Era M.a L.a VIII.a sub kalend. augusti, in presentia regis domni Adefonsi et uxoris eius Geloire conuenimus apud Legionem in ipsa sede beate Marie omnes pontifices, abbates et obtimates regni Hyspa-
nie et iussu ipsius regis talia decreta decreuimus, que firmiter teneantur futuris temporibus.In primis igitur censuimus ut in omnibus conciliis que deinceps celebrabuntur, cause ecclesie prius iudicentur, iudiciumque rectum absque falsitate consequantur.
Precipimus etiam ut quicquid testamentis concessum et roboratum aliquo tempore ecclesia tenuerit, firmiter possideat. Si uero aliquis inquietare uoluerit illud quod concessum est testamentis, quicquid fuerit testamentum, in concilium adducatur, et a ueridicis hominibus utrum uerum sit exquiratur, et si uerum inuentum fuerit testamentum, nullum super eum agatur iudicium, sed quod in eo continetur scriptum quiete possideat ecclesia in perpetuum. Si uero ecclesia aliquid iure tenuerit, et inde testamentum non habuerit, firment ipsum ius cultores ecclesie iuramento, hac deinde possideat perhenni euo, nec parent tricennium iuri habito seu testamento. Deo etenim fraudem facit qui per tricennium rem ecelesie rescindit.
Decreuimus etiam ut nullus contineat seu contendat episcopis abbates suarum dioceson, siue monachos, abbatissas, sanctimoniales, refuganos, sed omnes permaneant sub dicione sui episcopi.
Mandauimus adhuc ut nullus audeat aliquid rapere ab ecclesia; uerum si aliquid infra cimiterium per rapinam sumpserit, sacrilegium soluat,
et quicquid inde abstulerit ut rapinam reddat. Si autem extra cimiterium iniuste abstulerit rem ecclesie, reddat eam et calumpniam cultoribus ipsius ecclesie more terre.Item decreuimus ut si forte aliquis hominem ecclesie occiderit, et per se ipsa ecclesia iusticiam adipisci non potuerit, concedat maiorino regis uocem iudicii, diuidantque per medium calumpniam homicidii.
Iudicato ergo ecclesie iudicio adeptaque iustitia, agatur causa regis, deinde populorum.
Decreuimus ut nullus emat hereditatem serui ecclesie, qui autem emerit perdat eam et precium.
Item mandauimus ut homicidia et rausos omnium ingenuorum hominum regi integra reddantur.
Precipimus etiam ut nullus nobilis siue aliquis de benefactoria emat solare aut ortum alicuius iunioris, nisi solummodo mediam hereditatem de foris et in ipsam medietatem quam emerit non faciat populationem usque in tertiam uillam. Iunior uero qui transierit de una mandatione in aliam et emerit hereditatem alterius iunioris, si habitauerit in ea, possideat eam integram; et si noluerit in eam habitare, mutet se in uillam ingenuam usque in tertiam mandationem, et habeat medietatem prefate hereditatis, excepto solare et orto.
Et qui acceperit mulierem de mandatione et fecerit ibi nuptias, seruiat pro ipsa hereditate mulieris, et habeat illam. Si autem noluerit ibi morari, perdat ipsam hereditatem; si uero in hereditate ingenua nuptias fecerit, habeat hereditatem mulieris integram.
Item decreuimus quod si aliquis habitans in mandatione asseruerit se nec iuniorem nec filium iunioris esse, maiorinus regis ipsius mandationis per tres bonos homines ex proienie inquietati habitantes in ipsa mandatione confirmet iureiurando eum iuniorem et iunioris filium esse. Quod si iuratum fuerit, moretur in ipsa hereditate iunior, et habeat illam seruiendo pro illa. Si uero in ea habitare noluerit, uadat liber ubi uoluerit cum cauallo et atondo suo, dimissa integra hereditate et bonorum suorum medietate.
Mandauimus iterum ut cuius pater aut auus soliti fuerunt laborare hereditates regis, aut reddere fiscalia tributa, sic et ipse faciat.
Precipimus adhuc ut homo qui est de benefactoria cum omnibus bonis et hereditatibus suis eat liber quocumque uoluerit.
Et qui iniurauerit aut occiderit saionem regis persoluat .D. solidos.
Et qui fregerit sigillum regis reddat. C. solidos, et quantum abstraxerit de sub sigillo soluat ut rapinam: si iuratum fuerit ex parte regis, medium autem calumnie regi, aliam autem medietatem domino her-
ditatis; et si iurare noluerit ex parte regis, criainatus habeat licentiam iurandi, et quantum iurauerit tantum ut rapinam reddat.Item si aliquis saio pignoram fecerit in mandamento alterius saionis, persoluat calumpniam quemadmodum si non esset saion, quia uox eius et dominium non ualent nisi in suo mandamento.
Illi etiam qui soliti fuerunt ire cum rege in fossatum cum comitibus, cum maiorinis, eant semper solito more.
Mandamus iterum ut in Legione seu omnibus ciuitatibus aliis et per omnes alfozes habeantur iudices electi a rege, qui iudicent causas tocius populi.
Et qui aliquem pignorauerit, nisi prius domino illius conquestus fuerit, absque iudicio reddat in duplum quantum pignorauerit; et si prius facta querimonia aliquem pignorauerit et aliquid ex pignora occiderit, plane absque iudicio reddat in duplum. Et si facta fuerit querela ante iudices de suspectione, ille cui suspectum habuerint defendat se iuramento et calida aqua per manus bonorum hominum. Et si querimonia uera fuerit et non per suspectionem, persquirant eam ueridici homines; et si non potuerit inueniri uera exquisitiot, parentur testimonia ex utraque parte talium hominum qui uiderunt et audierunt, et qui conuinctus fuerit, soluat more terre illud unde querimonia facta fuerit. Si autem aliquis testium falsum testificasse probatus fuerit, red-
dat pro falsitate regi .LX. solidos, et illi ex quo falsum protulit testimonium, quicquid suo testimonio perdidit, reddat integrum, domusque illius falsi testis destruantur a fundamentis et deinceps a nullis recipiatur in testimoniis.Constituimus etiam ut legionensis ciuitas que depopulata fuit a sarracenis in diebus patris mei Veremundi regis, repopuletur per hos foros suscriptos et nunquam uiolentur isti fori in perpetuum. Mandamus igitur ut nullus iunior, cuparius, aluendarius adueniens Legionem ad morandum non inde extrahatur.
Item precipimus ut seruus incognitus similiter inde non extrahatur nec alicui detur.
Seruus uero qui per ueridicos homines seruus probatus fuerit, tam de xpiani, quam de agarenis, sine aliqua contencione detur domino suo.
Clericus uel laycus non det ulli homini rausum, fossataria aut manneria.
Si quis homicidium fecerit et fugere poterit de ciuitate aut de sua domo, et usque ad nouem dies captus non fuerit, ueniat securus ad domum suam et uigilet se de inimicis suis, et nichil sagioni uel alicui homini pro homicidio quod fecit persoluat. Et si infra nouem dies captus fuerit et habuerit unde integrum homicidium reddere possit, persoluat illud; et si non habuerit unde reddat, accipiat saion aut dominus
eius medietatem substancie sue de mobili, altera uero medietas uxori sue remaneat et filiis uel propinquis cum casis et integra hereditate.Qui habuerit casa in solare alieno et non habuerit cauallum uel asinum, det semel in anno domino soli decem panes frumenti et mediam canatellam uini et unum lumbum bonum, et habeat dominum qualecumque uoluerit, et non uendat suam domum nec erigat suum laborem coactus. Sed si uoluerit ipse sua sponte uendere domum suam, duo xpiani, et duo iudei apprecientur laborem illius; et si uoluerit dominus soli dare diffinitum precium, det etiam et suo aluaroch, et si noluerit, uendat dominus laboris laborem suum cuie uoluerit.
Si uero miles in Legione in solo alterius casam habuerit, bis in anno eat cum domino soli ad aiunctam. Ita dico ut eadem die ad domum suam possit reuerti, et habeat dominum qualecumque uoluerit, et faciat de domo sua sicut supra scriptum est, et nullie domino non det nuptio.
Qui autem equum non habuerit et asinos habuerit bis etiam in anno det domino soli asinos suos, sic tamen ut eadem die posit reuerti ad domum suam, et dominus soli det illi et asinis suis uictum, et habeat dominum qualecumque uoluerit, et faciat de domo sua sicut supra scriptum est.
Omnes homines habitantes infra subscriptos terminos per sanctam Martham, per Quintanellas de uia de Ceia, per Centum fontes, per Villam
auream, per Villam felicem, et per illas Milieras, et per Cascantes, per Villam Velite, et per Villar Mazareffe, et per Vallem de Ardone, et per Sanctum Iulianum, propter contentiones quas habuerint contra legionenses ad Legionem ueniant accipere et facere iudicium, et in tempore belli et guerre ueniant ad Legionem uigilare illos mures ciuitatis et restaurare illos sicut ciues Legionis, et non dent portaticum de omnibus causis quas ibi uendiderint.Omnes habitantes intra muros et extra predicte urbis semper habeant et teneant unum forum, et ueniant in prima die quadragesime ad capitulum Sancte Marie de Regula, et constituant mensuras panis et uini et carnis et pretium laborantium, qualiter omnis ciuitas teneat iustitiam in illo anno. Et si aliquis preceptum illud preterierit, quinque solidos monete regis suo maiorino det.
Omnes uinatarii ibi commorantes bis in anno dent suos asinos maiorino regis, ut possint ipsa die ad domos suas redire, et dent illis et asinis suis uictum abunde, et per unumquemque annum ipsi uinatarii semel in anno dent sex denarios maiorino regis.
Si quis mensuram panis et uini minorauerit, persoluat quinque solidos maiorino regis.
Quicumque ciuariam suam ad mercatum detulerit et maquillas regis furauerit, reddat eas in duplo.
Omnis morator ciuitatis uendat ciuariam suam in domo sua per rectam mensuram sine calumpniam.
Panatarie que pondus panis falsauerint in prima uice flagellentur; in secunda uero. V. solidos persoluant maiorino regis.
Omnes carnicerii cum consensu concilii carnem porcinam, yrcinam, arietinam, uacunam, per pensum uendant, et dent prandium concilio una cum zauazaul.
Si quis uulnerauerit aliquem et uulneratus dederit uocem saioni regis, ille qui plagam fecerit persoluat saioni canatellam uini et componat se cum uulnerato; et si sagioni uocem non dederit, nichil illi persoluat, sed tantum componat se cum illo uulnerato.
Nulla mulier ducatur inuita ad fingendum panem regis, nisi fuerit ancilla eius.
Ad hortum alicuius hominis non uadat maiorinus uel saio, inuito domino horti, ut inde aliquid extrahat, nisi fuerit seruus regis.
Qui uinatarius non fuerit per forum, uendat uinum suum in domo sua sicut uoluerit per ueram mensuram et nichil inde habeat sagio regis.
Homo habitans in Legione et infra predictos terminos pro ulla calumpnia non det fidiatorem nisi in. V. solidos monete urbis, et faciat iuramentum et calidam aquam per manum bonorum sacerdotum, uel inquisitionem per ueridicos inquisitores, si ambabus placuerit partibus; sed si accusatus fuerit fecisse iam furtum, aut per tradictionem, homicidium aut aliam proditionem, et inde fuerit conuictus, qui talis inuentus fuerit, defendat se iuramento et per ldiv cum armis.
Et mandamus ut maiorinus uel saio aut dominus soli, uel aliquis senior, non intrent in domum alicuius hominis in Legione commorantis pro ulla calumpnia, nec portas auferant a domo illius.
Mulier in Legione non capiatur, nec iudicetur, nec infidietur, uiro suo absente.
Omnes macellarii de Legione per unumquemque annum in tempore uendimie dent sagioni singulos utres bonos et singulas arreldes de seuo.
Panatarie dent singulos argenzos sagioni regis per unamquamque ebdomadam.
Piscatum maris et fluminis et carnes que adducuntur ad Legionem ad uendendum, non capiantur per uim in aliquo loco a saione uel ab ullo homine, et qui per uim fecerit, persoluat concilio. V. solidos et concilium det illi. C. flagella in camisia, ducens illum per plateam ciuitatis per funem ad collum eius. Ita et de ceteris omnibus rebus que ad Legionem uendendum uenerint.
Qui mercatum publicum, quod quarta feria antiquitus agitur, perturbauerit cum nudis gladiis, scilicet ensibus et lanceis. XL. solidos monete urbis persoluat saioni regis.
Qui in diebus predicti mercati a mane usque ad uesperum aliquem pignorauerit, nisi debitorem aut fidiatorem suum, et istos extra merca-
tum, pectet sexaginta solidos saioni regis et duplet pignuram illi quem pignurauit; et si sagio aut maiorinus ipsa die pignuram fecerint, aut per uim aliquid alicui abstulerint, flagellet eos concilium, sicut supra scriptum est, centum flagellis, et persoluant concilio quinque solidos, et nemo sit ausus ipsa die contradicere sagioni directum quod regi pertinet.Quisquis ex nostra proienie uel extranea hanc nostram constitutionem sciens frangere temptauerit, fracta manu, pede et ceruice, euulsis oculis, fusis intestinis, percussus lepra, una cum gladio anathematis in eterna dampnatione cum diabolo et angelis eius luat penas.
Enna pressencia del Rey don Alfonso et de sua muyer dona Yluira aiumtamosnos en Leom enla See de sancta Maria todos los Obispos et Abades et Arcebispos del Rey despanya et perel so encomendamiento
estabelecemos estos degredos elos quales seam firmemientre guardados. Sub Era M.a L.a VIII.a Primero dia de Agosto.Ennas primeras mandamos que todos los conçeyos que fueren daqui adelantre quelos pleitos dela yglesia que seam iulgados primeramientre et que ayam iuycio bono et sim falsidat.
Mandamos aom que qualquier cosa quela yglesia touier de testamientos en algun tiempo otorgado et rourado, quelo aya et la posesiom todo tiempo; et si alguno quisier enbargar la cosa que ye otorgada en los testamentos, qualquier que sea el testamento, aduganlo eno conçeyo, et sea pesquirido de omnes bonos et uerdaderos, et si el testamento fur axado uerdadero, non aya ningun iuyzio sobrel testamento, mas de aquello que ye escripto enno testamento et ayalo la yglesia por sienpre. Mas si la yglesia touier alguna cosa en iuro et non ouier ende testamento, mandamos quelos possessores dela iglesia que tienem el iuro que iurem, met despues quelo firmarem quelo ayam por siempre et que non parem treçeno al iuro que am o al testamento, ca adios faz engano quando per trezeno tuelle las cosas delas eglisias.
Mandamos que ningum ome non reciba nin contienga a los Obispos sos Abbades nin las Abbadesas de so Vispo nin los monges alos Abbades fuam, mas estem siempre so poder de so Vispo.
Mandamos que nengunno non sea ossado de tomar neguna cosa per roba dela yglesia; et se tentar o tomar dentro del cimiterio alguna cosa per roba, peche el sacrilegio; et quiquier que ende tomar tornelo commo de robo. Et se tomar las cosas dela yglesia fuera del cimiterio pora roba reddalas et die la calonnia a los sennores de yglesia assi como fuer custume de la tierra.
Mandamos que se per la uentura alguno ome matar ome dela yglesia, e la yglesia por si non podiesse auer derecho, que otorgue ela voz del iuyzio al merino del Rey, et que partam ela calomnia del omeçio por medio.
Mandamos que depues quela igleya ouier iuiçio que pase depues el iuiçio del Rey et depues el iuiçio dellos pueblos.
Mandamos que nenguno ome non sea ossado de comprar herdat del sieruo dela yglesia et quien la comprar perdala et el precio. Mandamos quellos omeçios et los rosos de todos los omnes engenios quelos den al Rey entregamientre.
Mandamos quellos omeçios et los rosos de todos los omnes engenios quelos den al Rey entregamientre.
Mandamos que negun ome noble nen de benfetria non conpre solar nen uorto de mancebo forero si non ela meatad de fuera tanto et en esa meytad que conprar, non faga poblacion ata ena iij.a uilla. El mancebo forero que se passar de una mandacion en otra et conprar herdat de otro mancebo forero, se morar en ella, ayala entregamientre; et se non quisier morar en ella, mudesse en otra uilla engenua ata enna iij.a mandation, et aya la meatad dela herdat desuso dicha fuera el solar et el uorto.
Si alguno tomar muyer de mandatiom et se fezier y bodas, sirua por la herdat de sua moyer et aya la herdat; mas se non quisier morar hy,
perda ella herdat. Mas se enna herdat engenua fecier uodas lieue la herdat de la moyer entregamientre.Si algunno morar en mandacion et dixier que non ye omne forero, nen fijo de omne forero, el merino del Rey que touier la mandatiom si lo podier prouar per iij. omes bonos et uerdaderos et per iuramento dellos, que ye omne forero et fijo de forero, more enna herdat et ayala seruiendo por ella. Masse non quisier morar en ella uaya liure u quiser yr con so cauallo et con so todo et leyxele ella herdat et la meatad de todas suas bonas.
Mandamos aum que qualquier padre o qual auolo acustumarom a laurar las herdades del rey o dar fiscales ho tributos, que otrosi quelo faga el fillo.
Todo omne de benfetria uaya liure hu quiser yr con todas suas cosas et con todas herdades.
Mandamos que nenguno ome non sea ossado de matar sayon del Rey nen facerle torto et quien lo fecer peche quinientos soldos.
Quien quier quebrantar siello del Rey peche. C. soldos, et quanto tomar desol siello pechelo assi commo se fuesse de roba et assi commo se iurado de parte del Rey, et la meatad dela calonnia ayala el Rey et la otra meatad el sennor della herdat; et senon quiser iurar dela parte del Rey, el culpado aya espacio que iure et de quanto iurar a tanto rienda assi como se fuesse de roba.
Si alguno sayon pennorar de mandamiento de otro sayon peche la calomnia assi commo se non fuesse sayon, ca sua voz nen el so poderio non ual se non en so mandamiento.
Mandamos que aquellos que acustumaron hyr en fosado con el Rey o con los condes o con los merinos que uayam assi commo lo ouieron de costume.
Mandamos que en Leom et ennas otras ciubdades que hayam iuiçes elegidos del rey, que iulguem ellos pleytos de todo el pueblo.
Si algun omne penorar a otre en Leom, se lo ante non mostrar, osse non querelar a so sennor daquel a quien penora, sen otro iuicio dé el doblo de quanto penorar, et se primeramente se querelar et despues lo penorar et alguna cosa dela morir penora planamientre et sen iuicio die el doblo. Et se fecha fuer querela ante los iuiçes de sospecha dela penora morta et aquel a quien ouieron sospecho deffiendasse por iuramento et por agua calente per mano de omes bonos et uerdaderos, et sella querella fur uerdadera e non sospecha, pesquiran los omnes bonos et uerdaderos et se non podieren axar uerdadera perquiriciom den testimonio de ambalas partes omes quelo uiron et lo oyron, et aquel que fur uençido peche por custume dela terra aquello porque fue dada la querela, et se alguna delas testimonias dixier falso testimonio peche por la falsidat que testimonió. Lx. soldos et aquel de quiem dixo falso testimonio et peche ye quequier que ende perdió entregamiente, et las casas delas falsas testimonias derribenlas todas et desaqui adelantre non seam recibidas en testimonio.
Estabelescemos quela ciubdad de Leom que fue despoblada et presa de moros en tiempo del rey dom Vermudo mio padre, que se poble per estes fueros ya dichos, et que seam guardados et tenudos firmemientre
en todos tiempos et que nunca seam quebrantados. Mandamos que todo omne, quier forero quier non, hu more en herdade ayena que venga morar a Leom, que non lo saquem ende.Aom mandamos que sieruo non conoscido que non fuer prouado por sieruo quelo non saquen ende nen lo den a negun ome.
Mandamos que omne que fuer sieruo et fur prouado sieruo per omnes bonos et uerdaderos, quier sea xristiano. , quier moro, quelo dien al sennor sen contienda nenguna.
Mandamos que nengun clerigo nen lego non den roso nen fosadera nem maneria a negun omne.
Si algun omne matar á otro et podier fuyr dela ciubdat o de sua casa et non lo podierem prender ata IX. dias, despues delos nueue dias uenga seguro para sua casa et guardese de sos hennimigos et non peche pello omecio nada al sennor nen a otre omne, et se a. IX. dias lo podierem prender et ouier onde poda dar el omecio entrego, diello; he se non ouier vnde déllo ela meatat de todo el omecio, et tome el sayom o so sennor ella meatat de todo so auer mueble, et la otra meatat aya la sua moyer et sos fijos; et senon ouier fijos ayanlo ellos sos propinquos et ellas casas et ellas herdades entregamiente.
Quiem ouier casa en solar ayena et non ouier cauallo o asno, dé una uez enno ano al sennor del solar .X. panes de trigo et media canadiella de uino et un lonbo bono, et aya sennor qual quisier et non uenda la
casa, nen erga luor per forcia del sennor del solar. Mas se quiser de so grado uender la casa, tome dos xristianos. et dos iudios et aprecem el lauor et se quiser el sennor del solar dar aquel preçio daquel lauor que apreciaron, déllo et aya ela casa ante que otro, et se lo sennor del solo non quiser comprar el lauor uenda la casa a quiem quiser en tal guissa que el sennor de suello aya sempre so aluaroc.Si en Leom algum cauallero ouier casa en solo de otro cauallero vaya duas ueces enno anno con el senor del suelo a iunta, en guissa que se pueda tornar a sua casa en esse dia et aya sennor qual quiser et faga dela casa assi commo de suso ye dicho et non dé nucio a nengun omne.
Quim non ouier cauallo et ouier asnos déllos duas uezes enno anno al senor del suello, en guissa que se torne en esse dia a sua casa, et el sennor de suelo di a el et sus asnos de comer et aya sennor qual quiser et raga ue sua casa assi commo dicho ye de suso.
Todo omne que morar dentro en estos terminos per sca. Marta et per Quintanielas de carera de Ceya, per Cienfontes, per Uilloria, per Uillafelix, per las Myeras, per Cascantes, per Uilla Uillit, per Uillar Mazarefe, per Ualdardom, per San Iulian, que per las ententiones que am contra los de Leom que uengan a Leom derecho tomar et fazerlo, et tiempo delas guerras que uengan á Leom et guardem la uilla et los muros dela ciubdad et uengam restaurarlos quando fuer mester, assi commo fazen los çidadanos de Leom et non dem portalgo por cosa que tragan uender.
Mandamos que todos los moradores de Leom assi commo los que moram dentro los muros, comno los de fuera, que siempre ayam un foro et
uiengan todos primero uiernes de coraesma al cabildo de Sca. Maria de Riegla et estabelescam las mesuras del pam et del uino et delas carnes et el preçio delos lauradores, en qual manera la ciubdad tenga iusticia por todo aquel anno, et se alguno fosse ossado de quebrantar la constiticion que y fur puesta, peche. V. soldos de moneda de Rey al merino del Rey.Todos los uinnaderos que moram en Leom dem duas ueçes enno anno sos asnos al merino del Rey, en tal guissa que se puedam tornar en esse dia missmo a sua casa et el merino dé aellos et asos asnos a comer abondadamientre, et los uinaderos den cada anno. VI. dineros al merino del Rey.
Si alguno menorgar las medidas del pam o del uino peche. V. soldos al merino del Rey.
Se alguno troguier ceuara al mercado et furtar las maquilas del Rey pechelas en doblo.
Todo omne que fuer morador en Leom uenda sua ceuera en sua casa sen toda calomnia.
Elas panaderas que falsarem la peso del pam, ela primera uez azoutenas et ala segunda uez pechen. V. soldos al merino del Rey.
Todos los carniceros con otorgamiento del conceio uendam ella carne de porco et de cabron et de carnero et de uaca por pesso, et den la iantar al conceyo connos ceuacogues.
Se algun omne ferir a otro et el ferido se querelar al sayon del rey, el feridor peche al sayon una canadiella de uino et compongasse cono ferido; et senon fur dada la querella al sayon non ye peche nada, mascompongasse tam solamientre cono ferido.
Nenguna muyer que uiuir en Leom non deue ser trayda a finir el pan del Rey sem so grado, senom fur sua sierua.
Nengun merino nem sayom non deue hyr a uorto de nengun omne de Leom, non querendo el sennor del uorto, tomar ende alguna cosa, se non fuer so sieruo.
Quin non fur uinadero por fuero, uienda so uino en sua casa como quisier por derecha medida et non dé nada al sayom del rey.
Nenguno omne, que more en Leom dentro los terminos de suso dichos, non die fiador por neguna calomnia senon en .V. soldos dela cidat et faga iuramento con agua calente por mano de bonos sacerdotes o enquisicion por bonos omes et uerdaderos, si plougier a ambalas partes; mas se fur blasmado de furto o de trayciom o de omecio o de otra trayciom qualquier et ye fur prouado que sea a tal axado, deffendasse por iuramento o por lide cum armas.
Nenguno merino, nen sayom, nem sennor del suelo, nen otro sennor qualquier non entre en casa de omne morador de Leom, nen tolga las portas dela casa por neguna calonmia.
Nengunno non sea osado de prender muyer casada ne iulgarla, nen enfiala, mientre so marido non estouier delantre.
Todos los carniceros de Leom den al sayom del Rey enno tempo de la uindimia senos odres bonos et senas arreldas de seuo cada anno.
Todas las panaderas de Leom den al sayom del Rey senos dineros cada selmana.
Nengun sayom nen otro omne nom sea osado de tomar el pescado del mar o de rio, nem carnes que tragan a uender a Leom por forçia en nengum logar; et quien lo tomar peche .V. soldos et el conceyo desnuylo todo ata la camissa et denye .C. açotes, et traganno por una soga por la pracia dela ciudat et fagam ye trayer elo que tomó por forçia que traen a uender a Leom.
Quim boluir el mercado público que façem al miercores, assi como fu fecho de antigo tempo, prendano cum nudos cuchiellos et com espadas et com lanças, et peche al sayom .Lx. soldos dela moneta del Rey.
Quin en dia de mercado penorar algun omne desde la manana ata la uespera, si non fuer so debdor o so fiador, et a estos fuera de mercado, peche .Lx.a soldos ad sayom del Rey et la penora a aquel a quien penoraron, et se el merino o el sayom en esse dia fezier penora, o tomar alguna cosa per forcia a algun omne, azotenlo el conceio assi como susodicho et dienye .C. açotes et peche .V. soldos et nengun omne non sea ossado de contra dizer en esse dia al sayom del derecho que perteneçe al Rey.
Quim quir que atemptar o quisese quebrantar esta nostra constiticiom, tambiem de nostra progenie como de estranea, seam ye las manos quebrantadas et la ceruiz et los oyos fuera et connas entrannas fuera et espargidas por la tierra, ye sea ferido de gafez et ye descomungado et padesca las pennas del enferno por danacion perduraule et con el diablo et cum todos los sos angeloss per infinita secula seculorum. Amen.
In nomine Patris et Filii et Spiritus Sancti. Ego Fredenandus Rex et Sanctia Regina ad restaurationem nostrae christianitatis fecimus concilium in castro Cojanca, in Dioecesi scilicet Ovetensi, cum episcopis et abbatibus, et totius nostri regni optimatibus. In quo concilio praesentes extitere Froylanus episcopus Ovetensis, Cyprianus Legionensis,
Didacus Asturicensis Mirus Palentinae sedis, Gomecius Occensis, Gomesius Kalagurritanensis, Joannes Pampilonensis, Petrus Lucensis, Cresconius Iriensis.In primo igitur titulo statuimus ut unusquisque episcopus ecelesiasticum ministerium cum suis clericis ordinatè teneat in suis sedibus.
In secundo titulo ut omnes abbates se, et fratres suos, et monasteria, et abbatissae se et sanctimoniales suas et monasteria secundum Beati Benedicti regant statuta: et ipsi abbates et abbatissae cum suis congregationibus et coenobiis sint obedientes et per omnia subditi suis episcopis. Nullus eorum recipiat monachum alienum aut sanctimonialem, nisi per abbatis sui et abbatisae jussionem. Si quis decretum violare praesumpserit, anathema sit.
In tertio autem titulo statuimus ut omnes ecclesiae et clerici sint sub jure sui episcopi, nec potestatem aliquam habeant super ecclesias aut clericos laici. Eclesiae autem sint integrae et non divisae, cum presbiteris et diaconis, et de toto anni circulo libris, cum ornamentis ecclesiasticis; ita ut non sacrificent cum calice ligneo vel fictili. Vestes autem presbyteri sint in sacrificio amictum, alba, cingulum, stola, casula, manipulum. Vestes diaconi amitus, alba, cingulum, stola, dalmatica, manipulus. Altaris verò ara tota sit lapidea, et ab episcopis consecrata. Hostia sit ex frumento electo, sana et integra. Vinum sit mundum et aqua munda, ita ut inter vinum, hostiam et aquam Trinitas sit significata. Altare sit honestè indutum, et desuper lineum indumentum mundum. Subtus calicem et desuper corporale lineum mundum et integrum. Presbyteri verò et diacones, et qui ministerio funguntur ecclesiae arma belica non deferant, semper coronas apertas habeant, barbas radant, mulieres secum in domo non habeant, nisi matrem, aut sororem, aut amitam, aut novercam. Vestimentum unius coloris et competens habeant. Infra etiam dextros ecclesiae laici uxorati non ha-
bitent, nec jura posideant. Doceant autem clerici filios ecclesiae et infantes, ut symbolum et orationem Dominicam memoriter teneant. Si quis autem laicus huius nostrae institutionis violator extiterit, anathema sit. Presbyter verò et diaconus, si hujus jusionis destructor extiterit, sexaginta solidos episcopo persolvat, et gradu ecolesiastico careat.Quarto verò titulo statuimus ut omnes archidiaconi et presbyteri, sicut sacri canones praecipiunt, vocent ad poenitentiam adulteros, incestuosos, sanguine mixtos, fures, homicidas, maleficos, et qui cum animalibus se inquinant. Et si poenitere noluerint, separentur ab ecclesia et a communione.
Quinto autem titulo decernimus ut archidiaconi tales clericos constitutis quatuor temporibus ad ordines ducant, qui perfectè totum psalterium, hymnos et cantica, epistolas, orationes et evangelia sciant. Presbyteri ad nuptias causa edendi non eant, nisi ad benedicendum. Clerici et laici qui ad convivia defunctorum venerint, sic panem defuncti comedant, ut aliquid boni pro ejus anima faciant: ad quae tamen convivia vocentur pauperes et debiles pro anima defuncti.
Sexto verò titulo admonemus ut omnes christiani die sabbati advesperascente ad ecclesiam concurrant, et die Dominica matutina, missas et omnes horas audiant, opus servile non exerceant, nec sectentur itinera nisi orationis causa, aut sepeliendi mortuos, aut visitandi infirmos, aut pro Regis secreto, aut pro sarracenorum impetu. Nullus etiam christianus cum judaeis in una domo maneat, nec cum eis cibum sumat. Si quis autem hanc nostram constitutionem fregerit, per septem dies poenitentiam agat. Quod si poenitere noluerit, si major persona fuerit, per annum integrum conmunione careat; si inferior persona fuerit, centum flagella accipiat.
Septimo quoque titulo admonemus ut omnes comites seu majorini regales populum sibi subditum per justitiam regant, pauperes injustè non opprimant, in judicio testimonium, nisi illorum praesentium qui viderunt aut audierunt, non accipiant. Quod si testes falsi convicti fuerint, illud supplicium accipiant, quod in libro Judicum de falsis testibus est constitutum.
Octavo verò titulo mandamus ut in Legione et in suis terminis, in Gallecia et in Asturiis et Portugale tale sit judicium semper, quale est constitutum in decretis Adelphonsi Regis pro homicidio, pro rauso, pro sagione, aut pro omnibus calumniis suis. Tale verò judicium sit in Castella, quale fuit in diebus avi nostri Sanctii Ducis.
Nono quoque titulo praecipimus ut tricennium non includat ecclesiasticas veritates; sed unaquaeque ecclesia, sicut canones praecipiunt et sicut lex gothica mandat, omni tempore suas veritates recuperet et possideat.
Decimo verò titulo decrevimus ut ille qui laboravit vineas aut terras in contentione positas, colligat fruges, et postea habeant judicium super radicem: et si victus fuerit laborator, reddat fruges domino haereditatis.
Undecimo autem titulo mandamus ut omnes christiani per omnes sextas ferias, nisi festum intervenerit, jejunent, et hora congrua cibo reficiantur, et faciant labores suos.
Duodecimo quoque titulo praecipimus ut si quilibet homo pro qualicumque culpa ad ecclesiam confugerit, non sit ausus eum aliquis inde violentur abstrahere, nec percutere, nec persequi infra dextros ecclesiae,
qui sunt triginta passus: sed sublato mortis periculo, et corporis deturpatione, faciat quod lex gothica jubet. Qui aliter fecerit, anathema sit, et solvat episcopo mille solidos purissimi argenti.Tertio decimo titulo mandamus ut omnes majores et minores veritatem et justitiam Regis non contendant: sed sicut in diebus Domini Adelphonsi Regis, fideles et recti persistant, et talem veritatem faciant Regi, qualem illi fecerunt in diebus suis. Castellani autem in Castella talem veritatem faciant Regi, qualem fecerunt Sanctio Duci. Rex verò talem veritatem faciat eis, qualem fecit praefatus comes Sanctius. Et confirmo totos illos foros cunctis habitantibus Legione, quos dedit illis Rex Dominus Adelphonsus pater Sanctiae Reginae uxoris meae. Qui igitur hanc nostram constitutionem fregerit, Rex, comes, vice-comes, majorinus, sagio, tam ecclesiasticus quam secularis ordo, sit excommunicatus et a consortio sanctorum segregatus, et perpetua damnatione cum diabolo et angelis ejus damnatus, et dignitate sua temporali sit privatus.
Ego fferdinandus rex Legionis et uxor mea Sancia regina por restauracion dela xristiandat. fecemos conceyo en Castro Coanca general en no obispalgo de Ouiedo connos obispos, e connos abbades, e connos arcibispos de nuestro reyno. En no qual conceyo estouieron presentes el
obispo dom Flora de Ouiedo, el obispo dom Cibrian de Leom, el obispo dom Diego de Astorga, el obispo dom Miro de Palencia, el obispo dom Gomez de Uiseo, el obispo dom Gomez de Calafora, el obispo dom Ioham de Pampelona, el obispo dom Pedro de Lugo, el obispo dom Grescono Dourense, et alii plures.Mandamos ye stabelescemos que cada un obispo tenga biem el ministramiento ecclesiastico cum sos clerigos en suas sees ordenadamientre.
Estabelescemos quelos abbades, e los monasterios tengan la riegla yelos estabelescemientos que yes dió sam Beneyto, e los abbades e as abbadesas cum sos conuentos seam obedientes a sos obispos. Nengun abbat non reçiba monie ayeno, nen abadessa ayena, se non fur por mandado de so abbat o de sua abadesa: e se algun quisiesse quebrantar aqueste nuestro estabelescemiento sea descomungado.
Mandamos quelas Yglesias e los clerigos seam so poder de so obispo: que nengun leygo non aya poderio sobre las Yglesias, nen sobre los clerigos. E las Yglesias seam entregas e non partidas, con prestes, con diaconos, con livres de todo el anno, ye con ornamientos ecclesiasticos; ye non sacrifiquem cum calix de madero, nen de vidrio, nen de cobre, nen de laton, si non con calix doro, o de plata, o de plonmo, o destano, ye con ornamientos ecclesiasticos. E la vestimenta del preste pora sacrificio ye amito, e alua, e cinta, e manipolo, e estola, e casula. Et la vestimenta del diacono ye amito, e alua, cinta, manipolo, estola, damatica; e non falesca desto nada. Et la ara del altar sea de piedra consagrada por mano del obispo: e la ostia sea de trigo escogido, e sana, e entrega: e el uino sea muy limpo, e la agua sea muy limpa e clara, assi que ontre la hostia e el uino ela agua sea la Trinidat significada perfechamientre. El altar sea cobierta honestamientre: desuso pano de lino blanco e entrego. E los priestres e los diaconos que facem el ministerio ecclesiastico non tragam armas, e ayan las coronas abiertas, e las baruas raydas, e non tengan mulieres en casa, se non fur
madre, o hermana, o tia hermana de padre o de madre. E las vestiduras seam dun color, e conuenientes. Dentro dellos dextros dela Yglesia, que son XXX passadas, nen more leygo cassado, nen aya poderio enna Yglesia. Et los clerigos ensinen a los fillos della yglesia e a los infantes el credo in Deum, e el pater noster, assi quelo saban de cor. Et se algun leygo quisier corumper esta constiticion, peche al obispo LX sueldos, e sea privado de officio e de beneficio.Mandamos que los arcidianos ye los capellanos, assi como ye estabelescido ennas canonicas, que xamen a confessiom ellos adultiros, e elos que peccam cum las moyeres, e connas parientas, e con las animalias, e los ladrones, los matadores, e los que facem malfechos. E se non quisierem uenir a penitencia, non enna yglesia, nen los comungen.
Estabelescemos que los arcidianos ordenem tales clerigos por las IIII.or temporas establecidas, que sabiam todo el salterio perfechamientre, e ynnos, e cantigos, e las pistolas, e los euangelios, e las oraciones. Nengun preste non uaya comer a uodas, se non beneyzer las messas; e los clerigos, e los que furem aconvidos que fagan ben por la alma del morto, e xamen al conuido pobres, e migados, e fracos, por la alma del morto.
Amonestamos que todos los xristianos. desde la vespera al sabbado que uayan a la yglesia, e al dia domingo a los matines, e a las misas, e a todas las oras; et que non laurem, nem andem camino, se non fur en romaria, o por raçon de soterrar mortos, o uisitar infermos, o se enuiar el Rey por algunno, o por arebatamiento de moros. Neguno xristiano. non more cum iudios en una casa, nen coma con ellos. Se alguno quiser quebrantar esta constiticiom, est IX dias en penitencia, se non qui-
sier penedenciarse, se gran persona fuer, non lo comunguen por uno anno entrego, e se fur menor persona, denye .C. azotes.Mandamos que todos los condes e los merinos del Rey que tengan el pueblo que tienen del Rey en iusticia, e que non apriman los pobres sem derecho en iuiço, e non tomen testimonio se non daquellos quelo uirom e lo oyrom. E se falsa testimonia fur axada alguna, aya aquela pena que ye constituyda en aquel liuro que dicem liuro de falsas testimonias.
Mandamos que en Leon e en sos terminos, e Gallica, e en Asturas, e en Portugal sea siempre tal iuiço, qual ye contenudo ennos degredos del Rey dom Alffonsso por omecio, por roso, por sayom, e por todas suas calonmias. Et en Castiella aya tal iuycio, qual tiempo de mio avuolo el Duc dom Sancho.
Mandamos que trecieno non ensierre las uerdades de la yglesia; mas cada una yglesia ayala asi commo mandan las lees canonicas, e assi como manda la lee gotiga, e recombre en todo tiempo suas uerdades por si e ayalas todo tiempo.
Mandamos que aquel que laura uinas o tierras en entenciom postas, quelas coya, e despoys aya iuiço sobrelas; e se vencido fur el laurador, renda los bienes al sennor dela heredade.
Estabelescemos que todos los xristianos. aiunen los uernes, e que coman en ora conueniente, e fagan sos lauores por todo el dia.
Mandamos que se algun fuyr a la yglesia por algunna culpa, nenguno non sea osado de sacarlo dela, nen de ferirlo dentro los dextros de
la yglesia, que som XXX passadas. Mas tirado e el peligro de morte, e la dessondra del corpo, fagam assi como manda la lee gotiga. Quien lo dontra guissa fezzer, sea descomungado e peche mill sueldos doro puro al obispo.Mandamos que todos los mayores e menores que non despreciem la uerdat, nen la iusticia del Rey, mas sean fieles e derechos assi como fueron ennos tiempos del Rey dom Alffonsso, e fagan verdat, qual aquelos feceron ennos tiempos sos. Ellos castellanos fagan atal verdat, qual fezieron al Duc dom Sancho. El Rey tal verdade les faga, qual les fiço el Duc dom Sancho. Et confirmo todos los furos allos moradores en Leon, ellos que yes dio el Rey dom Alfonso padre dela Reina donna Sancha mia muller. Quien quier que esta nuestra constituciom atentar o quebrantar, Rey, o conde, o bizconde, o merino, o sayon, assi ecclesiastico como seglar, sea descomungado, e departido della conpanna delos sanctos, e sea condempnado por danacion perduraule cum el diablo e con sos angelos, e sea priuado del officio dela dignidat temporal que ouier por siempre.
Sciant omnes homines praesentes et futuri quod, Deo jubente, haec constitutio subscripta, que per totam Hispaniam habetur, habuit initium in Ovetensi Ecclesia tempore Pelagii Ovetensis Episcopi, et subscriptis omnibus hominibus.
Omnium Sanctae Crucis filiorum praesentium, et futurorum memoriae tradere statuimus, latronum, sacrilegorum, et diversi generis malefico-
rum in Asturiarum partibus nimiam, et execrabilem maliciam olim praevaluisse plerisque temporibus. Ad quam destruendam, et quae sanctae Ecclesiae profutura erant aedificanda, Era MCLIII. apud Ovetum in Ecclesia Sancti Salvatoris congregatis principibus et plebe totius praedictae regionis, in die sancto Pentecostes, Spiritu Sancto administrante, Praesuleque praedicante et monente, haec inter caetera placita omnibus in commune primum se obtulit sententia.Statuimus, (inquiunt) et decernimus, et super sacrum textum Evangelii jure jurando firmamus, ut vestrum nullus deinceps domitos vel indomitos pro aliqua causa pignoret boves, nec auferat alicui extraneo, vel suo servo, vel mandatitio. Quod si fecerit, sit maledictus, et excommunicatus, et pro scelere perpetrato judici terrae, et Episcopo XV annis poeniteat: quinque ex his in exilio, et quinque, sicut praeceperit ei Episcopus suus: coeteros quinque foris Ecclesiam in sua terra redimat.
Simili modo etiam firmamus, ut nullatenus furtum faciamus, nec facientibus consentiamus; et si latronem capere poterimus, pro modo furti plenam justitiam faciamus: et qui pro eo exoraverit, ut sic emendetur, secundum modum culpae anathema sit.
Secundum etiam decreta canonum, ut superius sanximus, quod aliquem pro aliqua calumnia a dextris Ecclesiae infra LXX. passus per vim non extrahamus, nisi servum naturaliter probatum, aut latronem publicum, aut proditorem de proditione convictum, aut publicè excommunicatum, aut monachum vel monacham refugas, aut violatorem Ecclesiae, cui procul dubio Ecclesia nullo modo debet refugium. Qui verò arreptus a diabolo aliquid aliud per vim extraxerit ab Ecclesia, ejusque porticibus usque ad XII passus, in quadruplum reddat, et secundum canones ita poeniteat, ut in monasterio sit monachus sub regula Beati Benedicti, aut sit eremita omnibus diebus vitae suae, aut se servum subjiciat servituti Ecclesiae quam laesit, aut summam peregrinationem arripiat omnibus vitae suae.
Regina autem Domina Urraca cum omnibus filiis, et filiabus suis, hanc praescriptam constitutionem confirmavit, et juravit eam, et fecit jurare, et confirmare eam omnibus hominibus habitantibus in omni regno ejus, tam ecclesiastici ordinis quam saecularis. Sorores itaque jam dictae Reginae dona Geloira Infanta, cum omnibus filiis et filiabus suis, et cum omnibus hominibus sibi subditis, atque Infanta Dona Tarasia, cum omnibus filiis et filiabus sibi subditis, juraverunt et confirmaverunt sicut supra taxatum est.
Nos igitur omnes subscripti hoc scriptum et hanc promissionem sub sacramento confirmamus et roboramus, tam pro nobis, quam pro omni progenie nostra futura, ut sit promissio haec stabilis, et firma usque in finem mundi per omnia saecula. Suarius Comes, Gundisalvus Pelagii, Adephonsus Veremundi, Petrus Adephonsi, Didacus Fernandi, Gundisalvus Ansuris, Pelagius Froila.
Petrus Ruderici, Suarius Ordonii, Petrus Didaci, Petrus Guterri, Garzia Suarii, Gundisalvus Gil, Petrus Garziae, Rudericus Garziae, Christophorus Joannis, Garzia Petri, Munio Petri, Fernandus Petri, Didacus Petri, Pelagius Garziae, Pelagius Acenarii, Munio Garsiae, Vermudus Velae, Marinus Guterri, Martinus Petri, Didacus Petri, Ovecus Petri, Martinus Martini, Petrus Munnedi, Gundisalvus Petri, Ordonius Petri, Petrus Garsiae, Alvarus Garsiae, Fernandus Garziae, Ordonius Garziae, Ectavida Pelagii, Petrus Joannis, Ferdinandus Martini, Petrus Fernandi, Rudericus Petri, Fernandus Anaii, Didacus Guterri, Didacus Martinus Anaii, Pelagius Oveci, Martinus Pelagii, Alvarus Petri, Pelagius Martini, Rudericus Martini, Fernandus Martini, Pelagius Municonis, Alvitus Pelagii, Froila Munionis, Garzia Vermundi, Petrus Ecte, Ordonius Pelagii, Pelagius Guistari, Didacus Petri, Gundisalvus Petri, Joannes Petri, Martinus Petri, Martinus Magas, Gundisalvus Didaci, Petrus Sanctii, Petrus Pelagii de Buila, Petrus Pelagii de Mazaneda.
Menendus Enalsi, Froila Enalsi, Gundisalvus Menende, Ectavida Suarii, Menendus Ruderici, Petrus Ruderici, Pelagius Ruderici, Menendus Ruderici, Pelagius Petri, Suarius Albiti, Remundus Albiti, Froila Veremundi, Joannes Fernandi, petrus Manelli, Petrus Oveci, Rudericus
Fernandi, Rudericus Pelagii, Antonius Roderici, Petrus Garziae, Rodericus Garziae, Pelagius Munionis, Petrus Flaini, Fernandus Flaini, Martinus Adephonsi, Adephonsus Fructini, Petrus Didaci, Petrus Menendi, Pelagius Menendi, Guilienus Pelagii, Petrus Guilieni, Pelagius Guilieni, Didacus Guilieni, Rodericus Guilieni, Rudericus Petri, Alvarus Petri.Joannes Petri, Pelagius Petri, Pelagius Citi, Petrus Pelagii, Petrus Guterri, Sanctius Guterri, Petrus Munionis, Pelagius Mentira, Sanctius Petri, Albarus Pelagius, Petrus Pelagii, Sanctius Eulalii.
Pelagius Ruderici, Pelagius Joannis, Alvarus Garsiae, Pelagius Ordonii, Garzia Telli, Munio Telli, Ordonius Didaci, Sanctius Ordonii, Adephonsus Munionis, Petrus Adephonsi, Suarius Diahali, Furtunius Pelagii, Didacus Petri, Pelagius Petri, Munio Ecte, Petrus Martini, Didacus Gundisalvi, Didacus Ovecci, Rudericus Ovecci, Didacus Fortuni, Sanctius Fortuni.
Garcia Sanctii, Petrus Sanctii, Martinus Sanctii, Suarius Sanctii, Gundisalvus Sanctii, Petrus Sanctii, Didacus Sanctii, Rudericus Didaci, Vela Sanctii, Petrus Ectae, Pelagius Ecte, Fernandus Citi, Pelagius Didaci, Vermundus Didaci, Didacus Didaci, Rudericus Munionis.
Petrus Pelagii Rubens, Ordonius Martini, Petrus Pelagii, Ordonius Petri, Joannes Petri, Munio Petri, Didacus Petri, Martinus Petri, Pelagius Michaelis, Petrus Michaelis, Joannes Michaelis.
Petrus Pelagii Bureza, Petrus Alcandara, Pelagius Citi, Vela Pelagii, Gundisalvus Veremundi, Gundisalvus Veremundi, Gundisalvus Veremundi, Gundisalvus Munni, Ecta Pelagii, Armentarius Joannis, Petrus Barbadam, Petrus Petri, Pelagius Citi, Martinus Pelagii, Fernandus Pelagii, Martinus Ectae.
Pelagius Munionis, Fernandus Guterrii, Gundisalvus Alvari, Rudericus Alvari, Joannes Citi, Alvarus Citi, Fernandus Citi, Petrus Juliani.
Veremundus Petri, Fernandus Petri, Rudericus Petri, Joannes Petri, Petrus Garcese, Veremundus Munionis, Eulalius Didaci, Pelagius Didaci, Munio Pelagii, Flainus Flafilae, Joannes Fernandi, Eulalius Fernandi, Pelagius Froylae, Menellus Fafilae, Petrus Pinioni, Petrus Aznarii, Munio Aznarii, Garcia Aznarii, Pelagius Froini, Garcia Sanctii.
Comes Froila Didaci, Ramirus Froilae, Didacus Froilae, Rudericus Martini, Petrus Martini, Osareus Martini, Petrus Didaci, Rudericus Didaci, Martinus Didaci, Petrus Didaci, Rudericus Veremundi, Didacus Alviti, Gundisalvus Alviti, Nunius Nubezani, Isidorus Nubezani, Petrus Anaji, Fernandus Munionis, Joannis Petri, Erus Guterri, Nebusanus Gudestei, Guterrius Eri, Martinus Nebuzani, Fernandus Telli, Adephonsus Telli, Tellus Telli, Isidorus Fernandi.
Comes Gometius Pelaji, Comes Fernandus Fernandi, Rodericus Fernandi, Petrus Pelaji, Didacus Munionis.
Comes Pelaji, Petrus Petri, Fernandus Petri, Garcia Petri, Rudericus Petri, Comes Munio Pelaji, Comes Adephonsus Nunni, Sanctius Nunni, Menendus Nunni, Comes Rudericus Velez, Comes Guterrius Veremundi, Odarius Oreloni, Joannes Ranimiri, Arias Petri, Fernandus Joannis, Petrus Gudestei, Petrus Joannis, Suarius Nebuzani, Rudericus Suarii.
Comes Petrus Gundisalvus, Comes Rudericus Gometii, Comes Bertranus, Comes Ermegotus, Comes Lobdidacii, Petrus Lopi, Lob Lopi,
Xemenus Lopi, Petrus Guterri, Gundisalvus Guterri, Petrus Garciae, Petrus Patellae.Comes Rudericus Gundisalvi, Petrus Ruderici, Guterrius Ruderici, Petrus Gundisalvi, Rudericus Gundisalvi, Adephonsus Fanni, Petrus Gundisalvi, Gundisalvus Gundisalvi, Rudericus Munionis, Sanctius Velae, Veremundus Velae, Martinus Velae.
Bernardus Toletanae Sedis Archiepiscopus et Sanctae Romanae Ecclesiae Legatus confirmo. - Didacus Jacobensis Archiepiscopus confirmo. Pelagius Bracarensis Archiepiscopus confirmo. - Munius Munduniensis Episcopus confirmo. - Didacus Auriensis Episcopus confirmo. - Pelagius Astoricensis Episcopus confirmo. - Gundisalvus Columbriensis Episcopus confirmo. - Didacus Legionensis Episcopus confirmo. - Petrus Palentinae Sedis Episcopus confirmo. - Petrus Segobiensis Episcopus confirmo. -Bernardus Segontiae Episcopus confirmo. - Paschalis Burgensis Episcopus confirmo. - Sanctius Abelensis Episcopus confirmo. - Munius Salmanticensis Episcopus confirmo. - Bernardus Zamorensis Episcopus confirmo.
Constitutio haec non hominis, sed omnipotentis Dei vox fuit, qui per universum mundum eam seminavit, et audita placuit omnibus hominibus sub coelo habitantibus, tam Christianis, quam Paganis, vel Judaeis.
Si quis itaque hanc sanctam et justam nostram promissionem, et sub sacramento sanctam confirmationem, tam nos, quam ex omni nostra futura progenie, violaverit, et per dignam satisfactionem, sicut superius dictum est, se non emendaverit, sit ab omnipotenti Deo maledictus et excomunicatus, et ab omni consortio fidelium et sanctorum in hoc saeculo et in futuro sit separatus, et cum diabolo et angelis ejus patiatur poenas in inferno damnatus.
Omnis homo qui hanc praescriptam constitutionem audierit, servaverit, firmaverit et custodierit eam, sit custodiatus et benedictus a Do-
mino Deo nostro Jesu-Christo, qui cum Patre et Spiritu Sancto vivit et regnat Deus per omnia saecula saeculorum. Amen.Adephonsus Rex, Raymundi Consulis et Urracae Reginae filius, postquam praescriptam constitutionem audivit, et in regno Hispaniae post mortem matris suae regnare coepisset, confirmavit, et juravit eam, et fecit eam confirmare, et jurare, et stabilire omnibus hominibus habitantibus in omni regno ejus, ut servetur et custodiatur usque mundus iste finiatur.
Similiter Infante dommo Adephonso Portugalensi, cum omnibus hominibus nobilibus et ignobilibus habitantibus in omni honore illius, postquam prescriptam constitutionem audierunt, et confirmaverunt, et stabilierunt eam pro se, et pro omni progenie eorum, ut servetur usque in finem saeculi hujus.
In diebus illis Adephonsus Rex Aragonensis, similiter cum fratre suo Ramiro Monacho, cum omnibus hominibus nobilibus et ignobilibus habitantibus in omni regno eorum, praescriptam constitutionem juraverunt, et confirmaverunt, et stabilierunt eam pro se, et pro omni progenie eorum, sicut supra tractatum est.
Si quis autem (quod fieri minime credimus) Rex, Comes, Vice-Comes, Majorinus, Sajo, tam ecclesiasticus homo, quam saecularis, hanc scriptam constitutionem frangere tentaverit, quisquis ille fuerit, qui talia commiserit, fracta manu, pede, et cervice, evulsis oculis, lepra percussus, frangat eum Deus in conspectu omnium inimicorum suorum, sit maledictus et excommunicatus usque in septimam generationem, in conspectu Patris et Filii et Spiritus Sancti, et insuper cum Dathan et Abiron, et cum Juda Domini proditore, cum Simone Mago et Nerone, pares poenas sustineat in aeterna damnatione. Amen.
Quicumque hanc constitutionem omnibus modis prout potuerit, servaverit et custodierit eam, servet eum Deus in hoc saeculo et in die ju-
dicii, et cum Sanctis suis det ei vitam aeternam in regno suo et sit benedictus ab omnipotenti Deo, qui cum filio Domino nostro Jesu-Christo, una cum Spiritu Sancto perenniter vivit et regnat Deus per omnia saecula saeculorum. Laus Deo.Nunc autem pro tantis bonis a Deo collatis benedicamus, et collaudemus Dominum Deum nostrum Jesum-Christum, qui cum Patre et Spiritu Sancto vivit et regnat Deus per infinita saecula saeculorum. Amen.
Quia in Ecclesia Dei et in pauperibus Christi multa mala fieri videmus et regnum Imperatoris nostri Dni. A. filii Comitis Raymundi et Reginae Domnae U. a quibusdam pravis hominibus distrahi et minui, et diversis modis corrumpi dolemus; idcirco ego Raymundus Toletanae Sedis archiepiscopus et primas, ac S. R. E. Legatus, una cum Pontificibus, quorum inferius nomina scripta esse videntur, et imperatore nostro A. praesente atque favente, firmam unitatis stabilitatem inter
nos facere salubre duximus. In qua siquidem indissolubili vinculo charitatis statuimus, ut deinceps, et virtute concordiae uniti, et circa salutem fidelium, prout decet, laboremus, et supradicti Imperatoris nostri ejusque Regni provida circumspectione, auctore Deo, invigilemus.Pro statu igitur S. Ecclesiae, et totius regni salute concilium celebrantes Palentiae, inter cetera haec sequentia unanimiter statuimus: ut nullus proditorem publicum, et latronem, raptorem, perjurum, et excommunicatum secum habeat, vel apud se retineat. Praecipimus etiam ut nemo ecclesiam infra octoginta quatuor passus jure hereditario possideat, neque ullam potestatem ibidem exerceat sine vicario sui Episcopi. Oblationes excommunicatorum et decimae non suscipiantur. Principes terrarum sine justo judicio non expolient populum qui sub eis est. Ecclesiae non dentur laicis pro praestimonio vel villicatione. Concubinae clericorum manifestae ejiciantur. Ecclesiae et hereditates et familiae, quae fuerunt sedium et monasteriorum, ubicumque fuerint, eis restituantur. Monachi vagi ad propria monasteria redduci compellantur, nec Episcopi eos retineant, sine licentia suorum abbatum. Nullus excommunicatus alterius recipiatur. Adulteros et incestuosos omnino separari jubemus. Ut clerici per manus laicorum ecclesias nec suscipiant, nec possideant, neque vicarii episcoporum consentiant. Ut Episcopi dissidentes ad concordiam pro debito sui officii compellant, clericos monachos, viatores, mercatores, peregrinos sancta limina petentes, et mulieres, si quis invaserit, monasterio vel exilio deputetur. Portaticum nemo suscipiat, nisi in illis locis in quibus accipi solebat temporibus regis domini A.; et eodem modo boves nemo rapiat, vel pignoret, vel
furetur, sed stent in pace in toto regno. Regi omnes sine dolo et pravo ingenio, seu consilio, fideliter obediant; quod qui non fecerit, excommunicetur. Clericis nemo expeditionem, seu armorum gestationem, vel aliquid quod contra canones sit, exigere praesumat. Laici tertias ecclesiarum, seu quasqumque oblationes, nulla occasione possideant, sed in dispositione Episcoporum cuncta quae Ecclesiarum fuerint, habeantur. Qui falsam monetam fecerint excommunicentur, et a Rege effosionem oculorum patiantur.Celebrato autem concilio, et Te-Deum laudamus juxta synodalem morem cantato, Compostellanus consilio fratrum a Rege petiit quatenus ea quae ad suum et suorum succesorum jus in Emeritana Civitate pertinebant, ad Dei et B. Jacobi honorem sibi conferret. Rex autem ejus petitioni justae et rationabili libenti animo condescendit, et hoc privilegium ei de illo donativo promissionem fieri fecit, sicuti in subsequenti scriptura continetur.
Quia ex deliberatione S. R. E. prout decet supernae dispositionis dispensatorio ordine, patruus meus beatae recordationis Papa Calixtus meritis et reverentia beatissimi Jacobi Apostoli, Dignitatem Archiepiscopatus Emeritensis Ecclesiae in Compostellanam Ecclesiam habendam perpetuo transmutavit, idcirco ego Adefonsus, Dei gratia, Hispaniae Imperator una cum conjuge mea Regina Domna Berengaria, Archiepiscoporum. Episcoporum, ac Principum terrae consilio qui Palentino Concilio interfuerunt, ad Dei et beatissimi Jacobi Apostoli patroni nostri honorem et debitam sublimationem, salubre duxi hanc seriem testamenti facere de Civitate Emeritensi, nunc temporis a Sarracenis possessa, quam Dei opitulante potentia in proximum nos credimus habituros, devicta et expulsa Sarracenorum infideli spurcitia, in qua siquidem serie omnia praefatae Civitatis quae ad regale jus pertinent, vobis Domno Didaco, Dei gratia, Compostellanae Sedis Archiepiscopo, et vestrae ecclesiae, vestrisque successoribus, cum omnibus suis antiquis terris et debitis castris ceterisque appenditiis jure hereditario perenniter possidenda pro remedio animae meae, avorum, parentumque meorum do et devota mente confirmo: et sicut avi et proavi mei magnificis donis, videlicet castris, et aliis diversis pensionibus S. Jacobi Ecclesiam amplificare et augmentare ad salutem animarum suarum summopere studuerunt, ita confidens de Dei misericordia praedictum locum Apostoli sublimare et exaltare eos imitando cupio et promitto. Si quis vero contra hoc factum meum venire tentaverit, a Sacratissimi Corporis et Sanguinis Domini nostri Jesu-Christi participatione alienus existat,
et cum Juda sui Domini et magistri proditore consortium habeat: omnibus autem hoc observantibus sit pax Domini nostri Jesu-Christi, quatenus, et hic fructum bonae actionis percipiant, et apud distrietum judicem praemia aeternae pacis inveniant. Facta serie testamenti Era MCLXVII. qt. VIII kal. Aprilis. Ego Adefonsus praefatus Imperator una cum conjuge mea, quod fieri mandavi proprio robore conf.In Dei nomine. Ego dominus Aldefonsus Rex Legionis et Gallicie, cum celebrarem curiam apud Legionem cum archiepiscopo et episcopis et magnatibus regni mei et cum electis civibus ex singulis civitatibus, constitui et iuramento firmavi, quod omnibus de regno meo, tam clericis, quam laicis servarem mores bonos, quos a predecessoribus meis habent constitutos.
Statui etiam et iuravi, si aliquis faceret vel diceret mihi mezelam de aliquo, sine mora manifestare ipsum mezclantem ipso mezclato; et si non potuerit probare mezclam quam fecit in curia mea penam patiatur, quam pati debet mezclatus, si mezcla probata fuisset. Iuravi etiam quod nunquam propter mezclam mihi dictam de aliquo, vel malum
quod dicatur de illo, facerem malum vel damnum vel in persona, vel in rebus suis, donec vocem eum per litteras meas, ut veniat ad curiam meam facere directum, secundum quod curia mea mandaverit; et si probatum non fuerit, ille qui mezclam fecit, patiatur penam supradictam et solvat insuper expensas, quas fecit mezclatus in eundo et redeundo.Promissi etiam, quod non faciam guerram vel pacem vel placitum, nisi cum concilio episcoporum, nobilium et bonorum hominum, per quorum consilium debeo regi.
Statui insuper quod ego, nec alius de regno meo, destruat domum vel invadat, vel incidat vineas vel arbores alterius; sed qui rancuram de aliquo habuerit, conqueratur mihi vel dominoterre aut iustitiis, qui ex parte mea, vel episcopi, vel domini terre, constituti fuerint. Et si ille, de quo conqueritur, voluerit fideiussorem dare vel pignora, quod faciat directum secundum forum suum, nullum damnum patiatur; quod si facere noluerit, dominus terre, vel iustitie, constringant eum, sicut iustum fuerit. Et si dominus terre vel iustitie, hoc facere noluerint, cum testimonio episcopi et bonorum hominum mihi denuntient, et ego faciam ei iustitiam.
Prohibeo etiam firmiter, quod ne quis in regno meo faciat assunadas, sed querat iustitiam suam pro me, sicut supradictum est. Quod si quis ea fecerit, duplum damnum quod inde evenerit, det, et perdat amorem meum et beneficium et terram, si quam de iure tenuerit.
Statui etiam, ut nullus rem, sive mobilem, sive inmobilem quod alius in possesione tenuerit, violenter audeat occupare. Quod si rem suam fecerit, duplatam ei qui passus est violentiam restituat.
Statui etiam quod aliquis non pignoret, nisi per iustitias vel alcaides, quos positi sunt ex parte mea. Et ipsi, et domini terre, in civitatibus et in alfocibus, que directum faciant fideliter omnibus conquerentibus. Quod si quis aliter pignoraverit, tanquam violentus invasor puniatur. Simili modo, qui boves vel vaccas que fuerint ad arandum pignoraverit aut ea que rusticus habuerit secum in agro, vel corpus rustici. Quod si quis pignoraverit vel prendiderit sicut supradictum est, puniatur, et insuper sit excommunicatus: qui vero negaverit se violentiam fecisse, ut predictam penam evadat, et det fideiussorem secundum forum et priores consuetudines terre sue, et exquiratur deinde si violentiam fecit, vel non, et secundum illam exquisitionem teneatur per datam fideiussionem satisfacere. Exquisitores autem, vel sint per consensum impetentis, vel eius impetiti, aut si non consentiunt, sint
de illis, quos in terra posuistis. Si iustitias et alcaides per consilium supradictorum hominum, vel qui terram meam tenent, ad iustitiam faciendam posuerint, qui sigilla habere debeant per qua homines moneant, quod veniant ad emendationem suorum conquerentium, et per qua testimonium reddant mihi, si querelle hominum sunt vere, aut non.Firmavi etiam, quod si aliquis de iustitiis conquerenti iustitiam denegaverit vel eam maliciose distulerit, et usque ad tertiam diem ei directum non fecerit, adhibeat ille testes apud aliquam de suprascriptis iustitiis, per cuius testimonium rei veritas constet, et compellatur iustitia, tam querelam, quam expensas in duplum conquerenti persolvere. Si forte omnes iustitie illius terre iustitiam querelanti negaverint, adhibeat testes bonorum hominum, per quos probet, et deinde sine calumnia pro iustitiis et alcaldibus pignorum, tam propter petitionem, quam propter expensas, ut in duplum ei iustitie persolvant, et insuper damnum, quod illi cui pignoraverit, evenerit, iustitie ei in duplum persolvant.
Addidi etiam, quod nemo contradicat iustitiis, nec pignora auferat, quando alicui facere directum voluerit. Quod si fecerit damnum et petitionem et expensas in duplum reddat, et insuper iustitiis LX solidos pectet; et si quis de iustitiis aliquos sibi commissos ad faciendam iustitiam provocaverit et ipsi adiuvare eum neglexerint, ad supradictam penam teneantur; et insuper domino terre et iustitiis centum morabetinos persolvat; et si reus, vel debitor, non potuerit habere de quo satisfaciat petitori, iustitie et alcaides prendant corpus eius, et omnia que habuerit sine calumnia, et reddant eum et omnia sua petitori; et si necesse fuerit, conducant eum in suo salvo, et si quis eum per vim abstulerit, tanquam violentus invasor puniatur. Et si alicui de iustitiis aliquod dampnum super iustitiam faciendam evenerit, omnes homines illius terre totum dampnum illi recuperent, si forte qui dampnum fecit, non habuerit de quo ei reddat; et si forte, quod absit, aliquis super hoc occiderit, sit traditor et alevosus.
Constitui etiam, quod si quis, per sigillum iustitiarum vocatus fuerit, et ad placitum coram iustitiis venire neglexerit, si probatum ei fuerit per bonos homines, iustitiis LX solidos pectet. Et si quis acussatus fuerit de furto vel de aliquo illicito facto, et accusator vocaverit eum ante bonos homines ut veniat facere directum ante iustitias, et ipse usque ad novem dies venire neglexerit, si probatam ei fuerit vocationem, sit forfectiosus: et si nobilis fuerit, perdat quingentos solidos, et qui eum
prendiderit sine calumnia de eo iustitiam faciat, et si forte nobilis in aliquo tempore emendatus fuerit, et omnibus conquerentibus satisfecerit, recuperet nobilitatem suam, et habeat quingentos solidos sicut prius habebat.Iuravi etiam quod ego, nec aliquis, ad domum alicuius per vim vadat, vel dampnum aliquod in ea, vel hereditate eius faciat; quod si fecerit damnum, duplum domino domus et insuper domino terre dampnum quod fecerit in novecuplum pectet, si non promiserit directum, sicut scriptum est. Et si forte dominum vel dominam domus occiderit sit alevosus et traditor. Et si dominus, vel domina, vel aliquis de illis, qui domum suam defendere adiuvaverint, aliquem illorum occiderint, pro homicidio non puniatur, et de dampno quod illis fecerit, numquam respondeat.
Et statui quod si quis voluerit facere directum alicui homini quod de eo rancuram habuerit, et rancuriosus noluerit de eo accipere directum, secundum quod supradictum est, nullum damnum faciat ei; quod si fecerit, reddat ei duplum; et si forte super hoc eum occiderit, sit alevosus.
Statui etiam, si forte aliquis transierit de una civitate ad aliam, aut de una villa in aliam, aut de una terra in aliam, et aliquis cum sigillo de iustitiis ad iustitias illius terre venerit, ut eum capiant, et de eo faciant iustitiam, statim et sine mora capere eum, et facere iustitiam non dubitent. Quod si non fecerint, iustitie patiantur penam, quam forfectiosus pati debeat.
Defendo etiam quod nullus homo, qui hereditatem habet de qua mihi forum faciat, non det eam alicui ordini.
Mandavi etiam, quod nemo eat ad iudicium curie mee, nec ad iudicium Legionense, nisi pro his causis pro quibus debent ire secundum foros suos.
Omnes etiam episcopi promiserunt, et omnes milites et cives iuramento firmaverunt, quod fideles sint in consilio meo, ad tenendam iustitiam, et suadendam pacem in toto regno meo.
In nomine domini nostri Jesu Christi amen. Quoniam ea que in presenti fiunt firma fore volumus et inconcusa in posterum permanere. Idcirco ego Adefonsus Dei gratia rex Legionis et Galletie, una cum uxore mea regina donna Berengaria et filio meo donno Fernando, per hoc scriptum notum facio vobis universis presentibus et futuris, quod me existente apud Benaventum et presentibus episcopis, et vasallis meis, et multis de qualibet villa regni mei in plena curia, tunc audita ratione, tam partis mee, quam militum et aliorum, datum est iudicium inter me et ipsos ab electis judicibus, sic etiam iam fuerat judicatum inter antecesores meos et suos: quod hereditas quam milites tenent de episcopatu vel abadenguis vel aliis ordinibus in vita sua per capitulum, dum illa tenuerint, debet habere illum forum et consuetudinem, quam habent alie hereditates proprie ipsorum militum; et si civis, vel burgensis, aut aliquis alius, qui non sit miles, tenuerit aliquam hereditatem de episcopatu, vel de alio ordine in vita sua per capitulum, debet de illa facere tale forum, quale fecerit de sua propria.
Si vero isti vel illi aliter tenuerint ipsas hereditates de abadenguis in prestimonium, videlicet ad tempus, vel in pignus, debet currere vox regis in illis, sicut in aliis abadenguis.
Item si aliquis de abadengo vel de ordine tenuerit hereditatem militis in pignus, vel prestimonium ad tempus, faciat de ipsa tale forum quale faciunt alie hereditates militum.
Si vero aliquis miles vel alius tenuerit hereditatem de abadengo vel de aliquo ordine seu episcopatu in vita sua per capitulum, et ita
indignationem regis incurrerit, quod de regno sit eiectus, ab eo exeredatus, illa reddat ad abadengum suum vel episcopatum suum, et atamen quod omnes fructus ipsius hereditatis rex habeat singulis annis usque ad mortem vell ..... illius qui eiectus fuerit.In eadem etiam curia statuto est et provido iudicio datum, quod si aliquis clericus habuerit hereditatem de patrimonio suo vel emptione non debet reputari vel confiscari pro abadengo, donec illam ecclesie vel abadengo dederit libere et absolute.
In ipsa etiam curia iudicatum fuit, sic etiam semper fuerat, quod si rex de novo voluerit suam monetam mutare in aliam, universi de suo regno equaliter recipere debent. Si vero voluerit vendere, gentes terre invite illam non comparabunt; et si gentes terre illam voluerint comparare, rex illam his non vendet, nisi voluerit. Si autem rex illam voluerit vendere, et gentes terre illam voluerint comparare, universi de regno suo illam debent equaliter ei comparare, nec de emptione debet ipsius monete aliquis excusari, nisi canonicus cathedralis ecclesie et miles et cassarius ipsius militis qui panem et vinum eius collegerit, et qui suo palatio steterit. Si vero unus steterit in palatio militis, et alter panem vel vinum alibi collegerit eius, eligat miles alterum ipsorum quem voluerit excusatum habere, et reliquis det partem suam in emptionem monete, sic et ceteri civitatum.
In ipsa autem curia possitum fuit et stabili judicio firmatum, quod rex, nec militibus, nec aliis, tenetur partem facere de pecunia, quam collegerit pro sua moneta de solaregis militum, nec de aliis, nec etiam de aliqua fosadaria, aut de pecunia quam colligat pro fosadaria. Hec acta sunt et firmiter statuta, apud Benabentum in plena curia domini regis, V Idus martii, era MCCXL, cum dominus rex vendidit monetam suam gentibus terre a Dorio usque ad mare, VII annis de singulis pro emptione ipsius, singulos recipiens morabetinos similiter eodem anno, et tempore simili eorum empta fuit moneta in tota Extremadura.
In nomine Domini Jesu Christi. - Aquellas cosas que en este presente son fechas queremos ser firmes e de la postrimera permancier sin trabajo. Por ende yo Don Alfonso por la gracia de Dios rey de Leon e de Galicia en una con mi muger la reyna Doña Beringuela e con mi fijo Don Fernando conoscida cosa fago saber a todos los presentes e aquellos que han de venir que estando en Benavente e presentes ..... e mis vasallos e muchos de cada villa en mio regno en cumplida corte; oida la razon tambien dela mi parte como delos cavalleros e delos otros dada entre mi e ellos de juices escogidos como ya fuera juzgado entre mis antecesores, quela heredad que tienen los cavalleros ..... o de abadengo o de otras ordenes en su vida por cavildo mientra quela tobieren deben aver aquel fuero e aquella costumbre que han las otras mesmas de sus cavalleros e ciudadanos; e si otro alguno que non sea cavallero tobiere alguna heredad ..... o de otra orden en su vida por cabildo debe tal fuero facer della qual face dela suia mesma.
E si estos o aquellos en otra manera tobieren las heredades de abadengos en prestamos, conbiene a saber debe la voz del rey correr en ellos como en los abadengos.
Otrosi si alguno de abadengo o de orden tobiere heredad de cavalleros en prestamos o en penos, faga de ellos tal fuero qual facen las otras heredades delos cavalleros
E si algun cavallero o otro tobieren alguna heredad de abadengo o de alguna orden en su vida por cabildo, e cayere en ira del rey, e que haya del reyno ser echado e desheredado del, esa heredad tornese a su
abadengo o a su encomienda en tal manera quelos frutos de toda la heredad haya el rey fasta muerte de aquel que sea echado o fasta que sea rescibido en esa misma corte.Es aun establescido e dado por juicio que si algun clerigo oviere heredad de su patrimonio o de compra, non debe ser metida en regalengo, nin debe ser metida nin contada por de abadengo, fasta quela dé ala eglesia o abadengo libremente e quita.
En esta misma corte fue juzgado, asi como siempre fue, que quier el rey quisiere mudar moneda de nuevo, todos los de su regno egualmente debenla rescibir; mas si el quisiere venderla, las gentes de la tierra non la comprarán sinon quisieren comprarla e el rey non gela venderá. E las gentes dela tierra si quisieren comprarla, ninguno non debe ser escusado dela compra de su moneda sinon canonigo dela eglesia catedral, o cavallero, e casero de este cavallero que pan e vino cogiere dél, e aquel que estobiere en el palacio del, e si mas de uno enviviere en el palacio del cavallero, que qual de aquellos quisiere aver escusado sea escusado, e el otro dé su parte en la compra de la moneda, e asi todos los otros.
Aquestas cosas todas son fechas e firmadamente establecidas en Benavente en la cumplida corte del rey V. idus Martii, era MCCXL quando el rey vendio sua moneda a las gentes de la tierra de Duero por VII años, recibiendo por cada uno dellos por compra desta moneda sendos maravedis. Otrosi en este mismo año e tiempo fue comprada esa mesma moneda de toda Extremadura.
In nomine domini nostri Jesu Christi, amen. Sub era MCCXLVI mense februario convenientibus apud Legionem, regiam civitatem, una nobiscum venerabilium episcoporum cetu reverendo et totius regni primatum
et baronum glorioso colegio, civium multitudine destinatorum a singulis civitatibus considente. Ego Alfonsus ilustrisimus rex Legionis Galecie et Asturiarum et Extremature, multa deliberatione prehabita, de universorum consensu hanc legem edidi mihi et a meis posteris omnibus observandam.Hac in perpetuum lege valitura decrevimus quod et alia constitucione nostra pridem sancitum esse meminimus ut si quem ex venerabilibus episcopis quos patres nostros merito nuncupamus decedere quicumque contingerit, nemo velut nostri vel proprii vel alterius comodi executores ejusdem pontificis profanis manibus audeat atractare, neque nostris seu suis seu etiam alienis usibus aplicare; sed omnia bona decedentis episcopi per illos qui eorum debent esse custodes secundum sacrorum canonum instituta sucesori suo sine diminutione qualibet conserventur. Si quis autem divini timoris inmemor contra hanc nostram venire presumserit santionem, rei duplum ablate vel invase reddere compelatur ecclesie cui dinoscitur injuriam irrogasse.
Nos insuper qui religionem clericalem tam in capite quam in membris honorare volumus et tenemur, rationabilis concilii tenore perpenso firmiter prohibemus ne quis, quamvis nostre vel alterius utilitatis obtentu, in clericos sedium catedralium seu etiam in rurales exacciones aliquas, quas petitum vocant. presumat aliquatenus ostentare vel hoc pretestu domos eorum invadere, sive bona quelibet ocupare. Cum enim sacri pontifices nostris necesitatibus consueti sint hylariter subvenire, serenitati nostre visum est esse consonum equitati, ut et ipsorum necesitates horum subditorum aminiculis releventur, secundum quod regula canonum prefixa docuerit aut prelatorum erga subjectos potuerit gratia promereri. Si quis igitur pacis eclesiastice temerator huius nostre constitutionis transgresor extiterit, pene subjaceat supradicte. Compostellanus in super archiepiscopus, una cum episcoporum venerando colegio, de asensu nostro et baronum omnium et de omnium circunstantium beneplacito, excomunicationis vinculo innodavit cuicumque supradicta vel eorum aliquid violaverit, vel nostris auribus sugeserit violandum.
Clericalem iterum prerrogativam more regio prorrogantes, statuimus in regni nostri locis omnibus observandum ut qui panem seu vinum seu cetera victui necesaria vehunt precio, sive gratis, pontificibus sive clericis quos catedralis ecclesia beneficio canonico sublimavit, ab
omni prestatione pedagii sint inmunes, ut neque equitature vehentis, neque vecte rei pretextu quidquam quomodolibet exigatur; in extractorem siquidem, qui scienter predicte culpe subjecerit, penam centum prefiximus aureorum nobis et ei qui injuriam passus est conjunctim solvendorum.Adicimus etiam ut si quis laicus ab ecclesia seu monasterio vel quovis loco religioso prestimonium aliquod vel ad tempus, vel in toto vite sue tempore, posidendum meruerit obtinere, quod nonnumquam ob nostri familiaritatem vel gratiam est efectum idemque laicus regiam indignationem incurrerit, adeo ut bonis omnibus confiscatis extra regni terminum per principalem sententiam expelatur ab iis qui nostre ultores injurie ac jusionis executores extiterint, dictum prestimonium nulatenus occupetur; sed ad locum reddeat a quo procesise videtur, eo videlicet tenore quod ad illum laicum unquam sine nostro beneplacito revertatur.
Illud nihilominus decrevimus adnectendum ne cause quas sacri canones eclesiastico noscuntur examini reservase in maiorini nostri vel cuiuscumque forensis judicis [curia] cogantur inferri; actorque forum rei sequatur sicut jus tam civile quam canonicum atestatur.
Nec pretereundum ullatenus arbitramur quod illi qui per contumacie vicium excomunicationis oprobium incurrunt, sicut suorum merito facinorum, a cetu fidelium et a celesti curia sunt exclusi, sic sunt a nostre consorcio curie propellende postquam videlicet fuerint per capelani nostri oficium revelati. Nolumus enim infici maculis alienis qui per religiosos homines ac bona opera nostra diluere potius indigemus.
In nomine domini nostri Jesu Christi. Amen. Era de mill e dosientos annos mense Februarii III. Nos ayuntamos en Leon cibdat real en lla onrrada companna de obispos en uno, e la gloriosa compagna delos
ricos principes e barones de todo el regno, e la muchedumbre delas cibdades e embiados de cada cibdad por escote. Yo Don Alfonso muy nobre Rey de Leon e de Gallicia e de Asturias e de Estremadura, e yo avido conseio mucho e de acogimiento de todos fice aquesta ley aguardada de mi e delos mis postremos.E judgamos que aquesta ley valiese por siempre, la qual cosa nos remembramos ....... e va en otra nuestra ley ser judgada. Que si por aventura alguno delos onrrados omes, los quales llamamos por merecimientos nuestros padres, morier, las cosas del mesmo obispo ansi como las nuestras non tannier, nin alos nuestros, nin alos usos agenos osen ayuntarlas; mas todas las buenas del obispo que morier pondran aquellos que deben ser guardadores dellas segunt el establescimiento delos santos decretos e sean guardados al sucesor enteramentre. E si alguno non se remembrando osar venir contra este nuestro establescimiento, sea costregnido de pechar el doblo de aquella cosa mal tomada a aquella eglesia a que fizo el tuerto.
Nos que sobre todo aquesto queremos e somos tenudos onrrar la religion clerical, ansi en la cabeza como en los miembros, pensando el remedio del razonable consejo, defendemos firmemente que ninguno por razon de nuestro provecho o de otro non ose echar tajas, las quales llaman pedidos, en los clerigos delas catedrales o en los delas aldeas, o por otra razon ninguna non ose en las casas dellos entrar nin en suas cosas a prender. E como los santos obispos sean costumbrados alegrementre socorrer las nuestras necesidades, visto es a la nuestra claridat ser concordable cosa a igualdat quelas necesidades delos obispos sean ayudadas por ayuntamiento de sus subjectos, segunt la regla dita delos decretos ensenna, e la gracia delos perlados cerca delos subjetos pudiere merescer. Si alguno quebrantador dela paz dela eglesia fuere pasador de esta nuestra constitucion, caya enla pena desuso dita. Sobre todo aquesto el arcevispo de Santyago, en pos dela compannia onrrada delos obispos de nuestro otorgamiento e de todos los barones e buen placer de todos los presentes, escomulgó a quier que quebrantar estas cosas de susoditas o alguna dellas o a quienquier que consejare quelas quebrante.
Nos entendientes por la costumbre real sobre pasança clerical, establescemos sea guardado delos omes de nuestro regno quelos que pan o vino o otras cosas nescesarias porque ome vive acarrear por precio o de grado alos obispos o alos clerigos, los quales la cathedral eglesia onrra por un oficio canonical, sean libres de toda donacion de portage que
non por razon dela bestia que acarreare la cosa, o dela cosa acarreada enla bestia algun portadgo sea demandado; e aquel que demandare el portadgo en tal manera, si se metiere a sabiendas en culpa pusiemos pena de cien maravedis, los quales sean pagados comunalmente a nos e a quien sufrió el tuerto.E mandamos demas que si algunt lego de eglesia o de monesterio o de algunt logar religioso a prestamo de algund por algund tiempo o por toda su vida ganar, el qual muchas veces ganan por gracia o por amor de nos, e ese mesmo lego cayere en nuestra sentencia en tal manera que sea echado por ende del regno por sentencia, e sus bienes sean metidos en regalengo, el sobredicho prestamo non sea cabo preso de aquellos que deben la susodicha sentencia de nuestro mandado seguir, mas tornese al lugar onde vino por tal tenor quel lego nunca lo cobre sin nuestro plazito.
Otrosi judgamos quelos pleitos, los quales segunt los santos decretos son conoscidos asu serviciol, non sean aduchos por fuerza ala audiencia del merino o de otro qualquier juez seglar, ca asi como el derecho civil e canonical dice, el demandador sega el fuero de aquel a quien demanda.
Otrosi quelos pleytos los quales segunt los santos decretos son conoscidos e al su servicio han guardado non sean aduchos por fuerza; que aquellos que por contumacia cayeron en descomunion, ninguno de otra parte nin de otra tierra non se ose por ninguna razon tollerlos nin robarlos ninguna cosa de sus casas nin de sus heredades nin de sus omes nin de otros bienes pertenecientes alas sedes o alas eglesias o alos monesterios; mas todas las cosas o entregas y non tranydas sean guardadas a aquel que fuere eligedero en el logar dellos, e quien contra esto ficiere que sea dado por sacrilego e alcance la sanna del rey e lo que tomare doblelo.
Otrosi establescemos delos omes delas villas, o delas posesiones pertenescientes alos obispos, o alas abadias, o alas religiones, que si a otra villa o a otro sennorio se trasmudaren, que se torne a su suelo, o al sennorio del obispo o del abadia o dela religion do fueran fasta tres semanas, despues que estas constituciones fueren publicadas en el obispado de que eran, e pierdan daqui adelante aquel suelo, e la heredat ayala el sennor dela villa o dela posesion de que se trasmudaron.
Establescemos aun, que aquellas cosas que fueron dadas o dexadas alas eglesias, o alos monesterios, o alos clerigos, de cibdadanos moradores en Leon, o compradas dellos, o delas otras religiones, ayan aquellas mismas libertades, las que auian antes que fueren dadas o dejadas; e que nos e otros por nuestro nombre o mandado tomemos poderio dellas el que ante abien.
Otrosi facemos tal constitucion de aquellos que fuesen por costumbre robadores e ladrones que ante nos o ante nuestros principes dela tierra, luego que fueren escritos por esquisicion de buenos hombres jurados publicamente, ninguno non los ose tener por vasallos, nin otrosi recibirlos mas: quien los despues recibiere despues de esta declaracion publicada e los recudiere, sea tenudo dela pena dellos; e quien la tierra tiene en que son, sea tenudo de responderlos por su poder, e facer dellos aquello que el derecho manda, e darlos a nos a cierto termino. E quien quier en tales, o el sennor propinco por seguimiento dellos, o por prision, o por muerte, o por qualquier desconstrimento por razon de nuestra constitucion fecha, fueren enemistades descubrir, si non dexare luego ende, en tal manera que se otorgue fenecer enemistad por tal, a semejante pena sea tenudo de aquel que era robador lobito o ladron, e ayan la nuestra sanna, e todas sus cosas sean metidas en regalengo. Mas establescemos termino de tres semanas alos robadores e aquellos que eran ladrones escritos, los quales recelamos en Gallicia a nuestra mesura, que despues que estas constituciones fuesen publicadas en las tierras dellos, que fata aquel termino vinieren ante aquel que tiene la tierra de nos o ante el nuestro ..................... o fuere de nuestra parte a enmendar las querellas del danno que ficiere, despues que nos otra vez en Leon establescemos nuestras constituciones, e dieren asegurança que otros dannos ende y en adelante non fagan, sean rescibidos sin otro embargo; e si esto non cumplieren, sea fecho a ellos daqui adelante, asi como deximos de suso, quelos bienes dellos sean metidos en regalengo; e si ellos non pudieren ser presos, sean echados del regno, asi como enemigos del regno.
Establescemos aun delos ladrones, que aquellos que conosca segunt derecho aquel quelos debe penar por pena que ninguno reciba dellos ..... que segun las viejas costumbres deben dar por el danno que ficieron aquellos que por escusa fueron vencidos, mas ningunt tormento daqui adelante el qual quisiere por el tomar ..... e ninguno de tales sea dexado sinon por bastante fiador, que daqui adelante non fagan danno.
Establescemos demas delos fijosdalgo que han barraganes que
aquel quelos recibiere por fijos, que asi sea tenudo a responder por ellos como por los de bien, e quien por ellos o alguno enemistades tovier, si mano a mano non las feneciere por de ..... de aqui adelante sea tenudo de responder por ellos, asi como por los de bien.Era MCCXX vgt. in mense maii Don Alfonso por la gracia de Dios Rey de Leon e de Gallicia, a todos los de su regno perlados e principes e a todos los pueblos salud. Asi como somos tenudos de desfacer el tornamiento, de que muchos males se crescieron al nuestro regno, el qual suelen los regnantes facer en comienzo, asi vos puestos ya en paz, la qual nos fizo Dios, somos tenudos de arrancar las cosas que son mal tomadas fasta aqui contra justicia, como es, cosas agenas robar; onde nos codiciantes toda fuerza toller, establescemos por comunal conceio que cosa ninguna que en posesion tobiere otro, asi mueble como non mueble, si quier grande, siquier pequenna, qualquier si por fuerza la tomare, que si lo ficiere, rienda la misma cosa tollida a aquel que sufrió la fuerza e que componga ala voz del Rey cient mrs.
Otrosi decimos pertenecer a tomar por fuerza, si alguno por si toma de otro, si non es de su deudor o de su fiador, e que se negar su deudor, recobrellos por el nostro judiz por fiador, e si aquel quelos tomó, non los quisiere rendir, sea tenudo a la pena de susodicha, asi como forzador; e quien los pennos tomados negar, si despues fuere vencido sea penado, asi como ladron. E quien por si otra prenda ficiere, e non por el nuestro judiz o dela tierra o por el sennor, sea penado, asi como
forzoso tomador ..... si la ficiere por las justicias las que pusiere el Rey en las cibdades; e si alguno lo ficiere sea penado por la pena de suso dicha. Por esta misma manera quien prendier bueyes o bacas que son en arada, o aquellas cosas que el labrador oviere consigo en la labranza, aunque sea el labrador deudor o fiador, sea penado, asi como es de susodicho, e demas que sea descomulgado.E quien negare si obiere fecho tuerto con tal quel caye a la sobredicha pena, dé fiador segun las costumbres dela tierra, e fagamos esquisicion, si fizo aquel tuerto, e segun aquella esquisicion, sea tenudo a enmiendarla por la fiadoria dada; e los pesquisadores sean puestos por otorgamiento de aquel que demanda, e de aquel que es demandado; e si non acordaren, o sean aquellos que de nos la tierra tovieren, o con nuestro otorgamiento pusieren, asi como vicarios por cada una tierra, los quales deben facer esquisicion, e ..... sellos que por el testimonio delas querellas sean recibidos, e non en otra manera; e si antel vicario querellaren, e el non judgare la justicia al querellante, o maliciosamente selo perlongare a veinte ..... cerca de algunos delos dichos vicarios, por el termino del qual la verdad delas cosas es perquerida, sea costrennido asi en aquello que es en la querella, como aquello que es en las despensas, pagarlo doblado.
E si alguno delas justicias llamare a alguno de su juzgado por facer justicia, e ellos non quisieren ir ayudarlo, sea tenudo alo suso dela pena, e a el sennor dela tierra e a las justicias pechen cient marauedis.
E defendemos que ninguno por enemistades, las quales haya contra otro, vaya a su casa por fuerza, nin faga ningun danno en su heredad, nin en sus cosas muebles; e si lo ficieren doble el danno al que lo padeciere, e sobre todo esto pechen al Rey el danno que ficieren.
Queremos e firmemente mandamos que nuestras tierras sean retornadas a nos, e alos nuestros reales derechos, que quien la tierra tiene de nos, ayala con todo su derecho.
Por ende establescemos, que quien los nuestros omes rescibiere en amos de sus fijos sin otorgamiento de aquel que tiene la tierra por nos, e no mos dexare libres al derecho dela nuestra tierra fasta tres semanas, despues que estas nuestras constituciones en aquella tierra fueren publicadas, esos omes pierdan quanto obieren; e quien los rescibiere en tal manera sea tenudo ala nuestra voz a pena de cient mrs., e a esa misma subiaga de aqui adelante quien los osar rescibir sin otorgamiento de aquel que tiene la tierra.
Eso mesmo establescemos delos serviciales los quales tienen en sus
casares, que al nuestro derecho pertenescieren, a los quales como sean nuestros se trasmudaren a los sus casares, dexados los nuestros casares sin otorgamiento de aquel que tiene la tierra, e si los non quisieren dexar, o de aqui adelante los rescibieren, establescemos que cayan en la dicha pena.Otrosi quien sin ombra de su pena rescibieron casar de ome perteneciente a nuestro derecho por ese mismo costamiento, mandamos, que sean tenudos a dexarse ansi penar, e de aqui adelante, ninguno casar non ose tomar, si non fueren tales omes que sean tenudos a ese mesmo fuero.
Defendemos demas por esa mesma pena, que ninguno non ose comprar tales casares, si non oviere a permanecer so fuero dellos; nin queremos quelos casares nin de todos nuestros omes que son tenudos a ciertos fueros que nuestra tierra pierda aquellos fueros por ..... o por servicio, maguer que por otorgamiento sean fechos omes serviciales de aquel quela tierra tenia.
Otrosi quien nuestro ome tobiere por vasallo sin otorgamiento de aquel quela tierra tiene, e non le dexar fasta tres semanas, despues que estas nuestras constituciones en aquellas tierras fueren publicadas, o quien rescibiere alguno de tales vasallos sin otorgamiento de aquel que la tierra tiene, asi el vasallo, como el sennor, subyagan a la dicha pena.
Establescemos demas quelos hijos delos villanos pertenecientes a nuestro derecho, los padres delos quales no fueron caballeros, ninguno non ose facerlos caballeros, nin haberlos por caballeros; mas sean dexados al sennorio de aquel que tiene la tierra, e quien contra esto ficiere, padezca la pena susodicha delos cient maravedis.
Don Alfonso por la gracia de Dios Rey de Castiella de Toledo de Leon de Gallizia de Seuilla de Cordoua de Murcia e de Jahen. A todos los rricos ommes e a todos los caualleros e a todos los fijos dalgo e a todos los
ommes delas ordenes e a todos los conceios del rregno de Leon que esta mi carta vieren. Salut e gracia. Sepades que yo oue mio acuerdo e mio conseio con mios hermanos los Arçobispos e con los Obispos e conlos rricos ommes de Castiella e de Leon e con ommes bonos de villas de Castiella e de Extremadura e de tierra de Leon que fueron comigo en Valladolit, sobre muchas cosas sobeianas que se fazien que eran a danno de nos e de toda mi tierra e acordaron delo toller e de poner cosas sennaladas e çiertas porque biuades. Et lo que ellos pusieron otorgué yo delo tener e delo fazer tener e guardar por todos mis rregnos. Et ellos todos juraron e prometieron delo guardar e delo tener et los Arçobispos e los Obispos pusieron sentencia de descomulgamiento sobre todos aquellos quelo non touieren.Et las cosas son estas.
Que yo e la Reyna mi mugier etc. Touieron por bien que el Rey e su mugier que coman cient e cinquaenta mr. cada dia sin los huespedes estranos e non mas e que coma el Rey como touier por bien pora so cuerpo.
Que uista el Rey como touier por bien e quantos pares de pannos el quisiere.
Que mande el Rey alos ommes que biuen con el que coman mas mesuradamientre. Et que non fagan tan grand costa como fazen, e la costa que fizieren que sea tanta como el Rey mandare.
Et manda el Rey quelos sus escriuanos nin ballesteros nin sus falconeros nin los porteros nin ningunos delos ommes de su casa nin dela Reyna que non trayan pennas blancas nin çendales nin siella de barda dorada nin argentada nin espuelas doradas nin calças descarlata, nin çapatos dorados nin sombrero con orpel nin con argent pel nin con seda, sinon los seruiçiales maiores de cada un officio.
Manda el Rey que todos clerigos de su casa que trayan las coronas en guisa que parescan coronas grandes e que anden çerçenados aderredor, e que non uistan bermeio nin uerde, nin uistan rosada nin trayan calças fueras negras o de pres o de moret escuro, e que non uistan cendal sinon perssona o calonigo enfforradura e que non sea bermeio nin amariello, nin trayan çapatos a cuerda nin de fiuiella nin manga cosediza, e que trayan los pannos çerrados los que fueren personas o calonigos de Eglesia catedral e trayan siellas rasas o blancas e frenos dessa
guisa, sinon fuere perssona que traya de azul o calonigo que traya india llana sin otras pintaduras, e freno e peytral argentados e non colgados.Tienen por bien que alos joglares e alas soldaderas queles faga el Rey algo una uez en el anno e que non anden en su casa sinon aquellos que el touier por bien.
Tienen por bien que ningun omme non ande enel rastro del Rey sinon con su sennor o querelloso. Et si otro hy andare quelo escarmiente el Rey como el touier por bien. Et el querelloso, pues que fuere librado, que se uaya luego.
Tienen por bien que de cada un conceio que ouieren a auer pleyto ante el Rey, que enbien dos ommes bonos e non mas e que dé el Rey dos ommes bonos de su casa que non ayan al de fazer, fueras saber los ommes bonos delas villas, e los querellosos que fueren ommes ondrados quando uinieren do posan, e quelo muestren al Rey, e queles dé el Rey tres dias cada semmana quelos oya e quelos libre; e el dia que librare, los querellosos quel dexen todos, sinon aquellos que el quisier consigo. Et que sean estos dias lunes e martes e viernes.
Manda el Rey que todos los querellosos que asu casa venieren que vayan alos alcaldes, e si el pleyto el en quelos alcaldes entienden o que puedan librar que gelo libren luego, e si el pleyto fuere pora el Rey que gelo muestre; e si el querelloso pues que fuere librado, non se quisiere hyr, o non quisier dar las cartas delas peticiones a los ommes del Rey quelas han de tomar, que tales como estos quelos prenden e quelos escarmiente el Rey como el quisiere. Et si el alcalde nol quisiere librar o el escriuano o el omme del Rey nol quisiere tomar la peticion, que dé las costas al querelloso aquel por qui tardare.
Quelos mrs. que tienen los rricos ommes e los otros en las salinas e en los almoxeriffadgos, si los arrendadores non gelos dieren alos plazos que deuen o sex semanas depues, quelos den doblados, la meytad por al Rey e la otra meytad por al que ouiere a auer los mrs.
Otrosi delas marçadgas e delas martiniegas, si los cogedores non pagaren los mr. depues que fueren echados fata tres meses a aquellos quelos deuen auer, quelos den doblados ellos o aquellos por quien fincar, que se non den e que se parta el doblo assi como sobredicho es; pero si el rric omme, o otro que ouier a auer los mr., fiziere su barato con el cogedor o con el arrendador ante del plazo que se abenga con el como meior pudiere, e pues el rric omme, o el que ouier a auer los mr., mostrare querella al Rey del cogedor o del arrendador o del no-
tario o del escriuano o de otro omme de casa del Rey sobre esta rrazon, que non abenga con el fata quelo mande el Rey; et si lo fiziere que pierda la demanda e quela aya el Rey e aya la querella del.Otrosi piden merçed al Rey que non dexe sacar cauallos de sus rregnos, nin dé cartas por sacar ganados, ca tienen que es danno de su tierra. Et si el rric omme o otro omme alguno cossintiere sacar cauallos o ganados o aueres uedados sin carta del Rey por sus tierras, o por los logares que tienen del Rey, o los sacaren ellos por algo queles den, que pierdan las tierras que tienen del. Et si fuere omme que non touiere tierra del Rey quelo escarmiente el Rey como el touiere por bien.
Que rric omme nin otro omme ninguno de sus rregnos que non coman sinon de dos carnes cada dia, e la una en dos guisas; o caça sila caçare o si gela diere el quila caçare, et el dia de carne que non coma pescado si non fueren truchas, e ala çena que coman de una carne qual touieren por bien, de una guisa e non mas. Et que non coman en dia de pescado sinon de tres pescados, e el marisco non sea contado.
Que ningun rric omme non faga mas de quatro pares de pannos al anno, nin otro cauallero nin otro omme ninguno. Et estos que non sean arminnados nin nutriados, nin con seda nin con orpel nin con argent pel, nin con cuerdas luengas nin bastonadas nin con orfres nin con çintas nin con perfil nin con otro adobo ninguno, sinon penna e panno; nin entallen vn panno sobre otro: e que ninguno non traya capa aguadera descarlata sinon el Rey, e que non fagan capas pielles sinon dos uezes en el anno, e la capa aguadera quela trayan dos annos, e que ninguno non uista çendal nin seda. sinon fuere Rey o nouel, sinon fuere enfforradura de pannos, e que ninguno non traya pennas ueras, sinon el Rey o nouel o nouio. si fuere rric omme o fi de rric omme, e que ningun rrico omme nin otro que non traya en capa nin en pellote plata nin christales nin botones nin cuerdas luengas nin arminnos nin nutria, sinon en perfil en capa piel, e que ningun rric omme non traya tabardo andando en corte.
Que ningun omme non ponga cuerdas luengas nin oro nin de sennal en siella de armas, nin a siella gallega nin orpel en ninguna siella delas taiuelas a arriba, nin trayan ferpas en pannos nin en siellas, e que non trayan freno con anfaz, e que trayan las brocas delos escudos derechas como las suelen traer, e que non trayan peytral colgado, e que non pongan seda en armas sinon encanonar, e que non pongan orpel en siella gallega sinon por la orla, que non trayan siella cubierta de panno
nin trayan siella cubierta de cuero sinon gallega, nin seda enlos frenos, e que non trayan freno de cauallo con orfres nin con çintas, nin rriendas de seda, nin espuelas con çintas.Que ningun rric omme non uenga a casa del Rey sinon aquel por qui el enbiare, et si otro uiniere por pleito que aya, que more hy fata que su pleyto aya librado, e si ouiere de librar conel Rey de su fazienda, quele libre el Rey fata terçero dia. Et esto mismo dizen delos obispos e delos maestros e delos abades delas Ordenes.
Tienen por bien que todo rric omme que touiere del Rey diez mill mr. que coma sus dineros quando uiniere a corte, e que pose enla uilla do el Rey posare, e el rric omme que uiniere a casa del Rey que coma en su casa e que traya diez caualleros e non mas. Et el rric omme que non come en su casa, que traya dos caualleros e queles dé de comer enla posada. Et ningun cauallero non venga a corte del Rey sin sennor, sinon fuere querelloso o aquel por que el Rey enbiare.
Tienen por bien que ningun hermano del Rey nin rric omme nin obispo nin maestre nin ninguno omme de Orden nin otro omme ninguno non tome seruiçio nin ruego por ningun pleyto que aya de librar conel Rey, a menos delo fazer saber primero al Rey; e el quelo dotra guisa tomare que pierda lo que touier del Rey, e el que gelo diere que cobre lo suyo.
Otrosi que ningun rric omme nin otro omme ninguno que non tome conducho en Castiella nin en Estremadura nin en Toledo con toda la trassierra nin en toda la Andaluzia nin en el rregno de Leon nin enla Estremadura nin en Asturias nin en Gallizia, en todo lo que es del Rey; e el quelo fiziere, quel faga el Rey como aquel que rroba su tierra, sacado ende si los ommes que tienen las tierras del Rey en Castiella e en Leon e en Gallizia e en Asturias, si lo tomaren en las tierras que por el Rey tienen, ó lo deuen tomar con derecho por rrazon del Rey, quelos que desta guisa lo tomaren que non cayan en aquesta pena sobredicha, sinon quelo peche lo de Castiella assi como es fuero de Castiella, et enlo de Leon assi como es fuero de Leon.
Otrosi que ninguno non sea osado de tomar conducho enlo delas Ordenes nin delos otros ommes delos rregnos sinon en aquellos logares ó lo deuen tomar con derecho, e si lo tomaren quelo pechen lo de Castiella assi como es fuero de Castiella e lo de Leon assi como es fuero de Leon. Et que non consintan a rric omme nin a otro cauallero que pose enla uilla dela benfetria mas de terçero dia, e si conducho hy tomar, que gelo mande pechar como fuero es; ca si mas hy posar de
terçer dia, semeia quelo fazia por fazer les mal e premia por los tornar assi.Otrosi piden por merçed al Rey que non conssintan a rric omme nin a otro cauallero ninguno que quite alos dela benfetria la mytad del pecho del março nin la enfurçion que deuen auer; e si algun rric omme lo fiziere, quel tuelga el Rey la tierra e que pierda la benfetria, e si cauallero lo fiziere que pierda la benfetria e quel eche el Rey de [la] tierra e que non hy entre fata que sea su merced del Rey. Et por esto tienen que creçeran en seruiçio del Rey mas de trezientos caualleros con cauallos e con armas.
Acuerdan e tienen por bien que ningun escudero non traya penna blanca ni calças descarlata, nin uista escarlata nin uista verde nin bruneta nin pres nin morete nin narange nin rrosada nin sanguina nin ningun panno tinto, nin traya siella de barda dorada nin argentada nin freno dorado nin espuelas doradas nin çapatos dorados nin sombrero con orpel nin con argent pel nin con seda.
Que ningun rric omme, pues le el Rey diere tierra, maguer sea escudero, que sea luego cauallero, e seyendo escudero que non case nin faga caualleros fata que sea cauallero, si non fuere fi de Rey, e esto es dicho por los fijos delos rricos ommes.
Ningun escudero que non coma con cauallero.
Manda el Rey que non enfile ninguno pannos sinon fuere blanco o negro o pardo. Et que ningun cauallero non llanga nin se rrasque, sinon fuere por sennor, e que ninguno non traya pannos de duelo por otro, sinon fuere un par, sinon por sennor o mugier por su marido que lo traya quanto quisiere.
Que ningun judio non traya penna blanca nin çendal en ninguna guisa, nin siella de barba dorada nin argentada, nin calças bermeias nin panno tinto ninguno, sinon pres o bruneta prieta o ingles o enssay negro, fuera a aquellos quelo el Rey mandare.
Manda el Rey quelos moros que moran enlas uillas que son pobladas de christianos que anden çerçenados aderredor o el cabello partido sin copete, e que trayan las baruas luengas como manda su ley, nin trayan çendal nin penna blanca nin panno tinto, sinon como sobredicho es delos judios, nin çapatos blancos nin dorados e el quelo fiziere que sea a merçed del Rey.
Otrosi piden merçed al Rey que todos los cotos que pone quelos guarde el en si, e quelos mande tener e guardar por todos sus rregnos e quelo juren quelos tengan todos, e el quelos passare quel faga el Rey
escarmiento como a periuro e el quelo sopiere e no lo mostrare al que touiere el logar del Rey en cada logar, quel faga el Rey escarmientoassi como sobredicho es e essa misma pena e que ponga ueedores en cada uilla quelo uean e quelo guarden e quelo fagan tener.Tienen por bien en rrazon delas vsuras que todos los judios del rregno que den a vsuras a tres por quatro fata cabo del anno e que non rrenueuen carta fata que se cumpla el anno, e despues que eguare el logro con el caudal, que dalli adelantre que non logre, e esto saluo a cadauno delos logares de sus priuilegios si los han, enesta rrazon queles ualan los queles dieron los Reyes assi a christianos como a judios, e que sobre esto non aya otro coto nin otro doblo, e esto que sea tan bien a christianos como a moros como a judios como en todos aquellos que dieren a vsura. Et manda el Rey que del dia quela carta fuer fecha fata cuatro annos que uala, e que dalli adelantre quela non pueda demandar nin uala en ninguna cosa.
Otrosi manda el Rey que todas las cartas que fueron fechas en rrazon delas vsuras ante que esta postura fuesse fecha que sean demandadas segund dizen fata el dia dela postura, e dend adelantre que uala fata quatro annos segund esta postura sobredicha, e dend adelantre que non ualan. Et si alguno tomare demas desta postura que pierda toda la demanda. Et si algun alcalde judgar esta demanda demas de quanto diz esta postura que peche al Rey quanto fuere la demanda e esto sea tan bien en los alcaldes fechizos como en los otros.
Tienen por bien en rrazon delos montadgos que de todos los ganados que uinieren a estremo que non tomen montadgo mas de en un logar en todo el termino de qual uilla quiere. Et en toda la Orden de Calatraua o de Veles o de Alcantara o del Temple o del Hospitalo de todas las otras Ordenes que non tomen montadgo mas de en un logar por toda la Orden. Et quelo tomen dela parte que saliere o dela parte que entrare el ganado, e quelo tomen desta guisa: de mill cabeças de vacas dos vacas e que uala cada vaca quatro mr., et si los mr. quisieren dar que noles tomen las vacas. Et de mill oueias dos carneros e que uala cada carnero medio mr., e si los dineros quisieren dar que no les tomen los carneros. Otrosi de mill puercos dos puercos e que uala cada puerco .X. suellos de pipiones, e si los dineros quisieren dar que noles tomen los puercos. E de mill cabeças a ayuso que tomen a esta rrazon.
Otrosi manda el Rey que en ningun logar non tomen assaduras e enestas cosas sobredichas saluos los preuilegios que dieron los Reyes.
Et quien passare desto que manda el Rey que peche çient mr. e el ganado que tomare doblado.Tienen por bien en rrazon delos portalgos que non tomen portadgo en otro logar sinon en aquellos logares ó lo solien tomar en tienpo del Rey don Alffonsso su visauuelo. o enlas villas grandes que son conquistas ó lo solien tomar en tiempo del Miramamolin, saluos los priuilegios que dieron los Reyes e qui esto passare que sea a merced del Rey.
Tienen por bien en rrazon dela caça delas perdizes e delas liebres que non tomen los hueuos alas perdizes nin tomen la perdiz yaziendo sobre los hueuos nin tomen los perdigones fata que sean eguados, e los coneios e las liebres e las perdizes quelos non caçen con nieue fata que pueda foyr la caça.
Otrosi manda el Rey que ninguno non caçe desde las carnes tolliendas fata sant Miguel sinon fuere con aue. Et qual quier que ninguna cosa destos cotos dela caça passare que peche por cada uegada que caçare. XX. mr. e que pierda la caça; e el que non ouiere de que pechar esta calomnia que yaga en prision del Rey a su merced. Et si en algunos logares han mayores cotos sobre la caça queles ualan.
Tienen por bien que non fagan confradrias nin juras malas nin ningunos malos ayuntamientos que sean a danno de la tierra e a mingua del sennorio del Rey, sinon pora dar a comer a pobres o pora luminaria o pora soterrar muertos o pora confuerços, e que se coman en casa del muerto, e non pora otros ayuntamientos malos, e que non ayan hy alcaldes ningunos pora judgar enlas cofradrias, sinon los que fueren puestos del Rey en las villas o por el fuero, o alos quelo fizieren que se torne el Rey a ellos e a quanto que ouieren, e el alcalde que rrecibiere esta alcaldia que pierda quanto ha e sea el cuerpo a merçed del Rey. Et manda el Rey que todas las cofradrias que son fechas que se desfagan luego, sinon que yagan en aquesta pena sobredicha.
Tienen por bien que ningunos mercadores nin menestrales, de qual mester quiere, que non se acoten sobre los pueblos, mas que uenda cadanno so mester como meior pudiere, e alos quelo dotra guisa fizie-
ren que se torne el Rey a ellos e a quanto ouieren e que sean a su merçed.Tienen por bien que niguna christiana que non crie fijo de judion nin de moro, nin judia nin mora que non crie christiano ninguno, e la quelo fiziere que sea a merçed del Rey.
Tienen por bien que ningun bozero non faga pleyto con aquel cuya fuere la boz que non acabe su pleito quando quisiere. Et que ningun omme que pleyto ouiere que non traya mas de un bozero a su pleyto ante los alcaldes oante aquellos que ouieren de judgar, e que otro ninguno non uenga por atrauessador por destoruar a ningunas delas partes. Et si el bozero o el duenno del pleyto quisier auer conseio, quelo aya aparte, e los que dieren el conseio que non atrauiessen en el pleyto e el bozero que pleyto pusiere que se non adobe el duenno del pleyto con su contendor quando quisiere. Et los que ningunas destas cosas passaren que sean a merçed del Rey.
Manda el Rey quelas deffesas que eran en aquello que fue conquisto en tiempo del Rey don Alffonsso, que sean assi como eran entonçe e en lo que se conquisó depues del Rey don Alffonso a aca quelas deffessas quelas fagan aguisadas, e en aquellos logares las han por priuilegios que non tomen mas de quanto mandan sus priuilegios, e qui esto passare que sea a merçed del Rey.
Manda el Rey en razon delos açores que ninguno non sea osado en este anno enla era desta carta de sacar nin de tomar açores nin falcones, e deste anno en adelantre que non tomen nin saquen açores nin falcones nin gauilanes sinon fuere de dos negras, e los falcones quelos non saquen fata el mes mediado de Abril. Et que ninguno non sea osado delos sacar fuera del rregno açores nin falcones nin gauilanes, sinon fuere por mandado del Rey, e el qui sacar qual aue quiere destas del rregno que peche el aue doblada e demas peche en coto cient mr. por cada aue, e el que tomar açor o gauilan o falcon o hueuos contra este coto sobredicho que sea a merçed del Rey.
Manda el Rey que non pongan fuego pora quemar los montes, e al quelo fallaren faziendo quel echen dentro, e sinon pudieren auer quel tomen lo que ouiere.
Manda el Rey que ninguno non eche yeruas nin cal en las aguas nin otras cosas ningunas porque mueran los pescados. Otrosi manda el Rey que enla tierra ó son los salmones que non tomen los pequennos que han nombre gorgones. Et qual quier que alguna destas cosas fiziere que sea a merçed del Rey.
Manda el Rey en rrazon delas bodas que ninguno non sea osado de dar nin de tomar calças por casamiento de su parienta. Et el quelas tomare que peche çient mr. tan bien el quelas dio como el quelas tomó.
Et quien casar con mançeba en cabello que non dé mas de .LX. mr. por pannos pora sus bodas. Et el que casare con biuda quel dé .LX. mr. por pannos pora sus bodas e el que mas diere desto que manda el Rey que sea a su merçed. Et otrosi manda el Rey que non coman alas bodas mas de çinco uarones e çinco mugieres de parte del nouio e otros tantos de parte dela nouia sin conpanna de su casa. Et estos sin el padrino e sin la madrina e el padre e la madre delos nouios. Et que non duren las bodas mas de dos dias, e si el padre o la madre delos nouios el nouio o la nouia o el fazedor dela boda mas conbidare de quanto manda este coto del Rey, que peche por cada omme diez mr. e quantos hy fueren a comer sin [ser] conbidados que peche diez mr. cada omme. Et si alguno criare pariente o parienta o otro criado alguno que non ouiere padre o madre que aquel quel crió que uaya en logar de padre.
Et manda el Rey que del dia dela boda fata un mes que non enbie presente nin enbide mas de cuatro ommes [que] manda el coto sobredicho e el quelo fiziere dotra guisa que sea a merçed del Rey.
Et yo sobredicho Rey don Alffonsso mando uos que todas posturas sobredichas quelas tengades e quelas guardedes. Et defiendo que ninguno non sea osado delas passar nin delas quebrantar en ninguna cosa, ca aquel quelo fiziesse al cuerpo e a quanto que ouiesse me tornaria por ello e si por auentura alguno lo fiziesse, mando alos alcaldes e al juyz quel tomen bonos fiadores e buen recabdo de guisa que aparesca ante mi, ca yo le fare aquel escarmiento que deuo fazer como aquel que quebranta jura e passa mandamiento de sennor. Dada en Valladolit, el Rey la mandó, XVIII. dias de Enero. Era de mill e dozientos e nouaenta e sex annos.
Don Alfonso por la gracia de Dios rrey de Castilla de Toledo de Leon de Gallisia de Seuilla de Cordoua de Murcia de Jahen e del Algarbe al conçejo dela noble cibdat de Seuilla e a todos los otros conçejos que son en este arçobispado salud e gracia. Sepades que sobre quelas gentes se me quexauan mucho dela grant carestia que era enla tierra e me rrogauan que yo que pusiese y consejo porque non fuese, oue de enbiar por mercadores e por otros omes buenos de Castilla e de Leon e de Estremadura e del Andalusia, et venieron a mi a Xeres et auido mio consejo sobrello conellos e con don Alfonso mio tio e con mis hermanos et conlos perlados e rricos omes que y eran, catamos aquellas cosas que entendiamos que serian mas comunal mente e mas apro de todos, et porque se tollese la carestia e torrnase la tierra en buen estado. Et posimos lo enla guisa que veredes eneste escripto rrogandome ellos quelo otorgase e quelo fisiese tener. Et sobre esto juraron ellos e prometieron quelo guardarian. Et las cosas que y posimos son estas:
La moneda delos dineros alfonsis que yo mandé faser despues que començé la guerra quela confirmase para entodos mios dias e quela non creçiese nin menguase nin enla ley nin en [la] talla que agora es. Et yo touelo por bien. Et otorgolo que sea asi.
La dobla del oro vala tres mrs. et el mr. de oro alfonsi dos mrs., el marco dela plata fina quel den enla moneda por quinse mrs. et todo metal enque ouiere plata que se venda a esta rrason. Et el quintal del cobre trese mrs. enel Andalusia fasta el puerto del Muladar. Et dende adelante asi en Castilla como en tierra de Leon dose mrs. Et el quintal
del estanno ocho mrs. Et el quintal del plomo quatro mrs. Et el quintal del fierro dos mrs. e medio en todos los alfolis en Castilla e en Estremadura e en tierra de Leon e enel Andalosia, et los quelo aduxeren a vender de Balmaseda e desa tierra vala el quintal en Burgos tres mrs.; e dende fasta Duero tres mrs. e medio; et el fierro de termino de Auila e de Talauera que vala en Toledo e porel Estremadura el quintal a tres mrs.; et lo que troxeren a Seuilla por tierra aquende del puerto vala el quintal quatro mrs.; e lo que troxeren sobre mar vala el quintal a tres mrs.; a esta rrason vala el fierro de termino de Cordoua e de Costantina; et el que por mas vendiere ninguno destos quintales e metales sobredichos pierda aquello que vendiere, e si el preçio ouiere rreçebido pierdalo, la meytad sea para el quelo acusare e la otra meytad para mi.La mejor escarlata de Monpesler vala la vara seys mrs.; la mejor escarlata de Yncola çinco mrs. la vara; la mejor escarlata de Gante quatro mrs. la vara; el panno tinto de Canbray tres mrs. e medio la vara del mejor; el mejor panno tinto de Gante tres mrs. la vara; el mejor panno de Doay e de Ypres á dos mrs. e medio la vara, sacado ende bruneta prieta e naranje que vala a tres mrs. la vara; del mejor panno tinto de Roan vala el mejor la vara dos mrs. menos tercia; et la vara del mejor camelin de Gante e de Lilia e de Blaos e de blanqueta de Ypre e de blanqueta de Camuna a vn mr. e medio; yngles prieto la vara del mejor dies sueldos de dineros alfonsis; yngles de grana la vara del mejor tres mrs.; et del mejor yngles pardo seys sueldos de dineros alfonsis; la vara del mejor panno de Aboxuila dies sueldos de dineros alfonsis; el mejor panno de Santomer e sargas ocho sueldos de dineros alfonsis; la vara delos pannos de Papelingas la vara del mejor seys sueldos de dineros alfonsis; la vara del mejor panno de Ras seys sueldos e medio de dineros alfonsis; de Brujas la vara del mejor siete sueldos de dineros alfonsis; la vara dela valançina de cuerda la mejor çinco sueldos de dineros alfonsis; la vara dela mejor valançina rreforçada e de malbruja seys sueldos e medio de dineros alfonsis; la vara del mejor ensay e de Torrnayre seys sueldos de dineros alfonsis; la vara dela mejor befa ocho sueldos de dineros alfonsis; la vara del mejor ensay de Ypre e de Brujas dies sueldos de dineros alfonsis; frisas Destanpas la vara dela mejor medio mr. de dies dineros alfonsis; frisas de Casteldun la vara dela me-
jor tres sueldos de dineros alfonsis; la vara dela mejor tiritanna llana de Doay a nueue sueldos de dineros alfonsis; tiritanna vyada de Escanbie la vara dela mejor medio mr. de dineros alfonsis; pannos desta tierra del cardeno e del viado la vara del mejor dos sueldos de dineros alfonsis; e llano blanco quatro sueldos de dineros alfonsis la vara; el segouiano cardenos viados que fasen en Çamora la vara del mejor quatro sueldos de dineros alfonsis; el segouiano de Segouia la vara del mejor dies e ocho dineros alfonsis; la marfaga dela mejor çinco dineros alfonsis; la vara dela mejor blanqueta de Auila quatro sueldos de dineros alfonsis; la vara del mejor sayal quatro dineros alfonsis; la vara dela mejor frisa quatro sueldos de dineros alfonsis; la vara del mejor burel de Auila siete sueldos de dineros alfonsis; pannos tintos que fasen en Nauarra la vara del mejor dos sueldos e medio de dineros alfonsis; la vara dela mejor blanqueta de Nauarra dies e ocho dineros alfonsis.Dela nabidat adelante valan estos pannos sobre dichos en Castilla e en Leon del puerto del Muladar adelante enesta guisa; dela mejor escarlata de Monpesler la vara quatro mrs. e medio: la vara dela mejor escarlata de Nicola quatro mrs. ; e dela escarlata de Gante la vara dela mejor tres mrs. e medio; pannos tintos de Anbray, la vara del mejor veynte sueldos de dineros alfonsis; del mejor panno de Gante dos mrs. e tercia la vara; del mejor panno de Ypre e de Doay a dos mrs., sacando bruneta prieta e naranje que vala la vara del mejor dos mrs. e medio; e del mejor panno prieto de Roan la vara dies sueldos de dineros alfonsis; camilin de Gante e de Lilia, Blaos e blanqueta de Ypre e blanqueta de Camuna vala la vara del mejor de cada vno destos nueue sueldos de dineros alfonsis; la vara del mejor yngles prieto ocho sueldos de dineros alfonsis; la vara del mejor yngles de grana dos mrs. e tercia; la vara del mejor yngles pardo çinco sueldos de dineros alfonsis; del mejor panno de Aboxuila la vara ocho sueldos de dineros alfonsis; pannos de Sant-tomer e sargas la vara del mejor de cada vno destos seys sueldos e medio de dineros alfonsis; la vara del mejor panno de Papelingas çinco sueldos de dineros alfonsis; la vara del mejor rras çinco sueldos de dineros alfonsis; brujas la vara del mejor çinco sueldos e medio de dineros alfonsis; la vara dela mejor valançina de cuerda cuatro sueldos de dineros alfonsis; dela vara valançina rreforçada de malbruja la vara dela mejor çinco sueldos de dineros alfonsis; la vara del mejor ensay de Tor-
nay e de Torrnayre quatro sueldos e medio de dineros alfonsis; del ensay de Ypre e de Brujas a ocho sueldos la vara delo mejor; delas mejojores frisas Destanpas la vara tres sueldos de dineros alfonsis; la vara dela mejor befa seys sueldos e medio de dineros alfonsis; et delas frisas de Casteldum dos sueldos e medio la vara de dineros alfonsis; la vara dela mejor tiritanna viada de Escanbie a tres sueldos e medio de dineros alfonsis. Estos pannos sobre dichos valgan la quinsena parte mas enel Andalusia fasta el puerto del Muradal. Dela nabidat adelante en esta guisa: la vara dela escarlata mejor de Monpesler quatro mrs. e seys sueldos de dineros alfonsis; la vara dela mejor escarlata de Nicola quatro mrs. e dos sueldos de dineros alfonsis; la vara dela mejor escarlata de Gante tres mrs. e çinco sueldos de dineros alfonsis; delos pannos tintos de Canbray la vara del mejor a dos mrs. e seys sueldos e medio de dineros alfonsis; la vara del mejor panno tinto de Gante a dos mrs. e medio; panno de Ypre e de Doay a dies e VI sueldos de dineros alfonsis el mejor, sacando ende bruneta prieta e naranje que vala la vara del mejor tres mrs. menos terçia; panno tinto de Roan honse sueldos la vara del mejor de dineros alfonsis; camelin de Gante e de Lilia, blaos, blanqueta de Ypre, blanqueta de Camuna a dies sueldos la vara de dineros alfonsis; yngles prieto lo mejor a ocho sueldos e medio de dineros alfonsis; la vara del mejor panno de Abouilla la vara ocho sueldos e medio de dineros alfonsis; la vara del yngles de grana dos mrs. e medio; yngles pardo çinco sueldos e medio lo mejor de dineros alfonsis; la vara del mejor panno de Bouilla la vara ocho sueldos e medio de dineros alfonsis; el mejor panno de Sant-tomer e sargas siete sueldos de dineros alfonsis la vara; panno de Papelingas la vara del mejor çinco sueldos e medio de dineros alfonsis; la vara del mejor rras çinco sueldos e medio de dineros alfonsis; brujas la vara dela mejor seys sueldos de dineros alfonsis; valançinas de cuerda la vara dela mejor quatro sueldos e medio de dineros alfonsis; dela mejor valançina rreforçada e del malbruja çinco sueldos e medio la vara de dineros alfonsis; la vara del mejor ensay de Torrnay e de Torrnayre çinco sueldos de dineros alfonsis; delas vifas la mejor siete sueldos la vara de dineros alfonsis; el mejor ensay de Ypre e de Brujas la vara ocho sueldos e medio de dineros alfonsis; frisas Destanpas la mejor a tres sueldos e tres dineros la vara de dineros alfonsis; frisas de Casteldun la vara dela mejor a dos sueldos e ocho dineros alfonsis la vara; tiritanna llana de Doay a siete suel- dos la vara de dineros alfonsis; tiritanna viada de Escanbie la mejor tres sueldos e quatro dineros la vara de dineros alfonsis. Los pannos desta tierra valan en todo el rreyno asi como dicho es, saluo enel Andalusia fasta el puerto del Muladar que valan la quinsena parte mas.El mejor çendal doble de Luca dies e seys mrs.; e el mejor çendal rreforçado dose mrs.; e el mejor çensillo ocho mrs.; la mejor porpola de leste ocho mrs; la mejor svria dies e seys mrs.; el mejor çeçir dies mrs.; el viado ocho mrs.; el albaden rreforçado e porpolado çinco mrs.; el otro albaden sensillo dos mrs. e medio; tela de Rems la vara çinco sueldos de dineros alfonsis; tela de Trias tres sueldos de dineros alfonsis la vara. El que por mas vendiere los pannos e los çendales sobre dichos pierda aquello que vendiere; et sy el preçio ouiere rrecibido pierdalo e desta pena sea la meytad para el acusador e la otra meytad para mi.
Ninguno non enbastone pannos, nin los entalle, nin ponga orofres, nin panno sobre panno, nin çintas nin sirgo a ningunos pannos; e sy quisiere faser pannos a meytad fagalos e traya cuerdas cabeadas con oro o con plata sy quisiere, mas que sean de un palmo en luengo, et que pongan sy quisieren arminno e nutria perfilado de punta en punta derecho e non de otra guisa; e ninguno non traya camisa acuerda. Et las duennas fagan quales pannos quisieren e con tales adobos que cuesten fasta dosientos mrs. el par delos pannos e non mas. E qualquier que de otra guisa troxere los pannos e a mas desto pasare, si fuere rrico omme pierda la tierra que touiere de mi; et sy fuere cauallero o otro fidalgo quel echen dela tierra; et sy fuere otro omme peche los pannos doblados; et synon ouiere de quelos pechar trayanlo rrecabdado para mi.
Ningunt judio non traya penna blanca, nin çendal, nin çapatos escotados en ninguna guisa, nin silla dorada nin argentada, nin freno dorado nin argentado, nin espuelas doradas nin argentadas, nin calças vermejas, nin panno tinto ninguno, synon pres o bruneta prieta o yngles o ensay, nenguno fueras aquellos que yo mandare. Et que ningund judio non aya nonbre de cristiano en ninguna manera; et el que se llamare por nonbre de cristiano pierda el cuerpo e lo que ouiere. Et las judias puedan vestir pannos tintos en pennas blancas con perfil de nutria, et non vistan escarlata nin naranje, nin penna vera, nin arminno trayan, nin cuerdas con oro, nin orofres, nin çintas nin tocas
con oro, nin çueco, nin çapato dorado, nin bocas de mangas con oro nin con seda.Otrosy los moros que moran enlas villas que son pobladas de cristianos que anden çerçenados en derredor o el cabello partido sin copete, e que trayan las baruas luengas como manda su ley; et non trayan çendal, nin pennas blancas, nin panno tinto, synon como sobre dicho es delos judios, nin calçen calças vermejas nin çapatos dorados, blancos nin prietos, escotados. Et las moras eso mesmo enel vestir, nin enel calçar que es de suso dicho delas judias. Et el judio o el moro o la judia o la mora que de otra guisa vistiere, nin troxere otros pannos synon como aqui dise, por la primera ves peche çient mrs, et por la segunda dosientos mrs., et synon ouiere de quelos pague trayanlo ante mi rrecabdado; et todo quanto que ouiere tomenlo para mi por escripto e por rrecabdo.
Los pannos faser en el Andalusia fasta el puerto del Muladar cuesten tanto como aqui sera dicho: manton e garrnacha e saya e calças de varon, coser e tajar pannos sin arminnos e syn nutria e syn otro adobo ninguno medio mr.; et con perfil dies sueldos de pepiones; el manton asu parte con penna tres sueldos de pepiones, e syn penna dies e ocho pepiones; garrnacha escotada con penna dos sueldos de pepiones, e syn penna vn sueldo de pepiones; pellote o garnacha con mangas con penna tres sueldos de pepiones, e syn penna la meytad; pannos de duenna planos syn adobo dose sueldos de pepiones; e con perfil e con otro adobo vn mr. Et del puerto del Muladar adelante contra Castilla et en tierra de Leon e en Estremadura el par delos pannos de varon coser e torrnar manton e garrnacha e saya e calças con perfil de arminno e de nutria medio mr., et syn nutria e syn arminno vna terçia de mr. ; e manton e garrnacha e saya de duenna con arminno e con perfil derecho vn mr., e syn arminno çinco sueldos de dineros alfonsis; et las calças forradas coser e torrnar quatro dineros alfonsis, e syn aforraduras tres dineros alfonsis. Et el alfayate que mas tomare por ninguna destas cosas sobre dichas que peche otro tanto como valen los pannos, la meytad sea para el acusador e la otra meytad para mi; et synon ouiere de quelo pechar rrecabdenlo e trayanlo para ante mi.
Perpunte faser de nueuo e cobrir sy fuere de sennales vn mr. e medio, e llano vn mr. et esto enel Andalusia fasta Toledo; et en Toledo e dende adelante en Castilla e en Leon faser e cobrir perpunte de sennales vn mr.; e llano medio mr.; las coberturas cagueras cuesten las
mejores coser de sennaces vn mr. e medio, e las llanas dies sueldos de pipiones; e segunt desto quien quisiere faser las delanteras; et esto en todo el rreyno. Et el que mas tomare para faser perpuntes e coberturas desto que sobre dicho es, peche otro tanto como valieren los perpuntes e las coberturas, la meytad sea para el quelo acusare e la otra meytad para mi; et synon ouiere de quelo pechar trayan lo rrecabdado ante mi.Las pennas valan desta guisa: la mejor penna blanca enel Andalusia e fasta la sierra de Auila, e de Segouia asi como es dela vna parte contra Toledo vala dies mrs. la mejor; e dela otra parte asi en Castilla como en Leon e en Estremadura vala la mejor penna blanca dose mrs.; la de siete tiras çinco mrs.; la de seys tiras quatro mrs.; la de çinco tiras dos mrs. e medio; la penna genouesa quatro mrs.; la de aparaduras vn mr.; la blanquicoxa vn mr. e medio; blanquiconeja dos mrs.; la de corderinas tres mrs.; alifafe de lomos de conejos quinse mrs.; alifafe de esquiroles quinse mrs.; alifafe de çeruales dose mrs.; alifafe de ginetas veinte e çinco mrs.; e de conejos çinco mrs.; e de liebres dos mrs. e medio; piel de corderos que ha nonbre falifa dos mrs. e medio; la otra piel dos mrs.; piel de cabritos vn mr. e medio; piel de carneros vn mr. e vna meaja; et todas estas pennas e los alifafes e las fieles quelas fagan tan conplida mente como solian ser; la penna vera vala çinquenta mrs. ; penna de gris çinquenta mrs.; penna de landesma ocho mrs.; e la mejor dosena de arminnos ocho mrs.; la mejor dosena de nutrias veynte e çinco mrs.; la dosena delas gorias delas nutrias seys mrs.; la dosena delas ventriscas delas nutrias dose mrs.; cuerdas de duenna de Monpesler con oja de seda tajada ocho mrs. Et qual quier que ninguna destas cosas sobredichas vendiere por mas preçio pierdalo; sy el preçio ouiere rreçebido pierdalo, la meytad desta pena sea para el acusador e la otra meytad para mi.
Las armas valan enesta manera: escudo e silla guarnidas fasta las tajuelas con cuerdas e con correas asi como la vsaron dar fasta aqui, e pintar capiello veynte e çinco mrs.; sylla pintada de rroçin que non sea con sennal con freno e con petral e con espuelas doradas dose mrs.; sylla de sennal quanto se abinieren el vendedor e el conprador. Et el armero faga las armas escudo e sylla e capillo e freno de aquel talle e de aquella manera quel conprador las mandare faser. Sylla rrasa de freyles seys mrs.; sylla gallega con ..... e con estriberas doradas dose
mrs.; sylla cardena de clerigo con freno e con espuelas argentadas quinse mrs. ; sylla e freno de troxa quatro mrs. Et el que por mas vendiere las armas e ninguna cosa desto sobre dicho, peche lo doblado, la meytad sea para el acusador, e la otra meytad para mi.Los cueros con que encueran los escudos e las syllas que sean de cueros de cauallos o de mulos o de mulas o de asnos; et quelos non conpren los çapateros nin los vayneros en ninguna guisa, mas los visoneros quelos conpren; et sy otro los conprare, pierda los cueros e peche dies mrs. la meytad sea para el acusador e la otra meytad para mi. Et sylos visoneros conal encoraren, que pierdan aquello que fisieren con otros cueros, la meytad sea para el acusador e la otra meytad para mi.
Ninguno non saque de mis rreynos ninguna mercadoria por tierra synon por aquellos lugares que son puestos. Mas por que son menester de fuera del rreyno oro, plata, cobre e pannos por auer abonado dello, aquellos ommes quelo aduxeren puedan sacar todas las mercadorias que son enla tierra, sacando ende oro e plata, cauallos e todas las otras bestias, bueyes, vacas, puercos e toçinos e todos los otros ganados viuos nin muertos; nin saquen cabrunas nin carrnerunas nin cabritunas nin otra coranbre ninguna por adobar, nin seda en ninguna guisa, nin lana por filar, nin pan, nin vino nin otra vianda ninguna, que acuerdan que finquen enla tierra, nin saquen açores nin falcones nin otras aues ningunas de caça. Et ninguna destas cosas que non saquen ningunas cosas destas sobre dichas por mar nin por tierra; et qual quier que algunas destas cosas fallare sacando del rreyno, tomelo todo, e aya ende la meytad el acusador e la otra meytad sea para mi; et aquel quelo fallaren sacando prendan lo e trayan lo preso ala uilla o al aldea que mas acerca fuere, e den lo alos alcalles o al merino o ala justiçia del lugar que me lo digan e yo fare aquel escarmiento que touiere por bien.
El cuero dela vaca o del buey valga el mejor en todos mis rreynos dos mrs., synon en Gallisia e en Asturias de Ouiedo, que non vala mas de vn mr. el mejor delos de alla de la tierra; el vestido delos conejos quatro mrs.; e la arroua dela çera siete mrs.; la dosena delos cordouanes, que pese quarenta libras, dose mrs.; la dosena delas cabritunas adobadas con çumaque tres mrs.; la carga dela filasa enque aya quarenta arrouas treynta mrs.; seuo el arroua vn mr. El que por mas vendiere ninguna destas cosas pierda aquello que vendiere; e sy el presçio ouiere reçebido por ello pierda lo, la meytad sea para el acusador e la otra meytad para mi.
Las aues para caçar vendan se enesta manera: açor mudado garçero cinquenta mrs.; el mejor açor mudado anadero treynta mrs.; el mejor açor pollo que caçare quinse mrs.; el mejor açor pollo que non caçare siete mrs.; el mejor açor de tres negras tres mrs.; el mejor açor torçuelo mudado ocho mrs.; el mejor açor torçuelo pollo que caçare perdis çinco mrs.; el mejor açor torçuelo que non caçare dos mrs.; el mejor falcon borrni ante que caçe tres mrs., e despues que caçare dies mrs.; falcon borrni araniego ante que caçe çinco mrs., e despues que caçare dies mrs.; falcon sacre dies mrs.; falcon nebli seys mrs., e despues que fuere mudado quinse mrs,; et los torçuelos que valan la meytad, cada vno en su guisa. Et el que por mas vendiere ninguna destas aues tomen gela e peche dies mrs., la meytad para mi e la otra meytad para el quelo acusare.
Non tomen hueuos de açores nin de gauilanes nin de falcones, nin saquen del nido açores nin gauilan fasta que sea de dos negras; et los falcones quelos non tomen fasta mediado el mes de abril; et que non tomen açor nin falcon nin gauilan yasiendo sobre sus hueuos, nin fasiendo su nido, nin mientra que touiere fijos o hueuos; et açor mudado nin falçon nin gauilan nin falcon borrni nin bahari quel non tomen de vna muda adelante; et los sacres quelos tomen pollos como mejor pudieren, e los falcones neblis quelos non tomen de dos mudas adelante. Et el que de otra guisa los tomare peche veynte mrs., la meytad para mi e la otra meytad para el quelo acusare.
Los cauallos e las otras bestias e los ganados valan en esta guisa en todos mios rreynos, synon en Gallisia e en Asturias de Ouiedo que an de valer de otra guisa: el mejor cauallo dosientos mrs.; e el mejor rroçin çient mrs.; mulo o mula setenta mrs.; la mejor yegua treynta mrs.; el mejor asno de carga siete mrs.; el mejor asno de yeguas veynte mrs.; delos ganados el mejor buey domado nueue mrs.; et que non maten buey synon por veges o por descornadura o por tal cosa que non sea para labor, et quelo muestre ante, aquel quelo quisiere matar: el mejor nouillo brauo siete mrs., e quelo non maten si fuere para labor; la mejor vaca parida con su fijo seys mrs., syn fijo çinco mrs.; el mejor carnero çinco sueldos de dineros alfonsis; la mejor oueja parida con su fijo çinco sueldos de dineros alfonsis; el mejor cordero biuo vna quarta de mr.; el mejor cordero desollado quinse dineros alfonsis; la mejor cabra con su fijo çinco sueldos de dineros alfonsis, syn fijo medio mr.; el mejor
cabron seys sueldos de dineros alfonsis; el mejor cabrito viuo dies e ocho dineros alfonsis; el mejor puerco engrossado de casa tres mrs.; el mejor puerco de tres annos dos mrs.; el mejor puerco de dos annos dies sueldos de dineros alfonsis; el mejor puerco de vn anno çinco sueldos de dineros alfonsis; la mejor puerca vn mr.; el jaualy que se venda por este preçio segund de qual tiempo fuere; el mejor toçino de puerco que se venda vn mr.; el mejor lechon para comer quatro sueldos de dineros alfonsis; la mejor gallina quatro sueldos de dineros alfonsis; el mejor pollo quatro dineros alfonsis; la mejor anade siete dineros alfonsis; el mejor par de perdises enel Andalusia e enel Estremadura dies pepiones, e en Castilla e en tierra de Leon dies dineros alfonsis; el par delos palominos en Castilla tres pepiones e enel Andalusia seys pepiones; el mejor conejo desollado quatro dineros quales corrieren enla tierra; la liebre çinco dineros alfonsis. Et el que por mas vendiere ninguna destas cosas tomen le aquello que vendiere, et sy el preçio ouiere rreçebido pierdalo e peche dose mrs., la meytad para mi e la otra meytad para el acusador.En Gallisia e en Asturias de Ouiedo valan los cauallos e las otras bestias e los ganados desta guisa: el mejor cauallo quatroçientos sueldos de dineros alfonsis; la mejor yeua braua quarenta sueldos de dineros alfonsis; el mejor potro de cabestro veynte sueldos de dineros alfonsis; la mejor yegua mansa de carga sesenta sueldos de dineros alfonsis; el mejor buey treynta sueldos de dineros alfonsis; la mejor vaca parida con su fijo veynte e çinco sueldos de dineros alfonsis; la mejor potra de cabestro veynte e quatro sueldos de dineros alfonsis; el mejor nouillo de tres annos dies e seis sueldos de dineros alfonsis; la mejor nouilla de tres annos dies e siete sueldos de dineros alfonsis; la mejor puerca çinco sueldos de dineros alfonsis; el mejor puerco ocho sueldos de dineros alfonsis; el mejor carnero dos sueldos de dineros alfonsis; la mejor oueja dies e ocho dineros alfonsis; la mejor cabra dos sueldos de dineros alfonsis; el mejor cabron tres sueldos de dineros alfonsis; el mejor cabrito nueue dineros alfonsis; el mejor cordero ocho dineros alfonsis; la mejor ansar seys dineros alfonsis; el mejor capon siete dineros alfonsis; la mejor gallina siete dineros alfonsis; la mejor perdis quatro dineros alfonsis; la mejor liebre çinco dineros alfonsis; el mejor conejo desollado dos dineros alfonsis; hueuos ocho por vn dinero e un mr. alfonsy. El que por mas vendiere ninguna destas cosas tomen le aquello que vendiere, e sy el preçio ouiere rreçebido pierdalo, e peche dose mr., la meytad para el acusador e la meytad para mi.
El mejor sollo quatro mrs.; el mejor salmon dos mrs.; el pero vn mr., en Castilla e enel Andalusia dies sueldos de pepiones; quatro salualos vn mr.; lampreas tres por vn mr.; secas ocho a mr.; congrio el mejor dos mrs.; pixota fresca en Castilla quinse dineros alfonsis, aquende de Duero vna quarta de mr. ; et de ayuso ponganlo los alcalles e las justicias por conçejo segund fueren los lugares en aquella guisa que entendieren que sera mas comunal .....
..... cadera Ferrol Bayona de Minor la Guarda Tuy es puesto enlas villas do se an ayuntar las mercadorias, mas es puerto; en Gallisia ay otros puertos, mas non sacan por y synon sayn de pescado e son estos: Ponte vedra Padron Noya.
Enel Andalusia, Huelua Cales Bejer Seuilla Xeres son puertos; mas son puestas en las villas do se han ayuntar las mercadorias, e son y puestos los ommes que han a tomar los fiadores delos mercadores.
En tierra de Murçia, Helche Cartajena e Alicante son puertos; mas son puestos enlas villas do se han ayuntar las mercadorias et son y puestos los ommes que son que han a tomar los fiadores delos mercadores.
Los ommes que han a tomar los fiadores enlos puertos sobre dichos son estos: en Sant Ander Bernalte dela Obra, Pero Roys de Ferrera. Enel Aredo don Peres, el alcallde Pedro Barranca. En Castro de Ordiales Pero Diuisa, Pero Arnalte, Salamon. En Sant Sebastian Guillen Peres de Mara, el prioste Martin Garcia de Arnaua. En Fuent rrabia Garçi Johan e el preboste. En Huelua Johan de la Perula, Pero Martines de Caçalla e Alfonso Peres. En Cadis Diego Peres fijo de Pero del Llano, Pero Alfonso omme del rrey. En Bejer Domingo Johan mercadero, Ferrand Domingues omme del rrey. En Helche Gonçalo Yañes alguasil, Domingo Peres escriuano, Pero Benito mercadero. En Abille Domingo Gomes, Alfonso Peres dela Canal. En Ribadeo Johan Rodrigues fijo de Ruy Gomes, Pay Badiol. En Biuero Martin Peres fijo de Pero Amigo, Ferrand Mexia. En Betanços Pero Peres Bufon, Martin Martines. Enla Corunna Arias Chicote, Alfonso Peres. En santa Marta Martin Piqueros e frey Miguell. En Çedera Pero Boçado e Pedro Mamelo. En Ferrol Pero Peres, don Bermudo. En Bayona de Minor Juan Vidal e Martin Peres de Vançar. Enla Guarda Johan Alfonso. En Pont
vedra don Clemeynte e Pay Johanes. Enel Padron Pero Yanes Folloa, Ferrand Martines. En Noya Pero Beterrno, Martin Arias.Estos ommes sobre dichos que son puestos en estos puertos cuenten todas las mercadurias que quisieren por y sacar, e sy fallaren que ay mas de aquello que dise enlas cartas que dyeron fiadores, por lo de mas tomen otros fiadores, e den su carta sellada con sus sellos de quanto es todo lo que lieuan aquellos que por y lo sacaren; por que si por aventura ala venida en otros puertos arribaren, que muestren aquellos que han esto de veer quanto es aquello que han de adosir; et los que esto uieren enlos puertos por mi cuenten todas las mercadorias que aduxeren de fuera del rreyno, et si fallaren que aduxeron menos delo que leuaren, tomen fiadores delos mercadores quelo adugan otra vegada; et sy ala segunda vegada non lo troxeren quelo pechen ellos o los fiadores doblado; et sy aduxeren mas delo que leuaron que tanto como lo que aduxeron de mas que gelo dexen leuar otra ves.
Sy algund mercadero o otro omme fuere fallado en todos mios rreynos sacando ningund auer por mar nin por tierra delos que yo defiendo, por ninguna parte fuera delos rreynos nin por otros puertos, synon por estos que son sobre dichos, o sy cargare enla nao mas auer de quanto dixere enlas cartas quel dieren aquellos quelo han de veer, tomen le todo quanto quel fallaren por escripto e por rrecabdo et rrecabden le el cuerpo para ante mi.
Et los ommes que son puestos enel puerto para faser esto, por quelos maestres delas naos son de otras tierras fagan les saber esto que yo mando, et sy algund maestre cargare en su nave ninguna merchandia de dia nin de noche syn mandado destos quelo han de veer por mi enlos puertos, tomen le la nave e rrecabden le el cuerpo para ante mi: et sy ellos non fisieren saber ante alos maestres esto que yo mando e en esta manera erraren los maestres, sean quitos dela pena e los otros la ayan asi como ellos la deuen auer.
Las medidas e los pesos e las varas sean todas vnas, que son estas: la medida mayor del pan sea el cafís toledano en que aya dose fanegas e la fanega en que aya dose çelemines e el çelemin en que aya dose cucharas; et segund la contia delo que valieren fagan dinaradas e meajadas de pan, et pongan peso por quelo fagan las panaderas; e la panadera que fuere fallada que pan menguado fase pierda el pan menguado, et peche vna terçia de mr. et el pan menguado que tomaren den lo por Dios. Et la mayor medida del vino sea el moyo de Seuilla en que aya dies e seys cantaras, e la cantara que sea medida e ochauo, e dende
ayuso medidas quantas ouieren menester por que conpre cada vno lo que quisiere; et al que fallaren que falsa medida touiere peche sesenta sueldos dela moneda que fuere enla tierra, e quebranten le las medidas ante las puertas. Et las rrentas e las enforçiones que ha de auer el rrey enla tierra e los otros ommes, e las debdas que son fechas que se an de pagar o de dar por medida segund dela quantia dela que deuen a dar, quelo den a estas medidas, e que paguen por ellas de aqui adelante quanto acaesçiere; a rrason delas medidas midanlo e paguen por estas e non por otras. Et el peso mayor de la carrne sea el arrelde de Burgos en que ha quatro libras, e del arrelde fagan medio, quarto e ochauo, e dende ayuso deçenda quanto menester ouieren por que pueda cada vno conprar quanto quisiere. E todos aquellos que vendieren, et tengan las medidas todas delo que vendieren tan bien las mayores como las medianas como las menores e vendan por ellas, e el vendedor dé al conprador por qual medida destas demande de aquello que quisiere conprar. Et delos pesos sea el marco alfonsi que es este que vos enbio en que ha ocho onças e en la onça ha media, quarta e ochaua, e libra en que ha dos marcos que son dies e seys onças; e el arroua que sea tal en que aya ueynte e çinco libras, e el quintal aya quatro arrouas que sont çient libras. Et todos los pannos de lana, quier de lino, que sean de medir por vara, midanlos por esta vara que vos envio e conla pulgada con que se suele medir. Et todas estas cosas sean tenidas e guardadas que por preuillejo nin por otra carta que ninguno aya non lo dexen de guardar e de tener; e qui ninguna destas cosas cresiere o menguare o pasare o midiere con otros pesos o con otras medidas o con otras varas, por la primera ves quelo fisiere peche veynte mrs., la meytad para el quelo acusare e la meytad para mi; et la segunda vegada quelo fisiere peche veynte mrs. dela pena, e rrecabden le el cuerpo e quanto que ouiere con escripto e con rrecabdo, e a el trayan lo para ante mi. E otrossy en rrason delos pesos e delas medidas quelos fieles o aquellos que son puestos para ver las, quelo vean vn dia enla semana o al mes quatro veses si vieren que es menester.Ningund mercadero nin menestral non sea osado de se cotear con otros sobrelos meesteres nin sobre las mercadurias que ouieren de vender, e sy alguno lo fesiere peche veynte mrs., la meytad aya el que lo acusare, e la otra meytad para mi; e sy el acusador fuere de aquellos que se acotaron sea quito de la pena.
Ningund corredor non conpre la mercaduria de que fuere corredor para rreuender, e el quelo fisiere peche tanto como valiere la merca-
doria que conprare de que era corredor, e la meytad sea para el quelo acusare, e la otra meytad para mi; e synon ouiere de quelo pague, rrecabden le quanto que ouiere por escripto e a el trayanle ante mi bien rrecabdado; e la justiçia o el merino o el alguasil que fuere enel lugar tomen fiadores delos corredores que sy alguno lo fisiere que peche la pena que yo mando.Que ningund cristiano non aya cabdalero moro nin judio, nin moro non aya cabdalero cristiano; el quelo fisiere pierda el cabdal, la meytad sea para el acusador, la meytad para mi.
Ninguna cristiana non more con judio nin conjudia, nin con moro nin con mora, nin los siruan nin crien sus fijos; e la quelo fisiere sea sierua del rrey, e el judio o el moro con que morare o a quien siruiere o a quien criare su fijo, peche cient mrs., la meytad para el acusador, la meytad para mi.
Ninguna judia nin mora non crie asu leche fijo de cristiano nin gela dé; la quelo fisiere sea mi sierua, e el preçio que valdria sy se vendiese que dé yo la meytad al acusador.
Los mançebos valan enel Andalusia fasta el puerto del Muladar dose mrs. al anno por soldada, e del puerto del Muladar en adelante fasta en Toledo e en Toledo seys mrs. al anno por soldada, e de Toledo en adelante en toda Estremadura fasta Duero quatro mrs., e de Duero en adelante fasta Castilla fasta el camino frances seys mrs. al anno por soldada, e del camino adelante quatro mrs. , e en toda tierra de Leon desde Mont molin adelante fasta el camino frances seys mrs. al anno, e del camino frances adelante fasta en Gallisia quatro mrs., e en Gallisia asy como suelen valer; et estos sean los mejores ommes de soldada e los que mas valieren. Et la mançeba vala seys mrs. al anno por soldada enel Andalusia e en Castilla e en tierra de Leon asy como suelen valer. El ama para criar fijo dies mrs. enel Andalusia ala que mas dieren, e en Castilla e en tierra de Leon den les asy como les suelen dar. El peon con su açada e con su foçe aya por jornal al dia enel mes de jullio e de junio e de agosto tres sueldos de pepiones cada dia por jorrnal al que mas dieren, e esto enel Andalosia fasta el puerto del Muladar adelante asy en Castilla como en tierra de Leon; e en Estremadura vala el peon al dia para cauar con su açada siete dineros alfonsis, el podador ocho dineros alfonsis, e quel non den a comer.
Alos carpenteros e alos albannis e alos maestros de faser casas o otra carpenteria qual quier enel Andalusia den al mejor por jornal quatro sueldos de pepiones, e al maestro de tapiar con sus tapiales tres suel-
dos e medio de pepiones, e syn tapiales tres sueldos, e queles non den de comer; et las mujeres e los moços para vendimiar e para dar tierra e para las otras cosas quelos ouieren menester den a cada vno vn sueldo de pepiones cada dia por jorrnal, e esto fasta el puerto del Muladar adelante asy en Castilla como en tierra de Leon; e en Estremadura den al mejor maestro para asentar canto tajado dos sueldos de dineros alfonsis, e al otro maestro de labrar cal o piedra manpuesta o carpentero de faser casas o de adobar cubas, den le vn sueldo de dineros alfonsis cada dia por jornal; e al maestro destapiar con sus tapiales vn sueldo de dineros alfonsis cada dia por jorrnal, e syn tapiales ocho dineros alfonsis, e den que coman a estos maestros; las mujeres e los moços para vendimiar e para dar tierra e las otras cosas denles tres dineros alfonsis cada dia por jorrnal.Las asemilas vala el par dose mrs. al mes, e quelas gouierne aquel cuyas fueren, e esto sea enel Andalusia fasta el puerto del Muladar, e del puerto del Muladar adelante que vala ocho mrs. el par de las asemilas al mes.
Tafurerias de dados nin de otro juego ninguno non se fagan en todo el rreyno por ninguna manera, nin pongan tableros conosçidos nin den dineros a onsenas nin atablaje, nin se ayunten tafures en plaça nin en tauerna nin en otra casa ninguna; e sy en casa del rrico omme se fisiere, viede gelo el rrico omme, e synon gelo vedare pierda el mio amor, saluo ende caualleros de su casa que jueguen tablas o xedres o pequenno juego, de guisa que se non desbaraten delo que touieren; e sy en casa de caualleroo de otro fidalgo se fisiere echenlo dela tierra, et sy fuere en casa de otro omme peche çient mrs., e synon ouiere la valia rrecabden le el cuerpo para ante mi; e otros que fueren fallados jugando de otro juego en que se pierdan dineros do quier quelos fallaren pechen cada vno dies mrs., la meytad para el quelo acusare e la otra meytad para mi.
Ningund peon non ande baldio e sy lo fallaren dé rrecabdo con quien ande, e sy lo non diere prendanlo, e sy fuere omme que ande comiendo delo ageno pidiendolo o tomandolo por fuerça o rrobandolo o prendandolo, enforquenlo por ello; e sy fuere labrador e non quisiere labrar prendanlo e faganlo labrar por fuerça, e sy lo non quisieren tomar a soldada por este preçio sobre dicho, prendanlo e tenganlo preso fasta que dé buenos fiadores que sirua el tienpo para lo que quisieren.
Todos aquellos que troxeren las baruas luengas synon fueren catiuos, que a los caualleros e a los escuderos fijos dalgo queles tomen por
rrecabdo lo que ouieren e queles tomen buenos fiadores que vengan ante mi a quarenta dias e alos otros quelos enbien a mi rrecabdados por catiuos.Ningund cauallero nin escudero nin otro omme de uilla non traya cuchillo mayor de vn palmo e vna mano trauiesa, e que sean pregonados fasta tres mercados, e despues que fuere pregonado aquel quelo vendiere e el quelo conprare que el merino e la justiçia del lugar que gelos tomen e peche cada vno dies mrs. fasta dos vecss, la meytad sea para el quelo acusare, e la otra meytad para [mi]; e sy mas lo troxere peche el coto sobre dicho e tomen le quanto que ouiere por escripto, e rrecabden le el cuerpo para ante mi; e el ferrero quelos fisiere que gelos tomen todos e peche dies mrs.
Nynguno non sea osado de poner fuego para quemar los montes, e al quelo fallaren fasiendo quelo echen dentro, e si lo non pudieren faser quel tomen quanto oviere.
Ninguno non dé nin tome ningunas donas en rruegode casamiento por su parienta, nin el nouio non dé ninguna cosa a ninguno synon las arras o las donas que oviere a dar a su mujer; e qual quier quelo diere o lo tomare peche lo doblado con çient mrs. de pena, e la meytad sea para el acusador, e la otra meytad para la labor delos muros, e los çient mrs. para mi. Et que non coman alas bodas mas de çinco varones e çinco mujeres de partes del nouio, e otros tantos de parte dela nouia, e syn la conpanna de su casa, e estos syn el padrino e la madrina e el padre e la madre delos nouios, e que non duren las bodas mas de dos dias; e sy el padre o la madre de los nouios o el nouio o la nouia o el fasedor delos nouios e dela boda mas conbidare, que peche por cada omme dies mrs., e que non coman en otra casa synon enla [dela] boda. Et sy alguno criare pariente o parienta o otro criado alguno que non ouiere padre o madre, aquel quelo crió vaya en lugar de padre, e del dia dela boda fasta vn mes que non le enbien presente ninguno nin conbide mas ommes de quantos sobre dichos son; e aquel quelo fisiere peche la pena sobre dicha, la meytad sea para el acusador, e la otra meytad para mi. Et el que casare non dé a su mujer mas de dos pares de pannos alas bodas que cuesten dosientos mrs., e el que dende arriba diere que peche otro tanto como aquello que diere demas, la meytad sea para el acusador, e la otra meytad para mi; e sy lo fisiere en poridat que pierda el cuerpo por ello.
Nynguno non faga cofadrias nin juras malas, nin ningunos malos ayuntamientos que sean adanno dela tierra e mengua de mio sennorio, synon para dar a comer a pobres o para luminar o para soterrar muer-
tos o para cohuerços que se coman en casa delos muertos, e non para otros paramentos malos; e que non aya otros alcalles ningunos para judgar las cofadrias synon los que fueren puestos por mi enlas uillas o por el fuero; e alos quelo fisieren, al cuerpo e a quanto que ouieren me torrnare por ello, e el alcallde que recibiese esta alcalldia sepa que perdera quanto que ouiere e sera el cuerpo a mi merced. Et las cofradias que son fechas enesta rrason que se desfagan luego, synon sepan que caeran enesta pena sobre dicha.Ninguno non faga prendas de vna uilla a otra nin de vn lugar a otro, e sy alguno ouiere querella de otro quelo querelle alos alcalles del lugar onde fuere el demandado, et ellos fagan le luego derecho; e sy lo non fisieren querellenlo al merino o a la justiçia del lugar, e el fagalo luego auer derecho, e faga alos alcalles que pechen al querelloso la costa que fiso por mengua dellos todo doblado; e sy prenda ouiere de faser, quela faga el merino o la justiçia del lugar e non el demandador por sy. Et el que de otra guisa lo fisiere peche la prenda que fisiere doblada con el danno que y veniere, e el doblo sea la meytad para mi e la otra meytad para el querelloso conel danno que y ouiere rreçebido.
Ninguno non sea osado de prendar bestias nin bueyes de arada, nin destejar casas, nin leuar las puertas dellas, nin por los mios pechos nin por otra cosa ninguna; e el que non ouiere otra cosa de que dar el pecho, o aquello ouiere a dar, tomen de su heredat o las casas o pregonenlo a otros mercados, e vendanlo por quanto quier que dieren por ello, e tomen dende el mio pecho o aquello que ouieren a dar conla pena que y fuere puesta, e lo demas denlo a su duenno. E qual quier que de otra guisa prendare peche los bueyes doblados a su duenno e el danno e el menoscabo que rrecibió.
Mando quelosjudios que non den a husura mas de quatro por çinco, e esto mismo mando alos moros que dan avsuras, ca tengo quelos cristianos non deuen dar a vsuras por ley nin por derecho; et por que en este fecho non se pueda faser encubierta mala ninguna, mando que quando el cristiano ouiere de sacar debda del judio o del moro, o de rrenouar carta o de sacar dineros sobre pennos, o de faser algund pleito con alguno de ellos o en otra manera qual quier que en esta rrason tenga, quelo non pueda faser a menos de ser delante el escriuano del conçejo de aquellos que son dados para faser estas cartas, e que sean ante cristianos e judios; e sy fuere entre cristianos e moros que se faga otrosi ante cris-
tianos e moros que sean y por testimonio; e que jure aquel cristiano que non fase aquella carta mas de quatro por çinco, nin ha de pagar mas por ella, nin dar pan nin dineros nin otra cosa alguna en rrason de aquella debda a el nin a otro por el. E otrosy que jure el judio o el moro que diere la debda que non la da mas de quatro por çinco, nin rreçiba mas de quatro por çinco, nin tomará pan nin dineros nin otra cosa alguna en rrason de aquello que da el nin otro por el. Et sy alguno quisiere echar pennos que valan fasta dos mrs. non mas, que los pueda echar syn proeua ninguna, mas dende arriua que non pueda syn estas proeuas que auemos dichas de suso, e jurando todauia sy acaesçiere contienda sobre aquel penno, que el judio o el moro non dio mas de quatro por çinco, e otrosy el cristiano. que non rreçibió, e el judio o el moro que rreçibiere pennos en qual quier guisa, quier ante testigos como sobre dicho es e despues gelo demandaren por rrason de furto o de fuerça, sea escusado dela pena del furto o dela fuerça, mas non se pueda defender de faser derecho al quela demandare por suya segund el fuero del lugar; et el judio o el moro que tomó a pennos aquella cosa torrne se por la debda que auia sobre ella a aquel de quien tomó los pennos; e estas juras van escriptas en este libro como se deuen faser e rreçibalas el escriuano ante las testimonias ante que fagan la carta; e sy el debdor quisiere pagar toda la debda o [parte] della paguela antel escriuano o ante aquel omme o ante aquel escriuano o ante las testimonias como sobre dicho es, e el escriuano desfaga luego la nota de su libro e rronpan la carta sy la pagaren toda; e sy pagare ende alguna cosa faga carta nueua de aquello que finca e meta lo en su libro e rremate la otra carta que fue fecha primera mente, et aquello que pagare que sea descontado del cabdal que sacó e delas vsuras que fisieron fasta aquel dia, et delo que fincare del cabdal por pagar cresca la vsura segund la quantia que finca asy como sobre dicho es; e sy alguno quisiere faser su paga de toda la debda e troxere los dineros por dar los aquel quelos deue, e non lo pudiere auer o non quisiere rreçebir la paga, faga testigos que viene por pagar e meta los dineros en mano delos alcalldes o de alguno otro omme bueno en que sea seguro, e den gelos ante testigos por dar los aquel aquelos deue a dar, e de ally adelante non logren. Las cartas que fueron fechas ante desto que non valan mas del dia e dela ora que fueron fechas fasta dose annos; et estas quelas puedan demandar fasta esta nabidat primera que viene. Et las que fueren fechas de aqui adelante quelas non puedan demandar nin valan mas de fasta quatro annos dela era dela carta que fue fecha la debda. Et esto non se entiende por los rricos ommes nin por aquellos que tienen tierra de mi. Et los porteros e los otros ommes que ovieren de faser las entregas delos judios o delos moros, mando quelas non fagan amenos delos alcalldes o delos jurados, e sylos non pudieren auer fagan las con otros ommes buenos. Et aquel que fuere fallado que contra este mio mandamiento pasare, quier sea cristiano o judio o moro, por qual manera quier quelo fisiere, mando alos merinos e alos alcalles e alas nuestras justiçias que fueren enlas villas o a qual quier dellos quel rrecabden el cuerpo e todo quanto que ouieren para ante mi.Los cristianos deuen jurar asy: deuen poner las manos sobre los santos euangellos, e sobre la crus e sobre el altar, e el que tomare la jura de aquel que deuiere jurar halo de conjurar desta guisa: vos me jurades por Dios padre que fiso el cielo e la tierra, e todas las otras cosas que enellos son, e por Iesuchristo su fijo que naçio de la Virgen gloriosa santa Maria e por el Spiritu sancto que son tres personas e vn Dios, e por estos santos euangellos que cuentan las palabras e los fechos del nuestro sennor Iesuchristo; e sy touiere la mano en la crus diga que jura por aquella crus que es senblança de aquella en que priso muerte nro. sennor Iesuchristo por los pecadores saluar, e sylas touiere sobre el altar diga que jura por aquel altar sobre que fue consagrado el cuerpo de nro. sennor Iesuchristo, que aquello que demanda non es asy como su contendor dise, o que es asy como el mesmo dise; et esto sobre la rrason que ouiere a jurar, et sobre todas estas palabras ha de rresponder aquel que fisiere la jura al otro que gela toma, asy como el gela fase, e despues ha de faser aquel que toma la jura del, que asy lo ayude Dios, e aquellas palabras quel dixo, e los euangellos conla crus e el altar sobre que jura como dise verdat, e aquel que jura deue rresponder AMEN syn rrefierta ninguna, ca non es guisado que aquel que toma la jura sea mal trecho por el derecho que demanda.
Quando los judios ouieren de jurar deuen lo faser desta guisa: aquel que demanda la jura al judio deue yr ala sygnoga conel judio, e deue poner las manos sobre la tora con que fasen la oraçion, e deuen ser delante cristianos e judios por que vean como jura, e aquel que toma la jura del judio á lo de conjurar en esta manera: juras me tu fulano judio por aquel Dios que es poderoso sobre todo; e crio el çielo e la tierra, e todas las otras cosas; e dixo non jurarás el mio nonbre en vano, e por aquel Dios que fiso a Adan el primero omme e puso le en parayso, e mandó le que non comiese de aquella fruta que el le vedó, e por que comio
della echólo de parayso, e por aquel Dios que rreçibio el sacrificio de Abel e desechó el de Cayn, e saluó a Noe enla arca enel tienpo del diluuio, e a su mujer e a sus fijos con sus mujeres e a todas las cosas biuas que y metio por que se poblase la tierra despues, e por aquel Dios que saluó á Loc e a sus fijas dela destruyçion de Sodoma e Gomorra, e por aquel Dios que dixo a Abrahan que en su linaje serian bendichas todas las gentes, et escogio a el e a Isac su fijo e a Jacob por patriarcas, e mandó que se circunçidasen todos los que viniesen de su linaje, e saluó a Josep de mano de sus hermanos quel non matasen, e diole gracia del rrey Faron por que non pereçiese su linaje en tienpo dela fanbre, e guardó a Moysen seyendo ninno que non muriese quando lo echaron en el rrio, e despues quando fue grande aparesçiole en semejança de fuego, e dio le dies plagas en Egibto por que Faron no dexaua yr alos fijos de Isrrael; et fiso las carreras enel mar por que pasasen en seco, e mató a Faron e a su hueste que yua en pos ellos en aquella mar, e dio la ley a Moysen enel monte Synay, e la escriuio con su dedo en tablas de piedra, et fiso a Aron su sacerdote e destruyó a sus fijos por que fasian sacrifiçio con fuego ageno, et fiso quela tierra soruiese biuos a Datan e Aviron e alos otros sus conpanneros, et dio a comer alos judios en el desyerto magná, et fiso salir dela piedra seca agua dulçe que beuiesen, e gouernó los judios enel desyerto quarenta annos que sus vestiduras non se enuegeçieron nin se rronpieron, et fiso que quando lidiauan los fijos de Isrrael conlos del pueblo de Maloc, e alçaua las manos Moysen arriua, que vençiesen, et mandó a Moysen que subiese enel monte, e despues nunca fue visto; et otrosy non quiso que ninguno delos que salieron de Egibto entrasen enla tierra de promision por que non eran obedientes nin le conosçien conplida mente el bien que les fisiera, [fuera] Calef et Jusue a quien fiso que pasasen el rrio Jordan por seco torrnando las aguas arriua, et derribó los muros dela çibdat de Jerico por que Jusue la prisiese mas ayna, et fiso estar el sol en medio dia fasta que Jusue vencio a sus enemigos, et escogio a Saul por el primero rrey del pueblo de Isrrael, e despues de su muerte fiso a Dauit rreynar, et metiol enel spiritu de profeçia e en todas las otras profeçias, e guardol de muchos peligros e dixo por el que fallara omme segund su coraçon, et subio achas al çielo de fuego, et fiso muchas virtudes e muchas marauillas enel pueblo delos judios; et juras otrosy porlos dies mandamientos que dio Dios a Moysen. Todas estas cosas sobre dichas deue rresponder vna ves JURO, e desy deuel desir aquel que toma la jura que sy verdat sabe e la niega o la encubre e non la dis en aquella rrason por que jura, que vengan sobre el todas las llagas que venieron sobre los de Egibto, e todas las maldiçiones dela ley que son puestas contra los que despreçian los mandamientos de Dios. Et todo esto dicho deue rresponder vna vez AMEN, syn rrefierta ninguna, asy como diximos enla jura delos cristianos.Otrosy los moros han su jura apartada mente que deuen faser enesta guisa: deuen yr tanbien el que ha de jurar como el que deue faser la jura ala puerta dela mesquita sy la y ouiere, synon enel lugar dol mandare el jurador; e el moro que ouiere de jurar deue estar de pie e torrnarse de cara e alçar las manos contra el medio dia al que llaman ellos alquibla, et aquel que deue de tomar la jura deue de desir estas palabras: juras me tu fulano moro por aquel Dios que non ha otro synon el, aquel que es demandador e començador e destroydor e alcançador de todas las cosas, e crió aquesta parte de quibla contra que tu fases oraçion, et otrosy jurasme por lo que rreçibio Jacob dela fe de Dios para sy e para sus fijos, e por el omenaje que fiso dela guardar, e por la verdat que tu tienes que puso Dios enla boca de Mahomad fijo de Abdalla quando lo fiso su profeta e su mandadero, segund que tu crees, que esto que yo digo non es verdat, o que es asy como tu dises; et sy mentira juras que seas apartado de todos sus bienes de Dios e de Mahommad aquel que tu dises que fue su profeta e su mandadero, e que non ayas y parte conel nin con los otros profetas en ninguno delos paraysos, mas todas las penas que dise en el al coran que dara Dios alos que non creen enla tu ley vengan sobre ty; et a esto todo sobre dicho, deue rresponder el moro que jura, ASY LO JURO, et disiendo todas estas palabras el mismo asy como las dixere aquel que toma la jura desde el comienço fasta enel cabo, et sobre todo esto desir AMEN.
Qual quier que ninguna de estas cosas pasare o fuere contra ello sy fuere rrico ome o otro que tenga de mi tierra quela pierda, e yo quel eche del rreyno por perjuro, et sy fuere otro ome quel faga enemiga enel cuerpo, asy como aquel que pasa mio mandado e va contra cosa que es tan grand pro dela tierra.
E para faser guardar todas estas cosas e posturas tengo por bien e mando que en todo lugar quelos alcalles o el merino o el alguasil o la justiçia o los que y fueren que tomen dos ommes buenos e sabidores de
cada collaçion e que les fagan jurar sobre santos cuangellos que guarden bien e conplida mente todas estas posturas, e cada domingo que rrecudan a ellos e queles digan e queles muestren aquellos quelas posturas pasaren, e los escarmienten e lieuen dellos los cotos e las penas asy como son puestas; e sy aquellos que dieren para esto non lo sopieren o lo por otra parte sopieren, que estoncest ayan aquella pena que los otros avian de auer; et sy aquellos jurados les mostraren los que quebrantaren las posturas, e los alcalles o las justiçias o el merino o el alguasil que fueren enel lugar non lo escarmentaren asy como sobre dicho es, que yo faga enellos aquel escarmiento quelos otros ouieren de auer. Fecho el libro en Seuilla por mandado del Rey miercoles treynta dias de jullio era de mill e tresientos e seys annos. Yo Pero Gomes escriuano de Garcia Domingues notario del Rey enel Andalusia lo fis escriuir.Don Alonso Rey de Castilla de Leon etc. Otorgamos que nos rogaron la Reyna Doña Jolant mi muger, e el infante Don Fernando nuestro fijo primero e heredero, e el infante Don Fredic e el infante Don Manuel nuestros hermanos, e Don Pelay Perez maestre de la Orden de la Cavalleria de Santiago, e Don Joan Gonzalvez maestre dela Cavalleria de Calatrava, et Don Garci Fernandez maestre de la Orden de Cavalleria del Temple, e Don Garci Fernandez maestre dela Orden de la Cavalleria de Alcantara, e Don Simon Roiz de los Cameros, e Don Diag Sanchez nuestro adelantado mayor en la Frontera, e Don Alonso Tellez e don Ferran Perez Ponz e Don Roy Gil de Villalobos e Don Rodrigo Ivañez pertiguero de Santiago, e Don Diego Lopez de Salcedo e Don Gonçalo Ivañez fijo de Don Joan Alonso, e Don Pedro Pelaez de
Asturias e Don Rodrigo Rodriguez de Saldaña e Nuño Fernandez de Valdenebro Ponz Roiz fide Roy Lopez de Mendoza, Gonçalvo Garcia de Estrada Diego Perez Sarmiento merino mayor de Castilla, Rodrigo Rodriguez Ossorez merino mayor del Reyno de Leon, e todos los otros infançones e cavalleros e fijosdalgo que fueron connusco en Almagro del Campo de Calatrava, e nos pidieron por merced que delos seis servicios que nos prometieron en las Cortes de Burgos, quando casó el infante Don Fernando con fija del rey de Francia, de dar de sus vassallos, que eran tanto como seis monedas, para cumplir fecho dela frontera, delos quales seis servicios nos avian dado los dos, e fincavan los quatro, que nos les quitassemos los dos, e los otros dos que nos los darian. Otro si en razon de los diezmos que tomamos delas cosas que metien en nuestros Regnos e sacavan ende, como quier que lo faciamos con derecho, podiendo acrescer nuestras rendas, assi como los otros Reyes ficieron, rogaron nos e pidieron nos merced quelos tomassemos estos seis años primeros que vienen e quelos quitassemos para dende adelante por siempre jamas, mas que oviessemos las nuestras rendas e los nuestros derechos, assi como los ovieron los otros reyes e nos, antes que estos diezmos tomassemos. Onde nos por les fazer bien e merced otorgamos estas cosas sobredichas como ellos nos las rogaron e dello damos dos cartas plomadas: una que esté guardada enla sacristania de Santa Maria de Burgos, e la otra en casa de los Frayles Predicadores de la ciudad de Leon. Fecha la carta en Toledo Martes veinte e ocho dias andados del mes de março, en Era de mil e trecientos e onze, en el año de veinte e uno quel Rey sobredicho regnó.Sobre el consejo quel Rey demandó alos perlados e alos religiosos e alos ricos omes e alos alcaldes, tanbien de Castilla como de Leon, que eran conel en Zamora enel mes de junio, que fue enla era de mill e trezientos e doze annos, en razon delas cosas porque se enbargavan los pleitos porque se non libravan ayna, ni como devian. E dioles el Rey a cada uno dellos su escrito, e quales eran las cosas porque se enbargavan los pleitos, e que oviesen sobrello su consejo en qual manera se podrian mas ayna e mejor enderesçar; e ellos sobre esto ovieron su consejo e dieron cada uno dellos al Rey su respuesta por escrito delo que entendieron. Otrosi los escrivanos e los abogados dieron demas sus escritos sobrello, maguer el Rey non gelo demandó. E el Rey vistos todos los escritos de los consejos que le davan sobresto, porque ellos le rogaron que dixiese y lo que toviese por bien e dixo asi:
Que enlos pleitos de Castilla e de Estremadura, si non a y abogados segund su fuero, quelos non ayan; mas que libren sus pleitos segund quelo usaron. Enel regno de Leon, e de Toledo, e enel Andalu-
zia e enlas otras villas ó tienen libros del Rey, que usen delos bozeros porque lo manda el fuero, mas que sean atales como aqui dira. En el regno de Leon acuerda el Rey con aquellos, que fuesen los abogados legos, que non tienen por derecho que el clerigo ande por abogado comunal de corte, sinon si razonar su pleito mismo, o de su yglesia.Otrosi que non tomen los pleitos, sinon aquellos a que puedan ser antel alcalde, cada vegada que fuere menester ala parte razonar su derecho.
En ningund pleito pequenno, quelo non razonen ellos, sinon si lo razonaren ayudando alos mesquinos pobres porque sean mas ayna librados. E por esto delos pobres, que tome el Rey dos abogados sennalados, que sean omes buenos e que teman a Dios e sus almas, e que otro pleito ninguno non tengan sinon delos pobres, e queles faga el Rey por quelo puedan fazer. E esto se entiende delos mas pobres que a la corte vinieren, tales que non ayan que dar a los avogados; pero si alguno se ficiere pobre por enganno por non dar algo al bozero, e fuere sabido en verdad, que peche doblado aquello que oviere a dar; e esto que sea la meytad para el Rey, e la otra meytad para el bozero.
Otrosi acuerda el Rey quelos abogados, que esten ante los alcaldes en pie e en buen continente, e que non razonen los pleitos bravamente contra los alcaldes ni contra la parte; e que juren al alcalde ante que comienzen el pleito a razonar, que non demanden ni alleguen los pleitos maliciosamente; mas quelos alleguen lo mas ayna que pudieren porque se libren bien e derechamente e ayna. E esta jura quela fagan en todos los lugares delos pleitos do entendieren los alcaldes quela devan fazer, segund el fuero de la tierra.
E si fallaren que pasan contra este juramento sobredicho, que sean dados por malos e por falsos, e de alli adelante non puedan ser abogados ni testigos ni aver alcaldia ni otro oficio ninguno; e lo que tomaren por el pleito razonar, quelo den doblado a aquellos de quien lo tomaren; e todo lo al que ovieren sea del Rey, e demas que sean echados dela tierra por perjuros e por falsos.
E esta mesma pena ayan los que tomaren algo de amas las partes por ayudarlos o por consejarlos en un pleito.
E esta mesma pena ayan los abogados que alongaren el pleito como fuere razonado por ellos antel alcalde; e el dia que non vinieren antel alcalde a razonar los pleitos que tovieren, e fincaren por librar por mengua dellos, que pechen las costas a amas las partes non mostrando escusa derecha porque non pudieron venir.
Otrosi los abogados que pecharen alos alcaldes alguna cosa, o partieren con ellos lo que ganaren, o posaren con ellos en una posada continuamente, pechen cient maravedis al Rey e non razonen ningund pleito de alli adelante, si non por si mismo.
Otrosi quelos abogados que non razonen ningund pleito sinon segund el fuero dela tierra donde fuere.
Otrosi los abogados que juren que non muestren a las testimonias como digan, e si fallado fuere en verdad, pechen cient mrs. al Rey e que desde alli adelante non tengan ningund pleito.
Otrosi que enlos grandes pleitos de fecho o de grandes omes, quelas partes pongan sus razones por si e non por abogados, sacado ende si la parte fuere tan menguada que el bozero aya de contar el fecho. E quando los juezes demandaren del fecho a la parte, quela parte responda por si e non el abogado, ni aya consejo conel sobrello.
Otrosi que jure que non ponga razon que sepa que es mentira, o que sea tal que vea que non traya pro al que la ponga; pero quela ponga e razone sobrello, que se non pueda la parte della ayudar.
Otrosi que jure que quando el alcalde diere sentencia que vea que es derecha, que non conseje a la parte que se alze della.
Otrosi que jure que non tome mas dela veyntena parte dela demanda de quanto venciere o de quanto fuere vencido, e que por este salario razone el pleito fasta que sea acabado; e como quier quela quantia dela demanda sea grande, que non monte el salario del abogado mas de cient maravedis de qual moneda venciere o fuere vencido. E si el pleito fuere comunal en que non aya quantia cierta de dineros, el alcalde ante quien fuere el pleito, aya consejo conlos otros alcaldes, e fagale dar quanto entiende que sera guisado.
Otrosi si las partes se quisieren avenir entresi, el abogado non estorve ni conseje quelo non fagan, salvo ende los pleitos criminales en que se non pueden avenir despues quela querella fue dada ante los alcaldes.
Otrosi que ningund ome que sea de otra tierra que non judge ni tenga pleito que sea de Castilla e de Leon.
A lo de los alcaldes acuerda el Rey que sean nueve de Castilla, e seys de Estremadura, e ocho del regno de Leon, en esta guisa: quelos
tres de Castilla anden sienpre en casa del Rey, e que se partan por los tercios del anno, e que ayan sus escrivanos quelos ayuden a librar sus pleitos de guisa que sean y a la misa matinal, e esten y en verano fasta que sea dicha la misa mayor dela tercia, e en invierno fasta medio dia, e que non judguen en yglesia ni al cimiterio; e a las villas e enlos lugares do el Rey oviere de fazer morada, queles mande el Rey dar posada cierta do libren los pleitos, porque judgue cada uno por si. E que los quatro alcaldes del regno de Leon que han sienpre a andar en casa del Rey, que sea uno cavallero atal que sepa bien el fuero del libro e la costunbre antigua. E todos estos alcaldes que han de judgar continuamente que sean legos.Enla mannana que libren los pleitos e non den cartas ningunas, e los escrivanos tomen remenbranza delas cartas que ovieren de fazer, e fagan las despues de yantar; e las que fueren fechas ese dia, muestren las los alcaldes por que metan y su nonbre o sus sennales asi como lo deven fazer.
Otrosi tiene el Rey por bien de aver tres omes buenos entendidos e sabidores delos fueros que oyan las alzadas de toda la tierra, e que ayan escrivanos sennalados para fazer esto, asi como los alcaldes. E si por aventura oviere y alguna alzada en que se non puedan avenir, que llamen y a los otros alcaldes de que se non alzaron que vean quales dizen lo mejor.
Otrosi si por todo esto nonlo pudieren librar, quelo muestren al Rey; e esto tiene el Rey por bien que sea enel regno de Leon e enlas Estremaduras e en Toledo e en toda la Andaluzia; ca en Castilla alcesen delos alcaldes delas villas a los adelantados delas alfozes, e destos adelantados a los alcaldes del Rey, e delos alcaldes a los adelantados mayores de Castilla o a los que estan en su lugar, e destos adelantados al Rey.
E los alcaldes que tomen jura delos abogados ante que se comienzen los pleitos, asi como sobre dicho es. Tomen otrosi jura delos que se alzan quelo non fazen maliciosamente para prolongar los pleitos, e que del dia que las razones fueren encerradas antel alcalde, que dé el juizio fasta tercero dia al mas tardar. E eso mesmo dezimos dela carta del alzada.
E desque el alcalde toviere un pleito comenzado, non meta otro en medio fasta que aquel sea librado en aquel dia, todo, o del quanto se pudiere librar, e entonce tome otro.
E el dia quelos alcaldes non vinieren librar los pleitos e las car-
tas segunt dicho es, que pechen las costas a las partes que fincaren de librar por ellos, non mostrando escusa derecha porque non pudieron y venir; e eso mismo dezimos delos que ovieren de oyr las alzadas.Otrosi tiene el Rey por bien quelos alcaldes non consientan a los abogados ni a los que vinieren antellos a pleito que posen conellos, ni que les muestren sus pleitos ni gelos oyan si non alli do los ovieren de librar; e que non oyan la una parte sin la otra. E esto mesmo dezimos delos que han de oyr las alzadas.
Otrosi acordamos quo ningund alcalde non resciba mas pleitos de aquellos que en aquel dia se atreviere a librar; e si mas resceviere que peche las costas e el danno al querelloso de cada dia e mientra lo detouiere; e que non aluenguen los pleitos; mas quelos acorten lo mas ayna que pudieren.
E el pleito que se comenzare ante un alcalde, quelo non oya otro ninguno, ni dé carta sinon aquel ante quien fue comenzado seyendo enel lugar; e si se oviere ende a yr, dexe los escritos al uno de los alcaldes en que lugar dexa el pleito, porque el otro quelo comenzare de alli en adelante, quelo lieve e non lo aya de comenzar otra vez.
Otrosi los alcaldes non se trabajen de judgar ningund pleito forero, e si antellos viniere, quele fagan alla tornar con carta del Rey para aquellos que gelo ovieron a delibrar e gelo libren; e non den sobrello otras cartas del Rey denplazamiento.
Otrosi tiene el Rey por bien quelos alcaldes que oyan los pleitos muy bien e mansamente, e non resciban ni mal trayan ni respondan mal a los que antellos vinieren a los pleitos; e si lo fizieren que ayan pena, qual el Rey toviere por bien segund fueren las palabras que dixieren e los omes contra quien las dixieren. E eso mesmo dezimos de los escrivanos.
Otrosi cuando ovieren los alcaldes a librar los pleitos, que sean asosegadamente a librarlos, e non vayan a casa del rey sinon si acaesciere alguna cosa quele ayan de preguntar, o si el Rey enbiare por ellos; mas los escrivanos non tenemos por razon que se partan ende sinon enbiare el Rey por ellos.
E tiene el Rey por bien que en aquellos lugares do los alcaldes libraren los pleitos que sean y seys monteros e dos porteros para tirar la presa de aquellos que non han de ver enlos pleitos, e para prender algunos omes si menester fuere. E estos que sean de los porteros e delos monteros delos condados de casa del Rey.
E si algunos troxieren peticiones que non sean de justicia, e que
non ayan de librar los alcaldes, quelas den a los monges dela confradia de Santa Maria de Espanna e ellos quelas muestren al Rey.E el dia del viernes e del sabado que non libren otra cosa sinon delos presos, e quelos alcaldes lo partan en guisa que cada unos libren los del fuero, sacado ende si el Rey enbiare por ellos quelos libren antel. E que non den tormento ni pena a ningund ome en viernes.
E otrosi acordamos que ningund alcalde que non tenga prestamo ni otra cosa de ninguno, e si lo tiene quelo dexe de aqui adelante a aquellos de quien lo tiene. E los alcaldes non tomen ruego de dineros ni en pannos ni en bestias ni en otra cosa ninguna, ni pidan prestamo ni otra cosa ninguna para si, ni para sus parientes, ni para otro ninguno; e si gelo dieren e lo tomaren, si fuere mueble peche lo doblado e que pierda merced del Rey, e si fuere heredad quela tome el Rey a aquellos que gela dieron e quela meta en rengalengo. E esto mesmo dezimos de todos los alcaldes e de todos los juezes e notarios e de todos los bozeros de la tierra.
Otrosi quelos alcaldes non tomen delos abogados ni delos querellosos ninguna cosa dada ni enprestada ni conprada ni en otra manera ninguna. E aquel quelo fiziere, quelo torne doblado aquello que rescebiere a aquel quelo tomare; e demas que peche al Rey cient maravedis por cada vez quelo fiziere. E el Rey queles dé sus quitaciones e queles faga algo como lo puedan servir.
Otrosi tiene el Rey por bien que enlos lugares del regno de Leon o de Gallizia do suele aver juezes e alcaldes cavalleros quelos aya y; mas que non sean malfechores e que sepan judgar derechamente.
Tiene el Rey por bien que todos los escrivanos que escrivieren con los alcaldes que sean legos, e que esten conellos enla mannana mientra ellos y estudieren, e que tomen remenbranza delas cartas que ovieren a fazer, e quelas fagan despues de yantar e las lieven ese dia a la chancelleria enla noche, e quelas vea el notario, de guisa que otro dia sean libradas las cartas en manera que se non detengan por ellas los querellosos.
E estos escrivanos que non fagan carta ninguna sinon por mandado del Rey o delos alcaldes, ni escrivano non faga carta forera sinon estas. E si por mengua de los escrivanos se detoviesen las cartas que
oviesen de dar a aquellos que han los pleitos, que peche el escrivano al ome de bestia por cada dia cinco sueldos de la moneda nueva, e al ome de pie dos sueldos desa misma moneda. Esto mismo dezimos del notario e delos que registran las cartas o las ovieren de sellar.Otrosi los escrivanos que ovieren destar conlos alcaldes que fagan todas las cartas por sus manos, e que non metan sus nonbres en otras que otros fagan.
Otrosi que trayan cada dia ante los alcaldes los escritos que tovieren de aquellos que se han de judgar.
Otrosi tiene el Rey por bien quelos que sellan las cartas enla chancelleria que non tomen por ellas mas delo que dize enel su libro que fue fecho por corte en Palencia en el anno que casó don Doarte; e si mas tomaren, quelo den doblado a aquel de quien lo tomó e que peche cinquenta maravedis al Rey; e que ningund escrivano destos non tome servicio ni presente ni precio ni ninguna cosa en ninguna manera por carta del Rey que non fuere en sentencia, o por las otras escrituras del pleito, e desto que resciban precio segund que entendiere el alcalde que sera guisado; e si lo fiziere que pierda el oficio, e sea luego echado del, e peche doblado quanto tomare a aquel de quien lo tomó.
Otrosi manda el Rey que enla chancelleria que den a los escrivanos cada domingo pargamino e vean quanto entendieren queles cumplira por toda la semana; e si por esto detovieren las cartas, que aquellos quelo han de dar quelo pechen doblado delo suyo al Rey, e las costas a aquellos que ovieren a ver las cartas.
Otrosi acuerda el Rey de tomar tres dias enla semana para librar los pleitos, e que sean lunes e miercoles e viernes. E dize mas, que por derecho cada dia deve esto fazer fasta la yantar, e que ninguno non lo deve destorvar enello, e despues de yantar fablar conlos ricos omes e conlos otros que algo ovieren de librar con el.
Tiene el Rey por bien que cuando los alcaldes vinieren antel para librar los pleitos que non muevan desputaciones porfiadas; mas que le digan luego aquello que entendieren que pertenesce al fecho, e que oyan todos muy bien al Rey.
Otrosi tiene el Rey por bien que quando oviere de oyr los pleitos, que enbie por aquellos alcaldes que quisiere que esten con el, e los otros finquen librando los querellosos e lo al que ovieren a fazer.
E quando alguna cosa acaesciere, los alcaldes deven fablar con el Rey o enbien gelo preguntar; e si el Rey enviare por ellos que vengan sinon que esten librando sus pleitos fasta que el aya vagar de fablar conellos, e aquel dia non cayan en pena. E si el se detardare por esta razon, el Rey faga su mesura contra aquellos cuyo fuere el pleito por quanto los detovo porque non finquen perdidosos.
Estas son las cosas que fueron siempre usadas de librar por corte del Rey:
Muerte segura. Mugerforzada. Tregua quebrantada. Salvo quebrantado. Casa quemada. Camino quebrantado. Traycion. Aleve. Riepto.
E todos estos maravedis delas penas sobredichas que pertenescen al Rey, tiene el Rey por bien delos dar a la confradia de Santa Maria Despanna para fecho del mar, e manda a la justicia de su casa que prende e afinque por ellos a aquellos quelos ovieren a dar fasta quelos den.
Viernes veynte dias de jullio acordó el Rey en Zamora con sus alcaldes de Castilla e de Leon, que enla villa que entraren, que pregonen luego que todos aquellos omes que vieren mover pelea, quela partan. E si alguno firiere o matare, que aquellos que y acaescieren, que corran con el feridor o con el matador fasta quelo prendan, o den recaudado en que lugar está; e aquellos quelo vieren fazer e non corriesen conel, que ayan aquella pena misma que avrien aquellos que ferieron o mataron.
E este ordenamiento fue fecho por mandado del sobredicho Rey don Alfonso, anno susodicho, que fue diez e nueve annos despues que el fuero castellano fue dado por este Rey don Alonso a los de Burgos en Valladolid, a veynte e cinco dias andados del mes de agosto, era de mill e dozientos e noventa e tres annos, enel anno que don Odoarte, que fue primogenito heredero del Rey Enrique de Inglaterra, rescebio caballeria en Burgos del Rey don Alonso el sobredicho.
Don Sancho por la gracia de Dios Rey de Castiella de Leon de Toledo de Gallizia de Seuilla de Cordoua de Murzia de Jahen e del Algarve. Al conceio de Leon salut e gracia. Sepades que yo ffablé agora en Palençia con omes buenos que eran y comigo delas villas de Castiella ede Leon e de Estremadura, e dixe les en como auia grant voluntad de fazer merçed a todos los conçeios de mi tierra, e mandeles que catassen aquellas cosas en que tenian que reçebiades algunos agrauiamientos, e que en esto e enlo al que yo uos podiese ffacer merçed quelo ffaria muy de grado, et ellos ouieron su conseio e mostraron me aquellas cosas en que acordaron de me pedir merçed, e yo tubelo por bien, e otorguelo segund aqui sera dicho.
Primeramientre que aquellas cosas que yo dy dela mi tierra que perteneçen al rregno, tan bien a Ordenes como a ffijos dalgos e a otros onbres quales quier, seyendo yo inffante, e depues que regné ffasta agora que punne quanto yo podier delas tornar a mi, e quelas non dé daqui adelantre, por que me ffezieron entender que minguaua por esta rrazon la mi justiçia e las mis rrentas, e se tornaua en grand danno dela tierra.
Et otrossi otorgo que non consienta que rricos omes nen inffançones nen rricas duennas conpren nin ayan enlas mis villas nin enel mio rrengalengo, heredades foreras nen pecheras nen otras ningunas. Et quelos ffijos dalgo non sean aportellados enlas mis villas sinon los que ende fueren naturales e vezinos e moradores, nin sean cogedores nin arrendadores delos mios pechos.
Et otrossi tengo por bien quela moneda blanca alfonsi que agora
corre, que ffizo el Rey mio padre ante desta que yo agora mando laurar, quesse non abata e que conpren e vendan por ella, assi commo ffata aqui ffezieron enla valia desta moneda nueua que agora mando laurar ffasta que ella por si sea consumida. Et esta moneda que yo agora mando laurar quela non mude, nin la mingue e que esta corra en toda mi vida assi como promety en Burgos.Et otrossi tengo por bien de tirar los iuyzes e los alcalles e las justiçias que auia puestas enlas villas e los otros mayorales que andauan por la tierra, a que llamauan guardianes; et yo que ffie la mi justiçia en ommes buenos de cada villa quela ffagan por mi, e alos quela non ffezieren commo deuen que me torne yo por ello a ellos, e alo que ouieren. Perossi en algunas villas entendieren queles cunple juyz o justiçia o alcalle, e me lo pedieren el conçeio olos mas del lugar, que yo que gelo dé tal que non sea deffuera de mio ssennorio, e que sea del rregno onde ffuere el julgado. Et que tome las yantares vna vez enel anno quando ffuere enla tierra, assi commo se husó en tienpo del Rey don Alffonso mio bisauuelo e del Rey don Ffernando mio auelo, e que me den por la mi yantar seysçientos mrs. dela moneda dela guerra e non mas, e por la yantar dela Reyna mi muger dozientos mrs. desta misma moneda ola quantia desta moneda quesse agora laura a rrazon de diez dineros el mr.
Et otrossi que non llame a huestes los conceios sinon quando yo ffeziere huestes que sea menester de guisa quesse non pueda escusar, elos que ffueren ala hueste que ayan sus escusados e sus ffranquezas, segunt quelo han por ffuero o por priuilegios o por uso cada unos en sus lugares; et ssi mandar ffincar los conçeios depues quelos llamar queles non demande ffonsadera nin otro pecho ninguno por ello.
Et otrossi quelos caualleros vezinos delas villas e sennaladamientre los delos alardes que por si mismos aguarden las sennas enlas huestes con ssus conçeios, saluo los que an priuillegios o ffuero quelas non deuan guardar, e que puedan auer sennores ó lo ouieron por huso de luengo tienpo, que a estos tales queles uala.
Et otrossi tengo por bien de vos ffacer merçed que merino nin ade-
lantado nin otro ninguno non ffaga pesquisa general sinon yo, aquerella del pueblo segunt que deuo, ffueras enlas bienffetrias e enlos lugares delos solariegos, sobrel conducho quelos ffijos dalgo y tomaren e sobre las malffetrias que y ffezieren. Et quando sobre las otras cosas la mandare ffazer, que fagan dar el traslado a aquellos en que tannere, e que sean oydos sobrella e judgados por el ffuero commo deuieren, ffueras ende pesquisas delos mios pechos.Et otrossi mando quelos merinos non tomen yantar mas de una vez enel anno, e enlos lugares do mudaren los merinos ante del anno conplido e ouieren ende leuadas las yantares, quelos merinos que y posieren non tomen de ally yantares ffasta que sea conplido el anno. Et que non tomen ninguna cosa de aquellos que yo ffeziere prender o matar, saluo ende los que ouieren ffecho alguna cosa porque segun su ffuero o por derecho lo deuan prender; e que non passen cartas por el mio siello dela poridat nin por los otros mios siellos para enplazar nin para prender nin para tomar a ninguno lo que ouiere por ninguna cosa que digan que aya ffecho, sinon ffuere dada o vista del alcalle de mi corte que sea del ffuero por hu se deuiera judgar, saluo ende si ffuere cosa mucho apresurada que tannere contra mio sennorio.
Et otressi tengo por bien de poner guarda enla mi chançelleria que non tomen por los priuillegios nin por las cartas mas de aquello que diz enel ordenamiento que ffizo el Rey mio padre, que es seellado con su siello.
Et otrossi que quando yo ouiere a poner cogedores que ponga ommes buenos delas villas que non sean y alcalles nin aportellados, eles mande dar comunal galardon, e que den la cuenta depues llana mientre, e que gela mande tomar sin escatima, e en guisa quese non detengan mucho enla dar por culpa de aquellos quela ouieren de tomar por mi; e que non den chançelleria por las cartas de quitamiento dela cuenta nin dela pesquisa, e aquellos que yo posiere por cogedores que ellos coian el pecho por si mesmos; e que ayan los pecheros las liberdades e las merçedes que yo ffize alos de Gallizia que son estas: el que ouier quantia de diez mrs. dela moneda nueua, que son sesenta mrs. delos dela guerra, que peche un mr. dessa misma mone-
da por seruiçio o por moneda quando melo ouieren adar; et el que ouiere quantia de çinco mrs. que peche medio mr. dessa misma moneda, o la quantia della en esta moneda que yo agora mando laurar, que ffazen diez dineros un mr. delos dela guerra. Et si ovier quantia de mas de çinco mrs. e non llegar alos diez mrs. que non peche mas de medio mr. Et el que ouier quantia menos de çinco mrs. dela moneda sobredicha que non peche ninguna cosa; et a estos queles non sean contados los pannos de su cuerpo nin de su muger nin de sus ffijos nin la rropa de ssus lechos, e que non peyndren por esto bueyes nin bestias de arada ffallando otro mueble o rayz que peyndrar.Et otrossi tengo por bien de non tomar ninguna cosa dela pesquisa que mande ffazer sobrel rengalengo e el abadengo e las bien ffetrias, ffasta quela yo vea e la libre commo ffallare por derecho; por quelo que ffue enagenado delos terminos delas mis villas sea a ellos tornado por que me puedan mexor dar los mios pechos, e los otros heredamientos que tornen alos herederos de aquellos cuyos ffueron, porque puedan ffazer por sus almas cantar misas e lo al que mandaron en sus testamientos, e lo que aellos non pertenesçer que ffinque en mio rrengalengo para mi; et esto non mando por las heredades rrengalengas e fforeras en que yo he aauer mio derecho, mas que sea enlo que tanner la pesquisa alas heredades delas bien ffetrias por que destas atales pueden ffazer sus duennos lo que quisieren.
Et tengo por bien de quitar la pena que demandaua ffasta aqui alos que lauraron los salidos delos conçeios, e daqui adelante quelos ayan las villas liures e quitos assi commo los auian en tienpo de mio auuelo e de mio padre.
Et otrossi mando quelos seruiçios que me dieren los dela tierra que se den commo moneda fforera.
Et otrossi tengo por bien quelos que moriren sin testamiento que ffinquen sus bienes a sus herederos segund mandar el ffuero del rregno do acaeçiere, e que non ayan poder los que rrecabdan la cruzada de rrecabdar nin de tomar ende ninguna cosa.
Otrossi tengo por bien quelos judios non ayan alcaldes apartados assi commo les agora auian, mas que el vno de aquellos ommes buenos enque yo ffiar la justiçia dela villa les liure sus pleytos apartada mientre, en manera quelos cristianos ayan su derecho, e los judios el suyo, e que por su culpa daquel quelos ouier a judgar non rreçiban los judios alongamiento por quesse detenga el pecho que me ouieren adar.
Et porque todas estas cosas sean ffyrmes e estables otorgo de vos las tener e guardar en todo segund en esta carta se contiene. Et prometo de uos non uenir contra ellas en ningun tienpo, e mando uos dar ende esta carta seellada con mio siello colgado. Dada en Palençia veynte dias de dezienbre, era de mill e trezientos e veynte e quatro annos.
Esidro Gonzalez tesorero dela eglesia de Ouiedo lo mandó ffazer por mandado del Rey. Yo Pedro Alfonso la ffiz escreuir. - Esidro Gonz. v. -Alffon Yanes,
Sepan quantos esta carta vieren como nos don Sancho por la graçia de Dios Rey de Castiella de Toledo de Leon de Gallizia de Seuilla de Cordoua de Murçia de Jahen e del Algarbe. Por ffazer bien e mer-
çed atodos los omes de nuestros rregnos, assi prelados como rricos omes e otros ffijos dalgo, et alos clerigos e alos rreligiosos e alas eglesias e alas Ordenes e alos monesterios e alos hospitales e alas conffra drias et alos caualleros, e a todos los otros omes delas nuestras çipdades e de nuestras villas e alos omes delos abbadengos e alos delas solareguias e delas bienffetrias. Et por que nos prometieron de nos dar cadanno vn sseruiçio fasta en diez annos, quitamos les todas las cosas que de nos arrendó don Abrahem el barchilon que son estas:Primera mientre les quitamos el rregalengo que passó alas eglesias e alos prelados, e alos rricos omes e alos inffançones e alos caualleros e los otros fijos dalgo, et alos cabillos e alos monesterios e alos hospitales e alas conffradrias, et alos comunes et alos clerigos e atodos los otros abbadengos, et atodos los omes de nuestras çibdades e de nuestras villas e de todos los otros sennorios, asi de abbadengos como de rregalengos et de bienffetrias e de solareguias o aotros quales quier, por conpras o por cambios o por emplazamientos o por otra rrazon qual quier, et las villas e las pueblas que y ffizieron e los ffructos que ende leuaron fasta el dia que esta carta es ffecha.
Otrossi que ssea quito lo que pasó alos nuestros rregalengos delas bienffetrias o solareguias o delos abbadengos, que ssea suyo e quito ffasta este dia assi como nos quitamos a ellos lo nuestro.
Otrossi les quitamos lo que ffue dado alas conffradrias e alos hospitales, que ffue dado ssin mandado delos rreyes onde nos venimos e del nuestro fasta aqui.
Otrossi les quitamos todas las demandas que auiamos contra ellos, las quales nos arrendamos a este don Abrahem en Vallith. por un cuento e quatroçientas uezes mil mrs., saluo aquellas que nos retouiemos pora nos, que seran dichas adelante en esta carta.
Et otrossi les quitamos todas las cuentas e las pesquisas assi a cogedores como asobrecogedores e arrendadores, e alos ffazedores delos padrones e alos sesmeros e alos jurados et alos terçeros e alos pecheros que y ffincaron por coger; et los pechos encubiertos fasta el dia que esta carta es fecha, saluo ende que tenemos por bien que nos den cuenta todos los cogedores e sobrecogedores que alguna cosa recabdaron por nos de dos annos a aca. Enpero aquellos que mostraren nuestras cartas, o de aquellos quelo ouieren de ueer por nos, de como dieron cuenta, tenemos por bien queles uala, et esto que sse non arrende.
Et otrossi les quitamos todas las debdas que deuien al Rey nuestro padre o anos con cartas o sin cartas desde que fizo el perdon el Rey nuestro padre en Toledo fasta aqui, saluo lo que nos enprestamos o lo que nos deuen los que son ffuera del rregno.
Otrossi les quitamos las penas e los emplazamientos e las demandas que auiemos contra ellos por rrazon delas taffurerias fasta el dia que esta carta es ffecha.
Otrossi les quitamos las penas e las amparas en que cayeron por rrazon delas entregas delos judios fasta el dia que esta carta es ffecha.
Otrossi les quitamos todas las demandas que auiemos contra aquellos que ouieron de traer el diezmo en plata et non lo traxieron et contra sus ffiadores fasta el dia que esta carta es ffecha.
Otrossi les quitamos todas las demandas e penas que auemos con-
tra aquellos que sacaron cosas uedadas ffuera delos rregnos, argent biuo o bermeion, sin nuestro mandado o sin mandado de aquellos quelo auian deuer por el Rey nuestro padre o por nos fasta aqui, saluo los que sacaron los cauallos e los ganados.Otrossi les quitamos el mostrenco e lo de aquellos que murieron sin herederos, que nos auiamos a auer con derecho en los nuestros rregalengos fasta el dia que esta carta es fecha.
Otrossi les quitamos la demanda dela deçima que el Papa dio a nuestro padre por seyes annos pora ayuda dela guerra, tanbien lo que fincó enla tierra por coger commo lo que fincó en los cogedores o en los quelo ouieron de rrecabdar, saluo de dos annos a aca que tenemos por bien que nos den cuenta los quelo ouieron de ueer por nos o por el Barchilon. Enpero aquellos que touieren cartas de como dieron cuenta o de quitamiento tenemos por bien queles ualan.
Otrossi les quitamos las penas delos priuilegios e delas cartas crebrantadas que nos deuemos auer con derecho fasta el dia que esta carta es fecha.
Otrossi les quitamos la demanda que nos auemos contra aquellos que algo rrecabdaron por nos del rrobo de Talauera. Enpero tenemos por bien que nos den ende cuenta delo que rrecabdaron de dos annos a aca, saluo aquellos que mostraren nuestras cartas o de aquellos quelo ouieron deueer por nos, de como dieron cuenta, queles ualan.
Otrossi les quitamos todos los derechos que nos auian a dar por rrazon delas cosas que sacaron del rregnot a tierra de moros por el rregno de Murçia fasta el dia que esta carta es fecha, saluo los derechos delas sacas que andan en las rrentas delos almoxarifatgos.
Otrossi les quitamos todas las demandas que nos auiamos contra aquellos que ffizieron los alfolis dela sal, que ffizieron contra deffendimiento del Rey nuestro padre e del nuestro, e la pena en que cayeron por esta rrazon fasta el dia que esta carta es ffecha.
Et otrossi les quitamos lo que leuaron los cogedores e los sobrecogedores o los otros que algo ouieron de rrecabdar por el Rey nuestro
padre o por nos de caualleros o de otros omes quales quier por baratas o por galardones, quelo non pechen doblado nin senziello de cuanto ende leuaron fasta el primero dia de Enero del anno de la Era de veyente e quatro annos.Otrossi quitamos alos rricos omes e alos inffançones e alos nuestros mesnaderos las soldadas que nos non siruieron desde que nos rregnamos fasta el dia primero de Março dela Era desta carta.
Otrossi por les fazer mas bien e mas merçed et por que la tierra sea mas rrica e mas abondada delas cosas que y fueren mester, tenemos por bien e mandamos quela moneda nueua que nos mandamos fazer et delos sesenes e las meaias salamanquesas e delas pujesas que non se abatan nin se labren estas nin otra ninguna en toda nuestra vida, del postremero dia de Setienbre en a delante este primero que uiene, nin se affinen nin se trabuquen nin se fundan, et que uala cada vna dellas en su quantia assi commo agora ualen, et quelos sesenes nin las meaias nin las pugesas nin las doblas de oro nin dineros de plata nin otra moneda ninguna quela non saquen fuera dela tierra, saluo ende aquellos que nos mandaremos por nuestras cartas. Enpero tenemos por bien quelas monedas que non son fechas en nuestros rregnos de oro o de plata o de cobre, et la moneda delos nouenes que nos mandamos ffazer quelas puedan sacar.
Otrossi por les fazer mas bien e mas merçed, et por quelos pueblos sean mas guardados de peyndras e de despechamientos, et porque nos lo pidieron assi por merçed, prometemos les de non arrendar a ningun ome estos seruiçios que nos agora mandaron nin otro pecho ninguno, mas que pongamos omes buenos e abonados quelos coian, a tales que sepan sseruir a Dios e anos et guarden sus almas e los pueblos, et cadanno que se ffagan padrones nueuos et que se non coian por cabeça, mas que peche cada pechero tanto quanto solie pechar en la moneda forera.
Et otrossi por les fazer mas bien e mas merçed et por que nos lo
pedieron por merçed, prometemos les que non ffagamos a ningun judio cogedor nin sobre cogedor nin rrecabdador nin arrendador de ningun pecho ni de seruiçio en toda nuestra tierra.Et otrossi por les fazer bien e merçed tenemos por bien que ningun ome abonado de nuestros rregnos non sea preso nin se le tomen lo suyo e por mezcla que del nos digan, fasta que sea oydo ante nos con el quelo acusare e se salue dello assi commo fuero e derecho; et sisse saluar non pudiere, que esté sobre ffiadores silos ouiere, fasta que nos lo libremos commo touieremos por bien, o como manda el fuero del logar do el fuere uezino.
Otrossi tenemos por bien que ninguna peyndra non se faga de vn logar a otro, saluo por los nuestros pechos o commo el fuero del llogar manda. Et otrossi que ninguno non sea peyndrado sinon commo manda su fuero.
Et otrossi por les fazer mas bien e mas merçed tenemos por bien que non saquen de nuestros rregnos conejuna nin cera; et qual quier quelo sacare que gelo tomen, e quel tomen quanto leuare por pena.
Et otrossi por les fazer mas bien e mas merçed tenemos por bien quelos caualleros e las duennas, e todos los priuilegiados por cartas o por priuilegios, et los clerigos, que non pechen en todos los seruiçios, nin los otros que non pecharon en estos dos seruiçios que son passados que fueron escusados.
Otrossi tenemos por bien quelos morauedis que son por pagar delos cohechamientos que fizieron con el Barchilon o con aquellos quelo auian de ueer por el, quelos non den e sean quitos.
Et demas desto por les fazer mas bien e mas merçed quitamos les todas las otras demandas que nos auemos o podriamos auer contra ellos fasta este dia por las rrazones sobredichas o por otra rrazon qual quier, saluo las sobredichas que nos rretouiemos pora nos que son estas; los cogedores e los sobrecogedores e los que por nos rrecabdaron alguna cosa de dos annos a aca, et las cosas uedadas.
Onde mandamos e deffendemos firme miente que ninguno non
sea osado de quebrantar nin de demandar nin de menguar ninguna de todas estas cosas que sobredichas son en ningun tienpo de toda la nuestra vida nin despues. Ca qual quier quelo fiziese auria nuestra yra et pechar nos ya en coto diez mill mrs. dela moneda nueua; et aquellos o aquel aquilo fiziesse todo el danno doblado que por ende rrecebiesse. Sobresto mandamos atodos los Conçejos Alcaldes Jueces Justiçias Jurados e Merinos Aguaziles Comendadores e atodos los otros aportellados de nuestros rregnos que non consientan a ninguno que passe contra esto que nos mandamos et non ffagan endal, sinon a ellos e aquanto que ouiesen nos tornariemos por ello. Et desto les mandamos dar esta nuestra carta seellada con nuestro seello colgado. Dada en Vitoria XIII. dias de agosto. Era de mill e trezientos e veyente seyes annos. Yo Domingo Alfonsso la fiz escriuir por mandado del Rey. - Eps. astoricen. - Alfon. Perez. -P.o Mz. - Ssant M.o s. -Maçias Monis.Sepan cuantos esta carta vieren commo Nos don Sancho por la gracia de Dios Rey de Castiella de Toledo de Leon de Gallizia de Seuilla de Cordoua de Murcia de Jahen dell Algarbe, et sennor de Molina catando
los muchos bonos seruiçios que rreçibieron los rreyes onde nos venimos delos caualleros e delos otros omes bonos delas nuestras villas de Castiella. Otrossi parando mientes alos bonos seruiçios que nos dellos tomamos al tienpo que eramos Inffante e depues que rreygnamos aaca, sennalada miente enla de Monteagudo. Otrossi quando Abeyuçeff e Abeyacob su fijo çercaron a Xeres por dos uezes et nos fuemos y por nuestro cuerpo e la desçercamos. Otrossi catando el seruiçio que nos ffizieron en la çerca de Tarifa que nos conbatiemos e tomamos por fuerça de armas. Otrossi quan bien estranaron e quan leal miente se touieron con nusco e guardaron nuestro Sennorio contra los mouimientos malos e falssos que ell Inffante don Juan fizo contra nos, et otros muchos seruiçios que nos fizieron cada que mester los ouimos dellos. Nos auiendo uoluntad deles dar ende gualardon acordamos de fazer nuestras cortes en Valladolid, et con acuerdo delos prelados e delos maestres delas Ordenes et delos rricos omes e inffançones, et otrossi con los caualleros e los omes bonos de Castiella que nos tomamos pora nuestro consseio, mandamos atodos los de Castiella que eran y con nusco que nos dixiessen si en algunas cosas tenian que rreçibian agrauiamentos, e que nos lo mostrassen et nos queles fariemos merçed sobrello. Et ellos auido su acuerdo todos de conssouno, mostraron nos todas aquellas cosas de que dizien que reçibien agrauiamientos, e pidieron nos queles fiziessemos merçed enello, et nos por fazer bien e merçed alos conçeios de Castiella por estos seruiçios sobredichos e por otros muchos que nos fizieron fata aqui e faran daqui adelante a nos e alos que de nos vinieren, et sennalada mientre por quela neyna donna Maria mi muger e ell Infante don Ferrando nuestro fijo primero e heredero nos pidieron merçed muy affincada miente por ellos, otorgamosles estas cosas que aqui seran dichas.Primera miente alo que demandan queles mandemos guardar los priuilegios e las cartas delas libertades e delas merçedes queles fizieron los rreyes onde nos venimos e queles nos confirmamos depues que rreygnamos, tenemos por bien que nos muestren aquellas cosas en queles passan contra los priuilegios, et mandar los emos guardar.
Otrossi alo que nos dixieron delos fueros delas villas, que ay algunos logares que an fuero delas leyes, et otros fuero de Castiella, et otros en otras maneras, et en estos fueros que ay leyes e cosas en que rreçiben los omes agrauiamientos et que nos pidien merçed que gelos mandassemos meiorar; a esto tenemos por bien que nos muestren aquellas cosas en que toman agrauiamientos et mandar gelas emos emendar en aquella guisa que sea guarda de nuestro Sennorio e pro e guarda dellos.
Aloal que nos pidieron merçed quelos nuestros castiellos e las nuestras fortalezas quelos diessemos a tener a tales omes que guardassen nuestro Sennorio e nuestro seruiçio, et de qui ellos non rreçibiessen danno ninguno, por que fata aqui auian rreçebido muchos dannos de algunos daquellos aquilos nos diemos a tener, por peyndras queles fazien e otros dannos; a esto dezimos que daquiadelante nos los daremos a tener a tales omes que guarden nuestro Sennorio e nuestro seruiçio et de qui ellos non rreçiban danno ninguno, et que nos muestren los que les fizieron danno et mandar gelo emos emendar.
Aloal que nos pidieron merçed que la nuestra iustiçia que fuesse meior guardada que non fue fata aqui, por que quando los omes bonos van alas ferias e alos mercados e alos puertos dela mar o por otros logares de nuestra tierra, quelos rroban e los peyndran por los caminos, et maguer lo muestran alos merinos, que non pueden ende auer derecho; a esto tenemos por bien con acuerdo de los omes bonos que aqui eran con nusco en estas cortes en nuestro conseio, que el merino de la merindad do fuere fecho el rrobo ola malfetria que sea tenido de dar rrecabdo a nos delos malfechores quelo fizieron, seyendo querellado al merino; et si esto non feziesse que peche el danno e el menoscabo aaquellos que fueron
robados. Et si por auentura aquellos quelo fizieren fueren tales omes quese non atreuan a prender, quelo amuestren luego a nos, et mandaremos y fazer aquell escarmiento que fallaremos que es derecho.Otrossi aloque nos dixieron en rrazon delas yantares que enbiamos demandar nos ola Reina mi muger o ell Infante don Ferrando nuestro fijo primero e heredero alos logares nos non seyendo y; tenemos por bien que nos nin la Reyna non tomemos yantar nin la enbiemos demandar sinon quando fueremos nos al logar, pero quando acaesçieren estas cosas que aqui seran dichas, por quelos rreyes onde nos venimos las ouieron enbiar, gelas emos demandar: assi como quando fueremos en hueste o touieremos alguna villa o algun logar çercado, o fizieremos cortes, o quando acaesçiesse encaesçimiento dela Reyna; que por estas cosas las ouieron los rreyes onde nos venimos et es derecho e guisado quelas ayamos nos. Otrossi tenemos por bien que el Inffante don Fferrando nuestro fijo primero e heredero non enbie demandar yantar nin la tome en quanto andudiere con nusco, et mandamos quela tome quando andudiere por la tierra en nuestro logar e traxiere consigo alcaldes pora facer iustiçia e derecho; et la quantia delas yantares tenemos por bien que sea desta guisa: la nuestra yantar que sea seysçientos mr. de la moneda dela guerra, et la dela Reyna dosientos mr, et la del nuestro fijo heredero trezientos mr. desta misma moneda.
Otrossi alo que nos dixieron delas yantares del nuestro merino mayor de Castiella que mandassemos quelas tomasse de aquellos logares dond las ouiere a tomar, yendo al logar; tenemos por bien que non den yantar a ningun merino saluo al nuestro merino mayor quando fuere al logar por si mismo, et que tome por yantar en aquellos logares do fueren las yantares mayores çient e çinquaenta mr. dela moneda dela guerra una uez en el anno, et en los otros logares dolas deue auer quelas tome segund es afforado.
Otrossi alo que nos pidieron por merçed que quando fuessemos enlas villas nos o la Reina o nuestros fijos, que touiessemos por bien quelos Ricos omes e los caualleros, que possasen en las aldeas assi como solian en tiempo delos otros rreyes, por rrazon que rreçibian dellos e de sus conpannas muchos dannos, et las posadas que ouiessen mester la nuestra conpanna quelas diesen ell alcalde e el merino del logar con el nues-
tro posadero; a esto tenemos por bien que sea assi guardado et que ningunos non tomen posadas sinon por el nuestro posadero.Otrossi alo al que nos pidieron merçed que quando uiniessemos alas villas nos ola Reyna o ell Inffante don Fferrando o los nuestros fijos, que dizen quelos nuestros offiçiales queles quebrantauan las casas e tomauan el pan e el uino e el pescado e la paia e la lenna, et que nos pidien merçed que touiessemos por bien que ellos diessen omes bonos enel logar do ffuessemos que diessen conducho alos nuestros offiçiales aquello que fuesse mester, et que por esta rrazon non rreçibrian agrauiamientos en sus casas; tenemos lo por bien, e mandar lo emos assi guardar.
Aloal que nos pidieron merçed que rricos omes nin caualleros nin alcaldes nin merinos, en la tierra do son offiçiales, nin iudios que non ssean arrendadores nin cogedores de los nuestros pechos, ca por esta rrazon rreçiben grandes dannos et que era grand nuestro desseruiçio, et otrossi quelos cogedores que pussieremos daquiadelante que sean delas nuestras villas e que ssean dela villa e del logar que ffuere cabeça de merindad, et los pechos que non ffuessen arrendados. Otrossi quelos cogedores delos nuestros pechos que fueron fata aqui e an dado anos cuenta, de que tienen nuestras cartas de quitamiento, que nos pidieron merçed que touiessemos por bien queles ualiessen et queles non demandasse cuenta otra uegada; a esto tenemos por bien queles sea assi guardado, pero si los cogedores non lo fiziessen bien nos porniemos y aquellos que entendieremos que ssera nuestro seruiçio e guarda dela tierra. Et pues que esta merçed les nos fazemos, caten ellos carrera por que nos ayamos nuestros pechos conplida miente e nos acorramos dellos al tienpo quelos ouieremos mester.
Otrossi alo al que nos pidieron por merçed que pesquisa en rrazon delos pechos nin pecho de conducho nin tresal dinero que non lo ayan, ca es cosa por que uiene grande danno alas nuestras villas. Tenemos por bien que el pecho, que á cabeça çierta, que non aya pesquisa ninguna, mas los otros pechos que non an cabeça que non se puede escusar que non fagan la pesquisa, ca non es nuestro seruiçio nin pro dela tierra quelos cogedores lieuen ell algo dela tierra e quelo encubran et que nos non lo ayamos; et del conducho e del tresal dinero que non tomen
ninguna cosa, ca nos les mandaremos dar aquel gualardon que mereçieren e entendieremos que sera guisado.Alo al que dizen quelos cogedores que cogen los nuestros pechos, fallando peyndras enlas nuestras villas e en los nuestros logares et non gelas amparando, que uan peyndrar por los caminos e por las ferias en manera que por esto rreçiben grandes dannos et que nos pidien merçed que esto quelo mandassemos guardar. Otrossi quela pendra que tomaren en la uilla por los pechos que ouieren a auer que uala tanto e medio, et quela pendra que fizieren quela uendan y en la villa do fuere fecha e que non la saquen ende; a esto tenemos por bien que quando los cogedores delos nuestros pechos ouieren a peyndrar que pendren en aquel logar do ouiere a auer el pecho, e que non sean tenidos de pendrar en caminos nin en otro logar ninguno sacado ende siles amparare la pendra. Otrossi la pendra que fuere fecha quela tengan a uender en aquel logar onde la fizieren en esta guisa: el mueble fata nueue dias, et sinon fallaren quien lo conpre fasta este plazo quela puedan leuar a otro logar a uender, ca algunos lo farian maliçiosa miente quela non querrian conprar, et por esta rrazon non podriamos auer los nuestros pechos; et si la pendra fuere rrayz quela llamen a uender fata XXX dias, et si aeste plazo non fallaren quien la conpre, que la fagan conprar alos çinquo o alos sseys omes mas ricos del logar en guisa que nos podamos acorrer delos nuestros pechos, et aqual quier quela conprare quel sea siempre ualedera, et que non pendren bues nin bestias darada ffallando otra pendra.
Otrossi alo que nos dixieron en razon delas entregas delas debdas delos iudios, que dizen que fazen los porteros delos iudios en las nuestras villas e en los nuestros logares, lo que dizen que non fue en tienpo del Rey don Ferrando nuestro auuelo nin del Rey nuestro padre, et que nos pidian merçed quelas entregas quelas fagan por mandado delos alcaldes assi commo solian seer en tienpo delos otros rreyes que fueron ante que nos; a esto tenemos por bien que en los logares do el nuestro merino mayor deue fazer las entregas delos iudios quelas faga, et en los otros logares quelas fagan por mandado delos alcaldes, assi como se solian fazer en tienpo del Rey don Fferrando nuestro auuelo e del Rey don Alfonso nuestro padre.
Alo al que dizian quelos merinos que prenden los omes, quelos non quieren dar sobre fiadores nin soltar dela prision por mandado de-
los alcaldes del logar poro sse deuen iudgar, et que nos pidien merçed que mandassemos que en esto quelos merinos cunpliessen mandamiento delos alcaldes. Tenemos por bien e mandamos que sea assi guardado, saluo si fueren presos por nuestras cartas o por nuestro mandado, que tenemos por bien que se libre commo fallaremos por derecho.Otrossi alo que nos pidieron merçed quelos alcaldes Destremadura nin de tierra de Leon que non iudguen alos de Castiella nin los enplazen; tenemos lo por bien e mandamos que sea assi guardado.
Alo al que nos dixieron otrossi que quando açaesce que algunos conceios an algunas querellas o algunas demandas unos contra otros queles non quieren demandar por el fuero ó deuen, et que se pendran los unos alos otros et por esto que vienen muchos dannos e muchos males et algunas uegadas muertes de omes entrellos, et que nos pidien merçed quelo mandassemos castigar; tenemos por bien e mandamos que ninguno non sea osado de fazer pendras por esta rrazon; et los que ouieren querellas unos de otros que se demanden por el fuero por ó deuen et ninguno non sea osado delo fazer en otra manera.
Otrossi aloal que nos dixieron que algunas villas de Castiella que an alfozes, et quando los rreyes onde nos venimos enbiauan por los conçeios que fuessen en su seruiçio yuan todos los omes dell alfoç a aguardar la senna dela villa, et agora quelos rricos omes e los caualleros e otros fijos dalgo que deffienden alos dell alfoç que non uayan con la senna assi como solia seer en tienpo delos otros rreyes onde nos uenimos, et por esto que mingua mucho nuestro seruiçio; a esto tenemos por bien e mandamos que aquel fuero e aquel uso e aquel derecho que ouieron en tienpo delos otros rreyes onde nos uenimos quelo ayan assi daquiadelante, et mandamos alos nuestros merinos de Castiella que gelo ffagan assi guardar e que non conssientan que rric ome nin fidalgo nin otro ome ninguno gelo enbargue.
Otrossi alo que nos dixieron de los heredamientos que passaron del nuestro rregalengo alos abbadengos e alos solariegos e alas benfetrias, et delas benfetrias a nuestro rregalengo e alos abadengos e alos solariegos, que nos pidien merçed que gelo mandassemos guardar segund dice ell ordenamiento que fiziemos en Villabona; a esto tenemos
por bien e mandamos que sea assi guardado e conplido segund se contiene enel dicho ordenamiento de Villabona. Otrossi alo que nos mostraron que dela nuestra chançelleria e por el nuestro seello dela poridad leuauan muchas cartas a toda la tierra, contra los priuilegios e contra las cartas delas franquezas e delas merçedes e libertades et contra sus fueros, et queles pasauan contra ello en muchas cosas, en que dizia en las cartas que leuauan que se non escusassen nin dexassen de lo conplir por rrazon del fuero nin por los priuilegios nin por las cartas que auien; tenemos por bien que quando tales cartas commo estas fueren que nos las enbien mostrar, et ffasta quelas nos veamos que non usen por ellas; pero si carta paresciere alguna en que mandemos prender a alguno que se cunpla e que nos la enbien mostrar, et nos entonçe mandar lo emos librar assi como fallaremos que es derecho.Alo que dizen delos cogedores delos nuestros pechos que toman delos pecheros de cada pueblo muy grand quantia por las cartas de pagamiento, et que nos pidien merçed que mandassemos quanto tomassen; tenemos por bien quelo tomen en esta guisa: de mill mr. dela guerra e dend arriba, seys mr. dela moneda dela guerra; e dend a ayuso quanto montare fata çient mr., a razon de una terçia de mri. cada çiento, et non mas.
Aloal que nos pidieron merçed que touiessemos por bien quelos escriuanos publicos quelos ouiessen por sus fueros e fuessen naturales delas villas, tenemos por bien quanto los escriuanos delos poner nos en cada logar de nuestra casa, o naturales delas villas, que sepan muy bien guardar el nuestro Sennorio e ell officio en quelos ponemos et sea pro e guarda dela tierra, et ell escriuano que more y, e sirua ell escriuania por si, e ponga su signo en las cartas et non otro ninguno.
Otrossi aloal que nos pidien merçed que clerigo non ouiesse de librar las alçadas de Castiella; a esto tenemos por bien que sea guardado quanto en general, mas quando acaesçiere de librar algunas alçadas que nos ayamos de librar, acomendar lo emos a qui touieremos por bien, o a tal prelado o a tal clerigo que guarde nuestro sseruiçio e acada uno su derecho.
Aloal que nos dixieron que rricos omes e caualleros e otros fijos dalgo que toman conducho en nuestro rregalengo, et que nos pidien merçed quelo mandassemos guardar; tenemos por bien que rrico ome nin cauallero nin otro fidalgo non tomen conducho enel nuestro rrega-
lengo en ninguna manera: et silo tomare mandamos con acuerdo e con conseio delos rricos omes e delos fijos dalgo que eran aqui connusco que aya y pesquisa e cotos segund en los solariegos e enlas benfetrias.Otrossi alo que nos dixieron que rricos omes e caualleros e otros fijos dalgo, por querella, que dizen que an de algunos sus vecinos, non queriendo yr al logar ademandarlo ante los alcaldes assi como es derecho, quelos pendran alos omes delas nuestras villas por los caminos e por las ferias e quelos cohechan, et por esta rrazon que pierden mucho delo suyo, et que nos pidien merçed quelo mandassemos guardar; a esto tenemos por bien e mandamos que si algun rrico ome o cauallero o fijo dalgo o otro ome qual quier ouier querella alguna de algunos omes de nuestros rregalengos, que gelo demande por su fuero e ante los alcaldes del logar; et si los alcaldes non cunpliesen de derecho quelo muestren anos et mandar lo emos escarmentar enell alcalde e en sus bienes en aquella guisa que touieramos por bien e fallaremos por derecho, et ninguno non sea osado de fazer pendra en otra manera, sinon mandamos alos merinos que gelo non conssientan. Aloal que nos pidieron merçed queles mandassemos guardar e confirmar ell ordenamiento que ouiemos dado en Palencia, tenemos lo por bien e otorgamos gelo e mandamos queles uala e les sea guardado en todo segund que enel dize.
Otrossi alo que nos mostraron en rrazon quelos iudios e los moros dauan a ussuras mas de a rrazon de tres por quatro all anno, e queles passauan contra ell ordenamiento que el Rey don Alfonso nuestro padre que Dios perdone fizo en esta rrazon et nos depues confirmamos, que demandauan las cartas delas debdas de luengo tienpo e facian por ende muchos engannos; tenemos por bien daqui adelante quelos iudios nin los moros non den a usuras mas de a rrazon de tres por quatro por todo el anno segund dize ell ordenamiento del Rey don Alfonso nuestro padre que nos despues confirmamos; et en las cartas que fiziere ell escriuano que faga mençion qual es el debdor e qual es el fiador e de quales logares son, otrossi dell anno adelante o del plazo que deue seer pagada la debda; si el iudio o el moro non demandare la debda fata XXX dias
que adelante que non logre, saluo si depues fueren las cartas renouadas.Otrossi las cartas delas debdas quelas demanden daquiadelante fata seys annos, et dend adelante quel non rrespondan por ellas; et el debdor que non rresponda a otro ninguno por la debda si non aaquel aquila deuiere, o al quila carta mostrare por el, et que se ponga assi en la carta que ell escriuano fiziere; et que ningun iudio non faga carta de debda ninguna en nombre de otro iudio; et en todas las otras cosas que sse guarde ell ordenamiento que fizo el Rey don Alfonso nuestro padre en esta rrazon.
Otrossi alo que nos pidieron quelos alcaldes delas villas librassen los pleytos que acaesçiessen entre los christianos e los iudios e los moros, et non otro alcalde apartado; tenemos por bien quelos pleytos que acaesçieren entrellos quelos libren los alcaldes delos logares segund dize el priuilegio dell ordenamiento que fue fecho en Palencia que dize assi: Tengo por bien quelos iudios non ayan alcaldes apartados assi commo los agora auien, mas que ell uno daquellos omes bonos en qui yo fiare la iustiçia de la villa les libre ssus pleytos apartada miente, en manera quelos christianos ayan su derecho et los iudios el ssuyo, et que por culpa daquel quelos ouiere a iudgar non rreçiban los iudios alongamiento por que sse detenga el pecho que me ouieren adar.
Otrossi alo que nos pidieron quelos iudios e los moros non ouiessen los heredamientos delos christianos por conpra nin por entrega nin en otra manera, que por esto se astragaua muy grand pieça delos nuestros pechos et perdiamos nos ende nuestro derecho; tenemos por bien quelos heredamientos que auian fata agora quelos uendan del dia que este ordenamiento es fecho fata vn anno, et quelos uendan aquien quisieren, en tal manera quelos compradores sean atales quelo puedan y auer con fuero e con derecho; et daqui adelante quelos non puedan conprar nin auer, saluo ende quando ell heredamiento del su debdor se ouiere a uender seyendo apregonado segund fuero; et si non fallaren quien lo conpre quelo tome ell en entrega de su debda por quanto omes bonos, aquellos que dieren los alcaldes del logar, lo apreciaren que vale et dend fata vn anno que sea tenido delo uender; et silo non uendiere fata estos plazos segund dicho es que finque ell heredamiento pora nos, saluo en los solariegos e enlas benfetrias, et sacado ende las casas quelos iudios e los moros ouieren mester pora ssus moradas.
Otrossi alo que nos mostraron en rrazon delos pennos que enpennauan alos iudios e alos moros por que se fazian muchas encubiertas de furtos et en otra manera por quelos christianos perdien su derecho, et pidien quelos iudios e los moros que fuessen tenidos de dar manifiestos aaquellos que gelos enpennaron; tenemos por bien que se faga e se guarde assi en todo commo dize ell ordenamiento que fizo el Rey don Alfonso nuestro padre en esta rrazon que dize asi: Mandamos quelos iudios puedan dar sobre pennos fata ocho mr. sin iura e sin testigo a ome bono e a muger bona que paresca sin sospecha; et si por auentura algunos destos pennos que fueren echados fata ocho mr. sin testigos, e despues fueren demandados al iudio por furto o por fuerça ó lo pudiere mostrar el demandador por derecho, que sea el iudio tenido de mostrar quien gelos enpennó; et silo non pudieren dar por conoscido aquel quien gelos enpennó o non los conosciere, iure en su synoga aquella iura que nos mandamos enel libro delas posturas que non lo conosce nin lo faze por otro traspasso, et aquel que gelos enpennó que tenia que era ome bono o muger bona et por cuanto á sobrellos el demandador sea tenido de dar los dineros al iudio si quisiere cobrar los pennos et el iudio non aya pena ninguna. Otrossi mandamos que el iudio que diere dineros sobre pennos de ocho mr. aarriba, tomelos ante testigose e iure el christiano e el iudio en mano dell escriuano aquella misma iura que nos mandamos iurar al fazer delas cartas que non los toma mas de a tres por quatro, et si alguno destos pennos que el iudio tomare de ocho mr. arriba, alguno gelos demandare por furto o por fuerça, que dé otor manifiesto quien gelos echó en pennos, et si ell otor gelo negare et el iudio non gelo pudiere prouar o dar ell otor por manifiesto derecha miente, dél los pennos sin dineros aaquel quelos fiziere suyos, et el iudio tornesse aaquel quel echó los pennos.
Et nos ssobredicho Rey don Sancho por fazer bien e merçed al Conceio de Aguilar de Canpo et all abad e al conuento del mismo logar, otorgamos les todas estas cosas sobredichas, e defendemos firme miente que ninguno non sea osado de yr nin de passar contra estas merçedes
sobredichas queles nos fazemos nin contra ninguna cosa dellas en ninguna manera. Ca qualquier quelo fiziesse pechar nos ya en pena mill mr. dela moneda nueua et al Conuento ssobredicho o a qui su boz touiesse todo el danno doblado, et demas al cuerpo e a quanto que ouiesse nos tornariemos por ello. E desto les mandamos dar esta carta seellada con nuestro seello de cera. Dada en Valladolid XX dias de Mayo. Era de mill CCC e XXXI anno. Yo Sancho Benitez la ffiz escreuir por mandado del Rey. -P.o R.o prusor.Sepan quantos esta carta vieren, commo nos don Sancho por la gracia de Dios Rey de Castiella de Leon de Toledo de Gallizia de Seuilla de Cordua de Murçia de Jaen e del Algarbe e sennor de Molina.
Catando los muchos bonos seruiçios que rreçibieron los rreyes onde nos venimos delos caualleros e delos omes bonos delas villas e de los logares del rregno de Leon. E otrossi parando mientes alos muy grandes seruiçios que nos dellos tomamos al tienpo que eramos inffante e despues que rregnamos a aca, sennaladamientre en la de Mont Agudo. Otrossi quando Abeyuçaff e Abeacob su fijo cercaron a Xerez por dos veces, e nos fuemos y por nuestro cuerpo e la descercamos. Et otrossi catando el seruiçio que nos fezieron en la cerca de Tarifa que nos conbatiemos e tomamos afuerza de armas. Otrossi quand bien estranaron e quand lealmiente se touieron connusco e guardaron el nuestro ssennorio contra los mouimientos malos e falssos que el inffante don Johan fizo contra nos, e otros muchos sseruiçios que nos fezieron cada que mester lo ouiemos dellos: Nos auiendo uoluntad deles dar ende gualardon acordamos de fazer nuestras cortes en Valladolit. E con acuerdo delos prelados e delos maestros delas Ordenes e delos rricos omes e infançones, e otrosi con los caualleros del rregno de Leon que nos tomamos sobre esto para nuestro conseio: Mandamos alos delas uillas del rregno de Leon que eran y connusco que nos dixiessen si en algunascosas tenian que recibian agrauiamientos, e que nos lo monstrassen e nos queles fariemos merçed sobrello. Et ellos auiendo su acuerdo todos de consuno monstraron nos todas aquellas cosas que dezien de que rrecebien agrauiamientos, e pedieron nos queles fiziessemos merçed enello. Et nos por fazer bien e merçet atodos los conceios del rregno de Leon por estos seruiçios sobredichos e por otros muchos que nos fizieron fasta aqui e faran daqui adelantre anos e alos que de nos vinieren. Sennaladamientre por quela Reyna donna Maria mi muger, e el infante don Fferrnando nuestro fijo primero e heredero nos pidieron mucho affincadamientre merçed sobre ello, otorgamos les estas cosas que en esta carta seran dichas:Primeramiente alo que nos pidieron quelos fueros e los bonos usos e los priuilegios e las franquezas e las libertades que auyan delos rreyes onde nos venimos e les nos confirmamos, que gelos mandassemos guardar. Tenemoslo por bien e otorgamos gelo.
Otrossi alo que nos pidieron que non quisiessemos dar enel rregno de Leon a rrico ome nin a rrica fenbra nin a inffançon nin a otro ffijo de algo donadio de casas nin de heredamientos que ssean delos conçeios nin de sus aldeas. Tenemos por bien que aquello que es delas villas e delos otros omes que y son moradores, assi heredades commo los otros derechos que y an, de non lo dar a otro ninguno. Mas lo que es nuestro e los nuestros derechos que y auemos que non son delas villas nin de otro ninguno, quelo podemos nos dar aquien nos quisieremos.
Otrossi alo que nos pidieron que prelados nin rricos omes nin rricas fenbras nin inffançones non conprassen heredamientos enlas nuestras villas nin enlos sus terminos. Tenemos por bien que quanto prelados nin rricos omes nin rricas duennnas, quelo non compren. Mas todo infançon o cauallero o duenna fijos dalgo quelo puedan conprar e auer en tal manera quelo ayan e fagan por el, ellos e los que con ellos venie-
ren, aquel fuero e aquella uezindat que fizieren los otros vezinos dela vezindat onde fuer el heredamiento. Et si esto non quisieren ffazer quelo non puedan conprar. Et por lo que an conprado que fagan vecindat commo los otros vezinos o lo vendan aquien lo faga, si non que gelo tomen.Otrossi alo que nos pidieron queles tirassemos los juyzes de ssalario que auyan de fuera e queles diessemos jurados e alcaldes e juyzes de sus villas segunt cada uno los deue auer por su fuero, e que mandassemos alos juyzes de ssalario que ouieran de fuera que veniessen aquellos logares do fueran juyzes aconplir alos querellosos de derecho, ellos e los alcaldes e los otros offiçiales que estauan y por ellos. Tenemos lo por bien de les tirar los juyzes ssobredichos e que ayan alcaldes e jurados e juyzes de sus villas, asi commo cada uno los pedieron, saluo en aquellos logares do nos pedieren juyzes de fuera, el conçeio o la mayor partida del conçeio, quelos podamos nos dar. Et mandamos quelos juyzes que ouieron de fuera, de çinco annos a aca, que vayan cada unos aquellos logares do fueron juyzes e escoian dos omes buenos daquel logar, vno que tome el conçeio e otro que tome el que fue juyz quelos oyan sobrello e que esten y treynta dias a conplir de derecho ante aquellos dos omes buenos alas querellas que dellos dieren, saluo enlos pleytos criminales que fueren en fecho de justiçia, tenemos por bien que gelos demanden ante nos, sacado ende aquellos que estodieron y los treynta dias, o quelos quitaron los conçeios o los non quisieren demandar.
Otrossi alo que nos pidieron en fechos delos notarios delas villas. Tenemos por bien quelos notarios sean puestos por nos en cada logar de nuestra casa, o naturales delas villas tales que ssepan bien guardar el nuestro ssennorio e el offiçio en quelos ponemos; e los notarios que moren enlas villas onde ouieren las noterias e quelas sieruan por si, e tomen por si mismos todos los pleytos delas cosas que asso offiçio perteneçieren; e que signen por si mismos las cartas e los scriptos en que ssigno deue auer, que por ante ellos fueren fechos; e que non ponga signo en ningunas cartas nin en ningunos scriptos que por ante el non fueren fechos, e que tomen por las cartas e por los scriptos que fizieren tanto commo dize enel ordenamiento que fizo el rrey don Alffonso nuestro padre; pero que puedan tener los notarios escriuanos queles ayuden a escriuir en sus noterias, e los conceios queles non den otras soldadas; e los notarios que contra esto passaren que pierdan las noterias e que pechen doblado lo que leuaren demas a aquellos de qui lo leuaron.
Otrossi alo que nos mostraron que rrecebian grandes agrauiamientos los conceios por rrazon de peyndras queles fazen rricos omes e caualleros e otros omes, e ssennaladamientre algunos que trahen nuestras cartas e peyndran por ellas e lieuan las peyndras de un logar a
otro; e nos pedian merçed que non passasse assi. Tenemos por bien quela peyndra que se fiziere en rrazon delos nuestros pechos, quela fagan en aquel logar do ouieren a dar el pecho e la apregonen auender el mueble anueue dias; e si non ffallaren quien la conpre en aquel logar quela lieuen a otra parte a uender, e la rrayz quela tenga atreynta dias, e si non ffallaren qui la conpre quela fagan conprar alos cinco o alos seys omes mas rricos de aquel logar, e qual quier quela conprare quel ssea sienpre ualedera. Et si los rricos omes o caualleros o otros omes algunos querella ouieren de algunos delas villas o delos logares, quelo muestren a aquellos que touieren la justicia por nos e que gelo fagan emendar; e si los que touieren la iusticia non les fizieren cunplimiento de derecho quelo muestren a nos e nos fazer geloemos emendar dellos.Et otrossi alo que nos mostraron quelos entregadores delos pastores fazian agrauiamientos enla tierra, e nos pedian quelos alcaldes delos logares estodiessen alibrar los pleytos con los entregadores. Tenemos por bien quelos alcaldes delas villas tengan el ordenamiento por quelos entregadores an de iudgar, e uno delos alcaldes que esté y con ellos. E si los entregadores les quisieren passar a mas del ordenamiento que gelo non consientan; e los entregadores que sean omes bonos e quantiosos, e tales gelos daremos nos. Otrossi los procuradores delos pastores que sean abonados e si tales non fueren que non ssean rrecebidos.
Otrossi alo que nos pedieron queles non tomassen seruiçio delos ganados que non ssaliessen de sus terminos para yr a estremo e enuernauan y enla tierra, nin delos que leuassen a uender alas ferias e alos mercados. Tenemos por bien que gelo non tomen delos ganados que moraren y todo el anno.
Otrossi alo que nos pidieron que los alcaldes del rregno de Leon
iudgassen en nuestra casa los pleytos e las alçadas que y veniessen por el Libro judgo de Leon e non por otro ninguno, nin los iudgassen alcaldes de otros logares. Tenemos lo por bien e otorgamos gelo.Otrossi alo que nos mostraron en rrazon dela goarda delos puertos e delos terminos. Tenemos por bien que cada uno delos conçeios assi delas Ordenes commo delos otros logares, que goarden sus terminos delos ladrones e delos omes malos que non fagan y danno. E si danno alguno se y fiziere que sean tenudos delo pechar asus duennos, cada unos en sus logares, e que non tomen rronda ninguna delos ganados nin delas bestias que troxieren para sus cosas que ouieren mester para sus cabannas. Otrossi que non ssean tenudos de pechar el danno que fezieren los golfines alos pastores quando passaren con sus ganados.
Otrossi alo que nos pidieron que defendiessemos quelos nuestros escriuanos non librassen carta que fuesse de contienda de pleytos, sinon los nuestros alcaldes quelo ouiessen a judgar, por quelos dela tierra ouiessen derecho cada uno segund su fuero. Tenemos lo por bien e otorgamos gelo.
Otrossi alo que nos pidieron que quando algun cauallero delos conceios tomasse dineros para yr nos seruir en hueste e finasse enel ca-
mino depues que de su casa saliesse, que aquellos dineros que el ouiese tomado de sus escusados o dela soldada del conceio onde fuere vezino, que non ssean demandados a su muger nin a sus herederos. Tenemos lo por bien e otorgamos gelo.Otrossi alo que nos pidieron que quando nos fuessemos enlas villas del rregno de Leon, que el conducho que ouiessemos mester por nuestros dineros nos e la Reyna e nuestros fijos, quelo tomassen los omes bonos que posiessen el Conceio para ello e lo diessen a nuestros offiçiales, que dezian que delos nuestros offiçiales recebian muchas escatimas quando lo ellos tomauan sin los omes bonos del Conceio. Tenemos lo por bien e otorgamos lo e ellos quelo cunplan assi.
Otrossi alo que nos mostraron en rrazon delos offiçiales de nuestra casa que morauan enlas villas e auyan algunas demandas contra algunos omes, quelos non querian demandar por sus fueros e leuauan nuestras cartas por quelos enplazauan queles uiniessen rresponder por nuestra corte, e pidian quelos demandassen por sus fueros ante los alcaldes que estodiessen por nos enlas villas. Tenemos por bien quelos nuestros offiçiales, que offiçio ouieren en nuestra casa, si algunos les fizieren tuerto andando ellos en nuestra corte o en nuestro seruicio, queles vengan rresponder para nuestra casa e sean iudgados por aquel fuero de aquellos logares onde son. Pero si acaeçiere queles fizieren tuerto morando ellos allá enlos logares, queles rrespondan allá e les cunplan de derecho por su fuero.
Otrossi alo que nos pidieron queles quitassemos todas las de-
mandas que auyemos contra ellos en general, de cuentas e de pesquisas e de todas las otras cosas en qual manera quier fasta estas cortes, ssaluo los que touieron la nuestra justiçia e los cogedores e los ssobre cogedores del seruiçio ssesto e delos tres seruiçios que nos dieron por rrazon dela ayuda para la cerca de Tarifa, que den cuenta dello; ca lo al de ante fuera quito por el arrendamiento del Barchilon quando fueron quitas las cuentas e las pesquisas. Tenemos por bien de gelo quitar, saluo aleue o trayçion e la nuestra justicia e la cuenta delas fonssaderas; e quanto en rrazon delos pechos que algunos echaron enla tierra sin nuestro mandado o dela Reyna, que nos den cuenta e rrecabdo por qual rrazon lo fizieron. Et si ffallaren que echaron los pechos sin nuestro mandado o dela Reyna o de sus conceios o dela mayor parte dellos, que sean tenudos delo pechar e dese parar sobre ello a la nuestra merçed.Otrossi alo que nos mostraron que dela nuestra chancelleria e por el nuestro sello dela poridat leuauan muchas cartase a toda la tierra contra los priuilegios e contra las cartas delas franquezas e delas merçedes e delas libertades que auyan e contra sus fueros, en queles passauan contra ello en muchas cosas, e que dezien enlas cartas que lleuauan que se non escusen nin dexen delas conplir por rrazon del fuero nin por los priuilegios nin por las cartas que auyan. Tenemos por bien que quando tales cartas commo estas fueren que nos las enbien monstrar e fasta quelas veamos que non usen por ellas. Pero si carta apareçiere alguna en que mandemos prender alguno, quelo prendan e que nos lo enbien monstrar, e nos entonçe mandar lo emos librar assi commo fallaremos que es fuero e derecho.
Otrossi alo que nos pedieron que quando algun cauallero o escudero o otro ome del rregno de Leon fuesse muerto por iusticia, quel non tomassen ninguna cosa delo suyo, si non lo que deuiessen perder segunt fuero de aquel logar do ffuere morador o segunt manda el Libro judgo de Leon, e lo al quelo ouiessen sus herederos. Tenemos lo por bien e otorgamoslo, ssaluo aquellos que mataren por iusticia en nuestra casa, que aya nuestro alguazil aquello que usaron tomar en tienpo del Rey don Ferrnando nuestro auelo e del Rey don Alfonso nuestro padre que Dios perdone.
Otrossi alo que nos pedieron que el que ffiziesse alguna cosa por que deuiesse perder lo que ouiesse, quelas debdas que deuiere dante que sea dado por culpado, que se paguen delo suyo. Tenemos lo por bien e otorgamoslo, ssaluo ende si deuiere anos alguna cosa que ssea pagada la nuestra debda primeramientre.
Otrossi alo que nos pidieron que quando a alguno mandassemos derribar casa o torre o cortar vinnas o fazer otra cosa, que aquellos quelo feciessen por nuestro mandado quelo non pechassen depues. Tenemos lo por bien e otorgamoslo.
Otrossi entre todas las otras cosas sobredichas quelos del rregno de Leon nos demandaron queles fiziessemos merçed, pidieron nos que-
les otorgassemos la ordenaçion que nos auyemos fecha en la çibdat de Palençia de que nos auemos dado nuestras cartas alas çibdades e alas villas e alos logares del nuestro ssennorio, e que gela confirmassemos agora e gela mandassemos guardar, por que daqui adelante ninguno non les passe contra ello. Tenemos lo por bien e mandamos queles sea guardada en todo bien e conplidamientre, segunt dizen las cartas que cada una delas villas del rregno de Leon tienen en esta rrazon.Otrossi alo que nos monstraron en commo los iudios e los moros dauan a usuras mas de a rrazon de tres por quatro al anno, e queles pasauan contra el ordenamiento que el Rey don Alffonsso nuestro padre que Dios perdone fizo e les nos depues confirmamos, e que demandauan las cartas delas debdas de luengo tienpo, e que fazian por ende muchos engannos. Tenemos por bien e mandamos quelos iudios nin los moros non den a usuras mas de a rrazon de tres por quatro por todo el anno, ssegunt diz el ordenamiento del Rey don Alffonso nuestro padre que nos confirmamos; e enla carta que fizier el notario que ffaga mençion qual es el debdor e qual es el fiador e de quales logares son. Otrossi del anno o del plazo en adelante, si el iudio o el moro non demandare la debda fasta treynta dias que dende en adelante non logre, saluo si renouare la carta. Otrossi las cartas delas debdas quelas demanden fasta seys annos, e dende adelante queles non respondan por ellas; e el debdor que non responda a otro ninguno por la debda sinon aquel aque la deuiere o aqui la carta monstrare por el, e que se ponga asi enla carta que el notario fiziere; e que ningun iudio non faga carta de debda en nonbre de otro iudio; e en todas las otras cosas que se guarde el ordenamiento que el Rey don Alffonso nuestro padre ffizo en esta rrazon.
E otrossi alo al que nos pidieron quelos alcaldes delas villas libren los pleytos que acaeçieren entre los christianos e los iudios e los moros e non otro alcalde apartado. Tenemos por bien quelos pleytos que acaeçieren entre ellos quelos libren los alcaldes delos logares ssegunt diz el priuilegio del ordenamiento que fue fecho en Palençia que diz assi: Tengo por bien quelos iudios non ayan alcaldes apartados assi commo los agora auyen, mas que el uno de aquellos omes bonos en que yo ffiar la iusticia dela villa les libre sus pleytos apartadamiente, en manera que los christianos ayan su derecho e los iudios el suyo, e que por su culpa de aquel quelos ouier de iudgar non reciban los iudios alongamiento por que se detenga el pecho que me ouieren adar.
Et otrossi alo que nos pidieron quelos iudios nin los moros non ouiessen los heredamientos delos christianos por conpra nin por entrega nin en otra manera, e que por esto se astragauan muy grant piesça delos nuestros pechos e que perdiemos nos ende el nuestro derecho. Tenemos por bien quelos heredamientos que auian fasta agora quelos uendan del dia que este ordenamiento es fecho fasta un anno, e quelos uendan aquien quisieren en tal manera quelos conpradores sean atales quelo puedan auer con fuero e con derecho; e que daqui adelante quelos non puedan conprar nin auer, saluo ende quando el heredamiento del su debdor se ouier a uender seyendo apergonado segunt fuero; e si non fallaren quien lo conpre quelo tome el en entrega de su debda por quanto omes bonos o aquellos que dieren los alcaldes lo apreçiaren que uale, e dende fasta un anno que ssea tenudo delo uender. E si lo non vendier fasta estos plazos que finque el heredamiento para nos, saluo ende enlas solareguias y enlas bienfetrias delos fijos dalgo o enlos abadengos, e sacado ende las cosas que ouieren mester para sus moradas.
Otrossi alo al que piden en rrazon delos pennos que enpennauan alos iudios e alos moros, por que se fazian muchas encubiertas de furtos e en otra manera por que los christianos pierden su derecho, e pedian que los iudios e los moros fuessen tenudos de dar manifiestos a aquellos que gelos enpennaron. Tenemos por bien que se faga e se guarde en todo
asi commo diz en el ordenamiento que ffizo el Rey don Alffonso nuestro padre que dize assi: Mandamos que los iudios puedan dar sobre pennos fasta ocho mr. sin iura e sin testigos a omme bono o a muger bona que parezca sin sospecha; e si por auentura alguno destos pennos que fueren echados fasta ocho mr. sin testigos, depues fueren demandados al iudio por furto o por fuerça, olo pudier demonstrar el demandador por derecho, que sea tenudo el iudio de demonstrar qui gelos enpennó; e si lo non podier dar por conoscido aquel que gelos enpennó o lo non conosçiere, iure en su sinoga sobre la tora aquella iura que nos mandamos enel libro delas posturas quelo non conosçe nin lo faz por otro traspasso, e aquel que gelos enpennó que tenia que era omme bueno o muger bona; e por quanto á sobre ellos el demandador sea tenudo de dar los dineros al iudio si quisiere cobrar los pennos, e el iudio non aya pena ninguna. Otrosi mandamos que el iudio que diere dineros sobre pennos de ocho mr. ariba, tomelos ante testigos e iure el christiano e el iudio en mano del notario aquella misma iura que mandamos iurar al fazer delas cartas, que non los toma mas de atres por quatro, nin el iudio quelos non da mas de atres por quatro. E si algunos destos pennos que el iudio touiere de ocho mr. ariba, alguno gelos demandare por defurto o por fuerça, que dé otor manifiesto qui gelos echó enpennos.Et si el otor gelo negare e el iudio non gelo pudier prouar o dar el otor por manifiesto derecha mientre, dé los pennos sin dineros a aquel quelos fiziere suyos, e el judio tornesse aquel quel echó los pennos. Et porque el conceio de Caçeres nos pidieron merçed queles otorgassemos estas cosas dichas por queles fuessen guardadas para sienpre, nos el sobre dicho Rey don Sancho por les fazer merçed, tenemoslo por
bien e otorgamos gelo, e defendemos firme mientre que ninguno non sea osado de yr nin de passar contra estas merçedes queles nos ffazemos ssegunt sobredicho es nin contra ninguna dellas en ninguna manera. Ca qual quier quelo fiziesse o contra esto que nos mandamos passasse pechar nos ye en pena mill mr. dela moneda nueua, e al conçeio de Caçeres o aqui su boz touiesse todo el danno que por ende recibiessen doblado, e demas a ellos e alo que ouiessen nos tornariemos por ello. Et desto les mandamos dar esta carta sseellada con nuestro sseello de çera colgado. Dada en Valladolit, veynte e tres dias de mayo Era de mill e trezientos e treynta e un anno. Yo Françisco Nunez la ffiz escriuir por mandado del Rey. - Marcos Perez. - Johan Rodriguez. - Gomez Yannez r. - Garçia Ferrandez.Enel nonbre de Dios padre e fijo e espiritu santo que son tres personas e un Dios, et dela uirgen Santa Maria su madre que nos tenemos por sennora e por auogada en todos nuestros fechos, queremos que seppan por este nuestro priuillegio los que agora son e seran daqui adelante, commo nos don Fernando por la gracia de Dios Rey de Castiella de Toledo de Leon de Gallizia de Seuilla de Cordoua de Murçia de Jahen del Algarbe, et senor de Molina, estando enlas cortes enla uilla de Valladolit seyendo llamados a ellas prelados e rricos omes e maes-
tres de caualleria et todos los otros de nuestros rregnos; por que sabemos que es seruicio de Dios e nuestro e muy grand pro de todos los de nuestros rregnos, e meioramiento del estado de toda nuestra tierra, et auiendo uoluntad de fazer bien e merçed a todos los conceios de nuestros rregnos, con consseio dela Reyna donna Maria nuestra madre, e con otorgamiento del infante don Anrrique nuestro tio e nuestro tutor, et con conseio de don Roy Perez maestro de Calatraua nuestro amo, e de don Iohan Osoyrez maestro dela caualleria de Santiago, et delos prelados e delos rricos omes e delos otros omes buenos que y eran connusco, ordenamos e damos e confirmamos e otorgamos les estas cosas para siempre iamas.Primera mientre queles guardemos sus fueros e sus priuillegios e cartas e franquezas e libertades e usos e costumbres que ouieron en tiempo del Emperador e del Rey don Alffonsso que vencio la batalla de Vbeda, et del Rey don Alffonsso que vencio la batalla de Merida, e del Rey don Fernando su fijo, et delos otros rreys onde nos auenimos, los meiores e delos que ellos mas se pagaren.
Otrosi que todos los arçobispos e obispos e los abbades que uayan beuir asus arçobispados e obispados e a sus abbadias, et los clerigos asus logares, saluo los capellanes que cumplieren pora nuestra capiella que anden connusco.
Otrosi que todos los priuados que andudieron con el Rey don Sancho nuestro padre et todos los otros ofiçiales de su casa que no anden en nuestra casa, et que den cuenta de quanto leuaron dela tierra; por que esto es seruicio de Dios e nuestro et pro e guarda de toda la tierra. Pero si con conseio dela Reina donna Maria nuestra madre nos e el infante don Anrrique nuestro tio et los omes buenos delas villas que nos dieren para ordenar esto fallarmos que algunos destos ofiçiales legos bien vsaron de sus oficios, et touiermos por bien que ayan oficios en nuestra casa, quelos ayan.
Otrosi tenemos por bien quelos oficiales de nuestra casa sean omes bonos delas uillas de nuestros rregnos assi commo era en tiempo del Rey don Alffonso que vencio la batalla de Vbeda, e en tiempo del Rey don Alffonsso que vencio la batalla de Merida, e del Rey don Fernando; et que non ande y iudio.
Otrosi quelas cogechas delos pechos de nuestros rregnos quelas ayan omes buenos delas nuestras uillas assi commo las ouieron en tiempo del Rey don Fernando nuestro visauuelo por que no anden y iudios nin otros omes reuoltosos, et que non sean arrendadas.
Otrosi que si el Rey don Alffonsso nuestro auelo o el Rey don Sancho nuestro padre tomaron algunos heredamientos o algunas aldeas a algunos conçeios o a algunos omes delos conçeios sin razon e sin derecho; que sean tornados a aquellos a quien fue tomado.
Otrosi que uilla que sea rrengalenga en que aya alcalde o merino, quela non demos por heredat a infante nin a rrico ome nin a rrica fembra nin aorden nin aotro logar ninguno por que sea enaienada delos nuestros rregnos e de nos.
Otrosi quelos nuestros sseellos que sean metidos en poder de dos notarios que sean legos, et el uno que sea delas uillas delos rregnos de Castiella e el otro delas uillas delos rregnos de Leon, et estos dos notarios que tengan las llaues delos seellos e ayan las uistas delas cartas, et quela nuestra chancelleria que non sea metida en arrendamiento.
Otrossi que non ande enla tierra nuestra carta de creencia nin blanca; et si alguno la traxier que non obren por ella por que es contra fuero.
Otrossi que quando fuermos en alguna uilla que non tomen uianda ninguna pora nos amenos quelo mandemos pagar; et lo que tomó el Rey don Sancho nuestro padre e la Reyna nuestra madre quelo mandemos pagar.
Otrossi quelos castiellos e las alcaçares delas çibdades e delas uillas e delos logares de nuestro sennorio, quelas fiemos en caualleros e en omes buenos de cada una delas uillas quelas tengan por nos.
Otrossi las hermandades que fizieron los delas uillas de nuestros rregnos de Castiella e de Leon e de Gallizia e de Estremadura e del arçobispado de Toledo otorgamos las e confirmamos gelas asi commo las fizieron.
Otrossi quelos merinos mayores de Castiella e de Leon e de Gallizia que non sean rricos omes, et que sean tales los que y pusiermos que amen iusticia.
Et nos sobredicho Rey don Fernando rregnante en Castiella e en Toledo e en Leon e en Gallizia e en Seuilla e en Cordoua e en Murcia e en Iahen e en Baeça e en Badaioz e enel Algarbe e en Molina, prometemos e otorgamos de tener e guardar todas estas cosas que sobredichas son et de non uenir contra ellas en ningun tiempo. Et por mayor firme dumbre de todo esto el infante don Anrrique nuestro tio e nuestro tutor iuró
por nos, asi commo tutor, sobre los euangelios e sobre la cruz, e fizo pleyto e omenaie quelo mantouiessemos e lo guardassemos en todo tiempo commo dicho es. Et desto mandamos dar al conçeio de Burgos cabeça de Castiella e nuestra camara este priuilegio seellado con nuestro seello de plomo. Fecho en Valladolid, ocho dias de agosto era de mill e trezientos e treynta e tres annos. Johan Garçia chanceller del inffante don Anrrique lo mandó fazer por mandado del Rey en el anno primero que el Rey sobredicho rregnó. Yo Domingo Perez de Atiença la fiz escriuir. - Iohan Garcia. - Fferrand Garçia.Sepan quantos esta carta uieren. Commo ante mi don Fferrando por la gracia de Dios Rey de Castiella de Toledo de Leon de Gallizia de Seuilla de Cordoua de Murçia de Jahen del Algarbe, e ssennor de Molina. Vinieron a mi don Gonçalo arçobispo de Toledo, e don Martino obispo de Astorga, e don Johan obispo de Osma, e don Johan obispo de Tuy, e don Gil obispo de Badaioz, e don Pero abbat de Val buena, et los procuradores delos otros obispos e prelados, et delos cabildos e dela clerizia de todos mios rregnos; et mostraron me muchos agrauiamientos que auien reçebidos enlos tienpos passados delos rreyes e de otros omes dela tierra, et sennalada miente quando alguna eglesia vacaua que tomauan todos los bienes del prelado pan e uino e dineros e ganados e bestias e joyas e vestimentas, et prendien los mayordomos queles diessen cuenta e leuauan dellos quanto podien e dauan les cartas de quitamiento, e ponien omes que rreçibiessen las rentas del obispado, e non labrauan las vinnas, e dexauan caer las casas, et hermauan lo todo, et non pagauan las rrentas que auien a pagar la obispalia; en manera que non auien con que soterrar los prelados onrrada miente commo deuien, nin se cunplien sus testamentos, nin se guardaua lo que ficaua, nin las rrentas dela obispalia pora pro
dela eglesia, e pora su successor assi commo el derecho manda que sse guarde. Otrossi mostraron me que quando acaescien algunas elecciones de prelados que fazien premia alos cabildos en las elecciones, en manera que non podien esleer liberal miente a aquellos que deuien segund derecho, et auien a esleer otros contra sus voluntades. Et esso mismo les fazien enel dar delas dignidades e delos otros benefiçios. Otrossi mostraron me que echauan pechos alos prelados e alas eglesias e ala clerizia, contra las libertades e las franquezas quela eglesia ha, et los apremiauan a ello tomando lo que auien a ellos e a sus vassallos. Otrossi me mostraron que prendien los clerigos e los matauan e les tomauan lo suyo por fuerça e los sacauan de fuero contra derecho e commo non deuien. Et pidieron me merçed quelos guardasse daqui adelante de todos estos agrauiamientos e males e dannos e menoscabos e desonrras. Et yo por les fazer bien e merçed et por que me piden derecho, et con consintimiento dela Reyna donna Maria mi madre e mi Sennora, e del infante don Anrrique mi tio, e de don Roy Perez maestre dela caualleria dela Orden de Calatraua, et de don Johan Osorez maestre dela caualleria dela Orden de Santyago, e de todos los otros rrycos omes e los otros omes buenos de mi corte, tengo lo por bien e otorgo lo por mi e por mis successores que daqui adelante non tomemos ni mandemos tomar delos bienes delos arçobispos nin delos obispos nin delos otros prelados quando murieren, nin pan nin vino; nin dineros nin las rrentas del obispado, nin ninguna cosa delas sobredichas; et quelos cabildos rrecabden e fagan rrecabdar los bienes delos prelados e delas rrendas, et quelas guarden pora pagar sus debdas e sus testamentos o pora sus successores. Otrossi les otorgo por mi e por mis successores queles non fagamos premia ninguna en sus elecciones nin en dar los beneficios, mas que fagan sus elecciones libera miente sin premia ninguna assi commo manda el derecho. Otrossi les otorgo por mi e por mis succesores de non demandar pecho ninguno alos prelados nin alas eglesias nin ala clerizia. Otrossi les otorgo por mi e por mis successores de non mandar prender clerigos nin les tomar lo suyo nin los sacar de su fuero; et si por auentura la mi justicia los prisiesse en maleficio, que los mande luego dar e entregar sin detenimiento al su prelado o al que estouiere en su logar. Et prometo por mi e por mis successores de guardar todas estas cosas sobredichas bien e conplida miente, et mando e defiendo firme miente que ninguno non sea osado deles passar contra estas cosas nin contra ninguna dellas. Et qual quier que contra ellas passare e las quebrantare aya la yra de Dios e la mia. Et por que esto sea firme e non venga en dubda mandé les dar esta mi carta seellada con mio seello de plomo. Dada en Valladolit, doze dias de agosto era de mill e trezientos e treynta e tres annos. Yo Sancho Benitez la fiz escriuir por mandado del Rey, enel anno primero que el Rey sobredicho rregnó. - Marcos Perez.Don Fernando por la gracia de Dios Rey de Castiella de Leon, etc. Al concejo de Logronno salud e gracia. Sepades que yo estando enlas cortes enla villa de Cuellar, con consejo e con otorgamiento dela Reyna donna Maria mi madre, e del infante don Enrique mio tio e mio tutor, e de don Diego Lopez de Haro sennor de Vizcaya, e de don Alfonso de Molina, e de don Joan fijo del infante don Manuel, e de don Joan Osorez maestre de la caballeria de Santiago, e delos prelados, e delos ricos homes que eran y conmigo, ordené e otorgué a todos los delas ciudades delas villas del reyno de Castiella estas cosas:
Primeramente que aquellos doce omes bonos que me dieron los delas villas del reyno de Castiella para que finquen conmigo por los tercios del anno, para consejar e servir a mi e a la Reyna mi madre e al infante don Enrique mio tio e mio tutor, que en fecho dela justicia e de todas las rentas e de todo lo al que me dan los dela tierra e como se ponga en recabdo e se parta en lugar que sea mio seruicio e amparamiento dela tierra, e en todas las otras cosas de fecho dela tierra que ouieren de ordenar que sean mio seruicio e a pro e a guardamiento dela tierra, que me place que sean comigo e que tomen cuenta delo pasado.
Otrosi que pues los dela tierra me siruieron en razon que labrase la moneda, que ponga y mejor recabdo que non fue fasta aqui, porque yo sea servido e la tierra amparada.
Otrosi quelos heredamientos realengos que compraron o compraren los clerigos que pechen por ellos con sus vecinos.
Otrosi que si alguno o algunos y ouier que encubrieren a los que son a mio deseruicio o a sus algos, o les enuiaren caballos o armas o viandas o otras cosas algunas, que hayan aquella pena misma que aurian aquellos que andan en mio deseruicio.
Otrosi que envio afrontar e pedir a todos aquellos que son a mio deseruicio, que me den las mis villas e los mios castiellos que me deuen e me tomaron por fuerza e como non deuen; e si facer non lo quisieren, que dende adelante que faga yo contra ellos aquello que debo facer con derecho.
Otrosi quelas heredades que han comprado los judios, quelas vendan de aqui un anno.
Otrosi mando derribar luego las casas e las torres e cortar las vinnas e las huertas e asolar quanto ouieren a todos aquellos que son en mio deseruicio, saluo lo que yo he dado fasta aqui, queles sea guardado a aquellos a qui yo lo di; e en razon dela verdat de aquellos que estan en mio seruicio pús plazo fasta el dia de san Joan Baptista primero que viene, e si fasta ese plazo non viniesen a la mi mercet, que yo que faga estonce contra ellos e contra todo lo suyo aquello que deuier. E yo el sobredicho Rey don Fernando que mantuuiese esto e lo guardase.
Dado en Cuellar, veint e nueue dias de marzo era de mil e trecientos e treinta e cinco annos. - Yo Ferrant Peres lo fiz escribir por mandado del Rey e del infante don Enrique su tutor.
Sepan quantos esta carta vieren como nos don Fernando por la gracia de Dios Rey de Castilla de Toledo de Leon de Gallicia de Sevilla de Cordoua de Murcia de Jahen de Algarbe e de Algecira, e sennor
de Molina e de Vizcaya, estando enlas cortes dela villa de Valladolit, seyendo llamados a ellas ricos omes e maestres de caballerias e omes buenos de todos los otros nuestros regnos, porque sabemos que es a servicio de Dios e nuestro, e muy grande pro de todos los nuestros regnos, e mejoramiento del estado de toda nuestra tierra, habiendo voluntad de facer bien e mercet a todos los concejos de nuestros regnos, con consejo e con otorgamiento dela Reyna donna Maria mi madre, e del infante don Enrique nuestro tio e nuestro tutor, e don Diego Lopez de Haro sennor de Vizcaya, e de don Juan Osores maestre dela caballeria de Santiago e nuestro mayordomo mayor, e delos ricos omes caballeros, e delos otros omes que eran con nusco, ordenamos e mandamos e confirmamos todas estas cosas que aqui seran dichas:Primeramente que si aquellos que fueron a nuestra mercet o a nuestro servicio ficieron o ficieren algunt robo, que estos fincando enla nuestra tierra que gelo fagamos emendar, e si alguno destos robadores fueren a nuestro deservicio antes quelo haya emendado, que nos non le perdonemos fasta quelo haya emendado.
Otrosi que todos aquellos que son a nuestro deservicio, emplazandolos, que vengan a nuestra mercet e nuestro servicio fasta el dia pasqua de Resurrectione Domini, primera que viene; quelos que venir quisieren envien, antes que a nos vengan, por nuestras cartas porque vengan seguros, e los que venir non quisieren fasta este plazo adelantado non les perdonamos; e los castillos que hobieren queles sean luego derribados e astragados, tambien fasta el plazo a que han de venir como del plazo adelante, e la su heredat e los sus bienes destos que sean a nuestra mercet para facer dellos lo que la nuestra mercet fuere. Et otrosi que mientras esta guerra durare, que todas aquellas cosas que fueren robadas que a todos a quien fuere fallado sean puestas en recabdo, en guisa que aquel que fuere robado quelo cobre con fuero o con derecho en aquel lugar do fuere fallado, e que no se escuse ningu-
no de la pena del robo por decir quelo fizo por prenda, salvo si mostrare quela prenda quela fizo con derecho.Otrosi que mandemos dar pesquisidores e entregadores, tales que sean buenos omes, que fagan pesquisa por las merindades en razon delas malfetrias e delas tomas delos robos, e del conducho que se tomó sin derecho porque se coja como debe.
Otrosi quelas nuestras yantares que non las demandemos agora do nos fueremos, fasta que sepamos en como las dieron al Rey don Ferrando nuestro visabuelo, en guisa que nuestro derecho sea guardado.
Otrosi que el derecho dela tierra sea guardado, e si alguna cosa tienen prendado o tomado por esta razon, queles sea luego entregado a aquellos a quien la tomaron.
Otrosi por previllegio que nos hayamos dado a los dela tierra nin que demos daqui adelante que sea de confirmacion, que no tomen de chancilleria por el mas de sesenta maravedis dela moneda blanca que nos mandamos labrar adies dineros cada maravedi, e el que tomare por registro de previllegio nin carta ninguna cosa quelo matemos por ello, e lo que hobieren que sea para nos.
Otrosi que en nuestra casa que haya alcaldes e escribanos tantos e tales que sean para ello, que esto tenemos que es grant nuestro servicio e gran pro de la tierra.
Otrosi que en fecho delas tercias e premicias de los quartos que tienen los ricos omes e los infanzones e los caballeros dela nuestra tierra, mandamos que dando los dela tierra los diezmos alli do los suelen dar, que los ricos omes e los infanzones e los caballeros que non prenden alos concejos por estas razones, e si algo les han prendado o tomado por esta razon, se lo entreguen luego a aquellos a quien se lo tomaron.
Otrosi mandamos entrar los heredamientos que pasan del realengo al abadengo, segun que fue ordenado en las cortes de Haro, e mandamos que enel heredamiento, que daqui adelante non pase de realengo a abadengo, nin el abadengo al realengo, si non asi como fue ordenado en las cortes sobredichas.
Otrosi mandamos que en todos aquellos logares do ha de merinar Juan Martinez de Rojas nuestro merino mayor en Castiella, que
con consejo de cada tora ponga en cada logar portero vecino del logar, e que non pase de otra manera, e en otros logares do Juan Martinez non ha de merinar que se faga segunt es fuero.Otrosi que en fecho dela pesquisa cerrada que se faze en razon delas sacas de las cosas vedadas, mandamos que non se faga daqui adelante, e porque es fecha que non usen della.
Otrosi en razon delas querellas que nos fueron dadas delos dela tierra, delas fuerzas e delos robos e delas muertes e delas prisiones e delos otros males que habian rescibido los delas tierras, mandamos a Juan Martinez de Rojas merino mayor en Castiella, que aquello que es el fuero quelo faga emendar segunt que fuere de derecho, e lo que fuere en nos, nos lo mandaremos emendar asi como tovieremos por bien e fallaremos por derecho e costumbre, asi como lo otorgamos en los privillegios que tienen de nos queles nos dimos aqui en Valladolid.
E nos el sobredicho Rey don Ferrando prometemos e otorgamos de asi tener e guardar todas estas cosas que dichas son, e de non venir contra ellas en ningunt tiempo e desto mandamos dar al concejo dela noble cibdat de Burgos esta carta sellada con nuestro sello de cera, a veinte e quatro de febrero era de mill e trecientos e treinta e seis annos. Yo Fernan Perez la fice escribir por mandado del Rey e del infante don Enrique su tutor. - Gaspar Perez. - Bartolome Perez. - Pero Martinez.
Sepan quantos esta carta vieren, commo nos don Fferrando por la graçia de Dios Rey de Castiella de Toledo de Leon de Gallizia de Seuilla de Cordoua de Murçia de Jahen del Algarbe, e sennor do Molina.
Estando enlas cortes enla villa de Valladolid, seyendo llamados a ellas rricos omes e omes buenos de nuestros rregnos, por que sabemos que es sseruiçio de Dios e nuestro e muy grand pro de todos los nuestros rregnos e mejoramiento del estado de toda la nuestra tierra, e auiendo a volluntad de ffazer bien e merçed a todos los conceios de nuestros rregnos, con conseio e con otorgamiento dela Reyna donna Maria my madre, e del infante don Enrique myo tio e mio tutor, e de don Diego Lopez de Haro sennor de Vizcaya, e delos rricos omes e omes buenos dela nuestra tierra que y eran connusco, ordenamos e damos e confirmamos e otorgamos todas estas cosas que aqui seran dichas:Primera mientre tenemos por bien que se faga justiçia egual mientre e en todos, e que ninguno non sea muerto nin despechado sin ser oydo e librado por fuero e por derecho, e los que ffueren presos, que fata que sean librados como dicho es, quelos sus bienes non les sean tomados nin enagenados, mas que sean puestos en rrecabdo; e que los ffagamos luego librar, en manera que non duren mucho enlas prisiones, e queles den delo suyo lo que ouieren mester para su proueemiento mientre que estudieren enla prision. Et defendemos que alcalldes nin merinos nin otro ninguno non sean osados de yr contra esto, e si alguno o algunos quisieren pasar contra ello, mandamos alos conceios que gelo non consientan.
Otrosi tenemos por bien que en nuestra casa que aya alcalldes e escriuanos tantos e tales que sean para ello, que esto tenemos que es gran nuestro sseruiçio e gran pro de toda la nuestra tierra. Et en fecho dela chançelleria que sea guardado el ordenamiento que fue fecho enlas otras cortes que fueron ante destas, asi en lo que an de tomar por la chançelleria por los priuillegios e por las cartas, como en todo lo al que enel ordenamiento se contiene. Et los registros delos rregnos de Castiella quelos tenga el notario de Castiella.
Otrosi tenemos por bien en fecho delas ffonsaderas e delas yantares, que do mostraren priuillegio o carta en como son end quitos delas non dar, queles valan e queles non pasen contra ello; e do priuillegio o carta non mostraren e non ouieron fuero nin vsso delas dar, queles valla el fuero e el vsso que ovieron e vsaron auer en tienpo del Rey don Fferrando mio visauuello.
Otrosi tenemos por bien que se non faga pesquisa general cerra-
da, saluo si alguna cosa desaguisada se fiziere en yermo o de noche, quelos alcalldes e los jurados e los fieles del logar sean tenudos de saber verdat por quantas partes pudieren quilo fizo; e quando fuere sabido que se libre segunt fuero e derecho es del logar.Otrosi tenemos por bien que si alguna nuestra carta desaforada fuere mostrada en algun logar, que pongan en rrecabdo aquello sobre que fuere la carta e que nos lo enbien mostrar, e si nos fallaremos que es desaforada, mandar lo hemos desfazer e escarmentar lo aquel que diere la carta e en quila lleuare.
Otrosi tenemos por bien que vsen los concejos de poner escriuanos publicos en sus logares, saluo en aquellos logares do los pusso el Rey don Fferrando mio visauuello que tenemos por bien delos poner nos.
Otrosi tenemos por bien que non pase lo rrengalengo al abadengo, e lo que passó de las cortes de Haro aca de rrengalengo al abadengo que sea todo entrado, e lo que fue ordenado en las cortes de Nagera en esta rrazon que sea guardado.
Otrosi tenemos por bien que ningunos non sean llamados ante los juezes eclesiasticos por preytos que nascan sobre los heredamientos, mas que sean llamados ante los alcalldes seglares e se libre por ellos segunt fuero e derecho es.
Otrosi tenemos por bien que non den rronda ninguna delos ganados, mas que guarden en Estremadura cada vnos sus terminos en manera que senon faga y danno, segun dize enel priuillegio que tienen del Rey don Sancho mio padre.
Otrosi tenemos por bien quelos rricos omes e los caualleros que tienen de nos las tierras, que non peyndren alos logares que de nos tienen por su octoridat, diziendo queles deuen callonnas, fata que sean oydos e judgados por los alcalldes del logar segunt fuero e derecho es; e queles non passen contra los priuillegios e vsos e costunbres que ouieron en esta rrazon, mas que les sea guardado asi como en sus priuillegios dize e segun quelo vsaron en tienpo del Rey don Ferrando mio visauuello.
Otrosi deffendemos a todos aquellos que tienen los castiellos de nos, que non tomen ninguna cosa por fuerça dela tierra nin en otra manera ninguna, por rrazon dela rretenençia delos castiellos; ca nos tenemos por bien deles poner aquello que ouieren auer para cadanno en logares ciertos do lo ayan bien parado. Et mandamos a Johan Rodriguez de Roias nuestro adelantado mayor en Castiella, oaqual quier otro que sea en adelantre e alos conçeios quelo fagan asi guardar; e si an to-
mado alguna cosa por esta rrazon o lo tomaren daqui adelantre que gelo faga luego pagar.Otrosi tenemos por bien que aquello que fallaremos que tomaron los fronteros enlas villas por fuerça, delo fazer pagar aquellos aqui lo tomaron.
Otrosi tenemos por bien que quando algunos pechos que nos ouieren adar los dela tierra, que se cojan por omes buenos delas villas e abonados e non por otros ningunos.
Otrosi les otorgamos deles guardar todos sus fueros e priuillegios e cartas e libertades e franqueças e vsos e costunbres, asi como gelo otorgamos enlos priuillegios e cartas que de nos tienen queles nos diemos desde que rregnamos aaca.
Et nos sobredicho Rey don Fferrando prometemos e otorgamos de tener e guardar todas estas cosas que sobredichas son e de non venir contra ellas en ningun tiempo. Et desto mandamos dar al concejo de Vilfforado esta carta seellada con nuestro seello de cera colgado. Dada en Valladolid, tres dias de abril era de mill. e ccc. e treynta e siete annos. - Yo Fferrant Perez la fiz escriuir por mandado del Rey e del inffante don Enrrique su tutor.
Don Fferrando por la gracia de Dios Rey de Castiella de Leon de Toledo de Galizia de Seuilla de Cordoua de Murçia de Jahen et del Algarbe, et senor de Molina. Al conçeio de Caçeres salut e gracia. Fago uos saber que en estas cortes que yo agora mandé fazer en Valladolit, quelos omes bonos delas uillas et delos lugares del rreyno de Leon que y fueron comigo mostraron me sus peticiones e pidieron y me merçet que gelas otorgase e gellas confirmase e gelas mandase guardar. Et yo por que
he grande uoluntat de fazer mucho bien e mucha merçet a todos los dela mi tierra touelo por bien.Et primeramiente me pidieron que yo que fuese luego para el rreyno de Leon e que pusiese rrecabdo en fecho de la guerra. A esto uos digo, que auré yo mi acuerdo con los omes bonos que aqui son comigo e fare y con su conseio aquelo que mas fuere mi seruiçio e pro de la tierra.
Otrosi me pidieron queles mandase guardar sus fueros e sus preuillegios que ellos an de los rreyes onde yo uengo e de mi, porque ay algunos que les pasan contra ello, e que mandase a los juizes e a los alcalles de cada lugar que si algunos o alguno contra ellos pasasen o los quisieren pasar daqui adelante, queles prenden por la pena quese enelos contiene, e quela guarden para fazer della lo que yo mandare; et daqui adelante que uos los fagan guardar e non consientan que ninguno uos pase contra ellos en ninguna manera.
Otrosi me pidieron mercet que mandase façer la justizia en aquelos que la mereçen comunalmiente con fuero e con derecho: e los omes que non sean presos nin muertos, nin tomado lo que an sin seer oidos por derecho e por fuero de aquel lugar do acaeziere, e que sea guardado meior que se guardó fasta aqui. A esto uos digo, quelo tengo por bien e quelo fare asi daqui adelante.
Otrosi me pidieron que non mandase façer pesquisa general en ningun logar. Et yo tengo lo por bien dela non façer en ningun logar si non apedimiento del pueblo o en aquela manera que deui segunt fuero, e mandaruos lo é guardar segunt fue guardado en tienpo del Rey don Ferrando mio trasauuelo, e del Rey don Alfonso mio auello. E si se ouiere de fazer pesquisa espeçial, que se faga asi como se fizo en tienpo de los rreyes sobredichos.
Otrosi me pidieron que el mio notario del rreyno de Leon, que fuese natural del rreyno de Leon, e que non aya otra uista ninguna sobre al. Aesto uos digo, que lo tengo por bien e que non ayan otra uista ninguna sobrel, saluo en las cartas delos dineros e delas merçedes que yo fizier, que tengo por bien que aya uista aquel que la ouiere tener por la Reyna donna Maria mi madre, e del infante don Enrique mio tio e mio tutor.
Otrosi me pidieron que el mio notario del rreyno de Leon, que el o otri por el, que tenga los mios libros e los mios registros del rreyno de Leon. A esto uos digo que lo tengo por bien e lo mandaré luego ansi facer, e uos lo fare asi guardar daqui adelante.
Otrosi me pidieron que ordenase fecho de la mi chançelleria en aquela manera que touiese por bien. A esto uos digo, que yo quelo mandaré ordenar e fazer en aquela manera que mas fuere mio seruicio e pro e guarda de uos e de todos los otros de la mi tierra.
Otrosi me pidieron que yo que aya tantos alcalles e escriuanos quantos conplieren, e que non tomen los escriuanos dineros por fazer las cartas nin por el registro. A esto uos digo que lo tengo por bien e lo mandaré luego asi fazer e guardar.
Otrosi me pidieron que non consintiese a los obispos nin a los deanes nin a los cabildos nin a los vicarios que pusiesen sentençia de descomunion sobre uos por las cosas tenporales. Tengo por bien que como pasastes con ellos en tienpo dellos otros rreyes onde yo uengo que pasedes agora asi. Et mando a los juizes e los alcalles de y de uestro lugar queles non consientan quelo fagan en otra manera.
Otrosi me pidieron que non den ronda ninguna delos sus ganados, e que guarden en tierra de Leon cada vnos sus terminos en manera que se non faga y dano segunt dize en el preuilleio que tienen del Rey don Sancho mi padre. A esto vos digo que lo tengo por bien.
Otrossi me pidieron que los judios que non ouiesen entregador apartado, e yo tengo por bien e mando que delos alcalles que y ouieren que ayan los judios dos de los que les fagan las entregas e oian los pleytos que sobrelo acahecieren, e lo libren en guisa que cada vna dellas partes aya su derecho, e los judios ayan bien paradas sus debdas, e puedan a mi conplir los mios pechos. E si y non ouieredes alcalles, e ouieredes juiz, mandol que el que lo faga asi segunt que los alcalles lo an afazer.
Otrosi me dixieron que los judios que lleuaron cartas de la mi chançelleria que ouiesen apelaciones contra los christianos, e los christianos que las non ouiesen contra ellos, et pidieronme que esto que gello mandase desfazer. Sobresto mando, que como esto vsastes en tienpo del Rey don Ferrando mio trasauelo e del Rey don Alonso mio auelo los sobredichos que ansi vsedes con ellos daqui adelante.
Otrosi me dixieron que auien priuilleios que si los judios non demandasen a los christianos las debdas que les deuian fasta quatro annos, que daqui adelante que non respondiesen dellas. Sobresto mando que fasta los seys annos las puedan demandar, e si las demandaren dende adelante que non sean los christianos tenudos del rresponder a ellas.
Otrossi me pidieron que diese quien oyese las alçadas en mi
corte. A esto uos digo, que lo tengo por bien, e uos daré para ello aquel omme que entendieren que sera para ello.Et si para esto que sobredicho es los juyzes e los alcalles de y de uestro logar menester ouieren ayuda para lo conplir, mando a uos que los ayudedes en guisa quelo ellos puedan asi fazer e conplir. Et uos nin ellos non fagades ende al por ninguna manera, si non a uos e a ellos, e a lo que ouiesedes me tornarie por ello. E desto vos mandé dar esta carta seellada con mio sello de cera colgado. Dada en Ualadolid, quinze dias de abril Era de mill e trezientos e treynta e siete annos.
Yo Pero Martines lo fiz escriuir por mandado del Rey e del infante don Anrrique su tio e su tutor. - Bartholome Peres. - Afonso Rois.
Sepan quantos esta carta vieren commo yo Don Fferrando por la graçia de Dios Rey de Castiella de Toledo de Leon de Gallizia de Seuilla de Cordoua de Murçia de Jahen del Algarbe, e ssennor de Molina. Seyendo en la çibdat de Burgos en las cortes que y agora fiz con inffantes e rricos omes e infançones e caualleros e omes buenos de Castiella, los omes buenos perssoneros delas villas de Castiella e dela marisma mostraron me priuillegios e cartas queles yo oue dado en las cortes que fiz fasta aqui e en los otros logares de que yo rregné aca, enque les otorgé e confirmé priuillegios e cartas que tenien del Enperador e delos otros rreyes onde yo vengo, et todos sus fueros e buenos vsos e franqueças e libertades e costunbres que auien et otras merçedes queles yo fiz, segunt se contiene en los priuillegios e en las cartas que ellos tienen de mi en esta rraçon. Et pidieron me
merçed que commo quier que fasta aqui les fue passado en algunas cosas, que fuesse la mi merçed que daqui adelante que gelo mandasse guardar e que non consintiesse que ninguno les passase contra ello. Et yo entendiendo que me pidien derecho, et que es muy grant mio sseruiçio, et por que sienpre sseruieron muy bien e verdadera miente alos rreyes onde yo uengo et senalada miente sseruieron e sieruen ami asi commo vassallos buenos e leales deuen seruir asu Rey e asu sennor; yo con conseio e con otorgamiento dela Reyna donna Maria mi madre, e del infante don Enrrique mio tio e mio tutor, et con acuerdo delos infantes, e de don Diego Lopez de Haro ssennor de Vizcaya, e de don Johan Nunnez, et delos otros rricos omes e infançones e caualleros e omes buenos que y eran conmigo, confirmoles e otorgoles todos sus fueros e sus priuillegios e sus cartas e todas las merçedes e libertades e franqueças e vssos buenos e buenas costunbres, que ouieron fasta aqui delos rreyes onde yo uengo et de mi, aquellos de que vsaron et queles yo confirmé. Otrossi alo queme pidieron merçed en rraçon delas fonsaderas quelos mios cogedores quelas leuauan dellos por mis cartas non auiendo de melas dar. Tengo por bien que do mostraren fuero o preuillegios e cartas o vso o costunbre quela non deuen dar, queles valla e que sea asi guardado daqui adelante, e queles no enpeesca si por auentura forçada miente leuaron dellos fonsaderas los rreyes onde yo vengo o yo pasando les contra ello; et demas desto por quelos omes buenos delas villas de Castiella e dela marisma me pidieron merçed et entendiendo que es mio sseruiçio e pro e guarda de toda la mi tierra, et por les fazer bien e merçed do les e otorgo les estas cosas que aqui sseran dichas:Primera mente mando quelos mios seellos que non ayan mas de dos llaues en la mi chançelleria.
Otrosi mando quelos omes non sean pressos por los mios pechos mager que otra peyndra non les fallen, nin los panes non sean testados en las heras nin en las mieses.
Otrosi tengo por bien que bues nin bestias darada non sean pendradas por los mios pechos, fallando les otra pendra, o ellos mostrando gela.
Otrossi tengo por bien quelos omes delas villas nin delos otros mios logares non sean pendrados sin ser demandados e oydos por su fuero asi commo deuen, nin los conçeios non sean peyndrados por lo que
fizieren los mios cogedores en las cogechas por mis cartas o por mi mandado, nin por lo queles fuere alcançado que an de pagar por las mis cogechas.Otrosi tengo por bien de mandar poner tales merinos en las merindades, que teman a Dios e ami e amen justiçia e sean abonados en las merindades onde fueren merinos, por que si alguna cosa ffizieren sin rrazon e sin derecho e non cunplieren mio mandado, quelo pechen por los cuerpos e por lo que ouieren, et que sean tenidos de pechar el danno que en las sus merindades se fiziere sinon cunplieren e non fizieren justiçia e escarmiento en los malos fechos.
Otrossi tengo por bien e mando quelas heredades rrengalengas e pecheras que non passen al abadengo, nin lo conpren los ffijos dalgo nin clerigos nin caualleros nin ospitales nin comunes, et lo passado desde el ordenamiento de Haro aca, que pechen por ello aquellos quelo conpraron, o en qualquier otra manera quelo ganaron; et que daqui adelante non lo puedan auer por conpra nin por donadio; sinon quelo pierdan. Et quelo entren los alcaldes e la justiçia del logar para mi, so pena delos cuerpos e delo que an; et el heradamiento que finque pechero.
Otrosi mando que por demandas foreras que ayan los mios ofiziales contra los delas villas que non sean enplazados para mi corte, mas que sean demandados por su fuero, saluo si el contraito fuer fecho en mi corte, o por otras cosas que yo deua librar en mi corte.
Otrossi mando e defiendo que rricos omes nin caualleros nin otros omes poderossos nin otro ome ninguno non conpren los preytos nin las demandas para fazer demandas nin mal nin pendras por ello alos conçeios nin alos otros omes delas villas nin delos otros logares; et qui tales pleytos ouiere dado o uendido o diere o vendiere, que non vallan, et que por fquel ffaçan el mal e el danno que los conçeios e los otros omes delas villas o delos otros logares an rreçebido o rreçibieren por esta rrazon por los cuerpos e por lo que ouieren.
Otrosi tengo por bien que todas las fortaleças que se fizieron en los castellares uieios que estauan despoblados, e las otras fortaleças que fueron fechas en tienpo dela guerra desque yo rreyné aca, quelas derriuen, et delas que fizieron e fazen malffetrias que ssean derribadas. Et mando adon Johan Rodriguez de Roias mio adelantado maior en Cas-
tiella o aqual quier otro quelo y sea daqui adelante et alos sus merinos quelo cunplan asi so penna dela mi merçed.Otrossi mando e deffiendo quelos conçeios non sean osados de poner coto en sus logares que non saquen end el pan nin las otras viandas de vn logar a otro; mas quelo saquen e lo lieuen de un logar aotro en todo mio senorio. Et la uianda e las vestias quelo leuaren que non sean pendrados nin enbargados en las villas nin en los caminos.
Otrosi mando que en rrazon delas sacas delas cosas vedadas, que non sean escodrinnados nin enbargados los mercadores nin los otros omes delas villas nin otros ningunos dela mi tierra en los logares nin en los caminos, por cosas que lieuen fasta en los puertos. Et en los puertos yo porné y tal rrecabdo e tales omes delas villas que sean abonados e lo guarden bien.
Otrossi si alguno fallaren que por los puertos o por los vados sacan cauallos o otras cosas delas que son vedadas, que pierda lo que sacare sençiello por la primera vegada, et por la segunda vegada que lo peche doblado, et por la terçera el cuerpo e lo que ouiere que sea ala mi merçed para fazer dello lo que yo touier por bien; et los que algunas cosas vedadas ouieren sacadas que non fueren tomadas alos puertos nin en los vados et les fuere prouado, que aya la penna sobredicha. Et estos tales que sean oydos sobre ello por ante sus alcaldes.
Otrosi tengo por bien que si alguno fuer acusado que ouier sacado cauallo fasta aqui et gelo non pudieren prouar, que sea quito. Et mando que daqui adelante que dé rrecabdo commo lo vendio o quelo fizo, desde el dia quelo vendiere olo diere fasta dos annos, quando gelo demandaren; et si en estos dos annos non gelo demandaren, que despues non sea tenudo aello. Et si por auentura ome de fuera del rregno fallaren que saca cauallo o otras algunas cosas delas vedadas, quier en feria o fuera de fferia o en otros logares, que sea escodrinado e enbargado do yo touiere por bien, e que pierda lo quel tomaren et que sea para mi, et que el su cuerpo non aya penna, saluo si se quisier anparar.
Otrosi mando que si algunos algunas cosas sacaren daqui adelante por la puente de Sant Viçente, que gelo tomen todo por descaminado e quelo guarden para mi, et el su cuerpo sea ala mi merçed. Et silas guardas o otros algunos quales quier contra esto pasaren, mando alos conçeios e alos alcaldes e alos merinos del logar do acaeçiere que gelo non consientan.
Otrosi tengo por bien e mando que si algunas cosas muebles yo di alos conçeios para ayuda delas çercas delos logares delas villas o para otras cosas, o a otros algunos, delos bienes delos mios enemigos que andauan en mio desseruiçio, que non sean demandadas alos conçeios nin aquellos aquien las yo oue dado.
Otrosi prometo que daqui adelante que no arrente los sseruiçios, nin sean dellos cogedores nin rrecabdadores nin pesquiridores, caualleros nin clerigos nin judios.
Otrosi alo que me pidieron merçed en rrazon delos escriuanos publicos delos conçeios, et quela escriuania delos judios non ande apartada miente, tengo por bien que do lo an de fuero olo hussaron delos poner ellos, quelos pongan, segunt quelo hussaron en tienpo del Rey don Fferrando mio visauuello e del Rey don Alffonsso mio auuello.
Otrosi mando que en aquellos logares do husaron los alcaldes olos merinos del logar de ffazer las entregas delas debdas delos judios en tienpo del Rey don Fferrando mio visauuello, o del Rey don Alffonsso mio auuello, quelo vssen asi daqui adelante.
Otrosi mando quelas cogechas dela moneda e delos sseruiçios dela merindat de Trasmiera con Castro Dordiales e con Laredo que sean dello cogedores omes buenos de Castro Dordiales o de Laredo, aquellos que yo por bien touiere.
Otrossi mando quelos diezmos del pescado que yo quité alos conçeios de Castro Dordiales de Laredo queles sea guardado, segunt dizen los mios priuillegios queles yo end di.
Otrossi mando quelos traydores que quisieron vender la villa de Palençia alos mios enemigos, que non entren en la villa de Palençia sin mio mandado. Et si en otra manera y entraren, mando al conçeio e alos alcaldes e alos merinos e alos otros vezinos quales quier de y dela villa quelos y fallaren, quelos maten por ello sin calonna ninguna.
Otrossi tengo por bien que si cartas mias desafforadas algunos mostraren que sean contra los priuillegios o cartas que an los conçeios delos rreyes ond yo uengo e de mi queles yo confirmé, quelas tomen los alcaldes del logar olos merinos, et que non hussen dellas, et queme enbien mostrar el traslado dellas en commo dizen que son en contra sus priuillegios, et yo librar lo he commo touiere por bien e fallar que es derecho.
Otrossi alo que me pidieron merçed que pues yo agora estas cortes fazia aqui en Castiella apartada miente delos de Estremadura e de tierra de Leon, que daqui adelante quelo non fiziese nin lo tomase por
huso; tengo que piden mio sseruiçio, e otorgo delo ffazer asi commo ellos melo pidieron.Otrosi mando queles non tomen chançelleria deste ordenamiento, nin delas otras mis cartas mandaderas que leuaren de qual quier destas cosas sobredichas queles yo otorgo.
Sobresto mando e defiendo firme mient que ninguno non sea osado deles passar daqui adelante contra estas merçedes sobredichas queles yo ffago alos de Castiella e dela marisma, nin contra ninguna dellas en ningun tienpo en ninguna manera, nin deles yr contra ello para gelo quebrantar nin para gelo menguar en ninguna manera; sinon qual quier o quales quier quelo fiziessen aurien la yra de Dios e la mia, et pechar meyan en penna diez mill mr. dela moneda nueua acada vno, et aellos todo el danno que por end rreçibiesen doblado. Et mando adon Johan Rodriguez de Roias mio adelantado mayor en Castiella e alos merinos que por el y andudieren, o a otros quales quier adelantados o merinos que y fueren da qui adelante por mi, et alos conçeios e alos alcaldes e alos jurados e alos merinos e atodos los otros aportellados delas villas e delos otros logares de Castiella e dela marisma do esto acaeçiere, quelo guarden en todo segunt que dicho es so la penna sobre dicha, et que non consientan que ningunos contra esto les passen en ninguna manera, mager que mis cartas contra esto leuasen nin en otra guisa. Et si algunos contra esto les passaren queles entreguen todo lo queles tomaren pasando les contra esto con el doblo. Et de mas quelos pendren por la penna delos diez mill mr. sobredichos. Et quelo guarden para fazer dello lo que yo mandare. Et non se escusen los vnos por los otros, sinon por quales quier que fincasen quelo asi non fiziesen, alos cuerpos e a quanto ouiesen me tornaria por ello. Et por que esto sea firme e estable para sienpre et por que es mi volluntad delo asi guardar, mandé desto dar al Conçeio de Bilfforado esta carta seellada con mio seello de plomo colgado. Dada en Burgos, diez dias de mayo Era de mill e trezientos e treynta e nueue annos. Yo Ffernant Perez la fiz escriuir por mandado del Rey e del inffante don Enrrique ssu tutor enel anno sseteno que el Rey ssobredicho rregnó. - Garci Perez. - Pero Dominguez.
Sepan quantos este quaderno vieren commo yo Don Fferrando por la graçia de Dios Rey de Castiella de Leon de Toledo de Gallizia de Seuilla de Cordoua de Murçia de Jahen del Algarbe, e ssennor de Molina. Seyendo enla cibda de Çamora enlas cortes que agora hy ffiz con inffantes e con rricos omes e perlados e inffançones e caualleros e omes buenos de tierra de Leon e de Gallizia e de Asturias, los omes buenos perssoneros delas villas de tierra de Leon e de Gallizia e de Asturias mostraron me priuillegios e cartas que tienen del Enperador e delos otros rreys onde yo vengo, et todos sus ffueros e buenos vssos e ffranquezas e libertades e costunbres que auian, et otras merçedes queles yo ffize, segunt se contiene enlos priuillegios e enlas cartas que ellos tienen demi en esta rrazon queles non eran guardados. Et pedieron me merçed que commo quier que ffasta aqui les ffuesse passado en algunas cosas, que ffuesse la mi merçed que daqui adelante que gelo mandasse guardar e que non consitiesse que ninguno les passasse contra esto. Et yo entiendo queme pedian derecho e que es gran mio sseruiçio, et por que ssienpre sseruieron bien e ffiel mientre alos rreys onde yo vengo, et ssenalada mientre sseruieron e ssiruen ami assi commo bonos vassallos e leales deuen sseruir aso Rey e aso ssennor; yo con consseio dela Reyna donna Maria mi madre, e del inffante don Enrrique mio tio e mio tutor, et con acuerdo delos inffantes e delos otros rricos omes e inffançones e caualleros e omes bonos que eran y comigo, conffirmélles e otorguélles
todos sus fueros e todos sus priuillegios e cartas, e todas las merçedes e libertades e ffranquezas e bonos vssos e costunbres que ouieron fasta aqui delos rreys onde yo vengo e demi, aquellos de que vssaron queles yo conffirmé.Otrossi alo queme pedieron por merçed que posiesse yo en mi casa tales omes por alcalles e por offiçiales, dellos aningun mal ffechor, et si sse aellos acogier algun malffechor quelo paren aderecho ante mi o ante el mio aguazil omis alcaldes si en mi cassa ffuere, et lo que contra el ffuere judgado que se cunplan e quelo non anparen ellos. Et silos merynos olos offiçiales dela tierra enbiaren dezir alos inffançones e alos que troxieren los malffechores quelos enbien ante ellos aconplir de derecho, quelos enbien e quelos non trayan mas en so cassa nin sse paren adeffenderlos des que derecho non quisieren conplir.
Otrossi alo queme pedieron quelas mis villas e las mis pueblas que derribaron e quemaron los malffechores que mandasse que sse ffiziessen luego e se poblassen, et las mandasse ffazer atales omes que ffuessen amio sseruiçio, tengolo por bien e mando las ffazer; et por que yo entiendo en que es mas mio sseruiçio e pro dela mi tierra ffazer lo he.
Otrossi alo queme pedieron merçed que mandasse que todas las ffortalezas que sse ffezieron enlos castellares vieios que estauan despoblados, e las otras ffortalezas que ffueron ffechas en tienpo dela guerra des que yo rregné aca, quellas quelas derribassen. Et otrossi delas otras ffortalezas que eran ffechas oque sse ffezieron, ó ffazen mal ffetrias, que sean derribadas; tengo lo por bien e mandar las he derribar.
Otrossi alo queme pedieron quela mi villa de Monte Rey que es llaue del rregno de Gallizia, nin las otras del mio ssennorio quelas non diesse aninguno por que sse mengue nin sse enagene el mio ssenorio; tengo por bien et guardar lo he e ffazer lo he assi.
Otrossi alo queme pedieron merçed en rrazon delos escriuanos publicos delos conçeios, que touiesse por bien quelos possiesse cada vn conçeio en so logar daqui adelante, ssegund lo ouieron por vsso e por costunbre delos poner en tienpo del Rey don Ffernando mio vissauuelo o del Rey don Alffonsso mi auuelo, et quela escriuania delos judios non ande apartamientre; aesto bien ssaben ellos que el Rey don Alffonsso e el Rey don Sancho ssienpre possieron notarios enlas villas e en los logares, ca las notarias son quitas delos rreys et es gran proe e guarda delos conçeios delos poner yo; mas tengo por bien quelos notarios que yo possiere que ssieruan por ssi la notaria e non por otro escussador.
Otrossi que non tomen mas por las cartas, de quanto dize enel ordenamiento que ffizo el Rey don Alffonsso.Otrossi alo queme pedieron merçed queles diesse sus juyzes e alcaldes del ffuero daqui adelante, et quelles non diesse juyz de ssalario sinon quando melo pediesse todo Jell conçeio ola mayor partida, et que esté aconplir de derecho para ante los juyzes e alcaldes que y ffueren puestos, alos querellosos que del veniessen assi commo gelo yo promety por mi priuillegio, et el juyz de ssalario que non lieue la ssoldada sinon por el tienpo que sseruir. Et yo tengo por bien delo ffazer assi, e de non poner juyz de ssalario en ningun logar sinon quando melo pedir el conçeio ola mayor partida dellos.
Otrossi alo al que dizen que todos aquellos conçeios que ffueron rrobados e quemados, et los rrobaron e los quemaron e los prisieron aquellos que eran a mio sseruiçio, que mandasse queles ffuesse entregado todo aquello queles tomaron e les fforçaron e les quemaron, et las prissones queles ffezieron que ouiesen ende enmienda, et commo quier que yo quitara la mi justiçia, que ffuesse la mi merçed que mandasse entregar acada vno todo aquelles tomaron oles rrobaron oles quemaron, de aquellos quelo ffezieron; tengo por bien de gelo ffazer enmendar, lo vno aqui por la mi cassa, lo al por los merinos dela mi tierra, assi commo ffuere derecho.
Otrossi alo queme pedieron merçed que si cartas algunas sacaren desaforadas dela mi cassa sin abdiença, que ffuessen contra sus priuillegios e cartas e merçedes e ffueros e vssos e costunbres e ffranquezas e libertades, quelos conçeios ocada vno dellos tienen delos rreys onde yo vengo e mios, quelos merinos nin los juyzes nin los alcaldes delos logares quelas non conpliesen; et ssilas quissiessen conplir, que el conçeio quelas non dexen conplir, mas quemelas enbiassen mostrar, et que mandasse yo y lo quela mi merçed ffuesse. Tengo por bien que quando alguna carta dessafforada ssalir dela mi cassa, que el juyz e los alcaldes aque ffuere la carta que pongan en rrecabdo aquello sobre que ffuere mostrado rrazon derecha aquel contra que ffuere la carta en que es desafforada, et de ssi quemelo enbien mostrar et liurar lo he commo fallar por derecho; et si fuer tal carta que mande matar ome oprender, sse estudier presso, quelo non maten sin seer oydo por do deuier; e silo mandar prender que dando ffiadores ssegund manda el ffuero de cada logar quelo non prendan ffasta que sea mostrado ami.
Et otrossi alo queme pedieron quelas entregas delos judios que sse ffazen por sus juyzes e alcaldes delos logares, et que ssean ante deman-
dadas las debdas por ffuero e por derecho, et que non aya y otros entregadores apartados, et los juyzes e los alcaldes que non lieuen diezmo delas entregas que ffezieren; aesto bien ssaben ellos que en las cortes que ffiz en Valladolit, por que pedia yo el pecho delos judios que non podian auer los judios sus debdas, quelos omes bonos que sse ayuntaron en estas cortes touieron por bien de otorgar que yo que posiesse y entregador e alos que entregassen alos judios sus debdas e les librasse sus pleytos, et desde estonçe los pús yo, et tengo por bien que assi commo ellos quieren queles tenga yo lo queles prometi, queme tengan ellos lo queme otorgaron e lo que prometieron et en rrazon delas debdas que ssea puesto en rrecabdo lo que dixieren las cartas delas debdas, et que ssean oydos los debdores assi commo ffuesse vsso en tienpo del Rey don Alffonsso mio auuelo e del Rey don Sancho mio padre.Otrossi alo queme pedieron en ffecho delas cartas delas debdas, que non ffuessen demandadas nin ssean tenudos de rresponder aellas demas del tienpo que se contiene enlos priuillegios que cada vnos delos conçeios tienen en esta rrazon. Et otrossi en ffecho delas vssarias delos judios queles non den mas de arrazon de tres por quatro al anno, segunt se contiene enel ordenamiento del Rey don Alffonsso mio auuelo e del Rey don Ssancho mi padre queles yo otorgué; aesto bien ssaben ellos que en las cortes que yo ffiz antanno en Valladolit, que por rrazon dela guerra con acuerdo e con otorgamiento de todos los que eran y, queles die tres annos de plazo demas delos sseys que ante auien, et agora tengo por bien que todas las cartas quelos judios tienen que ffueren ffechas daqui adelante, quelas demanden enlos sseys annos et que non aya y mayor plazo para las demandar, et las cartas que ffueron ffechas ffasta aqui, quelas demanden en los nueue annos. Alo que dizen que non den los judios ahussuras mas de arrazon de tres por quatro al anno, tengo lo por bien.
Otrossi alo queme pedieron merçed que non conssentiesse que por conplir las mis cartas e el mio mandado e las otras cossas que sse deuen conprir segunt fuero, quelos obispos nin los vicarios nin los otros juyzes dela yglesia los descomunguen nin pongan entredicho enla villa nin enel termino nin en cada vno dellos; aesto vos digo que en tienpo del Rey don Alffonsso mio auuelo ffue mouida esta demanda e ffue querellado al Papa, et el Rey en esto, ajuntado sus cortes e con acuerdo dellos prenauos e delos rricos omes e delos otros omes bonos de todos
los sus rregnos, acordaron lo assi que sobre todas las cossas en que he juridiçion tenporal que cartas e mandado que sobre ello enbien, quelos mis offiçiales nin los otros quelas conplieren, que non deuan por ello poner ssentença descomunion sobre ellos obispos nin los otros juyzes delas yglesias; et silos obispos oalgunos dela yglesia dela cleriçia dixieren que rresçiben ssobre ello agrauiamiento, quelo muestren al Rey e le pidan que gelo desffaga, et esta afruenta que gela ffaga ffasta tres veces e la tercera dellas que gela digan por plaza ante los omes bonos que ffueren comigo; et si sobre esto los obispos e los juyzes de sancta yglesia posieren sentença sobre aquellos que conplieren su mandado, que el Rey quelos enbiasse rrogar e dezir por su carta que alçasse la sentençia, et sila alçar non quissier, quelos mandasse peyndrar e tomar lo queles ffallassen ffasta quela alçassen; segund que agora tengo por bien que se guarde daqui adelante.Otrossi alo queme pedieron por merçed que por demandas fforeras que ayan los mis offiçiales demi cassa con los delas villas, que non ffuessen aplazados por la mi corte, mas que ffuessen demandados por su ffuero, tengo por bien quelos mis offiçiales que yo non puedo escussar, que por los ffueros e por los tuertos e por los dannos queles ffeziessen mientre ffueren en mio sseruiçio, queles rrespondan aquellos que gelas ffezieren para ante mi e para ante mi corte, et por los otros pleitos e demandas que ffueren fforeras que ouieren vnos contra otros, que sse demanden por los juyzes del ffuero aquellas demandas que perteneçieren.
Otrossi alo queme pedieron que non conssentiesse quelos delas yglesias e delas Ordenes e los rricos omes nin los delas comunnas que conpren nin camien cassas nin heredamientos delos logares que deuen ffazer los mis ffueros e los delos conçeios; et aquellos quelos conplaren quelos dexen e ffinquen fforeros segund dize el ordenamiento que ffue ffecho enlas cortes de Benauente, que ffizo el Rey don Alffonsso mio tras auuelo, en que ffue el obispo don Ssauinno que vino por legado de Roma, quelos non conplen nin los aya daqui adelante en ninguna manera, e aquellos que gelos vendieren que pierdan el preçio que por ellos dieren; tengo por bien e mando que esto que ssea guardado segund dize el ordenamiento que el Rey don Ssancho mio padre ffizo sobre esto en Haro.
Otrossi alo queme pedieron por merçed que non quisiesse quelos rricos omes nin inffançones nin caualleros nin clerigos nin judios ffuessen arrendadores nin cogedores delos sseruiçios nin delas monedas nin
delos diezmos delos puertos, nin delos otros mis pechos que acaescieren daqui adelante, mas quelos cogiessen por mi en ffieldat caualleros e omes bonos delas villas e moradores delos otros logares rreales quelos cogan en ffieldat e les den su galardon por ende, et queme den cuenta e rrecabdo delas cogechas que por mi cogieren quando gelas demandare, ca en otra guyssa es mio desseruiçio e danno delos mis cogedores dela mi tierra; et que non ffuerçen nin tomen dineros aningunos delos mis logares del mio sennorio, e que non paguen dineros alos rricos omes nin ainffançones nin acaualleros ssinon enlos cogedores osobre cogedores. Et yo tengo por bien que quanto es enlos pecheros fforeros de poner y quien touiere por bien que melo rrecabde non faziendo ellos tuerto. Et en rrazon delos sseruiçios por que [es] mucho apresurado el tienpo del sseruiçio, tengo por bien, que quando estos sseruiçios, que se coian commo se cogieron antanno, pero quelles non arrende nin les di acoger a rricos omes nin acaualleros nin aclerigos. Et daqui adelante quelos otros sseruiçios queme dieren quelos mande coger en ffieldat ó me auerné con los dela tierra.Otrossi alo al que dizen en rrazon delos çinco sseruiçios, tengo por bien quelos pechen assi commo los pecharon antanno, et delos quatro sseruiçios que ssean ende escussados los quelo ffueron antanno, el quinto quelo paguen commo lo pagaron antanno. Et mando e deffiendo que ninguno non passe contra esto en ninguna manera, et si passare contra ello quelos alcaldes e los juyzes que gelo non consientan. Et la merçed que yo fiz en algunos logares por tienpo çierto queles sea guardado enlos quatro sseruiçios.
Otrossi alo queme pedieron por ffecho delas justiçias que ffezieron e ffazen los mis merinos e los mis juyzes e los mis alcaldes quelos amenaçan e los dessaffiant sus parientes por ende, et que quissiesse ffazer escarmiento en estos atales. Et yo tengo por bien que qual quier que ffuere prouado quelo ffeziere, que pierda el cuerpo e lo que ouiere.
Otrossi alo queme pedieron quelas aldeas e los terminos e los castiellos e los otros logares que tomaron Ordenes e otros omes poderosos, et los sus derechos los que yo dy dellos, que eran delas çibdades e delas mis villas, que mandasse que ffuessen tornados por que ffuessen meior poblados e anparados para mio sseruiçio; aesto tengo por bien de ffazer llamar ante mi aquellos queme dixieren quelos tienen fforçados sin rrazon e sin derecho et oyr los he sobre ello, e mandaré y aquello que ffallare de derecho.
Otrossi alo queme pedieron quelos delas yglesias non puedan po-
ner notarios que signen nin ffagan fe, et si son puestos por ellos opor mis cartas quelas mandasse rreuocar et que non vssen dela notaria; tengo por bien que ssegund se esto vssó en tienpo delos otros rreys onde yo vengo que assi vssen daqui adelante.Otrossi alo queme pedieron merçed quelos omes bonos delas villas que sson poblados affuero, que non ffuessen pressos nin des apodederados delas cosas que touieren de juro e de poder, por querella que del diessen nin por cossas que digan que han ffecho, dando ffiadores, amenos de sseer oydos e librados por ffuero e por derecho; tengo por bien que esto que ssea guardado segund es ffuero de cada logar.
Otrossi alo queme pedieron que non ffuessen pressos por los mis pechos maguer que otra peyndra nol fallassen, nin los panes non ssean testados enlas miesses nin enlas eras; nin ffuesse peyndrados bues en arada, ffallado otra peyndra omostrando gela, et quelo pannos de su cuerpo e de su moger nin ropa delos lechos en que yuguyeren que non sean contados enlos pechos, que assi lo an enlos priuillegios; tengo por bien quelles ssea guardado segund dize enlos priuillegios que ellos tienen en esta rrazon, saluo los cogedores delos mis pechos e delas mis rrentas, que ssean rrecabdados por quanto queles alcançare, et si abonados non ffueren en ella; otrossi tengo por bien e por derecho quelos omes bonos delas villas e delos logares que non ssean peyndrados por lo que ffezieren los mis cogedores enlas mis cogechas, non deffendiendo los delos logares alos cogedores nin sse parando aellos nin asus bienes.
Otrossi alo queme pedieron que ninguno clerigo nin ome de Orden non llame los legos de mio ssennorio por cartas de Roma sobre los heredamientos e sobre las cossas tenporales, mas quando lo quissieren llamar sobre las cosas tenporales quelos llamassen por ante mi por su ffuero nin ffeziessen por si las essebçiones delos bienes delos legos delas sentençias que diessen, et se algunas ffezieron que non valan et daqui adelante que non hussen dellas, nin los juyzes del logar que gelo non conssientan; aesto tengo por bien que hussen dello ssegund sse hussó en tienpo delos otros rreys onde yo vengo.
Otrossi alo queme pedieron que ffaga tomar esta moneda quela non desechen, tengo por bien que vala el ordenamiento que yo ffiz en esta razon, et si ffallaren que ay otra carrera mejor, muestren melo et ffazer gelo he.
Otrossi alo queme pedieron quelas debdas e las rrentas que ffueron ffechas aleonesses oalffonsis oseysenes oprietos o acoranados, que
mandasse como sse pagasse cada vna dellas por que non naçiesse contienda entre ellos que an de pagar las debdas e los quelas an de rresçebir; tengo por bien quelas paguen todos ssegunt sse obligaron, odesta moneda ala quantia que valie la otra moneda que rrecebio.Otrossi alo queme pedieron merçed quelos que quemaron las mis villas e andaron amio desseruiçio que non ffuessen sobre ellos juyzes nin alcaldes nin merinos nin ofiçiales, tengo lo por bien e mando que ninguno destos atales que non ssean juyzes nin alcaldes nin ayan ningun offiçio enlos logares sobredichos.
Otrossi alo que nos pedieron merçet los del rregno de Galliza en ffecho delos maninos. e delos nuçios que quitó el Rey don Sancho mio padre en el rregno de Galliza por ssus priuileios, que ffuese la mi merçet que les ffosse guardado e mantenudo el bien e la merçet que los el Rey don Sancho mi padre ffiziera en esta rrazon et les yo confirmé, Aesto les digo quel bien e la merçet quel Rey mi padre les fezo en los maninos. e enlos nuçios achacados, que les vala en los mis lugares.
Otrossi alo queme pedieron quelas aldeas que auian las villas de mios rregnos por alffoz, et los castiellos quelles dieron aquellos onde yo vengo por sus priuillegios que tienen, et despues yo los di arricos omes e a Ordenes e acaualleros, que quissiesse queles fuessen tornados e alos conçeios que ffueron dados por alffoz, que mandasse alos merinos e juyzes e alcaldes que gelas entregassen segunt quelas an por priuillegios, et quelo non dexasen de ffazer por priuillegios queles yo ouiesse dado en esta rrazon, aesto les digo queles gradesco mucho esto que dizen et cataré commo lo ffaga assi commo los ffezieron lo otros rreys et commo entendiere que ssera mas mio sseruiçio.
Otrossi alo queme pedieron que non tomassen chançelleria destos ordenamientos nin delas cartas que sobre ello ouiessen mester, tengo lo por bien e otorgo gelo.
Otrossi alo queme pedieron en rrazon dela pesquisa que mandé ffazer sobre algunos omes delos conçeios que enffié sobre ellos e despues les quité las ffiadorias e los perdoné e les di mis cartas de quitamiento, et queme pedian quela merçed queles ffize queles vala e queles sea guardada en todo; aesto les digo que fare todas aquellas cossas que ffallar que son de ffuero e de derecho por quela justiçia se cunpla.
Otrossi alo queme peden quel mande quelos alcaldes de mi casa que non pongan pena ninguna enlas cartas de enplaziamiento de contender con contendor, saluo la pena que manda el ffuero; aesto tenge por bien quela pena que posieren los mys alcaldes que ssea de çient mr. dela bona moneda segund se vssó en tienpo delos otros rreys, et lo que ffuer entre las partes en so logar que sea ssegund so ffuero.
Otrossi alo que piden en razon delas ffonssaderas quelos mis cogedores que lieuan de aquellos logares donde los non deuen adar, et que ffuesse la mi merçet et que do mostrassen cartas opreuillegios offuero ocostunbres quelas non deuen dar, queles valiesse e les fuessen guardadas daqui adelante et queles non enpeeçiesse, se por auentura las leuaron de algunos logares fforçada mientre los rreys onde yo vengo oles pasaran contra ello; aesto tengo por bien que en aquellos logares do nunca la dieron que la non den, et si en aquellos logares dizen quela leuaron con ffuerça, que demuestre la ffuerça et mandaré lo que touiere por bien.
Otrossi alo queme pedieron por merçed que deffendiesse e posiesse pena que ningunos caualleros, por omezio que ouieren vnos con otros, que non maten alos labradores nin rroben nin corten aruoles nin vinnas nin pongan ffuego nin rroben los ganados, et los quelo ffeziessen que mandasse enellos ffazer justiçia; aesto les digo que demandan derecho et mandar lo he asi guardar. Et otrossi alo queme pedieron quelos caualleros delas villas e los otros omes bonos que ffueren en omeziados que non ssean enplazados para mi cassa ffasta que ayan tregua, e que non ayan pena por ende si non veniere al plazo, si ffueren enplazados perssonal mientre; et esto tengo por bien que sea guardado segund dize la ley del Rey don Alffonsso.
Otrossi alo queme piden quelos portagueros delas villas e delos castiellos e delas puentes quelos tomen en aquellos logares do sienpre ouieron costunbrado delo tomar e non en otro logar, e que non tomen mas delo que ffue acostunbrado en tienpo delos otros rreys onde yo vengo; esto tengolo por bien.
Otrossi alo queme pedieron que en ffecho del sseruiçio delos ganados, que se tomen en los puertos dosse vssó atomar, et que se non tome enlas fferias nin enlos mercados delas villas e delos logares; aesto tengo lo por bien.
Otrossi alo queme pedieron en rrazon delos diezmos e delos montadgos delos ganados, que se tomen en aquellos logares onde sienpre hussaron atomar, ca en muchos logares que gelo toman sin rrazon e
sin derecho en fecho delos dezmos queles tomauan en esta guyssa, que ali dose ffazia la pariçion delas oueias deuian tomar la meatad del diezmo delos corderos, e esso mismo delos quessos que se ffazian, et enel obispadgo dose tresquilar la lana que deuen tomar la meatad del diezmo, et todo esto que gelo non guardauan e que gelo tomauan en esta guyssa: por dos corderos queles tomauan vn carnero et por todas las otras paridas e prenadas e abortones queles tomauan de cada cabeça vn nouen por diezmo. Otrossi que quando venian los sus ganados alas fferias oalos mercados queles tomauan los sseruiçios e los montadgos dellos otra vez; et quegelo quissiesse ffazer guardar et queles non ffeziessen estos agrauiamientos; aesto tengo por bien que sse tome en aquellos logares dosse acostunbraron atomar en tienpo delos otrosrreys e que sse tome asi commo se vssó atomar enell tienpo sobre dicho.Otrossi alo queme pedieron quelos huerffanos que estan con so padre o con so madre e non an partido que non paguen enlos pechos, pues el padre ola madre pagar el so pecho; aesto tengo por bien que se vsse commo se vssó quelos ffijos todos, se partido non ouieren, que paguen vna cannama, et el padre ola madre que finca otra, et des que el vno dellos casar que los que fincaren que pague cada vno so cannama segund la quantia que ouiere.
Otrossi alo queme piden por quelos juyzes e los alcalles e las justiçias que estan por mi en los logares se suele mouer alas vegadas aquerer les passar contra las merçedes queles yo fago por el poder que tienen, et los omes an aconssentir en ello rreçelando la costa de melo enbiar mostrar, et que touiesse por bien que en los logares do esto acaesçiesse que el conçeio donde ffuesse el querelloso que gelo non conssentiesse e melo enbiassen mostrar, et yo que ffeziesse escarmiento sobre ello; esto tengo que ssera gran menguamiento de mio ssennorio e marauillome deme ffazeron tal demanda que quando alguna cosa tal acaesçiesse queme lo enbien mostrar, et yo ffare yo aquello que deuiere con derecho, que bien saben ellos que si el mi offiçial errar, que en min es del gelo non conssentir et non en otro.
Otrossi alo que dizen que commo quier que todas estas cossas e las mas dellas an escripturas en ffueros e en priuillegios e en cartas queles dieron los rreys onde yo vengo et les yo conffirmé, temiendo que se saldrian cartas dela mi chançelleria contra ello commo solian ffazer ffasta aqui, por que ffuessen çiertos e sseguros queles ssera guardado meior, queme pedian merçed que rrogasse ala Reyna mi madre, e al inffante don Enrrique mio tio e mio tutor, e al inffante don Johan mio
tio, que gelo otorgassen e les ffeziessen seguros queles ssera guardado e mantenido daqui adelante, e queles mandasse dar ende mis priuillegios sseellados con mio sseello, et queles non tomassen chançelleria dellos nin delas cartas que sobre ello ouieren mester; aesto tengo por bien queles seguren por mi la Reyna donna Maria mi madre e el infante don Enrrique mio tio e mio tutor.Et desto mandé dar al Conçeio de Lugo este ordenamiento sseellado con mio sseello de çera colgado, et mando al inffante don Ffelipe mio ermano ssennor de Cabrera e de Ribera e adelantado mayor por mi enell rregno de Gallizia, o aotro adelantado qual quier que y ffuere daqui adelante, e alos que por el andodieren, et atodos los conçeios alcaldes juyzes justiçias comendadores aportellados delas villas e delos logares que este ordenamiento vieren oel traslado del signado del escriuano publico que guarden e ffagan guardar al conçeio de Lugo.
Sepan quantos esta carta vieren como yo Don Fernando por la gracia de Dios Rey de Castiella de Toledo de Leon de Gallizia de Seuilla de Cordoua de Murcia de Jahen e del Algarue, sennor de Molina, estando enla mi uilla de Medina del Canpo enlas Cortes que agora y fiçe, seyendo y conmigo ayuntados la Reyna Donna Maria mi madre, e el infant Don Enrrique e el infant Don Johan mis tios, e el infant Don Pero mio hermano, e Don Gonçalo arçobispo de Toledo primado de las Espannas e mio Chanceller mayor de Castiella, e Don Johan Nunnez mio mayordomo mayor, e don Johan fijo del infant Don Manuel, e el infant Don Alfons de Portogal mio vasallo, e Don Alfons fijo del infant Don
Johan, e el Maestre de Calatraua, e el Prior del Ospital de San Johan, e el Maestre del Temple, e Don Ferrant Rodriguez de Castro, e los obispos de Avila e de Siguença e de Astorga e de Coria e de Oxma, e otros muchos infançones e caualleros, e los ommes buenos delas uillas delos rregnos de Toledo e de Leon e dela Estremadura, e personeros delas uillas e delos logares que y fueron conmigo ayuntados. Et pidieronme por merced que por rraçon de muchos agrauiamientos que auien rreciuido fasta aqui en muchas cosas, que fuese la mi mercet que daqui adelant queles non fuesen fechos, e que gelo mandase mejor guardar e que non consintiesse que ninguno les pasase contra ello. Et yo entendiendo que me pidien derecho e que es muy grant mi seruicio, et porque sienpre siruieron muy bien e verdadera mientre a los rreyes donde yo vengo, et sennalada mientre siruieron e siruen a mi assi como uasallos buenos e leales deuen seruir a su sennor natural, ordenélo e librélo enla guisa que aqui sera dicho:A lo primero que me pidieron queles otorgase sus fueros e sus buenos usos e buenas costunbres que sienpre ouieron, tengo lo por bien e otorgo gelo.
Otrossi a lo que me pidieron queles confirmasse los privillegios e cartas de mercet que ouieron delos rreyes que fueron ante que yo e queles yo confirmé, tengo lo por bien e otorgo gelo.
Otrosi a lo que me pidieron queles otorgasse los priuillegios e cartas de mercet queles yo fiçe de que rregné aca, e que se los faga guardar mejor que fueron guardados fasta aqui, yo por rraçon que ellos se me querellaron muchas ueces que auian salido muchos preuillegios e cartas dela mi Chancelleria contra sus fueros, tambien de mercet commo de otras cosas, porque vinie muy grant danno ala mi tierra; a esto tengo por bien delos veer et delos librar commo touiere por bien et fallare por derecho; porque tengo por bien quelo que fuere fecho e otorgado enlas otras Cortes de que yo rregné aca, sobre las peticiones quelos dela tierra me ficieren general mientre, e especial mientre cada concejo enlo que era de su concejo, tengo lo por bien que esto que les uala et queles sea guardado en aquello que non fiçieren tuertos a otro ninguno.
Otrosi alo que me pidieron en rrazon delas cartas que salieron dela mi Chancelleria o salieren de aqui adelant que fueren contra fuero o contra los priuillegios e cartas que tengan, que yo que tenga por bien quelos alcaldes e los aportellados dela tierra non sean tenudos delos conpur. E a esto tengo por bien de tomar ommes buenos de Castiella e
de Leon e del rregno de Toledo e de la Estremadura que anden conmigo, e mandar les dar buenas soldadas, porque puedan vivir enla mi casa onrrada mientre e que guarden que non passen tales cartas; et si tales cartas passaren, quelas pongan en rrecabdo e me lo fagan saber, e yo entonçe librar lo he como fallare por derecho.Otrosi a lo que me pidieron que non arrendase los mios pechos a nenguno, e que judio nin moro non sea cogedor de ellos; aesto bien saben ellos la mi facienda e la priesa en que estó e las nuevas que me legan cadaldia dela frontera, e a esto yo cataré carrera si Dios quisiere, por quela frontera sea acorrida, e yo sea seruido e que sea el mayor pro e la mayor guarda que pueda ser.
Otrosi a lo que me pidieron que quando ouiere de facer Cortes que las faga con todos los ommes dela mi tierra en uno; esto me place e otorgo gelo, e lo que fasta agora fiçe fiçlo por partir peleas e rreyertas que pudieran y acaesçer.
Otrosi a lo que me pidieron quelos ommes buenos que uengan seguros alas Cortes e queles den posadas enlas uillas; esto me place e otorgo gelo, e si algun danno han tomado fasta aqui yo lo fare escarmentar.
Otrosi a lo que me pidieron que si yo diere o posiere los mios pechos e los mios derechos algunos, que gelos ponga enlos mios cogedores, porque dicen que reciuen muchos dannos; a esto tengo por bien que non tomen ningun pecho nin derecho ninguno sino por mano de los mios cogedores; e las calonnas e lo al que pertenecen a la justicia quelo non tomen sino por los oficiales del logar en razon dela morada, yo lo vere e porné y tal rrecabdo porque ellos sean guardados.
Otrosi a lo que me pidieron queles quite las cuentas e las pesquisas; a esto tengo por bien que aquellos que cogieron los seruicios de la sisa e otros pechos por el Rey Don Sancho mio padre que Dios perdone e por mi de que el lo quitó aca, quelos cogedores principales quelos cogieron en fialdat que me den cuenta, e sobre la cuenta que fagan pesquisa; e los quelo cogieron por rrenta o por cabeça que den cuenta de commo pagaron la rrenta o la cabeza, e que fagan otrosi la pesquisa sobre ellos en aquellos logares do la pidieren los pecheros, e aquello que fallaren por la pesquisa que lleuaron dela tierra commo non deuien, quelo tornen a aquellos de quien fue tomado, saluo lo que el Rey mio padre e yo quitamos, que non den cuentas nin fagan pesquisa sobre ello. E si alguno delos que cogieron la sisa fueron finados al tienpo queles demandaren esta cuenta de la sisa, que sus mugeres nin sus herederos non
sean tenudos de dar esta cuenta, jurando quela non pueden dar, e esto sea do non se podiere mostrar rrecabdo de escriuano publico; e delos pechos que derramaron los concejos e los pecheros entre si para sus cosas que ouieron mester; e que si mas cogieron delo quelos concejos ouieron mester, e los concejos e los pecheros me lo querellaren a mi, que yo pueda saber verdat de ello, e lo mande tornar a aquellos a quien lo tomaron; e guardando aquello que dicho es en aqueste capitulo, quitoles todas las otras cuentas e pesquisas e demandas que contra ellos podran auer en rraçon de estas cuentas e de estas pesquisas.Otrosi a lo que me pidieron que tome caualleros buenos delas uillas que anden conmigo e sean en librar los fechos asi commo lo fueron los otros rreyes donde yo vengo; esto les gradesco mucho e tengo lo por bien, e ante que me lo ellos pidiesen lo tenia ordenado delo facer.
Otrosi a lo que me pidieron que ponga consejo enlas fronteras e que faga mercet a los que moran y porque se puedan mantener; tengo por bien delo facer e facerles y bien e mercet.
Otrosi a lo que me pidieron que fiziesse mercet a Galin Gilez Dalmaçan e a sus parientes; tengo por guisado de gelo facer, e facerle he y mucho bien e mucha mercet.
Otrosi a lo que me demandaron en rraçon dela sal que non se venda mas del tanto, commo fue ordenado en tienpo del Rey Don Alfonso mio auuelo; tengo lo por bien e otorgo gelo.
Otrosi a lo que me pidieron queles non mandase tomar chancelleria por estos ordenamientos; tengo lo por bien et otorgo gelo.
Otrosi a lo que me pidieron que non tome por chancelleria mas de quanto dice el ordenamiento, tengo lo por bien, et si mas demandaren de quanto dice el ordenamiento que fiço el Rey Don Sancho mio padre que Dios perdone, mando quelo non consientan el Chanceller ni el notario cada uno en su notaria, e si ouiere contienda sobre ello quelo libre el notario de su notaria.
Otrosi a lo que me pidieron en rraçon delas pendras que se facen de una villa a otra por mis cartas et por mio mandado, por rraçon de los mios pechos e por otras cosas; a esto tengo por bien que se non fagan pendras daqui adelant, e a lo que es pasado fasta aqui yo porné consejo.
Otrosi a lo que me pidieron en algunos logares dela Estremadura en rraçon delos fueros, que alli do fueren avenidos los caualleros o la mayor parte de ellos, yo gelo otorgo.
Otrosi a lo que me pidieron en rraçon delos oficiales, tengo por bien que enlos logares do los hay por fuero o por previllegios delos poner, quelos pongan los caualleros, alli do fueren auenidos los caualleros o los mas dellos.
Otrosi a lo que me pidieron los de Segouia quelos cogedores que cogieren los pechos que cojan los logares que son de Segouia, tambien los de allen sierra commo aquen sierra; esto tengo por bien que sea assi, porque fallo que se usó asi sienpre.
Sobre esto mando e defiendo firme mientre que nenguno non sea osado deles pasar daqui adelant contra estas mercedes sobre dichas queles yo fago nin contra ninguna dellas en ningun tienpo por ninguna manera, nin de les ir contra ello por gelo quebrantar nin por gelo menguar, sino quales quier quelo ficiesen aurien la yra de Dios e la mia, e pecharme y an en pena diez mil maravedis dela moneda nueua, e a ellos todo el danno doblado. E porque esto sea firme e estable para sienpre, e porque es mi uoluntad delo asi guardar, mandé de esto dar al concejo de Segouia esta mi carta seellada con mio seello de cera colgado. Dado en Medina del Canpo, tres dias de Junio era de mil e trescientos e quarenta annos. - Yo Aparicio Martinez lo fiçe escreuir por mandado del Rey. - Lope Perez. - Pero Gonzalez.
Don Ferrando por la gracia de Dios Rey de Castiella de Toledo de Leon de Gallizia de Sevilla de Cordova de Murcia de Jahen del Algarbe, et sennor de Molina. Al conceio et a los alcalles et al alguacil de Elles-
cas et a todos los otros omes que esta mi carta vieren salud et gracia. Sepades que agora quando ffui en Burgos a estas cortes en que fueron ajuntados ricos omes et infanzones et caualleros et omes buenos delas villas de Castiella, et de que fueron los nuestros personeros que a mi enbiasteis que fablaron conmigo, et mostraron muchas cosas del estado dela mi tierra, et entre las quales cosas me mostraron de muchos tuertos et muchos agraviamientos que recivien; pidieronme merced que pusiese recabdo en fecho dela moneda quela non querian tomar los omes por la tierra, por la qual rason vinian muchas muertes et muchas contiendas entre vosotros. Et yo con conseio dela Reyna donna Maria mi madre, et del infante don Enrique mi tio, et de don Diego Lopes de Haro sennor de Vizcaya, et de Don Johan Nunnes, et de los otros omes buenos que y eran conmigo, ordené fecho de la moneda en esta manera que aqui sera dicho. Mando que todas monedas contrafechas et malas et falsas que non fueron labradas en las mis monedas, ni por mio mandado, que sean todos los dineros tajados, et de que fueren tajados, que los vendan sus duennos enlos mios regnos a las tablas delos camios delas villas, et quelo affinen en logares ciertos con orebses ciertos, o otros afinadores quelo sepan ffaser, que fueren puestos por las mis guardas et delos conceios, o que fagan su pro dello non lo sacando de mio regno. Et si alguno fuere fallado quelo sacare fuera de mios regnos, que muera por ello et pierda quanto ouiere, e todos los sus bienes sean para mi. Et otrosi mando que todas las mis monedas que yo mandé labrar enlas mis villas et en el mio sennorio, quelas non desechen por pequenno nin por machado nin por mal monedado nin por feble nin por prieto nin por ussado nin por deslavado, salvo si fuere pedazo menos, o que sea quebrado fasta el tercio; et qualquier o qualesquier quelos desechare, disiendo las guardas que son buenos, que peche los dineros que desechare doblados, la meatad para mi e la otra meatad para la cerca de la villa; et esto que lo recabden los guardas, et si non obieren de quelos pechar que vagan treinta dias enla cadena. Et otrosi mando que en cada logar haya una guarda por mi et otra por el conceio; et por mi pongo y en Eliescas a Sancho Garcia fijo de Garci Gonsales por mi guarda; et que escoxgan las mis monedas buenas de entre las malas, et que hayan su gualardon de diez maravedis cada noven, et dende arriba a esa quantia, et de quantos escoxgieren quelos pague el que recibiere la paga. Otrosi mando que si la guarda tajare el dinero bueno, quelo peche doblado a aquel a quelo tajare. Et otrosi porque me dixieron quelos seisenes et los coronados et las meajas coronadas que el Rey don Sancho mio padre mandó faser, quelos sacaban dela tierra et quelos levaban a vender et a fondir a otras partes, porque valian mas de ley que esta mi moneda que mandé labrar. Sobreesto yo fise llamar homes ante mi sabidores de moneda, et segunt acordaron porquela tierra fuese mas conplida de moneda, porque aquellos quelas tenian las demostrasen et usasen de ellas en las conpras et en las vendidas; que los seisenes que valiese cada uno un sueldo, et los coronados a quinse dineros, et las meajas coronadas a esa rason; et yo tengolo asi por bien, et mando que valan asi. Et otrosi mando que todo aquel que ouiere de recebir paga et dixiere quela non quiere recebir si non ante las guardas, que aquel que ha de faser la paga sea tenido de ir y a faser la paga ante las guardas; et si non quisiere ir y, peche la paga doblada, o quele echen en la cadena et yaga y treinta dias como dicho es, si non ouiere de quelos pechar. Et si el que ha de recebir la paga dixiere quele faga paga a su guisa sin la guarda, et non quisier ir ante la guarda, que aya esta mesma pena. Et otrosi mando que qualquier o qualesquier que fuere fallado que trae dineros delas monedas contrafechas a sabiendas de dies maravedis arriba para faser paga de ellas, desde quinse dias despues del dia de san Johan de junio primero que viene en adelant, que sean tajados por los guardas, et de esto que sea la meatad para mi et la otro meatad para la cerca dela villa. Et otrosi mando et defiendo que ninguno non sea osado de trabucar las mis monedas en ninguna manera en escondido nin en plasa, et qualquier quelas trabucare que pierda el cuerpo et lo que ouier. Et defiendo que ninguno non sea osado a encobrir omme de fuera nin dela villa, nin de ser corredor en ninguna de estas monedas nin de otras ningunas, nin de otro cambio ninguno para conprarlo nin para venderlo nin para sacarlo del mio regno, so la penna sobredicha; et si alguno viniere disiendo o descobriendo que alguno pasó contra esto, o contra alguna cosa dellas, o que es corredor dello, que aya ende el tercio delo que fuere tomado de aquello que el acusó et descobrio, et lo al que sea para mi. Et si alguno firiere a las guardas o a qualquier dellos, o a los otros vesinos que fueren en su ayuda, quel corten la mano con que firiere, et si matare que muera, et pierda lo que a por ello. Et otrosi mando que el dicho Sancho Garcia que lo ha de veer et de guardar por mi, et la guarda que vos el conceio pusieredes que fagan et cunplan todas estas cosas sobredichas bien et lealment segun su entendimiento; et si algun de ellos encubriere o escusare o dejare alguno de tajarle los dineros malos que ante el vinieren o aparescieren a sabiendas, que por la primera ves que pechen estas guardas la quantia doblada de bonos dineros, la meatad de esta pena del doblo que sea para mi, et la otra meatad para la cerca de la villa; et por la segunda vegada quelo fisieren que yagan treinta dias en la cadena; et lo que estas guardas ouieren de guardar quelo guarden a la puerta dela cal, et non en otro logar encerrado, so penna delos cuerpos et de quanto ouieren. Et la guarda que fisiere tomar el dinero malo, que por la primera ves quelo peche doblado, et la pena que se parta como se contiene en el dicho capitulo; et la segunda vegada quelo fisieren a sabiendas por pecho quele den, que muera por ello et pierda lo que ouiere. Et mando que juren estas guardas que non corren los dineros tajados en ninguna manera, et si fuere probado o sabido por buena verdad quelos conpran, que pierdan los cuerpos et quanto ouieren. Et otrossi mando que si ricos omes o prelados o caualleros o clerigos o otros omes qualesquier non quisieren consentir queles tajen los dineros malos que ellos o los sus omes troxieren para faser pagas de ellos o si gelos tajaren, et despues pendraren o agraviaren en alguna manera a las guardas o a los conceios, quelos mios merinos queles pendren todo quanto les fallaren, fata queles fagan emendar todo el danno que por esta rason fisieren. Et otrossi mando quelos mios cogedores delos pechos que reciban las pagas delos mios pechos por las guardas. Et otrosi mando que todos los mios pechos et todas las debdas que deben unos a otros, tambien de cristianos como de judios et de moros, que se paguen a esta quantia de dies dineros el maravedi delos que yo mandé labrar, o seis dineros delos coronados por maravedi, o de los seisenes en esta misma manera, contando el seisen et el sueldo como dicho es. Et mando que en las aldeas et en los logares quelos jurados delos logares de qualesquier dellos sean veedores que fagan tomar las mis monedas por las vendidas que vendieren, et si non quisieren tomar la mi moneda quelos jurados mandaren tomar, queles tomen las vendidas, et les non den ninguna cosa por ellas, et las monedas malas que se ouieren de tajar que las traiyan tajar a las guardas delas villas; et todas estas cosas si se pudieren prouar o se pudieren fallar en buena verdad que pasaron contra estas cosas que dichas son, que se cunpla en ellos la pena sobredicha en cada cosa. Porque vos mando luego vista esta mi carta que pongades en Eliescas la vuestra guarda, tal home que sea fiel para guardar todas estas cosas que son mio servicio et vuestro pro, con el di- cho Sancho Garcia que yo pongo y por mi; et el que vos pusieredes que ponga veedores por si tales homes et tan buenos que pongan y buen recabdo en vuestro logar de todas estas cosas, en guisa que cunpla todo esto bien et conplidament segunt que yo mando; et si para esto mester ouieren ayuda, mando a vos queles ayudedes et non fagades ende al, nin vos escusedes los unos por los otros, mas quelo cunplades el primero o los primeros de vos a qui esta mi carta fuer mostrada, sinon a los cuerpos et a quante oviesedes me tornaria por ello. Dada en Toledo, dies dias de marzo era de mil et CCC. et quarenta e un annos. Yo Johan Gonzalez la fiz escribir por mandado del Rey. - Sancho Martines. - Domingo Martines. - Roy Ferrandes. - Garcia Peres.Don Ffernando por la gracia de Dios Rey de Castiella de Leon de Toledo de Gallizia de Seuilla de Cordoua de Murçia de Jahen del Algarbe, et sennor de Molina ¿al conçeio de Abilles? salut e gracia. Bien ssabedes commo uos enbié mandar por mi carta que enbiassedes ami dos omes bonos de vuestro conçeio con vuestra carta de personeria a estas cortes que agora ffize en Medina del Canpo; eso mismo enbié mandar alos otros conçeios del rregno de Leon e de toda la otra mi tierra, por que auia de ffablar con ellos muchas cossas que son aseruiçio de Dios e mio e pro de toda la tierra. Et uos enbiastes ami a Johan Nicolas e Alffonsso Fannez uuestros bezinos et gradescouoslo mucho. Et seyendo ayuntados aestas cortes el infante Don Iohan mio tio, et el infante Don Pero e el infante Don Felipe mios hermanos, et don Fferrnando mio coermano ffijo del infante don Fferrnando, et don Diego de Haro e don Johan ¿Nunnez?, e el arcibispo de Toledo mio chanceller mayor en Cas-
tiella, et lo obispo de Astorga mio notario mayor en el rregno de Leon, e don Alffonsso ffijo del inffante don Iohan, et don Ssancho ffijo del inffante don Pero, e don Pero Ponce mio mayordomo magor. Et otros. ..... ¿infançones? ..... dela mi tierra ..... que viesse las petiçiones generales ¿de todos? los conçeios, e que vos ffeziesse merçed en aquellas cosas que me pediessedes, quelo yo deuiesse fazer. Et ¿venyendo ami los? que aqui eran del rregno de Leon mostraron me sus peticiones generales delas merçedes que me pediedes, respondi les aellas segunt diz eneste quaderno. Et otras petiçiones espeçiales que me pedieron cada vnos procuradores apartada miente cada vnos por su conçeio, et mandéles ende dar mis cartas ssegunt enellas veredes.Primera miente alo que me pedieron todos los procuradores general miente que yo queles otorgasse e les conffirmasse los ffueros e los priuillegios e las cartas e los vsos e las costunbres que auian de mi e delos otros rreyes onde yo vengo. Aesto tengo por bien e otorgo uos vuestros ffueros e vuestros vsos e vuestras costunbres e priuileios e cartas que auedes delos rreyes onde yo vengo e de mi.
Otrossi alo que me pedieron por merçed que touiesse por bien de dar vna llaue enla mi chançelleria al mio notario del rregno de Leon. Aesto uos digo quelo ¿auré? por bien, e mando gela luego dar e ¿mando? quela tenga .... nt ....
Otrossi me pedieron ¿por merçed? ..... cos que non tomasse ¿yantares? e ..... mando quelas non tomen et ssilas tomare e ..... cret .... en aquel logar do las tomaren que melo enbien ¿mostrar?, et ¿mandar? les he tomar la tierra e ffazer entregar lo que tomaren; e las malffetrias que ffezieren quelas pechen e queles tomen tantos de sus bienes por que entreguen aquello que tomaren.
Otrossi me pedieron por merçed quelas notarias delas villas, quelas non diesse a omes quelas metiessen arrenta, et queles diesse por notarios omes bonos que ffuessen vezinos e moradores enlas villas e que fuessen abonados e quelas seruiessen por ssi. Aesto tengo por bien de uos poner y omes bonos delas villas por notarios et quelas siruan por ssi, ssaluo ende algunos offiçiales que anden en mi cassa aque yo ffezier merçed enesta rrazon, quelas ssiruan por escusador.
Otrossi me pidieron por merced que uos diesse juyzes e alcaldes de vuestro ffuero, e que uos non diesse juyz de ssalario ssi non quando melo enbiaren pedir el conçeio ola mayor parte del. Tengo por bien e
mando que ayades juyzes e alcaldes por uuestro ffuero; et ssi el conçeio ola mayor parte demandare juyz de ssalario, que yo uos lo dé del rregno de Leon de villa de ffuero.¿Otrossi alo queme pedieron por merçed? que quando los omes bonos delos conçeios venieren amio mandado alas cortes oen mi ¿seruicio?, que vengan sseguros e vayan sseguros; esto gelo otorgo e mando que ssea assi.
Otrossi me pedieron por merçed que quando algunas cartas desafforadas ssaliessen dela mi chançelleria que ssean contra vuestros priuillegios e cartas e ffueros e vsos e costunbres e ffranquezas e liberdades, que auedes de mi e delos rreyes onde yo vengo, que enbiasse mandar alos juyzes e alos alcaldes que estudieren por mi quelas non cunplan, mostrando les luego aquellas liberdades por quelas non deuen conplir. Esto tengo por bien e mando que ssea assi guardado, et ssi el juyz olos juyzes non lo quessieren guardar, mando al conçeio do acaesçiere quela tengan en ssi, e que melo enbien luego mostrar.
Otrossi alo que me pedieron por merçed que mandasse quel merino que yo possier nueua miente enla tierra que non tome yantar mas de vna vez enel anno, et ssi non merinar el anno conplido e ouier tomada la yantar, quel que yo possier que non tome otra yantar ninguna nin el conçeio non ssean ¿tenudos? de gela dar ffig ..... do que ssea guardado.
Otrossi me pedieron por merçed quelos juyzes nin los ¿alcaldes? non ssean arrendadores nin pesqueridores delos mios pechos; tengo por bien e mando que ssea asi guardado.
Otrossi alo que me pedieron por merçed que mandasse quelos castellares viejos, que sse ffezieron en tienpo dela guerra e las casas ffuertes que ffezieron por que viene danno ala tierra, quelas mandasse derribar. Aesto tengo por bien e mando quelos castiellos vieios e las otras casas ffuertes que sse ffezieron en tienpo dela guerra, de que sse ffaz mal enla tierra, quelas derriben; ssi ffueron ffechas las ffortalezas en termino ageno quelas derriben, e el merino en tierra de Leon, et los conçeios enlos otros logares.
Otrossi me pedieron por merçed que mandasse que non pagassen enel sseruiço quinto caualleros nin duenas viudas nin donzellas; tengo por bien e mando que ssea guardado ssegunt que ffue prometido enlas otras cortes de Medina del Canpo.
Otrossi me pedieron por merçed que mandasse que non ffuessen enplazados perssonal miente para mi casa ssi non por ffecho criminal;
tengo por bien e mando que non sean enplazados ¿para? mi casa, ssi non ssobre ffecho criminal por ..... conplir mio mandado, o enlas otras ¿cosas? quel derecho manda, opor los mios pechos.Otrossi alo que me pedieron por merçed en rrazon delas peyndras que ffazen los mios porteros ffuera delas villas e delos logares; tengo por bien e mando quelos mios porteros vayan aquellos logares do ouieren affazer las peyndras, e que affruenten alos alcaldes del logar queles ffagan entregar, et ssilos alcaldes les non quesieren entregar, mando al conçeio del logar que ayuden al mio portero apreyndrar en bienes delos alcaldes e ffagan ende la entrega por que non quieren conplir mio mandado, et en otro logar non sse ffaga la preynda.
Otrossi alo que me pedieron que aquellas merçedes e aquellas cosas queles otorgasse en estas cortes, quelas non rreuocasse amenos de quando ffezier otras cortes; et tengo por bien e otorgo les de non rreuocar nin de yr contra estas merçedes que sse contienen en este quaderno ssinon por cortes.
Et ¿sobresto? les mando dar este quaderno sseellado con mio sseello de çera colgado. Dado en Medina del Canpo, catorze dias de Mayo Era de mill e CCC e quarenta e tres annos. - Juan Gil chantre de Astorga lo mandó fazer por mandado del Rey. Yo Garçia Ferrandez lo fiz escriuir. - Cantor astoricensis v. - Ffernan Perez. - Pero Gonçalez. - ¿Per? Alffonsso.
En el nombre del Padre et del Fijo et del Espiritu Santo que son tres personas et un Dios, et de la bienaventurada Virgen gloriosa santa Maria su madre, a honrra et a servicio de Dios et de todos los santos de la corte celestial. Porque entre las cosas que son dadas a los reyes sennaladamente les es dado de facer gracia et merced, et mayormente ó se
demanda con razon. Ca el rey que la face debe catar en ella tres cosas: la primera que merced es aquella que les demandan; la segunda qual es el pro o dampno quel ende puede venir si la ficiere; la tercera que logar es aquel en que ha de facer la merced et como gelo merescen; e por ende queremos que sepan por este nuestro privilegio los que agora son et seran daqui adelante, como nos don Fernando por la gracia de Dios Rey de Castilla de Toledo de Leon de Galicia de Sevilla de Cordoba de Murcia de Jahen del Algarbe, et Sennor de Molina, en uno con la Reyna donna Costanza mi muger, estando en las cortes que agora ficiemos en Medina del Campo, seyendo y con nusco la Reyna donna Maria nuestra madre, et el infante don Joan nuestro tio, et nuestros hermanos el infante don Pedro et el infante don Felipe, et don Gonzalo arzobispo de Toledo, et don Alfonso obispo de Astorga, et don Alfonso obispo de Coria, et don Fernando mio cormano fijo del infante don Fernando, et don Alfonso fijo del infante don Juan, et don Juan Nunnez nuestro adelantado mayor en la frontera, e don P.o Ponz nuestro mayordomo mayor, et don Garci Lopez maestre de Calatrava, et otros ricos omes et abades et omes de Ordenes et infanzones et caballeros et otros omes buenos de los regnos de Castilla et de Leon et de las Estremaduras et del regno de Toledo, et los cavalleros et los omes buenos que vinieron a estas cortes por personeros de los concejos de las cibdades et de las villas et de los logares de Castilla et de las marismas, veiendo que era servicio de Dios et pro de toda la tierra pidieron nos aquestas cosas que aqui seran dichas. E nos vistas las cosas que nos pidieron libramos gelo en esta guisa:Primeramente a lo que nos pidieron en razon de la justicia que pusiessemos y conceio porque se ficiese et se compliese asi como gelo nos inviamos decir por nuestras cartas, porque ayan emienda et derecho de las muertes et de los robos et fuerzas e cohechamientos, et otros muchos males que havian rescivido sin razon et sin derecho, en guisa que lo non recibiesen mas daqui adelante; ca esto era servicio de Dios et pro de toda la tierra, e que mandasemos a Sancho Sanchez nuestro adelantado mayor en Castilla que lo faga et cumpla asi. E por ende mandamos al dicho Sancho Sanchez de Velasco o a otro adelantado mayor en Castilla que lo faga et cumpla asi, sopena de la nuestra merced.
E otrosi a lo que nos pidieron teniendo que era nuestro servicio et guarda de la tierra, que tengamos por bien de dar al nuestro notario mayor en Castilla en los nuestros sellos una llave, porque guarde que non salgan cartas desaforadas por do les venga asi como fasta aqui se fezo. Tenemoslo por bien et mandamos gela dar.
Otrosi a lo que nos pidieron en razon del mal et del dampno que los de la nuestra tierra rescivieron por esta moneda que nos mandamos labrar, por razon que fue contra fecha et falsada en algunos logares, en manera que todo lo mas del mueble que havia en la tierra que es perdido por esta razon. E agora que está apurada en tal estado, segun la quantia que anda, que la plata et los pannos, et las otras cosas que tornarán a buen estado non se labrando otra moneda, esto que es nuestro servicio et pro de la tierra; tenemos por bien de la non mandar labrar ca non es nuestro servicio.
Otrosi a lo que nos pidieron en razon de las yantares et de los cohechamientos que les demandan et les facian infantes et ricos omes et cavalleros et otros omes poderosos, et por esto que les toman et les prendan todo quanto les fallaban sin razon et sin derecho. Tenemos por bien que quanto en lo que es pasado, de lo saber et de lo facer enmendar. E si daqui adelante acaesciere que algunos destos sobredichos tomaren yantares o pleitamentos o cohechamientos, ficieren de esta guisa que dicho es, o los prendaren por ende, que si aquellos lo ficieren desta guisa que dicha es o los prendaren por ende, que si aquellos que lo ficieren o lo mandaren facer, tovieren de nos tierra o ovieren de aver dineros en aquellos logares do esto acaesciere, que los alcaldes et los jurados et el merino et los otros aportellados dende, que tomen dello tanta quantia quanto montare a aquello aque por razon de yantar et cohechamiento tomaren como dicho es, et lo entreguen a aquellos a quien lo tomaren o el dampno rescibieren. Et si tierra o dineros non y ovieren de aver, et la tierra tovieren o los dineros ovieren de aver en las otras villas et logares de Castilla, que los de aquel logar do esto acaesciere que lo fagan saber a los de aquel otro logar en que la tierra tovieren o dineros ovieren de aver; et mandamos que los alcaldes et los jurados et el merino et los otros aportellados dende, que tomen dello fata en quantia de aquello que desta guisa que dicho es tomaren por yantares o por cohechamientos o por otras cosas sin razon et sin derecho, et que entreguen a los querellosos a quien fuer tomado o prendado de lo que oviere de haver por esta razon con los dampnos et menoscabos que por ende rescivieren; et si non lo ficieren que sean ellos tenudos de lo pechar. Et si por aventura tierra o dineros non tovieren nin ovieren de aver en las villas et logares de Castilla, que lo amuestren a nos e nos lo inbien mostrar, et nos mandar gelo hemos entregar de la tierra que de nos tovieren en los otros logares, o de las sus heredades do quier que las hayan en como sobredicho es.
Otrosi a lo que nos pidieron que quando los omes buenos de Castilla vinieren a la nuestra casa por nuestro mandado o en otra manera qualquier, que vayan et vengan seguros ellos et lo que tragieren de venida et de morada et de yda, desde que salieren de sus casas fasta que tornen, et que ficiesemos sobrello ordenamiento. Tenemos por bien et mandamos que qualquier o qualesquier que contra esto pasaren o lo ficieren matando o firiendo o en otra manera qualquier, que mueran por ello, et de lo que oviere la meitad que sea para nos, et que en ningun tiempo non hayan perdon, nin cobren nin ayan los sus bienes ellos nin los sus herederos.
trosi a lo que nos pidieron que toviesemos por bien que oviesen escrivanos por su fuero, asi como los siempre ovieron en tiempo de los otros reyes, et que fuesen naturales dende. Tenemos por bien et mandamos que en las villas do los nos ovieremos a poner, de los poner y aquellos que la nuestra merced fuere et que sean tales que cunplan para el oficio e lo sirvan por si. E en las villas do los concejos los ovieren a poner por su fuero, que los pongan ellos.
Otrosi a lo que nos pidieron que los nuestros escrivanos que toman por los registros de cada carta tres maravedis, et por libramiento seis maravedis, et esto que lo facien diciendo que les nos demandamos quitaciones, et esto que non fuera en tiempo del Rey don Alfonso, et del Rey don Sancho nuestro padre.
Otrosi a lo que nos pidieron que mandasemos guardar que non saliesen de la nuestra chancelleria et del nuestro sello de la poridad cartas que sean contra sus fueros et privilegios et cartas et mercedes et ordenamientos que han de los reyes onde nos venimos, et viene por ende muchos males et dannos, et que en pleito forero que non den cartas del nuestro sello de la poridad nin otras desaforadas, et si las dieren que non usen dellas. Tenemos por bien et mandamos que sea guardado asi, et si cartas desaforadas salieren de la nuestra chancilleria et del nuestro sello de la poridad que las non cunplan nin usen dellas.
Otrosi a lo que nos pidieron que los judios non fuesen cogedores nin sobre cogedores nin arrendadores. Tenemos por bien que lo non sean.
Otrosi a lo que nos pidieron que aquellos que ovieron de aver los maravedis de los nuestros pechos, que ellos nin otros por ellos que non sean ende cogedores nin prendadores, mas que los cojan los cogedores que nos pusieremos en las villas et que sean ende vecinos et moradores, et que los nuestros pechos non sean arrendados a ricos omes nin de ca-
balleros nin de otros omes ningunos, que por esta razon se hermava la tierra. Tenemos por bien de poner y tales cogedores porque sea nuestro servicio et la tierra sea guardada de danno.Otrosi a lo que nos pidieron que les guardasemos sus fueros et privilegios et cartas et mercedes et franquezas et libertades et ordenamientos et bonos usos et bonas costumbres que an et ovieren de los otros reyes onde nos venimos, et gelo nos prometimos et le diemos ende privilegios et cartas. Tenemos por bien que les sean guardados sus fueros et sus privilegios et cartas de mercedes et franquezas et libertades et ordenamientos que tienen, et los bonos usos et las bonas costumbres de que siempre usaron. E mandamos que les sean conplidos en todo bien et conplidamente.
Otrosi a lo que nos pidieron que los heredamientos pecheros que compravan los clerigos et los judios et moros que pechasen por ello con ellos en todos los pechos, e que los vendan segun dice en el ordenamiento que tienen del Rey don Sancho nuestro padre que les nos confirmamos. Tenemoslo por bien et mandamos que se cunpla asi.
Otrosi a lo que nos pidieron que non fagan mercados, nin pongan alcaldes nin escrivanos los ricos omes et los cavalleros en las bien fetrias nin en los logares do los non ovo en tiempo del Rey don Alfonso et del Rey don Sancho nuestro padre, ca por esta razon se hermaban las villas. Tenemos por bien et mandamos que lo usen asi como lo usaron en tiempo de los reyes sobredichos.
Otrosi a lo que nos pidieron que de los privilegios et de las cartas que oviesen mester para esto, et de todas las peticiones que ficieron, que gelas mandasemos dar sen chancilleria. Tenemos por bien et mandamos que de los privilegios et cartas que oviesen mester de la nuestra chancilleria, en que les confirmamos et mandamos guardar las franquezas et libertades et mercedes que han fasta qui, nin deste, que non den chancilleria nenguna. Salvo si les nos ficieremos algunas mercedes agora nuevamente, e que de las cartas et privilegios que dende levaren que paguen la chancilleria.
Otrosi a lo que nos pidieron que tobiesemos por bien que un dia o dos de la semana que nos asentasemos a oir las querellas, et en esto que fariamos fruto a Dios et a ellos merced. Tenemos por bien de lo facer, ca facer servicio de Dios et a ellos merced tenemos por bien nuestro.
Otrosi a lo que nos pidieron que oviesemos las querellas et las otras cosas que cada uno dellos por sus concejos nos avien a facer et a
mostrar, que toviesemos por bien de las oyr et de gelo librar. Tenemoslo por bien.Otrosi a lo que nos pidieron que los malfechores que anduvieren o andan por la tierra matando et robando et faciendo muchos males asi en las villas como defuera dellas, et se acogen a infantes et a ricos omes et a otros omes poderosos asi en la nuestra casa como en otras, en guisa que los merinos et los aportellados non pueden facer justicia asi como es derecho, et pidieron nos merced que lo non querramos consentir et que fagamos sobrello lo que devieramos; mandamos a Sancho Sanchez de Velasco nuestro adelantado mayor en Castilla, et a los otros merinos que andan por el en la tierra, o a otro adelantado mayor cualquier que fuere por nos en Castilla, que los prendan asi en la nuestra casa como de los infantes et otros omes et caballeros et infanzones et otros omes poderosos, que fagan cunplir en ellos justicia con derecho.
Otrosi a lo que nos pidieron que los mercadores et los otros omes asi de la nuestra tierra como de fuera de la tierra, que pagandonos ellos el diezmo que nos han a dar en los nuestros puestos do lo deven dar de los pannos et de las otras mercadurias que traen et de todos los otros derechos que deben dar, que non osan salir de los logares sin guia, et han a dar por premio por esta razon tanta quantia de maravedis que monta cerca de tanto como el diezmo que nos dan; et por esta razon que menoscabamos muchos de los nuestros derechos, et ellos que non osan andar seguros por la tierra nin osan venir los mercadores de fuera de nuestros regnos a la nuestra tierra. Tenemos por bien et mandamos que non den guia ninguna a ome ninguno; et mandamos a Sancho Sanchez de Velasco, o a otro adelantado mayor que fuer por nos en Castilla que los guarden et los anparen porque anden seguros por la nuestra tierra con sus mercadurias et con las otras sus cosas, et que non consientan que ninguno les demande guia nin la tome, nin les faga afincamiento ninguno sobrello.
Et otrosi otorgamos que guardemos et cunplamos todas estas cosas que sobredichas son et cada una dellas asi como en este privilegio se contiene, et que non pasemos nin vayamos contra ellas en ningunt tienpo por las minguar en qualquier manera.
E porque esto sea firme et estable mandamos dar al concejo de Haro este privilegio sellado con nuestro sello de plomo. Fecho el privillegio en Medina del Campo, ocho dias andados del mes de junio en la era de mil trecientos e quarenta e tres annos. E nos el sobredicho Rey Don Fernando regnante en uno con la Reyna Donna Constanza mi muger, en
Castilla en Toledo en Leon en Galicia en Sevilla, en Cordoba en Murcia en Jaen en Baeza en Badajoz en el Algarbe et en Molina otorgamos este privilegio et confirmolo.Don Mahomat Abenazar rey de Granada vasallo del Rey la conf. El infante Don Juan tio del Rey conf. El infante Don Pedro hermano del Rey conf. El infante Don Felipe hermano del Rey conf. El infante Don Alonso de Portugal vasallo del Rey conf. Don Gonzalo Arzobispo de Toledo primado de las Españas e chanceller mayor del Rey conf. La Iglesia de Santiago vaga. Don Fernando fijo del infante Don Fernando conf. Don Pedro obispo de Burgos conf. Don Aluaro obispo de Palencia conf. Don Joan obispo de Osma conf. Don Rodrigo obispo de Calahorra conf. Don Simon obispo de Siguenza conf. Don Pasqual obispo de Cuenca conf. Don Fernando obispo de Segovia conf. Don Pedro obispo de Abila conf. Don Domingo obispo de Plasencia conf. Don Martino obispo de Cartagena conf. Don Anton obispo de Aluarracin conf. Don Fernando obispo de Cordoba conf. Don Garcia obispo de Jaen conf. Don fray Pedro obispo de Cadiz conf. Don Garci Lopez maestre de Calatrava conf. Don Garci Perez prior del Ospital conf. Don Juan fijo del infante Don Manuel conf. Don Alfons fijo del infante de Molina conf. Don Juan Nunnez adelantado mayor de la Frontera conf. Don Joan Alfons de Haro conf. Don Fernant Roiz de Saldanna conf. Don Arias Gonzalez de Cisneros conf. Don Garci Fernandez de Villamayor conf. Don Garci Fernandez Manrrique conf. Don Diago Gomez de Castanneda conf. Don Pedro Gomez Guzman conf. Don Alfonso Perez de Guzman conf. Don Roi Gonzalez Manzanedo conf. Don Lope de Mendoza conf. Don Juan Rodriguez de Rojas conf. Don Per Enrriquez de Arana conf. Don Lopez Roiz de Baeza conf. Sancho Sanchez de Velasco adelantado mayor de Castilla conf. Don Fernando arzobispo de Sevilla conf. Don Alfons obispo de Astorga conf. Don Gonzalo obispo de Zamora conf. Don fray Pedro obispo de Salamanca conf. Don Fernando obispo de Obiedo conf. Don Gonzalo obispo de Leon conf. Don Alfonso obispo de Cibdade conf. Don Bernardo obispo de Badalloz conf. Don Pedro obispo de Orens conf. Don Rodrigo obispo de Mondonnedo conf. Don Juan obispo de Tuy conf. Don Rodrigo obispo Lugo conf. Don Juan Osorez maestre de la Orden de la cavalleria de Santiago conf. Don Gonzalo Perez maestre de la Orden de la cavalleria de Alcantara conf. Don Sancho fijo del infante Don Pedro conf. Don Pedro Fernandez fijo de Don Fernan Rodriguez conf. Don Fernan Perez Ponc conf. Don Lope Rodriguez de Villalobos conf. Don Roy Gil so hermano conf. Don Joan Fernandez
fijo de Don Joan Fernandez conf. Don Alfonso Fernandez so hermano conf. Don Fernan Fernandez de Lima conf. Don Rodrig Alvarez conf. Don Diago Ramirez conf. Don Fernant Gutierrez Quijada adelantado mayor en tierra de Leon et de Asturias conf. Don Tel Gutierrez justicia mayor en casa del Rey conf. Diago Gutierrez de Zavallos almirante mayor de la mar conf. Ferrant Gomez notario mayor del reyno de Toledo conf. Pedro Lopez notario mayor de Castilla conf. Fernant Gonzalez notario mayor del regno de Leon conf. Alfonso Diaz notario mayor del Andalucia conf. Yo Per Alfons la fiz escrivir en el anno onceno que el Rey don Fernando regnó. - Gil Gonzalez. - Juan Guillem. - Pero Gonzalez. - Fernan Martinez.Sepan quantos este quaderno vieren commo nos don Ferrando por la graçia de Dios Rey de Castiella de Toledo de Leon de Gallizia de Seuilla de Cordoua de Murçia de Jahen e del Algarbe, e sennor de Molina, estando en las cortes que agora fiz en Medina del Canpo, seyendo y comigo la Reyna donna Maria mi Madre, e el inffante don Johan mio tio, e mis hermanos el inffante don Pero e el inffante don Felipe, et don Gonçalo arçobispo de Toledo, e don Alffonso obispo de Astorga, e don Alffonso obispo de Coria, e don Johan Nunnes mio adelantado mayor en la frontera, e don Pero Ponce mio mayordomo mayor, et don Garçi Lopes maestre de Calatraua, e otros rricos omnes e abades e omnes de Ordenes e inffançones e caualleros e otros ommes buenos de los rregnos de Castilla e de Leon e de las Estremaduras e del rregno de Toledo; los caualleros e los omnes buenos que vinieron a estas Cortes por perssoneros de los conçeios de las çibdades e de las villas de las Estremaduras e del
rregno de Toledo, veyendo que era seruiçio de Dios e pro de toda la tierra, pidieronnos estas cosas que aqui ser han dichas. Et nos vistas las cosas que nos pidieron, libramosgelo en esta guisa:Primeramente a lo que nos pidieron que rreçibian muchos agrauiamientos de inffantes e de rricos omnes e de otros omnes poderosos, lo vno que les tomauan yantares, e lo al que pleyteauan los lugares por quantias çiertas de dineros, e que les tomauan lo que les fallauan. Tenemos por bien quanto en lo passado, de lo saber e fazer lo emendar. Et si daqui adelante acaesciere que algunos destos sobre dichos tomaren yantares o pleyteamientos, ficieren desta guisa que dicha es o los pendraren, que si aquellos que lo fizieren o lo mandaren fazer, touieren tierra de nos, o dineros ouieren de auer en aquellos logares do esto flzieren, que los alcaldes e los juezes e los aportellados dende, que tomen dello tanta quantia quanto montare aquello que por rrazon de yantar o pleyteamiento tomaren commo dicho es, e lo entreguen a aquellos a quien lo tomaren o el danno rrecibieren. Et si tierra o dineros non y ouieren de auer, e lo touieren o lo ouieren de auer en las otras uillas e logares de la Estremadura, que los de aquel logar do esto acaesçiere que lo fagan saber a los de aquel otro logar en que los touieren o ouieren de auer. Et mandamos que los alcaldes e las justiçias e los aportellados dende, que tomen dello fata en quantia de aquello que desta guisa que dicho es tomaren por yantares o por pleyteamientos, e que entreguen a los querellosos a quien fuere tomado, de lo que ouieren de auer por esta rrazon; e si lo non fizieren, que sean ellos tenudos de lo pechar. Et si por auentura tierra o dineros non touieren o ouieren de auer en las villas e lugares de la Estremadura, que lo muestren a nos o nos lo enbien mostrar, e nos mandar gelo hemos entregar de la tierra que de nos touieren en los otros lugares, o de las sus heredades do quier que las ayan.
Otrossi a lo que nos pidieron que quando viniessen a la nuestra casa que fuessen seguros ellos e lo que troxiessen de venida e de morada e de yda, desde que salliesen de sus casas fata que y tornassen, e que fiziessemos ordenamiento sobrello. Tenemos por bien e mandamos que qualquier o qualesquier que contra esto pasaren o lo fizieren matando o firiendo o en otra manera qualquier, que muera por ello; et la meytad de lo que ouiere, que sea para nos, e que en ningun tienpo non
ayan perdon nin cobren nin ayan los sus bienes el nin los sus herederos.Et otrossi a lo que nos pidieron que algunos omnes de algunos de sus logares que se yuan ende e se allegauan a inffantes e a rricos omnes e a otros omnes poderosos, e que con poder de aquellos a quien se allegauan, que los corrien e les fazien muchos males e muchos dannos en sus tierras e en otros lugares. Tenemos por bien que estos tales omnes que tales malfetrias fizieron o fizieren, que los juezes do acaesçieren, que nos lo fagan saber, et nos mandarlos hemos rrecabdar, porque veyan fazer emienda e emendar e conplir de derecho de las malfetrias que assi fizieren en aquellos lugares onde fueren naturales; et que los non defiendan inffantes nin rricos omnes nin otro ninguno, nin biuan con ellos; et si lo asi non fizieren, o algunos los enpararen o contra esto fueren, nos faremos y lo qne deuieremos con derecho. Et esto sea por aquellas villas e logares en que fueren, con las otras cosas que en este quaderno dize.
Otrosi a lo que nos pidieron en razon de los males e dannos que recibien por los pechos e los derechos que nos dauamos, que auiemos de auer de algunas aldeas de las villas, e algunos apartada mente; e que por esta razon perdian las villas la jurisdicion que y auian, e que me pidien merced que lo non quissiessemos fazer. Tenemoslo por bien.
Et otrosi a lo que nos pidieron que en las villas e lugares que escrivanos publicos oviessemos a poner, que los pusiessemos de naturales de la villa, et en las otras villas que an por fuero de los aver e ponerlos los conçeios, que los pusiessen ellos. Tenemos por bien que en aquellos logares do nos los avemos a poner, de los poner y aquellos que la nuestra merced fuere, e que sean tales que cunplan el oficio e lo sieruan por si; et en los otros lugares do los conçeios los an a poner por fuero, que los pongan ellos de aquellos que fueren ende naturales.
Otrossi a lo que nos pidieron en razon de los males e dannos que rrecibian por pendras que les fazien con nuestras cartas que yuan, las vnas generales e las otras especiales, a algunos logares, en que mandauamos a aquellos que las lieuan que fizieren pendras de vnos logares a otros, e a los conçeios e a los de las Ordenes e a los oficiales que gelas ayudassen a fazer e las fiziessen e los anparassen e los defendiessen con ellas. Tenemos por bien e mandamos que tales cartas commo estas que
non passen, e si algunas son passadas o passaren daqui adelante, mandamos que non husen dellas, e que las tomen a aquellos que las leuaren e nos las enbien por los juezes del logar do tales cartas commo estas parescieren; e si alguna cosa ovieren tomado o pendrado por ellas, que lo fagan luego entregar a aquellos a quien fuere tomado o pendrado.Otrossi a lo que nos dixieron que sallien de la nuestra chancelleria e del nuestro seello de la poridad muchas cartas que son contra sus fueros e los preuillegios e las cartas e las merzedes e los otorgamientos que an de los rreyes onde nos venimos e de nos, e que recibian por ende muy grandes dannos, e que nos pidien merçed que lo mandassemos guardar e que non passasse asi. Tenemos por bien de lo mandar guardar, e mandamos que si tales cartas parescieren, quier sean dadas fata aqui o se dieren daqui adelante, asi en razon de los nuestros pechos commo en otras cosas qualesquier, que los juezes nin otros ningunos non husen dellas nin consientan husar dellas, e que las tomen e nos las enbien, e nos faremos escarmiento en los que las dieren assi commo la nuestra merced fuere.
Otrossi a lo que nos pidieron que non sean judios cogedores nin sobre cogedores de los nuestros pechos en las sus villas e logares. Tenemoslo por bien e mandamos que lo non sean.
Otrossi a lo que nos pidieron que los que ovieren de aver los maravedis de los nuestros pechos, que ellos nin otro por ellos non fuessen ende cogedores nin pendradores, mas que los coian los cogedores que nos pusieremos de las villas e que sean ende naturales, o los sesmeros en aquellos logares do los ovieren para cogerlos, e que recudan con los maravedis dellos a aquellos a qui nos mandaremos. Tenemoslo por bien.
Otrossi alo que nos pidieron en razon de los comunes que an los conceios cada vnos en sus logares, que algunos que gelos tomavan e gelos enbargauan con privillegios e cartas nuestras que leuavan en esta razon, e que fuesse la nuestra merced que lo non toviesemos por bien. A esto dezimos que tenemos por bien e mandamos que los privillegios e las cartas que assi son leuadas contra sus comunes, que non valan nin husen dellas, e que los conceios que tomen sus comunes e los ayan e que les sea esto assi guardado daqui adelante.
Otrossi a lo que nos pidieron que les mandassemos guardar sus
fueros e los privillegios e las cartas e las mercedes e los ordenamientos e los buenos husos e las buenas costunbres que an e ovieron de los rreyes onde nos uenimos e de nos, e que deffendiessemos a los notarios e a los escriuanos que non passassen priuillegios nin cartas contra ello nin contra aquello que en este nuestro priuillegio dizen. Tenemoslo por bien e otorgamosgelo et mandamos que les sea guardado en todo.Otrossi a lo que nos pidieron en razon de las aldeas que son de las villas que nos avemos dadas, e los pechos o los derechos que nos y avemos que tengamos por bien que lo non ayan e que lo desfagamos. A esto dezimos que tenemos por bien que lo que diemos fata aqui que sea tornado aaquellas villas e a aquellos logares cuyo era, e que daqui adelante que non demos a ninguno apartada mente ningunas de las cosas del termino de las villas e logares.
Otrossi a lo que nos pidieron que los previllegios e las cartas que oviessen menester desto e de las otras peticiones que nos fazian por los comunes que gelas mandassemos dar sin chancelleria. Tenemoslo por bien.
Et por que este nuestro quaderno non se puede traer especial mente por cada villa e por cada logar, mandamos a todos los conceios e a todos los alcaldes jurados juezes justizias alguaziles merinos comendadores e aportellados, e a todos los otros omnes buenos de las villas e de los logares, que fagan e cunplan e guarden todas estas cosas que sobredichas son e cada una dellas por traslado dell, signado de escriuano publico e seellado con el seello del conceio del logar que este quaderno toviere, assi commo si el quaderno especial mente les fuese mostrado, e non fagan ende al so pena de mill maravedis de la moneda nueua a cada vno.
Otrossi otorgamos que guardemos e cunplamos todas estas cosas que sobredichas son e cada vna dellas assi commo en este nuestro quaderno se contiene, e que non passemos nin vayamos contra ellas en ningun tienpo por las menguar en qualquier manera.
E por que esto sea firme e estable mandamos dar este quaderno seellado con nuestro seello de cera colgado a don Gonçalo arçobispo de
Toledo e mio chanciller mayor para en las sus villas e en los sus logares. Fecho este quaderno ocho dias de junio era de mill e trecientos e quarenta e tres annos. Yo Per Alffonsso lo ffiz escriuir por mandado del Rey. - Johan Sanchez. - Johan Guillem. - Fernand Peres. - Alonso Gonçales.Sepan quantos este quaderno vieren commo yo Don Fferrando por la graçia de Dios Rey de Castiella de Toledo de Leon de Gallizia de Seuilla de Cordoua de Murçia de Jahen del Algarbe, esennor de Molina, sobre cosas que auia de ordenar e de ffazer que eran sseruiço de Dios e mio e endereçamiento delos mios rregnos et que cumplia mucho delo ffazer, oue mio conseio con la Reyna donna Maria mi madre, et con el inffante don Johan mio tio e mio adelantado mayor en la ffrontera, et con don Johan Nunnez mio mayordomo mayor, et con rricos omes e caualleros e omes buenos que eran comigo entonçe. Et ellos veyendo que me cunplia mucho delo ordenar e delo ffazer, por que era sseruiço de Dios e mio et pro delos mios rregnos et ffuese guardado, consseiaron me que para se ordenar e se ffazer meior que fiziese cortes e quelas fiziesse aqui en Valladolid, et que llamase aellas inffantes e alos prelados e alos rricos omes e alos maestres dela caualleria, et acaualleros e aomes bue-
nos delas çibdades e delas villas e delos logares delos mios rregnos, et yo ffiz lo assi, et enbié les llamar que viniessen aestas cortes por les ffazer auer emienda e derecho delos males e delos agrauiamientos e tuertos que ffasta aqui avien rreçebido, assi en rrazon dela justicia commo enlas otras cosas. Et ellos vinieron aqui et seyendo comigo en las cortes que ffiz en Valladolid la Reyna donna Maria mi madre et el inffante don Johan mio tio, et el inffante don Pedro et el inffante don Felipe mios hermanos, et prelados e rricos omes e maestres dela caualleria e inffançones e caualleros delos mios rregnos. Los caualleros e los omes buenos delas çibdades e delas villas e delos logares delos rregnos de Castiella e de Leon e de Toledo e delas Estremaduras, que vinieron ami a estas cortes, pidieron me muchas cosas que tenian en queles auia affazer merçed que eran amio sseruiço. Las quales cosas me mostraron segund que aqui dira. Et yo oue mio consseio sobre ello con la Reyna mi madre e con los inffantes e con los prelados et con los rricos omes e con los maestres e inffançones e caualleros que sobredichos son, et con su consseio dellos rrespondi alas petiçiones que me fizieron en esta guisa:Primera mente alo que me dixieron que vna delas cosas que ellos entendian por quela mi tierra es pobre e agrauiada que es por que en la mi casa e en los mios rregnos no ha justiçia segund deue. Et la manera por que ellos entendien por que se puede fazer, es que tome yo caualleros e omes buenos delas villas delos mios rregnos por alcaldes, et que non sean omes de Orden, nin de ffuera de mios rregnos, que anden de cada dia en la mi corte, et queles dé buenas soldadas, por que se puedan mantener bien e onrrada mente, et que ffagan la justiçia bien e conplida mente. Et yo que tome vn dia dela selmana qual yo touiere por bien en que oya los pleitos. Et que con los omes buenos e con los alcaldes que comigo andudieren quelos libremos commo la mi merçed ffuere e fallare por derecho. Aesto digo que es mio sseruiço et yo cataré omes buenos para alcaldes, e tengo por bien delo ffazer desta guisa que melo piden. Et quanto es que me assiente vn dia enla selmana aoyr los pleitos, tengo lo por bien e que sea el dia del viernes.
Otrossi alo que me pidieron por merçed que quando ffuere en los logares delos mios rregnos que sepa que ffazen los alcaldes e los juezes e los alguaziles en sus judgados e [en] sus alcaldias e en sus alguaziladgos, en qual manera cunplen la justiçia segund los ffueros de cada logar, et aquellos quela ffizieren bien e conplida mente queles ffaga por ello bien e merçed. Et alos que ffallare quelo assi non ffizieren que ponga en ellos escarmiento segund la mi merçed ffuere por que se cunpla la justiçia. Tengolo por bien e otorgo quelo fare assi.
Otrossi alo que me dixieron que sallieron e sallien dela mi chançelleria muchas cartas desaforadas contra libertades e ffranquezas e buenos ffueros e vsos e costunbres e priuillegios e cartas que an de mi et delos otros rreyes onde yo vengo. Et que me pedien merçed quelo fiziesse emendar en esta guisa, que mande alos mios alcaldes de mi corte que non libren cartas que sean contra ffuero e contra derecho, nin contra libertades e vsos e costunbres que an. Et las cartas delos juyzios quelas non libren otros ssinon los alcaldes, et que cada alcalde libre las cartas ssegund la tierra onde ffuere, et que non libre carta ninguna dela villa onde ffuere morador. Tengolo por bien e otorgo gelo.
Otrossi alo queme pidieron que pusiesse omes buenos que libren las vistas delas cartas, que sepan guardar el mio sennorio e los fueros e el derecho de cada logar. Et que en las cartas non aya mas de vna vista de notario, que cada vno delos notarios libre en su notaria; que por las muchas vistas vinia muy grand danno ala tierra e aquellos quelas cartas auian de ganar. Otrosi que si algunas cartas ssalliessen dela mi chançelleria desafforadas que ffuesse la mi merçed que mandasse que non vsassen dellas. Et el fecho sobre que ffuessen quelo pusiessen en
rrecabdo e que melo enbien ami mostrar. Tengolo por bien e otorgo gelo.Otrossi alo que me pidieron que mande alos que trayen la mi chançelleria que vsen con todos los delos mios rregnos, segund que vsaron en tienpo del Rey don Alfonso mio auuelo e del Rey don Sancho mio padre, assi en chançelleria delas cartas commo en el libramiento delos libros e delas escriuanias e delos rregistros. Tengolo por bien e otorgo gelo.
Otrossi alo que me pidieron por quela mi tierra era muy yerma e muy pobre, et que pues graçias a Dios que guerra ninguna non auia, que me pidien por merçed que quisiesse poblar e criar alos de mi tierra, e que quisiesse saber quanto rrendian los mios rregnos delas rrentas foreras e delos otros mios derechos, et que tomase ende para mi lo que por bien touiese. Et lo al quelo partiesse entre inffantes e rricos omes e caualleros commo la mi merçed fuesse, et por que non ouiesse de echar sseruiços nin pechos desafforados en la tierra. Aesto digo quelo tengo por bien, pero si acaesçiere que pechos ouiere mester algunos, pedir gelos he, et en otra manera no echaré pechos ningunos enlla tierra.
Otrossi alo que me dixieron en rrazon de muchas tomas e ffuerças e pendras e yantares e conducho que tomauan inffantes e rricos omes e caualleros e otros omes en muchos logares do lo non deuen tomar, assi en el rregalengo commo en el abadengo, et que me pidien merçed que mandasse e deffendiesse quelo non fiziessen. Et que assi lo que fizieron fasta aqui commo lo que fizieren daqui adelante quelo escarmiente e que gelo faga pechar asi commo fuere fuero e derecho. Aesto digo que tengo por bien quelo que fue tomado fasta aqui o tomaren daqui adelante
assi enel rregalengo commo en [el] abadengo, quelo pechen doblado aquellos quelo tomaron olo tomaren. Et silo tomaron olo tomaren caualleros delas villas, quelos alcaldes e los offiçiales onde fueren quelos costringan en quanto les ffallaren fasta quelo pechen assi commo dicho es. Et silos alcaldes e los offiçiales non lo fizieren assi, quelo pechen ellos con los dannos e los menoscabos. Et si rricos omes lo han fecho olo fizieren daqui adelante, tengo por bien que melo muestren et yo ffazer gelo he pechar delas tierras que de mi touieren o de sus heredades en esta manera que dicha es.Otrossi alo que me dixieron que por muchos castiellos e cortijos e casas fuertes que fueron fechas desque yo rregné aca, de que fizieron e ffazen muchos males e muchos rrobos e muchas fuerças. Et me pidieron merçed que touiesse por bien de saber las mal ffetrias que se fizieron e se fazen dellos, et que fiziesse escarmiento en aquellos e quelos fiziesse pechar a aquellos a quien las fizieron asi commo ffallare por fuero e por derecho, et que mandasse derribar aquellas fortalezas atales de que se fizieron mal ffetrias o se fizieren daqui adelante. Aesto digo e tengo por bien e mando que todo aquello que fue tomado o rrobado fasta aqui otomaren orrobaren daqui adelante de tales castiellos e cortijos e casas fuertes commo dichas son, que aquellos queles tomaren otomaron quelo pechen doblado. Et si dellos fizieren algunas fuerças o muertes de omes o enbargaren o enpararen la mi justiçia, mandar los he derribar.
Otrossi alo que me pidieron que el conducho que tomaren los offiçiales de mi casa en las villas e en los logares de mios rregnos fasta aqui, que touiesse por bien de gelo mandar pagar; et lo que tomaren daqui adelante que ponga tal rrecabdo por quelo paguen. Aesto digo que me muestren en quales logares lo tomaron, et quales offiçiales gelo tomaron, et lo que ffallare que non es pagado ffazer gelo he pagar.
Otrossi alo que me dixieron que quando llegaua acada vnos delos logares e demandaua yantar forera, que el mio despenssero e los
mios offiçiales que tomauan tanto conducho que montauan de dos mill mr. arriba. Et quando yo non yua alos logares, que enbiaua demandar las yantares en dineros. Et esto que era contra ffuero e contra los priuillegios que an del Rey don Sancho mio padre e de mi. Et que me pidian merçed que touiesse por bien que quando fuesse en los logares de mios rregnos que non tomasse por yantar nin conducho mas de sesçientos mr. Et en los logares do las non ffuesse tomar fel el conducho, quelas non tomasse en dineros, segund dize en el ordenamiento que an del Rey don Sancho mio padre et conffirmado de mi. Aesto digo que tengo por bien de non enbiar demandar yantares, si non quelas tome quando fuere en los logares, et que den por yantar sesçientos mr.; pero pues tengo por bien delas non enbiar demandar ssi non quelas tome en los logares do ffuere. Et por que esta moneda que yo ffiz es menor quela del Rey don Sancho mio padre, et por me ffazer sseruiço, que me den por yantar en los logares do ffuer daqui a diez annos, en cada logar do ffuere mill mr., saluo quando ffuere en hueste, en que ffiziere çerca, o estudiere en la ffrontera delos moros auiendo guerra con ellos, o quando la Reyna mi muger encaesçiere, por que es rrazon e derecho que tengo por bien que me den las yantares en dineros. Et quelas enbie demandar acada logar, assi al rregalengo commo al abadengo. Et quando acaesçiere que desta guisa las enbie demandar, que non den mas de sesçientos mr. en cada logar, et ala Reyna donna Maria mi madre et ala Reyna mi muger acada vna quatroçientos mr. et al inffante don Johan quatroçientos mr. por sus yantares.Otrossi alo que me dixieron en rrazon delas azemilas que tomauan los mios omes e delas rreynas e delos inffantes e delos rricos omes para leuar de un logar aotro, quelas rremidian por dineros, et las otras trayen tanto tienpo quelas perdien sus duennos e nunca las cobrauan. Et me pidieron por merçed que touiese por bien que yo e las rreynas e los inffantes conprassemos azemilas en manera que escusasemos de tomar las dela tierra, et que mande e deffienda atodos los otros quelas non tomen daqui adelante. Aesto digo que por que agora non auemos tantas azemilas que nos cumplan et las non podemos escusar, que del sant
Miguel primero que viene adelante que mandaré quelas non tomen, et las que tomaren entre tanto fare queles paguen su aloguero muy bien, et quelas non pleyteyen aquellos quelas tomaren. Et aqual quier quelas pleyteiare, mandar le [he] cortar las oreias.Otrossi alo que me dixieron en rrazon dela mucha gente que yua en mio rrastro delas vnas villas alas otras, que astragauan las villas e las aldeas quemando la madera delas casas, e cortauan las huertas e las vinnas e los panes, e tomando el pan e el vino e la carne e la paia e la lenna e las otras cosas que fallauan por fuerça, en manera que perdian los ganados, et ffincauan los logares yermos e astragados. Et pidieron me merçed que touiesse por bien de leuar tanta gente comigo, quelos pudiesen sofrir, et que castigase que non ffiziessen fuerça nin mal ffetria ninguna; et aquellos quela fiziesen que gelo escarmentase asi commo la mi merçed fuese por quela tierra non se astragasse. Aesto digo que tengo por bien de tomar conpannones que anden comigo et mandaré e deffendre que ninguno non faga fuerça nin mal ninguno en la tierra. Et non conssintre que gente baldia ande en el mi rrastro daqui adelante.
Otrossi alo que me dixieron que daua los judgados e las alcaldias e los alguaziladgos delas villas e delos logares de mios rregnos, ssin pedimiento delos conçeios delos logares, acaualleros e aotros omes que non fazian justiçia, et que se astragauan los pueblos e los despechauan e los desaforauan. Et me pidieron por merçed que touiesse por bien deles non dar juezes nin alcaldes nin alguaziles de ffuera delas villas, sinon quando ellos melos demandaren segund dize el ordenamiento queles di en esta rrazon, et en los logares do son quelos mande tirar; et quando melos demandaren segund dicho es, queles dé alos delas villas de Castiella, delos otros logares desse mismo rregno, et alos delas villas delas Estremaduras, delos otros logares delas Estremaduras. Tengo lo por bien e otorgo gelo.
Otrossi alo que me dixieron que tomé muchas aldeas e terminos alos conçeios delas mis villas delos mios rregnos, et las di por heredamiento aquien toue por bien, et me pidieron por merçed quelas mande
tornar alas villas aquien las tomé, et daqui adelante quelas non dé. Tengo lo por bien e otorgo gelo.Otrossi alo que me dixieron que por rrazon delos pechos e delos derechos de algunas aldeas, que son delas villas que di ainffantes e arricos omes e ainffançones e arricas ffenbras e a Ordenes e acaualleros e aotros omes, que perdian las villas cuya eran la juresdiçon que en ellas auia, et yo perdia los mios pechos. Et que me pidieron por merçed quelos pechos e los derechos delas aldeas que assi di, quelas non ayan daqui adelante aquellos quelas assi tenien. Et que non dé dineros aninguno de aldea apartada mente, mas quelos cogedores delas villas donde ffueren las aldeas quelos coian e los den do yo mandare. Tengo lo por bien e otorgo gelo.
Otrossi alo que me pidieron quelos mios pechos que me ouieren adar que non quiera quelos coian los quelos ouieren de auer nin otros omes de ffuera de cada vnos delos logares, por que se fazen muchos agrauiamientos enla tierra. Et me pidieron por merçed quelos faga coger acaualleros e aomes buenos delas villas, que ssean quantiosos, por que siruan ami e guarden la tierra de danno. Aesto digo que tengo por bien de poner y los cogedores, et que sean omes buenos delas villas e rricos e abonados, et que judios ningunos non sean cogedores nin arrendadores delos pechos.
Otrossi alo que me pidieron los delas Estremaduras queles dé notario e portero en mi casa. Aesto digo que ffasta aqui nunca ffue, ca sienpre ffue todo vno Castiella e Estremadura, et ouieron vn notario e vn portero quales los rreyes touieron por bien.
Otrossi alo que me dixieron que por quelos entregadores delas debdas delos judios fazian muchas cosas desaguisadas e sin rrazon, et ffazian muchos agrauiamientos alos debdores, por que vinie muy grand danno alos dela tierra; que me pidieron por merçed quelas entregas de cada vna delas villas do las an por ffuero opor priuillegios quelas ouiessen e las libren segund fuero por quelos christianos ouiessen su derecho et los judios el suyo. Aesto digo que tengo por bien que vsen en esta rrazon, segund dize en los ordenamientos que el Rey don Alfonso mio auuelo et el Rey don Sancho mio padre fizieron sobresto.
Otrossi alo que me pidieron que por muchos males e dannos que rreçiben delos entregadores delos pastores, que mande e tenga por bien
quelos non ayan; mas quelos alcaldes e los juezes delos logares dolos pastores querella ouieren les fagan derecho delos que querella ouieren; et los alcaldes e los juezes quelo assi non cunplieren que faga en ellos escarmiento commo la mi merçed fuere, et que por esto non se me detengan los mios sseruiços delos ganados, mas quelos aya conplida mente. Aesto digo que tengo por bien de poner y omes buenos de villas, que sean tales que guarden mio sseruiço e alos dela tierra de danno, et quelo fagan asi commo lo ordenó el Rey don Sancho mio padre en guisa que ninguno non rreçiba agrauiamiento.Otrossi alo que me pidieron por merçed quelas notarias e las escriuanias que ó las an por ffuero quelas ayan. Et en los logares do las no an por ffuero, quelas ayan omes buenos quantiosos e sin sospecha e naturales delas villas mismas, et quelas siruan por si e non por escusadores et quelas non metan arrenta, que por la rrenta viene muy grand danno ala tierra, et silas non siruieren por ssi quelas pierdan. Aesto digo que tengo por bien e mando que dolas ouieron por ffuero e por priuillegios quelas ayan. Et do yo ouiere aponer los notarios que ssean naturales del logar, poner los he dende que sean omes buenos quantiosos. Et dolos ouiere aponer quales touiere por bien, poner los he tales que guarden mio sseruiço e pro dela tierra. Et los escriuanos e los notarios que desta guisa fueren puestos mando que siruan por ssi las notarias e non por escusados, et quelas non arrenden et que non aya mas de vna notaria aquel que fuere puesto por notario.
Otrossi alo que me dixieron quelos alcaydes que tienen los castiellos por mi e los alcaçares e las ffortalezas delas mis villas e delos mios logares auian rreçebido muchos males e muchos dannos. Et que me pidien por merçed que touiesse por bien delos ffiar en caualleros e en omes buenos delas villas e delos logares do sson quales yo touier por bien, por quela tierra sea guardada de danno. Aesto digo que me muestren quales son aquellos de quien algun danno rreçibieron et fazer gelo
he pechar. Et daqui adelante tales alcaydes y porne por que el mio sseruiço sea guardado e queles non venga dellos ningun danno.Otrossi alo que me dixieron que algunos omes sacan cartas dela mi chançelleria en que mando algunos conçeios e algunos juezes e alcaldes dela tierra conplir les algunas cosas. Et aquellos contra quien son mostradas muestran otras cartas contra ellas; en cada vna delas cartas contiensse pena alos conçeios e alos juezes e alos alcaldes si las non cunplieren. Et ellos veyendo mio mandado en amas que non ssaben quales dellas sse cunplan. Et por esta rrazon el mio alguazil saca cartas dela mi chançelleria en que mando pendrar alos conçeios e alos juezes e alos alcaldes por amas las penas que se contienen en las cartas, et que por esto vinie muy grand danno ala tierra. Et pidieron me merçed que touiesse por bien que quando acaesciesse que tales cartas commo estas les ffueren mostradas, las vnas contra las otras, que mande quelos conçeios e los alcaldes e los juezes quelas enbien ante mi con aquellos quelas mostraren, et yo quelo libre commo la mi merçed ffuere, et los conçeios e los juezes e los alcaldes, ffaziendo esto, que non cayan en la pena nin sean pendrados por ella. Tengo lo por bien e otorgo gelo.
Otrossi alo que me pidieron merçed que el rregalengo delos mios rregnos que non tenga por bien que passe al abadengo. Et delo que es passado delas cortes de Nagera e de Benauente aca quelo tomen para mi. Aesto digo que por rrazon quelos prelados dizen que algunos dellos an derecho por priuillegios del Rey don Sancho mio padre e delos otros rreyes, quelo puedan auer; et demas que todos los prelados en quien tanne este ffecho non eran aqui, et me pidieron queles diesse plazo aque vengan mostrar el derecho que por ssi an en esta rrazon, yo diles plazo aquelo vengan mostrar fasta el Sant Martin primero que viene, et yo entonçe veer lo he e librar lo he commo fuere derecho.
Otrossi alo que me dixieron quelos arçobispos e los obispos e los otros prelados delas eglesias passauan contra ellos de cada dia en prejusdiço del mio sennorio enplazando los e llamando los ante ssi, e po-
niendo sentençia de descomunion sobrellos por los pleitos foreros e por los heredamientos e por las otras demandas que son del mio sennorio e dela mi juresdiçon, et que por esta rrazon menguaua el mio sennorio e perdien ellos lo que an. Et que me pidieron merçed que quisiese lo mio para mi, e non quisiese consentir que passen contra ello daqui adelante, et en esto que guardaria el mio sennorio et aellos el su derecho. Aesto digo que tengo de ssaber commo se vsó en tienpo del Rey don Alfonsso mio auuelo e fazer lo he assi guardar; et esto saber lo he luego.Otrossi alo que me pidieron por merçed que daqui adelante non conssientan sacar cosas vedadas fuera delos mios rregnos, et alos quelas sacaren que faga en ellos escarmiento assi commo sienpre ffue vso e costunbre. Tengo lo por bien e fazer gelo he guardar daqui adelante asi commo fue ordenado.
Otrossi alo que me pidieron por merçed que deffienda que ningun rricomenbre nin inffante nin cauallero nin otro ome ninguno non prenda nin tome ninguna cosa aconçeio nin aotro ninguno de sus vezinos por si mismos nin por otri, por ninguna querella que dellos ayan; mas si querella ouieren de conçeio o de otro alguno quelo demanden por su fuero. Et si los alcaldes non les cunplieren de derecho quelo enbien querellar ami, et yo que faga en los alcaldes escarmiento commo la mi merçed fuere. Aesto digo que tengo por bien e mando que si alguna demanda ouieren contra algunos delas villas, que gelo demanden por ante los alcaldes del logar, et ellos queles cunplan de ffuero e de derecho sobrello; et silos alcaldes non les cunplieren de derecho sobre ello quelo querellen ami, et en otra manera que non fagan pendra ninguna. Et silo fizieron yo fare y aquel escarmiento que fuere de derecho.
Otrossi alo que me dixieron que quando los rricos omes e los caualleros an assonadas que toman viandas e lo que fallan por ó uan et dose ayuntan quelo non pagan, et que por esta rrazon se astraga la tierra. Et pidieron me por merçed que quisiesse y poner atal conseio por que fuesse guardado daqui adelante. Aesto digo que tengo por bien delo fazer guardar; et si por auentura algunos lo tomaren desta guisa,
mando que aquello que tomaren en el rregalengo quelo pechen doblado, et lo que tomaren en el abadengo quelo pechen otrossi doblado.Otrossi alo que me pidieron por merçed en fecho delas vsuras delos judios, que touiesse por bien de auer mio acuerdo en guisa que non venga dellos tanto mal commo viene nin se astrague dellos la tierra commo se astraga. Et que fuesse la mi merçed que non ouiessen juezes apartados, mas quelos juezes e los alcaldes del ffuero que estudieren por mi en los logares librassen las contiendas que acaesçiessen entre los christianos e ellos. Et otrossi en las otras cosas que con ellos ouiessen a ueer en rrazon delas debdas, que se librassen segund dizen en los ordenamientos que an del Rey don Alfonsso mio auuelo et del Rey don Sancho mio padre. Aesto digo que tengo por bien e mando que vsen en esta rrazon, segund dizen los ordenamientos que sobresto ffezieron el Rey don Alfonsso mio auelo e el Rey don Sancho mio padre.
Otrossi alo que me pidieron por merçed quelos rricos omes e inffançones e caualleros e otros quales quier que an algo olo ouieren en quales quier villas e logares delos mios rregnos, quelo ayan so aquel fuero e so aquella juresdiçion do fuere poblado, et que rresponda e faga derecho por ello, ellos e los sus omes, ante los alcaldes del fuero do fuere el algo. Et los logares do fueren moradores que alli sean tenudos de rresponder e conplir de derecho, asi commo por muertes commo por todas las otras cosas. Tengo lo por bien e otorgo gelo.
Otrossi alo que me pidieron por merçed que ssi alguna mezcla me fuere dicha de algunos delos mios naturales delos mios rregnos, que non passe contra ellos fasta que sean oydos por derecho. Tengo lo por bien e otorgo gelo.
Otrossi alo que me pidieron queles mande tener e guardar los priuillegios e las cartas e los fueros e buenos vsos e costunbres buenas que an de mi e delos rreyes onde yo vengo et las queles diere daqui adelante, meior queles non fueron guardadas fasta aqui. Aesto digo quelo tengo por bien e gelo otorgo, et que ayan los buenos vsos e buenas costunbres.
Otrossi alo que me pidieron que fuesse la mi merçed quelos que son desaforados quelos quisiesse aforar. Aesto digo que me muestren quales son o en quelo son, ca non es mi voluntad de desaforar aninguno.
Otrossi alo que me dixieron que muchos omes pecheros del mio sennorio que sse fueron alas tierras delos otros sennorios, que fizieron fiaduras e cartas sobre ssi de morar annos çiertos en aquellos logares ado fueron morar, et me pidieron por merçed que tales fiaduras e cartas que non valan, por que puedan venir morar alos logares del mio sennorio onde eran ssin pena. Aesto digo que tengo por bien e mando que todos aquellos que fueron morar delas villas e delos logares del mio rrengalengo amorar ala tierra delos otros sennorios, quelas fiaduras e las cartas que sobre ssi fizieron desta guisa que dicho es, que non valan porque puedan venir morar ssin pena alos logares del mio rregalengo onde eran.
Otrossi alo que me pidieron por merçed que tenga por bien que pesquisa çerrada ninguna non sse ffaga en general. Tengo lo por bien e otorgo gelo.
Otrossi alo que me pidieron por merçed que este ordenamiento e los otros que cada vno delos procuradores delos conçeios leuaren destas cortes, que gelos mande dar sin chançelleria. Tengo lo por bien e otorgo gelo.
Otrossi tengo por bien que por que estas petiçiones que me fizieron son tantas que me non podria acordar de todas, que si por auentura acaesçiere que en algunas cosas passe contra ellas con mis cartas oen otra manera que melo enbien mostrar, et enbiando melo mostrar, otorgo que gelo faga luego des fazer, en guisa queles sea guardado asi commo gelo otorgué. Et por que meior sea guardado tengo por bien que esté en la camara vn quaderno atal commo este. Et cada vno delos notarios que tenga vno, aquien yo mando que guarden todas estas cosas que sobredichas son e cada vna dellas asi como sobredicho es, et que non passen contra ellas. Et los de cada villa e de cada logar que lieuen sendos quadernos tales commo este.
Onde mando e deffiendo firme mente que ninguno ni ningunos non sean osados de yr nin de passar contra estas cosas que sobredichas son e nin contra ninguna dellas, ca qual quiere quelo fiziesse o contra ello
passasse aurie la mi yra, e pechar me ya en coto mill mr. dela moneda nueua, et alos delas villas o del logar que este ordenamiento touiessen todo el danno que por ende rreçibiessen doblado. Et sobresto mando alos alcaldes e alos jurados e alos merinos e alas justiçias e alos alguaziles e alos otros aportellados, o aqual quier o aquales quier dellos delas villas e delos logares do esto acaesçiere que non conssientan que ninguno passe contra esto que yo mando; et qual quier que contra esto passare quel pendren por los mill mr. sobredichos dela pena, e los guarden para ffazer dellos lo que yo mandare, et fagan emendar alos delas villas o del logar do esto acaesçiere todo el danno que por ende rreçibieren doblado. Et non fagan ende al, si non aellos e alo que ouiessen me tornaria por ello. Et desto mandé dar al conçeio de Cuenca este mio quaderno sseellado con mio sseello colgado. Ffecho en las cortes de Valladolid, veynte e nuef dias de junio Era de mill e ccc e xlv annos. Yo Gil Gonçalez la fiz escreuir por mandado del Rey. - Johan Sanchez.Sepan quantos este quaderno vieren como yo don Fernando por la gracia de Dios Rey de Castiella de Toledo de Leon de Galliçia de Seuilla de Cordoua de Murcia de Jaen del Algarbe, esennor de ..... este ordenamiento, e tengo por bien e mando que sse guarde
e se mantenga daqui adelante enla mi casa, e enla mi tierra segunt aqui dira:Primeramente tengo por bien de me assentar cada ssemana el dia del viernes en lugar publico, tomando conmigo los mios alcaldes e los otros omes bonos de mi corte, e de oyr los pleytos delos presos e delos rreptos e las suplicaciones e los pleytos que demandaren alos officiales de mi casa, en razon dela justicia, e en ninguno de sus officios; e los otros pleytos que touiere por bien delos oyr e delos librar bien e derechamente, asi como se librar deben; e si por alguna gran necesidad que escusar non pueda, non me pudier assentar alos oyr el dia del viernes, que me assiente otro dia ssabado alos oyr e librar ssegunt que dicho es.
Otrossi tengo por bien de tomar conmigo doce homes bonos legos del mio sennorio por mios alcaldes, que sean abonados e entendidos para ello, que me siruan en el oficio de alcaldia, e estos que sean los quatro de Castiella, e los otros quatro de tierra de Leon, e los otros quatro delas Estremaduras, e que me siruan en esta manera: los de Castiella e los dos de tierra de Leon e los dos delas Estremaduras que anden enla mi corte, e usen de su oficio el medio anno, e seruido este medio anno que siruan los otros seys que vinieren el otro medio anno. E estos seys alcaldes que se non partan dela corte fasta que vengan los otros. E si siruieren mas del medio anno, por mengua quelos otros non vengan, que tomen dela quitacion delos que an de venir tanta quantia quanto montar el tienpo que siruieren por ellos: e los alcaldes que tomé para esto son estos:
De Castiella. Lope Perez, de Burgos. Fernan Ordonnez, de Medina. Johan Guillen, de Vitoria. Garci Ibannez, de San Fagund.
De tierra de Leon. Marcos, de Benavent. Alfons Analdes, de Benavent. Johan Bernalt, de Salamanca. Pedro Rendon, de Leon.
De las Estremaduras. Garci Gomez, de Arevalo. Lope Garcia, de Talavera. Johan Fernandez, de Cuenca. Joan Martinez, de .....
E porque estos alcaldes mejor emas complidament me puedan seruir, tengo por bien de dar a cada uno de ellos por su soldada e por su quitacion sseys mil mr. cada anno, e quelos hayan enla mi chancilleria bien parados, cada mes mil mr., fasta cunplimiento delos sseys meses en guisa queles non mengue ende cosa ninguna.
Otrossi tengo por bien que estos alcaldes que fueren ami, o aquien yo mandare, que libren los pleytos derechament, e que non tomen algo nin present ninguno por rrazon delos pleytos que libraren; e si yo fallar por verdad, asi commo debo, quelo toman, quelos eche dela cort por infames, e que non sean mas mios alcaldes, nin ayan nunca oficios donrra enla mi casa ni enla mi tierra, e demas que pechen la quitacion que tomaren ese anno doblada.
Otrossi tengo por bien que si yo non dier alos dichos alcaldes su quitacion e su ssoldada, ssegun que dicho es, que se puedan ir asus tierras sin pena e sin calomna, e yo que non sea contra ellos por esta razon.
Otrossi tengo por bien de dar a cada uno de los alcaldes un escriuano mio que escriua los pleytos que ante el acaecieren, e que non biuan, ni se acojan con ellos cutianamente, e defiendo que otro ninguno non libre carta de alcalde, nin usse de este oficio, sino aquestos que aqui son escriptos:
De Castiella. Fernan Perez, de Burgos. Pedro Gil, de Alfaro. Gonzalo yd. Martin Perez, de Valladolid.
De tierra de Leon. Johan Ys. Suer Alfons. Rodrigo Alfons. Pay Yannez.
Del rregno de Toledo. Martin Lopez. Pedro Martinez, criado de Duran Sanchez. Martin Perez, fijo de Fernan Perez de Burgos.
Et porque estos escriuanos mejor puedan seruir, tengo por bien de dar a cada uno dellos por ssu ssoldada tres mill mr. cada anno, et que los ayan enla mi chançelleria bien parados, cada mes doçientos e çinquenta mr., en guissa queles non mingue ende ninguna cossa.
Otrossi mando et deffiendo aestos escriuanos que non tomen ninguna cossa por libramiento delas cartas fforeras, nin por los assentamientos delas perssonerias, nin delos enplazamientos que han las alçadas, saluo ende delos proçessos queles den de tres palmos un mr.; et otrossi delas sentencias, queles den dela interlocutoria tres mr., et dela definitiua sseys mr., et por su libramiento otros sseys mr., ssegunt fue vsado fasta aqui; et que juren ami o aquien yo mandare, que guarden ssu officio et esto que dicho es bien e derecha ment; et ssi mas tomaren, nin fficieren escripturas engannosas que hayan ssobre ssi la pena que es puesta sobre los mios alcalles ssegunt que dicho es.
Otrossi tengo por bien de poner quatro escriuanos de mi camara que libren las cartas mandaderas e de merçed queles yo mandar librar, e non otras, e que non ayan y mas, nin libren otros ningunos de camara ssinon estos que aqui son escriptos, e los delos mios notarios e del mio chançeller. E los mios escriuanos que tomé para la mi camara son estos:
Pero Gonzalez, de Roa, mio camarero. Garci Perez, de Medina del Canpo. Johan Sanchez, de Cuenca. Bernalt Marcos, fijo de Johan Matheo.
Otrossi tengo por bien quela Reyna mi madre aya dos escriuanos, vno que tenga los libros e otro que tenga la llaue, e son estos.
Otrossi tengo por bien que el notario de Castiella aya vn escriuano que tenga los libros, e otro que tenga la vista, e estos dos escriua-
nos que libren las cartas queles el mandar librar por mio mandado; e que aya otro escriuano que tenga los rregistros e que non libre ssinon de rregistro. Et los escriuanos del notario son estos:El escriuano que tiene los libros - Alffonso Rois. El escriuano que tiene la vista - Ruy Garsia. El escriuano que tiene los rregistros - Enego Peres.
Otrossi tengo por bien que el notario de tierra aya un escriuano que tenga los libros, e otro que tenga la vista, e estos dos que libren las cartas queles el mandar librar por mio mandado; e que aya otro escriuano que tenga los rregistros e que non libre sinon de rregistro. Et los escriuanos son estos:
El escriuano que tiene los libros - Bernald Yannes. El que tiene la vista - Pero Garsia. El que ten los rregistros .....
Otrossi tengo por bien que el notario del rreyno de Toledo aya vn escriuano que tenga los libros, e otro que tenga la vista, e estos que libren las cartas queles el mandar librar por mi mandado: e que aya vn escriuano que tenga los rregistros e que non libre ssino de rregistro. Et los escriuanos son estos:
El escriuano que tiene los libros - Garsia Ferrandes. El escriuano que tiene la vista Johan Gomes. El escriuano que tiene los rregistros - Pero Johan.
Otrossi tengo por bien que el notario del Andaluzia aya vn escriuano que tenga los libros, e otro que tenga la vista, e estos dos que libren las cartas queles el mandar librar por mio mandado, e otro escriuano que tenga los rregistros e que non libre ssinon de rregistro. E los escriuanos son estos:
El escriuano que tiene los libros es El escriuano que tiene la vista es El que tiene los rregistros es
Otrossi tengo por bien quel mio chançeller aya vn escriuano que
libre las cartas quel el mandar librar por mio mandado. Et los escriuanos son estos:El escriuano que tiene los ssellos es Garsia Ferrandes de Toledo. El que tiene los libros es Alffonso Perez. El escriuano que libra por su mandado es Per Yannes.
Otrossi tengo por bien de dar aestos escriuanos que tienen los libros e la vista, e alos que libran por los notarios e por el chançeller, a cada vno dellos por ssu ssoldada cada anno tres mill mr., e estos quelos ayan en la mi chançelleria, cada mes çient e ssessenta e ssiete mr. bien pagados, en guissa queles non mengue ende ninguna cossa.
Otrossi tengo por bien de dar alos escriuanos que tienen los rregistros por ssu ssoldada cada anno dos mill mr., e quelos ayan en la mi chancelleria cada mes ....., en guisa queles non mengue ende ninguna cossa.
Otrossi tengo por bien e mando quelos escriuanos que touieren los rregistros, que non tomen ninguna cossa por las cartas que rregistraren; e que uayan cada dia con los rregistros a casa del chançeller, e que esten y rregistrando las cartas que ouieren de librar ffasta que çierren los ssellos.
Otrossi tengo por bien e mando quelos escriuanos que tienen los libros por los notarios e por el chançeller e por el mayordomo que non tomen nada por los libramientos delas cartas que ouieren a poner en los omes libres, ssaluo ende por los ponimientos que sse ffizieren de nueuo, que tengo por bien que tomen los primeros libros dela noteria onde ffuer sseys mr. e los otros que non tomen ninguna cossa.
Otrossi tengo por bien e mando que en las cartas que ffueren ..... que non ayan otra vista ssinon el escriuano quelas librar, e el alcalle e el notario del chançeller, e Ssancho Ssanches de Velascor quelo á de uer por mi e non otro ninguno, ssaluo ende el rregistrador; pero en las cartas que ffueren de dineros, tengo por bien quelas uea el mio mayordomo oel quelo ouier de uer por el, e que ponga en ellas vista, e non otra carta ninguna.
Otrossi tengo por bien e mando que estos escriuanos ssobredichos que juren ami o aquien yo mandar que guarden estas cosas que dichas sson e el sso offiçio en todo bien e ffiel mente assi commo yo dellos ffio;
et ssi yo ffallar que passan contra ello e lo assi non guardan, que ssean por ende inffames et perjuros, e que nunca ssean mas offiçiales en ningun tienpo nin ayan offiçio donrra en la mi cassa nin en la mi tierra. e de mas que pechen la ssolladada que tomaren esse anno doblada.Otrossi tengo por bien que todo ome que ffalssare carta o ssello que muera por ello.
Otrossi tengo por bien de auer vn procurador que demande e rrazone e deffienda por mi los mios pleytos e los delas biudas pobres, e delos verffanos poures, e comunal mente de todos los otros poures que ouieren pleyto en la mi corte, e del dar cada anno por ssu ssoldada sseys mill mr., et que juren que vsse deste offiçio bien e derecha mente, e que non tomen nada delos poures por quien rrazonaren, nin sea contra ellos. Et si yo ffallar quelo assi non guarda, que aya ssobre ssi la pena que es puesta ssobre los dichos alcalles. Et el procurador es Alffonsso Benites de Çamora.
Otrossi tengo por bien de auer vn escriuano que escriua las cartas en latin, e que non libre otra carta ninguna ssinon aquellas que yo mandar librar en latin, e tengo por bien del dar por ssu ssoldada cada anno quatro mill mr., e quelos aya en la mi chançelleria cada mes ....., en guissa quel non mengue ende ninguna cosa.
Et el escriuano es Garsia Ferrandes de Toledo.
Otrossi tengo por bien de auer vn notario publico en la mi corte que escriua e ssigne las cartas publicas que ante el ffueren mandadas ffazer, e que ffagan ffe e ualan en todos mios rregnos e por todas las partes por ó ffuere: e deffiendo que otro notario ninguno escriua nin ffaga carta publica en la mi corte ssinon el que aqui es escripto, et ssila fiziere mando que non uala nin ffaga ffe. E tengo por bien del dar por ssu ssoldada cada anno tres mill mr., e quelos aya en la mi chançelleria cada mes ....., bien pagados, en guissa quel non mengue ende ninguna cossa. Et el notario que tomé para esto es Per Yannez mio escriuano, et en las cartas publicas que el ffiziere, tengo por bien e mando que ponga en ellas ssu ssigno atal porque ssean ffirmes e ualan las cartas que el ffiziere ssegunt que dicho ess. Otrossi tengo por bien que jure a mi o aquien yo mandar, que guarde el offizio dela noteria bien e uerdadera-
mente assi commo yo del ffio. Et ssilo minguar en alguna cossa, quel dé por ende aquella pena que yo ffallar que deue auer.Otrossi tengo por bien quelos escriuanos que touieren los libros delos mios notarios, que uengan cada dia ala mi cassa e que libren y lo queles yo mandar librar.
Otrossi tengo por bien e mando que en cada pleyto quelos auogados dela mi corte rrazonaren ante los mios alcalles, queles ffagan jurar que rrazonen los pleytos derechos e non los otros; e en qualquier logar del pleyto que el auogado entendiere que rrazona o mantiene pleyto tuerto, quelo dexe luego e quelo non rrazone mas; et ssilo assi non fiçieren e ffuer fallado que mantiene pleyto tuerto, que ssea por ende periuro e inffamado et echado dela corte, e que nunca ssea mas auogado nin aya offiçio de onrra en ningun tienpo en la mi casa nin en la mi tierra. Et otrossi cada quelos mios alcalles llamaren a conseio alos auogados, que consseien uerdadera mente ssegunt Dios e uerdad, e que non descubran lo queles ffuer dicho en consseio sso la dicha pena.
Otrossi tengo por bien que ningun clerigo que ssea beneffiçiado de pistola o dend arriba, nin ome dorden, que non pueda sser auogado en la mi corte, nin conssientan los mios alcalles que rrazonen los pleytos ante ellos, ssaluo ende en las cossas quel derecho quier.
Otrossi tengo por bien quelas alçadas que uinieren ala mi corte ssobre interlocutoria, que non conssientan los mios alcalles alos auogados que rrazonen ante ellos ssobre ellas, ssaluo ssila parte dixier quel alcalle quel dio el alçada le dio el proçesso minguado, quanto para esto quel rreziban.
Otrossi tengo por bien de non poner mio nonbre en ninguna carta nin en aluala en ninguna manera, ssaluo en las alualas que yo touiere por bien de dar para partir algunos dineros dela mi camara.
Otrossi tengo por bien de non perdonar la mi justiçia en aquellos quela mereçieren tan ssuelta mente commo ffasta aqui, mas acomiendola ala ley porque se ffaga derecha mente assi commo deuen e commo la ffiçieron e la ffazen los buenos rreys, e los quela mejor mantienen. Esto ffago por emienda de muchas malas cossas dessaguissadas que sse ffiçieron por muchos perdones e minguas que ouo en la justiçia ffasta aqui; pero ssi alguno ouiere de fazer merçed en esta rrazon, que aya sobre ello ante consseio con los mios alcalles e con los otros omes buenos
de mi corte, e al que ffallaren con sso conseio quel puedo façer merçed, que gela ffaga con condiçion que me uaya sseruir a Tariffa o a Gibraltar por algunos annos, en otra manera que gelo non ffaga.Otrossi tengo por bien e mando que non aya taffureria en la mi corte, nin ssea ninguno ossado de parar tablero para jugar dados; e qual quier quelo parare, por la primera ues quel den çien açotes, et por la ssegunda quel corten las orejas, et por la terçera quel maten por ello.
Otrossi tengo por bien que non ssala dela mi chançelleria carta ninguna que ssea dada contra ffuero nin contra derecho; e ssi ssalier, los alcalles e los offiçiales a do ffuer enbiada, que pongan en rrecabdo lo queles yo enbiare mandar por ella e que me enbien mostrar la carta; et si yo ffallar que ffue dessafforada mandare desffazer lo que por ella fuer ffecho: ssi la diere alcalle o escriuano de camara, e todos los otros offiçialles quela passaren de vista, mando que el alcalle quela libró acada vna por ssi, que emiende ala parte el danno que por ella rrezebio; et ssila carta sseyendo fforera e derecha, el alcalle a do ffuer enbiada non la quissiere conplir diçiendo que es tuerta, que peche al querelloso el danno et el menoscabo que rreçebio, por que gela non quiso conplir, doblado.
Otrossi tengo por bien e mando quelas cartas fforeras e de merçed, que non passen las vnas contra las otras; e los mios offiçialles que guarden esto lo mas que pudieren sso la pena que es puesta ssobre ellos.
Otrossi tengo por bien e mando al mio possadero que dé un barrio apartado ala mi chançelleria e alos notarios e al alguaçil e alos alcalles e alos escriuanos, que possen cerca de mi, e que non metan otra gente entre ellos nin en el sso barrio; et esto quelo cunplan e lo ffagan assi en todas las villas e los logares por ó yo andudiere et ssopena dela mi merçed; e demas ssi lo assi non ffiçieren, quel pendre el mio aguazil por çient mr. dela buena moneda.
Otrossi tengo por bien que cada que algun querellosso viniere ante mi de qual quier villa o logar del mio sennorio, que me muestre sso querella por petiçion; e ssi yo touier tienpo en quel pueda oyr, oyr lo he e librar lo he assi commo ffallar que es derecho, o mandaré a vn alcalle dela mi corte quelo libre luego ssegunt que dicho es. Et ssila petiçion ffuere de merçed, el alcalle aquien lo yo mande librar, mando que me la muestre ssin otro detenimiento porque mande ssobre ello lo quela mi merçed ffuere.
Otrossi tengo por bien que cada que algunos caualleros omes
buenos delas mis villas vinieren ala mi corte por algunas cossas que ouieren conmigo de librar, delos acoier muy bien e delos librar luego [a]quelas cossas ssobre que ffueren enbiados. Mando al mio posadero queles dé buenas possadas, e los mios officialles queles ffagan mucha onrra e mucho plazer, e queles libren aina aquello porque vinien.Otrossi tengo por bien que todos aquellos que andan baldios a procurar cartas dela mi chançelleria por algo queles den, que sse uayan dela corte, osse dexen deste offiçio e caten ssennores con quien biuan, et porque desto viene grand desseruiçio ami e grand danno ala mi tierra e enffamamiento alos mios offiçialles; et ssi por auentura en esto ffueren ffallados, mando por la primera ues queles den çient açotes, e por la ssegunda quelos dessorejen, e por la tercera quelos maten por ello.
Otrossi tengo por bien e mando que non procuren carta mia otro ome ninguno ssinon aquellos que vinieren por ellas dela sso tierra, o ssos procuradores fojotros omes que ouieren derecho delas procurar por ellos.
Otrossi tengo por bien e mando que ningun alcalle nin escriuano non libre ninguna cossa en la mi corte delo que pertenesçe al offiçio del alcalldia o del escriuania, ssaluo los que aqui sson nonbrados, e estos que libren en la manera que dicho es. Et ssi algun alcalle o escriuano delos que aqui non sson escriptos vssar del offiçio o librar alguna cossa, mando que non uala nin passen la carta los que tienen las vistas. Et alos que vssaren del offiçio en esta manera, e alas vistas que passaren las talles cartas, mando quelos pendre el mio aguaçil a cada vno por çient mr. dela moneda nueua.
Otrossi tengo por bien que en todas las villas do yo ffuer, de mandar pregonar que todos los querellossos uengan ante mi con ssos querellas, e yo oyr les y é [e] mandarles y librar luego ssin otro alongamiento assi commo ffalar que es derecho.
Otrossi tengo por bien quelos que estudieren ala tabla delos mios ssellos que non den ninguna carta blanca ssellada con el mio ssello delas que yo mandar dar, ssin sso aluala de aquel aquien las diere por mio mandado; e las que desta guissa dieren, que demande cuenta al quelas leuó delas cartas quel dieren, e él que ssea tenido de gela dar; e las cartas que ffincaren en él quelas torne al chançeller, e él quelas rrompa alli ala tabla ante todos.
Otrossi tengo por bien e mando quelas procuraçiones que me demandaron los omes buenos dela mi tierra agora en Palençia en rrazon dela justiçia e dela guarda dela mi tierra delos mantener, que son estas que sse ssiguen:
«Sepan quantos esta carta vieren commo yo don Fernando por la gracia de Dios Rey de Castiella de Toledo de Leon de Galliçia de Seuilla de Cordoua de Murcia de Jaen del Algarbe, et sennor de Molina; porque uos el inffante don Johan mio tio ffijo del muy noble Rey don Alffonso sennor de Vizcaya e mio adelantado mayor en la ffrontera, e el inffante don Peydro mio hermano ffijo del muy noble Rey don Sancho, e don Johan Nunnes, e don Lope ffijo de don Diego, e don Alffonso ffijo del inffante de Molina, e don Ffernand Roys de Saldanna, e Rodrig Aluares ffijo de don Per Aluares, e don Garcia Fferrandes de Villamayor, e Lop de Mendoça, e Ruy Gil de Villa lobos, e Johan Peres de Castanneda, me mostraron por uos e por los otros rricos ommes ffijos dalgo dela mi tierra, ssea guardada e mantenida en justiçia, e yo ssea sseruido, e uos biuades commo deuedes, e que sseades guardados en uuestros ffueros en uuestros derechos assi los perlados e los ffijos dalgo commo los omes buenos delas villas e de todos los otros mios rregnos, e me pidiestes por rruego que uos guardasse e uos ffiçiese guardar estas cossas que en esta carta dizen. Pussiestes conmigo que daqui adelante non tomedes yantares en los mios rregalengos, nin en los mios abadengos delos mios rregnos nin en los ssolariegos delos ffijos dalgo, nin pidades nin cojades pedido en ellos uos nin otro ninguno, ssaluo que tomedes e uos sseruides delas behetrias ssegunt ffuero. Et otrossi que non anden merynos ningunos en la tierra. Otrossi que non ffinquen en las nuestras cassas escudero nin peon lanzero, ssinon el juez del logar del aldea o del logar do ffuer la cassa; e que ssean sseguras las cassas que ninguno non las tome por ffuerça nin las derribe nin les ffaga en ellas mal nin danno, ssaluo demandarlo por derecho por alli por ó deuen; et si alguno de otra guissa lo ffiçiesse, que yo e uos conmigo que sseamos contra el a tomarle el cuerpo e quanto ouiere, ffasta que lo emiende ssegunt que el ffuero manda; e ssi algun castiello o cassa ffuere ffecha despues que el Rey don Sancho ffinó aca en heredamiento rregalengo o abadengo o de otro ssennorio que non era ssuyo de aquel quelo lauró, que ssea luego derribado, e tornada la heredad a sso duenno, saluo lo que es entre erederos, ssi la heredad ffuere ssuya que sse libre por derecho. E otrossi que ninguno de ganançia que non aya behetria. E otrosi que ningun meryno del Rey, que non comma, ssinon por ssus dineros assi commo es ffuero, en las behetrias nin en los ssolariegos delos ffijos dalgo. E otrossi que uos el inffante don Johan e el inffante don Peydro que non tomedes yantares en la mi tierra,
ssinon do uos ffueredes por uuestros cuerpos en aquellos logares dolas yo [he] vna vez en el anno, quando y ffueredes, que non tomedes en cada logar mas dela quantia que uos di; e otrossi que ayudedes a ffazer justiçia, e no la destoruedes nin contralledes en ninguna cossa por quelos mios merynos e los mios offiçiales non la pudieren ffazer e de non traer con busco mal ffechores nin acotados nin encartados ningunos, nin los tengades en las uuestras fortalezas nin en los uuestros castiellos, e quelos omes dela tierra que sean oydos e llamados a derecho commo deuen ssegunt ffuero, e queles non passen a mas. E nos los ssobredichos inffant don Johan e inffant don Peydro e don Johan Nunnes e don Lope e don Alffonsso e don Sancho e don Tello e don Fernand Roys e Rodrig Aluares e don Garcia e Lop de Mendoça e Rui Gil e Johan Peres de Castanneda otorgamos e ponemos con busco el dicho ssennor todas estas cossas sobredichas, e ponemos abuena ffe ssin mal engano de uoslas guardar e de uoslas mantener e de non sser contra ellas nin contra parte delas en ningun tienpo, e qual quier o quales quier de uos que contra ello ffuesse e lo non guardasse, que nos, sennor, que sseamos contra aquel o aquellos quelo non guardan, e nos todos con busco en aquella manera quelo deuedes ffazer con derecho, e tenemos e otorgamos quelo non dexemos de ffazer por ningun pleyto que ouier que nos ssea puesto, nin por cartas nin por arrehenes, nin por otra rrazon ninguna; mas que conplamos todas estas cossas que couusco ponemos e quelas guardemos en todo e en parte commo dicho es, e uos ssennor que nos guardedes e que nos cunplades e nos mantengades nuestras heredades e las tierras e las contias delos dineros que de uos tenemos ssegunt el ordenamiento de Burgos, ssaluo ende ssi uos, sennor, ffiçierdes despues merçed aalguno denos quel acresçieredes la quantia, quelo aya, e nuestros ffueros buenos e costunbres buenas e vssos que ouiemos ffasta aqui, ssegunt quelo vssaron aquellos onde uos uenides en tienpo del Rey don Alffonsso uuestro auelo e del Rey don Sancho uuestro padre. E yo el ssobredicho Rey don Fernando otorgo e pongo de conplir e tener e guardar todas estas cossas que ssobredichas sson cada vna dellas ssegunt dicho es, e de no yr contra ello daqui adelant en ninguna manera; e desto mandamos ffazer ssiete cartas en vn tenor, tal la vna commo la otra, e vna que tenga yo el ssobre dicho Rey ssellada con uuestros ssellos, e las otras quelas tengades uos los ssobredichos sselladas con mio ssello. Dada en Pallençia, XXVIII dias de othubre Era de mill e treçientos e quarenta et nueue annos.»Otrossi tengo por bien de guardar alos conçeios delos mios rregnos los priuilegios que an delos rreys onde yo uengo e les yo conffirmé, et
sennalada ment los quadernos queles di en las cortes que ffize en Burgos e en Valladolit e en Maydrit, e que non les passen contra ellos nin gelos quebranten en ninguna manera sso la pena que en ellos sse contiene.Otrossi tengo por bien quelos mios alcalles e los mios juezes delas mis villas e los otros offiçiales dela justiçia delos mios logares que ffagan bien e derecha ment la justiçia, e que non conssientan alongar los pleytos, assi que todo omme quelo ouier mester, pueda alcanzar derecho.
Otrossi tengo por bien deles demandar quenta quando touier por bien, assi dela justiçia commo del algo que se desprende delos mios pueblos porque yo ueya commo lo ffaçen; e alos quelo bien ffizieren queles ffaga por ende merçed, e alos que ffallar quelo assi non guardan, queles ffaga escarmiento en los cuerpos e en lo que ouieren commo aquelos que non guardan mio sseruiçio.
Otrossi tengo por bien e mando quelos offiçiales delas mis villas que me den quenta e rrecabdo delas muertes delos omes e de rrobos e delos otros malifficios e malffetrias que acaesçieron o acaesçieren daqui adelante en ssoss logares e en ssos terminos cada que gelo yo demandar, et ssi lo elos esscarmentaren e ffizieren ssobre ello justiçia, tengo por bien deles ffazer por ende merçed; et ssi lo assi non ffizieren, que sse paren a ello por los cuerpos e por lo que an.
Otrossi tengo por bien e mando quel mio alguazil guarde sso offiçio e vsse del assi commo vssaron los alguazilles que ffueron en tienpo del Rey don Alffonso mio auelo e del Rey don Sancho mio padre, quien Dios perdone, quando meior ffue vssado, e que non passen a mass assi en ffecho delos enplazamientos commo en los omeziellos e en el almotaçenia, e en todas las otras cossas que por sso offiçio deue auer.
Otrossi tengo por bien e mando atodos los escriuanos publicos delas mis villas e delos mis logares que escriuan en ssos rregistros todos los ffechos que acaesçieren en ssos logares, porque me den rrecabdo ende cada que gelo yo demandare, et non ffagan endeal ssopena dela mi merçed et delos cuerpos et de quanto an.
Otrossi tengo por bien de ssaber de todos los offiçiales dela mi cassa e dela mi tierra commo vssa cada vno en los offiçios que touieren de mi: et alos quelo bien ffizieren delos ffazer por ende merçed, et otrosi alos que ffallar quelo assi non ffizieren olo minguaron deles ffazer aquel escarmiento que ffallar queles ffaçer deuo con derecho.
Otrossi mando al mio alguazil e al que por el andudiere que sse
guarde de prender nin pendrar omme ninguno por sso demanda nin por aiena ssin rrazon e ssin derecho, et ssi prissier o pendrar alguno por cossa [que] deue ser preso o pendrado, quel traya luego ante vno delos mios alcalles e quel muestre la rrazon por quelo ffizo, e que ffaga del presso o del pendrado lo que el mandare, e en prender e en ssoltar los omes, e que ssea obediente alos alcalles assi commo a mi, e que non ssuelte omme ninguno delos que touier pressos ssin mio mandado o de los mios alcalles, e quelos non dé tormento nin mala pression nin les ffaga otra crueza assi commo non deue, ssopena dela mi merçed.Otrossi le mando que dé alos alcalles ommes ssuyos e porteros mios que esten ante ellos quando libraren los pleytos porque sse cunpla e sse ffaga lo que ellos mandaren.
Otrossi tengo por bien que en todos los logares do yo ffuer e por ó andudier e en las villas ó morar, que el mio alguazil guarde e ffaga guardar que non rreçiban los omes que y moraren dano en las cassas nin en las vinas nin en los panes nin en las otras cossas, e que non conssentan que tomen por ffuerça ninguna cossa delas que troxieren y a uender, nin delas que troxieren para alguno: et otrosi que ande con gente e guarde el logar de noche e de dia, e que parta las peleas, e prenda e escarmiente los boluedores dellas por que sse non ffaga ffuerça nin tuerto nin otro mal ninguno.
Otrossi mando al mio alguazil que eche dela corte los omes que andudieren en ella ssin ssennores e las mugeres baldias e dannosas, et que ffaga luego pregonar que sse vayan ssopena de çient açotes cada vna; e del primer pregon adelante ssi ffalar alguno destos tales en la mi corte, mando queles ffagan dar çient açotes acada vno, e quel echen della; e ssil ffallaren y la ssegunda uez, quel corten las oreias; et si la terçera uez y ffuer ffallado, quel maten por ello.
Otrossi mando al mi alguazil que non conssienta que el mio desspenssero nin otro ninguno della mi cassa nin otro omme ninguno tomen vianda nin otra cossa ninguna en las villas nin en la tierra por ó yo andudier, ssin pagar luego lo que tomaren; e si alguno tomar alguna cossa apessar de sso duenno ssin gela pagar, que gela ffaga el alguazil pechar doblado, e tome para ssi el doblo, e lo ssençiello délo al querelloso. Et ssi lo el alguazil non quessier ffazer sseyendo le dada la querella, peche al querelloso lo quel tomaren; et ssi el que tomar la cossa ffuere omme tan poderoso con que el alguazil non pueda, quelo muestre ami; et ssi melo non mostrar luego, que pague al querellosso quanto le ffuere tomado.
Otrossi tengo por bien e mando que ningun omme por poderoso que ssea non anpare nin deffienda en el sso barrio al mio alguazil ningun omme a quien el quiera prender.
Otrossi tengo por bien e mando que ssi el mio alguazil ouier mester ayuda para conplir estas cossas que yo mando ffazer o alguna delas, quelos mios ualesteros que uayan con el cada quelos llamar, con la mas gente que pudieren auer; et ssi ffuer tal cossa que entendiere que á mester mas gente, mando alos mios vassallos dela mi mesnada quel uayan ayudar cada quelos llamar para mio sseruiçio; e por ninguna cossa que sobre esto ffagan, que non cayan en pena de aleue, nin ayan otra pena ninguna, nin les pueda dezir por ende mal ninguno.
Otrossi tengo por bien de dar al mio alguazil vn escriuano mio que escriua los pleytos que acaesçieren al offiçio del alguaziladgo, e que jure que guarde sso offiçio derecha ment assi commo deue, et deffiendol que non libre carta de camara; et ssi la librar que gela non passen en las vistas nin en el ssello; et que non libre otras cartas ningunas, ssi non den ssola ment las que pertenesçen affecho dela justiçia et dela pression en el offiçio del alguaziladgo. Et otrossi que me digan uerdadera ment en commo vssa el alguazil e los que andan por el de sso offiçio quando gello yo preguntare; et que jure ami o aquien yo mandar que guarde sso offiçio et esto que dicho es bien e uerdadera ment assi commo deue; essi yo ffalar quelo assi non guarda, que aya ssobre ssi la pena que ess puesta ssobre los otros escriuanos que dichos sson. Et tengo por bien quel den cada anno por ssu ssoldada mill e quinientos mr., et quelos aya en la mi chançelleria, cada mes çient e ueynte e çinco mr. bien parados, quel non mengue ende ninguna cosa.
Otrossi tengo por bien quelos mios adelantados ssean mucho acuçiossos en ffazer la justiçia por toda la tierra, cada vno en ssu adelantamiento. Et por rrazon que viene mucho danno por las assonadas que se y ffazen, mando que uayan ó quier que ssopieren que sse fazen assonadas e quelas partan ssin otro alongamiento; et ssi sse por ellos non quissieren partir e ouieren mester ayuda para esto, mando que uayan con ellos todos los dela mi tierra e delas mis villas a quien ellos llamaren, et ffagan ssobre esto todo quanto ffazer pudieren por los partir e que escarmienten aquellos que ponen bulliçio en la mi tierra assi commo entendieren que es mas mio sseruiçio; et quanto danno sse ffiziere en la mi tierra por aquellos que mouieron el assonada e la ffizieron, que gelo ffagan pechar et guardar en guisa que non sse atreuan los omes a ffazer assonadas nin leuantar bolliçios assi commo non deuen.
Otrossi les mando que anden cada vno por sso adelantamiento continua ment, por cada logar con poca gente por guardar la tierra de danno e de costa, e que ffagan escarmiento en los malffechores en guissa quela justiçia sea conplida e los malos ssean esscarmentados ssegund que deuen.
Otrossi tengo por bien de dar acada vno delos mios adelantados alcalles e escriuanos dela mi cassa, aquellos que entendiere queles cunple, e tales que me ssiruan en este offiçio bien e derecha ment assi commo deuen; e otro alcalle ninguno que non vsse del offiçio del alcalldia nin escriuano del escriuania, ssinon aquellos queles yo diere para esto. Nin otrossi el adelantado que non mate nin mande matar nin ssoltar nin despechar nin tormentar omme ninguno por justiçia, ssino por juyçio delos alcalles que yo dier a cada vno dellos.
Otrossi tengo por bien e mando que en ffecho delas callonas non tomen por ssi ninguna cossa, nin cohechen, nin mande tomar nin cohechar ssinon lo quelos mios alcalles judgaren e fallaren que deuen auer por ffuero e por derecho.
Otrossi mando alos mios adelantados e acada uno dellos que pongan cada vno en ssos meryndades ommes entendidos e abonados para ello, tales que guarden cada vno sso offiçio bien e derecha ment assi commo deuen, et que non ssean omes omeçiados nin malffechores, porque ssi alguna mingua ffiçieren, queles puedan por ende ffaçer escarmiento en los cuerpos e en lo que ouieren; et ssi los tales non pussieren, e alguna mingua sse ffiziere en la tierra por ende, quelo peche todo el adelantado quel pusso en el offiçio, doblado. Et porque sse esto mejor pueda guardar, que juren los mios adelantados et ffagan jurar assos merinos que mantengan la tierra e los omes en justiçia e en derecho assi commo deuen, porque la tierra ssea guardada e anden los omes sseguros por ella e uiuan asseruiçio de Dios e mio.
Otrossi tengo por bien et mando que los alcalles e los escriuanos que yo diere alos mios adelantados que juren que guarden a cada vno sso offizo uerdadera ment assi commo deuen, et que me ffagan ssaber commo obran los mios adelantados, de ssos offiçios, porque ssilo ellos bien ffiçieren, les ffaga por ende merçed, et ssilo assi non ffizieren, que ffaga sobre ellos aquel escarmiento que ffallar que deuo ffazer con derecho.
Otrossi tengo por bien et mando quelos mios adellantados non tomen por yantar mas de dosçientos e çinquenta mr.; pero en aquellos logares do an de ffuero e de vsso de pechar por yantar quantia çierta de
dineros, que pechen quanto vssaron e an de ffuero de pechar e non mas, e quela non tome mas de una ves en el anno, nin la mande tomar por ssi nin por otre en otro logar ssinon alli dola deue auer de ffuero, e yendo y por ssi messmo; e en otra manera quela non tome nin les prender por ella.Otrossi tengo por bien e mando que quando alguno dellos mios adelantados llegaren en algunas delas mis villas del sso adelantamiento, que non ffaga pesquissa general sobre ellos, ssaluo ende enllos logares ó an de ffuero dela ffazer, e que ffagan pregonar en los logares ó llegaren, e que todos los querellosos que y ouiere que uengan ante el, et el queles oya e los libre con los mios alcalles assi commo ffallar que es derecho; e que non amenaze alos conçeios nin les ffaga premia por quelos aya adespechar nin cohechar nin saque a ningunos de sso ffuero onde sson afforados.
Otrossi tengo por bien que non den las ffortalezas que de mi touieren por rrazon delos adelantamientos a ningunos malffechores, sinon a omes que ssean abonados e ssin malffetria, e tales que guarden los logares a mio sseruicio, e que non rroben nin astraguen la tierra nin ffagan y otro mal; e ssilo assi non ffizieren que pechen quanto danno rreçibieren los dela mi tierra por esta rrazon doblado.
Otrossi tengo por bien e mando que adelantado nin otro ninguno non ponga notario nin escriuano en las villas nin en los logares del sso adelantamiento, mas quelo ssean aquellos aquien lo yo di olo diere daqui adelant, e vssen del offizio dellos, e non otro ninguno, e los que yo y pus o pusier daqui adelant, e que siruan el offiçio por ssi mesmos ssin otro escussador. Pero cada que el adelantado llegar algunos delos mios logares ssi ffallar por uerdad que algun notario o escriuano vssa del offiçio commo non deue o que ffizo en el alguna mingua, que me lo enbien mostrar por que yo ffaga sobre ello aquel escarmiento que touiere por bien e la mi merçed ffuere.
Otrossi tengo por bien e mando que de todas las cartas e escriptos Jquel sse ffizieren en cassa del adelantado, que non tome mas dela meatad delo que toman los notarios e los escriuanos dela mi corte. E otrossi el sso chanceler que non tome por chançelleria delas cartas mas dela meatad delo que toma el mio chançeller, e que non passe a mas sso pena dela mi merçed.
Otrossi tengo por bien e mando que ninguno non pendre alos conçeios nin alos omes delas villas del mio ssennorio por ninguna demanda que aya contra ellos, e menos que gela demanden ante los alca-
lles que deuen, e ssean oydos e judgados por fuero e por derecho commo deuen; ssi los alguno en otra manera tomar alguna cossa, que gela demande yo assi commo aquel que rroba e ua contra mio mandado, e ffaga del commo de rrobador.Otrossi tengo por bien e mando que cada quelos mios adelantados llegaren en algunas villas a sso adelantamiento ó vssaren de entrar e de ffazer justiçia en tienpo del Rey don Alffonso mio auelo e del Rey don Sancho mio padre a quien Dios perdone, quelos coigan y sso pena dela mi merçed e delos cuerpos e de quanto an, e los adelantados que vssen de so offiçio bien e derecha ment, e ffagan justiçia e escarmiento en los quela mereçieren oyendoles ante los mios alcalles que andudieren con ellos, e librandolos por ffuero e por derecho assi como deuen.
Otrossi tengo por bien que puedan ffazer pesquisa sobre las muertes e las otras mal ffetrias que se ffiçieren en las vilas del sso adelantamiento ó vssaron dela ffazer, ssaluo aquellos logares aquien yo ffiz merçed que non ande adelantado nin merino en sso logar en tienpo de los dichos rreyes e non en otro logar ninguno; mas tengo por bien queles guarden ssos ffueros e buenos vssos e queles non passen contra ellos en ninguna manera. Pero tengo por bien que entre el adelantado en Galiçia en las mis villas e en los mios logares dende, e que ffaga pesquisa e escarmiento delos malifficios que se ffizieren assi commo ffue vssado delo ffazer en tienpo de los rreyes onde yo uengo e en el mio ffasta aqui.
Otrossi tengo por bien e mando que todos los offiçios que yo di o diere daqui adelante, assi los adelantamientos commo alcalldias e merindades e alguaziladgos e justiçiadgos e noterias e escriuanias e otros offiçios quales quier quelos uayan seruir cada uno por ssi mesmo e non por otro escussador ninguno, e ssilo assi non ffizieren mando quel non rreçiban en el offiçio quel di nin vssen con el en ninguna cossa, ssaluo ende los mios adelantados quando los yo enbiar llamar que uengan amio sseruiçio que puedan poner en sso adelantamiento omes buenos e abonados por merynos que me sseruan bien e verdadera ment en ssos merindades, e estos que sseruan el officio por ssi mesmos e non por otro escussador. E otrossi que juren los mios adelantados e todos los otros offiçiales aquien yo dier offiçio alguno en las villas e en los logares del mio sennorio que guarden la tierra de danno lo mas que pudieren, e que vssen de ssos offiçios bien e uerdadera ment, e que ffagan justiçia en aquellos quela merçieren e escarmienten los malos ffechos por que ssean los omes mantenidos en ffuero e en justiçia e biuan en paz e sseruiçio de Dios e mio; e alos que yo ffallar quelo assi ffaçen, queles ffagan por
ende merçed, e alos que assi non ffizieren, que ffagan sobre ello aquel escarmiento que touieren por bien e la mi merçed ffuere.Otrossi tengo por bien e mando que ffagan pesquisa sobre todos los que sacaren cauallos o las otras cossas que sson uedadas fuera delos mios rregnos desdel perdon que yo ffize en Burgos aca; e los que ffallar que ssacaren algunas cossas delas que son uedadas ssin mio mandado, e alas guardas quelo encobrieren o los conssintieren passar, deles ffazer aquel escarmiento que touiere por bien e la mi merçed fuer.
Otrossi defiendo ffirme ment que ninguno non ssea ossado de ssacar daqui adelante ffuera del mio ssennorio caualos nin rroçines nin otra cossa ninguna delas que sson uedadas; e qual quier o quales quier que yo ffalar por uerdad que ssacaren daqui adelante ninguna cossa delas que son uedadas ssin mio mandado, tengo por bien e mando quel maten por ello e que pierda lo que ouiere, e otorgo de non perdonar la mi justiçia a ninguno que sobre esto la mereçieren o conssintieren o ffuer ende ssabidores o lo ffizieren por ssi.
Otrossi tengo por bien e mando que ninguno non ssea ossado de matar nin de fferir nin dessonrar a otro en la mi corte nin açinco leguas onde yo ffuer por omeziello nin otra enemistad ninguna que aya con el nin por otra rrazon ninguna; e qual quier quelo ffizier que muera por ello e pierda lo que ouier, e otorgo de non perdonar la mi justiçia en ninguna manera aninguno que en tal culpa cayer.
Otrossi tengo por bien de non perdonar la mi justicia aquellos quela meresçieren, nin mandar soltar los presos dela mi cadena el dia de indulencias nin en otra ffiesta, nin ala entrada delas mis uillas, por rruego que me ffagan nin por otra rrazon ninguna ffasta que ssean judgados e librados por ffuero e por derecho assi commo deuen.
Otrossi tengo por bien de auer vn alcalle delas alçadas mayores de mi corte en Castiella e en Estremadura, assi commo lo ouieron sienpre los rreys onde yo uengo, e del dar cada anno por sso ssoldada doçe mill mr. assi commo los ouieron ssienpre en tienpo delos otros rreys onde yo uengo, e que jure ami o a quien yo mandar, que vsse deste officio bien uerdaderamente assy commo yo del ffio; e ssi lo assi non ffiziere que aya sobre si la pena que es puesta sobre los otros mios alcalles, doblada.
El alcalle delas alçadas es Pero Lopes de Padiella.
Otrossi por que sse me querellaron los caualleros e los omes bue-
nos delas mis villas que ffueron conmigo en estas cortes que ffiz agora en Valladolit, quelos adelantados e los merinos que yo enbio alos logares delos mios rregnos en logar delos anparar e de ffazer justiçia, quelos cohechan e les rroban de quanto an, e que traen conssigo malffechores, e que prenden los omes sseguros non ffaziendo porque e que non uan los adelantados por ssus cuerpos alos logares o an amerinear, mas que enbian y ssus merynos que son malfechores e que astragan e destruyen la tierra, e otrossi que pendran e toman las yantares de otras uezes en el anno sseysçientos mr. por cada yantar, non auiendo de dar mas de çient e çinquenta mr. A esto tengo por bien de ssaber delos mios adelantados e delos merynos que yo enbie algunos de los mios logares o que fueron por los mios adelantados en commo vssaron de ssos officios; e ssi yo ffallar quelo assi ffiçieron commo me ffue mostrado, de ffazer sobre ello aquel escarmiento quela mi merçed ffuere; e otrossi quanto ffallar que leuaren dela tierra, assi por yantar commo en otra manera mas de quanto deuian, de gelo ffazer todo tornar. E mando alos mios adelantados e merynos quelo sseran por ssos merindades e por las mis villas, e que gelo ffagan assi conplir por los cuerpos e por lo que ouieren.Otrossi se me querellaron que ssacan adelantados muchas cartas dessafforadas dela mi chancelleria en que astragan toda mi tierra. A esto tengo por bien que parescan las cartas o los treslabdos delas, e aquellos que ffallar quelas ganaron e las mostren, delas ffazer tornar e entregar quanto por ellas leuaron e emendar el mal que por ellas ffizieron.
Otrossi alo que me pidieron por merçed que non pussiesse en las mis villas alcalles nin juezes nin merynos nin alguaziles de ffuera nin de ssalario, ssaluo a pidimiento del conçeio o dela mayor partida del. Tengolo por bien e otorgolo delo guardar assi.
Otrossi alo que me pidieron que non consintiese alos inffantes, nin arricos omes, nin acaualleros, nin amerynos, que tomen yantares nin enbien pedir sseruiçio ninguno alas villas nin alas sus aldeas del rrengalengo nin del abadengo, e otrossi alli dolas an de auer quelas non tomen ssinon quando fueren por ssi mesmo, e quelas non ponga en tierra acaualleros nin aescuderos, nin pendren nin rroben por ellas. Esto tengo por bien e mando alos mios adelantados quelo guarden e ffagan guardar assi.
Otrossi alo que me pidieron que pussies tal ordenamiento en las quentas delas ssoldadas delos infantes, e delos rricos omes, e delos caualleros e delos otros omes a quien he a dar algo porque lo pueda conplir con las rrentas que he, en manera quelos pueblos non ssean astra-
gados commo lo sson. Tengo por bien delo ffazer assi e delo guardar daqui adelant lo mas que yo pudiere.Otrossi alo que me pidieron que touiesse por bien deles mantener e guardar ssos ffueros e libertades e vssos e costunbres e priuillegios e cartas que an delos rreys onde yo uengo e de mi. Otorgolo e tengo por bien de gelo guardar e mantener assi.
Otrossi alo que me pidieron que non mandasse ffazer pesquisa general nin cerrada por ningunas cossas ssobre los que moran en las villas del mio ssenorio, sinon quando la pidiere todo el pueblo; e quando la pidieren el pueblo que mande ffazer la pesquissa a omes buenos delas mis villas que ssean ssin ssospecha. Otorgogelo e tengo por bien delo ffazer assi.
Otrossi alo que me pidieron merçed queles quitasse la pesquissa delas ssacas e de las cossas vedadas e quela non mandasse ffazer, e que los quitasse en esta rrazon lo passado ffasta aqui e de todas las otras cossas e delo que demandan por la tierra don Abrehen Abenxuxe e ssus conpanneros o otros quales quier quelo demanden daqui adelante. Otorgoles esto en todo lo passado ffasta aqui.
Otrossi a lo que me pidieron merçed que non quessiesse que passasse el heredamiento del rrengalengo e la bienfetria nin al ssolariego nin al abadengo, e lo que es passado que sse torne al rrengalengo. Otorgogelo e tengo por ..... e mandarlo he assi guardar.
Otrossi alo que me pidieron por merçed que non quissiesse demandar alos caualleros nin alos omes buenos delas villas de mios regnos los ssus fijos nin los ssus parientes para mios criados nin para otri porque el mio rruego es mandamiento aellos. Tengo por bien que commo quier que yo rruegue, ssi aquel aquien lo enbiare rrogar non lo quissiere ffazer, del non ffazer por ende premia nin otro mal ninguno.
Otrossi alo que me pidieron que mandasse derribar todas las cassas ffuertes onde se ffizieren o se ffazen malffetrias, porque es una delas cossas que sse mas yerman e sse astraga la mi tierra. Tengo por bien delo ffazer assi e mando alos mios adelantados e alos mios merynos sso pena dela mi merçed quelas cassas ffuertes onde ffallaren por uerdad commo deue que sse ffazen todos estos males, quelas derriben e que rrecabden los cuerpos elo que ouieren alos que en ellas ffallaren quelo ffazen esse otorguen y.
Otrossi alo que me pidieron quelos caualleros e los omes buenos
de Castiella e de Leon que non paguen pecho ninguno ssino alli onde sson moradores por algo que ayan en otro logar. Otorgoles esta petiçion saluo en Castiella la martiniega.Otrossi me pidieron merçed que pues el tienpo es conplido delos sseys annos aque me auien adar los delas villas del mio sennorio mill mr. por yantar cada anno quando y ffuesse, que touiese por bien que ffuessen sseysçientos mr. assi commo lo an de ffuero e de preuilegio, e esso mesmo en las yantares delas rreynas e delos inffantes queles non den por yantar mas de quanto ssolien auer e dar en tienpo delos otros rreys. E esto tengo por bien e otorgo gelo segunt que lo pidieron.
Otrossi alo que me pidieron por merçed quelos escuderos e los peones lançeros que andan por las villas e por las aldeas pidiendo e tomando pan o carne o dineros e amenasçando los omes, que mande amios merynos e alos otros delos logares dolo ffueren demandar que gelo non den nin gelo conssientan, e ssi alguna cossa quissieren ffazer de pendra o de otra cossa ssobrestas, quel maten por ello ssin pena e ssin callonna nenguna. Tengolo por bien e mando alos mios merynos que lo cunplan assi so pena dela mi merçed e delos cuerpos e de quanto an.
Otrossi alo que me pidieron que emendase el titulo del mio quaderno deste ordenamiento do mandé que ninguno non mate nin ffiera do yo ffuer nin a cinco leguas dende; que el que ffiriere o matare que non ssea anparado en yglesia nin en monesterio nin en cassa de inffante nin de rricomme, mas que sea tomado en qual quier logar e sse cunpla en el la mi justiçia assi commo en este quaderno dize. Esto tengo por bien e mando que sse cunpla e sse ffaga assi commo ellos me lo pidieron.
Otrossi alo que me pidieron que deffendiesse que ninguno non enbargue nin tome ninguna cossa en las fferias nin en los mercados nin en otro logar por rrazon de ssacas de cauallos e de rroçines e delas otras cossas uedadas, ssaluo ende en los puertos do sse deue guardar e sse guardó en tienpo del Rey don Fernando nuestro vissauelo e del Rey don Alffonso mio auelo. A esto digo quelo yo mandaré guardar en aquella manera que entendier que es mas mio sseruiçio e pro e garda de toda la mi tierra.
Otrossi alo que me pidieron quelos merynos que andan en la tierra por los mios adelantados e en algunas delas mis villas, e el mio alguazil que enplaza los omes por qual quier cossa, e desto sso pena de çient mr. delos buenos, e que lieuan dellos los çient mr. por cada vna destas cossas, e que esto es contra fuero e contra derecho, e quel enplazaumento del mermo e del alguazil que non es mas de dies mr. delos
buenos, que son ssessenta mr. destos, e que me pidien merçed que non lieue meryno nin alguazil por enplazamiento nin por testamento mas de dies mr. dela buena moneda assi commo es derecho. A esto tengo por bien que meryno nin alguazil nin otro por ellos non pueda enplazar aninguno ssin querellosso, e ssil enplazar ssin querellosso o sso mayor pena delos dies mr. , e lo pendrar por ella, mando quelo peche el merino o el alguazil, doblado.Otrossi, ssennor, vos pedimos por merçed que querades emendar en el quaderno en aquel capitulo de los escriuanos do mandades que los escriuanos delas villas e delos logares delos uuestros rregnos que escriuan todas las cossas e los fechos que pasaren en cada logar, ca esto [es] mucho contra nuestros vssos e costunbres, ca los notarios non deuen dar ffe ssinon daquellas cossas a que fueren llamados e delas querellas que ffueren dadas ante los juyzes e ante los allcalles e ante las justiçias, e de aquellas cossas queles mandaren escriuir aquellos que touieren la justiçia por uos e de queles pidieren que ffagan ffe. Otorgogelo el Rey.
Otrossi alo que me pidieron que en ffecho delos juezes e delos alcalles e delos otros offiçiales delas mis villas, que ordene que me diesen cuenta e rrecabdo delo que ffizieren mientre touieren los offiçios, que esto que lo ffaga apidimiento delos querellosos e non por pesquissa. Tengolo por bien e otorgo delo ffazer assi.
Otrossi alo que me pidieron que deffendiesse que non tome azemillas en las villas e en los logares do yo acaesçiere, para mi nin para la Reyna mi madre, nin para la Reyna donna Costança nin para los inffantes nin para otro ninguno porque desto viene mucho mal a todos los dela tierra. Otorgo delas non tomar nin consentir quelas otro tome pudiendolas escussar; pero non lo pudiendo escussar, ssi las mandar tomar tengo por bien deles pagar aquello por quanto tienpo las troxiere; e ssi murier alguna azemila que gela mande pechar, e si fallar quelas alguno cohecha, que pierda el offiçio e peche lo que tomar, doblado.
Otrossi alo que me pidieron que alli do mandé en este mio quaderno que ffuessen con el mio adelantado los conçejos delas mis villas cada quelos lamasse para mio sseruiçio, a partir asonadas e por otros maliffiçios en quelos mester ouiesse, que touiesse por bien que ffuessen los conçejos ó ellos suellen merinear, e non los otros ssegunt se vsso en tienpo delos otros rreys onde yo uengo, e en el mio ffasta aqui. Tengo por bien queles ssea guardado segunt que me lo ellos pidieron e dicho es; pero en aquellos logares aquien yo ffiz merçed que non entren merynos,
tengo por bien de gelo guardar e mantener assi commo sse contiene en los preuilegios e cartas que tienen de mi en esta rrazon.Otrossi alo que me pidieron queles mandase guardar los priuilegios e cartas que tienen del Rey don Alffonso mio auello e del Rey don Sancho mio padre, e conffirmados de mi en rrazon delas debdas delos judios, e queles non den cartas que ssean contra esto; e las que an ganadas queles non ualan. Tengolo por bien e otorgo delo conplir assi e mando que se guarde daqui adelante.
Otrossi alo que me dixieron que algunos de Galizia que dizen que en los ssus logares queles prenden los cuerpos por los mios pechos, la qual cosa es contra Dios e contra derecho. Tengo por bien que sse non faga daqui adelant en ninguna manera, e por lo passado mandarlo he escarmentar assi commo touier por bien e la mi merçed ffuere; e mando atodos los mios merynos quelo fagan assi guardar sso pena delos cuerpos e de quanto an.
Otrossi me ffiçieron ssaber quelas mis aljamas delos judios delos mios rreynos ssolian pechar al Rey don Alfonso mio auelo e al Rey don Sancho mio padre, sseys mill mr. cada dia, e desto non sse escusaua ningun judio, que me pechauan ami el quinto; e que son escussados mas de cinco mill judios en mios rregnos, delos mas rricos; e esto que me pechan quelo pechan delas alcaualas que echan ssobre los judios pobres, e ssobre los estrannos que ssacan los dineros a usseridad, e por esta rrazon que son astragadas las mis aljamas, e lo quelos judios auien apagar quelo demandan alos quelo non an adar, e los judios que ffincan en ssaluo; e que ffuesse la mi merçed quelo quissies leuar delos ssegunt que lo leuaua el Rey don Alffonso e el Rey don Ssancho, que leuasse delos lo que deuiesse leuar con ffuero e con derecho en manera que non ffuessen tan astragados commo eran. A esto digo que ya en esso he ffablado e en esso ando con los judios delas aljamas para ffazer partizion dellas.
Otrossi alo que me pidieron por merçed queles mandasse dar este quaderno con todas estas peticiones delas merçedes queles ffiziere e las cartas que ouiesen menester en esta rrazon, quitas e sin chancelleria. E yo tengolo por bien e otorgogello.
Otrossi alo que me pidieron por merçed que touiese por bien deles quitar ffasta aqui las pesquissas delas ssacas delas cossas uedadas e de todas las otras e delo que demandan por la tierra con las mis cartas don Abrehen Abenxuxen e ssus conpanneros e otros quales quier quelo
demanden daqui adelante. A esto rresponde el Rey que quanto es lo que piden queles quite la demanda e la pesquisa que auian contra ellos ffasta aqui por rrazon delas ssacas delas cosas uedadas, que gela otorga e les da por quitos dellas, e quiere que non aya y pesquissa nin demanda ninguna ssobre esta rrazon, porque tiene por bien que puedan demandar alos ssus cogedores e alos ssus arrendadores delas ssus rrentas e pechos e derechos, todo sso derecho, e de ffazer pesquissa sobre ello, ssaluo los que sse abinieren con los arrendadores sobredichos e con los quelo auian de rrecabdar por ellos con poder e con los que dellos lo arrendaran o con qual quier dellos segunt el mandamiento que auien.Et esto en razon dellos sseruiçios, rrentas, pechos e derechos que ffueron derramados e coyidos ffasta en las cortes que yo ffiz en Maydrit, maguer ssea ffecha el abenencia sobre lo que dicho es despues delas cortes ssobredichas con los ssobredichos e con qual quier dellos en la manera que dicha es de quien tien sos cartas. Tengolo por bien e mando queles uala.
Et porque Gonzalo Dias mio [alcalle] de Talauera e Gil Martines otrossi mio alcalle en esse logar, me pidieron merçed que el conçeio de Talauera queles mandase dar este traslado, yo por les ffazer merçed mandé gelo dar seellado con mio seello colgado de cera. Dado en Valladolit, veynte quatro dias de abril era de mill cec cinquenta annos. Yo Per Yannes lo fiz escreuir por mandado del Rey.
Enel nonbre de Dios amen. Sepan quantos este quaderno vieren commo yo inffante don Johan ffijo del muy noble Rey don Alffonso e sennor de Vizcaya estando en villa Moriel venieron ami caualleros e
ommes buenos personeros delos conçeios delos rregnos de Castiella e de Leon e delas Estremaduras e del rregno de Gallizia e delas Asturias que ffueron ajuntados enla çibdat de Palençia acortes por cartas de nuestro sennor el Rey don Alffonso e delas rreynas e delos inffantes e rricos ommes e delas hermandades de Castiella e de Leon que sse ajuntaron enla dicha çibdat para fazer tutor para guarda de nuestro sennor el Rey don Alffonso ffijo del Rey don Fferrnando que Dios perdone e dela Reyna donna Costança que es tan pequenno e de tan pequenna hedat; e dixieron me en commo ellos sseyendo ajuntados enla dicha çibdat enla eglesia de ssan Paulo en commo me elegieron por tutor del Rey don Alffonso mio ssobrino e por guarda delos sos rregnos e la qual elecçion otorgaron e la Reyna donna Costança e el inffante don Ffelipe e don Gonçalo obispo de Orens e don ffrey Johan obispo de Lugo por ssi e por otros obispos, cuyo poder ellos auian, e don Johan ffijo del infante don Manuel e don Fferrnando ffijo del infante don Fferrnando e don Johan Nunes e don Pero Pons e don Alffonso e don Johan mios ffijos e don Garçia de Villa Mayor e Lop de Mendoça e inffançones e caualleros e otros ommes buenos delas villas de Castiella e de Leon e delas Estremaduras e del rregno de Gallizia e delas Asturias, e yo con consseio dela Reyna donna Costança e del inffante don Ffelipe e los prellados e los otros ommes buenos ssobredichos, porque es sseruiçio de Diose de nuestro sennor el Rey e pro de todos los rregnos e mejoramiento del estado dela tierra, e auiendo voluntat de fazer bien e merçed atodos los conçeios delos rregnos de nuestro sennor el Rey otorgollés para ssienpre jamas de parte del Rey e dela mia estas cossas que aqui sseran dichas.Primeramiente que nuestro sennor el Rey don Alffonso quelo crie la Reyna donna Costança ssua madre e que ssean y quatro caualleros ffijosdalgo, los dos del rregno de Castiella e los dos del rregno de Leon, que ssean vassallos del Rey.
Otrossi que ssean y diez e sses caualleros e ommes buenos delas villas de nuestro sennor el Rey enesta manera: los quatro del rregno de Castiella e los quatro del rregno de Leon e los quatro delas Estremaduras e los quatro dela Andalluzia. Et estos veynte caualleros e ommes buenos quelos escueja yo con acuerdo delos ommes buenos delas villas del Rey, aquellos que yo e ellos entendiermos que cunpriran mas para este ffecho, e que en estos non aya y ningunos de aquellos que ffueron priuados del Rey don Fferrnando nin ninguno de aquellos que venian en ssua casa con el, nin de aquellos que sson echados delas villas, et estos que anden e ssean en guarda del Rey, los diez la meatat del anno
et los otros diez la otra meatat; et esto que se ffaga todauia sseyendo guardada la verdat delos caualleros de Auila. Et desque yo e ellos ouiermos acordado quales caualleros e ommes buenos esten enla criança del Rey e enla sua guarda e ffuere acordado en qual villa esté, quel conçeio dela villa do acordarmos que esté el Rey, ffaga pleito e omenage ala Reyna sua madre e ami e alos caualleros e alos ommes buenos delas villas que ffueren dados para la guarda del Rey quelo non ssaquen nin lo lexen ssacar dela villa a ninguna parte ssien conseio dela Reyna donna Costança sua madre e demi e delos caualleros e ommes buenos quelo touieren en guarda, saluo quando ffuer mester de lleuarlo de vna villa aotra quelo lexen ssacar con conseio dela Reyna sua madre e demi e delos caualleros e delos ommes buenos delas villas del Rey que ffueren dados para la guarda del Rey, et qualquier villa de hu lo leuaren, quel conçeio dende que ffagan esse mismo omenage ala Reyna e ami e aaquellos que guardaren al Rey.Otrossi que yo que guarde el sennorio e todos los otros derechos de nuestro sennor el Rey don Alffonso e todas las çibdades e villas e castiellos e aldeas e todas las otras cosas que fficaron a nuestro sennor el Rey don Alffonso por muerte del Rey don Fferrnando su padre que Dios perdone, e otra cosa qual quier quel deua auer e heredar bien e conprida miente que vo quelas non pueda tomar para mi nin dar nin canbiar nin enagenar a ninguna perssona baron nin muger et delas que sson dadas o enagenadas o vendidas en alguno o en algunos o en qual quier manera que yo que pune en quanto podier delas conbrar e delas tornar al rregno paral Rey, et desquelo conbrare quelas non pueda dar nin enagenar nin tomar para mi en ninguna manera.
Otrossi que yo que guarde todos los dela tierra e los ordenamientos e los alomotaçanadgos e yminas e sierras e pastos e cortas e llabranças e montalgos e deuesas e montes e todos los otros comunes, e que non eche sseruiçio nin sseruiçios nin pedido nin pecho nin enprestedo ninguno desafforado nin diezmo en todos los rregnos nin en parte dellos, mas quanto enel derecho que dizen los dela tierra que an de pagar ala ssalida e ala entrada delos puertos dela mar cosa çierta, que esto quelo paguen segunt quelo pagaron enel tienpo del Rey don Fferrnando que ganó a Seuilla en aquellos llugares ho lo an de ffuero.
Otrossi que non dé ainffante nin arrico omme la justiçia quela pueda fazer enlos rregnos nin enlas villas nin enlos lugares apartados,
saluo el merino mayor en Castiella e en Leon e en Gallizia e los adelantrados enla ffrontera ally dolo an de ffuero.Otrossi que todos los priuados e offiçiales que andodieron conel Rey don Fferrnando que non anden en casa del Rey don Alffonso e que den cuenta de quanto leuaron dela tierra, ca esto es seruiçio de Dios e del Rey e prod e guarda de toda la tierra; pero se yo con consseio delos caualleros e delos ommes buenos delas villas que ssouieren en guarda del Rey ffallaren que alguno destos sseruieron bien, e touieren por bien que ayan officio, quelo ayan.
Otrossi quelas collechas delos pechos delos rregnos quelas cojan ommes buenos delas villas asi commo las cogieron en tienpo delos rreys ssobredichos e non cauallero ninguno. Et que non anden y clerygos nin judios nin otros ommes rreboltosos e que non ssean arrendadas, et se alguna cosa minguare delos mrs. que ffuesen puestos en los cogedores que aquel aque ffueren puestos los dineros que non pueda prendar al conçeio nin aotro ninguno por esta rrazon. Et se prendare por esta rrazon, que yo ola justiçia del lugar que gelo escarmentemos commo aquel que arroba la tierra del Rey.
Otrossi se inffante o rrico omme o otro omme poderoso tomare conducho en algunas delas villas del Rey o en sus terminos o algunos o alguno delos que y moraren e lo non pagaren, que yo que gelo ffaga pechar con el doblo, et se otra malffetria ffeziere, que yo que gelo escarmiente ssegunt ffuero e derecho.
Otrossi quelos heredamientos o aldeas que ffueron tomados o enbargados a algunos conçeios o algunos ommes delos conçeios o parte delos terminos ssien rrazon e ssien derecho quelles sean tornados aquellos aque ffueron tomados o enbargados.
Otrossi quelos sseellos de nuestro sennor el Rey que ssean metidos en poder de dos ommes buenos que ssean legos que ssean delas villas delos rregnos del so ssennorio, e que non ayan mas de dos llaues et estas dos llaues quelas tengan estos dos ommes buenos, et que estos dos ommes buenos que ayan las vistas delas cartas e que non aya y otra vista ninguna; et que non aya y sseello de poridad, et que destos ommes buenos que non ssea ninguno offiçial delos que ffueron ffasta aqui, nin de aquellos que beuian conel Rey ffasta aqui de cada dia, mas que yo que tome delas villas del Rey estos dos ommes buenos, aquellos que entendiere que cunpriran para este ffecho, et que estos non ssea ninguno delos que sson echados delas villas.
Otrossi que non anden enla tierra carta de crençia nin blanca
nin aluala, et se alguno la troxiere que non obren por ella ca es contra ffuero.Otrossi que quando ffuere nuestro sennor el Rey o yo en alguna villa que non tomemos vianda a menos quela paguemos.
Otrossi quelas alcaçares delas çibdades e delas villas e delos llugares de nuestro sennor el Rey quelas ffien en caualleros e en ommes buenos de cada vna delas villas quelas tengan, porque estas sson posadas delos rreys.
Otrossi que qual quier conçeio delas villas del Rey o so vezino [que] conpró o conprare daqui adelantre casas o heredamientos de ommes ffijos dalgo o de duennas, que non ssean dellos desapoderados por ninguna rrazon ffasta que sean oydos e librados por ffuero e por derecho.
Otrossi que vos dé para cada llugar tantos notarios quantos cada conçeio me pedieren que entendieren quelles conpliran para seruir el offiçio, et que ally do an las notarias de ffuero e de huso e gelas tomaron por fforçia, que aestos quelles ssean tornadas et que pongan en cada llugar tantos notarios quantos entendieren quelles conpliran, e los notarios que siruan los offiçios por si mismos e non por otro escusador ninguno.
Otrossi que ninguno non ffaga bodega nin alffoly dela ssal de conpasso nin la ssaquen del rregno, e el quela ssacare o ffeziere bodega o alffoly della quela pierda et demas que muerra por ello el quelo ffeziere.
Otrossi que ninguno non ssea osado de ssacar ffuera delos rregnos ninguna cosa delas vedadas ssegund el ordenamiento del Rey don Alffonso e del Rey don Sancho, las quales sson estas que aqui sseran dichas: Cauallos, rroçines, mulos, mulas, e otras bestias, vacas, carneros, puercos, oueias, cabras, cabrones, e toda la otra carne biua e muerta, pan, legunbre, e todas las otras viandas, çera, sseda, coneio, moros, moras, otrossi oro e plata, etodo billon de canbio, auer monedado, sacado ende doblas dela ssinal del Rey don Alffonso e dineros torneses de plata e torneses prietos e los dineros coronados. Contra la ffrontera de Portugal oro en pieça, plata en pieça, billon de canbio, çera, coneio, seda, doblas de almir marroquis, vacas, carneros, oueias, puercos, moros, moras. Et las guardas delas ssacas que esten en cabo delos rregnos assi como souieron en tienpo del Rey don Alffonso e non en otro llugar ninguno.
Otrossi que en casa de nuestro sennor el Rey que ssea y puesto tal aguazil que ssea conuenible e que non tome almotaçanadgo nin-
guno de ninguna cosa, ssaluo commo ffue tomado en tienpo del Rey don Alffonso.Otrossi que en casa de nuestro sennor el Rey que ssean y puestos alcalles e escriuanos delos rregnos et estos que ssean ommes buenos e fforeros que teman a Dios e al Rey e asus almas e guarden a cada vno en so derecho, e que non den cartas contra ffuero nin contra derecho e esto quelo juren ami; et quelos alcaldes que libren los pleitos bien e derecha miente e que non tomen algo nin presente ninguno por rrazon delos pleitos que libraren, et sse ffuere ffallado por verdat assi commo deue quelo toman, quelos echen dela corte por enffamados e perjuros e que non ssean mas alcalles nin escriuanos nin ayan nunca offiçio nin onrra en casa del Rey, et demas que pechen las quitaçiones que tomaren enese anno dobladas, et porque estos alcalles e escriuanos mas conprida miente puedan seruir que ayan sus soldadas e sus quitaçiones enla chançelleria.
Otrossi quelos offiçios de casa del Rey assi commo camarero e portero mayor de Castiella e rrepostero e copero e los otros offiçios de casa del Rey, que yo que ponga enellos caualleros e ommes buenos delas villas porque ssean en comunaleza.
Otrossi que ssean puestos merinos en aquellos llugares hu los deue auer, que ssean ommes buenos e naturales cada vno enla comarca onde ffuer merino, e que den buenos ffiadores abonados porque emienden las malffetrias selas fezieren et aestos quelles den buenos alcalles que anden con ellos, e quelos merinos non puedan matar nin prender nin despechar nin tomar a ninguno lo ssuyo ssenon aquello que julgaren los alcalles del llugar olos alcalles que andodieren con los merinos por justiçia en aquellas cosas que an por ssi e deuen julgar; et las cosas que deuieren julgar con los juyzes del ffuero commo dicho es quelo julguen con ellos e non en so cabo, et loque cada vna destas maneras ffuer julgado quelos merinos quelo cunplan.
Otrossi que vos dé juyzes e alcalles por uuestros ffueros, que julguen los cristianos e los judios e los moros ssegunt los ffueros de cada llugar et quando quesierdes auer juyzes de ffuera parte que vos los dé quando los pedierdes todos ho la mayor partida e que ssean de villa de ffuero de ssennorio del Rey e que ssea el juyz del rregno onde ffuer la villa quelo pediere et sselos demandaren los de Estremadura que gelo den de Estremadura.
Otrossi quelas assonadas que se ffazen enla tierra que sson muy dannosas en guisa quela mayor partida delos rregnos es estragada por
ellas, que sse ponga y rrecabdo ssegunt ffue ordenado por el Rey don Alffonso.Otrossi quelas jantares que nuestro sennor el Rey á de auer de ffuero que melas den ami quando venier alos llugares a rrequerir la justiçia e visitar la tierra çien mr. dela buena moneda que sson sseysçientos mr. dela moneda que agora corre, et se en otra manera enbiar por ellas que me las non den, et se el Rey venier aalguna villa e lle dieren la jantar que en aquel anno non la den ami; et se por auento nuestro sennor el Rey o yo ffuermos ala ffrontera auiendo guerra con los moros en tal manera que non pueda vesitar la tierra, que nos dien las jantares en cada llugar en aquellos llugares hu las an auer de ffuero.
Otrossi quelos judios e las judias que non ssean osados de dar ahusuras mas atres por quatro al anno, et que jure el judio o la judia que non lo da mas caro. Otrossi que jure el cristiano quelo non ssaca mas caro.
Otrossi alo que me pedieron quelos judios e las judias que troguiessen ssinal de pano amariello enlos pechos e enlas espaldas ssegunt lo trayan en Françia, porque andassen conosçidos entre los cristianose las cristianas, e la ssinal que ffuese una rroella, yo que ffaga enesto con acuerdo delos caualleros e delos ommes buenos delas villas que ffueren dados para la guarda del Rey lo que entendiermos que ffuere mas seruiçio de Dios e del Rey e prod e guarda dela tierra.
Otrossi alo que me pedieron quelos moros que anden cabel partidos o sserçenados en derredor, tengolo por bien e mando que ssea assi.
Otrossi alo que me pedieron quel testimonio del cristiano que ffuere de buena ffama que valga contra los judios en todo pleyto et el testimonio del judio que non valga contra el cristiano en ningunt pleito criminal nin çeuil, tengolo por bien e mando que ssea assi.
Otrossi que ninguna cristiana non crie ffijo de judio nin de moro nin biua con el, tengolo por bien e mando que ssea assi.
Otrossi quel cristiano ola cristiana que deuier debda alos judios e ffueren abonados en rrayz quelos entregadores que non entreguen en sos bienes, amenos que non ssean llamados por ante los alcaldes del ffuero, e el pleyto que ssea librado por juyzio; et se por auentura el cristiano ola cristiana ffueren abonados en muebles, quelos muebles que sean puestos en rrecabdo e que gelos non vendan ffasta quel pleito sea librado por juyzio, et que se libre ssegunt se sienpre husó guardando a cada vno en so ffuero, et mas que sean guardados en todo los ordenamientos que ffizo el Rey don Alffonso e el Rey don Sancho e los con-
ffirmó despues el Rey don Fferrnando que Dios perdone que contra esto non ssean, los quales sson estos.El ordenamiento quel Rey don Alffonso ffizo enesta rrazon diz assi: Primera miente mandó quelos dineros quelos judios diesen alos cristianos que ganen tres mrs. vno al anno e el pan que ganasse tres ffanegas vna al anno, et se amenos plazo del anno o mas ffuessen dados dineros o pan, que desta guisa lograsse e non mas, e quel cabdal lograsse e non la ganançia e desque yguasse el llogro conel cabdal ganando desta guisa que dicho es, que ya mas non llograsse el vno nin lo al. Et mandó que se non pagassen al plazo que deuiesse sseer pagada la debda a treynta dias, que se el judio non lo demandasse que dende en adelantre non llograsse; et mandó que quando demandasse el judio sua debda e non gela podiesse pagar el cristiano alçasse carta que ffeziesse enella mençion quanto ffuera el cabdal que primero rreçebiera e quanta era la ganançia que auia ganado ffasta aquel dia, porque ganasse el cabdal e non el llogro que auia ganado; et mandó que por quelos judios non ffeziessen enganno en dar los dineros o el pan a mayor husura de conmo dicho es, quelos escriuanos publicos ante quien ffuessen otorgadas las cartas delas debdas que ellos mismos viessen cuntar los dineros e medir el pan e lo viesse dar e rreçebir, o otra cosa qual quier quelos cristianos tomassen delos judios o delos moros e que jurasse el judio o el moro que non gelo dauan a mayor husura de commo sobre dicho es e el cristiano quelo toma assi; et mandó quelas cartas que pareçiessen de debdas de judios o de moros e contra cristianos e non dixiessen enellas commo dicho es, que non ualiessen nin diessen por ellas mas de quanto jurassen los cristianos con so llogro commo sobre dicho es; et mandó que quando algunt judio non podiesse auer sua debda del cristiano quelos alcalles del lugar do acaesçiesse que gelo entregasen en bienes del debdor en mueble o en rrayz selos ouiesse desenbargados, senon quelo entregasen de bienes del fiador e la entrega quela vendiesen affuero del logar do deuiesse la debda, et que se ffuesse ffecha la entrega en rrayz e non ffallasse quien la conprasse, quela tomasse el judio ela esquilmase e descuntada ende la lauor quelo que rrendiese mas quelo rreçebiese en su debda, et quanto ffuese pagado de su debda que tornase la rrayz aso duenno o asos herederos; et mandó que se los alcalles del logar non lo quesiesen entregar, el Rey o el sennor del lugar do acaesçiesse quelo mandase entregar, et quelos alcalles quelo non quisiesen ffazer que pechasen el diezmo dela entrega e el debdor o el ffiador del debdo, saluo se el debdor anparasse al omme del alcalle la prenda.
Et el ordenamiento quel Rey don Sancho que Dios perdone ffizo enesta rrazon diz assi: Otrossi alo que nos mostraron en commo los judios e los moros dauan ahusuras mas de atres por quatro al anno, ssegunt diz el ordenamiento del Rey don Alffonso nuestro padre que nos despues conffirmamos que enla carta que ffezier el escriuano que ffaga mençion qual es el debdor e qual es el ffiador e de quales lugares sson. - Otrossi del anno adelantre del plazo aque deue sseer pagada la debda e se el judio o el moro non demandar la debda ata treynta dias, que dende adelantre non llogre, ssaluo se despues ffueren las cartas rrenouadas. Otrossi quelas cartas delas debdas quelas demanden ata sses annos daqui adelantre e dende adelantre quelles non rrespondan por ellas, et el debdor que non rresponda aotro ninguno por la debda, ssenon aquel quela deuier o quela carta mostrar por el, e que se ponga assi en la carta quel escriuano ffezier et que ningunt judio non ffaga carta de debda en nomme de otro judio, et en todas las otras cosas que se guarde el ordenamiento que ffizo el Rey don Alffonso nuestro padre enesta rrazon: Otrossi alo que nos pedieron quelos alcalles delas villas que librasen los pleytos que acaeçiessen entre los cristianos e los judios e los moros, e non otro alcalle apartado. Tenemos por bien quelos alcalles delos lugares que libren los pleytos que acaeçieren entre ellos. - Otrossi alo que nos mostraron quelos judios e los moros non ouiesen heredamientos delos cristianos por conpra nin por entrega nin en otra manera, ca por esto se estragaua muy gran pieça delos nuestros pechos e perdemos ende nuestro derecho. Tenemos por bien quelos heredamientos que auian ffasta agora quelos vendan del dia que este ordenamiento es ffecho ffasta hun anno e quelos vendan aquien quisieren, en tal manera que ssean los conpradores [atales] quelos puedan y auer con ffuero e con derecho, et daqui adelantre quelos non puedan conprar nin auer, ssaluo ende quando el heredamiento del so debder ouier auender sseyendo pregonado ssegunt ffuero, e ssenon ffallare quien lo conpre quelo tome en sua entrega de ssua debda por quanto aquellos ommes buenos que dieren los alcalles del lugar lo apreçiaren que vala e dende ffasta hun anno que ssea tenudo delo vender; et selo non vendier ffasta estos plazos segunt dicho es que ffinque el heredamiento para nos, saluo los solariegos e las bienffetrias e los abbadengos ssacando ende las casas quelos judios elos moros ouieren mester para sus moradas. - Et otrossi alo que nos mostraron en rrazon delos penos que enpenauan alos judios e alos moros porque sse ffazen muchas encobiertas e ffurtos e en otra manera porque los cristianos pierden sos derechos, e pedieronme quelos judios e los moros
ffuessen tenudos de dar manniffiestos aquellos quelos enpenauan. Tenemos por bien que sse ffaga e sse guarde assi entodo commo diz el ordenamiento que ffizo el Rey don Alffonso nuestro padre enesta rrazon que diz assi: Mandamos quelos judios puedan dar ssobre penos ffasta ocho mr. sien jura e sien testimonio a ommes buenos o amugeres buenas que parezcan sien ssospecha; et se por auentura algunos destos penos que ffueren echados ffasta ocho mr. sien testimonios e despues ffueren demandados al judio por ffurto o por ffuerça elo podiere demostrar el demandador por derecho que sea el judio tenudo delo mostrar quien gelo echó apenos; et selo non podier dar por conosçido aquel que gelo enpenó e lo non conosçiere, jure en la Sinoga sobre la Tora aquella jura que mandamos enel libro delas posturas, quelo non conosçe nin lo ffaze por otro trapasso, e aquel que gelos enpenó que tenia el que era omme bueno o muger buena e por quanto á ssobrellos el demandador ssea tenudo de dar los dineros al judio sse quisier conbrar los penos e el judio non aya pena ninguna. - Otrossi mandamos quel judio que dier dineros ssobre penos de ocho mr. arriba quelos tome ante testimonias e jure el judio en mano del escriuano aquella misma jura que mandamos jurar al ffazer delas cartas, que non les tome mas de atres por quatro, et sse algunos destos penos quel judio tomar de ocho mr. arriba alguno gelos demandar por ffurto o por ffuerça, que dé otor mannifiesto quien gelos echó apenos. Et se el otor gelos negar e el judio non gelo podier prouar o dar el otor por manniffiesto derecha miente, délle los penos ssin dineros a aquel quelos ffezier suyos e el judio tornesse aquel quelle echó los penos.Otrossi que nuestro sennor el Rey nin yo que non ayamos almoxariffe judio nin arrendador nin tomador delas cuentas nin pesquiridor nin escriuano nin que aya otro offiçio ninguno en casa de nuestro sennor el Rey nin en mi casa en quanto ouier la tutoria.
Alo que me pedieron que rreyna nin inffante nin rrico omme ninguno que non aya judio pechero enel ssennorio del Rey, porque son sua cosa quita e ffue sienpre delos otros rreys ssobredichos, la rreyna e yo e los otros ommes buenos ffaremos lo que deuiermos affazer con derecho guardando acada vno so ffuero.
Otrossi que ningunt judio non ssea escusado de pecho por carta nin por preuilegio que tenga, e que pechen todos al Rey e que non aya rrab ninguno nin offiçial por alualas que delos rreys tengan ffasta aqui senon aquellos que yo ffezier.
Otrossi que judio nin judia que non trayan pena blanca nin çendal, saluo se ffuer prieto, nin orffres nin aljoffar nin otro guarnimiento dorado nin ssobre cabos dorados nin otro adobo ninguno en que aya oro nin plata; esselo troxieren, queselo puedan tomar sien calonnia ninguna.
Otrossi quel moro que non andouier sserçenado o cabel partido, quelle tomen los panos que troxiere sien calonnia ninguna aquel que gelo ffallar.
Otrossi quelas rrendas e los derechos del Rey quela Reyna donna Costança e yo quelos partamos do entendiermos que sseran mas seruiçio de Dios e del Rey e prod e guarda dela tierra, e yo que aya la justiçia bien e conplida miente.
Otrossi otorgo e conffirmo las hermandades que auedes ffechas los de Castiella e de Leon e delas Estremaduras e de Gallizia e delas Asturias enla manera quelas ffeziestes e plazme que vos ajuntedes cada anno ssegunt quelo auedes puesto enlas hermandades et otorgo que vos non passe contra ellas en ninguna manera en todo nin en parte dello.
Otrossi que por los grandes agrauiamientos e dannos e males que dizides que rreçebides los dela tierra delos alcalles e entregadores delos pastores en muchas guisas e en muchas maneras ssien rrazon e ssien derecho, tengo por bien e mando quelos pleitos que acaeçieren entre ellos quelos libren los alcalles del lugar o del termino do acaeçier el pleito e que non ayan los pastores otros alcalles e entregadores apartados, ca dizides quelos non ouieron en tienpo del Rey don Fferrnando el que ganó a Seuilla, nin en tienpo delos otras rreys de ante, et el alcalle que gelo libre luego ssien detenemiento ninguno, et se gelo non librare luego que gelo peche doblado con la costa que ffeziere.
Otrossi se alguno o algunos cogieron o rrecabdaron alguna cosa en rrenta o en ffialdat e en otra manera qual quier por el Rey, e el Rey o yo lle demandarmos cuenta o otro por nos, que gela demandemos enla cabeça del obispado do ffueren moradores aquellos quela cuenta ouieren adar e non en otro llugar ninguno, et que non ssean enplazados sobrello para antel Rey nin para ante mi nin para otro lugar ninguno. Et aquellos que ouieren cartas de quitamientos del Rey o delos quelo ouieren de veer por el o ordenamientos porque sson quitos dellos quelles vala; et aquellos quela cuenta ouieren a tomar quela tomen del dia que y legaren los quela cuenta ouieren de dar a nueue dias, et se ffasta los nueue dias non gela tomaren que dende adelantre que se venga el cogedor sien calonnia ninguna e por esso que non caya en pena ninguna,
et se otra vegada lle demandar la cuenta que gela dé en aquel lugar do ffuer morador el quela cuenta ouier a dar.Otrossi que yo que non parta la tutoria con rreyna nin con inffante nin con rrico omme nin con otro omme ninguno porque aya parte enla tutoria, et sselo ffezier que pierda la tutoria.
Otrossi quelos adelantrados olos merinos que andouieren enla tierra por el Rey que quando acaeçieren en alguna villa del Rey do an aentrar derecho, que non prendan nin maten nin espechen aningunt vezino dela villa amenos que sea julgado por los alcalles del lugar o conel querelloso.
Otrossi quelas cassas ffuertes que ffueron ffechas despues dela muerte del Rey don Sancho aca quelas derriben todas tanbien las casas que estan enno abbadengo commo enel rrengalengo commo enla bien ffetria. Et daqui adelantre mando que non conssientan quelas ffagan.
Otrossi quela ssentençia que ffue dada contra los de la villa de Llugo que sean oydos de cabo con derecho et que non husen dela ssentençia en ninguna manera ffasta que sean oydos e librados por ffuero e por derecho.
Otrossi quela ssal delas ssalinas de Rosio e de Poza quela non vendan alos alamines nin aotro ninguno amas del coto dentro enlos mojones, nin ençierren ssal dentro para lo vender amas del coto assi commo sienpre ffue afforado. Et el quelo ffezier que sse pare ala pena quelos Reys mandaron.
Otrossi que yo que vos guarde todos uuestros ffueros e preuilegios e cartas e libertades e husos e costumres que ouiestes en tienpo del Enperador e del buen Rey don Alffonso de Castiella que vençio la batalla de Hubeda et del buen Rey don Alffonso de Leon que vençio la batalla de Merida et del Rey don Fferrnando so ffijo que gano a Seuilla e delos otros rreys que ffueron despues dellos aquellos que vos mas conplieren.
Et para vos guardar e conplir todas estas cosas que eneste quaderno sse contienen e cada vna dellas por ssi yo inffante don Johan por el Rey mio ssobrino, cuyo tutor ssoy e por mi missmo juro e prometo verdat a Dios e assanta Maria e alos ssantos auangelios en que pus las manos corporal miente e ssobre la cruz e ffago pleito e omenage al inffante don Ffelipe mio ssobrino, quel Rey don Alffonso mio ssobrino cuyo tutor yo ssoy e yo tengamos e guardemos e cunplamos todas estas cosas que eneste quaderno sse contienen e cada vna dellas por ssi; et sse por auentura el Rey o yo o anbos en vno contra ellas passarmos minguandolas
en alguna manera o echando pechos dessafforados enla tierra o dando cartas desafforadas, que por la primera carta desafforada que sala dela chançelleria uos mostrando melo que yo que ffaga escarmiento en aquellos quela dieren e que mande desffazer loque por tal carta ffuere ffecho; et se por auentura yo non lo ffezier e non ffezier escarmiento en aquellos quela dieren o otra carta desafforada passar desde ally adelantre en aquella rrazon, que yo non ssea mas tutor nin me cojades en las villas del Rey nin me obedezcades commo atutor nin me rrecudades con los derechos del Rey nin ffagades ninguna cosa por mia carta. Et los delas villas del Rey quesse ajunten luego e que puedan ffazer otro tutor vno delos buenos ommes del rregno aquel que entendieren que cunplira mas para este ffecho. Et desto mandé dar este quaderno al conçeio dela çibdat de Leon sseellado con mio sseello de çera colgado que ffue ffecho en Duennas, çinco dias de junio era de mill e trezientos e çinquenta e hun anno. - Yo Fferrnand Miguelles notario de Leon lo escriui. - Yo Johan Alffons lo ffiz escriuir por mandado del Rey e del inffante don Johan su tio e ssu tutor. - Eps. Aurien.En el nonbre de Dios amen. Sepan quantos este quaderno vieren, commo yo donna Maria por la gracia de Dios Reyna de Castiella e de Leon e sennora de Molina et yo inffant don Pero, ffijo del muy noble Rey don Sancho e dela dicha Reyna donna Maria, estando en Valladolit vinieron anos perlados e caualleros e omes bonos perssoneros delos conçeios delas villas e delos logares delos rregnos de Castiella e de Leon e de Toledo e delas Estremaduras e del rregno de Gallizia e delas Astu-
rias e del Andaluzia con cartas de perssonerias delos conçeios que ffueron ayuntados en la çiudat de Palençia, para ffazer tutor, a cortes por cartas de nuestro ssennor el Rey don Alffonsso e delas rreynas e delos inffantes e rricos omes, que sse ayuntassen enla dicha çiudat de Palençia para ffazer tutor, para guarda de nro. ssennor el Rey don Alffonso, ffijo del Rey don Ffernando, que Dios perdone, que es pequenno e de muy pequenna edat. E mostraron nos en commo ellos sseyendo ayuntados enla dicha çiudat de Palençia enla eglesia de ssant Françisco, en commo nos esleyieron e nos dieron por tutores del Rey don Alffonsso, nieto de mi la dicha Reyna donna Maria, e ssobrino de mi el dicho inffant don Pero e mio ssennor, e por guarda delos ssus rregnos, enla qual esleyçion otorgaron los perlados e los maestres delas Ordenes, e rricos omes e inffançones e caualleros e omes bonos delas villas de Castiella e de Leon e de Toledo e delas Estremaduras e del rregno de Gallizia e delas Asturias. Nos los dichos Reyna donna Maria e inffante don Pero con conseio delos perlados e delos maestres e delos rricos omes e los otros omes bonos ssobre dichos; porque es sseruiçio de Dios e de nuestro sennor el Rey e pro de todos los rregnos e meioramiento del estado de toda la tierra, e auiendo voluntad de ffazer bien e merçet atodos los conceios de nuestro ssennor el Rey e de todo ssu ssennorio e de los nuestros, otorgamosles para agora e para sienpre jamas de parte del Rey cuyos tutores ssomos e dela nuestra, cartas franquezas e priuilegios e ffueros e husos e costunbres e libertades e merçedes acada vnos en ssus logares e todas las otras cosas que en este quaderno sse contienen e ssegund que sse ssiguen.Lo primero ordenaron que pues el Rey don Ffernando, que Dios perdone, mandó poner a nuestro ssennor el Rey don Alffonsso a criar en Auila, e porque Auila es logar ssano e de buena gente e guardaron sienpre verdat e lealtat e sseruiçio delos rreyes, que daqui a dos annos que otras cortes sse an de ffazer, que esté nro. ssennor el Rey en el dicho logar de Auila. E ellos quelo guarden muy bien ssegund que deuen guardar ssu ssennor natural, e quelo non den a omme del mundo, nin lo dexen ssacar ende a otra parte ffasta los dos annos; e delos dos annos adelant que an de sseer las cortes, que den el Rey ami inffante don Pero, asi commo lo mandó el Rey don Ffernando ssu padre por ssu carta sseellada con ssu sseello en que escriuio en ella ssu nonbre con ssu mano.
Otrossi ordenaron que desque ouier el Rey tres annos, quel den por ayo vn cauallero ffijo dalgo de padre e de madre, e que ssea bien
acostunbrado porque el Rey tome buenas costunbres del. Tenemoslo por bien e otorgamos gelo.Otrossi ordenaron quelos que andudieren con el Rey de cada dia que ssean bien acostunbrados e non maldizientes e derranjados en ssus ffechos nin en sus dichos, porque el Rey non husse ssinon buenas manneras e buenas costunbres. Tenemoslo por bien e otorgamos gelo.
Otrossi ordenaron que porque nos ffuessemos poderossos e ssopiessemos e quessiessemos e podiessemos pararnos asseruiçio del Rey e a pro delos rregnos, e porque nos ouiessemos grand poder para obrar bien e non pudiessemos ffazer danno del Rey nin delos rregnos, que den quatro perlados e sseze caualleros e ommes bonos que ssean nuestros consseieros e que sse non pueda ffazer ssin ellos ninguna cosa; e estos perlados e sseze consseieros ssean escogidos quales deuen sseer e non puestos a voluntad. Tenemoslo por bien e otorgamos gelo.
Otrossi ordenaron que destos sseze consseieros que ssean los quatro del rregno de Castiella e los quatro del rregno de Leon e de Gallizia e los quatro del rregno de Toledo e del Andaluzia e los quatro delas Estremaduras. E porque todo el anno non podrien morar ffuera de ssus casas, que moren los ocho con nusco la meytat del el anno, e los otros la otra meytad del anno. Tenemoslo por bien e otorgamos gelo.
Otrosi ordenaron que nos e los perlados e los sseze consseieros que ffueren dados, que juremos ssobre la cruz e los ssantos euangelios que guardemos seruiçio del Rey bien e derecha miente, e que mantengamos las gentes en derecho e en justiçia derecha miente ssin cobdiçia e ssin banderia acada vno segund el ffuero que ouieren, e guardemos todas las cosas que sse contienen en este quaderno. Tenemoslo por bien e otorgamos gelo.
Otrossi ordenaron porque pudiessemos conplir derecho e justiçia commo dicho es, e pararnos alas guerras e aque quier que acaesca, que era mester que nos juren e nos ffagan pleyto e omenaie inffantes rricos omes caualleros e omes bonos delas villas que nos ayuden a ello, e ffagan por nos assi commo por el cuerpo del Rey, guardando todavia sennorio del Rey; e que ssea puesto enla jura e enel omenaie que ssi alguno ffiziere malffetria del rregno e danno dela tierra, quier ssea inffant o rrico omme o otro omme qual quier, sseyendo affrontado por nos o por qual quier delos consseieros, quelo emienden ssegund nos e los consseieros ffallaremos que es rrazon; et ssi non lo quissier emendar commo dicho es, que todos sus uasallos que sse partan del e que ningun omme ffidalgo nin otro omme delos rregnos non le siruan nin le ayuden sso
la pena ssobredicha dela jura e del omenaie, ante ayuden todos anos contra el ffasta que gelo ffagamos emendar commo ffuer rrazon e guissado. E nos tenemoslo por bien e otorgamos gelo.Otrossi ordenaron para guardar estas cosas ssobredichas, que es la primera justiçia e era mester que en casa del Rey e connusco anden bonos alcalles e ssin cobdiçia, e que ssean delas comarcas delos rregnos assi commo los consseieros, e libren los pleytos con ffuero e con derecho ssin banderia cada vnos los pleytos de ssus comarcas, et que nos non podamos ffazer justiçia ssinon por el ffuero de cada vnos delos logares; et ssi los consseieros et ssi el Rey o nos o qual quier de nos perdonaremos la justiçia aalguno por muerte o por otra cosa alguna que pena merezca en el cuerpo, que non aya y derecho ninguno el alguazil del Rey nin nuestro, e pagando ssu chancelleria dela carta, que gela den; pero el malffechor passe ante por ssu ffuero, et que apremiemos alos offiçiales delos rregnos e delos logares que an de ffazer la justiçia quela cunplan derecha miente. E que nos e los consseieros andemos por nos todos los rregnos cada anno, porque ssepamos ssilos offiçiales delos logares conplieron la justiçia, et do ffallaremos que sse non cunplio quela cunplamos con los consseieros que y ffueren con nosco ssegund el fuero dese logar do acaesciere, e nos non podamos perdonar la justiçia ssin conssentimiento delos consseieros que ffueren y connusco; e los alcalles que ffueren puestos que ssean con consseio e con conssentimiento delos consseieros e nos. Tenemos lo por bien e otorgamos gelo.
Otrossi ordenaron que nos nin los dichos consseieros en nonbre del Rey nin por nos non podamos dar villa nin castiello nin aldea nin terminos de ninguna villa nin los pechos nin los derechos de ningun logar a ome delos rregnos nin de ffuera delos rregnos nin tomarlo para nos, nin sse pueda menguar nin enagenar ninguna cosa delos rregnos nin delos derechos del Rey. Tenemoslo por bien e otorgamos gelo.
Otrossi ordenaron que daqui adelante nos con los consseieros partamos las rrentas çiertas que el Rey deue auer e los pechos fforeros en tal manera por que daqui adelant non echemos pecho ninguno dessafforado; pero que ssi algun pleyto acaesçiesse ssobre los pechos que non aya y juezes apartados, mas quelos libren aquellos juezes delas villas o delos logares do los pleytos acaescieren en quien el Rey ffia la justiçia. Tenemoslo por bien e otorgamos gelo.
Otrosi ordenaron que daqui adelante en todo tienpo sseamos tenudos cada dos annos de ffazer llamar cortes generales entre ssant Miguel e todos Ssantos a vn logar convenible para auer e ssaber commo obra-
mos el tienpo pasado; et ssi pora auentura nos non quissiessemos llamar las cortes, los perlados e los consseieros en nonbre del Rey ffagan llamar las cortes e que sseamos tenudos al llamamiento dellos o de qual quier dellos de venir a estas cortes. Et entretanto ssi nos algun agrauamiento ffiziemos o ffizieremos a alguno o algunos, que aquel o aquellos a quien lo ffiziemos olo ffizieremos quelo querellen anos e nos pidan merçet que gelo enmendemos, et ssi nos non gelo quissieremos emendar, quelo querellen alos consseieros con nusco, e que nos pidan mercet e nos lo rueguen por ssi o por ssus cartas e que gelo emendemos e gelo desffagamos desde el dia que nos ffuere affrontado ffasta ssessaenta dias. Et ssi nos non lo quissieremos desffazer o emendar commo dicho es, o non vinieremos alas cortes, que dende en delante que perdamos la tutoria e que non ffagan por nos commo por tutores, e que ssean quitos del pleyto e del omenaie e dela jura que nos ouieron ffecho, e que puedan poner otro tutor con las condiçiones que en este quaderno sse contienen con consseio e con acuerdo delos consseieros. Et los consseieros ffagan llamar atoda la tierra para ffazer otro tutor. Et el tutor que ffuer puesto que nos ffaga ffazer emienda alos que querella ouieren de nos delos agrauiamientos que ffallaren que rreçibieron de nos. Tenemoslo por bien a otorgamos gelo.Otrossi ordenaron que nos non podamos dar parte dela tutoria nin comendar nin dar a proueer en nuestro nonbre nin en otra manera ninguna a inffante nin a inffantes nin a rricos omes nin a otros ningunas villas nin tierras nin otra cosa ninguna en los rregnos, saluo nos mismos con nuestros alcalles e nuestros offiçiales e con los consseieros delas villas que nos ffueren dados, nin que non podamos ffazer merino enlos rregnos de Castiella nin de Leon nin de Gallizia inffante nin rrico omme. Pero quanto es en el rregno de Castiella, que podamos poner tal merino qual vieremos e entendieremos que cunple e es mas guarda para Castiella. Otrossi quanto es enel Andaluzia e enel rregno de Murçia que ssea commo ssienpre sse vssó porque es mester por rrazon dela guerra. Tenemoslo por bien e otorgamos gelo.
Otrossi ordenaron que nos que juremos ssobre la cruz e ssobre los ssantos euangelios que aguardemos acada vnos dellos ssus ffueros e ssus priuilegios e cartas e ffranquezas e libertades que an del Enperador e delos otros rreyes que ffueron de ante e despues del, e delas rreinas e
delos inffantes, e delas inffantas e delos rricos omes e delos otros ssennores, e vsos e costunbres que cada vnos an en ssus logares. Et ssi alguno o algunos les troxieren cartas contra esto que mandamos, que non ffagan por ellas. Et ssi por tales cartas ffueren algunos enplazados, que non ssean tenudos de yr al plazo. Et los offiçiales del logar quelas vean, e ssi ffallaren que sson dessafforadas, quelas enbien anos a costa de aquel quelas mostrare, e nos que ffagamos escarmiento en aquel quelas libró, commo ffallaremos por derecho. Tenemos lo por bien e otorgamos gelo.Otrossi ordenaron que sso la jura ssobredicha que prometamos alos conçeios deles dar e entregar las aldeas e los terminos e heredamientos e derechos queles ffueron tomados desde que el Rey don Alfonso ffinó a aca a cada vnas delas villas a qui ffue tomado. Tenemoslo por bien e otorgamos gelo.
Otrossi ordenaron, porque nos ffuessemos tenudos de bien obrar e non pudiessemos ffazer ningun danno delo del Rey nin pudiessemos ffazer guerra en las tierras ssi por auentura nos tirassen la tutoria, que nos que ffagamos ffazer alos de nuestras villas e de nuestros castiellos pleyto e omenaie alos conçeios en nonbre del Rey; porque ssi guerra por esta rrazon ffizieremos, que aquellos delas nuestras villas e delos nuestros castiellos ssean tenudos de recudir e delo entregar las villas e los castiellos alos consseieros e que ssean paral Rey. Nos tenemos lo por bien e otorgamos gelo.
Otrossi ordenaron que quando ffizieren ayuntamiento delas cortes cada dos annos, quelos que sse ayuntaren a ellas puedan creçer e emendar en estas condiçiones e en estas cosas que en este quaderno sse contienen las cosas que entendieren que sseran sseruiçio del Rey e pro e guarda e mantenimiento delos ssus rregnos, porque el Rey quando ffuere de hedat lo falle bien parado, e que nos sseamos tenudos delo jurar e delo mantener lo que ordenaren e acreçieren ssegund que ffueremos tenudos a guardar todo quanto en este quaderno sse contiene. Et otrossi, ssi acaesçiese que nos ffinassemos o nos mismos non quissiessemos vsar dela tutoria, que en tanto quelos consseieros sse ayuntassen en nonbre del Rey ffagan luego llamar las cortes para ffazer otro tutor, et ssi el uno de nos ffinare que el otro que ffinque en la tutoria. Tenemos lo por bien e otorgamos gelo.
Otrossi ordenaron que nos non coian en castiello nin en alcazar del Rey, saluo ende ssi ffuere meester para poner nuestros cuerpos en
ssaluo, e que nos coian ssolos ffaziendo pleyto e omenaie al cauallero que touiere el castiello o el alcazar, quel non fforçemos del nin gelo tomemos en manera, porque sienpre ffinque el alcayde sienpre poderoso del castiello o del alcaçar. Pero ssi moros o otros que ssean contra el Rey touiessen algun castiello çercado e nos ffuessemos acorrerle, que nos coian enel castiello o enel alcaçar toda via ffaziendo pleyto et omenaie que dexemos el castiello o el logar al Rey en manera, que toda via ffinque el alcayde poderoso del castiello o del alcaçar. Pero ssi de algun castiello del Rey ffizieren guerra ala tierra o robaren, que nos que uayamos a aquel castiello, et ssi el castiello ffuere del Rey quelo demos a quien lo tenga para el Rey. Et ssi ffuere de algun conçeio quelo demos al conçeio cuyo era, et en todo tienpo que nos coian en las villas. Tenemoslo por bien e otorgamos gelo.Otrossi ordenaron que non diessemos aluala con nuestro nonbre escripto con nuestra mano para mandar ffazer ninguna cosa enel rregno, et ssila dieremos que non ffagan por ella. Tenemoslo por bien e otorgamos gelo.
Otrossi ordenaron que nos e los consseieros dela tierra que an de seer con nusco que pongamos tales omes enla chançelleria por que non ssalan cartas ningunas dessafforadas, et daqui adelant que non ssea arrendada la chançelleria del Rey, e quela pongamos en buen rrecabdo en omes bonos e cuerdos e ssin cobdiçia, porque libren las cartas derecha miente que non den vnas contra otras ffasta quelas partes ssean oydas, e libren la mas derecha, porque sse non astrague la tierra ssegund que sse astragó ffasta aqui. Et ssi en otra manera dieren las cartas quelos offiçiales que non ffagan por ellas, et ssi enplazamientos les ffueren ffechos que non uayan a ellos e que ssean ende quitos. Et el que librare la carta que ssin derecho ffuere dada, peche el danno ala parte quelo reçibiere. Tenemos lo por bien e otorgamos gelo.
Otrossi nos pidieron quelos cogedores que ffueren daqui adelante delos pechos e derechos del Rey, que ssean naturales e moradores de aquella villa onde el Rey ouiere de auer los pechos e los derechos, e que ssean abonados e quantiossos para dar cuenta delo que cogieren, porque ssi alguna malffetria y ffizieren que ffagan dello emienda de ssus bienes alos offiçiales dela villa alos querellosos ssin alongamiento del danno que rreçibieron por esta rrazon. Otrossi que estos cogedores ni a rricos omes nin a otros ningunos que ayan de auer los dineros non peyndren, ssaluo acada vno por lo quel copiere a pechar en aquel pecho segund que ffuere enpadronado, e la peyndra que ffiziere que non la lieuen
ffuera del termino daquel logar donde fueren los cogedores, mas quela vendan en aquella villa ante escriuano publico o por el pregonero o por el corredor del conçeio maniffiesta miente por plaça, non maliçiossa miente commo se ffizo muchas vezes ffasta aqui, porque sson muchos derraygados e perdidossos delo que an. Et ssi la leuaren de vn logar a otro que enel primero logar do llegaren quier ssea villa o aldea que gela ffagan tornar ala uilla o al termino onde ffuere lleuada. Et mas aquellos que desta guisa la leuaren que pechen el doblo a aquel o aquellos cuya ffuer la peyndra. Tenemoslo por bien e otorgamos gelo.Otrossi nos pidieron que por rrazon que el Papa ffizo agora nueva miente vna costitucion contra todos aquellos que dieron o dan a vssuras en que pone en ella muy grant pena de maldiçion e de descomunion contra los que ffueron en ffecho e en conseio de dar a vssuras e contra los que deffendieren quelas ossuras que sson dadas que non ssean tornadas, que nos que tengamos por bien et mandemos quela dicha costituçion ssea guardada en todo ssegund que en ella dize, e ninguno no ssea osado de passar contra ello, porque sseria grande peligro delas almas e contra los mandamientos de ssanta eglesia. Tenemoslo por bien e otorgamos gelo.
Otrossi nos pidieron quelas cassas del Rey que sson en las villas do es ssu morada quando y acaesçe, que non more en ellas cauallero nin escudero nin otro omme poderoso porque venga danno ala villa o al logar do ffueren las dichas cassas, mas que nos mandemos dar quien las tenga a omme sienple delas villas onde ffueren; et ssi algunos y moran caualleros o escuderos, quelos mandemos ssalir ende.
Otrossi nos pidieron que el Rey nin nos non pongamos justiçia nin alcalle en villa ninguna ssaluo ssi nos ffuesse demandado apedimiento del conçeio o delos conçeios do acaesçiere, que ffueren abenidos alo demandar, que quando nos lo demandaren que en Castiella que ponga offiçiales de Castiella et en Estremadura de Estremadura, e non en otra manera nin de otras partes. Tenemos lo por bien e otorgamos gelo.
Otrossi nos pidieron, que el Rey nin nos nin otro por nos non ffa-
gamos nin mandemos ffazer pesquisa çerrada ssobre ningunos omes nin mugeres, et ssi alguna es ffecha que non uala nin vsse della. Tenemoslo por bien e otorgamos gelo.Otrossi nos pidieron que daqui adelante judio ninguno non aya offiçio en casa del Rey nin en la nuestra, nin ssea almoxariffe nin cogedor nin ssobre cogedor nin arrendador del almoxariffadgo nin de chançelleria nin de portadgo nin pesquiridor de ningun pecho nin derecho, nin lo pueda auer en rrenta nin en ffieldat nin en otra manera ninguna, por rrazon que quando ellos rrecabdauan estas cosas dichas o algunas dellas ffizieron alos christianos muchos engannos assi por los pechos commo por la pesquisa, ellos leuandolos enplazados de vn logar a otro, e leuantandoles achaques de enplazamientos, ffaziendoles muchas peyndras ffasta queles auian de ffazer cartas de debdo ssobre ssi delos dineros que auian a pechar, poniendo el logro en cabeça demas delo que auian a pechar, e des que llegaua el plazo ffazien gelas rrenouar en manera que lograuan todo, e por estos engannos e otros muchos queles ffazian e en muchas maneras ssacauan a muchos christianos delo que auien. Tenemoslo por bien e otorgamos gelo.
Otrossi nos pidieron porque en algunas delas villas delos rregnos auian monteros que sson escusados delos pechos e ellos toman los mas rricos, e por esta rrazon yermanssen las aldeas onde estos monteros estauan, e pidieron nos merçet que estos monteros non ssean mas daqui adelante nin sse escussen por esta rrazon. Tenemoslo por bien e otorgamos gelo.
Otrossi nos pidieron en rrazon delas muertes e delas fferidas que acaesçieren entre los christianos e los judios e los moros, e en ffuerzas e en tomas nin en otras cosas ningunas, quelas pennas et las calonnas que y ouieren que sse libren por el ffuero de cada vnos de ssus logares, e que ayan aquella pena del ffuero del logar do esto acaesçiere, e que sse non libren por los ssus priuilegios nin por cartas quelos judios e los moros tengan en esta rrazon nin tengan daqui adelant, en todo pleyto que esto acaesçiere que ualan dos testimonios de dos omes bonos christianos. Tenemoslo por bien e otorgamos gelo.
Otrossi nos pidieron que por muchos engannos queles ffazian los judios por cartas judiegas e por testimonios que ffazian entre ssi que enbargan las debdas que deuen alos christianos, que tales cartas nin ta-
les testimonios commo estos, que non ualan nin enbarguen al christiano ssus debdas ssaluo ssi ffuere la carta de escriuano publico christiano. Tenemos lo por bien e otorgamos gelo.Otrossi nos pidieron que daqui adelante non tomen inffantes nin rricos omes nin rricas ffenbras nin otros omes poderosos yantares enlas villas e enlos logares delos rregnos, nin enlas eglesias nin enlos abbadengos, ssaluo ende el Rey o las rreynas o nos assi commo las tomaron en el tienpo del Rey don Fferrnando que gano a Seuilla, quando acaesçieremos enlas villas o enlos logares e non en otra manera. Et ssi inffantes o rricos omes o inffançones o caualleros o otros omes poderosos las tomaren que el conçeio e los offiçiales de aquel logar dolas tomaren que ssepan en verdat quanto es lo que ffuer tomado e que nos lo enbien mostrar e nos quelo paguemos o lo fagamos pagar ffasta treynta dias. Et ssi ffasta treynta dias non lo pagaremos o non lo ffizieremos pagar, que el conçeio e los offiçiales de aquel logar do ffuere tomado quelo tomen delo del Rey e que paguen a aquellos aquien ffuer tomado. Tenemos lo por bien e otorgamos gelo.
Otrossi nos pidieron, que ningun inffante nin rrico omme nin rrica ffenbra nin perlado nin inffançon nin inffançona nin cauallero nin escudero nin duenna nin donzella nin clerigo nin otro omme rreligiosso, que non ayan daqui adelant nin tomen escusado nin apanyguado ninguno de mayor quantia en ningunas delas villas nin de ssus terminos ssinon por el ffuero o por el preuilegio que an los caualleros de aquel logar de cuya jurisdiçion ffuere el algo, e quelos tomen por mano delos offiçiales de aquel logar do ffezieren el padron. Tenemos lo por bien e otorgamos gelo.
Otrossi nos pidieron quelas escriuanias publicas e las entregas delos judios e las taffurerias quelas ayan los conçeios cada vnos en ssus logares ssegund los ssolien auer. Tenemos lo por bien e otorgamos gelo.
Otrossi nos pidieron que quales quier o qual quier que labraron en castellar del Rey ssin ssu priuilegio o ssin ssus cartas, que nos que gelo tomemos e gelo derribemos. Tenemos lo bien e otorgamos gelo.
Otrossi nos pidieron que por los castiellos e los alcaçares que sson en cada vnas delas villas de que non ffizieron omenaie, quelos tenga vn cauallero o dos quales la nuestra merçet ffuere, que ssean naturales moradores de aquellos logares do sson los castiellos e los alcazares con ssus rretenençias comunales, por rrazon que quando los tienen otros omes de ffuera que ffazen y muchos rrobos e muchos males en guisa, que sse des-
sirue el Rey e sse astraga la tierra por ello. Tenemos lo por bien e otorgamos gelo.Otrossi nos pidieron quelos que an a guardar las ssacas delas bestias e delas cosas uedadas quelas non guarden enlas fferias nin enlos mercados, mas quelas guarden en los puertos o en los otros logares do ssolian guardar en tienpo del Rey don Alffonsso. Tenemos lo por bien e otorgamos gelo.
Otrossi nos pidieron que ninguno non tome rronda nin castelleria nin assadura delos ganados que uan e vienen alos estremos ssinon ssegund los touieron en tienpo del Rey don Alffonsso e del Rey don Sancho. Tenemos lo por bien e otorgamos gelo.
Otrosi nos pidieron quelos pecheros que dan por quantiosos alos escusados alos caualleros de mayores quantias de quanto los deuen auer por escusados, e por esto que dizen que deuen pechar, e en esto que non les ssea rreçibido alos pecheros pues que son parte, ssaluo ssilos abonaren en mayor quantia de quanto los deuen auer. Tenemos lo por bien e otorgamos gelo.
Otrossi nos pidieron que quando el Rey olas rreynas olos inffantes vinieremos alas çiudades e alas villas e alos logares delos rregnos, assi commo rrengalengo commo abadengo, que non tomemos viandas ningunas, ssi non quelas conpremos e las mandemos pagar a aquellos de quien las tomaremos e non en otra manera. Tenemos lo por bien e otorgamos gelo.
Otrossi nos pidieron que por rrazon que acaesçe que cassan inffançones e caualleros poderosos en algunas delas villas, e los algos que y an e los omes quelos ssiruen quieren los auer a aquella jurisdiçion do ellos sson naturales, quelos ayan a aquell ffuero e aquella jurisdiçion dela villa donde ffueren los algos e non en otra manera. Tenemos lo por bien e otorgamos gelo.
Otrossi nos pidieron que porque algunas de ssus villas e de ssus logares que an priuilegios e cartas de merçet delos rreyes apartada miente de non pechar, los vnos porque sse escussan por monederos e despues que sse ffinan que sse escusan ssus mugeres e sus ffijos, e los otros que sse escusan por ballesteros quelos meten ala ballesteria aquellos ssus mayorales por dineros queles dan et despues que ellos ffinan que sse escusan ssus mugeres e ssus ffijos, et estos atales que encubren otros pecheros, et assi por lo ssuyo dellos e por los delos otros que encubren sse astragan los otros pecheros e sse yerma la tierra por ello. Et estos priuilegios atales que nunca ffueron ssinon del tienpo del Rey don Alffonso aaca, e esto veyendo que es muy grand desseruiçio del Rey e muy grande danno dela tierra quelo reuoquemos da qui adelante, estos atales que non sse escussen e que pechen con los pecheros en todas las cosas que acaesçieren da qui adelante. Tenemoslo por bien e otorgamos gelo.
Otrossi nos pidieron porque rrecibien grandes dannos e grandes tuertos delos alcalles delos pastores queles ffazen muchas tomas e muchas peyndras ssin derecho, quelos pleytos que acaesçieren quelos libren los alcalles del logar donde ffuer el demandado, e que non ayan los pastores otros alcalles apartados porque los non ouieron en tienpo del Rey don Ffernando que ganó a Sseuilla ni en tienpo delos otros rreyes de ante. Tenemoslo por bien e otorgamos gelo.
Otrossi nos pidieron que ningun rrico ome nin rrica ffenbra nin inffançon nin inffançona que non pueda auer heredamientos ningunos enlas villas nin enlos terminos por conpras nin por otra rrazon ninguna ssaluo ende los quelo ouieren por cassamiento, elos quelo tienen del tienpo del Rey don Alffonsso a aca, e que dando les los de aquel logar la quantia que costó olo que ffuere apreciado por omes bonos, que gelo dexen, e los quelo ouieren por cassamiento que non puedan y ffazer casa ffuerte et ssi la ffizieren que gela derriben, ssaluo ende en tierra del obispo de Siguença e de ssu eglesia que non puedan conprar los ssobredichos nin caualleros nin duennas nin otros ningunos que omes ffijosdalgo ssean, nin enlos otros logares que sson abbadengos, e ssi lo conpraren quelo pierdan. Tenemoslo por bien e otorgamos gelo.
Otrossi nos pidieron que da qui adelante los judios nin los moros non se llamen nonbres de christianos e ssilo llamaren que ffagan justiçia dellos commo de hereges. Otrossi christiana ninguna non biua con judios ni con moros nin crie sus ffijos, e los quelo ffizieren quelos juezes delas villas e delos logares do acaesçieren que ffagan escarmiento dellos en ssus cuerpos commo en aquellos que quebrantan ssu ley. Otrossi los moros
que non trayan copete, mas que anden çerçenados en derredor commo en Granada sso la pena ssobre dicha. Tenemos lo por bien e otorgamos gelo.Otrossi nos pidieron quelas villas e los logares que ffueron de don Alffonsso ffijo del inffante don Ffernando, e de don Ssancho ffijo del inffante don Pero que sson Beiar e Montemayor e Miranda e Granada e Galisteo e Alua e Ssalua-tierra con todos ssus terminos de estas dichas villas, que non ssean dadas a rreynas nin a inffantes nin a rricos omes nin a inffançones nin a Ordenes nin alos dichos don Alffonsso nin a don Pero que sse llama ffijo de don Ssancho nin a otros ningunos delos rregnos nin de ffuera delos rregnos, nin ssean metidos a juyzio, mas que ffinquen ssienpre rreales ssegund ffueron en tienpo del Rey don Ffernando que ganó á Sseuilla. Tenemoslo por bien e otorgamos gelo.
Otrossi nos pidieron que entregassemos al obispo de Calahorra la villa e el castiello de Aluelda que Garci Martin chantre ssu procurador querelló quel tenien tomado por ffuerça, et el monesterio de Onna quel entreguemos casas e heredamientos que dizen quel tomaron. E el monesterio de Aguilar esso mismo. Tenemoslo por bien e etorgamos gelo.
Otrossi nos pidieron porque rreciben grandes dannos delos ganados que uan e vienen alos estremos e ssalen delas cannadas antiguas e entran por los panes e por las vinnas, en las quales cannadas dizen que sson la vna la que dizen de Leon et la otra la ssegouiana, e la otra que ua por la Mancha de Montaragon, et ssi ffueren por otro logar ssinon por las dichas cannadas, quelas montadguen ssegund los ffueros e los vsos de aquellos logares. Et ssi alguna querella ouieren los pastores de algunos, queles demanden ante los alcalles delos logares do acaesçieren, e que non ayan alcalles apartados los pastores nin entregadores en los logares do acaesçieren nin vssen en ningunos delos offiçios, et ssennalada miente que non ffagan cannada, nin passen los ganados que uan alos estremos por los terminos de Valladolit e de Olmedo e de Medina porque nunca la y ouo. Tenemos lo por bien e otorgamos gelo.
Otrossi nos pidieron que nos que ffagamos derribar los castros e las casas ffuertes de Gallizia que ffueron ffechas deque el Rey don Ssancho ffino aca, deque sse ffizieron e sse ffazen malffetrias. Tenemoslo por bien e otorgamos gelo.
Otrossi nos pidieron que ningun inffante nin rrico ome nin inffançon nin cauallero nin otro ninguno non pendre nin tome ninguna cosa a conceio nin a otro ninguno por ssi nin por otri nin por ninguna querella que del ayan, mas ssi querella ouieren de conceio o de otro alguno, quelo demande por ssu ffuero; et ssi los alcalles non le conplieren de derecho sobresto quelo enbien querellar anos e nos quelo ffagamos emendar e poner y escarmiento, qual entendieremos que cunple con derecho e la nuestra merçet ffuere. Tenemoslo por bien e otorgamos gelo.
Otrossi nos pidieron porque nos sseamos tenudos de tener e guardar mas e meior todo quanto en este quaderno sse contiene, que nos e çinquenta de nuestros uasallos quales tomaren que juren e ffagan pleyto e omenaie con nusco de tener e guardar todo quanto en este quaderno sse contiene, et ssi nos non lo conpliessemos o alguna cosa dello menguassemos, quelos nuestros uasallos que juraren e ffizieren omenaie que nos lo ffagan tener e conplir e guardar; et ssi non que sse partan de nos et que nos non ayuden nin ffagan por nos e que ssean contra nos ffasta quelo cunplamos alos que ffizieron agrauiamientos. Otrossi que demos con nusco dos rricos omes que ffagan jura con nusco e pleyto e omenaie, que guardemos e cunplamos todo quanto sse contiene en este quaderno; et ssi lo non conplieremos que ellos que ssean contra nos ffasta que nos lo ffagan assi conplir assi commo dicho es. Et nos, que sseamos tutores ffasta dos annos. Tenemos lo por bien e otorgamos gelo.
Otrossi nos pidieron que conffirmamiento deste quaderno e de las cartas e delos priuilegios que an cada vnos dellos en ssus logares, que nos piden merçet, quelo mandemos sseellar e librar ssin chançelleria ninguna. Tenemoslo por bien e otorgamos gelo.
Otrossi nos pidieron los caualleros e omes bonos perssoneros de los conçeios delos rregnos de Castiella e de Toledo e de Leon e delas Estremaduras e dela Andaluzia que sse ayuntaron en Palençia enlas cortes sobredichas que el rrengalengo que es tornado abbadengo e de las Ordenes quier por conpras o por donadios, que ssea tornado rrengalengo a aquellos que son perteneçientes delo auer. Et nos tenemos lo por bien, que quanto lo de ffasta aqui que ffinque en merçet del Rey e dela nuestra, e daqui adelante mandamos que non ayan heredamientos por conpras nin por donaçion nin por otra rrazon ninguna. Et nos tenemoslo por bien e otorgamos gelo.
E nos los ssobredichos Reyna donna Maria e inffante don Pero, tutores de nuestro ssennor el Rey don Alffonsso, por nos e en nonbre del dicho nuestro sennor Rey don Alffonsso cuios tutores ssomos, otorgamos e conosçemos que rreçibimos la dicha tutoria con todas las condiçiones e con todas las cosas que en este quaderno sse contienen. Et juramos corporal miente ssobre la cruz e ssobre los ssantos euangelios de nuestras manos tannidos delo mantener e delo guardar e lo conplir todo e en todo e en todo tienpo e de non venir contra ello nin contra parte dello en ningun tienpo por ninguna manera, la qual jura que nos ffiziemos ffue tomada por don Ssimon obispo de Ssiguença. Et desto mandamos dar auos el conçeio dela çiudad de Plazencia este quaderno sseellado con el sseello de nuestro ssennor el Rey don Alffonsso, e con los nuestros todos de çera colgados. Ffecho en Valladolit, XV dias de junio Era de mill e trezientos e çinquenta e vn annos. - Et yo Garci Rodrigues notario publico dela cipdat de Palençia ffui presente a todo quanto en este quaderno sse contiene e ffize aqui mio signo en testimonio. - Et yo Iohan Gonzales notario publico de Palençia ffuy pressento a todo esto que dicho es e ffiz aqui mio signo en testimonio.
Sepan quantos este quaderno vieren commo yo donna Maria por la gracia de Dios Reyna de Castiella e de Leon e sennora de Molina, et yo inffante don Juhan ffijo del muy noble Rey don Alffonso e sennor de Vizcaya et yo inffante don Pedro ffijo del muy noble Rey don Sancho tutores del Rey don Alffonso nuestro ssennor e guardas de ssus
rregnos, por quelos caualleros e los ffijos dalgo del ssennorio de nuestro ssennor el Rey, et los fijos dalgo e caualleros e omes buenos procuradores delos conçeios delas çibdades e delas villas del sennorio del dicho ssennor que sse yuntaron en estas cortes que el Rey e nos agora ffazemos aqui en Burgos nos mostraron en commo ellos ffizieron ermandat todos en vno para guardar ssennorio e seruiçio del Rey e nuestro e pro comunal dellos todos, el qual tenor dela dicha hermandat es este que sse sigue:En el nonbre de Dios amen. Sepan quantos este quaderno vieren commo nos los caualleros e los ffijos dalgo dela hermandat de todo el sennorio de nuestro ssennor el Rey don Alffonso et nos los ffijos dalgo e caualleros e ommes buenos procuradores delas çibdades e delas villas de todo el sennorio del dicho ssennor que nos ayuntamos en estas cortes que nuestro ssennor el Rey ssobredicho e los ssus tutores mandaron ffazer en Burgos, veyendo los muchos males e dannos e agrauiamientos que auemos rreçebidos ffasta aqui delos ommes poderossos et por rrazon que nuestro ssennor el Rey es tan pequenno que nos non puede ende ffazer auer derecho e emienda ffasta que nuestro ssennor Dios le llegue a hedat; por ende todos abenida miente ponemos e ffazemos tal pleyto e tal postura e tal hermandat que nos amemos e nos queramos bien los vnos alos otros e que seamos todos en vno de un coraçon e de vna voluntat para guardar sennorio e seruiçio del Rey e todos sus derechos que á e deue auer, e para guarda de nuestros cuerpos e delo que auemos e de todos nuestros fueros e ffranquezas e libertades e buenos vsos e costunbres e priuillegios e cartas e quadernos que auemos todos e cada vnos de nos, e merçedes delos rreyes que tenemos e deuemos auer con derecho, et para que se cunpla e se faga la justiçia en la tierra conplida miente commo deue, meior que se non ffizo ffasta aqui, e biuamos en paz e en asosego, por que quando nuestro sennor el Rey
ffuere de hedat ffalle la tierra meior parada e mas rrica e meior poblada para su seruiçio.Primera miente ordenamos que silos tutores o alguno dellos matare o mandare matar o lisiare o mandare lisiar algun omme delos fijos dalgo o delos delas villas destas desta nuestra hermandat sin fuero e sin derecho, que el tutor que esto fiziere o mandare ffazer quelo non ayamos mas por tutor e que finquemos con los otros dos que nos lo guardaren, et si los otros dos lo ffizieren o lo mandaren ffazer quelos non ayamos mas por tutores; et ssi todos tres lo ffizieren o lo mandaren ffazer quelos non ayamos mas por tutores del Rey commo dicho es et que tomemos otro tutor, aquel que todos o la maior partida de nos entendieremos que cunplira mas para ello. E silos dos tutores don Juan e don Pedro lo ffiziesen o lo mandasen ffazer e la Reyna nos lo guardase que tomemos todos o la mayor parte de nos otro tutor quelo sea con la Reyna, et el que asi ffuere tomado, quelo ayamos todos por tutor. Et si la Reyna e el tutor que tomasemos lo ffiziesen o lo mandasen ffazer e lo non guardasen asi commo dicho es, quelos non ayamos mas por tutores e que tomemos otro tutor, aquel que todos o la mayor partida de nos entendieremos que cunplira mas para ello commo dicho es.
Otrosi si daqui adelante todos tres los tutores o alguno dellos tomasen o mandasen tomar casas e heredamientos o otros algos muebles a alguno o algunos de nos los que ssomos desta hermandat ssin ffuero e sin derecho, que esto que sea mostrado e affrontado atodos tres los tutores o aqual quier dellos quelo fiçieren o lo mandaren ffazer pidiendo les merçet quelo desffagan; e silos tutores o qual quier dellos que estas cosas o qual quier dellas ffiziere o mandare ffazer aquien ffuere mostrado e affrontado non lo desffiziere del dia quel ffuere mostrado e affrontado ffasta treynta dias, que dende adelante quelo non ayamos mas por tutor commo dicho es; pero ssilos tutores o alguno dellos lo ouiesen mandado ffazer a alcalle o la meryno o alguazil o juez o justiçia delos del Rey que andudieren en la tierra e que estudieren en las villas por carta o por palabra, e despues por carta enbiasen mandar a aquellos quelo ffizieren quelo desffagan; e lo non desffizieren, quelos ofiçiales quelo non obedesçieren e lo non cunplieren asi que pierdan los offiçios
para ssienpre e queles ffagan los tutores tornar a ssu duenno lo que por tal rrazon le ffue tomado con el doblo, et quel ffagan pechar todo el danno que rresçibiere doblado; e ssilos tutores o el tutor aqui esto ffuere mostrado non tiraren los offiçios alos quelo asi non cunplieren o gelos tornasen despues que en estapena cayesen o non los ffizieren que emienden el danno al quelo rresçibiere commo dicho es, quelo non ayamos mas por tutor; et ssilos dos o todos tres lo herrasen quelos non ayamos mas por tutores como ssobredicho es; e ssi por auentura el que estas cosas o qual quier dellas ffiziere non ouiere de que tornar assu duenno lo quel ffuer tomado por tal rrazon commo dichoes, que el tutor quelo mandare ffazer que gelo peche delo ssuyo luego doblado; e silo non pagare luego delo ssuyo commo dicho es que pierda la tutoria; et si todos tres non lo cunplieren assi que non ssean mas tutores commo dicho es e quelo non ssean dende adelante en tienpo del mundo.Otrossi que si alguno o algunos delos que ssomos en esta hermandat ffizieren tuerto a algunos delos que ssomos en ella, que el querelloso quelo muestre alos tutores o aqual quier dellos o al meryno o aotro offiçial quelo deua ffazer, que gelo ffaga emendar con derecho; e si gello non ffiziere emendar el meryno o el offiçial aquien ffuere mostrado e mandado por el tutor, que el tutor faga al offiçial que peche el danno doblado a aquel quelo rresçibiere, seyendo mostrado alos tutores o aqual quier dellos o alos alcalles del Rey que andudieren con ellos por buena verdat delos alcalles dela hermandat o por testimonio de ommes buenos que ffincó por ssu culpa de aquellos o de aquel aquien ffuer querellado o mandado por los tutores o por qual quier dellos; e ssi los tutores o qualquier dellos aquien ffuer mostrado commo dicho es non lo ffiziere assi ffazer al meryno o al offiçial o non ffiziere auer emienda al querelloso del tuerto que rreçibier, que peche al querelloso el danno que rresçibiere delo ssuyo doblado del dia quel ffuere mostrado atreynta dias, et ssilo non ffiziere assi que pierda la tutoria. E ssi para conplir estas cosas los tutores o qual quier dellos o los merynos o los otros offiçiales ouieren mester ayuda e enbiaren por algunos delos ffijos dalgo o delos conçeios que estudieren en la comarca que sson desta hermandat que vayan y, o enbien; et ssi non ffueren o non enbiaren los que ffueren llamados tal rrecabdo por que se cunpla en tal manera que non ffinquen por lo que ellos ouieren de ffazer, que pechen alos querellosos el danno
que rresçibieren por su culpa doblado, et los desta hermandat que vinieren para conplir esto quela costa e el danno e el menoscabo que ffizieren e rresçibieren quelo peche aquel sobre quien ffueren, et esto que gello ffagan conplir los tutores o el merino o los otros offiçiales. Et los tutores o los offiçiales cunpliendo esto que no ssean tenudos ala pena.Otrossi ponemos tal pleyto e tal postura entre nos que omme ffidalgo desta hermandat que non mate nin mande matar por ssi nin por otre a omme ffidalgo nin cauallero nin omme delos que moran en las villas desta hermandat e de ssus pueblos ssin le ffazer tal cosa por quel deua matar con derecho, e quando querella ouieren del por cosa quel aya ffecho tal commo esta que dicha es, que gelo enbie dezir o lo enbie desaffiar o menaçar ante conçeiera miente, e quel non pueda matar nin ffazer mal ffasta nueue dias ssi ffuere delos ffijos dalgo que moran en las villas, et ssi ffuere delos otros delas villas quel non maten nin le ffagan matar ffasta doze dias. Et ssi el que ffuere desaffiado o amenaçado dixiere o enbiare dezir a aquel quel enbiare desafiar o amenaçar quel quiere ffazer emienda commo mandaren los alcalles desta hermandat que fueren dados para estas cosas, quel rreçiban la emienda; e si de otra guisa le matare o le mandare matar quel maten por ello los merynos o las justiçias del Rey o los desta hermandat que ffueren llamados para ello con ellos, et ssilo non pudieren auer para ffazer del justiçia quel derriben las casas, que ouiere e le astraguen quanto le ffallaren la justiçia e la hermandat, saluo ende silo matare por enemistad sabida e con derecho, et esto que gello ffagan ante ssaber o por desffiamiento o por amenaça commo dicho es.
Otrossi que omme fidalgo nin cauallero nin omme otro que more en villa e en ssus pueblos que non mate nin mande matar omme ffidalgo ssi non commo dicho es, e sil matare de otra guisa quel maten por ello las justiçias del Rey e los dela ermandat que ffueren llamados para ello e quel derriben las casas commo dicho es, e ssi otro delos que non sson desta hermandat matare o mandare matar a algu- no o algunos delos que ssomos enella sinon commo dicho es, que todos los dela hermandat o los que y acaesçieren quel matemos por ello e le derribemos las cassas e le astraguemos todo quanto ouiere con las justiçias del Rey.
Otrosi ordenamos quelos tutores por el Rey o por ssi que ffagan la justiçia daqui adelante con ffuero e con derecho en los quela mereçieren e non en otra manera, e que non perdonen por el Rey nin por si muerte de omme nin de mugier ssin consentimiento delos parientes del muerto quela muerte ouieren de demandar con derecho.
Otrosi quelos castiellos e las casas ffuertes que sson o ffueron de todos los que ssomos desta hermandat que omme ffidalgo nin de villa nin otro omme non gellos tome nin gellos ffuerçe nin gellos furte nin gellos derribe nin vayan aellos ssin el meryno o sin la justiçia del Rey; e ssilo ffiziere que todos los dela hermandat que fueremos llamados para ello, que vayamos y e que llamemos al meryno del Rey que andudiere en la comarca do esto acaesçiere o alos officiales delos lugares dela comarca e que gella tomemos e la tornemos aquel cuya era, e si pudieremos tomar aquel o aquellos quelo ffizieren quelos matemos por ello con el meryno o con los offiçiales del Rey que fueren llamados para esto, e ssi los non pudieremos tomar queles derribemos las casas que ouieren e les astraguemos todo quanto les ffallaremos; e ssi los que ffueren llamados para esto non fueremos y, quelos que y non ffueren que pechen el danno que por su culpa rresçibiere el quelos llamare ssacado ende los tutores o los merynos o los otros offiçiales ssi gellos tomaren con ffuero e con derecho. Et el ffidalgo o el delas uillas que estas cosas o qual quier dellas ffiziere porque ayamos de yr sobrel commo dicho es, quel tomemos quanto le ffallaremos ffasta que nos pague la costa e el danno e el menoscabo que ffizieremos e rrescibieremos los que y acaesçieren por esta rrazon.
Otrossi ponemos que ssi algun alcalle o merino o alguazil o otro juez o justiçia qual quier de todo el ssennorio de nuestro ssennor el Rey matare o lissiare algun omme o muger desta hermandat por carta desafforada de nuestro sennor el Rey o de ssus tutores o de alguno dellos
o lo matare por ssi o por otro mandamiento ssin ffuero e ssin derecho quel maten por ello. Et otrosi que omme delos que no sson offiçiales del Rey o delos ssus tutores o delos conçeios que non matené a omme delos que sson desta hermandat por carta nin por mandamiento que ayan del Rey o delos tutores, e si lo matare quel maten por ello.Otrosi si algun inffante o rrico omme o otro alguno ffiziere mal o tomare algo delo ssuyo a alguno o algunos delos desta hermandat ssin ffuero e sin derecho, que el querelloso quelo vaya mostrar al alcalle dela hermandat dela merindat o dela comarca de esto acaesçiere, e el alcalle que llame luego al meryno del Rey o alos offiçiales delas villas o dela comarca do esto acaesçiere, e que vayan luego affrontar al inffante o al rrico onbre quelo ffizo que gello desffaga luego; e silo non quisiere desffazer que affruenten alos ffijos dalgo sus vassallos que sse partan del, et ellos quelo ffagan assi del dia queles ffuere affrontado a treynta dias, e entre tanto que non ssean con el inffante nin con el rrico omme en ninguna cosa contra los que ssomos desta hermandat nin contra ningunos de nos so la pena del quaderno dela hermandat que an los ffijos dalgo que ffue ffecho en Valladolit, et demas queles derribemos las casas e les astraguemos todo quanto les ffallaremos alos que assi non lo fizieren con los merynos o con las justiçias del Rey que para esto ffueren llamados, et desque se partieren del inffante o del rrico omme e sse vinieren para nos [e] quissieren sseer vassallos del Rey, quelos tutores queles den e les cunplan aquellas quantias que ellos tenian del inffante o del rrico omme dela su tierra misma o dineros que el inffante o rrico omme touiere en aquella misma guisa quela tenian del; e silos tutores o qual quier dellos non lo ffiziesen que el quelo assi non ffiziere quelo non ayamos mas por tutor, e quelos alcalles e el meryno o los otros offiçiales o qual quier dellos quelo enbien dezir anos los dela hermandat e que vayamos y todos los que ffueremos llamados para ello e que pendremos al inffante o al rric omme e le tomemos todo quanto le ffallaremos ffasta en quantia del danno que ffiziere, e lo entreguemos al querelloso que el danno ouiere rresçebido con los merynos o con los offiçiales del Rey que sse y acaesçieren. Et si el inffante o rrico omme ffuese tal de que non podamos auer derecho, nos los dela
hermandat por nos, quelo mostremos alos tutores o aqual quier dellos e que gello ffagan emendar; e los tutores o el tutor aqui ffuere mostrado que gello fagan emendar del dia que gello afrontaremos ffasta ssessenta dias, o que vengan con los ssus cuerpos e con quanto ouieron a gello ffazer emendar e los dela hermandat que vayamos con ellos a esto. Et ssi el meryno o los otros offiçiales que ffueren llamados para esto non quissieren ir con el alcalle dela hermandat o con los querellosos, quelos tutores o qual quier dellos a quien ffuere mostrado queles tiren luego la meryndat o los otros offiçios para sienpre. Et ssi alguno dellos non quissiere tirar al meryno dela meryndat e alos otros offiçiales delos offiçios commo dicho es, o non quixiere ffazer ffazer emienda al que el agrauiamiento rresçibiere, quel non ayamos mas por tutor al que nos lo assi non guardare. Et ssi los dos tutores o todos tres nos lo errasen quelo non guardasen assi quelos non ayamos mas por tutores como ssobre dicho es. Et ssi el inffante o rrico omme que esto ffiziere non ouiere de que emendar lo que tomare, quel peyndren los tutores o el tutor aqui ffuere mostrado la tierra que touiere del Rey ffasta en quantia delo que ouiere de emendar por el danno que ffizo, e quelo entreguen al querelloso que el danno ouiere rresçebido, et que el inffante o rrico omme aquien tomaren la tierra olos dineros por esta rrazon para dar al querelloso que rresçibiere el danno, que ssea tenido de sseruir al Rey por ellos asi como silos el leuase. E ssi algunos delos tutores o el meryno o los offiçiales delos logares ouieren mester de ayuntar anos los dela hermandat para conplir estas cosas o alguna dellas que los alcalles o el alcalle dela hermandat que ssean tenidos de nos ffazer llamar e ayuntar alos ffijos dalgo e alos conçeios, e que enbien tal gente los conçeios e tanta de entre ssi cada vnos dellosquanta entendieren que cunple porque sse pueda conplir esto. Et todos los que ssomos dela hermandat que ffueren llamados que sseamos para ayudar esto sso pena de diez mill mr. a cada conçeio que non enbiare y, e de mill mr. a cada vno delos ffijos dalgo que y non ffueren seyendo llamados como dicho es, et estos mr. desta postura que sean para aquellos que y ffueremos; e ssi por mengua delo que el alcalle ouiere de ffazer sse perdiere algunacosa que el alcalle quelo peche con el doblo al que el danno rresçibiere.Otrossi si algun inffante o rrico omme fiziere danno a alguno delos desta hermandat e non touiere tierra onde pueda entregar al querelloso o non ouiere de que, e se ffuere a alguno otro inffante o rrico omme o alos ssus logares e lo anpararen que todos los desta hermandat que sse y acaesçieren que sseamos contra aquel inffante o rrico omme quelo anparare con los tutores o con qual quier dellos o con los merynos o con los otros offiçiales del Rey o con qual quier dellos podiendolos auer, e quel peyndremos tantos de sus bienes, por que entreguemos al querelloso del danno que rresçibiere con el doblo. Et si alguno o algunos delos desta hermandat sse y acaesçieren con el a ffazer el danno o otro maleffiçio, quelos alcalles dela hermandat do esto acaesçiere quelos puedan peyndrar por ello tan bien commo al inffante o al rrico omme quelo ffiziere ssi ouiese de que. E otrossi quelos rricos ommes que non ayan meryno ffidalgo.
Otrossi ponemos que entre nos que non ayan daqui a adelante peyndra nin rrobo por cosa que ssea; et ssi algunos delos desta hermanda touieren querella vnos de otros quelo querellen alos alcalles del ffuero del logar do acaesçiere quelo deuen judgar o a qual quier dellos, e el alcalle queles sea tenido deles ffazer auer conplimiento de ffuero e de derecho ssin alongamiento maliçioso; et ssigello non ffiziere que el que tal querella le diere que tome sobrel testimonio de escriuano publico o de ommes buenos, e ssi el querelloso dela hermandat dixiere que por alongamiento quel ffaze el alcalle del logar quel detiene y maliçiosa miente e que pierde ssu derecho por ello, que commo quier quelo diga, non ssea tenudo de peyndrar por ello ffasta quelo muestre alos alcalles dela hermandat que fueren puestos entre nos. Et los alcalldes que vayan o enbien sobrello saber ssi passó assi; et ssi maliçiosa miente ffallaren que sse ffizo que gello fagan emendar con los dannos e menoscabos que ouiere rreçebido el querelloso por esta rrazon; e el que peyndrare en otra manera non ffaziendo esta affruenta commo dicho es, que peche la pendra con el doblo a aquel o aquellos aque la ffiziere. Et ssi por esta rrazon commo dicho es ouiere a ffazer peyndra quela tenga maniffiesta, et el alcalle que ssea tenido de pechar a aquel quela peyndra- ffuere tomada todo el danno e el menoscabo que por esta rrazon rresçibiere, et el quelo de otra guisa ffiziere quelo peche con el doblo,
et aesto que nos ayudemos todos los dela hermandat aello. Et aquel a quien ffuere ffecha la pendra quelo muestre luego alos merynos o al merino o alos alcalles o al alguazil o alas justiçias del Rey do non ouiere merynos, o a qual quier dellos o alos alcalldes dela hermandat que para esto ffueren dados, o que sse non escusen los vnos por los otros; e ellos que pongan la peyndra en tal rrecabdo por que aquel aquien ffuere ffecha quela non pierda ssin derecho, e el que la peyndra ffiziere que cobre lo ssuyo: e ssilo assi non ffiziere quelo peche con el doblo ssi por ssu mengua ffincare, e ssi alguno peyndrare a tuerto e non ouiere de quelo pechar que ffagan contra el commo contra rrobador.Otrossi por los rrobos e ffuerças que sse ffizieren en la tierra daqui adelante a estos que ssomos desta hermandat o aqual quier de nos, que aquel o aquellos aquien lo rrobaren o ffizieren el ffurto o el rrobo quelo muestren alos merynos o al meryno o alos alcalles o alos alguaziles o jueçes o justiçias del Rey do los merynos non ouiere o alos alcalles delas comarcas o qualquier dellos, et ellos e todos los ffijos dalgo e los delas villas dela comarca que para ello ffueron llamados do el rrobo o el ffurto ffuere ffecho que vayan luego en pos los malffechores e que sse non escusen los vnos por los otros; et silos pudieren auer que ffagan dellos justiçia assi commo de rrobadores e ladrones. Et si sse ençerraren en alguna villa o castiello o en alguna casa ffuerte en manera quelos non puedan tomar que sse non partan dende ffasta que se cunpla la justiçia en ellos et en la casa o en el castiello, e que entreguen luego el rrobo e el ffurto alos querellosos aquien ffuere ffecho. Et si el castiello ffuere del Rey que el quelo touiere sea tenido de dar el rrobador con el rrobo o con el ffurto con que se y metiere a aquellos que ffueren en pos el; e ssilo non quisiere ffazer que peche lo que ffue rrobado o ffurtado con el doblo por quanto ouiere assi por el mueble commo por la heredat que ouiere al querelloso; et este mismo sea tenudo de conplir e de pechar el que touiere el castiello por el Rey, ssi el que touiere el castiello por el non ffuere abonado con el ffurto o con el robo, et ssilos ffijos dalgo o los de las villas que sson desta hermandat que para esto ffueren llamados non quisieren yr y, quelo pechen delo ssuyo.
Otrossi ponemos que ssi algunas contiendas acaesçieren nueua miente daqui a delante entre nos los ffijos dalgo vnos con otros, quelos merynos del Rey o los alcalldes dela hermandat delas meryndades de las comarcas do esto acaesçiere, que vayan luego para ellos e queles ffagan que cunplan de derecho el vno al otro, e ssi estudieren dessaffiados quelos metan en tregua en guisa que non ayan assonadas entre ssi nin otra pelea ninguna; e ssi alguno de los ffijos dalgo o caualleros o ommes buenos delos desta hermandat que sson delas villas ouieren algunas contiendas con los ffijos dalgo desta hermandat que sse libre en esta misma guisa. Et si el alcalle que para esto ffuere llamado alguno ffallare rrebelde quelo non quiera assi ffazer nin conplir ssu mandado, que llame alos dela hermandat o al meryno o alos juezes dela comarca do acahesçiere tantos quantos entendieren que cunplira e que gelo ffagan assi ffazer; e qual quier delas partes quelo non quisiere assi ffazer, quel derriben las casas e que le astraguen todo quantol ffallaren los merynos o los offiçiales del Rey e los otros desta hermandat con ellos o con qual quier dellos.
Otrossi ordenamos que anden doze caualleros e omes buenos, los seys delos ffijos dalgo e los seys delos caualleros e ommes buenos delas villas, con el Rey e con los tutores en esta manera: los dos con el Rey e con la Reyna, e los dos con el inffante don Iuan, e los otros dos con el inffante don Pero, e estos seys caualleros e ommes buenos que anden con ellos la meatad del anno e los otros seys caualleros e ommes buenos la otra meatad del anno. Et estos que andudieren con el Rey e con cada vno delos tutores por este tienpo ssobredicho ssegund dicho es que ssean el vno de los ffijos dalgo e el otro delos delas villas, porque quando algunas cosas desafforadas ffizieren en la tierra que aquellos aquien las ffizieren quelo enbien mostrar a estos caualleros e ommes buenos. Et ellos quelo muestren alos tutores e los affruenten quelo ffagan emendar e desffazer. Et de commo gelo mostraren e lo ellos cunplieren que tomen testimonios de escriuanos publicos por quelo ellos puedan mostrar alos alcalles e alos dela hermandat, porque sse cunplan e se ffagan estas cosas ssobredichas e cada vna dellas ssegund que en este quaderno sse contiene. Et a estos queles paguen la costa alos ffijos dalgo los ffijos dalgo delas comarcas donde cada vnos dellos ffueren, et
alos delas villas queles paguen la costa los delas villas cada vnos alos de ssus comarcas.Otrossi ponemos quelos ommes del ssennorio del Rey nuestro sennor e delas villas del ssu ssennorio ssi ouieren contiendas o enemistades con omme o con ommes de otros rregnos, et los de ffuera delos rregnos sse acogieren a algunos inffantes o a rricos ommes o a caualleros o a otros ommes quales quier del rregno que non los deffiendan nin los anparen, nin los trayan conssigo ssin auer tregua con aquel o con aquellos con quien an la enemistad; e silos traxieren quel vayan affrontar dello los alcalles dela hermandat que ffueren dados para esto o el meryno o los otros offiçiales del Rey; et ssilo non quissieren ffazer que sseamos toda la hermandat contra aquel o aquellos quelos traxieren.
Otrossi ponemos que todos los que ffueren desta hermandat llamados por los tutores o por los merynos o por los offiçiales del Rey o por los alcalles dela hermandad o por qual quier dellos para yr a algunas cosas destas ssobredichas tan bien los ffijos dalgo commo los de las villas, que vayan ssaluos e sseguros de yda e de venida e de estada e que ninguno non ssea osado delos matar nin deles ffazer mal en los cuerpos nin en lo que leuaren por querella que vnos de otros ayan nin por enemistad nin por otra rrazon ninguna, e ssilo ffizieren que todos los dela hermandat o los que y acaesçieren quel maten por ello.
Otrossi ssi alguno o algunos delos caualleros e escuderos desta hermandat o delos delos conçeios que aqui a Burgos aestas cortes vinieron por procuradores, que otorgaron e juraron estas cosas por ssi e por los conçeios cuyos procuradores eran que eneste quaderno estan escriptos, et delas otras villas e delos lugares del Rey quelo vna vez otorgaron o otorgaren o de otros caualleros delas Ordenes o otros caualleros o conçeios que ssean del ssennorio de nuestro ssennor el Rey que enesto quissieren sser, quissieren venir contra esto que eneste quaderno dize o contra algo dello o quissieren ssalir dela hermandat, que ffinqu en prejuros e que cayan en la pena que dize el quaderno dela hermandad delos ffijos dalgo que ffue fecho en Valladolit, en que dize que el ffid algo que contra ello passare quel puedan dezir dos ffijos dalgo mal, e siles non vinieren a meter las manos a amos ayuntada miente que el Rey quel dé por aleuoso, et demas quel astraguemos quanto que ouiere.
Et alos delos conçeios o conçeio que esto ffizieren que ffinquen por prejuros, e quelos dela hermandat con los tutores o con los merynos o con los offiçiales del Rey o con los otros alcalles dela hermandat o con qual quier dellos quel astraguemos todo quantol ffallaremos, e esto quelo cunplan los tutores o qual quier delos otros offiçiales assi commo dicho es sopena delos offiçios.Otrossi acordaron todos los ffijos dalgo e los delas villas que ssobre la contienda que era entre ellos por rrazon delos entramientos quelos ffijos dalgo por dar a entender que quieren partir contienda e quieren lo que es aguisado e passar con ellos commo con hermanos que sse libre en esta manera: que tanbien los ffijos dalgo commo los delas villas desta hermandat e de ssus aldeas que sse parten agora de demandar estos entramientos fasta que el Rey sea de edat conplida; et lo que los caualleros e los ffijos dalgo entraron en lo delas villas desta hermandat e de sus aldeas o los delas villas e de sus aldeas en lo dellos del dia que el Rey don Fferrando finó aca, que este entramiento que se partan dende fasta que el Rey ssea de hedat e que ssea tornado aaquellos aquien ffue tomado. Et de oy adelante que ssilos delas villas desta hermandat o de ssus aldeas conpraren en las benffetrias o en los ssolariegos delos ffijosdalgo ssi non commo deuen, quelo pierda aquel quelo conprare. Et si los ffijos dalgo conpraren delo delas villas e delas aldeas desta hermandat ssi non commo deuen, quelo pierdan otrossi. Et lo que ffue entrado ante que el Rey don Ferrnando ffinase que pase por ffuero e por derecho.
Otrossi ordenaron que ffagan ssus ayuntamientos en esta guisa: quelos alcalles desta hermandat delas comarcas de Castiella e de Toledo e delas Estremaduras de Castiella que sse ayunten cada anno vna vez por el ssant Martin del mes de Nouiembre en Valladolit.
Los alcalles de Castiella que ffagan otro ayuntamiento cada anno en Burgos mediada la quaresma, e el meryno mayor que ssea y ssi quissiere o el que por el andudiere.
Et los de Toledo e delas Estremaduras que ffagan ssus ayuntamientos otrossi otra vez en Cuellar mediada la quaresma.
Et los del rregno de Leon e de Gallizia e delas Asturias que sse ayun-
ten cada anno vna vez por el ssant Martin de Nouiembre en Benauente e la otra mediada la quaresma en Leon.Estos ayuntamientos an affazer para saber las cosas e los ffechos commo pasan en las comarcas, e que trayan cada vno dellos lo que passare en ssu comarca para que pongan y aquel cobro que entendieren que cunple para ello.
Otrossi para saber quales entran en esta hermandat para quelos puedan ayudar en las cosas que acaesçieren.
Estos alcalles que vengan de cada meryndat e de cada obispado vn alcalle ffidalgo et otro delos delas villas e los otros que ffinquen en ssus logares; e los que non vinieren aestos lugares aestos plazos ssobre dichos que paguen la costa alos otros tres alcalles mas çercanos que ffueren delas comarcas donde el ffuere alcalle ssaluo ssi pusieren escusa derecha por ssi tal queles deua sseer cabida con derecho.
Otrossi ordenaron quelos alcalles desta hermandat que ffagan apregonar cada vnos en ssus comarcas de que y llegaren este ffecho, porque lo ssepan todos los ffijos dalgo delos rregnos e los delas villas, porque sseamos çiertos ssi algunos delos ffijos dalgo e delas villas que non son en esta hermandat quisieren y entrar por quelos podamos guardar commo a hermanos.
Otrossi acordaron que ssi algunos otros conçeios delas villas del Rey e los dela Reyna que an de ffincar despues de ssu vida della en el Rey, quissieren entrar enesta hermandat, quelos cojan enella los alcalldes dela meryndat o del obispado donde ffueren o qual quier dellos, e queles tomen la jura quelo guarden assi todo commo eneste quaderno se contiene, e los que y cogieren quelos trayan scriptos cada vno alos de ssus comarcas aestos ayuntamientos ssobredichos.
E los que vinieren aestos ayuntamientos que vengan ssaluos e sseguros de yda e de venyda e de estada, e que ninguno non ssea osado delos matar nin deles ffazer mal nin deles tomar ninguna cossa delo ssuyo por querella que dellos ayan nin por enemistad nin por otra rrazon ninguna; et silo ffizieren quelos desta hermandat que sse y acaes-
çieren quelos maten por ello con los offiçiales del Rey o con qual quier dellos que sse y acaesçiere.Otrossi que ssobre lo que acaesçiere ssobre estas cossas o ssobre quales quier dellas, quelos tutores que ffagan alos escriuanos publicos de todos los rregnos que den testimonios ssignados con ssus ssignos alos desta hermandat que gellos demandaren; e si gellos non quissieren dar que el quelo non fiziere quel tiren el offiçio por ello; et que en qual quier logar que desto diere testimonio ssignado con ssu ssigno que vala tan bien e tan conplida miente commo ssilo ffiziese en la villa o en el logar donde ffuere escriuano. E que assi ffagan por el treslado deste quaderno ssignado de escriuano publico commo por el quaderno mismo.
Et nos los ffijos dalgo ssobredichos que nos en estas cortes ayuntamos commo dicho es juramos a Dios e ala virgen ssanta Maria e ala Vera Cruz e alos ssantos Euangelios que tanniemos con nuestras manos corporal miente, e ffazemos pleyto e omenage de tener e guardar e conplir todas estas cosas que eneste quaderno desta hermandat se contienen e cada vna dellas para ssienpre, et de non venir contra ellas nin contra alguna dellas nin contra parte dellas en ningun tienpo por ninguna rrazon, e de ffazer todo nuestro poder de ffazer otorgar todas estas cossas ssobre dichas e cada vna dellas a todos los otros fijos dalgo delos rregnos del dicho ssennor que se aqui non açertaron. E rrogamos a estos caualleros que aqui seran dichos que jurasen e ffiziesen pleyto e omenage por ssi e por nos todos delo guardar e delo mantener assi en todo commo eneste quaderno dizen, los quales caualleros son estos:
Ruy Diaz de Ffinojosa. - Dia Gutierrez de Çauallos. - Sancho Sanchez de Velascor. - Diego Alffonsso de Rojas. - Fferrand Ladron su hermano. - Juhan Ssanchez de Velascor. - Pero Gonzalez de Ssandoual. - Garçia Laso dela Vega. - Ruy Gutierrez Quexada. - Sancho Fferrandez dela Vega. - Johan Gutierrez Quexada. - Nunno Perez de Roias. - Johan Rodriguez de Roias. - Ruy Diaz su hermano. - Johan Martinez de Leyua. - Diego Gomez de Ssandoual. - Ruy Perez de Villiegas. - Pero Royz su hermano. - Juhan Rodriguez de Villegas. - Ssancho Royz su hermano. - Gonçalo Royz de Toledo, amo del Rey. - Diego Garçia de Toledo. - Fferrand Gomez de Toledo. - Garçia Suarez de Toledo. - Alffonso Diaz de Toledo. - Pero Lopez de Toledo. - Diego Garçia de Soto mayor. - Ruy Paez. - Juan Fferrandez de Meyra. - Juan Aluarez Osoyro.
Aluar Nunnez su sobrino. - Ruy Perez de Soto. - Pero Gonzalez Daguero. - Rodrigo Aluarez dela Serna. - Aluar Velazquez de Herrera. - Yenego Ortiz delas Cueuas. - Juhan Martinez de Rogast. - Garçi Perez ssu hermano. - Aluar Garçia de Fermosiella. - Fferrand Garçia de Fermosilla, - Lope Garçia su hermano. - Ferrando Diaz Delgadiello. Ruy Ferrandez su hermano. - Juhan Gonzalez de Luçio. - Pero Ferrandez de Luçio. - Juhan Gonzalez Destrada. - Sancho Perez Destrada. Fferrand Gonzalez de Rojas. - Rui Fferrandez su hermano. - Fferran Sanchez de Velascor. - Juan Fferrandez de Padiella. - Garçi Perez, ayo. - Diego Gonzalez Daça. - Juhan Damaya. - Gutier Gonzalez Quexada. - Gil Ordonnez de Vallejera. - Fferran Royz Damaya. - Fferran Royz fijo de Rodrigo Yeneguez. - Ruy Mendez de Seuilla. - Fferran Gutierrez de Fenestrosa. - Garçi Sanchez de Bustamante. - Juhan Alffonsso de Carauaial. - Fferrand Ssanchez de Villerias. - Diego Garcia de Haçeues. - Fferrand Garçia su hermano. - Juhan Sanchez fijo de Fferran Ssanchez de Velascor. - Gonzalo Diaz, alcalle de Talauera. - Alffonso Ferrandez de Touar, por el maestre de Sant Yago. - Alffonso Munnoz de Castanneda. - Martin Sanchez de Velascor. - Ruy Gonzalez de Torquemada. - Garçi Garçies de Ferrera. - Garci Lopez de Torquemada. Gomez Carriello. - Ruy Diaz ssu hermano. - Nunno Ferrandez de Castriello. - Gomez Ferrandez ssu hermano. - Juhan Sanchez fijo de Sancho Sanchez de Roias. - Dia Sanchez ssu hermano. - Gonzalo Moriel de Roias. - Alffonso Moriel su hermano. - Aluar Diez de Medrano. - Alffonso Garcia de Torquemada, - Martin Alffonso fijo de Martin Alffonso de Roias. - Don Yuannes delos Rios. - Munno Royz ssu hermano. - Johan Martinez de Ffermosiella. - Lope Royz de Villegas. - Pero Royz Carriello. - Per Aluarez de Çepeda. - Pero Lopez de Çuneda. - Johan Ladron de Haçeues. - Nunno Carro de Rueda. - Alffonso Carro de Rueda. - Gonzalo Royz Giron. - Gomez Llorenço. - Juan Garçia Saa vedra. - Juhan Rodriguez de Corita. - Pero Royz de Torres. - Alffonso Carro do Runno. - Gonzalo Perez Cabeça de Vaca. - Gonçalo Bernaldo de Valdes. - Arias Perez de Quinnones.E nos los ffijos dalgo e caualleros e ommes buenos procuradores delas çibdades e villas que aqui estan escriptos juramos a Dios e ala virgen Santa Maria e ala Vera Cruz e alos santos Euangelios que tanniemos con nuestras manos corporal miente por nos e por los conçeios cu-
yos procuradores somos, que guardemos e tengamos todas estas cossas que eneste quaderno estan escriptas e cada vna dellas para ssienpre et que ffagamos todo nuestro poder por quelas otorguen elas guarden elas cunplan los conçeios cuyos procuradores nos ssomos, las quales ciudades e villas e procuradores dellas sson estos que sse ssiguen:De Burgos. Per Alffonso e Garçia Perez e Pero Garçia de Ffrias el mayor e Johan de Canbranes.
De Vitoria. Martyn Yuannes e Martin Juhan.
De Ssanto Domingo dela Calçada. Juhan Perez e Juhan Ssanchez.
De Treuenno. Ffurtun Perez e Yenego Perez.
De Ordunna. Lope Ochoa e Fferran Ssanchez.
De Ffrias. Juhan Perez e Garçia Lopez.
De Medina de Pumar. Juhan Gomez de Linares e Ruy Gomez.
De Onna. Ordon Sanchez e Gonzalo Garçia.
De Briones. Pero Garçia.
De Bilfforado. Domingo Pasqual e Ferran Perez.
De Salinas Dananna. Ruy Martinez.
De Arnedo. Martin Gil.
De Naiara. Juhan de Soria alcalle e Conrrate.
De Nauarrete. Martin Miguell.
De Portiella dibda e Berante villa. Sancho Perez e Martin Yuannez.
De Villalua de Lossa. Pero Martinez e Juhan Lopez escriuano.
De Salua tierra de Castiella. Juhan Martinez.
De Miranda de Castiella. Ruy Diaz.
De Valmaseda. Fferran Garcia.
De Ssant Ssauastian. Juhan Martinez Dyrraula.
De Guetarea. Juhan Perez escriuano.
De Penna çerrada. Gonzalo Ssanchez.
De Haro. Juhan Perez.
De Monrreal. Johan Yannez.
De Castro dordiales. Sancho Ssanchez e Diego Gonzalez de Ffrias.
De Logronno. Juhan Marquez e Bernal Perez.
De Laredo. Juhan Pelegrin.
De Calahorra. Miguel Gomez e Ssancho Perez.
De Abtal. Pascual Perez e Juhan Cano.
De Dauadiello. Martin Perez.
De Mondragon. Martin Yuannez de Rançolça e Martyn Royz de Talora.
De Palençia. Alffonso Diez e Gonzalo Diez.
De Castro Xeriz. Pero Guerra e Esteuan Perez.
De Oter de Siellas. Johan Gales e Johan Dominguez Gallego.
De Medina de Rio seco. Pero Gonzalez.
De Carrion. Fferran Gonzalez et Juhan Nunnez.
De Ssant Ffagunt. Velasco Perez e Rodrigo Alffonso.
De Ssanto Domingo de Ssilos. Diego Martin e Alffonso Ssanchez e Fferran Perez.
De Osma. Nunno Garçia de Contreras.
De Ssoria. Rodrigo Yuannez de Barrio nueuo e Nunno Ferrandez e Llorenço Perez e Rodrigo Morales. E del Comun. Diego Perez e Fferran Perez. E de los pueblos. Yuannez Gomez.
De Ssant Esteuan de Gormaz. Gil Perez.
De Caraçena. Domingo Rey.
De Sant Pero Danguas. Garçi Lopez e Martin Fferrandez.
De Maganna. Diego Martinez e Diego Gil.
De Vea. Benito Perez alcalle.
De Carnago. Matheo alcalle.
De Atienza. Juhan Alffonso, Martin Perez e Don Vela.
De Medinacelem. Gil Royz de Minno e Diego Martinez, e Yuannez Domingo delos pueblos.
De Plazençia. Fferran Perez de Monrroy e Gil Martinez e Martin Martinez.
De Trugiello. Gonzalo Garçia e Juhan Perez.
De Beiar. Domingo Juhan e Pasqual Sanchez.
De Ssogouia. Garçi Ssanchez e Ferran Perez e Gonçalo Diez. - De los pueblos. Miguel Ffechor e don Simon del Colmenar vieio.
De Cuellar. Johan Gustioz e don Fferrando.
De Sepuluega. Ruy Velasquez.
De Roa. Ferran Martinez e Mateo Perez.
De Coca. Vela Munnoz e Juhan Blasquez.
De Areualo. Fferrant Martinez e Juan Fferrandez.
De Olmedo. Ruy Gil e Garçia Munnoz.
De Auila. Garçi Gonzalez e Fferran Blasquez e Gonçalo Gomez e Nunno Gomez e Blasco Munnoz ffide Esteuan Domingo e Don Matheos e Ssancho Sanchez hermano de Nunno Gomez e Gonzalo Aluarez e Gomez Gil e Gonçalo Gonzalez Quexada e Johan Gomez Baylete e Fferran Ssanchez ffide Ssancho Crespo e Nunno Fferrandez ffijo de Vasco Ssanchez e Ximen Nunno fijo de Ffertun Garçia e Don Mateos ffijo de Munno Mateos e Pero Fferrandez de Vargas.
De Medina del Canpo. Fferran Royz e Juan Ssanchez e Ruy Gil e Ruy Perez.
De Talauera. Alffonso Fferrandez ffijo de Nunno Fferrandez.
De Madrit. Lope Ferrandez e Ruy Garçia.
De Buytrago. Ximen Perez e Martin Blasquez.
De Almoguera. Gil Gonzalez e Pero Pasqual.
De Alcazar. Garçia Ferrandez e Fferrand Nunnez.
De Ffita. Juan Gomez.
De Guadalffajara. Garçia Fferrandez ffide Munno Fferrandez e Simon Perez. - E por los pueblos. Sancho Perez
De Cuenca. Pero Royz de Muxant e Pero Perez de Barrio nueuo.
De Villa rreal. Munno Gomez e Martin Alffonso.
De Leon. Ffrançisco Nicolas e Juhan Rodriguez de Valençia.
De Çamora. Alffonso Garçia e Gil Gonzalez.
De Ssalamanca. Juan Alffonso Godino.
De Astorga. Aluar Perez e Juhan Despanna.
De Villalpando. Ffrançisco Rodriguez.
De Toro. Domingo Roman e Fferran Perez dela Camara e Pelay Perez e Alffonso Perez e Juhan Fferrandez.
De Benauente. Garçia Juhannes e Alffonso Ffelipes.
De Ledesma. Juhan Rodriguez e Pero Miguel.
De Mansiella. Aluar Perez.
De Mayorga. Domingo Çeron e Diego Perez e Domingo Corredor.
De Alua. Alffonso Martinez e Gomez Perez,
De Cáçeres. Ssancho Ssanchez e Ssancho Pasqual.
De Xerez Badajoz. Pero Dominguez e Llorençio Yuannez.
De Ciudat Rodrigo. Garçia Lopez e Alffonso Perez.
De Badajoz. Pero Gonzalez e Johan Garçia.
De Granada. Gil Gonzalez.
De Galisteo. Esteuan Sanchez.
De Mont mayor. Gonzalo Ssanchez e Juhan Andres.
De Salua terra çerca de Alua. Pero Martinez.
De Ouiedo. Juhan Fferrandez e Gonçalo Fferrandez.
De Abiles. Alfonsso Yuannez e Gonçalo Rodriguez.
Dela Puebla de Valdes. Ruy Pelaez.
Dela Puebla de Maliayo. Ruy Perez e Martin Gonzalez e Diego Juhanes.
De Orens. Fferan Arias e Martin Perez.
De Lugo. Ferrand Miguellez.
De Villanoua de Ssarria. Garçia Yannez e Alffonso Perez.
De Ribadauia. Llorençio Perez.
De la Puebla de sant Pedro de entramas aguas. Juhan Perez.
Dela Puebla de Grado. Pero Mejor e Ferran Corral.
De Milmanda. Rodrigo Armirez e Lorençio Yuannez.
De Prauia. Gonçalo Perez.
E porque esto ssea ffirme e estable para ssienpre todos los desta hermandat ssobredicha pedimos merçet a nuestro ssennor el Rey e alos dichos ssus tutores que nos lo jurasen e nos lo mandasen guardar e ssellar con sus ssellos de çera colgados, et rrogamos aestos escriuanos publicos que estauan pressentes quelo ssignassen con ssus ssignos en testimonio de verdat.
Et agora los caualleros ffijos dalgo e los fijos dalgo e caualleros, e los omes buenos procuradores delas çibdades e villas de todo el ssennorio del dicho ssennor [Rey] que sse ayuntaron en estas cortes, commo dicho es, pidieron nos merçet que nos que touiesemos por bien deles mandar guardar este quaderno desta hermandat segunt que se enel contiene, e de gello mandar dar quito de chançelleria e de tabla e ssin vistas.
E nos veyendo que era sseruiçio de Dios e del Rey e nuestro e pro e guarda e anparamiento de toda la ssu tierra, touiemos lo por bien e otorgamos lo e juramos a Dios e ala virgen ssancta Maria e ala Vera Cruz e alos ssantos Euangelios que tanniemos con nuestras manos corporalmiente delo guardar e delo mantener e delo conplir en todo segunt que enel dicho quaderno sse contiene, en quanto ffueremos tutores, e de non venir nin passar contro ello en ninguna manera, guardando toda via ssennorio e sseruiçio de nuestro ssennor el Rey; e porque esto ssea ffirme e estable mandamos ende dar este quaderno al conçeio de Pancorbo sseellado con el sseello de nuestro ssennor el Rey e con los nuestros de çera colgados. Et mandamos a Ferrand Perez escriuano publico dela çibdat de Burgos e a Ferrant Miguellez notario publico dela çibdat de Leon que ffueron pressentes aesto, quelo ssignasen con ssus ssignos, et Alfonso Perez escriuano del Rey quelo librase por
mandado del Rey e nuestro. Ffecho en Burgos, dos dias de Jullio Era de mill e trezientos e çinquanta e tres annos. Yo Alffonsso Perez lo ffiz escriuir por mandado del Rey e dela Reyna donna Maria su auuela e del inffante don Johan e del inffante don Pero sus tios e sus tutores.Yo Ferrand Perez escriuano sobredicho que fui presente aesto e por mandamiento delos dichos tutores e apedimiento delos caualleros fijos dalgo e delos fijos dalgo e caualleros e omes buenos procuradores delas çibdades e villas ssobre dichas ffiz en este quaderno mio signo en testimonio. - E yo Fernand Miguellez notario ssobredicho porque ffue presente aesto e por mandamiento delos dichos tutores e a pedimiento delos caualleros ffijos dalgo e delos ffijos dalgo e caualleros e ommes buenos procuradores delas cibdades e villas sobredichas ffiz en este quaderno mio signo que es tal en testimonio de uerdat.
En el nombre de Dios amen. Sepan quantos este quaderno vieren commo yo donna Maria por la gracia de Dios Reyna de Castiella e de Leon, e ssennora de Molina, et yo inffante don Johan ffijo del muy noble Rey don Alffonso e ssennor de Vizcaya, et yo inffante don Pero ffijo del muy noble Rey don Ssancho, tutores del Rey don Alffonso, nieto
de mi la Reyna donna Maria et ssobrino denos los dichos inffante don Johan et inffante don Pero e guardas de ssus rregnos; sseyendo en Burgos ayuntados para ffirmar el pleyto que era entre nos puesto en rrazon dela tutoria, acordamos de enbiar llamare por cartas del Rey e nuestras alos inffantes e perlados et rricos omes e inffançones e caualleros e omes buenos delas çibdades e delas villas delos rregnos de Castiella e de Toledo e de Leon e delas Estremaduras e de Gallizia e delas Asturias e del Andaluzia. Et sseyendo ayuntados connusco en la dicha çibdat de Burgos veyendo el mal e el danno que cada vnos dellos auian rreçebido por la discordia que entre nos era por el partimiento dela tutoria; et otrossi veyendo quant grant sseruiçio era de Dios e del Rey e pro e guarda e anparamiento dela su tierra en que nos todos tres ffuessemos de vn acuerdo e de vna voluntad para guardar ssennorio e sseruiçio del Rey, acordaron todos en concordia de nos tomar e rreçebir por tutores del ssobre dicho Rey don Alffonso e por guardas de sus rregnos, en tal manera que yo la dicha Reyna donna Maria que crie e tenga el dicho Rey ffasta que ssea de hedat, et que yo e el inffante don Pero non podamos ffazer justiçia de prender nin de matar nin de despechar nin en otra manera ninguna en las villas e en los logares que tomaron auos inffante don Johan primera miente por tutor, ssaluo ssila ffizieremos connusco. Et otrossi yo inffante don Johan que non pueda ffazer justiçia commo dicho es en ninguna delas villas e delos logares que auos la Reyna donna Maria e al inffante don Pero tomaron primera miente por tutores ssin uos amos o ssin el vno de uos, e todauia quando la ffizieremos en la manera que dicha es quela ffagamos con ffuero e con derecho. Pero ssi acaesçiere que algunos de nos los tutores sobredichos ouiere de ffinar ante que el Rey sea de hedat, quelos dos de nos que ffincaren que ffinquen por tutores e que ffagan la justiçia conplida miente en todos los rregnos en aquellos quela meresçieren. Et ssilos dos de nos ffinaremos ante que el Rey ssea de hedat, que el vno de nos que ffincare, ffinque por tutor e ffaga la justiçia en todos los rregnos conplida miente, assi commo la agora ffariemos todos tres con ffuero e con derecho ssegunt dicho es. Et ssi acaesçiesse que nos todos tres los tutores ouiessemos de ffinar lo que Dios non quiera ante que el Rey ffuesse de hedat, que entonçe todos los dela tierra ayuntada miente puedan tomar otro tutor con concordia aquel que entendieren que mas conplira para ello.Otrossi que nos que guardemos el ssennorio del Rey e todos sus derechos e todas las çibdades e villas e castiellos e aldeas e todas las otras cosas que ffincaron anuestro ssennor el Rey don Alffonsso por muerte del Rey don Ffernando ssu padre que Dios perdone, o otra cosa qual quier que el deua auer o heredar bien e conplida miente, e quelas non podamos tomar para nos nin dar nin enagenar a ningun omme uaron nin muger del rregno nin de ffuera del rregno, e delos que sson dados o enagenados o vendidos en alguno o en algunos en qual quier manera, que nos que punnemos en quanto pudiermos delos cobrar e delos tornar al rregno para el Rey, e des quelo cobraremos quelos non podamos dar nin enaienar nin tomar para nos en ninguna manera.
Otrossi que nos que guardemos atodos los dela tierra los ordenamientos e los almotaçenadgos et eminas e ssierras e pastos e cortas e labranzas e montadgos e deffessas e montes e todos los otros comunes alos quelo an de ffuero e de vso e de preuilleio.
Otrossi que nos los tutores que partamos las rrentas çiertas que el Rey á, e los pechos fforeros en tal manera que non echemos daqui adelante sseruiçio nin pecho desafforado en la tierra.
Otrossi que nos nin ninguno de nos que non demos nin acomendemos la justiçia a inffante nin a rrico omme quela pueda ffazer en los rregnos nin en las villas nin en los logares apartados, ssaluo los merynos mayores en Castiella e en Leon e en Gallizia et los adelantados en la ffontera e en el rregno de Murçia.
Otrossi quelos cogedores que ffueren daqui adelante delos pechos e delos derechos del Rey que ssean omes buenos delas villas e moradores en las villas e en los logares onde el Rey ouiere de auer los pechos e los derechos, ssegunt quelo ffueron en tienpo delos otros rreyes, e que ssean abonados e quantiosos pora dar cuenta delo que cogieren, porque ssi alguna malffetria ffizieren que ffagan dello emienda de sus bienes los offiçiales dela villa alos que dellos querella ouieren por esta rrazon, e que non ssean cogedores nin recabdadores cauallero ninguno, ssaluo en las villas dela Estremadura quelos cogan caualleros e omes buenos delas villas, e ni anden en las cogetas clerigos nin judios nin otros omes rreboltossos, e las cogetasque non ssean arrendadas; e ssi alguna cosa menguare delos mr. que ffueren puestos en los cogedores, que aquel o aquellos a quien ffueren puestos los dineros, que non puedan pendrar nin peyndren al conçeio nin aotro ninguno por esta rrazon; e ssi peyndra alguna ffizieren por esta rrazon, que nos o qual quier de nos o la justiçia del logar quelo escarmentemos commo a aquel que rroba la tierra del Rey. E los cogedores que non peyndren acada vno ssaluo por lo quel copiere apechar enel pecho ssegunt ffuere enpadronado. E la peyndra que ffizieren quela non lieuen ffuera del termino de aquel logar donde ffueren cogedores, mas quela vendan en la villa ante escriuano publico e por el pregonero enel conçeio publica miente et, ssi la leuaren de un logar a otro quier ssea villa o aldea quela ffagan tornar ala villa o al termino donde ffuere leuada. Et aquellos que desta guisa la leuaren que pechen el doblo dela peyndra a aquel o a aquellos cuya ffuere la peyndra, e los que alguna cosa cogieron o rrecadaron delos pechos o delos derechos del Rey ffasta aqui o cogieren o rrecabdaren daqui adelante, que den la cuenta en casa del Rey, e los que vinieren a dar la cuenta en casa del Rey que gela tomen del dia que y llegaren a veynte dias; e ssi gela non tomaren a este plazo que sse vayan para ssus
casas ssin calonna ninguna, e ssi gela depues demandaren quela den en aquellos logares do ffueren moradores. Otrossi los que arrendaren los pechos e los derechos del Rey que tomen la cuenta alos cogedores en la cabesça de obispado do ffueren moradores, e ssi de otra guiasa ffueren enplazados que non ssean tenidos de sseguir el enplazamiento nin cayan en pena por ello.Otrossi que inffante nin rrico omme nin otro ninguno que non tome conducho en las villas nin en los logares del Rey ni en ssus terminos ni en alguno dellos, e ssilo tomaren e lo non pagaren que nos que gelo fagamos pechar con el doblo, e ssi otra malffetria ffizieren que nos que gelo escarmentemos commo ffallaremos que es ffuero e derecho.
Otrossi quelos heredamientos e aldeas que ffueron tomados o enbargados a algunos conçeios o algunos omes delos conçeios o parte delos términos ssin rrazon e ssin derecho, queles ssean tornados a aquellos a qui ffueron tomados o enbargados.
Otrossi quela chançelleria del Rey que sea vna, e que el Rey e nos que pongamos chançelleres en los rregnos de Castiella e de Leon, quales quisieremos, en tal manera que pongamos offiçiales legos que ssiruan los offiçios dela chançelleria.
Otrossi quelas noterias delos rregnos quelas demos a quien touieremos por bien, en tal manera quelos offiçiales que ouieren de sseruir los offiçios en casa del Rey que ssean legos e non otros.
Otrossi que non ande en la tierra carta de creençia nin blanca del Rey nin nuestra nin demos aluala nos los tutores nin ninguno de nos con nuestros nonbres, nin carta nuestra para ffazer ninguna cosa en el rregno ssaluo de conplimiento delas del Rey. Et si alguno traxiere tal carta o tal aluala quelos conceios nin los offiçiales que non vsen dellos, ssaluo las cartas blancas del Rey que nos los tutores traxiermos commo ffue ordenado en Palaçiuelos.
Otrossi que quando ffuere el Rey o nos los tutores o alguno de nos en alguna villa que non tomemos vianda ninguna a menos quela non paguemos.
Otrossi quelos alcaçares e los castiellos delas villas de que non ffizieron omenaie, quelos ffiemos en caualleros e en omes buenos delas çibdades e delas villas donde ffueren los castiellos e los alcaçares, e quelos tengan cada vnos con sus tenençias, por que quando los tienen otros omes de ffuera que ffazen dellos muchos rrobos e muchos males de guisa que se desserue el Rey e se astragua la tierra.
Otrossi que qual quier conçeio delas villas del Rey o su vezino conpró o conprare daqui adelante casas o heredamientos de omes ffijos dalgo o de duennas, que non ssean dellos desapoderados por ninguna rrazon ffasta que sean oydos e librados por derecho.
Otrossi quelas escriuanias e las entergas e las taffurerias quelas ayan los conçeios en cada logar los quelas an de auer de ffuero e de vso o por priuilleio. E do el Rey o nos por el ouieremos a poner escriuanos o notarios que nos demos tantos para cada logar quantos entendieremos que conpliran; et los escriuanos o notarios que dieremos o pusieremos en cada logar que ssiruan el offiçio por ssi e non por otro escusador ninguno.
Otrossi alo que nos pidieron que ninguno non ffaga bodega nin alffoli dela sal de conpas nin la ssaque ffuera del rregno, et el quela ssacare o ffiziere bodega o alffoli della quelo pierda e demas que muera por ello. A esto rrespondemos que ssepan en verdat commo se vsó en tienpo delos otros rreyes que ffueron ffasta aqui e se vse assi daqui adelante.
Otrossi que ninguno non sea osado de ssacar fuera delos rregnos ninguna cosa delas vedadas segunt los ordenamientos del Rey don Alffonso e del Rey Don Sancho, las quales cosas son estas que aqui sseran
dichas; cauallos e rroçines, mulos, mulas, todas las otras bestias, vacas, carneros, puercos, oueias, cabras, cabrones, toda la otra carne biua e muerta, pan, legunbre, todas las otras viandas, cera, seda, coneio, moros, moras, oro, plata, todo billon de canbio, auer monedado. ssacado ende doblas dela ssenal del Rey don Alffonso, tornesses de plata, torneses prietos e los dineros coronados.Contra la ffrontera de Portogal, oro en pieça, plata en pieça, billon de canbio, çera, coneio, sseda, doblas de almir e marroquis, vacas, carneros, oueias, puercos, moros, moras; e los que ouieren a guardar las ssacas delas cosas vedadas quelas non guarden en las fferias nin en los mercados, mas que esten en cabo delos rregnos do sse vsaron aguardar tales cosas commo estas en tienpo del Rey don Alffonso e non en otro logar ninguno; et los quelo guardaren quelo guarden por cartas del Rey e non en otra manera ninguna. E demas todos aquellos que ssopieremos en verdat quelo ssacan ffuera del rregno, quier ssean caualleros o omes delas villas o otros omes quales quier, queles ffagamos escarmiento en los cuerpos e en lo que ouieren ssegunt el ordenamiento del Rey don Alffonso.
Otrossi que en casa de nuestro ssennor el Rey ssean puestos alcalles e escriuanos delos rregnos e que ssean omes buenos e fforeros e que teman a Dios e al Rey e a ssus almas e guarden acada vno ssu derecho, e que nen den cartas contra ffuero nin contra derecho, et esto quelo juren a nos, et quelos alcalles que libren los pleytos bien e derechamiente cada vnos los pleytos de sus comarcas, e que non tomen algo nin presente ninguno por rrazon delos pleitos que libraren. Et ssi ffuere ffallado commo deue quelo toman, quelos echen dela corte por ynffamios e periuros, e que non ssean mas alcalles nin escriuanos nin ayan nunca offiçio nin onrra en casa del Rey, et demas que pechen las quitaçiones que esse anno tomaren dobladas. Et porque estos alcalles e escriuanos mas conplida miente puedan sseruir los offiçios que ayan ssus soldadas e sus quitaçiones en la chançelleria.
Otrossi que ssean puestos merinos en aquellos logares dolos de-
uen auer, e que ssean omes buenos e naturales cada vno dela comarca donde ffuere merino, e que den buenos ffiadores porque emienden las malffetrias ssi las ffizieren, et aestos merinos queles demos buenos alcalles que anden con ellos, e quelos merinos non puedan matar nin prender nin despechar nin tomar a ninguno lo ssuyo, ssinon aquello que judgaren los alcalles del logar o los alcalles que andudieren con el merino por justiçia en aquellas cosas que por ssi deuen judgar; et las cosas que deuieren judgar con los juezes del ffuero commo dicho es quelas judguen con ellos e non en ssu cabo. Et lo que en cada vna destas maneras ffuere judgado quelos merinos quelo cunplan.Otrossi que uos demos alcalles e juezes por uuestros ffueros en las villas e en los logares dolos deuedes auer. Et que quando quisieredes auer juezes de ffuera parte o alcalles, que uos los demos quando los pidieredes todos o la mayor partida del conceio quelos pidieren, e que ssean de villa de ffuero e de ssennorio del Rey, e que ssea el alcalle o el juez del rregno onde ffuere la villa quelo pidiere, e ssilo demandaren los de Estremadura que gelo demos de Estremadura e non en otra manera ninguna.
Otrossi quelas assonadas que sse fazen en la tierra que sson muy dannosas en guisa quela mayor partida delos rregnos es astragada por ellas, que nos que pongamos y rrecabdo ssegunt que ffue ordenado por el Rey don Alffonso.
Otrossi quelas yantares que el Rey e nos auemos de auer que nos las den en esta manera, que quando el Rey allegare a alguna villa o logar do á de auer la yantar de ffuero quel den sseys çientos mrs. desta moneda que agora corre. Et quando y non viniere por ssu cuerpo quela yantar del Rey quela non den ael nin a ninguno de nos los tutores. Et quando nos los tutores o qual quier de nos llegaremos a alguna villa o logar do el Rey á de auer la yantar de ffuero, que den acada vno de nos quatro çientos mr. dela dicha moneda por nuestra yantar vna vez enel anno e non mas quando y vinieremos, e que nos las non den por cartas nin en otra manera ninguna ssi non quando las vinieremos tomar por nuestros cuerpos.
Otrosssi alo que nos pidieron quelos pleitos que acaesçieren entre los christianos e los judios e los moros en rrazon de muertes e de fferidas o en tomas o en otras cosas quales quier, quelas penas e las calonnas que y ouiere que sse libren por el ffuero de cada vno delos logares do acaesçiere, e que sse non libre por priuilleios nin por cartas quelos judios nin los moros tienen nin tengan daqui adelante, e que en todo pleito que ssobrestas cosas acaesçiesse que valiesse el testimonio de dos omes buenos christianos. Esto tenemos por bien delo ordenar que passe en esta manera, que en las villas e en los logares do an de ffuero que el que matare que muera por ello, que sse vse assi; et en los logares do non an de ffuero del matar por ello, que passe assi commo pasó en el tienpo del Rey don Alffonso, e quanto en las calonnas que acaesçieren entre ellos que sse libre por el ffuero delos logares do acaesçiere. Et quanto en los testimonios, que prueuen con christiano e con judio commo ssiempre sse vsó en los pleitos que entrellos acaesçieren e en los contractos delas debdas, ssaluo en los pleitos criminales que sse prueuen con christianos e non en otra manera.
Otrossi que daqui adelante judios nin moros non sse llamen nonbres de christianos e ssi sse lo llamaren que ffagan justiçia dellos commo de ereges. Otrossi quelas christianas que non biuan con judios nin con moros nin crien ssus ffijos, e las quelo ffizieren quelos juezes delas villas e delos logares do acaesçiere que ffagan escarmiento en ellas e en ssus cuerpos commo en aquellas que quebrantan ssu ley. Otrossi quelos moros que non trayan copete, mas que anden cabel partidos o çerçenados en derredor.
Otrossi nos pidieron que daqui adelante ningun judio non ffaga debda nin obligaçion en nonbre de christiano, e ssila ffiziere que non vala, e el christiano en cuyo nonbre ffuere ffecha quela non pueda demandar nin el debdor non ssea tenudo del responder a ella, nin los escriuanos publicos non ffagan tales cartas, e ssilas ffizieren que pierdan los offiçios por ello e que non ssean mas escriuanos publicos.
Otrossi alo que nos pidieron queles guardassemos los ordenamientos que el Rey don Alffonso e el Rey don Ssancho ffizieron en com-
mo an a passar con los judios en rrazon de ssus debdas ssegunt que aqui estan escriptos, tenemos por bien de gelos mandar guardar daqui adelante, los quales sson estos: el ordenamiento que ffizo el Rey don Alffonso en esta rrazon, dize assi.Primera miente mandó quelos dineros quelos judios diessen alos christianos que ganen tres mrs. vn mr. al anno et el pan que ganassen tres ffanegas vna al anno. Et ssi amenos plazo del anno o amas fuessen dados dineros o pan que desta guisa lograsse e non mas, e que el cabdal lograsse e non la ganançia. Et desque eguasse el logro con el cabdal ganado desta guisa que dicho es, que jamas non lograsse lo vno nin lo al. Et mandó que sse pagasse al plazo que deuia sser pagada la debda a treynta dias. Et que ssi el judio non lo demandasse que dende adelante que non lograsse. Et mandó que quando demandasse el judio ssu debda e non gela pudiesse pagar que el christiano alçasse carta que sse fiziesse en ella minçion quanto ffuera el cabdal que primero rreçibiera, et quanto era la ganançia que auia ganado ffasta aquel dia, porque ganasse el cabdal e non el logro que auia ganado. Et mandó que por quelos judios non ffiziessen enganno en dar los dineros o el pan amayor vsura de commo dicho es, quelos escriuanos publicos ante que ffuessen otorgadas las debdas que ellos mismos viessen contar los dineros e medir el pan, e lo vieessen dar e rreçebir o otra cosa qual quier quelos christianos tomassen delos judios o delos moros. Et que jurasse el judio o el moro que non gelo daua a mayor vsura de commo ssobredichoes, et el christiano quelo tomare assi. Et mandó quelas cartas que paresçiessen delos judios o de moros contra christianos e non dixiessen en ellas commo dicho es, que non valiessen nin diessen por ellas mas de quanto jurassen los christianos que rreçibieran con ssu logro commo ssobre dicho es. Et mandó que quando algunt judio non podiesse auer su debda del christiano, quelos alcalles del logar do acaesçiesse gelo entregassen en bienes del debdor en mueble o en rrayz ssilos ouiesse desenbargados, e ssi non quel entregasse en bienes del ffiador. Et la entrega quela vendie-
sse al ffuero del logar dol deuiesse la debda, e que ssi ffuesse ffecha la entrega en rrayz e non ffallasse quien la comprasse, quelo tomasse el judio e lo esquilmasse, et descontando ende la lauor quelo que rrendiesse mas quelo rreçibiesse en ssu debda, e quando ffuesse pagado de ssu debda que tornasse la rrayz a ssu duenno o a ssus herederos. Et mandó que ssi los alcalles del logar non lo ffiziessen entergar, que el Rey o el ssennor del logar do acaessçiessen lo mandassen entregar, et quelos alcalles quelo non quisiessen ffazer que pechasen el diezmo dela enterga al debdor o al ffiador del debdor, ssaluo ssi el debdor amparasse al omme del alcalle la peyndra.El ordenamiento que el Rey don Sancho que Dios perdone ffizo en esta rrazon dize assi. Otrossi alo que nos mostraron en commo los judios e los moros dauan a vsuras mas de atres por quatro al anno ssegunt dize el ordenamiento del Rey don Alffonso nuestro padre que nos despues conffirmamos, que en la carta que ffiziere el escriuano que ffaga mençion qual es el debdor e qual el fiador e de quales logares sson. Otrossi del anno adelante e del plazo a que deue sseer pagada la debda; et ssi el judio o el moro non demandare la debda ffasta treynta dias que dende adelante non logre, saluo ssi despues ffueren las cartas rrenouadas. - Otrossi las cartas de las debdas quelas demanden ffasta seys annos daqui adelante, e dende adelante queles non rrespondan por ellas, e el debdor que non rresponda por otro ninguno por la debda ssi non a aquel quela deuiere o al quela carta mostrare por el, e que sse ponga assi en la carta que el escriuano ffiziere, e que ningunt judio non ffaga carta de debda en nonbre de otro judio, e en todas las otras cosas que sse guarde el ordenamiento que ffizo el Rey don Alffonso nuestro padre en esta rrazon. - Otrossi alo que nos pidieron quelos alcalles delas villas librassen los pleitos que acaesçiessen entre los christianos e los judios e los moros e non otro apartado alcalle. Tenemos por bien quelos alcalles delos logares que libren los pleitos que acaesçieren entrellos. - Otrossi alo que nos mostraron quelos judios e los moros non ouiessen heredamientos delos christianos por compra nin por entrega nin en otra ma-
nera, que por esto sse astragaua muy grand pieça delos nuestros pechos e perdemos ende nuestro derecho. Tenemos por bien que los heredamientos que auian ffasta agora quelos vendan del dia que este ordenamiento es ffecho ffasta vn anno. Et quelos vendan a quien quisieren en tal manera que ssean tales compradores quelos puedan y auer con ffuero e con derecho, et daqui adelante quelo non puedan comprar nin auer ssaluo ende quando el heredamiento de ssu debdor ouiere auender sseyendo pregonado ssegunt ffuero, et ssinon ffallare quien lo conpre quelo tome en entrega de su debda por quanto aquellos omes buenos que dieren los alcalles del logar lo apreciaren que vala. Et dende ffasta vn anno que ssea tenudo delo vender; e ssi lo non vendiere ffasta estos plazos ssegunt dicho es, que ffinque el heredamiento para nos, ssaluo en los solariegos e en las bienfetrias e en abadengos, ssacando ende las casas quelos judios e los moros ouieren mester para ssus moradas. Otrossi alo que nos mostraron en rrazon delos pennos que enpennauan alos judios e alos moros por que sse ffazen muchas encubiertas e ffurtos e en otra manera porque los christianos pierden ssu derecho, et pidieron me merçed quelos judios e los moros ffuessen tenudos de dar maniffiestos aquellos pennos que enpennan. Tenemos por bien que sse guarde e sse ffaga assi en todo commo dize el ordenamiento que ffizo el Rey don Alffonso nuestro padre en esta rrazon que dize assi: Mandamos quelos judios puedan dar ssobre pennos ffasta ocho mr. ssin jura e ssin testigos a omes buenos o a muger buena que paresca ssin ssospecha, e ssi por auentura algunos destos pennos que ffueren echados ffasta ocho mr. ssin testigos despues ffueren demandados al judio por ffurto o por ffuerça e lo pudiere demostrar el demandador por derecho, que ssea tenudo el judio de mostrar quien gelos echó a pennos. Et ssi lo non dier por conosçido aquel que gelos enpennó e non lo connosçiere, jure en la ssinoga sobre la tora aquella jura que mandamos en el libro delas posturas quelo non connosçe nin lo ffaze por otro traspasso, et el que gelo empennó que tenia el que era omme bueno o muger buena. Et por quanto á ssobrellos el demandador ssea tenido de dar los dineros al judio ssi quissiere cobrar los pennos; et el judio non aya pena ninguna. - Otrossi mandamos que el judio que diere dineros ssobre pennos de ocho mr. aarriba quelos tome ante testigos e jure el judio en mano del escriuano aquella jura missma que mandamos jurar al ffazedor delas cartas, que non les tomó mas de a tres por quatro nin el judio quelos non da mas de tres por quatro, e si algunos destos pennos que el judio tomare de ocho mr. a arriba alguno gelos demandare por ffurto o por ffuerça dé otor maniffiesto quien gelos echó, et ssi el otor gelos negare e el judio non gelo pudiere prouar o dar el otor por maniffiesto derecha miente déle los pennos ssin dineros a aquel quelos ffiziere ssuyos, et el judio tornesse a aquel quel echo los pennos.Et quanto en las debdas que deuen los christianos alos judios del tienpo passado, tenemos por bien e mandamos quelas paguen los christianos alos judios ssegunt que aqui sera dicho. - Que de quanto se contiene en las cartas delas debdas quelos christianos deuen alos judios, que paguen dellas los christianos alos judios las dos partes e que ssea quito el terçio alos debdores quelas debdas deuieren e que non paguen otra vsura ninguna; et a esto que passe por todos, ssaluo en aquellos logares do ffue ffecha abenençia alguna en esta rrazon a plazer de amas las partes christianos e judios o do sse abinieren agora a ello. E lo quelos ebdores mostraren que pagaron delas cartas delas debdas que ffueron ffechas desque el Rey don Ffernando que Dios perdone ffino a aca, que les ssea rrecebido en cuenta mostrandolo con buen rrecabdo e con testimonio de christiano e de judio. Et en rrazon delos sseys annos a que non deuen sseer demandadas nin pagadas las debdas, tenemos por bien queles ssea guardado, ssaluo ssi los judios mostraren que ouieron enbargo alguno por queles non entregaron ssus debdas, que aquel tienpo del enbargo queles non ssea contado en el tienpo delos seys annos. Et mandamos que paguen los debdores las dos partes delas debdas que ffincan que an adar ssegunt dicho es en esta guisa: del dia que este ordenamiento paresçiere en cada logar ffasta vn mes el terçio, e el otro terçio por la nabidat primera que viene, e el otro terçio por la pasqua dela rre-
surrection primera que viene adelante; et los debdores que non paguaren a estos plazos mandamos quelos entreguadores o aquelos que an de ffazer las entreguas que tomen alos debdores quanto les ffallaren e entreguen alos judios ssin ningunt pleito e ssin ningunt alongamiento, ssaluo aquello que mostraren los debdores que pagaron delas debdas que ssacaron desdel dia que el Rey don Ffernando ffino a aca, mostrandolo con testimonio de christiano e de judio, o ssi quissieren dezir contra las cartas que sson ffalssas.Otrossi mandamos que ningunos delos debdores que sse non deffiendan de pagar por bulda nin por decretal del Papa nin por otra rrazon ninguna, ssi non que paguen ssegunt este ordenamiento.
Otrossi mandamos e tenemos por bien que daqui adelante judio ninguno non ssea osado de dar a vsura mas de arrazon de atres por quatro al anno ssegunt dizen los ordenamientos ssobredichos que el Rey don Alffonso e el Rey don Ssancho ffizieron en esta rrazon; et el quelo de otra guisa diere e le ffuere prouado o ssea sabido en buena verdat, que pierda por ello el cuerpo e lo que ouiere e que gelo tome el Rey.
Otrossi que en los logares dolos judios ssuelen auer entregadores, quelos ayan e que entreguen ssus debdas en esta manera, que el christiano que ffuere abonado en mueble quel entregador quel ponga los muebles en rrecabdo ffasta que el pleito ssea librado por el juyzio, et ssi non ouiere mueble quel entregador quel tieste la rrayz tanta ffasta quantia dela debda que deuiere e que gela non venda ffasta que el pleito sea librado por juyzio; et entretanto que el christiano quela non venda nin la malmeta nin ffaga ssobrello ningun enganno porque el judio pierda lo ssuyo; e la heredat quela labre el christiano entre tanto e el ffructo dello que sse ponga en rrecabdo.
Otrossi vos otorgamos e uos conffirmamos la hermandat que en estas cortes ffiziestes todos los ffijos dalgo e los delas çibdades e villas de todo el ssennorio de nuestro ssennor el Rey en la manera quela ffiziestes.
Otrossi porque dezides que rreçebides grandes dannos delos ganados que van e vienen delos estremos que ssalen dellas cannadas anti-
guas e entran por los pannes e por las vinnas, las quales cannadas sson la vna que dizen de Leon e la otra la Segouiana e la otra que dizen dela Mancha de Monte Aragon; et que ssi ffueren por otras cannadas ssi non por las que ffueron en tienpo del Rey don Alffonso, quelos montadguen ssegunt los ffueros delos logares.Otrossi porque dezides que rreçebides grandes agrauiamientos e males delos alcalles e entregadores delos pastores en muchas maneras ssin derecho, tenemos por bien que sse libre en esta manera: que en los pleitos que acaesçieren entre los pastores e los delas villas quelos libre el alcalle entregador delos pastores con vn alcalle dela villa o del logar do acaesçiere el pleito, e quelos libren amos en vno e non en otra manera, et las prueuas que ssobrellos ouieren de rreçebir que ssean de omes buenos delas villas e delos logares delas comarcas do acaesçiere el ffecho, que entendieren los alcalles que sson omes de quien pueden ssaber la verdad e non otros.
Otrossi que en casa del Rey ssean puestos atal alguazil que ssea couenible para el offiçio, e que non tomen almotaçenadgo de ninguna cosa ssaluo commo ffue tomado en tienpo del Rey Don Alffonso, ssaluo en las vestes porque ffallamos que tomaron ssiempre los alguaziles e es derecho.
Otrossi quelos adelantados nin merinos que andudieren en la tierra por el Rey quando acaesçieren en algunas villas del Rey do ouieren a entrar de derecho, que non prendan nin maten nin despechen aningunt omme dela villa a menos que ssea judgado por los alcalles dela villa con el querelloso. E do lo menguaren los alcalles del logar, que el merino o el adelantado con los alcalles del Rey que traxiere conssigo quelo cumplan con derecho.
Otrossi alo que dizen contra la ssentençia que fue dada contra los dela villa de Lugo, que ssean oydos commo de cabo, e que non husen dela ssentencia ffasta que ssean oydos e librados por ffuero e por derecho.
Otrossi nos pidieron que porque los adelantados e los merinos ffazen muy grandes moradas en las villas e en los logares, e algunos logares sson pequennos e non pueden ssoffrir la costa, e demas que toman viandas e non gelas pagan e estan tanto de morada en los logares ffasta que an de conffechar con ellos porque sse vayan dende, pidieron nos por merçet que daqui adelante que non more ningunt adelantado nin merino en ninguna villa nin en logar do ouiere de entrar de derecho mas de diez dias ssaluo ssi ffuere a conssintimiento de conçeio, e que non tomen vianda ninguna amenos quelo paguen ssaluo lo que an de tomar de derecho. E ssi de otra guisa lo tomaren quelo enbien mostrar anos los tutores o a qualquier de nos e que gelo ffagamos pagar e demas que pierda el offiçio por ello.
Otrossi quela ssal delas ssalinas de Rusio e de Poza quela non vendan los alamines nin otro ninguno amas del coto dentro delos moiones nin ençierren ssal dentro para lo vender amas del coto assi commo ssiempre ffue afforado; et quien lo passare que sse pare ala pena quelos rreyes mandaron, e la ssal delas ssalinas de Annana que ande por ssus terminos ssegunt ssus cartas e ssus preuilleios dizen.
Otrossi que el Rey nin nos nin ninguno de nos nin otro por nos non ffagamos nin mandemos ffazer pesquisa çerrada ssobre ningunos omes nin mugeres, e ssi alguna y a ffecha que non vala nin vsen della.
Otrossi porque en algunas villas e logares auian monteros que sson escusados delos pechos, e quelos toman los mas rricos et por esta rrazon que sse yerman las aldeas donde estos monteros moran, tenemos por bien que estos monteros que no ssean escusados por tal rrazon commo esta, nin los ssus escusados, nin los ayan daqui adelante.
Otrossi porque en algunas villas e logares an priuilleios e car-
tas de merçedes delos rreyes apartada miente de non pechar, los vnos porque sse escusan por monederos e depues que ffinan que sse escusan ssus mugeres e ssus ffijos, e los otros que sse escusan por ballesteros que los meten en la ballesteria los ssus mayores por dineros queles dan e despues que ffinan que sse escusan ssus mugeres e ssus ffijos otrossi, et estos atales que encubren otros pecheros, assi que por lo suio dellos e por los otros que ellos encubren que sse astragan los otros pecheros e sse yerma e sse astraga la tierra por ello. Esto tenemos por bien delo ordenar en esta manera, que aquellos que son monederos naturales de padre e de auelo e saben labrar moneda que gelo guardemos, et los otros que nunca labraron moneda e lo an por cartas e por priuilleios que gelo rreuocamos. Et quanto lo delos ballesteros nos cataremos con nuestro consseio en commo ffinquen atantos ballesteros en cada villa, porque el Rey sse ssirua dellos quando ffuere mester e la tierra non sse astrague.Otrossi que ningun inffante nin rrico omme nin rrica ffembra nin perlado nin inffançon nin inffançona nin cauallero nin escudero nin duenna nin donzella nin clerigo nin otro omme de rreligion non ayan daqui adelante nin tomen escusados ningunos, nin apaniguados ningunos de mayor quantia en ningunas delas villas nin delas aldeas nin de ssus terminos, ssi non por el ffuero o por priuilleio que an los caualleros de aquel logar dola jurisdiçion ffuere, e quelos tomen por mano de los officiales de aquel logar que ffizieren el padron.
Otrossi que ninguno non tome rronda nin castelleria nin assadura delos ganados que van e que vienen alos estremos, ssi non commo ffue vsado en tienpo del Rey don Alffonso e del Rey don Ssancho.
Otrossi quelos pecheros que dan por quantiosos alos escusados de los caualleros en mayores quantias de por quanto los deuen auer, et por esto que dizen que deuen pechar, esto queles non ssea rreçebido alos pecheros pues sson parte, ssaluo ssi los non abonaren en mayor quantia de quanto los deuen auer.
Otrossi que quando acaesçe que casan ynfançones e caualleros poderosos en algunas villas e los algos que ellos an e los omes quelos
ssiruen quieren los auer en aquella jurisdiçion donde ellos sson naturales, que daqui adelante quelos ayan a aquel ffuero e aquella jurisdiçion dela villa donde ffueren los algos e non en otra manera.Otrossi quelas villas e los logares que ffueron de don Alffonso ffijo del inffante don Ffernando et de don Sancho ffijo del inffante don Pero, que sson Beiar e Monte mayor e Miranda e Granada e Galisteo e Alua e Ssalua tierra e Ledesma con todos ssus terminos, que estas dichas villas que no ssean dadas arreynas nin ainffantes nin arricos omes nin ainffançones nin aordenes nin acaualleros nin alos dichos don Alffonso nin don Pero que sse llama ffijo de don Sancho nin aotro ninguno delos rregnos nin de ffuera delos rregnos, nin ssean metidos ajuizio, mas que ffinquen rreales ssegunt en tienpo del Rey don Ffernando que gano a Seuilla.
Otrossi conffirmamos al conçeio de Ledesma que ayan ssus aldeas que sson estas: Perenna, Villarino, Darios, la Cabesça de ffuera Montanos, aldea Dauila e Mieça.
Otrossi que ningunt inffante nin rrico omme nin cauallero nin otro ninguno non peyndre nin tome ninguna cosa a conçeio nin a otro ninguno por si nin por otre por ninguna querella que del aya, mas ssi querella ouiere de conçeio o de otro alguno quelo demande por ssu ffuero. Et ssi los alcalles non cunplieren de derecho ssobrello quelo enbien querellar a nos los tutores o a qual quier de nos, et nos quelo ffagamos emendar e poner escarmiento qual entendieremos que cunple con derecho.
Otrossi alo que nos pidieron que ningunt inffante nin rrico omme nin rrica fembra nin otros ningunos non puedan auer heredamientos en las villas nin en los terminos por cartas nin por otra rrazon ninguna, ssaluo ende los quelo ouieren por casamiento o los quelo tienen del tienpo del Rey don Alffonso a aca, e que dandoles los de aquel logar la quantia que costo o lo que ffuere apreciado por omes buenos, quelo dexen los quelo ouieren por casamiento. Et que non puedan y ffazer casa ffuerte e ssila ffizieren que gela derriben. A esto rrespondemos quelos conçeios que an priuilleios en esta rrazon que gelos guardaremos.
Otrossi que las casas ffuertes de que ffazen o ffizieren malffetria quelas mandemos derribar o quelas derriben los conçeios en cuya comarca estidieren con los merynos o con las justiçias delos logares que estudieren y por el Rey ssi pudieren e ssi quisieren, o ssinon quelas derribemos nos.
Otrossi mandamos que ningunos escriuanos publicos non ayan en las yglesias catedrales por cartas de merçedes que tengan, porque la jurisdiçion e el ssennorio del Rey sse pierde por ende, ssaluo en las eglesias quelos an del tienpo del Rey don Alffonso e del Rey don Sancho que Dios perdone, que tenemos por bien que estos vsen del offiçio delas notarias por ssi mismos e non por otros escusadores ningunos en las dichas yglesias en los pleitos que acaesçieren entre los clerigos e non entre otros, et qual quier o quales quier que contra esto passaren mandamos a los jueces e alos alcalles del logar do acaesçiere o a qualquier dellos que passen contra ellos commo contra aquellos que vsan del offiçio de escriuanos publicos e non lo sson.
Otrossi nos los tutores ssobre dichos apetiçion delos procuradores delas çibdades e delas villas de Castiella e de Leon e delas Estremaduras deffendemos atodos los perlados e vicarios de ssanta yglessia que non tomen la jurisdiçion del Rey en los pleitos nin en las otras cosas que acaesçieren ante ellos que non ssean de su jurisdiçion, et que ningunt lego non ssea osado de ffazer demanda nin pleito a otro lego ante los juezes dela eglesia ssobre pleito que ssea sso jurisdiçion del Rey, sso pena de cient mr. dela buena moneda acada vno; e aquel que contra esto passare quelos alcalles e los juezes del Rey dela villa o del logar do acaesçiere quel peyndren por esta pena, e que ayan para ssi la meytad e la otra meytad quela enterguen al demandado, et demas que no conssientan alos juezes dela eglesia que passen contra esto en ninguna manera, et ssi non ouieren de quelos pechar que yagan treynta dias en la prision.
Otrossi deffendemos sso la dicha pena delos cient mr. alos legos que non ffagan cartas de debdas nin de otros contractos ningunos que ouieren a ffazer entre ssi con los vicarios nin con los notarios dela egle-
sia por rrazon que estos vicarios o notarios non deuen ffazer ffe ssi non en la eglesia entre los clerigos.Otrossi tenemos por bien quelos heredamientos rrengalengos que sson tornados abadengos e delas Ordenes por compras o por donaçiones, que ssean tornados rrengalengos a aquellos que sson perteneçientes delo auer.
Otrossi que el conffirmamiento de estos quadernos que uos los demos quitos de chançeleria e de tabla con el libramiento del escriuano quelos ffizo e non con otra vista.
Otrossi uos otorgamos todos uuestros ffueros e ffranquezas e libertades e buenos vsos e costunbres e priuilleios e cartas que auedes del Emperador e del buen Rey don Alffonso que vencio la batalla de Vbeda, et del buen Rey don Alffonso que vençio la batalla de Merida e del buen Rey don Ffernando ssu ffijo que gano a Seuilla et delos otros rreyes que vinieron depues dellos e deste Rey don Alffonso et de rreynas e de inffantes e de inffantas e nuestros o de otros ssennores aquellos que ouieron las villas delos rreys por heredat, aquelos que uos mas cunplieren, e que nos nin ninguno de nos nin otro por nos nin por ninguno de nos non ffaga mal nin danno alos conçeios del ssennorio de nuestro ssennor el Rey nin a ninguno dellos nin a ningunt omme dellos, porque en el comienço de nuestra tutoria sse partieron a nos tomar por tutores. Et juramos e prometemos verdat a Dios e a la virgen ssanta Maria e ala Vera Cruz e alos ssanctos euangelios que tanxiemos con nuestras manos corporal mientre de uos lo guardar todo esto que sse aqui contiene e todas las cosas que dize en este quaderno e cada vna dellas, e de non venir contra ellas nin contra parte dellas en ningun tienpo por ninguna rrazon. E ssi alguno o algunos cartas desafforadas ganaron o ganaren daqui adelante del Rey o nuestras que contra los uuestros ffueros o contra las cosas que dichas sson e en este quaderno sse contienen o contra qual quier dellas o contra parte dellas ffueren, que non ffagades por ellas ninguna cosa, e ssi por tales cartas ffueredes enplazados algunos de uos, que non seades tenidos de sseguir el enplazamiento nin cayades en pena por ello, et qual quier delos offiçiales ante quien paresçie-
ren tales cartas quelas enbien a nos o a qual quier de nos a costa de aquel quelas mostrare, et uos mostrandonoslo, que nos que ffagamos escarmiento en aquellos quelas dieren et que mandemos desffazer lo que por tales cartas ffuere ffecho. Et ssi por auentura nos o qual quier de nos non lo ffizieremos e non ffizieremos escarmiento en aquellos quelas dieren sseyendo nos affrontado o mostrando nos lo del dia que nos lo mostraren ffasta ssessenta dias, et otra carta desaforada passare dalli en adelante en aquella rraçon, que el que esto non guardare assi e non lo cunpliere e las otras cosas ssobredichas que en este quaderno se contienen e cada vna dellas, que non ssea mas tutor nin lo coiades mas en las villas del Rey nin lo obedezcades eommo a tutor nin le rrecudades con los derechos del Rey nin ffagades ninguna cosa por ssu carta. Et que ffinquen en la tutoria los dos de nos quelo guardaren assi commo lo agora ssomos todos tres. Et ssi los dos de nos non lo guardassemos assi o lo menguassemos en alguna cosa sseyendo nos mostrado o affrontado commo dicho es, que nos non ayades mas por tutores commo dicho es, et que ffinque por tutor el que uos lo guardare. Et ssi todos tres non uos lo guardassemos commo dicho es, que iamas non sseamos tutores del Rey nin nos coiades en las villas nin nos rrecudades con las rrentas del Rey nin nos obedezcades commo a tutores, et que podades tomar otro tutor qual quisieredes que entendieredes que conplira mas para este ffecho, et que seades quitos del pleito e dela postura e del omenaie e dela jura que nos ffiziestes aquellos que nos la ffiziestes, ssaluo ssi nos los tutores o qual quier de nos a quien estas cossas ffueren affrontadas o mostradas commo dicho es, mostraremos escusa derecha porquel non pudiemos ffazer daquellas que el derecho pone, que el que la mostrare por ssi quel vala. Et porque esto ssea ffirme e estable mandamos ende dar este quaderno al conceio de la cibdat de Plazençia sseellado con el sseello del Rey e con los nuestros de çera colgados. Ffecho en Burgos, veinte e dos dias de Julio. Era de mill e trescientos e çinquenta e tres annos. Yo Alfonso Perez lo ffiz escriuir por mandado del Rey e delos dichosssus tutores.Sepan quantos esta carta vieren commo yo don Alffonso por la gracia de Dios Rey de Castiella de Toledo de Leon de Gallizia de Seuilla de Cordoua de Murcia de Jahen del Algarbe, e sennor de Molina, seyendo conmigo et con la Reyna donna Maria mi auela e con el inffante don Johan ssennor de Vizcaya e con el infante don Pedro mios tios e mios tutores enlas cortes que fiz en Burgos el infante don Philipe mio tio e don Rodrigo arzobispo de Santiago e don Gonzalo obispo de Burgos e don Symon obispo de Çiguença e don Gomez obispo de Palençia e don Pedro obispo de Salamanca e don Sancho obispo de Auila e don Alffonso obispo de Coria e don frey Symon obispo de Badaioz e don Johan obispo de Astorga e don Johan obispo de Lugo e don Garcia abbat de Onna e don Diego abbat de Sant Millan dela Cogolla e don Johan Nunnez mio mayordomo mayor e don frey Ferrant Rodriges Prior dela orden del Ospital de sant Johan e don Ferrant Roiz de Saldanna e don Garçi Ferrandes de Villamayor e Diego Gomes de Castanneda e Rodrig Aluares de Asturias e Pero Nunnes de Guzman, e otros ricos omes e inffanzones e caualleros e clerigos e omes bonos que a estas cortes vinieron, assi por personeros delas çibdades e delas villas e delos maestres dela caualleria e delos perlados e abbades de religion que a estas cortes non vinieron delos rregnos de Castiella e de Leon e delas Estremaduras e del regno de Toledo e dela Andaluçia, commo todos los otros que hy fueron, los dichos perlados por si e por los otros perlados que en estas cortes non mueron nin sus procuradores, e por los que enbiaron y sos
procuradores los abbades e los priores delos monesterios e delas yglesias que fueron en las dichas cortes, e por los que enbiaron y sos procuradores e por todas las yglesias e las Ordenes de todos los mios rregnos fizieron sus petiçiones ami e alos dichos mios tutores ssegunt que aqui dira. E porque los otros rreyes onde yo vengo touieron sienpre por bien de guardar la onrra delas yglesias delos rregnos e los sus derechos, e de fazer mucho bien e mucha merçed e mucha onrra alos perlados dellas, yo por fazer bien e merçed e onrra alos perlados e alos abbades e priores e alas yglesias e alas Ordenes delos mios rregnos, con consejo e con otorgamiento delos dichos mios tutores toue por bien de les responder alas petiçiones que me fizieron en esta guisa que aqui sera dicho, conuiene asaber.Primera miente alo que me pidieron que tenga por bien deles guardar e fazer guardar los priuilleios e las cartas e las libertades que an segunt queles fue jurado en Palaçuelos e en Valladolit por los dichos mios tutores, e ssennalada miente queles guarde todas las cosas que se recuentan en el preuilegio general del Rey don Ferrando, que Dios perdone, que es confirmado de mi. Otorgogelo e tengo por derecho queles sean guardados e mando queles valan e les sean guardados assi commo les mejor valieron e les mejor fueron guardados en tienpo delos otros rreyes onde yo vengo o en el mio fata aqui; pero si algunos y ouiere que contra ellos algo quieran dezir tengo por bien delos oyr sobre ello e guardar a cada vno so derecho.
Otrosi alo que me pidieron que si algunos ricos omes o caualleros o otros algunos tomaren o robaren algunas cosas delos bienes delos perlados o delos abbades o delos priores o delos monesterios o delos comendadores o delas Ordenes o delos clerigos o delos concejos o delos sus vasallos o delos sus terminos, o tomaren yantares en los sos logares, que luego aquerella de aquel que reçibiere el danno, si fuere manifiesta la malfetria, que sea luego entregada, e si manifiesta non fuere, que sea fecha pesquisa por los pesquiridores que ffueren dados para ello, et la pesquisa fecha que sea trayda ala mi casa e sea luego librada e dada mi carta para los delos logares do algo ouiere el que fiziere la malhetria porque ssea luego entregado el querelloso; e si bienes o uasallos non ouiere que dé mis cartas para aquel logar do touiere tierra de mi aquel en quien la pesquisa tanxiere, e que el merino e los
alcalles e los juezes e los otros oficiales dela tierra o delos logares do esto acaesçiere que se tornen a el e alos sos bienes fata que entreguen al querelloso. Tengo por bien e mando que esto quese faga e se cumpla assi commo dicho es ssegunt que melo ellos pidieron. E mando alos mios merinos e alos mios alcalles e alos jurados e alos juezes e alos otros mios officiales quelo cumplan e lo fagan assi, e los que assi non lo fiziesen alos cuerpos e alo que ouiessen me tornaria por ello.Otrossi alo que me pidieron que si algunos ricos omes o caualleros o escuderos o otros omes poderosos o los concejos ouieren querella delos perlados o delos abbades o delos priores delos monesterios o delos clerigos o de omes de Ordenes o de sus omes o de sus uasallos, quelos non peyndren nin tomen ninguna cosa delo suyo por su auctoridat, mas queles demanden por derecho aquellos queles quisieren demandar. Tengo por bien e mando queles non peyndre ninguno por su auctoridat a ellos nin a sus uasallos por demanda que ayan contra ellos fasta que sean demandados por derecho. E aquel o aquellos queles de otra guisa peyndraren mando que peche lo que pendrare doblado, e deste doblo que sea la meytad para mi e la otra meytad para el querelloso. E mando alos mios merinos e alos mios adelantados e alos alcalles e iuezes e jurados e alos otros officiales delas villas e dela tierra do esto acaesciere, quelo cumplan et lo fagan assi complir.
Otrosi alo que me pidieron quelos inffantes e rricos omes e infançones e caualleros e otros omes poderosos non fagan fortaleza en los logares nin en las heredades nin en los terminos delos perlados e delas yglesias e delas Ordenes e delos concejos e delas villas, e las que son fechas despues que el Rey don Sancho murio aca quelas faga luego derribar. Veyendo que me pidien en ello derecho tengolo por bien e otorgo gelo e mandolo assi fazer.
Otrosi alo que me pidieron que touiese por bien de mandar deffender que non posassen los caualleros en los ospitales que fueron fechos para los pobres e para los enfermos, ca quando y uinian posar echan los pobres fuera e mueren en las calles porque non han do entrar. Tengo por uien e manuo que por quanto esto es seruicio de Dios, que daqui
adelante non posen en los ospitales caualleros nin otros ningunos e que sea guardado que se non faga.Otrosi alo que me pidieron quelos mios tutores nin los ricos omes nin los caualleros nin los conçejos nin los otros omes non fagan posturas contra las eglesias nin contra los monesterios nin contra sus libertades, e si algunas han fechas quelas desfagan. A esto digo quelos dichos mios tutores quelas non farán nin tengo por bien quelas fagan, e por posturas que otros fagan siempre yo e los mios tutores guardaremos el derecho de santa eglesia.
Otrosi alo que me pidieron que se non fagan pesquisas sobre religiosos nin sobre los clerigos por legos, e si algunas pesquisas fueron fata aqui que non valan e que sean rotas e sacadas delos registros. Tengo por bien e mando que se fagan daqui adelante assi commo es derecho e non en otra manera.
Otrosi alo que me pidieron quelos perlados e abbades que estan despoiados de sus sennorios e de sus logares e de sus derechos e de sus bienes, e sennalada mient el obispo de Palençia e el obispod e Calahorra e el obispo de Badajoz e el obispo de Lugo e el monesterio desant Fagunt, que sean entregados e restituidos sin alongamiento. Tengolo por bien e por derecho e mandar lo he assi fazer.
Otrosi alo que me pidieron que en los sus logares que son priuilegiados en quelos mios merinos nin los mios officiales non deuen entrar nin merinear nin afazer entrega, que mandasse que non entrassen y contra los sus priuileios nin contra los sus buenos vsos que ouieron. Tengolo por bien e otorgo gelo, pero en tal manera quelas entergas delas debdas quelos cristianos deuen alos judios o deuieren quelas fagan los mios merinos o los mios officiales en aquellos logares do las suelen fazer e en los logares delos que son priuilegiados, e que non ouieron de vso nin de costunbre delas fazer y, nin official mio non deue y entrar. Mando que sea guardado quelas non fagan.
Otrosi sobrelo que me pidieron en razon delas mulas e delos vasos que demandauan e dauan los monesterios alos adelantados e alos merinos mayores de Castiella quando quier quelos fazian, porque vinian muy grandes dannos alos monesterios e alos sus vassallos, que mandase quelos non tomassen ni peyndrasen por ende, demas que el Rey don Fferrando mio padre que Dios perdone dio priuilegio quelo
non diesen. Tengo que por bien e mando que porque esto fezo el Rey mio padre en su uida por fazer bien e merçed e almosna alos monesterios queles sea guardado el priuileio que el Rey mio padre les dio sobre esto, e que non den nin les sea demandado ninguna cosa por esta razon fata que yo sea de edat. E desque yo fuere de hedat si Dios quisiere, yo mandaré commo se faga esto en aquella manera que touiere por bien e que mas mio seruiçio fuere.Otrosi alo que me pidieron que non consintiese quelos ricos omes e caualleros demandasen e tomasen yantares nin seruiçios en las yglesias nin en los monesterios nin en las sus casas nin en los sus uassallos assi commo lo demandauan, ca non lo auian de auer de fuero nin de derecho. A esto digo que piden bien e derecho, et que no consintre a ninguno quelo faga nin lo tome en ninguna manera. Et mando et defiendo que nin rico ome nin cauallero nin otro ninguno quelo non faga.
Otrosi alo que me pidieron que por razon delos mios pechos nin por otras debdas nin fiaduras quelos de un concejo de qualquier logar deuan o fagan, que non sean pendrados los del otro concejo de otra aldea por ellos maguer sean todos de un sennorio. Tengolo por bien e otorgo gelo e mando queles sea assi guardado daqui adelante.
Otrosi alo que me pidieron que defienda quelas eglesias e los monesterios e los abadengos que ouieren uasallos, que por demandas que ayan los fijos dalgo contra los sus vasallos que no sean peyndrados los bienes de sus eglesias e de sus monesterios nin de sus grangas, mas la peyndra que ouieren afazer quela fagan en sus vasallos contra quien la demanda ouieren asi commo fuere juzgado. Tengolo por bien e otorgo gelo et mando que ninguno non sea osado deles pasar contra ello.
Otrosi alo que me pidieron que porque los fijos dalgo e caualleros delas villas compran casas e heredamientos enlas aldeas que son delas eglesias cathedrales e delos perlados e delos monesterios, que por esta razon quesse les yerman los vassallos, e quelo que han comprado en lo suyo et enlo de sus vassallos quelo mandasse desfazer e entregar alas eglesias e alos perlados e alos monesterios e alos sus vassallos cuyo es e deue ser. Et otrosi que mandasse que alos perlados e alos abbades que han priuilegios delos reyes que ninguno non les pueda y comprar sin su uoluntad dellos, queles sea guardado assi commo los sus priuilegios dizen. Tengolo por bien e otorgo gelo e mando que se faga assi en tal ma-
nera quelas casas e los heredamientos quelos perlados e las eglesias e los abbades e los monesterios compraron otrosi en los mios regalengos, quelo entergen e lo non ayan, ssaluo aquellos que an priuilegios delos reyos ende yo vengo, queles fueron siempre otorgados e confirmados de vn Rey a otro queles valan, pero que sobre todo esto que sean oydos los unos e los otros.Otrosi sobrelo que me pedieron que touiesse por bien deles mandar dar mis cartas que de todas aquellas cosas quela hermandat delos fiios dalgo o los conçejos me demandaron en queles fiziese merçed que les yo otorgué por quadernos o por cartas, que si alguna cosa y ouiere que sea contra los priuilegios e libertades de santa eglesia e en danno delas eglesias e delos monesterios queles non enpeezca nin sea en su periuyzio. Tengo por bien e mando que si algunas cosas y ha que contra ello sean, que non passen contra ellos por ende nin sean desapoderados delo suyo a menos de ser oydos, ca yo tengo por bien delos oyr sobre ello e deles guardar su derecho en esta razon.
Onde mando e deffiendo firmemientre que ninguno nin ningunos non sean osados de yr ni deles pasar contra estas cosas que en esta carta dizen nin contra ninguna cosa dellas por las menguar ni por las quebrantar en ninguna manera, ca qual quier quelo fiziese o contra ello les passasse pecharme ya el coto mill mr. dela moneda nueua e alos dichos perlados e eglesias e abbades e monesterios e clerigos e Ordenes e a sus vassallos o a quien su boz touiese todo el danno que por ende recibiesen doblado, e demas alos cuerpos e alo que ouiessen me tornaria por ello. Et sobre esto mando atodos los mios merinos e adelantados mayores delos regnos de Castiella e de Leon e de Gallizia e alos merinos que andaren por ellos e atodos los alcalles jurados merinos juezes iusticias aguaziles e alos otros aportellados e los mios officiales delas villas e delos logares delos mios regnos o aqual quier o aquales quier dellos a quien fuere mostrado, quelo cumplan e lo fagan cumplir assi commo sobredicho es e en esta carta se contiene, e que non consientan que ninguno pase contra ello ni contra parte dello. E si alguno o algunos passaren contra esto que sobre dicho es e en esta carta se contiene o contra alguna cosa dello, que gelo non consientan e quel peyndren por la pena delos mill mr. sobredichos, e los guarden para fazer dellos lo que yo man-
dare, e que fagan fazer emienda alos querellosos que por ende querellaren o a quien su boz touiere de todo el danno que por ende recibieren doblado. E non fagan ende al por ninguna manera si non alos cuerpos e alo que ouiesen me tornaria por ello. E de commo los dichos officiales cumplieren esto que yo mando e en commo esto passare, mando aqual quier o aquales quier escriuanos publicos de qualquier villa o logar a quien fuere demandado que dé ende testimonio signado con so signo, porque yo e los dichos mios tutores lo sepamos, e non fagan ende al so pena del offiçio e delo que ouieren. Et porque esto sea firme e estable yo el sobredicho Rey don Alffonso mandé ende dar esta carta a don Garçia abbat e al conuento del monesterio de Onna seellada con mio seello de plomo colgado. Dada en Burgos, XVI dias de septiembre era de mil e ccc. e cinquenta e ui annos. Yo Gil Gonçalez la fiz escriuir por mandado del Rey e delos ssobredichos sus tutores en el quarto anno que el Rey ssobre dicho regnó. - Johan Bernald - Ferrand Ferrandez - Ferrand Viçeynt - Johan Martines - Gonzalo Peres - Bernal Yanes - Johan Guillem - Rodrigues.En el nonbre de Dios e dela virgen sancta Maria su madre, amen. Sepan quantos este quaderno vieren commo yo donna Maria por la gracia de Dios Reyna de Castiella e de Leon e ssennora de Molina, et yo el
inffante don Iohan, ffijo del muy noble Rey don Alffonso e sennor de Vizcaya, e tutores que ssomos con el inffante don Pedro, del muy noble Rey don Alffonso nuestro ssennor e guardas de sus rregnos estando en la villa de Carrion, e seyendo y ayuntados rricos ommes e caualleros e escuderos ffijos dalgo e caualleros e ommes buennos procuradores delas çibdades e delas uillas delos rregnos del dicho ssennor que sson enla hermandat mostraronnos vn quaderno de muchas cossas que ellos auyian fecho enlos ayuntamientos quela hermandat auyan ffecho en Cuellar e aqui en Carrion, que eran a grant seruiçio de Dios e del Rey e nuestro e a prod de toda la tierra. Et pidieron a mi la dicha Reyna donna Maria que yo por mi e por el inffante don Pedro mio fijo, e ami inffante don lohan por mi, que en nonbre del Rey et nuestro quelles otorgassemos todas las cossas que sse contienen en este quaderno, del qual quaderno el tenor del es este que sse ssigue.Primera mientre alo que nos pedieron que el cauallero que diemos por ayo anuestro ssennor el Rey, que ande con el de cada dia, et ssinon podier o non quisiere andar con el de cada dia, que nos que pongamos y otro cauallero que ssea para ello, que ande con el de cada dia et quelo guarde et lo castigue et lo acostunbre muy bien. Et otrossi que anden con el Rey caualleros delos ffijos dalgo e caualleros ffijos dalgo e ommes bonnos delos delas çibdades e delas uillas aquellos que entendiermos los tutores que cunpliran para ello, e que guarden al Rey de cada dia et que el cauallero ayo del Rey et los otros caualleros e ommes buenos, quelos pongamos y los tutores et que sean y connusco en ponerlos rricos ommes e caualleros e omes buenos delas cibdades e delas uillas aquellos quela hermandat diere para ello.
A esto rrespondemos que este cauallero que diemos por ayo del Rey que gelo diemos con conseio de don Johan Nunnes e de otros ommes buenos, por que entendiemos que es cauallero bueno e para ello, e quando este non lo seruiesse commo conpliesse por non querer o por non poder, nos cataremos otro tal que sea para ello con acuerdo de rricos ommes e de caualleros e ommes buenos que llamaremos para ello. Et yo la Reyna donna Maria digo mas, que quando la abenença ffue ffecha en Palaçiellos e me dieron la criança del Rey todos los dela tierra, que yo que dy arrahenes al inffante don Iohan por que el ffuesse mas siguro, e que ffue y puesto entonçe quelos caualleros e ommes buenos delas uillas que ouyessen a andar con el Rey, que yo quelos tomasse quales entendiesse
que eran para ello, e de quien yo ffiasse por que yo podiesse guardar lo que prometi et sobre que dy las arrahenes, ssinon que me ffagan quitar las arrahenes e que pongan y quales quissieren.A esta rrespuesta que dieron la Reyna e el inffante don Iohan ala hermandat plogoles desta respuesta et tienengelo en merçed.
Otrossy alo que nos pedieron que en ffecho dela chançellaria, que nos que touiessemos por bien de poner y meyor rrecabdo por que ssenon ffizieren tan desaguisada mientre commo sse ffeziera ffasta aqui. Et que enla chançelleria e en las notarias e en los sseellos e en los otros offiçios que pertenesçien ala chançelleria, que non y andudiesse clerigo que touiesse offiçio e que tirassemos ende los clerigos que agora y andauan, e aquellos aquien diessemos los offiçios que ssean legos e tales que ssean para ello e que sean dela hermandat, por que ssy en el offiçio algun yerro ffeziessen, que el Rey e nos que nos podamos tornar alos sus cuerpos e a todo lo que ouyeren, lo que non podemos ffazer alos perlados nin alos otros clerigos: e que en la chançelleria que non aya otra llaue ninguna ssaluo las llaues delos tutores e la del mayordomo. Et aquellos que estas llaues touieren, que non sseellen ninguna carta sin vistas ssigunt que ffuere ordenado; et ssila sseellaren ssinon commo dicho es, quelos maten por ello. Et ssi nos o qual quier denos non quissiesemos tirar los offiçios alos clerigos que agora andan enla chançelleria et en los offiçios della o conssientiessemos que y andudiessen daqui adelante, que perdiessemos la tutoria e que non ffuessemos mas tutores o tutor dende adelante.
Alo delos clerigos rrespondemos quelos seellos del Rey que sson suyos para darlos aquien la su merçed ffuere et todos los offiçios que pertenesçen alos seellos, e ssi algunos rreys dieron preuileios aarçobispos o aotros que esto quelo pudian ffaçer por ssu vida, mas despues de ssus dias de aquel que libres ffincaron los offiçios al otro Rey para darlos a quien el quissiese, e que assy lo vssaron sienpre los rreys. Et nos cataremos tales offiçiales que pongamos y por que el sseruiçio del Rey ssea guardado e ssean para ello, que ssy nos guardassemos aquellos priuilleios, que meteriamos los offiçios del Rey dela ssu chançelleria en firmedunbre e que ssy assy lo non guardassemos, que non ffariamos commo buenos tutores que non podemos nin deuemos tirar al Rey, que non dé los offiçios dela su chançelleria aquien el touiere por bien e a quien entendiere que ssera mas su seruiçio.
Otrossi alo que nos pedieron que possiesemos meyor rrecabdo enla chancelleria porque se non ffeziesse y tan desaguysada mientre commo sse ffizo fasta agora. Et otrossy que non ouyesse y mas destas quatro llaues que dichas sson.
A esto rrespondemos quelo diçen muy bien e quelo ffaremos assy.
Otrossy alo que rrespondieron los tutores en ffecho delos offiçios de casa del Rey, que pertenesçien ala chançelleria e alas notarias.
A esto dixo la hermandat que ellos que entienden que es seruiçio del Rey aquello queles piden en ffecho destos offiçios, pero por que sse non detouiessen aqui, que este ffecho que ffincasse agora ffasta que uiniesse el inffante don Pero, e al primer ayuntamiento que ffiziesse la hermandat quelo verian e lo acordarian con todos tres los tutores en aquella manera que ffuesse mas seruiçio de Dios e del Rey e prod della tierra.
Otrossy alo que nos pedieron que en casa de nuestro ssennor el Rey e en las nuestras casas de cada vnos de nos los tutores que anden y tales alcalles e escriuanos del Rey para librar los pleitos, que teman a Dios e al Rey e a nos, e la justiçia que ssea cunplida, e que delo del Rey queles diemos acada vnos delos alcalles e escriuanos sus ssoldadas bien conplida mientre por que siruan en casa del Rey e de cada vno de nos los offiçios commo deuen. Et otrosy que demos alos allcalles del Rey que andudieren con cada vnos delos merinos mayores sus soldadas e qual quier delos alcalles e escriuanos que ffuere ffallado en yerro, que nos los tutores e cada vno de nos aquien ffuere querellado o mostrado que gelo ffaga emiendar en aquello en que ouiere emienda e enlo que non ffuere de emienda que fagamos del justiçia segund que ffuer ffallado que es de ffuero e de derecho, et que nos que demos alcalles e escriuanos de casa del Rey, e los alcalles e escriuanos que ouyeren de andar connusco o con cada vno de nos o con los merynos mayores, que sean y connusco en darlos aquelos ommes buenos quela hermandat diere para ello commo de suso dicho es. Et quelos alcalles e escriuanos del Rey que ssean dela hermandat et que sean delos rregnos, et los alcalles de Castiella que libren los pleytos et las cartas de Castiella ssigund quelo an de ffuero, et los alcalles del rregno de Leon que libren los pleitos et las cartas del rregno de Leon ssigund quelo an de ffuero, et los alcalles dela
Estremadura que libren las cartas e los pleitos dela Estremadura ssigund sus ffueros de cada logar, e alos del rregno de Toledo que ayan alcalles del rregno de Toledo queles libren sus pleitos et sus cartas ssigunt sus ffueros e vsos assy commo lo ouyeron en tienpo delos otros rreys; que en esta misma manera libren las cartas los escriuanos del Rey, et qual quier o quales quier delos alcalles o delos escriuanos que contra esto passaren o de otra guysa lo fezieren, que pierdan luego los offiçios dela alcallia o dela escriuania, e quelos non ayan adelante en ningun tienpo e demas que pague delo ssuyo todo el danno quela parte contra que el alcalle o el escriuano el pleito olas cartas ola carta libraren con el doblo. Et quelos alcalles nin los escriuanos que non tomen por libramiento nin por vista nin por libros nin por rregistro ninguna cosa, e que non anden en casa del Rey nin enlas casas de cada vno de nos nin con los merinos otros alcalles nin escriuanos que libren e oyan los pleitos sinon aquellos que nos dieremos ssegunt que de ssuso dicho es. Et ssi alguno delos alcalles o delos escriuanos muriere o non quisiere seruir el offiçio, que nos los tutores que pongamos y otros en ssu logar dellos, e que tengamos por bien que ssean y quando los ffeziermos quatro alcalles delos dela hermandat, los dos delos ffijos dalgo e los otros dos delas çibdades e villas.A esto rrespondemos que nos quelos pornemos y agora tales alcalles e escriuanos commo nos pedieron con consseio de rricos ommes e de caualleros e ommes buenos dela hermandat que agora aqui son que llamaremos para ello, e que delo del Rey queles daremos tanto porque puedan passar muy bien, porque ssi yerro ffezieren en los offiçios que ffagamos en ellos aquel escarmiento que ffallaremos de derecho. Et si acaesçiere muerte destos alcalles e escriuanos nos que pornemos y otros, et quando los posiermos que llamaremos a ello caualleros e ommes buenos tanbien delos dela hermandat commo delos otros que andudieren en casa del Rey o en casa de cada vnos de nos los tutores. E quanto alo que nos dizen que nos quelos pongamos con los caualleros e omes buenos quela hermandat diesen para ello, touiemos que seria premia paral Rey e minguamento de su sennorio.
La hermandat dixieron que gelo tenian en merçet e queles plaçia.
Otrossy alo que nos pedieron que todos los rrobos e fuerças e tomas e males queles ffueron ffechos a todos los dela tierra o aqual quier dellos del dia que el Rey don Fernando que Dios perdone fino aca, que nos
que gelo emiendassemos assy commo gelo prometieramos en Palaçuelos ca bien sabiamos nos que el plaço a que ouiera a sseer ffecho e conplido que era pasado.Aesto respondemos que por las tomas que ffueron ffechas ante dela tutoria, quelos oyremos sobrello, e queles faremos ffazer conplimiento de derecho luego; e quanto enlo que ffuera ffecho por contienda delas tutorias, esto por que tannia en mi la Reyna donna Maria e en mi inffante don Iohan e enel inffante don Pero; e porque el inffante don Pero es en la ffrontera e quelo non podiamos librar sinon todos en uno, et desque en vno ffuermos quelo libraremos, e para esto tomamos plazo fasta el dia de nabidat primera que viene, e para lo emiendar e ffazerlo emiendar todo lo que ffue ffecho por rraçon dela tutoria, e despues quela tutoria fue vna que tomauan plaço desta pasqua de rresureçion primera que viene fasta vn anno.
Otrosy alo que nos pedieron quelos alcalles dela hermandat aquien ffuere querellado fuerça o toma o rrobo, que ssila ffuerça o la toma o el rrobo non fuer luego querellado al merino o alas justiçias o alos alguaziles o alos offiçiales del Rey enla tierra do esto acaesçiere, o non lo podiendo luego querellar, que seyendo despues o ante dada la querella alos alcalles o al alcalle dela hermandat dela merindat o dela comarca do esto acaesçiere, que estos alcalles o alcalle dela hermandat aquien ffuere dada tal querella, que sepa luego la verdat quien lo ffizo en aquel quelo ffizo si quissieren o en otras partes dolo mas conplidamientre lo pudieren saber, et la verdat sabida sy ffallaren que es fuerça o toma o rrobo asy commo el querelloso les diere en querella, que gelo fagan luego emiendar sigunt que se contiene en el quaderno dela hermandat que an los ffijos dalgo conlos delas çibdades e delas villas que ffue ffecho en Burgos. Et para esto conplir los alcalles o el alcalle dela hermandat por ante quien esto pasare commo dicho es, que llamen al merino o alas justiçias o alos offiçiales del Rey delas merindades o delas comarcas do esto acaesçiere, que cunplan e emienden al querellosso todo esto sigunt dicho es, conlas costas e dannos e menoscabos quelos alcalles o el alcalle dela hermandat e el querelloso rreçibieren, et de todas las calomnias que ayan los alcalles o el alcalle dela hermandat quelo conpliere la meyatad et el querelloso la otra meyatad.
A esto rrespondemos que nos plaçe, e quelo tenemos por bien e otorgamos gelo sigunt que nos lo piden.
Otrosy alo que nos pedieron que cauallero nin clerigo nin judio que non sean arrendadores de ninguna cossa delos pechos nin delos derechos del Rey, e quelos enplazamientos que por ellos ffueron fechos por cartas del Rey fasta aqui, e que aquellos que ffueron enplazados por esta rraçon que non fuesen alos enplazamientos nin cayessen en pena por ello, pues que caualleros e judios eran arrendadores.
A esto rrespondemos que nos plaçe et que gelo otorgamos sigunt que nos lo piden.
Otrosy alo que nos pedieron en rraçon dela ffonsadera que demandamos, de que todos los dela tierra se tienen por mucho agrauyados, lo vno porque ay muchos logares que son priuiligiados que non dan ffonsadera, e lo otro por que es des afuero e que non ouyeron de vsso de dar fonsadera, saluo ende quando el Rey fuese por su cuerpo en hueste o nos los tutores fuesemos en hueste con boz e con acuerdo de todos los dela tierra, que en aquellos logares dola non an dada fasta agora quela non den oganno, et esto que fuese por los que son enla hermandat, et que en los logares dola tomaron o la prendaron por fuerça que sea tornada a aquellos logares do desta guisa fue tomada. Et las cartas delos pleyteamientos que fueron fechas en algunos logares desta guisa que non valan, nin aquellos que ffeçieron tales cartas de debdo sobre sy que non den por ellas ninguna cosa. Et sy en algunos logares ffinco alguna cosa por coger dela fonsadera quela non cogan oganno, e que daqui adelante dola an de fuero dela dar, quela den seyendo les demandada sigunt deue.
Aesto rrespondemos quelos mr. que el Rey e nos tomamos desta fonsadera o otros por nos, que non seamos tenudos delos tornar, et lo que ffinca enla tierra por coger queles otorgamos queles ssea quito ssigunt que nos lo piden.
Otrosy alo que nos pedieron que en esto queles demandauan en fecho delas cuentas e delas pesquissas sigunt se contiene enel quaderno que antanno diemos a todos los dela tierra en Burgos, et estas cuentas e pesquisas quelas demandemos delas cortes de Madrit aca et non demas adelante, ca el Rey don Ferrando, que Dios perdone, feziera merçed en general atodos los dela tierra por seruiçio quel fezieron deles quitar todo lo al de ante, sigunt que pareçerá por las cartas e por los quadernos seellados con sus seellos, quelos de la tierra tienen en esta rraçon.
A esto rrespondemos que commo quier que en muchos logares non dieron seruiçio al Rey por lo de ante delas cortes de Madrit, e que con derecho les poderiamos demandar las cuentas, que pues lo ellos asy tienen por bien que nos plaze deles fazer merçet en ello e otorgamos gelo asy.
Otrosy alo que nos pedieron que si delas cortes de Madrit aca o de ante todos los dela tierra o alguno dellos tienen cartas de quitamento o de pagamento del dicho Rey don Ferrando o delos quelo rrecabdaron por el delos pechos e delos derechos o de otra cosa qual quier que rrecabdaron por el dicho Rey, e ouyeron de veer por el, queles vala sigunt se contiene enlas cartas o enlos quadernos o enlos alualas que touyeren de pagamiento en esta rraçon ellos olos cogedores.
A esto rrespondemos que nos plaçe e quelo tenemos por bien e que gelo otorgamos sigunt que nos lo pedien.
Otrosy alo que nos pedieron que todos aquellos que touieren cartas o carta o aluala o alualas del Rey don Ferrando, que Dios perdone, de quitamiento o de pagamiento de todas las cosas que cogeron e rreçibieron e rrecabdaron por el, queles vala fasta aquel dia quela carta o el aluala del Rey fue dado.
A esto rrespondemos que por lles fazer merçed que nos plaze e quelo tenemos por bien et que gelo otorgamos sigunt que nos lo piden.
Otrossy alo que nos pedieron que si el Rey don Ferrando aque Dios perdone, e este Rey don Alfonso nuestro sennor, dieron cogeta otra cosa alguna arrenta a dos omes o amas, quela cuenta quela den amos en vno e non el vno sin el otro; e si alguno delos cogedores o rrecabdadores fuere finado, quelos herederos del finado que den la cuenta con el biuo o con los biuos. Et si todos los cogedores o rrecabdadores fueren finados quelos herederos dellos que den la cuenta todos en vno, et si algund cogedor dio cuenta por sy e por sus conpanneros e tienen carta del Rey de quitamento, que vala a el e a ellos en manera que el nin ellos non sean tenidos de dar cuenta.
A esto rrespondemos que el cogedor que fincar que dé cuenta de quanto rrecabdó, e ssi algo ende negare et le fuere mostrado quelo leuo, quelo peche desta guisa, el cogedor o cogedores prinçipales quelo pechen con el doblo, olos sus herederos quelo pechen çenziello o que desanparen los bienes que del heredaron.
Otrosy alo que nos pedieron que si alguno o algunos tienen carta o cartas del Rey don Alfonso nuestro sennor o de nos los tutores o de alguno de nos delo que rrecabdaron delos pechos e delos derechos del Rey ante quela tutoria fuesse ayuntada en vno, que aquel o aquellos que tal carta o cartas touieren queles vala sigund que enellas se contienen.
A esto rrespondemos que nos plaçe e quelo tenemos por bien, et por les fazer merçet que gelo otorgamos ssigund que nos lo piden.
Otrosy alo que nos pedieron que aquellos que ffueron echados de las villas por la descordia que era entre nos los tutores, por que tenian los vnos con el vn tutor et los otros con el otro, et les fueron derribadas las casas e tomado lo que auyan et perdieron aly los padrones e las cartas del Rey e los otros escriptos por do auyan adar cuenta delo que cogeron o rrecabdaron por el Rey enla tierra, que dolo fallaren assy en verdat que estos tales que non dien cuenta, que bien veiemos quela non podian dar.
A esto rrespondemos que fallando lo assy en verdat que nos plaze.
Otrosy alo que nos pedieron que si al tienpo que el Rey don Ferrando que Dios perdone ffino, en algunas villas alguna cosa tomaron delos pechos e delos derechos del Rey para cosas que auyan mester para pro delas villas, quelo que desta guisa ffue tomado quelo non tornen, pues que fue tomado para seruiçio del Rey.
A esto rrespondemos que commo quier quellos non lo podian tomar e que el Rey gelo podia demandar, nos por les fazer merçed tenemos por bien de gelo non demandar.
Otrosy alo que nos pedieron que si algunos derramamientos fezieron los conceios entressy para pagar los cofechamientos alos que rrecabdauan las rrentas delas cuentas e delas pesquisas por el Rey don Fferrando que Dios perdone, o para otras cossas que auyan mester para pro de sus villas, quelo que desta guisa fue fecho que non dien ende cuenta los conçeios nin aquellos quelos pleyteamientos fezieron por ellos.
A esto rrespondemos quelo de ffasta aqui por les ffazer merçed que gelo quitamos, saluo do ouiere querellossos queles ffagamos derecho, e de aqui adelante que sea al Rey guardado su sennorio e alos dela tierra todo su derecho.
Otrossy alo que nos pedieron quelas cuentas que demandauan por el Rey, Iohan Garçia e el rrab don Mosse, que non fuesen arrendadas e quelas tomasen e las rrecabdasen omes buenos que ffuesen dela hermandat en fialdat, porque el Rey aya todo lo que ouier de auer e el derecho delos quelas cuentas ouieren adar ssea guardado. Et sy para esto mester fuere alcalle o alcalles quelos tomen delos delas çibdades
et villas dela hermandat, et sean tales que guarden el seruiçio del Rey e de cada vno de aquellos que ouyeren adar las cuentas, por que non ande y maliçia ninguna et pase todo por derecho, e la cuenta que sea demandada alos cogedores o arrendadores prinçipales quelo ouyeron de veer por el Rey, et non a otro delos quelo cogieron o rrecabdaron por los arrendadores o cogedores. Et otrossy quelo que leuaron Iohan Garçia e el rrab don Mosse delos dela tierra por rraçon delas cuentas quelo entreguen do acordarmos los tutores, et que sean y en ello aquellos omes buenos que ffueren dados para ello dela hermandat.A esto rrespondemos que nos plaze e quelo tenemos por bien, e por lles fazer merçed otorgamos gelo sigunt que nos lo piden.
Otrosy alo que nos pedieron quelos que dieron cuentas agora a Iohan Garçia e al rrab don Mose o alos quelo ouyeron de ueer o de rrecabdar por ellos e en qual quier manera e tienen carta o cartas dellos de quitamiento en esta rraçon queles vala.
Tenemoslo por bien e otorgamosgelo.
Otrosy alo que nos pedieron que pues les otorgaramos en el quaderno que antanno dieramos en Burgos en las cortes que assy los pechos foreros del Rey, commo otros derechos quales quier que diesen todos los dela tierra al Rey, quelos cogesen omes buenos delas çibdades et villas que ffuesen abonados, e que non ffuesen arrendados, que esto que pase assy e non en otra manera ninguna; et qual quier quelos arrendase que peche en pena seys mill mr., et esta pena que se parta desta guisa; el terçio que sea para los alcalles e para el alguazil, o para qual quier dellos ante quien esta querella ffuer dada, e el otro terçio que sea para aquel o aquellos quelo acusaren, e el otro terçio que ssea para el conçeio dela çibdat o dela villa do esto acaesçiere; ca por este arrendamiento que fagan sacar el algo dela tierra et non lo á el Rey nin nos los tutores quelo auemos de auer por el. Et el arrendamiento que desta guissa ffuer ffecho que non vala, et quelos cogedores que ssean en Castiella delas çibdades e villas de cada merindat, et en el rregno de Leon que ssean delas çibdades et villas sigunt que son las sacadas, et en las Estremaduras que sean los cogedores de cada villa, et en el rregno de Toledo esso missmo.
A esto rrespondemos que nos plaze et quelo tenemos por bien et por les ffazer merçed otorgamos gelo ssigunt que nos lo piden.
Otrosy alo que nos pedieron quelos marauidis que valieron los heredamientos que ffueron de don Tello, que el mandó vender para pagar las tomas que auya ffechas, que nos que mandassemos pagar las tomas aquien las auya fechas et partir el algo comunal mientre atodos los dela tierra sigunt que ffallassemos que ffueran ffechas las tomas.
A esto rrespondemos que nos plaze, et que ffaremos por ello lo que podieremos e deuieremos con derecho.
Otrossy alo que nos pedieron quelos diezmos del Rey quelos demandasen et los rrecabdasen en aquellos logares do ffue sienpre vssado de demandar e rrecabdar en tienpo del Rey don Alfonso et del Rey don Ssancho et del Rey don Fferrando, et non en otro logar.
A esto rrespondemos que nos plaze, e quelo tenemos por bien, saluo enlos diezmos que suelen tomar en Alborquerque quelo enbiaremos dizer [a] Alffonsso Sanches, et silo podiermos poner con el, que tomen en Alborquerque los diezmos para el Rey, et si non que acordaremos con ellos en qual logar los tomen por que el Rey non pierda ssu derecho.
Otrosy alo que nos pedieron quelos alcalles del Rey que ffueren puestos que anden en casa del Rey e en casa de cada vnos de nos los tutores, que non dien cartas que sean contra sus ffueros nin contra ssus priuileios et libertades et buenos vssos et costubres que an o contra parte dellos, nin contra los quadernos dela hermandat nin contra parte dellos, et el alcalle del Rey que tal carta diere que pierda el offiçio, que nunca sea mas offiçial del Rey. Et el offiçial dela villa aque fuere mostrado que non ssea tenudo delo conplir, et si el alcalle del Rey diere carta desaforada por que maten, o ligien alguno, e lo matasen o lo lisiasen por ella, que nos o qual quier denos aqui ffuere mostrado que maten aquel quela carta diere; et sila carta mandare que tomen algo alguno delo ssuyo et le ffuere tomado, que nos o qual quier de nos aquien fuere mostrado que fagamos al alcalle quela carta diere quelo peche con el doblo aaquel aque lo mandare tomar, et los offiçiales delas çibdades o delas villas o merinos o merino o otro omme qual quier que non ffuesse offiçial, maguer non ffuese delas villas aque la carta fuere, aque tales cartas ffueren mostradas silo conpliere o matare o lissiare aalguno por ella, quel maten ael por ello, et si tomare algo aalguno, quelo peche con el doblo, et que el alcalle o los alcalles que andudieren en casa del Rey o en casa de cada vno de nos los tutores que non ssea escusado
dela pena maguer digan que gelo nos mandamos o alguno de nos, et maguer nos o qual quier de nos digamos que gelo mandaramos. Et si nos o qual quier de nos esto non conpliermos en los offiçiales que andieren en casa del Rey o enlos offiçiales del Rey que cada vno de nos troxiere en su casa, seyendo afrontado, que pierda la tutoria, e el offiçial dela villa o otros quales quier que tal carta conpliere, quelos otros offiçiales dela villa o dela merindat o dela comarca aque ffuere mostrado que sean tenudos aconplir esto que sobredicho es enel quela carta conpliere e enlos sus bienes. Et si por non conplir las cartas des aforadas, enplazamientos o enplazamiento fueren fechos por tales cartas alos offiçiales o alguno o algunos dellos que son en la hermandat o seran daqui adelante, que non vengan alos enplaçamientos, et que el alguazil del Rey que non demande la pena, et ssi la demandare quel non vala et nos o qual quier de nos que non gela consientamos demandar.A esto rrespondemos que gelo otorgamos.
Otrosy alo que nos pedieron, que siel escriuano de camara diere algunas cartas de justiçia sin nuestro mandado o de qual quier de no quel matemos por ello.
A esto rrespondemos que gelo otorgamos.
Otrosy alo que nos pedieron que el alguazil del Rey, olos que andudieren por el en casa del Rey o en casa de cada vnos de nos los tutotores, que non tomen ninguna cossa por rrazon del almoteçenadgo del pescado nin delas otras cossas quelo solien tomar en ninguna villa nin en ningund logar, saluo enlas huestes ó estudieren en ellas, e esto quelo mandemos assi pregonar e guardar.
A esto rrespondemos que nos piden derecho e que gelo otorgamos.
Otrossy alo que nos pedieron en rrazon dela sentençia que dizian que yo inffante don Iohan diera contra los dela villa de Lugo por el obispo en rrazon delas llaues et ssenna dela villa en que el dicho conçeio diçie que estauan en tenença por el Rey, que yo inffante don Iohan que touiese por bien de tomar rricos omes et caualleros ffijos dalgo e caualleros e omes buenos delas çibdades et villas dela hermandat et que ouiesse conseio con ellos, et si ffallase en conseio que alguna cosa auya de meiorar quela mejorase con su conseio dellos, et entre tanto que mandase dar carta del Rey para los merinos, en que mandasse que non to-
masen nin peyndasen ninguna cosa al conçeio dela villa de Lugo por rrazon dela dicha sentençia ffasta quelo yo viesse con los rricos omes et caualleros et omes buenos et fuese librado sigund dicho es.A esto rrespondo yo inffante don Iohan que tengo por bien delo veer e delo acordar con omes buenos dela hermandat fforeros; et si fallara en conseio que yo e el inffante don Pero los agrauyamos en alguna cossa quelos desagrauariemos sigunt fallarmos por derecho.
Otrossy alo que nos pedieron en ffecho delas yantares de nuestro sennor el Rey que demandamos en dineros, que gelas non demandemos por que es contra ffuero e contra los quadernos que antanno dieramos atodos los dela tierra, e que esto sabiamos los tutores muy bien.
A esto rrespondemos que nos plaze et quelo tenemos por bien assy commo nos lo piden.
Otrossy alo que nos pedieron que por rraçon de muchos males e tuertos e desaffueros que auyan rreçibido los que eran dela hermandat delos merinos e delos otros offiçiales delas villas e delas comarcas de muertes e de casas derribadas e de tomas e de otros muchos tuertos contra ffuero e contra derecho e contra los ordenamyentos delos quadernos dela hermandat, que nos o qual quier de nos aquien ffuer querellado o mostrado, queles ffeziesemos ende auer emienda sigund que dize enel quaderno dela hermandat, et daqui adelante quelos non diesemos tales merinos e offiçiales mas que gelos diesemos sigund que sse contiene enel quaderno dela hermandat; et quelos offiçiales de ffuera delas çibdades o villas que eran puestos enlas çibdades e enlas villas contra ffueros o priuileios e libertades o buenos vssos e custunbres que auyen o contra los ordenamientos delos quadernos, que si nos todos tres los tutores o cada vno de nos los possieramos, quelos tirasemos ende. Et si nos todos tres o qual quier de nos quelos possiera non los tirasse, que perdiesse la tutoria, saluo ssi el conçeio ola mayor parte del lo pediera o en el consientiesse; et si fuere en Castiella que ssea de Castiella, et ssi enel rregno de Leon que ssea del rregno de Leon, et si ffuere en las Estremaduras que ssea delas Estremaduras.
A esto rrespondemos que aquellos que querellas ouieren dellos, quelas muestren; et si ffallarmos que tales sson las querellas por que deuen perder los offiçios que gelos tiraremos, o si ffezieron alguna cosa por que merescan pena enlos cuerpos que gela daremos.
Alo al que nos pedieron que non ouyessen juyzes e alcalles de
fuera sinon quando los pedieren todo el conçeio ola mayor partida dellos.A esto rrespondemos que nos plaçe.
Otrossy alo que nos pedieron en ffecho delas debdas quelos christianos deuen alos judios queles ssea guardada la merçed queles antanno ffezieramos el Rey e nos sigunt que se contiene enel quaderno queles diemos enlas Cortes de Burgos, et que ssean tanbien por las debdas delas cartas de que eran pasados los plazos quando el quaderno ffue ffecho, commo delos plaços que auyan de venir, et alo que ffuese fallado queles ffuera tomado o pendrado non les guardando la merçet, queles sea entregado.
A esto rrespondemos que nos plaçe et quelo tenemos por bien.
Otrossy alo que nos pedieron que desque el judio commençare ademandar la debda quel deuiere el christiano o el su fiador por cartas, que el judio que se non alçe del pleito fasta que sea librado por sentençia. Et si se alzare del pleito, que el tienpo que andudo en juyzo quel non sea descontado delos sseys annos ffasta quelos judios deuen ademandar las sus debdas ssigund que se contiene enlos ordenamientos del Rey don Alffonso et del Rey Don Sancho. Et otrosi por quelos judios niegan las cartas alos christianos quelos judios an ssobre ellos quando los christianos gelas demandan ante los offiçiales delas cibdades et villas et delas comarcas, diziendo los christianos quelos sseys annos aque el judio ouiera ademandar la su debda que sson pasados, et que ordenauan que si el judio aque ffuere demandada la carta la negar antel offiçial ante quien ffuer demandada o dixier quela non puede auer, que el offiçial que faga al judio que jure sobrela tora; et ssi el judio dixiere ssobre la jura que ffizo que non ha la carta o quela non puede auer, quel offiçial ante quien ffuer el pleito que dé sentençia por el christiano, que aunque paresca tal carta quel non enpesca al christiano nin le ssea mas demandada. Et el offiçial ante quien esto ffuer demandado, ssilo non quissier assy conplir commo dicho es, quelo pague delo ssuyo con el doblo al christiano.
A esto rrespondemos quelo otorgamos que sse guarde ssigunt que esta ordenado en el quaderno del ordenamiento que fue fecho en Burgos que ffabla en esta rrazon.
Otrossy alo que nos pedieron quelos dineros delas rretenenças delos castiellos del Rey, queles pussiessemos aaquellos que tienen los castiellos las rretenenças dellos con acuerdo de aquellos omes buenos quela hermandat diesse para ello en manera quelos ouiessen bien parados.
A esto rrespondemos quelo veeremos con omes buenos dela hermandat que tomaremos para ello commo los ayan bien parados.
Otrossy alo que nos pedieron queles diesemos alcalles ffijos dalgo que anden en la corte del Rey et que ouyan los ffijos dalgo ssigunt que se contiene en los quadernos delos ffijos dalgo, et esto que ssea en Castiella sigunt quelo an de ffuero, et en el rregno de Leon sigunt que lo an de ffuero los del rregno de Leon.
A esto respondemos que nos plaze.
Otrossy alo que nos pedieron que la ffortalleza que ffue ffecha en Val buena de Duero despues que el Rey don Sancho ffino aca que ssea luego derribada.
A esto rrespondemos que nos plaze. Et mandamos a Garcia Laso, merino mayor en Castiella, quela deribe luego.
Otrossy alo que nos pedieron que si el Rey o nos con acuerdo delos dela tierra enbiasemos por los dela tierra, que ffuesen connusco ala hueste, quela ffonsadera quela ouiesen los caualleros cada vnos en ssus villas, et que diesen tantos caualleros quanto montase la ffonsadera, et quela partiesen entre ssy et diesen acada cauallero tanto sigund que dieron en tienpo del Rey don Ssancho et del Rey don Ferrando su ffijo que Dios perdone, et si fincar quisiesen et ala hueste non ffuere, quelos caualleros et los escuderos et las duennas et donzellas et ssus apaniguados et escusados que ssean quitos dela ffonssadera.
A esto rrespondemos que por les fazer merçet que gelo otorgamos.
Otrossy alo que nos pedieron quelas çibdades et villas que de ffuero o de priuilleio o de vsso sson escusados de non dar fonsadera queles ssea guardado et queles non pasen contra ello.
Tenemoslo por bien et otorgamoslo.
Otrosy alo que nos pedieron que en rraçon dela sentençia que dizian que yo inffante don Iohan diera contra los dela villa de sant Fagund, que touiesse por bien delo querer veer con los rricos omes et con los caualleros et con omes buenos delas çibdades et uillas dela herman-
dat, los quela hermandat diesse para ello; et si ffallasen en conseio que alguna cosa auya de meiorar en la sentençia, quela meiorase, et entre tanto que mandase dar carta del Rey para los merinos en que mandase que non tomasen nin peyndasen ninguna cossa alos del conçeio de sant Ffagund por rraçon dela dicha ssentençia ffasta quelo yo viese conlos omes buenos sigund de susso dicho es.A esto rrespondo yo inffante don Iohan que tengo por bien delo acordar con omes buenos dela hermandat foreros et ssi fallaren quelos agraué en alguna cossa, quelos desagrauiaré sigunt fallare por derecho.
Otrossy alo que nos pedieron en rraçon delos pleitos que acaesçen ante los alcalles de que naçian apellaçiones para antel Rey, et los alcalles otorganles las apellaçiones et mandangelas dar, et ponen plaço alas partes quelos uayan siguir para ante nuestro ssennor el Rey, et las partes que apellan toman sus apelaciones, et las vnas partes van antel Rey et las otras paresçien ante nos en manera que sobre las dichas alçadas van unas cartas contra otras et todas del Rey, en guisa quelos juyzes ante quien paresçien non pueden y fazer nin conplir ninguna cossa; et por esta rraçon que uiene muy grant danno et menoscabo a todos los dela tierra, et que touiesemos por bien de librar este pleito en aquella manera que entendiesemos que sseria mas sseruiçio de Dios et del Rey et pro dela tiera.
A esto rrespondemos quelo acordaremos en aquella manera que ssea mas seruiçio del Rey et prod dela tierra.
Otrossy alo que nos pedieron quelos alcalles dela hermandat que fagan cada anno sus ayuntamientos en aquellos logares et aquellos plaços sigund se contiene enel quaderno dela hermandat, et esto quelo fagan meior quelo ffezieron fasta aqui, so la pena que es puesta enel dicho quaderno sobre esta rraçon sobre cada vno delos que non y llegaren.
A esto rrespondemos que nos plaçe et quelo otorgamos.
Otrossy alo que nos pedieron que qual quier delos alcalles dela hermandat que quissieren yr a otra parte, que dexen otro en ssu logar que sserua el offiçio dela alcallia assy commo el alcalle es tenudo delo seruir; et si por auentura aquel que el alcalle dexare en su logar alguna mingua enel offiçio dela alcallia feziere quelo peche con el doblo et
conel danno et menoscabo assi commo el alcalle es tenudo delo pechar, et si el alcalle non dexare otro por ssy enel alcallia sigunt dicho es, que peche quanto danno por su mingua veniere con el doblo.A esto rrespondemos que nos plaçe et quelo otorgamos.
Otrossy alo que nos pedieron que qual quier o quales quier a quela hermandat mandare que sean alcalles o alcalle dela hermandat o que vayan en mensaiaria o a otra cosa qual quier que ssea seruiçio dela hermandat, que aquel o aquellos a quelo mandaren que cunpla el mandamiento dela hermandat, et qual quier o quales quier quelo non conplieren que peche ala hermandat seys mill mr. dela moneda del Rey a diez dineros el mr. el quelo non conpliere, saluo ende si mostrare escusa derecha tal que entienda la hermandat que es escusa derecha et que es de rreçibir, et si aquel o aquellos quela hermandat enbiare alguna mensaieria mal o danno rreçibieren, quela hermandat que ffuere tenuda de gelo emendar.
A esto rrespondemos quelo tenemos por bien e otorgamoslo.
Otrossy alo que nos pedieron quelos caualleros fijos dalgo et caualleros et omes buenos delas çibdades et villas que fueron antanno dados enlas cortes de Burgos que andudiesen con el Rey et con nos los tutores, que ouyeron los dineros delas soldadas et non los seruieron, que tornen lo que leuaron desta guisa con el doblo; et esto que sea para aquellos que an aandar con el Rey et connusco, et los que siruieron et los enbiaron demandar et gelos non dieron, que aquellos logares onde los auian de auer que gelos dien con la costa que ffezieron o ffezieren para los coger et rrecabdar; et otrosy al que fueron puestos los dineros desta soldada que enbien por ellos alos logares onde gelos auyan adar et non gelos dieron, tales que gelos dien con las costas que y ffezieron et seruan por ellos este anno deste sant Martin primer que viene adelante.
A esto rrespondemos quelo otorgamos en lo de fasta aqui.
Otrossy alo que nos pedieron que en las villas et en las merindades do an aponer alcalles sigunt se contiene en el quaderno dela her-
mandat et non los possieron fasta aqui en cada logar que los pongan daqui adelant ocho dias ante de sant Martin primer que viene, et los pongan cada anno et los dien sus soldadas sigunt que es ordenado en el dicho quaderno, et los quelos non posierén daqui adelante en cada merindat et en las villas commo dicho es, que pechen en pena dos mill mr. dela moneda del Rey a diez dineros el mr. en cada logar quelo non posieren sigunt dicho es; et esta pena que sea para los alcalles dela hermandat delas comarcas los mas çercanos, et la pena pagada o non todauia quelos pongan.Aesto rrespondemos quelo otorgamos.
Otrosy alo que nos pedieron quelos alcalles dela hermandat que fagan pregonar cada vnos en ssus comarcas desque y llegaren este fecho sigunt que sse contiene en el quaderno dela hermandat, et este pregon quelo ffagan enlos logares do non ffuer pregonado ffasta aqui, et esto quelo cunplan et lo fagan fazer luego so la pena delos dos mill mr. a cada vno sigunt que se contiene en el capitolo sobredicho, et esta pena que sea para los alcalles dela hermandat los mas çercanos que esto ffezieren.
Otorgamoslo ssigund que nos lo piden.
Otrosi alo que nos pedieron que todos aquellos que alguna cossa cogieron o rrecabdaron dela tierra mas delos dos sseruiçios et delas tres ayudas que antanno prometieron todos los dela tierra en las cortes de Burgos al Rey e anos, e despues les ffue mostrado cartas del Rey o de nos en queles mandauamos que non cogesen nin rrecabdasen dela tierra mas delos dichos dos seruiços, et esto mismo delas cabeças que dizian que leuaran mas delo que se contiene en los priuileios que tienen delos rreys, et los que rrecabdaron demas delos dichos dos sseruiçios et delas tres ayudas et delas cabeças sobre este defendimiento como dicho es, quelo tornen todo lo que rreçibieron e rrecabdaron desta guisa con el doblo et con los dannos et menoscabos que por esta rraçon rreçibieron aaquellos de quien lo leuaron, et lo paguen desta guisa lo que ssacaron dela tierra con los dannos et menoscabos al quelo tomaron et el doblo que paguen ala hermandat, et desto que sepan verdat los alcalles dela hermandat delas villas et delas merindades do esto acaesçio, et quelo rrecabden los alcalles delas villas.
A esto rrespondemos que nos digan de quales logares lo leuaron et nos que ffaremos sobrello todo lo que ellos vieren que deuemos façer con derecho.
Otrosi alo que nos pedieron que silos alcalles dela hermandat o qual quier dellos enbiaren dizer o affrontar alos merinos o merino, o los llamaren acada vno delos otros offiçiales delas villas e delas comarcas conlos querellosos o sin ellos, para conplir aquello que el alcalle les dixiere que ha de conplir por la hermandat aguarda e aconplimiento delos quadernos dela hermandat que uos auemos otorgado el Rey e nos, et deste quaderno que nos agora otorgamos los tutores por nonbre del Rey et de nos que fue fecho en Cuellar e aqui en Carrion, que el merino o los offiçiales que vayan conel alcalle et quelo cunplan, et sinon lo fezieren o non lo conplieren aquel o aquellos por quien minguare, quelo peche con el doblo aquello que auya de conplir; et quelos alcalles o alcalle dela hermandat que puedan prendar por ello al merino e a sus ffiadores o a cada vno delos offiçiales quelo minguaren, et que el merino mayor que ayude alos alcalles afazer las prendas en los logares do non ha merino o non entran, que el conçeio do acaesçiere sea tenudo de ayudar alos alcalles aprendar alos offiçiales; et si los merinos mayores o los conçeios lo non quisieren assy conplir, que nos los tutores o qual quier de nos aque ffuer mostrado o querellado, que ffagamos aaquellos por quien ffincare quelo pechen con el doblo et con los dannos et menoscabos que por ende rreçibieren, et la meatad del doblo que ssea para aquellos alcalles dela hermandat quelo conplieren et la otra meatad para el querelloso. Et ssi nos los tutores o qual quier de nos aque ffuer mostrado lo non ffeziere asy conplir, que ayamos la pena que se contiene enel quaderno dela hermandat; et si delos merinos menores o delos sus fiadores non fallaren bienes muebles para entregar alos querellosos, quelos vendan las heredades los alcalles dela hermandat et entreguen alos querellosos. Et si los merinos mayores non tomaren fiadores abonados delos merinos menores quando les dieren las merindades, quelos merinos mayores que sean tenudos delo pechar delo suyo commo de ssuso dicho es; et si el querelloso diere ante la querella al merino o a qualquier delos offiçiales del Rey ante que alos alcalles dela hermandat, que el merino o el offiçial que vaya o enbie con el luego adesffazerlo con ffuero et con derecho. Et ssi luego non ffuese o non enbiasse a conplirlo ssigunt que manda el quaderno dela hermandat, que todo el mal e danno e menoscabo quelos querellosos o el querelloso por esta rraçon rreçibiere, quelo peche con el doblo sseyendo prouado que gelo afrontó et ffincó por su mengua. Et si el alcalle dela hermandat prendare al merino a tuerto que gelo pechen con el doblo.
A esto rrespondemos que por les fazer merçet que gelo otorgamos.
Otrossi alo que nos pedieron que mandasemos guardar meior las sacas delas cossas vedadas que sse guardaron ffasta aqui en manera que ssea puesto algunt escarmiento enlos quelas sacaron ffasta aqui commo non deuien, et daqui adelante que ssean guardadas commo ffueron en tienpo del Rey don Alffonso et del Rey don Ssancho que Dios perdone et sse contienen enlos quadernos que antanno dieramos a todos los dela tierra.
A esto rrespondemos que nos plaçe, et que si otra carrera pordieremos ffallar con los dela hermandat por que si meior guarde, quelo faremos.
Otrossi alo que nos pedieron que por que dize en el quarderno dela hermandat que antanno ffue ffecho en las cortes de Burgos, que si alguno tomare o prendare algo a qual quier o a quales quier delos desta hermandat et sseyendol affrontado quelo desfaga, et lo non quisier desfazer quelo peche con el doblo, et por rraçon que por tal llamamiento commo este se faz grant costa demas del doblo, pedieron nos que el que assy prendare o tomare algo como dicho es, quelo peche con el doblo ssigunt que se contiene en el dicho quaderno dela hermandat, et demas que peche la costa alos ffijos dalgo et alos delas villas que y ffueren, et sinon ouieren de quelo pechar, que pasen contra el commo manda el quaderno dela hermandat.
A esto rrespondemos quelo otorgamos ssigunt que nos lo piden.
Otrosy alo que nos pedieron que silos merinos o el merino tomaren o tomar alguna cossa aalgunos delos que sson en la hermandat o sseran daqui adelante sin juyzio delos alcalles o juyz del fuero, o delos alcalles del Rey que andudieren con los merinos mayores sin ffuero o sin derecho, o sin mandado de alguno delos alcalles dela hermandat, quelo peche con el doblo en esta manera: que el merino quelo tomare que sea afrontado en su casa, sil non fallaren por el alcalle dela hermandat que paresca para ante el alcalle o juyz dela comarca del ffuero fasta nueue dias; et si fuere judgado por el alcalle o del juyz del ffuero quel merino quelo tomó sin fuero et sin derecho quelo entregue con el doblo al quelo tomare ssigund dicho es. Et que el alcalle dela hermandat aya poder de prendar por ello al merino quelo ffeziere et assus fiadores. Et si el merino non quisiere paresçier al plaço delos nueue dias por ssi para conplir
luego de derecho ssobresta rraçon, quelo peche con el doblo asy commo ssi fuese judgado por el alcalle o por el juyz. Et ssi el alcalle o el juyz del ffuero ante quien el merino aparesçiere fallar que de derecho deue auer vozero ssobre tal ffecho que gelo dé, et sy fallar quelo non deue auer, que gelo non dé, et el merino que cunpla luego de derecho al querellosso sigund que el alcalle mandare sin otros plaços ningunos, et esto missmo ssea por los alguaziles do non ouier merino.A esto rrespondemos que por les fazer mercet que gelo otorgamos.
Otrossy alo que nos pedieron que si el Rey o nos posiermos cogedores para rrecabdar los derechos dela tierra o otros pechos algunos quando los dela tierra los dieren, quelos merinos que non prenden en ningund logar por rraçon delos pechos o seruiçios saluo seyendo llamados e affrontados por los cogedores que vayan con ellos asu aiuda a ffazer las preyndras, et los merinos non lieuen dela tierra los dineros que leuaron fasta aqui por achaque delas preyndas.
A esto rrespondemos que nos piden derecho e otorgamos gelo.
Otrosy alo que nos pedieron que si los alcalles dela hermandat que ffueron puestos en las merindades o en las comarcas o qual quier dellos non conplieren las cartas queles ffueren enbiadas dela hermandat, o por los alcalles o por el alcalle dela hermandat, o las querellas queles ffueren dadas delos rrobos et ffuerças et tomas que acaesçieren o delas otras cosas, sigunt el poder queles es dado por la hermandat et se contiene en los quadernos o en el quaderno dela hermandat en las comarcas onde ffueren alcalles o merinos o justiçias o offiçiales, et los que leuaren las cartas o los querellosos tomaren sobrellos testimonio de escriuano publico o de omes buenos, en commo non cunplen las cartas o les non ffazen conplimiento de derecho delas cosas queles ffueren querelladas, que con los testemonyos que touieren los querellosos que vayan alos dos alcalles dela hermandat mas çercanos, o a qual quier dellos, et los alcalles aque el querelloso lo mostrare, que llame al merino o al alguazil o alos offiçiales del Rey dela merindat o dela comarca donde acaesçiere, et queles muestren los testemonyos quelos querellosos lle leuaren en esta rraçon, et que estos dos alcalles o qual quier dellos e el merino o el alguazil o el offiçial del Rey que vayan y luego, e que entreguen alos querellosos de bienes delos alcalles o justiçias o offiçiales o del merino o de ssus ffiadores o de qualquier dellos por quien minguasse con el qua-
tro doblo, et la metad del quatro doblo que sea para los alcalles o el alcalle dela hermandat que esto conpliere, et la otra meyatad para el querellosso. Et silos alcalles sigundos dela hermandat o el merino o el offiçial aque esto ffuer mostrado o querellado non lo quissier asy conplir del dia quel mostrado ffuere a quinze dias, que dalli adelante quelo peche con el quatro doblo al querelloso aquello quel ffuer tomado; et esto quelo cunplan et lo fagan conplir los alcalles dela hermandat en el primero ayuntamiento que fezieren los alcalles dela hermandat delas comarcas donde esto acaesçiere; et que se cunpla todo esto assy commo cossa judgada; et quelos primeros alcalles et los sigundos dela hermandat e los merinos et los otros offiçiales o qual quier dellos por quien ffincar delo non conplir assy commo dicho es, que ffinquen perjuros, et que nunca mas sean alcalles en la hermandat nin merinos nin offiçiales del Rey, et demas quelo pechen commo dicho es. Otrosi los alcalles delas comarcas que sean alcalles por vn anno, et los alcalles que salieren delas alcallias que rreciban juramiento delos alcalles dela hermandat que entraren sigunt que se contiene en el quaderno dela hermandat.A esto rrespondemos que por les ffazer merçed que gelo otorgamos.
Otrosy alo que nos pedieron quelos alcalles dela hermandat que non conplieron las querellas queles ffueron dadas ffasta aqui, quelos alcalles que dieron la hermandat que oyessen las querellas aqui en este ayuntamiento de Carrion, que vean las querellas et las minguas que an fechas los alcalles en non conplir las cartas dela hermandad queles fueron mostradas nin las querellas queles ffueron dadas; et que aquellos alcalles que son aqui que gelo ffagan emiendar aqui ssigunt que se contiene en el quaderno dela hermandat, et contra los que non sson aqui que den cartas para los otros alcalles dela hermandat o para los merinos o offiçiales del Rey quelo cunplan sigunt que está ordenado.
A esto rrespondemos quelo otorgamos.
Otrosy alo quenos pedieron quelos alcalles dela hermandat vno delos ffijos dalgo et otro delos delas çibdades e villas con escriuanos publicos, que ffagan pregonar en cada vnas delas comarcas onde fueren alcalles este ffecho dela hermandat sigunt se contiene en los quadernos dela hermandat, et que fagan ayuntar todos los ffijos dalgo delas comarcas, et tomen dellos jura sobre la cruz et sobre los santos euangelios que tengan e guarden e cunplan todo lo que se contiene en los dichos quadernos e en cada vno dellos, e aquellos que ffezieren la jura commo
dicho es, quelos fagan escriuir por escriuano publico por que sean dados alos escriuanos dela hermandat quelos trayan alos ayuntamientos, por que puedan saber quales sson aquellos ffijos dalgo que sson en la hermandat porque los puedan guardar commo ahermanos. Et otrossy que sepan quales sson aquellos que non quieren sseer enla hermandat.A esto rrespondemos quelo otorgamos.
Otrossy alo que nos pedieron que sobre rraçon delos priuileios e cartas que ffueron dadas despues delas cortes de Burgos aca contra los ffueros et priuilleios et vssos et custubres que an los delas çibdades et villas que sson desta hermandat que non valan nin vssen dellos, et que nos que mandemos dar cartas del Rey en quelas rreuoca et mande que non ffagan por ellas ninguna cossa.
A esto rrespondemos que nos muestren quales son las cartas que assy ffueron dadas et que gelas ffaran desfazer commo ffallaren que es derecho con acuerdo de omes buenos dela hermandat que tomaren para ello.
Otrosy alo que nos pedieron que si los alcalles que an de judgar las arrahenes de cada vno de nos los tutores, que si qual quier de nos o todos tres fiziermos, o feziere, o lo mandarmos ffazer todos tres o qual quier de nos todas aquellas cosas o qual quier dellas que se contienen en las cartas que cada vno de nos dio ala hermandat en que obiligamos la tutoria, et las arrahenes non se ayuntaren a judgar las arrahenes de aquel tutor que el ffecho feziere, quelos otros dos tutores, o cada vno de nos, quelos matemos aquellos o aquel por quien fincare que sse non allegaren ajudgar esto como dicho es. Et todo quanto ouyeren mueble et rrayz que gelo tomemos et que sea todo para el Rey; et que ha ellos nin a sus herederos que nunca les ende sea tornado nin entregado ninguna cossa; et si todos tres los tutores lo ffeziesmos o lo mandasemos fazer, quelos alcalles que an a judgar las arrahenes de cada vno de nos se se non ayuntasen todos en vno a judgar sobrello, que todos los dela hermandat rricos omes e caualleros e conçeios aquellos que ffueren llamados para ello, que sean en matarlos conlas justiçias del Rey, o con qual quier dellos. Et silas justiçias del Rey non quissieren y seer, quelos dela hermandat que para esto ffueren llamados, que maten alos dichos alcalles que non quissieren judgar las arrahenes et queles tomen todas las heredades et quanto enel mundo lles ffallaren, et las heredades que
sean rregalegas para el Rey assy commo si ffuesse en cosa judgada commo aquellos que desheredan su Rey et su sennor et consienten en muerte o en lission de ssus hermanos o de ssu hermano, et quelos alcalles que an a judgar las arrahenes, que todos et cada vno dellos que tomen este juizo sobre ssi.A esto rrespondemos quelo otorgamos sobre las cosas que se contenieren en las cartas delas arrahenes.
Otrossy alo que nos pedieron quelo que dizen en el capitolo del quaderno dela hermandat que ffue ffecho en Burgos, en que dizen que los que venieren aestos ayuntamientos que vengan saluos et ssiguros de yda et de venida et de estada, que ninguno non ssea osado delos matar, nin deles ffazer mal, nin deles tomar ninguna cossa delo suyo por querella que dellos ayan nin por enamiztad nin por otra rraçon ninguna; et silo fezieren quelos desta hermandat que se y acaesçieren quelos maten por ello con los offiçiales del Rey o con qualquier dellos que se y acaesçieren; veyendo que por esta rraçon poderien acaesçier muchos yerros sin culpa delos quelo ffeziesen, que nos pedien declarando en este capitolo, quelos alcalles dela hermandat assi delos ffijos dalgo commo de los delas çibdades et delas villas et todos los personeros que ffueren dados para ir alos ayuntamientos que se fezieren por llamamiento dela hermandat o delos alcalles o alcalle dela hermandat delas merindades delas comarcas do acaesçiere, que ellos et los que ffueren conellos et todo lo ssuyo que consigo leuaren, que vayan saluos et siguros de yda et de estada et de tornada, en manera que si algunos destos sobredichos alcalles o personeros ouyesen enamigos, quelo ffagan saber alos alcalles o al alcalle dela hermandat dela merindat o dela comarca do moraren los sus enamigos en commo van alos ayuntamientos o ayuntamiento o llamamiento dela hermandat o delos alcalles o alcalle dela hermandat, et quelos alcalles o qual quier dellos aque esto ffuere mostrado quelo ffagan saber aquellos sus enamigos, por que estos tales sobre dichos alcalles o personeros o quales quier o qual quier dellos vayan siguros de yda et de estada et de tornada, sigunt que se contiene en el quaderno dela hermandat. Et si estos alcalles o el alcalle dela hermandat delas merindades o delas comarcas aque esto fuer mostrado non lo quisieren ffazer saber aquellos que son enamigos destos tales sobredichos alcalles o personeros como dicho es, que si acaesçiese muerte o lision o feridas o rrobo a estos tales alcalles o personeros o aqual quier o aquales quier dellos o alos sus omes que fueren con ellos o algunos o alguno dellos, que ayan aquella pena que auerien aquellos o aquel quelo feziese, et esta pena quela cunplan en
aquellos o en aquel que en ella cayeren los alcalles o el alcalle dela hermandat aque esto fuer querellado con el merino o con los justicias o con los offiçiales del Rey.A esto rrespondemos que porque es seruiçio del Rey que todos los dela tierra anden siguros. Tenemos lo por bien e otorgamos gelo.
Otrossy alo que nos pedieron que si para auentura alguna cosa acaesçiese en Castiella, por que se ouyesse afazer algunt ayuntamiento ante delos plaços delos ayuntamientos que se contienen en el quaderno dela hermandat, que aquellos que ouyeren mester que se faga el ayuntamiento quelo fagan saber alos dela çibdad de Burgos; et desquelos dela çibdad de Burgos lo sopieren, si entendieren que el ayuntamiento cunple et se non puede escusar, quelo fagan saber atodos los dela tierra aquellos que entendieren que cunpliran para ello, et que todos aquellos aquelo fezieren saber que sean tenudos de venir al ayuntamiento para aquel logar et aquel plaço que fueren llamados.
A esto rrespondemos quelo otorgamos.
Otrosy alo que nos pedieron que si para auentura alguna cosa acaesçiere en el rregno de Leon para que ayan de fazer algunt ayuntamiento ante delos plaços delos ayuntamientos que se contienen enel quaderno dela hermandat, que aquellos que ouyeren mester el ayuntamiento, quelo ffagan saber alos dela çibdat de Leon et desque los dela çibdat de Leon lo sopieren, si entendieren que el ayuntamiento que cunple, et se non puede escusar, quelo fagan saber atodos los dela tierra aquellos que entendieren que cunpliran para ello, et que todos aquellos aquelo ffezieren saber que ssean tenudos de venir al ayuntamiento para quel logar e aquel plaço do fueren llamados.
A esto rrespondemos quelo otorgamos.
Otrosy alo que nos pedieron que si alguna cosa acaesçiese en el rregno de Toledo por que ayan afazer algunt ayuntamiento ante delos plaços que se contienen en el quaderno dela hermandat, que aquellos que ouyeren mester el ayuntamiento quelo fagan saber alos dela çibdat de Toledo, et desque los de Toledo lo sopieren si entendieren que el ayuntamiento que cunple, et se non puede escusar quelo ffagan saber atodos los dela tierra aaquellos que entendieren que cunpliran para ello, et que todos aquellos aquelo ffezieren saber que sean tenudos de venir al ayuntamiento aquel logar e aquel plaço do ffueren llamados.
A este rrespondemos quelo otorgamos.
Otrosy alo que nos pedieron que si alguna cosa acaesçiese enlas Estremaduras por que ayan de fazer algunt ayuntamiento ante delos plaços que se contiene enel quaderno dela hermandat, que aquellos que ouyeren mester el ayuntamiento quelo fagan saber en la villa dela cabeça del obispado. Et des quelo sopieren los dela villa dela cabeça del obispado, si entendieren que el ayuntamiento cunple et se non puede escusar, quelo fagan saber atodos los dela tierra a aquellos que entendieren que cunpliran para ello, et que todos aquellos a quelo fezieren saber que sean tenudos de venir al ayuntamiento para aquel logar e aquel plaço do fueren llamados; et quales quier o qual quier dellos delos rricos omes e delos caualleros o escuderos que son en la hermandat et seran daqui adelante que fueren llamados para tal ayuntamiento commo este, et non venieren ael aquel logar et aquel plaço que les fuer puesto, que el rricomme que y non venier que peche seys mill mr. dela moneda del Rey a diez dineros el mr. et estos seys mill mr. que los ayan los otros rricos omes que y venieren, et el cauallero o el escudero que y non veniere commo dicho es que peche dos mill mr. alos otros caualleros et escuderos que y venieren, saluo ende si mostrasen por si escusa derecha por que non podieron y venir, tal que ssea de rreçibir.
A esto rrespondemos quelo otorgamos.
Otrosy alo que nos pedieron que qual quier delos conceios et de las çibdades o villas que son en esta hermandat et seran daqui adelante que ffueren llamados para tal ayuntamiento commo dicho es, que non enbiaren y sus personeros o mas gente si mas conpliere aquel logar et aquel plaço queles ffuere puesto, que pechen dos mill mr. dela dicha moneda, saluo ende ssi mostrare por ssy escusa derecha por que non podieron y enbiar tal que ssea de rreçibir; et si fueren del rregno de Castiella los que en esta pena cayeren, quela ayan los otros personeros delas çibdades et villas de Castiella que y venieren; et ssi ffueren del rregno de Leon los que en esta pena cayeren, que esta pena quela ayan los otros personeros delas çibdades et villas del rregno de Leon que y venieren; et si fueren del rregno de Toledo los que en esta pena destos dos mill mr. sobredichos cayeren, quela ayan los otros personeros del rregno de Toledo que y venieren; et si fueren de algunt obispado dela Estremadura algunos delos que cayeren enla dicha pena, quela ayan los otros del obispado que y venieren.
A esto rrespondemos quelo otorgamos.
Otrosi alo que pedieron anos los tutores que si nos todos tres o algunos o alguno de nos tomaren las tierras alos rricos omes o alos infançones o alos caualleros, asy las queles sson puestas fasta agora commo las queles posiermos daqui adelante sin mercimento o por los non seruir por cartas del Rey o por cartas de nos los tutores o de quales quier o qual quier de nos, que nos sea afrontado a todos o aquellos o aquel quela tierra assy tomaren, et si del dia quel ffuer affrontado fasta sesenta dias non lo emiendaren que pierda la tutoria, et los dela tierra que nos non ayan mas por tutores o por tutor, et al quela tierra tomarmos o la mandarmos tomar por la non seruir, pechando este que la tierra tomarmos los dineros doblados dela tierra que tienen, que aeste tal que sea tornada la tierra.
A esto rrespondemos quelo tenemos por bien et quelo otorgamos.
Otrosy alo que pedieron a nos los tutores que des que ffueren puestos los dineros alos rricos omes et alos inffançones et alos caualleros sigunt quelo ordenaren aqui en Carrion et ffueren partidos, que nos los tutores nin algunos nin alguno de nos que non tomemos nin mandemos tomar dellos ninguna cosa por cartas del Rey nin por las nuestras nin de qual quiere de nos, nin lo tomemos por nos mismos; et ssilo mandarmos tomar o dar a otra parte todos tres, o quales quier o qual quier de nos, o lo tomarmos por nos mismos, que sea affrontado a nos los tutores o quales quier o a qual quier de nos quelo mandarmos tomar o lo tomarmos; et si del dia que nos ffuer mostrado o affrontado fasta sesenta dias non lo emiendarmos que perdamos la tutoria, et quelos dela tierra que nos non ayades mas por tutores o por tutor.
A esto rrespondemos quelo tenemos por bien et quelo otorgamos.
Otrosy quelos rricos omes que non son enla hermandat aque yo la Reyna donna Maria et yo el inffante don Iohan et el inffante don Pero diermos agora tierra de nueuo, que dien arrahenes los quelas ouyeren con aquellas condiçiones quelas dieron los otros omes buenos quelas dieron que son en la hermandat, et los que non ouyeren arrahenes que ffagan siguramiento que non fagan mal enla tierra del Rey nin en lo dolos dela hermandat.
Otrosy otorgamos que aquellos omes buenos que yo la Reyna donna Maria et yo el inffante don Iohan et el inffante don Pero non pediemos arrahenes, que ssi ffezieren mal enla tierra del Rey et delos dela hermandat, que sseyendo nos affrontado o amostrado atodos tres o a quales quier o a qual quier de nos, que aquellos o aquel aquien ffuer mostrado o affrontado, quelo enbiemos affrontar aquel que ffezier la malffetria; et sila non quissiere emiendar del dia quel ffuere affrontado fasta treynta dias, que nos o quales quier o qual quier de nos a que ffuere affrontado o amostrado, que sseamos tenudos del tomar la tierra que touieren del Rey et la heredat que ouyere ffasta que entregue al querellosso del danno que ouyer rreçibido con el doblo, et prometemos de gela nunca tornar ffasta quelo aya emiendado por la heredat et por la que ouyer sigund dicho es; et si sobresto quessieren ffazer guerra que nos o qual quier de nos con uos los dela hermandat que nos paremos a ello, et si caualleros fijos dalgo ssus vasallos o otros o delas villas ssi pararen con ellos, que cayan en la pena que sse contiene en los quadernos de la hermandat. Et si nos o qual quier de nos non le quissiermos tomar la tierra et ffazer todo esto sigunt que dicho es, que aquel quelo non quissiere ffazer que pierda la tutoria, et los de la tierra que nos non ayades mas por tutores o por tutor.
Otrosy que la tierra que copiere a mi inffante don Iohan et al inffante don Pero delo del Rey, que cada vno de nos quelo partamos en los naturales del Rey et del rregno et non con otros de ffuera delos rregnos, et si assy non lo ffeziermos que perdamos la tutoria.
Otrossy quela tierra que copiere alos rricos omes, que nos todos tres los tutores que gela diemos con tal condiçion, que ellos quela partan con los naturales del Rey et del rregno, et ssi los rricos omes asi lo non fezieren, que nos queles tiremos la tierra.
Otrossy silos alcaydes et los alcalles et los offiçiales delas nuestras villas o qual quier dellos mataren o lissiaren sin ffuero et sin derecho, sil podiermos tomar, quel matemos por ello; et silo tomarmos et lo non matarmos que perdamos la tutoria; et ssilo non podiermos auer quel tomemos lo que ouyere, et que fagamos dello aquello que mandare el ffuero del logar do esto acaesçiere, et a el quel demos por encartado por
quel maten do quiera quel puedan auer, et si todo esto assy non ffeziermos que perdamos la tutoria.Otrosy alo que nos pedieron los rricos omes, et los caualleros, et todos los ffijos dalgo del sennorio de nuestro sennor el Rey que sson en la hermandat o sseran daqui adelante, que por esto que agora los otorgamos aqui nos los tutores por nonbre del Rey et de nos que non ffuesen pressos sin fuero, que non entendian rreuocar nin minguar, nin rreuocauan nin minguauan ninguna cosa de quanto auyan puesto et firmado con los caualleros et omes buenos personeros delos conçeios delas çibdades e villas et lugares et sus pueblos del sennorio de nuestro sennor el Rey don Alfonso, por sy et por rraçon et por nonbre delos conçeios delas çibdades et delas villas et logares cuyos personeros eran et por sus pueblos nin yr contra ello, mas ante lo otorgauan et lo auyian por ffirme sigunt se contiene en los quadernos o enel quaderno dela hermandat, et si alguno o algunos delos ffijos dalgo rrobasen o fforçasen o tomasen o matasen algunos o alguno delos delas çibdades et villas et de logares et de sus pueblos que sson enla hermandat et seran daqui adelante, que el ffijo dalgo que esto feziese que fuese preso porque sse cunpliese enel o enellos e en lo ssuyo lo que era puesto et se contiene en los quadernos dela hermandat et que nos pedian que gelo otorgasemos assy.
A esto rrespondemos quelo tenemos por bien et que gelo otorgamos sigund que nos lo piden.
Otrosy alo que nos pedieron los caualleros fijos dalgo et los omes buenos personeros delos conçeios delas çibdades et villas et logares et de sus pueblos que son en la hermandat et seran daqui adelante por si mismos, por rraçon et por nonbre delos conçeios delas çibdades et de las uillas et logares et de ssus pueblos cuyos personeros ellos eran, que por cosa que nos los tutores por nonbre del Rey et de nos otorgasemos que ffuese a guarda dellos, et delos conçeios delas çibdades et villas et logares et de sus pueblos onde eran personeros, que non entendien menguar, nin minguauan ninguna cosa de quanto auyan puesto et ffirmado conlos rricos omes et caualleros et todos los fijos dalgo que eran en la hermandat et serian daqui adelante, mas antes lo otorgauan et lo auyan por ffirme ssigunt que se contiene enlos quadernos o enel quaderno dela hermandat, nin yr contra ello, et el que contra ello pa-
sasse que se cunpliese en el et en lo suyo lo que era puesto et se contiene en los quadernos dela hermandat et nos pedieron que gelo otorgasemos assy.A esto rrespondemos quelo ternemos por bien et que gelo otorgamos sigunt que nos lo piden.
Otrossy otorgamos que todas estas cosas que vos los rricos omes et los caualleros et todos los ffijos dalgo del sennorio de nuestro sennor el Rey et los caualleros ffijos dalgo et los omes buenos personeros delos conçeios delas çibdades et villas et logares de ssus pueblos del sennorio del dicho sennor que sodes en la hermandat [que] feziestes en el ayuntamiento de Cuellar et aqui en Carrion, quelos ffeziestes et los ordenastes a seruiçio de Dios et del Rey et nuestro et a guarda de todos los dela tierra et a mantenimiento delos quadernos dela hermandat, et que non entendedes por esto minguar nin desfazer ninguna cosa delo que se en ellos contiene en todo, nin en parte dello en ninguna manera.
Otrosy otorgamos que por estos pleytos que agora fazemos nueua mientre con busco los dela hermandat et vos con nusco, non entendiemos nos et uos los dela hermandat rreuocar todas las cosas nin parte dellas que se contiene en los quadernos dela hermandat que auedes los fijos dalgo en vno apartada mientre, que ffue fecho en Valladolit con las emiendas de Torquemada et de Villa Velasco, nin el quaderno dela hermandat que auedes los fijos dalgo con los delas çibdades et villas et ellos an conuussco, nin el otro quaderno que auedes los delas uillas de merçedes que uos ffizo el Rey et uos otorgamos nos en su nonbre, los quales quadernos ffueron fechos en Burgos, nin deste quaderno que ffue fecho en Cuellar et en Carrion, mas ante otorgamos los dichos quadernos et lo que en ellos se contiene para agora et para todo tienpo.
Otrossy alo que nos pedieron todos los dela hermandat que estos quadernos quelos otorgamos en nonbre del Rey et de nos que gelos diemos quitos de chançelleria et de tabla, et los de Castiella que gelos diemos con libramiento de Fferrant Peres escriuano del Rey et dela çibdat de Burgos, et los del rregno de Leon con libramiento de Ferrant Miguelles escriuano del Rey, et notario publico dela çibdat de Leon, et para las Estremaduras et para el rregno de Toledo signados
con los signos delos dichos Ferrant Peres et Ferrant Miguelles et de Martin Iohan escriuano publico de Medina del Canpo que ffueron presentes a ello, et non con otra vista ninguna.A esto rrespondemos que nos plaçe et que gelo otorgamos sigund que nos lo piden.
Otrosy alo que nos pedieron merçed todos los dela hermandat, que nos los tutores por nonbre del Rey et de nos queles jurasemos este quaderno et gelo guardasemos et gelo mandasemos guardar en todo et gelo seellasemos con el sseello del Rey et con los nuestros sseellos de çera colgados.
Yo la sobredicha Reyna donna Maria por mi et por el inffante don Pero mio ffijo, e yo inffante don Iohan por mi et en nonbre del Rey et de nos, veyendo que todas estas cosas sobredichas que nos pide la hermandat, que son a muy grant seruiçio de Dios et del Rey et nuestro et pro et guarda et a mantenimiento de toda la tierra, otorgamosles este quaderno et todas las cosas et cada una dellas sigunt que se enel contiene et juramos a Dios, et ala virgen Sancta Maria, et ala Vera Cruz et alos sanctos Euangelios que tanniemos con nuestras manos corporal mientre delo guardar et delo mantener et delo conplir en todo e en parte sigunt que en el dicho quaderno se contiene et de non pasar contra ello nin contra parte dello en ninguna manera.
Et desto mandamos dar este quaderno al conceio dela uilla de Talauera sseellado con el sseello del Rey et con los nuestros sseellos de çera colgados. Ffecho este quaderno en Carrion, veynti et ocho dias de março, Era de mill et trezientos et çinquenta et çinco annos.
Et todas estas cosas sobredichas uos otorgamos con tal condiçion que sy uos los dela hermandat ffezierdes daqui adelante posturas o ordenamientos, mas de quanto se contiene en los quadernos dela hermandat, en que nos pongades premia por lo del Rey o por el offiçio dela tutoria et uos non quisierdes partir dello, quelas nuestras arrahenes que sean quitas, et los alcaydes quelas touieren que sean tenudos de nos las entregar luego sin condiçion ninguna. - Yo Martin Iohan escriuano sobredicho por mandado delos dichos sennores ffiz aqui mio signo atal. - Yo Fferrand Perez escriuano del Rey et de Burgos fui presente a esto et fiz aqui mio signo en testimonio. - Yo Ffernand Miguelles notario publico dela cibdat de Leon ffue presente aesto et ffiz aqui mio signo que es tal en testimonio.
En el nonbre de Dios e dela virgen Sancta Maria su madre. Sepan quantos este ordenamiento vieren commo yo inffante don Iohan ffijo del muy noble Rey don Alffonsso sennor de Vizcaya, et yo inffante don Pedro ffijo del muy noble Rey don Sancho, tutores que ssomos con la Reyna donna Maria del Rey don Alfonsso nuestro sobrino e guardas de ssus rregnos, estando en las cortes en Medina del Canpo, seyendo y ayuntados rricos omes e obispos e el Maestre de Santiago e caualleros fijos dalgo e perlados e caualleros e omes bonos procuradores delas çibdades e delas villas delas Estremaduras e del rregno de Toledo e del rregno de Leon, mostraron nos petiçiones que auien ffecho en el dicho logar que eran a sseruiçio de Dios e del Rey e nuestro e pro e guarda dela tierra ..... nos que en nonbre del Rey e de nos, quelles guardassemos [todas] aquellas cossas que sse contienen en este quaderno ..... el tenor del es este que se sigue.
Primera miente alo que acordaron que quando ffuessen llamados por mandado de nuestro sennor el Rey a cortes que ffuessen alli do el Rey estouiesse.
A esto rrespondemos que gelo otorgamos segunt que nos lo piden.
Otrossi alo que nos mostraron que en muchos de ssus logares acaesçie quelos pechos del Rey se meten de cada dia so juresdiçion dela eglesia e delas Ordenes e de otros sennorios por conpras o por donaçiones e passa el rrengalengo al abadengo, e por los heredamientos e por otras demandas que y naçen, sson çitados los omes de cada dia para ante los juezes dela eglesia; et por esta rrazon pierde el Rey su ssennorio e viene por ende muy grand danno alos sus vasallos, et que nos pidian merçed que esto quelo mandassemos tomar para esta yda dela ffrontera, e quelo non rretouiesse el Rey en ssi nin nos, nin lo podiessemos dar a
rrico ome nin a rrica fenbra nin a ynffançon nin a cauallero nin aotro ninguno ..... ffiziessemos uender alos conçejos donde fuere o a ..... veçino daquel logar que non sea ome poderoso. Et que ..... ninguno non lo podiesse uender nin ffazer delo donaçion, saluo si assu ffinamiento quissiessen algunos legar algo ala eglesia, et que quissiessemos guardar al Rey el ssu derecho e alas eglesias e alos perlados el suyo.A esto rrespondemos que en aquellos logares delas eglesias ó los perlados lo han por priuilleio delo auer quelles vala. Et los quelo tienen en otra manera commo non deuen quelo non ayan e que mandamos dar cartas para los perlados e quelo non ffagan assi daqui adelante. Et para las justiçias dela tierra que quando acaesçiere que tales ssentençias possieren commo non deuen, que non consientan tomarles ninguna cosa delo suyo por rrazon dela pena delos sesenta mr. Et que guardaremos el derecho del Rey e delas eglesias e delos perlados.
Otrosi alo que nos mostraron que sobresto e sobre otras cosas que an de yr algunos legos a juyçio ante los jueçes dela eglesia, e amonestan los e ponen sentençia sobre ellos e dizen que desque passan los treynta dias que estan en ssentençia, queles caen enpena de sesenta mr. cada ..... et esto quelo an por cartas delos rreyes en que mandan ..... que pendren por ello, e que nos pidian merçed que otorgassemos e touiessemos por bien, ca abonda al que esta en ..... ffagan offiçio de sancta eglesia.
Aesto rrespondemos que enbiaremos cartas del Rey las que mester ffueren sobre esta rrazon para las justiçias, que aquelos quelo ffiçieren maliçiosa miente que gelo non consientan.
Otrossi alo que nos pidieron que porque los judios ganaron e ganan cartas de nuestro ssennor el Rey en quelles entreguen ssus debdas, et esto que es contra el ordenamiento que ffue ffecho en Burgos et rreçiben por ende los christianos muy gran danno e que ffuesse la nuestra merçed que esto que non passasse assi.
A esto rrespondemos queles ssea guardado assi commo ffue ordenado en las cortes de Burgos e de Carrion e sse contiene enlos quadernos.
Otrossi alo que nos mostraron en rrazon delas cartas quelos judios an ssobre los christianos e non ffueron demandadas ffasta los seys annos, que ssi pareçieren ante los alcalles o ante los jueçes quelas mandassen rrasgar e ssacar delos rregistros e dar assus duenos; et ssi el judio dixiere ..... quelos alcalles o el juez de cada logar que cos ..... al christiano carta en commo le da por libre e por .....
.... et si el alcalle o el juez assi non lo ffiçieren que quanto danno e menoscabo rreçibiere la parte, que sea tenudo de gelo pechar, saluo si el judio mostrare enbargo por que non podiera demandar ssu carta segunt sse contiene en los quadernos de Burgos e de Carrion.A esto rrespondemos queles ssea guardado assi.
Otrossi nos mostraron que por quelos pecheros del Rey sse uan morar de vn logar a otros ssennorios, e non quieren pechar al Rey por los heredamientos que an en la tierra, e ssi les venden dela heredad por los pechos que an de pechar, que pendran alos conçejos onde eran moradores lo que fallan, e quelles viene por ende muy gran danno, e que ffuesse la nuestra merçed que non quissiessemos que esto passasse assi.
A esto rrespondemos que enlas Estremaduras de Castiella si talles omes an algo en tales logares do an cabeça dela martiniega e delos otros pechos fforeros, que pechen en ellos por los algos que alli an, et mandamos quelles den ende cartas las que mester ouieren.
Otrossi nos pidieron merçed queles ffiçiessemos guardar e mantener ssus ffueros e priuileios e cartas ..... e ffranqueças e libertades e husos e costunbres que an assi delos rreyes commo de nos assi en general commo en espeçial en los quadernos que an dela hermandat que nos les auemos otorgado en nonbre del Rey e de nos, que gelo otorguemos agora e queles mandemos dar cartas ende del Rey e de nos e las mandemos seellar luego e estos quadernos, e dar gelo quito de chançelleria e que non aya y otra vista ssi non la del notario de cada rregno.
A esto rrespondemos quelas villas que tienen cartas e priuileios e an ssus ffueros que gelos guardaremos, e las espeçiales que nos las muestren, e aquellas que ffallaremos que se deuen guardar que gelas guardaremos, ssegun quelo otorgamos porlos quadernos que ffueron ffechos en Burgos e en Carrion, e las cartas del Rey e de nos que para esto ouieren mester que gelas mandaremos dar e estos quadernos quitos de chançelleria.
Otrossi alo que nos pidieron quelos sseruiçios quien los quisiere pechar por cabeças quelos pechassen, et los que non quissiessen cabeças quelos pechassen por menudo, e desto que ssean cogedores e pesquiridores omes bonos e valiosos de cada logar delas villas donde pechassen los pechos, e non otro ninguno de otro logar, e que gelo guardassemos segunt que dize en el ordenamiento delos quadernos.
Aesto rrespondemos quelos ..... cabeças delos sseruiçios si quisieren pechar por las cabeças quelos pechen por ellas; e los que non quissiesen pechar por las cabeças quelos pechen por padron e por pesquisa, e los cogedores quelos ouieren de coger que ssean delas villas quelos pechos ouieren de pechar.
Otrosi alo que nos pidieron que ssi al Rey nuestro sennor ouiessen a dar sseruiçios o otro pecho qual quier, que todos ssus apaniguados e escusados que ffuessen quitos que non pechassen ninguna cosa.
A esto rrespondemos que estos sseruiçios quelos pechen todos ssegunt los pecharon este anno passado, que nos es muy gran mester para esta yda dela ffrontera que ymos en sseruiçio de Dios e del Rey e que non sse escusse ninguno de pechar. Et por este quaderno tenemos por bien e mandamos que daqui adelante que ayan ssus apaniguados e ssus escussados quitos delos sseruiçios atan bien commo de todos los otros pechos que acaesçieren, e los que quissieren leuar desto cartas o priuileios mandamos que gelos den quitos de chançelleria, e los otros quelos ayan quitos por este quaderno segunt sobre dicho es.
Otrosy que aquellos que nos mostrassen querellas algunas de males o de dannos o de ..... queles ayan ffecho queles mandassemos ffazer ende emienda e derecho luego.
A esto rrespondemos que nos plaze e que nos muestren las querellas e queles ffaremos ffazer ende emienda e derecho.
Otrosy alo que nos pidieron que aquellos aquien dieremos los dineros delos seruiçios que tomasemos tal rrecabdodellos porque los seruiesen.
A esto rrespondemos que nos plaze e quelo ffaremos asy.
Otrossy alo que nos pidieron merçed queles mandassemos guardar los quadernos todos en general, e en ffecho delos ganados que non pasen cartas ningunas queles quebranten sus deffesas, ca esto es contra los quadernos, et ssy sson pasadas quelas mandemos rreuocar.
A esto rrespondemos que en ffecho delos quadernos quelo tenemos por bien de gelos guardar, et quanto en ffecho delas deffesas que gelas mandaremos guardar asy commo les ffueron guardadas ffasta aqui.
Otrossy alo que nos pidieron merçed que touyessemos por bien de mandar ffazer justiçia primera miente en nuestras casas, e dende en adelante quelo ffagamos en la tierra con ffuero e con derecho e quelo ffagamos meior quelo ffiziemos ffasta aqui, ca ffaziemos lo en ellos e non lo ffaziemos en nuestras casas e que se astraga la tierra por ello.
A esto rrespondemos quelo faremos assy, ca es muy grand derecho.
Otrossy alo que nos ffizieron entender que yuan cartas del Rey en que seruiçiasen los ganados en las fferias e en los mercados e en las villas e en los terminos non yendo alos estremos, et esto que es contra el ordenamiento del quaderno, et que nos pidian por merçed que non passase asy.
A esto rrespondemos quelos que tienen los seruiçios delos ganados por el Rey que seruiçien los ganados commo se seruiçiaron e se tomaron en tienpo del Rey don Alffonso e del Rey don Sancho que Dios perdone, e en aquellos logares e non en otra guisa, et que ffaziendo esto, que tenemos queles non ffazemos tuerto nin agrauiamiento ninguno.
Otrosy alo que nos mostraron que el procurador dela inffante donna Blanca sennora delas Huelgas e dela abadesa e delas mongas delas Huelgas ffaze demanda a Gonzalo Gonzalez de Auila en la corte de nuestro sennor el Rey, et otrosy el procurador del Maestre de Calatraua ffaze demanda a Gomez Gil de Auila en uoz del dicho Maestre enla dicha corte, et que nos pidian merçed quelo non quisiessemos conssentir; et queles quisiessemos enbiar a sus ffueros a conplir de ffuero aqual quier que dellos querella ayan, ca assy commo passan contra aquellos, que passarian contra los otros et porque seria contra ffuero e contra derecho e contra los priuilleios que an.
A esto rrespondemos quelo tenemos por bien e que gelo otorgamos que vayan rresponder por su ffuero.
Otrosy alo que nos pidieron merçed que si de aqui en adelante acaesçieren algunas demandas que ffagan a ellos o a qual quier de sus vezindados, que nos queles queramos enbiar a ssus ffueros a conplir de ffuero a qual quier que dellos querella ayan.
A esto rrespondemos que sila demanda ffuese fforera queles enbiaremos a su ffuero, et si ffallaremos que es de casa del Rey que rrespondan por la corte.
Otrosy por queles ffizieron entender que eran dadas cartas de nuestro sennor el Rey en que manda que non ande sal por la tierra a vender de otra parte sinon delas salinas de Atiença; et si de otra parte la trageren queles pendrassen por ello pena çierta, et que ffuesse la nuestra merçed que commo ffue husado delo traer de otras partes ffasta agora que pasase asy, e queles mandassemos dar ende cartas, et las cartas que ssobre esta rrazon eran dadas quelas mandassemos reuocar et que gelo quisiessemos guardar segunt que está otorgado por el quaderno.
A esto rrespondemos que daremos omes bonos quelo sepan asy commo
nos lo dixieron por quales logares deue andar ssegunt que andido en tienpo delos otros rreyes e por aquellos moiones, e quelo mandaremos assi guardar.Et alo que nos pidieron que ay alguno delos ffijos dalgo de Castiella que amenazan a algunos omes de las villas e delos pueblos delas Estremaduras non les ffaziendo porque, e maguer que nos lo affrontaron quelles ffeçiessemos ssegurar quelo non queremos ffazer, e que nos pidian merçed que esto non touiessemos por bien que passasse assi.
A esto rrespondemos que mandamos a Garcia Lasso meryno mayor en Castiella que ffaga enplazar ..... aquellos ffijos dalgo quelos amenaçan e queles ffagan quelles aseguren.
Otrossi alo que nos pidieron merçed que ffeçiessemos dar alos alcalles e alos escriuanos de casa del Rey que sson naturales delas Estremaduras e del rregno de Toledo ssus quitaçiones porque libren los pleytos.
A esto rrespondemos que gelas mandaremos dar muy bien o conplida miente.
Otrosi alo que pidieron merçed que algunos delos que an cassas fuertes enlas Estremaduras e en el rregno de Toledo, que dando bonos ffiadores cada vno en el termino dela villa dola ouiere para que ssi alguna malffetria sse dela ffeçiere, que ffaga emienda aquella que ffallaren los alcalles del ffuero, e los quelos ffiadores non diessen quelas cassas que gelas derribemos, et porque nos dizen que derribemos algunas cassas non seyendo oydos aquellos cuyas eran segunt ffuero. Et que nos pidian merçed quelles quissiessemos ffazer ende emienda et que daqui adelante quelo non quessiessemos ffazer nin mandarlas derribar a menos de sser oydos aquellos cuyas ffueren las cassas e librados ssegunt ffuero, et ssi ffallaremos que tal es la malffetria que non an de quelo pechar quel derribemos la casa.
A esto rrespondemos quelas cassas ffuertes quelos caualleros e omes bonos delas Estremaduras e del rregno de Toledo an, que dando bonos ffiadores para conplir las malffetrias, ssi delas sse ffeçieren, que gelas non derribemos e que husen delas dichas cassas assi commo husaron en tienpo del Rey don Ffernando que ganó a Seuilla e del Rey don Alffonso e del Rey don Ssancho e del Rey don Ffernando o de qual quier dellos.
Otrossi alo que nos pidieron merçed que ssi aquellos aquien derribamos las cassas ffuertes en las Estremaduras de Castiella e del rregno de Toledo o otros algunos delos las quissieren ffazer en ssu heredat, que den bonos ffiadores rraygados dela villa en cuyo termino ffueren ffechas
las casas, e estos que ssean rraygados para conplir e pagar las malffetrias quo dellas ffeçieren, que gelas mandemos ffazer.A esto rrespondemos quelo tenemos por bien e mandamos quelas ffagan si quisieren, dando bonos ffiadores para conplir e pagar las malffetrias segunt sobre dicho es.
Otrosi nos pidieron merçed quelles quissiessemos guardar e mantener ssus ffueros e priuileios e cartas e husos e costunbres e ffranqueças e libertades e merçedes que an assi delos rreyes commo de nos, assi los delas villas commo delos pueblos e logares, assi en general commo en espeçial e los quadernos dela hermandat.
A esto rrespondemos quelo tenemos por bien e que gelo otorgamos assi commo está escripto en la rrespuesta que dimos en otro capitulo deste quaderno que ffabla en esta rrazon.
Et nos los sobredichos inffantes don Johan e inffante don Pedro en nonbre del Rey e de nos, veyendo que estas cosas que nos piden los omes bonos dela hermandat sson al sseruiçio de Dios e del Rey e nuestro e pro e guarda e mantenimiento dela tierra, otorgamoles este quaderno e todas las cosas e cada una dellas ssegunt que en el sse contiene de gelo guardar et de gelo mantener et de gelo conplir en todo e en parte ssegunt que en el dicho quaderno sse contiene e de non passar contra ello nin contra parte dello en ninguna manera. Et desto mandamos dar este quaderno alos procuradores de Plazençia sseellado con el sseello del Rey e con los nuestros sseellos e con el libramiento de Pero Ferrandez escriuano del Rey para las Estremaduras, e ssignado con el ssigno de Martin Johan escriuano publico de Medina del Canpo que ffueron aello pressentes. Ffecho este quaderno en Medina del Canpo, miercoles sseys dias andados de ssetienbre era de mill e trezientos e çinquenta e sseys annos. Yo Pero Ferrandez lo ffiz escreuir por mandado del Rey e delos sobredichos sus tutores. Yo Martin Johan escriuano sobredicho por mandado de los dichos tutores fiz en este quaderno este signo en testimonio. Yo Ffernand Martinez la ffiz escriuir por mandado del Rey e delos sus tutores.
Enel nonbre de Dios amen. Sepan quantos este quaderno vieren commo yo inffante don Ffelipe ffiio del muy noble Rey don Sancho, e sennor de Cabrera e de Ribera, e perteguero mayor en tierra de Santiago, e tutor del Rey don Alffonso mio sobrino e mio ssennor, e guarda de sus rregnos, sseyendo en Valladolit ayuntados acortes los personeros delos conçeios delas çibdades e villas delos rregnos de Castiella e de Leon e delas Estremaduras que non auian tomado tutor, catando los muchos dannos de ffuerças e de muertes de ommes e de mugeres e de tormentos e de prisiones e de quemas e de espechamientos e de rrobos e de desonrras, e otras cosas muchas sin guisa que eran contra justiçia e contra fuero, que sse fezieron e se fazen por la tierra desque los tutores que eran de nuestro sennor el Rey ffinaron aaca. Et senaladamientre veyendo en commo algunas villas e logares delas Estremaduras e del Andaluzia e del rregno de Leon tomaron tutor ssin sser ayuntada la corte de todos los logares del sennorio de nuestro sennor el Rey. Et otrossi por que en Castiella e en gran partida del rregno de Leon e en grant partida delas Estremaduras non auian tomado tutor ninguno fasta agora que ffueron llamados por carta del Rey que veniessen aestas dichas cortes, ordenaron los que se y ayuntaron vn quadierno que ffezieron, el qual es este que sse ssigue.
Estas sson las condiçiones con que tomamos tutor:
Primeramientre que tomamos por tutor de nuestro sennor el Rey don Alffonso auos el inffante don Ffelipe tomamos uos por tutor en esta guisa, del dia que este quadierno es ffecho ffasta el dia de santi Poleti, e dende adelantre fasta quatro annos conplidos. Et que guardedes al Rey e atodo su sennorio en todo e por todo, e que fagades justiçia en la tierra que uos tomarmos por tutor con ffuero e con derecho auiendo y querelloso.
Otrossi alo que me pediron que guarde el sennorio del Rey e todos sus derechos e todas sus çibdades e villas e castiellos e aldeas, e todas las otras cosas que fincaron anuestro sennor el Rey don Alffonso por muerte del Rey don Fferrando su padre.
Otrossi que el cauallero que ffuere ayo del Rey que ande conel de cada dia. Et sinon quesier o non podier andar conel Rey de cada dia, que yo que ponga y otro cauallero bono que sea para ello, que ande conel Rey de cada dia e quelo guarde e lo castigue; e muy bien yo lo libraré con acuerdo de uosotros en aquella guisa que sea mas sseruiçio del Rey.
Otrossy que anden conel Rey caualleros e ommes bonos delas çibdades e delas villas de Castiella e de Leon e delas Estremaduras e del Andaluzia. Et ssean sseys del rregno de Castiella, e sseys del rregno de Leon, e otros sseys delas Estremaduras, e otros sseys del Andaluzia. Et que ssean estos caualleros ommes bonos de Castiella los que dieren los de Castiella, e de Leon los que dieren los del rregno de Leon, e delas Estremaduras los que dieren los delas Estremaduras, e del Andaluzia los que dieren los del Andaluzia. Et destos caualleros e ommes bonos, que anden conel Rey, los ocho quatro meses, e los otros ocho quatro meses, e los otros ocho otros quatro meses. Et estos caualleros e ommes bonos que ssean en guarda de nuestro sennor el Rey. Et que ssean en oyr e librar todos los ffechos que venieren ante el Rey.
Et otrossy alo que me pedieron porque es seruiçio de nuestro sennor el Rey e ssu onrra e guarda de ssu ssennorio e pro dela ssu tierra, quela ssu casa con ssus offiçios e commo deue los ssus sseellos ela su chançelleria que esté conel do estodier el Rey. Et que non husen nin anden otros sseellos del Rey por la tierra, nin ffagan por ellas ninguna cosa. Et los que touieren los sseellos elas laues delos sseellos de nuestro sennor el Rey que ssean naturales del Rey e delas çibdades e villas de Castiella e de Leon e delas Estremaduras e del Andaluzia.
Otrossi alo que me pedieron que en ffecho de la chançelleria de nuestro sennor el Rey que ponga y meior rrecabdo porque ssenon ffaga tan desaguisadamientre commo sse ffizo ffasta aqui. Et que enla chançelleria e enlas notarias e enlos sseellos e enlos otros offiçios que pertenesçen ala chançelleria, que non aya y offiçio clerigo nin judio nin otro por ellos, e que tire los clerigos que agora y andan e los judios. Et aquellos
a que ouieren adar los offiçios que ssean legos atales que ssean para ello e ssean delas villas del Rey, porque ssy enel offiçio algun yerro ffezieren, que el Rey e yo que nos podamos tornar alos cuerpos dellos e a quanto ovieren, lo que non podemos ffazer alos perlados nin alos clerigos. Et que enla chançelleria non aya otra laue ninguna ssinon la mia que ssoy tutor. Et que aquel que esta laue touier por mi que non sseelle ningunas cartas ssin vistas ssegunt que es ordenado. Et ssilas sseellare, ssinon commo dicho es, quelo maten por ello. Et ssi yo non quisiere tirar los offiçios que dichos sson alos clerigos e alos judios que andan enla chançelleria, o los offiçios della conssentir dar aestos commo sobredicho es, que dende adelante que non ssea mas uuestro tutor nin me ayades mas por tutor nin ffagades por mi commo por tutor.Otrossi quelos notarios de casa de nuestro sennor el Rey que ssean ommes bonos e delas villas del Rey, e quelos tome yo con acuerdo destos caualleros e ommes bonos que dierdes para andar con nuestro sennor el Rey.
Otrossi que enlas cartas del Rey de alcalle que non aya otra vista ssi non la del alcalle e del notario del rregistro e el escriuano del alcalle. Otrossi en las otras cartas del Rey de camara que aya vistas el escriuano quela librare por mandado del Rey, e el notario dela notaria que ffizier la carta, e el tutor e el mayordomo del Rey, e que non aya y otras vistas nin laues. Et que tomen por chançelleria delas cartas de nuestro sennor el Rey, ssegun dize el ordenamiento quel Rey don Sancho, que Dios perdone, mandó ffazer en rrazon dela chançelleria.
Otrossi que en casa de nuestro sennor el Rey e en la mia que anden y tales alcalles e escriuanos del Rey para librar los pleitos, que teman a Dios e al Rey e ami, e la justiçia ssea conplida, e delo del Rey queles den a cada vno dellos ssus ssoldadas bien e conplida mientre, por que ssiruan en casa del Rey e en la mia los offiçios commo deuen.
Et otrossi que dé alos alcalles del Rey que andodieren con cada vno delos merinos mayores ssus ssoldadas. Et qual quier delos alcalles e escriuanos que fuer ffallado en yerro e me ffuer querellado e mostrado commo deue, que yo que gelo ffaga emendar en aquello en que ouier emienda, et en lo que non ffuer de emienda, que ffaga del justiçia, ssegun que ffuer ffallado que es ffuero e derecho. Et yo que dé alcalles e escriuanos para casa de nuestro sennor el Rey e para en la mia e para andar con los merinos. Et que ssean y conmigo en dar los aquellos caualleros e ommes bonos que dierdes para andar conel Rey. Et quelos alcalles e escriuanos del Rey que ssean delas çibda-
des e delas villas delos rregnos del Rey; e los alcalles de Castiella que libren los pleitos e las cartas de Castiella, segun quelo an de ffuero; et los alcalles e escriuanos del rregno de Leon que libren los pleitos elas cartas del rregno de Leon, segun quelo an de ffuero; e los alcalles dela Estremadura que libren los pleitos elas cartas de Estremadura, ssegun ssus ffueros de cada logar; e los del Andaluzia que libren los pleitos elas cartas del Andaluzia, segun quelo an de ffuero; e que en esta misma guisa libren las cartas los escriuanos del Rey. Et qual quier o quales quier delos alcalles o delos escriuanos que contra esto pasaren ho dotra guisa lo fezieren, que pierdan luego los offiçios dela alcaldia o dela escriuania, e quelos non ayamos dende adelantre por offeçiales en ningun tienpo, e mas que paguen delo suyo todo el danno que rreçibiere la parte contra quien el alcalle o el escriuano librare la carta o las cartas con el doblo; e quelos alcalles nin los escriuanos que non tomen por libramientos nin por vistas nin por libros nin por rregistros ninguna cosa. Et que non anden en casa del Rey nin en la mia nin con los merinos otros alcalles nin escriuanos que oyan nin libren los pleitos, ssi non aquellos que yo e uos diermos commo sobredicho es. Et ssi alguno delos alcalles o delos escriuanos murieren o non quissieren sseruir el offiçio, que yo que ponga y otro o otros en ssu logar del o dellos. Et que ssean y quando los posiere estos caualleros e ommes bonos que ffueren dados para andar e para guarda de nuestro sennor el Rey.Otrossi alo que me pediron que ssean veynte e quatro alcalles que anden en casa de nuestro sennor el Rey, e que ssean los sseys alcalles delas çibdades e villas de Castiella, e los otros sseys alcalles delas çibdades e villas del rregno de Leon, e los otros sseys alcalles delas villas dela Estremadura, e los otros sseys alcalles del Andaluzia; e destos alcalles que anden con el Rey los ocho quatro meses, e los otros ocho otros quatro meses, e los otros ocho otros quatro meses. Et destos ocho alcalles, que ssean los dos de Castiella e los otros dos del rregno de Leon, e los otros dos dela Estremadura, e los otros dos del Andaluzia. Et estos alcalles quelos tome yo con acuerdo delos caualleros e omes bonos que dierdes para guarda de nuestro sennor el Rey. Otrossi que ssean ocho escriuanos e estos que anden conel Rey todo el anno. Et que ssean estos escriuanos los dos de Castiella, e los dos del rregno de Leon, e los dos de Estremadura, e los dos del Andaluzia. Et que estos escriuanos que ssiruan los offiçios delantre los alcalles, e quelos alcalles que ayan cada vno por ssu ssoldada cada tres mill mr. por cada quatro meses, e los escriuanos que ayan cada vno cada anno mill e qui-
nientos mr. Et que ayan estas soldadas los alcalles e los escriuanos en la chançelleria del Rey.Otrossi alo que me pediron quelos alcalles del Rey que ffueren puestos que anden en casa del Rey e en mi casa, que non den cartas que ssean contra sus ffueros nin contra sus priuileios e libertades e bonos husos e costunbres nin contra parte dellas; e el alcalle que tal carta diere que pierda el offiçio e que nunca ssea mas offeçial del Rey, e el offeçial del Rey o el offeçial dela villa aque ffuer mostrada que non ssea tenido dela conplir. Et ssi el alcalle del Rey dier carta desafforada por que maten o lisien aalguno, e lo matassen o lo lisiassen por ella, que yo que mate aaquel quela carta diere. Et ssi la carta mandare que tomen aalguno algo delo suyo e les ffuer tomado, que yo que ffaga al alcalle quela carta diere quelo peche conel doblo aaquel aquelo mandaron tomar commo non deue. Et ssi los offeçiales delas villas o merino o merinos o otro omme qual quier que non ffuesse offeçial, maguer non ffuesse delas villas, al quela carta ffuere o tales cartas ffueren mostradas, ssi las conplieren o mataren o lisiaren aalguno por ella, quel maten ael por ella; et ssi tomaren algo aalguno quelo peche conel doblo. Et quel alcalle o los alcalles que andodieren en casa del Rey o en la mia que non ssean escusados dela pena, ssi enella cayeren, maguer diga que gelo yo mandé e maguer yo diga que yo gelo mandé. Et ssi yo non conpliere esto enlos offeçiales que andodieren en casa del Rey o en la mia sseyendo me affrontado, que yo que pierda la tutoria; e el offeçial dela villa o otros quales quier que tal carta conplieren, quelos otros offeçiales dela villa o dela merindat o dela comarca aque ffuer mostrada que non ssean tenidos delo conplir esto que ssobredicho es enel quela carta conpliere e en los ssus bienes. Et ssi non conplieren las cartas desafforadas, enplazamientos ffueren ffechos por tales cartas alos offeçiales o algunos dellos de los que sson delas villas o dela merindat o dela comarca, que non vengan alos enplazamientos e quel alguazil del Rey que non demande la pena, et si la demandare quel non vala, e que yo que non gelo conssienta demandar. Quanto en esto rrespondo que ssi yo menguare la justiçia enel alcalle o el escriuano, que non pierda toda la tutoria, mas que pierda la tutoria de aquella villa o logar quelo non conpliere, es assaz danno en perder la tutoria de aquella villa o logar.
Otrossi que ssi el escriuano de camara diere carta de justiçia ssin mio mandado que yo quel mate por ello. Et ssi la diere por mio mandado quela dé con ffuero e con derecho; et ssi non que non ffagan por ella ninguna cosa.
Otrossi alo que me pediron quelos caualleros e ommes bonos que andodieren en la guarda del Rey que aya cada vno dellos tres mill mr. por cada quatro meses. Et que estas ssoldadas destos caualleros e ommes bonos dela guarda del Rey quelos ayan bien e conplidamentre cada vno dellos.
Otrossi que uos guarde atodos los dela tierra los ordenamientos e los almotaçanadgos e minas e ssierras e prados e pastos e cartas e labranças e rrondas e montadgos e dehesas e montes, e todos los otros comunes alos quelo auedes de ffuero e de huso o por preuileio o por cartas.
Otrossi alo que me pediron que parta las rrentas çiertas que el Rey ha e los pechos fforeros que el Rey ha, en tal manera que non eche daqui adelantre sseruiçios nin pecho desafforado enla tierra.
Otrossi que non acomiende la justiçia nin la dé a inffante nin arrico onbre quela pueda ffazer en los rregnos nin en las villas nin en los logares apartados, ssaluo los merinos mayores, en Castiella nin en Leon nin en Gallizia, e los adelantados en la ffrontera e enel rregno de Murçia do lo suelen auer.
Otrossi alo que me pediron quelos coiedores que ffueren daqui adelantre delos pechos e derechos del Rey que ssean ommes bonos delas villas, moradores en las villas e en los logares onde el Rey ouiere de auer los pechos e los derechos, ssegun quelo ffueron en tienpo delos otros rreys, e que ssean abonados e quantiosos para dar cuenta delo que cogieren, porque ssi alguna malffetria ffezieren que ffagan dello emienda de sus bienes los offeçiales delas villas alos que dellos querella ouieren por esta rrazon, e que non ssean coiedores nin rrecabdadores cauallero ninguno nin omme de villa, que biua nin ssea acostado con ningun rricomme nin cauallero nin rrica ffenbra nin duenna nin inffançon, ssaluo en las villas del rregno de Leon e delas Estremaduras quelos coian caualleros e ommes bonos delas villas, moradores e vezinos delas villas. Et que non anden en las cogechas clerigos nin judios nin moros, e las cogechas que non ssean arrendadas. Et ssi alguna cosa menguasse delos mr. que ffues-
sen puestos en los cogedores, que aquel ho aquellos aquien ffueren puestos los dineros que non puedan prendar nin peyndren alos conçeios nin aotro ninguno por esta rrazon. Et ssi peyndra alguna ffeziere por esta rrazon, que yo o la justiçia del logar quelo escarmentemos commo aquel que rroba la tierra del Rey; e los cogedores que non peyndren a cada vno, ssaluo por lo quel cupiere de pechar ssegun ffuere enpadronado; e la peyndra que ffiziere quela non lieue ffuera del termino de aquel logar donde ffueren coiedores, mas quela venda en la villa ante escriuano poblico e por el pregonero por los plazos o por los mercados poblicamientre; e si la leuare de vn logar aotro quier ssea villa o aldea, quela ffagan tomar ala villa o al termino donde ffuere leuada. Et aquellos que desta guisa la leuaren contra esto que pechen el doblo dela pena aaquel o aquellos cuya ffuere la peyndra.Otrossi quelos alcalles nin los otros offeçiales que sson enlas villas rreales que non ssean cogedores nin rrecabdadores nin rreçebidores nin arrendadores delos portadgos nin delos otros pechos e delos derechos del Rey, e perteneçen al Rey e alos otros sennores, nin ayan parte enellos de mientre que ffueren offeçiales, por rrenta nin por otra manera ninguna, por rrazon que quando acaesçe que ellos an parte en los pechos e derechos del Rey e delos sennores, que quando van a juyzo antellos por algunas cosas que ffazen sin derecho los quelo coien o rrecabden o rreçiben por ellos, que ffazen en ello muy grandes agrauiamientos e non ffazen conplimiento de derecho alos querellosos, e ay muchos omes perdidosos dello. Et el alcalle o otro offeçial qual quier que contra esto pasare que peche quinientos mr., los dozientos para el conçeio do esto acaesçiere, e los otros dozientos para la çerca dela villa, e los otros çient para el quelo acusare.
Otrossi alo que me pediron quelos que alguna cosa cogieron o rrecabdaron delos pechos e delos derechos del Rey ffasta aqui, o cogieren o rrecabdaren daqui adelantre, que den la cuenta en casa del Rey, e los que venieren a dar la cuenta en casa del Rey que gela tomen del dia que y legaren a veynte dias. Et ssi gela non tomaren ffasta este dicho plazo, que sse vayan para ssus casas sin calonia ninguna. Et ssi gela despues demandaren, quela den en aquellos logares do ffueren moradores. Otrossi los que rrecabdaren los pechos e los derechos del Rey
que tomen la cuenta alos cogedores en la cabeça del obispado do ffusren moradores. Et ssi dotra guissa ffueren enplazados, que non ssean tenidos de seguir el enplazamiento nin cayan en pena por ello, e tomada la cuenta quel den carta de pagamiento, e ssi gela non quessieren dar, que non den mas cuenta.Otrossi alo que me pediron que yo nin otro ninguno por el Rey nin por mi non sseamos tenudos de demandar cuenta delos pechos e de los derechos del Rey, nin los cogedores denos la dar, ssaluo del ayuntamiento de Carrion aaca. E quelos cogedores prinçipales que den la cuenta en casa del Rey delos pechos o derechos que cogieren por el Rey sseyendo lamados en la manera que dicha es. Et que non aya arrendadores dello nin sse arriende en ninguna manera. Et quando esta cuenta sse diere que ssean en la tomar dos ommes bonos de Castiella e dos caualleros e ommes bonos del rregno de Leon, e dos caualleros e ommes onos dela Estremadura, e otros dos del Andaluzia, porque sse non ffaga en tomar estas cuentas maliçia ninguna. Et quanto en las villas que ffueron dela Reyna donna Maria, que non les ssea demandada cuenta ninguna nin ellos non ssean tenudos dela dar ffasta aquel dia que ella ffinó. Pero que ssi algunos ommes delas villas dela Reyna cogieron algunos pechos e derechos en las villas del Rey, que ssean tenidos de dar cuenta, del ayuntamiento de Carrion aaca commo dicho es.
Otrossi que todos aquellos que an dado cuenta delos pechos e delos derechos del Rey ffasta aqui, que daqui adelantre que non ssean tenidos de dar mas cuenta ninguna. Et ssi algunos enplazamientos ffueron o ffueren ffechos sobre ellos, que non valan nin husen dellos.
Otrossi alo que me pediron que ssi el Rey don Ferrando, que Dios perdone, o este Rey don Alffonso nuestro sennor dieren cogecha o otra cosa alguna arrenda ados omes o a mas, quela cuenta quela den anbos en vno e non el vno ssin el otro. Et ssi algunos delos cogedores o delos rrecabdadores ffuer ffinado, quelos herederos del ffinado que den la cuenta conel biuo o con los biuos. Et ssi todos los cogedores o rrecabdadores ffueren ffinados quelos herederos dellos que den la cuenta todos en vno. Et ssi algun coiedor dio cuenta por ssi o por sus conpaneros e tiene carta del Rey de quitamiento, quel vala ael e aellos en manera que el e ellos non ssean tenidos de dar mas cuenta.
Otrossi alo que me pediron que ssi alguno o algunos tienen carta o cartas de nuestro sennor el Rey don Alffonso o demi delo que rrecabdaron delos pechos e delos derechos del Rey, que aquel o aquellos que tal carta o cartas tienen queles vala, ssegun que enellas sse contiene.
Otrossi alo que me pediron que ssi al tienpo quel Rey don Ferrando ffinó, en algunas villas alguna cosa tomaron delos pechos e delos derechos del Rey para cosas que auian mester para prod delas villas, quelo que desta guisa fue tomado, quelo non tome el Rey nin yo, nin lo demandemos daqui adelantre, pues ffue tomado para sseruiçio del Rey.
Otrossi alo que me pediron que ssi algunos derramamientos ffezieron los conçeios o los delos terminos entre ssi para pagar los cohechamientos alos que rrecabdauan las cuentas delas rrentas e de las pesquisas por el Rey don Fferrando, o para otras cosas que auian menester, o despues que el ffinó aaca, o para prod de sus villas o para alcalles o para otras cosas quales quier, quelo que ffue ffecho e derramado ffasta aqui, que non den cuenta los conçeios delas villas nin delas aldeas nin delos terminos, nin aquellos quelos pleyteamientos ffezieron por ellos. Tengo por bien de gelo quitar, et que non ssean tenudos de dar cuenta ninguna al Rey nin ami nin aotro ninguno por nos; et ssi enplazamiento ffuer ffecho por ello, que non lo sigan nin vengan ael, que yo lo quito e lo do por ninguno.
Otrossi alo que me pediron que yo nin rricomme nin otro ninguno que non tome conducho en las villas nin en los logares del Rey nin en sus terminos nin en algunos dellos, et si lo tomaren e lo non pagaren, que yo que gelo ffaga pechar con el doblo; et ssi otra malffetria ffeziere, que yo que gelo escarmiente commo ffallare que es ffuero e derecho.
Otrossi en rrazon dela ssentençia que ffue dada contra los dela villa de Lugo, que ssean oydos commo de cabo e que non husen dela ssentençia ffasta que ssean oydos e librados por ffuero e por derecho. Et ssi alguna ssentençia ffue dada por la Reyna o por los inffantes don Johan e don Pero contra ffuero e contra derecho que ssea rreuocada. Et ssi algunos algos ffueron tomados o enbargados por tal sentençia o por otra manera qual quier que ssin derecho ffue, que ssean tornados aaquellos cuyos eran e los deuen auer.
Otrossi alo que me pediron que por que ssabemos en verdat que Villa Garçia ssienpre ffue delos rreys, e agora la Reyna donna Maria, que Dios perdone, dio la al conuento de las duennas de santa Maria la
rreal delas Huelgas de Valladolit, e esto que es contra derecho, e que me pedian quela villa e el castiello de Villa Garçia con todos sus derechos e pertenençias que ffinque del Rey e non de otra juridiçion ninguna. Tengo por bien que ssi ffallaren quela Reyna non podia mandar de derecho, que sse torne al Rey en esta manera, quela conpre paral Rey, e ssi non quela non puedan vender a Orden ninguna.Otrossi me pediron quel heredamiento que es en termino de Ffita, que ffue de Aluar Ssanches ffiio de Sancho Marques, que dio la Reyna donna Maria al monesterio de santa Maria la rreal delas Yuelgas de Valladolit, que es una casa que dizen Meioriada. Otrossi los heredamientos que an las mongas de Val de Fermoso en Peniella. Et otrossi el heredamiento que dio a Marina Johan en Peniella, quelo hayan los herederos de Aluar Sanches o quien el Rey mandare por quelo non aya el abadengo, e quanto esto yo lo libraré con acuerdo de uosotros en guisa que cada una delas partes sea guardada. Otrossi alo que me pediron que ssi la Reyna dio o ffizo donaçion de algunas villas o castiellos o logares alas Huelgas de Valladolit o a otro inffante o rricomme o inffançon o cauallero o rrica ffenbra o aotro omme o muger qual quier delo que deuie ser del Rey, que non finque en otra juridiçion ninguna si non del Rey.
Otrossi que ssi el Rey don Fferrando, que Dios perdone, tomó algunas aldeas de algunas villas e las dio al inffante don Johan e al inffante don Pero o aotros algunos o aqual quier o aquales quier dellos. Et otrossi commo las salinas de Rusio, quelas tomó alos de Medina de Pumar e las dio al inffante don Pero e son agora enajenadas, que yo quelas torne aaquellos conçeios aque ffueron tomadas, ssegun que los auian enel tienpo quel Rey don Fferrando gelas tomó; quanto en esto en muchos tanne e aurá se de ver con uos otros e con todos los dela tierra, porque sse libre en aquella manera que todos vieremos que ssera mas sseruiçio del Rey e assessego de toda la tierra.
Otrossi quelos heredamientos e villas e aldeas que ffueron tomados o enbargados aalgunos conçeios o algunos ommes delos conçeios o parte delos terminos ssin rraçon e ssin derecho, queles sean tornados aaquellos aquien ffueron tomados o enbargados.
Otrossi alo que me pediron quelas villas e los logares que ffueron de don Alffonso ffiio del inffante don Fferrando e de don Sancho ffiio del inffante don Pero, que sson Beiar e Monte mayor e Miranda e Granada e Galisteo e Alua e Ssalua tierra e Ledesma con sus terminos, que noit osvoai uauas a rruyuas nut a inffantes nin arricos ommes nin a
inffançones nin ha Ordenes nin acaualleros nin alos dichos don Alffonso nin don Pero que sse llamaffiio de don Sancho, nin aotro ninguno delos rregnos nin de ffuera delos rregnos, nin sean metidos ajuyzo, mas que finquen rreales, ssegun en tienpo del Rey don Fferrando que ganó a Seuilla e del Rey don Fferrando, padre que ffue del Rey don Alffonso nuestro sennor que agora es.Otrossi conffirmo al conçeio de Ledesma que ayan sus aldeas que son estas: Perenna, Villarino, Darias, La cabeça de ffuera motanos, Aldea de Avila, Mieça.
Otrossi alo que me pediron que non ande en la tierra carta de creençia nin blanca del Rey nin mia, nin dé aluala ninguna con mi nonbre nin mi carta para ffazer ninguna cosa enel rregno, ssaluo para conplimiento delas del Rey, en que tomen nin maten [nin] despechen aninguno contra ffuero e contra derecho. Et ssi alguno troxier tal carta o tal aluala, quelos conçeios nin los offiçiales que non husen por ellas.
Otrossi alo que me pediron que quando ffuer el Rey o yo aalguna villa o logar del Rey que non tome vianda ninguna amenos quela pague.
Otrossi quelos alcaçeres e los castiellos que sson en las villas del Rey de que non ffezieron omenage, quelos ffie en caualleros e ommes bonos delas çibdades e delas villas onde ffueren los alcaçeres o los castiellos, que los tengan cada vno con sus tenençias, por que quando los tienen otros ommes de ffuera que ffazen dellos muchos rrobos e muchos ales de guisa que sse dessirue el Rey e se astraga la tierra; pero que aquel o aquellos que touieren con omenaie los alcaçeres o los castiellos, commo dicho es, que den bonos ffiadores o manpostores delas villas e delos logares do ffueren los alcaçeres o los castiellos para emendar las malffetrias que ffueren ffechas delos castiellos e delos alcaçeres, esto seria graue de ffazer en ffazer dar fiadores alos quelas tienen e an ffecho omenage de ellas; mas ssi los alcaydes ffezieren mal dellos, que gelo escarmiente en los cuerpos e en lo que ouieren e queles tome la rretenençia que ouieren de auer, e quelo dé aquellos que rreçebieron el danno.
Otrossy alo que me pedieron quelos dineros delas rretenencias delos alcaçares e delos castiellos del Rey quelos ponga aaquellos que tienen los alcaçares e los castiellos con acuerdo de aquellos caualleros e omes bonos que me dierdes para ello, e quelles ponga la rretenençia en manera quela ayan bien parado cada anno cada vnos dellos porque non
venga danno nin peyndra enla tierra del Rey e dando los ffiadores commo sobredicho es.E alo que me pedieron que yo que ffaga derribar luego toda la ffortaleza que es ffecha en Val buena de Duero despues que el Rey don Sancho ffinó.
Otrossy alo que me pedieron que por que el castiello de Badaioz es vna delas bonas cossas e sennaladas del rregno de Leon e es en ffrontera de Portogal, e que es muy yermo e muy grande en guisa que non podria sseer gardado ssin gran giente, e es grant sseruiçio de nuestro ssennor el Rey e grant garda de ssu ssennorio de sser pobrado, e me dixieron los procuradores de y de Badaioz que sse pobraria e sseria guardado sseyendo la ffecha esta ffranqueza, que todos los que y entrassen morar e morassen y con mugiores e ffijos e touiessen casa pobrada continuada miente, que non diessen diezmo ninguno nin veyntena nin otro derecho ninguno de todas las mercadurias que troxiessen de Portogal aca alos rregnos de nuestro sennor el Rey, nin otrossy delas que leuare de aca al rregno de Portogal non passando alla las cosas vedadas.
Otrossy alo que me pedieron que qual quier conçeio delas villas del Rey ho ssu vezino conpre o conprare daqui adelante casas o heredamientos o logares de ommes ffijos dalgo o de duennas, que non ssean dello desapoderados por ninguna rrazon ffasta que ssean oydos e librados por derecho.
Otrossy alo que me pedieron quelas escriuanias e las entregas e las taffurerias e los portadgos quelos ayan los conçeios en cada logar los quelo an de auer de ffuero e de huso o por priuillegio o por carta. Et do el Rey e do oviermos a poner escriuanos e notarios que uos demos para cada lugar quantos entendiermos que conpliran; e los escriuanos e notarios que diermos o posiermos en cada lugar, que ssieruan el offiçio por ssi mismos e non por otro escusador ninguno, e que ssea el escriuano o el notario del lugar; pero que non ssea portadguero, nin clerigo nin judio nin moro, nin arrendador nin cogedor de ninguna cosa delos pechos e derechos del Rey.
Otrossy que ninguno non ssea osado de ssacar ffuera delos rregnos ninguna cosa delas vedadas ssegunt los ordenamientos del Rey don Alffonso e del Rey don Sancho, las quales sson estas que aqui sseran dichas: cauallos, rroçines, mulos, mulas, todas las otros bestias, vacas, carneros, puercos, oueias, cabras, cabrones, toda la otra carne biua e muerta, pan, legunbre, todas las otras viandas, çera, sseda, coneio, moros, moras, oro, plata, todo villon de canbio, auer monedado ssaca-
do delas doblas dela ssennal del Rey don Alffonso, torneses de plata, torneses prietos e los dineros coronados.Et quanto en rrazon delas sacas delas cosas vedadas tengo por bien que non aya pesquisa ninguna, porque nunca la y ouo, mas que aquellos que fueren guardas delas sacas delas cosas vedadas por cartas del Rey, quelo guarden en los puertos e en los mojones commo se deue guardar en las fronteras de Aragon e de Nauarra e de Portogal, e non en los otros logares del sennorio de nuestro sennor el Rey, nin delos otros sennorios delos fiios dalgo, por rrazon que caualleros e ommes ffiios dalgo que se fazen guarda e delos que son guarda por carta del Rey, que toman e cohechan alos que ffallan diziendo que llieuan cauallos e rroçines e otras cosas vedadas ffuera del sennorio de nuestro sennor el Rey. Et esto quelo ffazen dentro en el sennorio de nuestro sennor el Rey, e non alli do deuen en los moiones e do es de derecho e se deue guardar commo dicho es.
Otrossi que ninguno non faga bodega nin alfoli dela sal de conpas, nin lo saque ffuera del rregno; e el quelo ssacare o ffeziere bodega o alffoli della quelo pierda e demas que muera por ello.
Otrossi quela sal delas salinas de Rusio e de Poza quela non vendan los alemines nin otro ninguno amas del coto dentro delos moiones, nin ençierre ssal dentro para la vender amas del coto, asi commo sienpre fue aforado. Et quien lo pasare, que se pare ala pena quelos rreys mandaron, e la ssal delas salinas Dananna que ande por sus terminos segun sus cartas e sus preuileios dizen.
Otrossi porque me dixieron quelos aluareros que an de rrecabdar fecho dela aluareria delas salinas Datiença que andan por la tierra maliçiosa mientre e commo non deuien diziendo que aquella sal que fallan en las casas en las aldeas, asi delos lauradores commo de otros ommes e mugeres, que non es daquella sal que deue andar en aquella tierra e en aquella comarca, asi commo es huso e costunbrado, e es de otra sal, e demas que alas vegadas que aquellos que son aluareros e los que andan por ellos que lieuan daquella sal que es defendida, e echan la en las casas e dizen quela tomaron y por rrazon delos echar en aquella pena que es de uso e de costunbre, e aquella sal que tienen en sus casas cada vnos auiendo la conprada en los mercados para sus casas e para sus ganados; por esta rrazon que son despechados o cohechados delo que an. Tengo por bien que daqui adelantre que ningun aluarero nin otro por el que non vaya alas aldeas nin aotro logar ninguno acatar nin escodrinar que ssal tienen en sus casas, quier lauradores o otros omes o mugeres quales
quier, mas que guarde alos ssalineros que traen la ssal alas villas e alos mercados en aquellos puertos e logares do sse ssienpre guardó. Et la ssal que ffallaren que non deue andar e es deffendida, quela tomen por descaminada assi commo sse deue tomar. Et ssi los aluareros o los que andodieren por ellos non lo quissieren assi guardar, mando por este quadierno alos offeçiales dela villa o del logar do esto acaesçiere e alos dela tierra que non gelo conssientan de passar contra esto nin de andar por las aldeas, nin les den acomer, nin otro pecho nin cohecho ninguno. Et ssi los ssalineros o otro alguno ssal vedada troxieren a vender alas villas e alos mercados, quelos aluareros olos que estodieren por ellos que gelo tomen por descaminado, mas non alos delas villas nin delas aldeas quela conpraren para sus casas; et ssi los aluareros o los que estodieren por ellos troxieren maniffiesta mientre alas villas o alos mercados a vender ssal vedada, mando quela tomen los offeçiales del logar para ssi e non les den ninguna cosa della.Otrossi que en casa de nuestro sennor el Rey ssean puestos alcalles e escriuanos delas villas del Rey, e que ssean ommes bonos fforeros, e que teman a Dios e al Rey e a ssus almas, e guarden acada vno ssu derecho, e que non den cartas contra ffuero nin contra derecho, e esto quelo juren ami que ssó tutor; e quelos alcalles que libren los pleitos bien e derecha mientre cada vno los pleitos de sus comarcas, et que non tomen algo nin presente ninguno por rrazon delos pleitos que libraren. Et ssi ffuer ffallado commo deuen quelo toman, quelos echen de la corte por inffamios perjuros e que non ssean mas alcalles nin escriuanos, nin ayan nunca mas offiçio nin onrra ninguna en casa del Rey, e demas que pechen las quitaçiones que esse anno ouieren leuado dobladas. Et por que estos alcalles e escriuanos mas complida mientre puedan sseruir los offiçios, que ayan sus quitaçiones e ssoldadas commo dicho es en la chançelleria del Rey.
Otrossi que ssean puestos merinos en aquellos logares do los deuen auer, e que ssean ommes bonos e naturales cada vno dela comarca donde ffuer merino, e que den bonos ffiadores por que emienden las malffetrias ssi las ffezieren. Et que aestos merinos queles demos bonos alcalles que anden conellos. Et quelos merinos non puedan matar nin prender nin despechar nin tomar aninguno lo ssuyo, ssi non aquello
que judgaren los alcalles del logar o los alcalles que andodieren con el merino por justiçia en aquellas cosas que por si deuen judgar, e los que deuieren julgar con los juezes del ffuero commo dicho, es quelo judguen con ellos e non en so cabo. Et lo que en cada vna destas maneras ffuere judgado quelos merinos quelo conplan.Otrossi alo que me pediron que enlas villas rreales que non entre merino ninguno nin otro merino ninguno nin merinde y. Et ssi dixieren quelos otros merinos husaren de entrar en algunas villas, quelos delas villas quelo non acoian. Et ssi sobresto algun mal ffezieren ala villa quelo non quisieren acoger, que yo quel tire la merindat e que non huse mas della, et quel ffaga emendar todo el danno que ffeziere por el cuerpo e por quanto ouiere, e quelos alcalles e el merino de cada logar que ffagan justiçia enlas villas donde sson los alcalles o yo quando y ffuere. Tengo por bien que en aquellos logares que ssuele e deue entrar de derecho que merinde y, e en los otros logares non.
Otrossi alo que me pediron que yo que uos dé alcalles e juezes por uuestros ffueros enlas villas e en los logares do los deuedes auer, et que quando quisierdes auer juezes o alcalles de ffuera parte que uos los dé quando los pedirdes todos o la mayor parte del conçeio quelos pedirdes, e que ssean de villa e de ffuero e de sennorio del Rey, e que ssea el alcalle o el juez del rregno donde ffuere la villa quelo pedire. Et ssi lo demandaren los de Estremadura, que gelo [demos] de Estremadura e non en otra manera ninguna.
Otrossi quelas assonadas que sse ffazen en la tierra que sson muy dannossas, en guisa quela mayor partida delos rregnos es astragada por ellas, que yo que ponga y rrecabdo ssegun que ffue ordenado por el Rey don Alffonso.
Otrossi alo que me pediron quelos pleitos que acaesçieren entre los christianos e los judios e los moros en rrazon delas muertes e de fferidas o en tomas o en otras maneras quales quier, quelas penas e las calonnias que y ouiere que sse libren por el ffuero de cada vno delos logares do acaesçiere, e que sse non libre por preuileios nin por cartas quelos judios e los moros tienen nin tengan daqui adelantre. Et que en todo pleito que sobrestas cosas acaesçiere que vala el testimonio de dos ommes bonos christianos. Tengo por bien delo ordenar en esta manera: que en las villas e en los logares do an de ffuero que el que matare que muera per ello, que passe assi commo passó en tienpo del Rey don Alffonso, e quanto en las calonnias que acaesçiere entrellos, que sse libre por el ffuero delos logares do acaesçiere. Et quanto en los testemonios,
que prueue con cristiano e con judio, commo sienpre se husó en los pleitos que entrellos acaesçiere en rrazon delos contractos delas debdas, mas quanto en los pleitos creminales que sse prueuen con christianos commo dicho es, e non en otra manera.Otrossi que daqui adelantre judios nin moros non se lamen nonbres de christianos, e ssi sse aello lamaren, que ffagan justiçia dellos commo de ereges. Otrossi quelos christianos non biuan con judios nin con moros nin crien sus ffiios, elos quelo ffezieren, quelos juezes delas villas e delos logares do acaesçiere que ffagan escarmiento en ellos e en sus cuerpos, assi commo en aquellos que quebrantan la ley. Otrossi quelos moros que non trayan copetes, mas que anden cabel partidos e çerçenados en derredor. Et ssi assi non lo ffeziere, que qual quier quelo ffallare, quel peyndre por çient mr. desta moneda e que sea para ssi ssin coto e sin calonia ninguna.
Otrossi me pediron que daqui adelantre que ningun judio non ffaga debda nin obligaçion en nonbre de christiano, e si lo ffeziere que non vala. Et el christiano en cuyo nonbre ffuere ffecha, quela non pueda demandar nin el debdor non ssea tenido del rresponder aella, nin los escriuanos poblicos non ffagan tales cartas, e si las ffezieren que pierdan los offiçios por ello e que non sean mas escriuanos poblicos.
Otrossi alo que me pediron queles guardasse los ordenamientos que el Rey don Alffonso e el Rey don Sancho ffezieron en commo an apassar con los judios en rrazon de sus debdas ssegun que aqui estan escriptos, tengo por bien de gelo mandar guardar daqui adelantre los quales sson estos. El ordenamiento quel Rey don Alffonso ffizo en esta rrazon dize assi: Primeramientre mandó quelos dineros quelos judios diessen alos christianos que ganen tres mr. vno al anno; et el pan que ganasse tres ffanegas vna ffanega al anno, et ssi amenos plazo del anno o amas ffuesen dados dineros o pan, que desta guisa lograssen e non mas; e quel cabdal lograsse, e non la ganancia, e desque yguasse el logro conel cabdal, ganando desta guisa que dicha es, que jamas non lograssen el vno nin lo al. Et mandó que pagasse al plazo que deuia ser pagada la debda a treinta dias, que ssi el judio non la demandasse que dende adelantre que non lograse; e mandó que quando demandasse el judio su debda e non gela podiesse pagar, que el christiano alçasse carta, por que sse ffeziesse enella mençion quanto ffuera el cabdal que primo rreçibiera, et quanta era la ganançia que auia ganado ffasta aquel dia, por que
ganasse el cabdal e non el logro que auia ganado. Et mandó que por quelos judios non ffeziessen enganno en dar los dineros o el pan amayor husura de commo dicho es, quelos escriuanos poblicos ante quien ffueren ffechas e otorgadas las debdas, que ellos mismos viessen contar los dineros e medir el pan, e lo viessen dar e rreçebir otra cosa qual quier quelos christianos tomassen delos judios e delos moros. Et que jurasse el judio o el moro que non gelo daua amayor husura de commo ssobredicho es, el christiano quelo tomaua assi. Et mandó quelas cartas que pareçiessen de judios o de moros contra christianos e non dixiesse en ellas commo ssobredicho es, que non valiessen nin diessen mas de quanto jurassen los christianos que rreçebieran con su logro, commo sobredicho es. Et mandó que quando algun judio non podiese auer su debda del christiano, quelos alcalles del logar do esto acaesçiere que gelo entregassen en bienes del debdor en mueble o en rrayz, ssi los ouiesse desenbargados. Et ssi non quel entregassen en bienes del ffiador, e la entregua quela vendiessen a ffuero del logar do le deuiessen la debda. Et ssi ffuesse ffecha la entregua en rrayz e non ffallassen quien la conprasse, quelo tomasse el judio e lo esquilmasse descontando ende la lauor, quelo que rrendiesse mas quelo rreçebiesse en su debda, e que tornasse la rrayz assu duenno o asus herederos. Et mandó que ssi los alcalles del logar non le ffeziessen entregar, que el Rey o el sennor del logar do acaesçiere quelo mandasse entregar, et quelos alcalles quelo non quessiessen assi ffazer, que pechassen el diezmo dela entrega al debdor o al ffiador del debdor, ssaluo ssi el debdor anparasse al omme del alcalle la peyndra.Et el ordenamiento que el Rey don Sancho que Dios perdone ffizo en esta rrazon dize assi: Otrossi alo que nos mostraron en commo los judios e los moros dauan a husuras mas de atres por quatro al anno ssegun dize el hordenamiento del Rey don Alfonso nuestro padre, que nos despues conffirmamos, que en la carta que el escriuano ffeziere, el escriuano que ffaga mençion qual es el debdor e qual es el ffiador e de quales logares ffuessen. Otrossi del anno adelantre e del plazo aque deue sser pagada la debda, et ssi el judio o el moro non demandasse la debda ffasta treinta dias, que dende adelantre non lograssen, ssaluo ssi despues ffueron las cartas rrenouadas. Et otrossi quelas cartas delas debdas que las demanden ffasta seys annos daqui adelantre, e dende adelantre que les non rrespondan por ellas, e el debdor que non rresponda a otro ninguno por la debda sinon al quela deuiere o al quela carta mostrare por el, e que sse ponga asi enla carta que el escriuano feziere. Et que ningunt judio non ffaga carta en nonbre de otro judio de debda, e en todas
las otras cosas que sse guarde el ordenamiento que ffizo el Rey don Alfonso nuestro padre en esta rrazon. - Otrossy alo que nos pedieron quelos alcalles delas villas librassen los pleytos que acaesçiessen entre los christianos e los judios e los moros, e non otro alcalle apartado. Tenemos por bien quelos alcalles delos lugares que libren los pleytos que acaesçieren entrellos. - Otrossy alo que nos mostraron quelos judios nin los moros non oviessen heredamientos ningunos delos christianos por conpra nin por entrega nin por otra manera, que por esto sse astragaua muy grant partida delos nuestros pechos e perdemos ende nuestro derecho. Tenemos por bien quelos heredamientos que auien ffasta agora quelos vendan del dia que este ordenamiento es ffecho ffasta hun anno e quelos vendan aquien quisieren, en tal manera que ssean tales conpradores quelos puedan y auer con ffuero e con derecho, e daqui adelante quelo non puedan conprar nin aver, ssaluo ende quanto el heredamiento de ssu debdor sse ovier a vender sseyendo pregonado ssegunt ffuero; et sinon ffallare qui lo conpre, quelo tome en entrega de ssu debda por quanto aquellos ommes bonos que dieron los alcalles del lugar lo apleçiaren que vale, et dende ffasta vn anno que ssea tenudo delo vender, e ssinon lo vendier ffasta estos plazos que dicho es, que ffinque el heredamiento para nos, saluo enlos solariegos e en las benhetrias e en los abadengos, ssacado ende las casas delos judios e delos moros que ovieren mester para ssus moradas. - Otrossy alo que nos mostraron en rrazon delos pennos que enpennan alos judios e alos moros por que sse ffazen muchas encobiertas e ffuerzas, e en otra manera por quelos christianos pierden ssus derechos, et pedieron nos merçed quelos judios e los moros ffuessen tenudos de dar maniffiestos aquellos pennos que enpennauan. Tenemos por bien que sse guarde e sse ffaga assy commo dize en todo el ordenamiento que ffizo el Rey don Alffonso nuestro padre en esta rrazon que dize assy: Mandamos quelos judios puedan dar ffasta ocho mr. ssin jura e ssin testigos a ommes bonos o amugieres buenas ssin ssospecha; et ssy por aventura algunos destos pennos que ffueren echados ffasta ocho mr. ssin testigos, ffueren demandados al judio por ffurto e por ffuerza e lo podiere demostrar el demandador por derecho, que ssea tenudo el judio de mostrar que gelo echó a pennos; e ssi non diere por conosçido aquel que gelo echó e non lo conosçiere, jure el judio en ssu ssignoga ssobre la tora aquella jura que man- damos enel libro delas posturas, quelo non conosçe nin lo ffaze por otro traspasso, e que el que gelo enpennó que era omme bueno o muger buena. Et por quanto ha ssobrellos el demandador ssea tenudo de dar los dineros al judio ssi cobrar quissiere los pennos, e el judio non aya pena ninguna. - Otrossy mandamos que el judio que diere dineros ssobre pennos de ocho mr. arriba quelos dé ante testigos, e jure el judio ante el escriuano aquella jura misma que mandamos jurar al ffazedor delas cartas que non las tomó mas de atres por quatro, e el judio quelos non dio mas de atres por quatro. Et ssi el judio que estos pennos tomare de ocho mr. arriba alguno gelos demandare, e el obtor gelos negare e el judio non gelo podier prouar o dar el obtor maniffiesto derecha miente, dé los pennos ssin dineros aaquel quelos ffeziere ssuyos, et el judio tornesse aaquel quel echó los pennos. Et quanto enlas debdas quelos christianos deuen a los judios del tienpo passado de que non es legado el prazo, tengo por bien e mando quelas paguen los christianos alos judios en esta guisa que aqui ssera dicha: que en quanto dixiere enlas cartas delas debdas o en los juyzios quelos christianos deuen alos judios e delas otras debdas que los christianos deuen alos judios en qual quier manera, que paguen dellas los christianos alos judios en qual quier manera las dos partes, e que ssea quito el terçio alos debdores delas debdas que deuen, e que non paguen otra husura nin pena ninguna.Otrossy lo que los debdores mostraren que pagaron delas cartas o delas debdas que ffueron ffechas desde que el Rey don Ffernando que Dios perdone ffinó aca, que ssea rreçebido en cuenta mostrando lo con buen rrecabdo con testimonio de escriuano e de judio. Et en rrazon delos sseys annos aque non deuen sseer pagadas nin demandadas las debdas, tengo por bien quelles ssea guardado alos christianos, ssaluo ssilos judios mostraren que ovieron enbargo alguno por quelles non entregassen ssus debdas, que aquel tienpo del enbargo quelles non ssea contado en tienpo delos sseys annos. Et mando que paguen los debdores las dos partes delas debdas que ffincaron que an adar ssegunt dicho es en esta guisa: del dia que este ordenamiento paresçiere en cada logar ffasta quatro meses el terçio, et el otro terçio ffasta otros quatro meses, et el otro terçio ffasta un anno, en manera que ssean pagadas todas las debdas del dia que este quaderno ffuere mostrado en cada logar ffasta hun anno conplido. Et elos debdores que non pagaren en estos prazos mando que los entregadores o aquellos que an de ffazer las entregas delas debdas
que deuen alos judios, que tomen alos debdores quanto les ffallaren e que entreguen alos judios ssin plazo e ssin ningunt enbargamiento, ssaluo aquello que mostraren los debdores que pagaron delas debdas que ssacaron desdel dia que el Rey don Ffernando ffinó aca, mostrando lo con testimonio de escriuano e de judio, o ssi quissier dezir contra las cartas que sson ffalssas; e esto que passe tan bien por las cartas que non sson llegados los plazos commo por las cartas que sson passados, ssaluo ssilos plazos aque an a pagar sson mayores que estos plazos que yo pongo. Respondo aesto que dize en rrazon del terçio que ssea quito alos christianos delas debdas que deuen alos judios, quelo tomo en mi mano e auré ssobrello consseio con uos otros commo sse libre en aquella guisa que ssea mas sseruiçio del Rey e proe de todos los dela tierra. Otrossy mando que ninguno delos debdores non sse escusse de pagar alos judios ssus debdas por bulla nin por decletal del Papa, nin por otra rrazon ninguna, mays que paguen por este ordenamiento que ssobredicho es.Otrossy mando e tengo por bien que daqui adelantre ningun judio nin moro non ssea osado de dar a usura mas de arrazon de tres por quatro al anno ssegunt dizen los ordenamientos ssobredichos que el Rey don Alffonssq e el Rey don Sancho ffezieron en esta rrazon, e el quelo dotra guisa diere e le ffuere prouado o ssabido en verdat, que pierda el cuerpo por ello e lo que oviere que gelo tomen para el Rey.
Otrossy alo que me pedieron que enlos lugares do ssuelen auer entregadores los judios, quelos ayan e quelles entreguen ssus debdas en esta manera, que el christiano que ffuere abonado en mueble, que el entregador quel ponga los bienes muebles en rrecabdo ffasta quel pleyto ssea librado por juyzio. Et ssinon oviere mueble, que el entregador quel tieste la rrayz tanta ffasta en quantia dela debda que deuiere, e que gela non vendan ffasta quel pleyto ssea librado por juyzio. Et entretanto que el christiano quela non venda nin la mal meta nin ffaga ssobrello ningunt enganno por que el judio pierda lo ssuyo, e la heredat quela labre el christiano entre tanto, e el ffruto dello que sse ponga en rrecabdo.
Otrossy quelos judios todos que moraren en todas las partes delos rregnos que vengan morar alas uillas rreales que sson del Rey. Et que inffante nin rrico omme nin inffançon nin cauallero nin rrica ffenbra nin duenna nin otro ninguno que non aya judio nin judia nin tenga juderia ninguna, mas que todos los judios ssean del Rey e moren enlas ssus villas. Et el judio que non quisiere venir, quelos alcalles e los me-
rynos e los juezes olas justiçias delas villas quelo ffagan assy ffazer por ffuerza.Quanto en esto rrespondo quelos judios que an algunos por heredat por priuillegios o por cartas quelles vala. Et los otros judios que vengan cada vnos apechar e amorar con ssos aliamas donde sson pecheros.
Otrossy que por que quando los christianos an menester de ssacar delos judios pan o dineros ssobre cartas o ssobre pennos, que van ante el vicario o ante el arçipreste e que pone enel ssu libro todo lo que dize que diera el judio al christiano. Et por esta rrazon que sse ffazen grandes encobiertas e muy grandes males por non yr ante el escriuano dela ffialdat que tiene entre los christianos e los judios. Et meten la jurisdiçion del Rey ha jurisdiçion dela eglesia. Tengo por bien e mando que todo lo que ffallaren que es passado e es en esta guisa, o dieron commo dicho es los judios olas judias alos christianos, quelo pierdan todo e quelles non vala daqui adelantre.
Otrossy por que dezides que rreçebides grandes dannos delos ganados que van e vienen delos estremos e ssalen delas cannadas antiguas e entran por los panes e por las vinnas, las quales cannadas sson la vna que dizen de Leon, e la otra que dizen la ssegouiana, e la otra que dizen dela Mancha de Monte Aragon. Et ssi ffueren por otras canadas ssinon por las que ffueron en tienpo del Rey don Alffonso, quelo montadguen ssegunt los ffueros delos lugares. Et ssi danno ffezieren quelo emienden a ssu duenno, ssegunt quelo ffallaren los alcalles del lugar quelo deuen pechar de derecho.
Otrossy por que dezides que rreçebides grandes agrauiamientos e males delos alcalles delos entregadores delos pastores en muchas maneras ssin derecho, que sse libre en esta manera: que en los pleytos que acaesçieren entre los pastores e los delas villas quelo libren el dicho alcalle entregador delos pastores con vn alcalle dela villa o del lugar do esto acaesçiere, el pleyto quelo libren amos en vno, non en otra manera. Et las prueuas que ssobrello venieren ó a rreçebir que ssean ommes bonos delas villas e delos lugares e delas comarcas do acaesçiere el ffecho, las que entendieren los alcalles que sson para ello, e ommes bonos deque puedan ssaber la verdat e non otros. Et los alcalles delos entregadores delos pastores quelo libren en las canadas antiguas e non en otro lugar ninguno. Et quanto enesto tengo por bien e mando que passe assi com-
mo dize en los priuillegios e cartas que tienen los pastores del Rey don Alffonso e del Rey don Ssancho e del Rey don Ffernando que Diosperdone e non en otra manera ninguna.Otrossi alo que me pedieron que aquellos que an de rrecabdar el sseruiçio delos ganados e sson sseruiçiadores que toman vna vegada el sseruiçio enlas canadas commo es huso e costunbre, et despues que van alas fferias e alos mercados avender de ssus ganados para ssus hatos e para ssus cosas que an mester, e quelos sseruiçiadores queles ffazen muchas escatimas por los sseruiçiar de cabo. Et por esta rrazon que pierden los pastores mucho delo ssuyo. Et otrossy quelas fferias e los mercados que sse pierden por ello. Tengo por bien que aquellos que ffueren sseruiçiadores e ovieren de rrecabdar el sseruiçio delos ganados, quelo sseruiçien vna vez cada anno e quelo rrecabden enlas canadas assy commo ssienpre sse husó e sse contien enlas cartas e priuillegios quelos pastores tienen en esta rrazon del Rey don Alffonso e del Rey don Ssancho e del Rey don Ffernando, que Dios perdone, e non en otro logar ninguno; et ssy por aventura contra esto les quisieren passar, mando alos alcalles e alos offiçiales delas villas e delos logares do esto acaesçiere e do sse ffezieren las fferias o los mercados quelo non conssientan ssola pena que sse contien enlas cartas e enlos priuillegios quelos pastores an enesta rrazon.
Otrossy que ninguno non tome rronda nin castelleria ninguna nin assadura delos ganados que van e vienen alos estremos, ssinon commo ffue husado en tienpo del Rey don Alffonso e del Rey don Sancho.
Otrossi que en casa de nuestro ssennor el Rey que ssea puesto tal aguazil que ssea para ello convenibre. Et qual quiere que ffuere aguazil que non tome almotaçanadgo de ninguna cosa, ssaluo enlas huestes quando el Rey olos tutores ffueren sobre moros, por que ffallamos quelo toman alla ssienpre los aguaziles e es derecho. Et ssilo quisieren tomar en otro lugar quelos alcalles e los alguaziles e los offiçiales delos logares dolo tomaren que gelo non conssientan.
Otrossy que el Rey nin yo nin otro por mi que non ffaga nin mande ffazer pesquisa çerrada ssobre ningunos ommes, e ssi alguna ha ffecha que non vala nin husen della.
Otrossy por que en algunas uillas e logares avian monteros e sson escusados delos pechos e quelos toman delos mas rricos, et por esta rrazon que sse yerman las aldeas do estos monteros moran. Tengo por bien que estos monteros que non ssean escusados por tal rrazon commo esta, nin los ssus escusados non las ayan daqui adelantre.
Otrossy alo que me pedieron que por que en algunas villas e logares an priuillegio e cartas de merçedes delos rreyes apartada mientre denon pechar, los vnos por que sse escusan por monederos, et despues que sse ffinan que sse escusan ssos mugieres e ssus ffijos. Et los otros que sse escusan por balesteros quelos meten en la balesteria los mayordomos mayores por dineros quelles dan, et despues que ffinan que sse escusan ssus mugieres e ssus ffijos. Et estos atales que encuebren otros pecheros, assy por lo ssuyo dellos e por los otros que ellos encuebren que sse astraga e sse yerma la tierra por ello. Tengo por bien delo ordenar en esta manera: que aquellos que sson monederos naturales de padre e de auuelo e ssaben labrar moneda e lo an por cartas e por priuillegios, que gelo guarden. Et los otros que nunca labraron moneda e lo an por cartas e por priuillegios, que gelo rreuoco. Et quanto enlo delos balesteros yo lo libraré con conseio de uos otros commo ffinquen atantos balesteros en cada villa por que el Rey sse ssirua dellos quando ffuere mester e la tierra non se astrague.
Otrossy que ningunt inffante nin rrico omme nin perlado nin rrica ffenbra nin inffançon nin cauallero nin escudero nin duenna nin donzella nin clerigo nin otro omme ninguno, nin de rreligion non aya daqui adelantre, nin tome escusados ningunos nin apaniguados ningunos de mayor quantia en ningunas delas villas nin delas aldeas nin de ssus terminos, sinon por el ffuero o por el priuillegio quelos an los caualleros de aquel lugar dola jurisdiçion ffuere, e quelos tome por mano delos offiçiales de aquel lugar que ffezieren padron.
Quanto en ssant Esteuan de Gormaz tengo por bien que aya veynte balesteros e non mas en la villa e enlas aldeas assy commo eran en tienpo del Rey don Alffonso e del Rey don Ssancho por rrazon que me dixieron que por rrazon destos balesteros muchos que avia que sse astragaua termino de ssant Esteuan. Et estos balesteros veynte quelos tomen dela villa e delas aldeas los alcalles dende con Garçia Gonzalez su personero del conçeio de ssant Esteuan, por que es cauallero que sseruira al Rey e ami enello e guardará el derecho de cada vno.
Otrossi por que me dixieron que el alffierez delos balesteros de Medina del Canpo e los ballesteros que eran delos pecheros del cuerpo dela villa. Et agora que toman el alffierez delos ballesteros del termino e quo sson mas balesteros que ssolian sseer e que encuebren muchos delos pecheros del Rey por que es ssu desseruiçio. Tengo por bien que el alffierez delos balesteros e los balesteros que ssean delos pecheros dela villa assy commo ffueron en vida del Rey don Anionso e del Rey don Sancho.
Otrossy por que me dixieron que algunos caualleros de alarde e balesteros e otros ommes ffezieron pleyto con los pecheros del Rey de ssant Esteuan de Gormaz e de ssu termino enque ffuessen ffranqueados por tienpo çierto, et los pecheros con grant priessa e non podiendo al ffazer e commo por premia quelo ovieron de conssentir. Et que agora que sson escusados e que rreçiben los pecheros del Rey muy grant perdida e muy grant menoscabo. Tengo por bien que non passe assy, mays quelos que sse escusaren commo el ffuero manda por el alarde que ssean quitos, e por los balesteros esso mismo los que ffueren dados delos veynte balesteros commo dicho es, mays que non aya otros balesteros nin escusados por la rrazon que dicho es, e que peche cada vno de los otros lo quelles conpliere apechar con los otros pecheros lanos daqui adelante ssin contienda ninguna. Et ssi por rrazon dela postura pena alguna ffue puesta yo la quito e mando que non vala nin husen della por rrazon que es contra el Rey e contra ssos pecheros e era ssu desseruiçio.
Otrossy quelos pecheros que den por quantiosos alos escusados delos caualleros en mayores quantias de por quanto las deuen auer. Et por que dizen los pecheros que deuen pechar, esto quelles non ssea rreçebido alos pecheros pues sson parte ssaluo ssilos abonassen en mayor quantia ellos de quanto las deuen auer. Et esto sse entiende por las Estremaduras.
Otrossy que quando acaesçe que casan inffançones e caualleros poderosos en algunas villas e los algos que ellos an e toman en casamiento e los ommes quelos ssiruen quieren los auer en aquella jurisdiçion donde ellos sson naturales, mando quelos ayan de aquel ffuero e de aquella jurisdiçion dela villa donde ffueren los algos e non en otra manera.
Otrossy que ningunt inffante nin rrico omme nin cauallero nin otro ninguno non pendre nin tome ninguna cosa aotro ninguno por ssy nin por otro por ninguna querella que del aya, mays ssi querella oviere de conçeio o de otro alguno quelo demanden por ssu ffuero. Et ssilos alcalles nol conplieren de derecho ssobrello quelo muestre al Rey e ami e quel ffagamos ffazer conplimiento de derecho luego.
Otrossy alo que me pedieron que ningunt inffante nin rrico omme nin perlado nin rrica ffenbra nin clerigos nin Ordenes ningunas non puedan auer heredamientos enlas villas rreales nin en los terminos por conpras nin por donaçiones nin por otra rrazon ninguna, ssaluo los quelo ovieron por casamiento o lo tienen del tienpo del Rey don
Alffonso aca. Et dandol los dineros los de aquel logar o la quantia que costó o le ffuere apleçiado por ommes bonos, quelo dexen los quelo ovieren por casamiento e que non puedan ffazer casa ffuerte e ssila ffezieren que gela derriben.Otrossy las casas ffuertes de que ffezieron o ffezieren malffetrias quelas manden derribar. Et quelas derriben los conçeios en cuya comarca ffueren con los merynos e con las justiçias delos lugares que estodieren y por el Rey ssi podieren o ssi quisieren, o ssinon quelas derribe yo.
Otrossy despues quelos inffantes don Iohan e don Pero ffinaron que omres poderosos an ffecho e ffazen algunas casas ffuertes enlas comarcas e en los terminos delas villas rreales deque á venido e viene e puede venir mucho mal e danno alas villas del Rey, que do quier que tales casas ffueren ffechas o començadas affazer que yo que gelas mande derribar e las derribe luego, et que non conssienta ffazer daqui adelante casa ffuerte ninguna de que venga mal e danno alas villas e logares rreales.
Otrossi alo que me pedieron quelos ffreyres delas Ordenes e perlados que despues que el Rey don Ffernando aca que an ffecho e ffazen castiellos e casas ffuertes e çercas enlas villas e enlos lugares que estan enlas comarcas delas villas rreales. Et esto que es contra los ordenamientos que ffezieron los rreys e sse contiene enlos quadernos en que dize que ffuessen luego derribadas e que por esto non lo dexan de ffazer. Tengo por bien delas mandar luego derribar e non conssintre daqui adelante quelas ffagan ellos nin otro por ellos nin por ssy en el su terretorio.
Otrossi alo que me pedieron quelos heredamientos rreales que sson tornados abadengos e delas Ordenes por conpras o por donaçiones que ssean tornados rregalengos e a aquellos que sson pertenesçedores delo auer.
Otrossy que todos los pechos fforeros del Rey e todos los otros derechos quales quier que dierdes todos los dela tierra al Rey quelos coian ommes bonos delas çibdades e delas villas e que ssean abonados e que non ssean arrendados, que esto que passe assi e non en otra manera ninguna; et qual quier quelos arrendare que peche sseys mill mr., et esta pena que ssea partida en esta guisa: el terçio que ssea para los
alcalles e para el alguazil e para los otros offiçiales o para qual quier dellos aquien esta querella ffuer dada, et el otro terçio que ssea para aquel o aquellos quelo acusaren, et el otro terçio que ssea para el conçeio dela çibdat o villa do esto acaesçiere. Ca por este arrendamiento que ffazen ssacan el algo dela tierra e non lo a el Rey nin yo quelo he de auer por el, et el arrendamiento que desta guisa ffuere ffecho que non vala. Et quelos cogedores que ssean de Castiella delas çibdades e villas de toda la meryndat, et enel rregno de Leon que ssean delas çibdades e villas de cada ssacada ssegunt que sson las ssacadas, et en las Estremaduras que ssean los cogedores delas Estremaduras, et enel Andaluzia que ssean los cogedores delas çibdades e villas del Andaluzia.Otrossy ssy el Rey o yo con acuerdo delos dela tierra enbiasse por los dela tierra que ffuessen comigo ala hueste, quela ffonssadera quela ayan los caualleros cada vnos en ssus lugares ssegunt quelo an de ffuero o de huso o de costunbre. Et que den tantos caualleros quantos montaren la ffonssadera e quela partan entre ssy e que den tanto a cada vno delos caualleros ssegunt dieron en tienpo del Rey don Sancho e del Rey Ffernando ssu ffijo que Dios perdone. Et ssy ffincar quisiere e ala hueste non quisier yr, quelos caualleros e los escuderos e duennas e donzellas, que ssos paniguados nin ssus escusados que non paguen e ssean quitos dela ffonssadera.
Otrossi quelas çibdades e uillas que de ffuero o de priuillegio o de huso o de costunbre sson escusados de non dar ffonssadera quelles ssea guardado e que non passen contra ello. Et esto mismo las villas e las çibdades que an cabeça e an merçed enla ffonssadera, quelles vala ssegunt dixiere enla carta dela merçed que touieren en rrazon dela ffonssadera.
Otrossi alo que me pedieron que algunas tierras e villas e castiellos e casas que ay vagadas e vagarán daqui adelante que sson enel ssennorio del Rey que ffueron e touieron algunos ssennores o ssennoras e ommes poderosos e sse vendieron o sse vendieren. Et ssy aquellos moradores delos logares o de cada vno dellas lo quisieren conprar quelas conpren, et pero que ssean ellos del ssennorio de nuestro sennor el Rey. Et ssi estos non los quisieren conprar o non podieren quelos conçeios delas çibdades o delas villas de nuestro ssennor el Rey mays çercanas o otros quales quier delas villas del Rey lo quisieren conprar, quelo conpren e que ssean del sennorio de nuestro sennor el Rey e non de otro ninguno.
Otrossy alo que me pedieron que caualleros e escuderos de Ssoria que yuan dela fferia de Valladolit para ssu villa e que lleuauan cauallos e rroçines para ssos cosas para sseruiçio del Rey, que ssalio aellos Pero Fferrandes de Nabares e quelos corrio ffasta dentro enla villa de Roa, e que estando enla villa de Roa commo en ssaluo assy commo en villa del Rey, que Andres Gonzales ffijo de donna Olalla de Roa e alcalle de Roa con otras jentes del conçeio de Roa queles tomaron los cauallos e los rroçines e todas las otras cosas que y tenian e quelo entregaron e lo dieron aquien sse pagaron e que nunca ende oy podieron auer derecho nin emienda ninguna. Et yo quelles ffaga dar lo que valian las dichas bestias e todo lo al quelles tomaron en Roa commo dicho es. Et ssi daqui adelante acaesçiere que caualleros e escuderos o otros ommes quales quier delas villas e delos lugares del Rey e venieren delas fferias o de otros lugares e arribaren alas villas e alos logares del Rey quelos acogan y e los anparen e los deffiendan por que non rreçiba mal nin danno. Et ssilo assi non ffezieren que yo que ffaga pechar alos dela vila o del lugar todo el danno que por ende rreçebieren.
Otrossy ssi algunos rricos ommes o inffançones o caualleros o escuderos o otros ommes algunos tienen dessaffiados o menazados a algunos conçeios de çibdades o de villas o de lugares del Rey que yo quelles ffaga luego assegurar en manera por que anden sseguros.
Otrossy alo que me pedieron que ssi rricos ommes o inffançones o caualleros o otros ommes poderosos an ffecho algunos males assi commo en çercar algunas villas olos lugares del Rey o en rrobar o en quemar o entoller panes o vinas o otras cosas delas villas e delos lugares del Rey, que yo quelles tome la tierra e los dineros e el bien ffecho que touieren del Rey enla mi tutoria por que con lo del Rey non le ffagan desseruiçio, e quelo dé aaquellos que rreçebieron e rreçebieren el danno ffasta que ssean entregados del danno que rreçebieren o rreçebieron. Et ssi daqui adelante venieren a çercar o a ffazer mal en qual quier manera alas villas e logares del Rey de aquellos que sson de mi tutoria o delos que son de otra tutoria o otros quales quier, quelos anpare e los deffienda por que el sseruiçio de nuestro ssennor el Rey ssea guardado, e que ffaga yo todo mio poder en manera que entendades que non ffinca por mi, e ssilo non ffeziere que pierda la tutoria.
Otrossy alo que me pedieron por Atiença que por rrazon delas ffortalezas que sson ffechas en Vaydes e en Galue e en Vcade, e en otras aldeas del termino que an tomado tutor ssin la villa de Atiença, que yo quelas mande tornar ala villa e que non ayan tutor nin lo pue-
dan auer en ssu cabo ssinon aquel que tomare la villa. Respondo que yo que ffare por ello quanto yo podiere assy que entendades que non ffinca por mi en guardar la tierra del Rey e todo ssu ssennorio.Otrossy alo que me pedieron que por rrazon dela tierra que esta mal parada de andar por los bolliçios que andan por la tierra en muchas guisas, que ssi por aventura alguna cosa tomaren o rrobaren a qual quier ho a quales quier perssonero o perssoneros o perdieren en qual quier guisa por ocasion, que el conçeio dela villa o del lugar donde es el perssonero olos perssoneros, que gelo emienden e gelo pechen luego los dela tierra a bien vista de dos ommes bonos del lugar lo que valia lo que perdio commo dicho es, amostrandolo en buena verdat quanto ffue lo que perdio, e para esto que mande dar cartas del Rey e mias por que gelo cuenten luego ssin condiçion ninguna commo dicho es.
Otrossy alo que me pedieron que yo que non ffaga avenençia con otro tutor del Rey nin con otro ninguno en rrazon dela tutoria por que otro tutor entre enlas villas e enlos lugares que me tomaren por tutor nin que aya parte enlos pechos nin enlos derechos del Rey, nin en otras cosas ningunas que ssean de mi tutoria, nin ffaga justiçia comigo nin ssea en ffazer la; et ssi por aventura avenençia oviesse a ffazer en rrazon delos pechos e delos derechos del Rey, que non aya y otros cogedores ssinon delas villas o lugares dela mi tutoria commo ssobredicho es.
Otrossy por que dizen que en algunas tierras ay ommes que casan dos vegadas sseyendo biua la muger primera queles demandan los procuradores delos arçobispos trezientos mr. acada vno de pena; et que esto es contra prejudiçio del Rey nuestro sennor que estos atales que casan dos vegadas commo ssobredicho es, que deuen perder quanto an e deue sser de ssus ffijos ssilos á o nietos. Et ssinon oviere ffijos nin nietos que deue sseer del Rey e non de arçobispo nin de otro ninguno.
Otrossy mando que ningunos escriuanos publicos non ayan en las eglesias catedrales nin enlas otras eglesias nin enlos lugares abadengos nin otros escriuanos que ssinen nin ffagan ffe por cartas de merçedes que tengan, por quela jurisdiçion e el derecho de nuestro sennor el Rey sse pierde, ssaluo aquellos escriuanos que estudieren por nuestro ssennor el Rey o por los conçeios ssegunt ssus ffueros, que tengo por bien que estos husen delas escriuanias e notarias publicas por ssy mismos e non por otros escusadores ningunos enlas dichas eglesias e enlos abadengos e enlos pleytos que acaesçieren contra los clerigos e entre los legos. Et qual quier o quales quier que contra esto passaren
e del offiçio husaren, mando alos juezes e alos alcalles del lugar do esto acaesçier o aqual quier dellos, que passen contra ellos commo contra aquellos que husan del offiçio de escriuanos publicos e non lo sson.Otrossy yo el ssobredicho tutor apetiçion delos procuradores de las çibdades e villas de Castiella e de Leon e delas Estremaduras e del Andaluzia deffiendo atodos los perlados e vicarios e comendadores de santa eglesia que non tomen jurisdiçion del Rey enlos pleytos nin enlas otras cosas que acaesçiere ante ellos que non ssean de ssu jurisdiçion. Et que ningunt lego non ssea ossado de ffazer demanda nin pleyto aotro lego ante los juezes delas eglesias nin clerigo alego ssobre pleyto que ssea ssu jurisdiçion del Rey ssinon ante los offiçiales que sson del lugar por el Rey o por ffuero ssopena de çient mr. dela moneda nueua acada vno. Et aquel que contra esto passare quelos alcalles olos juezes del Rey dela villa o del lugar do esto acaesçiere quel pendren por la pena e que ayan para ssy la meatad, et la otra meatad para el demandado. Et demas que non conssientan alos juezes delas eglesias nin alos comendadores que passen contra esto en ninguna manera. Et ssinon oviere de quelos pechar que yaga treynta dias enla prision.
Otrossi deffiendo sso la dicha pena delos çient mr. alos legos que non ffagan cartas nin debdas nin otros contrabtos ningunos que ovieren a ffazer entressy con los vicarios nin con los notarios dela eglesia, por rrazon que estos vicarios e notarios non deuen ffazer ffe ssinon enla eglesia entre los clerigos.
Otrossi quel ssennorio e la jurisdiçion e los derechos que nuestro ssennor el Rey ha en Yliescas que ssea guardado. Et que el arçobispo de Toledo nin el dean nin el cabildo non lo tomen nin passen contra ello.
Otrossi alo que me pedieron que por rrazon delos caualleros e ommes bonos de Yliescas que el arçobispo de Toiedo tiene presos por rrazon delas contiendas que sson entre los dichos dean e cabildo [e] los de Yliescas, quelos ssuelte dela prision e que ssean oydos por ffuero e por ante nuestro sennor el Rey; et que daqui adelante el arçobispo nin el dean nin el cabildo non prendan a ningunt vezino de Yliescas nin le tomen ninguna cosa delo ssuyo, amenos de sser ante oydos por ffuero e demandados por ante nuestro ssennor el Rey.
Otrossy quelas demandas e querellas que sson entre los dichos dean e cabildo e los de Yliescas e estan puestas ante nuestro ssennor el Rey que esten quedadas e çessadas ffasta que el Rey ssea de hedat e lo libre commo la ssua merçed ffuere, por que es ssuyo del Rey de librar
e non de otro ninguno. Et que entre tanto que vssen el dean e el cabildo con los de Yliescas e los de Yliescas con ellos en rrazon delos offiçios ssegunt que husauan del tienpo quel Rey don Ffernando ffinó a aca ffasta que ffinaron los tutores don Iohan e don Pero e la Reyna donna Maria, et quelles non passen contra ninguna cosa delas demandas e querellas que an dado al Rey.Otrossi que yo non demande nin conssienta demandar las yantares del Rey en dineros.
Otrossy por quelos malffechores despues dela muerte del Rey don Ffernando, que Dios perdone, tomaron grant ssuelta en rrobar e en fforçiar e en tener los caminos e matar los ommes e quemar las aldeas e en ffazer otros muchos males e desaguisados, que non podemos contar, contra el Rey e contra ssu tierra e contra los que en ella moran, por que non veen quien gelo escarmiente. Et estos que esto ffazen e ffazian que eran e sson delos otros lugares e delas otras jurisdiçiones e non dela jurisdiçion de aquellos logares e villas do ffazen los males, et assi non podian dellos auer derecho, por que me pedieron quelas justiçias aqual quier o quales quier dellos de cada vnas delas villas e delos logares do esto acaesçió o acaesçier, que ssobre estos tales que ffagan las pesquisas. Et aquellos en quien tannier la pesquisa o pesquisas quelos ffagan enprazar ssegunt ffuero e vso dela tierra o del lugar do ffuere ffecho el mal o los males. Et ssinon veniere a sse ssaluar quelos den por ffechores e que passen contra ellos e contra ssus bienes con derecho ssegunt ffueren las mal ffetrias. Et non lo ffaziendo la justiçia o las justiçias ffasta tres meses despues quelo ssopieren ho lles ffuere querellado que pechen las mal ffetrias alos que rreçebieron el danno. Et ssy ssentençia o ssentençias paresçieren contra mi que sso tutor o en qualquier villa el traslado ssignado con ssu ssigno de notario publico contra qual quier mal ffechor, que yo o las justiçias de qualquier logar do paresçiere que ffaga esecuçion della o dellas ssegunt deuiere. Et ssilo assy non ffiziermos que aquel por quien ffincar quelo non conpliere, que peche el danno quelos mal ffechores de que non ffezieron conplimiento de derecho. Et demas que esté ala merçed del Rey por que non quisieron conplir justiçia. Otrossy que en cada villa que pesquiran las mal ffetrias que sse ffezieron o sse ffazen o sse ffaran delos castiellos e casas ffuertes de ssus vezindades o delas comarcas de enderredor onde les vino o les venier mal ssin rrazon derecha, quelas derriben los castiellos o las casas ffuertes por las mal ffetrias que ffezieron o ffueren ffechas e que tomen alos ssennores destos castiellos e casas ffuertes quanto les ffallaren e astraguen gelo los con-
çeios de enderredor, o yo ssy mester ffazier o querellado me ffuere, dando los por ffechores delos males que sse ffezieron o sse ffezieren daqui adelante de ssos castiellos e casas ffuertes, que non los acoiamos nin los perdonemos el Rey nin yo, mas que cunplamos la justiçia en ellos ssegunt el ffuero dela tierra en que sse ffezieron o sse ffezieren las mal ffetrias. Esta ley sse contienden enlos malffechores de ffuera delas villas que vienen ffazer mal alas villas o assos terminos. Et otrossy entiendesse tan bien en los mal ffechores delas mal ffetrias passadas commo enlas que an de venir.Otrossy que todos los que ffuerdes llamados por carta del Rey o por la mia o por los offiçiales del Rey o por los mios para ffazer alguna cosa que vayades ssaluos e sseguros de yda e de venida. Et que ninguno non ssea osado deuos matar nin deuos ffazer mal enlos cuerpos nin enlo que leuardes por querella que deuos aya nin por enemistad nin por debda nin por otra rrazon ninguna. Et ssy alguno o algunos contra esto passaren que yo quel mate por ello o qual quier de uos quando lo podierdes auer, ssilo yo non matare quelo ffagades assy ssin coto e ssin calupnia ninguna.
Otrossy alo que me pedieron quela villa de Vea sseyendo del Rey, que Diego Lopez e Alffonso Ffernandes ffijos de Lope Ortiz de Aztunega que entraron de noche con gentes e ffurtaron la villa de Vea sseyendo del Rey, e echaron los que y morauan e tomaron les quanto les ffallaron, e ffezieron ffortaleza en ella e tienen la en ssu poder assi la ffortaleza commo la villa, e non la quieren dexar maguer el Rey les a enbiado ssus cartas e ssus porteros enque lles manda quel dexen la dicha villa e ffortaleza, e non lo an querido ffazer. Et que me pedian merçed que guissase commo la villa del Rey non sse pierda nin sse astrague nin sse pierda, mays que ffinque del Rey e para ssu sseruiçio e de ssu ssennorio, et la ffortaleza que sse derribe luego. Respondo a esto que yo que ffare todo mio poder en enbiar cartas del Rey e mias e todas las otras cosas que vierdes que yo puedo ffazer, porque el ssennorio del Rey ssea conplido e la ssu tierra guardada para ssu sseruiçio.
Otrossy ssi querella ffue dada alos alcalles dela hermandat o alos alcalles delas villas de ffuerça o toma o rrobo, que ssi la ffuerça o la toma o rrobo non ffuere luego querellado al meryno o alas justiçias o alos alguaziles o alos offiçiales del Rey enla tierra do esto acaesçier, que non lo podiendo luego querellar, que sseyendo despues o ante dada la querella alos alcalles o alcalle dela hermandat o dela meryndat o dela villa, que aquel aquien ffuere dada la querella tal que ssepa la verdat
luego quien lo ffizo e aquel aquien lo ffizo ssy quisier o en otras partes adolo podier ssaber mas conplida miente; e la verdat ssabida, ssi ffallaren que es ffuerça o toma o rrobo assi commo el querelloso lo diere en querella. que gelo ffaga luego emendar ssin alongamiento ninguno. Et para esto conplir los alcalles o el alcalle de la hermandat o dela villa por ante quien esto passare commo dicho es que llame luego ell meryno o alas justiçias o alos offiçiales del Rey delas meryndades o comarcas o villas do esto acaesçiere, que cunpran e emienden todo esto al querelloso ssegunt dicho es, con costas e dannos e menoscabos quelos alcalles e offiçiales e el querelloso rreçebiren, e de todas las calopnias que ayan los alcalles o el alcalle quelo conplier la meatad e el querelloso la otra meatad.Otrossy uos otorgo e uos conffirmo todos uuestros ffueros e ffranquezas e libertades e bonos husos e costunbres e priuillegios e cartas que avedes del Emperador o del buen Rey don Alffonso que vençio la batalla de Hubeda, et del buen Rey don Alffonso que vençio la batalla de Meryda, et del buen Rey don Ffernando su ffijo que ganó a Seuilla, et delos otros rreyes que venieron despues dellos, et deste Rey don Alffonso et de rreys e de inffantes e de inffantas e mias e de otros sennores aquellos que ovieron las villas delos rreys por heredat, aquellas que uos mas conplieren. Et juro a Dios e a santa Maria e a la Vera Cruze alos Ssantos Euangelios que tanxi con mi mano corporal miente deuos gardar todo esto que sse aqui contiene, et atodas las cosas que en este quaderno sse contienen e cada vna dellas e de non venir contra ellas nin contra parte dellas en ningunt tienpo por ninguna rrazon. Et ssi alguna o algunas cartas desafforadas ganaren daqui adelante del Rey e mias que contra los uuestros ffueros e contra las uuestras cosas que dichas sson e en este quaderno sse contienen o contra qual quier dellas o contra parte dellas ffueren, que non ffagades por ellas ninguna cosa. Et ssi por tales cartas ffuerdes enprazados algunos de uos que non sseades tenudos de sseguir el enprazamiento nin cayades en pena por ello. Et qual quier delos offiçiales ante quien ffueren mostradas tales cartas quelas enbien ani a costa de aquel quelas mostrare. Et uos mostrando melo que yo que ffaga escarmiento en aquellos quelas dieren e mandaré desffazer lo que por tales cartas ffuere ffecho. Et ssi por aventura yo non ffeziere escarmiento en aquellos quelas dieren seyendo me mostrado e afrontando melo del dia que me lo mostrardes ffasta ssessenta dias; et ssy otra carta passare daqui adelante, que ssi esto non guardare assi e non lo conpliere e las otras cosas ssobredichas que en este quaderno sse contienen e cada
vna dellas, que non ssea mays tutor nin me coiades enlas villas del Rey nin me obedescades commo tutor nin me rrecudades con las rrentas e derechos del Rey nin ffagades ninguna cosa por mi carta. Et ssilo non guardare assi commo dicho es que non ssea jamas tutor del Rey e que podades tomar otro tutor qual quisierdes, aquel que entendierdes que cunplira mays para ello, e que sseades quitos del pleyto e dela postura e del omenaje e dela jura que me ffiziestes, ssaluo ssy yo mostrare rrazon derecha por quelas non puedo ffazer daquellas que el derecho pone.Et yo el dicho inffante don Ffelipe asseguro de guardar todas estas condiçiones e cada vna dellas ssegunt que sse en este quaderno sse contien atodos aquellos delas villas e delos lugares que me tomaron agora por tutor o me tomarán daqui adelante e non alos otros.
Otrossi alo que me pediestes que estos quadernos que uos los mande dar quitos de chançelleria e de tabra e sseellados conel sseello del Rey e con el mio e librados de Diego Perez escriuano del Rey e non de otro ninguno, nin aya y otra vista nin libramiento ninguno. Respondo aesto quelo tengo por bien que sse ffaga assy.
Et [por] que esto ssea ffirme e estabre, mandé ende dar este quaderno al conçeio dela Çibdat de Leon sseellado conel sseello de nuestro ssennor el Rey e conel mio de çera colgados. Ffecho en Valladolit ocho dias de mayo, Era de mill e trezientos e sessenta annos.
Yo Diego Perez lo fiz escreuir por mandado del Rey e del inffante don Felipe su tio e su tutor.
Sepan quantos esta carta vieren como yo don Alffonso por la gracia de Dios Rey de Castiella de Toledo de Leon de Gallizia de Seuilla de Cordoua de Murçia de Jahen del Algarbe e sennor de Molina. Seyendo
en las cortes que yo fiz en Valladolit do fueron ayuntados por mio mandado infantes prelados e rricos omes e infançones e caualleros e omes buenos delas cibdades e delas villas delos mios rregnos para ordenar fecho dela mi tutoria e todas las otras cosas que entendiessen que eran sseruiçio de Dios e mio e pro e guarda delos mios rregnos. Los abbades e las abbadessas delos monasterios de rreligion de Castiella fizieron me sus petiçiones aquellas que entendieron queles mas cunplie para guarda dellos e delos sus monasterios. Et yo por muy grant voluntat que he de fazer mucho bien e mucha merçet alos monasterios e que sean aguardados e mantenidos en sus franquezas e en sus libertades e por [que] son cosa de almosna e fechura e merçet delos rreyes onde yo vengo e por que Dios guye e enderesçe siempre la mi fazienda al su seruiçio, con conseio e con otorgamiento de don Iohan fijo del infante don Ioan mio tyo e mio tutor e guarda de mios rregnos e mio alfierez e mio adelantado mayor en la frontera, rrespondi les a estas petiçiones que aqui seran dichas en esta guysa.Primera mientre alo que me pidieron queles guardasse e fiziesse guardar los priuilegios e las cartas de libertades e de franquezas que an delos rreyes onde yo vengo e de mi segund que en ellos se contiene. Et otrosi los buenos usus e las buenas costumbres que an e ouyeron fasta aqui, tengo lo por bien e por derecho e otorgo gelo e mando queles valan e les sean aguardados assi como dicho es.
Otrosi alo que me pidieron en rrazon delas mulas e delos vasos de plata queles demandauan los adelantados e los merinos mayores de Castiella quando quier quelos fazian por que vinien muy grandes dannos alos monasterios e alos sus vassallos, que mandasse que non gelo demandassen nin los peydrassen por ende. Ca el Rey don Fernando mio padre, que Dios perdone, por les fazer merçed e almosna, veyendo que era esto grant danno delos monasterios, les quitó esta demanda para siempre iamas e les dio ende priuilegio. Et de mas que por que este fecho me fue mostrado en las cortes de Burgos en vida dela Reyna donna Maria mi auela e delos infantes don Iohan e don Peydro mis tyos e mis tutores, mandé que por que esto les fiziera el Rey mio padre por les fazer bien e merçet e almosna, queles fuesse guardado el priuilegio que el Rey mio padre les dio sobresto e queles non fuesse demandado ninguna cosa por
esta rrazon fasta que yo fuesse de edat e lo librasse como touyesse por bien de que les di ende mio priuilegio. A esto digo que tengo por bien e mando queles sea guardado el priuilegio que el Rey mio padre sobresto les dio segunt se contiene en el mio priuilegio del confirmamiento del que en esta rrazon les yo mandé dar e que les non passen contra ello. Et mando aqual quier o aquales quier que sean adelantados o merynos mayores de Castiella agora e daqui adelante queles non passen contra esto en ninguna manera. Onde mando e deffiendo firme miente que ninguno non sea osado delos yr nin deles passar contra esta mi carta para menguar gela nin quebrantar gela en ninguna cosa, ca aqual quier quelo fiziesse pechar me ye en esto las penas que en los priuilegios e cartas que sobredichos son se contienen, e alos dichos monasterios o aqual quier dellos o aquien su voz touyesse todos los dannos e los menoscabos que por ende reçibiessen dublado e de mas alos cuerpos e alo que touyessen me tornaria por ello. Et sobresto mando a todos los conceios alcalldes jurados merinos juezes justiçias aguaziles e atodos los otros aportellados, assi dela cibdat de Burgos como delas otras villas e logares de Castiella, o aqual quier dellos aquien fuere mostrado, que si alguno o algunos contra esto que en esta carta dize o contra parte dello en qual quier manera passaren, que gelo non consientan e quelos peyndren por los mr. delas penas que en los dichos priuilegios e cartas se contienen, e los guarden para fazer dellos lo que yo mandare, e fagan emendar alos dichos monasterios o aqual quier dellos o aquien su voz touyere todos los dannos e los menoscabos que por ende resçibieren con el doblo, e non lo dexen de fazer assi por ninguna rrazon. Et non fagan ende al por ninguna manera, ca por qual quier dellos que fincasse quelo assi luego non cunpliesen pechar me yen en pena mill mr. dela moneda nueua, e demas alos cuerpos e alo que ouyessen me tornaria por ello. Et de como los unos e los otros cunplieren esto que yo mando por esta mi carta mando aqual quier o aquales quier escriuanos publicos de quales quier çibdades o villas o logares de mio rregno que para ello fueren llamados, que den a qual quier o a quales quier que gelos demandaren en voz e en nombre delos dichos monasterios o de qual quier dellos instrumento o instrumentos quantos sobrello mester ouyeren signados con sus signos por quelo ansi puedan mostrar e mande sobrello lo que bien touyere. Et non fagan ende al sola dicha pena a cada uno e del offiçio dela escriuania. Et por que esto sea firme e estable mando ende dar al abbad e al conuento del monasterio de Onna esta mi carta seellada con mio seello ue plomo. Dada en Valladolit, xvij dias de junio, Era de mill e trezientos e sessenta annos. Yo Martin Gonzalez la ffiz escriuir por mandado del Rey e de Don Iohan ffiio del inffant Don Iohan, ssu tio e ssu tutor. - Pedro Peres. - Garçi Peres. - Gonzalo Peres.Enel nonbre de Dios amen. Sepan quantos este quaderno vieren, commo yo don Alffonso por la gracia de Dios Rey de Castiella de Toledo de Leon de Gallizia de Sseuilla de Cordoua de Murçia de Jahen del Algarbe e ssennor de Molina, estando yo en Valladolit, sseyendo passado el dia de Santi Polite en que yo entré los quinze annos que oue hedat conplida, e que non deuia aver tutor, tomé el poderio en mi para vsar delos mios rregnos assi commo deuo, e acordé de enbiar llamar por mis cartas a cortes para aqui en Valladolit atodos los delos mios rregnos para ordenar e fazer muchas cosas que eran mio sserviçio e pro e guarda del mio ssennorio; e seyendo aqui conmigo el inffante don Ffelipe e don Iohan ffijo del inffant don Manuel e don Iohan ffijo del inffant don Iohan e perlados e rricos omes e maestres delas Ordenes e el prior dela Orden del Hospital de ssant Iohan e inffançones e caualleros mios vassallos et caualleros e ommes buenos procuradores delas çibdades e delas villas e delos lugares de mios rregnos, aqui yo enbié llamar alas cortes por mis cartas, los procuradores delas çibdades e villas e lugares de los mios rregnos de Castiella e de Leon e Toledo e delas Estremaduras en nonbre delos conceios cuyos procuradores eran, ffezieron me ssus petiçiones, veyendo que era grant mio sservicio e pro e guarda de todos los dela mi tierra, las quales petiçiones sson estas que sse ssiguen, e les
yo otorgué e juré de gelas guardar, segunt que en este quaderno sse ssiguen.Primera miente por quela mi tierra es rrobada e astragada e yerma elas rrentas sson menguadas, que ssea la mi merçed que tome manera e ordenamiento en la costa e en la ffazienda de mi casa. E otrossi en las quantias delos rricos ommes e delos caualleros, porque sse pueda conplir e yo e ellos podamos beuir sin malffetrias, ca es cosa por que me alongará Dios la vida e me manterna en mi estado e en mi onrra.
A esto rrespondo quelo tengo por mio sseruiçio, e que con acuerdo de don Ffelipe e de don Iohan e delos perlados e delos ommes buenos que son aqui e con acuerdo de algunos dellos, quelo vere e lo ffare en tal manera por que mio sseruicio ssea guardado.
Otrossi alo que me pidieron por merçed que en la mi cassa ssean puestos tales alcalles e escriuanos que ssean ommes buenos e fforeros e de buena ffama, e que teman á Dios e ami e assus almas, e que guarden acada vno en ssu derecho. E que non libren nin den cartas contra ffuero, nin contra derecho, e esto quelo juren a mi, e los alcalles que libren los pleitos bien e derecha miente cada uno los pleitos de ssus comarcas, e que non tomen algo ninguno por los pleitos que ovieren de librar e libraren; e si fuere ffallado commo deue quelo toman, queles mande echar de mi corte por inffamis e periuros, e que non ssean mas allcalles nin ayan nunca offiçio nin onrra en la mi casa, e demas que tornen las quitaçiones que leuaren esse anno dobladas. E por que estos alcalles e escriuanos mas conplida mente puedan sseruir los offiçios que ayan ssus ssoldadas e ssus quitaçiones en la chancelleria ssegunt quelas deuen auer.
Aesto rrespondo quelo tengo por bien e lo otorgo.
Otrossi alo que me pedieron por merçed que non ande en la mi tierra carta blanca que non ssea escripta e leyda e librada en la mi chancelleria, nin dé aluallas nin dé aluala con mi nonbre, e si alguno mostrare tal carta o tal aluala, quelos conçejos nin los offiçiales que non vsen dellas; e si el alcalle oel juez, oel merino o otro alguno conpliere tal carta otal aluala, commo dicho es, que el que tal carta otal aluala conpliere, que peche ala parte contra quien la conpliere todo el danno que rreçebiere doblado; e esta misma pena peche otro qual quier
quela conpliere, maguer non ssea offiçial, et ssi non fuere abonado para conplir el doblo, aquel oaquellos que tal carta ocartas oaluala oaluallas conplieren, que gelo mande escarmentar commo la mi merçed ffuere. E ssi por tal carta o por tal aluala mataren olisiaren quelo mande matar por ello, e que ssea enemigo delos parientes del muerto, si lo yo non matare.Aesto rrespondo que tengo por bien de non mandar dar carta nin aluala ninguna para que mande matar aninguno, nin aningunos nin otrossi para lisiar nin tomar aningunos ninguna cosa delo suyo, e sila diere que non ffagan por ella nin ssea conplida. Pero ssi por auentura acaesciere que non pueda escusar de dar carta o aluala para prender algun malffechor o malffechores, que aquel oaquellos que ffueren presos por tal carta opor tal aluala, que non ssean muertos nin lisiados nin despechados nin tomado ninguna cosa delo ssuyo, fasta que sean ante oydos e librados por ffuero e por derecho. E qual quier que conpliere tal carta o tal aluala contra esto que dicho es, e matare olisiar alguno o algunos, oles tomare alguna cosa delo suyo, que aquel que tal carta otal aluala conpliere, que yo quel mande dar aquella misma pena que el ouiere dado aaquel contra quien la conpliere. E ssi aquel que tal carta o aluala conpliere yo non lo matare olo non mandare matar osse ffuere en guissa, quelas misjustiçias non lo puedan auer para ffazer del justiçia, mando que ffinque por enemigo delos parientes de aquel aquien mató, et juro delo guardar.
Otrossi alo que me pedieron por merçed quelos ommes buenos delas mis çibdades e villas e logares, que ayan offiçios e lugar en la mi casa, assi commo lo ovieron en tienpo delos rreyes onde onde yo vengo.
Aesto rrespondo quelo tengo por bien e por muy grant mio sseruicio, e que con ningun rrey non lo pasaron meior, quelo passarán conmigo.
Otrossi alo que me pedieron por merçed que deffienda alos mios notarios mayores de Castiella e del rregno de Leon e del rregno de Toledo e del Andaluçia, que non tomen nin manden tomar ninguna cosa por rrazon del rregistro, por que viene muy grant danno por ende atodos los dela mi tierra, ca non gelo ssolian tomar en tienpo del Rey don Alffonso mio bisauelo, e del Rey don Ssancho mio avuelo, que Dios perdone; ca ay muchas mis cartas en que non ay chançelleria ninguna et lieuan tres mr. por el rregistro, non lo aviendo de leuar por las unas
nin por las otras; e la carta que ffuere de libros, que non tomen della ninguna cosa, saluo los libros del notario del rregno onde ffuere, ssegunt que ssolian tomar en tienpo del Rey don Alffonso e del Rey don Ssancho.A esto rrespondo quelo tengo por bien e otorgolo assi.
Otrossi alo que me pedieron por merçed quelos alcaçares e los castiellos que sson en las mis çibdades e villas, que ssca la mi merçed quelos quiera dar e ffiar en caualleros o omes buenos vezinos e moradores en las mis çibdades e villas do ovieren los alcaçares e los castiellos, e que ssean mis vasallos e tales por que el mio sseruiçio ssea guardado, e las mis çibdades e villas ssean guardadas de malffetrias, ca por las tener otros ommes son muchas delas mis çibdades e villas destroydas e astragadas e los vezinos dellas despechados e apremiados. E los alcaçares e los castiellos que an rrentas e rretenencias, quelas ayan, e que gelas non tomen, e los alcaçares e los castiellos quelas non an, que gelas den, porque non ayan manera de ffazer dellas malffetrias.
A esto rrespondo que yo porne tales alcaydes que guarden mio sseruiçio e la tierra de danno.
Otrossi alo que me pedieron por merçed quelos castiellos e las ffortaleças e las aldeas e terminos que estan tomados delas mis cibdades e villas e lugares, osse alçaron contra las çibdades e villas onde eran, que gelas mande tornar e entregar luego.
A esto rrespondo quelos castiellos e las fortaleças e las aldeas e los terminos que algunos an tomado offorçado delas mis çibdades o villas olugares, o sse alçaron contra ellos, que esto que es publico, mando las luego tornar alas çibdades o villas o logares onde ffueron tomadas o sse alçaron, sin otra audiencia e sin otro alongamiento, e lo al que algunos tienen en otra manera tengo por bien delos oyr luego lana mente sin figura de juizio e librarle he sin prolongamiento, et juro delo guardar.
Otrossi alo que me pidieron por merçed porque algunas delas çibdades e villas e logares delos mios rregnos an preuilegios e cartas delos rreyes onde yo vengo, de donaciones e de merçedes queles fiçieron, que si algunos les quisieren demandar alguna cosa, que ssean oydos sobrello.
A esto rrespondo quelo tengo por bien e lo otorgo.
Otrossi alo que me pidieron por merçed quelas aldeas que sson en las alffoçes e en los terminos delas mis çibdades e villas, e las aldeas
sson behetrias e solariegos e abbadengos, e an de venir a juizio alas mis çibdades e villas e ansse de judgar por el ffuero delas mis çibdades e villas, e aquellos cuyas sson las aldeas ponen en ellas escriuanos, e alcalles e abenidores, que atales alcalles e escriuanos e atales abenidores que ssean tirados ende; ca por esto sse pierde la jurediçion delas mis çibdades e villas, e enagenasse la mi justiçia; e los mios merinos e los alcalles e las otras justiçias que andudieren por mi, que non consientan que atales offiçiales commo estos vsen delos dichos offiçios, e que vayan affuero e a juiçio alli do ffueron en tienpo delos rreyes onde yo uengo; et si usar quisieren delos offiçios, queles recabden los cuerpos e quanto les ffallaren, ssaluo los caualleros e ommes buenos delas çibdades e delas villas que an priuillegios e cartas delos rreyes onde yo vengo, en queles dieron sennorio apartado.A esto rrespondo queles mandaré dar mis cartas para las aldeas e las alffozes, que vengan affuero a aquellos logares ssegunt suelen; pero si el ssennor del lugar sse agrauiare, mando que vengan ante mi e librarlo é commo ffallare por derecho.
Otrossi alo que me pidieron por merçed quelas mis çibdades e villas e los mios castiellos e ffortalezas e aldeas e las mis heredades, quelas non dé a inffant nin a rrico omme nin a rrica duenna nin a perlado nin a orden nin a inffançon nin a otro ninguno nin las enagene en otro sennorio ninguno.
A esto rrespondo quelo otorgo, saluo las villas e logares que he dado ala Reyna donna Costanza mi muger, ole diere daqui adelante, e juro delo guardar.
Otrossi alo que me pidieron por merced quelos judgados e las alcallias e los aguaçilados e las merindades delas mis çibdades e villas e lugares, que en aquellos logares dolas an por ffuero o por costunbre opor preuillegios, quelas ayan, e quando quisieren juezes o alcalles o merinos o alguaziles de ffuera, que gelos dé quando melos pedieren todos o la mayor parte del concejo que melo pedieren, et que ssean delas mis villas de ffuero o del rregno o delas comarcas onde fuere la çibdat o villa o lugar onde me lo pedieren. Et quando melo pedieren los del rregno de Castiella, quegelo dé y de Castiella, e quando me lo pedieren los del rregno de Leon, que gelo dé del rregno de Leon, e quando
melo pidieren los del rregno de Toledo, que gelo dé del rregno de Toledo, e quando melo pidieren los delas Estremaduras, que gelo dé delas Estremaduras; e que ssean delas mis villas, e que ssea la mi merçed de gelos non dar en otra manera, ssaluo en Toledo o en Talauera, quelos ayan commo los ovieron de ssienpre aca.A esto rrespondo quelo tengo por bien e quelo otorgo, e juro delo guardar.
Otrossi alo que me pidieron por merçed quelas escriuanias e las notarias quelas çibdades e villas e lugares quelas an de ffuero e de uso opor costunbre opor priuillegio o por cartas o carta del Rey e delos rreyes onde yo vengo odemi, o por cartas o por carta dela Reyna donna Maria mi auuela odela Reyna donna Costança mi madre, quelas ayan; e do yo ouiere a poner escriuanos o notarios, que gelos dé tantos e tales que sieruan los offiçios por ssi mismos e non por otro escusador ninguno; e ssi alguno o algunos notarios o escriuanos leuaren mis cartas o carta por que ayan escusadores, que non husen dellas, nin ffagan por ellas ninguna cosa, e quelos escriuanos e los notarios que tomen delas escripturas que ffiçieren, segunt manda el ordenamiento que ffizo el Rey don Alffonso mio bisauuelo, que es este: Si carta ffuere que uala mill marauedis arriba, aya el escriuano por ssu escriptura dos ssueldos de burgalesses; e si valiere de mill marauedis ayuso fasta cient marauedis, rreçiba hun ssueldo de burgalesses; e de çinquenta marauedis ayuso, rreciba sseys dineros; e de las cartas que ffiçieren sobre mandas osobre pleytos de casamientos o de partiçiones, rreciba por la carta tres ssueldos, e delas cartas que ffiçieren judios con christianos, lieue la meitad desto que ssobredicho es; e silos escriuanos mas quisieren leuar, que gelo non consientan las justiçias delos lugares.
A esto rrespondo que tengo por bien quelos lugares quelo an por ffuero o por priuillegio o por cartas opor carta delos rreyes onde yo vengo odela Reyna donna Maria mi auuela odela Reyna donna Costanza mi madre, que tengo por bien degelo guardar; e alos logares quelo an por vso opor costunbre, e lo vsaron quarenta annos, tengo por bien de gelo guardar; e ssi en estos quarenta annos vsaron los delas çibdades e villas e logares los trenta e cinco annos, quelo ayan; e si alguno delos rreyes onde yo vengo vsó cinco annos, que esto queles non empesca. E alo que dizen delos escusadores, tengo por bien de gelo guardar que non pongan escusadores, e juro delo guardar.
Otrossi alo que me pidieron por merçed que en ffecho delas entregas e delas taffurerias, que ssea la mi merçed que en aquellos logares do las an por ffuero opor vso opor costunbre opor priuillegios opor cartas delos rreyes onde yo vengo odemi odela Reyna donna Maria mi auuela odela Reyna donna Costanza mi madre, que Dios perdone, quelas ayan.
A esto rrespondo que aquellos quelas an por ffuero, opor priuillegio opor cartas delos rreyes odelas rreynas en los logares que ffueren ssuyos, tengo por bien de gelos guardar; e alos logares quelo an por vso opor costunbre e lo vsaron quarenta annos, tengo por bien quelos ssea guardado; e ssi en estos quarenta annos vsaron los delas çibdades e villas e logares los trenta e cinco annos, quelo ayan. E si algunos delos rreyes onde yo vengo vsó cinco annos, que esto queles non empesca, e juro delo guardar.
Otrosi alo que me pedieron por merçed que en ffecho delas debdas quelos christianos deuen alos judios, por que los christianos an rrecebido e rreciben muchos engannos dellos, por quegelo dan mucho mas caro de tres por quatro al anno, segun que se contiene en los ordenamientos delos rreyes onde yo vengo, e lo otro por quelos christianos sson muy pobres e muy astragados por muchos rrobos e males que an rrecebido, e otrossi por quelos annos que sson passados muy ffuertes, e que si agora ouiesen de pagar las debdas que deuen alos judios, que sse hermaria mucha dela mi tierra, que sea la mi merçed deles quitar el tercio, e por las dos partes que ffincan, que gelo paguen fasta dis e ocho messes por los tercios deste tienpo, et en este tienpo que non ganen estos dos tercios logro, nin otra pena ninguna; e por que en algunos logares fiçieron cartas publicas ssobre ssi e ssentencias e cotamientos en que rrenunciaron esta merçed, que avn quelos judios las muestren olas alleguen por ssi queles non vala, nin ffagan por ellos ninguna cosa.
A esto rrespondo que tengo por bien deles quitar la quarta parte de todas las debdas quelos christianos deuen alos judios ssobre pennos, opor cartas que sson ffechas fasta el dia de oy, ssaluo Valladolit e ssu termino, e las tres partes que ffincan que gelo paguen en esta manera: del dia que esta merçed les ffago fasta quatro meses, el vn tercio; e dende aotros quatro messes, el otro tercio; e desquelos dos tercios ffueren con-
plidos fasta otros quatro meses el otro tercio, en guissa que todo esto que ffinca ssea pagado alos judios fasta vn anno; e en este tienpo deste plazo que non ganen logro nin otra pena ninguna; e si en estos plazos non pagaren los christianos las debdas que deuen alos judios, segun dicho es, que aquel oaquellos que non pagaren, queles non vala esta merçed del tercio que non pagaren. E en las çibdades e villas e lugares do an abenencia opostura los christianos con los judios en rrazon delas debdas que ffueron fechas despues que el Rey don Fferrando mio padre finó aca, tengo por bien queles vala e queles non enpesca alos judios esta merçed que ffago dela quarta e del plazo dela espera. Otrossi en fecho del priuillegio delos seys annos e treinta dias quelos christianos an, tengo por bien quelos lugares que an este priuillegio, queles vala; pero por quelos judios me dixieron que ovieron muchos enbargos en los tienpos passados despues que el Rey don Fferrando mio padre finó aca, assi por cartas de merçedes quelos tutores dieron de espera en general e en especial, commo de otras muchas fuerzas queles fiçieron los conceios e los perlados e los caualleros e en otras maneras, porque non podieron auer sus debdas entregadas, tengo por bien demandar saber verdat desto; e en los tienpos que yo ffallare que fueren enbargados, que mande que non ssean contados en los seis annos e trenta dias. Otrossi por quelos judios me querellaron que muchos del mio ssennorio, assi clerigos commo legos, que ganaron e ganan buldas del Papa e cartas delos perlados quelos descomunguen ssobre las debdas queles deuen, tengo por bien e mando que qual quier que mostrare tales buldas e cartas, quelos mis offiçiales delas villas e delos logares quelos prendan, e quelos non den ssueltos nin enffiador ffasta queles den las dichas buldas e cartas, e mandoles que melas enbien luego. Otrossi tengo por bien quelos judios que sson ydos morar aotros ssennorios, que vengan morar cada vnos alas mis villas onde sson pecheros. E mando alos concejos e alos offiçiales quelos anparen e los deffiendan por que non rreciban tuerto ninguno.Otrossi alo que me pidieron por merçed quelas cartas de debdas e cotamientos quelos christianos ffiçieron o ffiçieren con los judios, o con los moros que sse ffagan ssegunt que sse contiene en los ordenamientos que ffiçieron el Rey don Alffonso mio visauelo e el Rey don Sancho mio auuelo e que vsen e sse libren por ellos los christianos con los judios e
con los moros en todo, ssegunt que sse contiene en los dichos ordenamientos. E silos judios olos moros passaren daqui adelante contra ellos en alguna manera, quelas mis justicias delas çibdades e villas e lugares do acaescieren que passen contra ellos e contra lo que an, segunt que en los dichos ordenamientos sse contiene.Aesto rrespondo que daqui adelante tengo por bien que vsen los christianos con los judios e con los moros segunt que sse contiene en los ordenamientos que ffiçieron el Rey don Alffonso mio visauelo, e el Rey don Sancho mio auuelo. E ssi alguno contra esto passare que aya la pena que sse contiene en los dichos ordenamientos.
Otrossi [alo] que me pedieron por merçed que por que algunas çibdades e villas e lugares de Castiella e del rregno de Leon e de Galliçia e de Asturias tienen priuillegios ho cartas delos rreyes onde yo vengo odemi, que non entren en ellas los adelantados olos merinos para merinar, nin husar dela merindat en aquellos lugares commo merinos, que ssea la mi merçed queles ssean guardados en todo ssegunt que sse en ellos contiene. E en aquellas çibdades e villas e lugares do los adelantados o merinos an de entrar, que non prendan nin maten nin despechen aningunos delos moradores dende, ssinon ante fueren oydos e librados por ffuero e por derecho dela villa o del logar do esto acaesciere; e aquello que ffuere judgado por los mis alcalles que andudieren con los adelantados o con los merinos mayores por justiçia en aquellas cosas que por ssi deuen judgar, quelo cunplan assi los merinos e non passen contra ellos en otra manera ninguna. E en las cosas que ouieren de judgar con los juezes del ffuero quelas judguen con ellos e non en ssu cabo. E en lo que en cada una destas maneras ffuere judgado, quelos merinos quelo cunplan, e que non ayan ssinon adelantado omerino mayor e otros merinos por ellos en cada merindat, e estos merinos que ffueren puestos por los adelantados o por los merinos mayores, que non puedan poner por ssi otros merinos. E quelos adelantados o los merinos mayores nin los merinos que por ellos andudieren que non puedan poner mayor pena de dies marauedis dela buena moneda; e quelos adelantados olos merinos mayores que tomen por yantar çient e çinquenta marauedis de qual quier moneda que corriere una vez en el anno, quando y ffueren por
sus cuerpos e non mas, segun quelo tomaron en tienpo del Rey don Alffonso mio visauuelo, e del Rey don Sancho mio auuello, que Dios perdone. E esto quelo tomen en aquellos logares dolas deuen aver e los que contra esto quissieren passar, que mande alos mios conceios que gelo non consientan; e si carta o cartas ssallieren dela mi chancelleria que contra esto sea, que non ffagan por ellas ninguna cosa, e que mande alos mios notarios que non passen carta que contra esto ssea.A esto rrespondo que gelo otorgo en esta guissa, queles ssean guardados ssus ffueros e sus preuillegios e sus cartas que tienen delos rreyes onde yo vengo, e que vsen como meior vsaron en tienpo delos rreyes onde yo vengo; pero silos adelantados o los merinos mayores passaren a mas de quanto ffue usado en tienpo delos rreyes onde yo vengo, que yo que gelo escarmentaré, e juro delo guardar.
Otrossi alo que me pidieron por merçed quelas casas fuertes e los castiellos e las pennas pobladas de que sse ffiçieron e sse fazen muchos males e muchos robos e dannos en tienpo del Rey don Fferrando mio adre que Dios perdone e en el mio, quelas mande derribar; e las que mandare derribar por esta rrazon, que mande que sse non fagan daqui adelante; pero quelos delas Estremaduras me pedieron por merçed que ssi alguna querella o querellas me dieren de algunas casas ffuertes, que los delas Estremaduras ayan, que ffiçieron dellos algunas malffetrias, que ssea la mi merçed que ssean oydos sobrello e librados por ffuero e por derecho.
A esto rrespondo quelos castellares viejos e las pennas brauas e los oteros que ffueron labrados en el mio ssuelo o en el abadengo sin mio mandado oson poblados en ssuelo ageno, tengo por bien que sse derriben, e las otras cosas que ffueron ffechas en los ssuelos de aquellos quelos ffiçieron, e ffallaren con derecho, sseyendo oydos, que sse deuen derribar por las malffetrias que ffiçieron dellas, quelas mandaré derribar, e juro delo guardar.
Otrossi alo que me pidieron por merçed que ningun rrico omme nin rrica duenna nin inffançon nin otro omme poderoso delos que no sson vezinos omoradores en las mis çibdades e villas, que non conpren
heredamientos nin casas en las mis çibdades e villas nin en sus terminos nin ssean ende vezinos, porque destos ommes poderosos atales rrecibien muchos males e muchos dannos, e yo pierdo los mis pechos e los mis derechos, e silas conpraren quelas pierdan, e quelas aya el concejo dela cibdat o villa ologar dolos heredamientos fueren e quelos entren ssin pena e sin calonia ninguna, e que non paguen ninguna cosa por ende. E el quelas vendiere que pierda el precio quele por ellas dieren, e este precio quelo aya el concejo dela çibdad odela villa do esto acahesciere, e que el conçejo lo pueda prendiar por ello.A esto rrespondo que sse vse ssegun que sse vsó en tienpo delos rreyes onde yo vengo, ca yo non tengo por bien de poner agora otro ffuero nueuo ssobrello.
Otrossi alo que me pidieron por merçed quelas cibdades e villas aque vienen e ssolien venir las alçadas en tienpo delos otros rreyes onde yo vengo, de villas e de lugares e de pueblas mias e de otros ssennorios, que mande e costringa que vengan tales alçadas de cada vno destos dichos logares a aquellas çibdades e villas a que ssolian venir; ca esto es manera de sseer mejor guardado el mio ssennorio, e todas las alçadas delas tierras delas Ordenes e delos abadonges que ssolian venir alas mis cibdades e villas que vengan, e las que solian venir a mi que vengan, saluo aquellos que an priuillegios o cartas delos rreyes onde yo vengo, queles ssean guardados, segunt que en ellos dize en esta rrazon.
A esto rrespondo que piden derecho e otorgolo, e juro delo guardar.
Otrossi alo que me pidieron por merçed que por quelos perlados e los cabildos e los otros juezes de sancta eglesia toman la mi jurediçion en rrazon dela justiçia, e delos pleitos e delas alçadas e delas otras cosas, que gelo deffienda e que gelo non consienta quela tomen. E otrossi que non consientan que el rrengalengo passe al abadengo, et ssi alguna cosa an tomado o conprado, que gelo mande tomar e tornar al rrengalengo, e quelo non mande dar aotro ninguno.
A esto rrespondo quelo guardaré segunt que ffue ordenado en Burgos, e lo que conpraron despues del pleitamiento que ffiçieron los prelados sin derecho mandar lo he tornar luego al rrengalengo e guardaré en todo la mi jurediçion e juro delo guardar.
Otrossi alo que me pidieron por merçed quelas asonadas que sse ffazen en la mi tierra que sson muy dannosas en guissa quela mayor partida delos mis rregnos sson astragados por ellas, que yo que mande poner ssobrello tal rrecabdo e tal escarmiento por que sse non fagan.
Aesto rrespondo quelo mandaré assi ffazer.
Otrossi alo que me pidieron quelas villas e lugares que contendieren ocontienden ssobre el mio ssennorio e ssobre la mi juredicion que yo he con las Ordenes e con los prelados e con las eglesias quelo tienen tomado eforçado, que faga premia alos prelados e alas Ordenes e alas eglesias que muestren llana mente ante mi las cartas e el derecho que an en aquellas villas e lugares, e que guarden el mio derecho para mi por que me non venga mas deseruiçio e danno ala mi tierra delo que veno por tales contiendas commo aquestas.
A esto rrespondo quelo otorgo e juro delo guardar.
Otrossi alo que me pidieron por merçed que deffienda alos legos de mio ssennorio que non ffagan sobre ssi cartas de debdas nin de otros contratos ningunos que ouieren afazer entresi con los vicarios, nin con los notarios delas eglesias, por rrazon que el mio ssennorio sse mengua por ende. E estos tales vicarios e notarios non deuen vsar nin ffazer ffe ssinon en las cosas que entre ellos acahesçieren que pertenescan ala eglesia.
A esto rrespondo que me plaze e otorgo lo.
Otrossi alo que me pidieron por merçed quelos cogedores que ovieren de rrecabdar los mis pechos e los mis derechos, que ssean caualleros e ommes buenos e abonados, e que ssean moradores en las çibdades e en las villas onde ffueren las sacadas e las cogechas que oviere de auer, e non otro ninguno, por que yo aya cuenta e rrecabdo delo mio, e los dela mi tierra ssean guardados de prendias e de dannos; e quando algunos dineros posiere a algunos caualleros o aotros quales quier quelas ayan por los cogedores, segunt dicho es, e por lo que ffiçieren los cogedores, quelos concejos e las villas e los lugares onde ffueren moradores que non ssean prendiados por ello.
A esto rrespondo quelo guardaré assi commo se guardó en tienpo delos otros rreyes onde yo vengo e lo que sse cogier en ffialdat, tengo por bien quelo coian ommes buenos abonados delas villas mismas; e lo que se cugiere en rrenta, tengo por bien quelo coian ommes buenos
delas villas del mio rregno, e tengo por bien quelos conçejos non ssean prendiados por los cogedores nin por lo que ellos ffiçieren, e juro delo guardar.Otrossi alo que me pidieron por merçed que non mande matar nin prender nin lisiar nin despechar nin tomar aninguno ninguna cosa delo suyo, sin sser ante llamado e oydo e vencido por ffuero e por derecho por querella nin por querellas que del den.
A esto rrespondo que tengo por bien de non mandar matar nin lisiar nin despechar, nin tomar a ninguno ninguna cosa delo ssuyo, sin sseer ante oydo e vençido por ffuero e por derecho. Otrossi de non mandar aningunos prender ssin guardar ssu ffuero e su derecho a cada vno. E juro delo guardar.
Otrossi alo que me pidieron por merçed que quando me acaesciere de llegar a algunas delas mis çibdades e villas e lugares do he de auer yantar, que non tome mas por la mi yantar de sseysçientos marauedis de qual moneda corriere vna vez en el anno, ssegunt quelo an delos rreyes onde yo vengo por ffueros e por priuillegios opor cartas opor husos e que deffienda alos mios offiçiales que non tomen ninguna vianda ssaluo sila pagaren primera mente.
A esto rrespondo en ffecho delos sseyscientos marauedis dela mi yantar que gelo otorgo e tengo por bien dela non poner aninguno, nin dela demandar ssinon quando la ffuere tomar por mi, saluo quando ffuere en hueste oestodiere en cerca; e quanto es en ffecho dela vianda, quela non tomen los mis offiçiales, tengo por bien quela non tomen ffasta quela paguen; e en aquellos logares do an por ffuero, o por priuillegio o por huso de dar por la yantar menos de sseysçientos marauedis, tengo por bien queles vala e les ssea guardado ssegunt queles ffue guardado en tienpo delos rreyes onde yo vengo. Et por que dizen que en algunos logares an por ffuero opor priuillegio o por huso de non dar yantar, ssinon quando yo y ffuere tomarla por el mi cuerpo, tengo por bien queles vala ssegunt quelo vsaron en tienpo delos rreyes onde yo vengo, e juro delo guardar.
Otrossi alo que me pidieron por merçed que en las eglesias cathedrales sean puestos notarios ssegunt quelos ovieron en tienpo del Rey don Alffonso mio visauuelo e del Rey don Ssancho mio auuelo e non en otra manera ninguna, e estos notarios tales que sieruan los offiçios por ssi mismos e non por otro escusador ninguno, e que ssean tales que si
yerro alguno ffiçieren enel offiçio dela notaria, porque me pueda tornar alos ssus cuerpos e alo que ovieren.A esto rrespondo que sse ffaga commo sse ffizo en tienpo delos rreyes onde yo vengo.
Otrossi alo que me pidieron por merçed que enlas eglesias catedrales nin en las tierras llanas en que non ovieron notarios nin escriuanos publicos en tienpo del Rey don Alffonso mi visauuelo e del Rey don Sancho mi auuelo, e despues ffueron y puestos por los perlados e por los cabildos delas eglesias ssin cartas del Rey don Fferrando mio padre, que Dios perdone, e demi, por que hussen del officio dela notaria o dela escriuania, que mande que estos tales notarios e escriuanos que non hussen del offiçio dela notaria nin dela escriuania; e por quanto sse atreuieron de usar del officio sin cartas del Rey don Ferrando mio padre omias, que passe contra ellos e contra lo que an, commo la mi merçed ffuere.
Aesto rrespondo que me plaze e lo otorgo.
Otrossi alo que me pidieron por merçed que en ffecho delas rrondas e delas guias que toman por los caminos, assi por las bestias, commo por todas las otras cosas que pasan de vnos logares aotros, que es muy grant mio deseruiçio e perjuyçio del mio ssennorio e de que viene muy grant danno atodos los dela mi tierra, que mande quelas non tomen, e ssi contra el mio mandado algunos quesieren passar, que mande alos concejos e atodas las otras justiçias que gelo non conssientan e que ffagan contra ellos commo contra rrobadores e quebrantadores de caminos, ssalvo en las Estremaduras en aquellos logares do ovieron las rrondas de ssienpre aca, quelas ayan.
Aesto rrespondo que me plaze e otorgolo.
Otrossi alo que me pidieron por merçed que non mande ffazer pesquisa çerrada general en ninguna çibdat nin en villa nin en lugar de mio ssennorio, ssi non quando melo pedieren el conçejo dela çibdat o dela villa odel logar onde ffueren.
Aesto rrespondo que me plaze e otorgolo, et juro delo guardar.
Otrossi alo que me pidieron por merçed que en las çibdades e villas e lugares do non an cabeça delos mios pechos, que non ssean prendados los vnos logares por los otros nin los vnos ommes por los otros, mas que cada vno ssea prendiado por lo que oviere apechar.
A esto rrespondo quelo otorgo.
Otrossi me pidieron por merçed queles posiese cobro de muy grandes agraviamientos que rreçibian delos perlados del mio ssennorio, cada vnos en sus logares en ffecho dela justiçia, que quando algun clerigo mata algun lego o ffaze otras cosas desaguisadas e la mi justiçia lo prende e lo entrega al obispo o asus vicarios por que ffagan enel aquella justiçia que meresçe, et ellos ssueltanlo luego dela pression e non ffazen enel aquella justiçia que meresçe, por esta rrazon viene muy grant mal e muy grant danno enel mio ssennorio.
Aesto rrespondo quelo tengo por bien e quelo ffare assi.
Otrossi alo que me pidieron por merçed que aquellos que mostraren cartas o alualas de pago o de quitamiento delos pechos e delos derechos et de todas las otras cosas que cogieron orrecabdaron por el Rey don Fferrando mio padre, que Dios perdone, e por mi e por la Reyna donna Maria mi auuela e por la Reyna donna Costança mi madre, que Dios perdone, en rrentas e en fialdat oen otra manera qual quier, opor los mis tutores opor qual quier dellos opor los quelo ovieron de rrecabdar por ellos, queles vala e queles non ssea demandado mas.
Aesto rrespondo quelos que mostraren cartas o alualas de pago ode quitamiento, queles vala.
Otrossi por queles dixieron que algunos que me querian arrendar los çient marauedis dela buena moneda que sse contiene en las mis cartas, por quelos cunplan las justiçias aque ffueren, e en esto rreçibrien muy grant agrauiamiento e muy grant danno ssi assi passasse, que atales penas commo estas nunca las leuaron los rreyes onde yo vengo, e que me pidien que ssea la mi merçed que non quiera que passe tal arrendamiento commo este, nin los dé enninguna manera.
Aesto tengo por bien que sse guarde e sse vse ssegunt que se vsó en tiempo delos rreyes onde yo vengo.
Otrossi alo que me pidieron por merçed por que algunos conçejos delas mis çibdades e villas e lugares por guardar e conplir lo que es puesto e ordenado por los quadernios dela hermandat e por guardar mio ssennorio e por deffendimiento dela mi tierra, por que algunos ffijos dalgo e otros omes poderosos mataron e rrobaron alos delas mis villas ssin rrazon e ssin derecho, e los mios merinos olos alcalles delas hermandades o otros omes delos delas villas ffizieron llamamiento sobrello alos dela mi tierra para ffazer sobrello justiçia e escarmiento, elos que ssobre esto ffueron ffiçieron muertes de ommes e derribamiento de casas e talamiento delo que avian aquellos que ffiçieron las mal ffetrias; por esta
rrazon algunos de aquellos a quelo ffiçieron e ssus parientes matan omes e rroban quanto ffallan delas mis villas e logares quelo ffiçieron, que ssea la mi merçed que mande que ssean sseguros dellos, e queles ffagan emienda del mal e del danno queles an fecho por esta rrazon.Aesto rrespondo quelo otorgo.
Otrossi alo que me pidieron por merçed que touiesse por bien que los que venieren morar delas tierras delas Ordenes e delos abadengos alas mis çibdades o villas o lugares, queles non sean tomados nin enbargados ssus bienes muebles nin rrayzes por esta rrazon.
Aesto rrespondo que ellos pagando los derechos fforeros que ellos an de pagar por las heredades que an, que yo queles mandaré guardar que les non tomen sus heredades por sse yr morar alos mis logares, guardando acada vno sus ffueros e sus priuilegios.
Otrossi alo que me pidieron por merçed que tenga por bien que los que moran en las mis çibdades e villas e lugares que puedan labrar e esquilmar sus vinnas e ssus heredades que an en tierra delas Ordenes e delos abadengos, e vender las pagando ssus derechos e lo que deuieren alas Ordenes e alos abadengos.
Aesto rrespondo que gelo otorgo, guardando acada vno su derecho.
Otrossi alo que me pidieron por merçed que tenga por bien deles quitar todas las cuentas e pesquisas e rrentas e ssacas en general, e en espeçial fasta aqui. Et otrossi queles non ssean demandados los derramamientos e taias que ffiçieron los conçejos entressi e entre los pueblos atodos nin aningunos dellos. Et otrossi todos los pechos e derechos e rrentas que leuaron los mios tutores odieron a algunos, queles non ssean aellos demandados nin aningunos delos moradores delos lugares.
Aesto rrespondo quelas cuentas e las pesquisas e los derramamientos que ffueron ffechos en las çibdades e villas e lugares e pueblos del mio ssennorio por mis cartas e delos mis tutores odelas rreynas opor mandado delos conçejos o delos pueblos odela hermandat fasta el dia de oy, e todo lo de ante en qual quier manera, que gelo quito e quitoles la demanda que contra ellos podrian auer. Et otrossi los pechos e derechos e rrentas quelos conçejos dieron alos tutores por mis cartas o delos tutores, olos tutores dieron a algunos, queles non ssean demandados aellos, nin alos moradores delos lugares, ssalvo ende si alguno o oalgunos ssin mio mandado odelos tutores odelas rreynas odel conçejo odel lugar o del pueblo derramaron o tomaron alguna cosa, que esto quelo pueda yo demandar commo la mi merçed ffuere.
Alo delas sacas delas cosas vedadas rrespondo que gelo quito e gelo perdono fasta el dia de oy, e juro delo guardar.
Otrossi alo que me pidieron por merçed queles otorgue e queles conffirme todos ssus ffueros e ffranqueças e liuertades e buenos vsos e costunbres e priuillegios e cartas e quadernios que avian del Enperador e delos rreyes onde yo vengo e demi e dela Reyna donna Maria mi auuela e dela Reyna donna Costança mi madre, que Dios perdone, assi en general commo en espeçial, e los quadernios dela hermandat, aquellos quelos an en Castiella, e queles mande dar este quadernio, vno para cada çibdat e villa e logar de mis rregnos sseellado comio sseello de çera colgado, quito de chançelleria e de tabla.
Aesto rrespondo quelos fueros e priuilegios e cartas e buenos vsos e costunbres que an del Enperador e delos rreyes onde yo vengo e delas rreynas en aquellos logares que ffueron ssuyos, aquelos que sson en general que gelos otorgo, e que gelos confirmo. Et otrossi les otorgo e les conffirmo todos los priuillegios e cartas que an [en] espeçial, aquellos de que sienpre vsaron. Otrossi les otorgo los quadernios queles dio el Rey don Fferrando mio padre en las cortes que el ffizo, aquellos que non ffablan de hermandades. Et ssilos mios tutores algunos priuillegios ocartas les dieron o merçedes les ffiçieron despues que el Rey don Fferrando mio padre ffinó aca, que melos muestren, e librar los he commo la mi merçed fuere. Et tengo por bien deles dar estos quadernios, vno para cada çibdat e villa e lugar de mios rregnos, quitos de chançelleria e de tabla. E juro delo guardar.
Otrossi alo que me dixieron queles ffaçian entender que algunas delas cosas que me ellos pidieron en este quadernio e les yo auia otorgado, queles auia dadas e les daua contra esto que ellos me pidieron e les yo otorgué e les prometi, et pidieronme que ssea la mi merçed quelo que auia dado contra esto queles otorgara, quelo desffaga e mande que non vala.
Aesto rrespondo quelo otorgo: juro delo guardar.
Otrossi alo que me pidieron por merçed que non mande dar cartas nin carta nin aluala nin alualas contra las cosas que sse contienen en este quadernio, nin contra parte dellas, e si por auentura tal carta otal aluala mandé dar, oes ffuera dela chançelleria o ssalliere daqui adelante, que mande en esta ley alos conçejos e alos offiçiales e aotros quales quier aque fueren, quelas non cunplan, nin fagan por ellas ninguna
cosa, e por las non conplir que non ssean enplazados por ellas, e ssilo ffueren que non ssean tenudos de sseguir el enplazamiento nin cayan en pena ninguna.Aesto rrespondo quelo otorgo; pero ssilos concejos o alguno dellos offiçiales ffueren enplazados ssobre otras cosas algunas que sse non contienen en este quadernio, e quesieren poner escusa por que digan que es contra este quadernio, que sean tenidos de sseguir el enplazamiento queles desta guissa ffuere ffecho; e silo non ssiguieren, que cayan en la pena del enplazamiento. Juro delo guardar.
Et desto mandé dar este quaderno sseellado con mio sseello de çera colgado al conçejo de Mula. Ffecho en Valladolit, doze dias de dezienbre era de mill e ccc lxiii annos.
Yo Iohan Martinez dela Camara lo fiz escriuir por mandado del Rey.
En el nombre de Dios amen. Sepan quantos esta carta vieren commo yo don Alfonso por la graçia de Dios Rey de Castiella de Toledo de Leon de Gallizia de Seuilla de Cordoua de Murçia de Jahen del Algarbe, e sennor de Molina. Seyendo conmigo ayuntados en estas cortes que yo agora fiz en Valladolit infantes e rricos ommes e arçobispos e obispos e abbades benditos e priores e maestres delas Ordenes e infançones e caualleros e procuradores delas çibdades e delas villas e logares delos rreg-
nos de Castiella e de Leon e delas Estremaduras e del rregno de Toledo e dela Andaluzia e procuradores delos perlados e eglesias e monesterios delos mios rregnos que y fueron. Los perlados e procuradores que y fueron por si e por los otros perlados que en estas cortes non fueron nin sus procuradores por ellos, e por todas las eglesias e Ordenes e monesterios de todos los mios rregnos fizieron me sus petiçiones segunt que aqui dira. Et por quelos otros rreyes onde yo vengo touyeron siempre por bien de guardar la onrra delas eglesias e delos monesterios e delas Ordenes delos rregnos e los sus derechos, e de fazer mucho bien e mucha merçet e mucha onrra alos perlados dellas, yo por fazer bien e merçet e onrra alos perlados e alos abbades e priores e monesterios e alas eglesias e alas Ordenes delos mios rregnos, toue por bien deles responder alas petiçiones que me fizieron en esta guisa que aqui sera dicha.Primera mente me pidieron por merçed que tenga por bien deles confirmar sus priuilegios e cartas e quadernos e buenos vsos e buenas costumbres e libertades que ouyeron e an las eglesias e los perlados e las Ordenes e los monesterios delos mios regnos, delos rreyes onde yo uengo e de mi, e deles mandar dar mis cartas plomadas sobrello, ca assi lo fizieron los rreyes onde yo vengo. Et los que quisieren confirmaçion de sus priuilegios espeçiales que gelos diesse.
Et yo por les fazer merçet tengolo por bien e confirmo los priuilegios elas cartas e libertades e buenos vsos e costumbres que an las eglesias e los perlados e los abbades e los monesterios e las Ordenes, delos rreyes onde yo vengo, aquellas de que vsaron. Et mando queles valan e les sean guardados segunt que meior les fueron guardados en tiempo delos rreyes onde yo vengo. Et quanto es en razon dela meytad delos seruiçios que ellos an de auer de sus vasallos. Tengo por bien deles fazer merçed dellos alos perlados que an priuilegios del Rey don Ferrando mio padre, que Dios perdone, en esta razon e delos otros rreyes onde yo vengo.
Otrossi alo que me pidieron por merçet que tenga por bien de mandar alos mios merynos e amios offiçiales que guarden e deffiendan las eglesias e los monesterios e las Ordenes e los sus vassallos de muchos males e dannos que reçiben, e queles mande dar mis cartas sobrello, et que non vengan contra sus priuilegios e libertades e buenos vsos e costumbres, et que ayan emienda e derecho delos males e dannos e rrobos e quemas que reçibieron fasta agora.
Tengolo por bien e mandoles dar mis cartas las que mester ouyeren en esta rrazon.
Otrossi alo que me pidieron por merçed quelos rricos ommes e los caualleros toman yantares en los vassallos delas eglesias e en los monesterios e en las Ordenes e en sus vassallos sin razon e sin derecho, et sobresto los mios merynos deuien deffender los logares e fazer pesquisa destas malffetrias e poner los malfechores en cotos e leuar el derecho para mi e lo al entregarlo alos que reçibieron el danno segunt fuero e derecho. Et desto non se faze nada nin se fizo grant tiempo ha. Et algunas vezes los merynos fizieron pesquisas e leuaron su derecho para si, e alos querellosos non entregaron nada; por que me piden por merçet quelo mande meiorar e guardar.
Tengolo por bien que se emiende e mandolo assi fazer e cumplir.
Otrosi alo que me pidieron por merçet que tenga por bien de mandar alos mios merynos que deffiendan quelos rricos ommes e los caualleros non embien demandar seruiçios alos vassallos delas eglesias nin alos monesterios nin alas Ordenes nin alos sus vassallos; ca los rricos ommes e los caualleros an tomado manera despues quelos tutores morieron a aca, que embian sus cartas alos monesterios e alas Ordenes e aloss sus vassallos e delas eglesias en queles embian demandar seruiçio bueno e granado. Et si gelo non dan que luego los mandan rrobar e tomar quanto les fallan. Et si desto querellan alos mios merynos non fallan derecho nin cobro ninguno.
Tengo por bien quelos dichos rricos ommes nin caualleros non tomen seruiçios en ningunos delos sus vassallos. Et mandoles dar mis cartas para los mios merynos quelo guarden assi, saluo enel rregno de Leon, que aquellos que an comiendas quelos comenderos queles demanden aquel derecho queles an a dar por la encomienda.
Otrosi alo que me pidieron por merçet que quando me fuere otorgada moneda o seruiçios en la tierra quelos mande coger alos mios cogedores, que sean delas mis villas e que sean abonados e ommes de buena fama, e estos que non pongan otros cogedores por si de palaçio. Et si dineros pusiere alos caualleros en los vassallos delas eglesias e de las Ordenes quelos tomen de mano de mis cogedores e que non les den carta porque ellos los coian; ca desto viene muy grant danno alos vassallos delas eglesias e delos monesterios e delas Ordenes e alos mios vassallos del rregalengo; et el cogedor que contra esto vi-
niere que peche çient mr. dela buena moneda para mi e paral mio meryno.Tengo por bien delo guardar assi e mando ende dar mis cartas las que mester ouyeren.
Otrosi alo que me pidieron por merçet que quando me son otorgados seruiçios enla tierra e pongo dineros alos caualleros en sus vassallos e en sus comiendas, e los caualleros dizen que tienen algunos logares en comienda delas eglesias e delos monesterios, que non sean creydos si non mostraren cartas delos sennores delos logares de commo lo tienen en comienda; ca muchas vezes apremian alos vassallos queles den cartas de comienda en esta razon sin saberlo los sennores e pesandoles ende; et esto quelo mande guardar alos de mi casa que an de librar e poner los dineros alos caualleros, mayor mente que en Castiella non puede auer ninguno comienda, sinon yo tan solamente. Et las comiendas que contra esto tienen quelas reuoque e quelas dé por ningunas.
Tengo por bien e otorgo gelo, saluo en el rregno de Leon, que tengo por bien que aquellos caualleros que algun logar an en comienda por derecho, e la ouyeron ellos e aquellos onde ellos vienen quelo demanden por derecho.
Otrosi alo que me pidieron por merçed que mande alos mios merynos e alcalles que sepan e pesquiran delos logares e eglesias quelos caualleros e otros ommes tienen por fuerça delas eglesias e delos monesterios e delas Ordenes, e que gelos fagan entregar e desembargar e lo que es manifiesto quelo fagan luego entregar.
Tengolo por bien e mandoles dar ende mis cartas.
Otrosi alo que me pidieron por merçed que mande a mios adelantados e merynos mayores e alcalles e amis justiçias e offiçiales, que non consientan quelos caualleros nin otros ningunos tomen por fuerça las terçias delas fabricas delas eglesias, et demas los quelas toman son descomulgados e los logares do ellos estan son entredichos myentre que ellos y estan. Et esto que es grant mio deseruicio e lo que dende an tomado quelo fagan entregar. Et yo mandaré fazer sobrello aquello que viere que es mas mio seruiçio.
Otrosi alo que me pidieron por merçet quelos que estan descomulgados de treynta dias adelante que mande a mios merynos e justi-
çias e offiçiales quelos prendan, e que mande dar mis cartas sobrello, e que lieuen la pena dellos segunt el ordenamiento que fue fecho por los rreyes onde yo vengo, e quela meytad deue ser mia e la otra meytad del prelado que puso la sentençia. Et esso mismo delos que estan descomulgados del anno adelante que deue cresçer la pena sobrellos e que se guarde el ordenamiento dela mi corte contra ellos.Tengo por bien que passe commo passó en tiempo delos rreyes onde yo vengo e que se guarde el ordenamiento que es fecho en esta razon por la mi corte.
Otrosi alo que me pidieron por merçet que mande alos mios merynos e justiçias e offiçiales que non consientan alos alcalles dela hermandat que peyndren alos vassallos delas eglesias e delas Ordenes e monesterios por sus soldadas, pues los prelados non quisieron nin quieren ser en su hermandat. Otrosi quelos abbades e Ordenes que entraron en ella que non se fallaron ende bien e que quieren salir della que les vala e quelos sus vassallos non sean peyndrados por las soldadas sobredichas. Et porque esta hermandat es mio deseruiçio que mande que non sea.
Tengo por bien e mando que daqui adelante que non aya hermandat ninguna, e mando dar mis cartas para los mios merynos que non consientan que den soldadas ningunas alos alcalles nin que peyndren por ellas.
Otrosi alo que me pidieron por merçed que mande alos mios merynos justiçias e offiçiales que non consientan alos caualleros que prendan los cuerpos delos labradores nin les peyndren las bestias nin los bueyes con que labran por dineros queles sean puestos en ellos, e que en algunos logares quando non les fallan peyndra queles prenden los cuerpos e non les dan de comer fasta queles paguen los dineros. Et qual quier que contra esto viniere que peche çient mr. dela buena moneda para mi, et los merynos quelos fagan peyndrar por esta razon.
Tengo por bien que non prendan a ningunos los cuerpos por ningunos delos pechos que ayan a dar so pena de çient mr. dela moneda nueua, e mando alos mios merynos que peyndren por la dicha pena a qual quier que en ella cayere.
Otrosi alo que me pidieron por merçed los prelados e Ordenes e los abbades delos monesterios quelas mis yantares que yo he en las mis
eglesias e en los mios logares e monesterios que non las dé a ninguno por cartas e quelas non tome sinon quando yo y fuere, ca por esta razon viene mucho danno alos logares e a mi grant desseruiçio porque me piden las yantares ante de tiempo e yo non fallo yantares quando y acaesco.Tengo por bien delas mis yantares delas non poner a cauallero nin aotros ningunos e quelas non demandaré mas de vna vez en el anno e quiero que me las den do las he de auer de derecho.
Otrosi alo que me pidieron por merçed que esto mismo mande guardar alos mios adelantados e merynos que non demande yantares por cartas, mas quelas tomen por si do las an de auer, e que non lieuen por yantar mas de çient e çinquenta mr. segunt que fue otorgado enlas cortes de Burgos, et agora lo yo otorgué alos procuradores delos conceios.
Tengo por bien quelas den commo las dieron en tiempo delos rreyes onde yo vengo.
Otrosi alo que me pidieron por merçed que deffienda quelos rricos omes nin los caualleros que non demanden yantares enlos monesterios do las non an, nin las den por cartas a ninguno. Et si contra mio deffendimiento passaren queles ponga pena e que mande alos mios adelantados e merynos e offiçiales quelos peyndren por ella e la coian para mi.
Tengolo por bien e mandoles dar mis cartas para los merynos commo gelo guarden assi; et si gelo non guardaren, quelos merynos quelos peyndren por pena de çient mrs. dela buena moneda.
Otrosi alo que me pidieron por merçed que deffienda quelos caualleros e escuderos e otros ommes poderosos e conçeios non tomen nin ganen por ninguna manera heredades nin vassallos nin mayordomos nin amos en los sennorios delas eglesias nin delas abbadias nin delas Ordenes nin delos monesterios. Et si alguna cosa y an ganado que gelo mande entregar todo, que se sigue ende grant danno e non pueden auer ende derecho las eglesias e los otros sobredichos delos sus vassallos.
Tengo por bien que se guarde ssegunt que se meior guardó en tiempo delos rreyes onde yo vengo.
Otrosi alo que me pidieronpor merçed que si algunos rricos om-
mes o caualleros o otros algunos tomaren o robaren algunas cosas delos bienes delos prelados e delos abbades e delos priores e delos monesterios e delos comendadores e delas Ordenes e delos clerigos e delos conçeios o delos sus vassallos o delos terminos, o tomaren yantares en los sus logares, que luego aquerella de aquel que reçibiere el danno, si fuere manifiesta la malfetria que sea entregado, et si manifiesta non fuere, que sea fecha pesquisa por los pesquiridores que fueren dados para ello, e la pesquisa fecha que sea trayda ala mi casa e sea luego librada e dada mi carta para los delos logares do algo ouyere el que fiziere la malfetria, porque sea luego entregado el querelloso. Et si bienes o vassallos non ouyeren, que dé mis cartas para aquel logar do touyere tierra de mi aquel a quien la pesquisa tanxiere. Et que el meryno e los alcalles e los juezes e los otros offiçiales dela tierra o delos logares do esto acaesçiere que se tornen ael e asus bienes fasta que entreguen al querelloso.Tengo por bien que aquellos que esto fizieren queles mando dar mis cartas para los merynos porque entreguen en sus bienes aquello que desta guisa les tomaren. Et si bienes non ouyeren que me tornaré por ello alos sus cuerpos.
Otrosi alo que me pidieron por merçed que si algunos ricos ommes o caualleros o escuderos o otros ommes poderosos o los conçeios o algunos delos conçeios ouyeren querella delos prelados o abbades o priores delos monesterios o delos clerigos o delos conçeios o de ommes de Ordenes o de sus ommes o de sus vassallos, queles non peyndren nin les tomen ninguna cosa delo suyo por su auctoridad, mas quelos demanden por derecho aquellos queles quisieren demandar.
Tengo por bien quelos que demandar quisieren alguna cosa que demanden por ó deuen e commo deuen de derecho.
Otrosi alo que me pidieron por merçed quelos rricos ommes e los infançones e caualleros e otros ommes poderosos non fagan fortalezas enlos logares nin enlas heredades nin enlos terminos delos prelados nin delas eglesias nin delas Ordenes nin delos conçeios delas villas, et las que son fechas despues que el Rey don Sancho finó a aca quelas faga luego derribar, ca esto es muy grant mio seruiçio.
Tengo por bien que non fagan fortalezas ningunas enlas sus heredades dellos nin delas Ordenes nin delos sus vassallos. Et las que son fechas mando alos mios merynos quelas derriben.
Otrosi alo que me pidieron por merçet que non posen los caualleros enlos hospitales que fueron fechos para los pobres e para los en-
fermos, que quando y vienen posar echan los pobres fuera e mueren en las calles porque non an do entrar.Tengo por bien e deffiendo que esto non sea daqui adelante.
Otrosi alo que me pidieron por merçet quelos rricos ommes e los caualleros nin los conçeios nin otros ommes non fagan posturas contra las eglesias nin contra las Ordenes e monesterios nin contra sus libertades. Et si algunas an fecho quelas desfagan e non valan.
Tengo por bien en esto que vsen commo vsaron en tiempo delos rreyes onde yo vengo.
Otrosi alo que me pidieron por merçet que se non fagan pesquisas sobre clerigos nin sobre religiosos por legos. Et si algunas pesquisas son fechas fasta aqui que non valan e que sean rrotas e sacadas delos rregistros.
Tengo por bien e mando que se guarde por onrra dela eglesia; pero sepan los prelados que mios offiçiales que se me querellan que algunos clerigos que fazen muchas malfetrias, e digoles que manden fazer escarmiento e justiçia en aquellos quelo fizieren, et sinon que me tornaré aellos por ello.
Otrosi alo que me pidieron por merçet quelos prelados e abbades e las Ordenes que estan desapoderados e forçados de sus sennorios e de sus logares e de sus derechos e de sus bienes que sean apoderados e restituydos sin alongamiento.
Tengo por bien que me muestren lo queles tienen tomado e quien gelo tienen e queles fare cumplimiento de derecho.
Otrosi alo que me pidieron por merçed que en los sus logares que son priuilegiados, en quelos mios merynos nin los mios offiçiales non deuen entrar nin merynear nin fazer entrega, que mande que non entren y contra sus priuilegios nin contra sus buenos vsos que ouyeron.
Tengo por bien que en aquellos logares que an priuilegios delos rreyes onde yo vengo en que defienden que non entren y merynos nin otros offiçiales e quelos muestren ami o amios merynos e que gelos mando guardar.
Otrosi alo que me pidieron por merçet que non consienta que los rricos ommes e caualleros demanden nin tomen yantares nin seruiçios en las eglesias nin enlos monesterios nin enlas sus casas nin enlos
sus vassallos assi commo lo demandan, ca non lo deuen auer de fuero nin de derecho.Tengo por bien delo deffender quelo non tomen, saluo enel rregno de Leon que aquellos que son comenderos por linage quelo puedan tomar en el logar dela encomienda segunt quelo tomaron aquellos onde ellos vienen de quien heredaron la comienda.
Otrosi alo que me pidieron por merçet que por razon de los mios pechos nin por otras debdas nin fiaduras quelos de un conçeio de qualquier logar deuan o fagan, que non sean peyndrados los del conçeio de otra aldea por ello maguer que sean todos de vn sennorio.
Tengo por bien que si es por el su pecho e non an cabeça, que cada vn logar sea peyndrado por lo que deue. Et si cabeça touyeren todos en vno que puedan peyndrar en qualquier logar. Et si es debda, e el prelado non quiere fazer complimiento de derecho de sus vassallos, que el offiçial que ouyere juridiçion por mi en essa tierra que faga peyndrar en qualquier logar delos sus vassallos.
Otrosi alo que me pidieron por merçet que deffienda quelas eglesias nin los monesterios nin los abbadengos que ouyeren vassallos, que por demanda que ayan los fijos dalgo contra los sus vassallos que non sean peyndrados los bienes de sus eglesias nin de sus monesterios ninde sus granias, mas la peyndra que ouyeren a fazer quela fagan en sus vassallos contra quien la demanda ouyeren, seyendo ante demandados por derecho.
Tengo lo por bien e otorgo gelo, saluo si el prelado o el abbad cuyos fueren los vassallos non quisieren complir de derecho alos que demanda ouyeren contra sus vassallos.
Otrosi alo que me pidieron por merçed porque los fijos dalgo e caualleros delas villas e otros ommes compran casas e heredamientos enlas aldeas e logares que son delas eglesias cathedrales e delos prelados e delos monesterios e delas Ordenes; et por esta razon se les yerman los vassallos, que tenga por bien quelo que an comprado en lo suyo e en lo de sus vassallos quelo mande desfazer e entregar alas eglesias e alos prelados e alos monesterios e alas Ordenes e alos sus vassallos cuyo es e deue ser.
Tengolo por bien e mandoles dar mis cartas que passen todos segunt que passaron en tiempo delos rreyes onde yo vengo.
Otrosi alo que me pidieron por merçet que tenga por bien deles
mandar dar cartas, que todas aquellas cosas quelos fijosdalgo o los conçeios me demandaron en queles fiziesse merçet, e queles yo otorgué por quadernos o por cartas, que si alguna cosa y ouyere que sea contra los priuilegios e libertades de sancta eglesia o en danno delas eglesias o delos monesterios o delas Ordenes o delos sus derechos. queles non empesca nin sea en su prejuizio.Tengo por bien que si en alguna cosa fize prejuizio alos prelados e eglesias o Ordenes en las cosas que otorgué alos conçeios, que non es mi voluntad que passe e reuocolo. Et otrosi si en alguna cosa fiz prejuzio alos conçeios en lo que otorgué alos prelados, tengo por bien que non passe, et otrosi reuocolo e a cada vno sea guardado su derecho.
Otrosi alo que me pidieron por merçed quela graçia e la merçet que fize e otorgué alos procuradores delos conçeios en razon delas debdas delos judios, que tenga por bien delo fazer e otorgar alos vassallos delas eglesias e delos monesterios e delas Ordenes.
Tengolo por bien e otorgogelo.
Otrosi alo que me pidieron por merçed que fortalezas nin poblanças que sen non fagan en las heredades e sennorios delas eglesias e delas Ordenes, saluo quando ploguiera a ellos delas fazer.
Tengo por bien que en las heredades proprias delos prelados o de sus eglesias o delos menesterios que ningunos non fagan y fortalezas, saluo si fuere con su plazer, e las que [son] fechas que se derriben luego.
Otrosi alo que me pidieron por merçed quelos fijos dalgo nin los conçeios que non son de su sennorio que non compren las heredades pecheras e foreras delas eglesias e delas Ordenes, porque pierdo las monedas e los seruiçios e las eglesias e Ordenes los fueros e derechos que siempre dellas ouyeron e delos sus vassallos que en ellas moraren.
Tengo por bien que esto que passe commo passó en tiempo delos rreyes onde yo vengo.
Otrosi a lo que me pidieron por merçed que tenga por bien de mandar deffender que nin por mis cartas, nin por de infantes, nin por de rricos ommes, nin por otros ningunos, que non sean tomados nin embargados los bienes delas eglesias nin delos monesterios, nin delas Ordenes quando vacan, mas que sean guardados para los prelados
quando ouyeren y de venyr segunt que es derecho, ca aquellos quelo toman fazenlo en gran peligro de sus almas.Tengo por bien quelos non tomen infantes nin rricos ommes nin otros ningunos. Et mandolo assi guardar commo se guardó en tiempo del Rey Don Sancho mi auuelo e del Rey don Fernando mi padre que Dios perdone.
Otrosi alo que me pidieron por merçed que por razon delas querellas quelos legos dan delos clerigos ami o alos mios alcalles, de fuerça que dizen queles fazen, e salen cartas dela mi chançelleria en quelos clerigos sean demandados aqui por la mi corte. Et maguer piden quelos embien ante los sus juezes dela eglesia non gelo reçiben, diziendo que yo so juez delas fuerzas. Et por este achaque de fuerça por muy pequennas cosas sacan aca ala mi corte los clerigos de su fuero dela juridiçion dela eglesia contra derecho.
Tengo por bien que esto que passe segunt que passó en tiempo delos rreyes onde yo vengo.
Otrosi alo que me pidieron por merçed que passan cartas muchas e desafforadas dela mi chançelleria a pedimiento e a querella delos legos en quelos clerigos sean desapoderados delos bienes que tienen de jur e de poder sin orden de derecho.
Tengo por bien que si tales cartas passaren, que non fagan por ellas daqui adelante e deffiendo que non passen tales cartas.
Otrosi alo que me pidieron por merçed quelos juezes seglares de la corte e delas villas non reçiben nin guardan las sentençias e deffensiones de santa eglesia quelos clerigos an por si contra los legos, et esto en menospreçiamiento dela libertad dela eglesia.
Tengo por bien de mandar dar mis cartas aquellas que cumplieren, porque lo guarden con derecho segunt que se guardó en tiempo del Rey don Alfonso mi visauuelo e del Rey don Sancho mi auuelo.
Onde mando e deffiendo firme mente que ninguno nin ningunos non sean osados deles yr nin delos passar contra estas cosas que en esta carta dizen nin contra ninguna cosa dellas por las menguar nin por las quebrantar en ninguna manera. Ca qualquier o quales quier quelo fiziessen o contra ello les pasassen, pechar me yen en coto mill mr. de la moneda nueua e alos dichos prelados e eglesias e abbades e monesterios e clerigos e Ordenes, o a qualquier dellos o a sus vassallos, o a
quien su boz touyesse, todo el danno e el menoscabo que por ende reçibiessen doblado. Et demas alos cuerpos e alo que ouyessen me tornaria por ello. Et sobresto mando a todos los mios adelantados e merynos mayores delos rregnos de Castiella e de Leon e de Gallizia e alos merynos que por ellos andudieren, e a todos los alcalles jurados merynos juezes justiçias aguaziles e alos otros aportellados e alos mios offiçiales delas villas e delos logares delos mis rregnos o a qualquier o a quales quier dellos, a quien fuere mostrado por los prelados o por los abbades o por los priores, o por qualquier dellos o por sus procuradores o de qualquier dellos quelo complan e lo fagan complir assi commo sobredicho es e en esta carta se contiene. Et que non consientan a ninguno que passe contra ello nin contra parte dello. Et si alguno o algunos passaren contra esto que sobredicho es e en esta carta se contiene, o contra alguna cosa dello, que gelo non consientan e quel peyndren por la pena delos mill mr. sobredichos e los guarden para fazer dellos lo que yo mandare, e que fagan fazer emienda alos querellosos que por ende querellaren o a qualquier dellos o aquien su boz touyere todo el danno e el menoscabo que por ende reçibieren doblado. Et non fagan ende al por ninguna manera, sinon alos cuerpos e alo que ouyessen me tornaria por ello. Et de commo los dichos offiçiales o qualquier dellos cumplieren esto que yo mando e en commo esto passare, mando aqual quier o a quales quier escriuanos publicos de qual quier villa o logar aquien fuere demandado por los prelados o abbades e priores o por qual quier dellos o por los procuradores o procurador de qual quier o quales quier dellos que dé ende testimonio signado con su signo, porque yo sepa en commo los vnos e los otros cumplen mio mandado e faga sobrello lo quela mi merçed fuere. Et non fagan ende al sopena de çient mr. dela moneda nueua a cada vno e del offiçio dela escriuania. Et porque esto sea firme e estable yo el sobredicho Rey don Alfonso mandé ende dar esta carta seellada con mio seello de plomo a don Garcia abbad e al conuento del monesterio de Onna. Dada en Valladolit, quinze dias de febrero. Era de mill e trezientos e sessenta e quatro annos. Yo Pero Royz dela Camara la fiz escriuir por mandado del Rey. - Martin Johan - Alfonso Yanes - Ruy Martines - Johan Guillen. V. - Pero Martin - Johan Alffonso.En el nonbre de Dios amen. Sepan quantos este quaderno vieren commo yo don Alffonso por la graçia de Dios Rey de Castiella de Toledo de Leon de Gallizia de Seuilla de Cordoua de Murçia de Jahen del Algarbe e Sennor de Vizcaya e de Molina, viendo et entendiendo que era sseruiçio de Dios e mi pro e guarda e assessegamiento de todos los mios rregnos et auiendo grant voluntat de conplir la justiçia e de endereçar la mi tierra, que todo pase daqui adelante commo deue, por ende yo acordé con los prelados et rricos omes e con caualleros e omes bonos delas villas que comigo eran en mi corte, de ayuntar todos los dela mi tierra para endereçar el estado dela mi casa e delos mios rregnos, por que sse ffeziesse justiçia e muchas cosas que non estauan bien ordenadas [que sse emendasen] e passassen mejor daqui adelante por muchos desaguisados e desaffueros que ffueron ffechos enla mi tierra, despues quel Rey don Ffernando mio padre, que Dios perdone, ffinó aaca, ssenaladamiente al tienpo que el traidor Aluar Nunes auie poder enla mi casa, et otrossi para poner rrecabdo en esta guerra que yo agora fago alos moros; et para esto fiz llamar acortes atodos los dela mi tierra para aqui a Maydrit et desque ffueron aqui ayuntados los prelados e maestres delas Ordenes, erricos omes e caualleros e inffançones e procuradores delas mis çibdades e villas delos mios rregnos, ffablé con ellos
e dixeles e rrogueles e mandeles commo mios naturales que me dixiessen aquellas cosas que ellos entendiesen por que yo meior podiera enderesçar todo e que yo quelo ffaria assi con ssu acuerdo, et lo que ssobresto yo acordé e ordené e me ellos consseiaron es esto que sse ssigue.Primera miente alo que me pidieron por merçet que ordene la justiçia enla mi casa e en todas las partes de mio sennorio, en manera que se faga derecha miente commo deue, guardando acada vno ffuero e derecho, e la manera que ellos entendian quela deuia ffazer, que era esta: que tenga por bien de me assentar dos dias enla sselmana en logar poblico do me puedan veer e llegar ami los querellosos, e otros que me ouieren adar cartas o peticiones, et los dias que ssean el lunes e el viernes, tomando comigo mios alcalles e omes buenos de mio conseio e dela mi corte para oyr el lunes las petiçiones e las querellas que me dieren assi de offiçiales de mi casa, commo delos otros, et el viernes que oya los presos e los rrieptos.
A esto rrespondo que me plaze, e quelo tengo por bien e quelo ffare assi.
Otrossi alo que me pidieron por merçet que tenga por bien que en los alcalles que tengo ordenados que andan de cada dia enla mi cassa, que anden y algunos ffijos dalgo que sean tales que sepan sseruir a Dios e ami en el offiçio, et queles mande dar bien paradas ssus quitaçiones por que ellos puedan ffazer justiçia e vsar de ssu offiçio ssin cobdiçia e commo deuen, et ssi non vssaren de ssu offiçio commo deuen et tomaren algo por los pleitos que libraren, quelos priue luego delos offiçios, e quelos mande echar dela mi corte por inffames e perjuros, e cada vno destos alcalles que ayan dos escriuanos para que escriuan los procesos delos pleitos e libren las cartas foreras; et que lieuen por ssus libramientos e por las escripturas assi commo es ordenado, et qualquier que mas leuare o non guardare bien ssu offiçio, que aya lo pena que manda el ordenamiento dela mi corte.
A esto rrespondo quelo tengo por bien e quelo otorgo et que porné y atales alcalles e escriuanos quelo cunplan et quelo guarden assi.
Otrossi alo que me pidieron por merçet quelos auogados que rrazonaren los pleitos enla mi corte, quelos mios alcalles quelos ffagan jurar enel pleito que rrazonaren que rrazonen los pleitos derechos e non otros ningunos, e esto que gelo ffagan jurar en qual quier logar del pleito, que non rrazonen pleito tortiçioso nin malo segund su entencion; et ssilo rrazonaren quelo dexen luego, et ssi non lo ffizieren assi e ffuer ffallado que maliciosa miente mantienen pleito tuerto, que ssea por ende perjuro e echado dela mi corte, e que nunca ssea mas auogado nin aya offiçio de onrra en ningun tienpo enla mi casa nin en todo el mio ssennorio; et otrossi cada quelos mios alcalles llamaren a consseio alos auogados quelos consseien verdadera miente ssegund Dios e verdat, e que non descubra ninguno dellos lo queles ffuere dicho en consseio, e quelos alcalles que se ayunten todos en vno, et que escoian los auogados quales ssean aquellos que cunplen para la mi corte, et los otros queles pongan plazo para que sse uayan dela mi corte ssola pena queles posieren los mios alcalles.
A esto rrespondo quelo tengo por bien e gelo otorgo ssegunt quelo piden.
Otrossi alo que me pidieron que ningun clerigo que ssea ordenado de orden ssacra, nin omme rreligioso que non ssea alcalle nin auogado enla mi corte, nin conssienta que rrazone los pleitos ante los mios alcalles, saluo ende en los casos quel derecho quiere.
A esto rrespondo quelo tengo por bien e lo otorgo.
Otrossi alo que me pidieron que el mio alguazil dela mi casa que ssea conuenible para el offiçio e que ssea tal que tema a Dios e ami, e que vse del offiçio commo deue, et la manera en commo á de vsar, es esta: quelos omes que prendiere por mandado delos mios alcalles o por querella alguna o fallando lo con alguno maleffiçio, quelo lieue luego ante los mios alcalles o ante qual quier dellos ante quelo meta enla prision, e que diga la rrazon por quelo prendio, et ssilo presiere de noche ental manera quelo non pueda leuar ante los mios alcalles, que
otro dia mannana quelo lieue luego ante los mios alcalles o ante qual quier dellos, porque fagan del preso lo quelos mios alcalles mandaren; et al que prisiere quel non tome ninguna cosa delo ssuyo, et ssi el que presiere ffuere preso ssobre querella o acusaçion de tal manera por que deue perder lo que á, todo oparte dello, quelos bienes quel ffallaren quelos ffagan escreuir por vn escriuano publico o dela mi corte, et los bienes escriptos quelos den enffiados o los den en ffieldat al huespede dela casa. ssi ffuere abonado, o los den a algun omme bueno dela collaçion do acaesçiere, quelos tenga para ffazer dellos lo que fallaren que es derecho; et otrossi el que echaren enla prision quel non den malas prisiones nin tormentos nin los ffagan otra niguna premia, nin cohechar le nin despechar le; et el preso que fallaren los mios alcalles que es ssin culpa e lo dieren por quito o lo mandaren soltar, quel suelten luego dela prision, e quele entreguen todo lo ssuyo; et enel matar e enel prender e en todas las cosas que tanen enel ssu offiçio dela justiçia que ssea obediente alos mios alcalles, assi commo deue; et ssi el alguazil o el que andudiere por el contra estas cosas passare o contra qual quier dellas, que demas dela pena quel ffuero et el derecho manda, que por la primera vegada que peche cient mr. delos buenos et por la ssegunda vegada que peche dozientos mr. dela dicha moneda et por la tercera vegada quel tiren el offiçio. Et otrossi quela justiçia mayor que esté con los mios alcalles a librar los pleitos delos presos el dia quelos mios alcalles los ffueren librar.A esto rrespondo quelo tengo por bien e quelo otorgo e la pena en que cayere el alguazil que ssea el terçio para el mio procurador quelo á de acusar e las dos partes para sacar catiuos.
Otrossi que enlas villas e enlos logares que yo llegare o morare quel mio alguazil o el alguazil que por el andudiere, que ande de dia e de noche por que guarde quelos omes non rreçiban mal nin danno enlas casas, nin enlas vinnas, nin enlos panes, nin enlas huertas, nin en las otras cosas, e que non conssienta que tomen ninguna cosa por ffuerça delas que troxieren avender, nin delas cosas que troxieren para aalguno, et parta las peleas, e prenda e escarmiente los boluedores dellas por que non ffagan ffuerça nin tuerto nin otro mal ninguno enla mi casa nin enel logar do yo ffuere, et ssilo assi non ffezieren, que caya enla pena delos cient mr. dela buena moneda.
A esto rrespondo quelo tengo por bien e quelo otorgo et quanto enla pena delos cient mr. que se parta ssegunt dicho es.
Otrossi el mio alguazil que vse de ssu offiçio ssegunt que vsaron los otros alguaziles que ffueron en tienpo del Rey don Alffonso e del Rey don Ssancho, quando ffue mejor vsado, et que non passe amas en ffecho delos enplazamientos, como delos omezildos, e que mande que non tome almotaçania ninguna enlos logares do yo ffuere, ssinon en las huestes et enlas huestes que tomen el almtaçania commo ffue vsado dela tomar en tienpo delos dichos rreyes; et quelos tableros delas taffurerias quelos mande luego tirar dela mi corte, que non deuen y andar, porque el Rey don Ssancho dio en pecho delos tableros delas taffurerias e de almotaçanadgo la pena delos enplazamientos e delos omezildos que eran dela su camara, por mucho mal que sse dello sigue, et esto quelo guarde e lo cunpla assi el alguazil sso la dicha pena.
A esto rrespondo quelo otorgo e quelo tengo por bien, e la pena que se parta ssegund ssobre dicho es.
Al alguazil quel dé ssu quitaçion cada anno bien parada que es diez e ocho mill mr.; pero sse yo viere que sse non puede mantener el mio alguazil con esta quitaçion, que ssea la mi mercet dele ffazer mas merçet en manera por que ande en el officio onrrada miente.
A esto rrespondo que quanto enla quitacion del mio alguazil mayor, que tengo por bien del dar su quitaçion, et quanto la del alguazil menor que yo que mandaré ssaber en commo passaua en tienpo del Rey don Ssancho et yo quel fare assi merçet.
Otrossi quel alguazil nin el que por el andudiere que non conssienta que ffagan ffurto nin rrobo nin otra malffetria ninguna enel mi rrastro, nin enlos logares do yo ffuere, et ssi alguna malffetria ffuere ffecha ssegunt dicho es, sseyendol querellado, quelo ffaga emmendar luego, et ssilo non ffeziere quelo peche con el doblo al querelloso.
A esto rrespondo quelo otorgo fallando los mios alcalles o qual quier dellos que es en culpa dello.
Otrossi alo que me pidieron por merçet que por que sse escarmienten los malos ffechos que sse ffizieren enla mi casa e enel mio rrastro, que sse guarde el ordenamiento que yo fiz en Medina del Canpo, el qual es este que se sigue: Miercoles veynte e seys dias de octubre en Medina del Campo era de mill e trezientos e ssessenta e sseys annos ordenó el Rey e touo por bien, viendo que es ssu sseruiçio e grand assessiego e escarmiento de ssu casa, con consseio de don Vasco Rodrigues maestre dela caualleria dela Orden de Ssantiago, e de don ffrey Ferrand Rodrigues prior delas casas que á la Orden del ospital de Sant Juan en Castiella e en Leon e ssu mayordomo mayor, et de Jhoan Martinez de Leyua su merino mayor en Castiella e ssu camerero mayor e de Alffonso Juffre de Tenoiro almirante mayor por él enla mar e guarda mayor de ssu cuerpo, et de don Johan por la graçia de Dios obispo de Ouiedo, et de don Pedro por esa misma graçia obispo de Cartagena, e de Ferrand Rodrigues ssu camarero, e de Fernand Ssanches de Valladolit, et de Garcia Peres de Burgos, e de Garcia Peres de Toro, e de Johan Garcia de Castro Xeris alcalles del dicho ssennor, estando todos estos ssobre dichos ayuntados con él ordenaron esto que aqui dira: que daqui adelante entretanto que sse ayuntan las cortes que agora manda el Rey ayuntar e ssean acabadas, que qual quier omme que ssea de qual quier condiçion, quier ssea omme fijo dalgo quier non, que matare aotro enla su corte e enel su rastro, que muera por ello; et ssi ffurtare o rrobare e le ffuere prouado o lo fallaren conel ffurto o conel rrobo, que muera por ello. Yo Diego Peres dela Camara lo escriui por mandado del dicho ssennor Rey.
A esto rrespondo quelo otorgo e quelo mando guardar assi.
Otrossi alo que me pidieron por merçet quelos mios merinos mayores de Castiella e de Leon e de Gallizia que ssean conuenibles para los offiçios, e tales que guarden mio seruiçio e la tierra de mal e de danno, e queles mande so pena delos offiçios que non arrienden las merindades como las arriendan, e quelos mios merinos mayores que ssiruan por ssi los offiçios, et quando venieren ala mi casa que dexen y tal rrecabdo enla merindat por que sse non ffaga malffetria ninguna, et sse cunpla la justiçia commo deue, et que non dexen merino mayor en ssu
logar, ssaluo quando ffuere en hueste alas ffronteras delos mios rregnos, et que dé luego alos merinos mayores dos alcalles acada merino, e que ssean los alcalles de mi casa e mios naturales e delas mis villas, e escriuanos que anden por mi con ellos; et estos alcalles que ssean cada vnos delos rregnos donde ffuere la merindat, atales que sean omes abonados e onrrados, e que non ssean dados apedimiento delos merinos, e al merino de Castiella quel den alcalles ffijos dalgo e delas villas ssegunt quelo an de ffuero. Et otrossi quelos merinos mayores non maten nin ssuelten nin prendan nin tomen nin despechen nin tormenten ningun omme ssin juyzio delos alcalles que andudieren con ellos, e quelos merinos que non tomen las calopnas nin las cohechen nin les manden tomar nin cohechar ssinon por juyzio delos alcalles.A esto rrespondo quelo tengo por bien e quelo otorgo, e quelo mandaré luego assi ffazer e conplir.
Otrossi quelos merinos que por ssi posieren los merinos mayores que ssean naturales delas comarcas e entendidos e abonados para ello, e que ssean tales que guarden cada vno dellos ssu offiçio bien e derecha miente assi commo deuen, e que non ssean omes enemiztados, nin malffechores, por que ssi alguna mengua ffezieren enlos offiçios, que los puedan escarmentar enlos cuerpos e enlo que an; et ssi tales merinos non posieren e alguna mengua ffizieren enel offiçio o alguna malffetria enla tierra, quelo peche todo el merino mayor quelo y posiere con el doblo.
A esto rrespondo quelo tengo por bien e quelo otorgo.
Otrossi alo que me pidieron por merçet quelos alcalles que yo diere para los merinos mayores que me juren que guarden su offiçio verdadera miente assi commo deuen, e que me fagan saber commo vsan los merinos mayores de ssu ofiçio, e ssi algun mal o danno o cosa desaguisada el merino mayor ffeziere en ssu merindat, que me lo enbien luego dezir por quelo yo escarmiente commo la mi merçet ffuere.
A esto rrespondo quelo otorgo e quelo tengo por bien.
Otrosi alo que me pedieron por mercet quel merino mayor non tome por yantar mas de çiento e cinquenta mr. vna uez enel anno en
los lugares do an de fuero delo tomar, yendo y por su cuerpo mismo; et en otra manera quelo non pueda tomar, nin preyndar por ella; et en los logares do an de ffuero o de priuillegio, o de costunbre de pagar menos destos çiento e cinquenta mr. por la yantar, que den por ella assi commo ssienpre vsaron e lo an de ffuero o de priuillegio, o de costunbre.A esto rrespondo que mando quela paguen ssegunt quelo ordenó el Rey don Sancho mi auuelo.
Otrossi quelos merinos mayores que non den las ffortalezas que ellos touieren por rrazon delas merindades aningunos malffechores, e quelas den aomes bonos abonados ssin malffetrias que guarden mi seruiçio e la tierra de danno e de rrobo, et ssilo ffezieren, que el mal que ffezieren quelo pechen con el doblo.
A esto rrespondo quelo tengo por bien e quelo otorgo e quelo mandaré guardar assi.
Otrossi alo que me dixieron quelos merinos que pone el merino mayor en cada merindat ponen otros merinos por ssi, et esto es muy grand danno dela mi tierra e non pueden los omes alcançar derecho dellos, que quando ffazen algund danno e toma enla mi tierra, e lo uan querellar al merino mayor e toman grant danno e ffazen grandes costas non podiendo alcançar derecho; et que el merino que posiere por ssi el merino mayor que el merino que non tenga enla merindat otro merino por ssi, et que este merino dela merindat que non tome mas de vn mr. dela buena moneda por entrada ssegunt ffue en tienpo delos rreyes onde yo vengo, et quelo non tome mientre ffuere merino mas de una vegada, et ssil tiraren la merindat ante del anno, que el merino que entrare que non tome entrada ffasta el anno conplido.
A esto rrespondo quelo tengo por bien e quelo otorgo.
Otrossi alo que me dixieron quelos merinos ponen jurados en las behetrias e enlos otros lugares do los an de poner de ffuero e de vso cada anno, e por poner los lieuan vn mr. delos buenos de cada jurado, e esto que es desaffuero que non lo han vsado ssi non de poco tienpo aaca, et quelo non deuen leuar et que ssea la mi merçed que esto que non passe, e quelo mande guardar. Otrossi en casa delos merinos mayores de Castiella ssuelen tomar delas cartas de ssu sseello la meatad
dela mi chançelleria et agora que toman mucho mas que dela mi chançelleria, que se la mi merçet que mande que non ssea assi.A esto rrespondo quelo tengo por bien e quelo otorgo commo lo piden.
Otrossi alo que me pidieron quelos merinos delas merindades que enplazan los omes, e tienen los enplazados e prenden los e traenlos presos por la tierra ffasta quelos cohechan e non los traen ala cabeça dela merindat do han fuero e son ajudgar nin los ponen enlas mis prisiones delas villas do se han de judgar ante los alcalles, et en esto que rreçiben muy grandes desaffueros e muchos agrauiamientos, e que me piden por merçet que mande que quando alguno assi ffuere preso, quelo lieuen luego ala cabeça dela merindat.
A esto rrespondo que passe assi commo melo piden.
Otrossi alo que me pidieron por merçet quel mio adelantado dela ffrontera que ssea atal que ssea conuenible para el offiçio, e tal que guarde mio seruiçio e la tierra de mal et de danno et que sirua por ssi el offiçio, e que dé luego al mio adelantado dos alcalles que ssean dela comarca e escriuanos que anden con ellos por mi, et que estos alcalles que ssean abonados e onrrados, e que non ssean dados a pedimiento del adelantado, et el adelantado que non mate nin suelte nin tome nin despeche nin tormiente ningun ome ssin juizio delos alcalles que andudieren con el, et que non tomen nin cohechen las calopnas, nin las mande tomar nin cohechar ssin juyzio delos alcalles.
Otrossi alo que me pidieron por merçet queles dé alcalles ffijos dalgo o adelantados para enlas comarcas do los ssuelen auer.
A esto rrespondo quelo otorgo do los suelen auer.
Otrossi alo que me pidieron que ssi ssopiere quelos merinos mayores o los merinos que por ellos andudieren, o el adelantado dela ffrontera, o los mios alcalles o alguno o algunos dellos vsaron mal de ssu offiçio commo non deuen, queles tiren luego los offiçios, et ssi ffezieren algunas malffetrias enlas merindades, queles ffagan pechar las malffetrias con el doblo; et si ffezieren alguna cosa por que merescan pena enlos cuerpos, que yo que mande ffazer justiçia luego dellos ssegunt la pena que meresçieren.
A esto rrespondo quelo otorgo ssegunt que me lo piden.
Otrossi alo que me pidieron por merçet que ande por toda la mi tierra visitando la mi justiçia et que anden comigo los mios alcalles e los mios offiçiales con la menos gente que podieren por que ssepa la ffazienda dela mi [tierra] e las malfetrias que sse y ffazen e commo la mitierra es yerma, et en esto que ffare grand sseruiçio a Dios e muy grand mi pro e que ssera rrazon por quelos dela mi tierra passarán mejor e por que sse poblará mejor de quanto está poblada.
A esto rrespondo quelo tengo por bien, e quelo ffare assi commo me lo piden.
Otrossi alo que me dixieron que por las grandes conpannas que andan conmigo de cada dia, por las grandes conpannas que traen aquellos que biuen enla mi casa e vienen ami sse ssiguen muchos males et muchos dannos, e es grant erramiento et cresçe grand costa a mi e aellos en manera que sse non pueden conplir, et que ffincan ellos pobres en manera por que non pueden yr ami amio sseruiçio quando es mester commo cunple que non tienen con que, et que me piden por merçed que con los mios offiçiales que tome conpannas çiertas que anden comigo de cada dia et queles ordene conpannas çiertas que trayan conssigo et quando algunos rrecudieren ami por algunas cosas que an de librar comigo, que yo quelas mande librar luego en manera que por mengua de libramiento non pierdan lo que an, nin sse detengan enla mi corte.
A esto rrespondo quelo tengo por bien, por que veo que es muy grant mio sseruiçio et pro dela mi tierra, et quelo guarde assi commo me lo piden.
Otrossi alo que me dixieron quelas rrentas dela mi tierra que estan tan mal ygualadas por muchas maneras, por que muchos tienen tierra de mi quela non touieron los tales commo ellos delos rreyes onde yo vengo, et otros muchos de aquellos que meresçen tener tierra de mi, tienen de mi muy mayores quantias e mayores tierras que touieron los
tales commo ellos delos rreyes onde yo vengo, et otros muchos de tan buenos ssolares commo ellos non tienen de mi tierra ninguna, o tienen tan poca que se non pueden mantener, et desto que sse ssiguen muchos males, lo vno por quelas mis rrentas son tan menguadas que sse non pueden conplir por ellas, lo al por quelos otros con desanparo an de ffazer rrobos e males en la mi tierra, lo al por quelos que non tienen la tierra de mi, o los que tienen tan poca tienensse por agrauiados; et que me piden por merçed que sepa las mis rrentas quantas son o por libros o por cartas o por otras partes por [ó] lo mejor podieren saber et vere commo estan partidas, e que ssea la mi merçet que desque tomare para mantinimiento dela mi casa e dela Reyna aquello que ffuere guisado, quelo al que fincare quelo quiera partir e ygualar entre los mios naturales en tal manera que quepan todos enla mi merçed, e que aya cada vno segunt que meresçe e el ssolar que á.A esto rrespondo que esto que me piden quelo tengo por bien e por muy grand mi seruiçio e quelo ffare assi, e que yo que tomaré delos ffijos dalgo aquellos que yo entendiere que cunplen para ello et de cada vno delos mios rregnos vn cauallero, et mandaré traer ante mi los mios libros, e lo ordenaré con ellos en tal manera quelo que está mal ygualado que sse yguale muy en guisa quel mio sseruiçio sse guarde.
Otrossi alo que me pidieron por mercet quelas rrentas delos mios derechos et delos mis almoxariffadgos delos mios rregnos que sse ffagan publica miente e por pregones, assi commo sse ffazien en tienpo del Rey don Alffonso e del Rey don Ssancho, que ssean otorgadas a quien mas diere por ello, e que ssean arrendadas por granado e por menudo, en aquella manera que vieren o entendieren aquellos que por mi lo ouieren de meter a rrenta que mas puede valer e rrendir para mi, et desto que non ssean arrendadores priuados, nin offiçiales dela mi casa en publico nin en ascondido, ca de otra guisa non sse atreuerian los de la mi tierra aarrendar nin apujar las rrentas e menguarian mucho las mis rrentas.
A esto rrespondo quelo tengo por bien e quelo otorgo commo me lo piden e quelo ffare assi guardar.
Otrossi alo que me piden por merçet por que ffecho dela chançelleria anda muy desordenada miente ffasta aqui, e me piden merçet
quelo quiera ordenar et la manera, que tienen que es mio sseruiçio en commo la deuo ordenar es esta: que ssea la mi merçet quelos notarios mayores que ouieren las noterias de Castiella e de Leon e de Toledo e del Andaluzia que ssean omes buenos e onrrados e ssabidores, e que ssean tales que ssean couenibles para ello, e que ssepan sseruir los offiçios, e quelos non arrienden; e los notarios que ouieren los offiçios delas noterias quelas ayan conplida miente, assi commo las ouieron en tienpo del Rey don Alffonso e del Rey don Ssancho, e del Rey don Ffernando mio padre con la vista, e los libros e los rregistros quelos tengan cada vno en ssu casa por que puedan mas ayna librar alos dela mi tierra que ouieren alibrar con ellos, et que cada vn notario aya tres escriuanos vno de camara, e otro de libros e otro de rregistros, et que cada vno dellos que libre en ssu offiçio, et quelos notarios que esten al libramiento delas petiçiones comigo o con el que yo mandare, que esté y por mi por que ssepa cada vno dellos que an de librar en su noteria, que assi lo vsaron ssienpre en tienpo delos dichos rreyes et quelos notarios que non tomen marco de plata por los offiçios que yo diere, assi commo lo yo he ordenado; et el notario que arrendare la noteria que gela tiren luego.A esto rrespondo quelo tengo por bien e quelo mandaré guardar ssegunt que me lo piden.
Otrossi alo que me dixieron quel chançeller que tiene los mios sseellos, por que es offiçio mucho onrrado e de grant fialdat e por que todo el mio ssennorio sse rrege, que ssea tal que ssea omme bueno e entendido e conuenible para el offiçio e ssepa del offiçio commo deue e que aya todo ssu offiçio conplida miente, assi commo lo ouieron los otros chançelleres en tienpo delos otros rreyes onde yo vengo.
A esto rrespondo quelo tengo por bien e quelo ffare assi.
Otrossi alo que me dixieron que por quelas muchas laues que estan enla mi chançelleria viene muy grant danno e muy grant mal alos dela mi tierra, e muy grand despechamiento [e] desaprouechamiento alos omes que an de ssellar las cartas, et que ssea la mi merçet que non aya y mas de dos llaues, et estas que ssean que tenga la vna el notario del
rregno de Castiella, e la otra el notario del rregno de Leon, e que assi sse vsó en tienpo del Rey don Alffonso e del Rey don Ssancho, et los que touieren las laues que ssean omes de verguença e omes para ello, et que ssea la mi merçet que non quiera conssentir que ayan mas destas dos laues que non es mio sseruiçio de tirar dellas, e dexar dellas nin aya y mas destas dos laues.A esto rrespondo que en tal guysa lo ordenaré que ffinque todo muy bien guardado,
Otrossi alo que me dixieron que enlas cartas de camara e de graçia e de libros que non aya mas vistas nin libros de notarios, e el libramiento de escriuano e non otra ninguna, et otrossi enlas cartas del alcalle que non aya y otras vistas sinon del alcalle e del notario e el libramiento del escriuano e non otra ninguna.
A esto rrespondo que tengo por bien que non ssea mas dela vista del notario, e otra qual yo touiere por bien e non otra ninguna, et quanto la carta del alcalle que passe ssegunt que me lo piden.
Otrossi alo que me dixieron que despues que yo ffuy de edat, rreçibieron los del mio ssennorio muchos despechamientos e muchos desaffueros por algunos delos escriuanos dela mi camara, que leuaron muy grand algo delos del mio ssennorio, e ffizieron y muchas maliçias e muchos detenimientos por despechar los omes dela mi tierra, que me piden por merçet que ssean y tales escriuanos de camara que ssean conuenibles para los offiçios, et que sepan guardar mio sseruiçio e de que non venga mal nin danno alos dela mi tierra commo vino ffasta aqui.
A esto rrespondo quelo fare ssegunt que me lo piden.
Otrossi alo que me dixieron por que enla mi corte á muchas querellas en rrazon dela chançelleria por que non guardan el ordenamiento que ffizo el Rey don Ssancho, e que toman mucho mas de chançelleria delas cartas de quanto deuian tomar et está ordenado por el dicho ordenamiento, e que ssea la mi merçet que mande que sse guarde el dicho ordenamiento, e que non tomen mas, e si mas tomaren quelo pechen con el doblo.
A esto rrespondo quelo tengo por bien e quelo mando guardar ssegunt sse contiene enlos dichos ordenamientos.
Otrossi alo que me pidieron por merçet que por aquellos que dan algo por los offiçios, e es cierto quelo dan por leuar en qual manera podieren mas de quanto por ellos dan, et esto que es grant mio desseruiçio, e grand danno e grant despechamiento delos dela mi tierra, e non pueden auer logar enla mi merçet los buenos e los que son para ello ante los malos e los cobdiçiosos que andan dannando la mi casa et los mios offiçios, que ssea la mi merçed quelos tales commo estos que me esto acometieron e lo ffezieren, que yo que gelo escarmiente, e que nunca ayan mas offiçio enla mi casa, nin enla mi tierra, nin enla mi merçet, e que uayan por inffames, e quelos ayan enla mi tierra por infames.
A esto rrespondo quelo tengo por bien e lo otorgo, e quelo guardaré de aqui adelante.
Otrossi alo que me pidieron por merçet que non ssalga dela mi chançelleria carta blanca que non ssea escripta e leyda e librada en la mi chançelleria, nin dé alualas nin dé aluala con mio nombre, e ssi alguno tal carta o tal aluala mostrare, quelos conçeios e los offiçiales quela tengan e que me la enbien mostrar ante quela cunplan, et ssilo assi non ffezieren o tal carta o tal aluala conplieren, que pechen ala otra parte contra quien la conplieren todo el danno que rresçibiere doblado, et essa misma pena peche otro qual quier quela conpliere maguer non sea offiçial, et sse non ffuere abonado para conplir el doblo, que aquel o aquellos que tal carta o cartas o aluala o alualas conplieren, que gelo manden escarmentar commo la mi merçet ffuere, et ssi por tal carta o por tal aluala mataren o lisiaren, quelo mande matar por ello, o que ssean enemigos delos parientes del muerto, ssi lo yo non matare.
A esto rrespondo quelo tengo por bien e quelo otorgo ssegunt que me lo piden.
Otrossi alo que me dixieron quela rrazon por que ffasta aqui non
les ffueron guardados fueros e preuillegios e cartas e libertades e ordenamientos que an de mi e delos rreyes onde yo vengo, e les ffueron quebrantados atodos los dela mi tierra et sson oy en dia, e toda la mi tierra es yerma e astragada e despueblada e despechada por algunos consseieros e priuados e offiçiales que oue despues que ffuy de edat, et que ssea la mi merçet quelos mios consseieros e priuados e offiçiales ssean tales que teman a Dios e amen el mio sseruiçio e guarden la mi ffazienda e guarden la pro dela mi tierra, et non ssean desamados delos mis naturales; et yo ffaziendolo assi ffare grant sseruiçio a Dios por que me alongará la uida, e auré los coraçones e las voluntades de todos los mios naturales, et yo sere mas rrico e mas abondado por ello.A esto rrespondo quelo tengo por bien e quelo otorgo e quelo ffare assi.
Otrossi alo que me dixieron que por quelos offiçios dela mi casa sson mucho onrrados e an mucho que ffazer, el quelo ouiere, por onrrado e bueno que ssea, e deue sse tener por entrego con vn offiçio dellos. Et que ssea la mi merçet que ningun offiçial dela mi casa que non aya mas de un offiçio enla mi casa, e assi cada vno sseruira ssu offiçio e cabran mas omes buenos enla mi merçet.
A esto rrespondo quelo tengo por bien e quelo ffare assi, et al que touiere dos offiçios quel tirarán el vno.
Otrossi alo que me pidieron por merçet quelos que touieren los mios castiellos e las mis ffortalezas e que ouieren los mis offiçios e los que ffueren mios conseieros e priuados enlos mis consseios, que ssean mios naturales et del mio sennorio e non otro ninguno, et esto que me lo piden por que entienden que es grant mio sseruiçio e por que ssean mejor guardados mios rregnos e mio ssennorio.
A esto rrespondo quelo tengo por bien e quelo otorgo ssegunt que me lo piden.
Otrossi alo que me pidieron por merçet que judios nin moros non anden enla mi casa nin enla casa dela Reyna, nin sea priuado nin arrendador nin cogedor nin rrecabdador nin pesquiridor delos mios pechos nin delos mios derechos, nin ayan otro offiçio ninguno en la mi casa nin enla casa dela Reyna, nin en todo el mio sennorio; mas que sean cogedores e arrendadores e rrecabdadores e pesquiridores caualle-
ros e omes bonos abonados delas mis çibdades e villas e moradores en ellas; que por las priuanças e rrentas e cogechas quelos judios ouieron de mi e ffezieron fasta aqui, es yerma la mi tierra e mucho astragada.A esto rrespondo que quanto enlo delos judios nin moros que me piden que non sean cogedores nin pesquiridores nin rrecabdadores en la mi tierra, esto quelo otorgo e lo tengo por mio seruicio, saluo en aquellos logares do me lo pidieren; mas quanto en las otras cosas que me piden en este capitolo, rrespondo quelo tomo en mi para flol librar commo touiere por bien e la mi merçet fuere e entendiere que ssera mas mio sseruiçio.
Otrossi les dixe el grant mester que yo auia para mantener la guerra que yo he con los moros, e que conplia que catassen manera porquela yo podiesse conplir e mantener; et otrossi que si algunos agrauiamientos auian rreçebido ffasta aqui despues que yo oue edat aaca por el grant poder que el dicho traydor [Aluar Nuñer] auia comigo de que tomaron todos muy grant danno, que me lo dixiessen et yo queles ffaria merçed e gelo mandaria guardar daqui adelante; et lo que ssobresto me mostraron e las petiçiones que me sobrello ffezieron e el libramiento queles yo ssobresto ffiz es este que sse ssigue: Primera miente que tenga por bien de guardar para mi e para la corona delos mios rregnos todas las çibdades e villas e castiellos e ffortalezas del mio ssennorio, et quelas non dé aninguno ssegund quelo otorgué e lo prometi enlos quadernos queles di, et espeçialmiente en el quaderno queles di e les otorgué enlas cortes que ffize despues que ffui de edat en Valladolit, et que ssi algunos logares he dado o enagenado en qual quier manera, que tenga por bien delos cobrar e tornar a mi e ala corona delos mios rregnos.
A esto rrespondo quelo tengo por mio sseruiçio e quelo guardaré daqui adelante; e que quanto lo passado que yo non di ssi non Beluer e Belmes, et Beluer quelo di a Ramir Fflorez de Xodar por que estaua en perdimiento por que non fallaua quien melo quisiesse tener e el tienelo muy bien basteçido e muy bien guardado para mio sseruiçio, et el castillo de Montealuan que por sseruiçio muy granado e muy ssennalado que me ffizo ssegunt que ellos todos ssaben, et Belmes dilo a Garcia Melendez de Xodar porque estaua en perdimiento, por que non ffallaua quien melo
quissiese tener et el tienelo muy bien basteçido e muy bien guardado para mio sseruiçio. Et el castiello de Monte-aluan quelo di aAlfonso Ferrandez Coronel mio vassallo por muchos sseruiçios que me ffizieron los del ssu linage alos rreyes onde yo vengo e porque ffueron su merçet, e por crianza e merçet quel Rey don Fernando mio padre que Dios perdone ffizo en Johan Ferrandez ssu padre, ssaluo lo que he dado ffasta aqui o diere de aqui adelante ala Reyna donna Maria mi muger, que tengo por bien que esto atal enla corona delos rreynos ffinca ssienpre.Otrossi alo que me dixieron que por rrazon delos mios alcaçares e castiellos que estan enlas mis çibdades e villas, sse an ffecho muchas muertes de omes e rrobos e fuerças e tomas, e otros muchos males de que yo tomo muy grand deseruiçio e todos los dela mi tierra muy grant mal e grant danno, et que me piden por merçet que tenga por bien de las ffiar e dar a caualleros e omes buenos delas mis cibdades e villas quelas tengan de mi, et aquellos aqui touiere por bien delas dar e de las ffiar que ssean omes buenos e abonados et que ssean vezinos e moradores delas çibdades e villas e logares onde ffueren las dichas ffortalezas, et esto que ssera grant mio seruiçio e guarda de todo el mio sennorio.
A esto rrespondo que bien ssaben ellos quelos castiellos e alcaçares delas çibdades e villas que es en mi delas dar, quelas tenga de mi quien la mi merçet fuere, pero que por les ffazer merçet tengo por bien de ffiar dellos los alcaçares e castiellos en aquellas çibdades e villas que yo entendiere que cunple en quanto la mi merçed fuere, et yo que tomaré dellos aquellas quela mi merçed ffuere quelas tengan de mi con aquellas rretenençias que ssolian auer en tienpo delos rreyes onde yo vengo.
Otrossi alo que me pidieron por merçet que torne et dé las notarias e escriuanias publicas alas mis çibdades e villas e logares del mio ssennorio; et las çibdades e villas e logares que an de ffuero e de priuillegio o de carta o de vso o de costunbre de me apresentar los escriuanos o notarios, que yo que dé las escriuanias e noterias aaquellos o aquel que me ellos enbiaren apresentar; et enlas çibdades e villas e
logares dolos yo he aponer, quelos ponga naturales e moradores enlos logares; et en aquellas villas e logares aque el Rey mio padre e yo diemos las noterias aomes vezinos e moradores dende, e que bien vsaron de su offiçio, que ssea la mi merçet de gelas tornar assi commo las auian ante que gelas yo tomasse; et los escriuanos e notarios que yo posiere olos que posieren los conçeios delas çibdades e villas e logares, quelas ssiruan por ssi mismos et non por otros escusadores ningunos.A esto rrespondo que en aquellas çibdades e villas do an de ffuero o de priuillegio o de carta de merçet de auer las escriuanias e noterias, que tengo por bien quelas ayan e lo otorgo: et en aquellos logares do las an de auer de vso e de costunbre, que tengo por bien que en aquellos logares que vsaron dellas en tienpo del Rey don Alffonsso e del Rey don Ssancho et del Rey don Ffernando mio padre, quelas ayan; et en aquellos logares que an de vso de apresentar, que dé yo las escriuanias e las noterias a aquellos que me ellos enbiaren apresentar, que tengo por bien delo guardar en aquellos logares do lo ouieron de vso en tienpo del Rey don Alffonsso mio visauuelo e del Rey don Ssancho mio auuelo.
Alo que dizen que enlas çibdades e villas do yo he aponer escriuanos e notarios quelos ponga naturales e moradores dende.
A esto rrespondo que porne y aquellos quela mi merçet ffuere e entendiere que cunplen para los offiçios.
Et alo que me pedieron quelas escriuanias que dio el Rey mio padre e yo aalgunos, quelas mande tornar a aquellos quelas tenian ante que gelas yo tomasse.
A esto rrespondo que tengo por bien delas tornar aaquellos quelas tenian al tienpo que gelas yo agora tomé.
Et alo que me pidieron quelos escriuanos e notarios que ssiruan por ssi los offiçios.
A esto rrespondo quelo tengo por bien e quelo otorgo e mando que sse guarde assi, saluo en algunos delos que anden comigo enla mi casa que yo he menester para mio seruiçio, que tengo por bien quelas ayan, e que puedan poner por ssi quien sirua los offiçios omes que ssean para ello.
Otrossi alo que me pidieron por merçet que en ffecho delas entregas de las debdas que sson entrelos christianos e los judios e los moros, que ssea la mi merçet quelas ayan e las ffagan cada vnos en sus logares e vsen dellas ssegunt quelo an por fuero e vso e costunbre o por cartas e por priuillegios.
A esto rrespondo que en aquellas çibdades e villas dolas an por ffuero o por preuillegio o por carta de merçet, quelo tengo por bien e quelo otorgo; et alo que dizen de aquellos logares dolas an de auer de vso e de costunbre, que tengo por bien que aquellos que vsaron dellas en tienpo del Rey don Alffonsso e del Rey don Ssancho e del Rey don Ffernando mio padre, que tengo por bien quelas ayan.
Otrossi alo que me pidieron por merçet en rrazon delos conçeios delas mis çibdades e villas del mio sennorio que ouieron merçet delos rreyes onde yo vengo e de mi e dela Reyna donna Maria mi auuela, en queles fue dado e otorgado quantias çiertas de mr. enlas mis rrentas e pechos e derechos para rreparar e rreffazer e adobar las puentes e los adarues e torres e otras cosas delas mis villas e logares, e les ffue tomado e quebrantado e passado contra ello, que sea la mi merçed quelo ayan assi como lo auian e lo tenian ante queles ffuese tomado e quebrantado, et queles ssea guardado de daqui adelante, et que tenga por bien deles mandar dar mis cartas en commo lo ayan luego.
A esto rrespondo que me muestren los rrecabdos que tienen, e yo que los libraré en aquella manera que entendiere que cunple.
Otrossi alo que me pidieron por merçed quelos castiellos e ffortalezas e aldeas e logares e terminos e vassallos e heredamientos, que son heredamientos e terminos e aldeas e vassallos delas mis çibdades e villas, que yo tengo tomado o otro o otros algunos quales quier que ffueren, e sson delas mis villas e logares quelo ouieron por conpra o por herencia de poblaçion o por donadio o en otra manera qual quier, que gelo mande luego tornar e entregar aaquellas çibdades e villas cuyas sson e ffueron aquien ffue tomado, e les mandedes dar mis cartas: por queles ssea luego tornado e entregado.
A esto rrespondo que me digan e me muestren quales sson aquellos logares e heredamientos queles sson tomados, e yo quelo libraré en aquella manera que deuo.
Otrossi alo que me pidieron por mercet quelos delas mis cibdades e villas que tienen conpradas o ganadas aldeas e terminos, e estan en tenençia e en possession dello, que non sean desapoderados dellas
ssin seer llamados e oydos e judgados por ffuero e por derecho por alli por do deuieren.A esto rrespondo que tengo por bien que ssea guardado acada vno ssu ffuero e ssu derecho.
Otrossi alo que me pidieron por merçet quelos exidos e montes e terminos e heredamientos que eran delos conçeios, e los yo he tomado por mis cartas aalgunos, que tenga por bien delas reuocar e mandar que ssean tornados alos conçejos cuyos ffueron, e queles ssea guardado daqui adelante.
A esto rrespondo que tengo por bien de gelas tornar, e quelas non labren nin vendan nin las enagenen, mas que ssean para pro comunal delas villas e logares donde sson. Et ssi algo an labrado o poblado, que ssea luego desffecho e derribado.
Otrossi alo que me pidieron por merçet quelas villas e logares que an preuillegios e cartas delos rreyes onde yo vengo e de mi, o por vso o por costunbre, de non pechar ffonsadera, et otras villas e logares otrossi que sson afforadas al ffuero de Logronno, que non an de yr en ffonsado nin pechar ffonsadera. Et otrossi en muchas otras villas que an de ffuero o de vso o de costunbre o por priuillegios o por cartas que quando me ouieren adar ffonsadera quela ayan ellos e la partan entre ssi e la uayan sseruir por ssus cuerpos mismos. Et ssi la non quisieren yr sseruir quela paguen ami aquellos quela ouieren apagar. Et otrossi en estos tienpos que an pasado desque el Rey don Ffernando, mio padre, rregnó aaca á seydo la tierra peyndrada e rrobada por esta ffonssadera, e les an quebrantado priuillegios e cartas de merçedes e ffueros e vsos, e costunbres que ssienpre ouieron e an. Et por esta rrazon es la mi tierra yerma e yo non tomo sseruiçio ende. Et que me piden por merçet que esto quelo quiera mandar guardar, e que ssea puesto enlos mios libros por queles ssea guardado acada vnos delas mis villas e logares ssegunt quelo an de ffuero o de vso o de costunbre o por preuillegios o cartas. Et en esto que ffare mio sseruicio e poblar sse á la mi tierra, e non se hermará por ello.
A esto rrespondo quelas çibdades e villas que an de ffuero o de priuillegios o carta de merçet en esta rrazon, que tengo por bien queles
ssea guardado ssegunt queles ffue guardado en tienpo del Rey don Alffonso e del Rey don Ssancho, et aquellos que dizen quelo an por vso e por costunbre, que gelo otorgo aaquellos quelo ovieron de vso e lo vsaron en tienpo del Rey don Alffonso e del Rey don Ssancho e del Rey don Ffernando. Otrossi tengo por bien quela merçed que el Rey mio padre ffizo a Palençia e a Mayorga e a Ouiedo por sus preuillegios en rrazon dela ffonssadera, queles ssea guardado por muchos sseruiçios que le ffizieron.Otrossi alo que me pidieron por merçet que enlas villas e logares delos puertos dela mar do an ffueros e preuillegios e cartas de non dar galeas nin naues nin mr. por ellas, que ssea la mi merçet de gelas non demandar e queles ssea guardado. Et enlos logares do las an adar que las den ssegunt lo vsaron adar enlos tienpos delos rreyes onde yo vengo. Et quando me dieren las naues e las galeas ssegunt dicho es, queles non demande sseruiçios nin otros pedidos ningunos.
Aesto rrespondo que aquellos que an priuillegios del Rey don Alffonso e del Rey don Ssancho e del Rey don Ffernando mio padre, que non ssean delas tutorias del Rey mio padre nin dela mia, que me muestren los priuillegios que an en esta rrazon, et yo quelos vere e que gelos mandaré guardar.
Alo que dizen que aquellos que an de vso o de costunbre que quando ouieren adar galea de non dar sseruiçio nin otro pecho ninguno, que tenga por bien queles sea guardado ssegunt queles ffue guardado en tienpo delos dichos rreyes et que me ssiruan ssegunt que sseruieron alos dichos rreyes.
Otrossi alo que me pidieron por merçet en rrazon delas debdas quelos christianos deuen alos judios en qual quier manera, que por muchos engannos e ssobre puestas que an ffecho e ffazen maliçiosa miente, ffaziendo cartas de dos tanto de quanto dan, et con el grant mester que an los christianos quando ssacan alogro los dineros que toman dellos, an de dezir e de ffazer jura que toman tanto commo ellos dizen e sse contiene enlas cartas e quantias que ffazen ssobre ssi. Et que
me piden por merçet quelo vno por este enganno e ssobre puesta que ffazen e ponen demas de quanto dan, et lo al por que toda la tierra es muy pobre e astragada e lo á grand mester, que tenga por bien e ssea la mi merçed deles quitar la meatad de todas las debdas quelos christianos deuen alos judios en qual quier manera tan bien delas debdas que sson los plazos passados commo delos que sson por venir. Et por la otra meatad que ffinca, que atiendan tres annos ssila mi merçet ffuere, assi por la debda delos pennos commo por las cartas; et entre tanto que non ganen nin logren ninguna cosa. Et que ffagan la paga desta meatad que ffinca en esta guisa: acada anno el terçio, assi que alos tres annos conplidos ssea pagada la dicha meatad e les den las cartas del debdo que tienen ssobre cada vnos dellos.A esto rrespondo que tengo por bien de ffazer merçet alos christianos delas debdas que deuen alos judios, et quelo ordeno enesta guisa: que de todas las debdas deque sson los plazos passados, que ssea contado el cabdal que enlas cartas se contiene con la ganançia que ganaron despues delos plazos arrazon de tres por quatro al anno, que ssea quito alos christianos la quarta parte, et las tres partes que ffincan que las paguen los christianos alos judios en esta guisa: el un terçio por la ffiesta de nabidat primera que viene, et el otro terçio por la çinquaesma primera que viene adelante, et el otro terçio por la fiesta de Sant Miguell de ssetienbre que viene adelante que ssera enla era de mill e trezientos e ssessenta e ocho annos. Et entre tanto que non ganen nin logren las debdas. Et las cartas de que sson los plazos por venir, que ayan la quita dela quarta parte e que paguen alos plazos que en sus cartas dizen. Et otrossi porque despues que yo ssali de Valladolit ffiz merçed aalgunas villas e logares e aalgunas perssonas ssennaladas en que les di plazo aque los atendiessen los judios por las debdas queles deuian, et entretanto que non ganassen logro las debdas queles deuian, que tengo por bien que aquel tienpo queles di de espera que non sse cuente aquel logro que podrian ganar en aquel tienpo. Et que el quitamiento dela quarta parte que ssea contado el cabdal con la ganançia e logro ssegunt dicho es del tienpo que non ouo espera. Et por que algunos conçeios de algunas çibdades e villas e logares ffezieron postura e auenençia con los judios ssobre rrazon delas debdas, tengo por bien que
aquellos que quisieren estar enla abenençia que esten. Et los que en ella non quisieren estar e sse quissieren atener alos ordenamientos que dichos sson en esta rrazon, que ayan esta merçet dela quarta parte en rrazon dela quita. Et el tienpo dela espera queles ssea cuntado desde que ffue ffecha la abenençia, contandolo ffasta que ssea conplido tanto tienpo commo es este tienpo que yo di de espera. Et ssi el christiano que deue la debda mostrare que a pagado la debda o parte della por testimonio de christiano o de judio o por rrecabdo çierto, quele ssea rreçebido en cuenta dela debda. Et delo que ffincare que ssea quita la quarta parte delo que ffincare ssegunt dicho es. Et desque cada vno delos plazos legare aque ouieren a pagar los christianos ssegunt dicho es, ssi non pagaren, mando alos mios entregadores e alos mios alcalles que ouieren de ffazer las entregas delas debdas quelos christianos deuen a los judios, que entreguen alos judios la terçia parte delas debdas en cada plazo. Et non ffagan ende al sso pena dela mi merçet e delos cuerpos e de quanto an. Et otrossi ssi algunas cartas de debdo paresçieren sobre los christianos que digan los judios que sson de vendida o de enprestido e que non ffue dado alogro nin lo dize la carta, et el christiano dixiere que es logro, ssi el judio mostrare con omes buenos christianos de buena ffama o por jura del debdor mismo que non ay logro, que en esto non aya quita nin espera.Otrossi alo que me pidieron por merçet que en ffecho delas cartas de las debdas quelos escriuanos an de ffazer entre los christianos e los judios, que por rrazon de muchos engannos e maliçias que sse ffezieron ffasta aqui ffaziendose las cartas delas debdas dobladas delas quantias dellas non sseyendo assi, que tenga por bien quelos escriuanos publicos quelas ffezieren daqui adelante e los testimonios que enla carta ffueren puestos, que vean al judio ffazer la paga al christiano de toda la quantia del debdo que enla carta ffuere puesto, e que ssea dado el debdo arrazon de tres por quatro al anno ssegunt que es de ffuero e de ordenamiento delos rreyes. Et qual quier escriuano que de otra manera ffezier la carta, que peche çient mr. dela buena moneda por cada carta que ffezier para la cerca dela villa do esto acaesciere, e quela carta non vala et el judio que pierda el debdo si de otra manera lo diere.
A esto rrespondo quelo tengo por bien e quelo otorgo.
Otrossi alo que me pidieron por merçet que por quelos judios e moros an preuillegios e cartas que ningun testimonio de christiano non
les empeezca ssaluo ende ssi ouyere y testimonio de judio e de moro, que commo quier que esto ssea enlas cartas e enlos contractos delas debdas, que esto que non aya logar enlos malefiçios e enlos pleitos criminales o çeuiles que passaren en juyzio, mas que prouando sse con dos omes buenos christianos de buena ffama, que uala lo que assi prouaren contra ellos. Et esto que sse entienda assi enlos malefiçios pasados que non son judgados por ssentençia commo enlos que sson por venir daqui adelante.Aesto rrespondo que passe e sse guarde ssegund que passó en tienpo delos rreyes onde yo vengo e en el mio despues que yo ffuy de edat.
Otrossi alo que me pidieron por merçet quelos preuillegios e cartas que yo di alos judios despues que yo ffuy de edat, en que sse contienen muchas cosas que sson contra ellos e contra los ordenamientos que ellos an delos rreyes onde yo vengo e conffirmados demi enffecho delas debdas e delas alçadas e delas otras cosas que sson contra mi e contra los dichos ordenamientos, e que mande que vsen conellos assi commo vsaron en tienpo del Rey don Alffonso e del Rey don Ssancho e del Rey don Ffernando mio padre que Dios perdone, ssennalada miente quela carta que non ffuere demandada ffasta sseys annos, ssegunt que manda el derecho, que dende adelante que non uala e que ssea perdida. Et en todo lo al que vsen los christianos con los judios e moros ssegunt sse contiene enlos ordenamientos que ffezieron los dichos rreyes e lo an por ffuero o por vso o por costunbre o por preuillegios o cartas.
A esto rrespondo que rreuoco aquellas cosas que yo otorgué alos judios de nueuo en quanto sson contra los preuillegios e los ordenamientos delos rreyes onde yo vengo quelos christianos an; pero ssiles alguna cosa otorgué conffirmandoles los preuillegios e cartas que an delos rreyes onde yo vengo, que tengo por bien queles uala. Et quanto alo que dizen delos ordenamientos delos sseys annos tengo por bien queles ssea guardado daqui adelante ssegun que ffue guardado en tienpo delos rreyes onde yo vengo. Et quanto es la merçet queles yo ffiz delos diez annos enlas cortes de Valladolit, por los enbargos que ouieron, que tengo por bien queles uala en aquellas debdas que ffueron ffechas antes que yo ffuese de cdat de que eran passados los sseys annos aquel tienpo. Otrossi que tengo por bien queles ssea guardado alos judios de Toledo el ffuero que an delos treynta annos en esta rrazon.
Otrossi alo que me pidieron por merçet quelas muertes o fferidas
que acaesçieren entre los christianos e los judios e los moros, que tenga por bien quelo libren los alcalles o los jurados o otros quales quier quelo ouieren de librar por el ffuero de cada villa o logar do acaesçiere.A esto rrespondo que enlos logares do an de ffuero que quien matare que muera, quelo tengo por bien. Et enlos otros logares que sse libre ssegunt que sse libró en tienpo delos rreyes onde yo vengo.
Otrossi alo que me pidieron por merçet quelos judios non ayan heredat ninguna en el mio ssennorio ssigunt que ffue ordenado en tienpo del Rey don Alffonso e del Rey don Ssancho mio padre que Dios perdone, ssaluo [las] casas de moradas en que moren.
A esto rrespondo quelo mandaré guardar ssegunt que ffue guardado en tienpo delos dichos rreyes.
Otrossi alo que me pidieron por merçet que tenga por bien que qual quier llego que enplazare o çitare a otro lego ante los juyzes de la eglesia ssobre algunas cosas que pertenesçen ala mi juridiçion tenporal, o ffeziere obligaçion en que sse pongan sso la juridiçion dela eglesia o los que gela ffizieren ffazer, que pechen çient mr. de la buena moneda por cada vegada, et esta pena que ssea para la çerca dela villa do esto acaesçiere. Et que prenden por esta pena los offiçiales del logar, e la obligacion que non uala.
A esto rrespondo quelo tengo por bien e que deffiendo que ninguno non ssea osado de otorgar carta ssobre ssi por juyzio dela eglesia, e qual quier quelo ffeziere que caya enla dicha pena, e el escriuano que la escriuiere que pierda el offiçio por ello.
Otrossi alo que me pidieron por merçet quelos clerigos que yo ffize escriuanos por mis cartas e di auctoridat que ffagan ffe en todos los mios rregnos. Et otrossi quales quier que ssean clerigos que ssean escriuanos publicos assi en especial commo en general, que tenga por bien que estos que non ffagan ffe nin escripturas, los reuoque luego todos, que ssi esto assi pasasse sseria grand perjuyzio dela mi juridiçion e del mio ssennorio, e muy grant mengua dela mi justiçia, e aellos sseria muy grand danno e grant mengua de mio derecho.
A esto rrespondo quelo tengo por bien e quelo otorgo ssegunt que melo piden. Et los otros clerigos que sson escriuanos publicos assi en espeçial commo en general, que tengo por bien que estos que non ffagan ffe nin escripturas ningunas en pleitos tenporales nin en pleitos que tangan a llegos.
Otrossi alo que me dixieron que ay muchos clerigos e legos que sse llaman escriuanos publicos por auctoridat enperial, et esto que es
grant mengua dela execuçion e libertad del mio ssennorio. Et que me piden por merçet que mande que non vsen delos offiçios nin anden y. Et ssi quisieren vsar dello daqui adelante, que gelo mande escarmentar enel cuerpo e enlo que ouieren.A esto rrespondo quelo tengo assi por bien, e que ssi daqui adelante tal notario y andudiere e vsare del offiçio, quelo mande echar dela mi tierra e tomar todo lo que ouiere.
Otrossi alo que me pidieron por merçet que tenga por bien de rreuocar las cartas que mandé dar para todos los que estudiessen en ssentençia de descomonion de treynta dias enadelante, que pechen sseysçientos mr. o otras penas menores. Et ssi estudiessen en ssentençia de descomonion vn anno e vn dia, que perdiessen lo que ouiessen e el cuerpo que estouiesse a la mi merçet, ca por esta rrazon e con cobdiçia de leuar la pena los clerigos se atreuen a poner maliçiosa miente ssentençia enlas gentes por muchas maneras. Et que assaz cunplen las otras penas que ssobresta rrazon sson estableçidas por ffuero e por derecho contra los que estudieren en ssentençia de descomonion. Et que daqui adelantre que tenga por bien de non dar cartas ningunas enesta rrazon.
A esto rrespondo que quanto la pena que auian delos treynta dias en adelante delos ssessenta mr. que sse demandauan ffasta aqui por cada dia, que por les ffazer merçet quela quito; pero que por quelos omes ayan miedo e rreçelo de andar descomulgados en dannos de ssus almas, tengo por bien que qual quier que estudiere treynta dias descomulgado, que acabo delos treynta dias que peche çient mr. a mi vna vez ffasta el anno, e ssi persseuerar quisiere enla ssentençia de descomonion o estudiere en ella ffasta vn anno, que acabo del anno que peche mill mr. ami et el cuerpo que esté ala mi merçet; et ssi del dicho anno adelante estudiere enla dicha ssentençia de descomonion, que peche por cada dia ssessenta mr. et esto que sse entienda enlos descomulgados desque ffuere la ssentençia publicada e desnunçiada. Et otrossi que sse entienda enlos descomulgados que non apellaren, o apellaren e non ssiguieren la apellaçion.
Otrossi alo que me pidieron por merçet que tenga por bien que sse non ffagan pesquisas ningunas generales enlas mis villas et si algunas an ffechas que ssea la mi merçet delas mandar rronper e que non ualan.
A esto rrespondo quelo tengo por bien e lo otorgo, pero ssi algun conçeio de alguna cibdat o villa me lo pidieren quelo pueda ffazer.
Otrossi alo que me dixieron en rrazon delo que an tomado e to-
man de cada dia rrondas e castellerias e passaies e guyas en muchos logares delos mios rregnos desde que morio el Rey don Ssancho mio auuelo aaca, et esto que sse ffizo e sse ffaze por mengua de aquellos que an de ffazer la mi justiçia por mi, et que me piden por merçet que estas atales rrondas e castellerias e passaies que an husado e husan de tomar enla manera que dicha es que mande que sse non tomen daqui adelante.A esto rrespondo quelo tengo por bien e quelo otorgo.
Otrossi alo que me dixieron que agora nueua miente desde que el Rey don Ffernando mio padre, que Dios perdone, ffinó aaca an tomado e toman de cada dia portadgo, et ssenalada miente en Duennas e en Villassana e en Roa e en Lerma e en Monte fferrando e en Vellena e en Valençia e en Barçianos e en otros muchos logares, et que me piden por merçet que tenga por bien que estos tales portadgos que sse toman nueua miente ssegun dicho es, quelo mande vedar que sse non tome daqui adelante, por quelos del mio ssennorio non rreçiban desaffuero nin tomen danno por ende.
A esto rrespondo que tengo por bien quelos portadgos que sson puestos desque el Rey don Ffernando mio padre, que Dios perdone, ffinó aaca quelos reuoco e mando quelos non tomen daqui adelante et qual quier quelos tomare daqui adelante quel maten por ello e que pierda quanto á.
Otrossi alo que me pidieron por merçet que tenga por bien de perdonar atodos los dela mi tierra e del mio ssennorio toda la pena en que me cayeron todos aquellos que ssacaron algunas cosas vedadas del mio ssennorio, quelas yo auia o podria auer contra ellos desde el dia que gelas perdoné enlas cortes que yo ffize en Valladolit ffasta el dia de oy en qual quier manera.
Aesto rrespondo que por les ffazer merçet quelo tengo por bien e lo otorgo, e que perdono atodos los dela mi tierra de qual quier estado o condiçion que ssean toda la pena que yo he opodria auer contra ellos en qual quier manera o por qual quier rrazon de todas las ssacas delas cossas vedadas que ellos ssacaron dela mi tierra e del mio ssennorio desde las cortes que yo ffiiz en Valladolit que gelo perdoné, ffasta el dia de oy.
Otrossi alo que me pidieron por merçet que tenga por bien deles non dar alcalles nin justiçias nin merinos nin juezes de ffuera, ssaluo enlas villas o logares do me lo enbiaren pedir todos abenidos ola mayor partida, et do melo enbiaren assi pedir, que tenga por bien de
gelos dar en esta guisa: alos de Castiella queles dé de aquellos que me enbiaren pedir et que ssean vezinos e moradores delas villas de Castiella, et alos del rregno de Leon queles dé aquellos que me enbiaren pedir e que ssean vezinos e moradores delas villas del rregno de Leon, et alos delas Estremaduras queles dé aquellos que me enbiaren pedir e que ssean vezinos e moradores delas villas delas Estremaduras. Et alos del rregno de Toledo queles dé aquellos que me enbiaren pedir et que ssean vezinos e moradores delas villas del rregno de Toledo, et alos rregnos e comarcas esso mismo en esta misma guysa e non otros ningunos. Et ssi en algunos logares los ouieren dado o otorgado de otra guisa, que ssea la mi merçet de gelas tirar e mandar que non vsen delos offiçios.A esto rrespondo quelo otorgo ssegunt que ffue pedido e lo otorgué en las cortes que yo ffiz en Valladolid.
Otrossi alo que me dixieron quelos omes que catiuan en tierra de moros en mio sseruiçio enla ffrontera pleytean con ssus ssennores por los grandes tormentos queles dan por ganados e por otras cosas. Et quando lieuan lo que an adar por ssus rrenpdiçiones e ataios, quelos mios almoxariffes toman les dello diezmo e medio diezmo et por esta rrazon non ssalen de catiuo muchos que ssaldrian, et que me piden por merçet que me duela delos catiuos e que mande que gelo non tomen.
A esto rrespondo que yo mandaré aquel o aquellos que ouieren de guardar las ssacas por mi, que quando sse ouieren de rrempdir algunos catiuos por ganados, queles non tomen derechos ningunos delos ganados que ouieren adar por ssus ataios.
Otrossi alo que me pidieron por merçet que tenga por bien deles non echar nin mandar pagar pecho desafforado ninguno espeçial nin general en toda la mi tierra ssin sseer llamados primera miente a cortes.
A esto rrespondo quelo tengo por bien e quelo otorgo.
Otrossi alo que me pidieron por merçet que enlas çibdades e villas e logares que an de ffuero o de preuillegios o cartas que rricos omes o rricas duennas e caualleros e inffançones e Ordenes e otros omes poderosos non conpren nin ayan heredamientos nin vasallos ningunos entrellos, que tenga por bien queles ssean guardados ssus ffueros e preuillegios e cartas e husos e costunbres que an en esta rrazon.
A esto rrespondo que tengo por bien queles ssean guardados ssegunt quelo an por ffuero e por priuillegio e ssegunt queles fue guardado en tienpo del Rey don Alffonso e del Rey don Ssancho.
Otrossi alo que me pidieron por merçet que delos castiellos e casas ffuertes de que sse ffezieron malffetrias algunas desde que yo ffuy de edat aaca o ffazen o ffezieren daqui adelante, que alos de Castiella e de Leon, que passen contra ellos e contra aquellos cuyas ffueren o las touieren por ellos ssegunt el ffuero e el vso del rregno de Castiella; et alos del rregno de Leon e de Gallizia ssegunt el ffuero e el huso del rregno de Leon e de Gallizia; et alos delas Estremaduras que passe otrossi contra ellos e contra aquellos cuyas ffueren o las touieren por ellos assi commo ffallare por ffuero e por derecho.
A esto rrespondo quelo tengo por bien e quelo otorgo.
Otrossi alo que me pidieron por merçet que yo que perdone la mi justiçia que yo he o podria auer contra todos los dela mi tierra o contra qual quier dellos en qual quier manera o por qual quier rrazon quela yo he ffasta el dia que me dieron por de hedat e ssali de Valladolit para andar por la mi tierra, ssaluo aleue o trayçion.
A esto rrespondo que commo quier que yo tomo muy grant carga alo de Dios por que ellos todos ssaben quan tenudo sso yo a ffazer justiçia e de ffazer emienda e conosçimiento a Dios ssennaladamiente por tan grant dolençia como agora oue de que me el quiso dar ssalut. Pero por que ellos todos me lo piden por merçet, por les ffazer merçet perdono atodos los dela mi tierra e de mio ssennorio e acada vno dellos de qual quier estado o condiçion que ssea la mi justiçia que yo he opodria auer contra ellos en qual quier manera o por qual quier rrazon de todas las malffetrias que ffezieron en qual quier manera ffasta el dia de ssant Ypolito que yo conpli edat de catorze annos, ssaluo aleue o trayçion o caso de heregia.
Otrossi alo que me pidieron por merçet en rrazon delas cartas de perdon dela mi justiçia que tienen algunos conçeios o omes delos mios rregnos delos rreyes onde yo vengo e de las Reynas donna Maria mi auuela e de donna Costança mi madre e del tienpo delos mios tutores, et las quales yo di despues que ffuy de edad aaca, que ssea la mi merçet queles ualan e que gelas mande guardar queles non passen contra ellas.
A esto rrespondo quelo tengo por bien ssaluo en aquellas cosas enque non ffue guardado aleue o trayçion, e las cartas que ffueron dadas non
guardando las maneras e condiçiones que sse ssuelen poner con las cartas de perdon e dela justiçia.Otrossi alo que me dixieron que en ffecho delos auogados, que ssea la mi merçet que mande que vsen enlas mis çibdades e villas e logares del mio ssennorio ssegunt que es ordenado agora enla mi corte en estas Cortes.
A esto rrespondo quelo tengo por bien e quelo otorgo.
Otrossi alo que me pidieron por merçet quelos castellares vieios e las pennas brauas e cueuas que sson ffechas e pobladas ssin mio mandado, quelas mande derribar porque destos logares á venido e viene mucho mal e mucho danno enla mi tierra.
A esto rrespondo quelo tengo por bien e quelo otorgo.
Otrossi alo que me dixieron quelos caualleros e los ffijos dalgo e otros omes poderosos delos mios rregnos an ffecho e ffazen muchas assonadas en que tomo yo muy grant desseruiçio, por que quando las ffezieron e las ffazen queman e rroban todo quanto ffallan en manera que yerman e despueblan toda la mi tierra, et que me piden por merçet que gelo non conssienta e quelo escarmiente e ponga y tal rrecabdo por que sse viede del todo e se non atreuan ningunos alo ffazer.
Aesto rrespondo quelo tengo por bien e quelo otorgo e quelo mandaré assi guardar.
Otrossi alo que me pidieron por merçet que quando algunos omes delas mis çibdades e villas e logares vinieren ala mi casa con menssagerias e negoçios de ssus conçeios ossuyos, que tenga por bien delos oyr por mi mismo e mandar quelos acoian ante mi, por que me puedan dezir e mostrar e pedir ssin detenimiento ninguno los ffechos e las menssagerias e negoçios por que venieren a mi, ca dizen que vienen y muchas vegadas e non pueden veerme nin librar conmigo por los ffechos ssobre que vienen nin me pueden dezir algunas cosas que sson grant mio sseruiçio. Et por esta rrazon que rresçibo yo grant desseruiçio e toda la tierra grant despechamiento e grant danno.
A esto rrespondo quelo otorgo e quelo tengo por bien e que es mi voluntad delo guardar assi.
Otrossi alo que me dixieron que an ssalido e ssalen muchas cartas dessafforadas dela mi chançelleria por que sse ffazen muchas muertes e deseredamientos e desterramientos e lisiones e prisiones e quebranta-
mientos de ffueros e de preuillegios, et otrossi de enplazamientos para ante mi ssin sseer los omes primero llamados e oydos e demandados por ssu ffuero e por ssu derecho, et que me piden por merçet que mande atodos los mios conçeios o offiçiales delas mis çibdades e villas e logares de mios rregnos que quando tales cartas paresçieren ante ellos que non vsen dellas. Et ssi ssobresto algunas cartas ffueren de enplazamientos para los conçeios o offiçiales por que non conplieron estas cartas atales, que non vengan aellos nin cayan en pena por ello nin en culpa. Et los que tales cartas como estas desafforadas ganaren, que pechen con el doblo todo el danno que viniere aaquellos contra quien las leuaren.Aesto rrespondo que ssi alguna carta desafforada ssaliere dela mi chançelleria que ssea librada de alcalle por que mande lisiar o matar o prender a alguno o algunos, o tomar lo que ouieren o otra cosa desaguisada, que tales cartas commo estas quelas non cunplan ffasta que melas enbien mostrar por quelo escarmiente como la mi merçet ffuere. Et ssi algunas cartas de camara ssalieren dela mi chançelleria desafforadas por que mande matar o prender o lisiar aalguno o algunos, ssi el ffecho ffuere de tal natura que tanga en aleue o en trayçion o de otra cosa que diga enla mi carta que meresçe muerte, que aquel o aquellos offiçiales o otros aquien ffueren las cartas, que prendan aquellos omes aquien yo mandare matar o lisiar, mas quelos non maten nin los lisien e los tengan presos e rrecabdados, et que me enbien mostrar el ffecho e la carta por quelo yo mande escarmentar commo la mi merçet ffuere. Et ssi mandar matar o prender o lisiar sobre otra cosa qual quier que non tanga en aleue o en traiçion, quel non maten nin lo prendan nin lo lisien, mas que tomen del buenos ffiadores abonados, et entretanto quelo enbien mostrar ami por quelo yo libre commo la mi merçet ffuere. Et ssi mandar tomar aalgunos o alguno lo que an todo o parte dello, que aquellos que ouieren a conplir las cartas, que rrecabden los bienes ssobre bonos ffiadores abonados o los pongan en ffieldat en manno de omes bonos abonados, et enbien mostrar las cartas e el ffecho ami por que lo yo libre commo la mi merçed ffuere. Et ssi por aventura cartas ssalieren desafforadas que ssean contra ssus ffueros e ssus preuillegios e cartas e vsos e costunbres e contra los quadernos que tienen, que melo enbien mostrar, et entretanto que esté quedo el ffecho ssobre que ffuere ffasta quelo yo
libre commo la mi merçet ffuere. Et si enplazamiento o enplazamientos ffueren ffechos por tales cartas commo dichas sson alos juyzes o alos alcalles o offiçiales o aotros quales quier aquien ffueren las cartas, quelas non cunplan e que non ssean tenudos de venir aellos nin cayan en pena delos enplazamientos, ellos enbiando mostrar el ffecho e las cartas ami al plazo, ssi enplazamiento y ffuere.Otrossi alo que me dixieron que ay muchas villas e logares enel mio ssennorio que an preuillegios e cartas del Enperador e delos otros rreyes onde yo vengo enque manda quelos merinos mayores nin los que por ellos andudieren non merinen enlas dichas villas e logares et que ffagan la justiçia e las entregas los alcalles. Et que me piden por merçet que gelo mande guardar assi commo enlos preuillegios e las cartas que ellos tienen en esta rrazon sse contiene.
Aesto rrespondo quelo otorgo ssegunt que melo piden.
Otrossi alo que me dixieron que porque los rricos omes e caualleros e inffançones e otros omes poderosos dela mi tierra an tomado e toman de cada dia enlas villas e logares e aldeas de mio sennorio yantares, et ssi gelas reffiertan o gelas non quieren dar, toman quanto les ffallan en guisa que por esta rrazon sson muchos logares astragados e pobres. Et que me piden por merçet que tenga por bien de poner y tal rrecabdo por que daqui adelante non las tomen nin las demanden, nin ffagan prenda nin tomen ninguna cosa por esta rrazon. Et ssi lo ffizieren que ssea la mi merçet quelos que el danno rreçibieren, que ssean entregados e ayan emienda por mi delas tierras e ssoldadas que tienen de mi aquellos quelo ffezieren. Et ssi tierra nin ssoldada non touieren demi, quelos adelantados e los merinos e las justiçias e alcalles e otros offiçiales quales quier, que entreguen e vendan de ssus bienes e delas ssus heredades o delos ssus vassallos ffasta en quantia de quanto tomaren o comieren con los dannos e menoscabos que ouieren ffecho o rreçebido.
A esto rrespondo quelo tengo por bien e gelo otorgo ssegunt que me lo piden e mando atodos los adelantados e alos merinos e alos otros offiçiales quelo cunplan e lo ffagan assi guardar.
Otrossi alo que me pidieron por merçet que tenga por bien de enbiar dezir al Papa que por rrazon delas dignidades e canongias e beneffiçios delas eglesias delos mios rregnos que el da a perssonas estrannas que non sson mios naturales nin del mio sennorio. Et que rreçibo yo
muy grand deseruiçio e los delos mios rregnos muy grand danno por que me non ssiruen en aquella manera e en aquellos logares que me deuen seruir. Et que se descubren por ellos a otras partes ffuera delos mios rregnos muchas delas poridades que deuen sseer guardadas enel mio ssennorio. Et ssacan dela mi tierra muchos aueres delos con que me ellos deuen sseruir. Et pues yo e los rreyes onde yo vengo hedifficamos e doptamos heredades, e mantengo todas las eglesias cathedrales e monesterios e abbadias e prioradgos del mio ssennorio, que ssea la mi merçet que daqui adelante que aquellos aqui el Papa ouier adar las dignidades e beneffiçios e calongias delas eglesias del mio ssennorio, que ssean delos mios rregnos e mios naturales, ca esto tienen que es derecho e muy grand mio sseruiçio e pro delos mios rregnos, ca dizen que assi passa enlos otros rregnos e que gelo guarda assi el Papa.Aesto rrespondo quelo tengo por bien e quelo ffare assi por que es mio seruiçio.
Otrossi alo que me pidieron por merçet que tenga por bien deles otorgar e conffirmar ffueros e priuillegios e cartas e libertades e ffranquezas e buenos husos e costunbres e quadernos e ordenamientos que an los conçeios delas mis çibdades e villas e logares de todo el mio ssennorio e cada vno delos que moran enellas, del Enperador e de todos los otros rreyes onde yo vengo e demi e dellos, assi commo lo an cada vnos en sus logares. Et los que quisieren conffirmar sus priuillegios e cartas en espeçial e en general, que tenga por bien de gelas otorgar e confirmar. Et los conffirmamientos que ssean ssin condiçiones ningunas. Et que diga en ellos que ualan e ssean guardados ssegunt que en ellos sse contiene. Et que paguen por ffechura e libramiento e chançelleria, ssegunt que pagaron enel tienpo del Rey don Alffonso e del Rey don Ssancho que Dios perdone. Et que ningunos non ssean osados de tomar mas nin de demandar marco de plata nin otro preçio ninguno demas do quanto deuen auer e ffue husado de tomar en tienpo de los rreyes ssobredichos. Et ssi ffuere ssabido con verdad que mas demandaron o tomaron, que pierdan por ello los offiçios que ouieren e non anden mas enla mi merçet.
Aesto rrespondo queles otorgo e les conffirmo ffueros e preuillegios e cartas e libertades e ffranquezas que an del Enperador e delos rreyes onde yo vengo atodos los conçeios delas mis çibdades e villas del mio ssennorio e acada vno dellos buenos vsos e buenas costunbres, et los qua-
dernos e ordenamientos que ffueron ffechos en cortes por los rreyes onde yo vengo e por mi despues que ffuy de edat, que non ffablan de hermandades. Et quanto los priuillegios que an de mi despues que ffuy de edat, por que ssaben ellos todos que al tienpo que Aluar Nunnes el traydor andaua enla mi casa que dio e ffizo dar muchos priuillegios e cartas malas e dannosas ssin mio mandado e de que yo non ssope, et estas que tengo por bien delas veer; et aquellos que ffallar que sson mio sseruiçio delos guardar, que las mandaré guardar. Et los que quisieren conffirmar priuillegios e cartas en general e en espeçial, que tengo por bien de gelas mandar conffirmar. Et los priuillegios e cartas quelos moradores delas mis çibdades e villas an en espeçial delos rreyes onde yo vengo, que melos muestren e que gelos mandaré guardar aquellos de que sienpre vsaron. Et enla conffirmaçion que diga ssegunt que enellos sse contiene e ssegunt queles ffue guardado mejor en tienpo delos rreyes onde yo vengo. Et que paguen por ffechura e por libramiento e por chançelleria assi commo vsaron a pagar en tienpo del Rey don Alffonso e del Rey don Ssancho.Otrossi alo que me pidieron por merçet que todas las villas e logares que ffueron dela Reyna donna Maria mi auuela e dela Reyna donna Costança mi madre e delas inffantas donna Ysabel e donna Blanca, et otrossi delos inffantes don Johan e don Pedro e don Ffelipe e de donna Margarita, e de otros ssennores quales quier, que sson agora mios, loado ssea Dios, que tenga por bien deles otorgar e conffirmar los ffueros e priuillegios e cartas e libertades e ffranquezas e buenos husos e costunbres que ouieron e an delos rreyes e delas rreynas onde vengo e delos dichos inffantes don Johan e don Pedro e don Ffelipe o de otros ssennores quales quier e de mi.
A esto rrespondo quelo tengo por bien e queles otorgo e conffirmo todos aquellos ffueros e priuillegios e cartas que an delos rreyes e delas Reynas onde yo vengo e delos inffantes e de donna Margarita e delos otros que gelas dieron, aquellas de que ssienpre vsaron.
Otrossi alo que me pidieron por merçet quelas villas e logares del mio ssennorio que an priuillegios e cartas del Enperador e delos otros rreyes onde yo vengo e confirmadas en general. Et por quanto non los an conffirmados en espeçial, an gelos quebrantado muchos dellos en muchas maneras. Et que ssea la mi merçet que gelos mande conffirmar en espeçial de rrey o de rreyna.
A esto rrespondo que tengo por bien que melos muestren e conffirmaré aquellos priuillegios e cartas que ffallar que deuo conffirmar.
Otrossi alo que dizen que ay muchas villas e logares enel mio ssennorio que an mester de conffirmar los priuillegios e cartas que tienen, et con grant rreçelo que an del camino, non osan traer los originales e enbian los trasllados dellos ssignados de escriuanos publicos. Et que me piden por merçet que gelos mande conffirmar assi commo ssi troxiesen los originales dellos.
A esto rrespondo que tengo por bien quelos que quisieren conffirmar algunos preuillegios que me muestren los originales dellos, e los que ffueren de tales logares que los non pueden traer ssin peligro, que me lo digan e yo mandaré commo sse ffagan.
Otrossi alo que me pidieron que por prendas que sse ffazen de vn logar a otro assi de fiios dalgo commo de otros omes diziendo que preyndan por querella o demanda que dizen que an de algun vezino dela villa o del logar donde ffazen la prenda. Et quelos alcalles queles non quieren ffazer derecho por la qual rrazon sson ffechas e sse ffazen muchas prendas e muchas muertes de omes e otros muchos dannos delas prendas e tomas que sse ffazen enesta rrazon. Por que me piden por merçet que mande quelos alcalles de cada villa e de cada logar ffagan luego derecho alos omes de ffuera parte ssin ningun detenimiento maliçioso; et si assi non lo ffezieren que pechen la demanda doblada al querelloso. Et el que fuere querelloso o demandador que aya derecho por los alcalles de cada villa o de cada logar. Et qual quier que de otra guisa prendare, quelo peche con el doblo al querelloso e con los dannos e menoscabos, et ssi non ouieren de quelo pechar, que ffagan contra el commo contra rrobador conosçido.
A esto rrespondo que tengo por bien que sse non ffagan prendas, e aquellos quelas ffezieren que cayan en aquella pena que sse contiene enlos ordenamientos que sobre ello ffezieron el Rey don Alffonso e el Rey don Ssancho e el Rey don Ffernando mio padre, et esto que sse entienda alos quelo pidieren.
Otrossi alo que me pidieron que bien ssé en como todos los dela mi tierra me otorgaron los diezmos delos puertos por tres annos, non lo auiendo de ffuero, et que sson passados los tres annos tienpo á, et agora quelos cogen enla mi tierra por mis cartas, e que me piden por merçet que tenga por bien delos non mandar tomar nin coger daqui adelante.
A esto rrespondo que yo ffallaré agora aqui con aquellos en quien tanne este ffecho ssobrello.
Otrossi alo que me pidieron por merçet que tenga por bien que non tomen dineros ningunos por los rregistros delas mis cartas, ca es muy grant mio sseruiçio por que en muchas delas mis cartas non ay chançelleria ninguna e toman tres mr. de rregistro.
A esto rrespondo que tengo por bien que daqui adelante que passe en esta guisa: que por los rregistros delas mis cartas de cuero delas merçedes que yo ffeziere, de que den por rregistro de cada vna dos mr. e non mas. Et por todas las otras cartas de papel, assi las que dan los mios alcalles commo las otras que dan los mios escriuanos dela mi camara, que den por el rregistro de cada vna quinze dineros nouenes e non mas. Et esto que sse entienda en aquellas que non ffueren para conplimiento de otras, ca destas tales tengo por bien que non den rregistro ninguno. Et ssobresto mando alos mios notarios e atodos los otros que tienen los rregistros daqui adelante quelo guarden assi ssopena dela mi merçet e delos cuerpos e de quanto an.
Otrossi alo que me pidieron por merçet que enesta pesquisa que yo agora mando ffazer en rrazon delos marcos, que tenga por bien que ssea en ffazerla vn ome bueno lego de cada comarca con cada vno delos que ouieren de poner los prelados con escriuano publico, por quel mio sseruiçio ssea guardado.
Aesto rrespondo quelo tengo por bien e lo otorgo.
Otrossi alo que me pidieron por merçet que tenga por bien que los quadernos que ouieren mester cada vnos para las çibdades e villas e logares del mio ssennorio que tenga por bien de gelos mandar dar quitos de chançelleria e de tabla e de libramiento delos escriuanos, e que ssean librados del libramiento de Martin Perez e de Ffrancisco Ferrandez e de Miguell Ssanchez mios escriuanos que me an sseruido enesto e an enello leuado affan e trabaio.
A esto rrespondo que uos los mando dar quitos de chançelleria e de tabla e librados por Iohan Alffonso dela mi camara.
Otrossi alo que me dizen que para queles ssean guardados ssus ffueros e buenos husos e costunbres e preuillegios e cartas e este quaderno e todos los otros que ellos tienen delos rreyes onde yo vengo e de mi queles yo he dado e otorgado e conffirmado e jurado. Et que me piden por merçet que tenga por bien de mandar alos mios notarios que agora sson e seran daqui adelante et alos que estudieren por ellos que ffagan jura delo guardar e de non librar nin passar ningunas cartas que ssean contra esto queles he otorgado eneste quaderno e enlos otros sse contiene nin contra parte dello. Et ssi lo ffizieren o passaren contra esto en alguna ma-
nera, o lo non guardaren en todo commo dicho es, que ssean perjuros e inffames, et non ayan offiçios ningunos nin offiçio enla mi casa nin en todo el mio ssennorio, e que tenga por bien de mandar que ssi algunas cartas ffueren contra esto que non valan nin ffagan ninguna cosa por ellas.A esto rrespondo que mandaré alos notarios e atodos los otros quelo an de veer quelo guarden muy bien.
Et desto mandé dar este quaderno sseellado con mio sseello de çera colgado a los procuradores del conçejo de la çibdat de Plasençia que vinieron ami aestas cortes que yo ffiz en Maydrit. Dado en Maydrit, nueue dias de Agosto era de mill e trezientos e ssessenta e ssiete annos. Yo Johan Alffonso dela Camara lo ffiz escriuir por mandado del Rey.
Otrossi a lo que me pidieron queles conffirme ffueros e preuilegios e cartas e ffranquezas e buenos hussos e buenas costunbres que an del Enperador e delos rreyes onde yo vengo e de mi, e que gelos quiera guardar e mantener e conffirmar e otorgar.
A esto rrespondo quelo otorgo, e conflirmo ffueros e preuilegios e cartas e libertades e ffranquezas que an del Enperador e de los rreyes onde yo vengo atodos los conçeios delas mis çibdades e villas del mio ssennorio, e acada vna dellas buenos hussos e buenas costunbres, e quanto los preuilegios e cartas que an de mi despues que yo ffue de edat, porque ssaben ellos todos que al tienpo que Aluar Nunnes el traydor que andaua comigo enla mi cassa, que dio e ffizo dar muchos preuilegios e cartas malas e dannossas e ssin mio mandado, de que yo non ssope parte, estas que tengo por bien delas ver, e las que ffallare que sson mio sseruiçio delas guardar, quelas mandaré guardar; e las que conffirman preuilegios e cartas en general e en espeçial, yo tengo por bien de gelas mandar conflirmar. Et los preuilegios e cartas quelos moradores delas mis çibdades e delas mis villas an en espeçial delos rreyes onde yo vengo, que melas muestren e que gelas mandaré conffirmar e guardar aquellas que ssienpre hussaron, et en la conffirmaçion que digan ssegunt que sse enellas contiene e ssegunt queles ffue guardado en tienpo delos rreyes onde yo vengo, e que paguen por ffechura e por libramiento e por chançelleria assi commo hussaron a pagar en tienpo del Rey don Alffonso e del Rey don Sancho.
Et otrossi alo que me pidieron por merçed que por quelos dela mi tierra sson muy pobres e muy astragados por rrazon delas entregas que auian en ssus bienes por las debdas que deuien alos judios, e que ssea la mi merçed deles mandar quitar la meytad de todas las debdas que alos judios deuen, e la otra meytad que gela paguen en tres annos, cada anno el terçio, e ssi alguna cossa renunçiaron o juras los christianos ffezieron enlas cartas, que ssea la mi merçed que non valan.
A esto rrespondo que tengo por bien de ffazer merçed alos christianos en rrazon delas debdas que deuen alos judios, e quelo ordeno enesta guissa: que de todas las debdas de que sson los plazos passados, que ssea contado el cabdal que enlas cartas sse contiene con la ganançia que ganaron despues delos plazos, a rrazon del tres por quatro al anno, e que ssea quito alos christianos la quarta parte; e las tres partes que ffincan, quelas paguen los christianos alos judios en esta guissa: el vn terçio por la ffiesta de navidat primera que viene, e el otro terçio por la çinquagesima primera que viene adelante, e el otro terçio por el ssant Miguel de ssetienbre que viene adelante, que ssera enla era de mill e trezientos e sesenta e ocho annos, et entretanto, que non logren nin ganen las debdas; et las cartas de que son los plazos por venir, que ayan dela quita dela quarta parte e que paguen alos plazos que en ssus cartas dizen. Otrossi porque desspues que yo ssali de Valladolid ffize merçed a algunas villas e logares e algunas personas sennaladas, en queles di plazo aqueles atendiessen los judios por las debdas queles deuien, e entretanto que non ganassen logro las debdas queles deuien, que tengo por bien que aquel tienpo queles di de espera, que non sse cuente aquel logro que podieran ganar en aquel tienpo, e que el quitamiento dela quarta parte que ssea contado el cabdal con la ganançia del logro, ssegunt dicho es, del tienpo que non ovo espera. Et porque algunos conçeios de algunas çibdades e villas e logares ffezieron postura e abenençia con los judios ssobre rrazon delas debdas, tengo por bien que aquellos que quissieren esstar enla abenençia que esten; e los que enella non quissieren estar, e sse quissieren atener alos ordenamientos que dichos sson en esta rrazon, que ayan esta merçed de la quarta parte en rrazon dela quita, e el tienpo dela espera queles ssea contado desque ffue ffecha el abenençia, contandolo ffasta que ssea conplido tanto tienpo commo ess este tienpo que yo di de espera. Et ssi el christiano que deue la debda mostrare que á pagada la debda o parte della por testimonio de christiano o de judio o por otro rrecabdo çierto, queles ssea rreçebido en cuenta dela debda; et delo que ffincare, que ssea quita la quarta parte, ssegunt dicho es. Et desque cada vno delos plazos llegaren aque ovieren a pagar los christianos, ssegunt dicho es, ssi non pagaren, mando alos mios entregadores e alos mios alcalles que ovieren de fazer las entregas delas debdas quelos christianos deuen alos judios, que entreguen alos judios la terçia parte delas debdas de cada plazo, e non ffagan ende al, sopena dela mi merçed e delos cuerpos e de quanto an. Otrossi ssi algunas cartas paresçieren de debdo ssobre los christianos, que digan los judios que sson de vendida e de prestado e que non ffue dado a logro, nin lo dize la carta; e el christiano dixiere que es logro, que ssi el judio mostrare por omes bonos christianos e de bona ffama o por jura del debdor mismo que non ay logro, que enesto que non ayan quita nin espera.
Otrossi alo que me pedieron por merçed que en aquellos logares ó dieron a ossuras judios o moros, daqui adelante queles non den, nin las puedan dar ssinon ssegunt dizen vuestros ffueros de cada logar do esto acaesçiere o cartas o ordenamientos que delos rreyes onde yo vengo tienen.
A esto rrespondo quelo tengo por bien e quelo otorgo.
Otrossi alo que me pidieron por merçed quelas debdas delos judios que passado el tienpo que ffue ordenado en tienpo delos rreyes onde yo vengo, mandaron que non sseyendo demandadas, quelos debdores non ffuessen tenudos a pagar las; queles ssea guardado assi, e que non ssean tenudos alas pagar, pues el plazo del ordenamiento ffue passado e las non demandaron.
A esto rrespondo quelo tengo por bien e que ssea guardado alos judios el preuilegio delos diez annos que les yo di enlas cortes de Valladolid por los enbargos que ovieron delos plazos passados.
Otrossi alo que me pidieron por merçed que en algunos lugares do yo mandé ffazer justiçia de algunos por ssu meresçimiento e di los ssus algos a quien yo tove por bien, e ellos que deuien debdas ante que dellos ffuesse ffecha justiçia, que ssea la mi merçed que do mosstraren rrecabdos çiertes contra ssus bienes dellos que ffueron obligados alas debdas, quelas mande pagar delos bienes de aquellos que assi ffuessen muertos por justiçia.
A esto rrespondo que tengo por bien quelas debdas que flizieron aquellos aque yo mandé matar por justiçia ante que cayessen en aquel casso de que ffueron obligados alas debdas, quelas mande [pagar aqui] los deuien, aquellas que ffueren mostradas por rrecabdos çiertos e por buena verdat.
Otrossi alo que me pidieron por merçed en rrazon delas escriuanias que en algunos delos logares de mios rregnos an por carta o por preuilegio o de ffuero o de husso, e les ffueren tomadas e dadas a algunos por mis cartas, que gelos mande tornar e guardar commo les ffue guardado en tienpo delos rreyes onde yo vengo; et en los logares que an por ffuero delos esscoger entre ssi ellos e melos apressentar, e yo que gelos deua dar aquellos que ellos esscogieren, que ssea la mi merçed de gela mandar guardar assi; et enlos logares ó los he yo a poner, que ssea la mi merçed que ssean delos vezinos del logar e quelo ssiruan por ssi et non por otro.
A esto rrespondo que en aquellos logares e çibdades e villas do an de ffuero o de preuilegio o de carta o de merçed de auer las esscriuanias e las notarias, que tengo por bien quelas ayan e lo otorgo: e en aquellos logares do las an de auer de husso, tengo por bien que aquellos que hussaron dellas en tienpo del Rey don Alffonso e del Rey don Sancho et del Rey don Ferrando, quelas ayan; et en aquellos lugares do an de husso de apressentar, que dé yo las esscriuanias aaquellos que me ellos enbiaren apresentar, que tengo por bien delo guardar en aquellos lugares do lo ovieron de husso en tienpo del Rey don Alffonso e del Rey don Sancho. Alo que dizen quelas çibdades e villas do yo he a poner escriuanos e notarios, quelos ponga naturales e moradores dende; a esto rrespondo que porne y aquellos quela mi merçed ffuere e entendieren que cunplen para los offiçios. Et alo que me piden quelas escriuanias que dio el Rey don Ferrando mio padre e yo a algunos, que gelas mande tornar a aquellos quelas tenian ante que gelas yo tomasse; a essto rrespondo que tengo por bien de gelas tornar a aquellos quelas tenian al tienpo que gelas yo agora tomé. Et alo que me pedieron quelos esscriuanos e notarios que ssiruan por ssi los offiçios; a essto rrespondo quelo tengo por bien, e mando que sse guarde assi, ssaluo ...
Otrossi a lo que me pidieron por merçed en rrazon delas entregas delos judios, quando sse ovieren a ffazer, quelas ffagan los alcalles delas villas e delos mis logares do las entregas ovieren a sser fechas, alli do lo an por carta o preuilegio o por ffuero, assi commo lo hussaron en tienpo delos rreyes onde yo vengo.
A esto rresspondo que en aquellas çibdades e villas do las an por ffuero e por preuilegio o por carta de merçed, quelo tengo por bien e quelo otorgo; et alo que dizen de aquellos logares do las an de costunbre, que tengo por bien que aquellos que vssaron dellas en tienpo delos rreyes onde yo vengo, que tengo por bien quelas ayan.
Otrossi alo que me pidieron por merçed que ssi algunas cartas dessafforadas ssalieren dela mi chançelleria contra alguno o algunos delos mios rregnos, para prender o matar o despechar o enplazar ssin rrazon e ssin derecho o ssin sser oydo o llamado ssin ssu ffuero, que ssea la mi merçed de mandar alos mios [merinos] alcalles e juezes do tales cartas acaesçieren e ffueren mostradas, quelas non cunplan e que ssean puestas en rrecabdo ellas e los quelas mostraren, e quelos enbien ami por quelos yo escarmiente commo la mi merçed ffuere.
A essto rresspondo que ssi alguna carta dessafforada ssalier dela mi chançelleria que ssea librada de alcalle por mandar matar o lissiar o prender a alguno o algunos o tomar lo que ovieren o otra cossa dessafforada, que por tales cartas commo esstas quelas non cunplan ffasta que melas enbien mostrar, por que lo yo escarmiente commo la mi merçed ffuere. Et ssi algunas cartas dessafforadas de camara ssalieren dela mi cançelleria por que mande matar o prender o lissiar a alguno o algunos, ssi el ffecho ffuere de tal natura que tanga en aleue o en trayçion o de otro casso que diga en mi carta que mereçe muerte, que aquellos que ffueren offiçiales o otros aquien ffueren las cartas, que prendan aaquellos omes e que enbien mostrar el ffecho e la carta a mi, por que lo yo mande escarmentar commo la mi merçed ffuere. Et ssi mandare matar o prender o lissiar ssobre otra cossa qualquier que non tanga en aleue
o en trayçion, quel non maten nin lo prendan nin lo lissien, mas que tomen del bonos ffiadores abonados, et entretanto quelo enbien mostrar a mi, por quelo yo libre commo la mi merçed ffuere. Et ssi mandar tomar a alguno o algunos lo que an, todo o parte dello, que aquellos que ovieren a conplir las cartas, que rrecabden los bienes ssobre buenos ffiadores abonados e los pongan en ffialdat en mano de omes bonos abonados, et que enbien mostrar las cartas e el ffecho ami, por quelo yo libre commo la mi merçed ffuere. Et ssi por auentura cartas ssalieren dessafforadas, que ssean contra ssus ffueros e preuilegios e cartas e vssos e costunbres o contra los quadernos que tienen, que me lo enbien mostrar, et entretanto que esté quedo el ffecho ssobre que ffuere, ffasta quelo yo libre commo la mi merçed ffuere. Et ssi enplazamiento o enplazamientos ffueren ffechos por tales cartas commo dichas sson alos juezes o alos alcalles o offiçiales o a otros quales quier a quien ffueren las cartas quelas cunplan, que non ssean tenudos de venir a ellos nin cayan en pena delos enplazamientos, ellos enbiando mostrar el ffecho e lass cartas ami al plazo, ssi enplazamiento y ovieren.Otrossi alo que me pidieron por merçed que quando los mios alcaldes e entregadores delos pastores ffueren alas villas e logares delos mios rregnos, que llegaren a librar los pleytos e las querellas do ssuelen hussar delo librar ellos, que ssea la mi merçed que ssea con ellos vn alcalle dela villa o del lugar do acaessçieren, que oyan e libren con ellos los pleytos e las querellas quelos passtores dieren con ffuero e con derecho.
A essto rrespondo... .
Otrossi a lo que pedieron por merçed que yo que perdone la mi justiçia que yo he o podria auer contra todos los dela mi tierra o contra qual quier dellos en qual quier manera e por qual quier rrazon quela yo he ffasta el dia que me dieron por de edat e ssali dela villa de Valladolid para andar por la mi tierra, ssaluo aleue o trayçion.
A esto rrespondo que commo quier que yo tomo grant cargo alo de Dios, porque ellos todos ssaben quan tenudo yo ssó a ffazer justiçia e de ffazer emienda e conosçimiento a Dios, sennalada mente por tan grant dolençia commo agora ove, de que me el quisso dar ssalut; pero porque ellos todos melo piden por merçed, por les ffazer merçed perdono atodos los dela mi tierra e del mio ssennorio e a cada vno dellos, de qual quier estado e de qual quier condiçion que sse[an], la mi justiçia que yo he o podria auer contra ellos en qual quier manera o por qual quier rrazon, de todos los maleffiçios que ffezieron en qual quier manera ffasta el dia de ssan Ypolite que yo conplade edat de catorze annos e ssali de Valladolid, ssaluo aleue o trayçion o casso de eregia.
Otrossi a lo que me pidieron por merçed que por las prendas que sse ffazen de vn logar a otro, assi de flijosdalgo commo de otros omes, diziendo que prendan por demanda o querella que dizen que an de algunt vezino dela villa o del logar donde fazen la prenda, e quelos alcaldese queles non quieren ffazer derecho, por la qual rrazon sson ffechas e sse ffazen muchas muertes de omes e otros muchos dannos, delas prendas e tomas que se ffazen en esta rrazon; por que me piden merçed que mande quelos alcalles de cada villa e de cada logar, que ffagan luego alos omes de ffuera parte derecho, ssin ningunt detenimiento maliçiosso; et ssi assi non lo ffezieren, que pechen la demanda doblada al querellosso, e el querelloso o demandador que aya derecho por los alcalles de cada villa o de cada lugar. Et el que de otra guissa prendare, quelo peche al querellosso con el doblo e con los dannos e menoscabos; et ssinon ovieren de quelo pechar, que ffagan contra el commo contra rrobador conosçudo.
A esto rresspondo que tengo por bien de mandar quelos alcalles de cada villa e de cada lugar, que ffagan luego derecho alos omes de ffuera parte ssin ningunt detenimiento maliçiosso; et ssi assi non lo ffezieren, que pechen la demanda al querellosso doblada, e el querellosso o demandador que aya derecho
por los alcalles de cada villa o de cada lugar. Et el que dotra guissa prendare, quelo peche ssegunt dicho es; et ssinon oviere de quelo pechar, que ffagan contra el ssegunt que es ssobredicho.Otrossi alo que me pidieron por merçed quelas mis villas e las mis pueblas, quelas non ayan ninguno en encomienda ssinon yo.
A esto rrespondo quelo tengo por bien e quelo otorgo.
Otrossi alo que me pidieron por merçed que yo nin los mios offiçiales que non mande ffazer pessquissa çerrada ssobre los ffijos dalgo nin ssobre los delas mis villas e logares delos mios rregnos, ssaluo en aquellos que abenida mente lo demandaren.
A essto rresspondo quelo tengo por bien e quelo otorgo.
Otrossi alo que me pedieron por merçed porque algunos dela mi cassa ganan offiçios enlas mis villas e lugares, tales que ssean a librar por juyzio, e arriendan los a otros, e non sse guardan los dela mi tierra commo deuen e rreçiben agrauiamiento e danno por ello; que ssea la mi merçed que aquellos aquien los dieren, quelo ssiruan por ssi, o ssinon, quelos dé a otros quelo ssiruan por ssi.
A esto rrespondo quelo tengo por bien e quelo otorgo; pero ssi yo di algunt offiçio destos a alguno dela mi cassa, tengo por bien quelo aya e que pueda poner por ssi quien lo ssirua, tal que ssea para ello, en quanto andidiere enla mi merçed, e quelo non arriende.
Otrossi alo que me pedieron por merçed por las cartas de merçedes que yo di alos delos castiellos dela frontera, quelos que ffuessen y morar anno e dia o enbiassen por ssi cada vno vn ballestero que ssiruiesse por el, que non pagasse las debdas que deuien ffasta quatro annos, et que por esta rrazon que ffallaré que an tomado grant danno los dela mi tierra: que ssea la mi merçed que non passe assi; mas quelas debdas que deuieren o las cossas que tovieren en ffialdat, quelas paguen aquellos aquien las deuieren.
A esto rrespondo quelo tengo por bien e quelo otorgo.
Otrossi alo que me pidieron por merçed porque en aquellos logares do an los alcalles de adoanas e de ssacas, los arrendadores traen a muchos omes a pleyto maliçiossa mente, por leuar dellos algo, e deteniendo alos de ffuera parte con ssus mercaderias, aponiendo les muchas cosas maliçiossa mente e ffaziendo les despender lo que an; porque dizen que ellos que non pecharán costas, avnque contra ellos judguen, e quelos demandados que aurán a despender mucho mas enel pleyto delo queles ellos demandan, et por aquesta rrazon an les adar lo queles demandan fforçada mente, avn quelo non deuan dar: que ssea la mi merçed que pues los mis alcalles les dieren por quitos, que aquel que ffallaren que maliçiossa mente tales pleytos troxier, que peche las costas a aquel que dieren por quito.
A esto rrespondo quelos alcalles que estos pleytos delas aduanas ovieren de librar, quelos libren ssin alongamiento de pleyto e que non conssientan alos rrecabdadores delos mios derechos quelos trayan a pleyto maliçiossa mente; e ssi ffallaren que maliçiossa mente los traen, queles ffagan pechar las costas.
Otrossi alo que me pidieron por merçed quelos offiçiales delas mis villas e logares delos mios rregnos que ssean puestos ssegunt lo an por ffuero e por costunbre e por preuilegio o por vsso de cada lugar, en aquellos do melos pidieren todos acordada mente o la mayor partida dellos en que melos deuen o pueden pedir.
A esto rresspondo que enlas çibdades de Seuilla e de Cordoua que tengo por bien de poner yo los offiçiales ssegunt quelos possieron los rreyes onde yo vengo, et esso messmo enlas otras villas e logares dela ffrontera dolos hussaron poner los dichos rreyes.
Otrossi alo que me pedieron por merçed que enbiasse pedir merçed al Papa delas dignidades quel dio alos perlados ffasta aqui en mios rregnos quelas vengan sseruir cada vno, ssinon quelas dé a otros quelas ssiruan; e las que daqui adelante dieren, quelas dé alos mios naturales delos mios rregnos, porque los perlados que sson de ffuera delos mios rregnos ssacan el auer e las otras cossas dela mi tierra, de que viene anos por ello grant danno e es nuestro desseruiçio e las yglesias non sson sseruidas commo deuen.
A esto rrespondo quelo tengo por bien e lo otorgo.
Otrossi alo que me pedieron por merçed los de ...ra e de Almoguera, quelas alcallias e el alguaziladgo que ay en estos logares por ffuero e por priuilegios, quelos ponga el conçeio de cada logar destos, aquellos que mas conplieren para mio sseruiçio, queles ssean tornados e que hussen dellos ssegunt que hussaron ffasta el dia de queles ffueron tomados.
A essto rrespondo que tengo por bien queles ssea guardado el ffuero e el priuilegio, ssegunt queles ffue guardado en tienpo del Rey don Alffonsso e del Rey don Sancho.
Otrossi alo que me pedieron por merçed que mandasse alos mios alcalles dela mi corte que non sse entremetan de librar pleyto fforero, ffasta que ssea el pleyto librado por ssu ffuero en ssus lugares e venga el pleyto por alçada ante ellos de aquellos lugares onde ssuelen venir.
A esto rrespondo quelo tengo por bien; pero aquellos pleytos que da derecho e de costunbre deuen venir ami corte, que tengo por bien que vengan, e quelos mios alcalles quelos libren commo ffallaren por ffuero e por derecho.
Otrossi alo que me pidieron por merçed los de Toledo queles dé vn alcalle ffijo dalgo que ssea natural de Toledo, que ande enla mi corte para guardar ssu derecho delos ffijos dalgo de Toledo e de ssu rregno.
A essto rresspondo quelo mandaré guardar ssegunt que ffue guardado en tienpo del Rey don Alffonso e del Rey don Sancho e del Rey don Fferrando mio padre.
Otrossi alo que me dixieron que ffueron ganadas cartas en tienpo del traydor Aluar Nunnes en que demandé donaçiones de algunas çibdades e villas delos mios rregnos, e estan dessapoderados dellas; que ssea la mi merçed delas mandar tornar alas çibdades e villas de quien ffueron, e que tales donaçiones non valan.
A esto rrespondo quelo tengo por bien e quelo otorgo.
Otrossi alo que me pidieron por merçed que todos los christianos que sson hussurarios publicos e ffuere ssabido por buena verdat e por buenos testigos quelos sson, que mande alos mios logares do tales omes ffueren que passen contra ellos e los escarmienten assi commo es ffuero e derecho.
A essto rrespondo que ffare aquello que ffallare que es derecho.
Otrossi a lo que me pidieron por merçed quelos omes bonos e rricos omnes que non coman nin tomen yantar nin otra cossa delo que an los mis vassallos nin los mios apaniguados, et qual quier o quales quier quelo tomaren, o otro por ellos o por ssu mandado, que ssea la mi merçed que aquello que ffuer ssabido por buena verdat que tomaren, quelo mande entregar e pagar dela tierra o delos dineros que de mi tovieren o dela ssu heredat.
A esto rresspondo quelo tengo por bien e quelo otorgo.
Otrossi alo que me pidieron por merçed que porque en algunas villas dela ffrontera les sson tomados e fforçado; exidos do sse ssuelen acoger los ganados con el affincamiento dela guerra, et otrossi las plaças e las calles que sson comunales de todos e sson tomadas por cartas mias, e otros quelas entraron por ssi; que ssea la mi merçed que aquello que ffuer ssabido por buena verdat que tomaron o entraron, quelo mande tornar alas villas do esto acaesçiere e que ssea commo ante estaua, porque es cossa que cunple atodos comunal mente.
A essto rresspondo que tengo por bien quelos alcalles e los offiçiales delas mis villas que ffagan dessenbargar los exidos a aquellos quelos tienen; e aquellos que tienen entradas por ssi plaças o calles por fiuerça, que gelo ffagan luego dessffazer; et ssi otros algunos los tienen por mis cartas, que melo enbien mostrar, e yo quelo libraré commo la mi merçed ffuere.
Otrossi alo que me pedieron por merçed quelas deffessas e los exidos e los prados delas villas e de ssus aldeas que eran comunes de todos o que sse mantenien comunal mente, e algunos caualleros e
otros omes poderossos, por cobdiçia de auer los dineros por que sse vendien e la beredat, et possieron a los conçeios que ssi ffiziessen vendidas destas cossas tales, que ssea la mi merçed que estas atales vendidas quelas mande rreuocar e que sse tornen alas dichas villas e aldeas do tales vendidas sse ffezieren, dando les aquello que por ello dieron los quelos conpraron. Et porque estas atales vendidas sson passadas algunas dellas de vnos en otros, quelos dé a todos por quitos, e que cada vno teme los dineros que tomó de vno en otro, ssegunt quelo vendieron, et esto que gelo ffagan luego ffazer los mios offiçiales de cada lugar, ssin pleyto e ssin luenga e ssin alçada.A essto rresspondo quelo tengo por bien e quelo otorgo.
Otrossi alo que me pidieron por merçed porque el conçeio de Requena, que es logar mucho apartado delos mios rregnos e es ffrontera de Aragon, e non á mas de dos aldeas, Otiel e Mira, et agora dizen que Otiel non los quiere obedesçer assi commo ssu aldea e commo ssolian ffazer en tienpo delos rreyes onde yo vengo, et dizen que punna por sse ffazer villa; por que me piden por merçed que quiera mandar dar mis cartas para Otiel, ssu aldea, que sean con [ellos] e los obedeçiessen assi commo ssolien e que acoian y al dicho conçeio de Requena e alos que ellos mandaren; et ssi assi ffazer non lo quissieren, queles mande dar mis cartas para los conçeios dela comarca quelos ayuden ffasta quel dicho logar Otiel les obedesca e vsse con ellos commo ssienpre vssaron.
A essto rresspondo quelo tengo por bien e quelas dichas ssus aldeas quelas ayan e los obedescan effinquen ssuyas, ssegunt quelas ovieron en tienpo delos rreyes onde yo vengo; pero porque los de Otiel sse me enbiaron querellar de muchos males e dannos queles ffezieron, que tengo por bien delo tomar en mi e delo librar commo la mi merçed ffuere.
Otrossi alo que me pidieron por merçed por el conçeio de Almoguera, que dizen queles fueron tomadas deffessas, e dellas por mis cartas e dellas por ssi messmos, que ssea la mi merçed que gelas mande tornar e que hussen dellas commo de ante hussauan en tienpo delos rreyes onde yo vengo.
A essto rresspondo quelo tengo por bien, e que hussen dellas ssegunt que vssaron en tienpo delos dichos rreyes.
Et desto mandé dar este quaderno ssellado con mio ssello de çera colgado al conçeio de Niebla. Dado en Madrit, nueue dias de agosto Era de mill e trezientos e ssessenta e ssiete annos. Yo Lope Alffonso lo ffiz escreuir por mandado del Rey.
Sepan quantos este quaderno vieren commo nos don Alfonso por la gracia de Dios Rey de Castilla de Toledo de Leon de Gallizia de Seuilla de Cordoua de Murçia de Jahen del Algarbe, e Sennor de Molina, veyendo que por las enemistades que eran entre los fijos dalgo dela nuestra tierra acaesçian muchas muertes dellos e de sus conpannas e otrosi de-
los sus peones e labradores que auian por uasallos, e por esta ocasion se fazian muchas malfetrias enla nuestra tierra asy enlo rrealengo commo enlo abadengo e sennorios e behetrias por muchas assonadas que fazian sobre esto e grandes alborozos e boliçios que se mouian entrellos por ello, de que venia gran deseruiçio a Dios e anos e gran danno ala nuestra tierra faziendo al; sentiendo nos mucho dela perdida que nos tomauamos enlas muertes que acaesçian entre los nuestros fijos dalgo como avemos mui gran rrazon delo fazer por muchos seruiçios granados que tomaron dellos los reys onde nos uenimos enlas grandes conquistas e enlas grandes guerras e menesteres que ouieron en que tomaron muertes en su seruiçio muchos dellos. E otrosy por muchos buenos seruiçios que fizieron anos despues que regnamos aca enlas conquistas que fezimos delos moros e enlos otros menesteres que ovimos; por tirar todas estas contiendas dentrellos e que biuan de aqui adelante en paz e en sosiego, con acuerdo de don Juan Nunnez sennor de Vizcaya e nuestro alferez, e de don Juan Alfonso de Alburquerque e de don Diego de Haro e de don Juan fijo de don Alfonso, e de don Pedro Dexerica e de don Gonzalo Martinez maestre de Alcantara e nuestro despensero mayor, e de otros rricos omes e infançones e caualleros que eran en Burgos conusco, que fueron dados para esto, e con los otros del nuestro consejo fezimos este ordenamiento que aqui dira:Primeramente tenemos por bien e mandamos que todas las enemistades que son entre los fijos dalgo delos nuestros regnos asy por muertes commo por feridas o por prisiones o por desonrras, commo por todas las cosas porque es enemistad entrellos en qualquier manera fasta aqui, que sean todas perdonadas en esta guisa: que se perdonen vnos aotros e que se afien luego los que son de hedad para ello, e los que non sson de hedad que luego que fueren de hedad de quinze annos cunplidos vnos aotros; e sy por ellos tienen fecho desafiamiento o lo tenian ellos fecho que afien. Otrosi que todos los peones que fueron en estos omezillos con los fijos dalgo oporla su rrazon dellos quelos perdonen los fijos dalgo, e los peones que se perdonen entresy unos aotros las enemistades que ouieren por los fijos dalgo segund dicho es, e qual quier o quales quier delos fijos dalgo que contra esto fueren de aqui adelante matando o feriendo e prendiendo vn fidalgo aotro por la enemistad,
de aqui adelante que muera por ello, e que nos e la nuestra justiçia quele mandemos dar muerte de aleuoso e delos sus bienes que sea la meytad para nos e la otra meytad para el querelloso. E sy se fuere por que se non pueda cunplir enel la su justiçia, que sean enplazados segun es fuero. E sy non uinieren a aquellos plazos, que nos quelo demos por aleuoso, e los bienes quelos ayamos nos e el querelloso segund dicho es; e esto que sea en escogençia del querelloso que si quesiere querellar quelo lieue por querella, e nos que fagamos justiçia commo dicho es, seyendo caydo el acusado. E sy lo quesiere leuar por rriepto quelo lieuen por rriepto e nos quelo oyamos e lo libremos segund fuero delos rrieptos. E sy el fidalgo matare al peon por lo de fasta aqui desque el perdon sea fecho, quelo maten por ello. E el peon que matare al peon por lo que dicho es, quelo maten por ello e que pierda los bienes commo dicho es. E sy los peones fueren contra este perdon, commo dicho es, matando oprendiendo oferiendo ofaziendo algunas cosas delas que dichas son despues que fuere fecho el perdon segunt dicho es, que aquel o aquellos quelo quebrantaren quelos maten e ayan pena en sus bienes commo aquellos que quebrantan paz que es puesta entrellos.Otrosy tenemos por bien e mandamos que sy alguno querellare oacusare aotro ante nos de muerte o de ferida o de prision por alguno de aquellos por quien lo pueda fazer e fuere fallado quelo querelló maliçiosamente, que el acusador que muera por ello e pierda todos sus bienes e ayamos nos la meytad e el acusado la otra meytad; e si se fuere porque lo non puedan aver, que finque por enemigo del acusado e delos sus parientes, e quelo puedan matar ellos syn calonia ninguna e las nuestras justiçias quelo maten do quier quelo fallaren, e que se faga de sus bienes lo que dicho es. E sy el acusado mostrare quelo mató con rrazon derecha, que el acusador que salga de la tierra anno e dia, e sy en este tienpo entrare enlos regnos, que salga delos regnos por dos annos. E sy la segunda vez entrare, que salga delos rregnos por quatro annos, e sy entrare la terçera vez, que finque por enemigo del acusado e delos sus parientes quelo puedan matar do quier quelo fallaren.
E este perdon e este afiamiento que se faga luego aqui ante nos segun dicho es delos que aqui fueren en la corte e nos quelo fagamos asi haçer e cunplir luego; e sy alguno o algunos y ouiese tan desconosçido que non quisiesen aqui cunplir luego este nuestro mandamiento, que salga fuera delos nuestros regnos para sienpre e que nunca lo podamos perdonar, e que pierda los bienes e ayamos nos la meytad dellos e la otra meytad quelo ayan aquel o aquellos aquien non quisieren per-
donar e consentieren en el perdon. E estos que asy ouieren de salir del regno que ayan plazo de nueue dias e non mas.E porque se faga este perdon cunplidamente e igualmente en todos los fijos dalgo del sennorio que aqui non son e delos peones que eran enlas enemistades commo dicho es, que nos que enbiemos luego nuestras cartas e nuestros mensajeros alas merindades e alas comarcas, que vayan y nuestros ballesteros e porteros que fagan ayuntar por enplazamientos e por pregones en la cabeça dela merindat todos aquellos que son enestas enemistades, queles fagan que cunplan este ordenamiento e que se perdonen vnos aotros e que se afien luego los fijos dalgo vnos aotros; e los peones que se perdonen vnos aotros commo dicho es. E sy alguno o algunos y oviere que non quisieren cunplir su mandado, sy fuere fijo dalgo, que salga dela tierra para sienpre e que nunca torne a ella e nos que nunca lo podamos perdonar, e los sus bienes que sea la meytad para nos e la otra meytad que sea para aquel oaquellos aquien non quisieren perdonar e consentieren enel perdon. E estos que asy ouieren asalir dela tierra que ayan plazo para salir dela tierra nueue dias e non mas, e que les sea puesto el plazo luego por el merino o por aquellos quelo ouieren alibrarlo por nuestro mandado. E alas comarcas do moran los fijos dalgo e non ay merinos, que vayan y nuestros ballesteros e porteros conlas nuestras cartas para los ofiçiales delos lugares e quelo fagan fazer e cunplir asy. E alos que asy mandaren salir dela tierra, sy fueren fallados delos nueue dias en adelante enla tierra en qual quier tienpo, quelos maten por ello los ofiçiales dela nuestra tierra o qual quier dellos olos sus enemigos que auian ante o otros omes de qual quier estado o condiçion que sean, e quelos sus parientes quelo non puedan acalopnar por querella nin por omezillo nin por otra manera ninguna. E sy el que saliere dela tierra por algunas delas cosas que dichas son, entrando enla tierra ouiere alguno o algunos quelos acojan en sus casas fuertes o de sus moradas oles dieren cauallos o armas por que ellos fagan muertes o otro danno o mal enla tierra, que aquel o aquellos quelos acogieren oles ayudaren oles dieren armas o cauallos que mueran por ello, e que nos olos nuestros oficiales quelos mandemos matar por ello. E sy fueren peones los que non quisieren perdonar, que qualquier delos nuestros ofiçiales quelos fallaren quelos maten e delos sus bienes que se fagan commo delos otros bienes delos fijos dalgo, e los merinos o los otros ofiçiales aquien nos enbiamos mandar por nuestras cartas, que cunplan esto e quelo fagan e lo cunplan luego; e qualquier o quales quier quelo non fizieren que pierdan lo que ouieren e que sean los sus
bienes para nos e que salgan del rregno por diez annos. E sy de nueue dias en adelante del dia quele fuere mandado que salga dela tierra fuere fallado ante que se cunplan los diez annos, quelo maten los nuestros ofiçiales o qual quier dellos o otro qual quier quelo fallare syn pena e sin calonia ninguna. E los que fueren enplazados para esto que sean enplazados en sus casas do moran o do se suelen acojer. E si las non han, quelos enplazen por pregon enla cabeça dela merindat e queles fagan saber la rrazon por que son enplazados. E sy non vinieren al plazo queles fuere puesto para aquel lugar do fueren llamados, queles tomen quanto an e salgan dela tierra para sienpre commo dicho es. E sy el enplazado non fuere enla tierra quando le fizieren el enplazamiento, que luego que llegaren ala merindad do á casa o do se suele acojer, que sea fasta terçero dia antel alcallde do an fuero o ante el merino o enla uilla do ouieren fuero ante los alcalldes dende o ante qual quier dellos do mas çerca fuere, e que otorgue antel ofiçial este perdon e perdonen asus enemigos e los afie; e sy lo asy non fizieren, que ayan la pena enlos cuerpos o enlos bienes que dicha es. E porque sea guardado dengano el que no fuere en la tierra e el non pueda fazer maliçia, quel sea fecho pregon alli ala puerta desu morada o do se acogiere e enlos mercados de aquella merindad que vengan aotorgar esto que es ordenado; e synon que sepan que sy non vinieren queles darán aquella pena enel cuerpo e enlos bienes que dicha es. E de mas que sepa que sy deaquel dia que el enplazamiento fuere fecho, que en adelante que esté enel asosegamiento que nos posimos entrel e sus enemigos; e sy contra ello fuere enalguna manera delas que dichas son, que ayan aquella pena enlos cuerpos e enlos bienes que dicha es. E sy fuere enel nuestro sennorio, que sea tenudo de venir antel merino o antel alcallde desde el dia del pregon fasta treynta dias sy fuere enel Andaluzia. E sy fuere allende los puertos dela sierra delas Estremaduras e de tierra de Leon que sea y fasta veynte dias. E sy fuere destos puertos aquende que venga fasta quinze dias; e sy non viniere aestos plazos que dende adelante, do quier que fuere fallado, que se cunpla enel la pena enel cuerpo e enlo que ha e enlo que dicho es, saluo sy se escusare con enbargo derecho segunt es de fuero, porque non pudo venir.Pero que eneste perdon que se puedan demandar heredades o muebles o enmiendas de dannos ode malfetrias que se ayan fecho los vnos alos otros fasta aqui, la heredad por su fuero e el mueble por do deuiere, saluo armas e bestias e otras cosas quales quier que fueren tomadas en peleas.
Otrosi que los rrieptos que son començados fasta aqui, quelos libremos nos con fuero e con derecho segund quelo libramos fasta aqui.
Otrosy que sy algunos estan en tregua de sesenta annos o de mayor tienpo o de menor tienpo fasta en treynta annos, que finquen en ellas como estan; pero que sy alguna cosa acaesçiere entrellos enesta guisa quelo puedan querellar e demandar segun las condiçiones quese contienen eneste ordenamiento asy commo sy ouiesen perdonados los vnos alos otros; e las treguas que son agora de menor tienpo de treynta annos, que se perdonen e se afien luego, e que finque la tregua tirada, e que sean tenudos de guardar este perdon e este ordenamiento sobre dicho.
En este perdon que non se entiendan los que se açertaron en la muerte de Garcia Laso e delos otros que y murieron conel, por que es el caso tal que no á lugar de fazer nos perdon aquellos que fueren fallados por pesquisa e que nos mandamos apregonar por esta rrazon.
Otrosi por quela nuestra justiçia se pueda mejor cunplir e guardar sobre los fechos que acaesçieren de aqui adelante entre los fijos dalgo por quelos malos sean escarmentados e ellos ayan rrazon de beuir en paz e en asosiego, mandamos e tenemos por bien quelos fijos dalgo delos nuestros rregnos que puedan desafiar enesta guisa e enestas cosas que aqui dira:
Por muerte o por ferida o por prision de padre ode madre, ode abuelo ode abuela, ode hermanos dellos non auiendo fijos o nietos, o de hermano ode tio hermano de padre ode madre, opadre por fijo, ode sobrino fijo de primo ode segundo cormano, tan bien por varones commo por mugeres; e deste debdo ayuso de segundo cormano, que non pueda desafiar. E estos que por estas rrazones ouieren adesafiar opor qual quier dellas, quelo non pueda fazer el desafiamiento fasta quelo muestren anos; e desque lo nos mostraren anos commo dicho es, sy nos les fizieremos fazer enmienda e derecho asy commo deue, del dia que nos lo mostrare el seguiendo el pleito fasta vn anno, que el que non pueda desafiar. E sy fasta aquel plazo non le fizieremos derecho commo dicho es, que pueda desafiar e el desafiamiento quelo faga por sy e por los parientes de aquel por quien querella fasta en aquel grado de segundos, e por los omes fijos dalgo que conel o con ellos vinieren e no por otro ninguno. E en rrazon delo que ayan de fazer sobre rrazon del desafiamiento el vasallo por el sennor, que se guarde segun que dize el fuero.
E sy alguno querella de ferida por sy opor alguno de aquellos por quien lo puede demandar de fuero, que este acusado sy nos lo fallare-
mos en culpa quele mandemos fazer enmienda segun nuestro aluedrio e demas que se salga del regno el acusado por vn anno; pero sy el querelloso lo quisiere demandar por rriepto, quelo pueda fazer.Otrosy sy alguno quisiere querellar anos la muerte del su pariente oparienta fasta en aquel grado que dicho es enlas cosas que acaesçieren de aqui adelante, nos quele fagamos cunplimiento de derecho oyendo al querelloso con la otra parte; e sy fallaremos en culpa al acusado, quelo mandemos matar por ello e que non ayan otra pena enlos bienes ni lo demos por aleuoso, e de otra guisa que non sea quito del aleue el acusado en ninguna manera, saluo sy muriere por justiçia commo dicho es e se saluare con derecho. E este que asy viniere, que venga seguro que por otra mal fetria omal fetrias que oviere fecho quenon sea preso fasta que aquel pleyto sea librado e quelo dexemos tornar seguro al lugar onde vino, e despues quelo puedan demandar e sea tenudo de conplir de derecho. E sy el acusado non quisiere paresçer ante nos e se fuere, quele fagan los enplazamientos que son de fuero. E sy non veniere alos plazos cunplidos, que nos quelo demos por aleuoso e que de sus bienes que ayamos nos la meytad e el querelloso la otra meytad. E demas quelos parientes del muerto quelo puedan matar do quier quelo fallaren sin pena e syn calonia ninguna. E otro sy quelos nuestros merinos e justiçias e los otros ofiçiales quelo maten por aleuoso do quier quelo pudieren fallar, e sy el que viniere ante nos acunplir de derecho se fuere dela nuestra corte sin nuestro mandado fasta que el pleito sea librado, que vaya por aleuoso e que fagan del e desus bienes commo dicho es. E estos pleitos que se libren luego sin alongamiento ninguno.
Otrosy por que los omes buenos e los fijos dalgo que aqui eran conusco me pedieron por merçed que, por que delas casas e castillos que ellos han non se pudiese fazer malfetria, quelas tomasemos en nuestra guarda e en nuestro defendimiento por que ninguno nin ningunos non se atreuiesen atomar ningunas casas ni castillos vnos aotros por fuerça ni por furto ni las derribasen. E nos por les dar lugar que biuan en paz e en asosiego e los mal fechores non fallen esfuerço nin cobro, e ellos non ayan atener en lasfortalezas que han muchas compannas que mantienen enellas fasta aqui, touimoslo por bien e aseguramos las casas fuertes e los castillos que han todos los fijos dalgo delos nuestros regnos e del nuestro sennorio e tomamos los en nuestro seguramiento e en nuestra guarda e que vnos aotros non selas tomen ni otros ningunos; e qual quier o quales quier quelas tomare aotro por fuerça o por furto olas derribare, que muera por ello e que mandemos fazer justiçia enel oenellos asy
commo en aquellos que quebrantan seguramiento desu rey e desu sennor, e delos sus bienes que peche la casa conel doblo asu dueno; e sy la tomare e non la derribare, que muera por ello e que pierda la demanda que auia contra ella, e aquel que enesta pena cayere, quelo non acoja ninguno; e sy la conbatiere, que sea tenudo de pechar la casa que derribó conel doblo acuya fuere la casa; e sy la tomó ofurtó e non la derribó, que peche tanto delo suyo commo valier la casa aaquel cuya fuere e que sea tenudo aentregarlo ala nuestra justiçia. Pero que sy de alguna oalgunas casas ocastillos se fiziere furto o robo omal fetria o se acogieren y algunos malfechores, que el merino mayor de aquella tierra o otro merino qual quier de la merindat do fuere la casa o el castillo, que pasen contra ellos en aquella manera que deuen commo es de fuero e de derecho.Otrosy porque nos fezimos ordenamiento que qual quier que sacase cauallo fuera delos regnos, del dia de Pasqua dela Resurecion que agora pasó adelante quelo matasen por ello e perdiese lo que ouiese, e esto que se entienda tan bien por todos los fijos dalgo como por todos los otros, por que ellos han mas menester los cauallos para nuestro seruiçio e deuen se mas guardar delo fazer que otros ningunos.
Otrosy ordenamos nos de commo nos han a seruir los nuestros vasallos por las soldadas queles mandamos librar en tierra e en dineros en esta manera:
Primeramente que delas quantias queles mandaremos librar a qualquier nuestro vasallo, quele sea descontado ende, para que non sea tenudo de seruir por ello con omes acauallo ni de pie, la terçia parte para guisamiento del su cuerpo e para la su costa, e esta terçia parte quele sea descontada delos dineros que le fueren librados.
Cada vno, por esta terçia parte que le es descontada, que sea tenudo de lleuar el su cuerpo e el su cauallo armado e de lleuar quixotes e canilleras. E por las dos partes que fincaren del libramiento, sacada la dicha terçia parte tan bien en tierra çierta commo en dineros, que sea cada vno tenudo de seruir por cada mill e cient mrs. con vn ome acauallo.
Cada vno que sea tenudo de traer sendos omes de pie por cada ome acauallo que traxiere, la meytad destos omes que sean lançeros e la otra meytad ballesteros.
Los omes buenos que traxieren pendones e tienen de nos quitaçiones e gelas mandamos librar, e al tienpo del libramiento, queles sean descontados delos mrs. queles mandamos librar en quitaçiones en cuenta del su libramiento, para que sean tenudos de seruir por estas quitaçiones asy como son tenudos de seruir por sus libramientos.
E todos los omes acauallo con que cada vno es tenudo de seruir segun este ordenamiento que sean tenudos delos traer al seruiçio guisados de ganbaxes e de lorigas e de capelinas e de fojas e de gorjera e de capelina ode lorigon ode ganbaxes e de gorguera e de capelina.
E los cauallos que cada vno ouiere de traer segun este ordenamiento que sean de quantia de ochoçientos mrs. odende arriba e non de menos, e esto que sea sobre jura de aquel quelo conpró.
E los omes buenos que han pendones que sean tenudos de leuar cada diez omes acauallo vn ome acauallo el cuerpo e el cauallo armado; e con quixotes e canilleras, demas del cauallo armado que es tenudo de traer. E que le sea contado por este ome a cauallo mill e trezientos mrs. del su libramiento.
En este ordenamiento que non entren los rricos omes e caualleros e escuderos dela frontera nuestros vasallos, aquellos queles non cunplimos sus soldadas en dineros e han a seruir por la tierra que tienen.
Todos aquellos aquien nos mandamos librar sus soldadas, tan bien los omes buenos commo los caualleros e escuderos vasallos delos omes buenos, quelos que fueren conlos caualleros, que sean tenudos de seruir por los sus cuerpos alli doles mandaremos e aquel plazo queles nos mandamos todo aquel tienpo que son tenudos de seruir e con tantos omes acauallo, dellos los cuerpos armados e los cauallos armados, e dellos los cuerpos armados e non los cauallos, e cada vno con vn ome de pie segun dicho es.
Qual quier de todos estos que dichos son que non fueren seruir por sus cuerpos alli doles mandaremos ono enbiaren sus conpannas ellos non podiendo yr por sus cuerpos mostrando por escusa çierta opor recaudo çierto que non podieron yr, que pechen el libramiento queles fuere fecho conel doblo o que salgan dela tierra por çinco annos. E sy encomienço delos cinço annos entrar en la tierra, quelo maten por ello do quier quelo fallaren e que nos queles non podamos perdonar ninguna cosa destas. E esta pena delos dineros que sea la mytad della para nos e la otra mytad para aquel queles ouiere fecho el libramiento. E sy nos gelo ovieremos fecho, que sea toda la pena delos dineros para nos.
E qual quier que se partiere denos ode aquel quele da la soldada
sin nuestro mandado ante que se cunpla el tienpo del seruiçio otomare libramiento de dos sennores ode mas de dos, quelo maten por ello. E despues que se cunpliere el tienpo del seruiçio dandole su sueldo enesta guisa: alos omes de cauallo segun nos vieremos que es guisado e segunt el tienpo; e alos de pie a cada lançero vn mr. cada dia e acada ballestero treze dineros cada dia; e que se non puedan yr, e sy se fueren, quelos maten por ello doquier quelos fallaren, e nos que les non podamos perdonar la nuestra justiçia.E qual quier que non fuere conusco o con aquel quele da la soldada al plazo que le nos pusieremos o dende aocho dias, que sea tenudo de seruir dos tanto commo fueren los dias que tardaron, sin darles el sueldo, pasado el tienpo del seruiçio del libramiento. E sy mas de ocho dias tardare, non seyendo nos entrado atierra delos enemigos allende del postrimero lugar de frontera de nuestro sennorio, que sea tenudo de seruir tres tantos dias commo fueron los dias que tardaron; e sy nos fueremos entrado commo dicho es delos dichos ocho dias en adelante, que aquel que tardare que le maten por ello e nos que le non podamos perdonar la nuestra justiçia.
E qual quier que veniere ante del plazo quele nos pusieremos, quele non sean contados del tienpo del seruiçio los dias que veniere adelante.
E todo este ordenamiento quese entienda enlos nuestros vasallos e en todos los vasallos de todos los otros. E todas las penas que dichas son que cayan enellas todos aquellos que non mostraren escusa derecha con recaudo çierto.
E qual quier que non troxiere tantos omes acauallo armados e non armados e omes de pie lançeros e escuderos e ballesteros commo dicho es o los non traxieren guisados commo dicho es o non valieren los cauallos cada vno ocho çientos mrs. commo dicho es odende arriba, que por cada ome acauallo queles menguare quelos non traxieren guisados segun dicho es, que sea tenudo de pechar anos conel doblo lo que montare el su libramiento de aquellos que menguaren. E el cauallo que non valiere la dicha quantia que gelo tomen e sea para nos; e por cada ome de pie que menguare que peche dozientos mrs. desta moneda que fazen diez dineros el mr. E esta pena que sea otrosi para nos.
E sy alguno touiere tierra denos e de otro qual quier e se partiere de aquel de quien la touiere ante del tienpo del libramiento, quelo que oviere lleuado dela tierra de aquel anno en que ouiere de seruir conella e conel libramiento, que peche la tierra que ouiere lleuado conel doblo aaquel de quien touiere la tierra.
E todos los omes buenos e los rricos omes caualleros nuestros vasallos e caualleros vasallos delos otros que cada vno dellos que sea tenudo de traer armas enfiestas aquellas que ouiere guisado para las traer.
E del dia que llegare anos segun el plazo queles pusieremos e dende en adelante enquanto durare la hueste, que ninguno non venda nin enpenne cauallo nin arma ninguna; e sy lo fiziere que peche dozientos mrs. para el nuestro alguazil e el alguazil que pueda prendar por ello, e sy lo non prendare que lo peche anos conel doblo; e qual quier quelo conprare olo tomare apennos, que pierda aquello que conprare o tomare apennos o la quantia que diere sobrello, e lo que se vendiere ose enpennare que sea la meytad dello para nos e la otra meytad para el nuestro alguazil. E esto que sea del dia quelo nos mandaremos apregonar en adelante.
E en quanto durare el seruiçio que ouiere a fazer, tanbien por el libramiento commo por sueldo, que ninguno non sea osado de jugar aningun juego de dados ni de tablas adineros ni sobre pennos. E qual quier que jugare segun dicho es, que por cada vegada que jugare que peche cient mrs. dela dicha moneda. E esta pena que sea para el dicho nuestro alguazil e que pueda prendar por ella. E si non prendare quelo peche el nuestro alguazil conel doblo, e qual quier cosa que qual quier ganare tan bien dineros e armas e bestias e otros pennos qual quier, que sea tenudo delos tornar aaquel de quien los ganare, e el que non ouiere los dichos çient mrs. dela dicha pena, que esté preso enla nuestra cadena treynta dias.
E otrosy tenemos porbien de hordenar el nuestro comer e el comer delos perlados e delos omes buenos que traen pendones e delos rricos omes e caualleros e escuderos e de todos los otros omes de qual quier estado o condiçion que sean, tan bien comiendo en conbite o en sus posadas commo en otro lugar qual quier.
Nos que comamos quatro manjares quales nos quisieremos e non mas.
Los perlados e los omes buenos que traen pendones que coman tres manjares, e cada manjar que sea de vna carne ode vn pescado e non mas.
Los rricos omes e caualleros e escuderos e todos los otros omes de qual quier estado o condiçion que sean que coman dos manjares, e cada manjar que sea de vna carne e de un pescado e non mas.
E delas caças, que qual quier destos que dichos son caçaren, que puedan comer dellas quantos manjares quisieren de mas delos manjares dichos que en este ordenamiento se contiene.
E todos los que dichos son que non beuan al su comer synon de vn vino que sea blanco obermejo.
E a qual quier que fuere sabido que pasa este ordenamiento, que por la primera vegada que peche cient mrs. dela dicha moneda e por la segunda vegada que peche dozientos mrs. e por la terçera vegada que peche trezientos mrs. E desta pena que aya el acusador la meytad e nos la otra meytad, e que enla nuestra corte que el nuestro alguazil que prende por ello e enlas uillas e lugares delos nuestros regnos que el juez del lugar ootro ofiçial qual quier delos que y fueren que prenden por ello.
Otrosy tenemos porbien de ordenar los vistuarios delas duennas e delas donzellas e delos omes buenos que traen pendones e delos rricos omes e caualleros e escuderos tan bien de cauallo commo de pie, e las sillas cauallares e mulares, e commo se han de asentar, e delos cauellos e commo los han de traer.
Ningunas mujeres ni fijas ni parientes delos omes buenos que tienen pendones que non vistan pannos ningunos de seda con oro.
E todas las otras mugeres fijas e parientas delos rricos omes e caualleros e escuderos e otros omes quales quier que non vistan pannos ningunos de seda con oro ni sin oro.
E que ninguna duenna ni donzella de qual quier estado o condiçion que sea que non ponga en pelote o en manton o en saya mas de diez e ocho varas de panno tinto. E eso mesmo de qual quier otro panno que sea del ancho del panno tinto, e delos otros pannos que fueren mas anchos, que fagan los dichos pannos de diez e seys varas e non mas. E si fuere pelote omanton que sea a este cuento.
Ningun ome de qual quier estado que sea, saluo nos, que non vista pannos de oro ni de seda ni vista ningunos pannos con oro freses ni contrenas ni al jofar ni con otro adobo ninguno ni con esmaltes, saluo que puedan traer enlos mantos texidos con al jofar ocuerdas sin al jofar. E los caualleros dela vanda que puedan traer la vanda tan solamente de qualquier panno que sea en que non aya oro, e quela puedan traer perfilada de oro freses ode trena o de otro perfil qual quier en que non aya al jofar ni piedras.
Ninguno non traya tabardo nin rredondel descarlata vermeja, saluo nos.
Otrosy ninguno, saluo los omes buenos que tienen pendones, que non vistan tabardos aguaderos nin rredondeles de panno de suerte.
Ningun escudero non traya penna vera ni ningunos pannos descar-
lata bermeja, saluo calças, ni traya çapatos dorados, saluo los omes buenos que traen pendones maguer sean escuderos.Qual quier escudero, que non ouiere libramiento de nos o de otro qual quier, que non uistan tabardos nin rredondeles nin pellotes de panno tinto nin de lilao.
Ningun ome de pie non vista saya ni capa ni rredondel ni pellote de panno tinto ni de lilao ni de mezclado ni traya orofreses ni trenas ni traya çinta ni arma ninguna guarnida de plata.
Otrossy que ninguno non traya silla de cauallo concuerdas de seda ni labrada de seda, saluo nos e los omes buenos que traen pendones e los maestres delas Ordenes e el prior de Sant Juan. E que todos los otros que puedan traer enlas syllas de cauallo cordones de seda cortos e cuerdas para arma.
Otrossy quelas syllas mulares quelas non trayan ningunos labradas de seda, saluo nos e los omes buenos que traen pendones e los maestres delas Ordenes e el prior de Sant Juan.
Los tabardos e los pellotes que sean tan cortos que non lleguen con dos dedos a tierra.
Los escuderos que non se asienten con los caualleros ala mesa en nuestra casa ni en casa de otro ninguno ni fuera dela nuestra casa.
Que ninguno, de qual quier estado o condiçion que sea, que non traya, saluo nos, çinta para çenir en que aya mas de dos marcos e medio de plata, e los omes buenos que trayen pendones, que puedan traer çintas en que aya fasta dos marcos e medio de plata, e todos los rricos omes e caualleros e escuderos e todos los otros omes, saluo los omes de pie, quelas puedan traer e que aya cada vna vn marco e medio de plata e non mas.
Qual quier ome omujer que pasare qual quier cosa delo que en este ordenamiento se contiene del vistuario e delas syllas, que el que sea tenudo de dar el panno o los pannos o las syllas que de otra guisa traxiere ola quantia que pueden valer en dineros e los pannos olo que valiere en dineros, que sea la terçia parte del que lo acusare e las dos partes para nos.
Ningun ome, de qual quier condiçion que sea, que non ande cabel partido, e qual quier que ansy andodiere que por cada dia que peche cient mrs. de la dicha moneda, e sy los non touiere que sea preso por ellos en la cadena treynta dias.
Todos los moros que biuen enlos nuestros regnos que anden en cabel partidos. E qual quier moro que traxiere copete fecho del dia que
este nuestro ordenamiento fuere publicado o apregonado enel lugar, que peche dozientos mrs. e synon ouiere de quelos pechar quelo pechen en la cadena sesenta dias.Fecho este quaderno de ordenamiento en la çibdad de Burgos, seys dias de mayo, Era de mill e trezientos e setenta e seys. Yo Garci Allonso lo fiz escreuir por mandado del Rey.
Enell nonbre de Dios amen. Sepant quantos este quadierno vieren como nos don Alffonso por la graçia de Dios Rey de Castiella de Toledo de Leon de Gallizia de Sseuilla de Cordoua de Murçia de Jahen del Algarabe, e ssennor de Molina. Estando nos en Madrit e sseyendo y conusco don Gil Aluariz arçobispo de Toledo e primado delas Espannas, et estando ayuntados los procuradores delos conçeios delas çibdades e uillas e lugares de nuestros rregnos por algunas cosas que teniemos de librar con ellos que eran nuestro sseruiçio; et ellos ffezieron nos ssus petiçiones e pedieron nos por merçet que gelas mandassemos librar. Et nos lo que ssobrello les rrespondiemos et lo que nos ellos pedieron porlas dichas petiçiones es esto que en este quadierno sse contiene:
Primera mente uos pedimos por merçet, Ssenor, que tengades por bien que el quadierno que uos touiestes por bien denos dar enlas cortes que uos ffeziestes aqui en Madrit, por rrazon que ffasta aqui non nos ffue
guardado tan conplida mente como enel sse contiene, que ssea la uuestra merçet denos le confirmar agora nueua mente e mandarle guardar ssegunt que enell sse contiene et denos mandar dar uuestras cartas para garda del dicho quadierno las que mester fueren.Responde el Rey quelo tiene por bien e quelo otorga. Pero por que enel dicho quadierno ay algunas petiçiones aque estonçe rrespondimos e las otorgamos e ffallamos por vuestro seruiçio e por pro dela tierra de las declarar aqui en este quadierno, et hemendamos las en esta manera: Por que nos ffue pedido enel dicho quadierno que non sala dela nuestra chançelleria carta blanca por escriuir amenos de sser leyda e librada enla nuestra chançelleria, nin otrossi que non diessemos aluala conel nuestro nonbre; et ssi alguno mostrase tal carta, o tal aluala, quelos conçeios e los ofiçiales quela non conplisen e quelo enbiasen mostrar anos. Et rrespondimos en el dicho quadierno quelo otorgauamos. Agora tenemos por bien en quanto lo delas cartas blancas, que sse guarden ssegund quelo otorgamos por el quadierno. Et en lo delos alualaes, por que acaesçe que algunas uezes auemos amandar ffazer e conprir algunas cosas que si ffuesen ante ssabidas podria sse perder la justiçia que sse auia de ffazer ssobre aquello sinon ffuese guardado en poridat, et por esto auemos lo aenbiar mandar por aluala. Et enesto tenemos por bien quelos alualaes que enbiarmos con nuestro nonbre que sse cunplan en esta manera: que ssi ffuere para mandar prender o matar alguno, o tomarle todo lo que á, que ssi los offiçiales o qual quier dellos aquien ffuere mostrado tomare dubda que es agrauiado, que non mate por el aluala aninguno, mas quelo prendan aquel o aquellos contra quien fuere dado e quelos tenga presos e bien rrecabdados e que nos lo enbien mostrar. Et si ffue-
re ssobre bienes como dicho es, quelos pongan en rrecabdo e nos lo enbien mostrar; et ssi ffuere el aluala ssobre cossa judgada, tenemos por bien quelo cunplan luego, como quier que nuestra uoluntad es delo guardar en manera que el nuestro seruiçio e el derecho delos dela tierra ssea guardado.Otrossi, Ssennor, los cogedores e rrecabdadores delos uuestros pechos pasados e delas terçias e delos otros uuestros pechos an fecho mucho mal e mucho astrago enla nuestra tierra por muchas rrazones, enprazeando atodos los del lugar o alos mas dellos por muchas uezes al dia e de cada dia e de vnos lugares aotros, et ffaziendo encerramientos contra ellos como non deuen e prendando les por ellos, vendiendo luego las prendas enlas aldeas ssin al moneda, et ffaziendo las conprar alos otros ssus vezinos; et ssilas non conpran o non pueden, enplazan los para ante uos, et con este miedo del enprazamiento an de uender lo ssuyo a mala barata e conprar lo delos ssus uezinos apeor. Otrossi, Ssennor, desque toman ffazedores e juran de ffazer los padrones e ponen todas las perssonas del pueblo, las que an quantias en ssus quantias, e las que dubdan e non les saben quantias, ponen las en dubda e non encubren las personas. Et por que por las pesquisas los ffallan en mayores quantias o en algunas quantias que non estan en lo çierto, toman alos ffazedores quanto an por el doblo, diçiendo quelo encobrieron, et por esto venden gelo luego; assi, ssennor, que an astragado muchos pueblos e pecheros, leuando dellos grandes quantias e mucho mas de quanto deuen pechar; e fazen les ffazer cartas de debdas desaforadas e so grandes penas; et aun los judios cogedores ffazen les obligar alo pagar con logro. Et por quelo non pueden pagar lieuan dellos penas e logro, e los entregadores entregas, assi que sse astragan todos los vuestros pecheros e vos non lo auedes. Et para que estos males e desagrados puedan meior ffazer traen consigo escriuanos quales quieren et toman alcaldes quales quieren e ffazen pesquisas e quelas libren, et an cartas dela chançelleria vuestra quales quieren para lo poder ffazer, et lieuan grandes quantias de mr. por las
cartas e alualaes de pago que dan, assi que leuaron de cada çient, tres mr. Et lieuan de cada pechero por la moneda medio mr. e por cada seruiçio otro medio mr. Et delas aldeas do uan ffazer las pesquisas toman yantares e ffazen otras cosas desaguisadas e pasan las condiçiones delos vuestros arrendamientos. Por que uos pedimos por merçet, sennor, que non querades que pase assi daqui adelantre. Et que mandedes que lieuen ssu pecho de aquellos que ouieren las quantias, e que non lieuen doblos nin otras penas nin calonnias nin entregas ningunas nin preçio ninguno por los alualaes que dan de pago, e quelos escriuanos que an afazer los padrones e pesquisas que ssean los uuestros que estan enlos lugares do esto acaesçiere. Et los alcaldes quelo ouyeren alibrar que sean los ordinarios delos lugares o vno dellos e non otros ningunos, e los que de otra manera lo cogieren o rrecabdaren, ssinon como uos mandardes, que mandedes saber la verdat ssobrello, et quelo mandedes escarmentar como la vuestra merçet fuere.Responde el Rey que tiene por bien delo ordenar desta guisa: que cada quelos cogedores o arrendadores delos nuestros pechos enplazaren algunos que vengan dezir en la pesquisa, tenemos por bien quelos enplazamientos quelos ffagan vna uez al dia e non mas; et que enplazen tantos que puedan preguntar aquel dia e non mas por que non pierdan ssus ffaziendas; et quelos pregunten en aquel lugar do sson moradores e les non fagan enplazamiento deun lugar aotro. Et los que desta guisa fueren enplazados e non vinieren, que puedan ser prendados por la pena del enplazamiento, e las prendas que ffueren fechas que sse vendan en almoneda desta guisa: en las villas o lugares de fuero que sse vendan y, e en los otros lugares quelas vayan vender alas villas o lugares que ffueren mas çerca do an mercado. Otrossi quelos ffazedores delos padrones que encubrieren los pechos o las quantias maliçiosa mente non los poniendo en los padrones, que pechen la pena del doblo assi como es ordenado e non de otra guisa. Otrossi que en las villas o lugares do andan las cogechas por menudo por padron e por pesquisa, que non tomen ninguna cosa por alualaes, et los cogedores que ssean tenudos deles dar
paga. Otrossi que non tomen yantares por coger nin por pesquerir nin otra uianda ninguna. Otrossi que en las villas o en los lugares do ay escriuanos publicos, que tomen vno dellos qual quisieren los cogedores para ffazer las pesquisas, e enlos lugares do non ay escriuanos publicos, quelos puedan traer delas villas o lugares dolos oviere mas çerca, e los alcaldes quelos apremien en que uayan conellos por preçio guisado. Et otrossi que en las uillas o lugares do oviere alcaldes de fuero, que libren los pleytos delas cogechas, et en las villas o lugares do [non] oviere alcalde de fuero, quelos cogedores que tomen vno dellos alcaldes ordinarios que libren los pleytos que pertenesçen alas cogechas dela villa e del termino; e en los otros lugares e comarcas que non sson delas nuestras villas, que puedan tomar vn ome bono por alcalde para que libren los pleytos en aquellos lugares en rrazon delas cogechas. Et qual quier destos que oviere de ser alcalde o juez desto, que faga jura ssobre santos euangellios e ante escriuano publico que bien e verdadera mente guarde nuestro seruiçio e acada vno su derecho e que non aya parte en la cogecha nin en la rrenta.Otrossi, Ssennor, algunos an ganado e ganan cartas dela uuestrachançelleria enque sse contiene que uos queles dades los pechos e derechos e terçias e tazmias que ffincaron por coger enlos annos pasados,diziendo que ffueron encobiertos, et por esta rrazon lieuan muy grand algo dela uuestra tierra ssin rrazon e sin derecho. Por que uos pedimos por merçet, Ssennor, quelo pasado ffasta aqui que non ssea mas demandado nin sse ffaga pesquisa sobrello, et daqui adelantre desque vn anno fuere pasado dela cogecha, quelo non demanden.
Responde el Rey que tiene por bien quelas cogechas deque es el tienpo conprido, quelas ouieren de coger en Castiella e en Leon e enel Andaluzia, en Castiella e en las Estremaduras e enel rregno de Toledo vn anno, et enel rregno de Leon anno e medio, et enel Andaluzia, do sse coge la moneda fforera, dos annos, queles non sea demandado, saluo siles fuere ffecha anpara o ovieren otro enbargo derecho, que non pierdan ssu
demanda. Et en lo daqui adelantre que tiene por bien que sse guarde assi. Et quanto lo delas terçias, tiene por bien que dure el padron e la pesquisa tanto tienpo como por los otros pechos delas comarcas ssegund dicho es. Pero si algo fincaren que eneste tienpo non lo aya auido el cogedor, que sse pueda rrecabdar e demandar en todo tienpo, por que esto es debda e non pecho. Et esto en las tierras e enlos lugares do non es arrendado por los perlados segunt quelo nos ordenamos.Otrossi, Ssenor, vos pedimos por merçet que en aquellos lugares do nunca ffue acostunbrado nin vsado de seruiçiar nin montadgar los ganados, que ssea la uuestra merçet quelo non coian nin los seruiçien daqui adelantre: enlos lugares do se suelen coger quelo coian ssegund sse cogeó en tienpo del Rey don Alffonso e del Rey don Ssancho.
Responde el Rey, que tiene por bien que se tome el seruiçio delos ganados en aquellos lugares do se vsó e sse acostunbró de tomar, e sse coja segund que sse acostunbró de coger; e esso meysmo en pleyto delos montadgos.
Otrossi, Ssennor, uos touiestes por bien de mandar por vuestras cartas que ssaquen los aragoneses e los nauarros pan e ganados con diezmo. Et ssi vos tenedes por bien que esto assi pase, pedimos uos por merçet que tengades por bien e ssea la uuestra merçet quelo pasen los del uuestro ssenorio assi como los otros.
Responde el Rey quelo tiene por bien e quelo otorga quelo saquen los ssuyos asi como los otros en quanto lo ffallare por ssu seruiçio.
Otrossi, Ssennor, ssea la uuestra merçet que tengades por bien quelas cartas que agora nueua mente an sacado dela uuestra chançelleria enque sse contiene que apremien los ofiçiales e los conçeios alos escriuanos publicos queles muestren los rregistros de luengos tienpos aca e les den trasllados dellos; et si algunas querellas ffallan y escriptas acusan las e demandan las sin querelloso alguno; et enprazanlos para la uuestra corte por los rremedir e los coechar. Por que uos pedimos por
mercet que tengades por bien de mandar que non vsen delas dichas cartas agora nin daqui adelantre pues non paresçe querelloso.Responde el Rey que tiene por bien que tales demandas como estas non se fagan daqui adelantre nin fagan nada por las que sson ffechas ffasta aqui. Et que tiene por bien que aquello que fuere del derecho de su camara, que se lieue de aquello que ffuere judgado enlas villas e en los lugares do los ffechos acaesçieren. Et si tal cosa acaesçiere daqui adelantre que se aya de librar por su casa, que tiene por bien que ssea oyda la parte ssobrello; et que sse libre entrellos por derecho. Et ssi algunas cartas an ssalido contra esto, que non ffagan por ellas ninguna cosa nin se den daqui adelantre.
Sennor, pedimos uos por merçet que tengades por bien quelos merynos que andodieren por los merynos mayores en las merindades de Castiella e de Leon e de Gallizia e de Asturias, que ssean omes bonos vezinos e moradores en las villas e çibdades e lugares delas cabeças delas merindades donde fueren merynos, et que ssean rreygados e abonados. Et quel preso o los presos quel meryno mayor o los merynos que por el andodieren prendieren o los troxieren ante los alcaldes dela cabeça dela merindat, quelos dexen y ffasta quel pleito ssobre que fueron presos sea librado.
Responde el Rey que tiene por bien que pase ssegunt que sse contiene enell otro quadierno delas cortes de Madrit. Et alo que pedieron mas en rrazon delos presos quelos dexen enla cabeça dela merindat, quelo tiene por bien e que gelo otorga.
Otrossi quelos entregadores quel merino mayor de Castiella diere para ffazer las entregas delas debdas que deuen los christianos alos judios, que estos entregadores que ssean omes bonos de villas, christianos, e que ssean uezinos e moradores e abonados en las villas delas merindades donde fueren entregadores.
Responde el Rey que tiene por bien quelos entregadores que el e su
meryno mayor pusieren, que sean omes bonos e abonados e christianos e ssean delas villas o delas comarcas, e que otro ninguno non ffaga las entregas.Otrossy vos pedimos merçet, Ssennor, que tengades por bien e mandedes quelos merynos mayores que non arrenden las merindades, ca ffallaredes en verdat, Ssennor, que todas las merindades estan arrendadas.
Responde el Rey que gelo otorga segund quelo piden e se contiene por ell quadierno.
Otrossy vos pedimos por merçet, Ssennor, que tengades por bien quelos castiellos e alcaçares e fortalezas delas vuestras çibdades e villas e lugares de vuestros rregnos que non son fronteros, quelos tengan omes bonos delas çibdades e villas e lugares do ffueren los castiellos e alcaçares e fortalezas, e esto sera vuestro seruiçio. Et tener uos los an por menos la meatad de quanto los tienen otros omes que non sson vezinos dende, e ssera por ende guardada la vuestra tierra de malffetrias meior de quanto agora se guarda.
Responde el Rey que ia el rrespondio aesto por el otro quadierno e que tiene por bien delo ffazer guardar asi como sse contiene enell quadierno.
Otrossi vos pedimos por merçet, Ssennor, que tengades por bien quelas escriuanias que uos touierdes por bien dearren dar, que ssean arrendadas aomes bonos christianos que ssean rraygados e abonados, et que en los lugares do ouyeren de poner escusadores por ssy los quelas arrendaren, que pongan y por ssy omes bonos delas villas tales que ssean para ello. Et quando sse conpliere el tienpo dela rrenta, que dexen los libros delos rregistros en las villas e en los lugares do vsaren delas escriuanias. Et quelos dexen alos alcaldes dela villa o del lugar do esto acaesçiere para quelos pongan en rrecabdo.
Responde el Rey que tien por bien quelos que arrendaren las escriuanias publicas, que pongan por ssy para que vsen delos ofiçios dellas
omes bonos delas uillas que sean para ello, e conprido el tienpo del offiçio, que dexen los libros delos rregistros alos alcaldes dela villa como lo piden.Otrossi uos pedimos por merçet, Ssennor, quelas çibdades e villas e lugares que tienen la ffonsadera e los seruiçios en cabeça de çierta quantia e que tienen ende cartas e priuillegios, que tengades por bien e mandedes queles ssea guardado. Et los que sson quitos de ffonsado e de fonsadera por cartas e por priuillegios opor fuero o por libertad, que tengades por bien e mandedes queles ssea guardado.
Responde el Rey que enlas cortes que el ffizo aqui en Madrit quele ffue otorgado quelas quatro ayudas que entonçe le mandaron quelas ffeziese coger por las cabeças o por padron como el mas quisiese. Et el que falló por su seruiçio delas mandar coger por padron enel rregno de Leon e de Toledo et en las Estremaduras, et que assi sse cogéran depues aca. Et en lo delas ffonsaderas, por que enlos lugares do auian cabeça se fazian muchos engannos ffaziendo pechar enella amuchas personas que non eran tenudas apagar ffonsadera, que touo por bien delo mandar coger por padron. Alo quel pieden en rrazon delos priuillegios rresponde el Rey que enel otro quadierno á rrespondido aello.
Otrossi vos pedimos por merçet, Ssennor, en rrazon delas debdas que deuen los christianos alos judios, por quelos christianos sson muy pobres, et las debdas que deuen alos judios sson muchas e las an sacadas dellos amuy grand danno desy, et por muchas infintas e por muchos engannos que son fechos alos christianos en esta rrazon. Et ssilas ouyesen apagar alos plazos que estan obligados, perderian lo que an e non podrian conprir los vuestros pechos, que tengades por bien deles ffazer merçet de quita e plazo despera como uos touierdes por bien e la vuestra merçed ffuere, en manera por quelos christianos lo puedan conprir. Et otrossi cartas que ganaron dela uuestra chançelleria para quelos bie-
nes que fueron de ssus debdores, maguer que ssean pasados aotras personas por conpras o por otros contratos, que ssean tomados e vendidos para pagar las debdas delos judios sin sser primera mente oydos los tenedores dellos, que sea la uuestra merçet que estas cartas e otras quelos judios ganaron ssobresta rrazon, que tengades por bien que non ualan nin ffagan por ellas ninguna cosa. Et que ssean guardados los ordenamientos del Rey don Alffonso e del Rey don Ssancho e del Rey don Ffernando e vuestros ssegund que sse enellos contiene. Et ssilos judios demanda o demandas qual quier o quales quier ouyeren contra los bienes que touieren otras personas, que gelo demanden por fuero ante los alcaldes dela villa o del lugar do esto acaesçiere. Et los alcaldes quelo libren por ffuero e por derecho.Responde el Rey que como quier quelos judios le ffazen agora seruiçio para este mester granada mente, pero catando el seruiçio quele agora ffazen los dela ssu tierra, que tiene por bien deles dar plazo de espera desde primero dia del mes de dezenbrio primero que viene ffasta vn anno. Et delas debdas deque los plazos ffueren pasados, que paguen la meytad dia de santa Maria de agosto mediado primero que viene, et la otra meytad ffasta dia de ssant Andres que cahe pustremera sselmana del mes de nouenbrio que ssera en la Era de mill e trezientos e ssetenta e ocho annos, et entre tanto que non logren las debdas. Et alo al que pieden en rrazon delos bienes delos debdores delos judios, rresponde el Rey que tiene por bien quelos bienes delos debdores que ffueren pasados aotras personas por vendida o por otra manera de enagenamiento, que non ssean entrados nin entregados amenos de sser oydo el tenedor dellos e librado por ffuero e por derecho ssegund que sse contiene por los ordenamientos delos rreyes onde el vien e enlos ssuyos; pero que tiene por bien quelos alcaldes contra quien ffueren estos pleytos, quelos libren luego sumaria mente de llano ssin fegura de juyzio.
Otrossy vos pedimos por merçet, Ssenor, en rrazon delas ssacas
delas cosas vedadas, que tengades por bien quelos cauallos e las cosas vedadas que non ssean tomadas sinon en los puertos e en los lugares do sse tomaron e sse vsaron tomar en tienpo delos rreyes onde vos venides. Et que tengades por bien e mandedes quelos que touieren cauallos e otras cosas quales quier, quelas puedan vender ssin enbargo qual quier en los vuestros rregnos.Responde el Rey que tiene por bien que cada vno dellos que puedan vender los cauallos e los rroçines que touieren en las villas e en los lugares de ssus rregnos e en las fferias, ssaluo aome de ffuera de ssu rregno sin su carta o ssu aluala.
Otrossi en rrazon de cartas uuestras que fueron ganadas dela uuestra chançelleria en que sse contiene quelos arrendadores delas sacas delas cosas vedadas que fagan pesquisa. Et que sea rresçebido en la pesquisa todo ome e toda muger christiano e judio e moro, ssaluo ome menor de hedat o enemigo o ome vil. Et que ayan alcaldes e escriuano quales ellos tomaren e troxieren consigo para esto. Et con este poder que traen e muestran an ffecho e fazen muchas pesquisas e muy malas e muy ffalsas sin rrazon e sin derecho trayendo testigos conprados por dineros; et non an querido nin quieren dar trasllados delas pesquisas aquel o aquellos contra quien las tales pesquisas son fechas; et non sseyendo oydos prenden e rrecabdan aquellos que ellos quieren; et los alcaldes que traen consigo dan sentencias contra ellos e contra sus bienes contra Dios e contra derecho, deque dizen que non á alçada. Et por esta rrazon an leuado e despechado e lieuan e despechan cada dia toda la uuestra tierra, deque rresçiben muy grand danno, et uos sennor muy grand deseruiçio et sse yerma toda la tierra, ssenelada mente las comarcas de Nauarra e de Aragon e de Portogal; por que uos pedimos por merçet, ssennor, que tengades por bien que sse non yerme la tierra por las tales pesquisas que sse ffazen como dicho es, mas quelas pesquisas que ssobresta rrazon sse ouyeren de fazer en los lugares do lo an de vso
e de costume, que sse ffagan con alcaldes o con escriuan dela villa o del lugar do esto acaeçiere, et que sse ffagan segund fuero e derecho, et que ayan traslado dellas aquel o aquellos contra quien fueren fechas et que ssean oydos ssobrello; et que dela sentençia que ffuere dada que den la alçada para ante uos ala parte quela pediere. Et si por las tales pesquisas como dichas sson alguna sentençia o sentençias sson dadas que non sson pagadas nin conplidas nin avenidas, que tengades por bien e mandedes que non valan nin ffagan por ellas nin por qual quier dellas ninguna cosa.Responde el Rey que tien por bien de ver el ordenamiento que el fizo sobresto e delo fazer emendar en aquella manera que su seruiçio sea guardado e pro delos dela tierra et esto quelo ffagan fazer luego. Et alo al quel pieden delas sentençias que sson dadas ssobresto, rresponde el Rey que aquellos en quien esto tanne que gelo muestren e que el quelo mandará librar en aquella manera que debe.
Otrossi vos pedimos merçet, Ssennor, en rrazon delos merynos que andan en las meryndades que ffazen muchos desaffueros e muchas fuerças e muchos males e muchos desaguisados en la vuestra tierra, et los dela tierra non an aquien lo querellar nin osan; que tengades por bien e mandedes quelos que algunt mal o algunt danno o alguna fuerça dellos o de qual quier dellos rresçebiren, quelo puedan querellar alos alcaldes delas çibdades e villas e lugares delas cabeças delas merindades. Et que dedes poder e mandedes alos dichos alcaldes que ayan poder para oyr las querellas e que ssepan uerdat ssobrello porquantas partes meior e mas conplida mente lo podieren saber, e todo lo que ende sopieren quelo enbien auos por quelo uos mandedes ver e librar como uos touierdes por bien e la uuestra merçed fuere.
Responde el Rey quelo tiene por bien e quelo otorga como lo piden.
Otrossi, ssennor, acaeçe por muchas vezes quelos arrendadores e cogedores que andan por la tierra cogiendo e rrecabdando los vuestros
pechos e derechos, que ganan cartas de guia dela vuestra chançelleria para los conçeios delas çibdades e villas e lugares de vuestros rregnos, en que mandades quelos pongan asaluo deun lugar aotro. Et por esta rrazon andan cohechando e cohechan en muchos lugares los dela tierra de manera que lieuan dellos mucho algo et esto es muy grand vuestro deseruiçio. Por que uos pedimos merçet, ssennor, que tengades por bien e mandedes que sse non den tales cartas enla vuestra chançelleria; et ssi sse dieren que mandedes que non ffagan por ellas.Responde el Rey quelo tien por bien e quelo otorga que tales cartas non salgan dela ssu chançelleria sinon por los dineros dela su camara.
Otrossy, Ssennor, uos touiestes por bien e fue la uuestra merçet de ffazer ordenamiento ssobre rrazon delos pannos de vestir e delos adobos e delos guarnimientos dellos et ssobre los guarnimientos delas ssiellas e delos frenos. Et, ssennor, á muchos caualleros e omes bonos e duennas e donçellas delas çibdades e villas e lugares de vuestros rregnos, que ante deste ordenamiento tenian e tienen pannos e ssiellas e ffrenos con adobos e guarnimientos de muchas maneras, et non osan vsarlos por rrazon del uuestro ordenamiento, et por esta rrazon pierden muy grand algo e menoscaban mucho delo suyo et esto non es vuestro seruiçio. Por que uos pedimos merçet que tengades por bien e mandedes que cada vno e cada vna ome bueno e buena duenna e donzella puedan traer e trayan pannos e ssiellas con adobos e con guarnimientos cada vno quales entendiere quele cunplen, saluo ende que non trayan pannos de oro nin de sseda nin tauardo aguadero de escarlliata las personas aquien vos lo defendiestes.
Responde el Rey que eneste ordenamiento que el ffizo que es grand ssu pro dellos e guarda de ssus faziendas et que tiene por bien que sea guardado el ssu ordenamiento bien e conplida mente. Et que manda alos offiçiales dela ssu corte e alos otros ofiçiales delas villas que prenden por la pena que enell ssu ordenamiento sse contiene aaquellos que enella cayeren. Pero que tiene por bien deles quitar las penas que
enell ssu ordenamiento sse contiene, si ellos cayeron fasta oy miercoles vint e quatro dias de nouienbre.Otrossi uos pedimos merçet, Ssennor, que mandedes e tengades por bien que quando quier quelos arrendadores e cogedores delos uuestros pechos e derechos quisieren abonar aqual quier o aquales quier varones o mugeres, que non ssean quantiados enell abonamiento los pannos del marido nin los dela muger nin los de ssus ffijos nin las rropas de ssus lechos. Et que en los lugares do non á abonamiento quelos non aya.
Responde el Rey que tiene por bien que en los pannos que traen de cada dia que non los pongan enell abonamiento que ffezieren.
Otrossi vos pedimos merçet, Ssennor, que mandedes e tengades por bien que rricos omes nin infançones nin caualleros nin escuderos poderosos nin vuestros offiçiales que non ssean arrendadores nin cogedores delos uuestros pechos e derechos, saluo ssi ffueren vezinos e moradores enlas villas.
Responde el Rey quelo tiene por bien e quelo otorga como lo piden.
Otrossi vos pedimos merçet, Ssennor, que tengades por bien e mandedes que en las pagas delas debdas e enlos malefiçios que acaesçieren entre los christianos elos judios e moros, que ualga testimonio de dos omes bonos christianos sin testimonio de judio nin de moro.
Responde el Rey quelo otorga ssegunt que sse contiene por el quadierno de Madrit.
Otrossi uos pedimos merçet, ssennor, que tengades por bien que uos assentedes vn dia o dos enla sselmana aoyr los dela uuestra tierra que ante uos venieren. Et esto, ssennor, sera vuestro seruiçio e faredes enello grand merçet a todos los dela uuestra tierra.
Responde el Rey que rrespondido es por el quadierno de Madrit e que lo ffara assi.
Otrossi uos pedimos merçet, ssennor, quelos uasallos quelas Orde-
nes e las eglesias an en algunas uuestras çibdades e villas e en las aldeas dessus alfozes que sienpre vsaron apechar e auelar e afazer todas fazenderas conlas dichas çibdades e villas en tienpo delos rreyes onde vos venides e enel uuestro, asi por cartas de venençias que an ffechas entre ssi como por vso que sienpre vsaron; et agora non lo quieren ffazer por quelas dichas Ordenes e eglesias ganaron e ganan nueua mente cartas dela vuestra chançelleria, callada la verdat, enque sse contiene quelos quitades e los franqueades que non pechen nin vsen afazer conlas dichas çibdades e villas lo que sienpre vsaron apechar e fazer. Et por esto, Ssennor, pierde sse la vuestra juridisçion e las çibdades e villas non pueden conprir los vuestros pechos nin mantener las çercas e las puentes que an afazer e mantener; et sson por ello pobres e despoblados e pueblan sse los uasallos delas Ordenes e delas eglesias. Por que uos pedimos merçet, Ssennor, que mandedes e tengades por bien que tales cartas como estas non passen nin valan contra la uuestra juridisçion et que nos mandedes dar para esto vuestras cartas las que nos conplieren.Responde el Rey quelo tiene por bien e quelo otorga; pero que aquellos aquien esto tane que gelo muestren, e el que mandará aquellos que estas cartas ganaron venir ante ssi, e quelo mandará librar en manera que ssea guardado el derecho del e dellos.
Otrossi uos pedimos merçet, Ssennor, quelas aldeas que sson alhoz delas uuestras çibdades e villas e agora nueua mente se tornan e sse ffazen encomiendas e uasallos delos rricos omes non lo podiendo nin deuiendo ffazer nin auiendo de auer otro ssennor nin otro comendero ssaluo auos ssennor, por la qual rrazon non quieren vsar auelar e pe-
char con las uuestras çibdades e villas cuyos alhozeros sson, asi como lo ssienpre vsaron e an afazer. Et por esto pierde sse la uuestra juridisçion e yerman sse algunas delas uuestras çibdades e villas; por que uos pedimos merçet; Ssennor, quelo non querades consentir que y aia otros ssennores nin comenderos ssaluo uos. Et que nos mandedes dar ssobrello uuestras cartas para los rricos omes que sse non entremetan de auer tales comiendas nin las ayan et esto sera grand uuestro seruiçio.Responde el Rey quelo tiene por bien e lo otorga.
Otrossi uos pedimos merçed, ssennor, que tengades por bien e mandedes que el ordenamiento primero que uos mandastes ffazer en rrazon dela ssal que ssea guardado.
Responde el Rey que mandará ver el ordenamiento e lo librará en aquella manera que cunple.
Otrossi, Ssennor, acaesçe que en algunos lugares do sse ffaze el escodrinno dela ssal á algunos omes e mugeres que echan ssal de fuera del rregno en algunas casas maliçiosa mente, et depues uan fazer el escodrinno; et por esta rrazon viene grand danno en la tierra et esto non es nuestro seruiçio. Por que uos pedimos merçet, Ssennor, que tengades por bien que non sse ffaga este escodrinno en la manera que sse ffaze; et que sse ffaga en la manera que sse ffizo en tienpo del Rey don Alffonso e del Rey don Ssancho.
Responde el Rey que mandará ordenar deque guisa se ffaga el escodrinno que ssea su seruiçio e la tierra sea guardada de danno por que non pasen estos engannos.
Otrossi, Ssennor, los que an arrecabdar las uuestras rrentas e pechos e derechos en qual quier manera que ssea lieuen uuestras cartas que tomen cada vnos ssobre cada cosa alcalde e escriuano qual ellos quisieren; et esto es uuestro deseruiçio e muy grand danno e cohechamiento dela tierra. Por que uos pedimos merçet, Ssennor, que tenga-
des por bien de mandar quelos uuestros alcaldes ordinarios que estodieren enlas uuestras çibdades e villas e lugares, oyan e libren conlos escriuanos publicos dende todos los pleytos que acaesçieren tan bien entre los uuestros rrecabdadores e cogedores delos vuestros derechos e rrentas e pechos quales que ssean, como oyen e libran todos los otros pleytos que vienen antellos. Et que non tomen otros alcaldes ningunos apartada mente, saluo ende en aquellos lugares do lo an de fuero e priuillegio delo poner.Responde el Rey que rrespondido á enla ssegonda peticion.
Otrossi, Ssennor, ssea la uuestra merçet de mandar alos que an de rrecabdar el montadgo e el seruiçio e la rronda e el pasage delos ganados que entran alos estremos, quel ganado que ouyeren atomar por ssu derecho assi de uacas como ouegias, quelo tomen luego alas entradas ssegund quelo vsaron de tomar fasta aqui. Et quelo non tomen alas salidas pues que nunca fue asi vsado.
Responde el Rey quelo tiene por bien que sse guarde daqui adelantre; pero oganno, por que sse non tomó alas entradas, quelo tomen alas salidas por que el non pierda ssu derecho; casse erró oganno por aquellos quelo auian arrecabdar. Et deste anno en adelantre quelo mandará guardar.
Otrossi, Ssennor, vos pedimos por merçet quelos terminos que fueron tomados de algunas villas e lugares e dado aotro conçeio e aotras personas por uuestras cartas o por vuestro mandado, que sea la uuestra merçed que sea tornado ala villa o al lugar que fue tomado por que tal agrauio como este non pase.
Responde el Rey quele muestren quales sson los terminos queles sson tomados e que el quelo vera e lo mandará librar en manera que el ssu derecho sse guarde.
Otrossi, Ssennor, vos pedimos por merçet que non mandedes tomar azemilas nin bestias alos de vuestra casa ssi non por su alquiler, por que uos, Ssennor, ffallaredes que por esta rrazon encareçen las
viandas do uos estades por que non osan venir conellas. Et los quelas toman cohechan los leuando algo de aquellos cuyas sson, deque tomades uos grand deseruiçio e los dela tierra muy grand danno.Responde el Rey quelo tien por bien quelo mandará guardar que sse tomen por sus alquiles e non por otra manera e quelo mandará asi apregonar. Et por los alquiles quelas tomará el su alguazil conel ssu azemilero o conel ssu balestero.
Otrossi, Ssennor, acaesçe que algunas uezes que algunos omes lieuan vuestras cartas de mandamiento en como cassen las donzellas e bibdas conellos o con otros algunos, por que lieuan las dichas cartas contra voluntad dellas e de ssus padres e de ssus parientes; que tengades por bien e ssea la uuestra merçet que tales cartas non salgan dela vuestra chançelleria, e si algunas ssallieren que aquellos aquien fueren que non fagan por ellas ninguna cosa.
Responde el Rey que como quier que el non puede escusar de fazer merçet algunos ssus criados, et ruega por ellos queles den algunos casamientos, enque tiene que ffaze merçed aquellos e aquellas aquien ruega como alos ssuyos, mas carta de mandamiento nin de premia que la non dio fasta aqui. Et que tiene por bien delo guardar asi daqui adelantre.
Otrossi, Ssennor, fue la uuestra merçet de dar ala mesta delos pastores alcalde e escriuano apartado por ssi e que quando alguna demanda quisiesse ffazer alguno delos pastores a otro qual quier dela uuestra tierra, quela demandasse ante este alcalde e escriuano, et que
ffuesse y conellos vn alcalde ordinario de cada lugar e un escriuano publico por que veyesen como pasaua; mas que este alcalde ordinario que non judgase nin el escriuano non ffeziesse ffe, e los pastores que veniesen prouando su entençion con dos pastores: e este alcalde dela mesta e los dichos pastores andan ssennor por las uuestras villas e lugares por cohechar la vuestratierra demandando nueua mente cannadas en los lugares do nunca las ouo nin ffue acostunbrado en tienpo delos rreyes onde uos uenides nin enel uuestro ffasta aqui, et quieren las abrir. Et esto ffazen todo por rremedir la vuestra tierra; et por esta rrazon lieuan grand algo delas uuestras villas e lugares, de cada anno, por la qual rrazon ssennor vien auos grand deseruiçio e alos dela uuestra tierra grand danno; por que uos pedimos por merçet, Ssennor, que tengades por bien de mandar quelos lugares do non ouo cannadas desde el tienpo del Rey don Alffonso vuestro visauuelo aca, quelas non ayan agora nin daqui adelantre nin las puedan abrir. Otrossi alli do las ouo cannadas antigua mente, que pasen por aquellas e que non abran otras algunas. Et si en algunas tierras o lugares ouieren algunas cannadas de abrir o ensanchar, quelas abran elas ensanchen sin pena e sin calonpnia ninguna et por aquellos lugares do ffue sienpre acostunbrado e lo mas ssin danno que sser pueda para la vuestra tierra. Et non como las quieren abrir por nos cohechar por medio delas meiores huertas e vinnas e heredades e por las aldeas mismas. Otrossi el alcalde ordinario e escriuano publico de qual quier lugar que conellas estudiere, que pueda oyr e judgar e el escriuano ffazer fe en todos los pleytos que demandaren los pastores conell alcalde e escriuano dela mesta delos dichos pastores. Et la parte que sse agrauiare que pueda auer alçada para ante uos por que el derecho delos dela vuestra tierra non sse esperça. Et ffallaredes en verdat, ssennor, que todo lo que lieuan dela uuestra tierra por conffe- cho, quelo parten entressi alcalde e escriuano e personero delos dichos pastores.Responde el Rey que tiene por bien que quando el alcalde delos pastores ouiere ajudgar algunt pleyto, que el alcalde dela villa que esté y e que ssea en judgar conel en aquellos pleytos que pertenesçen alos pastores e alas cannadas, e que enel lugar do sse acaesçiere el alcalde, que el escriuano publico daquel lugar que pueda dar ffe enlos pleytos que ssobresto acaeçieren. Otrossi que el alcalde o los alcaldes delos pastores, quando ouyeren de abrir cannadas, quelas abran por aquellos lugares do ffue acostunbrado de abrir antigua mente elas non abran por aldea nin por lugar poblado nin por vinnas nin por huertas plantadas, maguer digan que por alli ffue la cannada. Et do enesto ffallaren tal dubda que non sopieren por onde va la cannada, quela abran por otro lugar que non ssea poblado nin plantado como dicho es. Et daqui adelantre que guarden las cannadas abiertas. Et las que sse abrieren ssegund dicho es, quelas non enbarguen nin planten en ninguna manera.
Otrossi, Ssennor, salen cartas dela uuestra chançelleria enque sse contiene que mandades quelos caualleros e escuderos e duennas e donzellas e ffijos dalgo delas uuestras çibdades e villas que paguen fonsadera e moneda. Et pedimos uos por merçed que sea guardado e que gelo non demanden nin den tales cartas. Et ssi algunas son ganadas o se ganaren, que tengades por bien que non vsen dellas nin ffagan por ellas ninguna cosa.
Responde el Rey que en quanto lo dela moneda, quelo tiene por bien e quelo otorga e asi lo manda el guardar, et en lo dela ffonsadera que
pase como pasó enel tienpo delos rreyes onde el vien e deue pasar de derecho.Otrossi, uos pedimos por merçet, Ssennor, que tengades por bien e mandedes que todos estos quadiernos quelos dela uuestra tierra ouiermos mester, que nos lo den Pero Castiello uuestro escriuano publico en la çibdat de Burgos, e Ffernant Miguellez uuestro escriuano publico enla çibdat de Leon, e Miguel Ssanchez uuestro escriuano. Et que tengades por bien deles dar poder e aotoridat quelos signen ellos e que non ayan ellos otro libramjento. Otrossi que ssea la uuestra merçet que nos los mandedes dar sseellados e quitos de chançelleria e de tabla.
Responde el Rey que tiene por bien quelos quadiernos que gelos den quitos de chançelleria e de tabla e librados demi escriuano de camara.
Et por que los procuradores delos conçeios delas çibdades e villas e lugares de nuestros rregnos, que eran connusco eneste ayuntamiento que agora ffeziemos en Madrit, nos pidieron porme rçet que les mandasemos dar este quaderno sseellado con nuestro sseello de çera para cada vnos dellos para los conçejos cuyos procuradores eran. Et nos touyemos lo por bien e mandamos dar este quaderrno seellado con nuestro sseello de çera colgado a Lope Perez de Canizares e a Gomez Dagonçiello e a Gil Martinez de Verdeio procuradores dela çibdat de Cuenca. Dado en Madrit, quatro dias de decembre Era de mill e trezientos e ssetenta e ssiete annos. Yo Fferrand Velazquez dela Camara lo ffiz escriuir por mandado del Rey.
Sepan quantos este quaderno vierem como nos don Alffonso por la graçia de Dios Rey de Castiella de Toledo de Leon de Gallizia de Seuilla de Cordoua de Murçia de Jahen del Algarbe de Algezira, e sennor de Molina. Por que eneste ayuntamiento que nos agora ffezimos en Alcala de Henares con algunos perlados e rricos omes dela nuestra tierra que eran y connusco, et otrossi procuradores de algunas çibdades e villas e logares del nuestro sennorio que mandamos llamar al dicho ayuntamiento, los dichos procuradores ffezieron nos algunas petiçiones alas quales rrespondemos esto que se sigue:
Alo que nos pedieron por merçed quelles guardassemos e confirmassemos e mandasemos guardar e mantener ffueros e priuillegios e libertades e ffranquezas e buenos vsos e buenas costunbres, que auian delos rreyes onde nos venimos e de nos.
Aesto rrespondemos que nuestra voluntad es deles guardar fueros e preuillegios e merçedes que an, e aon ffazer les mas merçed. Pero si alguno tiene quele façen algun agrauio o le van contra ffuero, muestren nos lo e nos ffaremos sobrello lo que deuemos.
Alo que nos pidieron merçed quelos alcaldes veedores que agora mandamos poner por las çibdades e villas e logares de nuestros rregnos para que viesen los fechos dela justiçia e los pleitos criminales, que esto que era contra los fueros e priuillegios e cartas de merçedes que de los rreyes onde nos venimos e de nos an, e quelos mandassemos tirar e que non husasen dello daqui adelante, e lo que es passado ffasta agora en que tanne a justiçia que gelo perdonassemos.
Aesto rrespondemos que bien veen ellos e entienden qual es la carga que nos tenemos dela justiçia e quanto cunple alos dela nuestra tierra que sse faga por la grand suelta que ouo ffasta aqui, et esto nos mouio
aenbiar estos alcaldes. Pero por ffazer merçed alos delas çibdades e villas e lugares de nuestro ssenorio, que enbiaron aqui sus procuradores aeste ayuntamiento, et otrossi alos delas çibdades e villas e logares dela frontera, tenemos por bien que ssi estos, que nos enbiamos para saber como vsaron los offiçiales de çinco annos aca, fallaren que algunos dellos fueron negligentes e non ffezieron lo que deuian sobre los maleffiçios de queles fuera dado querella o passaron en su tienpo, que esto que nos lo enbien mostrar quales fueron negligentes en esto, tan bien enlos ofiçiales menores como en los mayores. Et que non passen contra ellos, ssaluo quelos pongan en rrecabdo, e la pena que estos ouieren de auer tenemos por bien que se julgue en la nuestra corte. Otrossi tenemos por bien que en estos pleitos atales en que ffue ffallado quelos alcaldes fueron negligentes e non fezieron lo que deuian ffazer de derecho, e fuere dado querella sobrello aestos alcaldes que nos agora enbiamos, que ellos que tomen el pleito en aquel lugar que ffincó quelo dexaron los alcaldes que ffueron negligentes e vayan por el adelante, e lo libren como fallaren por derecho. Et sinon ouier y querelloso, que non conoscan del pleito; pero que toda uia finque de dar la pena al alcalde que fue negligente segund que fue el yerro. Et en rrazon del ssalario que mandamos dar aestos alcaldes que enbiamos como dicho es, por quanto se ffaze costa ala tierra, tenemos por bien quelo non paguen daqui adelante e queremos lo nos pagar. Et quanto lo dela justiçia que nos piden que perdonemos delo passado, por quanto esta petiçion en general non era nuestro seruiçio nin pro dela nuestra tierra, ffallamos que non conplia de sse otorgar; mas pues los fechos dela justiçia an aqui de venir ala nuestra corte, nos ffaremos en esto lo que deuemos por que se faga en tal manera que vean ellos que se faze mas con piadat que non en otra manera.Alo que nos pedieron merçed quelas çibdades e villas e lugares de nuestros rregnos que aqui estauan connusco, que auian de ffuero o por priuillegio o por vso o por costunbre de antigo tienpo de auer las escriuanias e notarias publicas e las entregas que andan conlas escriuanias, que gelas mandassemos tornar. Et los quelas non auian de fuero o de priuillegio o de huso o de costunbre, quelas diesemos e mandasemos dar alos conçeios, e queles mandasemos que posiessen y tales omes que guardassen nuestro seruiçio e aellos su derecho. Et por estas escri-
uanias e notarias que nos diesen los conçeios, quelas non an de fuero o por priuillegio opor costunbre, las quantias quela nuestra merçed fuesse.Aesto rrespondemos que nos mandamos tomar las escriuanias con grand mester que ouiemos para labrar la nuestra taraçana. Et mandamos veer los ffueros e priuillegios e rrecabdos que cada vnos de aquellos conçeios que dezian quelas deuian auer tenian. Et las que ffallamos que eran nuestras tomamos las para nos. Pero si algunos tienen algunos rrecabdos por que deuan auer algunas dellas, muestren nos lo, e librar lo hemos en la manera que deuemos. Et en lo delos escriuanos, nos tenemos por bien delo ordenar en manera que aya y buenos escriuanos e ande el offiçio daqui adelante como deue.
Alo que nos pedieron merçed queles diessemos espera e quita delas ganançias e delas debdas que deuen alos judios.
Aesto rrespondemos que tenemos por bien deles dar plazo despera delas debdas que deuen alos judios del nuestro sennorio, del dia dela data deste quaderno ffasta hun anno, et en este tienpo que non ganen nin logren las dichas debdas. Pero si algunos tienen espera quelles agora ouiessemos dado, quese cuente enel tienpo que es por venir en este dicho anno.
Alo que nos pedieron merçed que por quanto enbiamos nuestras cartas en general alas nuestras çibdades e villas e lugares, en que enbiamos mandar que feziessen pesquisa los nuestros alcaldes sobre los caualleros e escuderos que nos sseruieron enla hueste de sobre Algezira, e que tornassen el sueldo que leuaran demas de aquello que sseruieran, et que ssilo ouiessen atornar que seria grand danpno e desfazemiento destos atales; et que nos pedian merçed que mandasemos que se non feziesse esta pesquisa nin husassen della.
Aesto rrespondemos que tenemos por bien quelos que sseruieron en Algezira, aon que non sseruiessen con tanto como auian aseruir nin todo el tienpo, que aestos que gelo quitamos. Pero si algunos mr. fueron derramados demas delo que montaua enel sueldo, e los dieron aotras personas delas que non estauan en la çerca de Algezira, o los tienen los cogedores en ssi, o algunos tomaron mr. para yr ala dicha çerca e non fue-
ron alla, que esto que tenemos por bien delos mandar rrecabdar para nos.Alo que nos pedieron merçed que por quanto mandamos ffazer pesquisa çerrada en general en rrazon dela saca del pan e delos ganados que sacan fuera delos nuestros rregnos de que nos lleuamos diezmo, que mandassemos que se non feziesse desta guisa, por que era çerrada e se sseguia muy grand danpno alos dela nuestra tierra, e la pesquisa quela mandassemos fazer segund se contiene enel nuestro ordenamiento que fue ffecho en Burgos.
Aesto rrespondemos que tenemos por bien que sse faga la dicha pesquisa segund que enel dicho ordenamiento de Burgos se contiene.
Alo que nos pedieron merçed que mandassemos alos que rrecabdan por nos los almoxerifadgos, que non tomassen almoxerifadgo delos ganados que van por las cannadas, que toman agora nueua mientre, saluo en aquellas cannadas que se ssuele coger antigua mientre.
Aesto rrespondemos que nos muestren en quales lugares sse toma esto agora nueua mientre, e queles mandaremos guardar su derecho.
Alo que nos pedieron merçed quel alcalde delos pleitos delas alcaualas, que fuesse en cada villa vno delos alcaldes ordinarios qual escogieren para ello la villa o el conçeio; et silos dela villa o del conçeio non se aveniessen segund dicho es, que fuesse puesto segund se contiene enel quaderno dela alcauala. Et estos alcaldes non lieuen mas por pena del enplazamiento, sinon segund lieua el alcalde ordinario por fuero o por huso o por costunbre.
Aesto rrespondemos que tenemos por bien que el alcalde que sea delos ordinarios que ouier en la villa, pero que sea qual escogier el cogedor. Et enlo del enplazamiento e sentençias e delas otras cosas, que non lieuen mas por pena, delo que ffuere de fuero o de huso o de costunbre enla villa o enel lugar.
Alo que nos pedieron por merçed queles mandasemos guardar la lley del quaderno quelles otorgamos enlas cortes de Madrid atodos los dela nuestra tierra, delas debdas quelos christianos deuen alos judios que non fuessen demandadas por los judios en los seys annos, quelas non demandassen depues nin fuessen entregados.
Aesto rrespondemos que tenemos por bien queles sea guardada la ley del dicho quaderno.
Alo que nos pedieron merçed en rrazon delos que arriendan las terçias, que non quieren tomar el pan nin el vino nin los ganados alos terçeros quelos tienen nin alos arrendadores delas yglesias, e que gelo ffazen tener grand tienpo, e los ganados que sse mueren e el vino que sse pierde, que gelo fazen pagar a commo mas vale e enel tienpo que mas uale; et que mandasemos quelo tomasen ffasta tienpo çierto.
Aesto rrespondemos que tenemos por bien que el pan e el vino quelo tomen fasta Nauidat, e los corderos e lo otro menudo ffasta Santa Maria de agosto mediada, e que sean tenidos delo tomar ffasta este tienpo. Et si alguna cosa se perdiere ffasta estos plazos, non seyendo culpa de aquel quelo touier, que non sea tenudo aello. Et si a estos plazos non gelo quisiere tomar e ouier y algun menoscabo, quelo pierdan los arrendadores.
Alo que nos pedieron merçed quelos montadgos delos ganados e rrondas quelos conçeios e villas auien por ffuero o por priuillegio o por vso o por costunbre, que gelo mandasemos tornar por quelo ayan segund quelo solien auer.
Aesto rrespondemos que aquellos que tienen algun rrecabdo que nos lo muestren, e librar lo hemos en aquella manera que deuemos.
Alo que nos pedieron merçed que por quelos arrendadores e rrecabdadores dela alcauala apremian e costrinen a algunos delas villas o delos terminos e asus vassallos e a sus apaniguados, e fazen les coger e rrecabdar la alcauala non dando salario por ello. Et por esto pierden los omes sus ffaziendas, e queles leuantan muchos achaques e los despechan por esta rrazon, e que mandasemos que non apremiasen a ningunos delas villas nin delos terminos nin asus vassallos nin asus apaniguados que cojan la alcauala por los arrendadores nin por los rrecabdadores, saluo los quela quisieren coger por su talante ssin premia ninguna.
Aesto rrespondemos que tenemos por bien que en cada villa o lugar, que den los conçeios los cogedores para coger la dicha alcauala, e si los non dier, quelos tome el cogedor. Pero que tenemos por bien quelles den en salario aquello que es costunbrado que son treynta mr. el millar.
Alo que nos pedieron merçed que por quanto mandamos poner alffolies en Xerez e Caçeres e en Trogiello e en Plazençia e en Bejar e en Coria e en otros lugares dela Estremadura, e en Alcaraz e en Villa Real e en ffrontera de Portogal; e esto era de poco tienpo aca lo que nunca fuera, e que rreçebia la tierra muy grand danpno, achacando les que trayan sal de otras partes. Et que nos pedian que mandassemos tirar los dichos alffolis, e que comiessen la ssal do la podiessen auer.
Aesto rrespondemos que bien saben ellos que por tirar las aluarerias, de que sse quexaua la tierra, mandamos poner alffolis en aquellas comarcas do entendiemos que podrian auer abondo de ssal. Pero nos mandaremos saber do estan los alffolis que deuen estar con rrazon, e estos que ffinquen e los otros mandar los hemos tirar.
Alo que nos pedieron merçed que por quanto algunos mostrauan nuestras cartas en queles mandauamos dar guya e azemilas para leuar dineros, et desto que sse seguya grand danpno, ala nuestra tierra; et que nos pedian que mandasemos quelo non diesen daqui adelante.
Aesto rrespondemos que tenemos por bien que alos arrendadores delas nuestras rrentas queles non den por premia guya nin azemilas ningunas. Pero que tenemos por bien que para los dineros que rrecabdan los nuestros thesoreros e despenseros para la nuestra camara, quelles den guya e azemilas, e que den para cada azemila a tres mr. para cada dia. Et las cartas que sson dadas ffasta aqui para dar guia e azemilas, que non fagan por ellas ninguna cosa. Et las que sse dieren daqui adelante, que valan cada carta medio anno e non mas.
Otrossi por quelos dichos perlados e rricos omes e procuradores delas çibdades e villas e logares que estauan aqui enel dicho ayuntamiento nos otorgaron la alcauala por sseys annos, entendiendo que esto era lo con que nos podian seruir para la costa que auemos afazer e a
mantener a Algezira e alos otros castiellos fronteros, e para las otras cosas que cunplen a nuestro seruiçio, e quela mandasemos coger segund se cogiera ffasta aqui. Et nos por les fazer merçed tenemos por bien de mandar que sse non coja alcauala ninguna delos cauallos nin delas armas que se vendieren e conplaren, e mandar lo hemos guardar enlas condiçiones dela rrenda al tienpo que se ffezieren.Et desto mandamos dar este quaderno sseellado con nuestro sseello de çera colgado al conçeio dela çibdat de Cuenca, quito de chançelleria. Fecho en Alcala de Fenares, quinze dias de março Era de mill e trezientos e ochenta e tres annos. - Yo Matheos Ferrandez lo ffiz escriuir por mandado del Rey. -Johan Fferrandez. v. - Johan Esteuanez.
Sepan quantos este quaderno vieren como nos don Alfonso por la graçia de Dios Rey de Castiella de Leon de Toledo de Gallizia de Seuilla de Cordoua de Murçia de Jahen de Algarue de Algezira, e sennor de Molina, por que en este ayuntamiento que nos agora fezimos en la noble çibdad de Burgos cabeza de Castiella, nuestra Camara, con algunos perlados e rricos omes dela nuestra tierra que eran y conusco, e otrosi procuradores de algunas çibdades e villas e logares del nuestro sennorio que mandamos llamar al dicho ayuntamiento, los dichos procuradores fizieron nos algunas petiçiones alas quales rrespondemos esto que se sigue:
A lo que nos pidieron por merçed que por rrazon que en este anno en questamos fue muy grant mortandat en los ganados, e otrosi la simiença muy tardia por el muy fuerte tenporal que ha fecho de muy grandes nieves e de grandes yelos, en manera quelas carnes son muy encarecydas e los omes non las pueden auer, e el pan e las carnes encarecen de cada dia; por esta rrazon e por rrazon delas sacas que nos mandamos que ouiese del pan e delas carnes, e salen de cada dia carnes e pan mucho fuera delos nuestros rreynos en manera que esto es nuestro desseruiçio e dannos de todos los del nuestro sennorio, e que nos pidian merçed, que touiesemos por bien de defender que non ayan saca de carnes ni de pan fasta que Dios dé mas mercado de carne e de pan, e otrosi que fuese la nuestra merçed que si sobre rrazon delas sacas sobre dichas mandasemos saber verdad, que touiesemos por bien que se non fiziese pesquisa cerrada sobre ello segun quelo nos otorgamos en las cortes de Madrid.
A esto rrespondemos que tenemos por bien de tirar la saca del pan y de los ganados quanto oganno .... que nos rrendia vna quantia de mrs. que tenyan de nos algunos de nuestros vasallos; pero por les fazer merçed tenemos por bien, que non ayan y saca este anno e quanto la pesquisa çerrada ante desto la aviemos nos tirada.
A lo que nos pidieron merçed por rrazon quelos mercaderes del nuestro sennorio pagan las alcaualas e los diezmos e los portadgos e se sienten ende mucho e los mas dellos quyeren dexar la mercaderia por que se no pueden mantener, e toviesemos por bien de fazer merced a los mercaderes del nuestro sennorio deles quitar los diezmos en el tienpo que andudiere la nuestra alcauala por quelos mercaderes puedan andar en su mercaduria e pagar los nuestros pechos e las nuestras alcaualas.
A esto rrespondemos que bien sauen que tanto el mester que avemos delo que tenemos de conplir, questo e lo al que nos dan quelo avemos todo mester, e demas questo de los diezmos está todo puesto acaualleros que an destar prestos para nuestro seruicio.
A lo que nos pidieron merçed en rrazon delas escriuanias delas villas e lugares del lnuestro sennorio, que andan por rrenta, ponen escriuanos menesterosos e de fuera delos lugares non son abonados ni de buena fama, e por esta rrazon rresçiben las çibdades e villas e lugares del nuestro sennorio grand danno e non son los ofiçios guardados commo deuen, e que touiesemos por bien que no anden las escriuanias por rrenta de aqui adelante e que sean tornadas alos conçejos delas villas e lu-
gares cuyas son e las ovieron por cartas e preuilegios e por vsos e por costunbres de tiempo aca, e que sean y puestos escriuanos naturales delas villas e lugares, abonados e de buena fama, por que guarden nuestro sseruiçio e a cada uno su derecho en el dicho ofiçio.A esto rrespondemos que nos mandamos tomar las escriuanias con grand mester que ovimos para labrar la nuestra taraçana; e mandamos ver los fueros e preuilegios e rrecabdos que cada vno daquellos conçejos que dezian quelas deuian auer tenyan, e las que ffallamos que eran nuestras tomamoslas para nos; pero sy algunos tienen algund rrecabdo por que deuan auer algunas dellas, muestre nos lo, e librar lo hemos en la manera que deuieremos, e quelo delos escriuanos tenemos por bien delo ordenar en manera que aya y buenos escriuanos e ande el ofiçio daqui adelante commo deue.
A lo que nos pidieron merçed que por que nos mandamos dar omes para que sopiesen en las çibdades e villas e lugares del nuestro sennorio de commo pasaua la justiçia, e mandamos les dar çiertas quantias de mr. para su despensa, e que algunos destos emendadores fazen en algunos lugares muchos agrauios e confechos, e rresçiben fiaduras muy agrauiadas de grandes quantias en manera que non ffallan quien los fie en tan grandes quantias, e fuyen dela tierra por non ser presos maguer que no sean culpados, e los dela tierra se sienten mucho desto e delos mr. dela despensa queles dan de cada dia, e que toviesemos por bien de mandar questos emendadores no anden daqui adelante, e que mandasemos soltar las fiadurias agrauiadas e quelos pleitos dela justiçia quelos oyan e los libren los nuestros alcaldes delas çibdades e villas e lugares de Castiella segund fuero e derecho, e que mandasemos sauer verdad de commo vsaron los dichos alcaldes e emendadores.
A esto rrespondemos que bien veen ellos e entienden qual es la carga que tenemos dela justiçia e quanto cunple alos dela nuestra tierra que se faga por la grant suelta que obo fasta aqui, e esto nos movio a enbiar estos alcaldes; pero por fazer merçed a los de las çibdades e villas e lugares de nuestro sennorio que enbiaron aqui sus procuradores a este ayuntamiento, e otrosi a los delas çibdades e villas e lugares dela frontera, tenemos por bien que si estos, que nos enbiamos para sauer commo vsaron los ofiçiales de çinco años aca, fallaren que algunos dellos fueron negligentes e non fizieren lo que debian sobre los malefiçios de queles fue dado querella e pasaron en su tienpo, questo que nos lo enbien mostrar quales fueron negligentes en esto, tanbien en los ofiçiales menores commo en los mayores, e que non pasen contra ellos saluo quelos pon-
gan en rrecabdo; e lapena questos ovieren de auer tenemos por bien que se judgue en la nuestra corte. Otrosi tenemos por bien que en estos pleitos atales en que fuere fallado quelos alcaldes fueron negligentes e non fizieron lo que debian fazer de derecho, e fuere dado querella sobre ello a estos alcaldes que nos agora enbiamos, que ellos que tomen el pleito en el lugar que fincó quelo dexaron los alcaldes que fueron negligentes e vayan por ello adelantre e lo libren commo fallaren por derecho; e sy non ovier y querelloso que non conoscan del pleito, pero que todavia finque de dar la pena al alcalde que fuere negligente segund fuer el yerro. Et en rrazon del salario que nos mandamos dar a estos alcaldes que enbiamos commo dicho es, por quanto se faze costa a la tierra, tenemos por bien quelo non paguen daqui adelante e queremos lo nos pagar. Otrosi lo que piden que mandemos sauer commo vsaron estos alcaldes que enbiamos, nuestra voluntad es de lo fazer ansy.Alo que nos pidieron merçed que por rrazon que enlas debdas quelos christianos deuen alos judios e moros, que se fazen muchas enfintas e encubiertas faziendo las cartas dobladas, e por quelos christianos non pueden pagar alos plazos, por questan muy pobres por rrazon delos nuestros pechos queles rrecreçieron de poco tienpo aca para nuestro seruiçio, que fiziesemos quita e espera por tres annos delas debdas quelos christianos e christianas deuen alos judios e judias e moros por que se non yermen. Otrosi que prouando los christianos e christianas con dos omes christianos de buena fama o con el escriuano publico que fizo la carta de la debda sobre jura de santos euangelios que se fizieron las cartas dobladas, que estas tales cartas que non valan e quelos judios pierdan la debdas por esta enfinta e enganno que fazen, e esto que sea librado sumariamientre syn figura de juiçio; e que mandasemos que sy los judios ganaron o ganaren algunas cartas dela nuestra chançelleria que contra esto sea, quelos nuestros ofiçiales que non fagan ninguna cosa por ellos. Otrossi que sea guardado quelas cartas delas debdas delos judios que non fueron demandadas ante alcalde o juez fasta seis annos, que sean perdidas e quelas non puedan demandar.
A esto rrespondemos que por quelos judios estan muy pobres e non pueden conprar los pechos que nos an adar e avn nos deuen algunas quantias dellos, que por esto non podemos dar la espera mas de un anno; e alo que dizen delas cartas que son fechas dobladas, quanto en este anno que les damos la espera, non lograrán, e entre tanto nos mandaremos sauer la verdad desto por que este enganno non pase contra los que fizieron tales cartas.
A lo que nos pidieron merçed que touiesemos por bien que aya saca de cauallos fuera del nuestro ssennorio, saluo a tierra de moros, con tal condisçion quelos que vendiesen para sacar que paguen a nos el diezmo de quanto valiere, e los conpradores quelos sacaren otro diezmo, por quelos omes puedan criar mas cauallos e por que no anden a pesquisa.
A esto rrespondemos que seria gran nuestro desseruiçio dar esta saca, e sy rrecreçiese algund mester que fallaremos esto muy grand mingua; e tenemos que deuen escusar de nos fazer esta petiçion.
Alo que nos pidieron merçed que algunos omes dela nuestra casa e nuestros ofiçiales e otros algunos ganan nuestras cartas de enplazamiento para los omes dela nuestra tierra sobre demandas que an contra ellos, e esto es desafuero e agrauio, e que touiesemos por bien de mandar que se non den tales cartas commo estas; e sy se dieren que mandemos que se non fagan por ellas nynguna cosa ny vayan a tales enplazamientos ny cayan en pena por ellos, e que si alguno o algunos demandas ouieren, quelas demanden por su fuero.
A esto rrespondemos que por quanto los nuestros ofiçiales andan conusco de cada dia e non poden yr seguyr los pleitos, tenemos por bien quelos pleitos que se suelen librar e se libraron en tienpo delos rreyes onde nos venimos e en el nuestro fasta aqui, que estos que se libren aqui e lo otro mandarlo hemos guardar; e sy alguna carta fuere gannada contra esto, que detengan el fecho e nos enbien a dezir, por quelo nos libremos commo la nuestra merçed fuere.
Enlo que nos pidieron merçed quelos alcaldes de las nuestras alcaualas que sean puestos por nos e non por los arrendadores; otrosi quelos apreçiadores que fueren dados para apreçiar el vino que non los den ny los pongan los arrendadores, mas que los pongan los conçejos en sus lugares, que sean omes bonos e de buena fama por que el nuestro seruyçio sea guardado e los omes non resçiuan agrauio en rrazon del apreçiamiento.
A esto rrespondemos que tenemos por bien que el alcalde sea delos ordinarios que ouier en la villa, pero que sea qual escogier el cogedor; e este alcalde, que fuer tomado por el cogedor, que jure sobre santos evangelios e la sennal dela cruz que guardará el ordenamiento ques fecho en rrazon desta alcauala, e en lo delos apreçiadores nos lo mandaremos uer e declarar enla manera que cunple.
Alo que nos pidieron merçed quelos perlados e seglares e monesterios e cauildos e conventos e Ordenes e clerigos singulares e judios
conpran de cada dia las heredades rregalengas, e pasan de cada dia las heredades rregalengas a ellos por conpra o por donnaçiones o por otras manneras, e la tierra rresçiue por esta rrazon danno e se mingua muncho los nuestros pechos e derechos, e que defendiesemos quelas non conpren ny las ayan de aqui adelante e por las que an conprado, que pechen por ellas asy commo eran tenydos de pechar por ellas los legos quando las auien; e que si pleitos o demandas rrecreçieren entre los clerigos e los legos sobre rrazon delas dichas heredades, que se libren por el fuero seglar e non por los juezes dela yglesia.A esto rrespondemos que enel ayuntamiento de Medina fezimos ordenamiento sobresto, otrosi enlas cortes de Madrid, e tenemos por bien que se guarde segund fue estonçe ordenado.
Alo que nos pidieron merçed que bien sauemos en commo los de Bayona tomaron e rrobaron vna naue a omes del nuestro sennorio no auiendo guerra con ellos ny mal debdo, e auiendo el Rey de Francia puesto en la tregua que auie con el Rey de Inglaterra alos [delas] marennas del nuestro sennorio, e enesta naue tomaron muy grand quantia de auer en panos e en joyas e en oro e en plata. Otrosy fizieronles otros muchos males e dapnos e tomas, e nunca podieron auer ende pecho ny emyenda, e que pues agora son aqui en Burgos mandaderos del Rey de Inglaterra o de la çibdad de Bayona, que catasemos manera commo la nuestra merçed fuese por que los nuestros naturales ayan cobro e emienda deste mal que rresçibieron delos de Bayona sin rrazon e sin derecho.
A esto rrespondemos que veremos este fecho con los mandaderos del Rey de Inglaterra, e otrosy enbiaremos nuestras cartas sobre ello alos de Bayona en manera que ayan emmienda del danno que rresçibieron.
Alo que nos pidieron merçed que pues este seruiçio deste alcauala nos otorgaron todos los del nuestro sennorio por seys annos que touiesemos por bien que en el tienpo questa alcauala durase que non ayan otros pechos ny pedidos ny moneda forera, saluo la moneda de syete en syete annos, e fonsadera acaheçiendo mester por que, e que acabado este tiempo delos seys annos, que non queramos questa alcauala se coja mas en la tierra, ny querammos questa alcauala sea por pecho ny por vso ny por costunbre delos seys annos adelante e por quelos que rregnaren despues de nos lo ayan e lo demanden por pecho aforado.
A esto rrespondemos que ya les rrespondimos a esto que era nuestra voluntad de gelo guardar asy.
Alo que nos pidieron merçed que touyesemos por bien questa alcauala que se coja syn pesquisa, e con todas las condiçiones que se con-
tienen en el quaderno que mandamos fazer quando nos lo otorgaron por los tres anos pasados, e que non den otras cartas de otras condiçiones; e que sy algunos las gannaren, que se non cunplan sy non commo en el dicho quaderno se contienen. Otrosy quelos alcaldes del alcauala que non demmanden ny llieuen por los plazos delos enplazamientos delos pleytos delas alcaualas [mas] que lieuan los alcaldes ordinarios delos lugares; e en los pleitos delas alcaualas que acaesçieren en las aldeas do non ay alcaldes, quelos libren los alcaldes delas cabezas delas merindades delas aldeas do an fuero.A esto rrespondemos que tenemos por bien que se coja segund se contiene en el quaderno que dimos en esta rrazon; e alo que dizen que non den otras cartas de otras condiçiones, nos lo mandaremos guardar en manera que no pasen en este fecho otras cartas si non las que deuen; e alo que dizen quelos alcaldes delas alcaualas no llieuen mas por los enplazamientos delo que llieuan los alcaldes ordinarios, tenemos por bien que no llieuen mas delo que fuere de fuero o de vso o de costunbre de lleuar en la villa o en el lugar; e alo que dizen quelos pleitos que acaesçieren en las aldeas quelos libren los alcaldes, que en el quaderno del alcauala está en que mannera se libre esto e nos lo mandaremos asy guardar, e por esto mandamos que Fernand Sanchez nuestro notario mayor de Castiella e Joan Esteuanez nuestro chançeller e Diego Fernandez nuestro camarero e Fernand Garçia nuestro despensero mayor e nuestro tesorero vean el quaderno desta alcauala e en las dubdas que y ouieren quelo declaren por que sean tirados todos los engannos.
Alo que nos pidieron merçed que touyesemos por bien que todas las heredades que tienen los de la nuestra tierra e estan en tenençia e en posesion dellas, que ningunno ny nyngunnos non sean osados de gelas entrar ny tomar ny enbargar fasta que aquellos quelas tienen e estan en tennençia e en posesion dellas sean oydos e demandados por el fuero de la heredat; e sy en otra mannera algunnos gelas entraren o tomaren o enbargaren, que sy derecho ouieren contra ellas, quelo pierdan, e sy non ouieren derecho contra ellas, quelas pechen con el doblo asy commo forçadores.
A esto rrespondemos que nuestra voluntad es de guardar en esto a cada vno su derecho, mas por questa petiçion es en general e en algunos lugares ha fuero en contrario desto, que declaren en que cosas lo piden, quelo libraremos en la manera que deuemos.
Alo que nos dizen quelos fijos dalgo de Castiella que nos pidieron merçed que mandasemos quelas heredades que ellos an no sean uen-
didas por las debdas que deuen, e esto seria grand danno e grand perdida de todo lo mas de quanto an todos los delas çibdades e villas e lugares de nuestro sennorio e seria nuestro desseruiçio, por esto que es contra fuero e derecho e contra el vso e costunbre de toda la tierra, ca sy las heredades non fuesen vendidas, no cobrarian los omes sus debdas; e que nos pidian merçed que mandasemos quelas heredades e los sus bienes que los fijos dalgo an, que sean vendidos por las debdas que deuen e deuieren segund ques derecho e vso e costunbre de syempre aca, por quelos omes cobren lo suyo que prestaron e fiaron alos fijosdalgo.A esto rrespondemos que non nos fizieron sobre esto petiçiones los fijos dalgo.
Alo que nos pidieron merçed quelos mercaderos del nuestro sennorio an rreçibido e rreçiben de cada dia muy grand danno e son prendados e rrobados por rrazon delos cauallos que son tomados e toman las nuestras guardas alos omes de otro ssennorio, maguer que traen nuestras cartas en commo los pasen, e senaladamente a omes del conde de Fox e al castellon de Mauleto, e que touiesemos por bien de mandar dar los cauallos que fueron tommados por esta rrazon, por que non sean los mercaderos prendados ny rrobados, e cobren lo queles an tommado e rrobado e puedan andar por la tierra e pagar las nuestras alcaualas e portadgos.
A esto rrespondemos que mandaremos sauer quales se tomaron. . . . commo nos lo muestren. . . . . . . . . . . . . . e queles mandaremos pagar por que no rresçiban danno.
Alo que nos pidieron merçed quelos conçejos delas nuestras çibdades e villas e lugares de Castiella que an priuillegios delos rreyes onde nos vinymos de no yr en fonsado, que sea la nuestra merçed de gelos mandar confirmar en la nuestra chançelleria e guardar segund que en los dichos preuillegios se contienen.
A esto rrespondemos quelos que tienen algunos priuillegios de otros rreyes que no sean confirmados de nos, que quanto al fonsado todos son tenudos de debdo de naturaleza de yr connusco en fonsados e quelo non pueden quitar vn rrey por otro; pero sy algunno tiene preuillegio de nos en quelo quitemos de fonsado, que nos lo muestre e mandar gelo hemos guardar en la manera que debemos.
A lo que nos pidieron merçed quelas nuestras çibdades e villas e lugares de Castiella que an priuillegios delos rreyes onde nos venymos e de vso e de costunbre de non dar portadgo en los nuestros rregnos por mercaderia ny por otras cosas que llieuen, que sea la nuestra
merçed de gelos mandar confirmar en la nuestra chançelleria e de gelos mandar guardar segund que en los dichos preuillegios se contienen.A esto rrespondemos que por quanto ay muchos que tienen priuillegios syn rrecabdo çierto, que tenemos por bien quelos que an priuillegios dados e confirmados del Rey don Sancho nuestro abuelo e confirmados del Rey don Fernando nuestro padre syn tutoria, e de nos despues de las cortes de Madrid aca, que a estos que gelo mandaremos guardar.
Alo que nos pidieron merçed que por quanto los perlados e otros sus vicarios e arçiprestes se entremeten de conosçer delos pleitos que son de librar de nos e delos nuestros alcaldes, e ponen sentençia de descomunion contra aquellos que no quieren consentir en ellos. . . . . . juezes e commo quier que. ...n. . en esta rrazon contra los dichos perlados e vicarios e açiprestes. . . . las cortes de Madrid, por que se non se entremetiesen delos dichos pleitos, non lo quisieron ni quieren dexar de fazer e lo fazen agora mas afincadamente, e que touiesemos por bien de poner pena contra ellos de que se sientan; e que si contra ello pasaren, quelos nuestros adelantados e merinos de Castiella, otrosy que los alcaldes e merinos e las otras justiçias delas villas e lugares de Castiella quelos puedan prendar por la dicha pena para la nuestra camara.
A esto rrespondemos que fablaremos sobre esto con los perlados, por quela nuestra jurisdiçion sea guardada.
En lo que nos pidieron merçed que mandemos guardar a todas las çibdades e villas e lugares de Castiella todos los priuillegios e cartas de merçedes e fueros e vsos e costunbres que an delos rreyes onde nos uenimos e de nos.
A esto rrespondemos que nuestra uoluntad es deles guardar los fueros e priuillegios e merçedes que an, e aun fazer les mas merçed; pero sy alguno tiene quel fazen algund agrauio o le van contra fuero, muestre en que, e mandarlo hemos librar en la manera que deuemos.
Alo que nos pidieron merçed que perdonasemos a todos los dela nuestra tierra la nuestra justiçia que nos auemos e podriemos auer por cualquier rrazon e en qualquier manera que pueda ser fasta el dia de oy contra ellos, por qualesquier malefiçios en que se ayan acaesçido e fecho, saluo aleue o trayçion o caso de heregia.
A esto rrespondemos que por quannto esta petiçion es en general, que non es nuestro seruiçio ni pro dela nuestra tierra e fallamos que non cunple de se otorgar; mas pues los fechos dela justiçia antigua an venyr ala nuestra corte, nos faremos en esto lo que deuemos por que se faga en tal mannera que vean ellos que se faze mas con piedat que en otra mannera.
E desto mandamos. . . . este quaderno. . . . quito de chançelleria. . . . . . abril Era de mill e treçientos e ochenta e tres annos. - Yo Nunno Ferrandez la fiz escriuir por mandado del Rey. - Lope Diaz, v. - Roy Diaz.
Enel nonbre del padre e del fijo e del spiritu santo que son tres presonas et vn Dios. Por quela justiçia es muy alta vertud e la mas conplidera para el gouernamiento delos pueblos, porque por ella se mantienen todas las cosas enel estado que deuen, la qual sennalada miente son tenudos los rreyes de guardar e de mantener, por ende an atirar todo aquello que seria carrera delo alongar oenbargar; et por que por las solepnidades e las sotilezas delos derechos que se vsaron de guardar enla ordenaçion delos juyzios, asy enlos enplazamientos commo enlas demandas e enlas contestaçiones delos pleitos e enlas defensiones delas partes e enlos plazos e enlas contradiçiones delos testigos e enlas sentençias e enlas alçadas e enlas suplicaçiones e enlas otras cosas que pertenesçen alos juyzios, et por algunas costunbres que son contra derecho; otrosi por los dones que son dados oprometidos alos juezes, o por temor que an algunas bezes delas partes, se aluengan los pleitos. Et por esto la justiçia non se puede fazer commo deue et los querellosos non pueden auer conplimiento de derecho; por ende nos Don Alfonso por la graçia de Dios Rey de Castiella de Toledo de Leon de Gallizia de Seuilla de Cordoua de Murçia de Jahen del Algarbe e de Algezira ssennor de Molina, con conseio delos perlados e rricos ommes e ca-
ualleros e ommes buenos que son connusco en estas cortes que mandamos fazer en Alcala de Henares et con los alcalles dela nuestra corte, auiendo boluntad quela justiçia se faga commo deue e los quela an de fazer la puedan fazer sin enbargo e sin alongamiento, fazemos e establesçemos estas leyes que se siguen.Sy alguno quisier ganar carta dela chançelleria contra otra nuestra carta e fuere fallado quela deue auer, mandamos que enla segunda carta sea contenido el tenor dela primera todo conplida miente, et otrosi rrazon derecha por que deue ser dada la segunda; et sy fuere la primera librada por los alcalles dela nuestra corte opor alguno dellos, quelos alcalles oel alcalle que dieron la primera carta den la segunda si fueren enla corte; et en otra manera que non sea dada una contra otra.
Por que acaesçe muchas bezes que algunos queriendo traer los pleitos ala nuestra corte por fazer danno asus contrarios, ganan cartas dela nuestra chançelleria para los enplazar; por ende estableçemos e mandamos que sy alguno sobre pleito çiuil ocriminal ganare nuestra carta para enplazar aotro diziendo alguna rrazon de aquellas por quelos pleitos se puedan traer ala nuestra corte non seyendo asi verdat e vsaren della, que peche aquel contra quien della vsare seyscientos mr. desta nuestra moneda e las costas dobladas.
Sy maliçiosa miente alguno echare aotro en enplazamiento ante los nuestros alcalles e julgadores dela nuestra corte oante los julgadores de
otro qual quier logar, el enplazado non sea prendado por el enplazamiento, nin sea tenudo alo pagar, mas sea prendado por el enplazador e sea tenudo alo pagar; et si el enplazado fuere prendado o rrecibier algun danno por esta rrazon, tornele el juyz la prendia e el enplazador peche le el danno conel tres tanto.Mandamos que algunos non cayan en plazo nin en sennal nin en rrebeldia ante los alcalles fasta que el alcalle se leuante dela abdiençia. Et si el alcalle feziere dos abdiençias ante de comer, la parte que paresçiere enla segunda abdiençia non sea auido por rrebelde nin caya en enplazamiento nin en sennal nin en rrebeldia. Et eso mismo sea guardado si el alcalle feziere dos abdiençias depues de comer e la parte paresçier enla segunda.
Tenemos por bien que enlas çipdades e uillas e logares del nuestro sennorio quela sennal oel enplazamiento que non sean mas de seys mr. en aquellos logares do auian de fuero ode costunbre de leuar mas, et do era de menores quantias esta pena, quela lieuen segunt solien; e en esta pena que caya tan bien la parte que enplazare commo el que fuere enplazado sinon venier. Et desta pena que aya el quela prendare el diezmo por su trabaio dela yr prendar, et lo al que fincare que se parta commo es acostunbrado enel logar do fuer fecho el enplazamiento. Et sy la sennal oel enplazamiento non fuere prendiado seyendo la parte enla uilla aterçer dia e enel termino fasta nueue dias, que dende adelante non sea tenudo ala pagar nin la puedan prendar.
Acaesçe muchas bezes que algunos por su boluntad opor non conplir de derecho alos querellosos ante el julgador de cuya jurisdiçion son, que se uan aotros logares de otra juridiscion, et era dubda sy aquel julgador los podia enplazar fuera de su jurisdiçion. Nos por tirar esta dubda et alongamientos delos pleitos que por esta rrazon podrian acaesçer mandamos que el julgador enlos pleitos que ael pertenesçieren de librar, que pueda yr por sy o enbiar su carta a enplazar ala parte absente aunque esté en logar de otra jurisdiçion, para que paresca antel a conplir de derecho. Et el enplazamiento oenplazamientos que asi fueren fechos que sean valederos.
Sy el demandador oel demandado pidiere plazo de auogado ante del pleito contestado, aya terçer dia para esto, del dia que fuere puesta la demanda; et sy lo pidiere despues del pleito contestado, pueda auer plazo de nueue dias sy lo ouier mester e non mas, et el judgador apremie al auogado que ayude ala parte quelo demandare.
Sy el demandado dixiere que non es dela jurisdiçion del julgador ante quien le es fecha la demanda e alegare para esto tal rrazon que el aya de prouar, sea tenudo dela prouar fasta ocho dias, desde el dia que fuere puesta la demanda; et sylo prouare en estos ocho dias, non sea tenudo de rresponder ala demanda. Et sy el demandador ouiere de prouar la rrazon por que el pleito es dela jurisdiçion del julgador ante quien demanda, sea tenudo delo prouar eneste dicho plazo e non le sea dado otro plazo mas sobre esta rrazon.
Recusaçiones ponen los demandados muchas bezes contra los julgadores maliçiosa miente por non rresponder alas demandas queles son
fechas; por ende mandamos que si alguna delas partes alegare que á por sospecho al julgador e lo jurare, que enlos pleitos çiuiles tome el julgador consigo por conpannero avn omme bueno para que libren el pleito amos de consuno, et el julgador e el omme bueno que asy fuer tomado, que jure sobre sanctos euangelios que bien e derecha miente librarán el pleito e guardarán derecho aamas las partes: et enlos pleitos criminales, que sy en aquel logar ouiere otro alcalle o alcalles, que lo oyan e lo libren todos de con so vno el pleito prinçipal. Et sy non ouiere y otro alcalle, quelos ommes buenos que son dados para ver fazienda del conçeio, que den dos de entresy sin sospecha que esten conel alcalle aoyr e librar el pleito et fagan jura segunt dicho es; et sy se non abenieren alos nonbrar, que echen suertes quales dos dellos esten conel alcalle commo dicho es. Et los que fueren nonbrados oen quien cayer la suerte, que sean tenudos aoyr el pleito et que fagan la jura enla manera que dicha es. Et sy enel logar non ouiere ommes çiertos para ver fazienda del conçeio, que el alcalle ante quien fuere el pleito, que tome diez ommes buenos delos mas rricos del logar et estos echen suertes entresy quales dos dellos sean conel alcalle, et aquellos aquien cayer la suerte, sean tenudos dese ayuntar aoyr e librar el pleito con el alcalle commo dicho es.Los rrebeldes que non quieren venir ante el julgador alos enplazamientos queles son fechos, non deuen ser de meior condiçion quelos que vienen e paresçen ante ellos; et por esto tenemos por bien e mandamos que si el demandado fuere enplazado por tres enplazamientos et non venier alos plazos a conplir de derecho o veniere alos dichos plazos o aalguno dellos e se fuere sin mandado del julgador, que dende adelante el julgador vaya por el pleito a rreçebir testigos del demandador ootras prueuas que ouiere para prouar su entençion, asy commo si fuese el pleito contestado, et adar sentençia difinitiua enel sin otro en-
plazamiento; pero sy el demandador quisier e pidier que se faga asentamiento e non quisier yr por el pleito adelante adar prueuas enel, que el julgador sea tenudo alo fazer. Et el asentamiento que se faga en esta manera: que sy la demanda fuere rreal, que sea el demandador puesto enla tenençia dela cosa que demanda, et que sea tenudo el demandado de venir purgar la rrebeldia fasta dos meses desde el dia que fuer fecho el asentamiento, olo enbargar el demandado que se non faga. Et si fuere demanda personal, que sea puesto el demandador enla tenençia de tantos bienes muebles del demandado, syle fueren fallados fasta enla quantia dela demanda; et sy bienes muebles non le fueren fallados, que sea fecho el asentamiento en bienes rrayzes, e que sea tenido el demandado de purgar la rrebeldia fasta vn mes del dia que el asentamiento fuere fecho olo enbargar el demandado que se non faga commo dicho es; et sy non venier purgar la rrebeldia alos dichos plazos, que dende adelante el que asi fuere asentado, que sea verdadero poseedor et non sea tenudo de rresponder al demandado sobre la cosa que asi tien, saluo sobre la propiedat. Pero si el demandador fuere asentado en bienes de su contendor por demanda presonal e seyendo pasado el mes del asentamiento quisiere mas quel sea pagada la quantia de su demanda que non tener la posesion delos bienes, que estonçe que sean vendidos por mandado del julgador; et delo que valieren que sea entregado el demandador dela quantia que puso en su demanda e delas costas. Et si mas valieren, que sea entregado lo que mas valiere al demandado; et si menos valiere, quelo que minguare, que sea tenudo el demandado delo pagar. Et el julgador quelo faga asi conplir luego.Por que se aluengan los pleitos por rrazones maliçiosas delos demandados non queriendo rresponder derecha miente alas demandas, nos
por encortar los pleitos e tirar los alongamientos maliçiosos, establesçemos que enlos pleitos que andodieren enla nuestra corte e enlas çipdades e villas e logares de nuestros rregnos, que del dia quela demanda fuere fecha al demandado oasu procurador, sea tenudo de responder derecha miente ala demanda contestando el pleito conosçiendo onegando fasta nueue dias continuados; et sy asy non rrespondier, que sea auido por confeso por su rrebeldia por esta nuestra ley, aun que non sea dada sentençia contra el sobre esto. Et sy el procurador fuere rrebelde en non rresponder al dicho plazo, que non sea rrestituydo el sennor del pleito mager diga que el procurador non á de que pagar.Allegan por sy muchas veces los demandados defensiones perjudiçiales e perentorias en departidos tienpos e piden muchos plazos para las prouar et enbarganse por ende los libramientos delos pleitos; et por esto tenemos por bien e mandamos quelas defensiones prejudiçiales e otras perentorias quales quierquelos demandados por sy ouieren, quelas puedan poner fasta veynte dias primeros seguientes despues dela contestaçion del pleito. Et dende adelante non puedan ser puestas sy non sy por alguna rrazon despues de nueuo le pertenesçieren aalguna delas partes, osy las sopieren despues nueua miente, faziendo sobre esto jura quelo non sabien enlos dichos veynte dias nin ante. .
Enlos fueros de algunas çipdades e villas e logares de nuestros rregnos se contiene que el que touiere casa o vinna ootra heredat anno e dia, que non rresponda por ella; et es dubda sy enla prescripçion de anno e dia es mester titulo e buena fe. Nos tirando esta dubda mandamos que el que touier la cosa anno e dia non se escuse de rresponder por ella, saluo sy touier la cosa anno e dia con titulo e buena fe.
Sy despues del pleito contestado, el demandado allegare por sy defension perjudiçial ootra defension perentoria qual quier en los veynte dias en que se an de poner las defensiones perentorias, ante que el demandador sea rreçibido ala prueua sobre la demanda prinçipal, estonçe el demandador e el demandado sean rresçibidos de consuno ala prueua. El demandador aprouar la demanda syle fuer negada e el demandado ala prueua dela defension; pero sy el demandado non posiere por sy la defension perjudiçial ootra que rremate el pleito fasta que sean publicados los dichos delos testigos enel pleito prinçipal, estonçe non pueda prouar la defension si non por cartas opor confision dela parte.
Quando el demandador para prouar la demanda oel demandado para prouar la defension dixieren que an los testigos allen mar ofuera del rregno, mandamos que el julgador non le dé mayor plazo de seys meses para traer ante el los testigos o los dichos dellos; pero sy viere el julgador quela prueua se puede fazer en tienpo mas breue, quel dé plazo segunt su aluedrio en que entendiere que se puede fazer la prueua.
Qual quier delas partes que ouier de prouar las contradiçiones que fueren puestas contra las presonas delos testigos ocartas dela otra parte, et dixiere quelos testigos oprueuas que á para prouar esto que son allen mar ofuera del rregno, el julgador non le pueda dar mayor plazo de nouenta dias para los traer olos dichos dellos; pero sy el julgador entendiere que cunple menor plazo para ello, quel pueda dar plazo conuenible segunt su aluedrio. Et por que enlos plazos para allen mar ofuera del rregno non pueda ser fecha maliçia nin alongamiento, man-
damos que estos plazos non sean otorgados aninguna delas partes, saluo sy prouaren primera miente que aquellos testigos eran ala sazon enel logar do el fecho acaesçio, et esto quelo prueuen fasta treynta dias.Por tirar alas partes ocasion que non corronpan los testigos, mandamos que silos testigos fueren tomados commo deuen et por quien deuen e publicados, que non puedan ser traydos despues testigos enel pleito prinçipal nin enel pleito dela apeldaçion sobre los articulos sobre que ya fueron traydos osobre otros derecha miente contrarios.
Costunbre e vso es enla nuestra corte que acuerda conel fuero de aluedrio de Castiella, que quando entre algunos asy conçeios como otras personas es querella ocontienda sobre rrazon delos terminos e delos pastos, osobre derecho de taiar lenna omadera ocoger bellota olande, oque an derecho las partes oalguna dellas de auer estas cosas oalguna dellas en termino de otro conceio ode otras personas quales quier; que dando la querella anos oal julgador quelo á de librar, que se faga pesquisa sin ser otra demanda puesta nin pleito contestado. Et nos veyendo et entendiendo que este vso e costunbre es prouechoso atoda la tierra, establesçemos e mandamos que sobre tales pleytos e contiendas que se pueda fazer pesquisa opesquisas, et la pesquisa opesquisas que fueren fechas sobre las cosas que dichas son oalguna dellas, que sean valederas e se libren por ellas los pleitos sobre que fueron fechas aun que non sea dada demanda sobre ello nin pleito contestado nin sean guardadas sobre esto las otras solepnidades del derecho. Et la pesquisa fecha, que
sea publicada alas partes, por que pueda dezir cada vno de su derecho.Muchas bezes acaesçe que desque los pleitos son contestados e traydos testigos e rrazonado enlos pleitos todo lo quelas partes quieren dezir e rrazones ençerradas para dar sentençia et aun sentençias dadas, sy se falla quelas demandas sobre quelos pleitos son mouidos non fueron dadas en escripto, oque non son tan bien formadas commo los derechos mandan, odesfallesçe en ellas el pedimiento oalguna delas otras cosas que en ellas deuien ser puestas, odesfallesçe enlos proçesos algunas cosas delas que son dela solepnidat e sustançia dela orden delos juyzios, que por ende los julgadores suelen dar los proçesos delos pleitos e las sentençias que enellos son dadas por ningunas, et asy los pleitos se aluengan de que vien muy grant danno alas partes; et por ende establesçemos que sy la demanda paresçiere escripta enel proçeso del pleito, mager non sea dada por la parte en escripto ominguare enella el pedimiento oalguna delas otras cosas que y deuen ser puestas que son delas sotilezas delos derechos, onon sea fecho en el proceso del pleito juramento de calupnia mager sea demandado por las partes opor alguna dellas, o desfallesçiendo las otras solepnidades e sustançia dela orden delos juyzios quelos derechos mandan oalguna dellas, conteniendose toda uia enla demanda la cosa que el demandador entiende demandar; et seyendo fallada prouada la verdat del fecho por el proceso del pleito sobre que se pueda dar çierta sentençia; quelos julgadores que connosçieren delos pleitos e los ouieren de librar, quelos libren e los julguen segunt la verdat que enlos proçesos fallaren prouada, e los proçesos delos pleitos e las sentençias que por ellos fueren dadas que non dexen por esta rrazon de ser valederas. Et sy el demandado desque fuer llamado a juyzio ante que vaya por el pleito adelante pi-
diere que el demandador dé su demanda en escripto, que esto finque en aluedrio del judgador, por que sy entendiere que cunple quela demanda sea dada en escripto quelo faga asi fazer.Desque fueren rrazones ençerradas enel pleito para dar sentençia intrelocutoria o difinitiua, el julgador dé la sentençia intrelocutoria fasta seys dias et la sentencia difinitiua fasta veynte dias, et sylo asy non feziere, peche las costas que fezieren las partes fasta que dé la sentençia.
Vsauan los julgadores dela nuestra corte e delas çipdades e uillas e logares de nuestros rregnos de otorgar e dar alçadas de quales quier sentençias intrelocutorias et por que por esto se alongauan mucho los pleitos, nos queriendo quelos pleitos sean librados mas ayna, establesçemos que delas sentençias intrelocutorias non aya alçada. Et los julgadores quela non otorguen nin la den, saluo sy la sentençia o sentençias intrelocutorias fuesen dadas sobre defension perentoria osobre algun articulo que faga perjuyzio al pleito prinçipal osy fuere rrazonado contra el julgador por la parte que non es su juyz e prouare la rrazon por que non es su juyz fasta ocho dias segunt manda la ley que nos fezimos sobre esta rrazon, et el julgador se pronunçiare por juyz osy dixiere que á el julgador por sospecho, et el julgador enlos pleitos çiuiles non quisiere tomar vn omme bono por conpannero para librar el pleito oen los criminales non guardare lo que se contien enla léy delas rrecusaçiones que nos fezimos, et connosçiere del pleito non guardando lo que se contien enla dicha nuestra ley osy la parte pidiere el traslado del proçeso publicado e el julgador non gelo quisier dar; ca en qual quier destas cosas otorgamos ala parte que se sintiere agrauia-
da que se pueda alçar, et el julgador que sea tenudo dele otorgar e dar el alçada.Costunbre es enla nuestra corte quelos nuestros alcalles desque son rrazones ençerradas enlos pleitos oquando en alguna manera an de dar sentençia en algun pleito, que ponen plazo alas partes para dar sentençia dia çierto e dende adelante de cada dia; et acaesçe que el dia nonbrado para dar sentençia quela non dan, e dan la despues en alguno delos otros dias seguientes seyendo alguna delas partes absente. Et despues viene la parte contra quien la sentençia es dada e alçase dela sentençia, e es dubda sy deue auer la alçada onon porque non vino aoyr la sentençia. Nos tirando esta dubda e por non dar logar alas malicias que se podrian fazer sobre esto, mandamos que sy enel dia que fuere espresa miente nonbrado diere el julgador la sentençia, quela parte que non veniere aoyr la nin alçarse della en quanto el julgador estodiere asentado librando los pleitos, que dende adelante non se pueda alçar; et syla sentençia fuere dada despues del dicho dia, quela parte que non fuer presente contra quien fuer dada, que se pueda alçar fasta terçer dia. Et esto mismo sea guardado enlas çipdades e villas e logares de nuestros rregnos, quando el plazo para dar sentençia fuere puesto enla manera que dicha es.
Alçandose alguno dela sentençia que fuer dada contra el, sea tenudo dela seguir e la acabar en manera que sea librada del dia que se alçare dela sentençia fasta vn anno; et sy non, que finque la sentençia firme e valedera, saluo si ouiere y enbargo derecho por que se non pueda seguir nin librar. Et sy por culpa del julgador fincare, pague las costas e los dannos alas partes.
Seguir deue la alçada la parte quela tomare al plazo quel posier el julgador e paresçer conel proçeso del pleito ante el juyz delas alçadas; et sy el julgador non le posier plazo aquela presente, mandamos que sea tenudo el que se alçó dela seguir ante el Roy fasta quarenta dias sy fuer
allende delos puertos, o sy fuer aquende delos puertos, fasta quinze dias, et sy fuer el Rey enla uilla aterçer dia; et sy fuere la alçada delos alcalles del Rey fasta tercer dia, et si fuere delos alcalles dela uilla para otro julgador mayor y enla uilla que aya poder de oyr las alçadas, quela siga aterçer dia; et sy fuere la alçada del termino para los julgadores dela uilla, que aya nueue dias del dia que dieren la alçada. Et esos mismos plazos aya para se querellar del julgador sy non le quisier dar la alçada; et sy en este tienpo non la siguiere onon se querellare commo dicho es, finque el juyzio de que se alçó firme. Et sy la alçada fuere para ante el Rey, non seyendo el Rey enla uilla do se dió la sentençia, e ouier de paresçer ante el Rey, sy fuere allende los puertos, a quarenta dias, osy aquende delos puertos, a quinze dias oal plazo que el julgador le posiere; que ayan las partes demas los nueue dias e el terçer dia del pregon segunt costunbre dela nuestra corte. Et en estos plazos que dichos son la parte que ouier de seguir la alçada sea tenudo de se presentar ante el juez delas alçadas con todo el proçeso del pleito; et sy non se presentare con el proçeso del pleito, que non sea oydo enel pleito dela alçada e la sentençia finque firme. Et que non se escuse nin se defienda el que se alçó nin su procurador por dezir el procurador que non le dio el sennor del pleito nin tien el de que pague el proçeso del pleito; pero sy el sennor del pleito oel procurador en su nonbre dixier que el sennor del pleito es pobre e non á de que pagar e lo prouare, quela sentençia non pase en cosa judgada e pueda seguir la alçada et el escriuano sea apremiado del dar el proçeso del pleito sin dineros. Et eso mismo sy alegare otra rrazon derecha e la prouare por que non pueda seguir el alçada, quela pueda seguir.Sy alguno alegare contra la sentençia que es ninguna, pueda lo dezir fasta sesenta dias desde el dia que fuer dada la sentençia; et sy fasta
los sesenta dias non lo dixiere, non sea despues oydo sobre esta rrazon. Et sy enlos sesenta dias dixier que es ninguna e fuere dada sentençia sobrello, mandamos que contra esta sentençia non pueda alguna delas partes dezir que es ninguna, mas pueda se alçar della o soplicar sy el julgador fuere tal de que se non pueda alçar la parte que se sintier agrauiada. Et non pueda ser puesta esepçion de nulidat dende adelante contra las sentençias que sobre esto fueren dadas por alçada opor suplicaçion, et esto por quelos pleitos ayan fin.Delas sentençias que dan los alcalles mayores de la nuestra corte et los adelantados dela frontera e del rregno de Murçia suplican los que se sienten agrauiados para ante nos. Et por que era costunbre de suplicar e seguir las suplicaçiones fasta dos annos del dia que era dada la sentençia, et por esto se alongauan mucho los pleitos; tenemos por bien e mandamos quelos que se sintieren agrauiados delas sentençias delos alcalles e adelantados sobredichos, que puedan suplicar ante nos del dia que fuere dada la sentençia fasta diez dias. Et la parte que suplicare de los alcalles delas alçadas mayores dela nuestra corte, que paresca ante nos del dia que suplicare aseguir la suplicaçion fasta diez dias e la sigua e la acabe del dia que le nos diermos juez sobre esta rrazon fasta tres meses, saluo sy ouier y enbargo derecho por que se non pudo seguir nin acabar. Et el juez aquien lo nos encomendaremos, que non oya alas partes nin aalgunas dellas rrazones nueuas de fecho que ouiese acaesçido ante dela sentençia de que fue suplicado, mas que libre el pleito por lo que fallare que se contiene enel proçeso del pleito que ante el fuere presentado. Et el que suplicare dela sentençia delos dichos adelantados ode alguno dellos, que paresca ante nos ala seguir del dia que suplicare o fasta sesenta dias, et quela sigua e la acabe del dia quel dieremos juez sobre esta rrazon fasta seys meses, non auiendo y enbargo derecho por que se non podiese asi fazer.
Despues que el pleito fuer librado por suplicaçion por el juez que fuere dado por nos, non se pueda ninguna delas partes querellar dela
sentençia que el diere nin suplicar della nin dezir nin alegar contra ella que es ninguna, et sy lo dixiere olo rrazonare, que non sea oydo sobrello.Porque en algunas çipdades e uillas e logares leuauan los alcalles mayores quantias de aquellas que eran de rrazon, mandamos que de aqui adelante non lieuen por la sentençia difinitiua mas de cuatro mr. e por la entrelocutoria dos mr., do mayores quantias solian leuar. Et que el alcalle non lieue mas por su sello de vn mr.; et que por la fiadura delos pleitos criminales non lieuen los escriuanos mas de dos mr. et por la fiadura delos pleitos çiuiles vn mr., do mas solian leuar. Et enlos proçesos delos pleitos e enlos traslados dellos que dieren alas partes, que aya en cada tira alo menos quatroçientas partes.
Paresçiendo que se quiso alguno obligar aotro por promysion opor algun contracto oen otra manera, sea tenudo aaquellos aquien se obligó et non pueda ser puesta exepçion que non fue fecha stipulaçion que quier dezir prometimiento con çierta solepnidat del derecho, e que fue fecha la obligaçion o el contracto entre absentes, oque fue fecha aescriuano publico oaotra presona priuada en nonbre de otro entre absentes, o que se obligó a vno de dar ode fazer alguna cosa aotro; mas que sea baledera la obligaçion o el contracto que fueren fechos en qual quier manera que paresca que alguno se quiso obligar aotro ofazer contracto conel.
Sy el vendedor oel conprador dela cosa dixiere que fue engannado en mas dela meytad del derecho preçio, asi commo sy el vendedor dixiere quelo que vale quinze quelo vendio por menos de diez, oel conprador
dixiere quelo que valie diez que dio por ello mas de quinze; mandamos que el conprador sea tenudo aconplir el derecho preçio que valia la cosa odela dexar al vendedor, tornandole el preçio que rreçibio. Et el vendedor deue tornar al conprador lo mas que rreçibio dela meytad del derecho preçio ode tomar la cosa que vendio et tornar el preçio que rreçibio. Et esto mesmo queremos que se guarde enlas rrentas e enlos canbios e enlos otros contractos semeiables et que aya logar esta ley en todos los contractos sobredichos, aunque sean fechos por almoneda, et del dia que fueren fechos fasta quatro annos e non despues.Contra derecho e contra rrazon es quelos omes fagan prendias por lo quels deuen por su abtoridat, non les auiendo dado poder los debdores para los prendar, et sin rrazon es que vnos sean prendados por lo que deuen otros. Por ende mandamos que ningun omme non sea osado de prendar aotro nin vn conçeio aotro por cosa que diga quele deuan ole ayan de conplir ode fazer, saluo sylo podiese fazer por quela otra parte se obligó e le dio poder quelo podiese prendar. Et qual quier que contra esto feziere que caya por ello en pena de forçador. Pero quelos guardadores delos montes e del pan e del vino e delos pastos e delos torminos, por que son presonas publicas, que puedan prendar segunt sus fueros e sus costunbres que an sin la pena desta ley.
Suele acaesçer, seyendo pagadas las debdas aaquellos aquien fueron deuidas, que ellos osus herederos demandan las despues de luengo tienpo alos debdores o a sus herederos, et por que non pueden prouar la paga por muerte delos testigos opor ser perdida la carta, an apagar lo
que non deuen; et por esto ordenamos e establesçemos que aquel que á alguna demanda contra otro con carta osin carta, et desque el plazo llegar nonla demandare en juyzio onon fizier enplazar la parte sobrello onon fuer fecha entrega por ella fasta diez annos, que dende adelante que pierda la demanda que auie e non sea oydo sobrello. Et enlas debdas que son fechas fasta aqui de que son pasados siete annos o mas, quelas puedan demandar fasta tres annos et sy non fueren pasados siete annos omas, quelas demanden del dia que se cunplio el plazo aque auia aser pagada la debda fasta conplimiento delos dichos diez annos, e despues que non sea oydo. Et las debdas e las demandas que an los judios delos contractos que fazen conlos christianos, que non puedan ser demandadas nin entregadas despues de seys annos del dia del plazo aque ouieron aser pagadas.Establesçemos e mandamos quelos buey e bestias de arada nin los apareios que son para arar e labrar e coger el pan e los otros frutos dela tierra, que non sean prendados nin tomados nin testados nin enbargados por debdas quelos sennores dellos deuan achristianos nin ajudios nin aotras presonas quales quier; pero por los pechos e derechos nuestros e del sennor del logar opor debda que deua el labrador al sennor dela heredat, non le fallando otros bienes rrayzes e muebles, que puedan ser prendados por la quantia que deuiere e montare el pecho del duenno dela prenda e non por mas, nin por pecho de conçeio nin de otro. Et enlas behetrias que pueda el natural prendar por el derecho dela deuisa qual quier delas cosas sobredichas. Et sy cogedor orrecabdador delos nuestros pechos oentregador delas debdas delos judios o merino ootro ofiçial contra esto fizieren, mandamos que torne la prendia que prendiare otomare otestare oenbargare enqual quier manera al
querelloso conel danno que por ello rreçibiere; et por ese mesmo fecho caya en pena de quatro al tanto delo que valie la cosa que fuere tomada oenbargada commo dicho es, et desta pena que aya la meytad el querelloso e la otra meytad que sea para la nuestra camara. Et sy la entrega otoma otestamiento oenbargo fuere fecho por debda ofiadura de persona priuada, quela persona cuya fuere la debda ola fiadura que pierda la debda ola fiadura e el derecho que por esta rrazon le pertenesçe. Et todo priuilleio e vso e costunbre que contra esta ley sea opueda ser en qual quier manera, nos las rreuocamos e tiramos e mandamos que non valan. Et que carta desaforada ootra qual quier que sea fecha e dada e otorgada fasta aqui ofuere de aqui adelante opleito opostura o rrenunciaçion que sea contra esto que non vala. Et sy alguno rrobare oforçare ofurtare alguna de las cosas sobredichas, mandamos quela torne aaquel aquien la tomó con onze doblo e que se parta esta pena enla manera que dicha es.Las lauores delas heredades e el coger delos frutos dellas e el rreparamiento delas casas se enbargan muchas vezes por los testamientos que fazen los ofiçiales por las debdas opor los malefiçios, de que se sigue danno aaquellos cuyas son las heredades, et non se torna en prouecho de aquellos acuyo pedimiento e querella se fazen. Por ende mandamos que por tales testamientos que non cayan aquel oaquellos contra quien fueron fechos en alguna pena puesta enel fuero ocostunbre opor derecho opor alcalle o juez o meryno opor otro ofiçial osennor, por labrar las heredades orreparar las casas que asy fueren testadas opor morar enellas. Et sy duraren las testaçiones en tienpo quelos frutos delas heredades fueren de coger, mandamos que non enbargando los testamientos quelos ofiçiales del logar ologares do esto acaesçier que fagan coger los frutos e poner los en fialdat acosta delos frutos, fasta que sea librado quien lo deue auer. Et sy por esta rrazon alguno oalgunos alguna cosa leuaren oprendiaren por fuerça opor cohecho oen otra ma-
nera commo non deuen de aquel que labrare la casa ola heredat testada, quelo torne aaquel de quien lo leuare conlos dannos que por ende rreçibieren, et caya en pena de quatro al tanto, la meytad para el querelloso e la otra meytad para la nuestra camara.Vsose fasta aqui que por las debdas que deuian los caualleros dela nuestra tierra opor fiaduras que fazian, quelos ofiçiales oaquellos que auian poder delo fazer queles prendauan los cauallos e las armas et las vendien asy commo otros bienes quales quier delos que auian. Et por que es nuestra voluntad delos fazer merçed e que puedan estar meior guisados para nuestro seruicio, tenemos por bien que por debda que deuan los caualleros ootros quales quier delas nuestras çipdades e villas e logares que mantouieren cauallos e armas, queles non sean prendados los cauallos e armas de su cuerpo.
Sy alguno ordenare su testamento ootra su postremera voluntad en qual quier manera con escriuano publico, deuen y ser presentes alo ver otorgar tres testigos alo menos vezinos del logar ó se feziere; et sy lo fezier sin escriuano publico, sean y çinco testigos alo menos vezinos segunt dicho es sy fuer logar dolos pueda auer. Et sy fuer tal logar en que non puedan auer çinco testigos, que alo menos sean y tres testigos, et sea valedero loque ordenare en su postremera voluntad, et el testamiento sea valedero enlas mandas e enlas otras cosas que en el se contien aun que el testador non aya fecho heredero alguno, et estonçe herede aquel que segunt derecho ocostunbre dela tierra auia aheredar sy el testador non fiziese testamento et cunplase el testamento. Et sy
fezier heredero el testador et el heredero non quisier la heredat, vala el testamento enlas mandas e enlas otras cosas que enel se contiene; et sy alguno dexare aotro en su postremera voluntad heredat omanda e mandare quela dé oquela aya otro et aquel primero aque fuere dexada nonla quisiere auer, mandamos que el otro ootros quela pueda,. tomar e auer.Por quelos dones mueuen los julgadores alibrar los pleitos commo non deuen, tenemos por bien e mandamos quelos nuestros alcalles dela nuestra corte asy los ordinarios commo los delas alçadas, oaquel oaquellos que ouieren de librar las suplicaciones ootros algunos que ouieren alibrar pleitos por comision oen otra manera enla nuestra corte, que non tomen dones ningunos de qual quier manera que sean, asy oro commo plata dineros pannos bestias nin viandas nin otras cosas de quales quier presonas que andodieren en pleito ante ellos nin de otro por ellos; et qualquier que lo tomare por sy opor otro, que pierda el ofiçio e nunca aya el ofiçio que asy perdio nin otro, et peche lo que tomare doblado et sea para la nuestra camara et finque en nuestro aluedrio del dar pena por ello segunt la quantia del don que tomó. En esta manera misma mandamos quelo guarden todos los alcalles e juezes ordinarios e delegados delas çipdades e uillas e logares de nuestros rregnos tan bien los de fuero commo los de salario; et qual quier oquales quier que contra esto fezieren, que ayan las penas sobredichas.
Por quelos que dan algo alos julgadores por los pleitos que antellos an lo dan lo mas encobierta miente que pueden e los quelo rreçiben fazen eso mismo [e] esto seria graue de prouar, nos queriendo quela verdat non se encubra et por que esto aya logar de se saber et aquellos que en este yerro cayeren ayan por ello pena; tenemos por bien que veniendo el quelo diere adezirlo e alo descobrir, que non aya pena por
aquello que dio mager el derecho pone pena al quelo da, saluo sy fuer fallado que dixo mentira. Et por ende en desfallesçimiento de prueua conplida contra aquel de que dixiere quelo rreçibio, mandamos que se pueda prouar en esta manera: sy fueren tres o mas los que venieren deziendo sobre jura de sanctos euangelios que dieron algo al julgador, que uala su testimonio mager que cada vno diga de su fecho seyendo las personas tales que entienda el quelo ouiere de librar que son de creer; otrosi auiendo algunas otras presunçiones e çircustançias por que vea el quelo ouiere de julgar que es verdat lo que dizen. Pero por quelos ommes non se mueuan con cobdiçia adar testimonio contra berdat, mandamos que tales testigos commo estos non cobren aquello que dixieren que dieron, saluo sy lo prouaren por prueua conplida.Defendemos quelos nuestros aguaziles dela nuestra corte nin los sus ommes e otros quales quier que guardaren los presos, que non tomen delas gentes que andan enla nuestra corte e vienen aella nin enlas uillas e logares por ó nos andamos dones nin viandas, nin los cohechen nin prendan aninguno sin mandado delos alcalles. Et sy de alguno fuere dada querella ofuere fallado en algun malefiçio por que deua ser preso, quelo lieuen ante los alcalles oante alguno dellos e quelo non metan en prision en otra manera; et desque fuer preso, quelo non suelten sin mandado del alcalle. Otrosy que non tomen delos presos que touieren dineros nin uianda nin otra cosa ninguna nin mantenimiento para sy nin para los quelos guardaren nin para los que andodieren con ellos, saluo el carçelaie quando los soltaren. Et qual quier que contra esto fuere e lo asy non guardare, quelos aguaziles e qual quier que tenga el ofiçio por ellos pierda el ofiçio e non pueda auer otro ofiçio, et demas que ayan la pena sobredicha que es puesta contra los alcalles; et esto que se pueda prouar contra ellos enla manera que ordenamos que se podiese prouar contra los alcalles e juezes. Et los ommes delos aguazi-
les que prendieren sin mandado del alcalle osin meresçimiento, otomaren oleuaren de algunos alguna cosa delo que dicho es, que estos atales sean tenudos de tornar ala parte doblado todo lo que leuaren, et demas quel fagan emienda dela desonrra que rreçibio el preso e que yaga vn anno en la cadena; et sy non ouiere de quelo pechar, quel den quarenta açotes.Quando los aguaziles dela nuestra corte oalguno dellos non conplieren lo quelos nuestros alcalles oalguno dellos los enbiaren mandar por sus alualaes, mandamos aqual quier delos nuestros ballesteros dela nuestra corte aquien los nuestros alcalles oalguno dellos lo mandaren, quelo cunplan; et sy el aguazil non gelo consintiere conplir, que el ballestero quelo muestre a nos por quelo nos escarmentemos e mandemos sobrello lo quela nuestra merced fuere. Et sy los aguaziles o merinos olos otros ofiçiales delas çipdades e uillas e logares de nuestros rregnos que an de conplir mandado delos alcalles e juezes e fazer esecuçion dela justiçia en qual quier manera, non quisieren conplir lo quelos juezes oalcalles delas dichas çipdades e villas e logares o qual quier dellos en sus juridiçiones les mandaren, mandamos quelo cunplan el alcalle oel juez quelo mandare, et si mester ouiere ayuda para ello, quele ayude el conçeio oaquellos aquelo el mandare; et el aguazil omeryno oofiçial que non quisiere conplir mandado del alcalle o juez, mandamos que non vse del ofiçio fasta quelo nos sepamos e mandemos sobrello lo quela nuestra merçed fuere. Et los juezes o alcalles cuyo mandado non quisiere conplir el meryno o alguazil, que sean tenudos de nos lo fazer saber fasta quarenta dias, sopena de seysçientos mr. para la nuestra camara.
Sy los monteros olos ommes delos aguaziles dela nuestra corte olos otros que guardaren los presos los soltaren olos non guardaren, sy el
preso meresçier muerte, que el quelo soltó olo non guardó bien commo deuia que muera por ello; et sy el preso non meresçia muerte e meresçia otra pena corporal que non sea de muerte, sy se fuer conel ole soltare, que aya aquella pena misma que el preso deuia auer; et sy por mingua de guarda se fuer, que yaga un anno enla cadena. Et sy el preso non meresçia pena corporal e era tenudo apagar debda o pena de dineros e se fuere conel el quelo guardaua olo soltare asabiendas, sea tenudo apagar e pechar lo que el preso era tenudo e yaga medio anno enla cadena; et sy por mingua de guarda se fuere, que sea tenudo apagar e pechar lo que el preso era tenudo e yaga tres meses enla cadena. Et sy los monteros que guardaren los presos oalguno dellos cayeren en alguno destos yerros e non se podiere auer onon ouier de que pagar, quelo tomen dela quitaçion que ouier de auer; et sy non ouier de auer quitaçion, que se pague dela quitaçion de los monteros de Espinosa si fuer dellos, o delos de Bauia sy fuer delos de Bauia. Et que el nuestro despensero aquien qual quier de los nuestros alcalles enbiare dezir por su aluala quelo cunpla enlas quitaçiones delos monteros commo dicho es, que sea tenudo delo fazer e de conplir en ellos lo que fuere judgado o mandado. Et por que se cunpla asy todo esto, que el alcalle olos alcalles dela nuestra corte oqual quier dellos aquien fuere querellado odenunçiado, quelo sepa luego de su ofiçio e faga conplir todo esto que dicho es en aquel o aquellos que fallaren culpados; et esto quelo libren luego sin figura de juyzio e sin alongamiento. Et sy fuere omme de aguazil el que en qual quier yerro destos cayere, quelo dé el aguazil cuyo fuere el omme. Et sylo non diere onon ouier de que pagar, que pague el aguazil cuyo fuer el omme aquello que ouiere de pagar el omme que fizo el yerro. Et por que esto se cunpla, tenemos por bien que qual quier ballestero aquien los nuestros alcalles oqual quier dellos mandare esto conplir contra qual quier delos nuestros aguaziles, quelo cunpla. Et eso mismo que el dicho ballestero que pueda tomar el omme del aguazil, sy el aguazil nonlo diere.Por tirar grandes dannos que se fazen por que andan muchos que se llaman aguaziles, et por quelas gentes sean çiertas delo que deuen guardar et connosçer al nuestro ofiçial e sepan a qui demandar sy les algun agrauio fezieren, tenemos por bien que sean dos aguaziles por el aguazil mayor enla nuesta corte. Et estos que puedan poner por sy sendos aguaziles que vsen por ellos enel ofiçio e non mas.
Esto que dicho es enlos alcalles e aguaziles dela nuestra corte e delos sus ommes e delos que guardaren los presos, mandamos que guarden los nuestros adelantados e los nuestros merynos mayores de Castiella e de Leon e de Gallizia e de Asturias e de Guipuzca e de Alaua e los que andan por ellos et los alcalles que andodieren con ellos; et qualquier que contra ello, fuere, que aya la pena sobredicha; e esto quelo libren enla manera que dicha es los alcalles que andan conlos adelantados e merynos et sean tenudos de dar cuenta anos dello. Et lo que tanniere enlos alcalles que andodieren conlos adelantados e merynos mayores, quelo mandemos nos librar aquien la nuestra merçed fuere.
Lo que dicho es enlos aguaziles dela nuestra corte e enlos sus ommes e delos que guardan los presos mandamos que guarden los merynos e aguaziles e juezes e sus ommes e carçeleros delas çipdades e uillas e logares de nuestros rregnos; e qual quier oquales quier delos sobredichos que contra esto fueren, que ayan la pena sobredicha e que sea rresçibida contra ellos la manera dela prueua que sobredicha es que
se rresçibe contra los alcalles e juezes e aguaziles, et esto quelo libren los alcalles e juezes delas çipdades e uillas e logares do acaesçier; pero que tenemos por bien que estos merynos e aguaziles delas uillas non puedan poner por sy mas de vno que vse del ofiçio por el, saluo en Toledo e en Seuilla e en Cordoua que son çipdades grandes, que estos que puedan poner sendos mayorales por sy, e en Toledo çinco menores e en Sseuilla e en Cordoua vn aguazil menor ados collaçiones.Tenemos por bien e mandamos quelos merynos mayores de Castiella e de Leon e de Gallizia puedan poner cada vno dellos en sus meryndades vno que sea meryno mayor por el, que vse del ofiçio en quanto el non fuer en toda su meryndat et rrequiera los otros merynos commo vsan delos ofiçios et les fagan conplir la justiçia et que cunpla de derecho alos querellosos dellos; et este que sea omme de buena fama e abonado. Et eso mismo que el adelantado que fuese puesto por cada vno delos adelantados mayores del Andalozia e del rregno de Murçia, que sea omme de buena fama e abonado. Otrosy quelos otros merynos quelos merynos mayores sobredichos posieren en cada vna delas meryndades, que sean ommes de buena fama e abonados en bienes rrayzes alo menos en quantia de diez mil mr. en algunas delas uillas del nuestro sennorio oen su termino. Et que lieuen aquello que de fuero e de derecho deuen leuar e non mas e que guarden el ordenamiento que fue fecho enlas cortes de Madrit en esta rrazon e quelos pongan sin rrenta e sin preçio ninguno. Et sy fuere otro que non sea de buena fama e abonado en bienes rrayzes enla dicha quantia, defendemos que non vse del ofiçio dela meryndat nin sea auido por meryno; et sy dello vsare, nos pasaremos contra el commo contra aquel que vsa de ofiçio de justiçia contra nuestro defendimiento non auiendo poder. Et sy fuere puesto por rrenta opor preçio, que el meryno mayor peche ala nuestra camara la rrenta opreçio quel dieren con otro tanto et quelo mandemos tomar dela tierra
que de nos touier ode su quitaçion; et que dende adelante non pueda poner meryno en aquella meryndat, et nos quelo pongamos qual fuere la nuestra merçed; et el que tomare el ofiçio desta guisa, que peche la rrenta opreçio que diere con otro tanto ala nuestra camara et demas que non pueda auer aquella meryndat nin otra de aquel meryno. Et quelo guarden en esta manera los merynos delas meryndades de Guipuzca e de Alaua e de Asturias. Et otrossy que el merino que andodiere por el meryno mayor e cada vno delos otros merynos que andodiesen enlas meryndades, que non puedan poner otro meryno por sy.La cosa que mas puede enbargar el conseio del Rey e los juyzios delos julgadores es el temor e el rreçelo quando lo an de algunas presonas, por que temen de conseiar al Rey lo que deuen et los julgadores de fazer justiçia. Et por quelos nuestros conseieros e los alcalles dela nuestra corte e el nuestro alguazil mayor e los nuestros adelantados dela frontera e del rregno de Murçia e los merynos mayores de Castiella e de Leon e de Gallizia deuen ser mas sin reçelo, et la onrra dellos deue ser mas guardada por la fiança que ponemos enellos por que tienen nuestro logar enla justiçia, defendemos que ninguno non sea osado de matar ni de ferir nin de prender aqual quier delos sobredichos; et qual quier quelo matare, que sea por ello aleuoso et lo maten por justiçia do quier que fuere fallado e pierda lo que ouier. Et sy lo feziere olo prisiere, quelo maten por ello por justiçia e pierda la meytad delo que ouiere. Pero sy qual quier delos ofiçiales sobredichos cometiere pelea non vsando de su ofiçio, que aya la pena que mandan los derechos segunt fuere el yerro.
Tenemos por bien que si alguno oalgunos fezieren qual quier destas cosas e yerros sobredichos contra los que andodieren por mayorales por
qual quier destos sobredichos o contra los alcalles mayores de Toledo e de Seuilla e de Cordoua e de Jahen e de Murçia e de Aljezira et contra el meryno mayor de cada una delas dichas çipdades, sy matare oprisiere, que muera por ello e pierda los bienes, pero que non caya por ello en pena de aleue; et sy feriere que pierda los bienes que ouiere et que sea desterrado para sienpre fuera del nuestro sennorio. Et sy alguno feziere qual quier destos yerros sobredichos contra alguno delos que andodieren por estos, que si matare oprisiere, que muera por ello, e si feriere mager non mate, que pierda la meytad delos bienes e sea desterrado por diez annos fuera del nuestro sennorio.Sy algunos fezieren ayuntamiento de gentes que vengan contra alguno de los sobredichos con armas osin armas, quelos que fueren fazedores del ayuntamiento que sean desterrados por diez annos fuera del nuestro sennorio; et los que fueren conellos que sean desterrados por vn anno, et peche cada vno seysçientos mr. dela nuestra moneda. Et sy denostare aqual quier delos sobredichos, que peche dos mill mr. desta moneda et yaga dos meses enla cadena.
Mandamos que sy alguno oalgunos cometieren alos sobredichos ofiçiales oaqual quier dellos para ferir o matar odesonrrar con armas osin ellas aun que non se acabe el fecho que asy cometiere, que por la osadia que fizo, sy fuere omme fijo dalgo ootro omme onrrado, que sea desterrado por dos annos fuera del nuestro sennorio e peche seys mill mr. desta moneda; et sy fuere omme de menor guisa que mantenga casa, yaga vn anno en la cadena, e despues salga fuera del nuestro sennorio por los dichos dos anos; et sy fuere omme baldio que non aya casa, quel den çincuenta açotes e yaga vn anno enla cadena.
Por quelos alcalles e juezes e justiçias e merynos e aguaziles e otros ofiçiales quales quier delas çipdades e uillas e logares del nuestro sennorio que ayan de oyr e de librar los pleitos e conplir la justiçia, quier por sy opor otre, puedan meior vsar de sus ofiçios e sin rreçelo; defendemos que ninguno non sea osado de matar nin de ferir nin de prender aqual quier delos sobredichos, nin de tomar armas nin de fazer ayuntamiento nin alboroço contra el ocontra ellos, nin delos defender nin enbargar de prender aquel oaquellos que prendieren omandaren prender. Et qual quier que matare oprendiere aalguno destos ofiçiales sobredichos, quel maten por ello e pierda la meytad de los bienes; et sy feriere, que pierda la meytad delos bienes et sea desterrado por diez annos fuera del nuestro sennorio; et sy metiere mano aarmas oajuntare gentes o veniere con ellas contra los ofiçiales sobredichos, que peche seys mill mrs. desta moneda e que sea desterrado por vn anno fuera del nuestro sennorio alli do nos touieremos por bien; et syle tomare preso ole enbargare en qual quier manera que sea por quelo non pueda prender e conplir se enel la justiçia que meresçiere, sy el preso que fuere tomado oaquel en quien fuere enbargada la justiçia meresçia pena de sangre, que aquel que tomó el preso o enbargó la justiçia, que rresçiba esa misma pena que el otro auia de auer; et sy non meresçiere pena de sangre, tenemos por bien e mandamos que por la osadia que fizo contra la justiçia, que sy fuer omme fijo dalgo, que yaga medio anno enla cadena e ande fuera del nuestro sennorio por dos annos, et sy non fuere fijo dalgo, que yaga vn anno enla cadena e ande fuera del nuestro sennorio por los dichos dos annos. Et sy ouiere quantia de veynte mill mr. odende arriba, que peche seys mill mr. ; et sy menos ouiere de veynte mill mr. , que pierda la quarta parte delos bienes; et sy non ouiere bienes ningunos, que yaga vn anno enla cadena e salga fuera del nuestro sennorio por quatro annos. Et sy aquel oaquellos que fueren desterrados en qual quier manera delas que dichas son entraren enel nuestro sennorio sin nuestro mandado ante del tienpo conplido del desterramiento, que sea doblado el tienpo del desterramiento; et sy porfiare la terçera vez, quel maten por ello. Et sy alguna destas cosas fezieren alos alca-
lles oalos aguaziles o merynos que estodieren por los mayores enlas uillas oalos alcalles ojurados delas aldeas, sy matare, quel maten por ello et peche seysçientos mr. desta moneda; et sylo ferieren oprendieren, que peche mill mr. e que sea desterrado por dos annos fuera del nuestro sennorio. Et sy feriere oprendiere aalguno delos alcalles ojurados delas aldeas, que sea desterrado por vn anno fuera del nuestro sennorio e que peche seysçientos mr. demas dela pena que el fuero manda; et sy non ouier de quela pechar que yaga vn anno enla cadena. Et dela pena delos bienes e delos dineros sobredichos sea la meytad para la nuestra camara e la otra meytad para los querellosos. Pero sy qual quier destos sobredichos cometiere pelea non vsando de su ofiçio, que aya aquella pena que mandan los derechos segunt fuere el yerro segunt dize la ley ante desta.Contiene se enel Fuero delas leyes que sy la muger que fuer desposada feziere adulterio con alguno, que amos ados sean metidos en poder del esposo asy que sean sus sieruos; mas quelos non pueda matar. Et por que esto es enxienplo e manera para muchas dellas fazer maldat e meter en ocasion e en verguença alos que fuesen desposados conellas que non puedan casar en uida dellas. Et por ende por toller este yerro, tenemos por bien que pase de aqui adelante en esta manera: que toda muger que fuere desposada por palabras de presente con omme que sea de edat de catorze annos arriba e ella de doze arriba e fizier adulterio,
sylos el esposo fallar en vno, quelos pueda matar por ello sy quisiere aamos ados, asy que non pueda matar el vno e dexar el otro podiendo los amos matar. Et sy los acusare aamos oaqual quier dellos, que aquel contra quien fuere julgado, quelo metan en poder del esposo que faga del e de sus bienes lo que quisiere; e quela muger non se pueda escusar de rresponder ala acusaçion del marido odel esposo por dezir que quiere prouar que el marido oesposo cometio adulterio.Acaesçe muchas vezes que algunos ommes estan asechando para ferir ofazen fabla oconseio para ferir omatar aotros e fieren aaquellos aque estan asechando e atendiendo para ferir omatar osobre que fue fecho conseio ofabla. Et estos atales deuen auer mayor pena quelos que fieren en pelea, por quelos derechos mandan que estos atales que sean tenudos apena de muerte asi commo sy matasen, et fasta aqui en algunos logares por fueros e por costunbres non se vsaua asy, et por esto se atreuien muchos afazer tales yerros; por ende establesçemos que qual quier oquales quier que por asechanças osobre conseio o fabla fecha firieren aalgunos, que mueran por ello, mager que aquel aquien ferieren non muera dela ferida.
En algunas villas e logares de nuestros rregnos es de fuero e de costunbre que quien matare aotro en pelea, quel den por enemigo delos parientes e peche el omezillo e que non aya pena de muerte, e por esto se atreuien los omes amatar; por ende establesçemos que qual quier que matare aotro, aun quelo mate en pelea, que muera por ello, saluo sy lo matare en defendiendose o ouier por sy alguna rrazon derecha de aquellas que el derecho pone por que non deua auer pena de muerte.
Acaesçe algunas bezes quelos que biuen con otros se atreuen afazer maldat de forniçio con las barraganas ocon las parientas o con las seruientas de casa de aquellos con quien biuen. Et desto suele benir muerte delos sennores e otros males e dannos; por ende establesçemos e mandamos que qual quier que feziere maldat de forniçio con la barragana connosçida del sennor, ocon donzella que crie en su casa, ocon cobigera dela sennora de aquellas quela an, oconla parienta de aquel con quien biuier morando la parienta en su casa del sennor, ocon la ama que criare su fijo osu fija en quanto le dier leche; quel maten por ello. Et la que este yerro fezier, que sea puesta en poder de aquel con quien biuier quel dé la pena que quisier, tan bien de muerte commo otra. Et al que feziere tal maldat con la seruienta de casa que non sea delas sobredichas, quel den acada vno dellos çiento açotes publica miente por la villa, et sy fuer fidalgo el que este yerro feziere con la seruienta commo dicho es oella fuer fija dalgo, que yaga vn anno enla cadena; et qual quier dellos que non fuer fidalgo, quel den los dichos çien açotes. Et si qual quier destos que biuieren con otros, se desposaren ocasaren conla fija o con parienta que tenga en su casa de aquel con quien biuier sin su mandado, que el que este yerro fiziere, que sea echado del rregno por sienpre; et sy tornare, quelas justiçias quelo maten; et ella sea desheredada et aya sus bienes el su pariente mas propinco. Et esto quelo pueda acusar el padre ola madre oaquel oaquella con quien biuier qual quier destos sobredichos; et sy aquellos con quien biuiere nonlo acusaren, quelo pueda acusar qual quier delos parientes mas propincos fasta
terçero grado. Pero sy el padre ola madre e el sennor con quien biuier la perdonaren, que otro non lo pueda acusar.La cobdiçia que es rrayz de todos los males en tal manera çiega los coraçones delos cobdiçiosos que non temiendo a Dios nin auiendo verguenna alos omes, desuergonnada miente dan avsuras en muy grant peligro de sus almas e danno de nuestros pueblos; et por ende mandamos que qual quier christiano ochristiana de qual quier estado ocondiçion que sea que diere avsura, que pierda todo lo que diere oprestare e que sea de aquel que rresçibio el enprestido; et que peche otro tanto commo fuere la quantia que diere alogro, la terçia parte para el acusador et las dos partes para la nuestra camara. Et sy despues que alguno fuere condenado en esta pena, fuer fallado que dio otra vez alogro, que pierda la meytad de sus bienes, et sea la terçia parte para el acusador e las dos partes para la nuestra camara. Et sy despues que fuere condenado en esta segunda pena, fuere fallado que dio otra vez alogro, que pierda todos sus bienes e se partan commo dicho es. Et los contractos vsurarios que son fechos fasta aqui que non son pagados e an rreçibido los quelo dieron mayor quantia dela que dieron et les finca alguna quantia por rrazon dellos, que seyendo fallado que an rreçibido lo que dieron oprestaron, que non puedan auer mas. Et por que algunos non dan derecha miente avsuras, mas fazen otros contractos en enganno delas vsuras, tenemos por bien que sy alguno vendiere aotro alguna cosa e posiere conel de gela tornar sy fasta tienpo çierto le diere el preçio que rreçibio del, oque non pueda dar el preçio que rreçibio fasta tienpo çierto e que entre tanto que aya los frutos e esquilmos dela cosa vendida, que tal contracto sea entendido ser fecho en enganno de vsuras. Et por ende mandamos que mostrando el vendedor commo ouo conel conprador el paramiento e postura que dicho es, que pueda cobrar la cosa que vendio pagando el precio que rrecibio por ella del conprador. Et quel sean contados al conprador los frutos e esquilmos que ouo dela cosa vendida, mien-
tra la touo, enel preçio quel ouiere de tornar al vendedor. Et por quelos que dan avsura e fazen contractos vsurarios lo fazen muy encobierta miente, por que por fallesçimiento de prueua non se pueda encobrir la verdat; tenemos por bien que se pueda prouar desta guisa: que sy fueren tres omes los que venieren deziendo sobre jura de sanctos euangelios que rreçibieron algo de alguno alogro, que vala su testimonio, mager cada vno diga de su fecho, seyendo las personas tales que entienda el quelo ouiere de librar, que son de creer. Et otrosy auiendo algunas otras presunçiones e çircustançias por que vea el quelo ouier de julgar que es verdat lo que dize. Pero por quelos omes non se mueuan con cobdiçia adar testimonio contra verdat, mandamos que tales testigos commo estos non ayan ninguna cosa desto que dixieren, saluo sylo prouaren por prueua conplida; mas esta pena que sea para el derecho que pertenesçe ala nuestra camara e al quelo acusare.Primera miente por fazer merçed ala tierra e por que sopimos que algunas delas cartas delas debdas que an los judios contra los christianos, que fueron fechas engannosa miente poniendo enellas mayores quantias de quanto prestaron; tenemos por bien que dela quantia que se contiene enlas cartas delas debdas que fueron fechas fasta aqui, que sea quito alos christianos la quarta parte delo que finca por pagar; e las tres partes que fincan que se paguen en dos plazos: la meytad otro dia de cuadragesma, e la otra meytad otro dia de sant Miguel de setienbre primeros que vienen.
Por que se falla que el logro es muy grant pecado e vedado asy en ley de natura commo en ley de escriptura e de graçia, et cosa que pesa mucho a Dios et por que vienen dannos e tribulaçiones alas tierras do se vsa, et consentir lo e julgar lo o mandar lo entregar es muy graue pecado; et sin esto es grant ermamiento e estroymiento delos algos e delos bienes delos moradores dela tierra do se vsa; et commo quier que
fasta aqui de luengo tienpo aca fue vsado e non estrannado commo deuia; nos por seruir a Dios e guardar en esto nuestra alma commo deuemos, e por tirar los dannos que por esta rrazon venian anuestro pueblo e alas nuestras tierras, tenemos por bien e defendemos que de aqui adelante ningun judio nin judia, nin moro nin mora, non sea osado de dar alogro por sy nin por otre. Et todas las cartas o priuillegios queles fueron dadas fasta aqui por queles fue consentido de dar alogro en çiertas maneras et auer alcalles e entregadores en esta rrazon, nos las tiramos e rreuocamos e las damos por ningunas con conseio de nuestra corte et tenemos por bien que non vala de aqui adelante commo aquellos que non podieron ser dados nin deuen ser mantenidos, porque son contra la ley segunt dicho es. Et mandamos atodos los julgadores e entregadores e otros ofiçiales quales quier de qual quier condiçion que sean en todos los nuestros rregnos e nuestro sennorio, que non julguen nin entreguen ningunas cartas nin contractos de logro de aqui adelante. Et de mas rrogamos e mandamos atodos los perlados de nuestro sennorio que pongan sentencia de descomunion en quales quier que contra esto fueren e denunçien las que estan puestas. Et por que nuestra voluntad es quelos judios se mantengan en nuestro sennorio; e asy lo manda sancta yglesia, por que aun se an atornar a nuestra fe e ser saluos segunt se falla por las profeçias, e por que ayan mantenimiento e manera de beuir e pasar bien en nuestro sennorio, tenemos por bien que puedan auer e conprar heredades para sy e para sus herederos en todas las çipdades e uillas e logares de nuestro rregalengo e en sus terminos en esta manera: de Duero allende fasta en quantia de treynta mill mr. cada vno desque ouier casa por sy; et de Duero aquende por todas las otras comarcas fasta quantia de veynte mill mr. cada vno commo dicho es. Et esto que asy conpraren e ouieren, que sea demas delas heredades que oy an do quier quelas ouieren e delas casas de su morada e delas casas que ouieren en sus juderias; pero enlos otros sennorios que non sea abadengo nin behetria nin solariego, que puedan conprar de aqui ade- lante fasta la dicha quantia con voluntad del sennor cuyo fuere el logar e non de otra guisa.Por que enlos rregnos del nuestro sennorio an medidas e pesos departidos por lo qual los que venden e conpran rreçiben muchos engannos e dannos, tenemos por bien que en todos los logares de nuestros rregnos quelas medidas e pesos que sean todas vnas en esta manera: oro e plata e todo byllon de moneda que se pese por el marco de Colonna e que aya enel ocho onzas. Et cobre e fierro e estanno e plomo e azogue e miel e çera e azeyte e lana e los otros aueres que se venden apeso, que se pesen por el marco de Tria, e que aya enel marco ocho onças, e enla libra dos marcos, e enla arroua veynte e çinco libras destas, saluo el quintal de fierro, que se vse e pese enlas ferrerias e puertos dela mar do se faze ose carga, segunt que fasta aqui se vsó et el quintal del azeyte, que sea en Sseuilla e enla frontera de diez arrouas el quintal commo se vsó fasta aqui. Et enlas villas e logares do an arrelde, que aya enel arrelde quatro libras del dicho peso. Otrosy tenemos por bien que el pan e el vino e todas las otras cosas que se suelen medir, que se midan e vendan por la medida toledana, que es la fanega doze çelemines, et la cantara de ocho açunbres, e media fanega e çelemin e medio çelemin, e media cantara e açunbre e medio açunbre, aesta rrazon. Et el panno e el lienço e el sayal e todas las otras cosas que se venden a varas, que se vendan por la vara castellana, et en cada vara que den vna polgada al traues, et que midan el panno porla esquina del. Et quales quier que vsasen por otros pesos opor otras medidas, sinon por estas que dichas son oen otra manera dela que dicha es, que ayan las penas que mandan los fueros e los derechos contra-los que vsan de medidas falsas opesos, et que sea la pena dellos para los quela suelen auer.
Por que nos fue dicho que algunos que andauan con nuestras cartas enlas uillas e logares del nuestro sennorio rrecabdando algunos dere-
chos e penas e calonnas, que dizen que pertenesçen ala nuestra camara, et que demandauan muchas cosas sin rrazon e fazian muchos agrauios alos dela nuestra tierra, leuando dellos muchos cohechos sin rrazon commo non deuian, delo qual se siguia anos muy grant deseruiçio e aellos grant danno; nos por guardar esto tenemos por bien que non demanden ninguna destas cosas, saluo lo que fuer julgado o sentençiado enla nuestra corte por los nuestros alcalles en que vaya declarado el derecho o pena o calonna que pertenesçe ala nuestra camara, otrosy lo que fuer julgado por los alcalles e juezes delas uillas que an poder de julgar la justiçia; pero tenemos por bien quelo que estos alcalles o juezes libraren, que nos lo enbien mostrar, e que non sea fecho esecuçion dello fasta que aya nuestro mandado de declaraçion.Por que nos fue dicho e denunçiado que en algunas partes de nuestros rregnos, que tomaron e toman portadgos e peaies e rrondas e castellerias nueua miente desde que el Rey Don Sancho nuestro auuelo finó aaca, non auiendo priuileio nin carta delos rreyes onde nos venimos nin de nos por que lo podiesen tomar; et por que esto es contra derecho e es danno alos dela nuestra tierra, tenemos por bien que de aqui adelante ninguno non tome portadgo nin peaie nin rronda nin castelleria, non teniendo cartas opriuileios por quelo puedan tomar, onon lo auiendo ganado por vso de tanto tienpo que se pueda ganar segunt derecho. Et los que fasta aqui lo posieron de otra manera dela que dicha es, que por que fezieron grant osadia e atreuimiento, que finque en nos del dar aquella pena que entendieremos que cunple. Et sy de aqui adelante lo posiere nueua miente, sy el logar oel termino dolo tomare fuere suyo, quelo pierda e sea para nos; et sylo tomare en termino ageno, que torne todo lo que tomó con siete tanto e peche anos seys mill mr. desta moneda; et sy non ouiere esta quantia delos seys mill mr., que sea echado delos nuestros rregnos por dos annos e peche lo que tomó con siete altanto.
Algunas vezes fazemos perdones en que perdonamos la nuestra justiçia, saluo muerte segura, et toman dubda los julgadores commo se entiende muerte segura. Por ende tenemos por bien que enlos perdones que fasta aqui fezimos do perdonamos, saluo muerte segura, que se entienda ser segura la que fuere fecha sobre tregua osegurança por nos opor nuestra carta o atorgada por la parte. Et enlos perdones que fezieremos de aqui adelante, establesçemos que toda muerte se entienda ser segura, saluo la que se prouare que fuere peleada.
Asy es nuestra voluntad de guardar los nuestros derechos e de nuestros rregnos e sennorio, que otrosy guardemos las onrras e los derechos delos nuestros vasallos e naturales e moradores dellos. Et por que muchos dubdauan sy las çipdades e uillas e logares e la jurisdiçion e justiçia se podria ganar por otro por luenga costunbre opor tienpo, por quelas leyes contenidas enlos libros delas Partidas e del Fuero delas leyes e delas hazannas e costunbre antigua Despanna, et algunos que rrazonauan por ordenamientos de cortes, paresçe que eran entresy departidas e contrarias e escuras en esta rrazon; nos queriendo fazer merçed alos nuestros, tenemos por bien e declaramos que sy alguno oalgunos del nuestro sennorio rrazonaren que an çipdades o villas ologares o que an justiçia ojurisdiçion çiuil, et que vsaron dello ellos oaquellos donde ellos lo ouieron ante del tienpo del Rey don Alfonso nuestro visauuelo, oen su tienpo çinco annos ante que finase, e depues aca continuada miente fasta que nos conplimos edat de catorze annos, oquelo vsaron otouieron tanto tienpo que memoria de omes non es en contrario, et lo prouaren por cartas o otras escripturas çiertas opor testigos e omes de buena fama quelo vieron e lo oyeron a omes ançianos quelo ellos sienpre asy vieran o oyeran et que nunca vieron nin oyeron el
contrario, et teniendolo asy comunal miente los moradores del logar e delas vezindades, que esto atal, aun que non muestren carta opriuilleio de commo lo ouieron, queles vala et lo ayan de aqui adelante non seyendo prouado por la nuestra parte que en este tienpo los fue contradicho por algunos delos rreyes onde nos venimos e por nos opor otro en nuestro nonbre, vsando por nuestro mandado delas çipdades e uillas e logares odela justiçia o jurisdiçion çiuil, e apoderandolo de guisa que el otro dexase de vsar dello, ofaziendo los llamar ajuyzio sobre ello; enpero que sy por alguno delos rreyes onde nos venimos opor nos opor otro por nuestro mandado oen nuestro nonbre fue destaiado el tienpo, tomando la posesion dela justiçia odela jurisdiçion çiuil ola posesion delas çipdades ouillas ologares, et esto fue conplido de fecho sin connosçimiento de juyzio commo deuia, et despues fue cobrada la tenençia e posesion e vso por aquel oaquellos quelo ante tenian por mandado del Rey oen otra manera sin fuerza e sin enganno; que por tal defendimiento e toma non se entienda ser destaiado el tienpo en quela podie ganar, por que al Rey e ala su voz non se puedan defender los suyos. Et sy la tenençia e posesion e vso fue tomada e destaiada con connosçimiento de derecho commo deuia, et despues la cobró por mandado del Rey por le fazer graçia oen otra manera sin su mandado, que tal destaiamiento sea valedero, et declaramos quelos fueros e las leyes e ordenamientos que dizen que justiçia non se puede ganar por tienpo, que se entiende dela justiçia que el Rey á por la mayoria e sennorio rreal, que es conplir la justiçia dolos sennores menores la minguaren, et lo otros que dizen quelas cosas del Rey non se pueden ganar por tienpo, que se entienden delos pechos e tributos que al Rey son deuidos. Et establesçemos quela justiçia se pueda ganar de aqui adelante contra el Rey por espaçio de çient annos continuada miente sin destaiamiento ninguno e non menos, saluo la mayoria de la justiçia, que es conplir la nos do los sennores la minguaren commo dicho es. Et la jurisdiçion çiuil, que se gane contra el Rey por espaçio de quarenta annos e non menos.Pertenesçe alos rreyes e alos grandes prinçipes dar grandes dones façiendo merçed a los sus naturales e asus uasallos por que sean onrrados e rricos. Ca tanto es el Rey e el su estado mas onrrado quanto los suyos son mas onrrados e mas abondados: et por esto fezieron donaçiones de çipdades e villas e logares e otras heredades alos suyos asy ayglesias commo aordenes e rricos omes e fijos dalgo e aotros sus vasallos e naturales del su sennorio omoradores enel. Et por que algunos dezian quelos logares e justiçia e fonsado e fonsadera e las alçadas de los pleitos e las mynneras non se podian dar, e dando se nonbrada miente non pasauan para sienpre, por que en algunos libros delas Partidas e enel Fuero delas leyes e delas fazannas e costunbre antigua de Espanna e de ordenamientos de cortes en algunos dellos dezian que se daua aentender que estas cosas non se podian dar en ninguna manera, et en otros que se non podian dar sy non por el tienpo de aquel Rey quelo daua, et en otros logares dellos dizia que paresçe que se pueden dar e duran para sienpre, ssy fuere nonbrado enlos priuilleios; por ende nos por tirar esta dubda e por quelas merçedes e graçias e priuilleios delos rreyes e prinçipes deuen ser entendidas larga miente e deuen durar para sienpre, declaramos que enlas donaçiones que fueron fechas fasta aqui por los rreyes onde nos venimos opor nos ose fezieren por nos opor los que rregnaren depues de nuestros dias de aqui adelante, que non fueren dadas en tutorias ayglesias e monesterios e aordenes e alos nuestros rricos omes e fijos dalgo et alos otros nuestros vasallos e naturales del nuestro sennorio omoradores enel, en que sea contenido que se da justiçia e las cosas sobredichas oalguna dellas, quelas ayan e les seyan guardadas para sienpre, segunt que enlas palabras dela donaçion fuer contenido, Et declaramos quelo que dize enla Partida e enlos fueros, e que dizen algunos que fuera, asy ordenado en algunos ordenamientos de cortes,
que aun que estas cosas sean nonbradas enel priuilleio dela donaçion que non valen o que non duran sy non en uida del Rey quelo dio, que se entiende e á logar enlas donaçiones e enagenamientos que el Rey faze en otro Rey o rregno opersona de otro rregno que non fuese natural o morador en su sennorio; ca tal donaçion nin otro enagenamiento de qual quier manera que sea, por que se tornaria en grant mingua e danno del rregno, non lo puede fazer el Rey nin otro alguno de su sennorio; et sylo feziere, non vale nin deue durar, nin es tenudo el Rey quelo fizo nin sus herederos nin el rregno alo guardar nin consentir aotro de su sennorio quelo faga; et sy alguno de su sennorio lo fiziere, que pierda lo que asy enagenar, et de mas que finque en aluedrio del Rey del dar pena por ello qual la su merçed fuere, et esta paresçe la entençion del que ordenó la Partida seyendo bien entendida, et por que estas palabras puso fablando commo el rregno non deue ser partido nin enagenado ninguna cosa del aotro rregno; et sy las palabras delo que estaua escripto enla Partida e enlos fueros en esta rrazon ode otro ordenamiento de cortes sy lo y ouo, otro entendimiento an opueden auer, en quanto son contra esta nuestra ley, tiramos las e queremos que non enbarguen. Pero sy algunas sentençias odonaçiones opriuillegios diemos nos por ningunos opor non valederos por algunas otras rrazones, non es nuestra entençion delos auer por firmes nin estables ninlas confirmar agora por esta nuestra ley. Et aun declaramos e tenemos por bien que enlos logares que fueron ofueren dados aaquellos quelos pueden auer segunt dicho es et enlos otros del nuestro sennorio, que sienpre finque para nos e para los rreyes que depues de nuestros dias rregnaren, que sean tenudos los sennores dellos de fazer guerra e paz por nuestro mandado opor el suyo dellos despues de nuestros dias; et que podamos fazer justiçia syla minguaren los sennores, et que ande y nuestra moneda e delos que rregnaren despues de nuestros dias commo dicho es, et que non puedan fazer otra; et las otras cosas que pertenesçen al Rey por el sennorio rreal e se non pueden apartar del, et aun que estas cosas sean puestas enel priuilleio ocarta, oalguna delas otras que pertenesçen al Rey por el sennorio rreal e non se pueden apartar del, que non las pueda auer aquel aquien fueron otorgadas; pero sy enel priuillegio dela donaçion rretouiere el Rey para sy otras cosas asy commo moneda forera que suele rretener, yantar quando enel logar deque fuere fecha la donaçion acaesçiere, et alçadas e otros derechos; que esto que sea guardado segunt fuere contenido enel priuillegio ocarta. Et sy enlos priuillegios ocartas que fueron dadas por los rreyes onde nos venimos opor nos non se contiene nonbrada miente que da la justiçia, pero paresçiendo por las palabras del priuillegio que fue su entençion de gela dar, asi commo sy dixiese que rretenie para sy la justiçia sy el sennor del logar la minguase o que non entrase y meryno nin alcalle nin sayon nin otro ofiçial; por que paresçe por estas palabras e por cada vna dellas quela entençion del Rey fue dar la justiçia, por que non podrie minguar la justiçia el sennor sy la non ouiese, otrosy ssy meryno nin alcalle nin sayon nin otro ofiçial non entrase enel logar non auria quien fazer la justiçia syla el sennor non feziese; tenemos por bien que aquel aquien asy fue dado el logar, que aya la justiçia sy usó della; et sy dixiese enel priuillegio ocarta quel daua el logar entera miente non rreteniendo para sy ninguna cosa, o que diga que gelo daua con todo poderio de sennorio ocon todo el sennorio rreal ocommo al sennorio rreal pertenesçe, por quelos rreyes antiguos vsauan de tales palabras en los priuillegios e cartas delas donaçiones que fazian e dan titulo para poder ganar por tienpo; queremos e mandamos que aquel aquien asy fue dado el logar, que aya la justiçia sy vsó della continuada miente por tienpo de quarenta annos, non seyendo destaiada por alguna delas maneras que se contien enla ley que comiença Asy es nuestra voluntad, osy el Rey ootro por el vsó despues dela justiçia por tanto tienpo quela pudo ganar, ca estonçe en todos los casos sobredichos e en cada vno dellos la puede el Rey auer; pero quela justiçia mayor que es, do el sennor nonla conpliere conplirla á el Rey, que sienpre finque al Rey; por que es cosa que del non se puede apartar en ningun tienpo nin por ninguna manera. Et sy enlos priuillegios ocartas se contien quel da el logar con todos sus derechos que á en aquel logar e deuie auer en qual quier manera, et non se contien enel quel da la justiçia nin se contien quel da ninguna delas cosas sobredichas, entiendese quel da los pechos e las rrentas e calonnias e tributos e derechos dela heredat, et la jurisdiçion delos pleitos çiuiles e las eredades que el sennor auia enel logar, e non la justiçia; enpero sy algunos vsaron della tanto tienpo continuada miente quela ganasen segunt se contien enla ley sobredicha ante desta que comienza Asy es nuestra entençion, quela ayan e les sea guardada; et sy començaron avsar dela justiçia desde çinco annos ante que el Rey don Alfonso nuestro visauuelo finó aaca, non auiendo vsado los çinco annos conplidos en tienpo del Rey don Alffonso, que por quelos tienpos pasaron en tal manera que non podieron ganar por tienpo las cosas sobredichas contra nos, tenemos por bien queles non vala nin puedan vsar della.Nuestra entençion e nuestra voluntad es quelos nuestros naturales e moradores delos nuestros rregnos sean mantenidos en paz e en justiçia: et commo para esto sea mester de dar leyes çiertas por do se libren las contiendas e los pleitos que acaesçieren entre ellos, et maguer que enla nuestra corte vsan del Fuero delas leyes e algunas villas del nuestro sennorio lo an por fuero e otras çipdades e uillas ayan otros fueros departidos por los quales se pueden librar algunos pleitos; pero por que muchas mas son las contiendas e los pleitos que entre los omes acaesçen e se mueuen de cada dia que se non pueden librar por los fueros; por ende queriendo poner rremedio conuenible aesto, establesçemos e mandamos quelos dichos fueros sean guardados en aquellas cosas que se vsaron, saluo en aquello que nos fallaremos que se deue meiorar e emendar e enlo que son contra Dios e contra rrazon ocontra las leyes que en este nuestro libro se contienen. Et los pleitos e contiendas que se non podieren librar por las leyes deste libro e por los dichos fueros, mandamos que se libren por las leyes contenidas enlos libros delas siete Partidas que el Rey don Alfonso nuestro visauuelo mandó ordenar, commo quier que fasta aqui non se fabla que fuesen publicadas por mandado del Rey nin fueron auidas nin rresçibidas por leyes; pero nos mandamos las rrequerir e conçertar e emendar en algunas co-
sas que cunplia. Et asy conçertadas e emendadas, por que fueron sacadas e tomadas delos dichos delos sanctos Padres e delos derechos e dichos de muchos sabios antiguos e de fueros e de costunbres antigos de Espanna, damos las por nuestras leyes. Et por que sean çiertas e non aya rrazon de tirar e emendar e mudar en ellas cada vno lo que quisiere, mandamos fazer dellas dos libros, vno seellado con nuestro seello de oro, et otro seellado con nuestro seello de plomo para tener en la nuestra camara, por que enlo que dubda ouiere, quelas conçierten con ellas. Et tenemos por bien que sean guardadas e valederas de aqui adelante enlos pleitos e enlos juizios e en todas las otras cosas que se enellas contienen, en aquello que non fueren contrarias alas leyes deste nuestro libro e alos fueros sobredichos. Et por quelos fijos dalgo de nuestros rregnos an en algunas comarcas fuero de aluedrio, et otros an otros fueros porque se julgan ellos e sus uasallos, tenemos por bien queles sean guardados sus fueros aellos e a sus vasallos segunt quelo an de fuero e les fueron guardados fasta aqui. E otrosy en fecho delos rrieptos, que sea guardado aquel vso e aquella costunbre que fue vsada e guardada en tienpo de los otros rreyes e enel nuestro. Otrosy tenemos por bien que sea guardado el ordenamiento que nos agora fezimos en estas cortes para los fijos dalgo, el qual mandamos poner en fin deste nuestro libro. Et por que al Rey pertenesçe e á poder de fazer fueros e leyes e delas entrepetar e declarar e emendar do viere que cunple, tenemos por bien que sy enlos dichos fueros e enlos libros delas Partidas sobredichas oen este nuestro libro oen alguna oalgunas leyes delas que enellas se contiene fuere mester interpretacion odeclaraçion, oemendar o ennader o tirar o mudar, que nos quelo fagamos. Et sy alguna contrariedat paresçiere enlas leyes sobredichas entresy mismas oen los fueros oen qual quier dellos, oalguna dubda fuere fallada enellos, oalgun fecho que por ellas non se pueda librar, que nos que seamos rrequerido sobrello por que fagamos interpretaçion odeclaraçion o emienda do entendieremos que cunple, et fagamos ley nueua la que vieremos que cunple sobrello por quela justiçia e el derecho sea guardado. Enpero bien queremos e sofrimos quelos libros delos derechos quelos sabios antigos fezieron, que se lean enlos estudios generales de nuestro sennorio, por que á enellos mucha sabidoria e queremos dar logar quelos nuestros naturales sean sabidores e sean por ende mas onrrados.Muchos delos nuestros rregnos, asi perlados commo rricos ommes e Ordenes de caualleria e otras yglesias e monesterios e caualleros e otras personas del nuestro sennorio an villas e logares en que an sennorio e jurisdiçion, et en algunos logares omezillos e calonnas, e es nuestro de proueer que en todo el nuestro sennorio sea guardada e mantenida justiçia e derecho; por ende tenemos por bien e mandamos que todas estas cosas contenidas en este nuestro libro sean auidas por leyes e se guarden en todos los rregnos e tierras del nuestro sennorio, et quelas fagan guardar cada uno enlas uillas e logares do an sennorio e jurisdiçion. Otrosy que aya cada vno dellos enlos logares que dichos son las penas sobredichas segunt quelas nos rretenemos para la nuestra camara enlos nuestros logares. Et qual quier delos sennores quelo asy non guardaren, errar lo y an commo aquel que non quier guardar las leyes fechas por su Rey e por su sennor. Et conpliremos la justiçia enel logar do se minguar, enla manera que deuieremos.
Por tirar contiendas e peleas que acaesçen entre los fijos dalgo et dannos e males e rrobos que venian ala tierra por los desafiamientos que se fazian entrellos suelta miente commo non deuian; ordenamos enel ayuntamienta que fezimos en Burgos enel anno dela era de mill e trezientos setenta e seys annos con conseio de Don Iohan Nunnez Sennor de Vizcaya nuestro mayordomo mayor e nuestro alfierez, e delos
otros omes buenos e fijos dalgo que se y acaescieron connusco, que non se podiesen fazer los desafiamientos sy non en çierta manera enel dicho ordenamiento contenida. Et agora en estas cortes que fezimos en Alcala de Henares pedieron nos merçed queles tirasemos el dicho ordenamiento e les otorgasemos que se podiesen desafiar commo lo auien de fuero, et nos con acuerdo de nuestra corte e con conseio dellos, por que fallamos que esto que nos pidien era mas sin danno e sin peligro dellos, touimos lo por bien e ordenamos lo en esta guisa.Estas son las cosas por que puede desafiar un fidalgo aotro: por ferida opor prision del que desafia, opor correr conel. Otrosy por muerte de padre ode madre ode auuelo ode auuela ode visauuelo ode visauuela ode fijo ode fija ode nieto ode nieta ode visnieto ode visnieta, opor muerte de hermano ode hermana ode tio ode tia primo o prima de su padre o de su madre ode primo osegundo del que desafia, o por ferida opor prision delos sobredichos varones ode qual quier dellos, auiendo ellos enbargo porque non podiesen desafiar e seguir enemistad, et por las parientas enlos dichos grados opor su muger del que desafiar por que son personas que non pueden desafiar nin seguir enemistad. Et sy los sobredichos varones oqual quier dellos non quisieren por su desonrra, delas dichas cosas opor alguna dellas desafiar nin seguir enemistad pudiendo lo fazer, que otro su pariente non pueda desafiar por ello.
Otrosy sy algun fidalgo fuere de vn logar a otro do mora otro fidalgo do estodiere el osu muger osu madre, e firiere omatare oprendiere algun peon del fidalgo que y morare oestodiere, que por esto quel pueda desafiar el que rreçibiere la desonrra; et sy algun fidalgo opeon que biuiere con otro cauallero o omme fidalgo fiziere esto que dicho es,
que aquel con quien biuiere quelo non acoga e quelo eche de sy. Et sy fidalgo fuere e lo acogiere e non lo echare de sy, que pueda desafiar el que rresçibio la desonrra aaquel quelo acogiere al fidalgo que este malefiçio feziere, seyendo afrontado primera miente el quelo acogiere por el meryno del Rey opor el querelloso; et sy el que feziere el malefiçio fuere peon, que aquel con quien biuiere que sea tenudo delo entregar al meryno del Rey sylo podiere auer; et sylo non feziere seyendole afrontado commo dicho es, quel pueda desafiar por ello el que rresçibio la desonrra, et el meryno del Rey que tome al peon e quel dé la pena segunt su fuero sin ningun alongamiento. Otrosy sy algun fidalgo fuere de vn logar a otro do mora otro fidalgo ó estodiere el osu muger osu madre e tomare o prendare y alguna cosa por fuerça, que pueda ser desafiado por ello, saluo sy el que esto fiziere fuere meryno del Rey ootro ofiçial que aya la justiçia opoder para lo fazer. Otrosy sy algun fidalgo yoguiere con alguna parienta que otro fidalgo tenga en su casa, seyendo el fecho sabido, ola leuare oforçare, quel pueda desafiar por ello; et que por otras cosas algunas non puedan desafiar. Et quando desafiar oenbiar desafiar, que sea tenudo delo fazer saber el quel desafiar la rrazon por quelo desafia, et que del dia que desafiare fasta nueue dias conplidos non pueda fazer al desafiado desonrra nin mal nin muerte el que lo desafiar oenbiar desafiar fasta que sean pasados los dichos nueue dias. Et sy por otras cosas algunas desafiare sy non por las que dichas son oen otra manera de commo dichoes, que el desafiamiento sea ninguno; et el quelo feziere que salga dela tierra por dos annos et que deste atal que finquen los bienes en guarda del Rey. Et este desterramiento quelo non perdone el Rey; et sylo perdonare, quier por su talante opor pedimiento de otro, que en estos dos annos que auia aestar fuera del rregno, que non pueda querellar nin demandar nin sea tenido alguno del rresponder; et el que sea tenudo de rresponder alos que del querellaren oalguna cosa le demandaren.Otrosy sy vn fidalgo desafiare aotro por las cosas sobredichas opor alguna dellas et dixiere quel desafia por otras presonas parientes o amigos, que estos que asi nonbraren que non puedan ser contra el desafiado para le fazer danno nin desonrra nin lo ferir nin matar, sy non yendo con aquel que fizo el desafiamiento, mas por sy mesmos que non sigan enemistad nin omezillo conel desafiado.
Tenemos por bien que por los fechos que acaesçieron entre los fijos dalgo despues del dicho ordenamiento de Burgos fasta el dia de oy, que se puedan desafiar commo enel dicho ordenamiento se contien e non en otra manera. Et por los fechos que de aqui adelante acaesçieren, que se guarde este ordenamiento que agora fazemos.
Otrosy por quelos omes buenos e fijos dalgo que eran connusco en estas cortes nos pidieron merçed que por que delas casas fuertes e delos castiellos que ellos an non se podiese fazer danno nin malfetria, quelos tomasemos todos en nuestra guarda e en nuestra acomienda e en nuestro defendimiento, por que ninguno nin ningunos non se atreuiesen atomar casas nin castiellos vnos aotros por fuerça nin por furto nin los derribasen; nos por les dar logar que biuan en paz e en asesiego, e los malfechores non fallasen esfuerço nin cobro, nin ellos ayan a tener enlas fortalezas que an muchas conpannas que mantenien en ellas, touimos lo por bien et aseguramos todas las casas fuertes e castiellos que an todos los perlados et rricos omes e ordenes e fijos dalgo e otros quales quier delos nuestros rregnos e del nuestro sennorio, et tomamos los en nuestro seguramiento e en nuestra guarda e que vnos aotros non
selas tomen nin otros ningunos. Et qual quier oquales quier quelas tomaren aotro por fuerça opor furto olas derribaren, que mueran por ello e que mandemos fazer justiçia enel oenellos, asi commo en aquellos que quebrantan seguramiento de su Rey e de su sennor; et delos sus bienes, que peche la casa conel doblo asu duenno; et sy la tomare e non la derribare que muera por ello e pierda la demanda que auia contra ella. Et aquel que en esta pena cayere, quelo non acoja ninguno; et sylo cabtouiere, que sea tenudo de pechar la casa que derribó conel doblo acuya fuere la casa. Et sy la furtó e la tomó e non la derribó, que peche altanto delo suyo commo valia la casa aaquel cuya fuere, et que sea tenudo de entregar la ala nuestra justiçia. Pero que sy de alguna oalgunas casas fuertes ocastiellos se fizieren furtos orrobos omalhetrias ose acogieren y algunos malfechores, que el meryno mayor de aquella tierra ootro qual quier meryno do fuere la casa oel castiello, que pasen contra ellos en aquella manera que deuen e que es de fuero e de derecho Otrosy por que nos fezimos ordenamiento que qual quier que sacase cauallo fuera delos rregnos quel matasen por ello e perdiese lo que ouiese, et esto que se entienda tan bien por los fijos dalgo commo por todos los otros, por que ellos an mas mester los cauallos mas que todos los otros para nuestro seruiçio e deuen se mas guardar delo fazer que otros ningunos.Otrosy e ordenamos de commo nos an de seruir los nuestros vasallos
por las soldadas queles mandaremos librar en tierra e en dineros en esta manera.Primera miente que dela quantia queles mandaremos librar aqual quier nuestro vasallo, quel sea descontado ende para que non sea tenido de seruir por ello con omes de cauallo nin de pie, la terçia parte para el guisamiento de su cuerpo e para la su costa, et esta terçia parte que sea descontada delos dineros quel fueren librados.
Et cada uno por esta terçia parte quel es descontada, que sea tenudo de leuar el cuerpo e su cauallo armado e de leuar quexotes e cannilleras. E por las dos partes que fincaren del libramiento, sacada la terçia parte tan bien dela tierra çierta commo delos dineros, que sea cada vno tenudo de seruir, por cada mill e docientos mr. con vn omme acauallo.
Et cada vno sea tenudo de traer sendos omes de pie por cada omme acauallo que troxiere; la meytad destos omes de pie que troxiere que sean lançeros e la otra meytad ballesteros.
E los omes buenos que traen pendones e tienen de nos quitaçiones e gelas mandamos librar al tienpo del libramiento, queles sean contados los mr. queles mandaremos librar en quitaçiones en cuenta del
su libramiento, para que sean tenudos de seruir por estas quitaçiones asi commo es tenido de seruir por su libramiento.Et todos los omes acauallo con que cada vno es tenido a seruir segunt este ordenamiento, que sean tenudos delos traer al seruiçio guisados de ganbaxes e de lorigas e de capellinas e de gorgeras, ode foyas e capellina e gorgera, e de lorigon e de gorgera e de capellina. Los cauallos que cada vno ouiere atraer segunt este ordenamiento, que sean de quantia de ochoçientos mr. odende arriba e non de menos et esto que sea sobre jura del quelo conpró. Et los omes buenos que an pendones, que sean tenidos aleuar cada diez omes acauallo vn omme de acauallo el cuerpo e el cauallo armado, e con quexotes e cannilleras de mas del cauallo que es tenudo de traer. Et quel sea contado por este omme acauallo armado mill e quatroçientos mr. del su libramiento.
En este libramiento que non entren los rricos omes e caualleros e escuderos dela frontera nuestros vassallos e de mios fijos, aquellos que tienen tierra de nos odellos e an a seruir por ella.
Et todos aquellos aquien nos mandaremos librar las sus soldadas tan bien los omes buenos commo todos los caualleros e escuderos vasallos delos omes buenos e los que fueren con los caualleros, que sean tenudos de seruir por sus cuerpos alli doles mandaremos, et aquel plazo queles mandaremos todo aquel tienpo que son tenudos de seruir e con tantos omes acauallo, dellos los cuerpos armados e los cauallos armados, e dellos los cuerpos armados e non los cauallos et cada vno con vn omme de pie segunt dicho es.
Et qual quier de todos estos que dichos son que non fueren seruir por sus cuerpos ally doles mandaren o [non] enbiaren sus conpannas, ellos
non podiendo por sus cuerpos yr, mostrando por escusa çierta opor rrecabdo çierto que non podieron yr, que pechen el libramiento queles fue fecho conel doblo e que salgan dela tierra por çinco annos. Et sy en comedio delos çinco annos entraren enla tierra, quelos maten por ello doquier quelos fallaren. Et que nos quelos non podamos perdonar ninguna cosa destas. Et esta pena delos dineros que sea la meytad della para nos et la otra meytad para aquel queles ouiere fecho el libramiento; et sy nos gelo ouiesemos fecho, que sea toda la pena delos dineros para nos.Et qual quier que se partiere de nos ode aquel quel da la soldada sin nuestro mandado ante que se cunpla el tienpo del seruiçio otomare libramiento de dos sennores o de mas de dos, que lo maten por ello. Et despues que se cunpliere el tienpo del seruiçio, dando les su sueldo en esta guisa alos omes acauallo segunt nos vieremos que es aguisado e segunt el tienpo, et alos de pie acada lançero vn mr. cada dia et acada ballestero treze dineros cada dia, que se non puedan yr, et sy se fueren, quelos maten por ello do quier quelos fallaren, et nos queles non perdonemos la nuestra justiçia.
Et qual quier que non fuere connusco ocon aquel quel da la soldada al quele nos posieremos dende aocho dias, que sea tenudo de seruir dos tantos dias commo fueren los dias que tardaren, sin darles sueldo pasado el tienpo del seruiçio del libramiento. Et sy mas delos ocho dias tardaren non seyendo nos entrado atierra delos nuestros enemigos allende del postremero logar frontero del nuestro sennorio, que sea tenudo de seruir dos tantos dias commo fueren los dias que tardaren; et sy nos fueremos entrado commo dicho es delos ocho dias en adelante, que aquel que tardare, quel maten por ello, et nos quel non perdonemos la nuestra justiçia.
Et qual quier que veniere ante del plazo quel nos posieremos, quel non sean contados enel tienpo del seruiçio los dias que veniere en ante.
Et todo este ordenamiento que se entienda en todos los nuestros vasallos e en todos los vasallos de todos los otros. Et todas las penas que dichas son que cayan enellas todos aquellos que non mostraren escusa derecha con rrecabdo çierto.
Et qual quier que non troxiere tantos omes acauallo armados e non armados e omes de pie lançeros e escudados e ballesteros commo dicho es, e los non troxiere guisados commo dicho es, onon valieren los cauallos cada vno ochoçientos mr. odende arriba commo dicho es, que por cada omme acauallo quelos minguare onon los troxiere guisados commo dicho es, que sea tenudo de pechar anos conel doblo lo que montare el su libramiento de aquellos que minguare. Et el cauallo que non valiere la dicha quantia que gelo mandemos nos tomar e sea para nos. Et por cada omme de pie quel minguare, que peche doçientos mr. desta moneda que fazen diez dineros el mr., et esta pena que sea otrosy para nos.
Et sy alguno touiere tierra de nos ode otro qual quier e se partiere de aquel quela touiere ante del tienpo del libramiento, quelo que ouiere leuado dela tierra de aquel anno en que ouiere de seruir conella e conel libramiento, que peche la tierra que ouiere leuada conel doblo aaquel de quien touiere la tierra.
Et todos los omes buenos rricos omes e caualleros nuestros vassallos e los caualleros vasallos delos otros e cada vno dellos, que sea tenido de traer armas enfiestas, aquellos que ouieren guisado para las traer.
Et del dia que llegaren anos segunt el plazo queles posiermos e dende adelante en quanto durare la hueste, que ninguno non venda nin enpenne cauallo nin armas ningunas; et sy lo feziere, que peche doçientos mr. para el nuestro aguazil, et el aguazil quelo pueda prendiar por ello, et syl non prendar, quelo peche anos conel doblo. Et qual quier quelo conprare olo tomare a pennos, que pierda aquello que conprare otomare apennos et la quantia que diere sobre ello, et lo que se vendiere ose enpennare que sea la meytad dello para nos e la otra meytad para el nuestro aguazil; et esto que sea del dia quelo nos man-
daremos pregonar en adelante. E en quanto durare el seruiçio que ouiere afazer tan bien por el libramiento commo por el sueldo, que ninguno non sea osado de jugar juego de dados nin de tablas adineros nin sobre pennos. Et qual quier que jugare segunt dicho es, que por cada vegada que jugare, que peche çient mr. dela dicha moneda. Et esta pena que sea para el nuestro aguazil e que pueda prendar por ella; et sy non prendiare, quelo peche el aguazil anos con el doblo. Et qual quier cosa que qual quier ganare tan bien dineros e armas e bestias e otros pennos quales quier, que sea tenudo delo tornar aaquel aquilo ganare Et el que non ouiere los dichos çient mr. dela dicha pena, que esté preso enla cadena treynta dias.Porque fallamos que el Enperador Don Alfonso enlas cortes que fizo en Najara establesçio muchos ordenamientos a pro comunal delos perlados e rricos omes e fijos dalgo e de todos los dela tierra, nos viemos el dicho ordenamiento e mandamos tirar ende algunas cosas que non se vsauan e otras que non conplien alos nuestros fijos dalgo nin alos otros dela nuestra tierra, et declaramos algunas cosas delas que enel dicho ordenamiento se contienen, que fallamos que eran buenas e prouechosas a pro comunal de todos los sobredichos, et sennalada miente a guarda e a onrra de los nuestros fijos dalgo, las quales con acuerdo de nuestra corte e con conseio de todos los fijos dalgo, mandamos que se guarden de aqui adelante, e son estas que se siguen.
Sy alguno oalgunos fezieren asonadas e los adelantados omerynos mayores olos alcalles del Rey que andan conellos o qualquier delos merynos de qual quier meryndat oalguno delos alcalles oalguaziles dela comarca ouilla do fuer, ootro omme qual quier aun que non sea ofiçial, con carta del Rey seellada con su seello ocon su aluala en que esté escripto su nonbre, rrecudiere ala asonada e dixiere e afrontare alos dela vna parte e dela otra oaqual quier que se partan dela
asonada, oles mandaren oafrontaren de parte del Rey que den tregua los vnos alos otros enon lo quisieren fazer, osy los adelantados o merynos olos alcalles o alguazil o qual quier dellos posieren tregua e segurançia entre ellos de parte del Rey e la non quisieren guardar, que aquel oaquellos quelo asi non quisieren conplir nin guardar e ouieren casas fuertes, que gelas derriben. Et los que el meryno podiere tomar delos que asy non quisieren conplir e guardar lo que dicho es, que los prenda e los traya al Rey por que el faga dellos lo quela su merçed fuere; et sy casas fuertes non ouieren, que salgan dela tierra por quatro annos, et aunque el Rey los perdone por su talante oapedimiento de otre, que en estos quatro annos que auian aestar fuera del rregno, que non puedan querellar nin demandar nin sea tenudo alguno del rresponder et ellos que sean tenudos de rresponder alos que dellos querellaren oalguna cosa les demandaren. Et en esta misma pena cayan los que en yendo alas asonadas aayudar aalgunos dellos e les fuere dicho e afrontado omandado por los dichos ofiçiales opor qual quier dellos que se tornen e lo non quisieren fazer.Todos aquellos que venieren alas asonadas ofezieren asonadas, los que salieren de sus casas veniendo por el camino fasta que lleguen aaquel logar en cuya ayuda venieren, odesque del se partieren e tornandose para sus casas alguna malfetria fezieren, quela pechen los quela fezieren olos sus bienes con quatro tanto al Rey. Et alos que rreçibieren el danno, quelo pechen doblado; et del derecho del Rey que aya el terçio el meryno que fiziere la entrega; enpero que sean ante pagados los duennos que rresçibieren el danno delo queles fue tomado conel doblo. Et desque salieren con aquel en cuya ayuda venier, quanto conel ocon su conpanna fezieren en pasada oen morada oen venida, todo danno que fezieren, el quelos llamó ala asonada sea tenudo alo
pechar asi commo sobredicho es. Et el meryno conlos pesqueridores faga pesquisa sobre esto que asy fuer tomado, segunt fuero; et sy fallare por la pesquisa el que fizo la malhetria, faga gelo emendar segunt dicho es; et sy non fallare por la pesquisa el quelo fizo, faga lo emendar aaquel que fizo las asonadas Et sy por pesquisa non se podier fallar el danno que asy fue fecho, jure el sennor dela behetria odel solariego conlos labradores sobre la cruz e los sanctos euangelios, et todo quanto jurare sea tenudo apagar el que jurare quelo fizo si bienes ouier, et sy non el quelo llamó alas asonadas commo dicho es; et sy bienes non ouiere el que fizo el danno oel quelo llamó para lo pagar, que salgan dela tierra por dos annos. Et sy ante destos dos annos ouiere de que pagar, que pagando lo, que pueda entrar enla tierra desquelo pagar; pero sy depues que tornase ala tierra le fallasen bienes, que sea tenudo alo pagar, et sy fuer rregalengo oabadengo non faga mengua sy non venier con meryno de su sennor ocon jurado; mas por sy mismos puedan querellar el danno que rreçibieron al meryno del Rey, et sy el meryno del Rey lo sopiere en verdat, entregue alos querellosos conel doblo e conel quatro al tanto al Rey. Otrosy el meryno mayor o qual quier meryno que ouiere de fazer las entregas por el Rey, entregue enlos bienes de aquellos que el conducho tomaren commo non deuian. Et entreguen aquellos quelas malfetrias fezieron alos querellosos e alos sennores dellos e al abadengo lo que tomaren e al solariego lo que tomaren. Et delas entregas que fezieren, los merynos tomen la terçia parte para sy e al Rey den le todo su derecho commo dicho es.Otrosy establesçemos e mandamos que ninguno rrico ome nin cauallero nin ome fijo dalgo que non tome conducho nin otra cosa, nin faga otra malfetria en todo lo que fuer de nuestro sennorio nin enel abadengo que es tanto commo lo nuestro, por asonadas que ayan entresy nin por mouimiento que ayan de alboroco nin por quelos llamemos para nuestro seruiçio. Et sy algunos fueren allamamiento de asonadas, que vayan con su conducho ocon conducho de aquellos quelos llamaren. Et los que al nuestro llamamiento fueren, que vayan conlos dineros delas soldadas que de nos tienen. Et quien de otra manera tomare conducho ootra cosa commo dicho es, quelo pague conel quatro al tanto anos, et el doblo aquel aquien lo tomare commo dicho es; et si non ouiere de quelo pagar, que aya la pena que desuso es dicha, saluo sylo pagase luego odiesen pennos quelo valiesen.
Graue cosa es alos rreyes que ningunos de sus naturales sean denostados de denuesto de trayçion ode aleue: por esta rrazon el Enperador don Alffonso ordenó e establesçio enlas cortes de Nagera que qual quier que quisiere rreptar aotro, quelo dixiese primera miente al Rey e pedir le merçed quel otorgase que podiese rreptar; et por que fallamos que el dicho ordenamiento es bueno e con rrazon e aguarda delos fijos dalgo de nuestro sennorio, establesçemos e mandamos que ninguno non sea osado de acusar nin de rreptar aotro sobre trayçion oaleue, fasta que primera miente lo muestre al Rey en su poridat; por que sy el Rey vier que el fecho es tal sobre que pueda auer emienda e se puede escusar la acusaçion o rriepto, quel faga fazer emienda la que entendier que cunple e se escuse la acusaçion oel rrepto; et sy el Rey fallar quela acusaçion oel rriepto non se puede escusar, quel consienta que pueda acusar o rreptar, e quelo pueda fazer. Et sy aquel aquien quisiere acusar o rreptar sobre aleue fuer enla corte, que aun quelo aya dicho al Rey, que non pueda fazer la acusaçion o rriepto fasta nueue dias, et sy non fuer enla
corte, quel non pueda ser fecho el rriepto nin la acusaçion fasta que el Rey gelo faga saber de su ofiçio, e que aya plazo de treynta dias para venir e los nueue dias mas; et sy non venier alos treynta dias o veniendo non se abenieren fasta los nueue dias, que dende adelante que pueda fazer la acusaçion o rriepto sobre aleue; enpero quela acusaçion o rriepto que fuer fecha sobre trayçion, non se pueda fazer sin mandado del Rey; et sy de otra guisa la acusaçion o rriepto de trayçion se feziere, quela non oya el Rey e quelo escarmiente al quelo feziere commo la su merçed fuere, parando mientes alas palabras dela acusaçion o rrepto. Et sy algun fidalgo acusare o rreptare aotro sobre rrazon de aleue non guardando loque sobredicho es, que el Rey que dé al acusado o rreptado por quito dela acusaçion odel rriepto. Et el acusador o rreptador, sy fuere rriepto, que aya la pena que deue auer el que dize rriepto non lo podiendo dezir, et sy fuer acusaçion, que aya esta pena misma.Trayçion es la mas vil cosa que puede caer en el coraçon del omme e nascen della tres cosas que son contrarias dela lealtad e son estas: mentira e vileza e tuerto. Estas tres cosas fazen el corazon del omme tan flaco,
que yerra contra Dios e asu sennor natural e contra todos los omes faziendo lo que non deuen fazer. Tan grande es la vileza e la maldat delos omes de mala ventura que tal yerro fazen, que non se atreuen atomar venganza de otra guisa delos que mal quieren sy non encobierta miente e con enganno. Trayçion tanto quiere dezir commo traer vn omme aotro so semeiança de bien amal, et es maldat que tira asy la lealtad del corazon del omme. Caen los omes en yerro de trayçion en muchas maneras: la primera e la mayor e la que mas cruel miente deue ser escarmentada es la que tanne ala presona del Rey, asy comosy alguno se trabaiase delo matar o lo firiese o lo prendiese, ole feziese desonrra faziendo tuerto conla Reyna su muger ocon su fija del Rey non seyendo ella casada, ose trabaiar del fazer perder la onrra de su dignidat que tien. Otrossy qual quier que fiziere qual quier destos yerros sobredichos al Infante heredero, caerie este mismo caso, fueras ende sy el quisiese matar oferir oprender odeseredar al Rey su padre; ca estonçe que quier que fezieren los uasallos por defender al Rey su sennor, non deuen caer en pena por ende, ante deuen por ello auer galardon; et esto por que el sennorio del Rey deue ser guardado sobre todas las otras cosas. La segunda sy alguno se pone conlos enemigos para guerrear ofazer mal al Rey oal rregno oles ayudar de fecho ode conseio oles enbiar carta omandado por quelos aperçiban en alguna cosa contra el Rey o adanno dela tierra. La terçera sy alguno se trabaiare de fecho o de con- seio que alguna tierra o gente que obedeçiesen asu Rey se alçase contra el que nol obedesçiese tan bien commo solia. La quarta es quando algun Rey osennor de alguna tierra de fuera del sennorio quier dar al Rey la tierra donde es sennor, ole quier obedesçer dandol parias otributo e alguno de su sennorio lo estorua de fecho ode conseio. La quinta es quando el que tiene por el Rey castiello o villa ootra fortaleza se alça con aquel logar olo da alos enemigos olo pierde por su culpa opor algun enganno que el feziere. La sesta es quando alguno tiene castiello del Rey ouilla por omenaie o castiello de otro sennor por omenage, e lo non da asu sennor quando gelo pide, olo pierde non muriendo y en defendiendolo, teniendo lo basteçido e faziendo las otras cosas que deue fazer por defender el castiello segunt fuero e costunbre de Espanna, osy traxiese çipdat ovilla ocastiello del Rey maguer nonla touiese por el. La setena sy alguno desanparare al Rey en batalla e fuyer ose fuer alos enemigos o se fuese de la hueste en otra manera sin su mandado, ante del tienpo que deue seruir, osy alguno descobriese alos enemigos las poridades del Rey adanno del. La ochaua sy alguno feziese bolliçio oleuantamiento enel rregno faziendo juras e cofadrias de caualleros ode uillas contra el Rey, de que nasçiese danno ael oal rregno. La nouena quien poblase castellar vieio del Rey openna braua sin mandado del Rey para fazer deseruiçio al Rey oguerra o mal o danno ala tierra, osy alguno lo poblase por seruiçio del Rey, e non gelo feziese saber fasta treynta dias desde el dia quelo pobló, para fazer dello lo quel mandase. Et qual quier que tal fortaleza touiese aun que el non la ouiese poblado nin labrado mas otro alguno de quien la ouo, sea tenudo de venir al plazo del Rey e fazer della lo que el mandare asy commo de otro castiello que touiese por omenaie; et qual quier quelo asy non feziere, sea por ello traydor. Otrosy sy algunos omes son dados por arrehenes al Rey por cosa quel sea guarda del cuerpo odel estado opor que cobre alguna uilla o castiello osennorio o vasallaie en otro Rey o rregno osennorio, et alguno mata atodos los arrehenes oalguno dellos olos suelta olos faz foyr. Otrosy sy el Rey touiese algun omme preso de quien seyendo suelto le podria venir peligro al cuerpo odeseredamiento, e alguno lo soltase dela prision ofuyese conel; et qual quier que feziese alguna delas cosas sobredichas contra qual quier sennor que ouiese ocon quien biuiese, faria aleue connosçido; pero sy lo matase olo feriese olo prendiese ole feziese tuerto con su muger o non le entregase su castiello quando gelo pidiese otraxiese çibdat o villa o castiello mager non la touiese por el, enestas cosas faria trayçion e seria por ello traydor e meresçe morir muerte de traydor e perder los bienes; commo quier que este yerro non es tan graue commo la trayçion que feziese contra el Rey o contra su sennorio o contra el pro comunal del rregno, nin su linage non aya aquella manziella que auria enlo que tanxiese al Rey oal rregno.Las treguas e seguranças son de tres maneras. La primera es la que se da de vn Rey aotro, esta tregua que se dan los rreyes sea guardada de todos los delos sennorios delos rreyes despues que fuer pregonada e la sopieren opor otra manera maguer que non se açertasen y al poner della. La segunda es la que se dan entresy muchos omes, asy commo quando se dan tregua osegurançia de vn bando aotro, ca esta son tenudos de guardar todos los del vn bando e del otro. La terçera es la que da vn omme aotro; esta deuen guardar aquellos entre quien fuer puesta e los otros omes que biuieren conellos e ouieren de fazer su mandado. Et sy los bandos olo omes que ouieren enemistad entresy non se acordaren dedar se tregua osegurançia, puedan los apremiar los rreyes quela den olos sus merynos olos ofiçiales de cada logar que an poder de julgar ode conplir justiçia. Et mandamos que guarden bien la tregua asy puesta, asy commo sy ellos mismos la ouiesen puesto de su voluntad.
Deuen ser dadas las treguas e las seguranças en esta manera, que sepan çierta miente aquellos quelas tomaren olas posieren, quales son aquellos entre quien las ponen e quantos, e quelo fagan ante testigos opor carta, de guisa que non pueda venir en dubda e se pueda prouar sy mester fuere. Deuen prometer amas las partes que se guarden que non se fagan mal de dicho nin de fecho nin de conseio; commo quier quela tregua á logar sennalada miente enlos fijos dalgo despues que se desafian e non ante; pero bien se pueden dar tregua los otros omes que non son fijos dalgo e seran tenidos dela guardar depues quela otorgaren. Otrosy ordenamos quelos quebrantadores dela tregua odela segurançia, sy fueren fijos dalgo e la ellos ouieren otorgada, puedan ser rreptados por ende e caer enla pena que dize enlos rreptos. Sy fueren otros omes de menor guisa, el quien firiere oprisiere o matare aotro en tregua oen segurança, muera por ello; osy desonrrare, faga emienda abien vista del Rey o delos juyzes do esto acaesçier.Establesçemos que en esta manera se puedan fazer los rreptos. Todo fidalgo que pueda rreptar por tuerto odesonrra que caya en trayçion oen aleue quel aya fecho otro fidalgo, esto quelo pueda el fazer por sy mesmo; et sy fuer muerto el quien rreçibiere la desonrra, pueda rreptar el padre por el fijo e el fijo por el padre e el hermano por el hermano. Et sy tales parientes y non ouier, pueda lo fazer el mas çercano pariente que y ouier del muerto fasta segundos fijos de primos. Et aun establesçemos que pueda rreptar el vasallo por el sennor e el sennor por el uasallo. Et cada vno delos parientes del rreptado fasta quarto grado pueda rresponder por su pariente quando es rreptado asy commo dezimos. Mas por ome que fuese biuo non pueda otro ninguno rreptar, por que enel rrepto non puede ser rreçibido presonero, fueras ende quando alguno
quisiere rreptar aotro por su sennor opor su muger opor omme de orden opor tal que non puede nin deue tomar armas; ca bien tenemos por derecho que en fecho que en tales caya, bien puede rreptar vno delos parientes sobredichos mager sea biuo aquel por quien rreptar. Pero dezimos que ningun traydor nin aleuoso nin su fijo que ouo despues que fizo la trayçion oel aleue, non pueda rreptar aotro nin aquel que es julgado que fizo cosa por que uala menos. Otrossy que non pueda rreptar aotro omme aquel que sea rreptado, ante que sea quito del rriepto nin que sea desdicho por corte, nin pueda ninguno rreptar aquel con quien á tregua mientre durare la tregua, saluo sy durando la tregua le fizier alguna de aquellas cosas por que pueda ser dicho rriepto. Otrosy establesçemos que ninguno non pueda fazer rriepto ante ome ninguno sy non ante el Rey por corte, e non ante rrico omme nin meryno nin otro ofiçial del rregno; porque otro ninguno non á poder de dar al fidalgo por traydor nin por aleuoso nin quitar lo del rriepto sy non el Rey, tan sola miente por el sennorio que á sobre todos. Et establesçemos que todo fidalgo pueda ser rreptado que matare ofiriere oprisiere aotro fidalgo, non lo auiendo primera miente desafiado. El que rreptare por alguna destas rrazones puedal dezir que es aleuoso por ende.Declaramos e mandamos que despues que alguno rreptare aotro, que esten en tregua tan bien ellos commo sus parientes, e que se guarden vnos aotros en todas cosas, sy non enel rriepto e enlo que ael pertenesçe. Si acaesçiere que el rreptado muere en plazo o andando enla corte defendiendo su uerdat, finque su fama libre e quita dela trayçion odel aleue de quel rreptaron, e non enpeezca ael nin asu linage, pues que desmintio aaquel quel rreptaua e estaua apareiado para defenderse. Otrosy dezimos que quando el rreptado se echare alo que el Rey mandare e non a lid, que el Rey quelo mande saber por pesquisa.
Non veniendo el rreptado a rresponder al rriepto alos plazos quel fueren puestos, puedelo rreptar ante el Rey el quelo fizo enplazar tan bien
commo sy el otro estodiese presente; pero sy acaesçiere y padre ofijo ohermano opariente çercano fasta quarto grado, osennor por vasallo ovasallo por sennor, cada vno destos bien podria rresponder por el rriepto sy quisiere desmentir aquien lo rrepta: esto puede fazer por rrazon del debdo que á conel.El rreptado non puede desechar al rreptador por rrazon que aya otro pariente mas propinco del muerto; pero sy quisiere rreptar el otro pariente mas propinco del muerto, estonçe deue ser rrezibido ante que otro ninguno. Sy el rreptado se defendiere de qual quier delos quel rrieptan por lid opor pesquisa, e el rreptador fuere vençido, non lo puede otro dende adelante rreptar por aquella rrazon, maguer sea mas propinco el que despues lo quisiere rreptar; mas sy el rreptado se defendiere sin lid e sin pesquisa asy commo desechando la persona del rreptador por que non ouiese derecho de rreptar, estonçe non se podria escusar del rriepto que otro pariente mas propinco le feziese. Sy por auentura el rreptador dexase el rrepto despues que ouiese rreptado non lo queriendo leuar adelante, deuese desdezyr delante el Rey por corte diziendo que mintio enel mal que dixo al rreptado; et sy se desdixiese, dende adelante non pueda rreptar nin ser par de otro en lid nin en onrra; et sy se desdezir non quisiere, deuelo echar el Rey dela tierra e darle por enemigo aaquel quel rreptó, esto por el atreuimiento que fizo en dezir mal ante el de omme que era su natural, non auiendo fecho por que. Otrosy dezimos que sy el rreptado fuere vençido del pleito por quel rreptaron e dado por aleuoso, que deue ser echado dela tierra para sienpre e perder la meytad de todo quanto ouiere e ser del Rey. Mas non deue omme que sea fidalgo morir por rrazon de aleue, fueras ende sy el fecho fuese atan malo que todo omme quelo feziere ouiese de morir por ello; mas sy alguno fuese rrep-
tado por caso de trayçion e fuese vençido e dado por traydor. deue morir por ello e perder todos los bienes que á e ser del Rey.Dar deue el Rey juyzio contra el rreptado sy non veniere al plazo quel fue puesto en esta manera: faziendo lo rreptar otra vez ante sy por corte diziendo el quel fizo enplazar la rrazon porque lo rrepta et el yerro que fizo, mostrando los plazos quel fueron puestos e commo non vino aellos e contando todo el fecho en commo pasó. Des quelo ouiere contado, deue pedir merçed al Rey que faga y aquello que entendiere que deue fazer de derecho, et el Rey quando ouiere de dar la sentençia, deue fazer muestra quel pesa e dezir asy por su corte: Sabedes ya en commo fulano cauallero o fijo dalgo fue enplazado que veniese aoyr el rriepto, et ouo plazos aque se podiera venir defender se sy quisiera, segunt quelos deuia auer de derecho. Tan grande fue su mala ventura, que non ouo berguença de Dios nin de nos nin rreçelo de desonrra de sy mesmo nin de su linage nin de su tierra, nin se vino defender nin se enbio escusar de tan grant mal commo aqueste que oystes de quel rrieptan. Commo quier que nos pesa muy de coraçon en auer adar tal sentençia contra omme que sea natural de nuestra tierra e de nuestro sennnorio; pero por el logar que tenemos para conplir la justiçia e por quelos ommes se rreçelen de tan grant yerro e de tan grant mal commo este, damos lo por traydor opor aleuoso, et mandamos que do quier que sea fallado de aqui adelante, quel den muerte de traydor ode aleuoso, segunt que meresçe por tal yerro commo este que fizo.
Toda encartaçion que sea fecha delos sennores cuyo fue aquel logar dela encartaçion, sy los fiios o nietos odende ayuso nonles guardaren lo que fue puesto enla encartaçion de sus antecesores, tomando les mas de quanto an de tomar de derecho odesaforandolos non les guardando lo que es puesto, quelos dela encartaçion quelo querellen al Rey oal merino del Rey; et sy los sennores dela encartaçion non lo quisieren emen-
dar, que se puedan tornar de otro sennor que fuer natural de aquella encartaçion. Et ellos conel sennor ocon su meryno quelo puedan querellar al Rey oal su meryno, et el Rey oel meryno quelos anpare e los guarde en todo su derecho, et los faga fazer emienda del mal e danno que ouieren rreçibido; pero sy en alguna oalgunas cartas delas encartaçiones fuer contenido que el Rey deue auer algun derecho enla encartaçion por los sennores dellas nonles querer guardar la encartaçion segunt que deuen, que en esto que sea guardado al Rey su derecho segunt que enla carta dela encartaçion se contouiere.Ningun sennor que fuere de aldea ode solares e ouiere solariegos, non les pueda tomar el solar aellos nin asus fijos nin a sus nietos nin a aquellos que de su generaçion venieren, pagandoles los solariegos aquello que deuen pagar e su derecho. Et ningun solariego non pueda vender nin enpennar nin enagenar ninguna cosa de aquello que fuere del solar, saluo ende aotro solariego que sea vasallo de aquel sennor cuyo es aquel solar; et sy de otra manera lo vendiere olo enagenare, non vala e entre lo todo aquel cuyo es el solar. Et toda quanta ganançia feziere el solariego en aquel solar que vino de otro solariego ode fidalgo oconprare heredat, todo corra aaquel sennor cuyo es aquel solar, et sienpre corra aquel solar solariego; mas sy algo conprare del rregalengo, aquella heredat sienpre sea pechera del Rey asi commo sienpre fue de aquel de quien el la conpró. Otrosy sy el solariego ganare heredat en exidos oen montes oen sierras que non sea enel termyno del Rey o del abadengo, todas estas ganançias corran aaquel solar que el solariego tien. Otrosy establesçemos que todos aquellos que touieren los solares e fueren solariegos e desanpararen los solares para yr morar al abadengo oal rregalengo oala behetria, non pueda nin deua leuar ningunos bienes deste solar aestos solares dichos, saluo ala behetria de
aquel sennor cuyo es el solariego. Et sienpre deue tener el solar poblado, por que el sennor del solar falle posada e tome sus derechos commo los á de auer; et sy esto non feziere, pueda el sennor tomar el solar e dar lo apoblar a aquellos que venieren labradores de aquella natura de aquel solar, et sy dellos non ouiere, délo aquien quisiere, oponga sy quisiere aquel solar en la behetria suya e de su linage donde viene aquel solar e el solariego. Et ningun sennor que touiere labehetria, non les pueda fazer fuerça nin tuerto mas de quanto son aforados; et sy feziere vna odos otres vegadas tuerto et non gelo quisier emendar ala terçera vegada, el labrador saque la cabeça por vna finiestra de aquella casa en que mora e traya testigos de clerigos fijos dalgo e legos, et diga que renunçia e se parte del sennorio de aquel quele faze el tuerto et que se torna vasallo con todo lo que á de otro sennor que sea natural de aquella behetria que es aquel solar donde el biue e sea vasallo de aquel a quese tornó; et el otro non sea osado del fazer mal nin tuerto. Pero sy algunos solariegos ouieron e an otro vso o costunbre o priuillegio en qual manera deuen pasar con los sennores elos sennores conellos, queles sea guardado el vso e la costunbre oel priuillegio que ouieren en esta rrazon. Et enlas encartaçiones que les sea guardado las condiçiones que enlas cartas o priuillegios por do fueron otorgadas las encartaçiones se contienen; et sy non ouieren cartas o priuillegios, que les sea guardado el vso e la costunbre que ouieron en esta rrazon de tanto tienpo aca que memoria de omes non sea en contrario.Otrosy ordenamos que todos los solares que sean del abbadengo ode qual quier otro sennorio que deuan infurçion e sean forçioniegos, quelos bienes que delas heredades que destos atales solares salieren, que non puedan ser leuados aotro sennorio, saluo ende por casamientos dexando siempre el solar poblado, por que el sennor del solar pueda cobrar su infurçion e sus derechos los que y á.
Otrosy ningun meryno mayor de Castiella nin los merynos que por el andodieren o que fueren dados por el Rey non tomen mas behetria de quanto tenia en aquella sazon quela merindat e el ofiçio le dio el Rey. Et del abadengo non pueda nin deua cobrar ninguna behetria nin solariego, nin ninguna granja nin caseria de monesterio con poder de meryndat.
Ningun fidalgo aque el Enperador o el Rey diese encomienda ootro alguno non tome otra encomienda, nin por premia mas behetria de quanto tenia en aquella sazon quela encomienda tomó, nin pueda fazer agrauiamiento nin echar pechos en la encomienda que touiere mas de quanto los dela encomienda an de fuero e de derecho; et sy mas tomare, peche lo conel doblo al Rey e pierda la encomienda.
Todo omme fidalgo que padre o madre ouiere biuo, non tome conducho nin yantar enlas behetrias nin enlas deuisas que fueren del padre odela madre, saluo por su mandado del padre e dela madre, saluo sy ellos fueren enfermos de tal enfermedat quelo non puedan proueer nin anparar los labradores dela deuisa; enpero pueden auer deuisa, sy la ouieren de otra parte conprandola de otro fidalgo oauiendola por casamiento de su muger.
Todo fidalgo puede auer toda behetria e todo derecho que su muger deuie auer por naturaleza opor herençia de sus parientes. Et el padre ola madre de qual quier fidalgo oqual quier dellos que ayan deuisa, puedan tomar conducho aforado en toda su vida, e los fijos non gelo puedan
enbargar. Et qual quier dellos que muera quier el padre ola madre onde viene la deuisa oel solariego, el fijo pueda tomar el conducho e la deuisa e los derechos del solar luego por rrazon del muerto, sy del veniere la deuisa oel solariego. Esto se entiende por rrazon que aya el fijo la deuisa dola auia el padre ola madre o ally do a ellos pertenesçe por naturaleza.Los caualleros oescuderos fijos dalgo que moraren enla uilla dela behetria e fueren della deuiseros, e estodieren guisados de cauallos e de armas e touieren tierra odineros del Rey ode otro rrico omme ode otro qual quier fijo dalgo que tien cauallo e armas para seruiçio de sus senores, et enel verano quando segaren en aquellos logares do ellos biuen dela behetria, puedan tomar sendos façes de mies en esta guisa. Deuen se ayuntar los dela behetria e todos los deuiseros, cada vno de aquello que ouiere deuen meter sendos haçes de mies en vn canpo oen vna era; et tome vno delos fijos dalgo deuiseros que mas morare enla behetria para sy e para los otros fijos dalgo deuiseros que y moraren, et tomen della quanto durare aquella haçina para sus bestias e para los otros fijos dalgo deuiseros que en aquella behetria moraren; e non tomen mas delas otras eras, et sy lo tomaren, paguen gelo conel doblo e conla calonna. Et sy algun deuisero veniere aaquella uilla en aquella sazon, de aquellos haçes que estodieren en aquella haçina tome dellos pidiendo los al fijo dalgo que morare enla behetria asy commo sobredicho es, e nonlos tome por sy de otra era ninguna nin faga premia ninguna aninguno dela behetria.
Ningun fidalgo seyendo enla frontera oen otro logar, non deue enbiar pedir seruiçio nin pedido ninguno alos logares do tiene los derechos e
rrentas del Rey en tierra nin enlo abadengo por su carta nin por su meryno nin por su omme; et sy lo feziere, quelo peche doblado e con coto quanto tomare asy commo el otro conducho, et mas quel tome el Rey la tierra que del touiere; et sy fuere uasallo de otro fidalgo, quel tire la tierra e la soldada que del touiere, et sy gelo non quisiere tirar, quel tire el Rey la tierra que del touiere el fidalgo.Ningun fidalgo non deue tomar conducho enlo del Rey nin enlo del abadengo que deue guardar el Rey; et el quelo tomare peche lo con quatro tanto. Enpero por que algunos fijos dalgo an comiendas ootros derechos en algunos monesterios e en sus uasallos que fueron de su solar, que estos atales que puedan comer segunt su fuero osegunt las posturas que conellos ouieron.
Ningun fidalgo nin otro omme non tome por fuerça delo solariego nin delo rregalengo nin delo abadengo nin de behetria nin de otro omme ninguno, en que non aya rrazon por quelo tomar; et sylo tomar, aquel dia mismo lo deue pagar pan e vino e paia e lenna e çeuada e ortaliza; et esto sylo tomare por fuerça do non deue, quelo pague doblado en dineros. Et lo al que tomare buey o baca ocarnero o oueia opuerco ocabra ocabrito olechon ocordero oansar ogallina o capon, deuelo pechar luego doblado por vno dos de aquella natura e de aquella hedat. Et por cada solar en quelo tomó deue pechar trezientos sueldos que montan desta moneda dozientos e quarenta mr., sy fuere lo que tomó de labradores; e sy fuere de fijos dalgo, quinientos sueldos que monta desta moneda quatroçientos mr. e el coto al Rey, asy commo aquel que tomó lo ageno por fuerça. Pero sy algun fidalgo que por y pasare ollegare y, pagare luego o dexare prendias por lo que tomare que vala mas de quanto montare las viandas que tomare, que non caya enla dicha pena nin enel dicho
coto; pero quelas prendias que dexare que non sea cauallo nin loriga nin espada nin sortija, et esto que se guarde enlo que acaesçiere de aqui adelante. Otrossy quando el fidalgo deuisero veniere comer ala behetria donde es natural, que vaya y conlas conpannas que suele traer consigo de cada dia e non con mas et que tome y el conducho e lo coma y segunt que es de fuero.Ningun fidalgo non rreciba ninguna behetria con fiadores nin por coto por que se del non partan por tienpo. Et el quien tal fiadura otales cotos commo estos feziere, non vala e el pierda la behetria et el Rey faga la tornar aaquel deuisero cuya era ante et fazer le pechar aquel que gela tomó la rrenta quanto valia en aquella sazon que gela tomó fasta aquella otra sazon que el Rey gela fizo tornar. Et si qual quier que desta guisa tomare behetria al otro fuere vasallo del Rey, quel tome el Rey la tierra que touiere del; et sy su uasallo non fuere, quel eche de la tierra
Ningun fidalgo non mate alabrador que se non defienda por armas nin le aya fecho por que, por sanna que aya de aquel sennor cuyo era el omme nin por espantar los omes de aquel logar do el mora, nin mate nin fiera nin faga mal nin soberuia aotros labradores por que se tornen suyos con miedo; et sy matare, peche seys mill mr. e que salga fuera del rregno por dos annos, et sy non ouier de que pagar la quantia delos dichos seys mill mr. , que salga fuera del rregno por quatro annos. Et esta pena delos dineros que se parta en esta guisa: sy el labrador fuere uasallo del Rey, que sea esta pena para la cámara del Rey; et sy fuere el labrador vasallo de otro, que aya la meytad el Rey e la otra meytad el sennor cuyo fuere el labrador. Pero enlas tierras do an de fuero que el que matar que muera ootra pena mayor, que esto que finque segunt el fuero.
Todos aquellos que soltaren infurçion derecha omartiniega oalguna cosa dela manneria dola ouiere o do ouiere algun derecho oalguna cosa delos derechos que ouieren de fazer al sennor, que el que tal cosa commo esta fiziere, que pierda la behetria para sienpre e que nunca la aya et que aya el Rey la infurçion e la manneria ola martiniega, oaquello todo que el otro soltó en aquel anno e en aquellos omes, e faga la el Rey tornar aaquel cuya era ante. Et sy despues se quisiere tornar aotro deuisero que sea natural dela behetria, puedan lo fazer guardando los derechos del Rey. Et sy alguno quisier tomar oforçar la behetria por fuerça opor tuerto, el Rey faga tornar la behetria aaquellos aquien fue tomada por fuerça; et sy fuere vasallo del Rey el forçador, quel tome la tierra que del touiere; et si su uasallo non fuere, echel dela tierra por dos annos et fagal pechar de sus bienes conel doblo todo lo que tomó por fuerça; et esto que dicho es se entienda enlos quelo fizieren de aqui adelante.
Ningun fidalgo nin abadengo nin otro sennor ninguno non pueda alos solariegos que son solariegos tornar los behetria. Et todos los solariegos que deuen infurçion sean tenudos de tener sienpre los solares poblados.
Otrosy si acaesçieren debdas ofiaduras que deuan algunos que moran enlos solares delas behetrias e delos abadengos o delas encartaçiones o delos solariegos, e fueren a vender las heredades por las debdas que deuen, non las puedan conprar sy non aquellos que son dela behetria las de la behetria, et las que son del abadengo los del abadengo, et las que son dela encartaçion la encartaçion, e las del solariego el solariego. Et sy otros estrannos las conpraren, el sennor de qual quier destos lo-
gares lo pueda entrar todo aquello que fuere vendido o camiado segunt dicho es, que non seria rrazon nin derecho quelos sennores perdiesen los derechos nin sus enfurçiones por las baratas e enagenamientos que fezieren aquellos que morasen enlos solares; que todas las casas e los logares e las heredades delos solares non puedan ser vendidos nin enagenados sy non con aquella carga que an los sennores enello.Todo fidalgo que veniere ala behetria donde es deuisero deue posar en aquella casa que sea dela behetria. Et sy enla aldea dela behetria ouiere solares del Rey o del abadengo o del solariego, non deue posar en otra casa sinon enla dela behetria donde es deuisero, e deue llamar ados omes dela behetria conel su omme, e tome conducho enlas casas dela behetria, mas non enlas casas del rregalengo e del abadengo nin delos fijos dalgo que moraren enla behetria nin enel solariego. Et quando tomare rropa ootras cosas que son mester, deuen llamar dos omes buenos delos meiores que moraren enla villa dela behetria, et aquellos omes que llamare e los omes del sennor dela behetria que derramen por la uilla con aquellos sus omes e que tomen conducho e rropa e las otras cosas, et que vean aquellos omes buenos de quantas casas lo toman e que vean lo que toman, e fallando rropa de escusa enlas casas de la behetria, non deuen tomar los lechos nin la rropa delos omes buenos sennores de las casas, por que ellos non sean desapoderados nin echados de las sus casas nin de sus rropas, por que sy los escuderos olos omes de los escuderos olos rrapazes fuesen en su cabo alas casas sin otros omes buenos dela aldea, que podrian quebrantar las arcase los çilleros e tomar lo que quisiesen, e despues negar quelo non tomaron, [et] dela rropa que en aquella casa fallaren dela behetria, deuen tomar para el palaçio dela meior aquella que ouiere mester; et que puedan escusar la de aquella casa para sy e para sus huespedes sy los y ouiere con que se puedan
conponer. Et los de palaçio que se conpongan con la rropa que se y ayuntar de cada casa dela behetria.Otrosy establesçemos que en esta manera ualan las cosas que fueren tomadas en la behetria: vaca e puerco e cabrito e cordero e lechon e toçino deuen ser apreçiados delos omes bonos dela uilla odel logar ante que entren ala cozina, eso mismo del otro conducho que tomaren; ssy non fuere apreçiado, los alcalles e los jurados, sy los y ouiere en esa uilla, ellos lo deuen apreçiar; et do non los ouiere, deuen lo apreçiar los omes buenos del logar que non sean vasallos de aquel que toma el conducho, ante que entre ala cozina, et esto que sea apreçiado. Et sy non ouiere enla villa alealles nin jurados nin omes de otro sennorio quelo apreçien, jurando el querelloso sobre la cruz e los sanctos euangelios que estonçe e despues quanto fue lo quel tomaron e quanto valia ala sazon que gelo tomaron, que luego gelo entregue el meryno del Rey por quanto jurare. Sy esta behetria fuere toda de vn sennor, el meryno del Rey deue tomar quatro omes buenos que non sean desa uilla que apreçien segunt aquel juró aquien fue tomada la cosa, e que gelo entregue el meryno luego al querelloso, segunt lo apreçiaron los omes buenos e juró aquel aquien fue tomada la cosa.
Sy el fidalgo tomó mas conducho enla behetria de quanto es de fuero e podiere prouar el fidalgo quelo pagó odexó y pennos, non á y coto ninguno. Otrosy sy el fidalgo tomó mas conducho de tres vezes asy commo son aforados e non quitó los pennos alos nueue dias, el Rey non pierde su coto, et deuen los querellosos venir al meryno del Rey e el meryno del Rey saber verdat e fazer pesquisa e veer lo que tomó algun fidalgo contra derecho e quier de rregalengo quier de abadengo o de behetria ode solariego, deue el meryno mandar gelo pagar doblado aquello que y
fue tomado e por cada cosa çinco sueldos delos buenos al Rey que son ocho mr. de esta moneda. El conducho sobredicho quelos deuiseros deuen tomar aforado enla behetria deste preçio lo deuen pagar; en Canpos, que son los carneros mayores, el carnero a dos sueldos e medio que son quatro mr. desta moneda, e en Castiella ados sueldos que son tres mr. desta moneda; et enla montanna e en las Asturias e en Gallizia el carnero aquinze dineros aeste cuento sobredicho. Et en Canpos, dela gallina quatro dineros, por el ansar quatro dineros, por el capon quatro dineros. Et en Castiella por la gallina tres dineros, por el ansar quatro dineros, por el capon quatro dineros e medio. E enlas Asturias e enla montanna por la gallina dos dineros e medio, por el capon tres dineros e medio, el anser tres dineros e medio. Et uaca e puerco e lechon ocabrito e toçino, estas cosas atales quanto las apreçiasen los omes buenos segunt dicho es ante que entren en la cocina; pan e vino e çeuada e todas las otras cosas tales commo valieren enel logar sylo y vendieren oen los otros logares de aderredor do mas çerca fueren. Et esto que sea en la behetria los que fueren naturales enel anno tres bezes de tres dias cada vez, segunt lo an de fuero.Otrosy ningun fidalgo non rreçiba behetria donde non es natural onon la ha por herençia, por poderoso que sea; et sy la rreçibiere, tome gela el Rey e entreguela aaquellos aquien la tomó e pague al Rey otro logar solariego tal commo el que tomó por fuerça oel preçio del.
Otrosy los que prendiaren enla behetria e enel abadengo e enel solariego por queles fagan seruiçio premiosa miente commo non deuen
e la prendia leuaren donde la prendiaren e la tomaren, deuen la prendia que asy tomaren pechar la doblada asu duenno e el seruiçio que dende leuaren conel coto.Establesçemos que sy alguno tomare conducho ootras cosas avn conçeio e lo querellaren al Rey oal su meryno, que jurando çinco omes buenos quales los pesqueridores tomaren dela uilla odel logar por todo el conçeio, deuelos baler e dar lo por prouado, ca todo el conçeio non puede ser jurado. Et sy tomare capa o piel o rropa ootra cosa atal, e la echare apennos por pan opor vino opor ceuada opor alguna cosa, deue ser pechado con coto e con doblo asy commo otro conducho; et sy lo tomar para bestir oen otra manera, deue ser pechado commo fuerça orrobo, los fijos dalgo que estodieren en vna uilla de behetria e enbiaren tomar conducho o vianda oalguna otra cosa e lo adoxieren aotra villa de behetria, quelo faga el Rey emendar commo furto o rrobo olo escarmiente commo el touiere por bien. Et sy algunos omes fueren tomar conducho e lo tomaren de parte de algun fidalgo oen su nonbre diziendo que el los envia alla e en su nonbre, et el fidalgo lo negare odixiere que non son suyos los omes nin gelo mando tomar, prenda los el meryno e enbie preguntar al Rey en que guisa los escarmentará.
Sy algun denisero que fuere dela behetria odel solariego tomare conducho de mas de fuero ode lo que deuia tomar, et aterçer dia ante que dende saliere non dexó pennos de tanto e medio commo lo que tomó, e alos nueue dias nonlo pagó, deuelo luego querellar e llamar al meryno del Rey, et el meryno del Rey deue prendiar alos fijos dalgo e entregar alos labradores de todo lo queles fue tomado. Et sy los omes buenos dela behetria odel abadengo odel solariego despues delos nueue dias vendieren los pennos que el meryno los entregare con su sennor ocon su meryno o con su juez o con su mayordomo o con su casero, o
con aquel que ouier de ver lo de su sennor cuyos eran los omes aquien tomaron el conducho oel algo; et sy la entrega fecha valiere mas de quanto ellos ouieren de auer, tornelo asu duenno lo de mas; et sy non quisiere entregar, deuen entregar en bienes de aquellos que rreçibieron la entrega e fizieron la venta.Desta guisa deuen fazer la pesquisa los pesqueridores: deuenlo fazer saber al meryno enla tierra que fuere de su meryndat e enel logar dela su meryndat en que deue fazer la pesquisa e quando seran y, et el meryno deue llamar alos omes buenos del logar a conçeio aaquel logar, en aquel dia çierto quelos pesquiridores le enbiaren dezir que an de ser en aquel logar o an de fazer la pesquisa; e deuen los pesquiridores enbiar dezir al meryno sy es pesquisa que el Rey manda fazer general miente, et sy tal fuere, deue el meryno dezir alos conçeios que apresten conducho e todas las otras cosas que ouieren mester, en aquellos logares que fizieren la pesquisa. Et los pesquiridores segunt que el Rey lo ouiere mandado tomen lo guisado queles abonde e non mas. Et despues que aquella pesquisa fuere fecha por conducho quelos fijos dalgo tomaren enlas behetrias opor malfetrias que y fezieron, aquel sennor cuyo es el logar osu meryno osu juez osu mayordomo osu casero oaquel que ouiere de ver lo suyo, se fuere querellar al Rey oaaquel que touiere sus vezes ollamare los pesquiridores por carta del Rey ode aquel que touiere sus vezes, aquel quelos llamare en qual quier destas guisas deue dar acomer alos pesquiridores mientra que fezieren la pesquisa sobre aquello quelos llamó. Et la despensa deue se partir segunt la emienda que ouier por la pesquisa segunt que cada vno rreçibio el danno, et el sennor por la meytad de su coto ootro danno sylo rreçibio, e los vasallos segun su duplo. Et los pesquiridores deuen fazer saber al meryno oaaquel que ouier de fazer las entregas por el Rey los tuertos que el sennor del logar cuyos omes eran e los vasallos rreçibieron, e commo rrecabden el derecho del Rey e del sennor e delos pesquiridores.
Los pesquiridores quando llegaren ala behetria oal logar do ouieren afazer la pesquisa, deuen fazer rrepicar la canpana, et sy mas fuere de vna collaçion, en cada vna dellas deuen fazer rrepicar la canpana; et sy los logares fueren muchos e menudos, eso mesmo atanto quelo puedan oyr acabo de sus heredades do andodieren asus labores enla uilla oentre aquellos logares, et atender enla collaçion do mas en comedio fuere e meior se podieren ayuntar todos. Et commo quier que enlas otras collaçiones non dexen de repicar fasta que entiendan que lleguen los de mas luenne; et de que todos fueren llegados, deue los preguntar quales son los querellosos aque tomaron el conducho commo no deuien o aquien fezieran la malfetria, et desy deuen los preguntar cuyos son, e desende deuen los preguntar sy vienen con su sennor oconsu meryno o con su juyz ocon su mayordomo o con su casero ocon algun omme que aya de ver lo del sennor en aquel logar. Et sy alguno destos non veniere y, non le deuen oyr su querella nin pesquerir gela nin escriuir gela; et sy alguno destos veniere, deuen les preguntar sy son de vn sennor o quantos sennores á enla uilla; et sy la uilla oel logar fuere de vn sennorio, deuen tomar los alcalles elos jurados sy los y ouiere otros omes buenos por pesquisa e por juradores conel querelloso por que non á y otros omes de otro sennorio, et sy fuere aquel logar de otros sennorios, deue aquel querelloso traer dos omes buenos de aquellos sennorios que ouiere enla villa por pesquisas e por juradores consigo. Et los pesquiridores deuen fazer al querelloso e alos otros dos sobredichos en medio del conçeio ante todos poner las manos sobre sanctos euangelios, et conjuren los que digan la verdat de lo que sopieren de aquello queles preguntaren, e desque todos tres fueren conjurados, deuen preguntar primero al querelloso por la jura que dio, que es aquel conducho quel tomaron por fuerça de que non rresçibio preçio depues nin pennos nin entrega, ola malfetria quel fezieron. Et desy deue ser preguntado el querelloso e los otros que juraron con el, sy era el aquel aque tomaron el conducho e fezieron la malhetria enla uilla mientra el deuisero y moró en aquel terçer dia; et sy lo querelló al terçer dia despues que el
deuisero se fue dende, e los jurados sy gelo oyeron querellar en estos dos terçeros dias, et sy non era y enla uilla, sylo querelló despues al terçer dia despues que veno, et sy lo el dixiere e los que venieren jurar conel lo firmaren; pesquiran gelo e escriuan lo. Desy deuen preguntar al querelloso e aaquellos que venieren jurar con el, sy aquel deuisero en aquel terçero dia que enla uilla moró quiso pagar en dineros o dexar pennos; et sy dixieren que sy e non gelos quisieron rreçibir, el deuisero non deue pechar coto nin doblo sy non el conducho senziello que tomó de mas de su derecho, e asy gelo deuen escriuir. Et sy dixieren que non gelo pagó nin dexó y pennos, olos pennos non quitó alos nueue dias, quelos vendan, e deuen escriuir aaquel que tomó el conducho ofizo la malfetria e el sennor cuyos eran los omes aaquella sazon. Et el meryno oel juez oel mayordomo oel casero oaquel que auia de auer lo suyo con qui venieron querellar, et aquellos que venieren jurar con cada vno dellos e quanto les tomaron e la malfetria queles fezieron, et quanto valian las cosas aaquella sazon oen quanto fueron apreçiadas, e en qual tienpo gelo tomaron ogelo fizieron, et el tienpo que fezieron la pesquisa; et sy aquel querelloso non querelló en aquel terçer dia depues que veno ala villa; non le deuen oyr su querella nin pesquerir gelo nin escriuir lo. Etsy querellosos ouiere enla uilla que por miedo de muerte non osen querellar, los pesquiridores en poridat deuen lo escriuir aparte; et sy fallaren que es cosa que el Rey mande escarmentar enlos cuerpos de aquellos quelo fezieron, deuen lo fazer saber al Rey lo mas ante que podieren, et sy fuere cosa que se deue entregar, ante que la entrega se faga nin se descubra la poridat, deue los asegurar el pesquiridor de parte del Rey conçeiera miente e depues el meryno; et desi entregar los el meryno aaquel que ouier de fazer las entregas por el Rey; et sy algunos sobresta segurança del Rey les fezieren mal, deuelo el Rey pesquerir por su mandado e en commo lo fallaren, deuelo acalonnar aquellos quelo fezieron asy commo el touiere por bien, commo aomes que non guardan su mandado e pasan asu seguramiento.Quando fallaren los pesquiridores que tomó el deuisero enla behetria de mas de fuero e de derecho, e el terçer dia ante que dende saliese non dexó pennos que valan tanto e medio et alos nueue dias nonlos pagó, deuen lo fazer saber al meryno del Rey e al omme del Rey que andare conel que deue fazer las entregas; et sy los omes dela behetria despues de los nueue dias vendieren los pennos con su sennor ocon su meryno o con su juez o con su mayordomo o con su casero o con aquel que aya de ver lo del sennor cuyos eran los omes aque fue tomado el conducho, syla vendida fuere de mas, deuen lo tornar asu duenno lo mas. Otrosy deuen entregar de los quarenta mr, del coto e dar los medios al sennor cuyos eran los omes quando el conducho los tomaron ola malfetria los fezieron, et delos medios del Rey deuen dar los çinco mr. alos pesquiridores, e deue tomar el meryno quelo entregare los otros çinco mr., e los diez mr. que finquen en saluo al Rey, et deue los rreçibir el su omme que andodiere y e non el meryno. Et sy non ouiere vasallos olo de sus vasallos non conpliere, deue lo entregar en mueble e en heredat delo suyo sylo fallaren; et sy mueble non fallare que entregue, deue vender al solariego oalos solariegos a tanto quanto conpliere el duplo del conducho que tomó de mas de fuero e de derecho e dela malhetria que fizo e delos quarenta mr. del coto. Et sy conpliere el mueble del solariego, non vendan el solar; et sy el mueble non cunpliere, vendan el solar e todo el derecho que y ouiere el deuisero; mas sy el solariego ouiere otra heredat de su patrimonio ode algun testamento oquelo heredare de pariente o quelo conprase ante odepues mientra fue su solariego de aquel sennor, non gela deue vender, mas deue se fincar conella, con qual quier sennor quelo conpre, el solariego olos solariegos. Et sy solariegos non ouiere odelos solariegos mueble oel solar con todo su de-
recho el que auia en aquel solar non conpliere, estonçe deuen entregar la su heredat del su cuerpo mismo; et sy la heredat apartada non ouiere e ouiere heredat con padre o con madre o con hermanos o con parientes que espere heredat e non fuere partido e non connosçiere suerte, el meryno del Rey deue prendiar aaquellos herederos con que á la heredat, que partan aquella heredat. Et la que en parte le copiere, deue la vender conçegera miente delas uillas fazeras enderredor, e pagar aquello que tomó mas de fuero e de derecho con coto e con duplo asy commo sobredicho es. Et aquello que menguare quelos pennos non conplieren e sy de mas y ouiere, tornar gelo asu duenno. Et sy algun pariente y ouiere de aquella parte onde viene la heredat quelo quiera conprar e pagar luego sus dineros aaquel plazo quel dieren de su grado aaquellos quelo ouieren de auer, ocon pennos que ellos sean bien pagados o entregados o con otorgamiento del meryno por lo del Rey e por lo del sennor e por lo delos pesquiridores e por los del meryno mesmo, puede la auer ante que otro estranno. Et sy paramiento fuere entre los parientes de aquella parte donde vien la heredat que cada vno dellos lo quiera conprar e auer aquella conpra, que la aya aquel que mas propinco e mas allegado fuere del linage onde la heredat vien. Et sy fueren dos o mas que eguales sean de linage onde vien la heredat e cada uno dellos quisiere su parte, quela partan entresy segunt la paga fizieren opodieren cada vno dellos. Et sy aquel fidalgo que este conducho tomó ola malhetria fizo oque esto minguó de pagar ode conplir non ouiere heredat nin otra cosa ninguna de que faga la entrega, estonçe entregue enlo delos fiadores que dio; et sy non dio fiadores e los quisiere dar, el merino tome gelos atales que sean bien rraigados enla quantia e abonados en aquello que fallare el pesquiridor que deue pechar por duplo e por coto. Et sy non diere fiadores nin ouiere fiadores nin heredat nin otra cosa ninguna en que faga la entrega, estonçe el meryno oel omme del Rey que andodiere conel o el pesquiridor o qual quier destos tres, el que primero lo fallare, aplazel a nueue dias, aque paresca ante el Rey ó quier que sea e que faga quanto el mandare. Et depues quel fuere enplazado. si ante delos nueue dias conplidos adolesçiere odespues delos nueue dias por el camino yendo para el Rey epor alguna cosa de ocasion non podiese yr, que luego que meiorare, que se vaya luego para el Rey e faga en quanto el mandare e muestre escusa derecha e verdadera por que non pudo venir al plazo, et esté a merçed del Rey para salir dela tierra o conplir quanto el mandare; et sy alos nueue dias non fuere, estonçe puedel el Rey echar dela tierra o fazer enel su cuerpo lo que el touiere por bien. Et sy por auentura aquel que tomó el conducho ola malhetria fizo olos fiadores non dio, nin ouiere en aquella meryndat en que faga la entrega asy commo sobredicho es, et el osus fiadores lo ouieren en otra meryndat oen otra tierra que del sennorio del Rey sea; que enbie el meryno su carta al otro meryno oala justiçia oal alguazil oal alcalle oalos jurados oaqual quier que el poder touiere del Rey en aquella tierra oen aquel logar que el osus fiadores ouieren el algo. Et quel enbien dezir quanto fallaren que es lo que tomó de conducho mas de fuero e de derecho e la malfetria que fizo, e quanto montare todo por coto e por duplo, quel tomen tanto delo quel fallaren o de sus fiadores. Et fallando mueble, que del mueble vendan; et sy mueble non fallaren, que vendan tanto dela heredat del ode sus fiadores por que se cunpla aquello. Et sy algun pariente del debdor quisiere lo del debdor opariente del fiador lo del fiador e pagare luego, den gelo por quanto vno e otro diere ante que aotro estranno; et sy mas fuere de vno, quantos fueren oquales en linage e quisieren su parte, den gela commo cada vno lo quisiere tomar o podiere pagar aveniendo se ellos entresy; et sy los parientes nonlo quisieren, estonçe vendanlo aquien quier quelo conprare e faga gelo el Rey sano con su carta abierta; et sy ninguno non lo, quisiere conprar, el Rey sea tenudo delo conprar e lo pagar por que cunpla la justiçia. Et porque el sennor cuyos eran los omes aquien el conducho tomaron ola malfetria fezieron ayan su derecho e el pesqueridor e el meryno el suyo e los perdidosos su duplo, quier lo conpren parientes de aquel debdor ode su fiador quier otro estranno quier el Rey mismo, los mr. dela vendida deue los enbiar e meter en mano del omme del Rey que anda conel meryno e non en mano del meryno, mas quelo cunpla el omme del Rey asi commo sobredicho es; e delos çinco mr. que el meryno auia de auer e delos veynte del coto del Rey, sy la entrega fiziere aaquel oel conducho fue tomado ola malfetria fue fecha, aya el terçio de aquello que copiere de aquellos mr. que enbiaron dela otra tierra ó la vendida se fizo; et las dos partes destos çinco mr. aya aquel oaquellos que entregaren o vendieren enla otra meryndat oenla otra tierra del debdor odel fiador. Et asy gelo deuen enbiar dezir al merino en aquellas cartas quel enbiaren, por todo lo al que se entregue de aquellas dos partes de aquellos çinco mr. aquellos quela vendida fezieron enla otra merindat oenla otra tierra, e quel enbien la su terçia parte dellos conlos otros mr. que an a enbiar conel omme del Rey para fazer las pagas e las entregas. Et sy por auentura alguno destos que tomaron el conducho de mas de fuero e de derecho o fezieron la malfetria, et despues vendieron la heredat oalguna cosa dello, que tal cosa otal venta non vala; mas que se entregue e que se venda asy commo sobredicho es, et que se fagan las pagas e las entregas asy commo aqui está escripto. Et sy por auentura alguno por escusar esta vendida e esta entrega maliçiosa miente e con enganno fizo otorgamiento de vendida o carta de era ode tienpo ante sy, se prouar podiere, que non vala tal vendida; et sy se prouar no pudiere, que jure el vendedor e el conprador e los testigos e el escriuano que fizo la carta que en aquel tienpo fue vendido primero, e vala; et sy esto non fezieren, non vala e vala la vendida de aquello que se vendiere por mandado del Rey asy commo sobredicho es. Et sy los pennos que el fidalgo dexare por lo que tomó mas de fuero e de derecho en aquel terçer dia que moró enla behetria, et aquellos labradores que el conducho tomaren non se touieren por entregados dellos que ua- lan tanto e medio e jurados oalcalles ouiere, vengan los alcalles olos jurados ante. todo el conçeio ssy ellos vieren que á y entrega de tanto e medio, deuen lo fazer tomar. Otrosy sy vieren que non á y entrega, deuelo conplir aquel fiador del que tomó el conducho asy commo sobredicho es. Et sy enel terçer dia non pagare nin dexare pennos olos pennos que dexare nonlos quitare alos nueue dias; et despues delos nueue dias oante los forçare olos leuare sin paga osin mandado osin saber osin plazer de aquellos aquien tomaron el conducho, deue pechar coto e duplo asy commo es fuero e derecho. Et los pennos que asy leuó deuelos pechar commo furto ofuerça orrobo o commo el Rey touiere por derecho. Et do alcalles o jurados non ouier, aquello que ellos farian fagan lo omes buenos dela villa odel logar.Manda el Rey quelos pesqueridores quando ouieren fecha la pesquisa asy commo en este libro dize, que gela enbien seellada con sus seellos e el ver la á; e sy bien fecha fuere, el enbiará su carta al meryno çerrada de commo faga la entrega; et sy bien fecha non fuere, otrosy enbiará dezir el Rey alos pesqueridores en quela minguaron e de commo la emienden
Los pesqueridores deuen pesquerir en cada logar sy tomaron las ordenes olos fijos dalgo ola behetria oalgunos solariegos do quier que sean alguna heredat del Rey por conpra opor qual quier manera quela tomasen ola entrasen, ossy entraron los fijos dalgo alguna heredat delos abadengos osy tomaron los abadengos alguna heredat delos fijos dalgo; et lo que fallaren acada vna destas guisas, deuen lo escriuir apartada miente e cada vna delas pesquisas sobresy e non conel conducho toma-
do o desafuero nin con ninguna otra malfetria, et çerrados e seellados con sus seellos, e de parte de fuera sobre escriptos los pesqueridores que la pesquisa fezieron, en qual tienpo e en qual logar, por que el Rey sepa que es ante quela abra; et lo de dentro deuen lo escriuir apartada miente cada cosa sobresy; et lo que fallaron otomaron o entraron los de behetria delo del Rey, commo lo entraron; et lo que tomaronlos solariegos, commo lo entraron; e lo que tomaron delos abadengos; otrosy lo que tomaron los fijos dalgo, commo lo tomaron los fijos dalgo; otrosy lo que tomaron los abadengos de los fijos dalgo e los fijos dalgo delos abadengos. Et los que fallaren que qual quier destos algo entró delo ageno, deue dexar la heredat con otro tanto de lo suyo sy lo ouiere; et sylo non ouiere, conpre lo o dé la valia por ello, et los fructos que ende leuó peche los doblados, et de mas sy entró lo del Rey que el non lo sopo nin lo otorgó, deue lo tornar e pechar asy commo por furto. Et sy lo el Rey sopo e non lo otorgó, deue lo pechar commo de fuerza; et sy dixiere que el Rey gelo dió, muestre la donaçion e vala e non caya enla pena.Otrosy ordenamos que sy alguna muger casare que sea de abadengo o de solariego enla behetria oen la encartaçion, que sy fuere varon, que non pueda leuar los bienes del abadengo al rregalengo nin ala behetria; mas sy fuere muger la que casare, lieue todo su derecho ally do casare, pagando las infurçiones e los derechos al sennor ally donde era natural. Esto mandamos por quela muger es soiepta de su marido e non deue nin puede leuar sy non do el mandare.
Tenemos por bien que todos los julgadores para judgar los pleitos sean puestos por mano destos que aqui diremos: asy commo por nos, opor los
que despues de nos venieren e poner aaquellos que son llamados ordinarios para judgar los pleitos. Et estos atales non los pueda otro poner sy non los enperadores olos rreyes oaquien ellos lo otorgasen sennalada miente oles diesen poder por carta opor priuillegio olo ouiesen ganado por tienpo segunt dize la ley deste nuestro libro que comiença: Asy es nuestra voluntad. Et con grant acuçia deuemos fazer poner los juezes e deuen seer tales que sean leales e de buena fama e sin cobdiçia e que ayan sabidoria para judgar los pleitos derecha miente por su saber e por su seso; et que sean mansos e de buena palabra alos que venieren ante ellos ajuyzio. Et sobre todo esto que teman a Dios e a aquellos sennores quelos ponen e les dan el ofiçio, ca sy a Dios temieren, guardar se an de fazer pecado e aurán en sy piadat e justiçia. Et sy al sennor ouieren miedo, acordar se an de non fazer cosa por onde les uenga mal veniendo seles emiente commo tienen sus logares para judgar derecho; et sennalados enbargos an por sy los omes por que non deuen ser puestos por juyzes.Establesçemos que el que fuese desentendido ode mal seso non lo puede ser por que non á entendimiento para oyr nin para librar los pleitos derecha miente; nin otrosy el que fuese mudo por que non podiese preguntar alas partes quando ouiese mester nin rresponder aellos nin dar juyzio por palabras; nin el sordo por que non oyese lo quel fuese rrazonado nin alegado, por quelos omes nonlo sabrian connosçer nin onrrar. Et omme que ouiese tal enfermedat que continuada miente le durase por que non pudiese judgar nin estar en juyzio o que fuese en dubda sy guaresçeria o non, ca el que fuese enbargado desta guisa non podria sofrir afan segunt conuiene para librar los pleitos; nin otrosy el que
fuese de mala fama oouiese fecho cosa por que valiese menos atal, por que non seria derecho que el judgase alos otros; nin el que fuese de rreligion por que menguaria por ende enlo que es tenido de fazer en seruiçio de Dios et de mas seria cosa sin rrazon que el que se desanparó delas rriquezas deste mundo que estodiesen aoyr e alibrar los omes. Otrosi los sabios antiguos dixieron e ordenaron quela muger non pueda ser juyz por que no seria guisado que estodiese enel ayuntamiento delos omes librando los pleitos; pero seyendo Reyna o condesa ootra duenna que heredase sennorio de algun rregno ode alguna tierra, ca la muger tal commo esta tenemos quelo puede fazer por onrra del logar que touiese, pero esto con conseio de omes sabidores; et sy alguna cosa errase, quela sopiesen conseiar e emendar.Otrosy dezimos que a omme que fuere sieruo non deue ser otorgado poderio de judgar, esto es por que aun que ouiese buen entendimiento non á libre aluedrio para librar lo que non es en su poder, onde alas vegadas seria apremiado de librar los pleitos avoluntad de su sennor e non por su sabidoria, lo que seria contra derecho. Pero sy acaesçiese que algun sieruo andodiese por libre e fuese otorgado poderio de judgar non sabiendo que yazia en seruidunbre, en tal rrazon commo esta dezimos quelas sentençias e los mandamientos e todas las otras cosas que el ouiese fechas commo juyz fasta el dia que fuese descubierto ofuese sieruo, valdria. Et esto tenemos por bien por esta rrazon por que quando tal yerro commo este feziese algun omme comunal miente, todos le deuian dar pasada asy commo sy non fuese.
Otrosy ordenamos e establesçemos que mayor de veynte e çinco annos deue ser aquel que otorgaren poderio de judgar los pleitos continuada miente, aquien llaman juyz ordinario. Estos fallamos quelos que fuesen de esta edat podrian auer entendimiento conplido para oyr e para librar las demandas que ante ellos veniesen. Et desta edat deue ser el juez delegado que es puesto por mano de ordinario para librar algun pleito; e sy por auentura el delegado fuese de edat de veynte e çinco annos e menor de diez e ocho annos, non sea apremiado en tal, sy el non quisiese trabaiar de oyr el pleito que le acomendase el juyz. Dezimos quelos judgadores sobre aquellos logares queles otorgaren poderio de judgar, queles tomen la jura e queles fagan jurar estas seys cosas. Lo primero que obedescan todos los mandamientos que el Rey les feziere por palabra opor carta opor su mensaiero çierto. Et la segunda que guarden el sennorio e la tierra e los derechos del Rey en todas cosas. Et la terçera que non descubran en ninguna manera que ser pueda las poridades del Rey, non tan sola mientre quelas dixiesen por sy, mas lo queles el enbiase dezir por su carta e por su mandado. La quarta que do viesen su danno, en todas las cosas que po-
dieren o sopieren, quelo desuien; et sy por auentura ellos non ouieren poder delo fazer, que aperçiban al Rey dello lo mas ayna que podieren. La quinta quelos pleitos que venieren ante ellos, quelos libren bien e leal miente lo mas ayna e lo meior que sopieren, et por amor nin por desamor nin por miedo nin por algo queles den nin les prometan dar, que non se desuien dela verdat nin del derecho. La sesta que en quanto touieren el ofiçio que ellos nin otro por ellos non rresçiban algo nin promision de omme ninguno que aya mouido pleito ante ellos oque sepan quelo á de mouer nin de otro que gelo diese por rrazon dellos. Et esta jura deuen fazer los judgadores en mano del Rey; sy el Rey non fuese enel logar e los fiziesen en los logares oen las uillas, deuen jurar sobre la cruz e los santos euangelios tomandola dellos aquel que el Rey la mandase tomar; sennalada miente despues quelos juyzes ouiesen jurado deuen les tomar fiadores e rrecabdo que se obliguen e prometan que quando acabaren su pleito de judgar oouieren adexar los ofiçios en que eran puestos, que ellos por sus presoneros finquen çinquenta dias despues enlos logares do judgaren por fazer derecho atodos aquellos que dellos ouiesen rresçibido tuerto. Ellos despues que ouieren acabados sus ofiçios, deuen lo conplir asy faziendo dar pregon cada dia publica miente que sy alguno ouiere querella dellos, quel conplirán de derecho. Estonçe aquellos que fueren puestos en sus logares deuen tomar algunos buenos omes consigo que non son sospechosos nin mal querientes delos primeros judgadores e deuen los oyr con aquellos que se querellaren dellos, et todo yerro otuerto que ayan fecho deuen les fazer que fagan emienda dello segunt sus aluedrios; pero sy tal yerro ouiesen fecho algunos dellos por que meresçiesen muerte operdimiento de miembro, deuen los enbiar al Rey que el Rey los judgue.Establesçemos que sean los merynos por nuestro mandado aqueno. que nos touieremos por bien de fazer e despues los rreyes que despues de nos venieren para mantener la tierra en paz e en justiçia e mantener e guardar los buenos e punnando de escarmientar los malos. Por ende deuen ser acuçiosos en fazer seruiçio a Dios leal miente e alos rreyes quelos ponen en sus logares, guardando toda uia aquellos pueblos queles son acomendados que non se leuante y mal nin bolliçio nin banderia. Otrosy que guarden e fagan guardar la paz e la amistad que es puesta entre los fijos dalgo de nuestros sennorios, que maguer ellos ouiesen en sy todas aquellas cosas e maneras e bondades que deuen auer los juyzes para librar los pleitos, non les conplirian para fazer sus ofiçios acabada miente sy los merynos non fuesen acuçiosos. Otrosy dezimos quelos merynos que non deuen consentir que omme que sea dado por malo e por encartado del Rey odel meryno ode algun conçeio, que se acoia asu conpanna nin biua conellos, ante dezimos que en qual quier logar quelo fallasen, quelo deuen prender e enbiar al Rey oaquel conçeio quel encartó.
Otrosy fallamos establesçido del Enperador enlas cortes de Naiera que por rrazon de sacar muertes e desonrras e deseredamientos e por sacar males delos fijos dalgo de nuestro sennorio puso entre ellos paz e asesegamiento e amistad e otorgaron selo asy los vnos a los otros con prometimiento de buena fe sin mal enganno, que ningun fijo dalgo non feriese nin matase vno aotro nin corriere nin desonrrase nin forçase, amenos dese desafiar e tornarse la amistad que es puesta entre ellos e
que sean seguros los vnos delos otros desque se desafiaren anueue dias. Et el que ante deste termino firiere omatare el vn fidalgo al otro, que sea por ende aleuoso, et quel pueda dezir mal ante el Enperador oante el Rey.Todas las minneras de plata e de oro e de plomo e de otra cosa qual quier que minnera sea enel sennorio del Rey, ninguno non sea osado de labrar enella sin mandado del Rey.
Todas las aguas e pozos salados que son para fazer sal, todas las rrentas dellos rrecudan al Rey, saluo los que dio el Rey por priuilleio olos ganó por tanto tienpo e enla manera que deuie.
Los caminos cabdales el vno que va a Santiago e los otros que uan de vna çipdad aotra e de vna uilla aotra e alos mercados e alas ferias, sean guardados e anparados que ninguno non faga enellos fuerça nin tuerto nin rrobo; et el quelo feziere, peche seysçientos mr. desta moneda al Rey.
En todas las uillas e logares del nuestro sennorio que son rribera dela mar non aya peçio ninguno de naue nin de batel nin de baxel, nin aya el Rey nin el sennor derecho ninguno enello, mas que todo sea de sus duennos quanto se podiere cobrar delos nauios que se quebran. Et sy duenno non paresçier, esté en fialdat fasta dos annos e sy aeste plazo non veniere duenno, sea del Rey ode aquel que de derecho los deuiere auer.
Otrosy establesçemos e mandamos que todos los nauios que venieren de otras tierras ode otros rregnos alos nuestros rregnos que trayan mer-
cadorias, quier por fleytes oquier por suyos, non sean prendados por ningunas debdas que deuan aaquellos de cuya tierra son, pues traen mercaderias e viandas alos nuestros rregnos.Ningun fidalgo nin rrico ome nin otro ninguno non pueda auer encomienda enel abadengo en Castiella, saluo el Rey por quelo á de guardar e defender asi commo el Rey. Por que todo quanto an los monesterios e los abadengos fue dado por alimosna delos rreyes nuestros anteçesores, et nos lo deuemos guardar e defender asi commo aquello que pertenesçe e deue pertenesçer ala nuestra corona rreal, por que son tenudos los rreligiosos aquien fue dada el alimosna de rrogar a Dios porlas almas de nuestros anteçesores que fezieron las donaçiones alos monesterios delas alimosnas e por la nuestra uida e salut e delos rreyes que despues de nos venieren. Et todos aquellos quela non guardaren, deuen auer la maldiçion de Dios e de aquellos rreyes que fezieren el alimosna e la nuestra, commo aquellos que son contra voluntad delos finados.
Establesçemos e mandamos que todos los tesoros e rreliquias e cruçes e vestimientas e caliçes de plata e ençensarios e otros tesoros que sean dados alos monesterios por alimosna e por onrra delos rreyes e delas rreynas e delos infantes e por todos los otros rricos omes que tomaron sepulturas e enterramientos enlos monesterios e dieron tesoros alas sacristanias por que se onrrasen los sus cuerpos do se enterraron, que esto que sea guardado. Et tan bien las ymagenes que fueren fechas con plata e sobredoradas e con piedras preçiosas, que ninguno non sea osado de ser contra aquel ornamento nin tirar ninguna cosa dello; et el quelo
feziere, quel maten por ello. Et todo lo que asy fuere vendido o enpennado tornelo ala yglesia donde lo sacó sin preçio ninguno, et sy aquel aquien fuere vendido oenpennado lo negare, quelo peche conel doblo ala yglesia cuyo era e las setenas al Rey.Otrosy ordenamos quelos merynos que andodieren por nos opor los rreyes que fueren despues de nos en Castiella non puedan tomar yantares mas de vna vez enel anno; et esta yantar quela tomen enlo abadengo enel monesterio mayor del abadengo odel prioradgo. Et esta yantar consentimos quela tomen por que nos e los rreyes que depues de nos venieren non podriemos saber los tuertos e las fuerças nin los dannos que feziesen alos monesterios e alas granjas e alas caserias e alos sus uasallos; mas por quelos nuestros merynos los anparen e los defiendan de soberuia e de tuerto e de mal aellos e atodo lo suyo e atodos sus uasallos; et por esto consentimos que tomen esta yantar vna vez enel anno enla cabeça del monesterio e non mas.
Enlos logares do nos ouieremos de auer yantar tenemos por bien que nos den seysçientos mr. desta moneda por la yantar; et el Infante heredero que tome por la yantar quatroçientos mr. ally dola a de auer; et la Reyna otros quatroçientos mr. Otrosy el meryno mayor que tome por la yantar dola á de derecho çiento e çinquenta mr. por cada anno.
Establesçemos e mandamos queriendo guardar la gran franqueza e nobleza que an los fijos dalgo de Castiella e delas Espannas porla grant lealtad que Dios en ellos puso, que mientra estudieren en frontera en seruiçio de Dios e delos rreyes, aun que sean pasados los tres meses que nos son tenudos aseruir por la tierra e dineros que de nos tienen, mas
mientra el nuestro seruiçio durare, que ayan la franqueza que dicha es e les sea guardada esta merçed queles nos fazemos.Otrosy an priuillegio e franqueza los nuestros fijos dalgo el qual nos confirmamos, que por debdas que deuan non sean prendiados los sus palaçios de su morada, nin los cauallos nin la mula nin armas de su cuerpo, e tenemos por bien queles sea guardado.
De costunbre antigua fue e es guardado en Espanna que cada que algun perlado arçobispo o obispo finó, quelos canonigos elos otros aquien de derecho ode costunbre pertenesçe la elecçion deuen luego fazer saber al Rey la muerte del perlado que finó, e que non deuen esleyer otro, fasta quelo fagan saber al Rey. Otrosy que todo perlado delos sobredichos desque fuese confirmado et consagrado por do deue, ante que fuese asu yglesia, veniese fazer rreuerencia al Rey. Et por que algunos cabildos e perlados non guardaron el derecho que auemos por la dicha costunbre enlo que dicho es, mandamos atodos los cabildos delas yglesias catedrales e alos arçobispos e obispos que de aqui adelante fueren que nos guarden anos e alos rreyes que depues de nos venieren todo nuestro derecho en rrazon dela dicha costunbre; et los que contra ello fizieren en alguna manera, sepan que nos e los rreyes que depues de nos venieren, que seriamos contra las elecçiones que fuesen fechas en nuestro perjuyzio et contra los perlados e cabildos que non guardasen enlo sobredicho nuestro derecho, quanto podiesemos e deuiesemos con derecho, en tal manera por que el nuestro derecho e sennorio sea sienpre commo deue connosçido e guardado.
De estas nuestras leyes mandamos fazer este nuestro libro e seellar
con nuestro seello de oro para tener enla nuestra camara, e otros seellados con nuestro seello de plomo que enbiemos alas çipdades e villas e logares del nuestro sennorio. Dado enlas cortes de Alcala de Henares, veynte e ocho dias de febrero, Era de mill e trezientos e ochenta e seys annos, e atreynta e seys annos del nuestro rregnado, e a ocho annos que nos vençimos alos rreyes de Benamarin e de Granada enla batalla de Tarifa, e a quatro annos que ganamos la noble çipdat de Algezira. - Yo Toribio Fferrandez lo escriui por mandado del Rey.Sepan quantos este quaderno vieren commo nos Don Alffonso por la graçia de Dios Rey de Castiella de Toledo de Leon de Gallizia de Seuilla de Cordoua de Murçia de Jahen del Algarbe de Algezira, e Sennor de Molina, porque enestas cortes que nos agora ffizimos en Alcala de Henares con los perlados e rricos omes e ffijos dalgo e los delas Ordenes dela nuestra tierra que eran y connusco, et otrosy procuradores de todas las çibdades e villas e lugares de nuestro sennorio que mandamos llamar a las dichas cortes; los dichos perlados e rricos hommes e ffijos dalgo e los delas Ordenes e los dichos procuradores ffizieronnos algunas petiçiones, alas quales rrespondemos esto que se sigue:
Alo que nos pidieron merçed que touiesemos por bien deles mandar guardar sus ffueros e preuilliejos e donadios e cartas e libertades que auien delos rreyes onde nos venimos e de nos, et porque por nuestros mesteres de ffasta aqui non les auien seydo guardadas commo cunplia, que gelas quesiesemos guardar e los que non eran confirmados de nos ffasta aqui, que touiesemos por bien delos confirmar; et que mandasemos queles ffuessen guardados los vsos e buenas costunbres que auien ffasta aqui, et eso mesmo los ordenamientos que ffizimos por nuestros quadernos enlas cortes de Madrid e enlos otros ayuntamientos que despues ffizimos, et queles mandasemos dar las cartas que para esto ouiesen mester.
A esto rrespondemos quelo tenemos por bien e conffirmamosles los ffueros e preuilliejos e donadios e cartas e libertades que han, aquellos de que vsaron ffasta aqui; et otrosi los buenos vsos e las buenas costunbres; e alo que dizen delos preuilliejos e ffueros que dizen que tienen algunos que non son conffirmados de nos, que nos los muestren, e que mandaremos conffirmar e guardar aquellos que ffuere rrazon de se conffirmar. Otrosy lo que piden queles conffirmemos los ordenamientos que ffizimos enlas cortes de Madrid e enlos otros ayuntamientos que ffizimos despues aca, tenemoslo por bien.
Alo que nos pidieron que porque era ffama publica que muchos christianos ommes de grand guisa, ffijos dalgo e çibdadanos e labradores e clerigos, que dan a vsuras dineros e pan e pannos ssobre cartas de escriuanos publicos e por otros recaudos çiertos e en otras maneras; porque esto es grand pecado e contra la ley, quelo deuemos mucho estrannar e vedarlo porque se non fiziese de aqui adelante e dar pena por ello alos quelo ffizieron ffasta aqui; e los contratos que eran ffechos ffasta aqui en esta rrazon, quier de conpras o de enpennamientos o de otra manera qualquier en enganno de vsura, que mandasemos que non ualiesen, et que pagandoles ssu principal, aquello que ffuesse ssabido en verdad que auia de auer, queles diesen sus cartas e queles non pudiesen demandar mas por ello; e ssy alguna cosa ouiesen leuado de esquelmos o por penas, que se contasen en la quantia prinçipal dela debda que ouiese de auer; e otrossy que mandasemos alos perlados que ffiziessen ordenamiento e pusiesen grand pena enlos clerigos e enlos rreligiosos, asy enlo pasado commo enlo poruenir, por quelo guardassen assy de aqui adelante.
A esto rrespondemos quelo tenemos por bien e sobre esto ffaremos ley e ordenamiento qual vieremos que cunple, porque se escarmiente
lo passado e sse guarde lo porvenir. Et otrosy enlo que piden que mandemos alos perlados que ffagan guardar esto e lo estrannen alos que lo ffizieron, quelo tenemos por bien e gelo rrogamos e gelo mandamos.Alo que nos pidieron merçed que algunos dizen que sy aquellos que an ssennorio de algunos lugares non an preuilliejos en que se contenga quele es dada sennaladamente la justiçia, quelos sennores que an los lugares non la pueden auer aunque lo ayan prescriuido, diziendo que segund el Ffuero delas leyes e delas Partidas, la justiçia non se puede prescriuir; et que sy esto asy pasase, que todos los que an sennorio de algunos lugares en nuestros rregnos, ffincarian muy menoscabados por que muchos dellos non an preuilliejos; mas aquellos onde lo ellos eredaron e lo ouieron que vsaron dela justiçia en tienpo delos rreyes onde nos venimos e enel nuestro ffasta aqui de tanto tienpo aca que memoria de ommes non es en contrario; et otros commo quier que ouiessen preuilliejo, pero que antiguamente los rreyes e los sennores non parauan mientes alas palabras delas Partidas e del Ffuero delas leyes et non sse contiene enellos queles daua la justiçia, mas que vsaron ellos e aquellos onde ellos an los lugares por muy grand tienpo dela justiçia, de tanto tienpo aca que non es memoria de ommes en contrario ssegund dicho es. Et quelos rreyes onde nos venimos que ffasta aqui nunca ffizieron demanda sobre tales ffechos commo estos, nin vsaron delo que dizen las Partidas enesta rrazon. Et queles guardasemos enesto lo que les guardaron los rreyes onde nos venimos, et que non enbargando las leyes dela Partida e del Ffuero delas leyes quel Rey Don Alffonso ffiziera en grand perjuyzio e desaffuero e deseredamiento delos dela tierra.
A esto rrespondemos quelo tenemos por bien, e aun por les ffazer mas merçed, quelas leyes delas Partidas e del derecho e delos ffueros que son contra esto, quelas tenplaremos e declararemos en tal manera quellos entiendan queles ffazemos mas merçed de commo lo ellos pidieron, e queles ssea valedero e guardado para ssienpre.
Alo que nos pidieron merçed que non quisiesemos quelos ssus vassallos querellassen de ssus ssennores cuidandoles ffazer perder los lugares que an, nin que sean asy oydos commo lo agora eran, que cada vno que querie querellar de ssu ssennor que leuaua cartas que eran dadas delos nuestros alcalles de enplazamientos para ellos; et que tenien que esto que non era nuestro sseruiçio, que commo quier que non podien escusar de se seruir dellos por los mesteres que ouimos, que mucho ffazien por los tener bien prouados e guardados lo mas que ellos
podien; et que touiessemos por bien quelos que agora aqui andan querellando, quelos mandasemos yr e que sse abiniessen con ssus sennores.A esto rrespondemos que mandaremos alos nuestros alcalles que non den estas cartas ssin auer nuestro mandado espeçial, et alos que querellaren, que oyremos las querellas que vieremos que deuemos oyr de rrazon e non consintiremos que querellen maliçiosa mente.
Alo que nos pidieron merçed que mandasemos que non diessen cartas dela nuestra chançelleria por que entreguassen en seguro los vasallos con sus sennores; et ssy algunas cartas auian pasado en esta rrazon, que non fiziesen ninguna cosa por ellas.
A esto rrespondemos que mandaremos guardar que se non ponga tal tregua nin segurança en general; pero ssy alguno en espeçial vinier querellar de ssu ssennor e dixier que ha tal reçelo que non puede estar sseguro, e nos entendieremos que es tal la rrazon por quelo deuamos fazer, enbiaremos mandar al sennor quelo asegure so pena çierta; e las treguas e seguranças que son puestas ffasta aqui en general delos vassallos con ssu ssennor rrevocamoslas.
Alo que nos pidieron merçed queles mandasemos guardar delos nuestros merinos queles non comiessen enlas behetrias nin enlos solariegos nin enlos abadengos, ssinon en aquellos lugares do lo vsaron auer en tienpo delos otros rreyes.
A esto rrespondemos quelo tenemos por bien.
Alo que nos pidieron merçed quelos fijos dalgo que moran enlas villas, que non pechassen moneda nin ffonsadera, que assy lo auian de ffuero e gelo guardaron los rreyes onde nos venimos.
A esto rrespondemos quelo que piden dela moneda quela non paguen, quelo tenemos por bien e assy les ffue guardado; et lo dela ffonsadera, por que es contienda entrellos e los delas villas, mandarlo hemos veer e ordenar e guardarles hemos todo su derecho.
Alo que nos pidieron merçed que en ningund lugar delos nuestros sennorios ningund ffidalgo non ffuese atormentado, que assy lo auien de ffuero.
A esto rrespondemos quelo tenemos por bien.
Alo que nos pidieron merçed quelos ffijos dalgo non ffuessen presos por debdas que deuiessen a nos nin por otras debdas que deuiessen a otros algunos.
A esto rrespondemos quelo tenemos por bien, saluo si fuer cogedor o arrendador delos nuestros pechos, por que el se pone alo que non es su mester e se quebranta su libertad mesma.
Alo que nos pidieron merçed en rrazon delas tierras que de nos tenien e de mis ffijos, queles ponen en ellas grandes descuentos, e que gelas pusiesemos en tal manera quelas ouiesen çiertas e ssin descuento ninguno e sin mengua; que sabriemos queles ponien enellas los nuestros arrendadores muy grandes menguas e descuentos e cohechos, en guisa quelas auien mal paradas.
A esto rrespondemos quelo tenemos por bien, e para adelante assy lo mandaremos guardar; e aun aquellos que an querella de algunos cogedores e arrendadores sobre esto, muestrenlo alos nuestros contadores, e mandarles hemos ffazer dello derecho.
Alo que nos pidieron merçed quelos lugares que tienen los ffijos dalgo delas Ordenes por vida o por tienpo, que non deuen pagar ffonsadera nin yantar; et que agora algunos que gela demandan, et que mandasemos que gelo non demandasen en dineros nin en conducho quando y ffuesemos nin la Reyna nin el Inffante.
A esto rrespondemos que enlo dela ffonsadera, que tenemos por bien de gelo guardar aquello que tienen por ssus dias, e enlo dela yantar, porque unos lo dizen de una guisa e otros de otra, mandarlo hemos saber e guardarles hemos su derecho.
Alo que nos pidieron merçed quela chançelleria que auian de pagar los ffijos dalgo e los otros que son nuestros vasallos, dela tierra que de nos tienen, que mandasemos que gela tomassen en cada paga lo que y montar, e que gela non tomasen enel primero terçio commo gela tomauan ffasta aqui.
A esto rrespondemos quelo tenemos por bien.
Alo que nos pidieron merçed que por queles tomauan chançelleria por las tenençias delos castiellos e por las quitaçiones delos ofiçiales, que mandasemos quela non tomasen de aqui adelante.
A esto rrespondemos que quanto delas tenençias delos castiellos, que tenemos por bien quelo non paguen, e lo delas quitaçiones, la que se diere por cartas, tenemos por bien que paguen della chançelleria.
Alo que nos pidieron merçed que porque en algunos lugares delos sennores, asy delas yglesias commo delas Ordenes e delos ffijos dalgo, posimos por nuestras cartas ommes çiertos que viesen fazienda del conçeio, asy commo enlas nuestras villas; quelo mandasemos desffazer et quelos posiesen los sennores commo ponien los otros offiçiales.
A esto rrespondemos quelos que tienen que rresçibieron agrauio en esto, quelo digan e queles mandaremos guardar su derecho.
Alo que nos pidieron merçed que quando dimos las meryndades
de Castiella a Ruy Gutierrez Quixada e a Ferrand Ladron de Rojas, que mandamos que ouiesen una yantareja en cada lugar por el ssant Johan para su mantenimiento, et que noslo mostraron que era desaffuero, et nos quelo mandamos dexar e que el adelantado nunca lo quiso dexar de coger de cada anno desafforadamente e queles hiermaua quanto auien, et que touiesemos por bien delo mandar dexar, pues gelo demandauan contra ffuero.A esto rrespondemos que mandaremos dar carta que sy ante de Ruy Gutierrez e Ferrand Ladron non lo tomaron otros merynos, quelo non tomen.
Alo que nos pidieron merçed que enlos lugares que an libertades por ffueros e preuilliejos o por vso e costunbre, e preuilliejos que non entrase y meryno, que gelo mandasemos guardar.
A esto rrespondemos que porque algunos destos preuilliejios ffueron dados en tuturia o en tienpos sueltos, quelos que tienen preuilliejos o ffueros o libertades en qualquier manera en esta rrazon, o lo ouieron de vso e de costunbre, que nos lo enbien mostrar ffasta dia de ssant Johan e mandarlo hemos ver e librar commo ffallaremos que cunple a nuestro seruiçio e a guarda dellos.
Alo que nos pidieron merçed quelos nuestros ffijos dalgo non estauan bien guisados commo cunplie, e queles ffiziesemos merçed conque se pudiesen guisar para nuestro seruiçio, ca por los annos que ffueron muy fuertes depues que vinieron de Algezira a aca, e por la grand costa que auien ffecho ante desto, tanto ouieron que ffazer en se mantener, que non se pudieron guisar de cauallos e de armas.
A esto rrespondemos quelo tenemos por bien, e nos cataremos manera commo les ffagamos merçed.
Alo que nos pidieron merçed en rrazon delas debdas quelos christianos deuen alos judios, por que la tierra era yerma e despoblada por lo annos ffuertes que vinieron e por los muchos pechos que pecharon enlos nuestros mesteres, que touiesemos por bien de catar y manera por que la tierra non se hermase; quelas debdas que deuien alos judios eran muchas, e las cartas quelos christianos ffizieron ssobre sy con los mesteres en que estauan, que eran de muy mayores quantias quelos marauedis que rreçibieron; et que catasemos y manera por quela tierra non se hermase e los judios ouiesen con que nos sseruir.
A esto rrespondemos que nos mandado auemos ffazer sobre esto ordenamiento en que manera lo pasen tanbien enlo pasado commo enlo de aqui adelante, en aquella manera que entendimos que era nuestro serui-
çio e pro dela tierra, e mandar gelo hemos aqui mostrar ante que de aqui partamos.Alo que nos pidieron merçed que auia grandes contiendas enla nuestra tierra sobre las partiçiones delos terminos e sobrel paçer e cortar; et que mandasemos dar en cada vna delas comarcas del nuestro sennorio çiertos ommes bonos que partiesen los terminos entre los lugares que cunpliese, tanbien entre aquellos quelos ouiesen partidos commo los que non fuesen partidos, guardando a cada vno sus preuilliejos e sus vsos e costunbres en manera que ffinquen los lugares en asosiego.
A esto rrespondemos quelo tenemos por bien e nos los cataremos tales quelo sepan verdaderamente, porque sea guardado a cada vno lo que deue.
Alo que nos pidieron merçed que por quelos nuestros arrendadores e cogedores delas terçias fazien muchos agrauios en rrazon delas tazmias e delos padrones, que mandasemos alos perlados que arrendasen todos los diezmos, assy commo los arrendauan enla ffrontera e en el arçobispado de Toledo guardando a cada vno que aya su parte e las cosas que deue auer, et que mandasemos dar las condiçiones çiertas porque todo se arrendase de vna guisa.
A esto rrespondemos quelo tenemos por bien e mandarlo hemos asy.
Alo que nos pidieron merçed quelos cogedores deste anno queles fazien muchos agrauios, que arrendaron el pan e el vino a vnos e la pesquisa e lo menudo a otros, e demandanles queles den dos padrones e mas, e por cada padron que demandauan seys marauedis de apresentamiento e por carta de pago seys marauedis, e quelo mandasemos ordenar de guisa que estos agrauios non se ffiziesen.
A esto rrespondemos quelos que rresçibieron agrauio quelo digan, e mandarlo hemos saber e ffazerles hemos ffazer dello emienda e derecho, e para adelante mandarlo hemos ordenar, porque se non ffagan estos agrauios nin otros.
Alo que nos pidieron merçed en rrazon delas debdas que deuien a qualesquier personas, quelas non pudiesen demandar depues que ffuessen pasados seys annos desquel plazo ffuese llegado, saluo sy mostrasen por rrecabdo çierto quelas demandaron en este tienpo delos seys annos o prendaron por ellas; et que en las debdas pasadas maguer ffuesen pasados los seys annos, quelas pudiesen demandar ffasta dos annos, e sy en estos dos annos non las demandasen, non prendasen por ellas, que despues quelos dichos dos annos fuesen pasados quelas non pudiesen demandar.
A esto rrespondemos que tenemos por bien que enlas debdas pasadas que deuen los christianos vnos a otros, quelas demanden de aqui a tres annos, et las que non demandaren a este tienpo, que non las puedan auer; e enlas debdas que acaesçieren de aqui adelante, que las demanden ffasta diez annos, Et sobre esto mandamos ffazer ley segund que por ella veran mas conplida mente.
Alo que nos pidieron merçed que porque fuesen mejor librados, que nos asentasemos vn dia enla semana alibrar las petiçiones quelos dela nuestra abdiençia guardan para nos enel su libramiento que ellos ffazen, et este dia que ffuese çierto, por quelo supiesen e nos apresentassen sus petiçiones.
A esto rrespondemos quelo tenemos por bien, e el dia sennalado sse-
ra el lunes. Et quando este dia non nos pudieremos asentar por algund enbargo que acaesca, asentarnos hemos otro dia dela ssemana en emienda deste.Alo que nos pidieron merçed quelos arrendadores e rrecabdadores delas terçias auien ganado e ganauan cartas para que ffiziesen pesquisa contra los malos dezmeros, e que esta pesquisa nunca se ffizo nin se vsó synon contra los terçeros, e quelo mandasemos desffazer e que non ffiziesen ninguna cosa por las cartas que en esta rrazon auien ganado o ganasen.
A esto rrespondemos quelo tenemos por bien.
Alo que nos pidieron merçed que do anda el escodrinno dela sal, que al que non ffallasen mas de media ffanega de sal, que non ouiese pena ninguna, et esto quelo mandasemos guardar del tienpo desta rrenta acabada adelante.
A esto rrespondemos que tenemos por bien de mandar ordenar esto commo pase de aqui adelante, en manera que non sean agrauiados, e ordenarlo hemos ante que se cunpla el anno desta rrenta.
Alo que nos pidieron merçed quela pena delos descomulgados non ffuese demandada, saluo contra aquellos quela yglesia esquiuó, e queles ffuese demandado del tienpo que ffueron esquiuados e non de mas.
A esto rrespondemos quelo tenemos por bien.
Alo que nos pidieron merçed que non ffuesen tenudos de dar guia saluo alos nuestros dineros, e sy guia mandasemos dar a otros, quela diesen a su costa, e porque ffuesen çiertos quales son los nuestros dineros, que leuasen carta de nuestro tesorero o de nuestro despensero mayor, et estos nuestros offiçiales que jurasen que non diesen cartas, saluo por los nuestros dineros.
A esto rrespondemos quelo tenemos por bien.
Alo que nos pidieron merçed que algunas uezes enbiamos algunos ballesteros o porteros a algunas delas çibdades e villas de nuestro sennorio a ffazer entregas de algunas quantias de marauedis delos nuestros derechos o de otras cosas, et que non quieren connosçer de algunas condiçiones que se contienen enlas dichas cartas nin algunas rrazones que son de derecho que allegauan en sus deffensiones aquellos que eran tenedores delos bienes, nin quieren a nos ffazer ende relaçion, e que arrebatosa mente ffazien las dichas entregas commo non deuen, et que quando se querellan alos alcalles dela nuestra corte, que mandauan dar nuestras cartas contra ellos; que desffiziesen lo que ffizieron e pechasen
algunas quantias de marauedis por rrazon de costas a aquellos a quien ffazien estos agrauios. Et que non pudien seer fallados los dichos ballesteros e porteros en aquellos lugares nin les ffallauan bienes para que pagasen esto que dicho es, et que desto vinien muchos dannos ala tierrra, e a nos non se tornaua en seruiçio; et que touiesemos por bien que quando algunas cartas desta guisa o de otra mandasemos dar, que ffuesen alas justiçias delas nuestras çibdades e villas quelas cunpliesen, e non alos dichos ballesteros e porteros, saluo quando ffuese mostrado por rrecabdo çierto quelas justiçias non las querien cunplir.A esto rrespondemos quelo tenemos por bien.
Alo que nos pidieron merçed que mandamos dar nuestras cartas para algunas delas justiçias en queles mandamos que costriniesen a algunos ommes delos mas rricos del lugar, queles nonbrasen los nuestros cogedores que conprasen los bienes de alguno e queles ffaziamos sana la conpra, e quelos nuestros cogedores maliçiosa mente que nonbrauan a algunos que non eran delos mas rricos nin delos medianos de aquel lugar, e quelos cohechauan por que gelos non ffiziesen conprar, et despues que se dexauan destos ommes e nonbrauan otros ffasta que auien cohechado todos los que querien. Et que desto uinien muchos males e dapnos ala nuestra tierra, e a nos non se torna en seruiçio; que mandasemos que de aqui adelante non pudiesen los dichos nuestros cogedores nonbrar los conpradores sin vn juyz o alcalle delos ordenarios. Et desque ouiesen nonbrado los dichos conpradores, que non pudiesen nonbrar otros; et otrosy do non ffallasen presçio aguisado por almoneda, que tomasen los offiçiales o offiçial dela villa apreçiadores, aquellos que viesen que cunplien, e les tomasen jura sobre santos euangelios quelos apreçiasen verdaderamente, Et por el apreçiamiento que desta guisa ffuese ffecho, quelo rreçibiesen los dichos conpradores.
A esto rrespondemos quelo tenemos por bien.
Alo que nos pidieron merçed que muchas vezes era nuestra merçed de mandar dar nuestras cartas de afincamiento a algunos en rrazon de algunas duennas e donçellas e bibdas e otras mugeres que casasen con algunos ommes, e que mandasemos que de aqui adelante non diesen tales cartas, e quando tales cartas ffuessen, quelas non cunpliesen nin cayesen en pena nin en enplazamiento los quelas non cunpliesen, e que pusiesemos pena alos quelas ganasen e vsaren dellas.
A esto rrespondemos que quanto cartas de rruego, que seria sin rrazon delas non dar a algunas personas que entendieremos que es aguysado delas dar, pero quelas mandaremos dar la primera vez; mas que
otras cartas de premia nin de afincamiento nin de enplazamiento, quelas [non] mandaremos guardar, e si enplazamiento ffuere ffecho en que digan que uengan sobresta rrazon, que tenemos por bien que non sean tenudos alo seguir.Alo que nos pidieron merçed que muchos delos que rrecaudauan los derechos dela nuestra camara ganauan cartas dela nuestra chançelleria en que mandauamos que todos los notarios ffuesen tenudos deles mostrar e dar las escripturas que por ellos pasaron, et que por quanto muchos delos notarios son ffinados e ffincaron las escripturas en otras personas, e que non podien tan ayna dar gelas, quelos enplazauan ante nos para los traer a dapno e los cohechar; e que mandasemos que en tales cartas non se pusiesen enplazamientos, pues las nuestras justiçias podien bien apremiar alos notarios en esta rrazon; et los offiçiales que ffuesen tenudos delos apremiar, e sy los non apremiasen, quelos offiçiales ffuesen enplazados.
A esto rrespondemos quelo tenemos por bien.
A lo que nos pidieron merçed que en algunas çibdades e villas del nuestro rregno ffueron mostradas nuestras cartas en que enbiamos mandar alos escriuanos publicos que mostrasen los rregistros, e aquellos que fallasen que fyaron a algunos ante los offiçiales paralos apresentar a çierto plazo e so çierta pena elos non presentaron, que mandauamos que estas penas e las otras ffiscales, que ffuesen para la nuestra camara; et que sy esto asi pasase, que seria grant dapno dela tierra por quanto estas penas tales nunca ffueron demandadas nin requeridas, mayor mente commo quier que estas ffiaduras atales se ffazen ante los nuestros offiçiales, que acaesçe despues que se cunplen los plaços delas apresentaçiones e salen delos offiçios asi los juezes commo los escriuanos ante quien pasaron, et que se ffazen las apresentaçiones despues ante otros offiçiales et que destos offiçiales son muchos ffinados; asy que en algunos rregistros paresçen las fiaduras e non las apresentaçiones por muerte de algunos offiçiales, e quelas penas pasadas quelas quitasemos, e de aqui adelante quelas non pudiesen demandar desque un anno ffuese pasado, et que esto sera nuestro seruiçio, e fariemos grant merçed ala tierra.
A esto rrespondemos quelas penas delas ffiaduras passadas a que se algunos obligaron apresentar algunos ommes so çierta pena enlas villas del tienpo pasado, que tenemos por bien por les ffazer merçed de gelas quitar, e de aqui adelante tenemos por bien quelas puedan demandar depues que cayeren enla pena ffasta un anno e non depues.
Alo que nos pidieron merçed que mandasemos que se non ffiziese la pesquisa que ffasta aqui mandauamos fazer contra aquellos que auian auido alguna cosa del desbarato dela batalla que ouimos con los rreyes de Benamaryn e de Granada en quelos vençimos.
A esto rrespondemos que tenemos por bien que quanto pesquisa, non ande enla tierra sobresto. Pero ssi sopieremos en uerdad que alguno ouo mayor quantia de quatro mill marauedis arriba, que se pueda demandar.
Alo que nos pidieron merçed que enlas çibdades e villas e lugares delos nuestros rregnos do an las escriuanias publicas por ffuero o por preuilliejo o por uso o por costunbre, que mandasemos queles ffuese guardado.
A esto rrespondemos quelo muestren e quelo mandaremos guardar segund el ordenamiento que ffizimos enlas cortes de Madrid.
Alo que nos pidieron merçed que muchos del nuestro sennorio que arrendaron las nuestras alcaualas enla nuestra corte por los diez e nueue meses e medio que se cunplieron postrimero dia de dezienbre que pasó e otros que arrendaron las terçias, e los que arrendaron dellos por menudo, por los tenporales muy ffuertes que ouo enel dicho tienpo, que se perdieron los ffrutos del pan e del vino e delas otras cosas donde auian a pagar las rrentas; et por esta rrazon que perdieron lo que auien e andan desterrados, et que pues Dios quiso tirar los frutos dela tierra, queles ffiziesemos merçed porque non perdiesen lo que an.
A esto rrespondemos que do nos ssopieremos en buena verdad que es mester e ha rrazon delo ffazer, queles ffaremos merçed.
Alo que nos pidieron merçed que touiesemos por bien de mandar que enlas çibdades e villas e lugares delos nuestros rregnos, que librasen los pleitos delas alcaualas los alcalles ordenarios que libran los otros pleitos, o alguno delos dichos alcalles, et que non ouiese otro alcalle apartado para lo librar; ca asy lo torgamos otras vezes enla çibdad de Burgos e aqui en Alcala de Henares, et sy de otra guisa se ffiziese, que non seria nuestro seruiçio. Et eso mesmo en los almoxarifadgos do non suele auer alcalle çierto; et que non tomasen mas por las escripturas e por los enplazamientos, que toman por los otros pleitos, et el offiçial que ouiese parte en la rrenta, que non ffuese judgador della, e sy la judgase, que perdiesse el offfiçio e non ualiese loque judgase.
A esto rrespondemos quelo tenemos por bien.
Alo que nos pidieron merçed que por rrazon delas azemilas que se toman para nos e para la Reyna e para el Inffante e para mis ffijos
e para otros ssennores uiene muy grand dapno ala tierra, e que esto non era nuestro sseruiçio, e que mandasemos que de aqui adelante non tomasen azemilas.A esto rrespondemos quelo guardaremos lo mas que pudieremos guardar, e do sse non pudier escusar, queles mandaremos muy bien pagar sus alquilees aguisados.
Alo que nos pidieron merçed que algunos perlados e juezes de las yglesias se entremetien de librar los pleitos que a nos e alos nuestros alcalles pertenesçen, et que algunos alcalles asy dela nuestra corte commo delas çibdades e villas e lugares de nuestros rregnos e de otros sennorios se entremetien de librar los pleitos que perteneçen ala juridiçion eclesiastica; et que mandasemos declarar en quales pleitos han de rresponder delante dela juridiçion seglar, e en quales delante el juez dela juridiçion eclesiastica, porque enesto non ouiese dubda de aqui adelante.
A esto rrespondemos que mandado auemos ffazer el declaramiento, e que enestas cortes gelo mandaremos mostrar.
Alo que nos pidieron merçed quelos procuradores delas Ordenes dela Trinidad e de Sant Olalla e los otros procuradores delas otras Ordenes ganauan cartas dela nuestra chançelleria muy aguisadas, diziendo quelo an de preuilliejos, e que demandauan e costrinnien apremiada mente alas gentes con las dichas cartas queles mostrasen e diesen los testamentos delos finados, e despues que gelos auian mostrado, queles demandauan queles diesen todas aquellas cosas que se contenien porlos dichos testamentos, que son mandadas a lugares non çiertos e a personas non çiertas. Otrosy enel testamento sy non mandare el ffinado alguna cosa a cada vna delas dichas Ordenes, que demandauan alos cabeçaleros e herederos del ffinado o dela ffinada quanto monta la mayor manda quese contiene enel testamento, et ssy gelo non querien dar, quelos trayen a pleyto e les ffazien otros muchos enbargos maliçiosa mente ffasta quelos fazien cohechar, en manera que por esta rrazon non se pudien conplir nin se cunplen los testamentos delos ffinados segund los ordenaron al tienpo de sus ffinamientos. Otrossy que demandauan eso mesmo que todos aquellos que mueren sin ffazer testamentos, quelos bienes que ffincan a sus herederos, que gelos diessen para las dichas Ordenes, et por esta rrazon que ffueron muchos deseredados e cohechados. Et destas cosas tales que se sigue muy grand dapno ala tierra e non es nuestro seruiçio, e que quisiesemos deffender e mandar que esto non pasase assy de aqui adelante et que reuocasemos
las cartas nuestras que en esta rrazon an. Et en esto queles fariamos grand nuestro sseruiçio, e a ellos merçed.A esto rrespondemos quelo tenemos por bien, e rreuocamos las cartas que contra esto son dadas, e de aqui adelante non vsen dellas.
Alo que nos pidieron merçed que algunos otros demandadores asy delas demandas vltramarinas commo delas otras demandas, con cartas que ganan dela nuestra chançelleria, que van a andar por las çibdades e villas e lugares delos nuestros rregnos e del nuestro sennorio e ffazen llegar los pueblos apremiada mente do ellos quieren, e ffazen alas gentes perder sus lauores e sus ffaziendas ffaziendolos detener quinze dias e tres semanas e mas en sus predicaçiones ffasta queles ffazen cohechar, e en esto que rreçiben los ommes grand dapno e pierden sus ffaziendas, e que touiesemos por bien de mandar que sse non diessen tales cartas dela nuestra chançelleria, e delas que son dadas desta guisa, que non vsasen dellas daqui adelante nin ualiessen, e las que ffuesse la nuestra merçed que andudiessen, que ffiçiesemos declaraçion sobrello en manera quelo pasasen bien con ellos.
A esto rrespondemos que quanto por las cartas que tienen en queles ffiziesen premia que oyesen las demandas, quelas rreuocamos, e mandaremos dar las cartas alas demandas que touieremos por bien que anden segund el ordenamiento que nos ffizimos, en que non ha premia ninguna para quelos oyan, que es este: si alguna carta ffuere mostrada contra esto, quelo non cunplan e quenos enbien la carta e el quela mostrare, e quelo mandemos escarmentar.
Alo que nos pidieron merçed quelas soldadas que an de auer los rregidores que enbiamos alas çibdades e uillas e lugares delos nuestros rregnos, e delos otros ofiçiales, que mandasemos quelas pagassen los quelas ssuelen pagar.
A esto rrespondemos que tenemos por bien que enlas villas do an propios, quelo paguen dellos, e do non an propios, quelo paguen los que suelen pagar en todas las cosas que sson para pro comunal del lugar.
Alo que nos pidieron merçed quelos alcalles dela mesta delos pastores ffazien muchos males e cohechos enla tierra, e quelo ordenasemos por que pasase commo deuie, e la tierra non rreçibiese mal nin dapno.
A esto rrespondemos quelo tenemos por bien e mandarlo hemos ordenar en tal manera que se non ffagan los agrauios que se ffizieron ffasta aqui.
Alo que nos pidieron merçed quelos que rrecaudauan el seruiçio delos ganados, quando acaesçen queles traen los sus ganados de algunos lugares do auien algo alos lugares do moran, o los lieuan de vn lugar a otro do son vezinos o an algo, queles tomauan seruiçio de los dichos ganados en cada lugar por do pasauan; e que mandasemos que non tomasen seruiçio delos ganados que vienen de vna villa a otra o de vn lugar a otro, saluo delos ganados que van a estremo, e quelo tomassen en aquellos lugares do ffue acostunbrado.
A esto rrespondemos que está agora arrendado por vn anno e que nos ponen por esto grand descuento, pero desque esta rrenta ffuere conplida, nos lo mandaremos ordenar porque se pase commo deue e ellos non rresçiban agrauio.
Alo que nos pidieron merçed en rrazon delos canbios delas çibdades e uillas e lugares de nuestros rregnos que mandamos tomar, que en esto que uinie muy grand dapno alos mercaderes delos nuestros rregnos, e otrosy alos rromeros que uan a Santiago, e alos otros uiandantes por rrazon que non fallauan tan presto el canbio quando les era mester, e que mandasemos que vsasen delos canbios segund que solien vsar ante quelos tomasemos para nos.
A esto rrespondemos que agora non lo auemos escusado por algund tienpo por rrazon que auemos de ayuntar oro e plata para algunas cosas que non podemos escusar, e dende adelante nos mandaremos que vsen de sus camios segund solien.
Alo que nos pidieron merçed que deffendiesemos que ningunos delos que estan enla nuestra chançelleria que non enbargasen las cartas que qualesquier ommes ganasen, saluo sy las quisiesen testar, e en otra manera quelas non enbargasen, e que pusiesemos sobrello grand pena por que ffuese mejor guardado.
A esto rrespondemos quelo tenemos por bien, e porque se guarde mandamos que qualquier que enbargar carta o la testar non auiendo poder, que pechen quinientos marauedisala parte a quela enbargar; et quel chançeller non la dexe por ello de sellar, e sy la non sellar por tal enbargo, que pierda la terçia parte dela quitaçion que tiene de nos. Pero sy alguno delos ofiçiales que estan ala tabla del sello vier que alguna carta es contra los nuestros derechos, quela pueda enbargar e quela lieue luego antel notario de cuya notaria ffuere librada; et sy fuer ffallado que non era contra los nuestros derechos, que peche el quela asy enbargar ala parte quela gana las costas dobladas e trezientos marauedis.
Alo que nos pidieron merçed quelos alcançes delas ffonsaderas e medias ffonsaderas e sueldos e medios sueldos e delo que ffue dado alos que nos siruieron en Algezira que algunos ommes demandauan e rrecaudauan por nos enlas çibdades e villas e lugares delos nuestros rregnos, que mandasemos quelos non demandasen de aqui adelante.
A esto rrespondemos que tenemos por bien de gelo quitar.
Alo que nos pidieron merçed que por rrazon que ffue nuestra merçed de enbiar a algunos obispados e çibdades e villas e lugares delos nuestros rregnos algunos corregidores delos pleitos dela justiçia, et que en algunos lugares los corregidores que rreçibieron algunas ffiaduras sobre algunos caualleros e escuderos e çibdadanos e otros ommes, e que estan obligados con todos sus bienes e non auien termino cierto; et queles auien ffecho entender que algunos ommes que an ganado cartas dela nuestra chançelleria para les demandar algunas penas e calopnias para la nuestra camara, et que esto non era nuestro seruiçio e quelos dela tierra rreçibien grand dapno e que touiesemos por bien deles ffazer merçed e de quitar las dichas ffiaduras que asy ffueron ffechas agrauiada mente e contra ffuero; e que mandasemos que de aqui adelante los alcalles e los merynos e los ofiçiales delas çibdades e uillas e lugares de nuestros rregnos, cada vnos en sus lugares e en sus juridiçiones, rreçibiesen las ffiaduras segund quelo auien de ffuero e non en otra manera, e las que eran rreçibidas agrauiada mente quelas tornasen a rreçebir segund ffuero en qualesquier pleitos.
A esto rrespondemos que alo que dizen delas ffiaduras que ffueron tomadas, que bien saben que quanto las ffiaduras que se tomaron alos ofiçiales, que non podian seer agrauiadas nin contra ffuero, por quanto los ofiçiales enlo que tanne a sus ofiçios non an ffuero connusco; pero por los ffazer mas merçed de commo lo ellos piden, que tenemos por bien e les quitamos estas ffiaduras, e que ffinquen enla nuestra merçed; e sy ffallaremos que ffizieron algun yerro enlos ofiçios, de gelo escarmentar commo fallaremos quelo deuemos ffazer; e alo que dizen delas otras ffiaduras que son tomadas delos otros que non son ofiçiales e que se tomaron contra ffuero, tenemos por bien quelas tomen los ofiçiales segund ffuero, e que finquen rreuocadas las que se tomaron contra ffuero; et de aqui adelante quelas ffiaduras que acaesçieren quelas tomen los ofiçiales segund ffuero.
Alo que nos pidieron merçed que bien sabiemos en commo nos auiemos de auer enlas çibdades e villas e lugares delos nuestros rregnos nuestras yantares, que nos las dauan en cada lugar quando nos
mesmo nos acaesçemos en la çibdad e villa e lugar o enel termino, quando pasasemos el puerto para yr ala frontera en seruiçio de Dios e nuestro en defendimiento dela fe e dela nuestra tierra e non en otra manera, et que algunos andauan por la tierra a pedir estas yantares, nos seyendo en la nuestra tierra aquende el puerto, e non seyendo nos en las çibdades e villas e lugares dolas demandauan nin en su termino, et en algunos lugares que demandauan mas quantias de marauedis por yantares de quanto ssolien e deuien pagar; et que mandasemos que se non demandasen estas yantares synon quando nos mesmo nos acaesçiesemos en la çibdad o villa o lugar dolo demandasen o en su termino, o quando pasasemos el puerto para yr ala ffrontera en seruiçio de Dios e nuestro e en deffendimiento dela fe e dela tierra, e que en ningund lugar non demandasen por yantar mas quantia de marauedis de quanto solien e deuien pagar.A esto rrespondemos que quanto enlo delas villas, que tenemos por bien queles sea guardado commo lo piden, pero en lo delos abadengos, que en las cortes de Madrid ffue ffallado quelas deuiamos aleuar e leuamoslas despues aca e tenemos por bien quelas paguen de aqui adelante segund las pagaron ffasta aqui.
Alo que nos pidieron merçed que algunos conçeios delas çibdades e villas e lugares de nuestros rregnos que han rreçebido e rreçiben de cada dia muy grandes agrauios e grandes dapnos e menoscabos por el rrepartimiento queles ffue ffecho dela ssal delas ssalinas de Annana e de otras ssalinas, lo vno porque en algunas villas e lugares queles echaron mucho mayores quantias de ssal de quanto deuian; et que maguer queles nos mandamos dar nuestras cartas en que pagasen los marauedis que montasen çiertas quantias de ssal e non mas, que non gelas quisieron guardar e queles demandauan toda la quantia queles ffue echada enel primero rrepartimiento, e quelos prendauan todo lo queles fallauan; e lo otro por que pagauan los marauedis que montaua la dicha ssal que cada vno delos dichos lugares auian e an de comer delas dichas ssalinas por el dicho rrepartimiento, e non yvan por ella todos los mas dellos, e comprauanla otra uez cada vnos en sus lugares de aquellas ssalinas mesmas. Et sobresto queles prendauan e les tomauan lo queles ffallauan, e sobre las prendas, que an acaesçido en algunos lugares muertes de ommes e de bestias e de ganados, e les ffazen otros muchos agrauios, e cohechos e enplazamientos para aqui ala nuestra corte, porque seles auie seguido e siguen muy grandes costas en manera quelo non podian conplir, e que se despoblauan los nuestros lugares, e que esto que
era grand nuestro desseruiçio e dapno dela nuestra tierra, e que touiesemos por bien e mandasemos quelas villas e lugares que ouiesen pagado o quisiesen pagar los marauedis dela ssal queles nos mandamos tomar segund se contiene por las nuestras cartas queles nos mandamos dar enesta rrazon, que partiesen mano dellos delos annos pasados, et enlo de aqui adelante, quelas mandasemos que traxiesen e comiessen ssal de qualesquier delas nuestras salinas desenbargadamente segund que sienpre lo vsaron e acostunbraron en tienpo delos rreyes onde nos uenimos et enel nuestro, e que non vsasen del dicho rrepartimiento nin ffuesen porla dicha ssal apremiadamente; et esto que seria nuestro sseruiçio e ffariamos enello grand merçed alos dela nuestra tierra.A esto rrespondemos que quanto en rrazon dela quantia dela ssal que mandamos rrepartir a algunas villas e les dimos nuestras cartas despues enque tomasen menor quantia, que tenemos por bien queles sea guardado. Et enlo de adelante nos lo ordenaremos enla manera que viermos que cunple porque non rreçiban agrauio.
Alo que nos pidieron merçed que porel cuento que se ffazie agora nueuamente por nuestras cartas en que demandan cuenta atodos aquellos e aquellas que an ganados, queles diesen cuenta dellos quelos querien escreuir, por que sy los quisiesen vendero dar o enagenar, que ffuesen tenudos de mostrar alos rrecaudadores e cogedores por rrecabdo çierto do los vendieron o a quien los dieron o quelos ffizieron. Et sy lo non mostraren asy por rrecabdo çierto, quelos duennos delos ganados ffuesen tenudos de pechar o perder otros tantos ganados de ssuyo o la quantia que valiesen, e ssobresto que ffazien allegar alos conçeios e alos pueblos e enplazar las gentes por nonbre, e se achacauan e los detenien de cada dia e los echauan enplazos ffasta queles ffazien cohechar e sse auien de abenir con ellos asy commo ellos querien; et que non escreuisen los ganados segund que porlas nuestras cartas se contiene, et que esto era grand nuestro desseruiçio e despoblamiento dela nuestra tierra e quelo mandasemos estrannar e que non consentiesemos que pasase assy de aqui adelante.
A esto rrespondemos quelo tenemos por bien que esto non pase de aqui adelante, e enlo pasado nos lo mandaremos escarmentar alos quelo ffizieron.
Alo que nos pidieron merçed que de çinco o de sseys annos aca muchos ommes delas çibdades e uillas e lugares delos nuestros rregnos que vsaron e vsan pasar por mar delos nuestros rregnos e del nuestro ssennorio a tierra de Françia e a tierra de Frandes, e a esas partidas que
an rreçebido e rreçiben muy grandes dapnos e rrobos e muertes de ommes de gentes de Ynglaterra e de Bayonna uasallos del Rey de Ynglaterra, asy que auien muerto en tregua muchas gentes delos nuestros rregnos e del nuestro ssennorio, e les auien tomadas e rrobadas e quemadas muchas naos e rrobados muchos aueres, e sennaladamente agora ante dela ffiesta de Nabidad que agora pasó, estando los de nuestros rregnos e del nuestro ssennorio en tregua puesta por nos con los de Ynglaterra e con los de Bayonna; e los delos nuestros rregnos e del nuestro ssennorio guardando la dicha tregua e ffiando della, que cargaron en algunos delos nuestros puertos delas marismas algunas naos de mercadurias e sennaladamente en Castro dordiales que cargaron dos naos, e cuydando yr seguros por la dicha tregua yendo porla mar e non ffaziendo nin diziendo nin meresçiendo porque, que rrecudieran contra ellos naos de Bayonna armadas de guerra e que tomaron muy cruelmente las dichas dos naos con muy grandes aueres que enellas yuan cargadas e que mataron los ommes que en ellas yuan; e que nos ssintiesemos destos ffechos tan desaguisados quelos delos nuestros rregnos e del nuestro ssennorio auien rreçibido de gentes de Ynglaterra e de Bayona vasallos del Rey de Ynglaterra, e que mandasemos y lo quela nuestra merçed ffuese.A esto rrespondemos que nos enbiamos sobresto nuestros mandaderos al Rey de Ynglaterra, e aun an puesto plazo çierto de se ver de consuno los comisarios que nos dimos sobresto et los quel Rey de Ynglaterra enbió, e bien creemos quelo ffaran desffazer; e sy lo non desffizieren, nos tornaremos a ello commo deuemos por quelos del nuestro sennorio ayan emienda e conplimiento de derecho.
Alo que nos pidieron merçed que touiesemos por bien de ver e librar las petiçiones espeçiales quelos perlados e rricos ommes e ffijos dalgo e los procuradores delas çibdades e uillas nos mostrasen.
A esto rrespondemos quelo tenemos por bien.
Alo que nos pidieron merçed queles mandasemos dar el quaderno quito de chançelleria.
A esto rrespondemos quelo tenemos por bien.
Por que se ffalla que el logro es muy grand pecado e vedado assy en ley de natura commo en ley de escriptura e de graçia, e cosa que pesa mucho a Dios e por que vienen dapnos e tribulaçiones alas tierras do se vsa, e consentirlo o judgarlo e mandarlo entregar es graue pecado; et ssin esto es muy grand hermamiento e estruymiento delos algos e delos bienes delos moradores dola tioru dosse vsa: e ffasta aqui de
luengo tienpo aca fue dado logro sennaladamente porlos judios, e non fue estrannado commo deuia; por ende nos Don Alffonso porla graçia de Dios Rey de Castiella de Toledo de Leon de Gallizia de Seuilla de Cordoua de Murçia de Jahen del Algarbe de Algezira, et Sennor de Molina, por seruir a Dios e guardar nuestra alma commo deuemos, e por tirar los males e dapnos que por esta rrazon vinian a nuestro pueblo e a nuestras tierras, tenemos por bien e deffendemos que daqui adelante ningund judio nin judia nin moro nin mora non ssea osado de dar alogro por sy nin por otro; et todas las cartas o priuilliejos offueros queles ffueron dados ffasta aqui porqueles ffue consentido de dar a logro en çiertas maneras e auer alcalles e entregadores enesta rrazon, nos las tiramos e rreuocamos e las damos por ningunas con conseio de nuestra corte, et tenemos por bien que non valan daqui adelante commo aquellas que non pudieron seer dadas nin deuen seer mantenidas porque son contra ley segund dicho es. Et mandamos a todos los judgadores e entregadores e otros offiçiales qualesquier de qualquier condiçion que ssean en todos los nuestros rregnos e nuestro ssennorio que non judguen nin entreguen ningunas cartas de logro daqui adelante; et demas rrogamos e mandamos a todos los perlados de nuestro ssennorio que pongan sentençia de descomunion en qualesquier que contra esto ffueren, e denunçien las que estan puestas. Et por que nuestra voluntad es quelos judios se mantengan en nuestro seruiçio, e asy lo manda santa eglesia porque aun se han a tornar a nuestra ffe e ser saluos segund se ffalla por las profeçias, et por que ayan mantenimiento e manera de beuir e passar bien en nuestro ssennorio; tenemos por bien que puedan auer e conprar heredades para sy e para sus herederos en todas las çibdades e villas e lugares de nuestro rregalengo et en sus terminos enesta manera: et de Duero allende ffasta en quantia de treynta mill marauedis cada vno, desque ouiere casa por si: et de Duero aquende por todas las otras comarcas ffasta en quantia de veynte mill marauedis cada vno commo dicho es. Et esto que asy conpraren e ouieren que sea de mas delas heredades que oy an do quier quelas ouieren, e delas casas de su morada o delas casas que ouieren en sus juderias; pero que enlos otros sennorios que non sean abadengo nin behetria nin solariego, que puedan conprar daqui adelante ffasta la dicha quantia con voluntad del sennor cuyo fuere el lugar, e non en otra guisa. Otrosy pues mandamos que non den a logro daqui adelante, tenemos por bien quelas debdas que ffizieren e otras lannamente sin logro, e les ouieren a dar, que non ayan espera general los quelas deuieren nin gela mandemos nos dar. Otrosy tene- mos por bien deles ffazer graçia e merçed, et rreçibimoslos en nuestra guarda e en nuestro deffendimiento, et mandamos alos ofiçiales de nuestro ssennorio quelos guarden e los defiendan queles non ffagan ningund tuerto nin mal, e les cunplan de derecho de todos los que algo les deuen o deuieren o les algund agrauio ffizieren sin alongamiento de maliçia e sin figura de juyzio, e queles ffagan pagar sus debdas e quelas entreguen aquellos quelas entregan alos cristianos. Otrosy el preuilejo que an del Rey don Ferrando que ganó a Seuilla, conffirmado del Rey don Alffonso nuestro visauello, en rrazon que non passen contra ellos sin testimonio de judio, et todos los otros preuilejos de merçedes que han, que non tangan a logro nin alas maneras dello, queles sean guardados en aquella manera que gelos nos agora conffirmamos enestas cortes, e los mandamos dello dar nuestras cartas e preuilejo.Otrosy en rrazon delas debdas queles agora deuen los christianos, ordenamos e tenemos por bien que gelas paguen en esta guisa. Primeramente por fazer merçed ala tierra, et porque sopimos que algunas delas cartas delas debdas que han los judios contra los christianos que ffueron ffechas engannosamente poniendo enellas mayores quantias de quanto prestaron, tenemos por bien que dela quantia que se contiene en las cartas delas debdas que ffueron ffechas ffasta aqui, que sea quito alos christianos la quarta parte delo que ffinca por pagar. Et las tres partes que ffincan, que se paguen en dos plazos, la meatad otro dia de çinquesma, e la otra meatad otro dia de sant Martin de Nouiembre primero que viene; et sy a qualquier destos plazos non pagaren, o despues ffasta seys semanas desque la carta ffuere demandada, sepan que por las primeras seys semanas perderan la meatad dela graçia, et sy otras seys semanas despues desto non pagaren, perderan la otra meatad dela graçia; pero si el judio dixier quel christiano le deue alguna debda por carta de vendida de panno o de mercaduria o de otra manera de debda que non sea contrato de vsura, e esto quisiere dexar en jura del christiano, que sea tenudo delo jurar, et silo non quisiere jurar, que non aya la merçed quel ffiziemos dela quita, commo dicho es.
Otrosy porque supimos por los que aqui ffueron ayuntados connusco enla nuestra corte, que auia muy grand mengua de cauallos por quelos non mantenian aquellos quelos deuian mantener nin los criauan muchos dellos quelos solian criar, por algunos ordenamientos que nos ffizimos en rrazon delas ssacas, porque se non podian aprouechar dellos commo cunplian; nos veyendo que cunplia a nuestro seruiçio auer cauallos e criarse enla nuestra tierra los mas que sser pudiesen por quelos
pudiesen auer los nuestros vasallos e los dela nuestra tierra para estar prestos e aperçebidos para la guerra delos moros; por ende con acuerdo de nuestra corte ordenamos las maneras que entendimos por do podia auer mas cauallos enla tierra. Otrosy por rrazon delas costas que ffazian los ommes enlos desposorios e enlas bodas e enel vestir e en otras cosas, por lo qual enpobresçian algunos e rreçiuian grandes dapnos e non podian estar guissados tan bien commo cunplian, nos por esto ffezimos ordenamientos sobrello los quales sson estos que sse siguen.Primeramente porque las çibdades e villas de las Estremaduras e del rregno de Toledo e otrosy enlas villas del rregno de Leon han franquezas e libertades delos rreyes porque sson tenudos de mantener cauallos, que estos atales que sean tenudos delos mantener, et nos que demos ommes çiertos de quien fiemos por las comarcas quelos rrequieran porque los conpren e tengan ffasta el dia de Sant Miguel de Setienbre primero que viene, e que sean los cauallos que cada vno ouier a mantener de quantia de seysçientos marauedis cada vno o dende arriba e tales que puedan sofrir omme armado e seruir con el; et los que ffasta el dicho tienpo non los conpraren e los non touieren dende adelante, queles non ssea guardada la franqueza que deuian auer por tener los dichos cauallos, nin ayan escusados nin apaniguados dende ffasta tres annos, maguer quelos mantengan despues.
Otrosy todo omme que criar potro en su casa, quele non ssea prendado nin la yegoa su madre del potro por debda que deua nin por pecho, auiendo otros bienes, nin pueda ser apremiado para seer entregador nin enpadronador nin auer otro ofiçio ninguno sin su voluntad, nin sean prendados sus bienes por debda de conçeio nin de su sennor.
Otrosy porque los dela nuestra tierra se trabajen de criar cauallos e puedan ende auer pro dellos, tenemos por bien de dar saca delos cauallos enesta manera: que qualquier quelo sacare, que nos dé el diezmo delo que ualiere, e la guarda dellos que se faga enlos mojones delos cabos del rregno alli do ffue vsado a guardar en tienpo delos rreyes onde nos venimos e enel nuestro, et non en otro lugar. Et los queles sacaren, quier sean dela nuestra tierra o de ffuera, que ffagan la saca dellos por puertos e lugares çiertos. Et esta ssaca que sse non entienda de potros ffasta que ssean de quatro annos, et las yegoas quelas non ssaquen en ninguna manera; et si en otra manera lo sacaren, quel que sacare cauallo por otro lugar ssynon por los puertos çiertos que nos mandaremos, o yegoa o potro por ningund lugar, que por la primera vez que
pierda los bienes sy ouiere quantia de tres mill marauedis o dende arriba, et sy non ouiere la dicha quantia, que ssalga ffuera delos nuestros rregnos por çinco annos, e si fuere de ffuera del nuestro regno, quel maten por ello; et por la ssegunda vez qualquier quelo sacare quelo maten por ello. Et porque los ommes buenos ayan tienpo de estar guisados de cauallos e los puedan criar, que esta saca que comiençe desde primero dia del mes de Enero primero que viene en adelante, et entretanto ffasta este dicho tienpo, que se ffaga la guarda dellos segund que estaua ordenado ffasta aqui.Otrosy tenemos por bien e mandamos que el ordenamiento que nos ouiemos mandado ffazer en rrazon delos que han de andar de mulas que toviesen cauallos, que sse guarde enla manera que aqui dira: primeramente que cuantos cauallos ouiere cada vno suyos, que tantas mulas pueda traer o conpannones de mulas.
Otrosy que quantos de cauallo troxiere cada vno suyos de cada dia, que tantos de mulas pueda traer.
Otrosy que qualquier que cauallo toviere o rroçin, que pueda andar de mula. Pero que tenemos por bien quelos freyres de Santo Domingo e de Sant Francisco e de Sant Paulo e de Sant Agostin e otrosy los açoreros que puedan andar de mula.
Otrosy que en cada villa todos los que quisieren mantener mulas o traer cauallo o rroçin commo dicho es, que pierda la mula o mulas que asi troxiere, e sea la meatad paral quelo acusare e la meatad para el que ffizier lo entrega; et si el alcalle ante quien ffuere querellado oel que ouiere affazer la entrega non conplieren esto, que qualquier dellos quelo non cunpliere, que peche tanto commo ualie la mula o mulas que asy fuere enbargada; que desta pena que sea la meatad paral acusador e la meatad para la nuestra camara; e para guardar enganno quando ouier a yr ffuera dela villa o del termino o alguna parte, otrosy para guardar dapno que vernia en los cauallos si todavia los troxiessen ante sy, quelos alcalles dela villa que rrequieran tres vezes en el anno una vez cada quatro meses los cauallos que touiere cada vno, et al que ffallaren que tiene cauallo o cauallos, rroçin o rroçines, o potro de tres annos o dende arriba, quel den aluala ffirmado de sus nonbres e seellados con sus seellos porque puedan andar de mula o de mulas segund los cauallos o rroçines que ouieren segund el ordenamiento que dicho es, e quel non sean enbargadas aunque non trayan cauallos ante sy, maguer que ande por la uilla de mula commo dicho es, e el aluala que vala los quatro meses e non mas. Et por dar estos
alualaes que ninguno dellos alcalles non tome dinero ninguno so pena de sseysçientos marauedis desta moneda para nuestra camara por cada aluala deque tomare dineros. Et si alguno destos ouiere de venir ala nuestra corte o a otra parte que sea lexos, que el dia que quisier partir dela villa odel lugar do morare, que muestre el cauallo o el rroçin o potro commo dicho es alos alcalles, e le den aluala ffirmado de sus nonbres e seellado con sus seellos commo dicho es, e que vaya de mula aunque non lieue cauallo con rrocin ante sy, e el aluala que valla los quatro meses non mas. Et ssy los alcalles dieren aluala alguno maliçiosamente non teniendo cauallo, que peche por cada cauallo que encubriere el tres tanto que vallie la mula de qualquier de quien lo encubriere, et esta pena que ssean las dos partes para la nuestra camara et la terçia parte que ffinca que sea la meatad para el quelo acusare e la otra meatad para el alcalle o el aguazil que ffiziere la entrega.Et los ffijos dalgo que moran enlas villas o enlas aldeas dellas que ffagan esto mismo.
Los ommes buenos e los ffijos dalgo que moran ffuera delas nuestras villas e de sus terminos quelo guarden en la manera que dicha es, que trayan tantos cauallos quantas mulas troxieren.
Otrosy ssi alguno enbiare algund omme suyo a alguna parte en su mula, que leuando el aluala que dieron los alcalles al duenno dela mula et otrosy el aluala del duenno dela mula, que non sea enbargada.
Otrosy ssi algun perlado o omme bueno enbiare algund omme suyo a alguna parte, que leuando su carta seellada con su seello commo es suya, que pueda yr de mula quel non sea enbargada.
Et al que fuere ffallado que dé aluala ssinon por su mula del o del que biue con el, que peche la mula con el doblo, las dos partes para nos e la otra terçia parte que sse parta commo dicho es.
Otrosy que sy diere la mula a algun corredor que gela venda o la muestre andar o la enbiar con su moço al agua o por yerua, quel non sea enbargada.
Otrosy que qualquier que quisier criar mula, quelo pueda ffazer fasta quela mula ssea de tres annos aunque non tenga cauallo, e dende adelante que ssea tenudo a tener cauallo si la mula touiere consigo.
Otrosy que el que vendier cauallo, que aya plazo de un mes para conprar otro. Et al que sele muriere que aya plazo de tres meses para conprar otro.
Otrosy quelos mercadores de ffuera del rregno o otros ommes de
otros rregnos que non ayan vezindat en el rregno que vengan rrecabdar alguna cossa o vayan caminales, queles non sean enbargadas las mulas, e este que traya testimonio dela primera villa del rregno del rrey, que legare.Otrosy que qualquier que non ouier mas de una bestia, que ssea cauallo o rroçin.
Et todos los cauallos que qualesquier ouieren a tener para poder andar de mulas, que sean de quantia de seysçientos marauedis cada vno o dende arriba; et si dubda ouiere si vale la quantia o non, que sea creydo el quelo touier por su jura quel costó tanto silo conpró, et silo non conpró e gelo dieron o lo crió potro, que jure que vale tanto despues que ffue en su poder. Et tenemos por bien que alos que nos ffiziemos graçia en que puedan andar de mulas sin tener o traer cauallos, que sean tenudos a guardar este nuestro ordenamiento; en otra manera queles non valan las graçias.
Otrosy enlo delos judios tenemos por bien quel que non ouiere mas de una bestia, quela pueda traer mula ssin tener nin traer cauallo, et sy ouiere a traer conpannero de cauallo, que sea de mula; et sy touiere dos mulas, que tenga vn cauallo.
Otrosy tenemos por bien quelos ommes ayan tienpo para conprar cauallos, que ayan plazo a quelos conpren ffasta dia de sant Johan de junio primero que viene et entretanto que puedan andar de mulas ssin traer o mantener cauallos; et qualquier que del dicho plazo de sant Johan adelante andudiere de mula sin traer o mantener cauallo commo dicho es, que aya la pena sobredicha.
Otrosy tenemos por bien que mantengan cauallos por quantias çiertas enlas villas que son en la frontera e en el rregno de Murçia e enlas otras çibdades e villas e lugares que son en ffrontera de Portugal e de Nauarra e de Aragon enesta guisa:
En Seuilla e en ssu arçobispado el que ouiere quantia de çinco mill marauedis que mantenga vn cauallo, et el que ouier quantia de diez mill marauedis que mantenga dos cauallos, et el que ouiere quantia de çincuenta mill marauedis que mantenga tres cauallos; et que enestas dichas quantias nin en ninguna dellas queles non sean contadas las casas de sus moradas en que moraren.
En Cordoua e en su obispado el que ouiere quantia de quatro mill marauedis que mantenga vn cauallo, e el que ouier quantia de diez mill marauedis que mantenga dos cauallos, el que ouier quantia de quarenta mill marauedis que mantenga tres cauallos; et que enestas di-
chas quantias nin en ninguna dellas queles non sea contado las costas delas ssus moradas commo dicho es.Et enel obispado de Jahen, el que ouiere quantia de quatro mill marauedis que mantenga vn cauallo, et el que ouiere quantia de diez mill marauedis que mantenga dos cauallos, et el que ouiere quantia de quarenta mill marauedis que mantenga dos cauallos; et que enestas dichas quantias nin en ninguna dellas queles non ssea contado las costas delas sus moradas commo dicho es.
Enel rregno de Murçia, el que ouiere quantia de ocho mill marauedis que mantenga un cauallo, et el que ouiere quantia de veynte mill marauedis que mantenga dos cauallos, et el que ouiere quantia de ssessenta mill marauedis que mantenga tres cauallos; et esso mismo que en ninguna destas dichas quantias queles non sea contado las casas de sus moradas.
En Çamora e en Toro e en Salamanca et en Alua e en Çibdat Rodrigo e en sus terminos, el que ouiere quantia de diez mill marauedis, sin las casas de su morada, que mantenga vn cauallo.
En Badaxoz e en Xerez Badajoz e en Burguiellos e en Alconchel e en sus terminos, el que ouiere quantia de seys mill marauedis, sin las casas de ssu morada, que mantenga vn cauallo.
En Logronno e en Calahorra e el Alfaro e en ssus terminos el que ouiere quantia de quinze mill marauedis, sin las casas de ssu morada, que mantenga vn cauallo.
En Ssoria e en Agreda enlas villas, el que ouiere quantia de dizesses mill marauedis, sin las casas de su morada, que mantenga vn cauallo, e enlos terminos, el que ouiere quantia de doze mill marauedis, ssin las casas de su morada, que mantenga vn cauallo.
En Almazan e en Medina Celem e en Molina e en ssus terminos, el que ouiere quantia de doze mill marauedis, ssin las casas de ssu morada, que mantenga vn cauallo.
En Cuenca e en Vesste e en Moya e en ssus terminos, el que ouiere quantia de doze mill marauedis, sin las cassas de ssu morada, que mantenga vn cauallo.
En Requena e en ssu termino, el que ouiere quantia de quinze mill marauedis, sin las casas de su morada, que mantenga vn cauallo.
En Alcaraz e en su termino, el que ouiere quantia de diez mill marauedis, sin las cassas de su morada, que mantenga vn cauallo.
En Villa rreal e en su termino, el que ouiere quantia de doze mill muaraueuis, ssin las casas de ssu morada, que mantenga vn caualto.
Cadavno destos cauallos que ansy han a mantener que sseade quantia de sseysçientos marauedis o dende arriba, si ffuere eguado, e si ffuere potro, que ssea de quantia de quatroçientos marauedis o dende arriba.
Et estos que desta guisa an a mantener los cauallos, que ayan las ffranquezas e libertades queles dan sus ffueros e sus libertades cada vno en sus comarcas.
Et estos que sean tenudos por estas quantias delos mantener; pero que el quelo vendiere, que ssea tenudo delo conprar del dia quelo vendiere ffasta dos meses, et al que sele muriere, que sea tenudo delo conprar fasta tres meses.
Et estos quelos han a tener, quelos conpren en guisa quelos tengan ffasta el dia de Sant Miguel de setienbre primero que viene; e dende adelante enla manera que dicha es.
Et por este nuestro ordenamiento mandamos a Don Johan ffijo del infante don Manuel, e a don Ferrando e a don Tello e don Johan mios ffijos, e don Johan Alffonso de Alborquerque que enlas villas que han en ffrontera destos rregnos quelo ordenen enesta guisa.
Otrosy enla ffrontera con el rregno de Murçia, por que todos andan ala gineta, que ninguno non pueda traer cauallo castellano, saluo aquel que ouiere çinco de cauallo sin el. Et aquel que de otra guisa lo ffallaren, que perda el cauallo, e que sea la meatad del paral aguazil e la otra meatad para el quelo acusare.
Otrosy quelos que son tenudos a mantener cauallos por sus quantias enla manera que dicha es, que teniendo los cauallos ginetes segunt son tenudos, que puedan traer cauallo o cauallos para vender e andar en ellos por las villas e por los terminos, non entrando enellos enlas huestes nin enlas caualgadas a tierra de moros; et si de otra guisa entrasen, que pierdan los cauallos e quelos aya el aguazil e el acusador por meatad commo dicho es.
Para esto todo se guardar bien, tenemos por bien de poner ommes buenos de cada vna destas dichas comarcas que sean de buena fama e sin cobdiçia e sin maliçia e de quien nos fiaremos e nos ayan miedo, para quelo ordenen e ffagan conplir commo dicho es.
Otrosy ningund omme de nuestro sennorio que non traya adobos ningunos enlos pannos, de orfreses nin de trenas nin de arminno nin de cuello de lauancos nin de aljofas nin de botones de oro nin de plata nin de alambar nin essmaltes, nin otros pannos laurados con aljofar nin con filo de oro nin de plata nin de seda nin con çintillas doro, saluo que pucuan vaci omos mantos texiellas e cuerdas.
Los caualleros dela Vanda que puedan traer la vanda qual quisieren, saluo que non sea dorofres doro tirado, nin ayan enella aljofar nin piedras.
Otrosy que ningund omme de nuestro rregno, saluo el Infante, que non traya panno ninguno de oro nin de seda, saluo enla forradura que puedan traer çendal o tafe o tornasol; pero que mis ffijos que puedan traer pannos de tapete o de seda sin oro e sin adobos.
Otrosy que ningund escudero non traya penna vera nin çapato dorado ffasta que sea cauallero, saluo rrico omme que aya pendon, quelo pueda traer aunque sea escudero.
Los rricos ommes, que alas sus bodas e alas sus cauallerias, que puedan traer un par de pannos doro o de sirgo quel mas quisiere. Para sus bodas e cauallerias que ninguno non pueda ffazer para sy mas de dos pares de pannos de llana en pennas e en çendales, de mas delos de oro o de sirgo commo dicho es.
Otrosy que ningund rrico omme que non dé a ssu muger ante que case nin despues que casare ffasta quatro meses mas de tres pares de pannos, el uno de oro o de sirgo, e los dos en pennas veras, e el uno dellos que aya aljofar ffasta en quantia de quatro mill marauedis.
Las siellas delas rricas duennas que non ayan enlos arçones nin enlos ffrenos plata nin aljofar.
Otrosy quelos caualleros para las ssus bodas o cauallerias que puedan traer un par de pannos de sirgo que non aya oro nin sea de tapete.
Et ningund cauallero nin escudero non pueda dar a su muger ante que case nin despues que casare ffasta quatro meses mas de tres pares de pannos, el vno que sea de sirgo sin oro e que non ssea de tapete, e los otros con pennas veras o çendales con sus adobos, e en vno dellos que aya aljofar de quantia de dos mill marauedis. Et qualquier rrico omme o cauallero o escudero que contra esto passare, quel rrico omme que pierda la quarta parte dela tierra que touier de nos, e nos prometemos dela non tornar ffasta vn anno nin dele dar otra en emienda della. Et si ffuere cauallero o escudero, que pierda la terçia parte dela tierra que touiere de nos, e prometemos esso mesmo de gela non tornar ffasta un anno; et si tierra non ouiere, que ese anno que nos nin otro sennor que gela non dé. Et ssi alguno nos pidiere merçet quel quitemos la pena, que nos que non seamos tenudo delo ffazer. Et ssi ffuer rrico omme el que nos pidiere merçed, quel tomemos la quarta parte dela tierra que touiere de nos, et si ffuere cauallero, la terçia parte.
Otrosy tenemos por bien que por ningund omme non puedan
traer xergas, saluo por omme que aya caualleros o escuderos por vasallos, o por madre o por muger o hermano o hermana o ffijo o ffija destos atales.Otrosy que non quebranten escudo, saluo por omme ffijo dalgo cauallero armado.
Otrosy que non ffagan lanto por ninguno, saluo el dia que ffinare e dende ffasta quelo enterraren, et dende adelante a quarenta dias, nin aniuersarios que lo non pueden ffazer, so la pena que se contiene en cabo deste ordenamiento en que diz que non rresponda al quelo esto non guardare.
Otrosy por que enla nuestra corte e enlos palaçios e en algunas çibdades e villas e lugares de nuestros rregnos algunas mugeres quelo deuien escusar trahen ffaldas, e esta es cosa e dapno alos omes, e a ellas non a prouecho ninguno; tenemos por bien que aquellas que andan en sueras quando van dé vn lugar a otro, que poedan traher ffaldas, e las otras que trayan los pelotes sin ffalda que llegue ffasta tierra, e alo mag dos dedos por tierra. Et las que nos tenemos por bien que puedan andar en sueras, e non otras ningunas, son las mugeres ffijas dalgo e las mugeres delos ffijos dalgo o delos caualleros armados e las cubigeras de nuestra casa e las cubigeras que andan en casa delos otros ommes boenos que vsan de andar en xueras; otrosy las mugeres delos que mantudieren vn omme de cauallo sin el. E las quelo anssy non guardaren, sy fuere muger casada, que su marido que peche quinientos marauedis cada vegada, et qualquier delas otras que non ffueren casadas, que pierda los pannos en que troxier la falda por cada vegada. Et desta pena que sea la meatad paral acusador, e la otra meatad paral aguazil o merino o ofiçial del lugar que ffiziere la entrega.
Otrosy tenemos por bien que en todos los lugares de nuestros rregnos las mugeres delos çibdadanos o de ruanos o de otro omme de menor guisa que sus maridos mantouieren cauallos, que puedan traer çendales o trena o penna blanca o orofres ellas e sus ffijas por casar destas atales, e de otra manera non. Et si de otra guisa lo troxieren, que peche el marido o el padre quinientos marauedis por cada vez, et demas que non pueda acusar nin demandar a ninguno por sy nin por otro ffasta vn anno e que ssea tenudo de rresponder a qual quier que dellos querellar o le demandar alguna cosa.
Et porque en algunas çibdades e villas del nuestro sennorio moran rricos ommes e otros caualleros de grand guisa, et sy en ellos non pusiesemos ordenamiento, los otros que y moran podrian rreçibir grand
dapno por querer seguir alguna cosa de lo que ellos ffizieron demas; tenemos por bien quel ordenamiento que nos ouiemos ffecho enla muy noble çibdat de Seuilla con lo que y agora emendamos, otrosy el que agora ffizimos en Tolledo, que sse guarde entrellos: los quales ordena mientos son estos que se siguen.Primeramente alos desspossorios quando algunos sse desspossaren, que non den pannos nin joyas ala esposa nin coman y parientes nin otros ningunos, saluo los que suelen y comer cada dia.
Otrosy en rrazon delos pannos e delas siellas que han a dar alas bodas, e el rrico omme o cauallero o escudero que y casare, que se guarde el ordenamiento que dicho es de suso, que nos agora ffiziemos general para todo el rregno.
Otrosy alas bodas que non pueda ninguno conbidar para que coma y sinon el dia dela boda, et dese dia ffasta vn mes nin ocho dias ante, que non pueda ninguno conbidar a ningund vezino de Tolledo. Et para este comer que non pueda conbidar mas de diez parientes e diez parientas quales mas quisiere el nouio, delos mas ançianos. Et el que no ouiere tantos parientes e parientas, que pueda conbidar delos que el mas quisiere ffasta cunplimiento delos dichos diez parientes e diez parientas.
E a estos queles den tres manjares de sendas carnes, e el vn manjar que sea de aues e los otros dos que sean de otras carnes, et queles puedan dar dela ffruta; et si ffuer dia de pescado, que ssean tres manjares.
Otrosy enlas muertes que non puedan comer y mas de diez duennas las mas çercanas, et esto que non sea mas de vn dia en ante del enterramiento. Et que enel lecho que non pongan cubertura de oro nin de seda nin de suria nin enla mortaja; pero que si algund cauallero o escudero o otro omme bueno onrrado o duenna o donzella ffinare ffuera de Tolledo, e la ouieren a traer a Tolledo, quela puedan leuar en andas e que non aya y panno de oro nin de seda nin de suria.
Et que ningun caualero nin escudero que non dé a ssu ffija axuar mas de quantia de seis mill marauedis. Et otro dela villa, que non sea cauallero nin escudero, que non dé mas de tres mill marauedis.
E en pleito delas vigilias, que vengan ala vigilia del que ffinare la parrochia de donde ffuere el ffinado o la finada e el cabilldo dela villa
e las ordenes. Et si alguno o algunos non quisieren conbidar al cabilldo dela villa, que puedan conbidar la parrochia del ffinado o dela finada e otros delas ordenes quales quisieren e non mas.En pleito dela cera e delos llantos e delas otras cosas, que sea guardado segunt el ordenamiento que ffizieron los de Tolledo con el arçobispo Don Gonçalo.
E al batear que non conbiden nin lieuen çirios delante del que leuaren al bateo nin coman y.
Otrosy que todas las duennas de Toledo mozarauas, las que ffueren ffijas dalgo o mugeres de caualleros o de escuderos ffijos dalgo, que puedan traer seda enfforradas en çendalles con açanefest de oro o de plata e falda pequenna enel pellote commo solien e que aya enella tres palmos.
Las del comun dela villa que ffueren casadas con ommes ffijos dalgo e con ommes que mantengan cauallos e armas, que non trayan pannos de sirgo nin de cannucanes nin de tapetes, saluo que pueda vestir cendalles de Tolledo e xurias e tornasoles e castafes viados sin oro o otros quales quisieren, pero que puedan traer açanefes de oro o de plata.
Que quando algun rrico omme cassare en Seuilla que sea vezino, que alos sus desposorios que non coma ningund omme estranno en casa del nouio nin dela nouia, saluo aquellos que suelen andar de cada dia en sus casas de cada vno dellos.
Otrosy las donas que enbiare ssu esposo a ssu esposa que non le dé quantia mas de mill marauedis, et esto que ssea a vista delos veedores.
Otrosy en rrazon delos pannos e delas siellas que han a dar alas bodas el rrico omme o el cauallero o escudero que y cassare, que guarde el ordenamiento que dicho es de suso, que nos agora ffezimos general para todo el rregno.
Otrosy el dia dela boda que non coman enla boda de parte del nouio e dela nouia mas de quinze, escudiellas de ommes, e otras quinze, delas mugeres, sin las dos del nouio e dela nouia, et que ayan y dizesses sseruidores de amas partes para seruir alos ommes e alas duennas; et estos sseruidores que ssean de casa del nouio e dela nouia sus parien-
tes, et ssi algunos menguaren, quelos tomen delos otros parientes mas propincos, o de ssus amigos del nouio o dela nouia; et que despues deste dia dela boda ffasta un mes nin ocho dias antes dela boda, non pueda conbidar a ningund vezino de Seuilla.Otrosy ssi casare en Seuilla cauallero o çibdadano, quel dia de sus desposorios que non coma ninguno en casa del nouio nin dela nouia, saluo aquellos que suelen comer de cada dia en sus casas dellos.
Otrosy enlas donas quel dessposado enbiare a su esposa que non dé mas quantia de quinientos marauedis; otrosy que non dé el çibdadano el dia que casare ala nouia mas de dos pares de pannos de lana quales sse quisiere, nin ante que case nin despues ffasta quatro meses, e que non le dé pannos de seda nin de oro, e en estos dos pares de pannos que pueda y auer enel vn par dellos adobo de aljofar o de orofreses, et el aljofar que cueste ffasta mill marauedis e non mas, et estos çibdadanos que sean de la quantia mayor.
Otrosy ssi le ouiere a dar seella, quelas sueras que sean de panno de lana qual se quisiere, e la ssiella que ssea lidona que non aya adobo ninguno enella nin enel arçon nin enlas cuerdas nin enlas sueras nin enel freno, de oro nin de plata nin de aljofar, saluo las sueras que sean labradas de oropel e el arçon que sea pintado de colores ssi quisier.
Otrosy que qualquier vezino de Seuilla que non mantouiere cauallo, que non traya su muger çendal nin penna blanca nin otro adobo ninguno.
Otrosy qualquier vezino de Seuilla que mantouiere cauallo, que su muger que traya orofreses e çendal e penna blanca si quisiere, e que non traya aljofar nin otro adobo ninguno, saluo esto que dicho es.
Otrosy si quisiere dar el padre o la madre a su ffija o parienta que casare, que non le dé mas en axuar de quanto podiere montar mill e quinientos marauedis a vista delos veedores et esto que sea por todos comunalmente; pero quel rrico omme pueda dar seys mill marauedis, e el cauallero tres mill marauedis.
Otrosy al batear del ffijo o dela ffija de qualquier que sea, que non aya y estrumentos nin tronpas, nin coman y otros sinon aquellos que suelen y comer de cada dia en casa del padre o dela madre, saluo alos ffijos delos rricos ommes que puedan tanner tronpas e leuar dos çirios delante, de sendas libras.
Otrosy sy algund rrico omme o rrica ffenbra ffinare, que non lieuen con el cuerpo ala eglesia mas de veynte çirios e diez canastas de
pan e diez cantaras de vino para la ofrenda. Otrosy la otra ofrenda delos dineros que sea ffasta ocho marauedis si quisiere.Otrosy si algund cauallero o çibdadano e otro alguno o alguna su muger ffinare, que non leueen con el cuerpo ala eglesia mas de diez çirios e cinco canastas de pan e çinco cantaras de vino para la ofrenda si quisier. Otrosy la otra ofrenda delos dineros que sea ffasta cuatro marauedis si quisier.
Et este misino ordenamiento tenemos por bien que se guarde en Cordoua asy commo en Seuilla e enel obispado de Jahen.
Otrosy tenemos por bien que enlas çibdades e villas e lugares de nuestros rregnos, quelos ofiçiales de cada lugar con los ommes buenos dende, que son puestos por nos para ver e ordenar los fechos del lugar o con los mas dellos, que sepan si tienen ellos entre si ffecho algund ordenamiento enesta rrazon, et si por el ffallaren que es tal que puedan beuir rregladamiente; et si non quelo tienplen a menos desto que se contiene eneste nuestro ordenamiento. Et si por auentura en alguna çibdat o villa o lugar non touieren ffecho entre si tal ordenamiento, tenemos por bien e mandamos quelos dichos ofiçiales e ommes buenos que gelo ffagan ffasta el dia de Pascua dela Resurrecçion primera que viene, e quel ffagan atal que sea tenplado a menos desto sobredicho que ordenamos en Tolledo e en Seuilla e en Cordoua e enel obispado de Jahen, por que todos biuan en esto rregladamente e commo cunple asi commo deuen.
Otrosy quelos labradores alas sus bodas que non den pannos de mayores quantias que panno tinto o blao nin los vistan nin los aforren en çendales nin pennas blancas, saluo enla delantera del manto de la muger, que pueda poner çendal que sea en ancho de vn palmo.
Otrosy que enlas aldeas, quelos labradores alas sus bodas que non coman mas de quarenta personas, veynte dela parte del nouio e veynte dela parte de la nouia, et estos que desta guisa comieren que paguen su escote, e de otra guisa que non coman y.
Al bateo nin ala muerte nin al cohuerço que non coman ningunos en ningund dia.
Ningund menestral del nuestro sennorio non sea osado de laurar siella ninguna con oro nin con plata nin con seda, saluo ende de cay. reles e copas alos cantos, de sirgo sin oro e sin cuerdas, nin los mercadores nin otro ninguno non sean osados delas traer de ffuera del rregno, saluo para nos o para el Infante o para qualquier delos otros mios ffijos; e si la lauraren o la troxieren de ffuera del rregno, saluo
para nos o paral Infante o para qual quier delos otros mios ffijos commo dicho es, que pierda la siella e otro tanto commo la siella valiere, et esta pena que sea la meatad paral acusador e la otra meatad paral aguazil o el meryno del lugar que ffiziere la entrega.E las siellas que ffasta agora tienen lauradas e començadas a laurar, quelas lauren e las vendan astal dia de Sant Johan de Junio primero que viene, et si dende adelante gela ffallaren laurada o laurando, saluo ende las que lauraren para nos o paral Infante o para los otros mios ffijos en la manera que dicha es, quela pierda, e le prenden por la pena dicha.
Otrosy ffasta aqui armauan çepos grandes enlos montes para los venados grandes, e estos çepos atales eran peligrosos para poder caer en ellos omes o cauallos, tenemos por bien que daqui adelante ningunos non ffagan nin armen çepos grandes con ffierros en que pueda caer oso nin puerco nin çieruo, por guardar el peligro que podria acaesçer en lo que dicho es; et qualquier quelo ffiziere o lo armare, que por la primera vegada que yaga enla cadena medio anno, e por la segunda que yaga esse mismo tienpo enla cadena e le den sesenta açotes, e por la terçera vez quel corten la mano; et esto que gelo escarmienten los ofiçiales delos lugares. Et si nos sopieremos quelo non escarmientan, ssegund dicho es, que nos quel tiremos el ofiçio al que lo ansy non cunpliere e escarmentare commo dicho es.
E todas estas cosas e cada vna dellas tenemos por bien e mandamos que sse guarden ssegund que en este nuestro ordenamiento se contiene, so las penas sobredichas; e de mas qualquier que contra ello passare, que non pueda ffazer demanda nin acusar a ninguno el nin su muger por cosa quel deuan nin le ffagan por si nin por otro, ffasta vn anno; e el que sea tenudo de rresponder a qualquier que del querellare o le demandare o le acusare. E desto mandamos dar este quaderno de ordenamiento a Toledo quito de chançelleria. Dado enlas Cortes de Alcalla de Henares, ocho dias de Março era de mill e trezientos e ochenta e seys annos. Yo Mateos Ferrandez lo ffiz escriuir por mandado del Rey- Johan Ferrandez, vista - Johan Diaz.
Sepan quantos esta carta uieren como nos don Alfonso por la graçia de Dios Rey de Castilla de Toledo de Leon de Gallizia de Sevilla de Cordoba de Murzia de Jahen del Algarbe de Aljezira, e Sennor de Molina, por que en este aiuntamiento que nos agora fezimos enla çibdat de Leon con algunos perlados e ricos omes dela nuestra tierra que eran con nusco, e otrosi procuradores delas çibdades e villas e lugares del rregno de Leon que mandamos llamar al dicho ayuntamiento, los dichos procuradores fezieronnos algunas peteciones, alas quales respondemos esto que se sigue:
Alo que nos pedieron por merçed queles otorgasemos todas las merçedes e graçias que otorgamos enlos aiuntamientos que agora fezimos en Alcala de Henares e en Burgos a los de Castilla e de Estremadura.
A esto rrespondemos quelo tenemos por bien e gelo otorgamos.
Alo que nos pedieron que por que agora nueuamente de poco tienpo aca demandan anparas enel rregno de Leon, e salen cartas desaforadas dela nuestra chançelleria sobre esta rrazon, e queles mandamos dar çiertos omes; e contienese enellas que si alguna cosa quisiesen deçir aquellos a quien prendan por ellas, quelo vayan dezir ala nuestra corte, e en esto que rrescibe la tierra muy grand agravio e dapno; e que nos pedian por merced que mandasemos que non lieuen estas cartas, pues non fueron acostunbradas sinon de poco tienpo aca; e si por aventura algunos fezieren anparas alos nuestros cogedores, quelos oficiales delos lugares do esto acaesçiere fagan luego dellos conplimiento de derecho, e si lo non fezieren, que nos tornasemos alos ofiçiales por ello.
A esto rrespondemos que bien saben que por algunos del nuestro sennorio con atreuimiento, non catando lo que deuen, non obedesçen las
nuestras cartas ansi por las nuestras rrentas e derechos como por las otras cosas que mandamos de derecho conplir; e por que tales como estos non deuen fincar sin pena, et que ordenamiento antiguo delos rreyes es que el que feziere anpara al mandamiento delas nuestras cartas que peche çient marauedis dela buena moneda que son seysçientos marauedis desta moneda, e que esto que es rrazon que nos non deuen pedir, porque si non oviese y pena non se conplirian las nuestras cartas; pero por fazer merçed alos dela nuestra tierra, tenemos por bien que pase de aqui adelante desta guisa: que si anpara feziere algund conçejo o ome poderoso o ofiçial, que estos atales que paguen la pena delos seysçientos marauedis; e si alguna persona por su fecho espeçial feziere anpara, quelo peche con tres tanto dela ualia que ouiere a pagar, e si dubda oviere sobre estas anparas, que esto delas anparas mayores que se libren en nuestra corte, e lo delas otras anparas menores quelo libren los alcalles ordinarios dela çibdat o uilla o lugar do acaesçieren. E por que fallamos que esto es nuestro seruiçio, tenemos por bien que esto que se guarde asi en todo el nuestro rregno.Alo que nos pedieron que por quelos nuestros cogedores e otros omes algunos que alguna cosa deuen en nuestro rregno, sin demandar lo que an de aver ante los ofiçiales delas nuestras çibdades e uillas e lugares, traen los nuestros ballesteros e porteros queles entreguen delo que an de aver, e por esta entrega que fazen, lieuan los ballesteros e los porteros el diezmo dela debda de aquel quela deue por la entregar, quier sea fecho con rrazon quier sin rrazon; e que estas entregas atales nunca las ovo enel nuestro rregno de Leon, nin se usaron leuar si non de poco tienpo aca; e esto que es grand dapno et destruymiento dela tierra, e que nos pedian por merçed que mandasemos que non fagan entregas los nuestros ballesteros e porteros, e quelas fagan los nuestros juezes e alcalles delas çibdades e uillas e lugares do esto acaesçiere, e non otros algunos; e si non las fezieren, que nos tornemos a ellos.
A esto rrespondemos que como quier que es derecho quela entrega quelos nuestros ballesteros e porteros fezieren que deven aver entrega, e asi se usó fasta aqui, e aun que por esto pagauan los que deuian las debdas sin luenga, asi los dineros delas nuestras rrentas e pechos e derechos, como de otros; pero por les fazer merçed tenemos por bien que delas entregas que fezieren, que lieuen treynta marauedis al millar fasta en quantia de veynte mill marauedis que sea la debda, e si mayor fuere la debda desto, que non lieven esta entrega, salvo delos veynte mill marauedis: e tenemos por bien que se guarde asi en todo el nuestro regno.
Alo que dizen que por los nuestros adelantados e merinos es destruyda la nuestra tierra e resçiben muy grandes agrauios e despechamientos, e venden las merindades los merinos e cohechan los omes; e que nos piden por merçed que tirasemos los adelantados e merinos que non andodiesen de aqui adelante, e que mandasemos poner tal recabdo enla nuestra justiçia por que se cunpla, guardando alas nuestras çibdades e uillas e lugares los fueros que han, tan sennaladamente la nuestra cibdad de Astorga, que es estruyda e yerma por los adelantados e merinos entre todos los otros del rregno.
A esto rrespondemos que bien veen ellos quela justiçia non podria guardarse enlos lugares delas behetrias e solariegos e otros sennorios delos rricos omes e fijos dalgo, si non oviese y merinos nuestros apartados; pero nos mandaremos quelos nuestros merynos mayores que pongan por si omes buenos abonados e de buena fama por merinos, que siruan los ofiçios como deuen, e si non, nos nos tornaremos a ellos.
Otrosi alo que nos pedieron por merçed que quando alguna carta veniere ala nuestra chançelleria, que se ponga primero Leon que non Toledo, e si lo contrario se feziere, que ayan la carta por desaforada e quela non cunplan.
A esto rrespondemos que tenemos por bien que enlas cartas que fueren para el rregno de Leon o fuera del rregno, que se ponga primero Leon que Toledo, e asi lo mandamos guardar fasta aqui e lo mandaremos guardar de aqui adelante.
Alo que dizen quelos de Bayona tomaron e rrobaron muchos omes e naos e baxeles con averes grandes de Gallizia e de Asturias, e tomaron muchos omes en tregua que havian con ellos, e que nos pedian por merçed que feziesemos aver emienda dello alos querellosos.
A esto rrespondemos que avemos enbiado al Rey de Inglaterra a Juan Furtado sobre los males e dapnos que an resçebido los del nuestro sennorio delos del sennorio de Inglaterra, e mandamos que todos los querellosos que enbiasen alla sus querellas; e que si algunos ay quelas non an enbiado, quelas enbien por que el dicho Juan Furtado las muestre al Rey de Inglaterra e le pida queles faga ende aver conplimiento de derecho; e si lo non feziere el Rey de Inglaterra, nos cataremos manera como los del nuestro sennorio ayan emienda del dapno que resçebieron.
Alo que nos dixieron que algunos rricos omes e infanzones e caualleros e otros omes poderosos tomaron e toman en nuestra tierra e tienen tomados lugares e terminos e las heredades agora nueuamente
sin rrazon, de algunas çibdades e villas e lugares del rregno de Leon e delas eglesias, deziendo que son behetrias, et que tales behetrias non an en el nuestro rregno de Leon; e que nos piden por merçed queles mandasemos quelas dexasen e las desenbargasen alos quelas tienen tomadas, como dicho es, e que de aqui adelante quelas non tomasen nin enbargasen fastaque sean demandados e vençidos por el fuero de dicha çibdad.A esto rrespondemos que digan quales son los queles toman alguna cosa desto, en quales comarcas, e mandarlos hemos llamar e fazerlo hemos desenbargar a aquellos que fallasemos quelo tienen como non deuen, asi como fallaremos por derecho.
Alo que nos pedieron por merçed que non posiesemos juezes de salario enlas nuestras çibdades e villas e lugares, saluo quando nos los demandasen los conçejos o la mayor parte dellos, por que por algunos juezes de salario que fueron puestos enlas nuestras çibdades sin ser demandados por los conçejos, resçebieron las çibdades e villas muy grand dapno, lo uno por grand pobreza e dapno, e lo al por que algunos delos juezes usaron del ofiçio con grand codiçia e con dapno del pueblo, e que nos pedian por merçed que gelos non diesemos, salvo si todos o la mayor parte dellos los pediesen; e quando nos lo pediesen todos o la mayor parte dellos, que nos quelo diesemos de villa o de lugar e de fuero del rregno de Leon.
A esto rrespondemos que tenemos por bien de non dar juez, saluo quando lo pedieren todos o la mayor parte dellos, o quando entendieremos delo poner que cunple para nuestro seruiçio por algund minguamiento que aya en alguna uilla dela nuestra justiçia; e quando les dieremos juezes, quelo daremos que sea de villa de fuero, que sea pertenesçiente para ello.
Otrosi alo que nos pedieron por merçed que algunos que se llaman clerigos non aviendo orden sacra, que fazen algunos malefiçios, e los juezes legos prenden a estos atales por les dar aquella pena que fallan por derecho, e los juezes de santa eglesia descomulgan alos alcalles por esta rrazon, e los alcalles con esta premia an de entregar los presos e fazer emienda ala eglesia e alos juezes de santa eglesia, e non fazen justiçia destos atales e pierdese la nuestra justiçia e toman osadia los malos; e que nos piden queles pongamos remedio en esto, por quelos malos hayan pena e ellos bivan en paz.
A esto rrespondemos que fablaremos esto con los perlados, e pornemos aquella manera que cunple por que se cunpla la justiçia en aquellos en quien deviere.
Alo que nos pedieron por merçed que algunos obispos e cabillos e otros omes poderosos, que toman e tienen tomada nuestra jurediçion de algunos lugares, non aviendolo por preuillejos delos rreyes onde nos venimos nin de nos, e que nos piden por merçed que mandasemos alas nuestras justiçias de toda la tierra que digan alos obispos e cabillos e otros omes que tienen tomado o toman la nuestra jurediçion de aquellos lugares, que muestren los preuillejos delos rreyes onde nos venimos e confirmados de nos, en que espeçialmente diga enellos queles damos la justiçia; e si non los mostraren estos preuillejos atales, que mandasemos alas nuestras justiçias que non les consientan alos obispos e cabillos e otros omes que usen del nuestro ofiçio e jurediçion, ca de derecho comunal es fundada la nuestra entençion ser la juridiçion nuestra enlas nuestras çibdades e villas e en sus terminos, saluo si mostraren algunos por quelo non devemos aver.
A esto rrespondemos que digan quales son los que fazen esto e en que lugares, e mandarlo hemos ver e guardar el nuestro derecho e dellos en aquella manera que deue.
Alo que nos pedieron que mandasemos quelos judios que fezieron cartas con los christianos contra el ordenamiento que nos fezimos en Madrit, dando mas de tres por quatro al anno, que estos judios que atales cartas fezieron, que sean perdidas e non las puedan demandar, por quanto fueran contra el nuestro ordenamiento que fezimos enlas dichas cortes de Madrit, e los christianos aviendo de fazer qualesquier cartas quisiesen los judios, por la priesa que tenian de nos seruir.
A esto rrespondemos que tenemos por bien de acordar sobre esto por que se ordene para adelante enla manera que cunple, por quela tierra sea guardada de dapno.
Alo que nos pedieron por merçed que mandasemos que enlas çibdades e villas e lugares de nuestro sennorio, quelos oficiales que fueren en cada una dellas que non arrienden nin conpren ellos nin otros por ellos nin los omes que uenieren conellos yantares nin pechos nuestros nin del lugar onde ovieren el ofiçio.
A esto rrespondemos que tenemos por bien quelos juezes e alcalles e merinos e alguaziles que non arrienden en aquellos lugares que an la justiçia ordinaria.
Alo que nos pedieron por merçed que algunos nuestros alcalles e veedores delos fechos dela nuestra justiçia que nos enbiamos alas nues-
tras çibdades e villas sobre çiertas cosas queles mandamos fazer, e como era cosa nueva, quelos omes fuyen e non venien alos enplazamientos, e que leuaron algunas delas quantias por los enplazamientos, que era en el enplazamiento çient mr. de buena moneda e de diez mr. de buena moneda, que tomaron muy grand dapno los omes; e que nos pedien que mandasemos tornar los enplazamientos a aquellos quelo leuaron, e los nuestros juezes ordinarios que sepan quanto leuaron de otras personas algunas como non deuian, e que gelo mandasemos tornar, pues nos los mandamos dar de comer delo nuestro; e quando fuere la nuestra merçed delos enbiar, quelos mandemos dar de comer delo nuestro, pues nos los enbiamos de nuestro ofiçio e non a petiçion delos lugares; e que de aqui adelante, si algunos enbiaremos, que non lieuen enplazamientos, mas que pasen contra los rebeldes por los remedios que son de derecho, e quelos sus escriuanos que tomen por las escripturas segund que toman enlas çibdades e villas e lugares.A esto rrespondemos que tenemos por bien que por que van con nuestro poder, que es rrazon que lieuen mayor pena quelos ofiçiales ordinarios, que como quier quela pena del enplazamiento era sesenta mr. , que non lieven mas de treynta mr. ; e otrosi quelos escriuanos que fueren con estos veedores, que non lieuen mas por las escripturas delo que lieuan los escriuanos delas uillas do acaesçiere, e lo que han leuado de mas los veedores e los escriuanos, quelo tornen.
Alo que dizen queles demos nos el salario e que gelo non den las dichas villas, tenemos por bien de pagar de aqui adelante a estos veedores que agora enbiamos el salario que ovieren de aver en quanto andodieren a librar esto queles encomendamos.
Alo que dizen que leuaron de otra manera como non deuian, nos lo mandaremos saber, e lo mandaremos tornar e gelo escarmentaremos enla manera que devemos.
Otrosi alo que nos pedieron por merçed que mandasemos que todos los judios e moros que morasen enlas çibdades e villas e lugares del rregno de Leon, que paguen enlas soldadas delos juezes e alcalles de salario, pues ellos son julgados de derecho.
A esto rrespondemos que bien saben como los judios son apartados en los pechos, e por esto los rreyes guardaron con derecho de non les demandar pagar enesto, asi que non es petiçion queles deuemos otorgar.
Alo que nos pedieron por merçed que por fiaduria quel marido
faga en qualquier manera o por qualquier rrazon, quela muger nin sus bienes non sean tenudos a ella.A esto rrespondemos que tenemos por bien que enlo que paresçiere enlas fiadurias que son los maridos fiadores, queles sea guardado, e esto que se guarde asi de aqui adelante.
Alo que nos pedieron por merçed que por que alos puertos delos lugares dela mar en Gallizia e en Asturias traen viandas para su mantenimiento, por que non las an ellos conplidamente, e que agora de poco tienpo aca quelos dezmeros demandanles diezmos dello, seyendo sienpre acostunbrado delo non dar, e que nos pedian que mandasemos quelo non demanden de aqui adelante.
A esto rrespondemos que so esta color se perderia a nos el diezmo, deziendo quelo traen para su mantenimiento, e que non es petiçion queles devamos otorgar; pero nos mandaremos saber aqui en quales cosas non se usó tomar diezmo, e enlo que fallaremos que non se usó tomar e queles deve ser guardado, mandarlo hemos guardar.
Otrosi dizen que enbiamos mandar que si algunos tomaron sueldo estando enla çerca de sobre Algezira para lo servir e lo non seruieron, quelo tornen; e otrosi que en algunas çibdades e villas derramaron en el sueldo mayores quantias delo que enel montava, quelo tornen: que nos pedian por merçed que mandasemos que esto que asi fue leuado o derramado, que esto quelo ayan los conçejos do esto acaesçiere para pagar las debdas que manlevaron para conplir nuestro seruiçio enla dicha çerca, e enlos otros grandes mesteres quelos acaesçieron.
A esto rrespondemos que tenemos por bien quelos que servieron en Algezira a nos que non sirvieron con tanto como avian de seruir nin todo el tienpo, que a estos que gelo quitamos; pero si algunos mr. fueron derramados de mas delo que montava enel sueldo, e los dieron a otras personas delos que non estavan enla cerca de Algezira, e los tienen algunas personas en si, o algunos tomaron mr. para yr a la çerca e non fueron alla, que esto que tenemos por bien delo mandar rrecabdar para nos.
Alo que nos pedieron por merçed por que algunos cogedores de los nuestros pechos e rrentas ganaron cartas dela nuestra chançelleria que oviesen mayor tienpo para coger los mr. queles devian, como fue sienpre acostunbrado, non mostrando que oviesen enbargo legitimo en el tienpo dela cogecha, e en esto quelos dela nuestra tierra rresçiben gran dapno e desafuero, e que nos pedian por merçed que mandasemos que tales cartas que non valan, e que mandasemos guardar que non sal-
gan tales cartas dela nuestra chançelleria, e si salieren quelas non cunplan asi como desaforadas.A esto rrespondemos que en aquellos lugares do fueren mostradas tales cartas, que nos las enbien mostrar, e mandarlas hemos ver e librar enla manera que devemos, e enlo de aqui adelante, mandarlas hemos guardar queles non den otro plazo, saluo si mostraren enbargo derecho por quelo non pudieron coger.
Alo que nos pedieron por merçed que nos asentasemos en lugar publico do nos puedan ver e legar ante nos los querellosos e darnos cartas e peteciones, las quelos fezieren mester, e que feziesemos por nos mesmo abdiençia cada selmana un dia.
A esto rrespondemos quelo tenemos por bien.
Alo que nos pedieron por merçed que por quanto los dela nuestra tierra sacaron muchas debdas fasta aqui de moros e de judios por grandes mesteres queles recreçieron, sennaladamente para conplir nuestro seruiçio, que nos pedien queles diesemos plazo de espera fasta dos annos, e que mandasemos que entre tanto las debdas que non logren nin ganen.
A esto rrespondemos que tenemos por bien que ayan espera de un anno, asi como lo otorgamos alos otros dela nuestra tierra.
Otrosi alo que nos pedieron por merçed que en algunas çibdades e villas e lugares del rregno de Leon an cartas e previllejos del Rey don Fernando nuestro padre, e confirmados e dados de nos, que non paguen portadgo enel nuestro sennorio, saluo en lugares çiertos, e que nos por el grand mester que aviemos, quelos tomamos en nos por tres annos, e que pues el tienpo es pasado, que mandasemos guardar los dichos previllejos e cartas de aqui adelante.
A esto rrespondemos quelos que ovieron previllejos dados e confirmados del Rey don Sancho nuestro auuelo e confirmados del Rey don Fernando nuestro padre sin tutoria, e despues de nos enlas cortes de Madrit aca, que gelo mandaremos guardar.
Alo que nos pedieron por merçed que bien sabiemos quelas escriuanias publicas quelas mandamos tomar e arrendar, e quelos delas nuestras çibdades e villas e lugares toman en ello grand dapno e nos non tomamos enello seruiçio, por rrazon quelas arriendan por dar la rrenta e por ganar enellas fazen muchas sinrrazones, e que vienen algunos de otras partes que non son naturales a ser moradores por quelas arriendan, e que nos piden por merçed quelas mandasemos dar alos naturales e vezinos de cada lugar e villa por merçed, segund quelo so-
lian auer en tienpo delos rreyes onde nos venimos e enel nuestro fasta quelas mandamos tomar.A esto rrespondemos que nos mandamos tomar las escriuanias con grand menester que aviemos para labrar la tarazana, e mandamos ver los fueros e previllejos e rrecabdos que cada uno de aquellos conçejos dezian que tenian. Pero si algunos tienen algunos rrecabdos por que devan aver algunas dellas, quelo muestren, e librarlo hemos enla manera que devemos. Enlo delos escriuanos tenemos por bien delo ordenar enla manera que aya y buenos escriuanos, e ande el ofiçio como deve.
Alo que nos pedieron por merçed que algunos infanzones e caualleros e otros omes, que toman portadgo nueuamente en algunos lugares del rregno de Leon do nunca se pagó nin fue usado nin costunbre delo pagar, nin lo an por preuillejos delos rreyes onde nos venimos nin de nos delo tomar, e que nos pedian queles mandasemos quelo non tomasen de aqui adelante, e las nuestras justiçias que gelo non consientan.
A esto rrespondemos que digan quien son los quelo toman e en que lugares, e si fallaremos quelo toman sin rrazon, mandarlo hemos desfazer.
Alo que nos pedieron por merçed que bien sabiamos en como sobre la çerca de Algezira mandamos alos notarios priuados e nuestros ofiçiales que por rrazon de algunos agrauios quelos que arrendavan el alcauala fezieron alos dela tierra, pasando contra el mandamiento que fue fecho sobre el alcauala, que viesen aquellos agravios que fazian, e los declarasen en aquella manera quel nuestro seruiçio fuese guardado e los dela tierra non resçebiesen dapno delos arrendadores, pasando a mas delo que deuien; e ellos quelo vieron e declararon en manera como pasasen los dela tierra con los arrendadores, e queles mandasemos dar nuestra carta sobre ello; e que nos pedian por merçed que mandasemos que se guarde asi segun fue declarado e librado; e [non] ganen otras cartas contra estas, rrobradas sin vistas por despechar la tierra.
A esto rrespondemos quelo tenemos por bien segund quelo ordenamos en Burgos.
Alo que dizen que ha omes enel rregno de Gallizia e de Asturias que van por vino e pan, e lieuanlos a vender fuera del rregno, e que desto que asi se vende, que demandan los nuestros cogedores alcauala, e que nos pedian por merçed que mandasemos que desto non demandasen alcauala, pues se non vendia enel rregno.
A esto rrespondemos que tenemos por bien de mandar sobre esto fazer declaramiento por algunas encobiertas que se fazen, e mandarlo hemos
declarar en tal manera quel que leuare alguna cosa fuera del rregno que sea suyo verdaderamente, quele non demanden alcauala.Alo que nos pedieron por merçed que mandasemos quelos arrendadores delas nuestras rrentas pongan rrecabdo enla cogecha por si o por sus omes, e que non tomen nin costringan alos delas villas e lugares quelas rrecabden en fialdat contra su voluntat, ca fallaremos quelos dela tierra an rresçebido grand dapno, e que por esta rrazon fasta aqui levaron algo los arrendadores de algunos que eran nonbrados para ello por que posiesen otros en su lugar, e alos que renunciauan la cogecha enplazavanlos para nuestra corte que diesen cuenta por granado e por menudo, e cohechauanlos por ello.
A esto rrespondemos que tenemos por bien que en cada villa e lugar, que den los conçejos cogedores para coger la dicha alcauala, e si non los dieren, quelos tome el cogedor; pero que tenemos por bien queles den salario, aquello que es acostunbrado, que son treynta mr. al millar.
Alo que nos pedieron por merçed quelos arrendadores delas alcaualas pasadas que nunca las demanden de aqui adelante, pues que es pasado el tienpo del anno dela renta quelo ovieron de coger, ca fallaremos que fazen enesto muchas maliçias los arrendadores, demandando a cabo de dos o tres annos las alcaualas a muchos quelas pagaron e non pueden prouar la paga por que non tomaron alualas de pago, o los perdieron, o se morieron los testigos que avian, o sus herederos delos quelas pagaron, e non saben delos rrecabdos que tenian los de quien lo heredaron, e asi pagan dos vezes; demas que es de presomir quel arrendador non se le olvidarie de tanto tienpo; e otrosi quelos del rregno de Leon acordaron de nos seruir enla manera que nos seruieron los de Castilla e los de Estremadura; quelos arrendadores delas alcaualas que por venir son, quelas cojan e demanden por menudo enel anno quelas tomaron arrendadas, e pasado el anno, queles non sean tenudos deles rresponder dellas los quelas an de dar, pues las non demandaron enel anno que tenien la rrenta.
A esto rrespondemos que bien veen ellos que por escusar el tienpo dela rrenta, que non son ellos quitos dela debda.
Alo que nos pedieron por merçed queles confirmasemos e les mandasemos guardar sus fueros e preuillejos e libertades que han delos rreyes onde nos venimos e de nos.
A esto rrespondemos que nuestra voluntad es deles guardar fueros e
preuillejos e merçedes que han, e aun deles fazer mas merçed; pero si algunos tienen queles fazen algund agrauio o lieuan contra fuero, quelo muestren en espeçial, e quelo mandaremos guardar e librar enla manera que deuemos.Alo que nos pedieron por merçed queles mandasemos dar de todo este nuestro quaderno el traslado sellado con nuestro sello e quito de chançelleria a todas las çibdades e villas e lugares del rregno de Leon.
A esto rrespondemos quelo tenemos por bien.
Otrosi los perlados e rricos omes e cavalleros del rregno de Leon e procuradores delas villas e lugares del dicho rregno pedieronnos por merçed que toviesemos por bien que enlas cartas que fuesen a qualesquier çibdades e villas e lugares de nuestro sennorio que mandasemos que se posiese enellas primero Leon e non Toledo, que era razon e se devia fazer asi.
A esto rrespondemos que tenemos por bien que enlas cartas que fuesen a Toledo e las cartas que fuesen alas villas e lugares que son de la notaria de Toledo que se ponga primero Toledo que Leon; e las cartas que fuesen a todas las çibdades e villas e lugares del nuestro sennorio, otrosi las que fueren fuera del nuestro rregno, que pongan primero Leon que Toledo. E mandamos alos nuestros notarios e al nuestro chançeller e alos que estan ala tabla delos nuestros sellos quelo fagan asi guardar de aqui adelante.
Desto mandamos dar este nuestro quaderno sellado con nuestro sello de cera colgado, quito de chançelleria, al conçejo de. . . . . . . . . . Fecho en Leon, diez dias de Junio era de mill e trezientos e ochenta e siete annos. - Yo Marcos Ferrandes lo fiz escreuir por mandado del Rey. - Rodrigo Alvarez. - Johan Estevanez.