In Dei nomine. Ego Menendus Dei gratia abbas monasterii sancti Ysidori una cum omni conuentu eiusdem ecclesie, uobis hominibus nostris quos moramini in uilla nostra que dicitur sancta Eugenia, facimus cartam de foro. In primis quod detis nobis unum diem ad nostram sernam per unumquoque mensem, ⁊ in ipsis diebus demus uobis panem ⁊ uinum ⁊ conducho, uidelicet quo panis sit de tritici ⁊ uinum inter septem quartellon sancti Facundi. Et uos detis nobis in offercione unum carnerum annalem inter IIIIor ⁊ unusquisque uestrum det decem panes ⁊ singulas medias canadiellas uini. Et si quis ad populandum ibi uenerit in uno anno non faciat forum. Si quis inde recedere uoluerit omnes res suas ferat secum ubicumque uoluerit ⁊ uendat laborem quem ibi fecit cui uoluerit qui faciat supradictum seruicium, ⁊ si non potuerit uendere leuet secum quantum potuerit ⁊ hereditas eius currat ubi ipsi uoluerit. Si quis fecerit calumniam ⁊ posita fuerit in manu uicarii, qui fecerit calumnian regat duas partes ⁊ tercia dimittatur sibi, ⁊ uicarius non querat ullam calumniam nisi ei data fuerit. Si quis fecerit omicidium si infra neuem dies captus fuerit pectet medietate de omni suo abere mobile uiciario sancti Isidori. Si autem post VIII. VIIII.em dies ueniat securus ad uillan ⁊ custodiat se de inimicis suis. Et nunquam detis nuncium nec manneriam. Et nullus uestrum sit uicarius sii uicarius si noluerit. Et in tribus diebus de illis quos debetis ponere in nostra senrra placet nobis ut demus nobis panem ⁊ uinum ⁊ carnem. Et non detis osa ...

Si quis abbas uel prior uel aliquis ex nobis seu extraneis hanc cartam infringere temptauerit, quisquis fuerit, sit maledictus a Deo et beata Maria ⁊ omnibus sanctis Dei ⁊ cum Iuda proditore in inferno damnatus. Facta carta in era M CC III pridie kalendas februarii. Iohanne Albertino episcopo existente. Fredenando rege regnante in Legione ⁊ Gallecia. Comite domno Poncio turris Legionis tenente, ⁊ in eadem uilla uillicante. Ego domnus Menendus abbas hac cartam quam fieri iussi propriis manibus roboro ⁊ confirmo ⁊ signum facio.

Martinus de Rozola prior maior cf. Guterius claustralis prior cf. Pelagius sacrista cf. Omnes canonici sancti Ysidori confirmant. Qui presentes fuerunt: Petrus testis. Dominus testis. Pelagius testis. Petrus notuit.