---
title         : Los Fueros municipales de Cáceres
date          : 1242-1275
purl          : https://purl.uni-rostock.de/demel/t0164
publisher     : DEMel - Diccionario del Español Medieval electrónico (https://demel.uni-rostock.de)
analog source : Los Fueros municipales de Cáceres, su derecho público (Tesis doctoral), por Pedro Lumbreras Valiente, con prólogo del Excmo. Sr. D. Antonio Hernández-Gil, Cáceres 1974.
text encoding : UTF-8
---

[ IX ]
 De moros eran Trugielo, Santa Cruz, Montanches, Merida e
 Badaioz, quando Io ALFONSO, Rei de Leon, di e otorgue al
 Conceio de Caceres estos terminos que en este fuero son
 escriptos, y desta guisa deparados: a primas, con Montanches
 de la Torreziela, que esta enna penna en derecho de Sancta
 Maria, e como ua por Aualtrauiesso, e a moion cubierto por
 ao passa la Calzada en Ayuela y dexa ela Atalaya Dauencalez
 de diestro, que es todo esto de Caceres; e desdi como hentra
 la Calzada en la Sierra, e dende a los fitos o cae el Arroyo
 de la Atalaya del Guiio de la Sierra, e de Alcuesca al Casar
 del Conde Don Gonzaluo al sendero de la Carmonita; e desi a
 la Angostura de la Cara; y dessi a Sierra Trauiessa; e dessi
 al Arroyo de Alpotrec; e el Arroyo aiusso, como cae en
 Botoua, e como passa la Carrera de Badaioz en Botoua e como
 exe el Agua de Zagalla, fasta en el Puerto d'Albocar e
 desende como uierten las aguas a Alconetara por la Mata; e
 desende como uienen por Almadronal; e desi como uiene a la
 Penna de Bololongo e dende como cae el Arroyo de la Figuera
 en Almont, e en so derecho a Talauan, e desi a la Torre de
 Belasco Muza; e como cae el Arroyo de Blasco Muza en Taio.
 De la Torre de la Zafra como parte con Montanches a moion
 cubierto al Castiello de Tamuia e el Castiello de Temuxa de
 Caceres es, e como ua asomo de la Mata al Arroyo de
 Geblanzo; e el Arroyo aiuso, como ua pora los Almadenes: y
 dende como passa el Sendero de Don Uermudo en Almont; e por
 medio de las Cabezas de Montroy como entra el Sendero de Don
 Uermudo en la Xara; e desend a la Torre de la Greda e
 desende como cae el Arroyo de la Coda cha en Taio e Taio
 arriua et auiso, uados, et puertos, entradas, et
 exidas alende, et aquende, con todas sus carreras tam bien
 alende como aquende, de como cae el Arroyo

[ X ]
 de la
 Couacha en Taio, hata como cae el Arroyo de la Torre de
 Blasco Muza en Taio, do io todo el Conceio de Caceres, pora
 portar et passar, et pora seer su heredad; et mando que la
 deffienda el Conceio de Caceres; et si nengun omme de
 Caceres deffendiendo estos fitos que son dichos, et de los
 fitos adentro matare algun omme estrano o el estrano al de
 Caceres, a tal fuero aia como dira sobre defendemiento de
 casa.
 
 Et acotamus istos terminos que nulla cabanna de ganado, que
 intrare in istos terminos sine mandato de Concilio, que
 uizino non fuere, tomenle de la cabana de las uacas II
 uacas. Et de la cabana de las oueias, prendan X carneros. Et
 de porcos V et esto prendan por montadgo cada ocho dias,
 fasta que hiscan de termino; la metad al Conceio, et la otra
 meetad a los montarazes. Todo omme que non fuere nuestro
 [uizino] et casa fiziere en nuestro termino, quien lo
 fallare prenda de su auer V morabetinos, et si la ualia non
 ouiere, aduganle el cuerpo preso fasta que peche estos V
 morabetinos, terciam partem Concilio et terciam partem
 Alcaldibus, et aliam partem qui inuenerit eum. Todo omme que
 taiarae enzina o alcornoque o rama o tueros, pectet V
 morabetinos, la metad a montarazes et la meetad al Conceio.
 Si non fuere pora casas o pora aradros o pora cosa que a
 lauor pertenesca. Et si pora puercos taiaren prendanle V
 porcos. Et si dize non fize esto iuren II montarazes por la
 iura qui fizieron a Conceio que cortando los tomaron et
 peche. Et si montarazes se no se acercaren hi, firmeio con
 III uizinos o fiios de uezinos, et peche. Si no saluese con
 IIII et ille V. Et el otro la manquadra. Et todo este
 montadgo prendanlo omes de Conceio et otro omme non aya hi
 poder.

 De ignem.
 Todo omme que quemare en termino de Caceres monte, o canpo
 desde mayo fasta Sancti Martini, et danno alguno hi uiniere,
 pectet X morabetinos et assus donnos el dano duplatum. Si lo
 pudieren firmar, asi como es superscripto. Et si non ouiere
 de pechar, atenlo de piees et de manibus et echenlo en el
 fuego. Sin autem, saluese con IIII et ille quinto. Et por
 esto non dent manquadra. E destas calopnas tome conceio la
 meetad, et los montarazes la meetad.

 De aurifices.
 Aurifices o ferreros o caleros, o de qual mester qualquier,
 que labraren en termino de Caceres sine mandato de Concilii,
 pectet X morabetinos Concilio si potuerit ei firmare. Sin
 autem, saluese con IIII et el quinto. Et elle la manquadra.


[ XI ]
 
 De piscator.
 Todo pescador que non fuere nuestro uizino et en nuestro
 termino pescare si ad otra parte lo leuare, quilelo fallare
 tomelelo sin calopna, et pectet V morabetinos medietatem qui
 enum in uenerit et medietatem Concilii sin autem, adducat
 eum captum usque dum pectet.

 Qui in uenerit estraneo uizino in nostro termino.
 Todo omme qui fallare uezino estrano en nuestro termino
 tomando azores, o falcones, o gauilanes, prendalo, et trayat
 eum cautum, donec pectet IIII morabetinos, los medios qui in
 uenerit eum et los medios a los alcaldes. Otrosi qui tomar
 azor, o falcon, ho gauilan uieio, pectet IIII morabetinos,
 los medios a los alcaldes et los medios ad conceio. Et
 tomengelo los Alcaldes et denle de mano, et si non sint
 periuratis.

 De non dar portatici.
 Et foro dio el rei et otorgo a los uizinos de Caceres que en
 todo so regno non dent portatici, nec respondeant in toto
 suo regno pro nulla res, dent fiadores ut appareant a
 derecho en Caceres. Et franqueo el Rey a uezinos de Caceres
 suas hereditates et suos homines que ouieren en otras partes
 que non pechen nec fagan fazendera ni den en pecho nin en
 pedido. Et acotalos, que negun omme que en sus heredades o
 en sus ommes metier mano, o en esto que les mando el Rey,
 que pectent mille morabetinos et sit forfectosus, et ad
 quereloso danpnum duplicatum.

 Qui bando facerit.
 Ad isto est concilio auenido, que nengun omme de Caceres qui
 bando fecerit aut bando clamare, foras ad corpo del Rey,
 exeat por aleuoso del Rey et del conceio, et derribenle las
 casas, et perdat quamtum habuerit, et tomen el auer ommes de
 Conceio et metanlo en el castiello.

 Qui quisier raigrar.
 Alcalde o otro uizino de Caceres qui a otro quisier raigrar 
 et non pudiere con el, faga testigos a aquelos que hyso
 uieren que le aiuden,

[ XII ]
 et qui illi adiuuare
 noluerint, unusquisque illorum pectet quantum querenti,
 quomodo ille debebat pectare.

 Qui non quisier hyr a fiel.
 Todo omme a quien demostraren fiel et el fiel dixiere: «fiel
 so», et non quisier hyr ant alcalde, pectet ei I moraueti,
 et el fiel sea de los scriptos del padron et uaya ant el
 alcalde, et si non quisier ir el fiel ant el alcalde o
 dezir: «fiel so», pectet medio moraueti ha aquel con que non
 quier hir. Otrosi qui parare fiel o mostrare plazo a sso
 contentor, et non quisier hir ant alcaldes, pectet medio
 moraueti a sso contentor porque le faz perder sua opera.

 Mugier non uaya fiel.
 Mugier non uaya fiel, ni nenguno a ella, si non fuere por
 radicare, mas demostrele plazo pora collacion conombrada, et
 illa similiter faciat.

 Qui debuerit bestiam mittere.
 Et cui debuerit bestiam mittere, et non miserit, alio die
 accipiat fiel, et pignore pignus de moraueti suo con
 tentori. Et el fiel tenga los penos fasta nouen dias si
 fuere radicatus, et si non tengalos qui los prendare. Et si
 fasta nouen dias non le pararen fiel que sea uicino que uaya 
 a plazo sobre los pennos baraiar a collacion conombrada, o
 aya alcalde, mortificense pignora, et de fiador de que da,
 et si se alzar aquel que tiene los penus de la uilla non se
 amortiguen, mas responda por ellos.

 Qui non prendare fasta VIIII dias.
 Tod omme que non prendare fasta VIIII dias, porque non uino a
 fiel, o por bestia que non misit aut plazo que non uenit,
 non pignoret eum magis pro ipsa calumpnia. Et qui dixiere:
 «a su casa fuy et non falle hy pennos», firme con III
 testigos que alla fue ante de noue dias et non fallo hy
 penos, et del casa con penos. Et depues prende quando se
 quisiere.

 Bestia que mandare soltar alcalde.
 La bestia o la prenda que alcalde mandare soltar et no la
 soltaren, duplela a aquel que demanda, fueras bestias
 d'eredat otorgadas; estas non sean sueltas si non por
 iudizio de IIII alcaldes.


[ XIII ]
 
 Qui baraiar ante alcalde.
 Tod omme que ante alcalde baraiar, et el alcalde pro iudicio
 mandare bestiam mittere, et non la metier, pectet I moraueti
 querenti. Tod omme que bestia ouier a meter, cada tercer dia
 bestiam mittat, et quantas bestias non metier, tantos
 morauetis pectet querenti. Tod omme qui bestiam debuerit
 mittere, mittat una bestia mortua que uala I moraueti, et
 dend adelant meta bestias uiuas al foro.

 Qui uedar de la carta.
 Tod omme que se alzare a la carta, et el alcalde lo uedare de
 la carta et le mandare bestiam mittere, no la meta; et si
 bestia touiere no la solte, et si propter hoc pignorauerit,
 torne la prenda doplada con VI morauetis ad illem qui est
 pinoratus.

 Qui se alzare a la carta.
 Tod omme que se alzare a la carta, el alcalde deles fiel, et
 uayan ueer la carta. Et si illud dixerit cartam quod
 iudicabat alcalde, metta la bestia enna noche et yaga fasta
 que prenda iudicio de la carta. Por so iudizio qui se alzare
 a la carta et el alcalde le uedare la carta, pectet IIII
 morauetis ha aquel que se alzo a la carta, si gelo pudiere
 firmar; sin autem saluese con quatuor et ille quinto. Et si
 en portielo siyen do se amparare, postquam inde exierit,
 responda.

 Qui bestia metier.
 Tod omme qui bestia ouiere a meter, et sin soga la metiere,
 pectet I moraueti a suo contentori. Et si la bestia la
 comiere, pidale otra soga et meta la uerdad que su bestia la
 comio, et delle otra soga en ese dia. Et si non gela diere,
 pectet I moraueti illi cui debet bestiam mittere, et la soga 
 sid de una brazada.

 Qui uedar a comer a la bestia.
 Tod omme qui uedar comer a la bestia ante de tercer dia, o la
 tenuerit in discoperto, firmelelo con III uicinos et duple
 la bestia. Qui bestia ouiere a meter despues de la bestia
 muerta, meta bestia uiua danguera. Et si tal no la metiere,
 pectet I moraueti a so contemtor.


[ XIV ]
 
 Bestia que morier en pennus.
 Toda bestia que en penos morier, uenga so dono et saquela, et
 meta otra in ipso die, et si la non metiere pectet I
 moraueti ad aquel que la deue meter. Et otrosi si la non
 quisier sacar, pectet I moraueti a so contemtor, et ille in
 cuius domo morierit saquet illa sine calumpnia.

 Qui steterit iantando non vaya a fiel.
 Nullus homo non paret fiel a hominem que steterit iantando,
 aut suum capud lauando, aut calciando, aut uestiendo, aut
 laborando, et si fiel le parare esto faciendo, non uaya ant
 alcalde si non quisier, mas demostrel plazo pora otro dia
 exida de missa matinal, a collacionem cognominatam ubi
 habeat alcalde. Et si uoluerit illum radicare, expectet eum
 et quando uiere el fiel que puede seer iantado, uel lauado,
 uel uestito, o calzado, parele fiel et si non quisier con el
 ante alcalde ir, prendat eum sine calupnia; et si non
 uiniere al plazo el que lo demostro pectet medio moraueti a
 so comtentor porque le face perder sua opera.

 Qui ouier a otro bestia a meter.
 Tod omme que a otro ouier bestia a meter et dixerit timeo
 bestiam meam perdere, det hominem super quem sit que non se
 alze cum illa; et si non dederit ei super quem sit, non
 mittat ille bestia. Et qui demostrare plazo sobre ella
 bestia que uadat ad collacionem ubi abeat alcalde, et si
 dixerit alter plazo abeo iudicato de Alcalde ad aliam
 collacionem mittat ueritatem quod ita est, et uadat cum
 illo, et si non dederit ueritatem uadat ad illam collacionem
 ubi mostrat ei plazum. Et si non fuerit soltet la pignora.
 Et si la pignora non soltauerit, de la duplada a ssuo
 contemtori, si illud trasnoctauerit.

 Qui aduxerit hominem a corral.
 Qvi adduxerit hominem cum fiel ad corral, stet usque a la
 derramada de los plazos, et appareat totum diem ibi. Et
 [si]suus contemtor non miserit eum intus, faciat illi
 testigos et uadat sine calumpnia. Nullus homo non cadat per
 iudicio de corral, nisi per corral de uiernes,

[ XV ]
 et
 uiernes iudicen los alcaldes suo[s] iudicio[s] de la uilla,
 et sabbado ayuntense et iudicent los desafiados et adoben la
 pro de Conceio, et si aliter fecerint sit illis in periurio.

 A quien prendaren pro homine que leuo sobre si.
 Tod omme que prendado fuere o fiel le pararem per so omme, o
 per omme que leuo sobre si, et touiere iuzgado po lo aducir
 a plazo si firmar le pudieren que depues que prendado fue, o
 fiel le pararon, ille hominem que ena uilla lo testiguo, e
 las bestias yaziendo lo aduga.

 Qui fuer en carrera non uaya a fiel.
 Tod omme qui exido fuer en carrera con armas o con zarzano, o
 talegas touiere fuera, non uenga a fiel, si quisier meter la
 uerdade que assi es, et si mal enganno. Sin autem ueniat.

 De non parar fiel.
 Nullus homo non paret fiel nisi post missa matutinale dicta
 usque uesperas, nisi ad radicandum hominem.

 Qui dos vezes prendar in die.
 Nullus homo qui bis pignorauerit in die aut parare fiel, pro
 una demanda pectet I moraueti suo contemtori.

 De clerici.
 Qvi rancura abuerit de clerici, prenda fiel clerico et layco.
 Et paret illi fiel e iudicent suo iudicio el uiccario, uel
 qui touier sus uezes con un alcalde layco. Et clerici simili
 modo faciat ad layco. Firmas que abuerint ad facere unos ad
 alios firmen clerici et layci uel layci et clerici in unum.
 Et iuras inter clerici et layci al foro. Viduas et clericos
 siue quintos se saluen pro unde debuerint lidiare excepto
 pro morte de homine aut mulier forciada.

 Qui rancura habuerit de alio.
 Qui rancura habuerit de alio det hominem super quem sit que
 non se al alze, et si nolucrit dare prendat eum sine
 calumpnia et cognominet

[ XVI ]
 eum sua rancura et det
 ueritatem quod ipsa rancura habet de illo, et si non dedit
 ueritatem non leuet eum super se et alter non accipiat
 illum, et si super hoc acceperit eum, pectet IIII morauetis
 illi cauto et dimittat illum. Et si noluerit eum dimittere
 et miseris eum sub tecto, pectet illi X morauetis. Et si
 miserit eum in cepo aut en fierros pectet ei XX morauetis.
 Et quantos dias alla trasnoctauerit, tantos XX morauetis le
 pectet los medios al queroloso et los medios ad illum qui
 leuabat eum super se, et hoc si potuerit firmare. Sin autem
 iuret sibi quinto. Et si ueritatem uoluerit dare et non
 abuerit qui eum leuet super se, accipiat eum absque
 calumpnia.

 De casa con penus.
 Tod omme a quien demandaren casa con penus cognominet tribus
 uicinus qui leuent eum super se et si inter tantum alium
 leuauerit super se laxet eum. Et si de istis tribus nullum
 noluerit leuare super se, prendat eum sine calumpnia. Et si
 postquam captus fuerit hominem dederit qui eum leuent super
 se laxent eum. Et si noluerit eum laxare, quantas noctes
 alla trasnoctare, tantos XX morauetis pectet illi. Tod omme
 que fiador dier tal fiador de que aya ualia de la peticion
 duplada. Et si tal fiador non dederit so fiador non le
 preste. Et si por esta sobrecabadura non pignorauerit aut
 non parare fidel ante unum mensem non respondeat ei amplius.
 Et si parare fiel o prendare ante del mes, respondal fasta
 un anno et non mas el fiador, sed debitor, respondeat omni
 tempore.

 Qui leuar omme sobre si.
 Qui hominem leuauerit super se por pignus de I moraueti o por
 bestia que non metio, o porque non uino a fiel, et non
 prendare fasta IX dias, non pignoret ei amplius pro ipsa
 calumnia que es passada. E dent adelant prende per so auer
 iudgado cabadelant. Et si postea pignorauerit, pro ipsa
 calonna det illos pignos duplatos suo contentori.

 Aldeanos.
 Tod aldeano que casa ouier ena uilla sea uizino si la touier
 poblada con sos omes. Et det el medio diezmo ena collación o
 fuere uezino. Et det a los mayordomos recabdo por todos los
 derechos de Conceio. Et si ita non fecerit, non sea uizino.


[ XVII ]
 
 Qui ouier rancura de aldeano.
 Uezino de la uilla que rancura ouiere d'aldeano parele fiel
 con un uizino aldeano, ut ueniat ad suam portam al tercero
 dia de sol a sol et si non uenerit pectet I moraueti suo
 contemtori. Et alio die ante de los plazos, meta su bestia,
 et baraie sobrela, et si non quisiere baraiar, meta sus
 bestias al fuero, et quantas non metiere, tan tos morauetis
 pectet ei. Et quando uiniere a la uilla, de casa con penos
 suo debitori; et si el de la uilla, inuenerit ad aldeano
 enna uilla, demostr[e] ei plazo con un fiel pora otro dia
 exida de missa matinal a collation conombrada. Et si ille
 mandauerit casa con penos, ibi gela de. Et si el aldeano
 uinier al plazo, et non uinier el de la uilla, pectet ei
 medio moraueti si fuer uizino; et si morador fuere, la
 meatad. Et si el de la uilla uinier, et el aldeano non,
 pectet ei I moraueti suo contentori.

 Aldeano ad aldeano.
 Aldeano que rancura ouier de aldeano, parele fiel con un
 uizino aldeano uel de la uilla ut sit ad tercio die ad
 fenestram Sante Marie de sol a sol, delle casa con penos que
 le este a derecho, et si non uiniere, o casa con penos no le
 diere, pectet suo contemtori I moraueti. Et si dize el que
 ampara: non me demostraste fiel, firmelo con aquel que fu
 fiel, et pectet I morauedi suo contemtori; et si el fiel
 dixere: non fuy fiel, iure con un uizino que non fu fiel, et
 el otro torne los penos con un moraueti suo contemtori. Et a
 qui fiel mostraren et a plazo non uiniere el o su mugier et
 si mugier non ouiere, su celerizo o su omme, pectet I
 moraueti a ssuo contemtori.

 Aldeano que parar fiel ad aldeano.
 Et si un aldeano a otro enna uilla parare fiel, otro dia
 uayan ambos a la finiestra de Sancta Maria, et faganse
 derecho assi como es super scripto.

 Mugier aldeana.
 Mugier aldeana uenga a fiel, si non pectet I morabeti suo
 contentor.

 De fiel.
 Tod omme que dixiere a otro: e uas fiel, et el otro non
 quisiere ir con el, si ualadi fuere o aldeano non raigado,
 accipiat eum absque

[ XVIII ]
 calupnia. Et radicatus
 fuerit en uilla o en aldea con casa poblada, pectet I
 morabeti so contemtori.

 De redro part.
 Tod ome que arredro parte prendare o parare fiel, si potuerit
 ei firmare, pectet I morabeti suo contemtori; et primero
 coia la calompnia del morabeti, et uaya su uoz en ante, et
 despues responda: esta es redroparte.
 
 Tod omme que para fiel o demostra plazo o prenda, et lo tiene
 tras plazo a so contemtor, et uiniene el otro que
 ampara e parale fiel, o lo prenda en ante que le cumpla de
 derecho, esta es la redroparte.

 Iudicio arancado.
 Tod omme que iudicio arancado renouare iudicio, si firmarle
 pudieren, pectet IIII morabetis suo contemtori et prendat.

 Quien firiere uizino.
 Quien firiere o messare a uezino, pectet XII morabetis si
 liuores non fiziere; et si liuores fiziere, pectet XX
 morabetis al quereloso, si ei potuerit firmare. Sin autem,
 saluet se con IIII uicinus, et ille V.o; et si potuerit
 firmare que torno super suum capud, non pectet calupna; et
 si liuores fecerit, pectet medietatem calumpnia.

 Qui firiere.
 Qui firiere o messare a uezino, qual ferida el diere, tal
 espere en conceio, si liuores non fiziere.

 Qui firiere o mesare.
 Qvi feriere o mesare a morador que non fuere uizino, pectet
 II morabetis al quereloso; et si ficier liuores, pectet ei
 IIII morabetis si ei firmare con III tales quomodo ille est.
 Et si non potuerit firmare, iuret ei con I morador.

 Qui firiere o messare.
 Qui firiere o messare uizino o liuores fiziere sobre salua
 fe, pectet morabetis al quereloso, et sos IIII morabetis a
 los alcaldes; et exeat

[ XIX ]
 por aleuoso de conceio,
 si ei potuerit firmare. Sin autem iure cum XII uicinos al
 uicino et al morador con VI moradores.

 Qui firiere o messare.
 Qui percusserit, aut messauerit aut liuores fecerit a morador
 super salua fide, pectet XX morabetis al queresolo, si
 potuerit ei firmare. Sin autem, saluet se sicut supra dictum
 est.

 De salua fe.
 Tod ome que [salua] fe diere, tal salua fe de que abeat la
 ualia de la calumpnia. Et si postquam salua fe diere si
 feriere, aut messare, aut aliquot malum fecerit illos qui la
 salua fe leuaron, si potuerint eum inuenire, accipiant eum
 sine calumpnia, et mittant eum in manus del queresolo cum
 omnia sua bona. Et si in cepo del quereloso muriere, non
 exeat inimicus, nec pectet calumpnia; et si illo[s] que la
 salua fe leuaron, no lo pudieren autem elos pectet la
 calompna.

 Firmar a morador.
 Qui a morador ouiere a firmar firme con moradores o con
 uizinos, quales pudier auer.

 Mugier de uizino.
 Mugier de uizino, fijo o fija de uizino, pariente o parienta
 de uizino, que con su pariente sin soldada morar, aya fuero
 assi como uizino.

 Qui firiere ome.
 Qvi firiere o messare a uezino sobre consilio facto, si
 potuerit ei firmare, pectet XXIIII morabetis al quereloso,
 et al morador pectet VI morabetis. Sin autem saluet se con
 IIII, et ille quinto. Et forcia et uirto. Esto es dedos,
 fasta III et dende adelante.

 De lision.
 Qui ome lisiare, tal iudizio aya como por morte domne. Et de
 tal lision de occulo, de nares, de rostro, de mano o de pie,
 o de pixa, o de coiones, o teta de mulier.


[ XX ]
 
 Qui taiare oreias.
 Qui taiare oreias o dedos de uizino, quantos dedos o quantos
 dientes quebrantare delant tantos XX morabetis pectet al
 quereloso, o si gelos sacare. Et si al morador fizier esto,
 que uizino non fuere, pecte ei medietatem. Et si dixiere:
 non fize aquesto, saluese con XII uizinos, o lidie qual
 quisier el quereloso, e tal morador saluese con duodecimo.

 Qui rancado fuer per calonna.
 Tod omme qui rancado fuere per calonpna pechar de I morabeti
 arriba, pectet en ropa et en ganado; et la roppa o el ganado
 sea de nueuo fasta mediado; et si oro o argento quisiere
 meter en apreciadura, meta et aprecienlo los alcaldes, et
 tomen ende la diezma parte por lo que lo apreciam e dicant,
 propter amorem Dei, et ipsa iura que fecerunt ad Concilium,
 que derecho aprecian secundo suo seso, et por ualia de II
 morabetis II alcaldes lo digan. Et dent arriba IIII alcaldes
 lo digan.

 Qui descabalgare a uizino.
 Qui uizino descaualgare, que cauallero sobiere, pectet ei X
 morabetis si lo pudier firmar, et tengale la estribera. Sin
 autem, saluet se con IIII et V.
 
 Qui aldeano descaualgare, pectet ei II morabetis, et si ambos
 fueren aldeanos, tengale la estribera, et pectet ei II
 morabetis si firmare potuerint ei. Sin autem, saluese con
 dos aldeanos al fuero.

 Qui occiderit hominem.
 Qualicunque homo, qui hominem occiderit, si ueritatem
 invenerint super illum, inforquent illum. Si non lidie de
 pie o de cauallo, qual mas quisier el quereloso. Et si
 ceciderit, enforquenlo, et entre lide et saluarse con XII,
 qual magis querelosus uoluerit. Et si non potuerint eum
 habere, den omnia bona quae habet a parentes mortui, usque
 CCC aureos. Et si CCC aureos non abuerit, den omnia sua bona
 a parentes mortui quinque de suos parentes meliores, quod
 plus bona non habebat, et dent illum ut si inimicus.

 De forcia de mulier.
 Qui aforciare mulier uelada et probare ei potuerint,
 enforquenlo. Et si probar non gelo pudieren, lidie o saluese
 con XII qual mas quisiere

[ XXI ]
 el quereloso; et si
 cadier, enforquet illum. Sin autem, exeat sine calumpnia. Et
 qui aforciare otra mulier que fuere uicina, pectet CCC
 aureos al quereloso, si ei firmare potuerint, et exeat
 inimicus. Sin autem, lidie o saluese con XII uicinos, qual
 mas quisier querimoniosus. Et si cadiere, pectet el ccto, et
 exeat pro inimico. Todo ome que aforciar morador, pectet
 illam XX morabetis si ei firmare potuerint. Sin autem,
 saluese con VI.

 De morte o lision.
 Pro morte de homine, aut pro lision, aut pro mulier forciada,
 desfie en conceio tres domingos con II alcaldes. Qui matare
 ome sobre salua fe, pectet CC morabetis parentibus mortui.
 Et si el dannador pudieren auer, quemenlo. Et si lo non
 pudieren auer, los fiadores que la salua fe leuaron, pectet
 el coto.

 De salua fide.
 Tod omme que salua demandare a otro ante IV alcaldes, dele
 salua fe, o por corral, o per capitulum, o per concilio. Et
 los alcaldes escriuan la salua fe, que si oppus fuerit, que
 las puedan mostrare. Et si la salua fide non escriuieren los
 alcaldes, et postea danno ibi uenerit, si eis firmaren los
 alcaldes lo pecten al quereloso. Et si negaren, iurent
 unusquisque, siue quinto.

 De saluo.
 Tod omme qui a otro pidiere salua fe ante alcaldes, et el
 otro noluerit ei dare, pectet IV, al quereloso los medios,
 et a los alcaldes los medios, por quanta[s] noches alla
 trasnochare, fasta que de el saluo. Et tal saluo de por si
 et per so auer; et si non dederit, metanlo los alcaldes en
 cepo, et si non sea periurios. Et si alcaldes non souieren
 hy et ante III uizinos le demandare saluo et noluerit ei
 dare, prendat lo el quereloso sine calumpnia. Et si dixerit:
 non sum ausus por prenderlo, aiuuate mihi, et noluerint eum
 adiuuare, pectet unusquisque singulos aureos quereloso, aut
 iurent unusquisque con singulos uizinos. Et si dederit super
 quem sit fasta die cognominato, quae de salua fide et
 noluerit illum laxare, fieralo o matelo sine calumpnia. Et
 qui dederit salua fide, dela per si et per sos parientes que
 fueren en termino de Caceres, et de IV fiadores que ayan
 ualia de la petición, o sex. Tod

[ XXII ]
 omme que
 dixier a otro: da mihi salua fide, mittat ueritatem que la
 non demanda sinon per medo que habet del o de so auer, et si
 assi non fiziere, nol de saluo et si la uerdad metiere dele
 saluo.

 De salua fide dar.
 Tod omme que leuare a otro sobre si per saluo et non uinier a
 dar el saluo quando los alcaldes mandaren, a ccorral, o a
 Conceio, pectet IIII morabetis quantas noches trasnochare,
 medietatem querimoniosus et medietatem alcaldibus. Et si non
 fallaren penos al que pidieren el saluo, pectet la
 callompnia el que lo leuo sobre si, et postea que dederit
 saluo, si nemiga fiziere aquel que lo leuo sobre si, pectet
 la calonpnia doblada al quereloso o a sos parientes, e la
 calopna es, si lo matare et lo non pudieren auer, DC aureos.
 Et si lo firiere sobre saluo, pectet la calopna doblada et
 si lo denostare, pectet la calopna doblada et uaya por
 aleuoso del conceio et del queroloso, et estos fiadores que
 leuaron el saluo pectent el auer.
 
 Tod omme que salua diere, o prisiere, ante IIII alcaldes la
 de, o la prenda, o por corral, o por Concejo, qui firmen si
 opus fuerit.

 Desafiado.
 E quien desafiado fuere en conceio por morte de ome, o por
 mugier forciada, o por lision, al primer corral meta sus
 bestias, et si ena tierra non fuere et parientes ouiere,
 metan sus bestias et fagan que mandaren alcaldes: Et si las
 non metieren las bestias, sea enemigo manifiesto d'aquel que
 lo desafio. Et si omme ouier muerto, sea enemigo de sus
 parientes, et si parientes non ouiere, demandelo el conceio,
 et las calopnas metanlas en el castiello facer. Qualicumque
 homo qui desafiado fuere, sicut supra dictum est, et enna
 uilla fuere, meta sus bestias, et uenga delant alcaldes, et
 ponga sus uozeros, et los alcaldes denles II fieles con que
 se uaya encerrar; et hi digat en qual casa se quier
 encerrar. Et si postquam incerratus fuerit, fueras lo
 testiguaren con III uizinos, fueras per iudizio de alcaldes
 que lo mandaron desencerrar, quantos dias lo testiguaren
 fuera, tantos X morabetis pectet a parentibus mortui. Et
 ille dando derecho assi como mandaren alcaldes y el fuero,
 affidiendo, et quantos dias passaren que no lo quisieren
 affidiar, tantos X morabetis pechen illi inimico, si ei
 potuerit firmare con III alcaldes, que lo non quisieron
 affiar.


[ XXIII ]
 
 Qui colligerit inimico alieno.
 Tod omme que enemigo ageno cogier en uilla o en aldea, que
 sea uizino de Caceres, a nuestro fuero sacado per enemigo,
 pectet mcrabetis al quereloso si en casa ge lo pudieren
 testiguar con bonos omes, assi como es fuero, et a los
 alcaldes pectent IIII morabetis; sin autem, saluet se con
 IIII [et] el quinto. Et si dixerit: In domo tua est meo
 inimico, aperi mihi tuam portam, et noluerit ci aperire,
 firmelelo, et pectet ei calupnia super scripta, sicut in sua
 casa lo testiguase. Et en aldea con aldeanos firme; et en
 uilla con III uizinos.

 Qui ouier affirmar.
 Tod omme que afiirmar ouiere a uizino, fime con III uizinos o
 fiios de uizinos que souieron delante que ayan XV annos o
 dend arriba, et non menos; et a morador con III moradores,
 et non menos, o uizinos.

 De muerte o de forcia.
 Pro morte d'omne o por mugier forciada o por lision, II
 bestias meta denguera, et por toda otra cosa una beslia
 meta, et si per magis eum accotauerint, non mittat nenguna.
 Et les bestias que deuiere meter, cada tercio die las meta,
 et una cauallar o mular por dos asnales.

 Pro muerte o pro mulier forciada.
 Pro muerte de ome o por mugier forciada o por lision entre
 lidiar de pie o de cauallo, et saluarse con XII qual quisier
 el quereloso, tal cumplan.

 Mulier que fecerit aleue.
 Mugier que fiziere aleue a sos parientes, magenla et matenla
 sin calopna, si gelo pudieren firmar con bonos ommes, hy
 esta[s] firma[s] non recudan a rrepto.

 Qui inuenerit hominem con su mulier.
 Tod omme que fallare otro con su mugier o con su pariente,
 usque ad secunda, si habuerit uirum ad benediciones uel ad
 iuras, matedlos

[ XXIV ]
 ad ambos sine calumpnia, et non
 exeat inimicus. Et si occiderit uirum et non mulier, pectet
 CCC morabetis, et exeat inimicus, si eum non potuerint
 habere, et si matare a la mugier et al baron non, pectet CCC
 morabetis, et exeat inimicus si eum non potuerint abere. A
 los parientes del muerto pechen estos CCC morabetis. Si
 parientes non ouieren, el conceio lo tome et lo metan en
 fazer castiello.

 Qui se casar a solas.
 Mugier que a solas sin sos parientes tomar marido, si fuer
 manceba sea deseredada, et qui la tomar sit inimicus. Uidua
 accipiat uirum qualem uoluerit cum suis patentes.

 Manceba casar.
 Manceba orphana los parientes d'ambas partes la casen. Et si
 parentes de una parte la casaren, qui eam casauerit sit
 inimicus, et pectet el coto a los otros parientes, quomodo
 si la matasse.

 Quien duxerit mulier de arras.
 Qui uoxorem duxerit, det ei en arras, et en uestidos, et en
 uodas quanto se auniere con los parientes de la esposa, et
 prendan fiadores de arras et por repintaias de morabetis.

 Uidua.
 Uidua que talamo fiziere, pectet VI morabetis, III a los
 alcaldes et III al conceio.

 Uibda que fizier uoda en die domingo.
 Uida non faga uoda die domingo, [nin] uaya cauallera al
 ecclesia, ni tome marido ante d'anno. Et si aliter fecerit,
 pectet, ut supra, los medios al conceio et los medios
 alcaldes de conceio, nec exeat cauallera ad cosso ipso die,
 et non cauallgue nenguna mugier con ella.


[ XXV ]
 
 Quien eiecerit mulier.
 Qui mugier uelada o de iuras en mano de clerigo exiccerit
 extra domum, et postea uoluerit eam accipere, det illa uoda
 et arras, assi como de primero, et accipiat eam. Et si illa
 dimiserit uirum suum sit deseredada, et qui eam amparauerit,
 pectet X morabetis al marido quantos dias alla trasnochare,
 si gelo pudiere firmar. Sin autem, saluetse con IIII et ille
 quintus.

 Qui demandar forcia.
 Tod omme qui demandare forcia de mulier, et el otro dixiere:
 non fiz esto si non per sue uoluntad et per mio auer quel
 di; por esto manifiesto non lidie nin pectet calopna. Et por
 lo demas niegue o manifieste, et faga quanto mandaren
 alcaldes, et la manquadra que dier la mugier a tal sea: iure
 con IIII et ille quinta de sos parientes, et si parentes non
 abuerit, iuret con IIII uizinos que in ip so die fue primero
 forciada d'aquel que se querella, et non per sue ueluntad,
 ni por auer quel disse. Et si ella uinier ant alcaldes o
 ante bonos omes rascada o conronpida, et su querela
 demostrare, entre lide et iura qual quisier el quereloso. Et
 si non iurare la manquadra, non responda, a la uicina como a
 uizina, et a la morador como a morador, assi como escripto
 es ut supra. Et sobre esto qui se quisier alzar, alzesse et
 meta pignus de II morabetis, et el otro de dos morabetis, et
 ille qui ceciderit det II morabetis a los fideles et el
 altero non de nada.

 Qui dixerit uia a las armas.
 Qui dixerit uia a las armas por boluer uando, pectet X
 morabetis, s'illi potuerint firmare con III bonos omines;
 pectet los medios al conceio et los medios a los alcaldes.
 Sin autem, saluese con IIII et ille quinto, et estas firmas
 non recudan a rrepto.

 Qui ferier a uezino.
 Tod omme que feriere a uizino con cuchiello, o con porra, o
 con piedra, o con taragulo, o con cosa que feridas faga de
 muerte, en el cepo iaziendo, pectet la calomna al quereloso.
 Et [si] non ouier onde pechar fasta VIIII dias, cortenle la
 mano los andadores. Et si el otro murier, enforquenlo. Tod
 omme que firiere et non fore ferida mortal, enna prision
 iaziendo, de fiadores et este ad derecho al quereloso.


[ XXVI ]
 
 Iudus qui comprare pescado in uernis.
 Nullus iudeus qui pescado conprar en uiernes pectet I
 morabeti a los alcaldes, et si el christiano lo comprar por
 al iudio pectet I morabeti alcaldibus. Sin autem, iuret con
 un uizino.

 De uiduitatem.
 Mulier que uiduitatem uoluerit tenere, accipiat unam casam de
 XII cabriadas, et una terra de dos caffizes semnadura,
 ubicumque uoluerit et una aranzada de uina, ubicumque
 uoluerit, et una uize e molino aut in azenia acabo de XV
 dias un dia, et una bestia asnar, et una mora o un moro, et
 un lecho con guenabe et con alfamar, et hun fierto, et un
 cabezal, et II sauanas, et una caldera, et II bues, et XII
 oueias, et una porca, et desto todo lo que ouiere prenda, et
 non prenda en otra co sa, et hoc accipiat de auer dambos, et
 si non abuerit, tomet la meatad del auer del, si quisier
 uiudadad tjelner. Et qui esto tomare lieue in die dominco et
 in die lunes bodiuo, et dinero et candela, et cuantos dias
 no lo leuare tantos morabetis pectet a parientes del morto.
 Et postquam acceperit et lo delexauerit, aut uirum
 acceperit, delo duplado.

 Qui mandare por su anima.
 Tod omme que enfermare et mandare pro sua anima, et despues
 otra uez mandare la postremera manda preite.

 Qui muriere que den su cauallo per su anima.
 Tod omme que muriera, den so cauallo et sus armas a so filio
 maiori. Et si filio baron non abuerit, dent suas armas et
 suo cauallo pro sua anima sine otra particione, et alios
 filios non accipiant integra.

 A quien su mulier muriere.
 Tod omme a qui su mugier muriere, sacque ante de particion
 una bestia qual quisier daquelas que ouieren. Et saque sus
 armas et su cauallo et sus uestidos quales ouo fechas en
 uida de so mugier. Et si

[ XXVII ]
 cauallo non ouier,
 saque una bestia de siella sicut dictum est, et un lecho de
 ropa. Otrosi la mulier saque ante de particione todos suos
 uestidos los quales ouo fechos in uita uiro suo, et un lecho 
 de ropa.

 De unitate.
 Uiro et mulier que unitatem fecerint, faciant illam in die
 dominco, exida de la missa matutinale in collatione de
 uilla, aut sabbado ad uesperas, et preste: Sin autem, non
 prestet.

 Manda de mulier ad uirum.
 Manda que mandare uirum ad mulieren uel mulieren ad uirum,
 usque ad medietatem de so auer del que finare preste. Et
 desuper non preste, et si mas mandar del auer que ouiere,
 segun como mandare, asis corregan las mandas.

 Qui casare ante de anno.
 Mugier que ante d'anno tomar marido, pectet III morabetis a
 los alcaldes de germanitate. Et si con mandado dalcaldes
 casare, como se con ellos auiniere, et si mulier pregnata
 acceperit uirum, sit deseredada, et tomen la metad de so
 auer, tan de moble quam radice, los parientes del morto; et
 aliam medietatem accipiat concilium per al castiello; et qui
 acceperit eram pegnatem, si infans mortuum fuerit, pectet
 calopna parentibus mortui, et exeat inimicus.

 Qui obierit.
 Nullus homo qui obierit, aut mulier, et filios aut filias
 habuerint, et uirum acceperit mulier, uel mulier acceperit
 uirum, et non ha buerint partido con suos filios, et post
 alios fecerint, et obierit ille aut illa, con los primeros
 parta ante tam radicem quam mobile quibus pertinet, et
 postea parta cum alios filios. Et si aliquam ren metieren
 pater aut mater, de auer de illos orphanos que sunt sine
 patre, aut sine matre, in oppus sui de radice o de moble, et
 fuere adelante, partan los filios uel filias con el padre o
 cona m[a]dre illo auer que fuit de suo patrimonio, aut
 parentes quibus pertinet, et postea partan su herencia et su
 moble que ganaron ambos en uno et los otros fiios, o el o
 ella con sos fiios, o con sus fiias, et de todo so auer assi
 lo partan, et pariente mas propinquo herede bona de so
 pariente.


[ XXVIII ]
 
 Qui uendiderit hereditatem.
 Tod ome que quisier su heredat uender, dicat primum parentes
 sui, qui suam bonam debent hereditare, et quantum alius
 dederint pro illa, parentibus uendat si eam uoluerint. Et si
 [ad] alius uendiderit cam, et parentes sui ante scire non
 fecerit, saquet illam quimodo uult, et det eam parentibus
 suis, et si potuerit firmare, quod fecit illos testigos quod
 uolebat hereditatem nostra uendere et noluerunt illos
 conparare, uendat eam cui uoluerit. Et si parentes uolue int
 eam emere, paguenlo fasta VIIII dias el tercio, et el otro
 tercio a otros VIIII dias. Et a los otros VIIII dias el otro
 tercio. Et si ad estos plazos non pagaren, teneat quod
 tenet, et uendat hereditatem cui uoluerit.

 Qui intrare.
 Qui in hereditate aliena intrauerit et fuer arrancado por
 ella, dexela duplada con VI morabetis a domnus
 hereditati[s].

 Qui boues eiecerit.
 Qui boues eiecerit de ero alieno ubi araren, aut saccauerit
 clauilla, aut disturbauerit quod non arent, si potuerit
 firmare, pectet VI morabetis a demno bouum. Sin autem, iuret
 cum I uizino.

 Mulier que arrompiere.
 Mugier que arrompiere en heredat del marido, o el marido en
 la heredat de la mugier, entre en el quarto, et si fiziere
 molino, o azena, o casa, o uinea aut almunia, aut accipia[d]
 el quarto de hereditate, aut medietatem laboris, quale
 uoluerit ille, qui petid.

 De comprar herencia.
 Tod home qui comprare herencia o mueble con su mulier de su
 auer, entre la mulier en medietate depues que fueren uelados 
 ó cambiaren, et similiter si mulier comparare aliquant causa
 de so auer, o cambiare, otrosi entre el marido en la metad.

 A qui remanserit filio.
 Tod ome a qui fiio orphano remanserit, et uixerit VIIII dies
 et postea morierit, pater aut mater, qui remanserit herede
 su bona,

[ XXIX ]
 pos que muerto es. Et de mobile faciat
 quod uoluerit, e la raiz exfructet eam in uita sua, et
 depues de su muerte torne herencia a erencia. Et si tomare
 uina, cauela, et escauela, podela et binela cad'anno. Et si
 tomare acena, o molino, o otra heredad, tengalo con tali
 labore comol pertenez et defructet illam; et si ita non
 fecerit, dimittat illam quibus pertinet, et herencia de
 parentesco non se pare tras anno.

 Heredat de quadriela.
 Toda here[d]at de quadriella que non fue partida, non se pare
 tras anno aquelos de su cuadriela. Et las terras que
 germanas deben ser, midanlas et eguenlas, et non se paren
 tras anno.

 Orphano.
 Ad o[r]phano que non habet XV annos, et a catiuo, et inimico,
 et peregrino, non se paren tras anno.

 Filios qui remanieren orphanos.
 Filios aut filias, qui orphanos remanserint, que non habent
 XV annos, suos parentes propinquos metan su buena en
 almoneda con el padre o con la madre, et qui mas bien les
 fiziere, ipse accipiat illos. Et tanto por tanto pater aut
 mater los tenga, si uoluerit, et el moble ste in moble et la
 heredat en eredat. Et si a cabo d'anno non uinier meter en
 almoneda auer, et darle ganancia, ca tecer dia meter bestia
 fasta que lo aduga, et non exeat inde per ferias neque per
 solturas.

 A quien demandaren heredad.
 Tod omme a quien demandaren heredat, et podier el firmar que
 mays abet de anno et dia que la tiene con labor quel
 pertenesce, non responda por ella, et si alter dixerit: ante
 d'anno demandaui hereditatem istam firmet ei quod ante
 d'anno demandaui illam, et respondeat illi pro ea. Et ista
 demandanza tali sit pignorando, et apartando, et baraiando
 ante alcaldes, et por ualia de V morabetis firme con I
 alcalde, et por X morabetis con II alcaldes, et por XV
 morabetis con III alcaldes, et dent arriba con IIII
 alcalde[s] firme.


[ XXX ]
 
 Exido de conceio.
 Tod omme que entrare exido de conceio o defesa, o cerrare
 carreras de conceio, tam de uilla quam de aldeas, pectet X
 morabetis, medietatem concilio et medietatem alcaldibus, et
 esto aprieten alcaldes et maiordomos, si non sint periurati,
 et illos pectet a concilio, et dexen la heredad a conceio; e
 por esto non s'echen tras portiello.

 Qui intrare in labore.
 Qui sobre laborem alienam intrauerit, aut disrumperit, pectet
 VI morabetis al quereloso, et dimitat hereditatem, et tali
 labore ut recte pertinet, et lege sulco ad sulcum.

 De hereditate.
 Tod omme qui hereditate otorgare, ibi det fiador sobre la
 heredade que aya la ualia de la heredat doblada, et si tal
 fiador non diere, por hi sea caido.

 De hereditate otorgare.
 Qui heredad ouier a otorgar, sobre la heredad otorgue, et
 quando otorgare otro dia meta bestia, et cada tercer dia
 meta bestia, et si rancado fuer por la heredat, duple la
 heredad en auer o en raiz al demandador, et si el otor non
 ouier onde pechar, el fiador lo pectet sus bestias aziendo.
 Et por esto el fiador non meta el depdor en manos al
 quereloso ni s'alce al Rey. Et qui otor ouiere a dar por
 heredad, a VIIII dias lo de, et non passe mas de tercero
 otor.

 De qui obierit.
 Homo qui morierit, non responda su mugier, ni suos filios, ni
 qui sua bona heredade, nisi pro suo debito; et non responda
 por otra fiadura, et los parientes que touieren los orphanos
 con sua bona, respondan por el debdo, et non se paren tras
 anno, neque tras respusa.

 Danno de uinea.
 Qui danno en uinna feziere, por cada uide que fuer pascida
 pectet V soldos et dende arriba fasta X morabetis sea
 calonna de pacedura

[ XXXI ]
 de uinnea; et qui hi tomare
 porcos, o oueias, o cabras, o otro ganado excepto cabeza
 mayor mate de illos dos si uoluerit, et non tome otra
 calupnia.

 Qui cogier huuas.
 Qui colligerit huuas en uineas alienas de dia, o pasciere a
 sabiendas, pectet V morabetis. Et entre los V morabetis e la
 calopna de ca una uide, qual quisiere tal come el quereloso.
 Et quien de noche furtare uuas, o otra cosa qualquier,
 enforquenlo. Et si tomar non no pudierem et rancado fuere
 por ello, pectet la calonpna duplada querimoniosus.

 Qui uindimiare.
 Qui uindemiare uina de pago ante festum Sancti Cipriani,
 pectet X morabetis, los midios alcaldes et medios al
 conceio, sacado el termino que el conceio pusiere, et a
 quien fallaren uuas o agrazes, si recabdo non diere onde las
 ouo, pectet I morabeti al quereloso, et si dixerit:
 conparelos, de otor. Et si otor non diere, pectet sicut
 dictum est, et aquel otor que otorgare, de recapdo, onde las
 ouo. Sin autem, pectet I morabeti quereloso.

 De taiar uina.
 Tod ome que cepa de uina rancare otro arbol qualquiere que
 fructo leuare, o lo taiare o ffierol metiere, pectet V
 morabetis al duenno de la heredad por cada un arbol; et si
 taiare ramo de uinna o de aruol, pectet I morabeti
 quereloso, e por exierto de un anno pectet I morabeti et
 dent arriba V morabetis e quien arbor descortezar en redor,
 fasta medio, pectet II morabetis, et si mas o menos a su
 conta.

 Qui quisier fazer fiio o fiia.
 Tod ome quisier fazer fiio o fiia, faganlos exida de missa
 matinal in die dominico o sabbato, dictas ucsperas en la
 collatione onde fueren uizinos, et otorguenlo por Conccio
 die dominico et preste, et si ita non fecerint, non prestet;
 e los aldeanos similiter.


[ XXXII ]
 
 De uinna.
 Toda uina que ouier XX stadales en ella aya coto, et qui
 fallare porcos enella, tome ende II, et de oues II carneros,
 tam de uinea uindemiata quam pro uindemiare, et menos de
 quinta non aya coto, si non fuer en pago; e por cabeza mayor
 que en uina entrare o en prado pectet diezma de morabeti a
 quereloso, et por porco que entrare en prado, pectet quinta 
 de morabeti, et por toda calopna meta el danador en manos,
 si non pecter la calopna. Prado o uina, o uerto si fuere
 redrado XX stadales de la postremera casa de la uilla o de
 la aldea unde es, aya coto; et si no non, si non ouiere,
 parede V palmos en alto sobre terra, et tres en ancho en
 redor.

 Qui fallare porcos en defesa.
 Tod omme que fallare puercos, o cabras o ouellas en so
 restroio, o ouere gauiellas treznales, o en uina uindimiada,
 prenda II carneros o II puercos, et non tome carnero
 cencerrado, si carneros non andudieren enas ouejas, tome II
 oues et non tome morueco nin de puercos uerraco. Et si lo
 tomare delo doblado, et de cabras tome II et de cabrones II
 et non tome otra calopna. Et del prado simili modo sicut del
 restroxo. Et si dixier el quereloso: reuellasti me pennos,
 iure con I uizino et pectet ei I morabeti; et si dixerit el
 donno del ganado: non accepisti eos in tuo restroxo ubi
 treznales uel gauiellas abuisset, aut in tua uinna
 uindemiata, iuret ille qui eos accepit cum uno uicino que en
 su labor o de so sennor los uio, et fu en pos ellos et
 accepit illos et pechelelo. Et si non pudiere iurar, torne
 aquelo que tomo tornelo doblado et quitel ganado. Et si moro
 lo to mare, el sennor iure por el. Et qui entrare en labor
 ageno, caballero o de pie, pectet ei I solido domino
 laboris, et per sospecha saluese sibi quinto.

 Qui fructum acceperit.
 Tod ome qui fructum alienum acceperit, si putuerit ei
 firmare, pectet II morabetis al quereloso. Sin autem iure
 cun I uizino et el otro la manquadra. Qui pascier frucho que
 ad ortum pertinet aut cogombral, pro unaquamque uidera o
 radice, III dineros al quereloso.

 Prado o uina.
 Qui prado, o uina, o orto, aut pan ageno, aut colmenar, o
 azena, o molino quemare, de el dapno a suos dopnos, et
 pectet X morabetis,

[ XXXIII ]
 los medios alcaldes et
 medios a los querelosos si potuerit firmare. Sin autem, iure
 con IIII et el quinto et alius manquadra.
 
 Et per toda demandanza de I morabeti arriba dent manquadra.

 Qui dano fecerit in messe.
 Qui danno fecerit in messe, per cabeza mayor pectet I octaua,
 et per porco et per V oues o cabras I octaua. Et per V
 ansares I octaua, et porco de muradal I octaua. Et de qual
 fructum comederit, de tali pectet, et qui comederit era de
 nocte, per cabeza maior et por porco pectet I octaua, et por
 oues et por cabras aut ansares por VI octaua. Et ganado que
 andare a pastor et danno fizier en era de dia non pectet, et
 el que non andudier con pastor, pectet ut supra dictum est.

 Terras germanas.
 Las terras que germanas debent esse, midanlas et equent illas
 prout debent esse, et non se paren tras anno, et qui eas
 comparauerit et limitem crebantauerit, aut moion
 arrancauerit, pectet II morabetis dompnus limitis si ei
 firmaren, et faciat limitis. Sin autem, saluese con II
 uicino[s].

 De lino.
 Qui danno fecerit in lino, por la entrada pectet I sueldo, et
 quando danno ficier aprecienlo quasi sano, et pectet alio
 tanto. Et si dixier: nego, aprecienlo, et qual fuer el danno
 assi se salue.

 Qui dano fecerit.
 Qui dano fecerit in labore alieno, ibi det pignus si ei
 pecierint, et si los reuellare, ueniat ad domum suam et
 pignore cum uno uizino aut cum morador. Et si pignus ei
 reuellauerit pectet ei I morabeti si ei firmare potuerit; si
 non prende. Et si el ganado en corral touire, delo por
 pennos, et si lo non dier et alla trasnochar, delo duplado
 donno ganati. Et el dia primero tome pen nos quales illi
 dederiint. Et alio die accipiat pignus de morabetis usque se
 integret quereloso.

 Qui espoiauerit hominem ad corum.
 Qui expoliauerit hominem ad corum, pectet ei II morabetis si
 ei potuerit firmare. Sin autem, iuret cum I uicino.


[ XXXIV ]
 
 Qui danno fecerit.
 Qui dapno fecerit a sapiendas, pectet ei III morabetis, et el
 damno a so donno, si ei potuerint firmare. Sin autem, iuret
 sibi tercero, et alter la manquadra, et si la manquadra non
 dederit alter, iuret solus.

 De prado.
 Prado amoionado, quarta usque ad VI arenzadas habeat foro, et
 eo quod minus fuerit, aut plus non habeat foro, excepto si
 fuerit in pago de alios prados, aut de uineas, et isto in
 uilla et en aldea.

 Los iugueros.
 Los iugueros accipiant boues ad quinto, et dent unicuique II
 kafices cabales de pan, medio de trigo et medio de centeno,
 et media octaua de sal, et III pares d'auarcas bonas. Et qui
 magis dederit, aut magis pecierit, pectet IIII morabetis al
 castiello, et dent inannafaga, ad unoquoque iugo de boues
 III caffizes et medio; et si boes cansare pectet las obras,
 et el boue, et los iugueros teneant boues a festo Sancti
 Cipriani usque ad eiusdem festum, et faciat quanto mandaren
 suos seniores, la cosa que illis mandare, quod sit de
 labore, et faciant illa secundum suum sensum. Et suo senior
 non dederit ei sua annafaga, fagal testes que gela de. Sin
 autem, non laboret nec pectet operas.

 Los iugueros.
 Todos los iugueros que operas fecerit perdere, pro unaquaque
 opera pectet I morabeti; et si negare, iure el senor tambien
 por las huebras como por otra perdida quel fiziere so
 quintero o so mancebo, et por quanto iurare el senor, tanto
 pectet el uasalo, et si boues de domino suo engueraret el
 iuguero duplelos boes; et si negaret sicut scriptum est. Et
 isto non abeat ferias neque solturas; et [si] suo domino
 dixerit: mataste me meo boue, iure el senor et peche el
 mancebo. Qui boue descornare o occulo le quebrantare aut
 pierna, accipiat illo et det altero tan bono. Et de tota
 bestia otrosi faga; et si dixerit: non feci hoc, iuret el
 senor et pectet el uassallo.

 Qui rancura ouier de iuguero.
 Qui rancura ouier de so iuguero, accipiat ei el quinto, usque
 det ei directo, et el iuguero faciat illi testigos ut
 recipiat suo directo, et si

[ XXXV ]
 noluerit uenire,
 mittat bestias cada tercero dia usque recipiat suo directo,
 et istas bestias non sint solutas neque por ferias neque por
 solturas, et de toto aportellado damo simi modo faciat. Et
 si ita non fecerit, non respondeat amplius.

 Los ferreros.
 Los ferreros tengan las reias de la festa de Sancti Cipriani
 usque ad annum IIII reias a morabeti, et si mas touier o
 menos, a ssu conta. Et ferrero que touier XXX reias en aldea
 tam in uilla, sea solto de pecha, et de fazendera, et de
 fonsado et de apellido. Et el ferrero de l'aldea que non
 ouiere conplimiento de XXX reias, tenga fata XV reias et sea
 excusado por ellas, et fagan reias II uegadas de nueuo, et
 de it aguze et calce segur et azadon et azuela et escopro.
 Et si por su culpa se perdiere obra, pro unaquaque opera
 pectet I morabeti al quereloso. Et si dixier que por su
 culpa non perdio obra, fasta X obras iure sibi V.o. Et si
 menos a su conta. Et per mas de X liedie, et si cadier,
 duple la calopna. Et qui magis pecierit aut dederit, pectet
 IIII morabetis si ei firmaren. Sin autem, saluese con III.

 Los ferradores.
 Todos los [ferradores] ferren III dozenas a morabeti. La
 ferradura que ante de VIIII dias crebaret aut cadiderit,
 ferret illa altera uice sine precio. Sin autem, pectet I
 morabeti, et los ferreros que fecieren ferraduras, faciant
 tales como las calannas de conceio. Et si peiores clauos aut
 peioras ferraduras fecerint, pectet unusquisque IIII
 morabetis al castiello. Et si pactum aut iuramentum fecerint
 super hoc contra concilio, pectet unusquisque IIII
 morabetis. Et si negarent quod non fecerunt, iuret
 unusquisque sibi V.o, et faciant las ferraduras. Los
 ferradores que las ferraduras pecharen por malas, aut per
 malos clauos, los ferreros que las ouieren factas, duplanlas
 a los ferradores. Sin autem, pectet unusquisque singulos
 morabetis et pro isto cada tercio die mittat bestia, et la
 bestia hi iaziendo, pectet. Et si la bestia non miserit,
 pignoret pignus de morabeti. Et d'estas calopnas si
 iuramento fizieren contra conceio, pectet unusquisque IIII
 morabetis, medietatem alcaldibus, et medietatem castello.
 Otrosi pectet el morabeti super scripto domino bestie si
 ante de VIII dias crebare o cayere la ferradura. Otrosi
 pectent el morabeti super scripto, los ferreros que las
 ferraduras fizieren, pectent a los ferradores que las

[ XXXVI ]
 ferraren. Et por esto cada tercer dia meta
 bestia. Et la bestia iaziendo, pectet. Et si la bestia non
 metiere, prende penos de morabeti, et esto non aya ferias
 nin soltura.

 Iudicio de corral.
 Tod ome que ouiere iudizio de corral, metan singulos ouzeros
 et non mays; et si mas metieren, los alcaldes uazien el
 corral, et qui souiere sobre defendemiento de alcaldes,
 pectet I quinto de morabeti a los alcaldes. Et si ellos gela
 dexaren sit in periurio.

 De pescado reziente.
 Tod ome que aduxiere pescado reziente, ille lo uenda. Et
 otrosi liebres, et coneios, et perdizes. Et si ad otra uilla
 lo leuare, qui lo fallare tomelelo sin calopna. Et si
 recaton, tam de gallinas quam de legna, como desto que es
 sobrescripto, quam de alia causam que ibi andaret pectet II
 morabetis, medios al conceio, et medios a los alcaldes. Sin
 autem, saluetse cum uno uicino. Et si los alcaldes et los
 mayordomos non lo tomaren, sean periurios.

 De los tauerneros que ganen.
 Todo tabernero gane el quarto et non mays. Et si mays
 uendiere desta conta, o quebrantare coto de conceio, pectet
 II morabetis: I al conceio et otro a los alcaldes. Et si
 negare, saluese con II uizinos. Et por esto aprieten
 alcaldes et maiordomos. Los carniceros et las panaderas ese
 mismo coto ayan.

 Por pan de panadera.
 Por pan de panadera et uino de tarbenera et carne de
 carnicero et pescado seco de zagadera, o por keso de
 quesera, qui dineros ouiere [a dar], delos a tercer dia.

 Los zapateros.
 Los zapateros, por solar denles IIII dineros, et qui mas
 diere o mas tomare, unusquisque pectet singulos morabetis,
 medios al conceio,

[ XXXVII ]
 et medios alcaldes si eis
 firmaren. Sin autem, saluentse con singulos uicinos. Todo
 cortidor curta el cuero uaccuno et enzebruno a quarto, et
 caballuno o de mulo o d'asno a tercias. Et si zapatero o
 cortidor este coto quebrantar, pectet II morabetis, medios
 al conceio, et medios alcaldibus.

 Coto sobre conceio.
 Tod carnicero, o zapatero, o ferrero, o pellitero, o
 carpentero, o texedor, o alfayat, o quales omes que quier
 que coto fizeren o iuramiento sobre conceio, pectet X
 morabetis al conceio por el castiello et IIII a los alcaldes
 si probare eis potuerint. Sin autem, saluese unusquisque
 sibi V.

 De banno.
 Las mulieres entren en bano in die dominico, et die martes,
 et in die iouis, et los barones entren enos otros dias. Tod
 ome que entrare en bano en dia de las mulieres de sol a sol,
 pectet I morabeti a conceio. Et otrosi fagan las mugieres.
 Et si el banador omes metier en el uanno de las mugieres,
 pectet I morabeti al conceio. Otrosi peche si mulieres
 metier en bano en dia de los barones. Nullus homo non det
 precio en bano por escudero, et ome que non ouier escudero,
 lieue per escudero ome de su pan, et las mulieres similiter
 faciant. Alcaldes et Iuez et Escriuano non lieuen sinon un
 escudero, et si mas leuaren, sit illis in periurio. Aquelos
 que non ouieren escuderos o mancebos de su pan, lieuen III
 uno que los laue, et sit excusati. Iste es precium de
 balneo, cada omme et cada mulier singulos denarios, et qui
 penos echare en bano fasta noue dias non se amortiguen, et
 dent adelant mortiguense, et el banador non sea escusado de
 nenguna fazendera. Qui suo precio leuare por forcia, pectet
 I morabeti, el medio al conceio et el medio al banador. Et
 si el banador tomare precio de mancebo, o de manceba, o de
 tres uno que debe seer excusado, pectet I morabeti a
 conceio.

 Qui firier moro ageno.
 Tod ome qui firiere moro ageno o mora, o messare, pectet II
 morabetis domino suo. Et si liuores fezier, pectet IIII
 morabetis domino suo, et si non, iure siue V de uezinos, si
 firmare non ge lo pudieren.


[ XXXVIII ]
 
 Qui firiere mancebo.
 Qui firiere mancebo o manceba agena ante su senor, o ome de
 su pan, pectet la calopna doblada, media al collazo et media
 al senor.

 Moro o mora que feriere christiano.
 Todo moro o mora que feriere christiano o christiana, so
 sennor pectet la calopna al uizino como al uizino, al
 morador assi como a morador.

 De firmar.
 Tod ome que ouiere a firmar o a iurar, al uizino firme con
 uizinos, al morador con moradores.

 Qui percusserit moro o mora.
 Qvi percusserit moro o mora alienam, iuret solus quod non
 percussit ei per desorna de so senor; et si non iurauerit
 uel de plazo ceciderit, pectet calonia duplata domino suo.

 Qui matar moro.
 Tod ome qui matar moro o mora de lauor, pectet XV morauetis
 domino suo. Et si fuer de mierce, alcaldes et VI lo
 aprecienlo quanto pectet a so senor, si ei potuerint
 firmare. Si autem, saluese si V.

 Moro de fonsado.
 Qui aduxier moro o mora de fonsado o dazaria, et catiuo
 christiano iacuerit pro illo, ante que taie, denle XXX
 morabetis por el; et depues que taiare de tanto quanto
 taiare fasta morabetis; et si de ciento morabetis arriba
 taio, non dent illi mas de C. Et tali sit taiamiento ante
 alcaldes de Rey et alphaquec et per conceio. Et al qui lo
 conpro denle tanto et medio ante que taie. Ome de Caceres o
 de so termino que catiuare, e otro uizino de Caceres por el
 ioguere denle leno et medio de quantol costare en almoneda,
 et denlo a sos parientes. Et si no lo quisiere dar, meta II
 bestias uiuas en casa del quereloso. Et si los alcaldes las
 soltaren, cayales en periurio, et no les preste. Et si el
 christiano catiuo fuer muerto, tornen el moro a so senor si
 lo

[ XXXIX ]
 quisiere tomar. Et si por uentura so
 pariente sacare et mays auer diere, lo demas delo al dono
 del moro. Et si negare que mas non le dieron, iure sibi V.

 Aportellado que tornare.
 Tod aportellado que a su sennor tornare mano, cortenle la
 mano; et si so amo lo soltare, faga I tapial en el castielo.
 Et a qui dixier: Aiudame, et que lo pueda tomar, et no lo
 quisier ayudar, pectet cada uno delos III morabetis al senor
 del mancebo. Et si lo negaren, saluense asi como es.

 De amo.
 Tod amo que a su aportellado firiere non pectet calopna.

 Qui matar aportellado.
 Tod omme qui matare aportellado, o fforciare su mulier, o su
 fiia, o su criazon, tome la meatad de la calopna el
 queroloso, e la meatad tome so amo.

 Qui entrare con otro por seruicio.
 Tod ome que entrare con otro por so ceruicio fazer, et ante
 de so plazo lo dexar, perda el soldar; et qui lo cogiere,
 pectet II morabetis al amo primero si lo pudiere firmar que
 ante del plazo se exio del. Et si el otro dixiere: no lo
 sabia que contigo era, iure por su cabeza. Sin autem, pectet
 et eiiciat illum. Et si dominus eius dimiserit eum, ille
 bene seruiendo, det ille so soldar. Et si dominus eius
 dixerit: Male mihi seruiebas, iurele con I christiano que lo
 mal seruie, et dele lo que ouiere merescido. Et si non
 quisiere iurar, dele todo so soldar.

 Qui senal tomare por labor.
 Todo labrador que senal o precio touiere per alguna labor et
 la compecare, et la labor dexare fasta que sea fecha, pectet
 I morabeti domino laboris et cumpla la lalor. Et qui senal
 le diere et la labor le tolliere, perda la senal. Et por
 todo mercado que senal tomare et se arrepentiere, duplela al
 quereloso. Et qui la diere si se repentiere, perdela.


[ XL ]
 
 Carpentero que madera troxiere.
 Tod carpentero qui madera o ripia aduxiere a mercado con
 aluura, pectet I morabeti al conceio.

 Qui casa dier ad alquiler.
 Tod ome que casa diere ad alquile, quando so plazo uiniere,
 prende per so alquile sin calompna, qual dia se quisiere,
 ropa, o bestia, en qual casa que quier que le fallare; et
 non aya ferias ni solturas. Et al fiador desa misma manera
 lo prende.

 Qui casa.
 Qui casa diere ad alquile, o la tomare aquel, qui la tomare,
 si la delexare fata cabo de anno, del tod el alquile. Et si
 el senor de la casa lo sacare ante de so plazo, o pora otro
 omme si non pora obus dessi, perda el alquile. Et aquel que
 touiere la casa, si morando en ella comprare sua, det quanto
 ouiere merecido.

 Los mercadores de traperia.
 Todos mercadores de traperia, si acrouieren por alguna cosa
 prenden todo tienpo. Et otrosi ellos respondan omni tempore
 por lo que ouieren a dar sin calopna, et non perdan su
 prenda. A rruano que touier panno de color, non le prende
 nadi trapo de color por taiar.

 Alcaldes d'ermandad.
 Alcaldes d'ermandad non prenden nin accoten sin quereloso, si
 no per so depdo proprio. Sin autem, pectet I morabeti aquel
 que acotaren.

 Qui fallar.
 Qui borra filare, o en saial la metiere, o con cardas de
 fierro la cardare, pectet I morabeti al conceio. Et perda el
 precio si ei potuerint firmare. Sin autem, iuret cum uno
 uicino, et det la borra ad domnum del sayal, et faciat illum
 bonum.


[ XLI ]
 
 De mulieres.
 Todas las mulieres que enprestarent uel accrouieren aliquam
 causam unas ad alteras, respondeant se usque I morabeti. Et
 per isto non se paren tras suos uiros.

 Qui uigilauerit oues.
 Et qui uigilauerit oues, uigilet eas a decimo de los
 corderos, et de X quesos uno. Et si mas diere aut mas
 pidiere, pectet IIII al conceio. E qui las anafagare, tome
 ende el quarto. Et destas quarteras qui uoluerit eas
 accipere, det a ssu conta, et tome a ssu conta. Et si el
 ganado hy quisier dexar, del dia que compezaren a fazer
 queso, de en soldar de cabanero, et en annaffaga, et en
 auarcas et en sal et en quaio; et reciba esquilmo a conta.
 Et si su ganado quisier leuar prenda el qui las uelare XII
 dias primeros por domenguera. Et si depues que las
 domengueras ouiere presas nol diere so ganado domino suo,
 pectet ly IIII morabetis quantas noctes trasnochare, et el
 esquilmo doblado si ei potuerit firmare. Sin autem, saluese
 sicut forum est. Et el pastor o el amo que el ganado
 curiare, tome de las uazias et de los corderos el quarto por
 sort.

 Quien uacas uigilauerit.
 Tod pastor que uigilauerit uaccas soldariegas, uele VI per un
 morabeti; et uaccas soldariegas et oueias quarteras, aquel
 que las uelare non responda de un anno passado adelant pues
 que el ganado diere a sso duenno, si sse li espidiere ante
 tres uizinos et en poblado. Et si ita non fecerit,
 respondeat omni tempore. Et el amo otrosi el anno passado
 non responda por la soldada al mancebo si ante de anno no la
 demandare.

 De puercos.
 Tod ome qui porcos uelare, uelelos de san Ioan a san Ioan, et
 denle en soldada por VI morabeti de los uazios. Et de las
 puercas tome el quarto de la criazon. Et daquel dia que los
 tomare per conta, quantos perdiere tantos II morabetis
 pectet por aquelos que fueren anales o dent arriba. Et per
 los que non fueren annales, pectetles sennos morabetis a sos
 senores. Et per lechon pectet I quarto domino suo.


[ XLII ]
 
 De ganado.
 Tod omme que ganado echar a pastor per sanctii Iohannis, et
 depues ge lo quisier toller fueran per catiuazon o per
 enemiztad, deli todo soldar al pastor, et si por catiuazon o
 por enemizad ge lo quisiere toller, dele cuanto ouiere
 merescido. Et si el pastor delexar el ganado, pierda lo que
 a merescido si non fuer por catiuazon, uel per inimizad o
 per monte.

 Qui matar porco.
 Tod omme qui matare puerco anal o de mas, o de menos, pectet
 sicut dictum est, si iurare con un uizino que lo non mato
 per su ueluntad. Et si non duple el ganado, pectet lo
 doblado conna calopna. Et si negare et potuerit ei firmare,
 pectet supra dictum est. Sin autem saluese sicut forum est.

 Toda aue domada.
 Toda aue domada, o palomba de palonbar o de casa, o gallina,
 o ansare, o otra aue, qui la matare pro unaquaque pectet I
 morabeti domino suo si ei firmare potuerint. Sin autem,
 saluese cum uno uicino, fueran per falcon o por azor, et per
 gauilan, que deuen apreciar alcaldes, VI et bonos omes, et
 sauer uerdad que caza prendia o de que guisa era, et ponerle
 marco que ualie. Et dent a iuso per quanto iurare su duenno
 con IIII et el quinto, tantol den por el.

 De oues.
 Oueias que pascieren entr'aldeas, anden en uno et L uaccas et
 non mays. Et si mas hi andaren, pectet I morabeti al
 castielo cada die dominico.

 Qui quisier fazer aparceria.
 Tod ome qui ganado ouiere et aparceria quisier facer, fagala
 fasta las calendas de Iulio.

 De azennas e molinos.
 Las azenas et los molinos maquilen a uez. Et el maquilon que
 uezes taiare, si gelo pudieren firmar, pectet IIII
 morabetis, medios

[ XLIII ]
 al quereloso, et los medios
 a los alcaldes. Sin autem, saluese cum I uizino, et molan a
 uez, et non tomen alfadias el maquilon ni el heredero, et
 qui tomare alfadias o uedare uez, pectet IIII morabetis
 sicut dictum est. Sin autem, saluese con I uicino. Et el
 molino, ni el azennero qui heredero fuere, non sea molinero 
 a ffuero, ni sea excusado.

 Molinero a fuero.
 Todo ome que molinero fuere a ffuero, o ortolano, o pastor, o
 iuguero, o colmenero, o uassallo aieno, sea excusado de
 pecho et de fazendera.

 De panadera.
 Toda panadera que pan crudo uendiere, qrebantado, o qual gelo
 tornare el que lo conpro, tal lo tome. Et si lo non quisiere
 tomar, fagal testigos et pectet I morabeti, medios al
 quereloso et medios a los alcaldes. Otrosi la panadera que
 el pan de trigo non quisier uender sinas somas, ni las somas
 sin el trigo, pectet I morabeti a los alcaldes.

 Los fornos.
 Los fornos cuegan ad XXX et non menos. Et si a menos cuxier,
 pectet III morabetis, los medios al quereloso, et los medios
 a los alcaldes, si ei firmare potuerint. Sin autem, iuret
 cum I uicino et cuegan a uez, et si el pan bien non cuxiere
 pectet I morabeti a domino panis. Et si negare, firmelo con
 III mulieres, et pectet I morabeti a domino panis. Et faciat
 forno qui facere uoluerit. Et qui uice uedar, pectet I
 morabeti, medios alcaldes, et medio al quereloso, si ei
 firmaren. Sin autem, iuret cum uicino.

 Fonte perenal.
 Toda fonte que nasce entre quadrielas, et fuer de rregrar,
 como partieren la heredad, partam el agua. Et cada quien
 como ouieren heredat, assi torne el agua, et en qual heredad
 nasciere aquelos tomen primero el agua, et sic per ordinem,
 et dos dias ande fueras et el quarto torne a la heredad o
 nasce. Et aquelos que non uinieren al cauze cauar, o a la
 fuente mondar, o algua tornar, non habeat ibi partem. Et qui
 la furtar o la destorbar en el dia ageno, pectet II
 morabetis al

[ XLIV ]
 quereloso et duple la agua, si
 firmare potuerit. Sin autem, iuret alius cum I uicino, et
 alter non de manquadra. Et si non iurare, o de plazo cayere,
 pectet la calopna superscripta quereloso.

 De fonte perenal.
 Toda fuente perenal que arroyo echare en qualicumque
 hereditate, sit de III brazadas per carrera en ancho a todo
 redor de la fuente, et sierre so labor como es fuero, si
 otra agua non ouierem que abonde. Et desto sea aquelos que
 ena aldea moraren tambien como ena uilla. Et qui pozo cauar
 en su heredad non det agua a nenguno por fuero.

 Molinos et azenas.
 Los molinos ni las acenas non tolgan aguas ad ortos neque ad
 linares. Las azenas et los molinos muelan desde sancti
 Iohannis fasta sancti Michaelis a XII et desde sancti
 Micaelis fasta sancti Ioannis molan a XVI. Tod ome que
 molinos feziere en uiergen, de guisa lo faga que non
 enpeezca a molino uieio de iuso nin de suso. Et si dano
 rescibier por el, pectet el todo el danno a so donno con
 IIII morabetis, medios al quereloso, et medios alcaldes. Et
 si II molinos fueren fechos en uirgen, el que a primas fue
 fecho, aula, et a primas milio. Et si danno recibier por el,
 tam nouo molino quam uetero, pectet la calopna super
 scripta, et derribelo. Et las pesqueras sean defesadas de
 suso XX estadales, et de iuso II. Et de hi pescare, fuera
 end con anzuelo, o con butron, pectet III morabetis a so
 donno. Si non, iure con I uizino.

 Qui quemare rostroio ageno.
 Tod omme que restroxo ageno quemare, pectet III morabetis a
 so donno si firmagelo pudiere. Sin autem, iuret si tercio.
 Et si hy quemare treznales o gaulellas, o miesse, pectet XL
 morabetis, medios quereloso, et medios concilio, et tod el
 danno a donno messis si potuerint ei firmare. Sin autem,
 saluese con XII uizinos a ffuero.

 Qui echare stierco in calle.
 Tod ome qui en calle, o en castiello, o carrera, o en
 carcaua, iectare stercol, o de los moiones que puesieren
 alcaldes et mayordomos adentro, pectet I morabeti al
 conceio. Otrosi qui cauare terra o arena sol castiello,
 pectet I morabeti al conceio, et fagalo d'argamassa.


[ XLV ]
 
 Los menestrales.
 Todo menestral que labor agena labrar et la mal feziere,
 pectet I morabeti a al donno. Et coia otro al donno de la
 lauor sobrel que la labre, et por esto non aya feria ni
 soltura.

 De casa quemare.
 Nullus homo que casa kemare aliena, a ssapiendas,
 enforquenlo, et de so auer pectet al danno a sso donno si io
 pudieren firmar. Sin autem, saluese XII o lidie, qual
 quisier el quereloso. Et si per occasion la quemare, pectet
 el danno a sso sennor con IIII morabetis, los medios al
 quereloso et los medios alcaldes, si io pudieren firmar. Sin
 autem, saluese assi como es super scripto, a uizino con
 uizinos, a morador con moradores. Et si casa quemare que
 uala V morabetis o dent arriba entre lide et iura, qual
 quisiere el quereloso tal le cumplan. Et de quanto hy
 perdiere, por todo respondan.

 De eruolario.
 Qui rio eruolauerit, pectet IIII morabetis, et qui inuenerit
 eum, accipiat los medios et el castiello los medios.

 De sacodir ganado.
 Qui ganado sacudiere foras de los terminos de Caceres, tome
 ende el quinto fueras caualleros de arrafala et pastores de
 ganado. Et si cauallo ibi morierit, d'aquel ganado lo
 erechen. Et cauallo que moriere en apellido de conceio, del
 dia que lo conparo fasta I annum, denle tanto cuanto lo
 conparo, et de anno adelant denle por el XXX morabetis.

 De pedir en conceio.
 Tod ome qui pidier en conceio non le den mays de I morabeti,
 et qui su uoz touier o mas le mandare, pectet IIII morabetis
 al conceio.

 Qui derrompiere casa de uizino.
 Qui derrompiere casa de uizino, tam in uilla quam en aldea,
 con armas, o corral, o molino, o azenna, o colmenar, o
 cabanna afumada, pectet L morabetis al quereloso si ei
 firmare potuerint, et istas firmas recudan a repto o iura de
 sibi V qual quisier el quereloso.


[ XLVI ]
 
 Qui derrompier casa.
 Qui disrumperit casa aut corral de morador con armas, o
 azena, o molino, o colmenar, o cabana, pectet la meatad de
 la calopna si el firmare potuerint. Sin autem saluese sibi V
 de moradores.

 Qui taiare uinna.
 Tod ome que uina agena taiare a ssapiendas o kemare, o
 almunia, o casa, tal iudizio aya como por morte de omme.

 Demanda.
 Tod ome que dixier: demos de unaquaque collacione aliquam
 causam, pectet II morabetis conceio et non preste, si ei
 firmare potuerint. Sin autem, saluese como es fuero.

 Qui ganado ageno feriere.
 Tod ome qui ganado ageno firiere por desorna de so sennor,
 pectet IIII morabetis domino ganati si ei firmare potuerint.
 Sin autem, saluese con IIII sibi V.

 Qui feriere bestia agena.
 Tod ome que feriere bestia agena por desorna de so sennor,
 pectet IIII morabetis a domino bestie si firmare potuerint.
 Sin autem, saluese con IIII, sibi V. Et si la matare, dela
 duplada con IIII morabetis domino bestie. Et de toda bestia
 mayor simili modo faciant, Si potuerint ei firmare. Si non
 saluese con XII uizinos al fuero et por bestia menor con
 sibi V se salue.

 Qui percusserit boue.
 Qui feriere boe o uaca, o otro ganado pectet IIII morabetis
 domino ganati si ei potuerit firmare. Sin autem, saluese con
 IIII sibi V. Et si lo matare delo doblado, si ei firmare
 potuerint. Sin autem, saluese sibi V.

 De alcaldes et escriuano.
 Los alcaldes et el iuez et el escriuan, quando fueren en
 almofalla, lieuen tres escusados los que fueren en
 almofalla.


[ XLVII ]
 
 De tenda redonda.
 Tod ome que lieuare tienda redonda en almofalla de uiente
 cuerdas o dent arriba, assi como ly pertenez, lieue II
 escusados, II caualleros, o VIII peones. Et qui leuare
 loriga con almofar, o lorigon con capiello, lieue II
 escusados, et por brufuneras lieue I escusado, III
 caualleros, o VI peones. I esto tome maguer que non lieuen
 tienda. Hy estos escusados sean aldeanos, et si ennas aldeas
 non ouieren conplimiento, tomen V de la uilla.

 De fonsado.
 De fonsado o d'aceria de X cauallerias a arriba den una
 racion a Dios y otra a catiuos, et [ad] alcaldes et
 atalaeros de cauallerias e dent arriba senos boes, o IIII
 quatro morabetis. Et de L cauallerias a iuso deles II dos
 morabetis; et los talaeros excoian antes, et los otros
 sorteen. Et lanzada que passare de parte en parte denle IIII
 morabetis, et el otra II. Et de ferida de cabeza onde ossos
 exieren, IIII morabetis. Et qui menbro perdiderit, denle XX
 morabetis; et a los plagados denles bestias moriscas fasta
 dia de particion. Moro que por catiuo iacuerit, den a so
 sennor leno et medio, ut supra dictum est. Caualero o peon
 que catiuare d'azeria o de fonsado, denle el meior moro o
 mora, o la meior bestia mular o cauallar qual se escogieren
 sus parientes, o sus conpaneros de pan. Et de los de Caceres
 o de su termino que se acertaren en aquel fonsado o en
 aquela azeria, de la su parte lo den esto. Et si lo non
 dieren los alcaldes et los talaeros, et los erechadores e
 los que lo ouieren en poder, metan unusquisque singulas
 bestias cadal dia e manos de los querelosos. Et quantas
 bestias non metieren, tantos morabetis pectent. Et non excan
 ende per ferias nin per solturas, fasta que den esto sobre
 escripto. Cauallero o peon que a puerta de castielo o entre
 II azes se diere con otro, cuanto tomare daquel derrocado 
 todo se lo aya. Et qui hi lanza azulada perdiere, denle II
 morabetis por ella, si pudiere firmar que a manteniendo
 firio con ella. Et si otra lanza fuere, denle I morabeti por
 ella. Qui cauallero alcanzar en seguda fueras de lid canpal,
 e lo derrocar, tome la meior senal que tras fuera del cuerpo
 o del cauallo. Et el peon esse mismo fuero aya.

 Del fuero uieio de las caualgadas.
 Este es el fuero uieio de las caualgadas, por que siempre
 caualgaron los adalides. A primas ementataron a Dios et
 conombraron sos

[ XLVIII ]
 fueros. Atalaeros cabaleros
 alende Guadiana, denles III tres morabetis et a peones la
 meatad. Et aquende Guadiana la meatad tomen. Tod omme a
 quien ferida dieren que exca de parte en parte, denle VI
 morabetis, et per otra ferida la meatad. Et ferida de cabeza
 onde ossos exieren, denle VI morabetis. Et quantos dientes o
 oreias o quantos dedos perdieren, tantos X morabetis le den.
 E por mano, o por pie, o por oio, o por narizes XX
 morabetis. Et ferida de cauallo que passare de part en
 parte, denle VI morabetis, et por otra ferida III. Et
 erechen todo cauallo fueras cauallo que echaren a pacer sin
 soltas. Et si dixiere so donno: trauado lo echet firme con
 III conpanneros, et prenda herecha. Et si non, non ge la
 den. Et si los adalides o la conpanna les prouaren que
 mentira firman, tresquilennos, et excan por aleuosos. Et si
 a monte fueren sin mandado d'adaliles, et ala prisier ferida
 o muerte de su cauallo, nol den herecha. Et si ome traidor
 cauallo leuare de la caualgada, sus companeros con que
 comiere a pan lo pechen, si quier ganen si quier non. Et los
 adaliles e la conpanna los metan en manos al quereloso, et
 si non elos lo pectent. Et erecha de cauallo atal sea fasta
 cabo de anno, denle quantol costo, fasta XXX morabetis et
 non mays. Atalaeros o otro ome que souier en talaya, o en
 uela, [et se dormiere], tresquilenlo et exca per aleuoso, si
 ei prouaren con II homines. Et si por auentura per mingua de
 talaero o d'escucha algun danno cogiere la cabalgada
 kemenlo si lo fallaren durmiendo. Tod ome que feixiere de
 buelta o de rabata, tresquilenlo et perda el quinon. Tod ome
 que feriere en caualgada a sso conpanero o a ome de la
 caualgada, qui feriere con espada, o con cuchielo, o con
 lanza, o con piedra, o con porra, o con otra arma, cortenle
 la mano. E los adalides et la campana metanio en manos, et
 si no elos lo pectent. E si lo matare enforquenlo. Tod ome
 que non ouiere portiello, et ganancia descobriere fasta XX
 morabetis, denle I. morabeti. Et ballestero que leuare
 balesta con II cuerdas et I. uancuerda, et con LX saetas, el
 caualero prenda media racion et el peon quarta. Et caualero
 que derribare otro cabalero tras uiso o fuera de rede,
 prenda la siella. Et si fueren II o tres partanla. Et si mas
 fueren, sea de conpanna. Et peon otrosi prenda la meior
 senal. Et qui leuare loriga o lorigon con capiello de L.
 cauallerias o dent arriba lieue so derecho. Loriga con
 almofar I caualleria. Lorigon con almofar o con capiello, I
 caualleria. Brufuneras I quinta. Capiello I quinta. Lorigon
 sin capiello o sin almofar, media caualleria. E alcaldes
 andudieren elcs lo partan e lo ayan en poder, et o non
 ouieren alcaldes, los adaliles metan cuadrelleros que lo
 recabden. Et por todas estas cosas si el adalil feriere ome
 por pro de conpanna, non pectet calopna. Cauallo ferido o
 quebrado,

[ XLIX ]
 si so senor se temiere quel morra,
 demostrelo a la conpanna et ellos lo tengan fasta VIIII
 dias. Et si muriere denle erecha de muerte. Et si uisquiere 
 denle so derecho. Toda ferida que ante de particion fuere
 sana non tome erecha. En arracada qui campo robare fasta la
 seguda sea fecha, perda el quinon et exca por aleuso.

 De so cauallo.
 Qui su cauallo perdiere, por qual lo fiziere con un conpanero
 de pan, tal ge lo den fasta XXX. morabetis, como scripto es
 ut supra. Et alcaldes lieuenlo per la iura que fizieron que
 ualia le dan de so cauallo. Et cauallo uiuo aprecienlo assi
 como sano et denle su herecha. Et metan el ferido en quinon.
 Alcaldes et talaeros a sexmos los pongan, et del sexmo on
 ouieren alcalde iurado de la uilla, non metan hy otro. Et la
 quinta que ena uilla o fuere a dar, los alcaldes et los
 adaliles respondan por ella al iuez. Et primero erechen et
 depues quinten. Et non tomen quinta si non de auer moriscos.

 Qui caualgare de.
 Tod ome que caualgare de Caceres o de so termino, et ganancia
 troxieren, de la quinta en Caceres, et si en otra uilla
 cabezearen talegas et hy aportaren, den la media quinta hy,
 et la media en Caceres. Et d'alli trayan carta seelada del
 conceio et del iuez o ouieron dada la media quinta. Et si la
 carta non quisieren creer, calcon fiel aquele logar onde
 auien quintado. Et qui cadier calce el fiel. E si por
 auentura con las talegas que de Caceres sacar nada non
 ganar, hy aportar a Portugal o a Castiella onde sacar
 talegas, alla quinte.

 Qui en lide se acercare et ante.
 Tod ome que en lide se acercare et ante que se tornaren de la
 rancada alguna cosa expoiar o rrobar, perda la racion e
 messenle la barua. Qui auer de fonsado o d'aceria o
 d'apellido tomare, y a sos conpaneros no lo diere a partir,
 perda la racion et messenle la barua.

 Qui rapare o furtare.
 Qui rapare o furtare auer que fuere dado a partir, per da la
 racion et pectet C morabetis a la conpanna si potuerint
 firmare ei et messenle la barua. Sin autem, saluese dictum
 est.


[ L ]
 
 De comprar cauallo.
 Tod ome que ualia ouiere de CL. morabetis fueras sus uestidos
 del et de su mugier, et non ouiere cauallo, non tome
 portiello nil responda nadi, et responda el a todos, et si
 dixiere: non e ualia, iure con IIII quinto. Et aquel que se
 le echare tras cauallo meta la uerdad que lo non faze por
 otra escatima si non porque sabe que ha ualia de cauallo. Et
 si dixerit: cauallo e a ffuero, iure con IIII. et sin arte.
 Et qui ouier ualia de CCC. morabetis, faga fonsado por
 cauallero, et el peon faga fonsado de XL. morabetis.
 
 Tod ome qui cauallo dier a otro por escusarse d'apellido o de
 fonsado, cortenle el rabo al cauallo. Et qui mula diere por
 escusarse non le preste et pectet. Et si el non pudiere ir,
 enuie omme de fiuza. Todo cauallo que andare cutianamientre 
 a albarda o fuere tafarado, non sea so donno escusado por
 cauallo. Et a quien cauallo muriere, sea escusado per un
 anno de cauallo et respondarnc.

 Cabeza de adalil.
 Tod ome que troxiere cabeza de adalil, denle X. morabetis de
 conceio.

 Apellido.
 Tod cauallero, o primo iunto, o peon, o terciero que el
 apellido odier ena noche et ena manana non fuere con a sena,
 pectet la calopna. Et si enna mannana lo odiere, ena noche
 sea con a sena. Et qui ita non fecerit, pectet el cauallero
 X. morabetis, et el peon V aquelos apellideros que fueren en
 apellido, et por esto prenden sin calopna.

 De apellido.
 Tod cauallero o peon, quando odiere el apellido non se fuere
 trotando o ccorriendo, de la uilla tambien como de la aldea,
 al cauallero, corten el rabo al cauallo, et al peon messenle
 la barua, si io pudieren firmar con III uicinos, et super
 hoc pectet la calopna a los apellideros sicut scriptum est.

 Nombre uedado.
 Qui dixere a otro cornudo, o fududinculo, o gafo, o iudio, o
 traidor, o a su mugier puta, o ceguladera, o gaffa, pectet
 quereloso V. morabetis. Et si negare, saluese con IIII et el
 quinto. Et si iurare noluerit, pectet.


[ LI ]
 
 Desmentir a otro.
 ui dixiere a otro: mentira iurasti, o mentira firmesti, o
 mentirosa uerdad diste, si non aquel que deue reptar, pectet
 IIII morabetis al quereloso, si potuerit ei firmare et
 fagalo uerdadero. Et si non quisiere fazerlo uerdadero, meta
 bestias al fuero, fasta que lo faga uerdadero, et quantas
 bestias al fuero, fasta que lo faga uerdadero, et quantas
 bestias non metiere, tantos morabetis pectet quereloso. Sin
 autem, saluese con III et el quarto.

 Desmentir alcaldes.
 Tod ome qui dixier a alcalde dermandad: mentira me iudgasti o
 tuerto, o mentira firmeste, pectet ei L morabeti, et meta
 cada dia bestia fasta que lo faga uerdadero. Et si negare,
 saluese con I. uizino. Et alcalde de conceio simili modo
 faciat.

 Sobre defendemiento.
 Tod ome que baraiare sobre defendemiento d'alcalde, pectet I.
 morabeti a los alcaldes, et por esto non acote per bestia,
 sed pingnore. Tod ome que pasare senal de corral de uiernes,
 pectet I quarto de morabeti alcaldes. Et por esto prendet et
 acoted, et non se mortiguen los pennos. Et alcalde non acote
 si non por fonsado o por apellido. Et accotamiento de
 fonsado, o d'apellido, tali sit sicut ditum est.

 Quando entraren alcaldes.
 Los alcaldes d'aquel dia que entraren fata I anno iudguen et
 si, demas iudgaren, non preste suo iu dicio. Et los
 alcaldes, aquelo que iudgaren, esso otorguen. Et iudguen
 derecho et otorguen derecho, et tomen sus calonnas assi como
 son escriptas en esta carta. Et non tomen calonnas de
 conceio. Et los alcaldes de conceio, e alcaldes d'ermandad,
 et iuez, et escriuan, et montarazes, et mayordomos anden per
 los sexmos et per sus derechuras. Et alcaldes et montarazes
 que cauallos non ouieren, non prenda ninguno suo iudicio, ni
 les respondan por nenguna calopna, ni al iuez. Et ayal
 conceio I uozero o II otrosi per sexmos. Et los andadores
 acoten per mando de los uoçeros, et leguen las calonas de
 conceio a derecho, et denlas a los mayordomos en conceio die
 dominico, o die de ioues. Et todas las calonnas de conceio
 per exquisa bona et derecha las coian. Et delant sea aquel a
 qui

[ LII ]
 dieren las esquisas: a uizino de uizinos; a
 morador de moradores. Et estas exquisas sean III. et non
 menos. Et con aquelas exquisas coia el quereloso su calonna.
 Et qui primero firiere, aquel ome pectet las calonnas
 dambos. Et qui sobre su ca beza tornare, non pectet calonna
 si non fiziere liuores. Et si liuores fiziere, pectet la
 meatad de la calonna. Todas las calonnas que por alcaldes o
 por uozeros o por mayordomos se perdieren, elos las pectent
 al conceio, et por esto non se echen tras portiellos.

 Mayordomos.
 Los mayordomos de conceio den conta de las calonnas a los sex
 i a los bonos omes del conceio, quando conta les demandaren.
 Et den aquel auer a un ome bono que lo tenga pora conceio,
 et faga del lo quel mandare el conceio et los VI.

 Qui acceperit alcaldia sin mandado.
 Tod ome que alcaldia o iudgado acceperit sine mandato de
 concilio et per so sexmo exca por aleuso et derribenle las
 casas si non fuere por su derechura. Et el iuz qui
 fuere posto por so sexmo et por so derecho, prende et tome
 sos derechos, et non meta otros rabadan. Et si otro rabadan 
 metiere non le den pennos. Correduras et carreras por sexmos
 las fagan.

 Alcaldes non fagan amiztad.
 Los alcaldes no fagan amizad nin iuramento con otros omes de
 conceio; et qui la fiziere, sea periu rio hy aleuoso. Et
 otrosi uozeros et mayordomos.

 Qui se alzare a uozero.
 Tod ome que se a uozero lamare, non le uide el alcalde
 uozero. Et si io uedare sea periurio, et non meta bestia.
 Tod ome que se a uozero allamare, de uozero otro dia exida
 de missa matinal a la collation o li mandare el alcalde, et
 qui non uiniere a dar uozero, meta su bestia. Et si la non
 metier, pectet I. morabeti al quereloso. Et por quantas non
 metier, tantos morabetis pectet querenti. Et si el
 demandador non uiniere a plazo, pectet medio morabeti, sicut
 scriptum est ut supra.


[ LIII ]
 
 De uozero.
 Tod ome que se lamare a uozero, alzese per I. octauo de
 morabeti o dent arriba, et non menos. Negun ome non se alze
 a ccorral por menos de I morabeti. Et qui non prisier
 iudizio de corral a ccorral meta sus bestias. La primera sea
 muerta et las otras uiuas, et quantas fallescieren que non
 metiere, tantos morabetis pectet querenti fasta el primero
 en uiernes.

 De mulier non responda.
 Nenguna mugier non responda sin so marido, nisi illo que
 dicit ut supra.

 Calonnas de conceio.
 Todas las calonnas de conceio pectenlas en oro o en dineros.
 Estas son las calonnas: Qui boluiere mercado III. morabetis.
 Azogue III. morabetis. Corral de alcaldes III. morabetis.
 Boda III. morabetis. Conceio III. morabetis. Treguas 
 quebrantadas IIII. morabetis. Bando super uando L.
 morabetis. Aldea super aldea XL. morabetis. Qui bandear de
 lingua III. morabetis. Et exido de conceio sicut est super
 scriptum. Et todas las otras calonnas, assi como es escripto
 en esti foro.

 Qui ouier querela de clerigo.
 Tod ome que ouiere querela de clerigo uel muliere o el
 clerigo del lego o de muliere, qui demostrare plazo al
 clerigo o el clerigo al lego, o uozero ouiere a dar, uayan a
 la collation onde fuere el clerigo a exiente de misa et
 tomen II. fieles et uayan ante el uiccario o qui touier sus
 uezes, et iudgueles el uiccario con alcaldes de conceio. Et
 si el uiccario o qui sus ueces tuuier non fueren ena uilla
 prendan otro clerigo racionero, et iudgueles con I alcalde
 de conceio. Et qui al plazo non uiniere, pectet I. morabeti
 al quereloso. Et todos los plazos que ouieren clericos et
 laycos todos sean a una collation connombrada o se auinieren
 los clericos con el conceio.

 Alcalde pro iuyzio.
 Los alcaldes por iudicio non reciban ninguno precio. Alcal
 des et uozeros et mayordomos, si en falseria fueren
 fallados, pierdan el

[ LIV ]
 soldar et excan del
 portiello por aleuosos. Et cuantos hi fueren fallados en
 aquela falseria, tantos excan. Et si los otros non lo
 quisieren echar, todos excan por aleuosos et perdan el
 soldar ut supra dictum est. Et assi sea de todo aportellado
 de conceio que en falseria fuere fallado. Al corral siempre
 sea el andor a la puerta. Et los alcaldes iudguen III a
 tres, o quatro a IIII. Et fasta III. corrales sea todo so
 iudizio todo fenecido, et si non cayales en periurio a los
 alcaldes. Et si al corral de alcaldes ex uerdad fallaren que
 tuerto demanda, mandenle que se parta del otro. Et esto sea
 por todos los que ouieren iudizio por la uilla. Et todos los
 omes que pusieren el conceio, e los alcaldes, et los sex por
 guardar la uilla, tambien de pelliteria, tambien de
 ferradores, quam de tauerneras, tam de quanto fuere
 d'aguardar, et no lo enderezaren, excan por aleuosos, et
 pectent IIII. quatro morabetis al conceio. Et los sex uieden
 a todos los aportellados la nemiga que fizieren et con el
 conceio.

 Qui mandar por su barueza.
 Tod ome qui por su barueza mandare alguna ren a otro, delo si
 non lo soltare aquel a qui lo mandare, et isto es dicto per
 los pedidos.

 Pellitero que castrare penas.
 Todo pellitero que las pennas de coneios o de corderos
 castrare, pectet I morabeti al castiello. Et los zapateros
 que cantearen las suelas, pectent singulos morabetis al
 conceio.

 Qui auer diere a onzenas.
 Tod ome que auer dier a onzenas et non le dieren penos, non
 le respondan. Et qui iogare dados de noche, pectet I.
 morabeti, et en la casa ubi los iogaren, pectet II.
 morabetis a los alcaldes si ei firmaren. Sin autem, iuret
 sibi tercero.

 Qui ouier aparceria en molinos.
 Todos omes que aparceria ouieren en molinos o en azenas o en
 aldeas, fagan so cabildo o se quisieren.


[ LV ]
 
 De firmar.
 Tod ome que ouiere afirmar delant alcalde, firme qui el
 iudicio iugdo. Et si non firmare caya. Et non faga manna ant
 aquel alcalde, ni el alcalde no lo faga mannia mays digales
 el iudizio como lo iulgo. Et si noluerit eis dicere sit
 periurius, et pectet la peticion al quereloso. Et toda firma
 assi deue seer preguntada de los alcaldes o de so uozero:
 Uienes iurar tu, fulano, et dizer uerdad a Dios hy a Sancta
 Maria que en esto que te preguntaremos uerdade firmes o
 iures, et nin per amor, nin per prometimiento, nin per
 enuidia, nin per malquerencia, ni per malquerencia,
 nin per parentesco, nin per neguna otra cosa non digas si la
 uerdad non. Et diga el: si iuro. Et diga el alcalde o el
 uozero: «si uerdad sabes et mentira uienes iurar o firmar,
 cofondate Dios en este sieglo el cuerpo, et en otro el
 alma»; et respondat el otro: «amen». Et qui non quisier
 responder o por otra rebolta lo metier sea caydo. Et assi
 deuen firmar, qui presentes eran en aquela cosa, et hy
 souieron de los piees, et uieronlo connos oios, et odieron
 conas oreias, et testigos foron fechos de aquela causa, et
 aquelo firman et aquelo otorgan. Et todas III las firmas
 assi lo digan por palabra. Et si dixier el que demanda: «non
 complio tu firma», hy diga en que non complio. Et si dixerit
 el alcalde: «compli esto», et noluerit complire, por hi
 caya, et statin dicat el alcalde qual es caydo o qual
 leuantado, et si lo non dixiere, sea periurio, et pectet la
 peticion al quereloso. Et si enna uilla fuere el alcalde,
 sperenlo fasta que uenga o lo uayan demandar. Et qui no lo
 quisier esperar o lo yr demandar, per i sea caydo. Et si non
 fuere ena uilla el alcalde, saquen fiel, et uayan ante otro
 alcalde. Et qui non quisier temar fiel o ir ant otro
 alcalde, por hy sea caydo. Et el alcalde ante quien
 cognoscieren el iuhyzio ambos los contendores, el alcalde
 mismo lo iulgue como las uozes conoscieren antel, hy el
 mismo lo de liure. Et si non quisier de liurarlo, pectet la
 peticion et sea periurio. Et qui mana fizier enas
 conoscencias, este alcalde lo pregunte. Et qui negare el
 iudizio, aquel meta penos de morabetis al alcalde, que
 depues negum ome que dixiere: «depues feziste conuenencia
 conmigo» o val feziste conmigon, no lo preste. Por auer o
 por firma que aue I a otro a ffazer, si non fuer fecho ant I
 alcalde, non preste. Esto es, porque dezien muchos omes:
 «depues feziste al conmigo». Et auer iudgado delant alcalde
 lo den. Nullus homo qui auer ouiere a dar a otro, delo ante
 III testigos o un alcalde et si depues lo negare que non ge
 lo dio,

[ LVI ]
 duplelo a so contemptori porque lo tien
 et lo demanda otra uez, si ge lo pudier firmar. Sin autem,
 saluese sicut forus est.

 Qui leuare porton de rey a casa de uezino.
 Tod ome que fuere o leuare porton a casa de uezino de
 Caceres, pectet morauetis al conceio, et exca por aleuoso.

 El corredor de la ropa.
 El corredor de la ropa non tome mas del moraueti de II.
 dineros, et de XVIII. dineros uno.

 En quales dias non prenden.
 Negun omme non prende en dia domingo, nec en die iouis, ni en
 las III pascuas del anno, nin dia de san ioan, nin dia de
 san pedro, nin dia de san migael, si non fuere por calonnas
 de conceio o por apellido o por danno; et qui en estos dias
 notados prendare, torne el penno con V. solidos.

 Qui metier bestia per iudizio de corral.
 Tod omme que bestias ouier a meter per iudicio de corral,
 metala lunes mannana.

 De alcaldes conuenidores.
 Todos aquelos que iudizio ouieren, fagan III. uezinos
 alcaldes et conuenidores, et iudguen so iudizio, et preste
 tanto como un alcalde iurado. Et aquel que mandaren bestia
 meter, metala. Et si la non metier, accipiat alter penos de
 moraueti. Et si la mandaren soltar, et la non soltare, et
 alla trasnochare, dela duplada al querenti, et firmen tanto
 como I. alcalde iurado. Et alcalde iurado de conceio iudgue
 fasta V. morauetis, et firme. Et II. alcaldes firmen per X.
 morauetis, et III. fasta XV. morauetis. Et IIII. por XX
 morauetis o dent arriba.


[ LVII ]
 
 A qui demandaren auer moble.
 Tod omme a qui auer moble demandaren, et dixier el otro:
 «tuerto me demandas», iure el otro que demanda que suyo fue,
 et non lo uendio, nin lo dio, nin lo enpenno a ninguno, et
 respondale aquel que lo touiere. Et si dixier: «dare otor»,
 delo a IX. dias. Et el otor iure que por esto lo otorga, que
 lo uendio, o que lo dio, o que lo enpenno, o que fue fiador
 dello, si lo preguntaren. Et si assi non fiziere, por hy
 cayat. Et de fiador que ualia aya de la peticion dupalda. Et
 si otorgar en la mannana, meta bestia in nocte. Et si nocte,
 metala otro dia. Et si hoc non compleuerit ille qui dat otor
 por hi caya. Et hi o diere el otor, hi de fiador que faga
 que mandaren alcaldes si ge lo demandaren, si no, por hi sea
 caido. Et si rancado fuere el otor, el fiador pectet duplo
 et caudal. Et qui se adclamaret ad otor, et non compleuerit,
 duplet illum so contentori. Et si dixier: «non puedo auer
 aquel qui me lo dio o uendio», iure que lo conparon o gelo
 dieron, et non lo pued auer, et det illum ad illo qui
 demandat. Et aquel que demanda, de fiador, que lo tenga
 manifiesto fasta medium anno.

 Uedar forcias.
 Alcaldes et VI enforquent latrones et uetent forcias et
 uirtos. Et sin non hoc fecerit, si illis in periurio.

 De uoze sua.
 Tod ome qui su uoz baraiar, de la uerdade, que uerdade
 demanda o uerdade ampara. Tod ome que uoz agena baraiare, de
 la uerdade que quanto pudo pesquerir, uerdade baraia, o
 demanda o ampara.

 Clerico que porcionem abuerit.
 Todo clerico que racion ouier en eclesia de Caceres, sos omes
 et sos parientes que con el moraren sin soldar, habeant
 forum, sicut alii uicini de uilla.

 De latrone que preso fuere pro furto.
 Todo ladron que preso fuer per furto, fasta que los alcaldes
 et los VI sepan uerdade, non li den de mano. Et qui lo
 enuinare adugalo. Et si lo non aduxiere, metad hy so cuerpo.
 Et si fasta III. moue dias non uiniere quereloso tras el,
 denle de mano.


[ LVIII ]
 
 Aguas de goteras.
 Todas aguas de las goteras et de las calles et de los
 corrales, por o mandaren alcaldes et bonos omes, per hy
 uayan derechamientre.

 Segadores e desquiladores.
 Los segadores sieguen a diezmo et tomen por suerte. Los
 desquiladores tomen por suerte de XL uellocinos uno de
 mayores. Et de corderos tome de XX. uno.

 Arar con iugo de boys.
 Tod ome que con so iugo de bues arara, maguer se faga iuguero
 se pechero. Et el mediero que con su mano arara, si ualia
 ouiere, pectet la media puesta, et non uaya en fonsado ni en
 apellido.

 Qui labrar heredad de so domino.
 Tod ome que morare et lauare en heredad de so sennor, sea
 solariego et sea excusado de pecho et de fazendera. Et si en
 otra heredad labrare, pectet si ouiere la ualia.

 De calonna.
 Tod ome qui calonna ouier a pechar, doblada, dela con IIII.
 morabetis querenti.

 De iudeo.
 Nullus iudeus non teniat uocem suam nec alienam. Sin autem,
 pectet IIII. morabetis alcaldibus.

 Colmenero.
 Tod ome qui colmenero quisiere sacar de XL. colmenas a arriba
 lo saquen, et sea excusado. Et tal sea el colmenero, que las
 curie culos pennos et tidianas.

 Qui penus iectare ad alquile.
 Tod ome qui penos iectare alquile, et el qui los touiere los
 angue rare, non le dent el alquile. Et si por pan, et por
 uino, o por uino, o

[ LIX ]
 por carne, o por pescado, o
 enprestados, et fasta tercer dia non los sacare, enguere 
 prende per so auer o por otra cosa.

 Auer manifiesto delant alcaldes et iudgado prendat.
 Tod auer manifiesto delant alcaldes denlo a IX dias. Tod auer
 iudgado de alcaldes et conuenidores non aya ferias nin
 solturas. Tod auer iudgado d'alcaldes et conuenidores por
 dar a VIIII. dias, non se pare tras ferias, nin tras otras
 respusas. Et las otras firmas o los otros plazos, quando
 mandaren los alcaldes responder que echaron las respusas,
 respondad unusquisque a suo plazo.

 Qui affirmar pro iudizio que demandare.
 Tod ome que demandar auer o heredad o qual cosa se quiere,
 dese es la firma. Et si uerdad demostrare el otro que
 mentira firmo, non le preste. Et excan per aleusos los que
 firmaron, et fagan delos iusticia los alcaldes assi como
 fuero es. Et si lo non fizieren, sint periurati.

 Qui a otro ouier aduzir.
 Tod ome que ouiere aduzir a otro a plazo, adugalo del termino
 a III dia. Et de fuera de termino a VIIII. dias. Et si lo
 non aduxiere, iure que fue buscarlo et lo non pudo fallar.
 Et tragalo fasta otros VIIII. dias. Et assi faga fasta III.
 VIIII dias iurando que lo ua buscar et lo non pued fallar.
 Et si iurar non quisier o el plazo no lo aduxier faga la
 uoz. Et si dixerit: «arrafala es o en caualleria», iure que
 alla es, et adugalo a la descamia. Sin autem, respondat. Et
 si dixerit: «pastor es», iure que pastor es, et sperelo
 fasta las entradas o a las exidas, et delo a derecho. Et de
 fonsado o de azeria connombre adalil et iure que alla es, et
 a la auenida del adalil o de la sena, delo a derecho; si
 non, responda. De Iherusalem usque un anno. De Roma fasta
 medio anno. De Sancto Egidio a III meses. De Sancto
 Saluatore a III selmanas. De Sancto Iacobo a I mes. De
 Sancto Dominico a III selmanas. Et de catiuo a I anno, si
 ante non saliere. Et por tod esto iure con I uizino que alla
 es o dize. Et por esto non se modro. Tod ome que torna
 fiziere de terra de moros o de christianos, el contentor
 adugalo las bestias iaziendo. Et si dixier: «do es a uenado
 o a monte», iure que non sabe su posada et connombre
 companeros con qui fue, et a uenida de sos companeros
 adugalo.


[ LX ]
 
 Qui entrare en plazo por.
 Tod ome que entrare en plazo por otro omme aduzir a plazo, et
 enfermare, uenga qui los pennos quisiere sacar et iure que
 enfermo iaze, et sin arte, et quando sanare, responda.

 Carreras de conceio.
 Qui fuere en mandado de conceio, den al caualero I morabeti
 fasta Turgiello; et fasta Montanches medio morabeti; et a
 Medellin morabeti et medio; et a Merida alliud tanto; et a
 Badaioz II morabetis; a Alcantara I morabeti; a Coria I
 morabeti; a Galisteo I morabeti; a Plazencia I morabeti;
 fasta Salamanca VI morabetis; a Alua VI morabetis; a Auila
 VI morabetis; a Beiar IIII morabetis; a Talauan IIII; a
 Ciudad IIII; a Toledo VIII; fasta Duero VIII morabetis;
 denle alla X morabetis.

 Por furto.
 Por furto o por condesiio, por IIII morabetis o dent arriba,
 lidie o saluese assi como es fuero.

 De iuras.
 Tod omme que a iurar ouiere, pectet I morabeti iure con
 uizino, por II con II, por III con III, por IIII o dend
 arriba sibi V.

 De negare por.
 Tod ome a quien demandaren furto et negare, et pues uencido
 fuere por ello, delo doblado con IIII morabetis al
 quereloso.

 Qui firmare a otro.
 Tod ome que firmare contra otro por X morabetis o dend
 arriba, responda a repto.

 De reuelar penos.
 Tod ome que penos reuelare en uilla o en aldea, el andador de
 conceio prende per II morabetis por mandado d'alcaldes, I al
 quereloso

[ LXI ]
 et otro al castiello. Et si el andador
 reuelaren penos, el andador diga a los otros que hy fueren
 ut aiuuent eum. Et qui illum noluerint aduuare, pectet
 unusquisque singulos morabetis al castiello, o iure cada uno
 con I uizino que gelo non dixo. Et qui reuellare penos a los
 alcaldes o a los VI pectet IIII morabetis, I al quereloso et
 III al castiello. Sin autem saluese sibi quinto.

 De calonna.
 Todas las calopnas que son dichas et por dezir que en este
 fuero iazen pora los querelosos, ayanlas. Et todas las otras
 sean pora conceio et por al castiello assi como son
 scriptas. Et los uozeros de conceio manden acotar por ellas,
 et recabdenlas, et denlas al mayordomo de conceio. Los
 uozeros de conceio, el auer que por ellos se perdiere, elos
 lo pectent a conceio.

 Ferias de agosto.
 Estas son ferias d'agosto: De dia de cinquaesma fasta Sancta
 Maria d'agosto non respondan por nenguna cosa nisi por morte
 de homine, et por mulier forciada. Et por furto, et por
 forcia et uirto, si fuere fecho enas ferias. Et si non fuere
 fecho enas ferias, non responda. Et si dixier el que ampara:
 «no lo fiz en ferias ni en ante», el quereloso meta la uerdad
 que lo fizo en ferias, et respondale. Por bue et por uacca
 domados, et por carro, et por quanto perteneze a era, et por
 pan de panadera et uino de tauernera, et por uino de cuba,
 et bestia denguera, et cauallo de siella, et mula de siella,
 escudo, et lanza, et espada, et todas armas, non ayan
 ferias.

 De ferias de XL.
 Estas son ferias de XL: Respondan por dineros de laurador, et
 por azada, et por azadon, et por podadera et por todo danno
 de lauor, respondan. Por prado, et por uina, et por mieses
 et por cuanto pertenesce a lauor, et por molino, et por
 azenna respondan. Et estas ferias atal fuero ayan como las
 ferias de agosto. Soldar de collaço nin perdida que el faga
 a so senor non aya ferias. Ganado de leche nin colmenas non
 aya feria. Diezmo, ni mortuorio, nin primicias non aya
 ferias.


[ LXII ]
 
 Tod ome que ouier otro a dar.
 Tod ome que auer ouiere a dar a otro, et ferias entraren,
 pidagelo con III testigos et del dia que gelo pidiere dielo
 a VIIII. dias. Et si lo non diere duplelo ferias exidas.

 Qui leuare pan a terra de moros.
 Tod ome qui pan leuare a terra de moros, o miel, o queso, o
 manteca, o armas, o cauallo, qui lo fallare prendali quanto
 troxiere sin calonna et suyo sea. Et aduga el cuerpo a los
 alcaldes que fagan del iusticia, et pierdan tod el otro auer
 que ouiere. Et prendan los alcaldes la meatad et el conceio
 la meatad por el castiello. Et si dixerit que non lo pudio
 prender, saluese con IIII, sibi V.

 Qui traxerit cutello.
 Tod ome qui cuchiello traxerit in uilla aud in calle, aud in
 raualde, et alcaldes inuenerint eum cum eo, pectet II
 morabetis a los alcaldes. Et in domum ubi ospicium
 habuerint, dicat illi ospes suus ut laxet cutellu. Et si non
 dixerit pectet II morabetis alcaldes. Et si lazare noluerit,
 dicat ospes alcaldibus. Et ille qui traxerit pectet II
 morabetis a los alcaldes. Tod ome qui lo troxier en
 ascondido pectet la calonna doblada. Et tod ome que fuera de
 uilla quisier yr, tomelo en su mano, et fora de la uilla
 metalo en la cinta.

 Qui per uilla ambulauerit de nocte.
 Tod ome qui de noche andar por uilla, postea quod cinbalum
 cesauerit, et non dixerit unde ueniat, aut quo uadit, et per
 bonos homines non prouauerint pro bono, faciant ei quasi ad
 latronem.

 De pescado de rio.
 Tod ome qui pescado de rrio matare, ele lo uenda aut uxor sua
 uel filii sui.

 De non recatonear pescado.
 Tod ome qui pescado comprar pora recatonear, pectet II
 morabetis a los alcaldes. Et qui gelo uendiere, unusquisque
 pectet II morabetis.

[ LXIII ]
 Sin autem saluese con II
 uizinos non sit ausus uendare pisces in domo sua, neque
 carnes, nec pane cocto, nec ullam rem, neque uino. Sino in
 mercato; sicut mandauit Dominus rex, usque ad sol occasum.
 Et qui inde aliud fecerit, pectet I morabeti alcaldibus.

 De non poner barco.
 Nullus homo non ponat barco in flumen in illo loco ubi est
 barco de conceio. Si non si quisier passar omes de conceio
 sine precio. Et qui alium barcum ibi posuerit, prenda el
 barco que sea pora conceio, et pectet II morabetis
 alcaldibus.

 Qui carrera quisier sacar.
 Tod ome qui carrera quisier sacar, si se auinieren entre si,
 saquen su carrera, fueras carrera de conceio, et aya octo
 como si la sacassen los alcaldes. Et si se non auinierem
 uengan al cabildo, et deles el cabildo IIII alcaldes que la
 saquen. Et denles a los alcaldes I morabeti. Et postea qui
 fuerit sacata, qui la cerrar o la arar pectet X morabetis,
 medius alcaldes et medius a concilio. Et la carrera que assi
 non fuer. sacada non aya coto.

 Qui ualladar quebrantar.
 Tod omme que con su ganado o con sus bestias o con su cuerpo
 quebrantare ualladar o linde agena, pectet II morabetis
 donno lumas o de balladar. Et faga el ualladar si potuerint
 ei firmare. Sin autem saluese si III.

 Qui firiere ad alcalde.
 Tod ome que feriere ad alcalde o el alcalde a otro, pectet la
 calopna doblada al quereloso si fiziere liuores de sangre o
 de cardeno.

 En quales dias non iudguen.
 Los alcaldes non iulguen en dia de dominico, nec in die de
 iouis, ni enos otros dias supra scriptos, [ni] ante de
 missa, ni de [pus] uesperas.

[ LXIV ]
 Et si iulgare, non
 preste suo iudicio et sea periurio; si non fuere por
 rraigar.

 Qui uiere puercos en defesa.
 Tod ome que uiere porcos ena deffesa de conceio, prenda de
 cada uno I quinta de morabeti, medio para ssi et medio al
 conceio. Et si montarazes o alcaldes prisieren esto, tomen
 media calonna ellos et la media conceio. Et esto sea omni
 tempore. Et qui ganado hy metiere a ssapiendas, pectet I
 morabeti dictum est. Et si dixerit: «no lo meti ad
 sapiendas», iure que no lo metio assapiendas, et pectet la
 quinta de morabeti. Et quando la derrompier el conceio, non
 entre hy si non cauallo, o mulo, o mula hy asno. Et otrosi
 qui fallare ena defesa yegua, prenda I morabeti de calopna,
 sicut dictum est. Por buey et por uacca tome X de morabeti.
 Et por V oues et por V cabras, o por V ansares, tome X de
 morabeti.

 Prado a fuero.
 Todo prado a ffuero assi deue seer moionado: A cabo de VIIII
 passadas, V zespedes uno[s] super otros. Et si el prado
 fuere cabo defesa de conceio, o cerca d'exido, o cerca
 carrera tan de uilla quam de aldea, encierrelo de V palmos
 en alto et III en ancho. Et los alcazares et los ortos de
 las fonteras similiter. Sin autem, non habeant calumnias.

 Qui lauare ena fonte.
 Toda mulier que lauare ena fonte de Caceres, de los moiones
 que pusieren alcaldes et mayordomos adentro, pectet I
 morabeti la meatad aquel que la tomare, et la meatad a
 conceio. Et si esto non apartaren alcaldes et mayordomos,
 sit illis in periurio.

 Aparceria de cabana.
 Tod ome qui parceria fizier per mantener cabanna, teneat
 usque un ano si no le uinier catiuazon o enemiztad. Et qui
 assi non fiziere, pectet VI morabetis a sus aparceros. Et
 torne y el ganado, bestias metiendo a tercer dia en casa
 de los aparceros; et estas non ayan ferias nin solturas.


[ LXV ]
 
 Qui echar so ganado.
 Tod ome qui echare so ganado en cabana agena sin grado de so
 domino, perdalo et non respondan por el. Et el ganado de los
 aportetellados, qui lo anafagare et lo salgare, esse prenda
 la leche.

 Qui tomare carneros de oues alienas.
 Tod ome qui fuere a oueias agenas prender, carneros, o oueias
 o puercos, o nenguna cosa, dela doblada con IIII morabetis
 al quereloso. Sin autem saluese sibi V.

 Qui inuenerit moro.
 Tod ome qui fallare moro o mora d'otras partes en Caceres o
 en so termino, si senor nol exiere, ayaslo. Et si el senor
 lo exiere, et el moro fuere fallado desde la sierra de
 Sancto Pedro aca, denle I morabeti en fallalgo. Et de la
 sierra allende II morabetis. Tod ome que fallare so cauallo
 de siella, que perdudo ouiere en aceria, o en desbarato, o
 en apellido, o en qual logar se quier, det I morabeti en
 falladgo et aya so cauallo. Tod ome que fallare asno o uacca
 o buey fueras de nuestro termino, denle en falladgo singulas
 quintas de morabetis. Et de L oueias prenda III. Et de L
 porcos prenda III et dend arriba a ssu conta. Et dend a iuso
 a ssu conta, et si en el termino lo fallaren, tomen la
 meatad. Et si moros leuaren el ganado et fueras de nuestro
 termino lo sacudieren, tomen end el quinto aquelos que lo
 sacudieren. Et si tras castiello de moros lo sacudieren,
 ayanselo todo si en el castiello trasnochare.

 Aldeanos.
 Todos los aldeanos que lauraren con bues, den senas ochauas
 de zeuada a los iunteros, et el mediero media. Et el anno
 que non sembraren non den nada a los iunteros. Tod aquel que
 ualia ouiere de X morabetis fasta XX de media octaua de
 ceuada a los iunteros. Et de XX morabetis arriba ochaua
 complida. Et de X morabetis aiuso non den nada. Uibda que
 ouiere fiio de XV annos a asuso, et fiziere so mandado, de
 en iunteria et de en todas sus derechuras.

 Qui dixerit: este es mio preso.
 Tod ome que dixerit: «este es mio preso per mi auer» hi otro
 omme ouiere del querla per so auer, si troxiere fierro en
 manos o en piedes

[ LXVI ]
 et omes de su pan andaren con
 el, sea su preso. Et si assi non andare, non sea so preso.
 Et esto que lo uean II alcaldes o tres omes bonos. Et al
 primero de su auer. Et dent arriba uenga el que lo primero
 lo priso et det a todos sos debdores a ssu conta. Et aquel
 que primero lo touiere responda con el al otro, et el otro
 otrosi responda al otro. Et si gelo non parare delante el,
 pectet la peticion al quereloso. Et el qui demanda iure con
 III uizinos o firme que aquella querella a del que demanda.
 Et depues responda el preso. Et si uenciere el preso uaya en
 paz, et si non uaya preso fasta que de su auer al contentor.

 Los lauradores del castiello.
 Los lauradores del castiello fagan su lauor usque ad festum
 Sancti Martini, si cal ouieren a farto. Et lo que ficare del
 marco que les diere el conceio o que sacaren d'almoneda,
 faganlo doblado.

 Qui sacar armas a buelta.
 Tod ome qui sacare armas a bolta, pectet IIII morabetis a los
 alcaldes, si ei firmaren. Sin autem saluense sibi V. Tod ome
 qui fueras de uilla exiere con armas contra otro, pectet X
 morabetis, los medios a los alcaldes, et los medios al
 quereloso. Et si los alcaldes lo perdonaren, sean periurados
 si gelo pudieren firmar. Sin autem saluese con IIII et el V.

 Pro muerte.
 Por muerte de ome, o por mugier forciada, o por lision qui
 bestias ouier de meter, metalas uiernes o sabado ante de
 missa matinal et sea encerrado. Et si fuera lo testiguaren,
 pectet sicut dictum est ut supra.

 Qui pidier lide a otro.
 Tod ome que pidier lide a otro, pectet IIII morabetis a los
 alcaldes si gelo firmaren. Sin autem iure sibi V. Et qui
 primero lo pidier, pectet los IIII morabetis por si, et III
 por el otro alcaldibus, et el qui firmare que sobre si torno
 non pectet.

 Por toda peticion.
 Et por toda peticion conosca o niegue. Et si non quisier
 conoscer o negar, meta bestias cada tercer dia, fasta que
 conosca o niegue.

[ LXVII ]
 Et otrosi qui se quisier
 echar a uozero, ante que cognosca o neget, se eche et por
 una demanda no se eche mas de una uegada a uozero.

 Uibda como parare fiel.
 Uibda per bestia o per pennos de morabetis pare fiel, et per
 otra cosa. Uibda non uaya ad fiel si non fuer por raigar.

 Por qui prenda.
 Por tod ome que prendaren de qual parte que quier, uaya el
 saque la prenda. Tod ome que uiniere a Caceres, et prendaren
 por hermandad y por aquel que prendaren fasta VIII dias uaya
 sacar la prenda. Et si la non sacare, cada tercer dia meta
 bestia fasta que la saque. Et non aya ferias nin solturas.
 Et los alcaldes acoten et fagan meter las bestias en casa
 del quereloso fasta que saque la prenda.

 Qui sin mandado de alcaldes prenda.
 Tod ome que sin mandado de conceio prendare o de los iunteros
 et iudizio non quisiere facer, et per el prendaren en otra
 parte las bestias yaziendo saque la prenda.

 Iunteros.
 Los iunteros tengan las iuntas et las alcaldias de las
 ermandades. Et tomen su ceuada et sus uibdas, et su[s]
 treguas, et si mays tomaren, excan por aleusos del
 portiello. Et non tomen nengun precio por iudicio iudgar.
 Las treguas son IIII morabetis. Qui prenda[r] sin
 mandamiento de conceio o de alcaldes, et si los VI fallaren
 uerdad que por iudizio otro auer prisieron, excan por
 aleuosos et pectent XX morabetis al conceio poral castiello.

 Qui se alzare a sex.
 Tod ome que per so iudicio a los sex se alzare, et los
 alcaldes lo demandaren, sean periudaros, et por esto non
 meta bestia. Et esto per iudizio de corral.


[ LXVIII ]
 
 Qui ouiere querela de fora parte.
 Todos los querelosos, tam de uillas quam de aldeas, si
 ouieren querela de homines de fuera de uilla, uayan a los VI
 et a los iunteros et mandele prender su entrega. Et de los
 iunteros semper sean IIII alcaldes a los iudizios iudgar de
 fueras de uilla.

 Conta de mayordomo.
 Los mayordomos, desdel dia que exieren del portiello fasta
 tercer dia den el auer que touieren a los otros mayordomos;
 si non denlo duplado al concilio.

 De buelta.
 Alcaldes o uozeros que a buelta o abaraia sobreuinieren et
 uieren ferir o messar firme I fasta V morabetis, et pectet
 el que firiere o messare al quereloso. Et II alcaldes, fasta
 X morabetis firmen, et diganlo per la iura que fizieron a
 conceio. Et dent arriba IIII alcaldes firmen.

 De dar a comer.
 Nullus homo de Caceres nin de so termino non den a comer a
 nengun omme fueras al cuerpo del Rey, si non fuer por su
 amor.

 Toda aldea que forcia ficiere alcaldes.
 Tod aldea que forcia fiziere a alcaldes o a uozeros, et
 apellido dieren a otras aldeas, et no les quisieren aiudar,
 pectet morabetis a los alcaldes que recibieren la forcia.

 Rico ome non faga forcia.
 Nullus diue homo que forcia fizier en aldea o posare el o su
 criazon, et apellido dieren, et sus uizinos o de las otras
 aldeas lo sopieren, no les aiudaren, pectet morabetis, los
 medios al quereloso et medios alcaldibus.


[ LXIX ]
 
 Alcaldes et uozeros respondan.
 Los alcaldes et los uozeros non se paren tras alcaldia que no
 respondan.

 De fiel.
 Tod alcalde, o tod uozero, o escriuano, o mayordomo, si les
 non pararen fiel por los penos que prendaren en so portiello
 estando, non respondan mays por ellos.

 Quando exieren alcaldes.
 Los alcaldes, quando exieren de la alcaldia, como toui eren
 los presos con el cepo, assi los den a los otros alcaldes
 que entraren.

 Qui non fuer scripto.
 Tod ome que ualia ouiere de X morabetis et non fuere scripto
 en carta o en padron, non sea uizino a ffuero, nin tome
 portiello, nin firme, [nin iure] sobre otro. Et cada die
 dominico, pectet I morabeti alcaldibus usque intret in
 padron et in carta.

 Qui forciare alcalde.
 Tod ome de uilla o de aldea que forcia fiziere a alcaldes o a
 uozeros, elos andando in pro de conceio o del rey, pectet
 morabetis a aquelos que fizieren forcia.

 Qui can ouiere et dano fizier en uina.
 Qui can ouiere en uilla o en aldea, o ouiere uinnas, et a las
 uinnas fuere el can, et el dueno de la uina lo uiere dentro
 et lo non pudiere prender, pectet el dueno del can V
 solidos; si non metagelo en manos al duenno de la uinna. Et
 si dixerit el duenno del can: «non entro en tu uinna», iure
 el duenno de la uinna que en su uinna lo priso, et pectetle
 la calopna; si non, metali el can en manos al quereloso. Et
 si el can [non] touiere garauato de V palmos en alto, et I
 en coruo, pectet el duenno del can una colodra de uino, o si
 lo testiguare con II ommes sin garauato.


[ LXX ]
 
 Qui matare galgo otro can.
 Qui matare galgo, o carauo, o can rostro, por el galgo pectet
 II morabetis domino suo, e por el carau. I morabeti domino
 suo, et por can rostro I morabeti domino suo. E por podenco
 o por alano, pectet II morabetis domino suo, si a tuerto lo
 matare. Et si pudier prouar que amparandose del can, lo mato
 et de cara lo firio, non pectet calona. Sin autem pectet. Et
 si galgo quebrantare pierna al tanto, pectet como si lo
 matasse. Sin autem, saluese con uno uicino.

 De primo iuntero nin podblador.
 Primo iuntero nin poblador, non pectet fasta I anno ni uaya
 en fonsado.

 A qui su mulier muriere.
 Tod ome a qui su mugier li muiere XV dias antes del fonsado,
 si fijo o fija non ouiere de edad, non uaya en fonsado. Et
 si touier la mulier lechigada non uaya en fonsado fasta que
 sane o muera.

 Qui ouier sobrino.
 Tod ome que sobrino ouiere en su casa sin soldar, de medio
 anno arriba que XX annos aya, uaya en fonsado, et preste, et
 si asi non fuere, non preste.

 Qui se sacare de fuero.
 Tod omme que de fuero se sacare, nol hy meta Dios.

 Aportellado que tenuerit uoz de latrone.
 Tod aportellado qui uoz de ladrones touiere, pierda el
 portiello, et pectet X morabetis al conceio poral casteno.

 Los carniceros e pescadores.
 Todos los carniceros que compraren uaccas o carneros o otro
 ganado para uender, non se echen tras ferias. Todos los
 carniceros o pescadores o otros merchanes, como a ellos
 respondieren en ferias, assi fagan ellos a los otros.


[ LXXI ]
 
 Auer de renueuo.
 Tod omme que auer dier a rrenueuo, sit excomunicatus, et el
 alcalde que lo iulgare a dar, sit periurius, et non le
 preste. Et si gelo pudieren prouar con III, ommes bonos, que
 lo iudgo a dar, exca el alcalde del portiello por aleuoso.

 Qui dexare mulier.
 Tod omme que su mulier de benedictiones o de iuras lexare, o
 ella a el, uaya al obispo o [a] qui touiere sus uezes, et el
 obispo mande a los alcaldes que lo aprieten que torne el
 baron a la mugier, o la mugier al marido. Et si non
 accotaren, o non apretaren fasta que se aiunten en uno, sean
 periurados. Et el pariente qui la amparar o en casa la
 touier, pectet X morabetis al marido, quantas noches alla
 trasnochar, si ei potuerit firmare. Sin autem, saluese sibi
 V.

 Qui morabeti dier por pan.
 Tod ome que morabetis diere por pan o dineros, nol den mays
 de quanto andare faita sancta Maria d'Agosto, desde sancto
 Iohane.

 Qui dier morabeti por sayal.
 Tod omme qui morabetis diere por sayales uayan a mercado, et
 quanto hi dieren a morabeti, tanto den a ssu debdor.

 Qui dier morabeti por mosto.
 Tod ome qui morabetis diere por mosto ante de Sancti Micael
 quanto dieren XV. dias depues de Santi Michael a morabeti,
 tantol y deso depdor.

 Qui enpenare casa o uinas.
 Tod omme qui uinas o ccasas o azennas enpenare, nol den otra
 cosa por laurarlas fasta que las saque. Et qui tonuerit
 illas, laboret eas quo modo pertine cada a huno. Et si ita
 non fecerit, el duenno de la heredad labre la herencia del
 auer que ouiere a dar et tome el desquilmo.


[ LXXII ]
 
 Qui se clamare a firmas.
 Tod ome que se lamare a firmas et non cononbrare, por hy
 cayat, si non fuere alcalde o fiel. Et non conombre mays de
 un pariente. Et pariente es, pater, aut frater, uel primo,
 uel secundo, o tercero, o quarto, et non meta mays de I
 pariente en firma.

 Parientes que segu.
 Todos los parientes que enemigo segudaren, seguden parientes
 de ambas partes fasta quartos. Et si non fueren los
 parientes de la una parte ena tierra segundelo los otros
 parientes. Et si omezilo cogieren, tome el padre o la madre
 la meatad. Et los otros parientes la meatad. Et si non
 ouiere pater, aut mater, suus fratres tomen la meatad, et
 alios parentes aliam medietatem. Et si non abuerit fratres
 aut sorores, los primos tomen la meatad, et secundos o
 terceros et quartos aliam meditatem. Et qui non uiniere a
 desafidiar o a segudar o a corral, sano seyendo o ena
 tierra, non tome parte del omezilo.

 Iudio que auer dier a rrenueuo.
 Todo iudio que auer diere a renueuo, de el morabeti a sex
 selmanas por I octauo morabeti, et dend arriba a ssu conta.
 Et de morabeti a iuso el soldo por dinero. Todos iudicios
 que ouieren iudios et christianos et firmaren II christianos
 et non firmar el iudio que con los christianos fuere en
 firma, el iudio pectet la peticion doblada al queleroso. Et
 hy de sobre quien sea fasta u de el auer. Et otrosi si el un
 christiano et el un iudio firmaren, et el otro christiano
 non quisiere firmar, aquel pectet la peticion doblada al
 quereloso.

 Iudio qui penus tomare.
 Todos iudios qui pennos tomaren sin testigo, pectet I
 morabeti alcaldibus et demangelo por furto. Et nenguno non
 tome auer de filio enparentado, sinon qui lo tomare pectet X
 morabetis a los VI et a los alcaldes. Tod omme que ouieren a
 iurar a iudio por cual cosa que quier, per su cabeza le faga
 derecho, bien como el iudio al christiano. Et fasta I
 morabeti iure el iudio por palaura. Et de morabeti arriba
 iure por carta dentro ena sinagoga, et teniendo la Tora enos
 brazos. Et si la Tora non ouieren, tengan el libro de los X.
 comandamientos. Et si ita non fecerit, por hy cayat.


[ LXXIII ]
 
 Qui conoscier auer a iudio.
 Tod omme qui su auer conosciere a iudio, firmele el iudio con
 II christianos que lo compro, et con sol o le empenaron, et
 de otor. Et si non pudiere firmar, iure el christiano que no
 lo uendio ni lo dio, ni lo mando enpenar, et que suyo es, et
 tome el auer que demanda. Todo iudio de otor por auer quel
 conoscieren.

 De firmar a conceio.
 Tod ome que ouier a firmar con conceio, firme con V de
 conceio uizinos o fiios de uizinos que ayan XV annos, assi
 como fuero es.

 Qui metier a otro en fiadoria.
 Tod ome que a otro metier en fiadoria, et alguna cosa pechar,
 doblegelo aquel que lo mando fiar.

 Qui a otro fiar su faz.
 Tod omme que fiare a otro su faz ant alcaldes et ante
 alcaldes, et antel quereloso lo desenparar, non responda.

 De los lidiadores.
 Los lidiadores que ouieren a lidiar per iudizio de alcaldes,
 equentlos los alcaldes, et del dia que los eguaren a tercio
 die, uayan a Sancta Maria a missa matinalem, et armentlos II
 alcaldes, quales ellos quisieren, et en su mano lidien. Et
 postquam fuerint, iuret qui amparat qui derecho amparat, et
 iure el otro que mentira iuro. Et qui amparat, de fiador que
 si cayere, pectet la petición doblada, et las armas si se
 dannaren. Et tal fiador de que ualia aya de la peticion
 doblada. Et depues que iuraren, non se manifiesten. Et qui
 ena elguesia entrare, pectet I morabeti a los alcaldes. Et
 aquelos que los armaren et hy fueren, saquenlos fueras. Et
 si noluerit exire, prendan de unusquisque singulos
 morabetis, et saquenlos fueras. Et si hoc no fecerint, sint
 alcaldes periurati. Tod ome qui los cotos passare que
 pusieren los alcaldes, lieuenlo por la iura qui fizieron al
 conceio, et pectet unusquisque VI morabetis alcaldibus, si
 non fuere uiatrero. Todo lidiador non esca de los cotos nin
 prenda otras armas sinon las suas o de su companero con que
 lidiare, o prenda piedra o tierra, et non prenda

[ LXXIV ]
 uestido de negum omme, nin pan, nin corte
 lanza que touiere en so poder de so companero, nin taie
 riendas, nin cabezadas, ni mate cauallo de so companero. Et
 si esto fiziere, iure que no lo fizo de su grado, et tome el
 otro este complimiento que dicho es de suso et defendido
 como mandaren los alcaldes, et cada I cauallo sea preciado
 en XXX morabetis. E tales fiadores den que uean los alcaldes
 que ualia auen de los caballos et de las armas. Lidiador que
 cauallo matare a so compannero, pectetlo, et las armas, si
 se dannaren, el que cayere esse las pectet. Et por armas et
 por cauallo non meta ommes en manos al quereloso, sed los
 fiadores pectent toda la apreciatura. Et si el raptado
 deuiniere a pie, spere al otro en campo que uean los al
 caldes que puede aguiiar a el de todas partes, et si amparar
 se pudiere fasta tercer dia de sol a sol. Et si el
 demandador de ueniere a pie, sperelo en campo, et el reptado
 conquiralo III uezes en el dia a manteniente. Et percuciat
 illum cum armis que tenuerit III uices in die a manteniente,
 in elmo, aut in loriga, o en escudo, o ennas armas que
 tenuerit, aut in corpo, fueras enna lanza. Et si el reptado
 escapare cauallero, conquiera el peon III uezes en el dia,
 sicut dictum est. Et istud faciendo, si usque ad tercium
 diem perseuerare potuerit, uincat suo iudizio. Et nullus non
 prendat ad alium ad pixam nec ad coiones. Nengun lidiador
 non passe los moiones. Lidiador que este coto non conpliere
 como iaze escripto en este fuero, por i cadat. Los
 lidiadores, postquam fuerint armati en ecclesia, se confecharen, den X morabetis a aquelos que los armaren. Et
 si ad campo exieren, quantos dias alla fueren, tantos
 morabetis de el que cayere. Et si se confecharen, ambos
 [pectent] estos morabetis. Lidiador que corriere ante que
 uenga a ssu casa, pectet V morabetis. Et qui cantare con el
 o quil uiniere con comer, pectet V morabetis al castiello.
 Los lidiadores en uno yagan et en uno coman, en manos
 d'aquelos alcaldes que los armaron, et si non confecharen,
 non se desarmen. Et postea que sol occasum fuerit, adducant
 illos ad uillam, et alio die saquent illos ad campo ante de
 medio dia. Et si los alcaldes esto non fizieren, sean
 periurados. Aportellados de conceio, non ayan el campo
 uedado o lidiaren. Qui uozes o siblos dederit a llidiador
 que cayere, pectet a el V morabetis si ei firmaren. Et qui
 dixiere a lidiador palaura que en esforciamiento le sea,
 pectet V morabetis al quereloso.

 Qui eguaia ouier a dar.
 Tod ome qui eguaia ouiere a dar fasta III. VIIII. dias la de.
 Et si en essos III. VIII. dias non diere eguala, el otro
 iure solo et ranque

[ LXXV ]
 so iudizio. Et en las
 egualas el que sacaren por peor, si la pidiere al otro,
 yeguenlo con el. Et a uizino den eguaia de uizinos et a
 moradores. Et qui ouiere a firmar, nel iurare o atestiguar a
 uecino testigue con uizinos et a morador con moradores.

 De firmas.
 Toda firma que firmare, esso firme onde fue fecho testigo de
 illo, et a tal cosa que fue mercada o dada antel. Et qui a
 morador ouiere a dar eguaia, o a iurare, nol firmare, si
 uezinos leuare, non caya por onde. Et en estas eguaias non
 entre soldadero de senor de terra nin ome que proua aya
 fecha que uenciesse, nin bracero, nin esquierdo. Et qui tal
 eguaia non diere, por hy cayat.

 Los que las ochauas sacaren.
 Todos los que sacaren las ochauas de conceio, metan en el
 mercado III. ochauas, et II arrouas, et II medias, et non
 anden hy estrageras. Et si hy andaren, fostiguenlas los
 alcaldes, et si non, sean periurati. Et quantas ochauas o
 arrouas o medias fallieren, destas que super dictas son,
 tantos morabetis pectent a los alcaldes.

 Auer qui fur a dar por bestia dalquile.
 Tod auer que fuere a dar por bestia dalquile, non aya ferias
 neque solturas.

 Qui mentira iurar.
 Tod omme que mentira iurar o ffirmar, et los alcaldes et los
 VI uerdade fallaren sobrel que mentira firmo o iuro,
 tresquilenle la meatad de la cabeza, et exca por aleuoso de
 conceio, et mays non aya portiello, ni firme. Et si los
 alcaldes lo soltaren, sint periurati.

 Andador.
 El andador, quando fuere en mandado de conceio, en aldea, ubi
 fuerit dent ei III dineros en conducto, et medio quarto de
 uino, et pan quanto ei oppus fuerit, fasta II panes.


[ LXXVI ]
 
 Aportellado.
 Tod aportellado de conceio que en pro de conceio fuere, sobre
 aquel que fiziere la mala fecha sobrel coma. Et si al
 conceio demandare que coma, si a aquel ome fallare, pectet
 VI morabetis al concilio. Et si a el non fallaren, o en otro
 mandado fuere, sirualo el conceio de la aldea o posare. Et a
 un alcalde denle I gallina, et a II. II gallinas, otrosi. Et
 pan et uino sennos medios quartos, et II dos panes. Et si
 gelo non dieren, prende el alcalde en casa del iurado del
 aldea, y eche los penos por la iantar doblada. Et si los
 penos le reuellaren al alcalde, pectetle I morabeti, et la
 yantar doblada. Et por esto diga uerdad al alcalde, per la
 iura que fizo a conceio, que sin escatima lo demanda, et
 pectet. Et a sos cauallos, a II una ochaua de ceuada, et a
 bestia mular, I tercia. Ystos sunt aportellados de conceiio,
 ad quos debent seruire alcaldes, et uozeros et mayordomos et
 escriuano.

 Qui pro inimicitate uenerit ad nos.
 Tod ome que por inimicitate uenerit de alia uilla ad ista, et
 omme de la uilla dixerit: «meo inimico es», firmelo aquel que
 demanda con III uizinos que ante uino a Caceres que el, et
 non prisieron sos parientes omezilo nin derecho, et stet
 illi ad directo. Et si nuluerit ei dare directo, uazie la
 uilla et el termino usque ad tercium diem. Sin autem,
 occidat eum calunnia. Et si ille que demanda, noluerit
 recipere suum directum, apretenlo los alcaldes, et mittat
 cada tercio die bestias, et non comedand nec bibat usque
 salutet eum et recipiat suum directum. Et quantas bestias
 non miserit, tanto[s] morabetis pectet quereloso. Et los
 alcaldes, si lo soltaren, cadat illis in periurium. Por toda
 demandanza, si omme non pudier auer derecho en una alcaldia,
 in otra pare fiel de cabo, o prende o desafie. Et si ita non
 fecerit, non ly responda.

 Las aldeas.
 Todas las aldeas de Caceres a la tierra onde ouieren
 ermandades, et por hy troxieren ganado o rrobadura,
 sagudenlo, et si non, et si non, ellos lo pectent. Et
 las aldeas rayguense et sis non raygaren, si tregua
 quebrantaren, ellos lo pectent. Et enna uilla, los iurados
 los rayguen, et si los non raygaren, sit illos in periurio.


[ LXXVII ]
 
 Qui fiel parar ad aldeano.
 Qui fiel parare ad aldeano, meta la uerdad que querela a del
 et diga su querela. Et si la uerdad non diere, no ly uenga a
 ffiel. Et sil prendare, tornely los penos doblados
 quereloso. Et si la uerdad diere, et a fiel non uiniere,
 pectet I morabeti a suo contentori, si lo firmare con el
 fiel.

 De labor de aldeano.
 Toda lauor de aldeano atal fuero aya de pecho como uizino de
 la uilla.

 Qui furtare uuas.
 Tod ome que uuas furtare de noche o quual cosa se quiere, si
 uerdad fallaren alcalde et iurados et uozeros, enforquenlo.
 Et si negare, iure con IIII uizinos. Et si non compliere,
 pectet el danno doblado et IIII morabetis domino uinee.

 De sospecha de su mulier.
 Qui suspecha ouiere a ssu mulier que aleue le faze, saluesse
 cum XII bonas mulieres que ayan maridos, et si con ella mala 
 estanza ouiere et salua fe le diere ante IIII alcaldes et
 depues la quebrantare, si la firmaren, pectet dictum est ut
 supra. Si non lidie o saluese.

 Uozeros et alcaldes de uedar furto.
 Uozeros et alcaldes et iurati anden por las calles et raiguen 
 los omes, et iudeant unusquisque que uita uiuet. Et sit isto
 non fizieren sit illos in periurio. Et de cada I aldea
 ueniant IIII homines bonos et iuren que se rayguen. Et si se
 non raygarem los de la aldea lo pectent el dano que hy fuere
 fecho por ladrones et por malos ommes.

 Qui uelar porcos.
 Todo pastor que puercos uelare, uelelos d'anno a anno sicut
 dictum est de sursum, et de las puercas aya el quarto de la
 criazon. Et sennas medias ochauas de centeno, et por los
 puercos uazios annales o dent arriba, aya senas ochauas de
 centeno o sinas quintas morabeti.

[ LXXVIII ]
 Et el
 puerco que non fuere annal, denly media ochaua de centeno.
 Et a rrazon como los uelare del anno, assi lo paguen a ssu
 conta. Et por quantos perdiere el pastor, pectet, assi como
 dicho es in alio capitulo.

 Qui uinier demandar a nostro uizino.
 Tod ome d'otra uilla que uiniere demandar a nuestro uizino
 heredad, por nuestro foro le responda. Acotar a ermandad et
 iudgar a uezindad. Et negun uizino non tenga uoz de ome de
 fuera contra so uezino, si non pectet II moraberis; I al
 quereloso et alcaldes de germanitate o tro.

 Qui bestia.
 Tod omme qui bestia ouier a meter, metala ante la missa
 matinal en casa del quereloso, et uaya et parele fiel
 sobrella al fuero a la collation o ouiere alcalde. Et si al
 plazo le non quisier uinir su bestia quita.

 Qui prendare.
 Tod omme qui penos prendare, si uenciere el cabdal uenza los
 pennos. Et si non uenziere el cabdal non uenza los penos.

 Qui uoz agena baraiar.
 Tod ome qui uoz agena baraiar, si uenciere el auer que
 demanda e la uoz uença los pennos de las calonnas que
 prendar. Et si non uenciere la uoz que demanda, ni el
 cabdal, non uenza los penos de las calonnas.

 Pastor.
 Pastor que ganado cogiere en cabana de so sennor sin so
 mandamiento, [sis perdiere], elle lo pectet.

 Alcaldes.
 Alcaldes que leuaren conducho a las aldeas en quaresma,
 lieuen pora II alcaldes un quinto morabeti. Et si plus
 fuerint a su conta. Et si minus, similiter. Et esto pague el
 conceio de la aldea o cenaren. Et si plus leuarent, non den
 illis nada.


[ LXXIX ]
 
 Quando exieren en apellido.
 Quando exieren en apellido, lieuen sus talegas, et non coman
 de nengun aldea, et si comieren, cayales en periurio, et
 pectet X morabetis al castiello. Et isto aprieten los VI.

 Qui uendiere pan.
 Tod omme que pan uendiere enas aldeas, pectet IIII morabetis
 a los alcaldes si uerdad fallaren de bonos omes, o iure con
 IIII uicinos. Otrosi, todo pan que uiniere de aldeas o de
 otra parte, et non lo uendieren en mercado, pecte [II]
 morabetis alcaldes et in cuius domo lo uendieren, pectet
 IIII morabetis alcaldibus.

 Qui quisier comprar pan compre fata un morabeti.
 Todo omme que pan quisiere conprar, conpre fasta un morabeti
 al dia, et non mays. Et si mays conprare, pectet II
 morabetis alcaldibus. Et esto en mercado lo conpare.

 De pan de alfoli uender.
 Qui alfoli ouiere enna uilla, uenda o se quisiere, mas qui
 conprare, non tome mays de I morabeti al dia.

 Qui arrompier casa de conceio.
 Tod ome que rompier casa o touieren cepo de conceio, pectet L
 morabetis, los medios a los alcaldes et a VI, et los medios
 al conceio. Et si omme sacare de cepo, pectet morabetis,
 medios al conceio, et medios alcaldes et los VI, et metan so
 cuerpo en el cepo en qual uoz iazia el otro. Et los alcaldes
 non tengan omme en cepo mays de VIIII dias si non por lo que
 dicho es de suso. Et aquel que fuere de iusticiar,
 iusticienlo. Et al otro assueluanlo, et si ita non fecerint,
 sint periurius.

 De manpostero.
 Tod ome que fuera manpostero, non sea mays de un anno, et non
 tome otro portiello. Et si otro portiello touier, exca por
 aleuoso et derribenle las casas, si el conceio gelo non
 mandare. Et el obispo de manpostero por si, et por sos ommes
 et por todas suas cosas que ouier en Caceres.


[ LXXX ]
 
 De partiia.
 Todos omes que heredad o otro auer de parientes partieren,
 partan delant fieles o delant parientes, o delante uizinos.
 Et si ita non fecerint, non preste su paracion.

 Qui matare uenado.
 Tod ome qui matare uenado ageno de sauuoso, tome del I quarto
 de la carne. Et si lo sacar de madero, delo duplado con IIII
 morabetis al quereloso, si el potuerit firmare. Sin autem,
 saluese qual fuere la peticion, et iure el dueno del uenado,
 con I uizino que el iua en pos el, e suyo era el madero. Et
 si non quisier iurar, non tome uenado, nin calonna.

 Ortolano a ffuero.
 Todo ortolano a ffuero a tal sea de nauidad a nauidad. Tod
 ome que metier ortolano en so orto dele asno et seron et
 azada pora estercolar. Et el ortolano de quantas semillas
 metiere, tome la meatad. Et de aquela [s] que so senor
 metiere, tome ende el quarto. Todo ortolano que horto
 touier, si mal lo laurar, el senor prenda en el leno et el
 ohortolano en el uazio. Et si por el senor fincar, fagalo
 testigos el ortolano, et el ortolano tome en leno, et el
 senor en el uazio.

 Collazo aportellado.
 Todo collazo uel aportellado que auer o bestia furtare o
 lleuare agena, su senor la pectet, et el fiador al senor. Et
 si non ouiere fiador el senor la pectet al quereloso. Et si
 el colazo o aportellado algo leuare a sso senor por I
 morabeti, iure el senor por su cabeza et degelo su fiador.
 Et por II morabetis, iure el senor con II uizinos, et por
 III e dent arriba con IIII et el quinto iure el senor, et
 por cuanto iurare, tanto ly pectet el collazo o el fiador.

 Alcaldes et escriuano.
 Los alcaldes de conceio, nin uozeros ni escribano, non sean
 metidos en lecha de conceia.

 De alcaldes del Rey.
 Alcaldes del Rey entren cad'anno con alcaldes de conceio.


[ LXXXI ]
 
 Como iudguen alcaldes sus calonnas.
 Todas sus calonnas iudguen los alcaldes in die lunes. Et si
 in dia lunes prismo no lo iudgaren, solten las bestias fasta
 el otro lunes. Et la uerdad que ouieren a dar, denla al otro
 lunes. Et si la non dieren, partanse a aquelos a qui
 demandaren. Et si aliter fecerint, sint periurati. Et non
 fagan corral fuera ende uiernes por los iudizios de la uilla
 iudgar. Et al sabado por los desafiados, et al lunes sus
 calonnas. Et los alcaldes ni los andadores non pidan enna
 uilla nin enas aldeas, si non sean periurati.

 Qui se metier en orden.
 Tod ome que se metier en orden, de la meatad de so auer a sos
 parientes como si fuesse muerto. Et otrosi non meta consigo
 herencia nenguna.

 Qui non ouiere equs.
 Alcalde que non ouiere cauallo a ffuero, non iudge nin preste
 suo iudizio, sicut scriptum est de sursum.

 De uestir loriga.
 Tod cauallero que loriga uistiere en hora de cueta en azeria
 tome por ella racion sicut supra scriptum est.

 Qui firmare.
 Tod ome que affirmar ouiere et sus firmas alongare iure
 quanto puede saber por uerdad que hy son o dizet, et enna
 iura lo meta que testigos fueron d'aquela peticion.

 De acotar.
 Uozero nin alcalde non acote si non por calonnas de conceio.
 Sin autem sint periurii.


[ LXXXII ]
 
 Qui ouier egua.
 Tod ome que egua ouiere, no la eche a oio de cauallo que en
 prado moionado a ffuero pasciere, excepto en almofalla o en
 aceria, et si la echare pectet I morabeti domino hequi.

 Auer de caualgada.
 Tod auer de caualgada e de conpana non aya ferias nin
 deuedamiento.

 Qui penus echare por pan o por uino.
 Todos los que penos echaren por uino o por pan, et no los
 sacaren fasta VIIII dias, fagan testigos con III uizinos que
 los saquen et si non quisieren sacarlos, uendalos qui los
 touier con un fiel, et si sobrare, demas denlo a sso duenno.
 Et si minguare, prende por su auer fasta que s'entregue, et
 non responda mas por ellos, et prende penos de morabeti al
 fuero. Et quantos dias passare que non pague, tantos
 morabetis uectet querenti cada tercer dia. Et si fiel le
 pararen, sobre la primera bestia responda.

 Alcaldes.
 Si alcaldes se aiuntaren por pro de conceio, non les caya en
 periurio, mas iudguen en estos III corrales que son sobre
 scriptos.

 Alcaldes por pro de conceio.
 Negun alcalde non remude los plazos de una collation a otra,
 si [non for] por ome bono que finare ena uilla, et alli sean
 todos los plazos a su porta. Et si aliter fecerit, cayales
 en periurio.

 Qui ouier su mulier enferma.
 Tod ome qui su mulier ouier enferma o su caballo, non uaya en
 fonsado, ni en apellido, si firmar pudiere con III uizinos
 tam in uilla quam in aldeas. Et non pectet fonssadera ni
 apellido.

 Qui desafiare a otro.
 Tod omme qui a otro desafiar, con pariente de mays acerca
 desafie.


[ LXXXIII ]
 
 Qui enprestare bestia.
 Todo omme qui su bestia enprestare a otro, o la leuare ad
 alquile, et mas luene la leuare, d'aquelo que pusiere con so
 dueno, dela duplada con IIII morabetis al duenno de la
 bestie. Tod ome qui bestia leuare ad alquile, et le mu
 riere, firmelo con III uizinos, tales como el dueno de la
 bestia quel murio de so mal, et non pectet nada. Et las
 firmas respondan a repto. Et si firmas non ouiere, saluese
 con IIII si V, et entre lide et iura et lide et iura
 qual quisiere el quereloso. Et esto por bestia de X
 morabetis o dend arriba. Et dent aiuso assi como fuero es.

 Qui bestia leuar a medias.
 Tod ome qui bestia leuare a medias et dixerit: furtaron ea
 mihi o perdidi ea, firme con III uizinos al uizino, al
 morador con moradores. Et si fuere la bestia de X morabetis,
 recuda a repto. Sin autem, saluesse con IIII et el V que la
 gardaua, assi como si misma sua fuesse, et la meatad de
 quanto ualiere la bestia en auer a domino bestie.

 Los menestrales.
 Todo menestral que demandare meryenda por lauor que faga,
 pectet morabeti a los alcaldes si firmare ei potuerint, aut
 saluese cun. I uicino.

 Ome que forciado fuere.
 Tod ome que forciado fuere por qual cosa quier, denly la
 petición duplada, con IIII morabetis.

 Qui ualia ouiere de X morabetis.
 Tod ome que ualia ouiere de X morabetis, tan de uilla quan de
 aldeas, de media ochaua trigo a los andadores, et iudua 
 similiter, et el mediero quarta.

 Ladron que furtare.
 Ladron que furtare, enforquenlo, et preste so auer a sos
 parientes.


[ LXXXIV ]
 
 De fiio.
 Todo omme qui fiio o sobrino ouier, et a otro ome matare, non
 pectet por el so uaer sos parientes, ni so patre nec mulier
 sue meatad, si so marido occiderit ad alium.

 Fiio enparentado non responda.
 Filio enparentado qui con suo patre morar, o sobrino, o
 iuguero, o ortolano, o molinero, o pastor, o colmenero, non
 responda a nadi, ni nadi a el. Et [si] fiio o sobrino de ome
 de uilla, demostrare fiel ad aldeano, si non uinier darle
 derecho, o omme in su uoz, pectet I morabeti suo contentori.

 Los VI ayan corral.
 Los VI ayan corral cada uiernes, et el que hy non uiniere,
 pectec I morabeti a sos companeros, si non se les espediere.

 Alcaldes.
 Los alcaldes non sten en corral con los VI, si non quando
 enuiaren por ellos. Et si los VI uieren cosa unde se debent
 partire los alcaldes, dicanles illos que se partant inde. Et
 si noluerint se inde partire, sedeant periurios. Et pectec
 morabetis al castiello.

 Alcaldes, ni escriuano, ni VI non quinten.
 Los alcaldes del Rey ni los de conceio, nin VI, nin
 escriuano, non den quinta. Atalaeros ni adalil non den
 quinta. Et el anno que foro iudez, non iudgue quinta.

 Almonedero que prendare.
 Todo almonedero que prendare enna calle, et II de calle
 quisieren iurar por los pennos, denlos aquelos por que
 iuraren, et si non, denlos duplados. Et in aldea similitar
 faciant.

 Qui acceperit oues.
 Toto homine qui acceperit oues per suo danno ubi andaren
 carneros castrados, delas dupladas per illo labore, quomodo
 dicit ut supra. Et

[ LXXXV ]
 boue aut uacca, aut bestia
 mayor qui in labore aliena intrauerit, pectet X de morabeti,
 et si intrare in prado, pectet X de morabeti. Et si ad
 sapiendas fecerit danno, pected toda sua calumpnia quomodo
 dicit ut supra.

 Por todo ganado.
 Per todo ganado dize esto, sicut dicit in alio loco que debet
 unusquisque pectare, et per gallinas que fecerint danno in
 orto aut in alio labore, pectet domino suo, por V ochaua de
 pan. Et si minus fuerint uel plus, a sua conta.

 Por borricco que pectet.
 Por borrico qui danno fecerit pecter I dinero; de borrico VI
 dineros in decimo; et de potro o de muleto I quinta.

 D'escusados.
 Por todo home qui escusado fore de fonsado et de apellido,
 non iecten sortem in alcaldia, nec in uozeria, nec en
 iudgado.

 De auer.
 Todo[s] ome[s] qui auer [se] ouieren a darla ad, ueniat illa
 que demanda et contense unos cum alios et compleant se unos
 ad alios per directum.

 De iudizio.
 Totus homo qui iudicio habuerit, non se adobe cum alcaldes,
 et si se adobare sit aleuoso, excepto por suas calonnas. Et
 si illos se adobaren, sint periurii. Et las calonas que
 fuerint factas, si las non demandaren ipsos alcaldes de ipso
 anno, allii alcades que intraren non las demanden, sed
 demande el quereloso so directo.

 A los alcaldes que fueren en fonsado.
 Alcaldes que fuerint in fonsado aut in apellido, non dent
 soldada mays de a los III alcaldes.


[ LXXXVI ]
 
 Los escusados de conceio.
 Totos homines qui fuerint excusati de concilio, de fonsado,
 et de apelido, et de posta, et si almonederos los pendraren,
 tornenle los penos duplados.

 Pastor que ganado.
 Todo pastor a qui ganado dieren a uelar, de fiador por ganado
 et por bestias de la cabana, et el tome recabdo de los omes
 que el coiere. Et si ita non fecerit, respondat el ille por
 illos.

 Qui pactum, aut iuramentum fecerit super.
 Totos homines qui pactum aut iuramentum fecerint super
 concilio, pectent X concilio, et non preste.

 De teiero que teia uendiere.
 Todo teiero que teia aut adrielo uendiere et por agua se
 danare ante di anno, camielo, et si noluerit, pectet IIII
 morabetis a conprador, et camie la teia et el ladriello, et
 non habeat ferias. Et teiero que dixiere: «uendida la e», de
 otor sin arte. Et si lo non diere, pectet IIII morabetis so
 contemtori.

 Los teieros.
 Todos los teieros que teia laboraren, laboren por el marco de
 conceio. Et den mil teias a morabeti. E qui menus a ssu
 conta. Todos los teieros de Caceres que laboran teia, si
 ogano non laboraren, non laboren mays. Et qui menus de mil
 teias diere a morabeti, pectet IIII morabetis alcaldes.
 Otrosi den mil adrielos morabeti.

 Los olleros.
 Todos los olleros qne lauraren, den el cantaro que cogiere I
 colodra por VI dineros. Et el que menor fuere por III
 dineros. E la olla de medio quarto, II dineros. E la de
 quarto IIII dineros. E la de mays a su conta. Et qui mays lo
 diere de aquesto, pectet II morabetis alcaldibus.


[ LXXXVII ]
 
 Los alcaldes quando fueren en.
 Los alcaldes, quando fueren en almofalla o en apellido, ennas
 aldeas que fueren, todos fagan una despensa, sicut scriptum
 est de sursum. Et non lieuen enuidados. Et si aliter
 fecerint, sint periurius.

 De caballo quebrado de fonsado.
 Tod ome qui su cauallo aduxiere quebrado o dannado de fonsado
 o de azeria, demostrelo a III uizinos o II alcaldes, et
 erectet illum concilio, et iure con IIII uizinos que alla se
 danno en aquela azeria o en aquel apellido. Et si assi non
 fiziere, non le den nada, ni de conceio nin de compana.

 Qui comprar bestia.
 Tod ome qui bestia conprare, o buey, o uacca, qual bestia que
 quiere et xiere enferma o linenciosa, tornegela en ante de
 VIIII días a ssu duenno et iure con IIII uezinos que a tal
 gela uendio, et por su culpa non ouo mal, et tome su bestia,
 et dely sus morabetis con la meatad de la ganancia que la
 bestia ouiere ganado. Et per asno con I uizino iure. Et si a
 tercer dia nol entregare de su auer, dele lo duplado. Et por
 du plo et por cabdal meta bestia, et non ayan ferias nin
 solturas. Et si ante de VIIII dias nol tornare la bestia,
 non respondat ei amplius.

 Qui penos tenuerit por su auer.
 Tod omme qui penos agenos touiere por su auer enprestado, o
 penos rematados, et el dueno de los pennos no los quisiere
 sacare, aquel que los tiene fagal testigos, et si a tercer
 dia no los quisiere sacar, uendalos, et iure con I uizino
 que los uendio, et sin arte. Et entreguese de su auer. Et si
 sobrare, delo al dueno de los pennos. Et si non compliere
 prende por los demás fasta que se entregue.

 Mulier qui furtar.
 Toda mulier que furtare, si uerdad fallaren los alcaldes
 sobr'ella, fagan d'ella iusticia los alcaldes como de
 ladron.

 Alcauuete.
 Tod alcauuete o alcauueta que sosacare fixa agena pora otro,
 o otra mugier que marido ouier, enforquen el alcauuete et
 kemen el alcauueta si los pudieran auer. Et preste el auer a
 ssos parientes.


[ LXXXVIII ]
 
 De penos reuellados.
 Estos son penos reuellados: Si el que debe prendar toma al
 peno, et uiene el duenno del peno, et prende a los pennos,
 el o so mandado, o si se para ena puerta, o si la encierra
 et non la quier abrir o dize: Lexa los penos o non entraras
 alla, son penos reuellos, si potuerit firmare con el fiel.

 Qui se alzare al Rey.
 Tod ome que por suo iudizio s'alzare al Rey, alcese fata X
 morabetis aut plus, et non por minus. Et aquel que se alzare
 al Rey, meta penos de IIII morabetis en manos de los
 alcaldes, et el otro de II, et uayan al Rey en el regno de
 Leon fata Duero, en el regno de Castiella fasta Medina, et
 Auila, et a Toledo, et non plus. Et si aquel que se alza al
 Rey non quisiere yr, prenda el iudizio de los alcaldes. Et
 si aquel que se alça non quisier ir, prenda el iudizio de
 los alcaldes. Et si, por auentura, non fuere el Rey en estos
 terminos, sperenlo usque ueniat regem a estos términos. Et
 quando fuerint ao Rege usque VI dias aquel que se alzo, meta
 al otro al Rey. Sin autem, faciatle testigos de los fieles,
 et uengase. Et si aquelo iudgar el Rey que los alcaldes,
 aquel que se alzo pectet II morabetis a los fieles et II a
 los alcaldes. Si alter cadiderit, pectet II morabetis a los
 fieles. Et de illo die que uenerint aquel que cayer a VIIII
 dias de los mo rabetis. Sin autem, det fiador de queda de
 los pennos.

 Qui non fuer scripto in padron.
 Nullus homo que non fuerit escripto en carta de collation et
 encomendado al fuero, et que faga todas sus derechuras, non
 sea uizino nec abeat parte en portiello, nin firme, nin iure
 sobre otro.

 Estos son los derechos que debe auer el Rey en Caceres.
 Estos son los derechos que deue auer el Rey en Caceres. Tod
 ome que de Caceres caualgare et ganancia troxiere en Caceres
 de la quinta. E los adaliles prendan su redroquinta, et el
 iuez su sietmo, et el senor lo al. Et por muerte de ome, et
 por mulier forciada, et por lysion que

[ LXXXIX ]
 aya
 mienbro perdido, tome el senor IIII morabetis et tercia, et
 III meaias. Et tod esto recabde el iuez por el senor et tome
 ende el VII. Et si lo non recabdar, ele lo pectet.

 De moro que salier de catiuo.
 Tod moro que salier de catiuo, de el diezmo al senor que
 touier la honor. Et a la puerta I morabeti, et de tod esto
 tome ospe [s] el tercio, et hoc casa possare.

 Ad exterminandum.
 Quando homines fuerint ad terminandum hereditatem, ueniant
 cum eo ante alcaldes, et isti alcaldes dent eis pro iudicio
 ut uadant utuadant ad esterminandum hereditaten illam,
 dent eis etiam notum placidum in tercium diem ad portam
 ecclesie ad quem ambos conueniant, et ibi eligant II uicinos 
 desterminadores, et qui placitum non uenerit, pectet suo
 aduersario V solidos. Cum uero ad exterminandum hereditatem
 uentum fuerit querimoniosus, desterminet eam totam rede
 circuncido. Deinde si laborator hereditatis eam relinquerit,
 querimoniosus intret hereditatem sine calumpnia; si autem
 laborator defenderit, coram illis desterminatoribus
 aplacitet illum queremoniosus ad primam diem Ueneris ad
 curiam alcaldum, et ibi habeat uterque forum. E si quis
 aduersarierum illorum ad placitum non uenerit, cadat causa;
 tamen si defensor non uenerit ad placitum, uel etiam si
 uenerit et in causam conuinctus fuerit, reliquat hereditatem
 duplada cum calumnias VI aureos quereloso. Si uero
 disceptantes fuerint aldeani querimoniosus, adplacitet suum
 aduersarium ad tercium diem ad fenestram sancte Marie. Et
 alcalde det eis pro iudicio ut eant ad exterminandum,
 ponendum eis plazum ut hostensum est superius.

 Manda de concilium.
 Manda que fecerit concilio in die dominico, prestet, et si
 non non prestet, et istum concilium sit factum post missam.

 De recipere firmas.
 Quicumque firmas recipere debuerint, non recipiant aduocatum
 qui est uel fuit in illa causa, neque suum inimicum, neque
 eum qui spen uel partem habuerit in peticione, exceptis
 alcaldibus et excepto concilio,

[ XC ]
 quia alcaldes
 possunt firmare pro suo iudizio qui non taxat. Et exceptis
 sociis qui societatem extra uillam alucrandum fecerint, et
 exceptis mortuorum, uelud in negociacione, aut in
 expedicione, aut mn recloua, et cetera.

 De sangrador.
 El sangrador sangre por II dineros, et uentosa por II
 dineros, et si mays tomare, pectet II morabetis, medius
 concilio et medios alcaldibus.

 Iudio que prendieren con christiana.
 Nullus homo, similiter alcaldes, que tomaren iudio con
 christiana, si ei firmaren con II christianos et I iudio,
 uel II iudios, et I christiano, que en uno los tomaron,
 preste. Sin autem, non prestet. Toda christiana que tomaren
 con iudeo o la aduxerint super consilium factum per prender
 con iudeo, ipsa iusticia faciant de uno quam de altero.

 Qui ganare preso.
 Tod omme de Caceres que preso ganare moro o christiano,
 prestely ende la quinta que de al Rey, siquier uala mucho,
 siquier poco.

 De soldada de alcaldes et andadores.
 Alcaldes d'ermandad et andadores coian su soldada desde Sant
 Ioan fasta Sancti Micael, et los arteros, quando los
 tomaren, denles suo directo. Et si esto non cogieren desde
 San Ioan fasta San Migael, non les respondan mays por esta
 soldada. Todo poblador que fasta nauidad uiniere, de so
 derecho a alcaldes et andadores. Et el que depuc. natal
 uiniere, no les de nada.

 Qui tenuerit a Caceres.
 Nengun senor que touiere a Caceres no meta mano en uizino nec
 en morador de Caceres que hy morare, fueras el cuerpo del
 Rey. Et si el ricome querela ouiere de algún omme de
 Caceres, demandelo el manpostero por nuestro fuero et por
 nuestra carta, et por iudiçio de nuestros alcaldes. Et si
 ademas quisiere passar, el conceio non lelo consienta.


[ XCI ]
 
 Qui dixerit traditore ad.
 Todo omme de Caceres qu e dixerit a otro que es traidor del
 conceio o del Rey, sepan uerdad alcaldes et bonos omes, et
 si sopieren uerdad que traydor es, faganle del cuerpo
 iusticia, et metan el auer en el castiello.

 Qui tenuerit con el sennor.
 Tod omme de Caceres que parare con el senor por dano del
 conceio, uizino nin morador, exca por aleuso del Rey et del
 conceio, et tome el conceio so auer, et metanlo en el
 castielo.

 Manpostero.
 Non aya mampostero otro omme en Caceres si non el obispo, et
 quien touiere la honor del Rey.

 Como paguen recueros colodrago.
 Todo requero de fuera parte que uendiere uino en Caceres de I
 medida, de una quartezna en colodracgo. Et de la medida de
 la miel media quartezna. Et de la medida de azeyte una
 paniella, et de la manteca de I medida mediana. De la ochaua 
 del pan, I cuchar, a rrazon de XVII cuchares ena ochaua. Et
 de sal similiter sicut del pan. Et de la medida de la cera
 III dineros. Et de la grana, cada morabeti II dineros. Es
 d'esto todo de ommes de fuera parte lo tomen. Tod omme que a
 escuso midiere, pectet I morabeti a aquel que touiere las
 medidas, et de las cu chares dupladas, si ei potuerit
 firmare. Sin autem, saluese por su cabeza. Et el ochauero 
 que fallaren en falseria, pectet [II] morabetis al conceio
 et exca por aleuoso.

 De rrequeros.
 Todo requero que pan et uino uendier en Caceres, in ipso die
 sea pagado ssi el uizino de la uilla como el de fuera. Et si
 esto non quisieren fazer, los alcaldes lo uayan entregar, et
 si non, sean periuratis.


[ XCII ]
 
 Qui ferier iudio.
 Todo ome que firiere a iudio, pectet ei II morauetis, si ei
 potuerit firmare con II iudeos et I christiano, o con II
 christianos et I iudio. Et si fecerit liuores, pectet ei
 IIII morabetis si firmare potuerit. Sin autem, iuret por su
 cabeza, et sit creditus.

 De los carniceros.
 Todo carnicero que carne fedionda uendiere, o carne inchare,
 o coto de conceio crebantare, pectet II morabetis a los
 alcaldes, et non uenda carne en esse anno, et si negare,
 saluese con II uizinos. Todo carnicero que carne uendiere de
 el tercio del carnero por VIIII dineros; el tercio de la
 oueia por VIII dineros; el quarto del cordero meior VIII
 dineros. El quarto del cabrito VII dineros. El par de las
 perdizes VI dineros. La carne del coneio III dineros. La
 lebre VI dineros. Et roda esta compra exca a mercado. El par
 de las palommas V dineros. Et si este coto crebantare,
 pectet II morabetis a los alcaldes.

 De tauernera.
 Toda tauernera qui uino uendiere uino, tenga quartezna
 et media quartezna, et dinarada, et derechas et uenda por el
 marco de conceio. Et si istud non fecerit, pectet II
 morabetis a los alcaldes, et non uenda uino en esso anno.

 Los ferradores.
 Todo ferrador que en Caceres morare, sea excusado al fuero si
 ferrare el cauallo por XX dineros et el asno por X dineros.
 Ferrero que non quisier labrar a destaio, calze la reia por
 III dineros, et aguzela por I dinero, si non pectet II
 morabetis a los alcaldes, et reia nenguna non pierda uez. Et
 si uez perdiere, pectet la obra. Assi como dicho es de suso.

 Como cosan los alfayates.
 Los alfayates cosan a este fuero: capa pielle por una tercia;
 cappa de color sin penna I sexma; capa de burel con mangas
 XV dineros. Garnacha I sexma. Pellico I sexma. Manto con
 penna I sexma. Calzas de color VIII dineros. Camisa de baron
 X dineros. Bragas VI dineros.

[ XCIII ]
 Saya piel I
 ochaua. Saya de color I solido. Fustan I solido. Camisa de
 mugier I solido. Camisas et bragas destopa XI dineros. Piel
 cordera delgada I morabeti. Zamarron X solidos. Penna de
 coneios sin blancos medio morabeti. Calzas de burel IIII
 dineros. Qui este coto crebantare, pectet II morabetis
 alcaldes, et non cosa mays en esse anno.

 De alfaquecque.
 Todo alfaquec que entrare a terra de moros a sacar catiuos,
 tome del christiano et del moro el diezmo. Et tome I
 morabeti de panadgo. Et catiuo que salier cabeza por cabeza,
 tome el alfaquec I morabeti et su panadgo.

 Qui labrar a iordnal.
 Todo ome qui labrare a iornal, en esse dia sea pagado. Et si
 non, denlo otro dia duplado, sin ferias et sin solturas, et
 prende cadal dia sin calonna. Otrosi por iornal de boys.

 Por danno de pan et de uinnas.
 Por todo danno de pan, si el quereloso non prendare fasta
 Sancta Maria d'agosto, nol respondant ei amplius. Otrosi por
 danno de uina, si non prendare fasta San Martini, nol
 respondant ei amplius.

 De danno manifiesto.
 Todo ome que danno fiziere con so ganado en pan ageno, et
 manifesto fuere o uencido por ello, delo o nueuo suo
 contentori. Et de qual pan dannare, tal le lo de.

 De pan emprestado.
 Todo omme que pan prestare a otro, si ge lo non demandar
 fasta Nauidad, nol responda por el fasta nueuo, et al nueuo
 dele so pan.

 De los tecedores como tescan.
 Los tecedores de Caceres texcan la uara del sayal a II
 dineros. Et del estopazo II dineros, Et de las marfagas a II
 dineros. Et del lienzo IIII dineros.


[ XCIV ]
 
 De las cabanas de oues.
 Desdel dia de san Migael fasta dia de pasqua, non entren
 cabanas de oues, nec de baccas, nec de puercos affumadas
 entre nuestras labores, et de los moiones a adentro que el
 conceio puso, non entren. Tod omme que hy fallare cabanna de
 uacas, tome ende II. Et de oues diez carneros. Et de los
 puercos V. Todo uezino o morador de la uilla que los fallare
 ennos cotos, tome estas calonnas, et otro omme non. Et qui
 esta calonna tomare. iure si V que de los cotos adentro
 fallo el ganado, et si menos quisier tomar, non caya por
 ende. E de estas calonas super scriptas, tome qui eum
 inuenerit terciam partem, et concilio tercia partem, et
 montarazes terciam partem.

 De los messegueros.
 Los messegueros que los panes ouieren de guardar, si non
 iuraren por conceio, nadi non lis responda nin les pectet
 calonna. Et denli en soldada, de cada iugo de boys, senas
 medias ochauas de trigo. Et el messeguero por el ganado que
 tomare danno faziendo, iure con un uizino et coia la
 calonna, et dela al sennor del pan, et tome ende el diezmo.
 Et si danno si fiziere ennos panes et non ge lo fiziere
 saber al senor del pan fasta tercer dia, el messeguero lo
 pectet. E el uinadero, esse mismo foro aya, que si non
 iurare por conceio, nol responda nadi.

 De feria.
 Mando etiam concilio de Caceres suam feriam, quod abeant I
 uice in anno XV dias ultimos mense aprilis, et XV dias
 primeros de mayo. Et quicumque uoluerit uenire ad istam
 feriam de Legione, siue Castelle, Aragone, Nauarren,
 Portugalle siue Christianus, siue iudeus, siue marus, siue
 inimicus, siue serbuus, siue liber, uel qualibet de quibus
 cumque partibus fuerint, ueniant septem, et atreguatus. Et
 qui ad istam feriam uenierit, et aliquis eum contrariauerit,
 pectet M haureos, medietatem Regi, et medietatem
 concilio, et quereloso dannum duplatum. Et todos los
 alcaldes, et los VI et Notarios com illos que escriuan todas
 sus calonas, et guarden, et ronden la feria de dia et de
 nocte. Et si quempiam uiderit extrare cuctello, uel arman
 uedatan, et percusserit, pectet X morabetis. Et si fecerit
 liuores, pectet C. morabetis,

[ XCV ]
 et corten ei
 manum. Et qui percusserit et si per illa percussione mortus
 fuerit, enforquenlo et perdat ei quantum habuerit, si
 extraneus fuerit, et si uicino ad forum. Et si cum puno
 percusserit, uel cum tali causa, que fecerit liuores, et
 fecerit per iram pectet L morabetis. Et si percusserit, et
 liuores non fecerit, et non ouiere de que pechar, cortent ei
 manum. Et los alcaldes de conceio, et iuratis, et sex, et
 Notarius, et Mayordomos anden por la ferie, II a dos, et si
 aliquis fecerit, quod si debet facere, en el cepo iaciendo,
 pectet las calonas, et colligant eas Maiordomus, et dent
 terciam partem querenti et terciam concilio, et terciam
 alcaldes, et VI, et Escriuano, et Mayordomo o que guardant
 feriam. Et si algun d'estos que guardan la feria, non
 pudiere con el que fiziere buelta o liuores, et fiziere
 testigos a los uizinos que ly ayuden, et noluerint ei
 adiuuare, unusquisque pectet X morabetis a lo [s] alcaldes
 et a los VI, et en feria diganlo los alcaldes que la guardan
 II por la iura que fecerint concilio, quod illi uiderunt, et
 prestet et as calumnias accipiant Maiordomus, ut supra
 dictum est. Tod ome que comprare en ferias, et despues le
 conoscieren alguna cosa, o demandaren por el fruto, firme
 con III uizinos [ilegible] de la uilla, que enna feria, lo
 compro et non responda pro illa causa. Todo latrone que
 furtare en la feria, enforquenlo [ilegible] si eum in
 uenirent.

 Este es el fuero de los ganados.
 In dei nomine et indiuidue Trinitatis, pater et Filius et
 Spiritus Sanctus: Non conceio de Caceres, por mandamiento de
 nuestro senor el Rey, fazemos fuero et carta a honor de Dios
 et de nuestro senor el Rey de Leon et de Castiella, et a
 prouecho del conceio de Caceres et de todo christianismo.

 Qui reuelare soldar a so pastor.
 Todo senor que reuellare so soldar o so ganado a sso pastor
 por alguna culpa que le fiziere, et ante del anno non diere
 derecho, o el pastor non le lo quisier demandar, o su
 soldar, o su ganado perdalo, et el senor nol responda mays
 por ello si non fuere por cautiuazon o por enemizad. Otrosi
 demande el senor si rancura ouiere a pastor de su ganado o
 de que quier, et respondal fasta I anno, et el anno trocido
 mays non responda. Et si el pastor se alzare fueras de
 termino, todo tiempo responda por ello, assi como faze
 pastor a ssenor.


[ XCVI ]
 
 Pastor que si mandado de so sennor troziere moion.
 Todo pastor que si mandado de so senor trociere moion et
 alguna cosa perdiere, duplelo todo a sso sennor. Tod pastor
 que ganado ageno cogiere o mezclare con el ganado de so
 sennor sin mandamiento de so senor, pectet LX solidos a ssu
 senor, hy el senor prenda el ganado que hy fallare, et por
 esto mays non responda.

 Qui uendier ganado de so senor.
 Tod pastor que uendiere ganado de so sennor fueras de Caceres
 sin mandamiento de su sennor, pectet XII morabetis al senor,
 et duplely el ganado quel uendiere. Todo pastor de conta de
 Sancti Ioanis a sancti Iohanis a sso sennor del ganado que
 ly echare. Et si esto non fiziere, pectet IIII morabetis al
 senor et duplely el ganado.

 Qui andare a pedir.
 Todo pastor que andare a pedir con otro ome fueras con
 catiuo, pectet IIII morabetis, medios al quereloso et los
 medios a los iurados del ganado. Todo pecho que pastor
 ouiere a pechar, pectet lo el pastor o el sennor, et si non
 meta el sennor en manos el ganado del pastor al quereloso,
 si lo ouiere. Et si non metali el cuerpo en poder. Et si hoc
 non fecerit, pectetlo el senor al quereloso. Tod peon que
 dexare su annubda ante de su plazo, pectet IIII morabetis a
 los caualleros de la caualleria. Et por esto alcaldes et
 uozeros aprieten, si non ellos lo pectent. Tod pastor que
 diere senal de ganado a sso senor, et dixiere: Estas son las
 senales uestras fasta IIII paraperas, iure el pastor que de
 su sennor son et recibalas. Et si non quisiere iurar el
 pastor, delas todas uiuas. Et de la IIII arriba por cuantas
 non cognosciere el sennor, iure el senor et pectet el
 pastor. Et esto es tambien por oues et por cabras, como por
 porcos. Et de uaccas fasta II paraperas.

 Pastor que ouiere a pechar ganado.
 Todo pastor que ganado ouiere a pechar, sea de III edades.
 Todo oueirizo a ffuero prenda el diezmo de los quesos ena
 uilla et por suerte, et otrosi de los corderos, et otrosi de
 la lana de las uazias. Et el pastor que al fiziere, pectet
 IIII morabetis domino suo. Todo pastor que ouiere apellido
 et non fuerit post illum por sacudir el ganado si pudiere,
 pectet X morabetis domino ganati.


[ XCVII ]
 
 Aparceria.
 Aparceria de sancti Ioanis a sancti Iohannis sea, et qui la
 aparceria derramare ante del plazo, pectet L morabetis a los
 otros aparceros. Et si la aparceria negare, firmegelo con II
 aparceros o con III uizinos. Et si le firmaren, sea aparcero
 et de en anafaga et en calzado et en soldada, et en quantol
 pertenez, et non prenda nengun esquilmo. Sin autem, saluese
 con IIII et el V.

 Qui habuerit oues et uaccas.
 Ternero nin potro non entre en conta de caualleria nin de
 aparceria.

 De tener caualleria.
 Todo ome qui ouiere oueias en su cabo et con otro ouiere
 aparceria en uaccas, tenga caualleria por las oueias et
 tenga por cuantas uacas ouiere. Otrosi qui ouiere uaccas en
 so cabo, et con otro ouiere aparceria en oueias, tenga por
 las uacas et por quanto ouiere enas oueias et cada I
 aparcero tenga su parte.

 De ganado quartero.
 Tod ome que echare ganado quartero o soldariego, echelo ante
 II iurados o ante III uizinos al sennor del ganado. Et si
 esto non fiziere, non responda mays por ello. De tod ganado
 quartero o soldariego que pastor uelare non responda de anno
 a suso. Et esto sea tambien por el pastor como por el senor.

 Ganado que trociere moion.
 Ganado que trociere moion que caualeros dieren que caualeria
 touieren, prendan de la grey de las oueias V carneros, et
 saquenlos por II morabetis. Et del busto de las uacas I
 uaca, et saquenla por II morabetis fasta III oteros. Et si
 no la sacaren, non respondan mays por ello. Et qui amparare
 corredura a caualero[s] de la doblada. Et por aquel
 cauallero de la caualleria que las touiere, por aquel
 cogian. Et si negaren et firmar le pudieren con II
 caualleros de los corredores, doblado le lo pectent. Et si
 el caualero pechare ellos lo doblen, et en aquel mismo
 ganado onde cauallero fuere, se entregue sin calonna.


[ XCVIII ]
 
 Qui ganado ouiere a meatad.
 Tod ome que ganado ouiere a meatad, abengas con sus
 conpaneros por hy en rafala, et el cauallero que ouiere a
 yr, lieue el meior cauallo que ouiere, et si bueno non
 ouiere, tal lieue que uean que bueno es de caualleria tener,
 et que non sea ataffarrado de albarda, et ten gal ferrado en
 rafala, et cada una noche del una quartella de ceuada. Et si
 esto non fiziere, pectet IIII morabetis a los caualleros, et
 quantos dominicos passaren tantos IIII morabetis pectet.

 De embiar fijo a rafala.
 Qvi fiio ouiere de XV annos arriba enuielo en rafala. Et
 bibda otrosi faga. Et si non ouiere la uibda tal fiio, tal
 caualero enuie que uean alcaldes et uoceros que bueno es de
 caualleria tener, et que faga conplimiento. Otrosi nenguno
 non solten en rafala estando, fueras por enfermedad o por
 muerte de su mulier o de su cauallo. Et quanto sanare que
 uean que puede caualgar, uaya, et si non quisier hyr,
 faganle testigos, et si a tercer dia non fuer o los
 caualleros estodieren, corranlo los caualleros por cada
 noche II morabetis. Et si apellido se affizier, et hy non
 fuere, por quantos apellidos non fuer, tantos IIII morabetis
 pectet a los caualleros. Et por muerte de su mulier o de su
 cauallo, sea escusado ese anno de caualleria tener por el so
 ganado, et por al non. Et qui por otras cosas lo soltare,
 pectet IIII morabetis a los caualleros de la rafala. El
 otrosi el cauallero que se uiniere sin mandamiento de
 alcaldes, et de uozeros, quantas noches trasnochare, tantos
 dos II morabetis pectet a los caualleros de la rafala, et
 por esto, prendely el cauallo sin calonna.

 De enuiar cauallero.
 De cada I cabana uaya I cauallero a la rafala assi como es
 fuero. Et el qui ouiere el meior cauallo esse uaya el mes
 primero. Et si ouiere fiio de XV anos a ssuso, escuse a so
 padre et si gelo non crouieren, faga derecho con II
 caualleros de la caualleria et si non el padre uaya. Nengun
 omme non escuse de caualleria fueras fiio a padre, o padre a
 fiio, o nieto a auuelo, o sobrino a tio, o gerno a suegro, o
 suegro a gerno, o qui su buena ouiere de heredar. Et a tal
 onmic que sea ae edad et de caualleria tener.


[ XCIX ]
 
 Qui non habuerit filios.
 Omme que non ouiere fiio et ouiere sobrino en su casa que
 deue lo suyo heredar, escuse a so tio de rafala o so fratre.
 Cauallero que con uibda ouiere ganado o con orphano, toda
 caualleria tenga por si et por ella.

 Cauallero que pro uibda.
 Tod cauallero que por uibda touiere caualleria siquier fiio o
 otro, sea escusado por totum anno quomodo desuper dictum
 est. Et por la parte de la uibda, si el cauallo li moriere
 al cauallero, la bibda del so caualo si eum abuerit o la
 soldada, por todos los meses que caualleros touieren rafala
 in ipso u, et esto qual mays quisier la bibda.

 De dexar rafala.
 Caualleros de rafala que lexaren la rafala et se fueren a
 otro logar sin mandamiento de iurados et de uozeros, pectet
 V carneros unusquisque por quantas noches alla trasnochare.
 Et esto alcaldes de rafala lo iudguen. Caualleros de rafala
 que touieren caualleria et en el dia de la escamia a otero 
 non fueren o derramaren de la rafala, pecten a los
 caualleros de la rafala IIII quatro morabetis.

 Caualleros de poner alcaldes.
 Quando los caualleros se ayuntaren, el primer dia pongan
 alcaldes et uozero de bonos omes, et si bando por onde mais
 uala la rafala. Et iuren que iudguen et escoian derecho assi
 como iaz en esti fuero.

 Qui penos reuelare en rafala.
 Tod ome qui penos reuelare en rafala o non quisier descender
 del cauallo, prendenly, et pectet XX morabetis a los
 caualleros. Et quantos fueren en el reuelamiento,
 unusquisque pectet XX morabetis militibus. Cauall eros de
 rafala si ouieren miedo quando fueren a ccorrer si fueren de
 mas, si non la meatad uaya.

 Qui non fuer ad plazo.
 Tod cauallero de rafala que non fuere a su plazo, por el
 primero dia pectet IIII morabetis militibus, et quantos
 dominicos passaren,

[ C ]
 tantos IIII morabetis pectet
 militibus. De ccorredura que caualleros fizieren de rafala,
 tenganla fasta IIII oteros, et si no la sacaren de fiadores
 de queda. Et por tod esto alcaldes de rafala lo iudguen
 fasta Sancti Iohannis, et de San Ioan adelante, non
 respondan.

 De parar fiel.
 Todo cauallero que a otro parare fiel depues del sol puesto,
 pectet I morabeti al quereloso medio alcaldes.

 Qui fuer a la descamia.
 Todo cauallero que en el dia de la descamia non fuere
 prender caualleria, pectet L morabetis militibus, et por
 estos morabetis prenden carneros.

 De defesa.
 Defesa que caualleros sacaren que caualleria touieren, de
 ganado qui en ella entrare, prendaly I carnero, et de porcis
 similiter, et de uaccas V solidos. Carnero adalil qui lo
 ouiere, traiga cencerro, et si non, no aya fuero d'adalil.

 Caualleros que caualleria.
 Caualleros que caualleria touieren o talegas fizieren por hyr
 en rafala, non respondan fasta su uenida por nenguna cosa si
 la uerdad quisieren meter que assi es, et si non respondan.

 De aparceria.
 Tod ome que ouiere de L oueias a suso, fagasse aparcero con
 otros fasta II mille oues, et den I cauallero. Otrosi, qui
 ouiere de X uaccas a ssuso, fagas aparcero con otros fasta
 IIII centas uaccas, et den I caualero. Et por II cientas
 eguas den I cauallero. Todo cauallero que aparcero fuere con
 uezino de Caceres, a nuestro fuero sea.


[ CI ]
 
 De portiellos.
 Vizino de Caceres que aparcero fuere, ese tenga el portiello,
 et non otro. Nengun soldadero non aya portiello. Aparcero
 estando en caualleria, non corran so ganado. Et si lo
 corrieren, tornenle la corredura doblada. Nengun pastor
 ageno non tenga caualleria. Et si dixerit: «non so pastor
 ageno, mays aparcero», iure con III caualleros de rafala. Et
 si non iurare, pectet assi como fuero es.

 Qui touier caualleria por sos aparceros.
 Tod cauallero que caualleria touiere por sus aparceros, el
 dia que los parare ante los iurados, a tercer dia lo paguen.
 Todo ganado qui en estremo de Caceres en Caceres entrare, a
 nuestro fuero anden.

 Aparceria.
 Tod uizino de Caceres qui aparceria fizer con ome de fueras
 de uilla, pectet L morabetis, medio iurados, medio duennos
 del ganado, et esto los iurados lo aprieten.

 Qui ganado echare.
 Tod ome que so ganado echare a so pastor hy alguna mengua ly
 fiziere y el pastora[d]go negare, firmely el senor que su
 pastor fue o que gelo echo con II iurados, o con II
 aparceros, o con III uizinos. Et sil firmare, iure el sennor
 et pectet pasto.

 Qui fallar puta.
 Tod ome que aparcero fuere en ganado et puta fallare en qual
 cabanna que quier, el oueierizo pectet V carneros, los
 medios a los iurados et medio aquel que la fallare, si
 potuerit ei firmare con II pastores o con II uizinos.

 De matar can.
 Tod ome que can ageno matare de su uoluntad, pectet la
 calonna asi como dicit ut supra, si potuerint ei firmare.
 Sin autem saluese sic forum est.


[ CII ]
 
 De non uender mesta.
 Nengun pastor non de mesta, nin uenda, nin malmeta a nengun
 ome, si non fuere a los senores que ge las pare delant. Et
 si aliter fecerit, pectet V morabetis domino suo. Tod pastor
 que mesta desenalare o desferrare, pectetla doblada aquel
 que la cognosciere si uencido fuere et IIII morabetis
 dominos ganati.

 De querela.
 Si algun dueno de ganado querela ouiere d'otro que sea dueno
 de ganado, pareli fiel que uenga ante los iurados, et si non
 uiniere o a los alcaldes de la uilla s'alzare, pectet I
 morabeti a querenti et uenga a iudizio ante los iurados. Et
 si el qui parare fiel a so contemtor por qual cosa quier, et
 non fuere ante los iurados, pectet el medio morabeti; et
 esti es dono de ganado que a de L oueias arriba, o de L
 cabras arriba, o de X uaccas arriba, o de XX puercos arriba.

 Quando possaren cabaleros et fagan defesa.
 Caualleros, el dia posaren en, esse dia fagan su defesa, et
 si algun ganado i fallaren, saquenlo fueras et no lo maten
 ni tomen calonna, et si lo mataren pectetlo.

 Tomar portiello.
 Tod ome que portielo de conceio tomare non sea escusado de
 rafala, fueras de iuez, et el iuez de cauallero por si que
 tenga caualleria et a tal que sea de caualleria tener.

 Tomar caualleria.
 Tod cauallero que caualleria prisier en rafala, prendala con
 escudo et con lanza et con espada et con II espuelas et con
 II sueltas, et aquel cauallero que assi non fuere adobado,
 por cada otero pectet V carneros militibus.

 Iurados.
 Nengun iurado non enuie cauallero a correr si non fuere
 aparcero en ganado, et si otro cauallero enuiare, pectet V
 morabetis, medio a iurados medio a dominos ganati.


[ CIII ]
 
 De corredura.
 Caualleros que ganado corrieren, fallando carneros non
 prendan oues, et si algun carnero comieren, o malmetieren o
 perdieren, pectentlo a sso senor si sacarlo quisiere.

 Pastor.
 Tod pastor que a pechar ouiere o derecho a dar, si so
 cauallero gelo fiziere saber et non uiniere et el cauallero
 pechar, duplegelo todo el pastor.

 De caualleros.
 Caualleros que exieren en caualleria, o en apellido, o en
 azeria, si algun ganado prisieren, si fueren V caualleros o
 de mais o de menos, et adalil con ellos fuere, por quantos
 carneros prisieren, tantos morabetis pectet domino ganati.

 De pastor.
 Pastor que se espedir quisiere a ssu sennor, espidase ante II
 iurados o ante III uizinos et en poblado.

 Iurado que en aleuosia falaren.
 Iurado que en aleuosia fuer preso o uenzido, pectet
 morabetis, medios a dominos ganati, medius al conceio por al
 castielo, et perda el portielo.

 Iurados.
 Iurados de ganado espidanse cada anno en dia de Sancti
 Michael o el domingo enante. Et si esto non fizieren, sean
 periurios et pectent morabetis al conceio unusquisque.

 De otero.
 Tod cauallero que non fuer a otero con lanza et con escudo et
 con II espuelas et su cauallo non trauare con II sueltas,
 pectet II carneros

[ CIV ]
 militibus. Et si dixerit:
 trauado lo eche et quebro las sueltas o ge las furtaron,
 iuret solus et sit creditus, sin autem pectet.

 De hir a la descamia.
 El dia de la descamia todos los caualleros nueuos et uieios,
 todos sean en otero fasta medio dia, et qui assi lo non
 fiziere, pectet [IIII] morabetis militibus.

 Iurados de meter bestia.
 Iurados o iurado, si a alguno bestia mandare meter, et la non
 metiere, pectet I morabeti a los iurados, si quereloso non
 ouiere, et si non, al quereloso lo pectet.

 Iudicio.
 Iudizio de I iurado que diere, sea establezido fasta I
 morabeti, et iudizio de II iurados ualeat omni tempore et
 non respondan a repto.

 De qui ouier querela.
 Si alguno d'otro querela ouiere, parely fiel que uenga ante
 los iurados, et si non uiniere, meta bestias al fuero, et
 por cuantas non metiere, tantos morabetis, pectet medio al
 querenti, et medio a los iurados.

 Soldada de cauallero.
 Tod cauallero que caualleria touiere, prenda por cada I mes
 en saldada VI morabetis. De corredura que iurados fizieren,
 o caualleros de rafala por V carneros prendan II morabetis,
 et por I uacca dos morabetis.

 Correduras.
 Caualleros que ganado corrieren, ffallando carneros
 castrados, non prendan oueias nin morueco. Et si el senor
 del ganado dixerit que carneros auia hy castrados, et
 prisiorum oueias, firmen II de los corredores que non auia
 hy carneros, et por esso prisieron oues. Et si non pudieren
 firmar, den las oueias a ssu duenno sin neguna calonna.


[ CV ]
 
 Iudizio de iurados.
 Iuyzio de alcaldes que iudgaren, preste su iudizio mientre
 fueren en caualleria, et depues que en pobrado fueren,
 iurados de ganado lo iudguen.

 Dar moion.
 Caualleria non teniendo, iurados den moion et enuien
 corredores. Et caualleria teniendo, iurados non enuien
 corredores. Caualleros de rafala que caualleria touieren,
 ellos corran, et esto también por entrada como por exida. Et
 por toda corredura, que iurados fizieren o caualleros de
 rafala, por V carneros prendan II morabetis, et por I uacca
 II morabetis, et demas o de menos a ssu conta.

 De ccorredura.
 Quando los iurados enuiaren caualleros a correr et la
 corredura non aduxieren o mandaren lo[s] iurados, cada dia
 pectet I morabeti iuratis fasta que la corredura lieuen o
 mandaren los iurados. Los caualleros que fueren a correr,
 tomen de la corredura que fizieren el tercio de lo que
 pudieren ganar.

 Iurados.
 Los iurados que tengan el auer, et el dia que el auer fuere
 legado, quantos dias passaren que su parte non dieren a los
 corredores, cadal dia les pectet V morabetis.

 Del oueierizo.
 El oueierizo que diere el ganado de fueras de uilla ante del
 mes d'abril exido a ssus duenos, pectet X morabetis, medio a
 lo[s] iurados et medio a lo[s] senores que fueren uizinos de
 Caceres. Tod ome que aparcero fuer en ganado, aya ferias XV
 dias para desquilar. Et si non gelo creyeren, iure por su
 cabeza et sea creyao.

 Corredura.
 Toda corredura que feziere iurados o rafalleros, si fasta San
 Ioan no la quisieren sacar, non respondan mays por elos.


[ CVI ]
 
 Corredura de puercos.
 Puercos que fueren corridos, tal fuero ayan como las oues et
 assi las saquen.

 De ganado.
 Por toda cosa de ganado, iurados de ganado lo iulguen assi
 como diz de suso. Negun ome non eche suerte en portiello si
 non fuere aparcero en ganado. Et si suerte echare, pectet L
 morabetis militibus. Et si non gelo creyeren, firmelo con II
 aparceros o con II iurados o con III uizinos, et si firmar
 non pudiere, pectet sicut dictum est.

 De calonnas.
 De todas las calonnas tome el conceio el tercio, et los
 iurados el otro tercio, et elos corredores el otro tercio.
 Et el mayordomo de tod esto prendi el diezmo, fueras de las
 calonnas que fechas fueren en rafala, que non prenda nada.

 De moion.
 Los iurados non den moion fueras domingo o iuues por conceio,
 et del día que lo dieren no lo corran fasta quarto dia. Et
 si ante lo corrieren, tornenlo doblado a so duenos.

 Corredura.
 De toda corredura que iurados o mayordomos fizieren mientre
 fueren en el portiello non gelo demandaren, non respondan
 mays por ello.

 Iudizio de iurados.
 Quando los contendores ante iurados uinieren, aquel que
 primero demandar, meta la manquadra si la petición fuere de
 I quarta de morabeti a arriba. Esta es la manquadra, diga el
 contendor, Uienes iurar que uerdad demandas. R. alter: Uengo
 o iuro. Diga el contendor: Si uerdad sabes et mentira uienes
 a iurar, Dios te coffonda. R. Amen Facta autem la manquadra,
 respondat so contendor negando o otorgando, mas aunque
 niegue o manifieste, diga el quereloso que pide et quanto et
 de que tiempo et de que sazon, o donde contezio aquela
 peticion. Complida toda la razón, iudguen los iurados que
 niegue o manifieste.


[ CVII ]
 
 Qui penus reuelare a iurados.
 Si alguno penos reuelare a los iurados, pectetles I morabeti,
 et los iurados manden fazer cabildo. Et el cabildo entreguen
 de penos a lo[s] iurados por el morabeti de los penos
 reuellados, et por el morabeti de la bestia que non metio.
 Et si el cabildo non quisier entregar a lo[s], iurados desta
 calonna, los iurados non iudguen fasta que sean entregados.
 Et si iudgaren sit ille in periurio.

 De uozeros.
 Nengun ome non sea recibido por uozeros e neguna voz si non
 fuere aparcero en ganado o non fuere uizino. Tod ganado que
 de Caceres fuere quartero o soldariego, prenda XII dias por
 dominguera del primer dia que d'exebraren, prendiendo estas
 domingueras. Et si depues non diere el ganado a ssu duenno,
 quantas noches trasnochare, tantos IIII morabetis pectet
 domino ganati si firmare potuerint, et todauia hyendo por so
 ganado.

 De auer conoscido.
 Tod omme que auer o ganado iudgado ouiere a dar a dia de
 plazo ante lo[s] iurados lo pague. Et si iurados non hy
 ouiere, ante III uizinos lo pague. Et si hoc non fecerit,
 nol uala.

 Qui negar iudizio.
 Tod ome que iudizio de iurad o de alcaldes negare, meta penos
 de morabeti en manos de lo[s] iurados, et si no los metiere,
 por hy cayat.

 Qui non fuere en apellido.
 Todo cauallero que en apellido non fuere, pectet V carneros
 militibus. Otrosi cauallero que se ueniere sin mandado de
 alcaldes o de uozeros, pectet V carneros militibus quantas
 noches trasnochare.

 Ganado manifiesto.
 Tod ome que ganado ageno prisiere o auer ouiere a dar, si
 manifiesto fuere, delo a ssu senor sine ulla calona fasta
 VIIII dias. Et si

[ CVIII ]
 negare et postea ei firmare,
 pectetlo doblado al quereloso. Et andando la rafala allende
 la sierra de San Pedro, neguno non aduga so pastor a plazo,
 fasta que passe la rafala aquende sierra.

 De aducir pastor a plaço.
 Otrosi nenguno non aduga so pastor a plazo depues quel ganado
 passare allend Taio pora sierra fasta su uenida.

 Iudizio.
 Iudizio que alcaldes iudgaren en rafala, preste so iudizio
 todo tiempo fuera siquier dentro ena uilla.

 De correduria.
 De toda corredura que caualleros o iurados de rafala fizieren
 de ganado de fuera[s] de uilla que caualleria non touieren,
 prendan de la cabana de las oues XX carneros, et de cabana
 de uaccas accipiant II uacas, et saquenlas por X morabetis
 fasta III oteros. Et si non sacaren amplius non respondan.

 Ganado de fuera.
 Tod ome que ganado de fueras de uilla quartero o soldariego
 cogiere, pectet L morabetis, medio a duenos de ganado et
 medio a iurados.

 A qui conceio.
 A qui el conceio ploguier de coier so ganado que de fuera de
 uilla fuere, non aya poder de dar cauallero si non fuere
 cauallero de Caceres. Del dia que prisieren caualleros
 rafala todas las demandanzas del ganado en so poder sean.

 Caualleros.
 Del dia que lo[s] caualleros prisieren rafala o algun ganado
 fallaren, siquier d'oues tam de uacas, de omme que non sea
 nuestro uizino, corranlas cada tercer dia a ffuero fasta que
 uazien la terra o den cauallero.


[ CIX ]
 
 Los caualleros de.
 Los caualleros, depues que fueren en rafala, fagan sus
 eguaias por sus aportellados poner. Et pongan sus alcaldes
 et uozeros et rafaleros.

 Caualleros depues que ra... apellido.
 Los caualleros, depues que rafala prisieren et fueren en
 apellido o en buelta, et algun cauallo hy muriere o se
 perdiere, erechenlelo su cauallo ganancia auiendo, assi como
 touieren los alcaldes et los uozeros que es derecho. Si
 algun omme prisieren desta parte et estos prisieren algun
 omme del otra tan moro quan christiano, tal prision le den
 que lo quite. Et si tal preso non prisieren, darle el meior
 que prisieren. Et si preso nenguno non prisieren et ganancia
 ouieren, denly X morabetis.

 Qui ouier de L oues.
 Tod ome que ouiere de L oueias arriba et II manos las fiziere
 por miedo de caualleria, pectet como por caualleria
 derrangada.

 Sacar ganado.
 Tod ome que suo ganado sacare fueras de termino por mieeo de
 dar caualleria, prendenly también como si andudiesse en el
 termino, et el ganado le corran fasta que lo meta en
 caualleria.

 Prender caualleria a plazo.
 Los caualleros prendan caualleria XV dias depues de san
 Migael et tenganla fasta primero dia de abril. Et alli la
 prendan o sse auinieren duenos de ganado et assi la tengan
 como se auinieren duenos de ganado.

 De correr.
 Cauallero que fuere a ccorrer et non leuare escudo et lanza
 et espada et II espuelas, si non pectet II morabetis
 militibus. Et si la corredura le[s] ampararen, non ayan
 calonna.

 Pastores.
 Todos los pastores que andudieren en termino de Caceres,
 todos uengan a otero en el dia de san Martin et el domingo
 de las ochauas

[ CX ]
 de Nathal et el otro el primer dia
 de abril. Pastor que hy non uiniere, pectet X carneros
 pastoribus. Tod pastor que mesta troguiere et hy no la
 aduxiere, pectet V carneros, e hy ouiere los pastores que es
 derecho, hy fagan otero, et los pastores lo aprieten por
 esto.

 Aportellado.
 Tod aportellado que a ssu amo fizier perdida, a tal fuero aya
 como el pastor mismo.

 De no hir en hoste.
 Mando et otorgo al conceio de Caceres que non uayan en hoste 
 mays de XXX dias, et esto con el cuerpo del Rey, et non con
 otri, et en su frontera. Despues que fueren LX annos
 passados que Caceres fue presa, el que ouiere a pechar fuero
 al Rey non pectet mas de I morabeti en el anno, fueras
 moneda. Qui ouier ualia de XX morabetis en mueble o de LX en
 rayz, pectet et faga fuero entrego. De la meatad el medio
 aiuso, nada. Et en esta cuenta non entren uestidos nin
 basiia de su casa, nin su ropa. Et si dixerit: «non e ualia»,
 faga derecho si quinto, et sea creydo. Non obedesca conceio
 de Caceres a otri si non al cuerpo mismo del Rey. Et del Rey
 aiuso non aya otri poder sobre la uilla, et sobre sos
 uezinos, si non los aportellados de conceio, cada uno en su
 portiello, assi como iaz en este fuero.

 De aluidriar derecho.
 Toda cosa que en este fuero non yoguiere, sea en aluedrio de
 alcaldes et de bonos omes.

 De sus casas.
 Mando et concedo a cada uizino de Caceres, sus casas,
 heredades, ortos, molinos, alcaceres et todas sus
 particiones que fueren fechas por sus se[x]meros et por
 mandado de conceio en domingo fecho, et presten. Otrosi las
 particiones que una uez fueren fechas tam de uilla quam de
 aldeas, presten, et non sean mays rebueltas. Et qui la
 quisier reboller pectet mil morabetis al conceio et non
 preste.


[ CXI ]
 
 De partiias.
 Depues que conoscier el uizino su racion de heredad, uenda
 qui quisiere et compre et preste. Et si uendiere lo que non
 ouiere conoscido, nin preste al qui uendiere ni al qui
 conprare, mas denlo ad pobladores.

 Poblatores.
 Todos los pobladores que ante de particion de las tierras
 uinieren, denlis raciones. Et a los que depues uinieren no
 les den d'aquelo partido et compren si quisieren.

 De particione.
 Quando conceio quisier partir por conceio en domingo manden a
 los sexmeros que parten lo que lys mandaren de tal logar a
 tal logar et tomen bonos omes de conceio et eguen los
 sexmos. Et pues que fueren eguados o se acordaren la mayor
 partida de los sexmeros que fagan aquelo uala. Et echen
 sortes et conoscan los sexmeros cada uno su sexmo et fagalo
 uintenas. Et sexmero et uintenero herede et reciba todos los
 que heredo enas otras particiones. Et non reciba heredero
 d'otro sexmo nin de otra uintena, sin non fuere poblador. Et
 si lo recibiren, pectet I morabeti al conceio; si non
 saluese al fuero. Et el sexmero tome II quinones ol cayere
 por sorte et el uintanero tome un quinon qual quisier e los
 otros sorteen, et otri non tome mays nil preste. Si sexmero 
 o uintanero tierra furtare, o uendiere, o dineros tomare por
 dar heredad, salga de portiello por aleuoso et non aya mas
 portiello, nin testigue. Todos los quinones que uazios
 fallaren, denlos a pobladores o los metan en pro de conceio.
 Los sexmeros ni los uinteneros non s'echen tras anno nin
 tras ferias a los herederos por heredat de particion. Los
 sexmeros iuren por conceio et los uinteneros en mano de los
 sexmeros et delant sus herederos. Qui fuer uintenero en una
 particion, non sea uintenero en otra, et si fuere, non
 preste. Tod omme que demandar heredad de particion, et
 pudiere firmar con sexmero o con uintanero et II uizinos que
 primero le fue dada que a ssu contendor o li cayo por
 suerte, presteli.

 De non dar poder a portero.
 Por nenguna cosa non de el conceio entrada a portero de Rey
 en casas ni en heredades de uizino de Caceres, mas de
 fiadores que faga quanto mandare el Rey, et fique cno suyo.
 Et si fiadores non diere, tome el conceio todo lo que ouiere
 et respondan, con el et con todo lo suyo al Rey.


[ CXII ]
 
 De desmentir escriuano.
 Si por auentura alguno s'alzare a otro escriuano del
 escriuano de conceio, porque cueda que nol iudga derecho,
 alcese, et trayan otro que lea la carta. Et si esso iud gare
 el otro por la carta que el escriuano de conceio iudgo,
 prinde el escriuano hata VIIII dias a aquel que se alzo por
 tanto como e aquela demanda, et fagalo uerdadero por
 conceio. Et si meioria le iudgare el otro por la carta que
 non el escriuano de conceio, sea el escriuano periurado, et
 prendelo el que se alzo hata III dias por las calonnas et
 hata VIIII dias por toda la demanda.

 De fetore.
 Tod omme que echare can muerto o puerco muerto, o moro o
 bestia muerta, o tal cosa que fidionda sea ena cale o ena
 uilla pectet I morabeti, medio al conceio, et medio a los
 uizinos da cerca. Et qui tal cosa que fidionda sea echare,
 echela X estadales arredrado de la carcaua o de la casa mas
 arredrada del arraualde; si non pectet el coto, sicut dictum
 est. Qui lechon, o perrezno, o gato muerto o aue echare en
 la calle, pectet V solidos a la uizindad. Si lo echare en
 corral o en casa de uizino, a aquel que faze la desorna a
 aquel pectet el coto. Et por tod esto qui ouiere affirmar,
 quien mayordomo de conceio quier otro, con I uizino firme o
 muestre uerdade. Qui quemare muradal o uuesos o cuernos, o a
 tal cosa que fiede pectet I morabeti al conceio, fueras
 uisperas de Sancti Iohannis.

 De losas.
 Tod ome que losas ouiere en termino de Caceres fueras de la
 defesa de conceio, ayala[s] por eredade. Tod omme, que
 sacare coneio de losa agena, pectet IIII morabetis al
 quereloso et el coneio doblado, si potuerint ei firmare; sin
 autem saluetse, sicut forum est. Toda losa aya coto arredor
 de si que nol paren lina ni otra paranza, fasta un estadal
 aderredor de la losa a todas partes. Et si en este coto le
 pararen lina ni otra paranza, el dia primero desparela et
 ceuela. Et si sobre esto ly armare alguna paranza otro dia,
 pectetli I morabeti, si ei potuerit firmare; sin autem
 saluese con I uizino et alter la manquadra. Tod omme que
 desarmare o cogiere lina o cepiello de coneio por cada una
 noche pectet I conecho et por de dia perdiz al quereloso, si
 potuerit ei firmare. Sin non saluese sicut fuerit la
 peticion.

 Colmenas.
 Tod omme que colmenas ouiere et a primas poblare corral con
 sus colmenas, nenguno non sea osado de meterly hy otras
 colmenas,

[ CXIII ]
 si non fuere por su amor, fasta una
 piedra echadura ha derredor. Et si le las hy metieren por
 fuerza, por quantas noches hy trasnocharen, tantos IIII
 morabetis pectet al quereloso fasta que las saque. Et si por
 auentura companneros fueren en una maiada et los unos
 quisieren guardarlas et los otros non, el qui las non
 quisier uelar o dar soldada por uelarlas, saquenlelas los
 otros conpanneros fasta una piedracha echadura aparte de las
 otras et sin calona, depues que testigos le fizieren. Toda
 exambre que exiere de un corral et fuere a otro et se boluiere con otras ayanlas por medio. Et si con otras non se boluieren, tome las so donno sin calona o quiere que las
 falle.

 Por toda demanda.
 De toda demanda diga el qui demandare de que es aquelo que
 demanda o por que, o como, ca ay cosas que es perigro del
 alma. Assi como es logro, que non deue christiano a
 christiano iudgar nin dar, et si lo iudgaren, non preste. Et
 cayales en peiurio a los que lo[s] iudgaren a dar, de
 christiano a christiano, et en descomulgamiento. Et otrosi a
 los que tienen la uoz de los logreros, et a quantos lo oden,
 et no lo deuieran. Por tod esto mando que qui demandar diga
 de que es o por que es o quanto es. Si no lo quisier dezir
 el qui demanda non responda el otro. Si sobr'esto le
 demandaren bestias meter no las meta. Si lo prendaren los
 alcaldes, tornenle sos penos con IIII morabetis, et sean
 periurios. Si el otro lo prindar, tornely los penos con II
 morabetis.

 Del carcelaggo quanto den.
 Tod omme que preso fuere et en la prision de conceio entrare
 et hy trasnochare, si uizino fuere, de en cepagdo I ochaua
 de morabeti. Et el qui uizino non fuere, de I ochaua a la
 entrada, et otra a la exida. Et si hy non trasnochare, non
 de nada.

 Qui ouiere iudicio et enfermare.
 Tod omme qui iudizio ouiere con otro, tambien de corral tambien 
 de otro iudizio, et este comedio enfermare o catiuare o
 muriere, o enemizidad le uiniere, non sea caydo, nin pectet
 calonna. Et por la enfermedad quando sanare iure que tal
 enfermedad ouo que a plazo non pudo uenir et responda. Et si
 non iurare, pectet la calonna sicut forum est.