ella pora comprar o uender todas merchandias. El .xx. pora fazer guerra ⁊ meter discordia por siempre iamas. Delas figuras delas planetas. El .xxi. pora podestad de tierra mantener aquellas cosas quel son otorgadas ⁊ sus derechos. El .xxij. pora seer poderoso ⁊ bien quisto ⁊ bien apreso. ⁊ pora cresçer cadadia el poder ⁊ la bienandança. El .xxiij. pora ueler en todos pleitos. ⁊ en todas cortes ⁊ seer conuinient ⁊ bien acostumbrado. El .xxiiij. pora seer amado ⁊ bien quisto de toda creatura ⁊ auer todo lo que demandare. El .xxv. pora non auer miedo de su enemigo ⁊ seer siempre uencedor en todas cosas. El .xxvi. pora seer ligero ⁊ crescer su poder siempre. El .xxvij. por seer siempre rico ⁊ abondado ⁊ onrrado. El .xxviij. pora quel obedezcan ⁊ se enclinen a su mandamiento. ⁊ que sea toda cosa que quisiere. El .xxix. pora seer mucho abondado de sapiencia ⁊ de bien razonar. ⁊ seer siempre gozoso ⁊ ledo ⁊ seer agradable. El .xxx. pora sonnar todos los thesoros del regno. o saber en que logar iazen. o cuemo se pueden auer. El .xxxi. pora maestros de prender aues o las quieren prender. El .xxxij. pora fazer siempre uida bien auenturada. El .xxxiij. pora non Delas figuras generales. se fartar los que comieren ala parte siniestra de la mesa. El .xxxiiij. pora seer defendidos ⁊ seguros; de sus enemigos. El .xxxv. pora sanar dela fiebre aguda. ⁊ pora saber bien connosçer las melezinas ⁊ las yerbas. ⁊ en saber las bien dar. ⁊ pora seer muy poderoso ⁊ si saliere sangre ⁊ la pusiere enel dedo luego sera sano ⁊ guarido muy bien. El .xxxvi. pora non pereçer en rio ni en mar. ⁊ guardar el cuerpo sano ⁊ saluo de otro mal de fiebre. ⁊ de ydropisya. ⁊ pora seer poderoso ⁊ seer bien fablado en pleytos ⁊ seer uencedor. ⁊ emprennar se la mugier. ⁊ ayudar la a encaesçer. ⁊ faze seer bien fablado ⁊ amado en todas cosas. ⁊ pora uençer todo pleyto. ⁊ dar paz ⁊ concordia ⁊ muchos otros bienes. El .xxxvij. pora nunqua auer la enfermedat que dizen colica. El .xxxviij. pora seer temudo ⁊ onrrado delos sennores ⁊ delos principes de la tierra. El .xxxix. pora sanar dela piedra dela uexiga. El .xxxx. pora seer tod siempre onrrado ⁊ abondado. El .xli. pora recabdar todas las cosas que quisiere con emperador o con rey. o con otro qual princep quier. El .xlij. pora mantener el rey sus derechos todos. ⁊ las otras podestades quel fagan grand ondra ⁊ quel teman. El .xliij. pora seer agradable ⁊ amado del pueblo. ⁊ quel obedezcan todas las bestias. El .xliiij. pora tomar mucho pescado. ⁊ foyr otrossi del omne. El .xlv. pora quel obedezcan todos los spiritos malignos. ⁊ pora fallar los thesoros escondidos. poro quier que sean. El .xlvi. pora sanar todo dolient. El xlvij. pora seer agradable ⁊ bien quisto delos omnes ⁊ pora obedeçer le las bestias. et pora tomar muchos peces. ⁊ nadando en la mar fuyran todas las bestias fieras del. ⁊ non y aura ninguna que mal le faga. El .xlviij. por que ninguno de sus enemigos nol pueda nozir nil fazer ningun mal quier en batalla quier en lid o en qual quier logar. ⁊ que non puedan furtar ni nozir los ladrones en la casa. ⁊ pora sanar dela epilentica passio ⁊ que el can non pueda ladrar. El .xlix. pora obedecer te la mugier ⁊ que faga tu uoluntad. El .L. pora que te obedezca ⁊ faga tu mandamiento el baron o la mugier. El .Li. pora uencer qual quier bestia fiera que te non faga mal. El .Lij. pora obedeçer te todos los espiritos que moran en las tiniebras o enlos infiernos ⁊ pora fallar los thesoros. El .Liij. pora prender las aues. El .Liiij. pora uençer los enemigos. ⁊ quel obedezcan los omnes. El .Lv. pora seer omne agradable ⁊ pagable a todos. ⁊ pora obedeçer le qual mugier quisiere. ⁊ pora sonnar qual cosa quisiere. El .Lvi. pora obedeçer los omnes ⁊ las mugieres. ⁊ los spiritos. ⁊ cresçer las riquezas ⁊ que faga su uoluntat qui quisiere El .Lvij. pora conuidar le todos ⁊ aguardar le ⁊ seruir le. El .Lviij. pora que los enemigos nol puedan contrastar. ⁊ pora uençer las batallas ⁊ quel teman todos. El .Lix. pora saber todas las cosas que tu quisieres delos spiritos malignos. El .Lx. pora yr aqual logar quisiere que ninguno nol uea. El .Lxi. pora seer abondado de muchas riquezas ⁊ seer bien quisto delas gentes. El .Lxij. pora nunqua seer llagado nin auer otro mal ninguno. ni ninguna agua nol pueda fazer ⁊ aura amor ⁊ onrra de todos. El .Lxiij. pora seer librado de uenino ⁊ toxico ⁊ de yerbas. El .Lxiiij. pora meter paz ⁊ amor entre los malquerientes. El .Lxv. pora caualgar ⁊ pora ardiment ⁊ osadia ⁊ ligereza alos que se combaten ⁊ guarir los caual[??] El .Lxvi. pora El .Lxvi. pora uençer las batallas muy onrradamiente. El .Lxvii. pora seer muy sabio ⁊ muy argudo ⁊ firme ⁊ estable en la cosa que propusiere en su coraçon. ⁊ seer agradable a dios ⁊ alos omnes. El .Lxviij. pora folgança ⁊ solaz depues dela lazrria. ⁊ confortamiento ⁊ alegria depues de enfermedat. El .Lxix. pora obedeçer le todos los que con el lidiaren que ninguno non le podra sostener en batalla. El .Lxx. pora seer complido ⁊ abondado de todos bienes. ⁊ seer sotil ⁊ entendudo ⁊ contrastar toda calentura mala ⁊ embargosa. El .Lxxi. pora los plantamientos ⁊ las semienças ⁊ pora fallar los thesoros dela tierra. ⁊ es pora foyr las serpientes ⁊ pora otros muchos bienes. El .Lxxxii. pora los plantamientos ⁊ pora ganar onrra ⁊ prez. ⁊ pora sanar las bestias de toda enfermedat. ⁊ pora sonnar los thesoros. El .Lxxiij. pora amansar ⁊ criar las bestias brauas. El .Lxxiiij. pora caçar los uenados. El .Lxxv. pora guardar los fructos de toda tempestad ⁊ otros muchos bienes. El .Lxxvi. pora tomar las serpientes ⁊ las bestias ueninosas. El .Lxxvij. pora que todos le fablen ⁊ quel digan bien. El .Lxxviij. pora seer fuerte ⁊ plazible a dios ⁊ alos omnes. El .Lxxix. pora sanar de toda malautia. El .Lxxx. pora uençer la batalla. El .Lxxxi. pora seer fuerte ⁊ poderoso. El .Lxxxij. pora auer auenencia marido con mugier El .Lxxxiij. pora seer guardados ⁊ saluos los miembros El .Lxxxiiij. pora seer abondados de seso ⁊ de sanidat.