De moros eran Trugielo, Santa Cruz, Montanches, Merida e Badaioz, quando Io ALFONSO, Rei de Leon, di e otorgue al Conceio de Caceres estos terminos que en este fuero son escriptos, y desta guisa deparados: a primas, con Montanches de la Torreziela, que esta enna penna en derecho de Sancta Maria, e como ua por Aualtrauiesso, e a moion cubierto por ao passa la Calzada en Ayuela y dexa ela Atalaya Dauencalez de diestro, que es todo esto de Caceres; e desdi como hentra la Calzada en la Sierra, e dende a los fitos o cae el Arroyo de la Atalaya del Guiio de la Sierra, e de Alcuesca al Casar del Conde Don Gonzaluo al sendero de la Carmonita; e desi a la Angostura de la Cara; y dessi a Sierra Trauiessa; e dessi al Arroyo de Alpotrec; e el Arroyo aiusso, como cae en Botoua, e como passa la Carrera de Badaioz en Botoua e como exe el Agua de Zagalla, fasta en el Puerto d'Albocar e desende como uierten las aguas a Alconetara por la Mata; e desende como uienen por Almadronal; e desi como uiene a la Penna de Bololongo e dende como cae el Arroyo de la Figuera en Almont, e en so derecho a Talauan, e desi a la Torre de Belasco Muza; e como cae el Arroyo de Blasco Muza en Taio. De la Torre de la Zafra como parte con Montanches a moion cubierto al Castiello de Tamuia e el Castiello de Temuxa de Caceres es, e como ua asomo de la Mata al Arroyo de Geblanzo; e el Arroyo aiuso, como ua pora los Almadenes: y dende como passa el Sendero de Don Uermudo en Almont; e por medio de las Cabezas de Montroy como entra el Sendero de Don Uermudo en la Xara; e desend a la Torre de la Greda e desende como cae el Arroyo de la Coda cha en Taio e Taio arriua et auiso, uados, et puertos, entradas, et exidas alende, et aquende, con todas sus carreras tam bien alende como aquende, de como cae el Arroyo
de la Couacha en Taio, hata como cae el Arroyo de la Torre de Blasco Muza en Taio, do io todo el Conceio de Caceres, pora portar et passar, et pora seer su heredad; et mando que la deffienda el Conceio de Caceres; et si nengun omme de Caceres deffendiendo estos fitos que son dichos, et de los fitos adentro matare algun omme estrano o el estrano al de Caceres, a tal fuero aia como dira sobre defendemiento de casa.Et acotamus istos terminos que nulla cabanna de ganado, que intrare in istos terminos sine mandato de Concilio, que uizino non fuere, tomenle de la cabana de las uacas II uacas. Et de la cabana de las oueias, prendan X carneros. Et de porcos V et esto prendan por montadgo cada ocho dias, fasta que hiscan de termino; la metad al Conceio, et la otra meetad a los montarazes. Todo omme que non fuere nuestro [uizino] et casa fiziere en nuestro termino, quien lo fallare prenda de su auer V morabetinos, et si la ualia non ouiere, aduganle el cuerpo preso fasta que peche estos V morabetinos, terciam partem Concilio et terciam partem Alcaldibus, et aliam partem qui inuenerit eum. Todo omme que taiarae enzina o alcornoque o rama o tueros, pectet V morabetinos, la metad a montarazes et la meetad al Conceio. Si non fuere pora casas o pora aradros o pora cosa que a lauor pertenesca. Et si pora puercos taiaren prendanle V porcos. Et si dize non fize esto iuren II montarazes por la iura qui fizieron a Conceio que cortando los tomaron et peche. Et si montarazes se no se acercaren hi, firmeio con III uizinos o fiios de uezinos, et peche. Si no saluese con IIII et ille V. Et el otro la manquadra. Et todo este montadgo prendanlo omes de Conceio et otro omme non aya hi poder.
Todo omme que quemare en termino de Caceres monte, o canpo desde mayo fasta Sancti Martini, et danno alguno hi uiniere, pectet X morabetinos et assus donnos el dano duplatum. Si lo pudieren firmar, asi como es superscripto. Et si non ouiere de pechar, atenlo de piees et de manibus et echenlo en el fuego. Sin autem, saluese con IIII et ille quinto. Et por esto non dent manquadra. E destas calopnas tome conceio la meetad, et los montarazes la meetad.
Aurifices o ferreros o caleros, o de qual mester qualquier, que labraren en termino de Caceres sine mandato de Concilii, pectet X morabetinos Concilio si potuerit ei firmare. Sin autem, saluese con IIII et el quinto. Et elle la manquadra.
Todo pescador que non fuere nuestro uizino et en nuestro termino pescare si ad otra parte lo leuare, quilelo fallare tomelelo sin calopna, et pectet V morabetinos medietatem qui enum in uenerit et medietatem Concilii sin autem, adducat eum captum usque dum pectet.
Todo omme qui fallare uezino estrano en nuestro termino tomando azores, o falcones, o gauilanes, prendalo, et trayat eum cautum, donec pectet IIII morabetinos, los medios qui in uenerit eum et los medios a los alcaldes. Otrosi qui tomar azor, o falcon, ho gauilan uieio, pectet IIII morabetinos, los medios a los alcaldes et los medios ad conceio. Et tomengelo los Alcaldes et denle de mano, et si non sint periuratis.
Et foro dio el rei et otorgo a los uizinos de Caceres que en todo so regno non dent portatici, nec respondeant in toto suo regno pro nulla res, dent fiadores ut appareant a derecho en Caceres. Et franqueo el Rey a uezinos de Caceres suas hereditates et suos homines que ouieren en otras partes que non pechen nec fagan fazendera ni den en pecho nin en pedido. Et acotalos, que negun omme que en sus heredades o en sus ommes metier mano, o en esto que les mando el Rey, que pectent mille morabetinos et sit forfectosus, et ad quereloso danpnum duplicatum.
Ad isto est concilio auenido, que nengun omme de Caceres qui bando fecerit aut bando clamare, foras ad corpo del Rey, exeat por aleuoso del Rey et del conceio, et derribenle las casas, et perdat quamtum habuerit, et tomen el auer ommes de Conceio et metanlo en el castiello.
Alcalde o otro uizino de Caceres qui a otro quisier raigrar et non pudiere con el, faga testigos a aquelos que hyso uieren que le aiuden,
et qui illi adiuuare noluerint, unusquisque illorum pectet quantum querenti, quomodo ille debebat pectare.Todo omme a quien demostraren fiel et el fiel dixiere: «fiel so», et non quisier hyr ant alcalde, pectet ei I moraueti, et el fiel sea de los scriptos del padron et uaya ant el alcalde, et si non quisier ir el fiel ant el alcalde o dezir: «fiel so», pectet medio moraueti ha aquel con que non quier hir. Otrosi qui parare fiel o mostrare plazo a sso contentor, et non quisier hir ant alcaldes, pectet medio moraueti a sso contentor porque le faz perder sua opera.
Mugier non uaya fiel, ni nenguno a ella, si non fuere por radicare, mas demostrele plazo pora collacion conombrada, et illa similiter faciat.
Et cui debuerit bestiam mittere, et non miserit, alio die accipiat fiel, et pignore pignus de moraueti suo con tentori. Et el fiel tenga los penos fasta nouen dias si fuere radicatus, et si non tengalos qui los prendare. Et si fasta nouen dias non le pararen fiel que sea uicino que uaya a plazo sobre los pennos baraiar a collacion conombrada, o aya alcalde, mortificense pignora, et de fiador de que da, et si se alzar aquel que tiene los penus de la uilla non se amortiguen, mas responda por ellos.
Tod omme que non prendare fasta VIIII dias, porque non uino a fiel, o por bestia que non misit aut plazo que non uenit, non pignoret eum magis pro ipsa calumpnia. Et qui dixiere: «a su casa fuy et non falle hy pennos», firme con III testigos que alla fue ante de noue dias et non fallo hy penos, et del casa con penos. Et depues prende quando se quisiere.
La bestia o la prenda que alcalde mandare soltar et no la soltaren, duplela a aquel que demanda, fueras bestias d'eredat otorgadas; estas non sean sueltas si non por iudizio de IIII alcaldes.
Tod omme que ante alcalde baraiar, et el alcalde pro iudicio mandare bestiam mittere, et non la metier, pectet I moraueti querenti. Tod omme que bestia ouier a meter, cada tercer dia bestiam mittat, et quantas bestias non metier, tantos morauetis pectet querenti. Tod omme qui bestiam debuerit mittere, mittat una bestia mortua que uala I moraueti, et dend adelant meta bestias uiuas al foro.
Tod omme que se alzare a la carta, et el alcalde lo uedare de la carta et le mandare bestiam mittere, no la meta; et si bestia touiere no la solte, et si propter hoc pignorauerit, torne la prenda doplada con VI morauetis ad illem qui est pinoratus.
Tod omme que se alzare a la carta, el alcalde deles fiel, et uayan ueer la carta. Et si illud dixerit cartam quod iudicabat alcalde, metta la bestia enna noche et yaga fasta que prenda iudicio de la carta. Por so iudizio qui se alzare a la carta et el alcalde le uedare la carta, pectet IIII morauetis ha aquel que se alzo a la carta, si gelo pudiere firmar; sin autem saluese con quatuor et ille quinto. Et si en portielo siyen do se amparare, postquam inde exierit, responda.
Tod omme qui bestia ouiere a meter, et sin soga la metiere, pectet I moraueti a suo contentori. Et si la bestia la comiere, pidale otra soga et meta la uerdad que su bestia la comio, et delle otra soga en ese dia. Et si non gela diere, pectet I moraueti illi cui debet bestiam mittere, et la soga sid de una brazada.
Tod omme qui uedar comer a la bestia ante de tercer dia, o la tenuerit in discoperto, firmelelo con III uicinos et duple la bestia. Qui bestia ouiere a meter despues de la bestia muerta, meta bestia uiua danguera. Et si tal no la metiere, pectet I moraueti a so contemtor.
Toda bestia que en penos morier, uenga so dono et saquela, et meta otra in ipso die, et si la non metiere pectet I moraueti ad aquel que la deue meter. Et otrosi si la non quisier sacar, pectet I moraueti a so contemtor, et ille in cuius domo morierit saquet illa sine calumpnia.
Nullus homo non paret fiel a hominem que steterit iantando, aut suum capud lauando, aut calciando, aut uestiendo, aut laborando, et si fiel le parare esto faciendo, non uaya ant alcalde si non quisier, mas demostrel plazo pora otro dia exida de missa matinal, a collacionem cognominatam ubi habeat alcalde. Et si uoluerit illum radicare, expectet eum et quando uiere el fiel que puede seer iantado, uel lauado, uel uestito, o calzado, parele fiel et si non quisier con el ante alcalde ir, prendat eum sine calupnia; et si non uiniere al plazo el que lo demostro pectet medio moraueti a so comtentor porque le face perder sua opera.
Tod omme que a otro ouier bestia a meter et dixerit timeo bestiam meam perdere, det hominem super quem sit que non se alze cum illa; et si non dederit ei super quem sit, non mittat ille bestia. Et qui demostrare plazo sobre ella bestia que uadat ad collacionem ubi abeat alcalde, et si dixerit alter plazo abeo iudicato de Alcalde ad aliam collacionem mittat ueritatem quod ita est, et uadat cum illo, et si non dederit ueritatem uadat ad illam collacionem ubi mostrat ei plazum. Et si non fuerit soltet la pignora. Et si la pignora non soltauerit, de la duplada a ssuo contemtori, si illud trasnoctauerit.
Qvi adduxerit hominem cum fiel ad corral, stet usque a la derramada de los plazos, et appareat totum diem ibi. Et [si]suus contemtor non miserit eum intus, faciat illi testigos et uadat sine calumpnia. Nullus homo non cadat per iudicio de corral, nisi per corral de uiernes,
et uiernes iudicen los alcaldes suo[s] iudicio[s] de la uilla, et sabbado ayuntense et iudicent los desafiados et adoben la pro de Conceio, et si aliter fecerint sit illis in periurio.Tod omme que prendado fuere o fiel le pararem per so omme, o per omme que leuo sobre si, et touiere iuzgado po lo aducir a plazo si firmar le pudieren que depues que prendado fue, o fiel le pararon, ille hominem que ena uilla lo testiguo, e las bestias yaziendo lo aduga.
Tod omme qui exido fuer en carrera con armas o con zarzano, o talegas touiere fuera, non uenga a fiel, si quisier meter la uerdade que assi es, et si mal enganno. Sin autem ueniat.
Nullus homo non paret fiel nisi post missa matutinale dicta usque uesperas, nisi ad radicandum hominem.
Nullus homo qui bis pignorauerit in die aut parare fiel, pro una demanda pectet I moraueti suo contemtori.
Qvi rancura abuerit de clerici, prenda fiel clerico et layco. Et paret illi fiel e iudicent suo iudicio el uiccario, uel qui touier sus uezes con un alcalde layco. Et clerici simili modo faciat ad layco. Firmas que abuerint ad facere unos ad alios firmen clerici et layci uel layci et clerici in unum. Et iuras inter clerici et layci al foro. Viduas et clericos siue quintos se saluen pro unde debuerint lidiare excepto pro morte de homine aut mulier forciada.
Qui rancura habuerit de alio det hominem super quem sit que non se al alze, et si nolucrit dare prendat eum sine calumpnia et cognominet
eum sua rancura et det ueritatem quod ipsa rancura habet de illo, et si non dedit ueritatem non leuet eum super se et alter non accipiat illum, et si super hoc acceperit eum, pectet IIII morauetis illi cauto et dimittat illum. Et si noluerit eum dimittere et miseris eum sub tecto, pectet illi X morauetis. Et si miserit eum in cepo aut en fierros pectet ei XX morauetis. Et quantos dias alla trasnoctauerit, tantos XX morauetis le pectet los medios al queroloso et los medios ad illum qui leuabat eum super se, et hoc si potuerit firmare. Sin autem iuret sibi quinto. Et si ueritatem uoluerit dare et non abuerit qui eum leuet super se, accipiat eum absque calumpnia.Tod omme a quien demandaren casa con penus cognominet tribus uicinus qui leuent eum super se et si inter tantum alium leuauerit super se laxet eum. Et si de istis tribus nullum noluerit leuare super se, prendat eum sine calumpnia. Et si postquam captus fuerit hominem dederit qui eum leuent super se laxent eum. Et si noluerit eum laxare, quantas noctes alla trasnoctare, tantos XX morauetis pectet illi. Tod omme que fiador dier tal fiador de que aya ualia de la peticion duplada. Et si tal fiador non dederit so fiador non le preste. Et si por esta sobrecabadura non pignorauerit aut non parare fidel ante unum mensem non respondeat ei amplius. Et si parare fiel o prendare ante del mes, respondal fasta un anno et non mas el fiador, sed debitor, respondeat omni tempore.
Qui hominem leuauerit super se por pignus de I moraueti o por bestia que non metio, o porque non uino a fiel, et non prendare fasta IX dias, non pignoret ei amplius pro ipsa calumnia que es passada. E dent adelant prende per so auer iudgado cabadelant. Et si postea pignorauerit, pro ipsa calonna det illos pignos duplatos suo contentori.
Tod aldeano que casa ouier ena uilla sea uizino si la touier poblada con sos omes. Et det el medio diezmo ena collación o fuere uezino. Et det a los mayordomos recabdo por todos los derechos de Conceio. Et si ita non fecerit, non sea uizino.
Uezino de la uilla que rancura ouiere d'aldeano parele fiel con un uizino aldeano, ut ueniat ad suam portam al tercero dia de sol a sol et si non uenerit pectet I moraueti suo contemtori. Et alio die ante de los plazos, meta su bestia, et baraie sobrela, et si non quisiere baraiar, meta sus bestias al fuero, et quantas non metiere, tan tos morauetis pectet ei. Et quando uiniere a la uilla, de casa con penos suo debitori; et si el de la uilla, inuenerit ad aldeano enna uilla, demostr[e] ei plazo con un fiel pora otro dia exida de missa matinal a collation conombrada. Et si ille mandauerit casa con penos, ibi gela de. Et si el aldeano uinier al plazo, et non uinier el de la uilla, pectet ei medio moraueti si fuer uizino; et si morador fuere, la meatad. Et si el de la uilla uinier, et el aldeano non, pectet ei I moraueti suo contentori.
Aldeano que rancura ouier de aldeano, parele fiel con un uizino aldeano uel de la uilla ut sit ad tercio die ad fenestram Sante Marie de sol a sol, delle casa con penos que le este a derecho, et si non uiniere, o casa con penos no le diere, pectet suo contemtori I moraueti. Et si dize el que ampara: non me demostraste fiel, firmelo con aquel que fu fiel, et pectet I morauedi suo contemtori; et si el fiel dixere: non fuy fiel, iure con un uizino que non fu fiel, et el otro torne los penos con un moraueti suo contemtori. Et a qui fiel mostraren et a plazo non uiniere el o su mugier et si mugier non ouiere, su celerizo o su omme, pectet I moraueti a ssuo contemtori.
Et si un aldeano a otro enna uilla parare fiel, otro dia uayan ambos a la finiestra de Sancta Maria, et faganse derecho assi como es super scripto.
Mugier aldeana uenga a fiel, si non pectet I morabeti suo contentor.
Tod omme que dixiere a otro: e uas fiel, et el otro non quisiere ir con el, si ualadi fuere o aldeano non raigado, accipiat eum absque
calupnia. Et radicatus fuerit en uilla o en aldea con casa poblada, pectet I morabeti so contemtori.Tod ome que arredro parte prendare o parare fiel, si potuerit ei firmare, pectet I morabeti suo contemtori; et primero coia la calompnia del morabeti, et uaya su uoz en ante, et despues responda: esta es redroparte.
Tod omme que para fiel o demostra plazo o prenda, et lo tiene tras plazo a so contemtor, et uiniene el otro que ampara e parale fiel, o lo prenda en ante que le cumpla de derecho, esta es la redroparte.
Tod omme que iudicio arancado renouare iudicio, si firmarle pudieren, pectet IIII morabetis suo contemtori et prendat.
Quien firiere o messare a uezino, pectet XII morabetis si liuores non fiziere; et si liuores fiziere, pectet XX morabetis al quereloso, si ei potuerit firmare. Sin autem, saluet se con IIII uicinus, et ille V.o; et si potuerit firmare que torno super suum capud, non pectet calupna; et si liuores fecerit, pectet medietatem calumpnia.
Qui firiere o messare a uezino, qual ferida el diere, tal espere en conceio, si liuores non fiziere.
Qvi feriere o mesare a morador que non fuere uizino, pectet II morabetis al quereloso; et si ficier liuores, pectet ei IIII morabetis si ei firmare con III tales quomodo ille est. Et si non potuerit firmare, iuret ei con I morador.
Qui firiere o messare uizino o liuores fiziere sobre salua fe, pectet morabetis al quereloso, et sos IIII morabetis a los alcaldes; et exeat
por aleuoso de conceio, si ei potuerit firmare. Sin autem iure cum XII uicinos al uicino et al morador con VI moradores.Qui percusserit, aut messauerit aut liuores fecerit a morador super salua fide, pectet XX morabetis al queresolo, si potuerit ei firmare. Sin autem, saluet se sicut supra dictum est.
Tod ome que [salua] fe diere, tal salua fe de que abeat la ualia de la calumpnia. Et si postquam salua fe diere si feriere, aut messare, aut aliquot malum fecerit illos qui la salua fe leuaron, si potuerint eum inuenire, accipiant eum sine calumpnia, et mittant eum in manus del queresolo cum omnia sua bona. Et si in cepo del quereloso muriere, non exeat inimicus, nec pectet calumpnia; et si illo[s] que la salua fe leuaron, no lo pudieren autem elos pectet la calompna.
Qui a morador ouiere a firmar firme con moradores o con uizinos, quales pudier auer.
Mugier de uizino, fijo o fija de uizino, pariente o parienta de uizino, que con su pariente sin soldada morar, aya fuero assi como uizino.
Qvi firiere o messare a uezino sobre consilio facto, si potuerit ei firmare, pectet XXIIII morabetis al quereloso, et al morador pectet VI morabetis. Sin autem saluet se con IIII, et ille quinto. Et forcia et uirto. Esto es dedos, fasta III et dende adelante.
Qui ome lisiare, tal iudizio aya como por morte domne. Et de tal lision de occulo, de nares, de rostro, de mano o de pie, o de pixa, o de coiones, o teta de mulier.
Qui taiare oreias o dedos de uizino, quantos dedos o quantos dientes quebrantare delant tantos XX morabetis pectet al quereloso, o si gelos sacare. Et si al morador fizier esto, que uizino non fuere, pecte ei medietatem. Et si dixiere: non fize aquesto, saluese con XII uizinos, o lidie qual quisier el quereloso, e tal morador saluese con duodecimo.
Tod omme qui rancado fuere per calonpna pechar de I morabeti arriba, pectet en ropa et en ganado; et la roppa o el ganado sea de nueuo fasta mediado; et si oro o argento quisiere meter en apreciadura, meta et aprecienlo los alcaldes, et tomen ende la diezma parte por lo que lo apreciam e dicant, propter amorem Dei, et ipsa iura que fecerunt ad Concilium, que derecho aprecian secundo suo seso, et por ualia de II morabetis II alcaldes lo digan. Et dent arriba IIII alcaldes lo digan.
Qui uizino descaualgare, que cauallero sobiere, pectet ei X morabetis si lo pudier firmar, et tengale la estribera. Sin autem, saluet se con IIII et V.
Qui aldeano descaualgare, pectet ei II morabetis, et si ambos fueren aldeanos, tengale la estribera, et pectet ei II morabetis si firmare potuerint ei. Sin autem, saluese con dos aldeanos al fuero.
Qualicunque homo, qui hominem occiderit, si ueritatem invenerint super illum, inforquent illum. Si non lidie de pie o de cauallo, qual mas quisier el quereloso. Et si ceciderit, enforquenlo, et entre lide et saluarse con XII, qual magis querelosus uoluerit. Et si non potuerint eum habere, den omnia bona quae habet a parentes mortui, usque CCC aureos. Et si CCC aureos non abuerit, den omnia sua bona a parentes mortui quinque de suos parentes meliores, quod plus bona non habebat, et dent illum ut si inimicus.
Qui aforciare mulier uelada et probare ei potuerint, enforquenlo. Et si probar non gelo pudieren, lidie o saluese con XII qual mas quisiere
el quereloso; et si cadier, enforquet illum. Sin autem, exeat sine calumpnia. Et qui aforciare otra mulier que fuere uicina, pectet CCC aureos al quereloso, si ei firmare potuerint, et exeat inimicus. Sin autem, lidie o saluese con XII uicinos, qual mas quisier querimoniosus. Et si cadiere, pectet el ccto, et exeat pro inimico. Todo ome que aforciar morador, pectet illam XX morabetis si ei firmare potuerint. Sin autem, saluese con VI.Pro morte de homine, aut pro lision, aut pro mulier forciada, desfie en conceio tres domingos con II alcaldes. Qui matare ome sobre salua fe, pectet CC morabetis parentibus mortui. Et si el dannador pudieren auer, quemenlo. Et si lo non pudieren auer, los fiadores que la salua fe leuaron, pectet el coto.
Tod omme que salua demandare a otro ante IV alcaldes, dele salua fe, o por corral, o per capitulum, o per concilio. Et los alcaldes escriuan la salua fe, que si oppus fuerit, que las puedan mostrare. Et si la salua fide non escriuieren los alcaldes, et postea danno ibi uenerit, si eis firmaren los alcaldes lo pecten al quereloso. Et si negaren, iurent unusquisque, siue quinto.
Tod omme qui a otro pidiere salua fe ante alcaldes, et el otro noluerit ei dare, pectet IV, al quereloso los medios, et a los alcaldes los medios, por quanta[s] noches alla trasnochare, fasta que de el saluo. Et tal saluo de por si et per so auer; et si non dederit, metanlo los alcaldes en cepo, et si non sea periurios. Et si alcaldes non souieren hy et ante III uizinos le demandare saluo et noluerit ei dare, prendat lo el quereloso sine calumpnia. Et si dixerit: non sum ausus por prenderlo, aiuuate mihi, et noluerint eum adiuuare, pectet unusquisque singulos aureos quereloso, aut iurent unusquisque con singulos uizinos. Et si dederit super quem sit fasta die cognominato, quae de salua fide et noluerit illum laxare, fieralo o matelo sine calumpnia. Et qui dederit salua fide, dela per si et per sos parientes que fueren en termino de Caceres, et de IV fiadores que ayan ualia de la petición, o sex. Tod
omme que dixier a otro: da mihi salua fide, mittat ueritatem que la non demanda sinon per medo que habet del o de so auer, et si assi non fiziere, nol de saluo et si la uerdad metiere dele saluo.Tod omme que leuare a otro sobre si per saluo et non uinier a dar el saluo quando los alcaldes mandaren, a ccorral, o a Conceio, pectet IIII morabetis quantas noches trasnochare, medietatem querimoniosus et medietatem alcaldibus. Et si non fallaren penos al que pidieren el saluo, pectet la callompnia el que lo leuo sobre si, et postea que dederit saluo, si nemiga fiziere aquel que lo leuo sobre si, pectet la calonpnia doblada al quereloso o a sos parientes, e la calopna es, si lo matare et lo non pudieren auer, DC aureos. Et si lo firiere sobre saluo, pectet la calopna doblada et si lo denostare, pectet la calopna doblada et uaya por aleuoso del conceio et del queroloso, et estos fiadores que leuaron el saluo pectent el auer.
Tod omme que salua diere, o prisiere, ante IIII alcaldes la de, o la prenda, o por corral, o por Concejo, qui firmen si opus fuerit.
E quien desafiado fuere en conceio por morte de ome, o por mugier forciada, o por lision, al primer corral meta sus bestias, et si ena tierra non fuere et parientes ouiere, metan sus bestias et fagan que mandaren alcaldes: Et si las non metieren las bestias, sea enemigo manifiesto d'aquel que lo desafio. Et si omme ouier muerto, sea enemigo de sus parientes, et si parientes non ouiere, demandelo el conceio, et las calopnas metanlas en el castiello facer. Qualicumque homo qui desafiado fuere, sicut supra dictum est, et enna uilla fuere, meta sus bestias, et uenga delant alcaldes, et ponga sus uozeros, et los alcaldes denles II fieles con que se uaya encerrar; et hi digat en qual casa se quier encerrar. Et si postquam incerratus fuerit, fueras lo testiguaren con III uizinos, fueras per iudizio de alcaldes que lo mandaron desencerrar, quantos dias lo testiguaren fuera, tantos X morabetis pectet a parentibus mortui. Et ille dando derecho assi como mandaren alcaldes y el fuero, affidiendo, et quantos dias passaren que no lo quisieren affidiar, tantos X morabetis pechen illi inimico, si ei potuerit firmare con III alcaldes, que lo non quisieron affiar.
Tod omme que enemigo ageno cogier en uilla o en aldea, que sea uizino de Caceres, a nuestro fuero sacado per enemigo, pectet mcrabetis al quereloso si en casa ge lo pudieren testiguar con bonos omes, assi como es fuero, et a los alcaldes pectent IIII morabetis; sin autem, saluet se con IIII [et] el quinto. Et si dixerit: In domo tua est meo inimico, aperi mihi tuam portam, et noluerit ci aperire, firmelelo, et pectet ei calupnia super scripta, sicut in sua casa lo testiguase. Et en aldea con aldeanos firme; et en uilla con III uizinos.
Tod omme que afiirmar ouiere a uizino, fime con III uizinos o fiios de uizinos que souieron delante que ayan XV annos o dend arriba, et non menos; et a morador con III moradores, et non menos, o uizinos.
Pro morte d'omne o por mugier forciada o por lision, II bestias meta denguera, et por toda otra cosa una beslia meta, et si per magis eum accotauerint, non mittat nenguna. Et les bestias que deuiere meter, cada tercio die las meta, et una cauallar o mular por dos asnales.
Pro muerte de ome o por mugier forciada o por lision entre lidiar de pie o de cauallo, et saluarse con XII qual quisier el quereloso, tal cumplan.
Mugier que fiziere aleue a sos parientes, magenla et matenla sin calopna, si gelo pudieren firmar con bonos ommes, hy esta[s] firma[s] non recudan a rrepto.
Tod omme que fallare otro con su mugier o con su pariente, usque ad secunda, si habuerit uirum ad benediciones uel ad iuras, matedlos
ad ambos sine calumpnia, et non exeat inimicus. Et si occiderit uirum et non mulier, pectet CCC morabetis, et exeat inimicus, si eum non potuerint habere, et si matare a la mugier et al baron non, pectet CCC morabetis, et exeat inimicus si eum non potuerint abere. A los parientes del muerto pechen estos CCC morabetis. Si parientes non ouieren, el conceio lo tome et lo metan en fazer castiello.Mugier que a solas sin sos parientes tomar marido, si fuer manceba sea deseredada, et qui la tomar sit inimicus. Uidua accipiat uirum qualem uoluerit cum suis patentes.
Manceba orphana los parientes d'ambas partes la casen. Et si parentes de una parte la casaren, qui eam casauerit sit inimicus, et pectet el coto a los otros parientes, quomodo si la matasse.
Qui uoxorem duxerit, det ei en arras, et en uestidos, et en uodas quanto se auniere con los parientes de la esposa, et prendan fiadores de arras et por repintaias de morabetis.
Uidua que talamo fiziere, pectet VI morabetis, III a los alcaldes et III al conceio.
Uida non faga uoda die domingo, [nin] uaya cauallera al ecclesia, ni tome marido ante d'anno. Et si aliter fecerit, pectet, ut supra, los medios al conceio et los medios alcaldes de conceio, nec exeat cauallera ad cosso ipso die, et non cauallgue nenguna mugier con ella.
Qui mugier uelada o de iuras en mano de clerigo exiccerit extra domum, et postea uoluerit eam accipere, det illa uoda et arras, assi como de primero, et accipiat eam. Et si illa dimiserit uirum suum sit deseredada, et qui eam amparauerit, pectet X morabetis al marido quantos dias alla trasnochare, si gelo pudiere firmar. Sin autem, saluetse con IIII et ille quintus.
Tod omme qui demandare forcia de mulier, et el otro dixiere: non fiz esto si non per sue uoluntad et per mio auer quel di; por esto manifiesto non lidie nin pectet calopna. Et por lo demas niegue o manifieste, et faga quanto mandaren alcaldes, et la manquadra que dier la mugier a tal sea: iure con IIII et ille quinta de sos parientes, et si parentes non abuerit, iuret con IIII uizinos que in ip so die fue primero forciada d'aquel que se querella, et non per sue ueluntad, ni por auer quel disse. Et si ella uinier ant alcaldes o ante bonos omes rascada o conronpida, et su querela demostrare, entre lide et iura qual quisier el quereloso. Et si non iurare la manquadra, non responda, a la uicina como a uizina, et a la morador como a morador, assi como escripto es ut supra. Et sobre esto qui se quisier alzar, alzesse et meta pignus de II morabetis, et el otro de dos morabetis, et ille qui ceciderit det II morabetis a los fideles et el altero non de nada.
Qui dixerit uia a las armas por boluer uando, pectet X morabetis, s'illi potuerint firmare con III bonos omines; pectet los medios al conceio et los medios a los alcaldes. Sin autem, saluese con IIII et ille quinto, et estas firmas non recudan a rrepto.
Tod omme que feriere a uizino con cuchiello, o con porra, o con piedra, o con taragulo, o con cosa que feridas faga de muerte, en el cepo iaziendo, pectet la calomna al quereloso. Et [si] non ouier onde pechar fasta VIIII dias, cortenle la mano los andadores. Et si el otro murier, enforquenlo. Tod omme que firiere et non fore ferida mortal, enna prision iaziendo, de fiadores et este ad derecho al quereloso.
Nullus iudeus qui pescado conprar en uiernes pectet I morabeti a los alcaldes, et si el christiano lo comprar por al iudio pectet I morabeti alcaldibus. Sin autem, iuret con un uizino.
Mulier que uiduitatem uoluerit tenere, accipiat unam casam de XII cabriadas, et una terra de dos caffizes semnadura, ubicumque uoluerit et una aranzada de uina, ubicumque uoluerit, et una uize e molino aut in azenia acabo de XV dias un dia, et una bestia asnar, et una mora o un moro, et un lecho con guenabe et con alfamar, et hun fierto, et un cabezal, et II sauanas, et una caldera, et II bues, et XII oueias, et una porca, et desto todo lo que ouiere prenda, et non prenda en otra co sa, et hoc accipiat de auer dambos, et si non abuerit, tomet la meatad del auer del, si quisier uiudadad tjelner. Et qui esto tomare lieue in die dominco et in die lunes bodiuo, et dinero et candela, et cuantos dias no lo leuare tantos morabetis pectet a parientes del morto. Et postquam acceperit et lo delexauerit, aut uirum acceperit, delo duplado.
Tod omme que enfermare et mandare pro sua anima, et despues otra uez mandare la postremera manda preite.
Tod omme que muriera, den so cauallo et sus armas a so filio maiori. Et si filio baron non abuerit, dent suas armas et suo cauallo pro sua anima sine otra particione, et alios filios non accipiant integra.
Tod omme a qui su mugier muriere, sacque ante de particion una bestia qual quisier daquelas que ouieren. Et saque sus armas et su cauallo et sus uestidos quales ouo fechas en uida de so mugier. Et si
cauallo non ouier, saque una bestia de siella sicut dictum est, et un lecho de ropa. Otrosi la mulier saque ante de particione todos suos uestidos los quales ouo fechos in uita uiro suo, et un lecho de ropa.Uiro et mulier que unitatem fecerint, faciant illam in die dominco, exida de la missa matutinale in collatione de uilla, aut sabbado ad uesperas, et preste: Sin autem, non prestet.
Manda que mandare uirum ad mulieren uel mulieren ad uirum, usque ad medietatem de so auer del que finare preste. Et desuper non preste, et si mas mandar del auer que ouiere, segun como mandare, asis corregan las mandas.
Mugier que ante d'anno tomar marido, pectet III morabetis a los alcaldes de germanitate. Et si con mandado dalcaldes casare, como se con ellos auiniere, et si mulier pregnata acceperit uirum, sit deseredada, et tomen la metad de so auer, tan de moble quam radice, los parientes del morto; et aliam medietatem accipiat concilium per al castiello; et qui acceperit eram pegnatem, si infans mortuum fuerit, pectet calopna parentibus mortui, et exeat inimicus.
Nullus homo qui obierit, aut mulier, et filios aut filias habuerint, et uirum acceperit mulier, uel mulier acceperit uirum, et non ha buerint partido con suos filios, et post alios fecerint, et obierit ille aut illa, con los primeros parta ante tam radicem quam mobile quibus pertinet, et postea parta cum alios filios. Et si aliquam ren metieren pater aut mater, de auer de illos orphanos que sunt sine patre, aut sine matre, in oppus sui de radice o de moble, et fuere adelante, partan los filios uel filias con el padre o cona m[a]dre illo auer que fuit de suo patrimonio, aut parentes quibus pertinet, et postea partan su herencia et su moble que ganaron ambos en uno et los otros fiios, o el o ella con sos fiios, o con sus fiias, et de todo so auer assi lo partan, et pariente mas propinquo herede bona de so pariente.
Tod ome que quisier su heredat uender, dicat primum parentes sui, qui suam bonam debent hereditare, et quantum alius dederint pro illa, parentibus uendat si eam uoluerint. Et si [ad] alius uendiderit cam, et parentes sui ante scire non fecerit, saquet illam quimodo uult, et det eam parentibus suis, et si potuerit firmare, quod fecit illos testigos quod uolebat hereditatem nostra uendere et noluerunt illos conparare, uendat eam cui uoluerit. Et si parentes uolue int eam emere, paguenlo fasta VIIII dias el tercio, et el otro tercio a otros VIIII dias. Et a los otros VIIII dias el otro tercio. Et si ad estos plazos non pagaren, teneat quod tenet, et uendat hereditatem cui uoluerit.
Qui in hereditate aliena intrauerit et fuer arrancado por ella, dexela duplada con VI morabetis a domnus hereditati[s].
Qui boues eiecerit de ero alieno ubi araren, aut saccauerit clauilla, aut disturbauerit quod non arent, si potuerit firmare, pectet VI morabetis a demno bouum. Sin autem, iuret cum I uizino.
Mugier que arrompiere en heredat del marido, o el marido en la heredat de la mugier, entre en el quarto, et si fiziere molino, o azena, o casa, o uinea aut almunia, aut accipia[d] el quarto de hereditate, aut medietatem laboris, quale uoluerit ille, qui petid.
Tod home qui comprare herencia o mueble con su mulier de su auer, entre la mulier en medietate depues que fueren uelados ó cambiaren, et similiter si mulier comparare aliquant causa de so auer, o cambiare, otrosi entre el marido en la metad.
Tod ome a qui fiio orphano remanserit, et uixerit VIIII dies et postea morierit, pater aut mater, qui remanserit herede su bona,
pos que muerto es. Et de mobile faciat quod uoluerit, e la raiz exfructet eam in uita sua, et depues de su muerte torne herencia a erencia. Et si tomare uina, cauela, et escauela, podela et binela cad'anno. Et si tomare acena, o molino, o otra heredad, tengalo con tali labore comol pertenez et defructet illam; et si ita non fecerit, dimittat illam quibus pertinet, et herencia de parentesco non se pare tras anno.Toda here[d]at de quadriella que non fue partida, non se pare tras anno aquelos de su cuadriela. Et las terras que germanas deben ser, midanlas et eguenlas, et non se paren tras anno.
Ad o[r]phano que non habet XV annos, et a catiuo, et inimico, et peregrino, non se paren tras anno.
Filios aut filias, qui orphanos remanserint, que non habent XV annos, suos parentes propinquos metan su buena en almoneda con el padre o con la madre, et qui mas bien les fiziere, ipse accipiat illos. Et tanto por tanto pater aut mater los tenga, si uoluerit, et el moble ste in moble et la heredat en eredat. Et si a cabo d'anno non uinier meter en almoneda auer, et darle ganancia, ca tecer dia meter bestia fasta que lo aduga, et non exeat inde per ferias neque per solturas.
Tod omme a quien demandaren heredat, et podier el firmar que mays abet de anno et dia que la tiene con labor quel pertenesce, non responda por ella, et si alter dixerit: ante d'anno demandaui hereditatem istam firmet ei quod ante d'anno demandaui illam, et respondeat illi pro ea. Et ista demandanza tali sit pignorando, et apartando, et baraiando ante alcaldes, et por ualia de V morabetis firme con I alcalde, et por X morabetis con II alcaldes, et por XV morabetis con III alcaldes, et dent arriba con IIII alcalde[s] firme.
Tod omme que entrare exido de conceio o defesa, o cerrare carreras de conceio, tam de uilla quam de aldeas, pectet X morabetis, medietatem concilio et medietatem alcaldibus, et esto aprieten alcaldes et maiordomos, si non sint periurati, et illos pectet a concilio, et dexen la heredad a conceio; e por esto non s'echen tras portiello.
Qui sobre laborem alienam intrauerit, aut disrumperit, pectet VI morabetis al quereloso, et dimitat hereditatem, et tali labore ut recte pertinet, et lege sulco ad sulcum.
Tod omme qui hereditate otorgare, ibi det fiador sobre la heredade que aya la ualia de la heredat doblada, et si tal fiador non diere, por hi sea caido.
Qui heredad ouier a otorgar, sobre la heredad otorgue, et quando otorgare otro dia meta bestia, et cada tercer dia meta bestia, et si rancado fuer por la heredat, duple la heredad en auer o en raiz al demandador, et si el otor non ouier onde pechar, el fiador lo pectet sus bestias aziendo. Et por esto el fiador non meta el depdor en manos al quereloso ni s'alce al Rey. Et qui otor ouiere a dar por heredad, a VIIII dias lo de, et non passe mas de tercero otor.
Homo qui morierit, non responda su mugier, ni suos filios, ni qui sua bona heredade, nisi pro suo debito; et non responda por otra fiadura, et los parientes que touieren los orphanos con sua bona, respondan por el debdo, et non se paren tras anno, neque tras respusa.
Qui danno en uinna feziere, por cada uide que fuer pascida pectet V soldos et dende arriba fasta X morabetis sea calonna de pacedura
de uinnea; et qui hi tomare porcos, o oueias, o cabras, o otro ganado excepto cabeza mayor mate de illos dos si uoluerit, et non tome otra calupnia.Qui colligerit huuas en uineas alienas de dia, o pasciere a sabiendas, pectet V morabetis. Et entre los V morabetis e la calopna de ca una uide, qual quisiere tal come el quereloso. Et quien de noche furtare uuas, o otra cosa qualquier, enforquenlo. Et si tomar non no pudierem et rancado fuere por ello, pectet la calonpna duplada querimoniosus.
Qui uindemiare uina de pago ante festum Sancti Cipriani, pectet X morabetis, los midios alcaldes et medios al conceio, sacado el termino que el conceio pusiere, et a quien fallaren uuas o agrazes, si recabdo non diere onde las ouo, pectet I morabeti al quereloso, et si dixerit: conparelos, de otor. Et si otor non diere, pectet sicut dictum est, et aquel otor que otorgare, de recapdo, onde las ouo. Sin autem, pectet I morabeti quereloso.
Tod ome que cepa de uina rancare otro arbol qualquiere que fructo leuare, o lo taiare o ffierol metiere, pectet V morabetis al duenno de la heredad por cada un arbol; et si taiare ramo de uinna o de aruol, pectet I morabeti quereloso, e por exierto de un anno pectet I morabeti et dent arriba V morabetis e quien arbor descortezar en redor, fasta medio, pectet II morabetis, et si mas o menos a su conta.
Tod ome quisier fazer fiio o fiia, faganlos exida de missa matinal in die dominico o sabbato, dictas ucsperas en la collatione onde fueren uizinos, et otorguenlo por Conccio die dominico et preste, et si ita non fecerint, non prestet; e los aldeanos similiter.
Toda uina que ouier XX stadales en ella aya coto, et qui fallare porcos enella, tome ende II, et de oues II carneros, tam de uinea uindemiata quam pro uindemiare, et menos de quinta non aya coto, si non fuer en pago; e por cabeza mayor que en uina entrare o en prado pectet diezma de morabeti a quereloso, et por porco que entrare en prado, pectet quinta de morabeti, et por toda calopna meta el danador en manos, si non pecter la calopna. Prado o uina, o uerto si fuere redrado XX stadales de la postremera casa de la uilla o de la aldea unde es, aya coto; et si no non, si non ouiere, parede V palmos en alto sobre terra, et tres en ancho en redor.
Tod omme que fallare puercos, o cabras o ouellas en so restroio, o ouere gauiellas treznales, o en uina uindimiada, prenda II carneros o II puercos, et non tome carnero cencerrado, si carneros non andudieren enas ouejas, tome II oues et non tome morueco nin de puercos uerraco. Et si lo tomare delo doblado, et de cabras tome II et de cabrones II et non tome otra calopna. Et del prado simili modo sicut del restroxo. Et si dixier el quereloso: reuellasti me pennos, iure con I uizino et pectet ei I morabeti; et si dixerit el donno del ganado: non accepisti eos in tuo restroxo ubi treznales uel gauiellas abuisset, aut in tua uinna uindemiata, iuret ille qui eos accepit cum uno uicino que en su labor o de so sennor los uio, et fu en pos ellos et accepit illos et pechelelo. Et si non pudiere iurar, torne aquelo que tomo tornelo doblado et quitel ganado. Et si moro lo to mare, el sennor iure por el. Et qui entrare en labor ageno, caballero o de pie, pectet ei I solido domino laboris, et per sospecha saluese sibi quinto.
Tod ome qui fructum alienum acceperit, si putuerit ei firmare, pectet II morabetis al quereloso. Sin autem iure cun I uizino et el otro la manquadra. Qui pascier frucho que ad ortum pertinet aut cogombral, pro unaquamque uidera o radice, III dineros al quereloso.
Qui prado, o uina, o orto, aut pan ageno, aut colmenar, o azena, o molino quemare, de el dapno a suos dopnos, et pectet X morabetis,
los medios alcaldes et medios a los querelosos si potuerit firmare. Sin autem, iure con IIII et el quinto et alius manquadra.Et per toda demandanza de I morabeti arriba dent manquadra.
Qui danno fecerit in messe, per cabeza mayor pectet I octaua, et per porco et per V oues o cabras I octaua. Et per V ansares I octaua, et porco de muradal I octaua. Et de qual fructum comederit, de tali pectet, et qui comederit era de nocte, per cabeza maior et por porco pectet I octaua, et por oues et por cabras aut ansares por VI octaua. Et ganado que andare a pastor et danno fizier en era de dia non pectet, et el que non andudier con pastor, pectet ut supra dictum est.
Las terras que germanas debent esse, midanlas et equent illas prout debent esse, et non se paren tras anno, et qui eas comparauerit et limitem crebantauerit, aut moion arrancauerit, pectet II morabetis dompnus limitis si ei firmaren, et faciat limitis. Sin autem, saluese con II uicino[s].
Qui danno fecerit in lino, por la entrada pectet I sueldo, et quando danno ficier aprecienlo quasi sano, et pectet alio tanto. Et si dixier: nego, aprecienlo, et qual fuer el danno assi se salue.
Qui dano fecerit in labore alieno, ibi det pignus si ei pecierint, et si los reuellare, ueniat ad domum suam et pignore cum uno uizino aut cum morador. Et si pignus ei reuellauerit pectet ei I morabeti si ei firmare potuerit; si non prende. Et si el ganado en corral touire, delo por pennos, et si lo non dier et alla trasnochar, delo duplado donno ganati. Et el dia primero tome pen nos quales illi dederiint. Et alio die accipiat pignus de morabetis usque se integret quereloso.
Qui expoliauerit hominem ad corum, pectet ei II morabetis si ei potuerit firmare. Sin autem, iuret cum I uicino.
Qui dapno fecerit a sapiendas, pectet ei III morabetis, et el damno a so donno, si ei potuerint firmare. Sin autem, iuret sibi tercero, et alter la manquadra, et si la manquadra non dederit alter, iuret solus.
Prado amoionado, quarta usque ad VI arenzadas habeat foro, et eo quod minus fuerit, aut plus non habeat foro, excepto si fuerit in pago de alios prados, aut de uineas, et isto in uilla et en aldea.
Los iugueros accipiant boues ad quinto, et dent unicuique II kafices cabales de pan, medio de trigo et medio de centeno, et media octaua de sal, et III pares d'auarcas bonas. Et qui magis dederit, aut magis pecierit, pectet IIII morabetis al castiello, et dent inannafaga, ad unoquoque iugo de boues III caffizes et medio; et si boes cansare pectet las obras, et el boue, et los iugueros teneant boues a festo Sancti Cipriani usque ad eiusdem festum, et faciat quanto mandaren suos seniores, la cosa que illis mandare, quod sit de labore, et faciant illa secundum suum sensum. Et suo senior non dederit ei sua annafaga, fagal testes que gela de. Sin autem, non laboret nec pectet operas.
Todos los iugueros que operas fecerit perdere, pro unaquaque opera pectet I morabeti; et si negare, iure el senor tambien por las huebras como por otra perdida quel fiziere so quintero o so mancebo, et por quanto iurare el senor, tanto pectet el uasalo, et si boues de domino suo engueraret el iuguero duplelos boes; et si negaret sicut scriptum est. Et isto non abeat ferias neque solturas; et [si] suo domino dixerit: mataste me meo boue, iure el senor et peche el mancebo. Qui boue descornare o occulo le quebrantare aut pierna, accipiat illo et det altero tan bono. Et de tota bestia otrosi faga; et si dixerit: non feci hoc, iuret el senor et pectet el uassallo.
Qui rancura ouier de so iuguero, accipiat ei el quinto, usque det ei directo, et el iuguero faciat illi testigos ut recipiat suo directo, et si
noluerit uenire, mittat bestias cada tercero dia usque recipiat suo directo, et istas bestias non sint solutas neque por ferias neque por solturas, et de toto aportellado damo simi modo faciat. Et si ita non fecerit, non respondeat amplius.Los ferreros tengan las reias de la festa de Sancti Cipriani usque ad annum IIII reias a morabeti, et si mas touier o menos, a ssu conta. Et ferrero que touier XXX reias en aldea tam in uilla, sea solto de pecha, et de fazendera, et de fonsado et de apellido. Et el ferrero de l'aldea que non ouiere conplimiento de XXX reias, tenga fata XV reias et sea excusado por ellas, et fagan reias II uegadas de nueuo, et de it aguze et calce segur et azadon et azuela et escopro. Et si por su culpa se perdiere obra, pro unaquaque opera pectet I morabeti al quereloso. Et si dixier que por su culpa non perdio obra, fasta X obras iure sibi V.o. Et si menos a su conta. Et per mas de X liedie, et si cadier, duple la calopna. Et qui magis pecierit aut dederit, pectet IIII morabetis si ei firmaren. Sin autem, saluese con III.
Todos los [ferradores] ferren III dozenas a morabeti. La ferradura que ante de VIIII dias crebaret aut cadiderit, ferret illa altera uice sine precio. Sin autem, pectet I morabeti, et los ferreros que fecieren ferraduras, faciant tales como las calannas de conceio. Et si peiores clauos aut peioras ferraduras fecerint, pectet unusquisque IIII morabetis al castiello. Et si pactum aut iuramentum fecerint super hoc contra concilio, pectet unusquisque IIII morabetis. Et si negarent quod non fecerunt, iuret unusquisque sibi V.o, et faciant las ferraduras. Los ferradores que las ferraduras pecharen por malas, aut per malos clauos, los ferreros que las ouieren factas, duplanlas a los ferradores. Sin autem, pectet unusquisque singulos morabetis et pro isto cada tercio die mittat bestia, et la bestia hi iaziendo, pectet. Et si la bestia non miserit, pignoret pignus de morabeti. Et d'estas calopnas si iuramento fizieren contra conceio, pectet unusquisque IIII morabetis, medietatem alcaldibus, et medietatem castello. Otrosi pectet el morabeti super scripto domino bestie si ante de VIII dias crebare o cayere la ferradura. Otrosi pectent el morabeti super scripto, los ferreros que las ferraduras fizieren, pectent a los ferradores que las
ferraren. Et por esto cada tercer dia meta bestia. Et la bestia iaziendo, pectet. Et si la bestia non metiere, prende penos de morabeti, et esto non aya ferias nin soltura.Tod ome que ouiere iudizio de corral, metan singulos ouzeros et non mays; et si mas metieren, los alcaldes uazien el corral, et qui souiere sobre defendemiento de alcaldes, pectet I quinto de morabeti a los alcaldes. Et si ellos gela dexaren sit in periurio.
Tod ome que aduxiere pescado reziente, ille lo uenda. Et otrosi liebres, et coneios, et perdizes. Et si ad otra uilla lo leuare, qui lo fallare tomelelo sin calopna. Et si recaton, tam de gallinas quam de legna, como desto que es sobrescripto, quam de alia causam que ibi andaret pectet II morabetis, medios al conceio, et medios a los alcaldes. Sin autem, saluetse cum uno uicino. Et si los alcaldes et los mayordomos non lo tomaren, sean periurios.
Todo tabernero gane el quarto et non mays. Et si mays uendiere desta conta, o quebrantare coto de conceio, pectet II morabetis: I al conceio et otro a los alcaldes. Et si negare, saluese con II uizinos. Et por esto aprieten alcaldes et maiordomos. Los carniceros et las panaderas ese mismo coto ayan.
Por pan de panadera et uino de tarbenera et carne de carnicero et pescado seco de zagadera, o por keso de quesera, qui dineros ouiere [a dar], delos a tercer dia.
Los zapateros, por solar denles IIII dineros, et qui mas diere o mas tomare, unusquisque pectet singulos morabetis, medios al conceio,
et medios alcaldes si eis firmaren. Sin autem, saluentse con singulos uicinos. Todo cortidor curta el cuero uaccuno et enzebruno a quarto, et caballuno o de mulo o d'asno a tercias. Et si zapatero o cortidor este coto quebrantar, pectet II morabetis, medios al conceio, et medios alcaldibus.Tod carnicero, o zapatero, o ferrero, o pellitero, o carpentero, o texedor, o alfayat, o quales omes que quier que coto fizeren o iuramiento sobre conceio, pectet X morabetis al conceio por el castiello et IIII a los alcaldes si probare eis potuerint. Sin autem, saluese unusquisque sibi V.
Las mulieres entren en bano in die dominico, et die martes, et in die iouis, et los barones entren enos otros dias. Tod ome que entrare en bano en dia de las mulieres de sol a sol, pectet I morabeti a conceio. Et otrosi fagan las mugieres. Et si el banador omes metier en el uanno de las mugieres, pectet I morabeti al conceio. Otrosi peche si mulieres metier en bano en dia de los barones. Nullus homo non det precio en bano por escudero, et ome que non ouier escudero, lieue per escudero ome de su pan, et las mulieres similiter faciant. Alcaldes et Iuez et Escriuano non lieuen sinon un escudero, et si mas leuaren, sit illis in periurio. Aquelos que non ouieren escuderos o mancebos de su pan, lieuen III uno que los laue, et sit excusati. Iste es precium de balneo, cada omme et cada mulier singulos denarios, et qui penos echare en bano fasta noue dias non se amortiguen, et dent adelant mortiguense, et el banador non sea escusado de nenguna fazendera. Qui suo precio leuare por forcia, pectet I morabeti, el medio al conceio et el medio al banador. Et si el banador tomare precio de mancebo, o de manceba, o de tres uno que debe seer excusado, pectet I morabeti a conceio.
Tod ome qui firiere moro ageno o mora, o messare, pectet II morabetis domino suo. Et si liuores fezier, pectet IIII morabetis domino suo, et si non, iure siue V de uezinos, si firmare non ge lo pudieren.
Qui firiere mancebo o manceba agena ante su senor, o ome de su pan, pectet la calopna doblada, media al collazo et media al senor.
Todo moro o mora que feriere christiano o christiana, so sennor pectet la calopna al uizino como al uizino, al morador assi como a morador.
Tod ome que ouiere a firmar o a iurar, al uizino firme con uizinos, al morador con moradores.
Qvi percusserit moro o mora alienam, iuret solus quod non percussit ei per desorna de so senor; et si non iurauerit uel de plazo ceciderit, pectet calonia duplata domino suo.
Tod ome qui matar moro o mora de lauor, pectet XV morauetis domino suo. Et si fuer de mierce, alcaldes et VI lo aprecienlo quanto pectet a so senor, si ei potuerint firmare. Si autem, saluese si V.
Qui aduxier moro o mora de fonsado o dazaria, et catiuo christiano iacuerit pro illo, ante que taie, denle XXX morabetis por el; et depues que taiare de tanto quanto taiare fasta morabetis; et si de ciento morabetis arriba taio, non dent illi mas de C. Et tali sit taiamiento ante alcaldes de Rey et alphaquec et per conceio. Et al qui lo conpro denle tanto et medio ante que taie. Ome de Caceres o de so termino que catiuare, e otro uizino de Caceres por el ioguere denle leno et medio de quantol costare en almoneda, et denlo a sos parientes. Et si no lo quisiere dar, meta II bestias uiuas en casa del quereloso. Et si los alcaldes las soltaren, cayales en periurio, et no les preste. Et si el christiano catiuo fuer muerto, tornen el moro a so senor si lo
quisiere tomar. Et si por uentura so pariente sacare et mays auer diere, lo demas delo al dono del moro. Et si negare que mas non le dieron, iure sibi V.Tod aportellado que a su sennor tornare mano, cortenle la mano; et si so amo lo soltare, faga I tapial en el castielo. Et a qui dixier: Aiudame, et que lo pueda tomar, et no lo quisier ayudar, pectet cada uno delos III morabetis al senor del mancebo. Et si lo negaren, saluense asi como es.
Tod amo que a su aportellado firiere non pectet calopna.
Tod omme qui matare aportellado, o fforciare su mulier, o su fiia, o su criazon, tome la meatad de la calopna el queroloso, e la meatad tome so amo.
Tod ome que entrare con otro por so ceruicio fazer, et ante de so plazo lo dexar, perda el soldar; et qui lo cogiere, pectet II morabetis al amo primero si lo pudiere firmar que ante del plazo se exio del. Et si el otro dixiere: no lo sabia que contigo era, iure por su cabeza. Sin autem, pectet et eiiciat illum. Et si dominus eius dimiserit eum, ille bene seruiendo, det ille so soldar. Et si dominus eius dixerit: Male mihi seruiebas, iurele con I christiano que lo mal seruie, et dele lo que ouiere merescido. Et si non quisiere iurar, dele todo so soldar.
Todo labrador que senal o precio touiere per alguna labor et la compecare, et la labor dexare fasta que sea fecha, pectet I morabeti domino laboris et cumpla la lalor. Et qui senal le diere et la labor le tolliere, perda la senal. Et por todo mercado que senal tomare et se arrepentiere, duplela al quereloso. Et qui la diere si se repentiere, perdela.
Tod carpentero qui madera o ripia aduxiere a mercado con aluura, pectet I morabeti al conceio.
Tod ome que casa diere ad alquile, quando so plazo uiniere, prende per so alquile sin calompna, qual dia se quisiere, ropa, o bestia, en qual casa que quier que le fallare; et non aya ferias ni solturas. Et al fiador desa misma manera lo prende.
Qui casa diere ad alquile, o la tomare aquel, qui la tomare, si la delexare fata cabo de anno, del tod el alquile. Et si el senor de la casa lo sacare ante de so plazo, o pora otro omme si non pora obus dessi, perda el alquile. Et aquel que touiere la casa, si morando en ella comprare sua, det quanto ouiere merecido.
Todos mercadores de traperia, si acrouieren por alguna cosa prenden todo tienpo. Et otrosi ellos respondan omni tempore por lo que ouieren a dar sin calopna, et non perdan su prenda. A rruano que touier panno de color, non le prende nadi trapo de color por taiar.
Alcaldes d'ermandad non prenden nin accoten sin quereloso, si no per so depdo proprio. Sin autem, pectet I morabeti aquel que acotaren.
Qui borra filare, o en saial la metiere, o con cardas de fierro la cardare, pectet I morabeti al conceio. Et perda el precio si ei potuerint firmare. Sin autem, iuret cum uno uicino, et det la borra ad domnum del sayal, et faciat illum bonum.
Todas las mulieres que enprestarent uel accrouieren aliquam causam unas ad alteras, respondeant se usque I morabeti. Et per isto non se paren tras suos uiros.
Et qui uigilauerit oues, uigilet eas a decimo de los corderos, et de X quesos uno. Et si mas diere aut mas pidiere, pectet IIII al conceio. E qui las anafagare, tome ende el quarto. Et destas quarteras qui uoluerit eas accipere, det a ssu conta, et tome a ssu conta. Et si el ganado hy quisier dexar, del dia que compezaren a fazer queso, de en soldar de cabanero, et en annaffaga, et en auarcas et en sal et en quaio; et reciba esquilmo a conta. Et si su ganado quisier leuar prenda el qui las uelare XII dias primeros por domenguera. Et si depues que las domengueras ouiere presas nol diere so ganado domino suo, pectet ly IIII morabetis quantas noctes trasnochare, et el esquilmo doblado si ei potuerit firmare. Sin autem, saluese sicut forum est. Et el pastor o el amo que el ganado curiare, tome de las uazias et de los corderos el quarto por sort.
Tod pastor que uigilauerit uaccas soldariegas, uele VI per un morabeti; et uaccas soldariegas et oueias quarteras, aquel que las uelare non responda de un anno passado adelant pues que el ganado diere a sso duenno, si sse li espidiere ante tres uizinos et en poblado. Et si ita non fecerit, respondeat omni tempore. Et el amo otrosi el anno passado non responda por la soldada al mancebo si ante de anno no la demandare.
Tod ome qui porcos uelare, uelelos de san Ioan a san Ioan, et denle en soldada por VI morabeti de los uazios. Et de las puercas tome el quarto de la criazon. Et daquel dia que los tomare per conta, quantos perdiere tantos II morabetis pectet por aquelos que fueren anales o dent arriba. Et per los que non fueren annales, pectetles sennos morabetis a sos senores. Et per lechon pectet I quarto domino suo.
Tod omme que ganado echar a pastor per sanctii Iohannis, et depues ge lo quisier toller fueran per catiuazon o per enemiztad, deli todo soldar al pastor, et si por catiuazon o por enemizad ge lo quisiere toller, dele cuanto ouiere merescido. Et si el pastor delexar el ganado, pierda lo que a merescido si non fuer por catiuazon, uel per inimizad o per monte.
Tod omme qui matare puerco anal o de mas, o de menos, pectet sicut dictum est, si iurare con un uizino que lo non mato per su ueluntad. Et si non duple el ganado, pectet lo doblado conna calopna. Et si negare et potuerit ei firmare, pectet supra dictum est. Sin autem saluese sicut forum est.
Toda aue domada, o palomba de palonbar o de casa, o gallina, o ansare, o otra aue, qui la matare pro unaquaque pectet I morabeti domino suo si ei firmare potuerint. Sin autem, saluese cum uno uicino, fueran per falcon o por azor, et per gauilan, que deuen apreciar alcaldes, VI et bonos omes, et sauer uerdad que caza prendia o de que guisa era, et ponerle marco que ualie. Et dent a iuso per quanto iurare su duenno con IIII et el quinto, tantol den por el.
Oueias que pascieren entr'aldeas, anden en uno et L uaccas et non mays. Et si mas hi andaren, pectet I morabeti al castielo cada die dominico.
Tod ome qui ganado ouiere et aparceria quisier facer, fagala fasta las calendas de Iulio.
Las azenas et los molinos maquilen a uez. Et el maquilon que uezes taiare, si gelo pudieren firmar, pectet IIII morabetis, medios
al quereloso, et los medios a los alcaldes. Sin autem, saluese cum I uizino, et molan a uez, et non tomen alfadias el maquilon ni el heredero, et qui tomare alfadias o uedare uez, pectet IIII morabetis sicut dictum est. Sin autem, saluese con I uicino. Et el molino, ni el azennero qui heredero fuere, non sea molinero a ffuero, ni sea excusado.Todo ome que molinero fuere a ffuero, o ortolano, o pastor, o iuguero, o colmenero, o uassallo aieno, sea excusado de pecho et de fazendera.
Toda panadera que pan crudo uendiere, qrebantado, o qual gelo tornare el que lo conpro, tal lo tome. Et si lo non quisiere tomar, fagal testigos et pectet I morabeti, medios al quereloso et medios a los alcaldes. Otrosi la panadera que el pan de trigo non quisier uender sinas somas, ni las somas sin el trigo, pectet I morabeti a los alcaldes.
Los fornos cuegan ad XXX et non menos. Et si a menos cuxier, pectet III morabetis, los medios al quereloso, et los medios a los alcaldes, si ei firmare potuerint. Sin autem, iuret cum I uicino et cuegan a uez, et si el pan bien non cuxiere pectet I morabeti a domino panis. Et si negare, firmelo con III mulieres, et pectet I morabeti a domino panis. Et faciat forno qui facere uoluerit. Et qui uice uedar, pectet I morabeti, medios alcaldes, et medio al quereloso, si ei firmaren. Sin autem, iuret cum uicino.
Toda fonte que nasce entre quadrielas, et fuer de rregrar, como partieren la heredad, partam el agua. Et cada quien como ouieren heredat, assi torne el agua, et en qual heredad nasciere aquelos tomen primero el agua, et sic per ordinem, et dos dias ande fueras et el quarto torne a la heredad o nasce. Et aquelos que non uinieren al cauze cauar, o a la fuente mondar, o algua tornar, non habeat ibi partem. Et qui la furtar o la destorbar en el dia ageno, pectet II morabetis al
quereloso et duple la agua, si firmare potuerit. Sin autem, iuret alius cum I uicino, et alter non de manquadra. Et si non iurare, o de plazo cayere, pectet la calopna superscripta quereloso.Toda fuente perenal que arroyo echare en qualicumque hereditate, sit de III brazadas per carrera en ancho a todo redor de la fuente, et sierre so labor como es fuero, si otra agua non ouierem que abonde. Et desto sea aquelos que ena aldea moraren tambien como ena uilla. Et qui pozo cauar en su heredad non det agua a nenguno por fuero.
Los molinos ni las acenas non tolgan aguas ad ortos neque ad linares. Las azenas et los molinos muelan desde sancti Iohannis fasta sancti Michaelis a XII et desde sancti Micaelis fasta sancti Ioannis molan a XVI. Tod ome que molinos feziere en uiergen, de guisa lo faga que non enpeezca a molino uieio de iuso nin de suso. Et si dano rescibier por el, pectet el todo el danno a so donno con IIII morabetis, medios al quereloso, et medios alcaldes. Et si II molinos fueren fechos en uirgen, el que a primas fue fecho, aula, et a primas milio. Et si danno recibier por el, tam nouo molino quam uetero, pectet la calopna super scripta, et derribelo. Et las pesqueras sean defesadas de suso XX estadales, et de iuso II. Et de hi pescare, fuera end con anzuelo, o con butron, pectet III morabetis a so donno. Si non, iure con I uizino.
Tod omme que restroxo ageno quemare, pectet III morabetis a so donno si firmagelo pudiere. Sin autem, iuret si tercio. Et si hy quemare treznales o gaulellas, o miesse, pectet XL morabetis, medios quereloso, et medios concilio, et tod el danno a donno messis si potuerint ei firmare. Sin autem, saluese con XII uizinos a ffuero.
Tod ome qui en calle, o en castiello, o carrera, o en carcaua, iectare stercol, o de los moiones que puesieren alcaldes et mayordomos adentro, pectet I morabeti al conceio. Otrosi qui cauare terra o arena sol castiello, pectet I morabeti al conceio, et fagalo d'argamassa.
Todo menestral que labor agena labrar et la mal feziere, pectet I morabeti a al donno. Et coia otro al donno de la lauor sobrel que la labre, et por esto non aya feria ni soltura.
Nullus homo que casa kemare aliena, a ssapiendas, enforquenlo, et de so auer pectet al danno a sso donno si io pudieren firmar. Sin autem, saluese XII o lidie, qual quisier el quereloso. Et si per occasion la quemare, pectet el danno a sso sennor con IIII morabetis, los medios al quereloso et los medios alcaldes, si io pudieren firmar. Sin autem, saluese assi como es super scripto, a uizino con uizinos, a morador con moradores. Et si casa quemare que uala V morabetis o dent arriba entre lide et iura, qual quisiere el quereloso tal le cumplan. Et de quanto hy perdiere, por todo respondan.
Qui rio eruolauerit, pectet IIII morabetis, et qui inuenerit eum, accipiat los medios et el castiello los medios.
Qui ganado sacudiere foras de los terminos de Caceres, tome ende el quinto fueras caualleros de arrafala et pastores de ganado. Et si cauallo ibi morierit, d'aquel ganado lo erechen. Et cauallo que moriere en apellido de conceio, del dia que lo conparo fasta I annum, denle tanto cuanto lo conparo, et de anno adelant denle por el XXX morabetis.
Tod ome qui pidier en conceio non le den mays de I morabeti, et qui su uoz touier o mas le mandare, pectet IIII morabetis al conceio.
Qui derrompiere casa de uizino, tam in uilla quam en aldea, con armas, o corral, o molino, o azenna, o colmenar, o cabanna afumada, pectet L morabetis al quereloso si ei firmare potuerint, et istas firmas recudan a repto o iura de sibi V qual quisier el quereloso.
Qui disrumperit casa aut corral de morador con armas, o azena, o molino, o colmenar, o cabana, pectet la meatad de la calopna si el firmare potuerint. Sin autem saluese sibi V de moradores.
Tod ome que uina agena taiare a ssapiendas o kemare, o almunia, o casa, tal iudizio aya como por morte de omme.
Tod ome que dixier: demos de unaquaque collacione aliquam causam, pectet II morabetis conceio et non preste, si ei firmare potuerint. Sin autem, saluese como es fuero.
Tod ome qui ganado ageno firiere por desorna de so sennor, pectet IIII morabetis domino ganati si ei firmare potuerint. Sin autem, saluese con IIII sibi V.
Tod ome que feriere bestia agena por desorna de so sennor, pectet IIII morabetis a domino bestie si firmare potuerint. Sin autem, saluese con IIII, sibi V. Et si la matare, dela duplada con IIII morabetis domino bestie. Et de toda bestia mayor simili modo faciant, Si potuerint ei firmare. Si non saluese con XII uizinos al fuero et por bestia menor con sibi V se salue.
Qui feriere boe o uaca, o otro ganado pectet IIII morabetis domino ganati si ei potuerit firmare. Sin autem, saluese con IIII sibi V. Et si lo matare delo doblado, si ei firmare potuerint. Sin autem, saluese sibi V.
Los alcaldes et el iuez et el escriuan, quando fueren en almofalla, lieuen tres escusados los que fueren en almofalla.
Tod ome que lieuare tienda redonda en almofalla de uiente cuerdas o dent arriba, assi como ly pertenez, lieue II escusados, II caualleros, o VIII peones. Et qui leuare loriga con almofar, o lorigon con capiello, lieue II escusados, et por brufuneras lieue I escusado, III caualleros, o VI peones. I esto tome maguer que non lieuen tienda. Hy estos escusados sean aldeanos, et si ennas aldeas non ouieren conplimiento, tomen V de la uilla.
De fonsado o d'aceria de X cauallerias a arriba den una racion a Dios y otra a catiuos, et [ad] alcaldes et atalaeros de cauallerias e dent arriba senos boes, o IIII quatro morabetis. Et de L cauallerias a iuso deles II dos morabetis; et los talaeros excoian antes, et los otros sorteen. Et lanzada que passare de parte en parte denle IIII morabetis, et el otra II. Et de ferida de cabeza onde ossos exieren, IIII morabetis. Et qui menbro perdiderit, denle XX morabetis; et a los plagados denles bestias moriscas fasta dia de particion. Moro que por catiuo iacuerit, den a so sennor leno et medio, ut supra dictum est. Caualero o peon que catiuare d'azeria o de fonsado, denle el meior moro o mora, o la meior bestia mular o cauallar qual se escogieren sus parientes, o sus conpaneros de pan. Et de los de Caceres o de su termino que se acertaren en aquel fonsado o en aquela azeria, de la su parte lo den esto. Et si lo non dieren los alcaldes et los talaeros, et los erechadores e los que lo ouieren en poder, metan unusquisque singulas bestias cadal dia e manos de los querelosos. Et quantas bestias non metieren, tantos morabetis pectent. Et non excan ende per ferias nin per solturas, fasta que den esto sobre escripto. Cauallero o peon que a puerta de castielo o entre II azes se diere con otro, cuanto tomare daquel derrocado todo se lo aya. Et qui hi lanza azulada perdiere, denle II morabetis por ella, si pudiere firmar que a manteniendo firio con ella. Et si otra lanza fuere, denle I morabeti por ella. Qui cauallero alcanzar en seguda fueras de lid canpal, e lo derrocar, tome la meior senal que tras fuera del cuerpo o del cauallo. Et el peon esse mismo fuero aya.
Este es el fuero uieio de las caualgadas, por que siempre caualgaron los adalides. A primas ementataron a Dios et conombraron sos
fueros. Atalaeros cabaleros alende Guadiana, denles III tres morabetis et a peones la meatad. Et aquende Guadiana la meatad tomen. Tod omme a quien ferida dieren que exca de parte en parte, denle VI morabetis, et per otra ferida la meatad. Et ferida de cabeza onde ossos exieren, denle VI morabetis. Et quantos dientes o oreias o quantos dedos perdieren, tantos X morabetis le den. E por mano, o por pie, o por oio, o por narizes XX morabetis. Et ferida de cauallo que passare de part en parte, denle VI morabetis, et por otra ferida III. Et erechen todo cauallo fueras cauallo que echaren a pacer sin soltas. Et si dixiere so donno: trauado lo echet firme con III conpanneros, et prenda herecha. Et si non, non ge la den. Et si los adalides o la conpanna les prouaren que mentira firman, tresquilennos, et excan por aleuosos. Et si a monte fueren sin mandado d'adaliles, et ala prisier ferida o muerte de su cauallo, nol den herecha. Et si ome traidor cauallo leuare de la caualgada, sus companeros con que comiere a pan lo pechen, si quier ganen si quier non. Et los adaliles e la conpanna los metan en manos al quereloso, et si non elos lo pectent. Et erecha de cauallo atal sea fasta cabo de anno, denle quantol costo, fasta XXX morabetis et non mays. Atalaeros o otro ome que souier en talaya, o en uela, [et se dormiere], tresquilenlo et exca per aleuoso, si ei prouaren con II homines. Et si por auentura per mingua de talaero o d'escucha algun danno cogiere la cabalgada kemenlo si lo fallaren durmiendo. Tod ome que feixiere de buelta o de rabata, tresquilenlo et perda el quinon. Tod ome que feriere en caualgada a sso conpanero o a ome de la caualgada, qui feriere con espada, o con cuchielo, o con lanza, o con piedra, o con porra, o con otra arma, cortenle la mano. E los adalides et la campana metanio en manos, et si no elos lo pectent. E si lo matare enforquenlo. Tod ome que non ouiere portiello, et ganancia descobriere fasta XX morabetis, denle I. morabeti. Et ballestero que leuare balesta con II cuerdas et I. uancuerda, et con LX saetas, el caualero prenda media racion et el peon quarta. Et caualero que derribare otro cabalero tras uiso o fuera de rede, prenda la siella. Et si fueren II o tres partanla. Et si mas fueren, sea de conpanna. Et peon otrosi prenda la meior senal. Et qui leuare loriga o lorigon con capiello de L. cauallerias o dent arriba lieue so derecho. Loriga con almofar I caualleria. Lorigon con almofar o con capiello, I caualleria. Brufuneras I quinta. Capiello I quinta. Lorigon sin capiello o sin almofar, media caualleria. E alcaldes andudieren elcs lo partan e lo ayan en poder, et o non ouieren alcaldes, los adaliles metan cuadrelleros que lo recabden. Et por todas estas cosas si el adalil feriere ome por pro de conpanna, non pectet calopna. Cauallo ferido o quebrado, si so senor se temiere quel morra, demostrelo a la conpanna et ellos lo tengan fasta VIIII dias. Et si muriere denle erecha de muerte. Et si uisquiere denle so derecho. Toda ferida que ante de particion fuere sana non tome erecha. En arracada qui campo robare fasta la seguda sea fecha, perda el quinon et exca por aleuso.Qui su cauallo perdiere, por qual lo fiziere con un conpanero de pan, tal ge lo den fasta XXX. morabetis, como scripto es ut supra. Et alcaldes lieuenlo per la iura que fizieron que ualia le dan de so cauallo. Et cauallo uiuo aprecienlo assi como sano et denle su herecha. Et metan el ferido en quinon. Alcaldes et talaeros a sexmos los pongan, et del sexmo on ouieren alcalde iurado de la uilla, non metan hy otro. Et la quinta que ena uilla o fuere a dar, los alcaldes et los adaliles respondan por ella al iuez. Et primero erechen et depues quinten. Et non tomen quinta si non de auer moriscos.
Tod ome que caualgare de Caceres o de so termino, et ganancia troxieren, de la quinta en Caceres, et si en otra uilla cabezearen talegas et hy aportaren, den la media quinta hy, et la media en Caceres. Et d'alli trayan carta seelada del conceio et del iuez o ouieron dada la media quinta. Et si la carta non quisieren creer, calcon fiel aquele logar onde auien quintado. Et qui cadier calce el fiel. E si por auentura con las talegas que de Caceres sacar nada non ganar, hy aportar a Portugal o a Castiella onde sacar talegas, alla quinte.
Tod ome que en lide se acercare et ante que se tornaren de la rancada alguna cosa expoiar o rrobar, perda la racion e messenle la barua. Qui auer de fonsado o d'aceria o d'apellido tomare, y a sos conpaneros no lo diere a partir, perda la racion et messenle la barua.
Qui rapare o furtare auer que fuere dado a partir, per da la racion et pectet C morabetis a la conpanna si potuerint firmare ei et messenle la barua. Sin autem, saluese dictum est.
Tod ome que ualia ouiere de CL. morabetis fueras sus uestidos del et de su mugier, et non ouiere cauallo, non tome portiello nil responda nadi, et responda el a todos, et si dixiere: non e ualia, iure con IIII quinto. Et aquel que se le echare tras cauallo meta la uerdad que lo non faze por otra escatima si non porque sabe que ha ualia de cauallo. Et si dixerit: cauallo e a ffuero, iure con IIII. et sin arte. Et qui ouier ualia de CCC. morabetis, faga fonsado por cauallero, et el peon faga fonsado de XL. morabetis.
Tod ome qui cauallo dier a otro por escusarse d'apellido o de fonsado, cortenle el rabo al cauallo. Et qui mula diere por escusarse non le preste et pectet. Et si el non pudiere ir, enuie omme de fiuza. Todo cauallo que andare cutianamientre a albarda o fuere tafarado, non sea so donno escusado por cauallo. Et a quien cauallo muriere, sea escusado per un anno de cauallo et respondarnc.
Tod ome que troxiere cabeza de adalil, denle X. morabetis de conceio.
Tod cauallero, o primo iunto, o peon, o terciero que el apellido odier ena noche et ena manana non fuere con a sena, pectet la calopna. Et si enna mannana lo odiere, ena noche sea con a sena. Et qui ita non fecerit, pectet el cauallero X. morabetis, et el peon V aquelos apellideros que fueren en apellido, et por esto prenden sin calopna.
Tod cauallero o peon, quando odiere el apellido non se fuere trotando o ccorriendo, de la uilla tambien como de la aldea, al cauallero, corten el rabo al cauallo, et al peon messenle la barua, si io pudieren firmar con III uicinos, et super hoc pectet la calopna a los apellideros sicut scriptum est.
Qui dixere a otro cornudo, o fududinculo, o gafo, o iudio, o traidor, o a su mugier puta, o ceguladera, o gaffa, pectet quereloso V. morabetis. Et si negare, saluese con IIII et el quinto. Et si iurare noluerit, pectet.
ui dixiere a otro: mentira iurasti, o mentira firmesti, o mentirosa uerdad diste, si non aquel que deue reptar, pectet IIII morabetis al quereloso, si potuerit ei firmare et fagalo uerdadero. Et si non quisiere fazerlo uerdadero, meta bestias al fuero, fasta que lo faga uerdadero, et quantas bestias al fuero, fasta que lo faga uerdadero, et quantas bestias non metiere, tantos morabetis pectet quereloso. Sin autem, saluese con III et el quarto.
Tod ome qui dixier a alcalde dermandad: mentira me iudgasti o tuerto, o mentira firmeste, pectet ei L morabeti, et meta cada dia bestia fasta que lo faga uerdadero. Et si negare, saluese con I. uizino. Et alcalde de conceio simili modo faciat.
Tod ome que baraiare sobre defendemiento d'alcalde, pectet I. morabeti a los alcaldes, et por esto non acote per bestia, sed pingnore. Tod ome que pasare senal de corral de uiernes, pectet I quarto de morabeti alcaldes. Et por esto prendet et acoted, et non se mortiguen los pennos. Et alcalde non acote si non por fonsado o por apellido. Et accotamiento de fonsado, o d'apellido, tali sit sicut ditum est.
Los alcaldes d'aquel dia que entraren fata I anno iudguen et si, demas iudgaren, non preste suo iu dicio. Et los alcaldes, aquelo que iudgaren, esso otorguen. Et iudguen derecho et otorguen derecho, et tomen sus calonnas assi como son escriptas en esta carta. Et non tomen calonnas de conceio. Et los alcaldes de conceio, e alcaldes d'ermandad, et iuez, et escriuan, et montarazes, et mayordomos anden per los sexmos et per sus derechuras. Et alcaldes et montarazes que cauallos non ouieren, non prenda ninguno suo iudicio, ni les respondan por nenguna calopna, ni al iuez. Et ayal conceio I uozero o II otrosi per sexmos. Et los andadores acoten per mando de los uoçeros, et leguen las calonas de conceio a derecho, et denlas a los mayordomos en conceio die dominico, o die de ioues. Et todas las calonnas de conceio per exquisa bona et derecha las coian. Et delant sea aquel a qui
dieren las esquisas: a uizino de uizinos; a morador de moradores. Et estas exquisas sean III. et non menos. Et con aquelas exquisas coia el quereloso su calonna. Et qui primero firiere, aquel ome pectet las calonnas dambos. Et qui sobre su ca beza tornare, non pectet calonna si non fiziere liuores. Et si liuores fiziere, pectet la meatad de la calonna. Todas las calonnas que por alcaldes o por uozeros o por mayordomos se perdieren, elos las pectent al conceio, et por esto non se echen tras portiellos.Los mayordomos de conceio den conta de las calonnas a los sex i a los bonos omes del conceio, quando conta les demandaren. Et den aquel auer a un ome bono que lo tenga pora conceio, et faga del lo quel mandare el conceio et los VI.
Tod ome que alcaldia o iudgado acceperit sine mandato de concilio et per so sexmo exca por aleuso et derribenle las casas si non fuere por su derechura. Et el iuz qui fuere posto por so sexmo et por so derecho, prende et tome sos derechos, et non meta otros rabadan. Et si otro rabadan metiere non le den pennos. Correduras et carreras por sexmos las fagan.
Los alcaldes no fagan amizad nin iuramento con otros omes de conceio; et qui la fiziere, sea periu rio hy aleuoso. Et otrosi uozeros et mayordomos.
Tod ome que se a uozero lamare, non le uide el alcalde uozero. Et si io uedare sea periurio, et non meta bestia. Tod ome que se a uozero allamare, de uozero otro dia exida de missa matinal a la collation o li mandare el alcalde, et qui non uiniere a dar uozero, meta su bestia. Et si la non metier, pectet I. morabeti al quereloso. Et por quantas non metier, tantos morabetis pectet querenti. Et si el demandador non uiniere a plazo, pectet medio morabeti, sicut scriptum est ut supra.
Tod ome que se lamare a uozero, alzese per I. octauo de morabeti o dent arriba, et non menos. Negun ome non se alze a ccorral por menos de I morabeti. Et qui non prisier iudizio de corral a ccorral meta sus bestias. La primera sea muerta et las otras uiuas, et quantas fallescieren que non metiere, tantos morabetis pectet querenti fasta el primero en uiernes.
Nenguna mugier non responda sin so marido, nisi illo que dicit ut supra.
Todas las calonnas de conceio pectenlas en oro o en dineros. Estas son las calonnas: Qui boluiere mercado III. morabetis. Azogue III. morabetis. Corral de alcaldes III. morabetis. Boda III. morabetis. Conceio III. morabetis. Treguas quebrantadas IIII. morabetis. Bando super uando L. morabetis. Aldea super aldea XL. morabetis. Qui bandear de lingua III. morabetis. Et exido de conceio sicut est super scriptum. Et todas las otras calonnas, assi como es escripto en esti foro.
Tod ome que ouiere querela de clerigo uel muliere o el clerigo del lego o de muliere, qui demostrare plazo al clerigo o el clerigo al lego, o uozero ouiere a dar, uayan a la collation onde fuere el clerigo a exiente de misa et tomen II. fieles et uayan ante el uiccario o qui touier sus uezes, et iudgueles el uiccario con alcaldes de conceio. Et si el uiccario o qui sus ueces tuuier non fueren ena uilla prendan otro clerigo racionero, et iudgueles con I alcalde de conceio. Et qui al plazo non uiniere, pectet I. morabeti al quereloso. Et todos los plazos que ouieren clericos et laycos todos sean a una collation connombrada o se auinieren los clericos con el conceio.
Los alcaldes por iudicio non reciban ninguno precio. Alcal des et uozeros et mayordomos, si en falseria fueren fallados, pierdan el
soldar et excan del portiello por aleuosos. Et cuantos hi fueren fallados en aquela falseria, tantos excan. Et si los otros non lo quisieren echar, todos excan por aleuosos et perdan el soldar ut supra dictum est. Et assi sea de todo aportellado de conceio que en falseria fuere fallado. Al corral siempre sea el andor a la puerta. Et los alcaldes iudguen III a tres, o quatro a IIII. Et fasta III. corrales sea todo so iudizio todo fenecido, et si non cayales en periurio a los alcaldes. Et si al corral de alcaldes ex uerdad fallaren que tuerto demanda, mandenle que se parta del otro. Et esto sea por todos los que ouieren iudizio por la uilla. Et todos los omes que pusieren el conceio, e los alcaldes, et los sex por guardar la uilla, tambien de pelliteria, tambien de ferradores, quam de tauerneras, tam de quanto fuere d'aguardar, et no lo enderezaren, excan por aleuosos, et pectent IIII. quatro morabetis al conceio. Et los sex uieden a todos los aportellados la nemiga que fizieren et con el conceio.Tod ome qui por su barueza mandare alguna ren a otro, delo si non lo soltare aquel a qui lo mandare, et isto es dicto per los pedidos.
Todo pellitero que las pennas de coneios o de corderos castrare, pectet I morabeti al castiello. Et los zapateros que cantearen las suelas, pectent singulos morabetis al conceio.
Tod ome que auer dier a onzenas et non le dieren penos, non le respondan. Et qui iogare dados de noche, pectet I. morabeti, et en la casa ubi los iogaren, pectet II. morabetis a los alcaldes si ei firmaren. Sin autem, iuret sibi tercero.
Todos omes que aparceria ouieren en molinos o en azenas o en aldeas, fagan so cabildo o se quisieren.
Tod ome que ouiere afirmar delant alcalde, firme qui el iudicio iugdo. Et si non firmare caya. Et non faga manna ant aquel alcalde, ni el alcalde no lo faga mannia mays digales el iudizio como lo iulgo. Et si noluerit eis dicere sit periurius, et pectet la peticion al quereloso. Et toda firma assi deue seer preguntada de los alcaldes o de so uozero: Uienes iurar tu, fulano, et dizer uerdad a Dios hy a Sancta Maria que en esto que te preguntaremos uerdade firmes o iures, et nin per amor, nin per prometimiento, nin per enuidia, nin per malquerencia, ni per malquerencia, nin per parentesco, nin per neguna otra cosa non digas si la uerdad non. Et diga el: si iuro. Et diga el alcalde o el uozero: «si uerdad sabes et mentira uienes iurar o firmar, cofondate Dios en este sieglo el cuerpo, et en otro el alma»; et respondat el otro: «amen». Et qui non quisier responder o por otra rebolta lo metier sea caydo. Et assi deuen firmar, qui presentes eran en aquela cosa, et hy souieron de los piees, et uieronlo connos oios, et odieron conas oreias, et testigos foron fechos de aquela causa, et aquelo firman et aquelo otorgan. Et todas III las firmas assi lo digan por palabra. Et si dixier el que demanda: «non complio tu firma», hy diga en que non complio. Et si dixerit el alcalde: «compli esto», et noluerit complire, por hi caya, et statin dicat el alcalde qual es caydo o qual leuantado, et si lo non dixiere, sea periurio, et pectet la peticion al quereloso. Et si enna uilla fuere el alcalde, sperenlo fasta que uenga o lo uayan demandar. Et qui no lo quisier esperar o lo yr demandar, per i sea caydo. Et si non fuere ena uilla el alcalde, saquen fiel, et uayan ante otro alcalde. Et qui non quisier temar fiel o ir ant otro alcalde, por hy sea caydo. Et el alcalde ante quien cognoscieren el iuhyzio ambos los contendores, el alcalde mismo lo iulgue como las uozes conoscieren antel, hy el mismo lo de liure. Et si non quisier de liurarlo, pectet la peticion et sea periurio. Et qui mana fizier enas conoscencias, este alcalde lo pregunte. Et qui negare el iudizio, aquel meta penos de morabetis al alcalde, que depues negum ome que dixiere: «depues feziste conuenencia conmigo» o val feziste conmigon, no lo preste. Por auer o por firma que aue I a otro a ffazer, si non fuer fecho ant I alcalde, non preste. Esto es, porque dezien muchos omes: «depues feziste al conmigo». Et auer iudgado delant alcalde lo den. Nullus homo qui auer ouiere a dar a otro, delo ante III testigos o un alcalde et si depues lo negare que non ge lo dio,
duplelo a so contemptori porque lo tien et lo demanda otra uez, si ge lo pudier firmar. Sin autem, saluese sicut forus est.Tod ome que fuere o leuare porton a casa de uezino de Caceres, pectet morauetis al conceio, et exca por aleuoso.
El corredor de la ropa non tome mas del moraueti de II. dineros, et de XVIII. dineros uno.
Negun omme non prende en dia domingo, nec en die iouis, ni en las III pascuas del anno, nin dia de san ioan, nin dia de san pedro, nin dia de san migael, si non fuere por calonnas de conceio o por apellido o por danno; et qui en estos dias notados prendare, torne el penno con V. solidos.
Tod omme que bestias ouier a meter per iudicio de corral, metala lunes mannana.
Todos aquelos que iudizio ouieren, fagan III. uezinos alcaldes et conuenidores, et iudguen so iudizio, et preste tanto como un alcalde iurado. Et aquel que mandaren bestia meter, metala. Et si la non metier, accipiat alter penos de moraueti. Et si la mandaren soltar, et la non soltare, et alla trasnochare, dela duplada al querenti, et firmen tanto como I. alcalde iurado. Et alcalde iurado de conceio iudgue fasta V. morauetis, et firme. Et II. alcaldes firmen per X. morauetis, et III. fasta XV. morauetis. Et IIII. por XX morauetis o dent arriba.
Tod omme a qui auer moble demandaren, et dixier el otro: «tuerto me demandas», iure el otro que demanda que suyo fue, et non lo uendio, nin lo dio, nin lo enpenno a ninguno, et respondale aquel que lo touiere. Et si dixier: «dare otor», delo a IX. dias. Et el otor iure que por esto lo otorga, que lo uendio, o que lo dio, o que lo enpenno, o que fue fiador dello, si lo preguntaren. Et si assi non fiziere, por hy cayat. Et de fiador que ualia aya de la peticion dupalda. Et si otorgar en la mannana, meta bestia in nocte. Et si nocte, metala otro dia. Et si hoc non compleuerit ille qui dat otor por hi caya. Et hi o diere el otor, hi de fiador que faga que mandaren alcaldes si ge lo demandaren, si no, por hi sea caido. Et si rancado fuere el otor, el fiador pectet duplo et caudal. Et qui se adclamaret ad otor, et non compleuerit, duplet illum so contentori. Et si dixier: «non puedo auer aquel qui me lo dio o uendio», iure que lo conparon o gelo dieron, et non lo pued auer, et det illum ad illo qui demandat. Et aquel que demanda, de fiador, que lo tenga manifiesto fasta medium anno.
Alcaldes et VI enforquent latrones et uetent forcias et uirtos. Et sin non hoc fecerit, si illis in periurio.
Tod ome qui su uoz baraiar, de la uerdade, que uerdade demanda o uerdade ampara. Tod ome que uoz agena baraiare, de la uerdade que quanto pudo pesquerir, uerdade baraia, o demanda o ampara.
Todo clerico que racion ouier en eclesia de Caceres, sos omes et sos parientes que con el moraren sin soldar, habeant forum, sicut alii uicini de uilla.
Todo ladron que preso fuer per furto, fasta que los alcaldes et los VI sepan uerdade, non li den de mano. Et qui lo enuinare adugalo. Et si lo non aduxiere, metad hy so cuerpo. Et si fasta III. moue dias non uiniere quereloso tras el, denle de mano.
Todas aguas de las goteras et de las calles et de los corrales, por o mandaren alcaldes et bonos omes, per hy uayan derechamientre.
Los segadores sieguen a diezmo et tomen por suerte. Los desquiladores tomen por suerte de XL uellocinos uno de mayores. Et de corderos tome de XX. uno.
Tod ome que con so iugo de bues arara, maguer se faga iuguero se pechero. Et el mediero que con su mano arara, si ualia ouiere, pectet la media puesta, et non uaya en fonsado ni en apellido.
Tod ome que morare et lauare en heredad de so sennor, sea solariego et sea excusado de pecho et de fazendera. Et si en otra heredad labrare, pectet si ouiere la ualia.
Tod ome qui calonna ouier a pechar, doblada, dela con IIII. morabetis querenti.
Nullus iudeus non teniat uocem suam nec alienam. Sin autem, pectet IIII. morabetis alcaldibus.
Tod ome qui colmenero quisiere sacar de XL. colmenas a arriba lo saquen, et sea excusado. Et tal sea el colmenero, que las curie culos pennos et tidianas.
Tod ome qui penos iectare alquile, et el qui los touiere los angue rare, non le dent el alquile. Et si por pan, et por uino, o por uino, o
por carne, o por pescado, o enprestados, et fasta tercer dia non los sacare, enguere prende per so auer o por otra cosa.Tod auer manifiesto delant alcaldes denlo a IX dias. Tod auer iudgado de alcaldes et conuenidores non aya ferias nin solturas. Tod auer iudgado d'alcaldes et conuenidores por dar a VIIII. dias, non se pare tras ferias, nin tras otras respusas. Et las otras firmas o los otros plazos, quando mandaren los alcaldes responder que echaron las respusas, respondad unusquisque a suo plazo.
Tod ome que demandar auer o heredad o qual cosa se quiere, dese es la firma. Et si uerdad demostrare el otro que mentira firmo, non le preste. Et excan per aleusos los que firmaron, et fagan delos iusticia los alcaldes assi como fuero es. Et si lo non fizieren, sint periurati.
Tod ome que ouiere aduzir a otro a plazo, adugalo del termino a III dia. Et de fuera de termino a VIIII. dias. Et si lo non aduxiere, iure que fue buscarlo et lo non pudo fallar. Et tragalo fasta otros VIIII. dias. Et assi faga fasta III. VIIII dias iurando que lo ua buscar et lo non pued fallar. Et si iurar non quisier o el plazo no lo aduxier faga la uoz. Et si dixerit: «arrafala es o en caualleria», iure que alla es, et adugalo a la descamia. Sin autem, respondat. Et si dixerit: «pastor es», iure que pastor es, et sperelo fasta las entradas o a las exidas, et delo a derecho. Et de fonsado o de azeria connombre adalil et iure que alla es, et a la auenida del adalil o de la sena, delo a derecho; si non, responda. De Iherusalem usque un anno. De Roma fasta medio anno. De Sancto Egidio a III meses. De Sancto Saluatore a III selmanas. De Sancto Iacobo a I mes. De Sancto Dominico a III selmanas. Et de catiuo a I anno, si ante non saliere. Et por tod esto iure con I uizino que alla es o dize. Et por esto non se modro. Tod ome que torna fiziere de terra de moros o de christianos, el contentor adugalo las bestias iaziendo. Et si dixier: «do es a uenado o a monte», iure que non sabe su posada et connombre companeros con qui fue, et a uenida de sos companeros adugalo.
Tod ome que entrare en plazo por otro omme aduzir a plazo, et enfermare, uenga qui los pennos quisiere sacar et iure que enfermo iaze, et sin arte, et quando sanare, responda.
Qui fuere en mandado de conceio, den al caualero I morabeti fasta Turgiello; et fasta Montanches medio morabeti; et a Medellin morabeti et medio; et a Merida alliud tanto; et a Badaioz II morabetis; a Alcantara I morabeti; a Coria I morabeti; a Galisteo I morabeti; a Plazencia I morabeti; fasta Salamanca VI morabetis; a Alua VI morabetis; a Auila VI morabetis; a Beiar IIII morabetis; a Talauan IIII; a Ciudad IIII; a Toledo VIII; fasta Duero VIII morabetis; denle alla X morabetis.
Por furto o por condesiio, por IIII morabetis o dent arriba, lidie o saluese assi como es fuero.
Tod omme que a iurar ouiere, pectet I morabeti iure con uizino, por II con II, por III con III, por IIII o dend arriba sibi V.
Tod ome a quien demandaren furto et negare, et pues uencido fuere por ello, delo doblado con IIII morabetis al quereloso.
Tod ome que firmare contra otro por X morabetis o dend arriba, responda a repto.
Tod ome que penos reuelare en uilla o en aldea, el andador de conceio prende per II morabetis por mandado d'alcaldes, I al quereloso
et otro al castiello. Et si el andador reuelaren penos, el andador diga a los otros que hy fueren ut aiuuent eum. Et qui illum noluerint aduuare, pectet unusquisque singulos morabetis al castiello, o iure cada uno con I uizino que gelo non dixo. Et qui reuellare penos a los alcaldes o a los VI pectet IIII morabetis, I al quereloso et III al castiello. Sin autem saluese sibi quinto.Todas las calopnas que son dichas et por dezir que en este fuero iazen pora los querelosos, ayanlas. Et todas las otras sean pora conceio et por al castiello assi como son scriptas. Et los uozeros de conceio manden acotar por ellas, et recabdenlas, et denlas al mayordomo de conceio. Los uozeros de conceio, el auer que por ellos se perdiere, elos lo pectent a conceio.
Estas son ferias d'agosto: De dia de cinquaesma fasta Sancta Maria d'agosto non respondan por nenguna cosa nisi por morte de homine, et por mulier forciada. Et por furto, et por forcia et uirto, si fuere fecho enas ferias. Et si non fuere fecho enas ferias, non responda. Et si dixier el que ampara: «no lo fiz en ferias ni en ante», el quereloso meta la uerdad que lo fizo en ferias, et respondale. Por bue et por uacca domados, et por carro, et por quanto perteneze a era, et por pan de panadera et uino de tauernera, et por uino de cuba, et bestia denguera, et cauallo de siella, et mula de siella, escudo, et lanza, et espada, et todas armas, non ayan ferias.
Estas son ferias de XL: Respondan por dineros de laurador, et por azada, et por azadon, et por podadera et por todo danno de lauor, respondan. Por prado, et por uina, et por mieses et por cuanto pertenesce a lauor, et por molino, et por azenna respondan. Et estas ferias atal fuero ayan como las ferias de agosto. Soldar de collaço nin perdida que el faga a so senor non aya ferias. Ganado de leche nin colmenas non aya feria. Diezmo, ni mortuorio, nin primicias non aya ferias.
Tod ome que auer ouiere a dar a otro, et ferias entraren, pidagelo con III testigos et del dia que gelo pidiere dielo a VIIII. dias. Et si lo non diere duplelo ferias exidas.
Tod ome qui pan leuare a terra de moros, o miel, o queso, o manteca, o armas, o cauallo, qui lo fallare prendali quanto troxiere sin calonna et suyo sea. Et aduga el cuerpo a los alcaldes que fagan del iusticia, et pierdan tod el otro auer que ouiere. Et prendan los alcaldes la meatad et el conceio la meatad por el castiello. Et si dixerit que non lo pudio prender, saluese con IIII, sibi V.
Tod ome qui cuchiello traxerit in uilla aud in calle, aud in raualde, et alcaldes inuenerint eum cum eo, pectet II morabetis a los alcaldes. Et in domum ubi ospicium habuerint, dicat illi ospes suus ut laxet cutellu. Et si non dixerit pectet II morabetis alcaldes. Et si lazare noluerit, dicat ospes alcaldibus. Et ille qui traxerit pectet II morabetis a los alcaldes. Tod ome qui lo troxier en ascondido pectet la calonna doblada. Et tod ome que fuera de uilla quisier yr, tomelo en su mano, et fora de la uilla metalo en la cinta.
Tod ome qui de noche andar por uilla, postea quod cinbalum cesauerit, et non dixerit unde ueniat, aut quo uadit, et per bonos homines non prouauerint pro bono, faciant ei quasi ad latronem.
Tod ome qui pescado de rrio matare, ele lo uenda aut uxor sua uel filii sui.
Tod ome qui pescado comprar pora recatonear, pectet II morabetis a los alcaldes. Et qui gelo uendiere, unusquisque pectet II morabetis.
Sin autem saluese con II uizinos non sit ausus uendare pisces in domo sua, neque carnes, nec pane cocto, nec ullam rem, neque uino. Sino in mercato; sicut mandauit Dominus rex, usque ad sol occasum. Et qui inde aliud fecerit, pectet I morabeti alcaldibus.Nullus homo non ponat barco in flumen in illo loco ubi est barco de conceio. Si non si quisier passar omes de conceio sine precio. Et qui alium barcum ibi posuerit, prenda el barco que sea pora conceio, et pectet II morabetis alcaldibus.
Tod ome qui carrera quisier sacar, si se auinieren entre si, saquen su carrera, fueras carrera de conceio, et aya octo como si la sacassen los alcaldes. Et si se non auinierem uengan al cabildo, et deles el cabildo IIII alcaldes que la saquen. Et denles a los alcaldes I morabeti. Et postea qui fuerit sacata, qui la cerrar o la arar pectet X morabetis, medius alcaldes et medius a concilio. Et la carrera que assi non fuer. sacada non aya coto.
Tod omme que con su ganado o con sus bestias o con su cuerpo quebrantare ualladar o linde agena, pectet II morabetis donno lumas o de balladar. Et faga el ualladar si potuerint ei firmare. Sin autem saluese si III.
Tod ome que feriere ad alcalde o el alcalde a otro, pectet la calopna doblada al quereloso si fiziere liuores de sangre o de cardeno.
Los alcaldes non iulguen en dia de dominico, nec in die de iouis, ni enos otros dias supra scriptos, [ni] ante de missa, ni de [pus] uesperas.
Et si iulgare, non preste suo iudicio et sea periurio; si non fuere por rraigar.Tod ome que uiere porcos ena deffesa de conceio, prenda de cada uno I quinta de morabeti, medio para ssi et medio al conceio. Et si montarazes o alcaldes prisieren esto, tomen media calonna ellos et la media conceio. Et esto sea omni tempore. Et qui ganado hy metiere a ssapiendas, pectet I morabeti dictum est. Et si dixerit: «no lo meti ad sapiendas», iure que no lo metio assapiendas, et pectet la quinta de morabeti. Et quando la derrompier el conceio, non entre hy si non cauallo, o mulo, o mula hy asno. Et otrosi qui fallare ena defesa yegua, prenda I morabeti de calopna, sicut dictum est. Por buey et por uacca tome X de morabeti. Et por V oues et por V cabras, o por V ansares, tome X de morabeti.
Todo prado a ffuero assi deue seer moionado: A cabo de VIIII passadas, V zespedes uno[s] super otros. Et si el prado fuere cabo defesa de conceio, o cerca d'exido, o cerca carrera tan de uilla quam de aldea, encierrelo de V palmos en alto et III en ancho. Et los alcazares et los ortos de las fonteras similiter. Sin autem, non habeant calumnias.
Toda mulier que lauare ena fonte de Caceres, de los moiones que pusieren alcaldes et mayordomos adentro, pectet I morabeti la meatad aquel que la tomare, et la meatad a conceio. Et si esto non apartaren alcaldes et mayordomos, sit illis in periurio.
Tod ome qui parceria fizier per mantener cabanna, teneat usque un ano si no le uinier catiuazon o enemiztad. Et qui assi non fiziere, pectet VI morabetis a sus aparceros. Et torne y el ganado, bestias metiendo a tercer dia en casa de los aparceros; et estas non ayan ferias nin solturas.
Tod ome qui echare so ganado en cabana agena sin grado de so domino, perdalo et non respondan por el. Et el ganado de los aportetellados, qui lo anafagare et lo salgare, esse prenda la leche.
Tod ome qui fuere a oueias agenas prender, carneros, o oueias o puercos, o nenguna cosa, dela doblada con IIII morabetis al quereloso. Sin autem saluese sibi V.
Tod ome qui fallare moro o mora d'otras partes en Caceres o en so termino, si senor nol exiere, ayaslo. Et si el senor lo exiere, et el moro fuere fallado desde la sierra de Sancto Pedro aca, denle I morabeti en fallalgo. Et de la sierra allende II morabetis. Tod ome que fallare so cauallo de siella, que perdudo ouiere en aceria, o en desbarato, o en apellido, o en qual logar se quier, det I morabeti en falladgo et aya so cauallo. Tod ome que fallare asno o uacca o buey fueras de nuestro termino, denle en falladgo singulas quintas de morabetis. Et de L oueias prenda III. Et de L porcos prenda III et dend arriba a ssu conta. Et dend a iuso a ssu conta, et si en el termino lo fallaren, tomen la meatad. Et si moros leuaren el ganado et fueras de nuestro termino lo sacudieren, tomen end el quinto aquelos que lo sacudieren. Et si tras castiello de moros lo sacudieren, ayanselo todo si en el castiello trasnochare.
Todos los aldeanos que lauraren con bues, den senas ochauas de zeuada a los iunteros, et el mediero media. Et el anno que non sembraren non den nada a los iunteros. Tod aquel que ualia ouiere de X morabetis fasta XX de media octaua de ceuada a los iunteros. Et de XX morabetis arriba ochaua complida. Et de X morabetis aiuso non den nada. Uibda que ouiere fiio de XV annos a asuso, et fiziere so mandado, de en iunteria et de en todas sus derechuras.
Tod ome que dixerit: «este es mio preso per mi auer» hi otro omme ouiere del querla per so auer, si troxiere fierro en manos o en piedes
et omes de su pan andaren con el, sea su preso. Et si assi non andare, non sea so preso. Et esto que lo uean II alcaldes o tres omes bonos. Et al primero de su auer. Et dent arriba uenga el que lo primero lo priso et det a todos sos debdores a ssu conta. Et aquel que primero lo touiere responda con el al otro, et el otro otrosi responda al otro. Et si gelo non parare delante el, pectet la peticion al quereloso. Et el qui demanda iure con III uizinos o firme que aquella querella a del que demanda. Et depues responda el preso. Et si uenciere el preso uaya en paz, et si non uaya preso fasta que de su auer al contentor.Los lauradores del castiello fagan su lauor usque ad festum Sancti Martini, si cal ouieren a farto. Et lo que ficare del marco que les diere el conceio o que sacaren d'almoneda, faganlo doblado.
Tod ome qui sacare armas a bolta, pectet IIII morabetis a los alcaldes, si ei firmaren. Sin autem saluense sibi V. Tod ome qui fueras de uilla exiere con armas contra otro, pectet X morabetis, los medios a los alcaldes, et los medios al quereloso. Et si los alcaldes lo perdonaren, sean periurados si gelo pudieren firmar. Sin autem saluese con IIII et el V.
Por muerte de ome, o por mugier forciada, o por lision qui bestias ouier de meter, metalas uiernes o sabado ante de missa matinal et sea encerrado. Et si fuera lo testiguaren, pectet sicut dictum est ut supra.
Tod ome que pidier lide a otro, pectet IIII morabetis a los alcaldes si gelo firmaren. Sin autem iure sibi V. Et qui primero lo pidier, pectet los IIII morabetis por si, et III por el otro alcaldibus, et el qui firmare que sobre si torno non pectet.
Et por toda peticion conosca o niegue. Et si non quisier conoscer o negar, meta bestias cada tercer dia, fasta que conosca o niegue.
Et otrosi qui se quisier echar a uozero, ante que cognosca o neget, se eche et por una demanda no se eche mas de una uegada a uozero.Uibda per bestia o per pennos de morabetis pare fiel, et per otra cosa. Uibda non uaya ad fiel si non fuer por raigar.
Por tod ome que prendaren de qual parte que quier, uaya el saque la prenda. Tod ome que uiniere a Caceres, et prendaren por hermandad y por aquel que prendaren fasta VIII dias uaya sacar la prenda. Et si la non sacare, cada tercer dia meta bestia fasta que la saque. Et non aya ferias nin solturas. Et los alcaldes acoten et fagan meter las bestias en casa del quereloso fasta que saque la prenda.
Tod ome que sin mandado de conceio prendare o de los iunteros et iudizio non quisiere facer, et per el prendaren en otra parte las bestias yaziendo saque la prenda.
Los iunteros tengan las iuntas et las alcaldias de las ermandades. Et tomen su ceuada et sus uibdas, et su[s] treguas, et si mays tomaren, excan por aleusos del portiello. Et non tomen nengun precio por iudicio iudgar. Las treguas son IIII morabetis. Qui prenda[r] sin mandamiento de conceio o de alcaldes, et si los VI fallaren uerdad que por iudizio otro auer prisieron, excan por aleuosos et pectent XX morabetis al conceio poral castiello.
Tod ome que per so iudicio a los sex se alzare, et los alcaldes lo demandaren, sean periudaros, et por esto non meta bestia. Et esto per iudizio de corral.
Todos los querelosos, tam de uillas quam de aldeas, si ouieren querela de homines de fuera de uilla, uayan a los VI et a los iunteros et mandele prender su entrega. Et de los iunteros semper sean IIII alcaldes a los iudizios iudgar de fueras de uilla.
Los mayordomos, desdel dia que exieren del portiello fasta tercer dia den el auer que touieren a los otros mayordomos; si non denlo duplado al concilio.
Alcaldes o uozeros que a buelta o abaraia sobreuinieren et uieren ferir o messar firme I fasta V morabetis, et pectet el que firiere o messare al quereloso. Et II alcaldes, fasta X morabetis firmen, et diganlo per la iura que fizieron a conceio. Et dent arriba IIII alcaldes firmen.
Nullus homo de Caceres nin de so termino non den a comer a nengun omme fueras al cuerpo del Rey, si non fuer por su amor.
Tod aldea que forcia fiziere a alcaldes o a uozeros, et apellido dieren a otras aldeas, et no les quisieren aiudar, pectet morabetis a los alcaldes que recibieren la forcia.
Nullus diue homo que forcia fizier en aldea o posare el o su criazon, et apellido dieren, et sus uizinos o de las otras aldeas lo sopieren, no les aiudaren, pectet morabetis, los medios al quereloso et medios alcaldibus.
Los alcaldes et los uozeros non se paren tras alcaldia que no respondan.
Tod alcalde, o tod uozero, o escriuano, o mayordomo, si les non pararen fiel por los penos que prendaren en so portiello estando, non respondan mays por ellos.
Los alcaldes, quando exieren de la alcaldia, como toui eren los presos con el cepo, assi los den a los otros alcaldes que entraren.
Tod ome que ualia ouiere de X morabetis et non fuere scripto en carta o en padron, non sea uizino a ffuero, nin tome portiello, nin firme, [nin iure] sobre otro. Et cada die dominico, pectet I morabeti alcaldibus usque intret in padron et in carta.
Tod ome de uilla o de aldea que forcia fiziere a alcaldes o a uozeros, elos andando in pro de conceio o del rey, pectet morabetis a aquelos que fizieren forcia.
Qui can ouiere en uilla o en aldea, o ouiere uinnas, et a las uinnas fuere el can, et el dueno de la uina lo uiere dentro et lo non pudiere prender, pectet el dueno del can V solidos; si non metagelo en manos al duenno de la uinna. Et si dixerit el duenno del can: «non entro en tu uinna», iure el duenno de la uinna que en su uinna lo priso, et pectetle la calopna; si non, metali el can en manos al quereloso. Et si el can [non] touiere garauato de V palmos en alto, et I en coruo, pectet el duenno del can una colodra de uino, o si lo testiguare con II ommes sin garauato.
Qui matare galgo, o carauo, o can rostro, por el galgo pectet II morabetis domino suo, e por el carau. I morabeti domino suo, et por can rostro I morabeti domino suo. E por podenco o por alano, pectet II morabetis domino suo, si a tuerto lo matare. Et si pudier prouar que amparandose del can, lo mato et de cara lo firio, non pectet calona. Sin autem pectet. Et si galgo quebrantare pierna al tanto, pectet como si lo matasse. Sin autem, saluese con uno uicino.
Primo iuntero nin poblador, non pectet fasta I anno ni uaya en fonsado.
Tod ome a qui su mugier li muiere XV dias antes del fonsado, si fijo o fija non ouiere de edad, non uaya en fonsado. Et si touier la mulier lechigada non uaya en fonsado fasta que sane o muera.
Tod ome que sobrino ouiere en su casa sin soldar, de medio anno arriba que XX annos aya, uaya en fonsado, et preste, et si asi non fuere, non preste.
Tod omme que de fuero se sacare, nol hy meta Dios.
Tod aportellado qui uoz de ladrones touiere, pierda el portiello, et pectet X morabetis al conceio poral casteno.
Todos los carniceros que compraren uaccas o carneros o otro ganado para uender, non se echen tras ferias. Todos los carniceros o pescadores o otros merchanes, como a ellos respondieren en ferias, assi fagan ellos a los otros.
Tod omme que auer dier a rrenueuo, sit excomunicatus, et el alcalde que lo iulgare a dar, sit periurius, et non le preste. Et si gelo pudieren prouar con III, ommes bonos, que lo iudgo a dar, exca el alcalde del portiello por aleuoso.
Tod omme que su mulier de benedictiones o de iuras lexare, o ella a el, uaya al obispo o [a] qui touiere sus uezes, et el obispo mande a los alcaldes que lo aprieten que torne el baron a la mugier, o la mugier al marido. Et si non accotaren, o non apretaren fasta que se aiunten en uno, sean periurados. Et el pariente qui la amparar o en casa la touier, pectet X morabetis al marido, quantas noches alla trasnochar, si ei potuerit firmare. Sin autem, saluese sibi V.
Tod ome que morabetis diere por pan o dineros, nol den mays de quanto andare faita sancta Maria d'Agosto, desde sancto Iohane.
Tod omme qui morabetis diere por sayales uayan a mercado, et quanto hi dieren a morabeti, tanto den a ssu debdor.
Tod ome qui morabetis diere por mosto ante de Sancti Micael quanto dieren XV. dias depues de Santi Michael a morabeti, tantol y deso depdor.
Tod omme qui uinas o ccasas o azennas enpenare, nol den otra cosa por laurarlas fasta que las saque. Et qui tonuerit illas, laboret eas quo modo pertine cada a huno. Et si ita non fecerit, el duenno de la heredad labre la herencia del auer que ouiere a dar et tome el desquilmo.
Tod ome que se lamare a firmas et non cononbrare, por hy cayat, si non fuere alcalde o fiel. Et non conombre mays de un pariente. Et pariente es, pater, aut frater, uel primo, uel secundo, o tercero, o quarto, et non meta mays de I pariente en firma.
Todos los parientes que enemigo segudaren, seguden parientes de ambas partes fasta quartos. Et si non fueren los parientes de la una parte ena tierra segundelo los otros parientes. Et si omezilo cogieren, tome el padre o la madre la meatad. Et los otros parientes la meatad. Et si non ouiere pater, aut mater, suus fratres tomen la meatad, et alios parentes aliam medietatem. Et si non abuerit fratres aut sorores, los primos tomen la meatad, et secundos o terceros et quartos aliam meditatem. Et qui non uiniere a desafidiar o a segudar o a corral, sano seyendo o ena tierra, non tome parte del omezilo.
Todo iudio que auer diere a renueuo, de el morabeti a sex selmanas por I octauo morabeti, et dend arriba a ssu conta. Et de morabeti a iuso el soldo por dinero. Todos iudicios que ouieren iudios et christianos et firmaren II christianos et non firmar el iudio que con los christianos fuere en firma, el iudio pectet la peticion doblada al queleroso. Et hy de sobre quien sea fasta u de el auer. Et otrosi si el un christiano et el un iudio firmaren, et el otro christiano non quisiere firmar, aquel pectet la peticion doblada al quereloso.
Todos iudios qui pennos tomaren sin testigo, pectet I morabeti alcaldibus et demangelo por furto. Et nenguno non tome auer de filio enparentado, sinon qui lo tomare pectet X morabetis a los VI et a los alcaldes. Tod omme que ouieren a iurar a iudio por cual cosa que quier, per su cabeza le faga derecho, bien como el iudio al christiano. Et fasta I morabeti iure el iudio por palaura. Et de morabeti arriba iure por carta dentro ena sinagoga, et teniendo la Tora enos brazos. Et si la Tora non ouieren, tengan el libro de los X. comandamientos. Et si ita non fecerit, por hy cayat.
Tod omme qui su auer conosciere a iudio, firmele el iudio con II christianos que lo compro, et con sol o le empenaron, et de otor. Et si non pudiere firmar, iure el christiano que no lo uendio ni lo dio, ni lo mando enpenar, et que suyo es, et tome el auer que demanda. Todo iudio de otor por auer quel conoscieren.
Tod ome que ouier a firmar con conceio, firme con V de conceio uizinos o fiios de uizinos que ayan XV annos, assi como fuero es.
Tod ome que a otro metier en fiadoria, et alguna cosa pechar, doblegelo aquel que lo mando fiar.
Tod omme que fiare a otro su faz ant alcaldes et ante alcaldes, et antel quereloso lo desenparar, non responda.
Los lidiadores que ouieren a lidiar per iudizio de alcaldes, equentlos los alcaldes, et del dia que los eguaren a tercio die, uayan a Sancta Maria a missa matinalem, et armentlos II alcaldes, quales ellos quisieren, et en su mano lidien. Et postquam fuerint, iuret qui amparat qui derecho amparat, et iure el otro que mentira iuro. Et qui amparat, de fiador que si cayere, pectet la petición doblada, et las armas si se dannaren. Et tal fiador de que ualia aya de la peticion doblada. Et depues que iuraren, non se manifiesten. Et qui ena elguesia entrare, pectet I morabeti a los alcaldes. Et aquelos que los armaren et hy fueren, saquenlos fueras. Et si noluerit exire, prendan de unusquisque singulos morabetis, et saquenlos fueras. Et si hoc no fecerint, sint alcaldes periurati. Tod ome qui los cotos passare que pusieren los alcaldes, lieuenlo por la iura qui fizieron al conceio, et pectet unusquisque VI morabetis alcaldibus, si non fuere uiatrero. Todo lidiador non esca de los cotos nin prenda otras armas sinon las suas o de su companero con que lidiare, o prenda piedra o tierra, et non prenda
uestido de negum omme, nin pan, nin corte lanza que touiere en so poder de so companero, nin taie riendas, nin cabezadas, ni mate cauallo de so companero. Et si esto fiziere, iure que no lo fizo de su grado, et tome el otro este complimiento que dicho es de suso et defendido como mandaren los alcaldes, et cada I cauallo sea preciado en XXX morabetis. E tales fiadores den que uean los alcaldes que ualia auen de los caballos et de las armas. Lidiador que cauallo matare a so compannero, pectetlo, et las armas, si se dannaren, el que cayere esse las pectet. Et por armas et por cauallo non meta ommes en manos al quereloso, sed los fiadores pectent toda la apreciatura. Et si el raptado deuiniere a pie, spere al otro en campo que uean los al caldes que puede aguiiar a el de todas partes, et si amparar se pudiere fasta tercer dia de sol a sol. Et si el demandador de ueniere a pie, sperelo en campo, et el reptado conquiralo III uezes en el dia a manteniente. Et percuciat illum cum armis que tenuerit III uices in die a manteniente, in elmo, aut in loriga, o en escudo, o ennas armas que tenuerit, aut in corpo, fueras enna lanza. Et si el reptado escapare cauallero, conquiera el peon III uezes en el dia, sicut dictum est. Et istud faciendo, si usque ad tercium diem perseuerare potuerit, uincat suo iudizio. Et nullus non prendat ad alium ad pixam nec ad coiones. Nengun lidiador non passe los moiones. Lidiador que este coto non conpliere como iaze escripto en este fuero, por i cadat. Los lidiadores, postquam fuerint armati en ecclesia, se confecharen, den X morabetis a aquelos que los armaren. Et si ad campo exieren, quantos dias alla fueren, tantos morabetis de el que cayere. Et si se confecharen, ambos [pectent] estos morabetis. Lidiador que corriere ante que uenga a ssu casa, pectet V morabetis. Et qui cantare con el o quil uiniere con comer, pectet V morabetis al castiello. Los lidiadores en uno yagan et en uno coman, en manos d'aquelos alcaldes que los armaron, et si non confecharen, non se desarmen. Et postea que sol occasum fuerit, adducant illos ad uillam, et alio die saquent illos ad campo ante de medio dia. Et si los alcaldes esto non fizieren, sean periurados. Aportellados de conceio, non ayan el campo uedado o lidiaren. Qui uozes o siblos dederit a llidiador que cayere, pectet a el V morabetis si ei firmaren. Et qui dixiere a lidiador palaura que en esforciamiento le sea, pectet V morabetis al quereloso.Tod ome qui eguaia ouiere a dar fasta III. VIIII. dias la de. Et si en essos III. VIII. dias non diere eguala, el otro iure solo et ranque
so iudizio. Et en las egualas el que sacaren por peor, si la pidiere al otro, yeguenlo con el. Et a uizino den eguaia de uizinos et a moradores. Et qui ouiere a firmar, nel iurare o atestiguar a uecino testigue con uizinos et a morador con moradores.Toda firma que firmare, esso firme onde fue fecho testigo de illo, et a tal cosa que fue mercada o dada antel. Et qui a morador ouiere a dar eguaia, o a iurare, nol firmare, si uezinos leuare, non caya por onde. Et en estas eguaias non entre soldadero de senor de terra nin ome que proua aya fecha que uenciesse, nin bracero, nin esquierdo. Et qui tal eguaia non diere, por hy cayat.
Todos los que sacaren las ochauas de conceio, metan en el mercado III. ochauas, et II arrouas, et II medias, et non anden hy estrageras. Et si hy andaren, fostiguenlas los alcaldes, et si non, sean periurati. Et quantas ochauas o arrouas o medias fallieren, destas que super dictas son, tantos morabetis pectent a los alcaldes.
Tod auer que fuere a dar por bestia dalquile, non aya ferias neque solturas.
Tod omme que mentira iurar o ffirmar, et los alcaldes et los VI uerdade fallaren sobrel que mentira firmo o iuro, tresquilenle la meatad de la cabeza, et exca por aleuoso de conceio, et mays non aya portiello, ni firme. Et si los alcaldes lo soltaren, sint periurati.
El andador, quando fuere en mandado de conceio, en aldea, ubi fuerit dent ei III dineros en conducto, et medio quarto de uino, et pan quanto ei oppus fuerit, fasta II panes.
Tod aportellado de conceio que en pro de conceio fuere, sobre aquel que fiziere la mala fecha sobrel coma. Et si al conceio demandare que coma, si a aquel ome fallare, pectet VI morabetis al concilio. Et si a el non fallaren, o en otro mandado fuere, sirualo el conceio de la aldea o posare. Et a un alcalde denle I gallina, et a II. II gallinas, otrosi. Et pan et uino sennos medios quartos, et II dos panes. Et si gelo non dieren, prende el alcalde en casa del iurado del aldea, y eche los penos por la iantar doblada. Et si los penos le reuellaren al alcalde, pectetle I morabeti, et la yantar doblada. Et por esto diga uerdad al alcalde, per la iura que fizo a conceio, que sin escatima lo demanda, et pectet. Et a sos cauallos, a II una ochaua de ceuada, et a bestia mular, I tercia. Ystos sunt aportellados de conceiio, ad quos debent seruire alcaldes, et uozeros et mayordomos et escriuano.
Tod ome que por inimicitate uenerit de alia uilla ad ista, et omme de la uilla dixerit: «meo inimico es», firmelo aquel que demanda con III uizinos que ante uino a Caceres que el, et non prisieron sos parientes omezilo nin derecho, et stet illi ad directo. Et si nuluerit ei dare directo, uazie la uilla et el termino usque ad tercium diem. Sin autem, occidat eum calunnia. Et si ille que demanda, noluerit recipere suum directum, apretenlo los alcaldes, et mittat cada tercio die bestias, et non comedand nec bibat usque salutet eum et recipiat suum directum. Et quantas bestias non miserit, tanto[s] morabetis pectet quereloso. Et los alcaldes, si lo soltaren, cadat illis in periurium. Por toda demandanza, si omme non pudier auer derecho en una alcaldia, in otra pare fiel de cabo, o prende o desafie. Et si ita non fecerit, non ly responda.
Todas las aldeas de Caceres a la tierra onde ouieren ermandades, et por hy troxieren ganado o rrobadura, sagudenlo, et si non, et si non, ellos lo pectent. Et las aldeas rayguense et sis non raygaren, si tregua quebrantaren, ellos lo pectent. Et enna uilla, los iurados los rayguen, et si los non raygaren, sit illos in periurio.
Qui fiel parare ad aldeano, meta la uerdad que querela a del et diga su querela. Et si la uerdad non diere, no ly uenga a ffiel. Et sil prendare, tornely los penos doblados quereloso. Et si la uerdad diere, et a fiel non uiniere, pectet I morabeti a suo contentori, si lo firmare con el fiel.
Toda lauor de aldeano atal fuero aya de pecho como uizino de la uilla.
Tod ome que uuas furtare de noche o quual cosa se quiere, si uerdad fallaren alcalde et iurados et uozeros, enforquenlo. Et si negare, iure con IIII uizinos. Et si non compliere, pectet el danno doblado et IIII morabetis domino uinee.
Qui suspecha ouiere a ssu mulier que aleue le faze, saluesse cum XII bonas mulieres que ayan maridos, et si con ella mala estanza ouiere et salua fe le diere ante IIII alcaldes et depues la quebrantare, si la firmaren, pectet dictum est ut supra. Si non lidie o saluese.
Uozeros et alcaldes et iurati anden por las calles et raiguen los omes, et iudeant unusquisque que uita uiuet. Et sit isto non fizieren sit illos in periurio. Et de cada I aldea ueniant IIII homines bonos et iuren que se rayguen. Et si se non raygarem los de la aldea lo pectent el dano que hy fuere fecho por ladrones et por malos ommes.
Todo pastor que puercos uelare, uelelos d'anno a anno sicut dictum est de sursum, et de las puercas aya el quarto de la criazon. Et sennas medias ochauas de centeno, et por los puercos uazios annales o dent arriba, aya senas ochauas de centeno o sinas quintas morabeti.
Et el puerco que non fuere annal, denly media ochaua de centeno. Et a rrazon como los uelare del anno, assi lo paguen a ssu conta. Et por quantos perdiere el pastor, pectet, assi como dicho es in alio capitulo.Tod ome d'otra uilla que uiniere demandar a nuestro uizino heredad, por nuestro foro le responda. Acotar a ermandad et iudgar a uezindad. Et negun uizino non tenga uoz de ome de fuera contra so uezino, si non pectet II moraberis; I al quereloso et alcaldes de germanitate o tro.
Tod omme qui bestia ouier a meter, metala ante la missa matinal en casa del quereloso, et uaya et parele fiel sobrella al fuero a la collation o ouiere alcalde. Et si al plazo le non quisier uinir su bestia quita.
Tod omme qui penos prendare, si uenciere el cabdal uenza los pennos. Et si non uenziere el cabdal non uenza los penos.
Tod ome qui uoz agena baraiar, si uenciere el auer que demanda e la uoz uença los pennos de las calonnas que prendar. Et si non uenciere la uoz que demanda, ni el cabdal, non uenza los penos de las calonnas.
Pastor que ganado cogiere en cabana de so sennor sin so mandamiento, [sis perdiere], elle lo pectet.
Alcaldes que leuaren conducho a las aldeas en quaresma, lieuen pora II alcaldes un quinto morabeti. Et si plus fuerint a su conta. Et si minus, similiter. Et esto pague el conceio de la aldea o cenaren. Et si plus leuarent, non den illis nada.
Quando exieren en apellido, lieuen sus talegas, et non coman de nengun aldea, et si comieren, cayales en periurio, et pectet X morabetis al castiello. Et isto aprieten los VI.
Tod omme que pan uendiere enas aldeas, pectet IIII morabetis a los alcaldes si uerdad fallaren de bonos omes, o iure con IIII uicinos. Otrosi, todo pan que uiniere de aldeas o de otra parte, et non lo uendieren en mercado, pecte [II] morabetis alcaldes et in cuius domo lo uendieren, pectet IIII morabetis alcaldibus.
Todo omme que pan quisiere conprar, conpre fasta un morabeti al dia, et non mays. Et si mays conprare, pectet II morabetis alcaldibus. Et esto en mercado lo conpare.
Qui alfoli ouiere enna uilla, uenda o se quisiere, mas qui conprare, non tome mays de I morabeti al dia.
Tod ome que rompier casa o touieren cepo de conceio, pectet L morabetis, los medios a los alcaldes et a VI, et los medios al conceio. Et si omme sacare de cepo, pectet morabetis, medios al conceio, et medios alcaldes et los VI, et metan so cuerpo en el cepo en qual uoz iazia el otro. Et los alcaldes non tengan omme en cepo mays de VIIII dias si non por lo que dicho es de suso. Et aquel que fuere de iusticiar, iusticienlo. Et al otro assueluanlo, et si ita non fecerint, sint periurius.
Tod ome que fuera manpostero, non sea mays de un anno, et non tome otro portiello. Et si otro portiello touier, exca por aleuoso et derribenle las casas, si el conceio gelo non mandare. Et el obispo de manpostero por si, et por sos ommes et por todas suas cosas que ouier en Caceres.
Todos omes que heredad o otro auer de parientes partieren, partan delant fieles o delant parientes, o delante uizinos. Et si ita non fecerint, non preste su paracion.
Tod ome qui matare uenado ageno de sauuoso, tome del I quarto de la carne. Et si lo sacar de madero, delo duplado con IIII morabetis al quereloso, si el potuerit firmare. Sin autem, saluese qual fuere la peticion, et iure el dueno del uenado, con I uizino que el iua en pos el, e suyo era el madero. Et si non quisier iurar, non tome uenado, nin calonna.
Todo ortolano a ffuero a tal sea de nauidad a nauidad. Tod ome que metier ortolano en so orto dele asno et seron et azada pora estercolar. Et el ortolano de quantas semillas metiere, tome la meatad. Et de aquela [s] que so senor metiere, tome ende el quarto. Todo ortolano que horto touier, si mal lo laurar, el senor prenda en el leno et el ohortolano en el uazio. Et si por el senor fincar, fagalo testigos el ortolano, et el ortolano tome en leno, et el senor en el uazio.
Todo collazo uel aportellado que auer o bestia furtare o lleuare agena, su senor la pectet, et el fiador al senor. Et si non ouiere fiador el senor la pectet al quereloso. Et si el colazo o aportellado algo leuare a sso senor por I morabeti, iure el senor por su cabeza et degelo su fiador. Et por II morabetis, iure el senor con II uizinos, et por III e dent arriba con IIII et el quinto iure el senor, et por cuanto iurare, tanto ly pectet el collazo o el fiador.
Los alcaldes de conceio, nin uozeros ni escribano, non sean metidos en lecha de conceia.
Alcaldes del Rey entren cad'anno con alcaldes de conceio.
Todas sus calonnas iudguen los alcaldes in die lunes. Et si in dia lunes prismo no lo iudgaren, solten las bestias fasta el otro lunes. Et la uerdad que ouieren a dar, denla al otro lunes. Et si la non dieren, partanse a aquelos a qui demandaren. Et si aliter fecerint, sint periurati. Et non fagan corral fuera ende uiernes por los iudizios de la uilla iudgar. Et al sabado por los desafiados, et al lunes sus calonnas. Et los alcaldes ni los andadores non pidan enna uilla nin enas aldeas, si non sean periurati.
Tod ome que se metier en orden, de la meatad de so auer a sos parientes como si fuesse muerto. Et otrosi non meta consigo herencia nenguna.
Alcalde que non ouiere cauallo a ffuero, non iudge nin preste suo iudizio, sicut scriptum est de sursum.
Tod cauallero que loriga uistiere en hora de cueta en azeria tome por ella racion sicut supra scriptum est.
Tod ome que affirmar ouiere et sus firmas alongare iure quanto puede saber por uerdad que hy son o dizet, et enna iura lo meta que testigos fueron d'aquela peticion.
Uozero nin alcalde non acote si non por calonnas de conceio. Sin autem sint periurii.
Tod ome que egua ouiere, no la eche a oio de cauallo que en prado moionado a ffuero pasciere, excepto en almofalla o en aceria, et si la echare pectet I morabeti domino hequi.
Tod auer de caualgada e de conpana non aya ferias nin deuedamiento.
Todos los que penos echaren por uino o por pan, et no los sacaren fasta VIIII dias, fagan testigos con III uizinos que los saquen et si non quisieren sacarlos, uendalos qui los touier con un fiel, et si sobrare, demas denlo a sso duenno. Et si minguare, prende por su auer fasta que s'entregue, et non responda mas por ellos, et prende penos de morabeti al fuero. Et quantos dias passare que non pague, tantos morabetis uectet querenti cada tercer dia. Et si fiel le pararen, sobre la primera bestia responda.
Si alcaldes se aiuntaren por pro de conceio, non les caya en periurio, mas iudguen en estos III corrales que son sobre scriptos.
Negun alcalde non remude los plazos de una collation a otra, si [non for] por ome bono que finare ena uilla, et alli sean todos los plazos a su porta. Et si aliter fecerit, cayales en periurio.
Tod ome qui su mulier ouier enferma o su caballo, non uaya en fonsado, ni en apellido, si firmar pudiere con III uizinos tam in uilla quam in aldeas. Et non pectet fonssadera ni apellido.
Tod omme qui a otro desafiar, con pariente de mays acerca desafie.
Todo omme qui su bestia enprestare a otro, o la leuare ad alquile, et mas luene la leuare, d'aquelo que pusiere con so dueno, dela duplada con IIII morabetis al duenno de la bestie. Tod ome qui bestia leuare ad alquile, et le mu riere, firmelo con III uizinos, tales como el dueno de la bestia quel murio de so mal, et non pectet nada. Et las firmas respondan a repto. Et si firmas non ouiere, saluese con IIII si V, et entre lide et iura et lide et iura qual quisiere el quereloso. Et esto por bestia de X morabetis o dend arriba. Et dent aiuso assi como fuero es.
Tod ome qui bestia leuare a medias et dixerit: furtaron ea mihi o perdidi ea, firme con III uizinos al uizino, al morador con moradores. Et si fuere la bestia de X morabetis, recuda a repto. Sin autem, saluesse con IIII et el V que la gardaua, assi como si misma sua fuesse, et la meatad de quanto ualiere la bestia en auer a domino bestie.
Todo menestral que demandare meryenda por lauor que faga, pectet morabeti a los alcaldes si firmare ei potuerint, aut saluese cun. I uicino.
Tod ome que forciado fuere por qual cosa quier, denly la petición duplada, con IIII morabetis.
Tod ome que ualia ouiere de X morabetis, tan de uilla quan de aldeas, de media ochaua trigo a los andadores, et iudua similiter, et el mediero quarta.
Ladron que furtare, enforquenlo, et preste so auer a sos parientes.
Todo omme qui fiio o sobrino ouier, et a otro ome matare, non pectet por el so uaer sos parientes, ni so patre nec mulier sue meatad, si so marido occiderit ad alium.
Filio enparentado qui con suo patre morar, o sobrino, o iuguero, o ortolano, o molinero, o pastor, o colmenero, non responda a nadi, ni nadi a el. Et [si] fiio o sobrino de ome de uilla, demostrare fiel ad aldeano, si non uinier darle derecho, o omme in su uoz, pectet I morabeti suo contentori.
Los VI ayan corral cada uiernes, et el que hy non uiniere, pectec I morabeti a sos companeros, si non se les espediere.
Los alcaldes non sten en corral con los VI, si non quando enuiaren por ellos. Et si los VI uieren cosa unde se debent partire los alcaldes, dicanles illos que se partant inde. Et si noluerint se inde partire, sedeant periurios. Et pectec morabetis al castiello.
Los alcaldes del Rey ni los de conceio, nin VI, nin escriuano, non den quinta. Atalaeros ni adalil non den quinta. Et el anno que foro iudez, non iudgue quinta.
Todo almonedero que prendare enna calle, et II de calle quisieren iurar por los pennos, denlos aquelos por que iuraren, et si non, denlos duplados. Et in aldea similitar faciant.
Toto homine qui acceperit oues per suo danno ubi andaren carneros castrados, delas dupladas per illo labore, quomodo dicit ut supra. Et
boue aut uacca, aut bestia mayor qui in labore aliena intrauerit, pectet X de morabeti, et si intrare in prado, pectet X de morabeti. Et si ad sapiendas fecerit danno, pected toda sua calumpnia quomodo dicit ut supra.Per todo ganado dize esto, sicut dicit in alio loco que debet unusquisque pectare, et per gallinas que fecerint danno in orto aut in alio labore, pectet domino suo, por V ochaua de pan. Et si minus fuerint uel plus, a sua conta.
Por borrico qui danno fecerit pecter I dinero; de borrico VI dineros in decimo; et de potro o de muleto I quinta.
Por todo home qui escusado fore de fonsado et de apellido, non iecten sortem in alcaldia, nec in uozeria, nec en iudgado.
Todo[s] ome[s] qui auer [se] ouieren a darla ad, ueniat illa que demanda et contense unos cum alios et compleant se unos ad alios per directum.
Totus homo qui iudicio habuerit, non se adobe cum alcaldes, et si se adobare sit aleuoso, excepto por suas calonnas. Et si illos se adobaren, sint periurii. Et las calonas que fuerint factas, si las non demandaren ipsos alcaldes de ipso anno, allii alcades que intraren non las demanden, sed demande el quereloso so directo.
Alcaldes que fuerint in fonsado aut in apellido, non dent soldada mays de a los III alcaldes.
Totos homines qui fuerint excusati de concilio, de fonsado, et de apelido, et de posta, et si almonederos los pendraren, tornenle los penos duplados.
Todo pastor a qui ganado dieren a uelar, de fiador por ganado et por bestias de la cabana, et el tome recabdo de los omes que el coiere. Et si ita non fecerit, respondat el ille por illos.
Totos homines qui pactum aut iuramentum fecerint super concilio, pectent X concilio, et non preste.
Todo teiero que teia aut adrielo uendiere et por agua se danare ante di anno, camielo, et si noluerit, pectet IIII morabetis a conprador, et camie la teia et el ladriello, et non habeat ferias. Et teiero que dixiere: «uendida la e», de otor sin arte. Et si lo non diere, pectet IIII morabetis so contemtori.
Todos los teieros que teia laboraren, laboren por el marco de conceio. Et den mil teias a morabeti. E qui menus a ssu conta. Todos los teieros de Caceres que laboran teia, si ogano non laboraren, non laboren mays. Et qui menus de mil teias diere a morabeti, pectet IIII morabetis alcaldes. Otrosi den mil adrielos morabeti.
Todos los olleros qne lauraren, den el cantaro que cogiere I colodra por VI dineros. Et el que menor fuere por III dineros. E la olla de medio quarto, II dineros. E la de quarto IIII dineros. E la de mays a su conta. Et qui mays lo diere de aquesto, pectet II morabetis alcaldibus.
Los alcaldes, quando fueren en almofalla o en apellido, ennas aldeas que fueren, todos fagan una despensa, sicut scriptum est de sursum. Et non lieuen enuidados. Et si aliter fecerint, sint periurius.
Tod ome qui su cauallo aduxiere quebrado o dannado de fonsado o de azeria, demostrelo a III uizinos o II alcaldes, et erectet illum concilio, et iure con IIII uizinos que alla se danno en aquela azeria o en aquel apellido. Et si assi non fiziere, non le den nada, ni de conceio nin de compana.
Tod ome qui bestia conprare, o buey, o uacca, qual bestia que quiere et xiere enferma o linenciosa, tornegela en ante de VIIII días a ssu duenno et iure con IIII uezinos que a tal gela uendio, et por su culpa non ouo mal, et tome su bestia, et dely sus morabetis con la meatad de la ganancia que la bestia ouiere ganado. Et per asno con I uizino iure. Et si a tercer dia nol entregare de su auer, dele lo duplado. Et por du plo et por cabdal meta bestia, et non ayan ferias nin solturas. Et si ante de VIIII dias nol tornare la bestia, non respondat ei amplius.
Tod omme qui penos agenos touiere por su auer enprestado, o penos rematados, et el dueno de los pennos no los quisiere sacare, aquel que los tiene fagal testigos, et si a tercer dia no los quisiere sacar, uendalos, et iure con I uizino que los uendio, et sin arte. Et entreguese de su auer. Et si sobrare, delo al dueno de los pennos. Et si non compliere prende por los demás fasta que se entregue.
Toda mulier que furtare, si uerdad fallaren los alcaldes sobr'ella, fagan d'ella iusticia los alcaldes como de ladron.
Tod alcauuete o alcauueta que sosacare fixa agena pora otro, o otra mugier que marido ouier, enforquen el alcauuete et kemen el alcauueta si los pudieran auer. Et preste el auer a ssos parientes.
Estos son penos reuellados: Si el que debe prendar toma al peno, et uiene el duenno del peno, et prende a los pennos, el o so mandado, o si se para ena puerta, o si la encierra et non la quier abrir o dize: Lexa los penos o non entraras alla, son penos reuellos, si potuerit firmare con el fiel.
Tod ome que por suo iudizio s'alzare al Rey, alcese fata X morabetis aut plus, et non por minus. Et aquel que se alzare al Rey, meta penos de IIII morabetis en manos de los alcaldes, et el otro de II, et uayan al Rey en el regno de Leon fata Duero, en el regno de Castiella fasta Medina, et Auila, et a Toledo, et non plus. Et si aquel que se alza al Rey non quisiere yr, prenda el iudizio de los alcaldes. Et si aquel que se alça non quisier ir, prenda el iudizio de los alcaldes. Et si, por auentura, non fuere el Rey en estos terminos, sperenlo usque ueniat regem a estos términos. Et quando fuerint ao Rege usque VI dias aquel que se alzo, meta al otro al Rey. Sin autem, faciatle testigos de los fieles, et uengase. Et si aquelo iudgar el Rey que los alcaldes, aquel que se alzo pectet II morabetis a los fieles et II a los alcaldes. Si alter cadiderit, pectet II morabetis a los fieles. Et de illo die que uenerint aquel que cayer a VIIII dias de los mo rabetis. Sin autem, det fiador de queda de los pennos.
Nullus homo que non fuerit escripto en carta de collation et encomendado al fuero, et que faga todas sus derechuras, non sea uizino nec abeat parte en portiello, nin firme, nin iure sobre otro.
Estos son los derechos que deue auer el Rey en Caceres. Tod ome que de Caceres caualgare et ganancia troxiere en Caceres de la quinta. E los adaliles prendan su redroquinta, et el iuez su sietmo, et el senor lo al. Et por muerte de ome, et por mulier forciada, et por lysion que
aya mienbro perdido, tome el senor IIII morabetis et tercia, et III meaias. Et tod esto recabde el iuez por el senor et tome ende el VII. Et si lo non recabdar, ele lo pectet.Tod moro que salier de catiuo, de el diezmo al senor que touier la honor. Et a la puerta I morabeti, et de tod esto tome ospe [s] el tercio, et hoc casa possare.
Quando homines fuerint ad terminandum hereditatem, ueniant cum eo ante alcaldes, et isti alcaldes dent eis pro iudicio ut uadant utuadant ad esterminandum hereditaten illam, dent eis etiam notum placidum in tercium diem ad portam ecclesie ad quem ambos conueniant, et ibi eligant II uicinos desterminadores, et qui placitum non uenerit, pectet suo aduersario V solidos. Cum uero ad exterminandum hereditatem uentum fuerit querimoniosus, desterminet eam totam rede circuncido. Deinde si laborator hereditatis eam relinquerit, querimoniosus intret hereditatem sine calumpnia; si autem laborator defenderit, coram illis desterminatoribus aplacitet illum queremoniosus ad primam diem Ueneris ad curiam alcaldum, et ibi habeat uterque forum. E si quis aduersarierum illorum ad placitum non uenerit, cadat causa; tamen si defensor non uenerit ad placitum, uel etiam si uenerit et in causam conuinctus fuerit, reliquat hereditatem duplada cum calumnias VI aureos quereloso. Si uero disceptantes fuerint aldeani querimoniosus, adplacitet suum aduersarium ad tercium diem ad fenestram sancte Marie. Et alcalde det eis pro iudicio ut eant ad exterminandum, ponendum eis plazum ut hostensum est superius.
Manda que fecerit concilio in die dominico, prestet, et si non non prestet, et istum concilium sit factum post missam.
Quicumque firmas recipere debuerint, non recipiant aduocatum qui est uel fuit in illa causa, neque suum inimicum, neque eum qui spen uel partem habuerit in peticione, exceptis alcaldibus et excepto concilio,
quia alcaldes possunt firmare pro suo iudizio qui non taxat. Et exceptis sociis qui societatem extra uillam alucrandum fecerint, et exceptis mortuorum, uelud in negociacione, aut in expedicione, aut mn recloua, et cetera.El sangrador sangre por II dineros, et uentosa por II dineros, et si mays tomare, pectet II morabetis, medius concilio et medios alcaldibus.
Nullus homo, similiter alcaldes, que tomaren iudio con christiana, si ei firmaren con II christianos et I iudio, uel II iudios, et I christiano, que en uno los tomaron, preste. Sin autem, non prestet. Toda christiana que tomaren con iudeo o la aduxerint super consilium factum per prender con iudeo, ipsa iusticia faciant de uno quam de altero.
Tod omme de Caceres que preso ganare moro o christiano, prestely ende la quinta que de al Rey, siquier uala mucho, siquier poco.
Alcaldes d'ermandad et andadores coian su soldada desde Sant Ioan fasta Sancti Micael, et los arteros, quando los tomaren, denles suo directo. Et si esto non cogieren desde San Ioan fasta San Migael, non les respondan mays por esta soldada. Todo poblador que fasta nauidad uiniere, de so derecho a alcaldes et andadores. Et el que depuc. natal uiniere, no les de nada.
Nengun senor que touiere a Caceres no meta mano en uizino nec en morador de Caceres que hy morare, fueras el cuerpo del Rey. Et si el ricome querela ouiere de algún omme de Caceres, demandelo el manpostero por nuestro fuero et por nuestra carta, et por iudiçio de nuestros alcaldes. Et si ademas quisiere passar, el conceio non lelo consienta.
Todo omme de Caceres qu e dixerit a otro que es traidor del conceio o del Rey, sepan uerdad alcaldes et bonos omes, et si sopieren uerdad que traydor es, faganle del cuerpo iusticia, et metan el auer en el castiello.
Tod omme de Caceres que parare con el senor por dano del conceio, uizino nin morador, exca por aleuso del Rey et del conceio, et tome el conceio so auer, et metanlo en el castielo.
Non aya mampostero otro omme en Caceres si non el obispo, et quien touiere la honor del Rey.
Todo requero de fuera parte que uendiere uino en Caceres de I medida, de una quartezna en colodracgo. Et de la medida de la miel media quartezna. Et de la medida de azeyte una paniella, et de la manteca de I medida mediana. De la ochaua del pan, I cuchar, a rrazon de XVII cuchares ena ochaua. Et de sal similiter sicut del pan. Et de la medida de la cera III dineros. Et de la grana, cada morabeti II dineros. Es d'esto todo de ommes de fuera parte lo tomen. Tod omme que a escuso midiere, pectet I morabeti a aquel que touiere las medidas, et de las cu chares dupladas, si ei potuerit firmare. Sin autem, saluese por su cabeza. Et el ochauero que fallaren en falseria, pectet [II] morabetis al conceio et exca por aleuoso.
Todo requero que pan et uino uendier en Caceres, in ipso die sea pagado ssi el uizino de la uilla como el de fuera. Et si esto non quisieren fazer, los alcaldes lo uayan entregar, et si non, sean periuratis.
Todo ome que firiere a iudio, pectet ei II morauetis, si ei potuerit firmare con II iudeos et I christiano, o con II christianos et I iudio. Et si fecerit liuores, pectet ei IIII morabetis si firmare potuerit. Sin autem, iuret por su cabeza, et sit creditus.
Todo carnicero que carne fedionda uendiere, o carne inchare, o coto de conceio crebantare, pectet II morabetis a los alcaldes, et non uenda carne en esse anno, et si negare, saluese con II uizinos. Todo carnicero que carne uendiere de el tercio del carnero por VIIII dineros; el tercio de la oueia por VIII dineros; el quarto del cordero meior VIII dineros. El quarto del cabrito VII dineros. El par de las perdizes VI dineros. La carne del coneio III dineros. La lebre VI dineros. Et roda esta compra exca a mercado. El par de las palommas V dineros. Et si este coto crebantare, pectet II morabetis a los alcaldes.
Toda tauernera qui uino uendiere uino, tenga quartezna et media quartezna, et dinarada, et derechas et uenda por el marco de conceio. Et si istud non fecerit, pectet II morabetis a los alcaldes, et non uenda uino en esso anno.
Todo ferrador que en Caceres morare, sea excusado al fuero si ferrare el cauallo por XX dineros et el asno por X dineros. Ferrero que non quisier labrar a destaio, calze la reia por III dineros, et aguzela por I dinero, si non pectet II morabetis a los alcaldes, et reia nenguna non pierda uez. Et si uez perdiere, pectet la obra. Assi como dicho es de suso.
Los alfayates cosan a este fuero: capa pielle por una tercia; cappa de color sin penna I sexma; capa de burel con mangas XV dineros. Garnacha I sexma. Pellico I sexma. Manto con penna I sexma. Calzas de color VIII dineros. Camisa de baron X dineros. Bragas VI dineros.
Saya piel I ochaua. Saya de color I solido. Fustan I solido. Camisa de mugier I solido. Camisas et bragas destopa XI dineros. Piel cordera delgada I morabeti. Zamarron X solidos. Penna de coneios sin blancos medio morabeti. Calzas de burel IIII dineros. Qui este coto crebantare, pectet II morabetis alcaldes, et non cosa mays en esse anno.Todo alfaquec que entrare a terra de moros a sacar catiuos, tome del christiano et del moro el diezmo. Et tome I morabeti de panadgo. Et catiuo que salier cabeza por cabeza, tome el alfaquec I morabeti et su panadgo.
Todo ome qui labrare a iornal, en esse dia sea pagado. Et si non, denlo otro dia duplado, sin ferias et sin solturas, et prende cadal dia sin calonna. Otrosi por iornal de boys.
Por todo danno de pan, si el quereloso non prendare fasta Sancta Maria d'agosto, nol respondant ei amplius. Otrosi por danno de uina, si non prendare fasta San Martini, nol respondant ei amplius.
Todo ome que danno fiziere con so ganado en pan ageno, et manifesto fuere o uencido por ello, delo o nueuo suo contentori. Et de qual pan dannare, tal le lo de.
Todo omme que pan prestare a otro, si ge lo non demandar fasta Nauidad, nol responda por el fasta nueuo, et al nueuo dele so pan.
Los tecedores de Caceres texcan la uara del sayal a II dineros. Et del estopazo II dineros, Et de las marfagas a II dineros. Et del lienzo IIII dineros.
Desdel dia de san Migael fasta dia de pasqua, non entren cabanas de oues, nec de baccas, nec de puercos affumadas entre nuestras labores, et de los moiones a adentro que el conceio puso, non entren. Tod omme que hy fallare cabanna de uacas, tome ende II. Et de oues diez carneros. Et de los puercos V. Todo uezino o morador de la uilla que los fallare ennos cotos, tome estas calonnas, et otro omme non. Et qui esta calonna tomare. iure si V que de los cotos adentro fallo el ganado, et si menos quisier tomar, non caya por ende. E de estas calonas super scriptas, tome qui eum inuenerit terciam partem, et concilio tercia partem, et montarazes terciam partem.
Los messegueros que los panes ouieren de guardar, si non iuraren por conceio, nadi non lis responda nin les pectet calonna. Et denli en soldada, de cada iugo de boys, senas medias ochauas de trigo. Et el messeguero por el ganado que tomare danno faziendo, iure con un uizino et coia la calonna, et dela al sennor del pan, et tome ende el diezmo. Et si danno si fiziere ennos panes et non ge lo fiziere saber al senor del pan fasta tercer dia, el messeguero lo pectet. E el uinadero, esse mismo foro aya, que si non iurare por conceio, nol responda nadi.
Mando etiam concilio de Caceres suam feriam, quod abeant I uice in anno XV dias ultimos mense aprilis, et XV dias primeros de mayo. Et quicumque uoluerit uenire ad istam feriam de Legione, siue Castelle, Aragone, Nauarren, Portugalle siue Christianus, siue iudeus, siue marus, siue inimicus, siue serbuus, siue liber, uel qualibet de quibus cumque partibus fuerint, ueniant septem, et atreguatus. Et qui ad istam feriam uenierit, et aliquis eum contrariauerit, pectet M haureos, medietatem Regi, et medietatem concilio, et quereloso dannum duplatum. Et todos los alcaldes, et los VI et Notarios com illos que escriuan todas sus calonas, et guarden, et ronden la feria de dia et de nocte. Et si quempiam uiderit extrare cuctello, uel arman uedatan, et percusserit, pectet X morabetis. Et si fecerit liuores, pectet C. morabetis,
et corten ei manum. Et qui percusserit et si per illa percussione mortus fuerit, enforquenlo et perdat ei quantum habuerit, si extraneus fuerit, et si uicino ad forum. Et si cum puno percusserit, uel cum tali causa, que fecerit liuores, et fecerit per iram pectet L morabetis. Et si percusserit, et liuores non fecerit, et non ouiere de que pechar, cortent ei manum. Et los alcaldes de conceio, et iuratis, et sex, et Notarius, et Mayordomos anden por la ferie, II a dos, et si aliquis fecerit, quod si debet facere, en el cepo iaciendo, pectet las calonas, et colligant eas Maiordomus, et dent terciam partem querenti et terciam concilio, et terciam alcaldes, et VI, et Escriuano, et Mayordomo o que guardant feriam. Et si algun d'estos que guardan la feria, non pudiere con el que fiziere buelta o liuores, et fiziere testigos a los uizinos que ly ayuden, et noluerint ei adiuuare, unusquisque pectet X morabetis a lo [s] alcaldes et a los VI, et en feria diganlo los alcaldes que la guardan II por la iura que fecerint concilio, quod illi uiderunt, et prestet et as calumnias accipiant Maiordomus, ut supra dictum est. Tod ome que comprare en ferias, et despues le conoscieren alguna cosa, o demandaren por el fruto, firme con III uizinos [ilegible] de la uilla, que enna feria, lo compro et non responda pro illa causa. Todo latrone que furtare en la feria, enforquenlo [ilegible] si eum in uenirent.In dei nomine et indiuidue Trinitatis, pater et Filius et Spiritus Sanctus: Non conceio de Caceres, por mandamiento de nuestro senor el Rey, fazemos fuero et carta a honor de Dios et de nuestro senor el Rey de Leon et de Castiella, et a prouecho del conceio de Caceres et de todo christianismo.
Todo senor que reuellare so soldar o so ganado a sso pastor por alguna culpa que le fiziere, et ante del anno non diere derecho, o el pastor non le lo quisier demandar, o su soldar, o su ganado perdalo, et el senor nol responda mays por ello si non fuere por cautiuazon o por enemizad. Otrosi demande el senor si rancura ouiere a pastor de su ganado o de que quier, et respondal fasta I anno, et el anno trocido mays non responda. Et si el pastor se alzare fueras de termino, todo tiempo responda por ello, assi como faze pastor a ssenor.
Todo pastor que si mandado de so senor trociere moion et alguna cosa perdiere, duplelo todo a sso sennor. Tod pastor que ganado ageno cogiere o mezclare con el ganado de so sennor sin mandamiento de so senor, pectet LX solidos a ssu senor, hy el senor prenda el ganado que hy fallare, et por esto mays non responda.
Tod pastor que uendiere ganado de so sennor fueras de Caceres sin mandamiento de su sennor, pectet XII morabetis al senor, et duplely el ganado quel uendiere. Todo pastor de conta de Sancti Ioanis a sancti Iohanis a sso sennor del ganado que ly echare. Et si esto non fiziere, pectet IIII morabetis al senor et duplely el ganado.
Todo pastor que andare a pedir con otro ome fueras con catiuo, pectet IIII morabetis, medios al quereloso et los medios a los iurados del ganado. Todo pecho que pastor ouiere a pechar, pectet lo el pastor o el sennor, et si non meta el sennor en manos el ganado del pastor al quereloso, si lo ouiere. Et si non metali el cuerpo en poder. Et si hoc non fecerit, pectetlo el senor al quereloso. Tod peon que dexare su annubda ante de su plazo, pectet IIII morabetis a los caualleros de la caualleria. Et por esto alcaldes et uozeros aprieten, si non ellos lo pectent. Tod pastor que diere senal de ganado a sso senor, et dixiere: Estas son las senales uestras fasta IIII paraperas, iure el pastor que de su sennor son et recibalas. Et si non quisiere iurar el pastor, delas todas uiuas. Et de la IIII arriba por cuantas non cognosciere el sennor, iure el senor et pectet el pastor. Et esto es tambien por oues et por cabras, como por porcos. Et de uaccas fasta II paraperas.
Todo pastor que ganado ouiere a pechar, sea de III edades. Todo oueirizo a ffuero prenda el diezmo de los quesos ena uilla et por suerte, et otrosi de los corderos, et otrosi de la lana de las uazias. Et el pastor que al fiziere, pectet IIII morabetis domino suo. Todo pastor que ouiere apellido et non fuerit post illum por sacudir el ganado si pudiere, pectet X morabetis domino ganati.
Aparceria de sancti Ioanis a sancti Iohannis sea, et qui la aparceria derramare ante del plazo, pectet L morabetis a los otros aparceros. Et si la aparceria negare, firmegelo con II aparceros o con III uizinos. Et si le firmaren, sea aparcero et de en anafaga et en calzado et en soldada, et en quantol pertenez, et non prenda nengun esquilmo. Sin autem, saluese con IIII et el V.
Ternero nin potro non entre en conta de caualleria nin de aparceria.
Todo ome qui ouiere oueias en su cabo et con otro ouiere aparceria en uaccas, tenga caualleria por las oueias et tenga por cuantas uacas ouiere. Otrosi qui ouiere uaccas en so cabo, et con otro ouiere aparceria en oueias, tenga por las uacas et por quanto ouiere enas oueias et cada I aparcero tenga su parte.
Tod ome que echare ganado quartero o soldariego, echelo ante II iurados o ante III uizinos al sennor del ganado. Et si esto non fiziere, non responda mays por ello. De tod ganado quartero o soldariego que pastor uelare non responda de anno a suso. Et esto sea tambien por el pastor como por el senor.
Ganado que trociere moion que caualeros dieren que caualeria touieren, prendan de la grey de las oueias V carneros, et saquenlos por II morabetis. Et del busto de las uacas I uaca, et saquenla por II morabetis fasta III oteros. Et si no la sacaren, non respondan mays por ello. Et qui amparare corredura a caualero[s] de la doblada. Et por aquel cauallero de la caualleria que las touiere, por aquel cogian. Et si negaren et firmar le pudieren con II caualleros de los corredores, doblado le lo pectent. Et si el caualero pechare ellos lo doblen, et en aquel mismo ganado onde cauallero fuere, se entregue sin calonna.
Tod ome que ganado ouiere a meatad, abengas con sus conpaneros por hy en rafala, et el cauallero que ouiere a yr, lieue el meior cauallo que ouiere, et si bueno non ouiere, tal lieue que uean que bueno es de caualleria tener, et que non sea ataffarrado de albarda, et ten gal ferrado en rafala, et cada una noche del una quartella de ceuada. Et si esto non fiziere, pectet IIII morabetis a los caualleros, et quantos dominicos passaren tantos IIII morabetis pectet.
Qvi fiio ouiere de XV annos arriba enuielo en rafala. Et bibda otrosi faga. Et si non ouiere la uibda tal fiio, tal caualero enuie que uean alcaldes et uoceros que bueno es de caualleria tener, et que faga conplimiento. Otrosi nenguno non solten en rafala estando, fueras por enfermedad o por muerte de su mulier o de su cauallo. Et quanto sanare que uean que puede caualgar, uaya, et si non quisier hyr, faganle testigos, et si a tercer dia non fuer o los caualleros estodieren, corranlo los caualleros por cada noche II morabetis. Et si apellido se affizier, et hy non fuere, por quantos apellidos non fuer, tantos IIII morabetis pectet a los caualleros. Et por muerte de su mulier o de su cauallo, sea escusado ese anno de caualleria tener por el so ganado, et por al non. Et qui por otras cosas lo soltare, pectet IIII morabetis a los caualleros de la rafala. El otrosi el cauallero que se uiniere sin mandamiento de alcaldes, et de uozeros, quantas noches trasnochare, tantos dos II morabetis pectet a los caualleros de la rafala, et por esto, prendely el cauallo sin calonna.
De cada I cabana uaya I cauallero a la rafala assi como es fuero. Et el qui ouiere el meior cauallo esse uaya el mes primero. Et si ouiere fiio de XV anos a ssuso, escuse a so padre et si gelo non crouieren, faga derecho con II caualleros de la caualleria et si non el padre uaya. Nengun omme non escuse de caualleria fueras fiio a padre, o padre a fiio, o nieto a auuelo, o sobrino a tio, o gerno a suegro, o suegro a gerno, o qui su buena ouiere de heredar. Et a tal onmic que sea ae edad et de caualleria tener.
Omme que non ouiere fiio et ouiere sobrino en su casa que deue lo suyo heredar, escuse a so tio de rafala o so fratre. Cauallero que con uibda ouiere ganado o con orphano, toda caualleria tenga por si et por ella.
Tod cauallero que por uibda touiere caualleria siquier fiio o otro, sea escusado por totum anno quomodo desuper dictum est. Et por la parte de la uibda, si el cauallo li moriere al cauallero, la bibda del so caualo si eum abuerit o la soldada, por todos los meses que caualleros touieren rafala in ipso u, et esto qual mays quisier la bibda.
Caualleros de rafala que lexaren la rafala et se fueren a otro logar sin mandamiento de iurados et de uozeros, pectet V carneros unusquisque por quantas noches alla trasnochare. Et esto alcaldes de rafala lo iudguen. Caualleros de rafala que touieren caualleria et en el dia de la escamia a otero non fueren o derramaren de la rafala, pecten a los caualleros de la rafala IIII quatro morabetis.
Quando los caualleros se ayuntaren, el primer dia pongan alcaldes et uozero de bonos omes, et si bando por onde mais uala la rafala. Et iuren que iudguen et escoian derecho assi como iaz en esti fuero.
Tod ome qui penos reuelare en rafala o non quisier descender del cauallo, prendenly, et pectet XX morabetis a los caualleros. Et quantos fueren en el reuelamiento, unusquisque pectet XX morabetis militibus. Cauall eros de rafala si ouieren miedo quando fueren a ccorrer si fueren de mas, si non la meatad uaya.
Tod cauallero de rafala que non fuere a su plazo, por el primero dia pectet IIII morabetis militibus, et quantos dominicos passaren,
tantos IIII morabetis pectet militibus. De ccorredura que caualleros fizieren de rafala, tenganla fasta IIII oteros, et si no la sacaren de fiadores de queda. Et por tod esto alcaldes de rafala lo iudguen fasta Sancti Iohannis, et de San Ioan adelante, non respondan.Todo cauallero que a otro parare fiel depues del sol puesto, pectet I morabeti al quereloso medio alcaldes.
Todo cauallero que en el dia de la descamia non fuere prender caualleria, pectet L morabetis militibus, et por estos morabetis prenden carneros.
Defesa que caualleros sacaren que caualleria touieren, de ganado qui en ella entrare, prendaly I carnero, et de porcis similiter, et de uaccas V solidos. Carnero adalil qui lo ouiere, traiga cencerro, et si non, no aya fuero d'adalil.
Caualleros que caualleria touieren o talegas fizieren por hyr en rafala, non respondan fasta su uenida por nenguna cosa si la uerdad quisieren meter que assi es, et si non respondan.
Tod ome que ouiere de L oueias a suso, fagasse aparcero con otros fasta II mille oues, et den I cauallero. Otrosi, qui ouiere de X uaccas a ssuso, fagas aparcero con otros fasta IIII centas uaccas, et den I caualero. Et por II cientas eguas den I cauallero. Todo cauallero que aparcero fuere con uezino de Caceres, a nuestro fuero sea.
Vizino de Caceres que aparcero fuere, ese tenga el portiello, et non otro. Nengun soldadero non aya portiello. Aparcero estando en caualleria, non corran so ganado. Et si lo corrieren, tornenle la corredura doblada. Nengun pastor ageno non tenga caualleria. Et si dixerit: «non so pastor ageno, mays aparcero», iure con III caualleros de rafala. Et si non iurare, pectet assi como fuero es.
Tod cauallero que caualleria touiere por sus aparceros, el dia que los parare ante los iurados, a tercer dia lo paguen. Todo ganado qui en estremo de Caceres en Caceres entrare, a nuestro fuero anden.
Tod uizino de Caceres qui aparceria fizer con ome de fueras de uilla, pectet L morabetis, medio iurados, medio duennos del ganado, et esto los iurados lo aprieten.
Tod ome que so ganado echare a so pastor hy alguna mengua ly fiziere y el pastora[d]go negare, firmely el senor que su pastor fue o que gelo echo con II iurados, o con II aparceros, o con III uizinos. Et sil firmare, iure el sennor et pectet pasto.
Tod ome que aparcero fuere en ganado et puta fallare en qual cabanna que quier, el oueierizo pectet V carneros, los medios a los iurados et medio aquel que la fallare, si potuerit ei firmare con II pastores o con II uizinos.
Tod ome que can ageno matare de su uoluntad, pectet la calonna asi como dicit ut supra, si potuerint ei firmare. Sin autem saluese sic forum est.
Nengun pastor non de mesta, nin uenda, nin malmeta a nengun ome, si non fuere a los senores que ge las pare delant. Et si aliter fecerit, pectet V morabetis domino suo. Tod pastor que mesta desenalare o desferrare, pectetla doblada aquel que la cognosciere si uencido fuere et IIII morabetis dominos ganati.
Si algun dueno de ganado querela ouiere d'otro que sea dueno de ganado, pareli fiel que uenga ante los iurados, et si non uiniere o a los alcaldes de la uilla s'alzare, pectet I morabeti a querenti et uenga a iudizio ante los iurados. Et si el qui parare fiel a so contemtor por qual cosa quier, et non fuere ante los iurados, pectet el medio morabeti; et esti es dono de ganado que a de L oueias arriba, o de L cabras arriba, o de X uaccas arriba, o de XX puercos arriba.
Caualleros, el dia posaren en, esse dia fagan su defesa, et si algun ganado i fallaren, saquenlo fueras et no lo maten ni tomen calonna, et si lo mataren pectetlo.
Tod ome que portielo de conceio tomare non sea escusado de rafala, fueras de iuez, et el iuez de cauallero por si que tenga caualleria et a tal que sea de caualleria tener.
Tod cauallero que caualleria prisier en rafala, prendala con escudo et con lanza et con espada et con II espuelas et con II sueltas, et aquel cauallero que assi non fuere adobado, por cada otero pectet V carneros militibus.
Nengun iurado non enuie cauallero a correr si non fuere aparcero en ganado, et si otro cauallero enuiare, pectet V morabetis, medio a iurados medio a dominos ganati.
Caualleros que ganado corrieren, fallando carneros non prendan oues, et si algun carnero comieren, o malmetieren o perdieren, pectentlo a sso senor si sacarlo quisiere.
Tod pastor que a pechar ouiere o derecho a dar, si so cauallero gelo fiziere saber et non uiniere et el cauallero pechar, duplegelo todo el pastor.
Caualleros que exieren en caualleria, o en apellido, o en azeria, si algun ganado prisieren, si fueren V caualleros o de mais o de menos, et adalil con ellos fuere, por quantos carneros prisieren, tantos morabetis pectet domino ganati.
Pastor que se espedir quisiere a ssu sennor, espidase ante II iurados o ante III uizinos et en poblado.
Iurado que en aleuosia fuer preso o uenzido, pectet morabetis, medios a dominos ganati, medius al conceio por al castielo, et perda el portielo.
Iurados de ganado espidanse cada anno en dia de Sancti Michael o el domingo enante. Et si esto non fizieren, sean periurios et pectent morabetis al conceio unusquisque.
Tod cauallero que non fuer a otero con lanza et con escudo et con II espuelas et su cauallo non trauare con II sueltas, pectet II carneros
militibus. Et si dixerit: trauado lo eche et quebro las sueltas o ge las furtaron, iuret solus et sit creditus, sin autem pectet.El dia de la descamia todos los caualleros nueuos et uieios, todos sean en otero fasta medio dia, et qui assi lo non fiziere, pectet [IIII] morabetis militibus.
Iurados o iurado, si a alguno bestia mandare meter, et la non metiere, pectet I morabeti a los iurados, si quereloso non ouiere, et si non, al quereloso lo pectet.
Iudizio de I iurado que diere, sea establezido fasta I morabeti, et iudizio de II iurados ualeat omni tempore et non respondan a repto.
Si alguno d'otro querela ouiere, parely fiel que uenga ante los iurados, et si non uiniere, meta bestias al fuero, et por cuantas non metiere, tantos morabetis, pectet medio al querenti, et medio a los iurados.
Tod cauallero que caualleria touiere, prenda por cada I mes en saldada VI morabetis. De corredura que iurados fizieren, o caualleros de rafala por V carneros prendan II morabetis, et por I uacca dos morabetis.
Caualleros que ganado corrieren, ffallando carneros castrados, non prendan oueias nin morueco. Et si el senor del ganado dixerit que carneros auia hy castrados, et prisiorum oueias, firmen II de los corredores que non auia hy carneros, et por esso prisieron oues. Et si non pudieren firmar, den las oueias a ssu duenno sin neguna calonna.
Iuyzio de alcaldes que iudgaren, preste su iudizio mientre fueren en caualleria, et depues que en pobrado fueren, iurados de ganado lo iudguen.
Caualleria non teniendo, iurados den moion et enuien corredores. Et caualleria teniendo, iurados non enuien corredores. Caualleros de rafala que caualleria touieren, ellos corran, et esto también por entrada como por exida. Et por toda corredura, que iurados fizieren o caualleros de rafala, por V carneros prendan II morabetis, et por I uacca II morabetis, et demas o de menos a ssu conta.
Quando los iurados enuiaren caualleros a correr et la corredura non aduxieren o mandaren lo[s] iurados, cada dia pectet I morabeti iuratis fasta que la corredura lieuen o mandaren los iurados. Los caualleros que fueren a correr, tomen de la corredura que fizieren el tercio de lo que pudieren ganar.
Los iurados que tengan el auer, et el dia que el auer fuere legado, quantos dias passaren que su parte non dieren a los corredores, cadal dia les pectet V morabetis.
El oueierizo que diere el ganado de fueras de uilla ante del mes d'abril exido a ssus duenos, pectet X morabetis, medio a lo[s] iurados et medio a lo[s] senores que fueren uizinos de Caceres. Tod ome que aparcero fuer en ganado, aya ferias XV dias para desquilar. Et si non gelo creyeren, iure por su cabeza et sea creyao.
Toda corredura que feziere iurados o rafalleros, si fasta San Ioan no la quisieren sacar, non respondan mays por elos.
Puercos que fueren corridos, tal fuero ayan como las oues et assi las saquen.
Por toda cosa de ganado, iurados de ganado lo iulguen assi como diz de suso. Negun ome non eche suerte en portiello si non fuere aparcero en ganado. Et si suerte echare, pectet L morabetis militibus. Et si non gelo creyeren, firmelo con II aparceros o con II iurados o con III uizinos, et si firmar non pudiere, pectet sicut dictum est.
De todas las calonnas tome el conceio el tercio, et los iurados el otro tercio, et elos corredores el otro tercio. Et el mayordomo de tod esto prendi el diezmo, fueras de las calonnas que fechas fueren en rafala, que non prenda nada.
Los iurados non den moion fueras domingo o iuues por conceio, et del día que lo dieren no lo corran fasta quarto dia. Et si ante lo corrieren, tornenlo doblado a so duenos.
De toda corredura que iurados o mayordomos fizieren mientre fueren en el portiello non gelo demandaren, non respondan mays por ello.
Quando los contendores ante iurados uinieren, aquel que primero demandar, meta la manquadra si la petición fuere de I quarta de morabeti a arriba. Esta es la manquadra, diga el contendor, Uienes iurar que uerdad demandas. R. alter: Uengo o iuro. Diga el contendor: Si uerdad sabes et mentira uienes a iurar, Dios te coffonda. R. Amen Facta autem la manquadra, respondat so contendor negando o otorgando, mas aunque niegue o manifieste, diga el quereloso que pide et quanto et de que tiempo et de que sazon, o donde contezio aquela peticion. Complida toda la razón, iudguen los iurados que niegue o manifieste.
Si alguno penos reuelare a los iurados, pectetles I morabeti, et los iurados manden fazer cabildo. Et el cabildo entreguen de penos a lo[s] iurados por el morabeti de los penos reuellados, et por el morabeti de la bestia que non metio. Et si el cabildo non quisier entregar a lo[s], iurados desta calonna, los iurados non iudguen fasta que sean entregados. Et si iudgaren sit ille in periurio.
Nengun ome non sea recibido por uozeros e neguna voz si non fuere aparcero en ganado o non fuere uizino. Tod ganado que de Caceres fuere quartero o soldariego, prenda XII dias por dominguera del primer dia que d'exebraren, prendiendo estas domingueras. Et si depues non diere el ganado a ssu duenno, quantas noches trasnochare, tantos IIII morabetis pectet domino ganati si firmare potuerint, et todauia hyendo por so ganado.
Tod omme que auer o ganado iudgado ouiere a dar a dia de plazo ante lo[s] iurados lo pague. Et si iurados non hy ouiere, ante III uizinos lo pague. Et si hoc non fecerit, nol uala.
Tod ome que iudizio de iurad o de alcaldes negare, meta penos de morabeti en manos de lo[s] iurados, et si no los metiere, por hy cayat.
Todo cauallero que en apellido non fuere, pectet V carneros militibus. Otrosi cauallero que se ueniere sin mandado de alcaldes o de uozeros, pectet V carneros militibus quantas noches trasnochare.
Tod ome que ganado ageno prisiere o auer ouiere a dar, si manifiesto fuere, delo a ssu senor sine ulla calona fasta VIIII dias. Et si
negare et postea ei firmare, pectetlo doblado al quereloso. Et andando la rafala allende la sierra de San Pedro, neguno non aduga so pastor a plazo, fasta que passe la rafala aquende sierra.Otrosi nenguno non aduga so pastor a plazo depues quel ganado passare allend Taio pora sierra fasta su uenida.
Iudizio que alcaldes iudgaren en rafala, preste so iudizio todo tiempo fuera siquier dentro ena uilla.
De toda corredura que caualleros o iurados de rafala fizieren de ganado de fuera[s] de uilla que caualleria non touieren, prendan de la cabana de las oues XX carneros, et de cabana de uaccas accipiant II uacas, et saquenlas por X morabetis fasta III oteros. Et si non sacaren amplius non respondan.
Tod ome que ganado de fueras de uilla quartero o soldariego cogiere, pectet L morabetis, medio a duenos de ganado et medio a iurados.
A qui el conceio ploguier de coier so ganado que de fuera de uilla fuere, non aya poder de dar cauallero si non fuere cauallero de Caceres. Del dia que prisieren caualleros rafala todas las demandanzas del ganado en so poder sean.
Del dia que lo[s] caualleros prisieren rafala o algun ganado fallaren, siquier d'oues tam de uacas, de omme que non sea nuestro uizino, corranlas cada tercer dia a ffuero fasta que uazien la terra o den cauallero.
Los caualleros, depues que fueren en rafala, fagan sus eguaias por sus aportellados poner. Et pongan sus alcaldes et uozeros et rafaleros.
Los caualleros, depues que rafala prisieren et fueren en apellido o en buelta, et algun cauallo hy muriere o se perdiere, erechenlelo su cauallo ganancia auiendo, assi como touieren los alcaldes et los uozeros que es derecho. Si algun omme prisieren desta parte et estos prisieren algun omme del otra tan moro quan christiano, tal prision le den que lo quite. Et si tal preso non prisieren, darle el meior que prisieren. Et si preso nenguno non prisieren et ganancia ouieren, denly X morabetis.
Tod ome que ouiere de L oueias arriba et II manos las fiziere por miedo de caualleria, pectet como por caualleria derrangada.
Tod ome que suo ganado sacare fueras de termino por mieeo de dar caualleria, prendenly también como si andudiesse en el termino, et el ganado le corran fasta que lo meta en caualleria.
Los caualleros prendan caualleria XV dias depues de san Migael et tenganla fasta primero dia de abril. Et alli la prendan o sse auinieren duenos de ganado et assi la tengan como se auinieren duenos de ganado.
Cauallero que fuere a ccorrer et non leuare escudo et lanza et espada et II espuelas, si non pectet II morabetis militibus. Et si la corredura le[s] ampararen, non ayan calonna.
Todos los pastores que andudieren en termino de Caceres, todos uengan a otero en el dia de san Martin et el domingo de las ochauas
de Nathal et el otro el primer dia de abril. Pastor que hy non uiniere, pectet X carneros pastoribus. Tod pastor que mesta troguiere et hy no la aduxiere, pectet V carneros, e hy ouiere los pastores que es derecho, hy fagan otero, et los pastores lo aprieten por esto.Tod aportellado que a ssu amo fizier perdida, a tal fuero aya como el pastor mismo.
Mando et otorgo al conceio de Caceres que non uayan en hoste mays de XXX dias, et esto con el cuerpo del Rey, et non con otri, et en su frontera. Despues que fueren LX annos passados que Caceres fue presa, el que ouiere a pechar fuero al Rey non pectet mas de I morabeti en el anno, fueras moneda. Qui ouier ualia de XX morabetis en mueble o de LX en rayz, pectet et faga fuero entrego. De la meatad el medio aiuso, nada. Et en esta cuenta non entren uestidos nin basiia de su casa, nin su ropa. Et si dixerit: «non e ualia», faga derecho si quinto, et sea creydo. Non obedesca conceio de Caceres a otri si non al cuerpo mismo del Rey. Et del Rey aiuso non aya otri poder sobre la uilla, et sobre sos uezinos, si non los aportellados de conceio, cada uno en su portiello, assi como iaz en este fuero.
Toda cosa que en este fuero non yoguiere, sea en aluedrio de alcaldes et de bonos omes.
Mando et concedo a cada uizino de Caceres, sus casas, heredades, ortos, molinos, alcaceres et todas sus particiones que fueren fechas por sus se[x]meros et por mandado de conceio en domingo fecho, et presten. Otrosi las particiones que una uez fueren fechas tam de uilla quam de aldeas, presten, et non sean mays rebueltas. Et qui la quisier reboller pectet mil morabetis al conceio et non preste.
Depues que conoscier el uizino su racion de heredad, uenda qui quisiere et compre et preste. Et si uendiere lo que non ouiere conoscido, nin preste al qui uendiere ni al qui conprare, mas denlo ad pobladores.
Todos los pobladores que ante de particion de las tierras uinieren, denlis raciones. Et a los que depues uinieren no les den d'aquelo partido et compren si quisieren.
Quando conceio quisier partir por conceio en domingo manden a los sexmeros que parten lo que lys mandaren de tal logar a tal logar et tomen bonos omes de conceio et eguen los sexmos. Et pues que fueren eguados o se acordaren la mayor partida de los sexmeros que fagan aquelo uala. Et echen sortes et conoscan los sexmeros cada uno su sexmo et fagalo uintenas. Et sexmero et uintenero herede et reciba todos los que heredo enas otras particiones. Et non reciba heredero d'otro sexmo nin de otra uintena, sin non fuere poblador. Et si lo recibiren, pectet I morabeti al conceio; si non saluese al fuero. Et el sexmero tome II quinones ol cayere por sorte et el uintanero tome un quinon qual quisier e los otros sorteen, et otri non tome mays nil preste. Si sexmero o uintanero tierra furtare, o uendiere, o dineros tomare por dar heredad, salga de portiello por aleuoso et non aya mas portiello, nin testigue. Todos los quinones que uazios fallaren, denlos a pobladores o los metan en pro de conceio. Los sexmeros ni los uinteneros non s'echen tras anno nin tras ferias a los herederos por heredat de particion. Los sexmeros iuren por conceio et los uinteneros en mano de los sexmeros et delant sus herederos. Qui fuer uintenero en una particion, non sea uintenero en otra, et si fuere, non preste. Tod omme que demandar heredad de particion, et pudiere firmar con sexmero o con uintanero et II uizinos que primero le fue dada que a ssu contendor o li cayo por suerte, presteli.
Por nenguna cosa non de el conceio entrada a portero de Rey en casas ni en heredades de uizino de Caceres, mas de fiadores que faga quanto mandare el Rey, et fique cno suyo. Et si fiadores non diere, tome el conceio todo lo que ouiere et respondan, con el et con todo lo suyo al Rey.
Si por auentura alguno s'alzare a otro escriuano del escriuano de conceio, porque cueda que nol iudga derecho, alcese, et trayan otro que lea la carta. Et si esso iud gare el otro por la carta que el escriuano de conceio iudgo, prinde el escriuano hata VIIII dias a aquel que se alzo por tanto como e aquela demanda, et fagalo uerdadero por conceio. Et si meioria le iudgare el otro por la carta que non el escriuano de conceio, sea el escriuano periurado, et prendelo el que se alzo hata III dias por las calonnas et hata VIIII dias por toda la demanda.
Tod omme que echare can muerto o puerco muerto, o moro o bestia muerta, o tal cosa que fidionda sea ena cale o ena uilla pectet I morabeti, medio al conceio, et medio a los uizinos da cerca. Et qui tal cosa que fidionda sea echare, echela X estadales arredrado de la carcaua o de la casa mas arredrada del arraualde; si non pectet el coto, sicut dictum est. Qui lechon, o perrezno, o gato muerto o aue echare en la calle, pectet V solidos a la uizindad. Si lo echare en corral o en casa de uizino, a aquel que faze la desorna a aquel pectet el coto. Et por tod esto qui ouiere affirmar, quien mayordomo de conceio quier otro, con I uizino firme o muestre uerdade. Qui quemare muradal o uuesos o cuernos, o a tal cosa que fiede pectet I morabeti al conceio, fueras uisperas de Sancti Iohannis.
Tod ome que losas ouiere en termino de Caceres fueras de la defesa de conceio, ayala[s] por eredade. Tod omme, que sacare coneio de losa agena, pectet IIII morabetis al quereloso et el coneio doblado, si potuerint ei firmare; sin autem saluetse, sicut forum est. Toda losa aya coto arredor de si que nol paren lina ni otra paranza, fasta un estadal aderredor de la losa a todas partes. Et si en este coto le pararen lina ni otra paranza, el dia primero desparela et ceuela. Et si sobre esto ly armare alguna paranza otro dia, pectetli I morabeti, si ei potuerit firmare; sin autem saluese con I uizino et alter la manquadra. Tod omme que desarmare o cogiere lina o cepiello de coneio por cada una noche pectet I conecho et por de dia perdiz al quereloso, si potuerit ei firmare. Sin non saluese sicut fuerit la peticion.
Tod omme que colmenas ouiere et a primas poblare corral con sus colmenas, nenguno non sea osado de meterly hy otras colmenas,
si non fuere por su amor, fasta una piedra echadura ha derredor. Et si le las hy metieren por fuerza, por quantas noches hy trasnocharen, tantos IIII morabetis pectet al quereloso fasta que las saque. Et si por auentura companneros fueren en una maiada et los unos quisieren guardarlas et los otros non, el qui las non quisier uelar o dar soldada por uelarlas, saquenlelas los otros conpanneros fasta una piedracha echadura aparte de las otras et sin calona, depues que testigos le fizieren. Toda exambre que exiere de un corral et fuere a otro et se boluiere con otras ayanlas por medio. Et si con otras non se boluieren, tome las so donno sin calona o quiere que las falle.De toda demanda diga el qui demandare de que es aquelo que demanda o por que, o como, ca ay cosas que es perigro del alma. Assi como es logro, que non deue christiano a christiano iudgar nin dar, et si lo iudgaren, non preste. Et cayales en peiurio a los que lo[s] iudgaren a dar, de christiano a christiano, et en descomulgamiento. Et otrosi a los que tienen la uoz de los logreros, et a quantos lo oden, et no lo deuieran. Por tod esto mando que qui demandar diga de que es o por que es o quanto es. Si no lo quisier dezir el qui demanda non responda el otro. Si sobr'esto le demandaren bestias meter no las meta. Si lo prendaren los alcaldes, tornenle sos penos con IIII morabetis, et sean periurios. Si el otro lo prindar, tornely los penos con II morabetis.
Tod omme que preso fuere et en la prision de conceio entrare et hy trasnochare, si uizino fuere, de en cepagdo I ochaua de morabeti. Et el qui uizino non fuere, de I ochaua a la entrada, et otra a la exida. Et si hy non trasnochare, non de nada.
Tod omme qui iudizio ouiere con otro, tambien de corral tambien de otro iudizio, et este comedio enfermare o catiuare o muriere, o enemizidad le uiniere, non sea caydo, nin pectet calonna. Et por la enfermedad quando sanare iure que tal enfermedad ouo que a plazo non pudo uenir et responda. Et si non iurare, pectet la calonna sicut forum est.