XIX. De los fueros que dió el Rey.

In Dei nomine. Hec est carta de los fueros que dió el Rey Don Sancho, que murió en Oscha, a los buenos ynfançones de Sobrarbe. Mando primerament que tod ynfançon quel siguiese asso cuerpo con pan de III dias: a batalla campal o acerca de castiello.

I. De heredat dada a fillo en otro Regno.

Mandamos por fuero de infançones ermunios de Sobrarbe que todo ricomne cauallero o duenna de linage que ouiere I o dos o tres fillos de bendición ⁊ ouirere eredades en II o en III regnos o uillas, ⁊ el padre o la madre viuos estando lis establecieren o lis mandaren asignando: "Damos a N. nuestro fillo

que aya tal eredat de tal regno o uilla pues nuestros dias, ⁊ aquel otro N. nuestro fillo que aya la de tal regno o uilla, ⁊ el otro N. lo de tal lugar, por mayor firmeza damos let ffe ⁊ testimonias", porque al uno o a los dos o a los III non les agrade lo que los padres fazen ⁊ sean de edat o non de edat, mandamos por fuero que ualga el dono que a cada uno fue dado, que por fuero si los padres lo quieren fer los fillos non los pueden y embargar nin reuocar, que sis quisiessen los padres todo lo podrian uender o empennar o dar ⁊ efer ent lur uoluntat si doncas non fuessen heredades de auolorio que fuessen establidas a nietos, otrossi se lo pueden fer lauuelo o la uuhola si padre o madre moriessen destos fillos ante que los auuhelos, ca esto es patrimonio lo otro es auolorio.

V. De como omne puede camiar o millorar su razon.

Si dos omnes mueuen pleyto ante alcalde ⁊ non sea fiançado nin preso judizio ⁊ mudaren aquel alcalde o muriere delant lotro alcalde, bien podra fazer otra demanda ⁊ mellorar su pleyto si doncas non fore la razon fiançada o testimoniada en guisa que sia manifiesto, mas si la razon fore de manifiesto ante lalcalde lo pueden prouar con testimonias, a aquella sola razón aura a responder por fuero de Sobrarbe.

X. De dar jura o adobar sin justicia.

E si alquno prende plazo de dar jura con otro en judicio ⁊ quando fueren a la iura se quisieren adobar, por fuero de Sobrarbe fer lo pueden sin la iusticia si doncas non fore fiançado de dar la iura ⁊ que la aya recebida con el demandador e la iusticia; otro si es de fiança de niego si dada fuere como dito es.

XXXVI. De fer lenna.

Establimos ⁊ damos por fuero que an los infançones de Sobrarbe que todo ynfançon atal o uilla que fore poblada a est fuero que ayan toda lenna seca, tamariz o escuero en nuestros montes ⁊ caças ⁊ pasturas ⁊ todo lo que podieren labrar ⁊ romper non faziendo danno a sos uezinos, ⁊ en las aguas pocas o grandes pescarias, cannares, molinos, tahones en lures fronteras non afollando el camino del rey, ⁊ en lures heredades casas, torres, fornos ⁊ toda milloria non faziendo danno a sos uezinos, ⁊ sean quitos de todo mal usage, portages ⁊ lezdas por todo nuestro regno. Et ayan de fer ⁊ meter alcalde concello confirmandolo el rey o sennor. Et de heredar sines fuerça nulla de rey nin sennor castiello o uilla de auolorio o de patrimonio o por si mismo o por su dreyto o de parentesco ganados ⁊ con tot aquell milloramiento ⁊ examplamiento que ellos y podieren fer no noziendo a sus uezinos. Et esto que ayan por que ellos nos aiudaron a ganar ⁊ emparar ⁊ deffender las tierras ⁊ conquerir las de los moros ⁊ retenerlas.

XXXVII. De infançon hermunio.

Et es otro fuero de ynfançon ermunio por fuero de Sobrarbe qui prende de sennor ⁊ non da a null sennor si non fueres preso, fueras feyto como de homicidio o de

otras tales cosas o forças que son contra todo dreyto, de seruir sennor faziendol el sennor por que ⁊ partiendo el bien de la tierra con el si fore so natural rey o sennor ⁊ faziendol bien ⁊ pro segunt sos uezinos tanto por tanto, non a poder de lexar el bien de so sennor natural por otro sennor. E aquest tal yfançon a todo dreyto de caualleria ⁊ encara de ser sennor de caueros si tanta gracia li quisiere dar Dieus con so rey natural o sennor.

XXXVIII. De qui prende descomunal usura.

E damos por fuero de Sobrarbe que si iudio o moro prende de cristiano descomunal usura, que los cristianos daquella uilla que lo puedan yetar de uezindat, assi como a cristiano descomingado en eglesia. E si por uentura non sen quisiere emendar, ⁊ passare anso ⁊ dia, de aquel dia adelant puede el sennor de la tierra prender el cuerpo ⁊ lauer como erege a so merce de fer end lo que quiera por fuero. E si por uentura quisiere o ouiere a uenir a conto dentro el anno ⁊ dia del descomunal logro preso, e ouiere mellorada la heredat, la casa de refer, o la pieça de plantar, o pieça, o uinna, o orto de tapiar, aquella mission uerdadera de[ue] si contar ⁊ la labor, ⁊ pagando el cristiano el comunal logro deue cobrar so heredat que auie perdida por descomunal logro, que si assi non fuesse I iodio solo logrero o moro podrie tanto ganar ⁊ conquerir de los cristianos en pocos tiempos ond nuestro regno se aurie a destroyr.

XL. De dar fiança que aya quanto es la demanda.

E tod omne que ouiere a dar fiança por demanda que faga de heredat o de noble por si o por otros hermanos que non sean en la uilla o en la tierra del regno, deue dar por fuero de Sobrarbe tal fiança que aya tanto de ualía de heredat o de moble quanto es la demanda, por ço que si por uentura fore uençido el demandador que se aya lotro en que tornar de la fiança ⁊ entrequar quando los otros qui non firmaron uienga demandar.

XLI. De heredat posedida XXXI annos ⁊ un dia.

E tod yfançon de fuero de Sobrarbe quis touiere heredat de compra o de donación o afillamiento, pues la aya possedida XXXI anno ⁊ I dia, ⁊ alguno li pusiere mala uoz, si aquel que la possediesse pueda prouar quel que la possedio tantos annos ⁊ en so faz daquel, ⁊ entrando ⁊ exiendo en la uilla, ⁊ en logar for es heredat, iamas non responde por fuero, empero mostrando el possedidor mostra de scriptura ualedera atal que deua ualer o testimonias ⁊ buen recabdo.

XI. De qui mata su enemigo desafiado.

Fuero es de Sobrarbe ⁊ antiguo ⁊ prouado que si alguno matare so enemigo desafiado, puesque X dias passan o sean passados, que nol prenga nulla res de lo suyo, bestias, ni armaduras, ni null auer, por que non sia conoscido que por cobdicia de lo suyo lo mato, ⁊ con tanto nol podran dezir robador ni que lo mato por su algo que traye.

XXIII. De qui pone su heredat en pennos.

Fuero es antigo de Sobrarde ⁊ prouado, que si algun omne pone a otro su heredat en pennos a asignado termino, ⁊ lenpennador non podra o non querra lauer render al termino nin lotro non la quiere mas tener, deue pennorar su fiança o su depdor si lo a, ⁊ si non lo a deue pennorar su marquero, ⁊ si diere los pennos a cableuar deue ⁊ puede recobrar la pennora quando se querra tan bien en tiempo de yuierno como en otro tiempo. Enpero si aquel qui la heredat enpenno non ouiere ont la pueda redemir diz el fuero que por la boca de alcalde ⁊ de cort deue meter la heredat en mano de corredor otrossi, la fiança ⁊ daquel dia adeuant en mano de corredor dentro XXX dias los domingos ⁊ las fiestas de santa Maria ⁊ de los apostoles non contados en estos XXX dias, ⁊ est espacio es a pro de aquel cuya es la heredat por que la pueda millor uender, ⁊ daqui a deuant non aura mas espacio ⁊ puede qui quiere comprar esta heredat firmando lay la flança.

VIII. De qui fragua en lo alleno.

E damos por fuero antigo de Sobrarue que tod omne que abriere molinar uiello dotri entroa tanto que una muela se mueua aderredor, o plante uinna dotri entroa III fuellas, o se abriere casal uiello dotri, o fraguaia portal que firme sobre otros portales, todas estas cosas si ante que sian complidas no li pusiere alguno que dreyto y aya mala ouz como fuero es, ⁊ el qui la obra ent fuere tenient III annos ⁊ dias o mas, mandamos por fuero que nunca mas ent responda. Enpero estando el qui dreyto y a en el Regno ⁊ entrando exiendo en aquel termino o uilla.

X. De qui crebrantare palacio.

Tod omne que enuadiere palacio de infançon deue peytar al sennor del palacio XXV sueldos. E de la sierra a juso que es dita tierra nueua LX sueldos ⁊ deue honrar lifançon con si noueno que ualgan tanto como el, ⁊ pedirle merçe. E esto cumpliendo si linfançon no quiere prender est dreyto, o lo quiere desafiar, mandamos por fuero de Sobrarue quel ualga a est ⁊ que lo enparen toda la tierra o el Rey o senor qualque fuere, ⁊ nulla rrazon daquel Infançon no sea oyda entre nos ata que est nuestro fuero aya complido.

XXIX. De omne uillano en otra tierna.

E tod omne que uieniere dotra uilla o Regno ⁊ posare en casa de yfançon ⁊ pues la primera nueyt li diere Dios algo a ganar en la uilla o poso, lexando todo

lo de la uiallania en su tierra, deue bien seer yfançon; otrrossi si casare con filla de yfançon, ⁊ otro tal es de uillana si casa con yfançon que deue seer yfançona. E si por auentura posare aquella primera nueyt en casa de uillano, deue seer uillano, ⁊ fer enpues anno ⁊ dia fazendera de uillano. Enpero el yfançon ⁊ el uillano deuen ser el primer anno escusados de toda fazendera fueras ende apellido o huest que deuen ir con sus uezinos. E si fuere doltra puertos, deue el primer anno tener cauallo ⁊ armas, ⁊ sera yfançon por fuero de Sobrarue.

XVIII. De alcalde non retener carta por judgar.

Nul alcalde por fuero de Sobrarue non puede rretener juyzio por judgar plus del dia que prende la carta entro III plazos, ço son de XV dias, ⁊ si al XVo dia pasado non lo a judgado, jamas no y puede el dar juyzio por fuero, ni deue retener la carta.

LXXIX.

Otro si es fuero de Sobrarue que si alguno recibiere de otro espada en pennos o a priestamo o en comanda en la qual ouiere argent ⁊ la perdiere, seyendo prouado bastantment por personas fide dignas que auia en la espada oro o argent, deue peytar al sennor del espada C. sueldos, ⁊ si no ouiere oro o argent, el recebidor del espada due por parar III espadas antel sennor o ante lalcalde del fecho, ⁊ si quisiere recebir la millor iure que tanto ualia ⁊ recibra la luego ⁊ si no quiere iurar prenga de las otras qual más quisiere sin iura ⁊ sagramiento alguno.