La Reyna. Governador: Vuestra letra havemos recebida. E aquella entendido, vos respondemos que havemos havido placer, e tenimos por muyt buena la respuesta que havedes feyta a los missageros del Comte e Comtessa de Foix, como nos paresce muyt bien posada, ordenada e fundada, en la qual nos paresce devedes perseverar e tenir toda vegada.

Assímismo nos paresce, si vos empero no veyedes otras razonas por las quales no se deva fazer, que fagades respuesta a los ditos missageros por vuestra letra, si vos la demanaran, con la qual fagades saber a los ditos Comte e Comtessa, que fazer respuesta a ellos en las cosas que vos han explicado sus missageros, non conviene a vos, sino al Príncipe de la tierra. E como vos, e todos los otros grandes e chicos del Regno d'Aragón e de los otros Regnos e tierras pertenescientes a la Corona, hayan por su natural e indubitado senyor al Senyor Rey Don Martín, agora fincant en el Regne de Sicilia, que vos paresce deviesse haver dreçada su missagería al dito Senyor o a la Senyora Reyna dona María, su muller, pressent e representant su persona.

Otrossí, nos paresce, si vos pero lo havedes por bien, que familiarment li devedes facer mención, en la dita vuestra letra, que porque sodes su servidor e copdiciades su bienavenir, por el grant deudo que yes entre las Casas d'Aragón y de Foix, que vos desplace muyto lo que face, e que vos ende maravellades muyto, car notorio yes a todo el mundo que la dita Comtessa, ni otra fembra qualquiere, fincando en el Regno hombre masclo de linaje reyal, no puede succedir en el Regno, assí por las ordinaciones feytas por los Reyes passados d'Aragón, como por la successión possada en el testamento del senyor Rey Don Pedro, padre del senyor Rey, como assímismo por la carta que yes feyta entre los ditos senyor Rey don Johan, que Dios perdone, y el senyor Rey agora regnant, con la qual adiunicen se succedierán, yes a saber, el dito senyor Rey don Johan el Regno d'Aragó y el dito senyor Rey Don Martín el Regno de Sicilia, en caso que moriessen siense fillos masclos. E que por todas aquestas razones, e muytas otras que serían largas d'escrevir, los ditos Comte e Comtesa se deurían lexar e callar de tanta injusta demanda. Dada en Barchinona a XX VIII días de julio del anyo M CCCC LXXXX VI. La Reyna. -Domina Regina mandavit mihi Guillermo Ponci. -Dirigitur Gubernatoris Aragonum.