Hec est generatio Ade uel ab Adam usque ad Christum

Esta es la generación de Adam tro a Ihesu Crist como uinie dretamentre de padre en fillo. Adam ouo dos fillos, Kaym & Abel. Mato Kaym ad Abel. E pues ouo Adam otro fillo, qui ouo nomne Seth. Visco Adam dccccxxx annos e murie. Visco Seth, so fillo, dccccxii annos & ouo fillo ad Enos. Uisco Enos dccccv annos & ouo fillo a Caynan. Visco Caynan dccccx annos & ouo fillo a Malaleel. Uisco Malaleel dcccxcv annos & ouo fillo a Jaareth. Visco Jaareth dcccclxii annos & ouo fillo ad Enoch. Visco Enoch en aquest sieglo ccclxx annos & ouo fillo a Matusalem. Et el fo s'end con Deus nuestro sennor en cuerpo & en alma, et es uiuo adu con Helias, so compannero. Visco Matusalem dcccclxix annos & ouo fillo a Lamech. Uisco Lamec dcclxxvii annos & ouo fillo a Noe. Tro aqui a una edat & x generaciones.

Noe quando ouo d annos, ouo tres fillos: Sem, Cham et Japheth. E quando ouo Noe dc annos, fo el diluuio; e fizo l'archa por mandamiento del Criador & estido hi xi meses. Después que.l diluuio fo passado, uisco Noe cccl annos. Fo toda so uida de Noe dcccl annos e murie. Visco Sem, so fillo de Noe, dcc annos & ouo fillo ad Arfaxath. Visco Arfaxath cccxxxviii annos & ouo fillo a Sale. Uisco Sale ccccxxx annos & ouo fillo ad EbeR. Visco Eber cccclxiii annos & ouo fillo a Falec. Uisco Falec ccxxxviii annos & ouo fillo a Rau. Visco Rau ccxxxix annos & ouo fillo a Saruc. Uisco Saruc ccxxx annos & ouo fillo a Nachor. Visco Nachor cxlix annos & ouo fillo a Thare. Est fo el padre de Abraam e fo ydolatre que fazia las ydolas. Visco Thare lxx annos, & ouo tres fillos: Abraam, Nachor et Aran. Tro aqui son las dos edades del sieglo.

Quando ouo Abraam lxxxvii annos, ouo fillo ad Ysmael de Agar, so manceba. E quando ouo Abraam xcix annos, estoncz se circumcidie e circumcidie ad Ysmael so fillo, e tot so casado. E quando ouo Abraam c annos, priso muller a Sarra; & ella auia lxxx annos (et ouo fillo) et ouo fillo d'ella ad Ysaac. Visco Sarra cxx annos e murie en Quiria Turba en Ebron; e soterrola Abraam en la cueua doblada que dizen spelunca duplici, que compro de Effron eteu por cccc marcos de plata. E por esta razon, compran los iudios las fuessas en que se sotierran. Visco Abraam clxxv annos e murie, e soterroronlo en Ebron con Sarra, so muller, en la cueua.

Romaso Ysaach, & era de edath de xla annos quando priso Rebecca so muller, la filla

de Batuel, ermana de Laban. Et al dia que nascieron Esau & Jacob, auia Ysaach lx annos. Visco Ysaach clxxx annos e murie en Ebron. Alli lo soterroron amos sos fillos, Esau & Iacob.

Quando fusco Iacob ad Aran a la tierra de Mesopotamia por miedo de Esau, so ermano, por la bendiccion que.l auia furtada, adonc auia Iacob lxxvii annos. Et estido en Aran con Laban, so tio & so suegro, e siruielo xxi anno por so filla.

Pues torno Iacob a tierra de Canaam ad Ebron, & estido hi xvii annos tro que fo uendido Iosep. Jogo Iosep ii annos en la carcel. E pues passaron vii annos de fartura & vii de famne. Estonz uino Jacob con lxx omnes & estido en la tierra de Gessen xvii annos. Entre todo uisco Iacob cxlvii annos e murie en Egipto, e Iosep con sos ermanos leuoron lo a soterrar a tierra de Canaan ad Ebron con sos parientes.

Torno se Iosep con sos ermanos en Egipto, & ouo en poder la tierra del rei Pharaon. Visco Iosep cx annos e murie en Egipto, e pusieron lo en una tauth de fierro; et estido hi tro que exieron los fillos d'Israel de Egipto, e leuoron lo e soterroron lo en Sichem, assi como el les auia pregado. Desque murie Iosep, romasieron los fillos d'Israel en catiuo & en seruitut; et estidieron en Egipto ccx annos, tro que los en.trasco Moysen por uoluntat del Criador.

Quando murie Iacob en Egipto, lexo xii fillos. D'estos xii fillos exieron los xii tribus de Israel. Jacob ouo fillo a Iuda; est fo maior en la generacion, que d'el uinieron los reies. Judas ouo dos fillos de Thamar, so nuera, Phares & Haram de Thamar. Phares ouo fillo ad Esrom. Esrom ouo fillo ad Aram. Aram ouo fillo ad Aminadab. Est Aminadab fo uno de los cabdiellos de los fillos d'Israel quando exieron de tierra de Egipto & andauan en el desert. Aminadab ouo fillo a Naason. Est Naason fo cabdiello en el desert de toda l'albergada de tribu Juda. Naason ouo fillo a Salmon. Est Salmon priso muller Raab, la de Iherico, & ouieron fillo a Booz, on dize en l'auangelio, "Booz de Raab". Quando entroron los fillos d'Israel en tierra de promission, estonz priso muller Booz a Ruth la pagana, qui era nuera de Noemi la fermosa, ond dizen, "pulcra Noemi", et ouo fillo d'ella ad Obeth ex Ruth. Obeth priso muller de tribu Iuda & ouo fillo a Ihesse, el padre del rei Dauid. Jhesse ouo fillo a Dauid, & untolo Samuel el propheta por rei en Bethleem & en Iudea & en Israel. E fo buen rei e buen propheta, e fizo los salmos e la lienda. En aquel tiempo prophetizauan Samuel & Gad & Nathan, estos tres prophetas.

Regno el rei Dauid xla annos & ouo fillo a Salomon, de la muller d'Urias de Bersabe. Entre todo uisco el rei Dauid lxxx annos e murie, e soterroron lo en Iherusalem, so cibdath. Apres la muert del rei Dauid, regno so fillo, el rei Salamon, en Iherusalem & en Israel. E fizo el temple de Deu en Iherusalem & acabo lo todo en vii annos.

Regno el rei Salamon xlave annos e murie, e soterroronlo en Iherusalem con el rei Dauid, so padre, en Monte Syon. Apres la muert del rei Salamo, regno so fillo Roboam. E por so torpedat e por mal consello que credie, perdie del reismo d'Israel los x tribus, & ouo los Jheroboam, el fillo de Naboth, so enemigo. A Iheroboam dio Deus el reismo que lo siruiesse con el e lo touiesse por sennor, & el no lo.n quiso credeR; e fizo dos bezerros d'oro e puso l'uno en Dan & el otro en Bethel, e fizo los adorar a los x tribus d'Israel. Por esto que fizo Iheroboam, priso mala carrera el e todo so casado, como.l menazo el Criador.

Regno Roboam, el fillo del rei Salamon, en Iherusalem i tribu sola. Esto le lexo el Criador por amor de Dauid, so auuelo. Quando compezo Roboam a rregnar, auia xla & i anno, & regno xvii annos. Visco entre todo lviii annos e murie, e soterroronlo en Iherusalem con sos parientes, & regno so fillo Abia en so logar.

Regno Abia en Iudea & andido en los peccados de so padre & en las aulezas e non timie al Criador; e non regno mas de tres annos e murie, e soterroron lo en Iherusalem con sos parientes; e rregno so fillo Asa.

Regno Asa en Iudea xlai anno e fo buen rei e dreiturero, e crebanto todas las ydolas que trobo en toda so tierra. E fizo muitas batallas con sos enemigos e cobro toda la tierra que auia perdida so auuelo Roboam, el fillo del rei Salamon. Mas a la finada, murie de mal que ouo en los piedes, e soterroronlo en Iherusalem con sos parientes, e rregno so fillo Josapha.

Regno Josapha en Iudea xxv annos. Entre todo uisco lxiii annos e murie, e soterroronlo en ual de Iosapha, e rregno so fillo Ioram en so logar. Estonz era Helias propheta en Israel & en Iudea.

Regno Joram en Judea & en Israel & en Iherusalem viii annos, e fo mal omne e mato todos sos ermanos e muitos de los principes de la tierra. E priso muller filla de Acab. Murie Joram, e los omnes de la tierra no lo ploraron como rei ni no lo soterraron con los reies, e rregno so fillo Occozias.

Regno Occozias i anno solo en Iherusalem e murie. So madre ouo nomne Atallia,

e fizo matar todos los omnes qui eran del lignage del rei. El rei Occozias ouo i fillo, qui ouo nomne Ioas, e criolo Joiade a furto. E pues por so consello de Joiade, murie Atallia, aquella mala reina, e rregno est so criado Joas. E pues fizo matar Joas a so fillo de Joiade. Est fo Zacharias, el fillo de Barachias, el que matoron inter templum & altar.e hi lo apedrioron. Regno Joas en Iherusalem xla annos e murie; e regno so fillo Amasias xxix annos en Iherusalem, e fo buen rei e dreiturero. Murie Amasias e rregno so fillo Ozias en Iudea lii annos, e fo lebroso tro al dia que murie. Murie Ozias, e rregno so fillo Joathan en Iherusalem xvi annos e fo buen rei. Murie Joathan e soterroronlo en Iherusalem con sos parientes, e rregno so fillo Achaz en so logar. En aquel tiempo, prophetizauan Ysaias el propheta, & Osee & Ammos en Iudea & en Iherusalem.

Regno Achaz en Iudea xvi annos e fo mal omne. En aquel tiempo uinieron sobre Iherusalem Rasin, el rei de Siria, & Faze, fillo de Romelia, rei d'Israel, por combaterla e por prenderla, e non podieron; que embio nuestro sennor Deus a dezir ad Achaz que non temiesse nada d'aquellos dos reies, e dio.l sennal e dixo, "Ecce uirgo concipiet & pariet filium". Murie Achaz e soterroronlo en Iherusalem con sos parientes, e rregno so fillo Ezechias en Iudea & en Iherusalem. Adonc uino Salmanasar, el rei de Siria, sobre Osee, el rei d'Israel, e deuino Osee so uassallo e dio.l paria. E pues uino Senacherib, so fillo de Salmanasar, el rei de Siria, e priso Samaria, e leuo todos los omnes de la tierra catiuos a Siria. Esto les auino a los fillos d'Israel por los peccados que fazian, que adorauan las ydolas e non seruian al Criador, ellos ni los reies d'Israel. E por ço los desemparo Deus, e los liuro en en poder de lures enemigos.

Quando ouo regnado Ezechias xiiii annos, uino Senacherib, el rei de Siria, sobre tierra de Iudea, e cerco una cibdath que dizian Lais. Et embio a Rabcesse con so message e con sos menaças al rei Ezechias que.l diesse la tierra de Iherusalem. Et Ezechias demando consello ad Ysaias el propheta, e pregaron al Criador e cadie mortaldat en la huest de Senacherib e murieron en una nuit clxxxv milia omnes. E Senacherib torno s'end desbaratado a Siria en Niniue, & alli lo matoron amos sos fillos Adrameleche & Sarasar. Est rei de Iudea, Ezechias, enfermo & uino ad ora de muert, & enadio.l Deus en so vida xv annos por la pregaria de Ysaias el propheta.

Regno Ezechias en Iudea & en Iherusalem xxix annos, e fo buen rei e dreiturero

e crebanto todas las ydolas. Est crebanto la serpient d'aramne que fizo Moysen en el desert, que encara la tienen los fillos d'Israel a grant honor.

Murie el rei Ezechias e soterroronlo en Iherusalem con sos parientes, e rregno so fillo Manasses en so logar. E si el padre fo muit bueno, el fillo fo muit malo. E regno lv annos en Iherusalem e fo mal rei e desleial, & adoro las ydolas e fizo muitas aulezas, e fizo matar muitos omnes a gran tuerto, ond se clamo Deus muito d'el. Tot el mal que so padre desfizo en Iherusalem refizo lo el com de cabo; e tot el bien que so padre fizo desfizo lo el. Murie Manasses e soterroronlo en so huerto; no lo soterroron con los reies, que no lo meresce, e rregno so fillo Amon en so logar.

De xxii annos era Amon quando compeço a rregnar, e rregno ii annos en Iherusalem, e fo mal rei & andido en las uias malas de Manasse so padre, & adoro las ydolas. E por las aulezas que fazia, iuroron se los omnes de la tierra contra el e mataron lo, e regno so fillo Iosias en so logar.

Regno Iosias en Iherusalem xxxi anno, e fo buen rei e leial e temie a Deus; e todas las orredeças que trobo en el temple todas las en tollie, e crebanto todas las ydolas. En aquellos dias uino Pharaon, el rei de Egipto, contra.l rei de Siria al flum de Eufrateus, & exie.l Iosias a la carrera & murie en el campo de Magedon. Et aduxieron lo sos uassallos a Iherusalem & alli lo soterraron, e rregno so fillo Ioaz en so logar.

De xx annos era Ioaz quando compezo a rregnar, e rregno iii meses solos en Iherusalem. E fizo tot el mal que pudo fer e perdie el reisme por so auleza; que uino el rei Pharaon e leuanto rei al otro ermano, Heliachim, el fillo de Iosias, en logar de so padre, e puso.l nomne Ioachim, e priso a Ioaz e leuolo catiuo en Egipto.

De xx annos era Ioachim quando compeço a rregnar, e rregno xi annos en Iherusalem e fo mal rei & aleuoso. En aquellos dias uino Nabuchodonosor, el rei de Babilonia, a tierra de Iherusalem, e fizo se so uassallo Ioachim e pues alço.sle con la tierra. Murie aquel Ioachim, e rregno en so logar so fillo, qui ouo nomne otrosi Joachim.

De xviii annos era est Ioachim quando compeço a rregnar, e rregno iii meses solos en Iherusalem. Estonç uino Nabuchodonosor a tierra de Iherusalem, & exie ad el Ioachim e so madre. E priso lo el rei Nabuchodonosor, e desbarato tota la cibdath e destruiela; et abatie toda la huebra que fizo el rei Salamon en el temple e leuo end todo lo que.l plogo.

E leuo catiuo Iohachim a Babilonia, & a so madre & a sos mulleres & a todos sos priuados. En aquel catiuero leuo a Iheremias el propheta, et Ezechiel e Daniel e Sidrac et Misac et Abdenago los que miso en la fornaz; e leuanto rei en Iherusalem por so mano a Mathania, so tio de Ioachim, e puso.l nomne Sedechias.

Regno Sedechias en Iherusalem xi annos e fo mal rei e desleial. Despues uino Nabuchodonosor otra ueç sobre Iherusalem, & era.sle alçado Sedechias con la tierra. E cerco la cibdath Nabuchodonosor e fo hi grant la famne. E fusco s'end Sedechias de nueit; e sobolo Nabuchodonosor e fo.l detras e conseguiello en los planos de Iherico; e priso lo e leuolo a Rrebletazo en Antyocha, e fizolo iudgar en so cort; e dos fillos que auia, fizo los degollar delant el, & a el sacco los huellos e cego lo.

Jheconias, el fillo de Iosias, e sos ermanos e tot so parentesco foron leuados in catiuo de Babilonia, ond dize en l'auangelio, "in transmigrationem Babilonis". En esta catibdat estidieron los fillos d'Israel lxx annos, entro que aspiro Deus nuestro sennor a Cirus, el rei de Persia, e los solto que fuessen fraugar el temple de Iherusalem, qui era destruito. E dize en el libro de los reies que del dia que murie el rei Salamon tro al dia que fo destruito el temple, ouo cccc & xi annos & vi meses & x dias; et ouo del dia que exieron los fillos d'Israel de catiuo de tierra de Egipto tro al otro catiuero que fizo Nabuchodonosor quando los leuo a Babilonia, dccccxla annos.

Et al tornar que fizieron quando exieron de catiuo de Babilonia, Jheconias ouo fillo a Salathiel. Salathiel ouo fillo a Zorobabel. Est Zorobabel fo princeb de los fillos d'Israel quando tornoron de Babilonia, el & Ezdras el propheta quando uinieron a la frauga del temple. D'aqui adelant los fillos d'Israel non ouieron rei ni princeb de lor lignage tro a la uenida de Ihesu Crist. Zorobabel ouo fillo ad Abiuth. Abiuth ouo fillo ad Heliachim. En esta sazon uino el rei Antiocus sobre Iherusalem e quiso la prender e non pudo. Estonz lidio con el Iudas Machabeus e sos ermanos, e fizieron muitas batallas e desbaratoron muitos d'ellos. Heliachim ouo fillo ad Azor. Azor ouo fillo ad Sadoch. Sadoch ouo fillo a Achim. En esta sazon era ia Iherusalem tornada en poder de los reies de Roma. Achim ouo fillo ad Heliud. Heliud ouo fillo ad Eleazar. Eleazar ouo fillo a Mathan. Mathan ouo fillo a Iacob. Jacob ouo fillo a Josep. Est Iosep uiene dreita mentre del lignage de Sancta Maria & era so cormano; mas por ço que las mulleres non eran comtadas

en la lei ni en la generacion, aduze la por la generacion de los barones entro a Iacob, el padre de Iosep, e tro a Iosep, qui era so cormano e so esposo de Sancta Maria, de la qual Sancta Maria fo nado Ihesus el qui es clamado Christus. En esta sazon era la tierra de Iudea e de Iherusalem en poder de Cesar, el emperador de Roma. E del dia que uino el rei Nabucodonosor en Iherusalem e fizo la segunda destruction e los leuo catiuos a Babilonia, d'i adelant non ouo rei ni princeb de lor lignage en Iherusalem, que d'i adelant a los caldeos siruieron.

Quando murie Nabucho, regno so fillo Balthasar. E fizo las cosas que pesoron al Criador, que beuie con sos mulleres en los basos que so padre Nabuchodonosor aduxo de la santidat del temple de Iherusalem. E por est peccado que fizo, lo mataron exa nuit los omnes de Persia e los medos. En esta sazon prophetizaua Daniel en Caldea.

Apres de Balthasar regno Euilmerodac en Caldea. Est rei Euilmerodac sacco de la carcel a Ioachim, el rei de Iudea, que xvii annos hi auia estado.

Apres de Euilmerodac regno en Caldea el rei Astriages. [E]n esta sazon fo Daniel metido en el pozo de los leones.

Apres del rei Astriages regno Cirus, el rei de Persia. Est rei Cirus solto los fillos d'Israel de catiuo, e uinieron fraugar el temple de Iherusalem, qui era destruito.

Entre tanto regno Alexandre en Grecia, e lidio con el rei Daires e uencielo e matolo. E dize en la estoria que desque fo criado el cielo e la tierra tro que regno Cirus, el rei de Persia, ouo mil & ccc & xci anno; et ouo de Cirus tro que regno Cesar Augustus, ond nos comtamos la era, cccxxi anno. En aquella sazon fo nado Ihesu Crist en Bethleem en tierra de Iudea. Et a cabo de xla iii annos de la passion de Ihesu Crist, uinieron dos reies de Roma sobre Iherusalem e destruieronla e no i lexaron piedra sobre piedra, & encalçoron todos los iudios.

Pues hi uino Domicianus, qui encalço a Sant Iohan euangelista, e poblo Iherusalem o agora es poblada, que dantes en Monte Syon era poblada. Tro aqui faulamos del lignage de Ihesu Crist de Adam en aca, e de los reies de Iherusalem cascuno de qual uida fo e quanto uisco.

Agora faularemos de los reies paganos qui foron sennores de Persia, e de los reies e de los emperadores qui foron sennores de Roma tro al tiempo de Ihesu Crist; e pues faularemos de los godos como uinieron en Espanna e como la conquirieron, e del rei Bamba e del rei Rodrigo e e del comte don Julian, e como se perdie la tierra e pues como se recobro. E pues faularemos de los reies e de los sennores qui foron en Castiella tro al emperador e tro al rei don Alfonso. E pues faularemos de los reies de Nauarra e del rei Sanch Auarcha tro al rei don Sancho. E pues diremos de los reies de Aragon, del rei don Remiro, que matoron en Gradus, tro al rei don Pedro, el sobrino del emperador.

Tornaremos agora a suso por mellor uenir a la razon, como demos cabo ad esto ond uos queremos dezir. Desque regno el rei Dauid en Iherusalem & en Judea & en Israel, non fallie mas rei de so lignage tro que uino el rei Nabuchodonosor de Babilonia e destruie Iherusalem e los leuo catiuos a Babilonia. Pero antes que esto fuesse, les uino muitos males & muitas contrarias, assi com odredes comtar. Que en el tiempo del rei Ezechias, uino Salmanasar, el rei de Siria, sobre tierra d'Israel e fizo grant mal; e leuo muitos catiuos a Siria, e leuo catiuo a Tobias, qui era omne bueno de Deus. E pues uino otra uegada Senacherib, so fillo de Salmanasar, e cerco Samaria e prisola, e leuo todos los omnes catiuos a Siria. E pues se torno otra uegada est Senacherib en tierra de Iudea e cerco una cibdath que.l dizian Lais, e cadie mortaldat en so huest e torno s'end desbaratado. Adonc regnaua Arphaxath, el rei de los medos, et era rei sobre cxx prouincias. Et auia un rei en Siria qui auia nomne Nabuchodonosor, non el de Babilonia, mas otro era est. Et era rei de Siria e de Niniue, e lidio con Arfaxath e uencielo e tollie le tot el reismo. Estonz fo est Nabuchodonosor rei de Siria e de Çiopia tro a en India. Et embio ad Olofernus, qui era so uassallo, por conquerir la tierra de Iherusalem, e cerco Bethulia. Estonz exie ad el Judith, una muller muit fermosa, qui era biuda, e mato lo ad Olofernus, qui era beudo e cuidaua iazer con ella, e foron todos los de la huest desbaratados. En esta sazon auia ia consules en Roma; et en aquella sazon predicaua Jonas el propheta en Niniue, et era propheta Ysaias en Judea; et adonsc fo Pitagoras el philosofo. Murie Nabuchodonosor, el rei de Siria e de Niniue, e rregno Assuerus en so logar e fo rei sobre cxx prouincias. Est Assuerus fo pagano, e priso muller ebrea de las fillas de Israel, qui ouo nomne Ester. Al tiempo que regnaua el rei Nabuchodonosor en Siria

& en Niniue, regnaua l'otro rei Nabuchodonosor en Calcea & en Babilonia. Est Nabuchodonosor fo mal rei e crudel, e uino con grant huest sobre Iherusalem e cerco la e priso la e destruie toda la cibdath e cremola. E tot el guarniment qui era en temple que i auia metudo el rei Salamo, todo lo leuo a Babilonia; e leuo catiuo a Ioachim, el rei de Iherusalem. Murie Nabuchodonosor, e rregno so fillo Balthasar en so logar; e por l'auleza que fizo, que biuie con sos mulleres en los basos que so padre aduxo de la santidat del templum Domini, e lo mataron exe nueit los medos e los de Persia. Estonz prophetizaua Daniel en Caldea.

Quando murie Balthasar, regno Euilmerodac en Caldea; la donc fo treito de la carcel Ioachim, el rei de Iherusalem, que xvii annos hi auia estado. Murie Euilmerodac, e rregno en so logar el rei Astriages. En aquel tiempo fo Ypocras el buen mege, e Socrates e Diogenes Democrite; et en aquel tiempo regnaua Atarserses en Persia. Murie Astriages, e rregno el rei Cirus en so logar e fo muit buen rey. Est embio todos los iudios qui eran catiuos en toda so tierra que uiniessen fraugar el temple de Deus a Iherusalem. Et estonz hi uinieron grandes gentes con Salathiel, el padre de Zorobabel. Estonz prophetizauan en Caldea Ageus & Zacharias, estas dos prophetas; et en eix tiempo fo Platon el philosofo, e Demostenes el buen parlero.

El rei Assuerus, qui regno en Persia & en Çiopa tro a en India, ouo fillo a Daires de Ester so muller. Est Daires embio los iudios qui non quisiieron exir por mandamiento de Cirus, a tierra de Iherusalem, e uinieron a la frauga del temple. Estonz renouo la lei Ezdras el propheta; et en aquel tiempo fo Aristotus, & estonz murie Platon. Ad est Daires fo mesturado Daniel e fo metudo en el pozo de los leones, e plogo a Deus que no i ouo nengun mal.

Regno Daires xxxiii annos e lidio con Alexandre, qui era rei de Grecia, e fo uencido Daires & alli murie.

Regno Alexandre en Grecia xii annos, e pues conquerie Babilonia e tot el regne de los Caldeus et el regne de Persia e toda Eciopia tro a en India; e priso Iherusalem & entro en el temple e sacrifico i sos deus; e pues conquerie muita tierra. Mas a la finada enpozonoronlo sos uassallos, e murie assi como l'auia dito Aristotus, so maiestro. Apres la muert del rei Alexandre, regnoron sos uassallos en la tierra. Tholomeo fo rei de Egipto; Antyochus poblo Repleta e puso.l so nomne & ouo nomne Antiocha. Mouie se el rei Antiochus de Antiocha e uino e cerco Iherusalem. E fizo muitas batallas

con Iudas Machabeus e con sos ermanos e priso Iherusalem; et entro en el temple con grant superbia e con grant orguello; e priso todos los iudios que trobo en la tierra de Iherusalem e leuo los catiuos en tierra de Egipto; e lidio con Tholomeo, qui era rei de Egipto, e uencielo. Torno s'end Antiochus en so tierra, e d'alli delant todos los reis de Egipto ouieron nomne Tholomeus. El tercer rei de Egipto, de los Tholomeus, solto todos los iudios qui eran catiuos en Egipto & embio los a Iherusalem; e torno los basos qui fueron del templum Domini e dielos ad Eleazar el sacerdoth. Est Tholomeo ouo lxxii interpretatores e torno l'ebreu en grec. L'otro Tholomeo, Uergetes, regno xvii annos. En aquel tiempo fo Ihesu fili Sirach & escriue so libro; et en aquel tiempo fo Marcel el consul de Roma e priso Sezilia.

L'otro Tholomeo regno xx annos. Estonz priso Affrica Cipio, el consul de Roma; et estonz conquerieron Espanna los romanos.

L'otro Tholomeo regno x annos. Estonz fo Siria en poder de los romanos, e uino Pompeius en Iherusalem e leuo los iudios por paria a Roma. Et estonz fo Chaton el sage; et adonc naxieron Virgili & Oraci; e regnaua Leopatras en Egipto. Et estonz fo Iulius Cesar emperador de Roma de so cabal; que dantes los consules ne eran sennores. Est Iulius Cesar mato so suegro a Pompeus por que no lo quiso collir en la cibdath. Est Iulius Cesar conquerie la maior partida de tod el mundo; e depues mas todos los emperadores de Roma ouieron sobre nomne Cesar por el en suso. Apres de Iulius Cesar regno en Roma Octouianus Augusto. Est fo Cesar Augustus, e regno lv annos. Ladonc naxie nuestro sennor Ihesu Crist e fino la quinta edath del segle, segund lo que dize Sant Ysidre, mas no lo atorgan los iudios. A cabo de xlaii annos que regnaua Cesar Augustus, fo la incarnacion de Ihesu Crist. ERa xxxvii.

Murie Cesar Augustus e rregno Tiberius Cesar en Roma. En so tiempo priso Ihesu Crist passion, et era rei en Iherusalem Herodes, qui era pagano & era uassallo de Tiberius Cesar. Desque empezo el sieglo tro que Christus priso passion, ouo v milia & cc & xlaiiii annos.

Apres de Tiberius Cesar regno en Roma Cesar, qui ouo sobre nomne Gaius Callicola. Aquest se façia tener por deus a sos omnes e puso la imagen de so ydola en el temple de Iherusalem. Estonz escriuie Sant Matheu primerament l'auangelio en Iudea.

Apres d'aquel rei Cesar, regno Claudius en Roma xiiii annos. En aquel tiempo fo Sant Per a Roma, e Sant Marcho escriuie so Euangelio en Alexandria.

Apres de Claudius, regno en Roma Nero el falso, el qui mato so madre e la fizo abrir. En so tiempo era Simon Magus l'encantador en Roma. Est Nero fizo meter en cruç a Sant Per e fizo degollar a Sant Paul; e fizo matar a Senecha, so maiestro, qui era muit sage. Regno Nero xiiii annos e murie. Et adonc murie Luchan.

Apres la muert de Nero, regno en Roma Uespesianus v annos. Et al segund anno que el comenzo a rregnar, priso Titus, so fillo, Iherusalem e destruiela, e priso todos los iudios catiuos; e los qui eran de xi annos en suso, matolos todos, e los qui eran de xi annos en iuso, leuolos todos catiuos a Roma por mostrar so uictoria; e foron estos catiuos dcccc milia. Esto fo a cabo de xlii annos de la passion de Ihesu Crist, assi com auia prophetizado Heliseus el propheta. Murie Uespesianus, el rei de Roma, e rregno Titus, so fillo, en so logar. Et apres de Thitus, regno so ermano Domicianus, qui fizo la segunda persecucion de los cristianos apres de Nero. Est Domicianus encalço todos los iudios de so tierra e los embio por mar. Estonz se esparzieron por las tierras del mundo. E priso los qui eran del lignage del rei Dauid e fizo los todos degollar. Est Domicianus mato muitos sieruos del Criador, christianos qui son martires, e fizo penar a Sant Iohan euangelista en una tina plena de olio feruient, e no i ouo negun mal; e pues lo encalço de toda so tierra, e fo s'end Sant Iohan a las islas de Pathmos. Est Domicianus ouo sobre nomne Helius Adrianus, e destruie Iherusalem e desradigola toda de so logar e poblola redor Monte Caluarie o agora es poblada, e puso.l so nomne & ouo nomne Heliam; que dantes Iherusalem redor Monte Sion era poblada.

Murie Domicianus, & apres d'el regno Troianus en Roma, qui ouo muit buena uoluntat de encalçar e de marturiar todos aquellos qui credian en Christus.

Murie Troianus e rregno Adrianus; si el uno fo malo, el otro fo peior. Est tormento todos quantos anc ne pudo conseguir de los qui credian en Christus, e fizo los morir a mala muert.

Regno Adrianus xxii annos e murie, mal sieglo aia; e pues regno Antonius en Roma en so logar xxiiii annos, mas non fo tan malo com est. En aquel tiempo fo Galienus el buen mege.

Murie Antonius e rregno Comoda dos annos. En aquel tiempo fo Origenus.

Apres de Comoda regno Philipus, qui ouo temprança en la fe de Christus.

Apres de Philipus regno Constantin de Roma, el fillo de Costant e de la reina Elena, filla del rei Iohel d'Angla Terra.

Ad est emperador de Roma, Costantin, plogo a Deus, e conuertielo Sant Siluestre & babtizolo e fo christiano. En esta sazon foron ia los godos entrados en Espanna.

Regno Costantin xxx annos e murie; e pues regno en Roma so fillo Costant xxiiii annos, e fo mal rei & erege, que todos los christianos que trobo en so reismo, todos los tormento.

Apres de Costant regno en Roma Julianus apostota. Est malo e traidor e desleial, e partiese de la fe de Christus & adoro las ydolas; e fizo traer de la fuessa el cuerpo de Sant Iohan Baptista e fizo lo cremar.

Apres de Julianus regno Justinianus, et apres de Justinianus regno Foca Cesar. En aquel tiempo fo Sant Bonifaci apostoli de Roma & establie la fiesta de Omnium Sanctorum.

Apres de Foca Cesar regno Eraclius en Roma, e passo mar e fo lidiar con Cosdroe, qui era rei de Persia. Aquest rei Cosdroe se fazia a sos omnes tener por deus, e tenia la uera cruç delant si; et auia feito fer cielo d'aramne e sol e luna & estellas, e fazia plouer por encantament. Lidio Eraclius con el & con so fillo e mato los ad amos, & aduxo la uera cruç a Iherusalem. En esta sazon que regnaua Eraclius en Roma, era Sant Ysidre arcebispe en Seuilia, qui escriuie estas estorias & otras muitas, et en esta sazon andauan los godos en Espanna. Estos godos foron de lignage de Gog e Magog e foron paganos, e mouieronse d'oltras flum de Danubium e passoron mar e uinieron gastando por tierra de Roma. Et era apostoli en Roma el Papa Aldebrando. Et uinieron estos godos en Espanna & estidieron hi ccclxxxiii annos, e muitos d'ellos tornoron se a la fe de Christus. Al tiempo que los godos passoron mar, estonz se mouie Mahomath de Meca e fo predicar en Arabia e conuertie grant gent en so lei. ERa dclxii. Del dia que Christus priso passion, tro al dia que Mahomath se mouie de Meca, ouo de menos viii annos; e Mahomath auia a la ora xla annos.

Quando foron los godos entrados en Espanna, leuantoron rei de lor lignage et est rei ouo nomne el rei Cindus, e fo christiano; e quando murie el rei Cindus non lexo fillo nenguno e rremaso la tierra sines rei. E non s'acordoron las hientes de la tierra por auer rei, e guerrioron se todos unos con otros grandes tiempos; e pues accordoron se e fizieron rei por eleccion al rei Bamba, e fo muit buen rei. ERa dccx. Est rei Bamba establie los arcebispados e los bispados de Espanna d'ond ad ond fossen.

Regno el rei Bamba xii annos, e pues empozono lo Eurigius, el nieto del rei Cindus, qui era godo, e murie assi, e soterroronlo en Bragana.

Quando fo muerto el rei Bamba, regno Egica, so fillo de Eurigius, d'aquest qui auia empozonado al rei Bamba, et non regno mas de dos annos.

Murie Egica e rregno el rei Vatizanus, qui fo del lignage de los godos.

Murie Vatizanus, e rregno el rei Rodrigo en toda Espanna, e fo buen rei e conquerie muito. E pues por el consello de los fillos de Vatizanus e de so nieto del rei Rodrigo, el comte don Iulian, entroron los moros en Espanna. Era dcclii. A la sazon que regnaua el rei Rodrigo en Espanna, uinieron d'Affrica el rei Aboali & Aboçubra. Et era rei en Marruecos el rei Amiramozlemin, & estonz uino Taric en Espanna & arribo a Gibaltaric. Est rei Aboçubra & Aboali & Amiramozlemin, con otros reies muitos e con grandes poderes de moros uinieron al rei Rodrigo a la batalla e lidioron con el en el campo de Sagnera. En la primera fazienda foron mal treitos los moros; mas pues cobroron e foron rancados los christianos. En aquella batalla fo perdido el rei Rodrigo, e no lo troboron ni muerto ni biuo; mas pues a luengos tiempos, en Uiseu en Portogal, troboron un sepulcre que dizian las letras qui de suso eran escritas que alli iazia el rei Rodrigo, el qui fo perdido en la batalla en el tiempo de los godos.

Quando fo perdido el rei Rodrigo, conquerieron moros toda la tierra tro a en Portogal & en Gallicia fueras de las montannas d'Asturias. En aquellas montannas, s'acuellieron todas las hientes de la tierra los qui escaporon de la batalla, e fizieron rei por election al rei don Pelaio, qui estaua en una cueua en Asseua. Est rei don Pelaio fo muit buen rei e leial; e todos los christianos qui eran en las montannas acullieron se todos ad el, e guerreioron a moros e fizieron muitas batallas e uencieron las.

Murie el rei don Pelaio, Deus aia so alma, e rregno so fillo, el rei don Fafila, e fo auol omne, e mato lo un onso.

El rei don Pelaio ouo una filla e dieronla por muller a don Alfonso, al fillo del sennor don Pedro de Cantabria, e leuantoronlo rei; e guerrioron a moros e fizieron muitas batallas e uençieron las.

Est rei don Alfonso conquerie Lugo de moros, Tub e Portugal e Bragana e Viseu Flauia e Delesma e Salamancha e Çamora e Astorga e Leiion e Sieth mancas e Saldanna e Sogouia e Sepulbega e Maia; todas estas priso de moros e poblo las de christianos.

Gallicia et Asturias et Alaua e Bizcaia et Urdunna e Dearri e Berueça, tot siempre foron de christianos, que nunqua no las perdieron. Murie el rei don Alfonso, e rregno so fillo, el rei don Fruella, e fo auol omne e mato a so ermano; e por la auleza que fizo, matoron lo sos omnes, que muitos d'ellos auia feitos cornudos.

Quando fo muerto el rei don Fruella, regno el rei don Alfonso el Casto, el qui poblo Ouiedo, e fizo la eglesia en honor de Sant Saluador, e fizo hi xii altares en honor de los xii apostols. E quando murie el rei don Alfonso, alli lo soterroron, & alli iaze.

Est rei don Alfonso non lexo fillo nenguno, ni non remaso omne de so lignage qui mantouiesse el reismo, & estido la tierra assi luengos tiempos. E pues acordoron se & eslieron dos iudices porque.s cabdellassen d'estos dos iudices: el uno ouo nomne Nunno Rasuera & el otro ouo nomne Lain Calbo. Del lignage de Nunno Rasuera uino l'emperador de Castiella, e del lignage de Lain Calbo uino mio Çith el Campiador. Nunno Belchidez ouo fillo a Nunno Rasuera. Nunno Rasuera ouo fillo a Gonçalbo Nunnez. Gonçalbo Nunnez ouo fillo al comte Fernand Gonçalbez. A El comte Fernand Gonçalbez ouo fillo al comte Garcia Fernandez. A El comte Garcia Fernandez ouo fillo al comte don Sancho, el qui dio los buenos fueros. A El comte don Sancho ouo fillo al ifant Garcia, el que matoron en Leon, et una filla qui ouo nomne la ifant dona Albira. Esta ifant dona Albira casoron la con el rei don Sancho el maior, qui fo rei de Nauarra e d'Aragon, e fo sennor tro en Portogal. E pues uos diremos d'est rei don Sancho cui fillo fo. Est rei don Sancho el maior ouo tres fillos: los dos d'est muller, & el tercero d'otra. L'uno ouo nomne el rei don Ferrando, el otro el rei don Garcia de Nauarra, el tercero fo el rei don Remiro d'Aragon, el que matoron en Grados. Lidioron el rei don Ferrando & el rei don Garcia, amos ermanos, en Atapuerca, e mato el rei don Ferrando al rei don Garcia. Est rei don Ferrando ouo tres fillos: el rei don Alfonso et el rei don Sancho et el rei don Garcia, el que dixieron de las particiones; et ouo dos fillas, la ifant dona Urracha et la ifant dona Albira. Combatieronse el rei don Sancho & el rei don Garcia, amos ermanos, en Sant Aren en Portogal, e priso el rei don Sancho al rei don Garcia e misolo en Luna en la preson, & alli lo fizo morir en los fierros, e con los fierros lo soterroron en Sant Ysidre de Leon. E pues se combatie est rei don Sancho con l'otro so ermano, el rei don Alfonso, en Golpillera prueb de Carrion, e prisolo el rei don Sancho al rei don Alfonso, e pues solto lo que.s

exiesse de la tierra, & assi lo fizo. E fue.s por a Toledo, qui era de moros. E pues est rei don Sancho cerco a so ermana, la ifant dona Urracha, en Zamora, & ella faulo con un so cauero e fizo lo matar a so ermano, el rei don Sancho, e matolo Bellit Adolfez a traicion. Quando fo muerto el rei don Sancho en Zamora, torno en la tierra el rei don Alfonso, qui era en Toledo, e fo rei de Castiella. E pues conquerie Toledo de moros. Est rei don Alfonso priso muller la Çaida, qui era sobrina d'Auenalfage, e baptizola e fo christiana. Et ouo en ella fillo al ifant don Sancho, al que dixieron Sanch Alfons. Pues lo matoron moros en la batalla d'Ucles. E pues ouo el rei don Alfonso otra muller, qui ouo nomne Xemena Munnioz, et ouo en ella dos fillas: la ifant dona Albira e la ifant dona Taresa. Caso la ifant dona Taresa con el comte Henrric, & ouieron fillo al rei don Alfonso de Portogal. Caso la otra filla la ifant dona Albira con el comte Ramon de Sant Gili, el qui fo a la preson de Iherusalem, & ouieron fillo al comte n'Alfons, al que dixieron Alfons Iordan, qui fo padre del otro comte Ramon. Est rei don Alfonso priso pues adu otra muller, la reina dona Costança, et ouo en ella una filla, la reina dona Urracha. Esta reina dona Urraca casoron la con el comte Ramon, & ouieron fillo al emperador de Castiella, et una filla, la ifant dona Sancha. E pues la reina dona Urracha, la madre del emperador, caso se con el rei don Alfonso d'Aragon, el qui priso Çaragoça de moros, e non ouieron nengun fillo.

L'emperador priso muller la ermana del comte de Barcelona, et ouo en ella fillos al rei don Sancho de Castiella et al rei don Fernando de Gallicia e la reina de Nauarra e la reina de França. Pues priso l'emperador otra muller, sobrina del emperador d'Alamanna, et ouo en ella una filla, la reina dona Sancha, e casoron la con el rei don Alfonso d'Aragon, el fillo del comte de Barcelona, et ouieron fillo al rei don Pedro. El rei don Sancho de Castiella, el fillo del emperador, priso muller la reina dona Blanca, la filla del rei don Garcia de Nauarra, & ouo en ella fillo al rei don Alfonso de Castiella. El rei don Alfonso de Castiella priso muller la filla del rei d'Angla Terra, donna Alienort, & ouo en ella fillo al ifant don Ferrando.

TRo aqui auemos comtado de los reies de Castiella del tiempo del rei Roderigo e del comte don Iulian en aca tro al rei don Alfonso. Agora comtaremos de los reies de Nauarra e del rei Sanch Auarcha e del rei don Sancho el maior, ond uos dixiemos, e de todos los otros. El rei Ennech Ariesta ouo fillo al rei don Garcia, al que dixieron Garcia Ennequez. Est

rei Garcia Ennequez priso muller la reina dona Urracha, & oueron un fillo qui ouo nomne Sancho Garceç, e pues ouo nomne el rei Sanch Auarca, e dire uos como. Matoron moros al rei Garcia Ennequez, e rremaso so muller prennada, la reina dona Urracha. E pues a la Cumberri, prueb de Pamplona, firieronla d'una lança e murie la madre, e naxie el fillo biuo por la plaga de la lançada. Est fillo priso lo un ric omne de la montanna e criolo al mellor que pudo, e puso.l nomne Sancho Garcez. E quando est ninno fo grande, fo omne muit esforçado e muit franc, & accullie a ssi todos los fillos d'algo que trobo en las montannas e daua les quanto que podia auer; e sos omnes quando uedieron qu'el era omne muit esforçado e de grant trauallo, pusieron le nomne Sanch Auarcha, e plegoron se todos los ricos omnes de la tierra, e por la bondat e por l'esfuerço que uedieron en el leuantoronlo rei. Est rei Sanch Auarcha miso se en Cantabria e guerrio a moros, e conquerie de Cantabria tro a Nagera e tro a Monte d'Oca e tro a Tudela, e conquerie toda la plana de Pamplona e grant partida de las montannas. E pues conquerie tod Aragon e fizo muitos castiellos por la tierra por guerriar a moros, e fizo muitas batallas con ellos e rrancolas. Est rei Sanch Auarcha priso muller la reina dona Toda, & ouo en ella un fillo e quatro fillas: el fillo ouo nomne el rei don Garcia el trembloso, e de las fillas la una ouo nomne dona Urraca, la otra dona Sancha, la otra dona Maria, la otra dona Blasquita. Caso la una filla dona Urraca con el rei don Alfonso de Leon, & ouieron un fillo, l'infant don Ordonno, el que matoron en Cordoua. Caso la otra filla, dona Maria, con el rei don Ordonno. Caso la tercera, dona Sancha, con el rei don Remiro. Caso la otra, dona Blasquita, con el comte don Monnio de Bizcaia. Regno el rei Sanch Auarca xx annos e murie. ERa dccccxlaiii.

Quando fo muerto el rei Sanç Auarca, regno so fillo, el rei don Garcia, en so logar. E fo muit buen rei e muit franc e muit esforçado, e fizo muitas batallas con moros e uencielas. Mas quando uinie a grant cueita, tremblaua todo, o quando odia algunas grandes nueuas; e por esto le dixieron "el rei don Garcia el trembloso". Regno est rei don Garcia xxv annos e murie. Quando fo muerto est rei don Garcia, regno so fillo, el rei don Sancho el maior, en so logar, e priso muller la filla del comte don Sancho de Castiella, qui dio los buenos fueros, dona Albira, la ermana del ifant Garcia, et ouo en ella dos fillos, el rei don Ferrando & el rei don Garcia de Nagera. Lidioron amos en Atapuerca, e murie hi el rei don Garcia. Est rei don Garcia ouo dos fillos: el rei don Sancho, que matoron en Penna len, e l'ifant don Sancho. Est ifant don Sancho ouo fillo al ifant don Remiro, al que dixieron Remir Sanchez.

Est ifant Remir Sanchez priso muller la filla de mio Çith el Campiador & ouo fillo en ella al rei don Garcia de Nauarra, al que dixieron Garcia Remirez. Est rei don Garcia priso muller la reina dona Maprelina, sobrina del comte d'Alperches, & ouo fillo en ella al rei don Sancho de Nauarra e la reina de Sezilia e la reina dona Blanca, la muller del rei don Sancho de Castiella. El rei don Sancho de Nauarra priso muller la filla del emperador de Castiella & ouo d'ella fillos, el rei don Sancho, el ifant don Ferrando e la reina d'Angla Terra, e la comtessa de Campanna e la ifant dona Costança, qui murie en Daroca.

TRo aqui dixiemos del lignage de los reies de Nauarra; et agora diremos, si uos plaz, de los reies d'Aragon. El rei don Sancho el maior fo fillo del rei don Garcia el trembloso, sobrino del rei Sanch Auarca. Est rei don Sancho ouo un fillo d'otra muller, qui ouo nomne l'ifant don Remiro; e fo muit bueno e muit esforçado, e por el saluamiento que fizo a so madrastra, la reina dona Albira, la muller del rei don Sancho padre, dio.l ella sos arras, et el rei atorgo las, & ouo el reismo d'Aragon e fo rei. Est rei don Remiro fo muit bueno, & ouo muitas faziendas con moros e lidio muitas uezes con ellos e uencielos. Et a postremas uino sobr'ell el rei don Sancho de Castiella con grant poder de moros e con tod el poder de Çaragoza, qui era de moros. Vinieron ad el a Sobrarbe e gastoronle toda la tierra, et el uino ad ellos a batalla e lidio con ellos e matoron lo i en Grados. ERa mci.

Est rei don Remiro ouo fillo al rei don Sancho d'Aragon, qui fo muit bueno & muit leal & ouo muitas fazendas con moros e uenciolas. E pues cerco Vesca, que era de moros, e firieronlo i de una saieta, e fizo iurar todos los ricos omes & a so fillo Pedro Sancheç, e fizo ad el iurar que non descercasse la uilla tro a que la prisiessen o que lo en.leuantassen por fuerça. Murie el rei don Sancho & soterraron lo en Mont Aragon; pues leuoronlo a Sant Joan de la Penna, por miedo de moros. El rey don Pedro touo Uesca cercada, e uinieron ad el a la batalla grandes poderes de moros & el compte don Garcia de Nayera con ellos. El rey don Pedro lidio con ellos en Alchoraç delant Uesca & i uencio la batalla e mato muitos d'ellos, & priso al comte don Garcia e touollo en so preson, e priso Vescha. Murio el rey don Pedro e rregno so ermano, el rey don Alfonso. Fo muit bueno e muit leal e muit esforçado e fizo muitas batallas con moros e uenciollas; e conquerio Zaragoza de moros, e Darocha & Calatayub e rio de Taraçona & rio de Borga & Tudela, con otras muitas. Murio est rey don Alfonso e no laxo fillo neguno, e ssacharon a so ermano don Remiro de la mongia e fizieron lo rey, e dierenli muller a la nieta del ... .

[E]st es el lignage de los reies de França. [E] vi fueron antes de Charle Mayne [e] pues de Charle Mayne [e] tro agora. [U]n rei ouo en França antes que fuesse de christianos, qui ouo nomne Moroueus, e fo del lignage del rei Prianç de Troia. [E]st Moroueus ouo fillo al rei Cilderich. [E]l rei Cilderic ouo fillo al rei Clodoueo. [A]d est rei Clodoueo baptizolo Sant Remigu e fo christiano. [D]'alli en acha fo França en poder de christianos. [E]l rei Clodoueo ouo fillo al rei Clotario. [E]l rei Clotario ouo fillo al rei Cilperich. [E]l rei Cilperich ouo fillo a Clotario el segundo. [E]st rei Clotario ouo fillo a Dagobert. [E]l rei Dagobert ouo fillo a Clodoueo el segundo. [E]st rei Clodoueo ouo tres fillos de Sancta Baltilde la reina: [E]l uno ouo nomne Clotario el iouen, [e]l otro Cilderich, [e]l tercero Terrin. [E]st rei Terrin ouo fillo a Cildeberth, [E]l rei Cildeberth ouo fillo a Dagoberth el iouen. [E]l rei Dagoberth ouo fillo a Terrin el iouen. [E]l rei Terrin ouo fillo a Clotario el quarto; [e] pues que traspasso esta generacion de Clotario el quarto. [E]l rei Cildeberth ouo fillo ad Arnoldum. [E]st rei Arnoldum ouo fillo a Sant Arnolf, [e]t otro fillo, Mencensem episcopum. [S]ant Arnolf ouo fillo ad Anchises. [E]st rei Anchises ouo fillo a Pepin el maior. [E]l rei Pepin el maior ouo fillo a Charle Marthel. [E]l rei Charle Marthel ouo fillo a Pepin lo Petit. [E]st rei Pepin lo Petit priso muller la reina Bertha con los grandes pedes, qui fo filla de Floris e de Blancha Flor, [e]t ouo en ella fillo a Charle Mayne, l'emperador de França. [C]harle Mayne ouo dos fillos: [E]l rei Lodois [e]t el otro Lois qui fo emperador de Roma. [E]l rei Lodois ouo fillo a Carlo Caluo. [E]l rei Charlo Caluo ouo fillo a Lodois el segundo. [E]st rei Lodois ouo fillo a Charle el Simple. [E]l rei Charle el Simple ouo fillo a Lodois el tercero. [E]st rei Lodois ouo fillo a Clotario. [E]l rei Clotario ouo fillo a Lodois el quarto. [M]urie est rei Lodois e non lexo fillo nenguno, [e] los franceses leuantaron rei ad Vgon el duc, qui fo fillo de Vgon el grant duc. [A]qui s'estallo la generacion de Charles. [E]st rei Vgon que leuantoron ouo fillo al rei Roberth. [E]l rei Roberth ouo tres fillos: [E]l uno fo el rei Vgon, qui fo muit dolç & muit amado, [e]l otro el rei Henrrich, [e]l otro el duc de Borgonna. [E]l rei Henrrich ouo fillo al rei Philip. [E]l rei Philip ouo filo a Lodois. [E]st rei Lodois ouo v fillos de la filla de sire Alberth que aduxo d'oltras los monç: [E]l uno ouo nomne Philip, [e]l otro ouo nomne Lodois, [e]l tercero Henrrich, [e]l quarto Roberth, [e]l quinto Philip otrosi. [P]hilip el maior, qui era ia rei coronado morie por occasion en uida de so padre. Regno Lodois, so ermano, [e] coronolo l'apostoli [Innocenc]io en la cibdath de Rems. [E]st rei Lodois ouo fillo al Rei Philip, qui agora es rei de França.