-Dj, iudio, ¿quantas comendanças son de tu ley?- .x.

-Destas .x. ¿quantas menuzas se fizieron?- vi cientas ⁊ xiii.

-Destas vi cientas ⁊ xiii, ¿quantas tienes? Que sabemos que tienes .iii. La primera, que es dicha milá, ha a tagar; ⁊ ronper ⁊ sugar, ca hay mezizá, periá, milá. Pues luego entendemos que la primera es contraria de tu ley; ond tu ley non comia seuo ni sangre, ⁊ uos dexades de comer las otras sangres ⁊ comedes las de uuestros fiios. Ond, quando bjen uos mesuraredes, fonta uos i iaze ⁊ muy grand; que la boca de uuestro rabi que conpieça uuestra oraçion, feches cono de muier; ⁊ de mas sabedes (⁊ de mas sabedes) que la barba ⁊ las narizes an y mal logar. E de mas ueedes qual fonta de sugar sangre de tal logar. Ond si iusticia fuesse de tierra, mas derecho era apedrear tal omne que osso ni leon.

Agora fablemos de sabaat. Hay nin dar nin prender nin fazer obra don seya leuantada, che tu digas: «alogro tan bien cuentas el sabado como el otro dia». Ond prouare que el tu sabado uendes, ⁊ non has sabado ninguno, ca omne quel uende non la ⁊ quebranta su ley.

Agora fablemos de creder uerdadero Deus. ¿Cumo creedes uerdadero Deus? Che nos falamos en ley que en .iii. maneras los clamades, on dezides: «cados, cados, cados Adonay Sabaoth». E de mas dezides: «Eloe Abraam, Eloe Ysaac, Eloe Jacob». Si uos un Dios creedes, ¿como lo clamades de tantas naturas?

O a quel Dios que uos creedes, que me digades que similias ha; si a similias de omne o de que.

-Yo prouare que nuestro Dios, que nos creemos ⁊ adoramos, que aquel fizo el cielo ⁊ la tierra, ⁊ fizose omne ⁊ fablo ⁊ dixo: «Yo so, ⁊ otro non maior nj egual de mj; que yo so primero ⁊ sere postremero. E yo so conpeçamiento ⁊ sere fin del mundo; yo ferre ⁊ sanare ⁊ yo matare ⁊ resucitare. E ninguno de mi mano non podra foyr ...»

-Ond euas sana prueua que el dixo que auia mano. Onde tu fazes grand cosa contra tu Dios, ⁊ dizes que non a similia. Onde te prouare por Dauid que diz que a oios ⁊ oreias a si cuemo diz: «Oculi domini super iustos a[ures] e[ius] i[n] p[reces] e[orum]». Aun te prouare por Dauid que a [cara]: «¿Quo ibo aspiritu tuo? ¿⁊ quo a facie tua fugiam?». Ond bien te deues tener por mucho errado en dezir que el to Deus non a similias ningunas. E yo prouare que el criador ...